صورة مصغرة لـلهيب الحب الجزء 16

لهيب الحب الجزء 16

lah 7ob lahib lhob l7ob al7ob

الفصل الثاني من قصة لهيب الحب

حتى حاجة مكنكونو حاسبين ليها حساب كلشي كيجي فواحد اللحضة مكنضربوش ليه حساب نهائيا وخصوصا الى ولفنا شي حاجة ديما كنشوفوها نشيطة حتى كتعيا وكتبغي راحة وهادشي الي وقع مع اعز شخص محبوب فالعائلة واعز اخ واعز صديق مجموع فيه كلشي قد فكاهتو وخفة دمو قد عقلو الكبييير الرزين الي كيحمل حكم ونصائح...تعاشر مع غيث وهاهو دابا عشير ولاد غيث صاحبهم الانتيم عندهم صحابهم قدهم ولكن هو صحبتو معاهم وحدها ميمكنش ينفنفو الا لما شاوروه كثر من باهم ...
في المستشفى كاين مرتو وبنتو وليالي وغيث وميار وحتى حليمة ...الي اصرت انها تجي معاهم بطبيعة الحال ومهدي اول واحد مد ليها يد العون ...
ميار : افففف افففف مال هاد الطبيب كلس عام ...
غيث : تهدن اولدي يكون خير ...
ميار : ياربي ياربي...
سورجان : ياربي ياربي ياربي ...
ليالي : حبيبتي تهدني ان شاء الله خير ...كيفاش وقع ليه بعدا ..
سورجان : فاق صلى الفجر ورجع تكا وهو يفيق بغا يمشي لخدمة حتى سخف قاليا كنحس بقلبي كيضرب بجهد وفيه دوخة ...حتى طاح سخف ...
ليالي : "كدوز ليها ايدها على ضهرها باش تخفف عليها " يكون خير احبيبتي يكون خير ...
مزالين كيهضرو حتى خرج عندهم الطبيب بملامح ممفهوماش ...
مشا عندو غيث وميار ومرتو وقفو ليه ...
سورجان : خير ...
دكتور : نتي مراتو ..
سورجان : اه انا مرتو ..
طبيب : قولي ليا اشنو كال بضبط ؟؟
سورجان : تعشينا عشا عادي كنا دايرين لحريرة بغاها هي وتمر والبيض راك عارف توابع الحريرة ..
الطبيب : متاكدة !!
ميار : علاش اشنو واقع مالو اش عندو ماشي ازمة قلبية ؟؟
طبيب : شكون قاليكم ازمة قلبية معندوش ازمة قلبية وهو دابا بيخير غير وقع ليه انتفاخ في الامعاء وانتفاخ كبييير غير حفضو الله ...وسرحناهم ليه ...اضافة لضغط الي طلع ليه هو الي خلاه يطيح ...
سورجان / انتفاخ الامعاء !! مناش ادكتور ..
دكتور : كال شي حاجة ماشي فوقتها ولمشكيل سببت ليه هادشي الي ذكرت ...مكاين حتى ازمة قلبية تذكر ..
سورجان : ثبل ميطيح شد فقلبو وقاليا قلبي كيضرب بجهد وفيا دوخة يمكن ازمة قلبية هادشي الي كان ..
طبيب : مكاينش ازمة قلبية ابنتي هههه ازمة قلبية را عندها اعراض بوحدهم ...مهم هو دابا ولا بيخير غايبات هنا صباح يمكن ليه يخرج ...على سلامتو ...
ميار : الله يسلمك ...اوففف ازمة قلبية هههههه تي هذاك شي نهار يدير فينا ازمات تيقتل ديلمنا عاد تجيه ازمة قلبية ...اربي اش كال اش را ديما نتقاشح معاه وكلشي كياكلو فوتي غالحجر واقيلة تاهو كياكلو ....
غيث : كنتو بزوج فالغذا ديال دوك ناس الي معاكم فشركة ...اش دارو ليكم ..
ميار : والو غذا عادي كانو دايرين لحوت بالانواع وليصالاد وديسير مشكل و..."تفكر " نااري زكا ...
غيث : اشنو ..
ميار : كان السي العلاوي جاب شي هندية مستوردة وغير بانت ليه وهو يعطيها دق قاليك مكيشوفها من صيف لصيف فاش كان باقي صغير وحال هادي مداقها ..
غيث : "دار ايدو على وجهو " نااري مهدي والهندية عشق لا ينتهي نااااري

وصل المساء كان قريب المغرب يودن ...ضل كيطحن فطريق الي ولات بالنسبة ليه عاادية ولا حافض طرقان منين يختاصر باش يوصل فاقرب وقت كيمشي بسرعة كبييييرة جدا وفي لوطوروت اكثر ...جاي بلا هواه وفبالو يلقا عمو العميم صاحبو بيخير....كان باقي ليه خمسة دقايق ويدخل لمدينة فاس ....دوز الاتصال لخوه ميار ...
نيار : امضرا !! 
ميار : مال تيليفونك طافي من صباح وانا نعيط اصحبي ..
نيار : ديشارجا ليا ومحسيتش بيه حتى قلبتو وملي شعل مكانش ريزو ..دابا هضر كيف بقا ..
ميار : والحمد لله حتى تجي ...
نيار : ياك لباس عليه ناااري خلعني والله ..انا خمسة دقايق وندخل ...
ميار : واخا ...كان كيهضر معاه وهو يسمع صوت ليالي كتسكت في حليمة ..
نيار : مالها حليمة !!!! 
ميار : بلاتي ...
ليالي : تنفسي ابنتي تنفسي ..
ميار : الوليدة مالها !!
ليالي : غير رجعات عادي اولدي ...
نيار عقلو بغا يخرج حيث ميار بعد تيليفون ومجاوبوش...
نيار :وايحرق جد مك الكلب فيييييين مشيتي هضر از*** مااالها !!!
ميار: "رجع دار تيليفون فودنو وهو يصرعو غوات خوه " القل*** بشوية ينعل مك مالك ...
نيار : فااكيو الحماار انا وصلت لكلينيك تفو على مك ...قطع عليه وفرانا بجهد قدام الكلينيك حتى ضارو ناس كيشوفو ...خرج من طوموبيل ومشا كيجري لسانسور وطلع نيشان لعندهم عقلو غاب كيشوف غير جوج تناس الي بغا يعرف مالهم واكثر شي حليمة ....لقاهم كالسين فلكلوار حتى وقف عليهم ...
نيار : "عينيه خارجين بالخلعة "مالها فينهي وعمي فينهما ..
ليالي : بشوية عليك اولدي هههه مكاين والو غير غايبداها لوحم داكشي باش ...عادي هادشي اولدي ...
نيار : فينهي ؟؟
ليالي : راها فشومبر حدا شومبر عمك داتها عبير تكا شوية سير شوف عمك عاد سير عندها ..راه عادي داكشي متبقاش تهزها منين تقالت اولدي الله يرضي عليك ..
نيار : "تنفس صعداء " افف وخا احبيبتي انا ندخل عند عمي ونمشي عندها ...دق الباب ودخل عندو كان متكي وكيشوف فالبورطابل ...
نيار : داااابا هذاك وجهك ولا قدمك غا قوليا ...
مهدي : كمارتك الزين ..اش بغيتي تانتا زيد قول جوج كلمات ديالك ...
نيار : كرموص نصارى اصحبي ...
مهدي :مالو مك كرهتيه ..
نيار : فين طحتي عليه فهاد الوقت ...
مهدي : كليتها عند واحد سيد صاحبي عارض علينا لغذا وحطها قاليك مستوردة اسيدي الهندي ولات تتستورد وحنا من صيف لصيف عاد ناكلوها ...ليا سنييين مكلتها ...
نيار : ههههههه حق الله الى نتا بوحدك العميم عرفتي الحبس قتلتيييني بالخلعة والله ..
مهدي : كيف مك نهار خرجتيها مني نتا وخوك فاش بغيتو تزادو ...
نيار : دابا ديك ✌🏻تزادينا✌🏻 ليك فالخطبة مبغاتش تصرط ليك ياك ..
مهدي : الى يوم الدين اولد ناس ..
نيار : تت ههههه لا حول الله ...ياك غا لباس مكاين لا ازمة قلبية ولا حبية ..
مهدي : امك انا هنا بارك ليكم تتموتو نتوما عاد لتاحق بالفريق عند ابو جهل ..
نيار : الله يحفضنا ..
مهدي : لا اولدي بلاصتنا حدا البرمة لكان غا معاك نتا وخوك ...

واحد من ليشومبر ديال لمستشفى الي كيملكو فيه نسبة كبيرة مايقارب نصف ...خداوه ليها باش تكا حيث مبغاتش تمشي حتى تطمان على عمها مهدي ...كانت متكية وبدا نعاس كيديها ..
حل الباب بشوي ودخل ...
مشا لعندها وكلس بجنبها حيد خصلة من شعرها كانت على عينيها وهي تحل عينيها ...
حليمة : "ابتاسمت " نيار ...
نيار : "ببرود"شوية !!
حليمة : "ناضت تقابلت معاه وحادرة راسها وحنيكاتها مزينكين " باقي مقلق مني 😞...
نيار : "كيشوف فيها مزيااان " اشنو كيبان ليك ..
تلاحت عليه وهي تعنقو وضورت ايديها وتنخششت فيه بحال شي مشة ...سمح ليا والله ماقصدت غير كنت كنضحك مع ماما والله والله منديرها ...سمح ليا اهى اهى ...
نيار / شد ايديها وبعدها عليه شوي وقابلها معاه ...شي مرات كتفكري شي تفكير الي يقدر يخلي علاقتنا في الحضيض شي مرات كتفكري كتخليني نرجع نيار الي كيخليك تفكري مزيان وتحسبي الف حساب ...غانعاودها للمرة المليون والاخيرة يوقع بحال هادشي غاد تكون هضرة اخرا ومغايعجبكش الحال ...تفاهمنا ..
حليمة : "جاوباتو براسها وعينيها فلارض " 
نيار . هز ليها راسها بصبعو ...كليتي شي حاجة ...
حليمة : لاا مفياش مياكل ...عفاك ممكن نطلبك !!
نيار / اشنو !
حليمة : بغيت ماما ليالي ...
نيار : لاش ..هاني انا قولي اشنو بغيتي ..
حليمة : بغيتها تجي حدايا نتكا عليها عفاك ..
نيار : وانا !! 
حليمة : بزوجكم ...
نيار : كتصطاي نتي !! 
حليمة :لااا والله 😯😯...بغيتها نسولها فشي حاجة ..
نيار : قرب ليها وجرها عنقها ...قولي ليا احبيبتي وانا نعاونك قولي اشنو خاصك ..
حليمة : حشمت 😞
نيار : "شافيها " معمرك تحشمي مني صافي تخطينا ديك المرحلة احبيبتي ولنفرض مكانتش هي معانا وكتا فدارنا اشنو كنتي غاديري ..
حليمة : كنت غانعيط ليها فتيليفون ..
نيار : خنزر فيها ..واخا انا نخرج نعيط ليها ...وجدي راسك باش نرجعو لفيلا ترتاحي ..يلاه بغا ينوض وهي تشدو من ايديه حتى ضار جيهتها ...اش كاين اش بغيتي .!!!
حليمة : قرب اجي نقوليك ...
قرب مسكين على نيتو وهي تشدو من لور وجراتو لعندها تلاحت عليه لفمو كتبوس فيه ولاول مرة كيشوف منها هاد البادرة ومشكيلة مكتعرفش تبوس كان ديما هو المتحكم ...
خرج عينيه صدماتو بهاد الحركة ولكن دغيا استسلم ليها ومشا معاها فريتم فاش بدات حتى شدها من ضهرها وزاد ضغط عليها وقربها اكثر كيلتاهم فشفايفها ويقول مالتاهمت وحتى هي كتزيد فلوتيرة حتى قلبوها مصان وعضان بزوج ...
نيار : كيهضر ويبوس ...اححح فين كنتي اممم فين كنتي مخبية هادشي ..
حليمة : بدون جواب ممسالياش ههه ..
طلع ايديه تحت تريكو ديالها وطلع لصدرها جمعو بايدو حتى جمعو وهو يعصرو بجهد حتى قفرت وبعدت منو ..
حليمة : حشومة عليك 😢
نيار : بغيتي يسمعو غواتك هنا انا الي عارفك موصيبة ... خلي تنمشيو لبيتنا ونن "غمزها " 
حليمة : "غرقت فحوايجها مبقاتش قدرت تهز راسها فيه حيث عرفت اش دارت واش كدير " 
نيار : وينووو فار الگبص كيحشم ...
حليمة : فار الگبص"بدات تبكي " وااااا اهى اهى اهى حشومة عليك ماشي فار الگبص ...هننن اهى ...
نيار :ههههههه ..
حليمة : صافي غير سير وجيب ليا ماما ليالي بغيتها نبوسها ..
نيار :"سافل بالفطرة مشا دماغو بعيد " اويلي على تبوسيها 😳

مرت الايام وكل واحد وكيفاش دازو عليه ...المهدي الي تماثل لشفاء ورجع لخدمتو الي حلف ميگلس منها ...ونيار الي واحل مع مرتو وكلس على قبلها وخا غابت على الكلية ايام ولكن بطلب منها انها تجي تعاون ليالي واخا غير تبقى معاها وهادشي كان قبل متعرف انها حاملة وكانو الهرمونات الي مخلينها تبغي تبقى معاها ومكانتش حاسا بهادشي لا هي لا ليالي لا نيار ...وشكون غايحس ....
وسي العريس الي الان فهاد اللحضة هو ونيار ومهدي ولاه عندو فدار كيلبس ...
نيار : يلاه طلقونا باقي خاصني نمشي ندي لوليدة وحليمة لاوطيل ...
غيث : بقا مع خوك انا نمشي نديهم ..
نيار : يلاه واخا ...
مشا غيث لعندهم لفيلا وبقا مهدي وميار ونيار كيعاونو فيه يتقاد ويوجد راسو باش يدخل لاوطيل فين مقام العرس ...جا تيليفون لنيار ...
نيار : الو وي انور ...لقيتوه !! العز شديد مع راسك ...وفين كان غابر هاد شهورة !! 
نيار :المريوة لاخور تفوو ..مهم شدوه عندكم رحبو بيه بينما جيت غذا فصباح ندوز عندهم ..كرموووه ليا تنجي ..قطع 
مهدي : لقاوه ..
نيار : بغاو ميلقاوهش "بغمزة " 
مهدي : غانمشي معاك متبقاش وحدك معاه ..
نيار : بلاش را معايا دراري كون هاني ..
مهدي :رجلي برجلك غاتهنى ..
ميار : وانا ..
نيار : معندك فين غادي ديها فرسك راك عريس اصلا معندي معاه غراض غير نقرص ليه ودنيه يتقود بمرة وصافي ...
ميار : ورد بالك نتا فاش كتجنن راك لا حول ...مهم يلاه يلاه غانتعطلو ...
...داز العرس كما يجب كان حاضر فيه الشخصيات الكبار معارف غيث القدام ومعارف ميار ونيار رجال القانون كانو شخصيات مرموقة ومهمة في الزفاف ...دخل ميار بجلابة فالمسكي وتحتية ديالها وبلغة صفرة ...كان وسيم بزاف دخل كيف العادة على العروسة الي كانت كتنقش وحادرة راسها ...حتى هز ليها طرحة وقبل جبينها قبلة حب وشوق وفرحة واعجاب ...ومشا خلاها حتى كملت نقيش ومشا كلس حدا رجال ومن بعد عيطت ليه نكافة باش يمشي معاها تبدل لبسة ثانية ....
فهاد الاثناء كان واحد العاشق الولهان المتيم كالس مع رجال فضفة لاخرا كيقلب عليها بعينيه حتى قشعها مخشية فامو وضحك على هبالها الي ولا فيها ..ولكن عينيه لمعو بجمالها الفتان الي كان مبينها فالحفل ...بلباس تقليدي في قفطان غوز بيبي مطرز بالارجونتي وبالاحجار المرصعة اللامعة ومكياج صموكي برز عينيها زرقاوتين وعكر ماط فلبوردو الشي الي خلاه يعقد غوباشتو وينوض يوقف ويعيط ليها فتيليفون ....
حليمة : ماما هذا نيار ..
ليالي : جاوبيه شوفيه اش بغا ..
حليمة : الو ..
نيار : شوفي قدامك شوي شفتيني ..
حليمة : اه شفتك ياي لابس جلابة 😻😻...
كان لابس جلابة فالابيض وتحتية ديالها وبلغة فالاصفر بخدمة لايد ومطلع شعرو الاسود الداكن لفوق بطولتو الملفتة وتكضيرتو وكتافو العراض خلاو اغلب البنات يبقاو حاطين عليه العين كانت وسامتو وحروشيتو ملفتة وجديتو ...ناضت هازا جلايلها لا تعتر وصباط طالون فلون الطرز وصويك صغير وشعرها الذهبي مجموع بمشيطة مهملة ...شافتو خرج وهي تبعو حتى وصلت عند الباب وهو يجرها من ايدها ...ودخلها لواحد شومبر سد الباب بجهد وتكاها مع الحايط وحاصرها بايديه ...عاقد غوباشتو ومخنزر حتى خلعها ...

بقا مكاليها مع الحايط ومخنزر فيها الشي الي خلعها وريكها ...ماعرفت اش كاين ولات غاترعد وقلبها كيضرب لا من الخوف ولا من ريحة الي داير وجابت ليها تمام ولا من قربو ليها ...
حليمة : مم مالك ...
نيار : شكون دار ليك هاد العجب فوجهك ...
حليمة : عند الكوافورة الي مشينا عندها كلنا ...زوين !! 
نيار : اه زوين وبزاف وماشي ديالك ومبغيتكش ديريه والي جا يحل فمو فيك وقل*** 
حليمة : وجهها تزنگ...
نيار : غادي تمسحيه ..
حليمة : لااا عفاك 😢...
نيار : راه قلت اش ديري ...
حليمة : بداو دموعها يهبطو وتنخصيصة كطلع ليها بشوي كيف شي مشيشة ...انن هاني ...
نيار : "قطعت ليه فقلبو " يلاه بغات تبدا تمسح وهو يحبسها ...صافي بلاش ...واعديني يكمل لعرس منشوفوش فيك من ورا لعرس تفاهمنا ..
حليمة : مسحت دموعها بفرحة ...واخا والله تنحيدو والله هههه شكرااا ...تلاحت عليه عنقاقتو بجهد ..حاجة بسيطة قدرات تفرحها وهادشي خلا عقلو بغا يخرج من بلاصتو فاش شافهت فرحانة كانما هو الي فرحان ..مسح ليها دموعها وشاف فيها طلعها وهبطها ...
نيار : احححح على زين ديالي ولغدالة تاعي فالقفطان ...
حليمة : هههه حتى نتا جيتي زوين فجلابة ...😍😍...
نيار : شي واحد خفيف هنا ..
حليمة : هااا اشنو ااا لاا عفاك غادي غادي نن..
نيار : غادي اش ههههه "شابك صبيعاتهم " زيدي نمشيو لداخل زيدي هههه نتي معاك واحد خفيف نتي هههه مع هادشي غانبدا نصدق فارع مك ...جرها وخرجو مشاو دخلو لقاهة الي فلوطيل وصلها حتى لطابلة لي فيها ليالي والبقية عاد مشا هو جيهة وجال ...كلست وهي تبان ليها وحدة جرت نيار كتضحك معاه ودير حركات الي خلاو العافية تشعل فيها ...
نيار : انصااف !! 
انصاف : نيااار !! ههههه 
نيار : اهلاان وسهلا صافا فين غبرتي ..
انصاف : راك عارف مشيت نكمل ففرنسا وتزوجت تم وهاني جيت نبدا لخدمة هنا فبلادي مع راجلي وولدي هههه ونتا فين وصلتي ...
نيار : مزيااان انا ...يلاه بغا يكمل اتا وقفت عليهم ...حليمة ..
حليمة : "بدات تمخشش فيه "نيار بغيتك ..
نيار : بب اهههه ..هادي م...
حليمة : مراتو ..
انصاف : "حبست ضحكة " متشرفين احبيبة وانا انصاف ...كنت كنقرا معاه اصدقاء دراسة ...نيار زوينة مرتك ..
نيار : ههه زو...
حليمة : نياار بغيت نمشي نكلس عييت ...
نيار : "تزير "احم حبيبتي سيري هاني جاي ..
حليمة :لا يلاه معايا مقدرتش نتحرك ..
نيار : همس ليها " راك عيقتي غانضرب مك تتلصقي هنينا " 
حليمة : حدرت راسها جاتها البكية وهي تعتق انصاف الموقف واستاذنت منهم ومشات اما هو ..
نيار : ضار شافيها وشدها من ايدها وهو يجرها ثاااني لنفس شومبر ....يااااك لباس مالك !! 
حليمة : "غوبشت فيه " مماليش 
نيار : غانمسح لموك لعكر ونخليك تبكي ..
حليمة : اوكي مسحو وتانا نشوفك كضحك مع شي وحدة نن 
نيار : "جاتو ضحكة " ههه ننن اش من مك مكتعرفيش تهددي لاش كطيري لاااش 
حليمة : مضحكش معاهم اهى اهى ..
نيار : حق ربي تا هبلتي بالله ..زيدي لا نفتخ حبك هنا زيييدي ...مشات قدامو منفخة ومغبنة معجبها حال وهو وراها ...
نيار : "جر جلابة من لعنق قادها " هاااحححااااححح😎

يتبع

أحدث القصص
قصة يامنة من تأليف Sana mina
قصة يامنة Sana mina
قصة بريق عينيك من تأليف سكينة أيت الكبير
قصة بريق عينيك سكينة أيت الكبير