صورة مصغرة لـلهيب الحب الجزء 18

لهيب الحب الجزء 18

lah 7ob lahib lhob l7ob al7ob

الفصل الثاني من قصة لهيب الحب

كانو كالسين فدار بزوجات كيهضرو ...وفي نفس الوقت كيتغداو وحليمة كتاكل فالمعقودة الي صابتها ليها ليالي خصيصا ليها ...طاحت فيها عمية تاكل وتقول مكلت ..
ليالي : هههه بشوية عليك ومتكتريش النتي را زيت غايضرك ..
حليمة : خليييني خليييني ...ممم بنييينة ..
ليالي : ههههه ..نيار شفتو تعطل على لغذا ..
حليمة : الى تعطل را مغايجيش حيث كيقوليا الى تعطلت غير تغذاي ..
ليالي : ايوى نخلي ليه ..
حليمة : حطي نتغذاو راه جعت وشميت ريحة طيابك بنينة ..
ليالي : ههه اش كديري دابا ..
حليمة : كندوق ههههه ...
هما كيصهرو حتى دخل وشرار فعينيه داز عليهم وهما كيهضرو مداهاش فيهم ودخل لبيت سد الباب بجهد حتى بغا يطير من بلاصتو ...
حليمة :"طارت ونزلت حتى شدت في قلبها " ماما 😢...
ليالي : سلام قول من رب رحيم ياربي سلامة مالو !! 
حليمة : ماعرفتش ..بغيت نمشي نشوفو ومقدرتش ...
ليالي : بلاش غير خليه راك عارفاه كيتعصب مع لخدمة هكاك خاطرو داير ..درك يتنفس ويخرج ...
في البيت كيمشي ويجي كيمشي ويجي ويحك فراسو وينفخ بعصبية ...كيكمش فايديه على شكل بونية ..تلفت بيه دنيا حس بقلبو مزير عرف راسو في خطر ولكن ماشي هادشي الي مقلقو ومزيرو الي مزيرو هو عائلتو ...فاش كان اخر مرة قبل ميسافر لامريكا فاش دخل معتز لحبس من بعد ماجمع ليه ضواصاه وغرقو تا غرقو وبمساعدة اقرب ناس ليه والي معاه غذرو بيه لصالح نيار ...هددو بجملة تفكرها وعمرها متنسا ليه ..
معتز : ههه ماشي مشكيل غانخرج نخرج ولكن تفكر فاش نقرب نخرج غانبغي لقا دنيا مسيقة لاستقبالي " قلبك غايتحرق باقرب ناس ليك " ههههه
نيار : زااام** الي ولدك بربي وتكون منك حتى نحي ديلمك بربييييييييي افففف مال هاد لقل**سكن ....صوتا تيليفون جاوب ديك ساعة ...الو امضرا ...وشكون الي كينوب عليه ...مجدي ههههه هذاك ولد الكلبة رجع لمغرب ...واااخا صافي شوف نبغي تفاصيل دقة بدقة فهمتييي وياويييل مك تغفل ليا على ادق تفصيل وخا يكون باااايخ تقولو ليا ..قطع عليه وعاود دوز الاتصال هاد المرة لمهدي ...
نيار : عمي ...عاود ليه اشنو جرا ..
مهدي : موقع ليك والو !! 
نيار : تت لا حتى طوموبيل مجرا ليها والو زاج بلاندي ..
مهدي : متاكد معتز بناني ..
نيار : ومن غيرو هاا..عرفتي وكان هو غادي نقتلو ونتهنى ...
مهدي : ومني تقتلو لمن غاتخي ديك لمرا ومك ااا كتفكر شي الحمار ولا لا ..
نيار : كنفكر ااه ..يقدر يدوز لعائلتي هذا را انذار اول ليا زعما ..انا مكنخافش منو ونتواجه مع مو ومنعقلش عليه ولكن انا عائلتي مي با خوتي وولدي الي جاي فطريق اشنو ندييير !!!فاش كتوصل الامر بعائلتك كتلف ليك جرية راه نقتل راااسي وجرات لشي واحد فيهم شي حاجة اعمي را جناحي غادي يتهرس ...نيار غايتهرس لا وقعت لشي حد فيهم شي حاجة ...
مهدي : "بقا فيه حس بيه مقهور على عائلتو " واخا اولدي مديرش فبالك يكون خير كون هاني ...ولكن سمعني مزيان اش غانقوليك اول حاجة باااك ميعرفش ولا غايقلب علينا زمر كلو ..
نيار : لا ميعرفش 
مهدي : مزيان ...ودابا سمعني اش غانقوليك دير ...
خرج من البيت لعندهم لكوزينة جاي مخنزر ولكن غير وصل عند الباب حاول يرجع طبيعي بزز وخا مقهور ومعصب وخايف فنفس الوقت ...
نيار : سلام عليكم ..
ليالي : عليكم سلام ولدي ..
حليمة : تغذيتي ؟؟
نيار : "مشا كلس حداهم فطابلة الي فلكوزينة "الكوزينة كبيرة ومجهزة من كلشي وعصرية بزاف ..."صال امونجي " تت مفياش ...اوففف ضرني راسي بزااف ...
حليمة : نجيب ليك كينة ..
نيار : واخا ...
مشات لبيت تجيب ليه كينة وهو يضور جيهة امو استغل عدم وجود مرتو ..
نيار : الوليدة بغيت نطلبك طلب وخا ..وعفاااك ديري ليا خاطري ومترجعيهاش فوجهي ...
ليالي : عينيا نعطيهم ليك امر ..
نيار : الله يحفضك احبيبتي ... بغيتك تبقاي معانا هاد الفترة كلها بينما تولد حليمة ولا مني تقرب تولد تمشي معاك لفاس الله يحفضك ..
ليالي : ولكن باك واختك ..
نيار : ختي متخافيش عليها معاها الوليدة ومعاها لخدامة ىميار تاهو وخا تزوج كتبقى مرة مرة معاه ...
ليالي : ماعرفتش اولدي ...
نيار : "حط ايدو على ايدها وكمش عليها " الله يخليك احبيبتي معمري نسا ليك هاد الخير وراحتك غاتكون قبل راحتي انا وحليمة كلشي غادي نوفرو ليك الحصص ديالك فاحسن مركز ديال تصفية ومع طبيب ديالك لول والي بغيتيها تكون عندك ...محتاجك اميمتي فهاد الفترة "كان قلبو حس " والى على الوليد غادي نهضر معاه خليه عليا ...
ليالي : "بغد تفكير " وخا الى بغا هو متسالني غير الخير اولدي ..
باس ليها ايدها واستنشقها حتى غمض عينيه قلبو من لداخل كيضرب ...
دخلت حليمة هازا كينة ديال راس مدتها ليه ...هاهي انا نجيب ليك كاس ديال لما ...
نيار : غير كلسي انا نجيبو ...اجي غدا عندك لكونطرول ديال طبيبة ..
حليمة : اه وغذا غاتقوليا اشنو عندي ..
نيار : ههه اشنو بغيتي يكون ..
حليمة : ماعرفتش ولكن بغيتها بنت باش تشبه لماما ليالي 😻😻
ليالي : ههههه 
نيار : ومبغيتش ولد يشبه ليا ..
حليمة : لااا غادي يخرج فيا العجب "غوبشت " 
نيار : "خرج فيها عينيه" يااااك هي انا مخرج فيك العجب دابا 😳
حليمة : هممم امم لا ...ناضت كتجري تخشت حدا ليالي ...
نيار : والله يا مك تنفارد بيك ونوريك لعجب لي غاندير فيك ...
حليمة : "كتغمز فيه " اويلي حشم 
نيار : "واالو واش مرگ" غانشوفو مك ليلة واش غاتشوفي لعجب ولا لا ...
حليمة : واسكت اهى اهى 
ليالي : هههه اويلي سكت مبقيتيش تحشم البغل ..
نيار : قرب لعندها حتى لوجهها ودار تخنزيرة شياطين ...اشنو ديري الى كان ولد ...
حليمة : ها كيفاش ..
نيار : اجي معايا 
خليمة : ماما ..
نيار : غير اجي متخافيش ...جرها من ايدها وداها خلا مو ميتة بالضحك ...دخلها لبيت وسد لباب ...الى كان ولد ...غاديري اشنو غانقوليك ..
حليمة : الى كانت بنت 
نيار : العكس ..
حليمة : اشنو غادي ندير ...الى كان ولد ..
نيار : بغيت ليلة تكون مقودة منك "بغمزة " 
حليمة : "حلت فمها " هااا مفهمتش 
نيار : من هنا لنتيجة فكري اشنو هي ليلة مقودة ..
حليمة : والى كانت بنت ...
نيار : ندير اشنو بغيتي ..
حليمة : اشنو بغيت اشنو بغيت ...
نيار : كلمة رجال ...
حليمة : غادي نمشي لبلاد نشوف دارنا وبا ...
نيار : ايه ..
حليمة : وغاتجي معايا تحلب البقرة الي ولداتك ..
نيار : اشنو !!!؟؟؟ 
حليمة : هاء بغيت نقول لبقرة الي ولدات لعجل الي سميتو عليك 😳😰...شافتو بدا يخنزر وهي تسبق رجل وهي دير فييييو فرتحت لعند ليالي وتخشت فيها ....

في الليل كان كلشي ناعس ومرتاح البال الا شخص واحد الي لهم رجع ليه من جديد في كل مرة كيقول تهنيت حتى كتخرج ليه شي حاجة كتخليه يرجع يخمم من جديد ويتعصب ثاني ويرفد لهم لكل صغيرة وكبيرة ...
متكي وجارها خاشيها فيه وحاط ايدو على كرشها كيدوزها عليها...حتى بدات كتحرك وتمتم ...
حليمة : ممم بنينة ههه 
نيار : حذر راسو عندها ...بب !!
حليمة : بنيينة ههه
نيار : "جابت ليه ضحك بلهلا يطريه ليه " هههه اشنو هي ...
حليمة : ننن نتا اممم "مشااات " 
بقا كيضحك عليها وعلى نعاسها هبيل بحالها ...شحال وهو فايق حتى غفات عينو بالعيا من كترت تخمام ...اصبح يوم جديد ...مع صباح بكريييي صونا تيليفونو حل عينيه وهو يجاوب ...
نيار : الو ...صافي انا هابط عندكم تسناوني ...
تسلت منها بشوييي باش ميفيقهاش وناض لبس تيشرت ديالو غسل وجهو ولبس كلاكيط وهبط لعندهم ...كانت طوموبيل كبيرة وكحلة ...هبط لعندهم وهو يخرج منها انور ...
انور : سي المرواني صباح الخير ..
نيار : صباح الخير ..جبتي دراري ..
انور : طبعا ..ضور وجهو وهو يتحل الباب ديال طوموبيل لاخرا خرجو منها شي ستة ديال ليكاردكور طوال وعراض بزاف قد سخط ...
انور : في انتضار تعليماتك سي المرواني ..
نيار : همم مزيان بغيت يكون في جناب العمارة بلى ميحس بيهم شي حد وثلاثة يبقاو مع المدام فاش تكون فالكلية وبلا متحس ...ونبغيهم يكونو فايقين وعايقين غلط صغير بربي تنقبرك نتاا وياهم وراك مجربني فاش كنتعصب ياك ..
انور : الله اودي ..كون هاني وبالنسبة ليك انت ..
نيار : انا عارف شغلي منحتاجش...مهم انا وصيتك وفاش نبغي لمزيد غادي نعطيك خبر ..
انور : وخا اسيدي ...
بقا معاهم حتى عطاهم انور تعليمات وتاكد بنفسو ان كلشي هو هذاك ..قلبو حس وعرف ان عائلتو فخطر وخا مخايفش ولكن من وصل الامر ليهم فلازم يدير لازم وياخذ احتياطو حتى يتاكد ان كلشي غايولي فامان ...
نيار : "دوز الاتصال " الو امضرا ...
الشخص : مزال فالحبس ولكن اليد ليمنى ديالو رجع لمغرب وكيزورو مرة مرة من نهار رجع ..
نيار : مجدي ياك ..
الشخص : هو بنفسو ...
نيار : حط عينيك عليه وعرف ليا كاع تحركاتو حتى من الخرية لا خراها نعرفها سمعتيني ..
الشخص : كون هاني سي المرواني ..قطع معاه ودوز الاتصال ثاني لصديق ليه فالسجن ...
نيار : اهلا وسهلا عاش من سمع صوتك سي امين ..
امين : صاحبييي فين غبورك ..
نيار : حتى نتلاقاو ونقوليك اصاحبي ..ندخل فلموضوع بلا مقدمات ولا مقبلات ..
امين : دخل نشوف ..
نيار : زيارة لمعتز بناني ..
امين : ههههه هههههههه امتا تصاحبتي معاه ..
نيار : غانطح مك 
امين : امتا بالضبط ..
نيار : فاقرب وقت ...
امين : هو صعيب حيث عندو شومبر ديالو بوحدو وميزورو غير محامي ديالو ولا شي حد كيحمل كنيتو واقرب ناس ليه عائلتو ..
نيار : انا غادي نزورو بصفتي محامي وكنضن مغايكونش مشكيل ...

طلع لدار ودخل لقا امو يلاه فايقة كتحك فعينيها وهي تهز راسها شافتو داخل ...
ليالي : صباح الخير اولدي مالك فين كنتي ..
نيار : احم لا غير هبطت نسيت شي حاجة فطوموبيل وجبتها ..
ليالي / مغاتمشيش لخدمة !؟
نيار : تت غانبقا نخدم غير فدار ولجلسات المهمة نحضر ليهم ونرجع صافي ..
ليالي : ولدي علاش هادشي واش كاينة شي حاجة ..
نيار : لا غير بغيت نبقا معاكم ومع حليمة فهاد الفترة حتى تولد ونرجع نخدم عادي وخا هكاك مغانخليش خدمتي غير بغيت نتفرغ ليها اكثر وقت ممكن ...
ليالي : اه ايوى الي بان ليك ...انا غانوجد لفطور بينما فقتو ..
نيار : انا ندخل ندوش ونجي ...
دخل لبيت لقاها حتى هي ناضت وكتحك فعويناتها ...
نيار : مشيشتي فقتي ...صباح الخير
حليمة : صباح نور ...
ابتاسم ليها ودخل لدوش يدوش اما هي ناضت دخلت لدوش لولاني غسلت وجهها وحكت سنانها وخرجت بدلت حوايجها ولبست حوايج الخروج ووقادت حالتها وخرجت لعند ليالي لكوزينة ..
حليمة : "باستها" صباح نور ماما ...الله يرحة القهوة ..انعاونك ..
ليالي : غير كلسي ابنتي تفطري وارتاحي تعاودي تمرضي ثاني ...
حليمة : واخا احبيبتي ..لهلا يخطيك ..
ليالي : عندك الكلية ليوم ...
حليمة : اه ولكن حتى لعشية من دابا ساعة غانمشيو عند طبيبة ..
ليالي : ااه ايوى الله يسمعكم خبار الخير ..
بقات معاها فلكوزينة حتى خرج هو من البيت مبدل ومقاد الحالة وريحة بارفانو عاطيا من بعيد دخل عليهم باس كل وحدة فيهم وكلس فطر معاهم حتى وصل وقت الطبيبة ..
نيار : الوليدة يلاه معانا ..
ليالي : غير سيرو نتوما اولدي وبشروني ..
نيار : غير يلاه احبيبتي ..."باغي فاي فرثة تكون فجنبو " 
حليمة : عفاك يلاه معانا ...عفاااك ..
ليالي : تت واخا تسناوني لبس ...
نيار : حبي الي عطاني سيدي ربي اري بوسة قبل متجي ..
حليمة : غادي تجي ..
نيار : وانا لاش كنتشاور مع موك اجي لهنا ..جرها بجهد حتى لصقت معاه وهزها شوي تلاح على فمها ببوسة جمع ليها كلشي كيبوس ويجر ويشفط حتى قادا ليها ريق وخلاها كتلهت ...عنداك تموتي ..
حليمة : حشومة عليك اهى اهى ...
نيار : لبكاية لبوالة فار الگبص ..
حليمة : ماوكلي ..
نيار : اشنووو ههههه ام بگيرة ..
حليمة : ولدي ماشي بگيرة ..
نيار : هي غايكون ولد... وجدي مك ليلة لمقودة ..
حليمة : بغيت نعرف اشنو هي هاد ليلة ..
نيار : وانا سوقي مهم غانعاونك بشوي ..بغيت انا الي نغوت ماشي نتي ..
حليمة : هااا 🙄...
نيار : زيدي زيدي قدامي زيييدي تانشوفو اش كاين وديك ساعة نفهمك مزيان فهادشي مخك كيولي فيه ليمونة خامجة وضالا فشمش زيييدي ...
خرجت ليالي لعندهم جمعهم بجوجات تحت كتافو ومشاو خرجو ...خرج عند باب العمارة طل هكا وهكا قشعهم كانو بعاد وكيف وصاهم حرك ليهم راسو من بعيد وهو يركب مع عائلتو ..ديمارا طوموبيل وزاد خرج ايدو من شرجم شيد بصباعو وهي تبعو طوموبيل من بعيد مدايراش الانتباه كانها طوموبيل عادية ...وصلو لعيادة ديال طبيبة فمراكش ...كانت عندها موعد فساعة الي وصلو ليها وكيف دخلت قاليها الاسم ودخلو بثلاثة بطلب من نيار ...
الطبيبة : بنتي صافا ..باقي فيك دوخة وردان ..
حليمة : شوية ..
الطبيبة : غادي تنقص شوي بوشي غير صبري ..راك زعما قريب تولي زميلة ليا ههه 
حليمة : ههه ان شاء الله ...
نيار : قلتي لينا فلكونطرول الي فات غادي نعرفو اشنو عندنا ...
طبيبة : الى بغا الله قبل كان حتى تكمل شهر رابع ولكن مع تطور طب والاجهزة ولا سهل علينا نعرفو حتى فقل ...هي تقريبا دخلت فشهر رابع ونتمناو من الله لجنين يعرفنا عليه ..
نيار : علاش ..
طبيبة : ههه بعض الحالات كيكون قالب علينا وجهو داكشي باش يعني كيكون ضاير لجيهة لاخرا كيصعاب علينا نعرفو...
نيار : برجووولة حاولي تعرفي مسالة حياة او موت ...
طبيبة : هههههه واخا ان شاء الله .تفضلي معايا احبيبتي ...
ناضت ومشات تكات وجا نيار وليالي هو هنا وهي تم بجنبها ...خذا ايدها بين ايديه وكيشوف مع طبيبة فالايكو ...طلقت ليهم ضربات القلب ثاني ...
طبيبة : هممم لا لا الحمد لله باين ...
نيار : قولي اتيني اشجيني ...
الطبيبة : مبروك اسيدي عندكم بنية ..
حليمة : هههههههه ههههههههه هههههه 🤣🤣🤣🤣🤣🤣البقرة تنادي ههههه 
نيار : 😒😒

خرجو من عند الطبيبة ...الكل فرحان ..صحيح تغلب فرهان ولكن ماشي مشكيل يتعوض يتعوض على قولتو هو هههه ...كانو غادين باش يركبو حتى صونا تيليفون ليالي ...

ليالي : غيث كيصوني ...الو حبيبي ...اويلي مالها ...
نيار : ضار كيشوف فيها وجهها تخطف ..اش واقع !! 
ليالي : واخا دير ليها كمادات وقول لامينة تعطيها دوا غاد نهضر معاها تبقا معاها ...
نيار : اش واقع الوليدة .."اشرت ليه باش يتسنى " واخا حبيبي غانشوف ...قطعات ...
ليالي : لين طلعت ليها سخانة ..
نيار :"بخوف " مالها وعلاش !! وهي كيف بقات ؟؟؟ 
ليالي : باقا طالعة ليها شوي نوصلو لدار ونعيط ليه قاليا ليل كلو كانت فيها ومبغاش يفيقني ...
نيار : نمشيو عندها !! 
ليالي : مكاين لاش اولدي غاتولي لباس متخلعش عليها ..
نيار : را بنتي لولة هاديك ..
حليمة : نمشيو نشوفوها !! 
ليالي : دابا تولي لباس الى لا نشوفو اش نديرو ..متخلعوش عليها ..
نيار : واخا احبيبتي ...
الحراسة مشددة بدون ميعرفو كل من ليالي وحليمة ...كان حريص جدا على تشديد الحراسة ...حتى جاه اتصال من ...
نيار : طلعو نتوما انا نهضر ونمشيو ...الو امين ..
امين : الزيارة الاسبوع الجاي ولاكن ..
نيار . اش !!
امين : مقلناش شكون ومغانقولش حتى دخل راسك ..
نيار : مزيااان ...
امين : رد لبال لراسك اصحبي راه مساهلش راه واصل وبزاف وشريك مع اخطر المافيات ..
نيار : ولكن انا اش ليا شغل بالمافيات ديالو انا كلامي معاه شخصيا وصاافي ...
امين : وانا قلت ليك انا نصحتك من باب صداقة اما من باب العمل فا كيبقى شغلك ونتا ادرى ...ولكن حيث نتا صاحبي وخويا منبغيش ليك هادشي ...
نيار : عالرف الي كاين لهلا يخطيك ...مهم بيناتنا اتصال ...قطع معاه وضار تاكد من الحراس غمز ليهم وهو يدخل لطوموبيل كانت ليالي حداه وحليمة فلور ...وديمارا ...
نيار : حبيبات قلبي زوينات ديالي فين تبغيو تمشيو ...
حليمة : هههههه 
نيار : ضحكي لمك نتي غا بلاتي ..
ليالي : بغيت نعرف غا مالكم ..
حليمة : هههه ماما نيار غايحلب البقرة ..
ليالي : ههههه كيفاش ..
عاودت ليها على رهان ..
ليالي : واسمح ليا اولدي خاصك تحلبها ...
نيار : دابا تافقتو عليا ياك ..ولكن الوليدة تانا بغيت ..
ليالي : اش بغيتي اولدي ...
نيار : بغيت نغوت اميمتي بغيت نغوت اولاد ناس ..علاش معندي زهر فالغوات انا ...
ليالي : اويلي يهديك الله علاش تغوت بسم الله عليك 
حليمة تكمشت في بلاصتها وحدرت راسها ووجها تزنك ..حيث فهماتو اش قصد ..شاف فيها من لمراية ديال طموبيل عض فشفايفو وكيتحلف زعما ديريها لمك ديريها يا بنت يا ولد وغمزها ....

#يتبع