صورة مصغرة لـلهيب الحب الجزء 19

لهيب الحب الجزء 19

lah 7ob lahib lhob l7ob al7ob

الفصل الثاني من قصة لهيب الحب

عند باب السجن المتواجد بمراكش ...بلاصة طوموبيل فجنب ...ترجل من سيارة وسدها ومشا جيهة الباب قدم نفسو ودخل دغيا بدون عقبات ...او مشاكل ...تلاقا بصاحبو امين ...
امين : عشيري صافا ..
نيار : اهلا وسهلا الحمد لله ونتا ..
امين : هاحنا ...اجي معايا ... 
نيار : باش كتعجبني عارفني ...
تم غادي هو وياه دخلو من الباب لول وثاني عاد دخلو من واحد الممر خاص المودي لواحد القاعة خاصة بالزيارات ديال شخصيات الي معروفين وعندهم حكم خاص ...
نيار : صافي غير سير انت ..
امين : سييغ .."اكد ليه بحركة راسو " خلاه ومشا وبقا هو مقاد مع باب القاعة ..."كمش ايديه بعصبية وغمض عينيه خذا نفس عميييق قبل ميحل عينيه ويحول نضرتهم لنضرات شر طاااغي ...دخل لقاه كالس فوق الكرسي وضاير جيهة لاخرا كيلعب بسيجار ...
نيار . : بناني ...
ضار جيهة مصدر صوت حيث مكانش عارف شكون جاي عندو ...ابتاسم باستهزاء ...
معتز : المرواني ...جاي يزورني هل القمر ..
نيار : هههه لا وحياتك جاي نطمان واش مزال هنا واش مزال مغاتكمش ولا لا ...
معتز : "هز ايديه زعما هاني " كيف شفتي انا هنا سيادتكم ياك بنفسك دخلتيني لحبس هههه ولكن مغالومكش انتا كيف كتعرف هادي دنيا فيها لغذارة وهادوك الي كانو معايا وعاونوك رسلتهم لبلاصتهم ...باش نخرج نشكل فريق جديد ...
نيار : تت مكاينش خروج الزين ..."شاف فيه بنضرة نارية " جوج كلمات غانقولهم ليك ...عائلتي خط احمر ..انا رسلت لحبس ولكن هاد المرة غاد نرسل مك لعذاااااااب فهمتي اشنو لعذاب ..
معتز : "طرطق صباعو وضحك " ههههه اش ليا بخراك اه بغيت نقول عائلتك ..هو كيهضر وهو يجمعها معاه ببونية حتى طوش دم من منخرو ..
نيار : قبل متجبد عائلتي شلل فمك بالعسل وزمزم الكلب ...غادي نقولها ونعاودها ياااااااااا وييييل مك الحماااار وتقيس شعرة منهم الى محرقتك واقف راني منتسماش ...عارف مك غاتعطي لفلوس ديال الاعوام الي باقين ليك باش تخرج ولكن كنقسم بالله وتقاااس شعرة منهم حتى نعذبك نعااااذبك...
معتز : قبيييح مع راسك ...شاف فيه بنفس نضرتو ...انا معتز بناني مكنساش ومكندوزهاش اولد ناس كيف نتا عندك جوج كلمات حتى انا عندي جوج كلمات غانقولهم ليك ..جري طوالك راك مغاتخلعنيش ماشي انا الي كنتخلع ومدام حطيتي راسك فراسي معانديرش فيك راسي ممساليش لبراهش سمعتيني انا دابا مكالمي اما ندير فيك شرع ايذيا وهاد الحبس الي دخلتيني ليه مغانساهش مغانسااهش ...
نيار : شدو وجرو من لكول حتى تقج ووخا معتز صحيح ولكن ميجيش قدام نيار بصحتو وكصير شي لا تعصب ...الى تاذات عاىلتي حتى عاىلتك غاتكون فالخط العين بالعين والسن بالسن والبادي اضلم ..الى غاتفرع ليا كري بهضرتك انا معنديش مع الهضرة عندي مع تطبيق نيشان ....طلقو بجهد حتى تزدح مع لكرسي ...وتهز من الكرسي وناض ومشا حتى وصل لعند الباب وهو يضور جيهتو ...
نيار : المهم عمر كيسلم عليك زوين هذاك الولد عندك ماعرفتش علاش مراضيش بيه ..ولكن ربي كيشوف هذاك الولد رغما الاعاقة الا انه حسن منك بالاف درجات وحسن مني حتى انا ...ههه بلا متفكر تخبيه الزين نجيبو نجيبو "غمزو وخرج خلاه كيترعد حيث ماعرفش كيفاش عرف بالي عندو ولد "

في الصباح الموالي ...حل عينيه على صوت الشتا خيط من سما ...ضار لقاها مخشية فيه وميتة بنعاس....تسلت من حداها ودخل لدوش دوشو وتوضى وخرج لبس حوايجو ...حل الباب دخل لكوزينة لقا مو كالسة لابسة حوايجها وكتنسى وكتشوف فتيليفونها ...
نيار : خير احبيبتي "باس راسها " علاش لابسة حوايجك !؟؟
ليالي : نسيتي عندي حصة دياليز ...
نيار : ااه اييه ...مفطرتيش 
ليالي : حتى لمركز عاد كيعطيونا نفطرو قبل تصفية ...
نيار : انا نرجع نبدل باش نوصلك احبيبتي واخا ..
ليالي : واخا فيق معاك ديك الخامرة تمشي لكلية ههه 
نيار : ههه ولات كتخمر بزاف ..
ليالي : صبر معاها هادا هو الحمل ...الله يفرحكم ..
نيار : امين احبيبتي ان شاء الله وتهزي حفيدتك بين ايديك ...
ليالي : "بتعب"وياربي نبقا عايشة حتى لديك ساعة ..تهز قلبو من وقع اخر كلمة سمع حتى غرغرو عينيه وتقج ليه صوتو ...نطق بصوت مقجوج ...الله يحفضك احبيبتي الله يحفضك انا ولا نتي ...باس راسها وضور وجهو مسح دمعة من عينيه ومشا نيشان لبيت ...
نيار : "بقا حتى تنفس وهو يتلف الوقت " حليمة نوووضي احبيبة ...بب
حليمة : اممم بلاتي عفاك ..
نيار : نووضي مبغيتيش تمشي لكلية ..
حليمة : اه بغيت ولكن بلاتي مزال لحال ..
نيار : نوووضي ..."مشا ليها كيهر فيها " نوووضي 
حليمة : هههههههه عفاك زگا هههه هاني هاني ..ناضت تقابلت معاه كتحك فعينيها ...صباح الخير ...
نيار : صباح نور ...كيبوس ليها فلكريشة ..وينو بابا حبيبتي بنتي زوينة ..واخا على مك ضاعت لينا ليلة يخلف الله يخلف الله ...
حليمة : امتا غانمشي نشوف دارنا ..
نيار : نشوف هاد لاسومين نديك نهار ورجعي فلعشية ..
حليمة : خاص نمشيو فليل عفاك بغيت نبات ونديو ماما ليالي معانا تعرف على دارنا عفاك يومين نبقااو تما بليييييز ..
نيار : منقدرش عندي منقضي وزايدون الوليدة عندها تصفية تلاتة لمرات فسيمانة ..
حليمة : عفااك عفاااك ..هانتا نمشيو فنهار الي غادي فيه تصفية نبقاو معاها ونمشيو ديك لعشية يومين ونرجعو والله ..عفاك ..
نيار : تت 
حليمة : وندير ليك ليلة الي بغيتي ..
نيار : 😍 اش غاديري وكيفاش ..
حليمة : ونتا سوقك نديرها فنهار الي غاتحلب فيه البقرة ههههه 
نيار : تفو على مك غاتزيديني نحلب على اخر ايامي ..ولكن مردودة لما حلبت مك حلبا حلبا راني ماشي نيار سير عالله ..
حليمة : وعد مني والله عفاك را مشهية من عند ماما تريد ..
نيار : امتا تولدي وتهنيني كلشي درتي عليه بقا ليك غير انا ...
حليمة : وعفاك ..
نيار : صافي اخر الاسبوع نمشيو ..تت ااه عمي مهدي جاي عندي اففف ..
حليمة : اشنو عندكم ..
نيار : والو غير غايجي عندو ميقضي وغايجي يشوفنا ..
حليمة : يمشي معانا 😻😻...
نيار : ايوى حتى نسولو ..
حليمة : لا حتى هو غايمشي غانطلبو يمشي معانا غير يومين ولا قل ونزجعو عفاك عفاك عفااك ..تلاحت عليه كتبوس فيه وتعنق حتى ولا هو طالب شرع ...ههههه وصافي صافي ....يلاه طلقي راسك باش نمشيو دغيا ...ولا غانتكي مك هنا ...

في كل مرة كيواعدها وكيوفي بوعدو وفي كل مرة كيزيد عشقهم لبعضهم ويتكلل زواجهم ويزيد رباط الي جامعهم يمتان وفي كل مرة كيزيدو يتعرفو على بعض ويديو على بعض هو كيحاول ما امكن ميبينش القلق ديالو ومحد الايام كتدوز وماحد السكون كيزيد والقلق كيختافي ...من اخر زيارة ليه لمعتز الخصم الوحيد الي عندو وخرج فيه شيب ...ارتاح نسبيا من بعد ماهددو بولدو الي كان مخبيه على ناس كلها وهو ولد غير شرعي ومن دوي متلازمة داون ميكبغيش يبينو ومكيرضاش ذاكشي باش مشا ليه لنقطة ضعفو وعارفو علاش قاد ...
ليوم وفا بوعدو ليها وكانو في البلاد عند اهلها وحتى من مهدي الي تصادفت زيارتو عندهم ومشا معاهم وطبعا ميفلتش طالما القضية فيها العروبية وداكشي ....
في الصالة الكبيرة في كالسين كان كل من اب حليمة وامها ووحدة من خواتاتها ...وليالي ونيار ومهدي ...كانو وصلو فالعشية ...
فاطمة : مرحبااا مرحبا نهار كبير هذا ..
ليالي : "بابتسامة " لهلا يخطيك ترحب بيك جنة ..
جيلالي : والله اولدي درتي مزية جبتي معاك الوليدة وعمك نتعرفو عليهم فصروف مزيانة حسن من لي كانت ..
مهدي : واحسن نساو الي فات حنا ولاد اليوم الحاج ...
جيلالي : ايييه داكشي ..
رحبو بيهم احسن ترحيب دنيا مهزتهمش من الفرحة ...واحد شوي وهي تدخل حليمة هازا واحد الكاس كبييييير ديال لبن ومعاه الخبز كتاكل وتشرب ..
مهدي : "خرج عينيه وحل فمو فيها " واش مرتك كنتي ساد عليها 😲
نيار : خرجت فيا لعجب ..
مهدي : ههههه والله تا فشكل هاد البنت هههه ...بنتي اشنو داكشي ..
حليمة : لبن عاد مصاوب بغيتي اعمي ...
مهدي : هااحح جيبيش واحد الغراف ...بغات تنوض وهي تحبسها امها ومشات خرجت جابت ليهم بيدو كبيير ديال خمسة ايترو وكبت ليهم ...
مهدي : الله شحال حلو هاد اللبن ...عاود كب ليه ...واحد تابع لاخور ...
نيار : واقيلة نتا الي كانو سادين عليك ...
مهدي : سكت شحال هادي ممشيت لشي عروبية ...خنيييني ...
نيار : هاني مخنيييك هههه ...اجي نتي اش مشيتي ديري ...ياك قلت لملتك متحيديش من جنبي راك كدوخي الحمارة همم ...
حليمة / مغايوقع والو مشييت طلبتهم على تريد همم غايديروه لعشا 🤤...
حط ايديه على وجهو 🤦🏻‍♂️ويلي ويلي جمعي ريوگك وبراكة عليك من لبن غاديري شي موصيبة في كرشك ...نقز مهدي وهو ينطق ..
مهدي : منرجعوش فصيف ناخذو الهندية من عندهم كتكون زينة ديال هاد جوايه ...
نيار : عمي مهدي باقي باغي تعاود ..
مهدي : عمري نتوب عمري خنييييني ناكل سوق مك ....لعيب والعار الى تعصمت وقلت ليك جي سرحني ....

صبح صباح بكرييييي ...حلت عينيها على صوت الفروج الي مسكتش من تقوقيع ...ناضت بشوي حيث ثقلت ولما لا وهي دخلت فشهر الخامس كانت كرشها بارزة نوعا ما ...دوزت ايدها على كرشها كتحك وتقول محكيت حتى شدها ليها نيار وحبسها ...
حليمة : قتلتني الحكة ...
نيار : غادي ديري شي عجب فديك الكرش ...صباح نور حبي ..
حليمة : صباح الخير ...جرها خشها فيه ونزل عليها بالبوسان حتى بدا يديماري وهي تحبسو ..
حليمة : نووووض ..
نيار : غانقتل مك نتي فييين 😡..
حليمة : هادي هي الوقيتة باش تحلب البقرة ..
نيار : "خصر سيفتو " واش من نيتك نيت ..
حليمة : الليلة الي قلتي من نيتك .
نيار : هااح من صماصيم نيتي وحياتك بب 😍
حليمة : قلتي ليا كلمة رجالة ...
نيار : دابا انا باش غانفيدك لا حلبتها راه مكنعرفش انم ...لاش بغيتيني نحلب ..
حليمة : نوض نوض معايا ونوريك ..ومن بعد نقوليك لاش ..ناضت غسلت حالتها وتوضات وخرجت لبيت بيجامة طويلة وشدت راسها ولبست صباط ميكة وخرجت غبرت خلاتو حتى بدل تاهو ولبس لباس رياضي ...كان الحال شوي بدا يسخن ...وتمت جاياه وكرشها باينة ...مدت ليه بوط ديال ميكة وترازة ( طربوش لفلاحة ههه ) 
نيار : ااااش هادا او ..
حليمة : لبوط باش متوسخش حيث كاين روت ديال لبقر ( الروت هو كاكا ديال لبقر هههه حاشاكم ) ..
نيار : شاف باشمئزاز ...اري اري اففف انا الي كلب كنراهن مال ديلمي كن سديت فمي كن لباس ودير ليلة ديرها ...تفوو ..گفض سروال ولبس لبوط ...خذا ترازة دارها فوق راسو ...
حليمة : لبس شي حاجة لبرد عليك ..
نيار : غير خليني مضرنيش لبرد زيدي قدامي نشوفو هاد نبگ الي غادي ندير ...
حليمة : هههههه ...مشات قدامو دايرة ايدها ورا ضهرها وشادة في كرشها ...حتى هبطو وخرجو مع الخرجة عند الباب تصادفو مع مهدي ...
نيار : عمرك نبغيك فشي وقت منلقاك حتى لاقاك الله بيا في هاد الحال واش محرشينك عليا ولا انا مسخوط ...
مهدي : صدمو بالمنضر بقا يطلع فيه ويهبط ...والله كن ما هضرتي كيحساب ليا غا داك الخماس الي كان قبيلة هههههههه جبد تيليفون وهو يصورو على غفلة ...رسلها لميار فالواتس ...حتى يفيق ويستبشر بيها ههه
نيار : لقاها وصلت لكردستان ندبحكم بجوج ...ريدي نتي قدامي ...مشا حاقد محاملش راسو ...
حليمة : هههههههه "خلاتو سبقها وهي ضور جيهة مهدي وهضرت بشوي ..." عمي مهدي اجي راه بغا يحلب البقرة هههه 
مهدي : اشنو هههههه ابتعدووو ساتشقلب ..
مشا تبعهم وهو يضرگ وبدا يصور فيه ...
نيار : "حاقد "قولي دغيا بغيت نمشي ...بدا كتوريه كيفاش يدير قادت ليه كرسي جنب البقرة لتحت وسطل تحت ضرعها الي غايحلب ..
حليمة : هانتا دير صباعك هنا وبقا طلع هاد ونتا شاد طلع وتهبط فنفس لوقت وتنزل صباعك باش ينزل لحليب طلع لفوق وهبط فهمتي "وراتو كيفاش " 
نيار : فهمت ...اجي مغادي والو ..
حليمة : غا متخوفهاش ومدير والو ...
نيار : وكحزي لهيه بعدي منها ...كحزت وبدا يطلع ويهبط وفنفس لوقت مطالقش من ضرعها حتى بدا يهبط لحليب ولكن ضروه صباعو ..
نيار : فااك هادشي كيضر 
حليمة : هاد رياضة خاصة بالعيلات هههه 
نيار : لمك انا مرا ...مصبرش مهدي وهو يطرطق بضحك حتى ضار نيار مخنزر ...هاا لق*** متقولش ليا درتي فيديو ..
مهدي : ههههه وناااري ويشوفو ميار ناري ههههه نيار كيحلب هههههههه تم غادي جيهتو مشافش اشنو كاين دنيا عامرة روت وبول لبقر ما غاتجي رجلو وسط روتة ويطلقها بواااحد مولاتي زلقة جا على وجهو ...
نيار : 🤣🤣🤣🤣🤣🤣🤣🤣
مهدي : الله ياربي ناس يطيحو لور وانا طحت لقدام ..تهجرو لمك تهجرو ...

جاب الربحة وسط الروت جا منشور ...خلاهم منشورين بالضحك كاع حالتو عمرت ولا خانز يقبس بريحة ديال داكشي ....جا نيار بغا ينوضو مقدرش كان فاشل بالضحك ...
حليمة : ههههههه كتلوى بالضحك ...
مهدي : واش غاتعاونوني ولا نتسناكم تتكملو من ضحك ...
نيار : ههههههههههههه واااميمتي ههههه فشلت فشلت اولاد ناس ......
حليمة : ههههههههههه اجي اجي انا نعاونك هههههه 
مهدي : لا غابقاي تتكملي انا نتسناك ..ناض جمع لوقفة ...جاب الله تيليفون متقاسش ...تفو تفووو ...تهجرو نتا غاتسكت ولا نجمعها مع ملتك بصلية ....
نيار : ههههه صافي هاني ههههه ...
مهدي : 😒...
حليمة : اجي معايا نقوليهم يوجدو ليك دوش ههههه 
مهدي : سكتي نتي سكتيييي 
حليمة : 😶
مشا معاها وغادي وكيخيخ محملش راسو وخانز حتى داتو لدار دخل طلع نيشان لفوق ودازت هي لعند البنات وصاتهم يسخنو ليه دوش ...ورجعت عند نيار لقاتو واقف كيكمي بغات تقرب ليه ...
نيار : كحزي لهيه كنكمي دخلي نكمل ونجي ..
حليمة : هذاك لكارو فاش نولد حيدو خايب على تربية ..
نيار : ان شاء الله ...الحب ديالي ...
اجي لمك ياك درت اش بغيتي ياك ...شافت فيه وفهماتو اش قصد ...اه لهلا يخطيك عليا ...
نيار : اذن دابا جات نوبتك الحبينينو ياك ..
حليمة : رمشت فيه عينيها ..همم 
نيار : والله يامك ليلة لا زگلتك وخا غير ماتش خفيف ضريف ...بدا يغوت وينكر عليها ..
حليمة : صافي صافي غايسمعوك ..
نيار : ومنعرف لملتك ...مهم نوبتك جات اتيني بما عندك ..،
حليمة : واااخا ...يلاه نفطرو را واجد لفطور كيتسناو فيك ...رما لكارو وخرج عنقها ودارها جنبو حتى دخل طلع بدل حوايجو وهبط لعندهم صالة حتى لحق عليهم مهدي جاي وتيخنزر ....
نيار : حبس ضحكة بزز ...
جيلالي : صباح الخير سي مهدي اجي تفطر ..
مهدي : صباح الخير ..ايه مرحبا ...
كلس وبداو يفطرو فجو حميمي شي كيهضر مع شي وشي كيضحك مع شي وهالي كيتفكر ويحبس ضحكة بزز ...حتى ثونا تيليفون نيار كان خوه ميار ...
نيار : طلقها وهنيييني ..
ميار :هههههههههههههههه وااععع كتحلب اصحبي هههههه وليني شديد الحب يصنع المعجزات ...
نيار : ومن الحب ما قتل غانقتل مك الكبيدة ديالي ..
ميار : تقتل توامك الوحيد على ود الحب ...ايييه الحب بعد عليا خويا ...
نيار : اش بغيتي درك ياك ضحكتي زيد اش ثاني اخور باقي ...
ميار : هههه لا صافي ههههههههههه ...
نيار : وتسنا رسليك واحد صورة شوفها بعدا ...رسليه صورة دخل شافها وهو يرجع منشووور بالضحك ...
ميار : ههههههههههههههههههههههه لعميم وسط داكشي ههههه يييييخ ...
نيار : ههههه صافي ضمص هههه 
مهدي : اش تما دوك جوج ...
نيار : والو العميم والو غا فطر فطر هههه
مهدي :والله تنشوف خطف ليه تيليفون لقاه راسل ليه صورتو منشور وسط روت ...هز عينيه فيه بصدمة ...كيدرتي صورتيني مشفتكش 
نيار : هههههههههههههه تعرف غير نتا تصور بتخبية ...
مهدي : كيسمع فميار مشتت بالضحك حتى سخف ...ينعل بات مات بات مات جد بات مات مكم الكيادر ....
#يتبع

أحدث القصص
قصة يامنة من تأليف Sana mina
قصة يامنة Sana mina
قصة بريق عينيك من تأليف سكينة أيت الكبير
قصة بريق عينيك سكينة أيت الكبير