صورة مصغرة لـلهيب الحب الجزء 21

لهيب الحب الجزء 21

lah 7ob lahib lhob l7ob al7ob

الفصل الثاني من قصة لهيب الحب

شاف فيها بنص عين زعما غانمشيو ورجعو تاني ...
حليمة : واربيييييي اهى اهى ....
نيار : غير تنفسي شوي وغايمشي عليك ...
حليمة : لا لا هذا بي بزاف اهى اهى من لبارح فليل وهو كيزورني ...
نيار : كيفاش وعلاش منوضتينيش !!
حليمة : كنتي عياااان ااااااا اهى اهى وامييييي ...
نيار / اففف زيدي زيدي نرجعو لدار وشوي يحبس عليك ويلاه قدامي فحالنا ...عاونها حتى مشات لطوموبيل وركبت وزادو ..وصلو لدار ولكن باقي كتغوت بالوجع ...سمعو بكاها وهما يخرجو ختها ومها ...
ليلى : اويلي مالها خليتكم صحة سلام ..
حليمة : ختيي هادشي حااار اربي اهى اهى ...دموعها دايزين وكتعصر ...اممم 
فاطمة : اويلي ياكما كتولدي ...باش كتحسي ..
حليمة : شي حاجة لتحت بغات تخرج مني افففف كتشد لنيا فايديه وكتقوليه حك ليا ضهري ...
نيار : "كيحك " اش غايخرج😳😳 ضار جيهة ليلى بمعنى هادي اش كتقول ...
ليلى : هزها دخلها لبيت ...
بغا يهزها حتى حبساتو وهي طلقها بغوتة حتى صمكاتو ...
حليمة : وااااااامييييييي اهى اهى واااا ...
نيار : ششش صافي صافي مغايوقع والو والو غير تنفسي تنفسي ...هزها بين دراعو وهو يدخلها لبيت كاين تما ديال نعاس وحطها فوق ناموسية ...وهي كتلوى بلوجع مبقاش بغا يحبس عليها ...
فاطيمة : ليلى سيري طيري عيطي لحادة القابلة درك ...مشات ليلى كتجري تعيط لقابلة وهي دخل عليهم كان عند راسها ... بنتي واش فيك زحمة ...
حليمة : اممممممم معرفتش كيفاش زحمة بغات شي حاجة تخرج من لتااااحت اعباد الله ...اهى اهى 
فاطمة : ذكري الله ابنتي ذكري الله ...
حليمة : واربيييي....
نيار : ناض وقف وهو يتم غادي خارج وعينيه خارجين بالخلعة ...
حليمة : فين غادييي اهى اهى ...مجاوبهاش مشا خرج برا بالدعقة عيط لمو ماعرف اش يدير ...
ليالي : شوف شي طبيب تما را زحمة هاديك فيها معندكش وقت باش تاتديها لكلينيك اولدي ...وطمني عليها انا نقول لغيث ونجيو ...غانجيب ليها معايا داكشي الي وجدت ليها والله يفكها على خير اولدي تهلى فيها وفراسك وتوكض اولدي الله يرضي عليك متخلعش ....
نيار: واااخا واخا ....دعي معاها دعي ...قطع معاها وهو يضور طل عليها لقاها كتلوى وشادة تحت كرشها ولعرق كيهبط منها ...ضرب ضورة وهو يمشي برا خرج مشا كيعيط فتيليفون باش تجي لومبيلونص ومعاها طبيبة ديالها ...رجع بانت ليه ليلى جايا ...
ليلى : هاهي جايا الي غاتولدها دابا اففف لقيتها مسالية ..
نيار : "معارفش راها قابلة كيحساب ليه طبيبة " هاا احسن تانا عيطت لطبيبة ديالها تجي ...
ليلى : يكون خير يكون خير ...دخل عندها لقا مها كتحيد ليها فسروال ديال بيجامة ...
نيار : اشنو كديري ..
فاطيمة : سير خرج غاتجي لمراة تولدها ..
نيار : "كتغوت ودعقاتو مبقى عرف يفرز معامن كيهضر "را مرتي هادي الحاجة ...
فاطيمة :جاب ليها ضحك ..ههه عرفتها مرتك اولدي ههه ..
بقات كتغوت حتى حست بالما هابط ليها مع رجليها ...شافتو مها ...
فاطيمة : السگية طرطقت سير دغيا عيط ليلى وسير معاها بطوموبيل تشوفو لقابلة مالها تعطلت ...را غاتولد دابا ...ذكري الله ابنتي ...مشا خرج كيجري...تصادف مع ليلى ومعاها لقابلة الي جات دغيا ....كيحسا ليه طبيبة ولكن كان العكس ...
نيار : شكون هادي ..
ليلى : هادي هي القابلة ...
نيار : براكة من ضحك وسيري جيبي طبيبة ...

جات القابلة غير شافها نيار كحل بالعما حيث بانت ليه مرا كبييرة ووجهها عامر تجاعيد ..
نيار : فينهي طبيبة ..
ليلى : ههههه هادي القابلة نيار باا متعصب الله يرضي عليك راها كتولد الى ديتيها غادي طرا ليها شي حاجة وهاد القابلة را ولدت الالالف هنا ...
نيار : هادي هي طبيبة ...
ليلى : قابلة ..
نيار : شادة شي ديبلوم 
نقزت القابلة وهي تنطق ...ديبلومي الدنيا وهمومها وشهادتي عيالات دوار وخدمتي نولد نسا تزادو على ايدي قدك وكبر ...كنقلب حتى لبنات واش بنات ولا عيالات ...'
نيار : زين سمحي ليا مرتي را مبقاتش بنت را بغات تولد ممكن ضربي ضورة ...وسيري الله يسر ليك ...
خرجت امها من البيت فين دخلوها وهي تلقى القابلة بغات ضرب ضورة وهي تحبسها ...افين غاديا تعالي را راس بغا يخرج...
نيار : راااس اشمن راس اويلي ...دفعهم ودخل لعندها كيجري لقاها مغاطياها ومفرقة رجليها وكلها عرقانا وكتنين من الحر غير بان ليها وهي طلقها بغوتة ...
حليمة : وااااااااااااواو اهى اهى واعتقنييييي اهى اهى عمري باقي نعاود عمري خرجتي عليا تفووو عليك ...
نيار : اش درت ليك انا ...
حليمة : بغيتي لولاد هاهما ها لخرا ديه غافكني ودي عليا الحبس ..
نيار : شكون علمك الحبس 😒...
مجاوباتوش وهي ترجع تغوت وتشد فيه حتى دخلت القابلة مبقا لقا ميقول تدعق ماعرف اش يدير لمهم تفك ...بدا كياكل في صباعو ...وهي تكلس القابلة تخشات بين رجليها وهو حاضيها وقلبو بغا يخرج من بلاصتو ....
حادة (القابلة ) : جيبي الما سخون وبانيو وجيبي شيح تبخيه وبيطادين معاك راك عارفة افاطيمة اش تجيبي ...مشات فاطيمة ...
حادة : تعصري ابنتي تعصري ...
حليمة : بدات كتعصر ...ورجليها مقلشين ...امممممممممم حتى ولا وجهها مطيشة ....وكتبرك عليه بايديها ...
نيار : اففف تنقسي تنفسي اففف ..
حليمة : واربيييييي بزااااف بزاااف اهى اهى ...امممممم 
حادة : زيدي ابنتي تنفسي وعاودي عصري دغيا مبقا والو ولادتك زوينة تبارك الله ...
نيار كيسمعها كتعصر وكيتعصر فبلاصتها ...
بقات كتعصر والقابلة كتولد فيها ...حتى دخلت امها هازا بانيو وليلى وراها ....باها جا وبقا برا كيتسنى وكيقرا فالقران ويسبح ويدعي معاها ....
حليمة : واااااربييييييييييي اهى اهى اممممممم اميييمتييييييييي اربي اربي اربي اممممممم...
حادة : هاااكاك زيدي شوي زيدي ابنتي الله يرضي عليك ذكري الله ذكري الله ....
حليمة : اربييييييي اممممم 
حادة : اللهم صلي عليك ارسول الله امصلي عليك ارسول الله ...زيذي زيدي ...
نيار / ناض من حداها وبقا يمشي ويجي صونا ليه تيليفون طفاه ودار ايديه على راسو ...ياربي ياربي ياااربي افففف ....
بقات تغوت وتبكي وتعصر حتى ولا صوتها بح بكترت لغوات ...وباها برا كيقرا ويدعي ....
حادة : ياربي ياربي ياربي زيدي زيدي زيدي ...
حليمة : همممممممننم بقات تعصر حتى سخفت وحطت راسها على لمخدة ...وهي تسمع صوت لبكا صغييييور ...
نيار تهز قلبو وبدا يضرب حتى ضحك من اعماق قلبو ...ضور وجهو ومشا كلس حداها ....باس ليها راسها ....

كانت غوتة حنييينة بالكاد كتسمع ...
نيار : اوووو ...
حليمة : اهى اهى ...
فاطمة : على سلامتك ابنتي ...
خدات القابلة البنية كانت صغيورة ولونها غوز ههه لواتها فايزار وحطتها ليها فوق صدرها ...شدت ايديتها صغيورة بصبعها وهي تكمش عليها خداتها ليها وباستها ...ماما حبيبة ديالي ...هزت عينيها لحمرين بكترت لبكا ودموع في نيار ...لقاتو مصدوم بالبنية عينيه كيلمعو ...ورجعت هبطت عينيها ليها كانت صغيورة ومادا فمها وعينيها منفوخين وباقي فيها لما ديال سقية تاع لكرش ...خداتها من عندها لقابلة...
حليمة : اشنو علاش خداتها ...
فاطيمة : ههه بغات تدير ليها دوا لبوط وتلويها خاص اولدي حويجات ليها ..
حليمة : نيار ...حطت ايدها على ايديه وهو يفيق ...
نيار : نعام حبيبة ههههه بنتنا ههه 
حليمة : ههه اه ..خاصها حوايج تمشي تجيبهم ذغيا ...
نيار : غادي نمشيو نديك لسبيطار نتاكدو من حالتك وحالة البنية راه متزادتش فوقتها احبيبتي ..
فاطيمة : .غانعديو ليها بحوايج بنت كريمة تاهي يلاه تزادت لبارح بينما جبتو ليها حويجات ..لهيه فسبيطار ..على سلامتكم اولدي ...باركت ليهم القابلة وليلى ونيار باس راس القابلة وشكرها وخرج مشا يعيط لومبيلونص الي تهز مرتو والبنية ديريكت لمراكش ...
في هاد الاثناء كانت ليالي هي وغيث ...
غيث : غاتكون ولدات ...جاوبت وهو يبشرها ..
ليالي : هههه الله ياربي على سلامتها هههه ...واخا هاحنا غانشدو طريق دابا ...قطعت وهي ضور عند غيث عنقاتو وكضحك ...
ليالي : هههه ولينا جد وجدة هههه ولدات ...
غيث : ههه الحمد لله على سلامتها ...
ليالي : يلاه نمشيو راهم قادو كلشي فطوموبيل ...
غيث : وجدتي ليها كلشي سعداتها بيك هههه 
ليالي : واشنو مرات ولدي وحفيدتي ...يلاه يلاه انا نجيب صاكي ...غالحقو عليهم لكلينيك فمراكش ...طلعت لفوق جابت صاكها وهي تهبط تاكدت ان كلشي هو هذاك وهي تخرج عيطت لميار بلغاتو وهي تخرج عند طموبيل يلاه غاتركب وهو يصوني نيار ...
ليالي : ولدي امضرا ..
نيار : لومبيلونص وصلات هاحنا غاديين فطريق ...
ليالي : واخا تاحنا بغينا نخرجو دابا ..
نيار . غير بشوية عليكم احبيبتي واخا .
ليالي : واخا قوليا كيف دايرة لبنية زوينة ..
نيار : شعرها كحل بزاف وحجبانها غلاض كتشبه ليك الوليدة تقول ماشي باها انا هههه زوينة ..
ليالي : وينووو على حبيبة جداها هههه رسليا صورتها نشوفها فطريق وتهلا فيها بزاف هي ومرتك يلاه قطع باش نمشيو ....قطعت معاه شافت صورة الي رسليها بقات تضحك وتبوس فيها ...يلاه غاتركب وهي تفكر شي حاجة نساتها ورجعت لدار حتى جابتها وخرجت مع الخرجة تسمعت قرطاسة مجهدة حتى خرج غيث بالخلعة ....
ليالي : حست بنار شعلت ليها في جنبها وهي تخرج عينيها ...وشدت جنبها ....
غيث : لل ل ليالي ا ...اويلي اشنو هادشي ...بقا مسمر فبلاصتو مفهمش ...
بقات كتشوف فيه وعينيها كيتسدو ورجليها كيهبطو حتى دارت زداف قدامو جات طايحة وجنبها عامر بدم .... طلقها بغوتة حتى خرجت لخدامة من لفيلا مشا كيجري ليها هزها بين ايديه ...
غيث : ليالي حبيبتي مالك اشنو اش وقع اش هادشي ياربي ليالي جاوبييني لياااالييييي ...
ليالي : دون رد مشااات ....
ياااااربي ياااربي...لااااااا....شكون شكووووون هاذ لحمااااااار الي دار هكا ... ...بقا كيغوت عقلو خارج مشات لخدامة كتحري عيطت لومبيلونص ....اما هي فمشات مبقاتش تحركت ...فقط كانت دمعة نازلة ليها من عينها من حر الالم الي حست بيه من قبل ....

يتبع