صورة مصغرة لـالبهلة و الزواج الجزء الرابع

البهلة و الزواج الجزء الرابع

rab3 wa w lbhla zwaj zawaj
رواية البهلة و الزواج

أصعب إحساس انك تجرح بكلام جارح... كيدخل فالاعماق..ديالك كتحس بدنيا كدور بيك كتحس نتا لا شيئ فهاد الحياة بحال شي حشرة وماتت بضربة وحدة إحساس مكنتمناوه لحتا وااحد بسبب كلمة وحدة كيتفتحو جروح لماضي لي كنا كنحاولو منبينهم لحتا واحد ونبينو ابتسامة على لوجه اه الانسان كيحكم عليك وهو مكيعرف عليك والو 
جيهان: بقات مصمرة فبلاصتها وكتشوف فيه بعينين حومر وبغضب كبير وهو ملاميحو عاديين كيتسنا الهدوء ماقبل لعاصفة جمعات شجاعة ديالها وصرفقاتو وطاحو دموعها لي مكانت كتبينهم لحتا واحد عمرها مبينت ضعف ديالها وهاهيا ضعافت وخالفت لوعد لي عطاتو لباها هادي سنين كتبكي وكدربو فصدرو وكتردد بكلامها "أنا مربية افضل منك با رباني حسن من اي واحد " وهو مخليها على خاطرها متفاجئ من ردت فعلها حتا طاحت الارض وجماع رجليها عندها وكتبكي فصمت وكتنخصص اه جيهان لبهلة لي ديما ضاحكة كتبكي حيت قاس لوتر لحساس ونقطة ضعف ديالها لي مكيعرفها حتا واحد من غيرها 
كان غير كيشوف فيها وخايف عليها فنفس لوقت دازت ساعة وهيا على نفس لوضع حتا ناضت وخرجات

خرجات البالكون وريح كيدرب فوجها وشعرها كيطير مع ريح ودموعها كتسيل من عينيها بحال قطرات شتاء شافها اوس ووقف حدا باب لبالكون كيشوف فيها ومقادرش يدير شي ردت فعل حتا تكسر ديك سكات بصوت جيهان نتا مكتعرفنيش باش تحكم عليا بهاد طريقة انا معمرني مسلمت راسي لشي حد حيت تربية ديالي هاكا انا الاب ديالي لي رباني وعطاني حنان الام والاب فوقت واحد غادي تستغرب حيت انا عندي ام ولكن هيا فالاصل بحال لمكيناش مكتبينش لحنان ديالها ليا عندها زايدة ناقصة عليها كنت كنميل لبابا كتر وبقيت محافظة على لوعود ديالي ليه بأنني منضعفش حدا اي انسان ومنبينش دموعي لحتا حد ونرسم ابتسامة على وجهي وهادشي طبقتو بالحرف (دارت عندو وربعاات يديهاا)كان عندي 6سنين ملي بشا لعسكر فليلة لي غادي يمشي بيها وصاني باش منبكيش عليه ويلا توحشتو نشوف نجوم ونخوي قلبي عليه اهو غادي يسمعني ويجي حتااا لعندي ولكن كاع مجا تسنيتو ومجاش حتا جانا خبارو بلي وقع إنفجار فديك لبلاصة ومات حتا من لجتة ديالو مشفتهاش مبكيت حدا تواحد دخلت لبيت وبكيت وملي كنخرج كنضحك مع كلشي باش منخالفش لوعد ولكن الاسف هدشي كلو وانا ممربياش (مسحات دموعها بيديها وشافت فيه بحقد. وبغضب كبير)
أوس:(كيقرب ليها ومتأتر بكلامها)سمحيليا مقصتش نقلقكنقلقك😞

جيهان: (ضحكات وسط حزنها)بلا ديك شفقة لخاوية ديالك مكتعجبنيش نتا متصلاحش ليا وانا كدلك حيت أنا ممربياش ونتا مربي وهاد جوج عمرهم مكيتلاقاو لمربي مكيستاهلش لمربية وانا ميشرفنيش نتزوج بشخص ضعفت قدامو وهاني فكرامتي 
أوس:انا راني كنعتدر منك مكنتش قاصد نقلقك(قربات منو )
جيهان: من هنا أسبوع مرحبا بيك فالعرس ديالي بسعيد هو لي يصلاح ليا ونتمنى تجيب معاك لحاجة حيت دخلات ليا لخاطري 
أوس:(بندم )اوكي على خاطرك نتمنى يكون قرارك فمحلو 
جيهان: طبعا غادي يكون فمحلو اوا يلاه نهبطو
اوس:ماشي بضرورة تخبري لحاجة حتا نخبرها 
جيهان: لا من الاحسن انا لي نخبرها (زادت وخلاتو من موراها وكتحاول تصرف بهدوء)
هبطو لتحت وأوس كيحس بإحساس غريب حصرة ندم فقدان شيئ كان غادي يكون ديااالو هو ومتأتر من كلامها وشعورها هما هابطين وشافو منى عاد داخلا مع الباب
منى: خويا سمحوليا خرجت نشم شوية ديال لهواء برا 
أوس؛ عادي
جيهان: لحاجة بصراحة تشرفت بمعرفتك ولكن انا منصلاحش ليكم 😊
الحاجة: عللاش ياك كنتو مفاهمين☺
جيهان: اوا خالتي لمكتاب ماشي انا قدرو والله يجيب شي نقرة فين تغبر نحاسو 😉
أوس: شهاد تخربيق شفتيني بنت بايرة راه حداك رااجل😠

جيهان: واييه راجل مالني قلت لعكس 😉
الحاجة: بصراحة بغيتك لولدي ولكن ماشي مشكل زواج قصمة ونصيب
منى: وييه دخلاتليا لخاطري ولكن تبقاي صاحبتي ياك
جيهان: اه ضروري حتا نت عجبتيني طاير لك لفريخ بحالي
منى: ههه باش عرفتي 
جيهان: باينة 
أوس:(بعصبية ممرتاحش )لحاجة صافي يلاه نبشيو غدا فايق بكري 
الحاجة: واخا اولدي وخا مفهمتكمش 
جيهان: معنك ماتفهمي اخالتي كلشي واضح (عنقتها)شكرا حيت جيتي وراكي معروضة لعرسي سيمانة جاية 
الحاجة: كيف درتي ليها ابنتي
جيهان: ههه قلتي بنا جاتني حنينة (شافت فمها) حيت ممولفاش عليها 
الحاجة: اه نتي بنتي لي مولدتهاش ملي شفتك عجبتيني
جيهان: (بعينين لامعين بدموع)شكرا 
أوس:(مد يديه لجيهان)تشرفت بمعرفتك وكنعتدر على كل كلمة خرجات من فمي
جيهان :(كتشوف فيه ومدات يديها)تشرفت بمعرفتك
أوس:هاني برا كتسنا فيكم 
منى: (قربات منها وعنقتها)تشرفت بمعرفتك اصاحبة شعر الاسود 
جيهان: ههههه زوين هاد لقب لواه سحت ليل هادي. سيري سيري 
منى: نتي بحال هديك سكينة درابيل لي كتجي فتلفازة مفروحة
جيهان: ههه لا انا جيلالي شقربوبي لي كيجي فتلاجة 😃
منى: برب حتا حمقة غادي نتفاهمو😉
جيهان: واييه حتانتي فيك تسطية بلا كونيكسيو😂

منى: وييه علا تسطية فيها لكونيكسيو 😂
جيهان: غير عندي انا 
منى: هههه عندك شي الافاظ لله يستر 
اوس:يلا ليل هدا لحال ضلام😠
الحاجة: (وقفات)وييه تشرفنا بمعرفتكم وإنشاءلله نجي لعرسك
خويدج :انشالله الحاجة 
منى: بسلامة اختي جيهان 
جيهان: بسلامة 
خرجو اوس والحاجة ومنى ركبو فالوطو وديمارا بجهد وبالو مشوش كيحس بلي غادي يطرطق ويديه مربوطين مقادر يدير والو 
بعد مرور⭐⭐⭐⭐ اسبوع⭐⭐⭐⭐⭐⭐⭐
فهاد الاسبوع أوس مبقاش كيركز فخدمتو وبالو ديما مشغول بجيهان كيبشي لحومتهم ويبقى واقف ويرجع بحالو اما منى كتشغل راسها بالقراية باش متفكرش فأشرف وتفكر فقرايتها اما جيهان مبقاتش فيها لحيوية ونشاط كيف ديما وخويدج مخلات موجدات لعرس بنتها لي مقدرات حتى تسولها على شنو باغيا وعلى تصرفاتها وختها فطيطم وسعيد غادي يطيرو من لفرحة ليوم عرسها اما أشرف مبقاش كيبشي لعند أوس لدار ولغا لخطة ديالو حيت مجرد تفكير فهدشي ميقدرش يديرو واخا غير تفكير 
#عند أوس 
فالمكتب هو و معاذ وأشرف
معاذ:اوا شنو درتي دابا غادي تبقا هاكا ولا شنو
اوس:شنو بغيتيني ندير بغات تزوج خليها على خاطرها 
أشرف: بربي لمعبود حتا مكلخ (ضرب طابلة بيديه)لواحد ملي كيبغي شي وحدة خصو يدير لمستحيل

أشرف: بربي لمعبود حتا مكلخ (ضرب طابلة بيديه)لواحد ملي كيبغي شي وحدة خصو يدير لمستحيل على وديتو
أوس:متغوتش عليااااااا حيت الا بغيت ندير شي حااجة غادي نأديها حيت انا عصبي ومتملك كنحااول نساها ولكن مقدرتش شنو بغيتيني نقتلهاا 
أشرف: انا عارفك عصبي ومتملك وحتا انا بحالك منى غير جاتني ختك اما أنا كون خطفتها شهحال هادي باش نوريها كتخاف مني وليت وحش أنا 
معاذ: صافي سكتونا ديرو حل مناسب 
أوس:بغضب )منى ما شي هيا جيهان جيهان دير فضيحة وعندها هانية
أشرف :لا هوما كيف كيف غير عطيني موافقتك ولله حتا نخطفها 
معاذ: ولله يا أوس حتا هادا هو لحل لمناسب ولكن بسرعة قبل مضيع من بين يديك
أوس: زعماا غادي نجحو فهاد شي 
أشرف :تيق فالحب ديالك اصاحبي ونديوهم لدار معاذ لي فجبل ديال إفران
معاذ: اه اوا نوضو شنو كتسناو 
أوس: (ببتسامة جانبية)بيا ولا بيك اجيهان😉
خرج أوس وركب فالوطو ديالو وكدلك أشرف وكل واحد لوجهة ديالو 
عند #جيهان 
كتلبس عليها أخر كسوة عبارة على كسوة بيضة جات بحال االاميرات مفتوحة من ضهرها وشوية من صدرها ونكافة كتصاوب ليها لمكياج حتا وقفتها جيهان 
جيهان: وقفي مديريش لمكياج دابا خرجي بلاتي حتا نعيط عليك
نكافة:واخا اختي ملي تبغيني عيطي عليا 😊
جيهان: واخا

غير خرجات نكافة سدات جيهان لباب وخرجات لبالكون برا وعلات عينيها فسماء وهبطو من عينيها دموع حارين
جيهان: شفتي ابابا هاهو جا نهار لي كيتمنى اي اب يشوف بنتو ملاك ونتا بشيتي وخلتيني هئ هئ (هبطات راسها )شوف هاني لابسة لكسوة لبيضة بحال الاميرة صغيرة ليكنتي كتحكي ليا عليها ولكن انا مفرحاناش حيت نتا مكيناش (مسحات دموعها)ولكن غادي نبقا قوية على ودك ابابا باش نتا تكون سعيد وتشوفني كيف بغيتي وحتا ماما لي وصيتيني عليها كنعاملها مزيان على ودك نتا (لاحت بوسة فالهواء)ودخلات لبيت وحلات لباب كتعيط على نكافة جات وبدات فالمكياج تقيل زادها جمال مع شعرها طويل واصل لخسرها كيبرق لونو مع ضو كحل بزاف وعينيها مشفرين طلعات قوقة بالمعقول 

#نهبطو_لتحت_عند_اوس يلاه وقف لوطو بكل اناقة لابس قاميجة كحلة مطرطة عليه مبينا عضلاتو البارزين وسروال تجينز زرق وشعرو طالع وساعة يدوية فيديه وريحة برفانو كتفوح منو دخل مع لباب وكيشوف دار عامرة ولباب محلول دار جهة سعيد كالس مكمش حدا مو كياكل لخبز لي طيباتو خالتو معليهش سيفة ديال لعريس زاد خطوة لقدام عند خويدج لي لابسة تكشيطة بيضة ودايرة فولار على راسها وكتسلم على ضياف

قرب لعندها اوس وهدر معا 
أوس:سلااام خالتي
خويدج: (ساهيا فيه وفجمالو جا مبودر فخاطرها يعطيك خالة فطرماحة)نعام اولدي
أوس:جيت نلبي دعوة ديال جيهان بغيت نشوفها واش ممكن
خويدج:ولله اولدي راه تعطلات باقا مهبطات دير ضريب لكاغيط كنساينو فيها
أوس:(بفرحة)باقا متززجات ياك
خويدج: لا باقا طلع شوفها 
أوس:(ببتسامة عريضة)اهاه هاني طالع 
طلع أوس فدروج وقلبو كيدرب غير باش يشوفها سيمانة دازت بحال أسبوع ولا كيبغيها كتر من راسو ولاات عندو حاجة تمينة قرب لباب وفتحو وبدخلة ديالو كيشوف فجمالها واقفة عاطياه بضهر وكتصاوب شعرها ونكافة واقفة حداها وهيا مرضاتش ليه لباب 
أوس:ختي ممكن تخلينا بحدنا(نكافة خرجات) 
جيهان: (تلفتات لعندو وكتحك فعينيها)ختي واش كنحلم اويلي
أوس:لا مكتحلميش هدا انا (قرب عندها وقرصها فخدها لي حمارو)
جيهان: شنو جيتي دير هناا
أوس:جيت نشوف حبيبتي 
جيهان: حبيبتك شكون 
أوس: نتي حبيبتي انا (قرب منها وهيا رجعات لور)
جيهان: سير اخويا لعربي قلبليك دورة راك غلطتي فالعنوان 
أوس:انا اوس ماشي لعربي أنا جيت على قبلك
جيهان: لواه سي بوشعيب وشكون شكا عليك تجي عندي
اوس:شكا علاي هداا (كيشير لقلبو)حيت كيدق على ودك وبسميتك أجيهان انا كنبغيك امتى وكيفاش وعلاش معارفش عارف حاجة وحدة هيا نتي خصك تكوني ديالي
جيهان: نتا راك مريض هادي شفقة وزيدون انا مكنبغيكش ومكنحملكش😒

جيهان: نتا راك مريض هادي شفقة وزيدون انا مكنبغيكش ومكنحملكش
أوس:(قربها من خسرها حتا تخبطات عليه وعينيهم تلاقاو)نتي مكتبغينيش وانا كنبغيك كاين فرق (شد خصلات شعرها بيديه)وهاد لمكياج و لباس ولعرس غادي ديريهم ولكن معايا
جيهان: (كتنتر منو)طلق مني هدشي ماشي بزز انا ليوم زواجي ونتا المتوحش سير فحالك قبل من طلقها راه انا جيهان اسم على مسمى ويلا قلت لحاجة نقد بيها
أوس:وانا اوس الالة جيهان ونتي غادي تمشي معايا 
جيهان: لا مغنمشي معاك حتا بلاصة داير كي لقنفود طلق من ياك ممربياش اوا سير 
أوس: ششش نتي مربية راني عتدرت منك ولا مكافيش عتداري منك 
جيهان: لا مكافيش غير طلق مني
أوس: اوكي نشوف واش غادي يكفاك (حط شفايفو على شفايفها دافيين وهيا بحال لا درتو ليها لبنج غير مبرقة عينيها وهو بكل شغف وحية كيمدق فشفايفها جاه مداق مختلف وزوين مزخاش بيه ملي بدا يقسها عاد وعات وبدات تنتر منو حتا دفعاتو بجهدا كامل)
جيهان: مالك حماقيتي علاش درتي هكا شنو يسحابلك راسك
اوس:هدا اعتداري سكتي هضري بشوية
جيهان: غادي نعطيك جوج ختيارات يا تخرج يا ولله حتا نفضحك هنا 
اوس:(عرفها غادي تفضحو جبد واحد لمشوار فيه

اوس:(عرفها غادي تفضحو جبد واحد لمشوار ودار على نيفها وقال)سمحيليا ميمكنش نخليك ضيعي من بين يدي 
جيهان فقدات لوعي ديالها بكل سهولة اوس عارف شنو كيدير هزها على كتافو و عاد تفكر فمو بلي غادي يكون معكر جاه ضحك ملي تفكر لبوسة ومسح فمو بزربة وفتح الباب لبيت وهبط ممسوقش يوقع لي وقع حبيبتو مخصهاش تبقى هنا هبط. وناس بداو كيشوفو فيه غير دارت خويدج وشافتو جات كتجري عندو لكن كان سرع منها و سبقها لباب فتحها وخرج فتح لوطو بطريقة سريعة حط جيهان لور وكسوة تجرجرات هز لكسوة دخلها وباسها فراسها بوسة دافيا تبسم من نعستها لبريئة بحال شي ملاك (غير حشم فعايلها شيطانية ههه) وديمارا بسرعة كبيرة وخلا من موراه بركان غادي يتفركع لي هيا خويدج من لفقصة شنو تقول لناس وشنو دير (حضري بلاصت بنتك ههه) ماهيا الا سعات قليلة ووصل أوس لدار لي داير فيها مع أشرف خرج من لوطو بتبات فتح لباب ديال دار ورجع عند جيهان جبدها من لوطو شعل ضو كانت دار صغيرة ولكن زوينة ومرتبة دار ضاوية متكونة من تلاتة ديال بيوت لفوق و فدخلة ديال لباب على صالة صغيرة عصرية و كوزينة 
مهيم دار واعرة ومنظمة بطريقة زوينة حيت دوق ديال ماريا عصري طلع أوس جيهان بالخف لبيت معاد وماريا حطها على ناموسية بعد خصلات من شعر على عينيهوكيتأملها ها

يتبع