قصة البهلة و الزواج

من تأليف رباب الاشهب
2018قصة كاملة

محتوى القصة

رواية البهلة و الزواج

مي:(كتزعزها) ونتي نوضي توچضي معايا نبشيو لعرس خالك عالله تلقاي شي كحل لعفطة 
انا:وامي رجوع الله شمن كحل لعفطة ولا بيض زعطة خليني نعس راه نعست معطلا البارح
مي:غادي تنوضي ولا مغيعجبك حال هاد صباح
انا:سيري غير نتي انا مخسني لا كحل لعفطة لا والو خليني غير معاك 
مي:(هزت واحد صندالة رقم40 تحية لكل ام مغربية ههه) ولله وما تنوضي حتا نسخنلك جنابك بهادي
انا:(ولله داكشي لي ناوياه ميكون عارفاك باغيا تزوجيني لولد خالتي ميلودة مول لفران لي فسويقة ا)هاني نايضة غير نزلي
مي:ولله وما تصاوبي حالتك وتلبسي مزيان حتا نشحطك لديك لمسعودة لي فرحانة بيها
انا:ا(حلمي اميمتي حلمي)اييه ضاروري امي
مي:اوا هاني نازلا كنتسنا فيك لتحت
(معرفتكمش عليا اوا انا انا الجزرة شفوني متشفوني لما بكون مخضرة يمحلا طعمي ولوني هههه تحية لطيور لجنة ههه ختكم زوينة مبياش عندي طولة ديال زرافة وعينيا كوحل بحال سواد ليل وشعري كحل ورطيطب شوية مابياش غير ختكم نهار تزادت طفا ضو معنديش زهر ملقبيني بالهبيلة حيت عندي لعقل ومكنخدموش ههه سيد بيطالي خرجت من تامنة وچلست حدا امي لحنونة ههه ودبرتليها علا واحد شايب كان فراس درب كيبيع لحوت وتزوجاتو حيت انا هي لمساند رسمي ديال مي عارفين شايب ملي كيتلاقا بنصفو تاني مكاين غير شعر نزار لقباني 😅😅لله يمسخني اوا خلوني نبشي دابا طلع عندي لميمة ههه)

نضت على سعدي ووعدي غسلت وجهي ولبست واحد سروال قديم كان عند الواليدة فزرق ولبست معاه قميجة فالخضر بارد ومشطت شعري على شكل شفنجة ودرت واحد لفيليل ديال الارانب ديال دراري صغار (كنت خديتو لبنت جيران ههه😅😅😅)ولبست واحد ليبوط فرجلي ديال جلد ونزلت. 
انا:مي فينك هاني واجدة. 
مي:: هاني يلاه زيدي(مع كانت حانية راسها مشافتش بنتها شنو لابسا). 
بشينا وطريق كاملة وناس كتشوف فيا ههه عارفة راسي جيت زوينة مساكن تزعطو فيا ههه دقينا فالباب وبدا تسلام ديال ناس لقدام يبوسو ويعاودو بحال لعمرهم شافو بعضياتهم وهي مرات خالي غير لبارح جات كلات معانا شفنج هههه
خالتي:جهان باقا مغديش تزوجي اوا راكي كبرتي(كطلع وتهبط فحوايجي)
انا:خالتي فطيطم باقي مجاش سعيد لحظ(قولي تعيس لحظ ههه)
فطيطم:اوا لله يجيبو ليك 
انا:(لله ينجيني باقا صغيرة خصني لعب لحبل فدرب اوا صافي ههه)امين

بقينا چالسين مع خالتي فطيطم حتا شرفنا ولدها لحول غير شافني وبقا مصمر فبلاصتو بحال لا معمرو شافني (ومنعدرو مسكين نتي لا بسا بحال لبهلوان ههه). 
سعيد:اهلا ببنت عمتي جيتي غزالة جا معاك هاد لون. 
انا:(اويلي هادا مالو )بصح شكرا اسعيد
. سعيد:ولله ما قلتي سعيد حتى كنت سعيد بشوفتك
. . انا:(سير لله يغبرلك شقف يالحول لاخر)
شكرا (كنغز فمي) مي تعطلنا غادي يجي راجلك وميلقاكش فدار. 
مي:اولي حي نسيت مزيان ملي فكرتيني ختي فطيطم نتلقاو فساعت لخير

نا:(نتلقاو فساعت زفت وفساعت ترياش😡)بسلامة اخالتي واخا مسخيتش بيك(لله يمسخني😂). فطيطم: نتشاوفو انشالله ابنيتي. 
. انا :(تشوفي لعما هادي شنو خصها )انسالله.
بشينا لدار وانا محاملاش راسي فدخلة دلباب شفت سمحمد(راجل مي). سمحمد:فين كنتو بسلامة والعافية
. انا:لعافية تحرقك شفتك كدوي بالجمع دوي مع مي هيا لي مراتك اما انا بعيدة عليك سمحمد:حشوما هدري مزيان راني بحال باك. 
انا:عرفتي شنو نبشي نطلع لسطيحة قبل ميطرطق فيا شي عرق.
مي:لواه مالكي شاعلة واقيلة خصك شي شحطة. 
انا :مي تصبحي على خير. 
مي:مغاديش تعشاي 
انا:لا ملي شفت داك لحول لمسخ لخانز لمجحوم شمكار بشات شهية. مي:لواه ابنيتي سيد بخدمتو وما مبلي ماوالو

خليتها كتدوي طلعت لسطيحة نفكر فشي خطة باش نتهنا من هاد لكمارة د سعيد لا زين لا مجي بكري الا درنا مسابقة فاحسن صورة انا نفوز عليه بقيت نخمم مزيان امم داكشي لي غادي ندير................­....................
.....(ناري يالمسيخيطة سيد غادي يهرب بلا حوايج)..فكرة جهنمية ياويلك من كيد نساء ياسي سعيد هاد زين ولقامة ولمشية كيف لحمامة (ديديكاس لمغني طهور هههه)
. يديها واحد بحالك لا قراية لا رعاية اوا هاحنا غادي نشو فو من بعد هاد لمخططات مع سي جن ديالي هبطت نعس بحالي يصبح ويفتح
نخلي سيدة تنعس ونبدلو لبلاصةبضبط فلمستشفى ديال لمدينة
اوس:اهلا خويا اشرف صاڤا
اشرف:الحمد لله اخويا ونتا
انا :الحمد لله اوا ليوما مغاديش تبشي معايا لدار تونسو انا وياك راني غير بوحدي
اشرف:هيا لولا اصاحبي الله يا ودي (هدا اوس طبيب عام لجميع الامراض ياله توضف هادي شهر ولديه فمدينة بعيدة حيت خدمتو جابتو لهنا شاب فاواخر لعشرينات طويل ومفورمي عينيه قهويين وشعرو زعر ملاميحو جدية معندوش مع ضحك بزاف صارم فقراراتو وعصبي من درجة الاولى وهداك اشرف صديقو لمقرب حتا هوا بزينو ملاميحو كحلين ومفورمي بحال اوس )

...........اصبحن­ا واصبح الملك الله....
.........عند­ #جهان
فقت هاد نهار بوحدي اول مرة فتاريخ هههههه حيت غادي نفد لخطة ديالي واخا ختكم بهلة ولكين كيعجبني زين خربقت شعري بحال لغولة ودرت دوا لحمر فحوايجي جنب كرشي (واليني مسهلاش ياكو هههه) وبقيت كنوجع ونعيط بحر جهدي 
انا::مي اي اي هئ هئ هئ هئ مي عتقيني ه‍ئ هئ (اول مرة نبكي سيرو تلعبو درت قطيرات تاع لما فعيني ههه لبكى اخر حاجة نفكر فيها) وامي عتيقيني هئ هئ
مي :(دخلت)الله الله علا بنيتي مالكي ابنتي مالك
انا::مي فيا لوجع فكرشي كنتقطع امي هئ هئ هئ
مي::اويلي علا لمسخوطة ياكما درتيها اويلي اويلي شنو نقول لناس دابا انا::(فاش كتفكر هادي عقلها حول بحال داك كيليميني ديال موكة) اويلي امي حشومة عليك انا كنتوجع هئ هئ هئ هئ مي:صافي صافي نوضي نديك لطبيب نشوف شنو هاد لعجب انا::(ويلي ويلي دابا غادي نتفضح)لا لا امي بلاش هئ هئ دابا نولي مزيان
مي : لا ابنتي باش نعرف شنو هادشي ويا ويلك وتكوني درتيها ندبحك من لودن لودن انا:(ناري صافي هادي لخرة ليا)هئ هئ هئ ديما كضلميني يالاه ديني لطبيب هئ هئ مي: بلاتي نعيط سمحمد و سعيد يديواك
انا:(ولله ويجي حتا نديكلاري بيه فالقيادة سس مولاي لعربي)اويلي علاش سعيد غادي يجي مالكي ملصقاه فيا ياكما دارب بيا لكواغط ...اي اي هئ هئ مي ::صافي يجي غير سمحمد باراكة حتا نشوفو شنو هادشي جا راجل مي وهزني داني فواحد لخرشاشة واقيلا جابها من لحرب لعالمية حنا زايدين وهي تغني بحال لچالسين فالعرس خصنا غير شطيح وهتك هيتك مهيم وصلنا لطبيب وانا نقلبها دراما

...........عند #اوس
فقت بحال ديما لبست عليا حوايج لخدمة قميجة بيضة وسروال دجينز ودرت ساعة فيدي (كايسحابليكم بحال ديك لبهلة ههه) وتجهت لمستشفى فين خدام وصلت دخلت لوطو عطيتها لعساس يديها ودخلت لبلاصتي لبست طابلية تاع لخدمة بيضة وخرجت بالخرجة بكنسمع صوت لبكا فدخلا ديال لباب لمستشفى كانت بنت زويونة فملاميحها واخا لباسها خايب ولكن كتبان بريئة (ههه اجي تشوف لبرائة ) وانا نتجه عندهم 
اوس: لا لة شنو كاين (وعينو علا جيهان لي دايرا فيها موتت حمار هه) خويدج(ام جيهان):سي طبيب فقنا فصباح لقيناها كتغوت معرف شنو دارت شوف حالتها تشفي لعدا باينا شي موصيبة اوس:اوكي هاني غادي نشوف هزها اوس وسيدة تقولي ميتة دخلها لغرفة باش يفحصها وسد لباب وهي تفيق ست لحسن خلا وها لمصرين)
انا:(ناري شحال زوين ومفورمي فين جا داك سعيد اجي يامي تشوفي )هئ هئ هئ هئ (بدات فتمتيل)عفاك اسي طبيب بغيتك تعاوني هئ هئ هئ
اوس:(مبهور كيفاش غير دابا وهيا سخفانا)واش نتي لباس شنو بيك يمكلي نعاونك انا:هئ هئ بغيتك تعاوني انا مبيا والو هادا غير دوا لحمر درتو فحوايجي باش يتيقوني هئ هئ هئ اوس:(مفاهم حتا وزة)مفهمتكش وضحي كلامك اختي
انا::(تخوالك دميغة انا بطولة ولقامة وشهامة ختك تخوا من عينك) شوف انا مي لي برا بغات تزوجني بسعيد ولد ميلودة مول لفران وانا مبغيتش بغيتك تقول ليهم شي كدبة لي تمنع هاد زواج عفاك هئ هئ هئ

أوس:(بعصبية)واش نتي بعقلك زعما كتمتلي علا والديك محشوماش عليك ميبقاوش فيك 
انا:علا مالني ياكما قتلت روح وزيدون نتا سوقك شحرق شطاتك كبرنالك شان ودرنالك قيمتك وطلبناك ساعة طلتي غير بهيمة(هادي كتقلب على الاعصار ههه) أوس::(لبخار كيخرج من ودنيه)كنقسملك بالله حتا مقطعة لوراق ولله غير جيتيني بنت اما انا كوراني دفنتك فبلاصتك انا::ههههه ضحكتيني اوا دابا مغتعاونيش ياك 
اوس::مستحيل ولو غير تفكير بأنني نكدب عليهم فشي حاجة
انا::اوا صافي نتا لي بغيتي (بدات كتقطع فحوايجها وتشعكك شعرها
اوس:(واقف وكيشوف فيها بحال لهبيلو وممتيقهاش بلي تقدر ديرها)زعما نتي بعقلك وديريها
انا ::وعلا مالني مانديرها هانتا غادي تشوف نوريك جهان لهبلة علاش قادا
اوس:(ممتيقش بلي ديرها)ههه اوا نشوف انجازك واش تقدري
انا:(هههه ولله حتا مرزاقة جابك ليا لله فطبق من ذهب )وليچالها وليچالها يچد بيها هتك هيتك شنو كتسحابني كنلعب اوا شوف
اوس:(جاه ضحك من غناها وفنفس لوقت خايف تخرجليه على خدمتو)لا شوفي نتي مريضة هنا وانا طبيب يعني نكدب لا
انا:(ههههه بديتي تخاف اوا مزيان)نتا لي بغيتي
{غرفتوها شنو ناويا ياكو باغيا تدي راجل بنفس باردة}

اوس::نهار زين هدا نتلاقا مع لحماق بحالك بقيت بلا شغل عاطيك وقت كتر من قيمتك
انا:(ولله الا مندمتكش منتسماش)لحمق هوا نتا لمفسح لاخر عينك داخلين فيك تقولي غير داخلا فيك لموت
اوس::ناري نتي بربي حتا تركبي فبنادم جميع الامراض (حل الباب وخرج) ا
#جيهان
(خرجتي اوا شوف خربقت شعري مزيان وقطعت حوايجي وجرحت عنقي ويدو وحمرت حنيكاتي حتا ولاو بحال مطيشة ياويلك من كيد النساء ) 
#اوس
خرجت بحالي من ديك لغرفة هي دبصح زوينة ولكن ماشي عادية حتا كنشوف وليديها وقفو عليا باش يعرفو لحالة تاع بنتهم
جويدج::امدرا اولدي بنتي شنو عندها ياك لباس
اوس::لالةبنتك ....(باقي مكملها حتا شافها خارجة فديك لحالة
) خويدج:(شافت بنتها وهي تغوت)اويلي شكون دار فيك هاد لحالة شكون هئ لله لله علا بنتي جيهان:هئ هئ هئ هئ مي هاد طبيب هئ هئ سد لباب وووو هئ هئ هئ هئ منقدش امي منقدش انا صافي ضعت هئ هئ 
خويدج::تعدا عليك ياك ابنتي دوي ولله يما نوزها الا دوزتها منتسماش خويدج بنت سليمان (شدت اوس من لكول هو براسو شك معرف باش تبلا)ولله يحتا ندمك على هاد لحالة لي درتي لبنتي

اوس:(اوس معصب بالمعقول مكرهش يخنقها)انا مدرت والو لبنتك الالة انا هنا طبيب ولكن ماشي ديال لحماق بنتك عندها شي خلل فراسها ميمكنش تكون طبيعية
خويدج:محشمتيش تكدب ليا فوجهي وشنو هاد لحالة لي فيها بنتي واش نتا دخلتي تفصحها ولا تغتصبها
اوس:لالة راني دويت معاك مدرتليها والو هي غير كتمتل عليكم انا:: هئ هئ مي صافي دعوة بيه لله هئ هئ ربي لي يخلصو هئ هئ هئ
اوس:(بستهزاء)ههه دبا نتي كتعرفي لله ككنتي كتعرفيه متكدبيش فوجهي خويدج:ولله حتى تخلص هادشي لي درتيه وهانتا غادي تشوف
اوس:دابا نتي ممصدقانيش ياك اوا صافي زيدي نديرو ليها تحاليل ويلا كنت ڤغيمو غتصبتها انا مستعد نتزوج بيها ليوم قبل غدا ونتمنى متندميش
انا:(ويلي هاد بشلاغم مبغا يتفك يخخ)لا لا صافي دعيتك لله انا مبغيت منك والو خويدج:: لواه خليه باش نيت نوريه يتفلا على بنات ناس
انا:(صافي ليوم لخرة ليا خصني نفكر اه)مي مي (دارت راسها سخفات)
خويدج:: ناري على بنتي مسكينة اجي اسمحمد هزها معايا 
اوس:(تنهد).. باينة هادي شي تمتيلية جديدة 
خويدج: نتا كتشوف لحالة لي رديتي فيها بنتي ومزال تدوي جا سمحمد وهزجيهان (واخا شيباني مي مهلي فصحتو )ودخلها لغرفة لي كانت فيها وخرج 
#عند_أوس 
اول مرة نطيح فشي بنت من هاد نوع ليشوف برائتها ميتيقش دكشي لي دارت صعرتني جاب لله معاها واليديها اما كنت قطعتليها داك لسان لي فرحانة بيه

#عند_جيهان
بصراحة وحلت وحلة ديال لحولين درت راسي سخفت باش نفكر فشي حاجة تفيدني بصراحة بقا فيا داك طبيب مسكين ولكن هو مبغاش يعوني وانا من الاصل كنت باغيا غير نتفك من ديك سعيد لا زين لا رضات الوالدين ديما مو تتسخط عليه مع انا مرضية خصني لمرضيين (لا باينا مرضية ههه) بقيت كنفكر ولكن موصلت لحتا نتيجة 
#عند_اوس
خرجت من ديك لمستشفى ووقفت برا وهو يبانليا اشرف جاي لعند
ي اشرف:: مالك اصاحبي معصب شنو كاين
انا::(تنهد)قول شنو مكاينش ....................­....................­....(عاودليه كلشي) اشرف:: هههه ناري بشيتي فيها اوا وشنو غادي تدير
انا::كيفاش شنو غادي ندير غادي دير تحاليل باش يتأكدو هاد لفعايل ماشي عليا انا
اشرف: لا اصاحبي كون جيتي عليا دير فيها لخير هي شنو دنبا هي غير مبغاتش تزوج بداك خينا وصافي زعما شنو يوقع الا عاونتيها
انا::بحالاش نعاونها وانا شنو دخلني فهاد شي انا طبيب ماشي كنحل لمشاكيل اشرف:اجي عندي واحد الحل علاش متزوج بها غير فالوراق ومن بعد طلقها وهاكا غادي تهنا من لمشاكيل قبل متخرج ليك علا خدمتك
انا::واش نتا مريض ولا شنو شفتيني منيكة زواج ماشي لعب وشنو نقول الواليدة والعائلة 
اشرف ::عادي غادي تزوجها بحال ناس بحال لمزوجين بصح ومن بعد طلقها وكلها يمشي فطريقو 
انا::لا ميمكنش مبغيتهاش ولكن خدمتي.
... حريرة هادي وصافي
{شفتو البهلة شنو دارت اوا ديرو بحالها من غدا سيرو لطبيب ههههههههه}

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.