قصة الحاسة السابعة الجزء الرابع

من تأليف ابتسام قراري
2018

محتوى القصة

رواية الحاسة السابعة بقلم ابتسام قراري بالدارجة

طاح ضلام وجا وقت لمغاضرة من شغل سناء واقفة فالباب كاتسنا عماد كاتصوني عليه ماكايجاوبهاش حيت لاستاد خداليه تلفون حيت كان كايلعب بيه شافها محمد واقفة فالباب وشتا كاطيح كان غايجبد لمضيل صغير ديالو ولاكن شافها وهوا يخبعو محمد= لاش واقفة هنا شنو كاتسناي سناء= كونت غاديا اصلا محمد= اوووو ماعرفت كيغاندير شتا مجهدة وماجبتش معايا لمضل اشنو بانليك تسلفيني لمضل ديالك سناء= الى عطيتولك وانا باش غانضرق محمد=اااه بصح شنو بانلك الى وصلت معاك لدار نتي دخلي وانا ناخد لمضل فهاد لحالة حتى واحد ماغايضرر سناء= فنفسها (واش هادا باغي يتقرب مني زعما ولاكن انا ماشي ساهلة) تافقنا ولاكن تنا ليغاتشد لمضل محمد= صافي تافقنا عماد مازال فلقسم ولحصة مابغاتش تسالى هز شانطتو وسلت برا خرج كايجري لمحطة كايصوني عليها ماكاتجاوبش صونا فالمكتب ماجاوبتش وتفكر تطبيق ديال تتبع ليدايرلها فتلفونها شاف فتطبيق لقاها قربت توصل مشا غير بشوية عليه حتى قرب لحدى دار صونالو تليفون عماد=الو ميساء صافا ميساء=صفا واش وصلتي لدار عماد= لا قربت نوصل علاش ميساء=بغيت غير نسولك واش اول حب فحياتك هيا لمحامية سناء ياك عماد= أأ لا داكشي كان من زمان ميساء= ولاكن علا ش نتا مهتم بيها لديك داراجا عماد= حيت دارت فيا واحد لخير وخاصني نردولها ميساء=ااه ريحتيني نتا عرف انني معجبة بيك عماد= اه هههه اصلان ماخليتي حتا واحد فلافاك ماقولتيهالوش ميساء= انا عارفاك نتا ماكاتبغينيش ولاكن انا غادي نبقى نتسناك فهاد لاثناء عماد بصدمة طيح تيليفون ولمضل وكايشوف فالمنضر ليقدامو سناء ومحمد واقفين كايهضرو ويضحكو ومقربين لبعضياتهوم زير على يديه بغضب وخلاهوم حتى تفارقو عاد دخل لدار وزدح لباب سناء= عماد جيتي الله ماديتيش لمضل فزكتي بزاف =(خلاها كاتهضر ودخل لبيتو وسد لباب) سربي بدل حوايجك غايضربك لبرد هز شي حاجا من حوايجي ولبسها واجي تاكل معايا بيتزا شريتها فطريقي ااه نسيت نقولت راني محتاجاك غدا بغيتك تمشي معايا لمحكمة تعاةني فواحد لقاضية معقدة بزاف بغيتك تقرالي افكار لمجرم وتكولموملي شنو نسيت فين هيا لملحة اه هاهيا (حاطاها فلبلاكار وحاتها عاليا وكاتجبد باش تجبدها خرج عماد هز لملحة وعلاها فوق لبلاكار) سناء=واش كاتباها بطولك وعلاش مابدلتيش حوايجك راك غاتمرض مالك عماد= ماماليش وماغانبدلش حوايجي وماغانمشيش معاك لمحكمة وماغانمدلكش لملحة صونيت عليك وماكاتجاوبيش(سمح فيها مصضومة ودخل لحمام) سناء=هدا مالو( جبدت تيليفون ولقاتو مصوني عليها 20 مرة ) وفهادلاثناء كان محمد فطريق غادي كاينقز بالفرحة وعمل مكالمة

محمد= الو لالة فاطمة شخبارك فاطمة ام سناء= لاباس لحمد لله اولدي محمد= بغيت غير نقوليك لغيلي داك لموعد مع ديك لبنت فاطمة = ولاكن علاش اولدي هيا بنت واحد صاحبتي زوينة وضريفة قارية ومحامية بحالك محمد= ماش هاكاك امي فاطمة غير انا دابا كانبغي واحد لبنت وحداخرة وباغي نطلب يديها لزواج فاطمة =ااااه اولدي الله يكمل عليك بالخير واخا ماكرهتهالكش ولاكن كولشي بالمكتاب الى غيرتي رايك عيطلي ااااخ اخالتي فاطمة لوكان تسيقلك لخبار سناء بلي نتي ليمضبرالها لعريس وماكاين لاعيشى ولا قدور غاااااادي تقلق منك =في الغد= علال كايجمع رحيل ديالو غايخوي لمدينة وصلو عندو نفش شرطيين شرطي= سالام جينا بغينا نطرحو عليك شي اسالة بخصوص لحادث ديال داك نهار نتا وعماد علال =ااه هاداك لولد مسكين كايبقا فيا فلماضي عملت معاه واحد لحاجة خايبة هدا لاش هوا كايكرهني شرطي ثاني== اه فخبارنا ليوقع علال= هداك كان غير حادت وانا خايف عليه ليدير شيحاجة تاديه هوا باغي ينتاقم مني ولامن انا قررت نبعد لشي بلاصة اخرى باش نعيش حيات مستقيمة ومنها نجنبو لمشاكل شرطي= كايعجبني تفكيرك الله يعاونك واش غادي ترحل لشي مدينة اخرا علال =اه واحد لمدينة شوية بعيدة لموهيم لقيت لخدمة عند شي واحد بيها غانعيش ونحاول نجدد حياتي اه كونتي باغي تسولني شي حاجا شرطي= لا لا صافي ماكاين لاش الله يوصلك على خير علال=بابتسامة ماكرة( اميين) وركب فسيارتو وزاد شرطي=كايبقا فيا هاد راجل مسكين باغي يبدل حياتو للاحسن صراحة ماشي هوا ليخاصو يمشي بحالو هداك لمسطي ديال عماد هوا ليخاصو يمشي الشرطي ثاني=بلاتي هوا سافر ولميلف ديال لمحامية ليكاتاهمو بقتحام دارها مازال ماحققنا فيه الشرطي الاول= ياك مامشاتلها حتى حاجا من دارها ادن نقفلو لقضية نخليو سي علال يعيش حياتو فسلام يالاه نمشيو وفهاد لاثناء سيهوم علال فسيارة حاط حداه صورة ديال سناء وماماها فاطمة ولعنوان ديالها فاش حطلها تلفون فدار هزلها صورة ولعنوان ديال ريسطورا د ماماها وغير لخطة ديالو منين شاف عماد ماغايتفارقش مع سناء قال غادي نجيبها عندي بواسطة ماماها (لحقير ) سناء وعماد فطرو شي ماكايهضر مع شي خرجو باش كل واحد يمشي لشغلو وطلافاو مع شرطيين شرطي=صبح لخير الالة سناء سناء= صبح لخير شرطي= صراحا جينا غير باش نطمنوك دابا ماعندك ماش تخافو سي علال سافر برا لمدينة وماغايرجعش مرا اخرا وقالي

نقولكوم نتي وعماد انه كايعتادر منكوم ونادم على اي حاجة دارها معاكوم عماد=بلغوات( اشنو كاتخربق نتا علاش خليتوه يمشي هداك خاسو يتسجن) سناء=شدات فيد عماد كاتهدن فيه (كانشكرك اسيدي على لمعلومة) عماد=واش قاليكوم فين مشا واش خديتو منو لعنوان شرطي=انتا راك زدتي فيه سيد بعد منهنا باش يعيش حياتو فسلام ونتا غير تابعو صافي بعد منو والى سقت لخبار درتيليه شي حاجا انا ليغانحبسك بيدي دير عقلك سناء =صافي اسيدي حنا غانمشيو بسلامة(وكاتجر عماد ليمعصب وكايغوت) كل واحد مشا فطريقو عماد مشا لافاك وسناء غاديا فطريق لخدمة وهي مرتاحة حيت شبح ديال علال مابقاش غايتبعها ادن ماكاين لاش تتزوج بشي حد وصونات على ماماها سناء=الو ماما لباس فاطمة=لاباس ابنتي فين هاد لغيبة سناء= غييير مع لخدمة اماما بغيت غير نقولك لغي داك لموعد مغانطلاقاش مع داك راجل غيرت رائي فاطمة= بلغوات( واش نتي باغية تحمقيني مرة نطلاقة معاه مرة بلاش واش كاتلعبي عليا) سناء=صافي اماما قررت انني غادي نرجع معع لقانون فاطمة= ياك طلقتو سناء=هههههههه رغبني ورجعتلو مانقدرش نتفارق مع لقانون اماما كانبغيه فاطمة=ههههههههه اللع يعطيك ماتاكلي ضحكتيني يالله قطعي شي واحد دخل غانشوف شكون وفهاد لاثناء كان علال واقف حدا ماماة سناء فاطمة فاطمة=تفضل اسيدي شنو تاكل علال = صراحة الالة انا جيت على قبل لاعلان ديال لخدمة فاطمة=اااه تفضل واش نتا هوا مصطفي ليسونيتي عليا لبارح علال= عرفها غالطة ولاكن لامر فصالحو (اه هوا انا مصطفى) فاطمة=جيتي فوقتك اسي مصطفي سير دخل لمطبخ هانا تابعاك راه على شمال علال دخل للمطبخ شاف صور ديال فاطمة وسناء وقف كايشووووووف فيهوم بكره دخلت عليه فاطمة فاطمة=فاش كاتشوف علال = واش هادي بنتك كاتبانو فتصاور فرحانين بزاف فاطمة=بابتسامة لطيفة(اه كون شفتيها غادي تعجبك بزاف ضريفة بزاف ) علال=فنفسو ( اكيد غادي نشوفها وغادي نخليها تجي تبوسلي رجلي باش مانقتلكش اشارفا وشاف فيها بابتسامة خداعة) الله يخليهالك فاطمة=اميييين ونتا فين عائلتك علال = ماتو من زمان

فاطمة =باسف( اااااااه الله يرحمهوم) علال= بنضرة شريرة وعاطيها بضهر(امين) فاطمة تاصلت بسناء باش طمن عليها فاطمة = الو حبيبتي توحشتك سناء= ماما ماشي عوايدك هادي باينا باغا شي حاجة فاطمة=هههه دغيا كاتفهميتي فوقتاش غلتخلصي سناء=مازاااااااااااال اماما مازال جوج سيمانات جمعة هادي لا وجمعة لجايا عاد غانتخلص فاطمة=الله يرضي عليك ابنتي راكي عارفة محتاجة نخلص لكريدي سناء= عارفة عارفة اماما يالاه بسلامة علال=واش هادي بنتك ليهضرتي معاها فاطمة = اه توحشتها بزاف مشات سناء لدار وجدت لعشا وكلست كاتاكل و كاتشكي على عماد من ابتسام عماد= دابا واش ديك لمدعية لعامة مازالة تابعاك وكاتستافزك سناء= اه عماد= خصك توقفيها عند حدها سناء= نهار على نهار كانزيد نكرها ديك لمتعجرفة كانحس بيها بحال مناديل لحمام ليكانمسحو بيه لخ... عماد= وقفتهالو (هييييييي ماتبقايش تقولي بحال هاد لكلمات راه كناكل عيفتيني ترقاي شويا فهضرتك باركة من تبرهيش وماتهضريش وفمك عامر كاطلعيلي لقلب) سناء=حطت راسها على طبلة ( اووووووووووووووووووووووف ماتزيدنيش حتا نتا) =في صباح= عناد فلقسم دخلا ميساء كلسات حداه حيداتلو صناتات من ودنيه ميساء= حطت حداه لكتاب( ااا عماد هادا واحد تمرين فرياضيات مافهمتوش ممكن تشرحو لبا) عماد= كايشوف فلكتاب ( ولاكن هادا كتاب ديال لعلوم) ميساء= مصدومة من غبائها وقالت فنفسها( بفففف على تحشيمة شغاندير دابا هوا كايقول عليا دابا مكلخا) ااااه بصح مانتابهتش بغيت نقولك لعلوم وغلطت عماد=سمعها وكايضحك ميساء= بغيت غير نقولك ديك لهضرة ليقلتليك ولبارح فتلفون دير راسك ماسمعتيهاش حسبني حزقت حيت هاديك ماشي هضرة عماد= قال فنفسو( اويلي باويلي يا ويلي على هاد لبنات غايحمقوني ماكاتعرفوش تهضرو بلا ماتخصرو لهضرة ) اه ماديريش فبالك ميساء= ادن غانبقاو اصدقاء ياك عماد=كايضحك ( الى ترقيتي فهضرتك ممكن) صونا تلفون عماد

عماد=كايشو ف فنمرة علال كايتصل فتح لخط وسجل لمكالمة(شنو بغيتي لاش كاتصوني) علال= توحشتك وبغيت نطمن عليك عماد=جيني ملخر علياش عوال علال=انا مازال ماساليت ومانسيتكمش وغادي نوجع ليكم عماد= لحقييييييييير طوط طوط طوط خرج عماد كايجري باقصى صرعة متوجه للكمسارية لقا نفس شرطيين كالشي كاياكلو حط ليهوم تلفون على طبلة بجهد حتا قفزو بلخلعة شرطي= عماد اش هاد هادشي كادير شرطي ثاني= واش ماغاديش دير عقلك عماد= علال صونا عليا(خدم تسجيل ديال لمكالمة) هانتوما سمعو شرطي ثاني= سمع تسجيل ( وشنو فيها عيطلك بغى يطمن عليك) عماد=يطمن عليا راه كايهددني شرطي =ثاني كايقول فنفسو ( هادا راه تهديد باينا وسمعو عماد) غير سير دابا رتاح راه ماعندك مناش تخاف علال كايبان انسان مزيان عماد= عكيني لعنوان ديالو شرطي لاول= ماعندناش ماسولناهش عماد=بعصبية( كونو متيقنين غادي نقلب عليه حتى نلقاه وغادي نقتلو بيديا) وخرج وفهاد لاثناء سناء كاتغدا فلكافترية ديال لخدمة شافها محمد جا كلس حداها محمد= واخا كلست حداك سناء=بابتسامة تفضل مخمد= شكرا ايوا اش خبارك فين وصلتي فالقضية ديالك وبقا يهضر يهضر وسناء مكاينااااش فهاد لعالم سناء= كاتشوووف فيه مزعوطة مسكينة وكاتقول فنفسها( دابا الى عرضت عليه غايحسابلو مهتما بيه اشنو غاندير غانكولها وليليها ليها) محمد انا عارضة عليك نتفرجو فشي فيلم غدا محمد= بابتسامة خبيثة (امممممممم نعتابروه موعد زعما ياكما معجبة بيا) سناء= مصدومة (أأأ لا ماشي موعد شنو يحسابك انا نتعجب بيك ههههه كاتحلم الى مابغيتيش غادي ندي معايا عماد) محمد=سمع عماد ( لا لا لا غير كانضحك معاك غادي نجي) 6:30سناء=اوكي نطلاقاو فلعشيا مع محمد=اوكي سناء=اه قبل ماتجي حسن داك لموسطاش وحيد ديك لفريقة ولبس مزيان محمد=الى لموسطاش سناء=ادن غاندي معايا عماد

محمد= (بحزن)لا لا لا صافي ليبغيتي نزولو مشا كل واحد فطريقو وعماد خرج من لكمسارية وغادي فطريق شاف واحد كايبيع نونوسات صغيورين عبارة عن دبدوب فالالوان عماد=بشحال هاد نونوس راجل=عشرة دراهم عماد=وكيفاش كاتخدم راجل =كاتبرك على ديك لقليب ليفلوسط وكاتسجل صوتك وكايبقا يتعاود صوت فوق مابغيتي غاتسمعو عماد=اوكي عطيني واحد عماد شرا دبدوب وهوا غادي كايسمع لغوات موراه كايلقا دوك شركيين كايجريو على شي شفار عماد تعرضلو وطيحو فالارض طاج ووقف بغا يضرب عماد بلموس ولاكن عماد شبعو عصا حتا وصلو شرطيين وشدوه وفهاد لاثناء لبوليسي طاحلو لمسدس ديالة على لارض جا عماد يهزو وقاليه شرطي بلاش خليه انا غانهزو شرطي ثاني= عماد واش مابغيتيش دير عقلك كون ضربك بلموس عماد= لا رد شرطي تاني=عماد انا صدقت وغادي نبحت على علال عماد= كدا ب انا مابقيتش كانتيق فيكم غادي ندير شغالي بيدي سمح فيه ومشا وفلعشيا سناء لبست وتعطرت لبست كسوا حمرا فوق ركيبات وطالون اسود وعملت ماكياج خفيف وعملت تسريحة بسيطة جات كاتحمق عماد داخل شافها جايا خبع نونوس موراه سناء=جيتي شنو خبعتي عماد= والو غاديا لشيبلاصة سناء=واخا نبغي نكدب عليك متنقدرش كاتقرالي افكاري غادي نمشي نطلاقا مع محمد دايرا معاه نتفرجو فشي فيلم بقا فيا مسكسن منداك نهار ليضربتو وبغيت نعتاضر منو عماد= ماحاملش هضرتها على محمد دخل وخلاها كاتهضر وفهاد لاثناء دخل شرطي اه غادي نقوليكوم سماء شرطيين الاول سميتو ياسن وثتاني سمستو مراد مازالين شباب يكونو فثلاثينيات دخل شرطي مراد لقى شرطي ياسين كايقلب على شي حاجا وغايحماق ياسين= مالك علاياش كاتقلب مراد=غير سكت غانحماااااق لمسدس ديالي تلفلي (وهوا يتفكر فاش كان عماد غايهز لفردي وتفكر فاش قالو غادي نلقى علال ونقتلو بيدي) وقال عرفت شكون سرقو ياسين= شكون مراد =عماد هوا ليداه فاش شديت شفار هزو وداه ياسين=الله شغانديرو دابا عيط لسناء كولهالها اما فهاد لاثناء كان محمد جاي فاحسن مضهر حيد لمسطاش ولفريقا ولبس سروال دجين ويوميج ابيض مع فيست اسود وصباط اسود جا كايحممممممممممممممممممق فيييين هوا داك محمد لبليد دابا ولى شيك

وفطريقو شرا لسناء كاضو عبارة عن شوكلا قمت رمنسية طريق كاملة وهوا كايضحك ولبنت ليشافتو كاتزعط فيه وكدالك سناء دايا فطريق بكامل اناقتها وقفت حدا شانطي كاتسنا لاشارة لخضرة باش تمشي عند محمد ليكان واقف فجهة تانية من شانطي وفرحااااااان ولاكن فرحتو ماكملاتش سناء صونا تلفونها سناء= الو شرطي مراد=انسة سناء (وعاود ليها ليكاين وقالها عماد شفرلو لفردي) غير سمعت هاد لهضرة رجعت كاتجري ومحمد كايعيطلها مافاهم والو ركبت فطاكسي وكاتصوني على عماد مكايجاوبهاش حيت كان فلحمام كايدوش دخلت لدار لقاتو خارج من لحمام كاينشف شعرو شداتو من يديه سناء=بصراخ( واش لقيتي علال فين هوا) عماد=مفهمتكش علاياش كاتهضري سناء= سمعت شرطيين كايضقو فالباب(المصخوط جاو باش يديوك لحبس) جراتو من يديه دخلاتو لبيت(شوف كاتخرجش من هنا سدت لباب وفركت شعرها بلما ودارت فوطة على راسها وخرجة( شوفو عماد راني حاضياه مويان مايمكنش يشفرليكم لمسدس) شرطي مراد= اااه هههههههههه جيت غير باش نقولك راه لقيت لفردي كان من تحت مقعد سيارة كانعتاضر سناء=بصراخ (ااااااااااخخخخخخخخ كونتي غادي تسكتلي لقلب بلخلعة) مراد=مابايناش عليك مخلوعة نتي يالاه خرجتي من لحمام ومخلوعا سناء= أأأ تخلعت وانا كاندوش مرا جايا ماتبقاوش تفتاريو على عباد الله عماد ماشي ديال هاد شي (دخلت وسدات لباب فوجهو) لقات عماد واقف (واش سمعتي لهضرة) عماد=اه واش نتي صدقتيه فلول سناء=ماصدقتوش حيت كانتيق فيك عماد=عرفتي الى شفتي راسك فلمراية غاتخلعي سناء=لا ماغانتخلعش (دخلت لبيتها وقفت حدا لمراية) اااااه بسم الله رحمان راحيم شكون نتي( كان وجها مجلط بلكحول ولعكر واصل لخدها صونا تلفونها ويليييييييييي على حصلة محمد كايتاصل (الو محمد ) محمد=بغيت غير نطمن عليك واش وقعاتلك شي حاجا سناء= أأأ لا ماوقع والو غير شي خدما وصافي فينك نتا محمد=انا وصلت لداري لحمد لله على سلامتك تخلعت عليك يالاه بسلاما(ولاكن فالحقيقة هوا كان تحت دارها كاينهش حيت جا طريق كاملة وهوا كايجري وعرقااااااان مسكين كايبقا فيا هاد لولد وفلحضة هز عينو فلبالكون ديال سناء شاف عماد واقف كاينشف شعرو بالفوطة وسناء حداه حتا هيا دايرا لفوطة على راسها وفهم لموضوع غلاط عماد شافو واقف وبلعاني بقا كايشد فسناء ويضحك معاها باش يدخلو شك مشا عماد مسكين وقلبو مجروح خدلاتو سناء ) =في الليل= سناء وعماد كايطويو لحوايج وكايهضرو سناء=بغيتك تواعدني اعماد عماد= مانواعدك بحتا حاجا بلا ماتبداي عاود

سناء=غادي تواعدني بسيف عليك انك تبعد من علال ونسى طريق لانتقام الى كونت عزيزة عليك عماد=(بعصبية)اه عزيزة عليا ولاكن غادي نتاقم منو على داكشي ليدار لبابا وغادي نتاقم منو على قبلك غير كانسمع صوتو كانبغي نقتلو فمنضمنليكش راسي الى شفتو حدايا غادي نقتلو بدون تردد نار لانتقام كاتغلغل فقلبي سناء=عماد نتا مازال صغير وعندك احلام خاصك تحققها وانا ماغانخليكش ضيع حياتك على قبلي عماد=ودموع فعينيه( والى قتلك شنو غاندير داكساع باش غايفيدوني لاحلام) سناء=كاتبكي( كاينين لبوليس غادي يحميوني والى مت حقي ماغايمشيش حيت غادي يتسجن) عماد=كاتحلمي واقلة اشمن بوليس علاش كاتهضري واحد ماحاضيش حتى فرديه عاد يخضيك نتي سناء=عماد كانترجاااااااااااااك نبوسلك رجليك مادخلش راسك فهاد شي انا كانتيق فيك واعدني عافاك عماد=غير باش يسكتها (صافي كانواعدك) =في صباح= فاق عماد بكري و وماناويش على لخير لبس حوايجو وخرج متاجه لمدينة لقديمة باش يقلب على شي هاكر ولقاه دخل لواحد لمحال ديال اصلاح لهواتف عماد=سلام عليكم لهاكر= مرحبا عندك شي حاجة خاسرة نصلحهالك عماد=لا (جبد ورقة وكتب فيها نمرة ديال علال) بغيت نعرف لمكان ديال هاد نمرة قلبلي على لعنوان ديال مول هاد نمرة لهاكر=امممممم صبر واحد دقيقة نتاكد (بقا كايبحت ولاكن بدون جدوى ) سمعني مزيان انا غادي نبقا نسيفطلو شي رسائل الى قراهوم غادي يطلعلى مكانو داكساع نطلاقاو نعكيك لعنوان وتعطيني لفلوس اوكي عماد=تفقنى شحال بغيتي لهاكر= الف درهم عماد=او بزاف باش تلقالي عنوان خاصك الف درهم لهاكر= لخدمة ديالى غير قانونية والى حصلت غادي ندخل لحبس كانضن نستاهل الف درهم عماد=صافي جاتك وغير تلقالي لعنوان عيطلي الله يعاون خرج من عندو طلاقى بسناء غاديا لخدمتها هازا بزاف دلملفات عماد=سلام القطقوطة سناء=ماتبقاش تقولي قطقوطة جيتي فوقتك هز معايا لملفات عماد=لا يكفي غير شانطي راها تقيلة سناء=فنفسها (متعجرف) عماد=انا متعجرف سناء=اااااه عرفتي ماما عيطاتلي وقالتلي انها حلمت واحد لحلمة خاااااااايبة عماد=خير وسلام هداك غير شيطان سناء=لا والله احلام ديال ماما ديما كايتحققو داك داك لمرة حلمات طاحلها ضرس ومات خالى واي حلمة كاتحلمها كاتحقق

عماد= شنو حلمات سناء=حلمت واحد راجل جا مورايا على غفلة وهزني ولاحنى فلبحر عماد=هداك غير شيطان خوي عقلك من هاد تخربيق وهوما كايهضرو محمد موراهوم كايعيط لسناء محمد= سلام سناء لباس عيطلك ماسمعتينيش (شاف فعماد) اااه نتا هوا لولد ليطلاقيتك داك نهار كانشوفكوم ماكاتفارقوش سناء= فنفسها (عنداك غير يفهمنا غلاط) اه هادا عماد لبريهيش ولد جيران كايجي عندي كانحفضو لكاسول هههههههه(حال فمو فيها ومحاملهاش) محمد=اااااه ايوا ديها فقرايتك اولدي هيا ليغاتنفعك (عماد غايطرطق) سناء=بغات تلطف لجو( واااااااااااااااو محمد اش هاد تفركيسة وليتي كاتبان غزال هاد لفيست جات معاك ) محمد=بخجل( درت غير ليكولتيلي حيدت لمويطاج ودرت ليلونتي فبلاست نضارات وحيدت تقاشر لبويض وكاديت شعري غير باش نعجبك هههههههههه)جر سناء وزاد (اري نهز عليك تقل) شوفي شنو جبتليك هاد شكلاط جبتولك لبارح ولاكين ماجيتيش باش نعطيهلك سناء=وااااو لديد بزاف حل فمك يالله يالله اام هههه عماد=كايشوف فحوايجو ومعصب ( اش هاد لحوايج ليلابس انا داير بحال شي بناء دابا تشوفي غادي نولي حسن من داك ميخي ديالك) بلاعصاب ضرب واحد لقرعة برجليه جابها فواحد راجل (أأأأأ سمحلي اسيدي سمحلي) =في المكتب= مصعب= هاز لميلف ومتوجه عند سناء (شدي هادا لملف ديال لقضية جديدة ) سناء= حلاتو تهمة سرقة امممم ساهلة مصعب=حطليها قرعة ديال لما(هاكي شدي غاتحتاجيها) سناء=وعلاش مصعب= حيت هاد راجل كان متهم بسرقة هادي واحد لعمين كان سي براهيم هوا لمحامي ديالو ونتها بيه لمطاف فلمستشفى محمد=علاش واش هدا شي رجل عصبات مصعب=لا راجل كبيييير ومكايسمعش بزاف هااا هاهوا جا نوضي اسناء عند موكلك سناء=بتحدي( هانا غادة) سي براهيم = يالله نطلعو لسطح نشربو شي قهيوا حيت دابا غايبدا صداع ياالله نمشيو خرجو وخلاوها معاه سناء= اسي موحا انا هيا لمحامية ديالك موحا= اااااااااااااه علي صوتك ماكانسمعكش سناء= اناااااااااا هيااااااااااااا لمحاميااااااااا ديالللللللللللللللك موحا= غير بشويا راني ماشي صمك سناء=غادي يهبلها( قولي علاش سرقتي صبابط من جامع )

موحا= ااه ماسمعتكش هضري بجهد سناء= علاااااااااااااااااش سرقتييييييييييييي صباااااااابط منننننن جاااااامع موحا= انا ماشي شفار راهوم غير كايتاهموني باغين يتهناو مني سناء= شربات من لقرعة (معضر مصعب عطاني لقرعة ديال لما ) اسيددي عنديييي فلنلللللللللف نااااااس كايتشكااااو منكككك كاتديلهوووووووووم صبابطهووووووووووم من جامع وناس شافوووووووووووك موحا= ايواشكون يسكتو بغايقتلها محمد ومصعب وبراهيم سمعو لغوات هبطو كايجريو يشوفو شنو كاين لقاو شي فيسا معمر سطل دلما وباغي يهرقو عليها محمد لبطل ديالنا شدو وماخلاهش يقيسها سناء= اااااااااااااه ياربي لحلمة ديال ماما تحققات وفلعشية حولو لقضية ديال موحا لمحمد بطلب منو حيت بقات فيه حبيبتو مشات سناء لدار كوكاتهضر مع مماها وتافقت معاها غاتجي عندها فنهاية الاسبوع قطعت معاها فاطمة وتاصلت بعلال فاطمة=الو سي مصطفى بغيت نقوليك فنهاية لاسبوع غاتجي عندي بنتي بغيتك توجد ليها شي شهوات اوكي هتم نتا بالمحال انا عندي شيي شغال شويا ونجي علال= واخة الالة فاطمة كايهضر وقشع لكامرة ليفلبوطو ديال ضو مقابلة مع لمحال (قطع معاها و خرج من لمحل وقطع لخيوط ديال لكامرة وسد لمحال وخرج يجيب ادات لجريمة رجع للمحال لقة فاطمة كالسا كاتغسل دجاج) فاطمة=اه جيتي اولدي راني درتلك شويا ديال لماكلة فطاصا ديها تعشا بيها علال=ناوي لغضر(لالة فاطمة بغيت نعاودليك شي حاجا ) فاطمة =قول هانا كانسمع علال= لموضوع طويل شوية وفهاد لاثناء سناء واقفة فالمحطة كاتسنا فطوبيس وكاتصوني على ماماها سناء=الو ماما من قبيلة وانا نصوني عليك فين كنتي فاطمة= مونت فالحمام علاش شنو بغيتي سناء= اه انا غدا غادي نجي تبغي شي حاجا من هنا نشريهاليك فاطمة= لا ابنتي واش هدا لاش عيطتيلي سناء=لا واش عرفتي هداك شارف ليكان غايكب عليا صطل دلما طلع برئ وليومة حكمو عليه بالبرائة فاطمة=مزيان على سلامتو سناء=ماما صوتك ماشي هوا هداك واش كاضرك شي حاجا فاطمة= لا اش كاتكولي انا بيخييير ابنتي سناء= ماما اناحاسا بشي حاجا ماتكدبيش عليا قوليلي فاطمة= كاينة واحد لحاجة سناء=بقلق(شنو هيا) فاطمة= نتي ديما كاتقوليلي ان عملك هوا نصفك تاني ولاكن ابنتي خاصك تزوجي

سناء= (بخوف)ماما واش كاتفلاي عليا قوليلي شنو كاين انا حاسا بيك ماشي هيا هاديك ماما جا طوبيس غادي نقطع اااااااااااااه فديك لاثناء كانت لالة فاطمة مكتفة وكلها دمايات وعلال شادليها تلفون باش تهضر حيت عيا مكتفا فاطمة= بصراخ( سناء بلاتي ... واش كاتسمعيني) سناء=اه اماما فاطمة= (كاتشوف فعلال باتحدي)العين بالعين واسن باسن الى جا كل واحد يطبق هاد لمقولة غادي نحصلو على مجتمع معاق كاع هادوك ليمعاك فلخدمة ومكايحملوكش راه غير حيت كايغيرو منك ولاكن نتي كوني حسن منهم وعامليهم مزيان سناء=ماما اش كاتقولي مافهمتكش فاطمة(بصراخ) ماتقاطعينيش غير سمعيني مزيان ... واعديني انك ماتديها فحتا واحد وماتعطيهمش فرصة يفسدولك حياتك كوني قوية وتهلاي فراسك بزاف (وكاتحبس لبكبة) انا كانبغيك بزاف ابنتي سناء=ماما واش كاتبكي فاطمة =لا غير مريضة شوية يالله ابنتي غادي نقطع جاوني شي كليان قطعت علال=واش هدي هيا وصيتك لبنتك فاطمة =اه هادي هيا علال= هههههههه ياك قولتلك تغوتي وطلبي منها تجي تعتقك فاطمة= نتا ماتسواش وكاتبقا فيا عشت حياتك ونت كاتجري ورا لانتقام اشمن جحيم كونتي عايش فيه وردك هاكا بدون قلب علال= ههههههه مانسواش وكانبقا فيك انا قلتليك لمشكل ليعندي مع بنتك وحتا هيا غاتولي بحالى عايشا غير باش تنتاقم لمها مسكينا لغانقتلها بيدي ادن مكاينش فرق بيني وبينها فاطمة =راك غالط انا ماربيتش باش تكون بلا قيمة بحالك علال= هههههههههه كاتبانيلي مخايفاش واخا عارفة شنو غادي يوقعلك دابا فاطمة=بابتسامة تحدي( انا نخاف منك ههههههههه عاجبك راسك بزاف دير ليبغيتي هاد دنيا حنا خلاقينا فيها غير باش ندوزو اختبار ونرجعو لحياة لحقيقية الى كنت كايحسابلك انك الى قتلتيني غادي نموت راك غالط حيت داكساع عاد غادي نحيا من جديد ادن دير ليبغيتي ماعندك ماتصور مني) علال = بصراخ( اااااااااااااااااااه ادن نتي ليجنيتي على راسك) طرااااااااااااااخ ضربها لراس بكلامونيط وفهاد لاثناء عماد وصلو مساج فيه لعنوان ديال علال عماد=كايشوف فلميساج (مدينة فاس ) سمع سناء دخلت لدار خرج عندها كوليلي لمطعم ديال ماماك فشمن مدينة سناء=فاس علاش عماد= واش حدا مرجان سناء=اه ... بلاتي كيفاش عرفتي عماد= علال .... راه تما دابا سناء= بخوف( وعلاش غايمشي لتما) مازالين كايهضرو صونا تلفون دار بقاو غير كايشوفو فبعضياتهوم وحتا واحد ماقادر يجاوب عماد= الو ..... اه هيا هادي ....(صمت)

سناء= شكون عماد= لارد وعينيه عامرين بدموع سناء= بصراخ (قلتلك شكوووووووووووون) هداك ساع تاكدت ان كابوس ليشافتو ماماها عاد بدا كايتحقق وان الامر اسوء بكثييييير =في صباح= صحافي= في حوالي اساعة الحادي عشر ونصف من ليلة امس في مطعم صغير في مدينة فاس اندلع حريق لاسباب غير معروفة حرقة انار المطعم وتركت ورائها خسائر في لممتلكات وتوفت على اترها سيدة مالكة المطعم تبلغ من لعمر 54 سنة وكدالك اصيب العامل لديها بعدة اصابات غير خطيرة ولحد الان سوف يستدعون اشرطة اسيد علال لحمداوي لتحقيق معه في لحادثة ومعرفة حقيقة اندلاع انيران المفاجئ وفاد الاثناء سناء وعماد فمخفر شرطة سناء مغمى عليها من لهضرة ليقالولها فامخفر بكات وبكات ونار ليفقلبها مابغاتش تطفى حتى تشوف علال فلحبس عاد ترتاح علال=في لمخفر كايقول لشرطي( عندي واحد طلاب بغيت تحقيق ديال هاد لحادثة لمدية لي انا عايش فيها ارجوك طلب منهوم ينقلو لملف ديال لحادث) =بعد بضع اسابيع= يوم الجنازة داخل القاضي ولمستشارين ديالو باش يعزيو سناء طبعن تشريح لجثة خدا وقت طويل عاد باش قدرو يدفنوها القاضي= مسكينة سناء بقات فيا مستشار =مافهمتش علاش نقلو لقضية لعندنا تكول حنا ناقصين القاضي =ششش سكت ليسمعك شي حد (مشا عند سناء) انسة سناء لبركة فراس والله يصبرك سناء= مامشا معاك باس اسيدي بنسبة لقضية ماما القاضي =غير تهناي انا غادي نهتم بالامر سناء=شكرا بزاف =في مركز اتحقيق= علال=كانقسمليك ماشي انا ليقتلتها علاش غادي نقتلها وهيا مسكينة تهلات فيا انا عاملتها بكل احترام نتوما كاتاهومني انني قتلتها هادشي ماعندو حتى معنى المدعية العامة ابتسام= مشغلة ديالك اكيد كانت انشانة مزيانة علال= بدموع تماسيح( منقدرش نوصفلك بالكلمات هئ هئ مسكينة واخا عرفتني مدوز لحبس قبلة تخدمني معاها هئ هئ ) ابتسام=عطاتو كلنكس باش يمسح دموع تماسيح ديالو (فهمت ادن نهار لحريق نتا دخلتي لمطعم باش تنقدها علال= اه خاطرت بحياتي من اجل انقادها ابتسام=ولاكن بانضر لسجل ديالك عندك مشاكل مع بنتها علال= من هاد لمنضور تقدرو تشفوني انا لقاتل ولاكن قبل عشر سنوات وقاع واحد لحادث وهي كانت شاهدة لوحيدة

وتاهمتني انني قتلت راجل وقالت فلمحكمة هاد لكلام و صدقوها وعتابروني مجرم وتحبست ولاكن فداك لحادثة انا ماتعمدتش نقتل حتا حد ابتسام= امممممم يعني نتا تحكم عليك ضلم ولمحكمة مانصفاتكش علال= ااه مع لاسف حتى انا كنت ضحية اه ضحية لعدالة مانصفاتنيش ابتسام= كاتشوف فيه بلئم( كاينا واحد لحاجا ماعارفهاش في حادث سيارة قبل عشر سنوات مكانتش غير شاهدة سناء لوحيدة ليشافتك بل كان كتر من شاهد واحد علال= كككفاش ابتسام= كنت انا هيا شاهدة تانية (علال تفكرها وعقل عليها وهوا لان مصدوم من هضرتها) هداك لحادث مازال راسخ فداكرتي ماعمرني ننساه وعلى ماعقلت هداك ماطانش حادث عادي كانت جريمة قتل دماغ الانسان مثير للاهتمام مهما قلتي لحقيقة عشرات لمرات وكدبتي مرة وحدة غادي تكشف حقيقتك لحقيقية مهما حاولتي تخفي لحقيقة حيت ربي كبير ومكيضيع حق حتى شي واحد ...نشوفك فلمحكمة اسييييي علال (خرجت وخلاتو مصدوم اوجهو ماكايتفسرش) اما عماد واقف فباب لكمسارية كايتسناهوم يخرجو علال وبالفعل لبوليس مخرجين علال باش يوصلوه لسجن نقض عليه عماد ونهال عليه باضرب عماد=علااااااااااااش الحقير علاش قتلتي انسانة بريئة نتا ماشي انسان نتا واحش غادي تقتلك بيديييييييييييييييييييييييييي اااااااااااااااه علال= اااااه عتقوني غادي يقتلنيييييييييي ااااااه (شرطة كايبعدو فعماد وماقدروش عليه الى ماضرب بيديه كايضرب برجليه دخلو علال لسيارة وبقا كايشووف فعماد وكايبتاسم ابتسامة خبيتة عماد كايشوف فيه وكايزيد يشعل نطالقت سارة ديال شرطة وعماد كايسبك موراها بكل قوتي حتى طاح فالرض ) =في المنزل= دخل عماد لقى دار خاوية وسناء كالسا فالارض وحالتها حالة سناء=فين كنتي عماد=مشيت نشوف علال سناء= وشنو كايقول عماد= نكر كولشي سناء=اكيد غادي ينكر لحقير وقريتي افكارو شنو قال كيف كانت ماما وهي كاتموت عماد= تنهدودموع فعينيه( اخر لحضاتها عطاها فرصة هضرت معاك فيها فتلفون) سناء=هضرت معايا فقتاش ... (وتفكرات لهضرة ليقالتليها فاش كانت فلمحطة ااااااااااااااخ على سناء مسكسنة كاتبقا فيا هاد لبنت مسكينة) لا ميمكنش هئ هئ هئ لا لالالالالالالا هئ هئ هئ ماكنتش عافاك اماما سمحيليييييييييي هئ هئ كان خصني انا نكون فبلاصتك اماماااااااا هئ هئ علاش ضحيتي براسك على قبلى علاااااااااااااااااااااش هئ هئ ااااااااااااااااه سمحيلييييييي سمحيلييي كانترجاااااااااااااك هئ هئ هئ =في الغد=

وفهاد لاثناء دخل محمد عند لقاضي بحل شي اعصار محمد= لا مايمكنش علاش انا علاش ختاريتوني انا مايمكنش ندافع على لمجرم ليقتل ماين سناء مايمكنش القاضي= غير بشويا بلا غوات محمد=دابا دااابا غادي تعطي لقضية لشي محامي اخر من غيري القاضي= مايمكنش كلشي رفض محمد=ادن جرب سي براهيم هوا يقدر الفاضي= حتا هوا مايقدرش حيت لمتهم طلبك نتا بالخصوص بغاك نتا دافع عليه =في المكتب= مصعب=علاش لقاضي قلبو قاصح لهاد درجة هوا شايف محمد مكايتفارقش مع سناء وكلفو بلقضية ديال لمجرم ليقتليها مها سي براهيم= ماشي هوا ليكلفو علال ليطلب محمد يكون لمحامي ديالو مصعب= ولاكن علاش داك لحقير ماكايفلت حتى شي فرصة باش يضمر سناء قتليها مها ودابا باغي يخلق لعداوة بينها وبين محمد سناء=دخلت وسمعت كلشي (مصعب فينهوا محمد) مصعب= ختي سناء عفاك ماتقلقيش منو راه ماشي لخاطرو ..راه نزل لجردة باش يفكر فهاد لمشكلة (خرجة سناء كاتقلب على محمد ولقاتو كالس برا ومهموم) سناء=وقفت حدا محمد( انا عارفاك ماشي لخاطرك خاصك تكلف بالقضية ديال علال وغاتعاوني باش نعاقبوه على داكشي ليدار نتا فصفي ياك نعول عليك) محمد=انا فصفك وليبغيتيه انا مستاعد نديرو سناء=ادن واعدني انك غادي تاخدلي حقي منو محمد=ودموع فعينو جبد سناء لعندو وكايشوفليها فعينيها بحر من لاحزان عنقها وزير عليها وقال( انا معاك وكانواعدك غادي ن دفعو تمان غالي) =في المساء= محمد واقف حدا لحبس غادي يدخل وهوا يشوف سيارة الاسعاف خارجة دخل وكلس كايتسناهوم يجيبولو علال حتى دخل عندو شرطي شرطي =سمحلى موكلك عاد خرجوه دابا فسيارت الاسعاف حاول ينتاحر (مشا عندو محمد للمشفى واقف كايتسناه يفيق وكايقرا رسالة ليكتب قبل مايحاول الانتحال وكتوب فيها) (اعتقد ان المشكلة رغبتي نفسها...هدا القاتل اسابق يرغب بالمسامحة,حالما اطلق سراحي اردت ان ادهب لاجد المحامية سناء وعماد وطلب العفو منهم اردت ان اقول لهم انني ساعيش بجدية لدا لم يكن عليهم الخوف من رجل مثلي فترة اطول ومع دالك كان وجودي تهديد وخوف لهم اردت حقا ان تضهر نيتي اصادقة باي وسيلة ممكنة ادا لم تنجح اطريقة المباشرة اردت ان افعل دالك ولو بطريقة غير مباشرة لدا دهبت الى مطعم مديرتي التي هي والدة المحامية سناء . وقلت مع نفسي ادا اضهرت صدق نيتي اعتقد انها ستكون قادرة على ايصالها الى ابنتها ولحسن الحض اعترفت لمديرتي على حسن نيتي على هدا

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.