قصة الحاسة السابعة

في الجامعة غادي تبدا لقصة ديالنا

صفاء بونيف غاديال فلكولوار متجهة للقسم ديالها 

( للاشارة صفاء ماكنيتهاش بونيف اصديقائها لي فلقسم هوما ليمكنينها عليها حيت هي عاملة عملية تجميل لنيفها وجاي مع وجها لبيض وعويناتها لعسلين وشعرها لبني لموهيم زوينا بواف)

هي غاديا فلول وعماد غادي موراها لبوكوص ديال لقسم عماد موراها 

فهاد لاثناء كانت ميساء زعرا حاضيا فباب لقسم ودراري ليلداخل كايكبو زيت فلارض وكايديرو لكولة فالكراطة ميساء شافت صفاء جايا 

وهيا كاتجري ميساء=هايا جاياااااا بونيف وجدو راسكوم 

دراري ليفلقصم كولشي وقف كايتسناوها هي دخلت ودخل موراها عماد وقفو فلباب من لمنضر ليشافو لارض فازكا بزيت 

ياسر = جيتي كونا كانتسناوك موجدينلك شوييا ديال تمارة هههههههه راه لكراطا وسطل (بنضرة استهزاء)علي كمامك وبداي تسياق

فهاد لحضة عماد وقف صفاء وقالها

عماد=صفاء غير سيري كلسي انا غانصيق هاد روينة

كولشي تصدم وهو فاتجاه باش يهز لكراطا كولشي كايغوت ويقولو لا لا لا ماديرهاش عماد شد 

فالكراطة ولسقو يديه هههههه مسكسن عماد مشا فيها ( بغيتو تعرفو علاش عماد دار هكا و قال لصفاء غير كلسي نتي انا غانصيق فبلاصتك حيت عماد عندو الحاسة السابعة ايه الحاسة السابعة ليكاتخلي الانسان يسمع شنو كايقول أي شخص فنفسو

( اكيد كولكوم تفرجتو فواحد لفيلم مصري ديال احمد الفشاوي سميتو الحاسة السابعة ولي ماتفرجلوش يتفرجلو حيت فيلم زوين وفيه ضحك)

عماد فاش دخل سمع ميساء كاتقول فنفسها

ميساء = فنفسها(سربي المصيبة شدي فلكراطة سربي .غادي يلسقو يديك وشوفي شكون يفكك داك ساع غاتولي ضحكة فهاد لافاك كولو ههههه) وهي كاتشوف فيها بنضرات شريرة

عماد مسكين كاتبقا فيه صفاء حيت كولشي حاكر عليها وهي ماكاتردش عليهوم كاتبقى غير تسمع و تبكي وخونا عماد مابغاهاش طيح فهاد لفخ

ياسر=كان يحسابلي غير صفاء ليمكلخا سعا صدقتي حتا نتا ههههههه 

ياخوتي ماكمل ياسر هضرتو حتا نزلت عليه ديك لكراطة لراس تقسمات على جوج عماد بدا يضرب فياسر حتا سخفو مسكين حيت هوا مول هاد لبلانات تفلاقت جوقا كل واحد مشا لشغالو مشا ياسر لحمام وصونا تيليفونو

ياسر= الو 

صديق = هاهاهاهاهاهاه وصلاتني خبارك كليتي قتلى هاد نهار ههههههه (وكايغنيلو) وامشيتي فيها لغلطة درتيها كونتي حفرتي حفرا وليوما طحتي فيها هههههههه

ياسر= هييييي اش كاتخربق نتا كون شفتي شنو درتلو كونت غانقتلو كون مازلقتش وطحت تما عطاني ضربة القاضية وبيني وبينك غير بقا فيا وصاف مابغيتوش يموت على يدي شنو يحسابك صديق =ههههههههه لا باينا ههههههههه ياسر = واصافي قطع راني مزير خليني نبول على خاطري توت توت توت عماد= محشمتيش كاتكدب ياسر = واش كونتي كاتصنت عليا عماد=غير بصدفة سمعتك محشمتيش كاتكدب وكاتقول غير بقيك فيك شكون ليبقا كايرغب نطلقو ياسر= ماغاديش نجاوبك عماد=بغيتي تعرف كيفاش غلبتك ياسر= لا مابغيتش عماد= (شنق عليه ) كيف كاتشوف انا نقضر نعرفك فاش كاتفكر بمجرد مانشوفلك فعينيك كنعرف كيفاش غاتهاجم وكيفاش كتخطط للمراوغة ولبلاصة ليغاضربني فيها بدهشة)) ياسر=واش بصااااااح عماد= ههههههههههههههههههه غير كانضحك معاك كاتبانلك عندي لحاسة سابعة داكشي غير صدفة وحتا نتا راك قصحتيني ياسر= (بثقة فنفس) ايوا خاصك تشكر صدفة ليخلاتك عايش ياسر كايتكلم فنفسو (هاد ليتيم لحقير غادي ننتاقم منك فلوقت لمناسب) عماد سمع ياسر فاش تكلم فنفسو وبقات ديك لكلمة ديال ليتيم كاتقطع فيه من داخل وهوا خارج من باب دلافاك وكايتفكر نفسو فاش كانت عندو 10 سنوات عماد وبباه احمد فسيارة شادين طريق لدار احمد= شنو داك لورقة ليفيديك عماد =هادي قسيمة شراء ديال بيتزا وكاين حتا تخفيض 40 فلميا فتيكيت ديال حوض الاسماك احمد= اشمن حوض اسماك عماد = ماعرفتيهش هدا لحوض ديال الاسماك ليفتاتحوه جديد فيه جميع انواع الاسماك لقيرش لحوت وحتي دنفيل احمد=هاد شي كامل فيه شوقتيني نشوفو عماد= بابا واعدني غادي تديني نشوفو صحابي ليفلقسم كولهوم مشاو ليه الا انا احمد= (بابتسامة حنينة) انشاء الله اولدي فلويكاند نمشو انا وياك عماد= شكران بزااااااف ابابا (بنضرة حزينة) ياريت لو كانت ماما مازالة عايشة كانت حتا هيا غاتمشي معانا احمد=مايبقاش فيك لحال اولدي دعيلها برحما وهوما مزاليك كيتكلمو مع بعضياتهوم حما دخل فيهوم رموك كبير... بعد لحضات من السكون عماد بدا كايسترجع وعيو عماد= بابا بابا بابا نوووووووض بابا راسي كايضرني احمد= وهوا كولو دام ولدي عماد واش نتا بيخير باش كاتحس عماد= بابا راسي كايحرقني فواحد لحضة نزل واحد شخص طويل وصحيح جاي يشوف واش ناس ليفسيارة عايشين ولا لا) احمد= ععا عافااك اسيدي عتقنا عافاك المجرم =فنفسو(تفو هادو مازالين عايشين كان خاصكوم تموتو ولاكن انا دابا غادي نكمل عليكم) مشا لرموك وجبك عصا ديال لحديد غليضة وكبيرة) عماد=بابا خاصنا نهربو راه غادي يقتلنا ماجايكمل عماد كلامو حتا شاف راجل جار عصا ديال لحديد وجاي لعندهم طلع فوق سيارة وبدا طايضرب فزاج حتا

حيدو ونهال بضرب على احمد حتا قتلو وجا دور ديال عماد هز لعصا حتا لسما وهوا غاينزل عليه سمع شي صوت موراه خلى عماد ومشا يشوف شكون طبعا باش تفهمو كترعماد نهار الحادة ربي سخرلو هاد لقدرة ديال الحاسة السابعة ولى تايسمع افكار ناس عماد باش ميسمعش افكار ناس ليمكاتهموش وكايتمنى شي نهار ويلي بحالو بحال ناس ومايسمع افكار ديال حتا حد لانه مل من كترة الناس المنافقة ليفمجتمعنا فوجهك تيضحكو ليك وفنفسهوم ماكرهوش يقتلوك كايدير ديما صناتاة فودنيه تايسمع القران هوا ليكايريحو وباش يتفادا يسمع افكار الناس عيماد كلس على واحد درجة شاف ميساء جايا لعندوقبل مانكمل لقصة بغيت نوصف ليكم ابطالنا صفاء بونيف هههههههه بنت زوينة بل كاتحمق عويناتها عسلين وشنيفاتها صغار وحومر من عند الله نيفها زوين مع لعملية ديال تجميل ليدارت شعرها مارو قصيرة وبيضة وفورمتها مقادة عندها 16 لسنة ياسر ههههههه لمصخوط كايبغي مايساء زعرا ولاكن شكون يحس بيك اخويا ياسر هيا ماكاتحملكش ماعندك زهر هعهعهعهع ياسر طويل فورمتو مقادة ديال ولاد لوقت شيك فلباسو عينيه كوحل وشعرة كحل كايحمق فعمرو 20 عام هادا لاش شايف راصو بزاف ومغروووور الى سولتيه شكون اكتر واحد كاتكرهو غايقولك عماد واسير سييير اخويا ياسر الله يرد بيك فيين توصل سيدك عماد عماد اااااااه اش غادي نقوليكوم على عماد اية في الجمال وجولة مند اطفولة طويل اويل اشمن طويل واطويييييييييل هههههه زدت فيه مفورمي وعضلاتو ماشئ الله عندو حفيرة دزين سنانو مسطرين وبويض كولو على بعضو حيلو حتاهوا فعمرو 20 عام وكايحماق على واحد لبنت كبر منو شافها منين كان صغير تعلق بيها ولى لحلم ديالو انه شي نهار يتلاقا بيها هاد لبنت خداتلو عقلو منين كان عندو 10 سنسن واخا هيا كبر منو كانت سميتها سناء غير زيدو قراو لقصة وغادي تعرفو علاش كايبغي هاد سناء بضبط واخا هيا كبيرة عليه 10 سنوات الحب ماكايعرفش الاعمار منين كاتحب ماكايبقاش يهمك اسن ميساء ايييوا هنا وحبست ماسماوها مايساء زعرا حتا كانت زعرا صابغا شعرها فلصفر عويناتها زورق كايهبلو( اودي جمعتلكوم فهاد لقصة غير تيتيز ههههه نكمل ) بيضة بزاف وشنيفاتها صغيورين فنين ماطويلة ماقصيرة فورمتها طاي مانكا لهيوايا ديالها المكياج ولمانكير كاتحماااااااق على عماد ولاكن شكوووون داها فيك اختي مايساء صبغي شعرك حتا فلزرق سناء داتلو لعقل هههه ?????نكملو فاش بقينا اه كان عماد كالس على درجة وميساء جايا وجايبا معاها الما ديال صباغة لعيماد باش يمسح لكولة ليلصقات ليه فيديه ميساء= خود مسح يديك من لكولة عماد= زعما تزول بهاد لما ميساء= غير جرب عماد= ههه والله حتا زالت لكولة شكران اختي ميساء ميساء= فنفسها (ختك لاواه خالتك) مابيناتناش اخويا عماد عماد كايضحك طبعا عرفتو علاش حيت سمعها فاش قالت فنفسها (ختك لاواه خالتك) هههههههه مسخوط هاد عماد ياريت لوكان يسلفلي هاد لحاسة سابعة ميساء= مالك كاضحك عماد= لا والو ميساء= نتا معجب بصافاء بونيف ياك عماد=لا

ميساء= فعيد لحب ليفات قولتيلي كاتبغي شي بنت هدا لاش مابغيتيش تاخد مني شكلاط ليجبت ليك عماد= انا مامعجب حتا شي وحدا وحتا صفاء ماكاتعنيلي والو ميساء= فنفسها ( زعما يكون كايبغيني انا ) ايوا شكون هيا عماد= لا بلا ماتفكري ماشي نتي مبساء = هييييي احمق شنو كابحسابلك راسك حتا انا ماكانبغيكش فنفسها (زعما هاد لبنت هي اول حب فحياتو)) عماد= اه هي حبي الاول والاخير ميساء=فنفسها (زعما تكون زوينا حسن مني اكيد غاتكون ساحرال) ) عماد=اه وزينا وسحراتني نهار شفتها ميساء=فنفسها( اويلي واش هادا كايقرالي افكاري) لموهيم نخليك دابا باي نخليو عماد وميساء ونمشيو عند سناء كيف عادتها انيقا لابسا جيب كجل وسوميج بيض وفوق منو فيست كحل اونصوبل وطالون كحل هازا فيديها حقيبا ديال شغل ومتاجها لعمل ديالها رافعا نيفها لسما وكاتمشا كيف لعسكر حتا كادخل فيها لكورة ديال ولاد جيران لمساخط عزارا وكايلعبو فزنقا على قلت تيرانات الولد=الوليدة لوحي معاك ديك لكورا الله يخليك واش لهاد دراجا شرفت اويلي عندي غير 30 عام واخا والله لابقات فيكم) مسحت سناء رجليها من لغيس وهزت لكورة ولاحتها فواحد لحدورة وكملت مشيتها لعسكريا )سناء= الولاد=اولله لابقات فيك غير بلاتي ونشوفوك دايزا من هنا عقلي علينا توجهت سناء لعمل ديالها هي محامية دخلت لقاعة ديال لمحكمة وكلست كارها دنيا ومافيها حيت ماحاملاش خدمتها وهيا ولات محامية غير على قبل ماماها القاضي = محامي المتهم هل لديك ماتضيف سناء كالسا ودايرا يديها على حنكها وليد لوخرا كاتلعب بستسلو وكاتهضر وتفوه بنعاس وماحاملاش راسها دخلت عليكم بالله واش هادي محامية سناء= نعم سيدي القاضي المدعي عليه سيد ابراهيم يقر بالادعاءات ويريد التوبة المدعي عليه حاليا ... دارت شافت واش عندك مك المدعى عليه وهوا معصب( هادي غاتخرج عليا باغادخلني لحبس) اه عندي سناء= المدعي عليه الان يعيش حياة صعبة مع ام كبيرة في سن في حال سيفتو لمتهم لحبس عافاكوم فكرو فالام لمسكينة ليغاتبقا وحيدة بقات تقول هاد لجملة وتعاودها وتعاودها وهي مازالة كالسا نفس لكلسا القاضي معصب ولمستشارين كايضحكو عليها وهي ... مامصوقاااااااااااااش لمجرم كاياكل صباعو بالفقصة في النهايا حكمو على موكيلها بالحبس عشرين عام ايوا عولنا عليك الالة لمحامية ... خرجات سناء من لمحكمة وكاتهضر فتيليفون مع مها فاطمة=بنتي عيطت باش نتاكد واش راكي غاديا باش دوزي لاختبار دلخدما سناء دافعا طلاب لخدما باغا تولي محامية عامةحيت ماعندهاش لفلوس باش دير لمكتب ديالها سناء= اه اماما بيني وبينك مابغيتش هاد لخدما دلمحامات راها مميييييييييييلااااااااا فاطيمة= وهي كاتغوت الالة واش عاجبك راسك هاكاك لحد الان مازالة كانخلصلك فلكريديات ديالك الى ماقبلوكش خرجي تسعاي وخلصي ديونك انا عيت وصحتي طاحت عليك سناء= صافي اماما هانا غادا دعي معايا فاطمة= الله يوفقك ابنتي والله ينجحك

سناء= اميييين اماما طوط طوط طوط في الباب ديال لمحكمة محمد واقف ميبتاسم وكولو تفائل نوصف ليكم سي محمد عبد الحاليم محطوط هههههههه شعرو رطب ودايرلو لفريقا عينيه كبار وزايدهوم مغطينلو نص فوجهو لابس كوستيم فلكري بسروالو لقصير وكرافاطا فلحمر وداير نضارات مغطينلو نص فوجهو وتقاشر بويض وصباب مارو حتا هوا جاي لنفس لمقابلة ليجايالها سناء واقف كايقرا فاطابلو لبمعلق فالباب محمد=الغرفة 300اوكييييي هاهاها وقف قدام لغرفة قبل مايدخل رش فمو بمعطر الفمو دخل لقي سناء كالسا كاتسنا وكاتلعب فتيليفون محمد = بابتسامة عريييييضة سلام سناء= لا رد محمد= ماكاينينش بزاف دناس فلقاعة كان يحسابلي عانلقا زحام ياك هههه سناء= كاتشوف فيه ولقردة طلعتلها فوق راس (لا رد)) محمد= ااه عرفتي جبت هاد لوراق فيهم لأسالة ليغادي يقدرو يسولوهوملنا لقاضي تبغي تشوفيهم سناء= وهيا كاتلعب فتيليفون (لا مابغيتش)) محمد=عرفتي انا فاش كونت صغير كان لحلم ديالي نكون محامي عام ونتي سناء= تنهدة بنفاد صبر ( لا ابدا)) محمد=فالحقيقة انا مونت بوليسي وتخليت عل خدمتي فسبيل لمحامات واش مامستغرباش علاش درت هاكا سناء= شافت فيه بعصبية وشافت فتلفون( ااااااااااه) شافها معصبا دار مسكين مارجع هضر معاها معامن غاتهضر اخويا محمد معصبا غير مع راسها ضور ضور وديها فشغلك ونتا شحال فيك دلهضرة دخل شاوش=نتوما شكاديرو هنا محمد= كانتسناو هنا باش ندوزو مقابلة مع لقاضي على قبل لاعلان ديال محامي عام شاوش= اه لغرفة 300ليعلى ليمن ماشي هادي فهاد لاثناء لمسيخيطا ديال سناء غير سمعت لهضرة حيدة طالونها دفعاتهوم وعطاتها لجري ومحمد مراها مسكين كايجري ويغوت )... انتي ...واتسناي🏃... والله لاسبقتيني🏃... بلاتي🏃... وقفي🏃... اجي🏃... ) اجري يالمسخوطا جري دركن دركن دركن الى كانو دروج طلعاتهوم ولى كانو كولوارات سحقاتهوم حلفت سناء ماتوقف وتما كاتاشف صدما لكبيرة دخل فيها محمد محمد= مالكي اعويطا من صبح وانا نقوليك وقفي ماكاتسمعيش وكاينهش مسكين سناء= لارد مصضومااااا هز عينو شاف فلقاعة يالاهوييييييييييييييي كتر من 50 شخص جاو لمقابلة وهوما ليكانو فدار غفلون محمد= كايغوت (واش كولكوم جيتو على قبل لمقابلة) شخص= لا هاد شي ماشي كوليشي دايرين لمسابقة لمدة ثلات ايام يعني كاين صيعف ديال هاد شي 3 دلمرات تما شنقات سناء على محمد سناء= اري طلق لهنا جبد جبد ليعندك محمد= اااشنو غانجبد😧 سناء= ارا لوراق ليقولتيلي قبيلة ديال الاسئلة محمد=واخا 😧 قيدت سناء لاسئلة ليشافتهوم مقنعين فهاد لاثناء دخل محمد لمقابلة القاضي= محامي محمد بن جلون

محمد=نعم سيدي (القاضي= كايشوفلوراق علاماتك جيدة ومعا هاد لمعدلات اكيد تلقيتي بزاف دلعروض ديال شركات لمحمات علاش قدمتي طلاب باش تكون محامي عام محمد= انا مابغيتش نكون محامي كايخدم باش يصور لفلوس انا اريد اتفكير في حقوق الناس ( وهوا كايغوت بحماس زائد ) المتهم برئ حتاااا تتبت ادانته (بتلع ريقو) هاد شي ليبغيت نكون... لمسيخيطا ديال سناء برا كاتصنت على لباب وكاضرب على الاجوبة ليفلورقة دارها بيها محمد ههههههه كاع ليفلورقة كالو ايوا ورينا شطرتك الالة سناء خرج محمد وهوا ضاحك حيت لقاضي ولمستشارين عجبهوم وقالولو سير حتا نعيطولك ودابا جا دور ديال سناء دخلت القاضي = المحامية سناء الداودي علاش قدمتي طلاب تولي محامية عامة( لتوضيح هاد لقاضي هو ليكان مترئج لجلسة ديال قبيلة ليتحكم على موكيلها بعشرين عام الله يمون فعوانك اختي سناء راه ماحاملكش) سناء بتالعت ريقها ماعندها ماتقول كولشي ليفلورقا قالو محمد اش غادير طاحت عليها فيكرة جبدت شكلاط🍫 وعطاتهوم شكلاطة 🍫شكلاطة🍫 عطاتهوم هههههه اااخ اختي سناء واش يحسابلك هادو براهش غادحكي عليهم تفكيرك غبي اختي سناء مع الاسف هزو داك شكلاط وهوما مستغربين (شنو هاد شي) سناء= هدي هدية من عندي باش نحليو لكلسا ههههه القاضي= وهو كايضحك( واش باغية تاكليلنا عقلنا بهاد جوج شكلاطات باش تكسبي تعاطفنا معاك سناء= تشجعت وجمعت قيواها ( سيدي لقاضي حسيت نني باغية نجاوبكم جواب صريح انا..جيت لهنا على قبل لفلوس ماعنديش لفلوس باش نشري مكتب خاص بي ومعنديش باش نكري ومعنديش وسيط تطردت من الثانوية العامة وتخرجت من كلية فواحد لمدينة صغيرة وماعنديش لمعارف ومانقدرش نجمع حتا الف درهم فشهر ولاكن الى وليت محامية عامة غادي نولي نشد ميلغ محترم يقدر يخلصلي ديوني ويشيط لخير القاضي= ماكانش يحسابلي كاينين محامين صريحين لهاد درجة ههههههه مزيان مزيان ههههه كايبانلي غادي نقبلها اشنو بان ليكوم سناء= واش بصاح شكران ليكوم بزاف القاضي =نوضي جمعي لوقفة وهاد لقصة ديالك سيري ديريها فشي مسلسل درامي حسنلك سناء= بحزن واخا اسيدي فوقاش نجي نشوف نتائج (غادي نعلنو على ناجحين فالجريدة ديال لمساء)القاضي=وهوا كايشوف فلوراق جات خارجا سناء وهي مقلقا ستوقفها لقاضي القاضي=بلاتي عندي ليك سؤال سناء=بحزن تفضل القاضي =قولتي انكي تطردتي من ثانوية سناء=اه القاضي= علاش (الى عاودت ليك واش غادي تقبلني) سناء=بابتسامخبيثة القاضي= كايدوز يديه على لحيتو(الى كانت مؤثرة بحال لقصة ديال قبيلة علاش لا) المستشار= سيدي القاضي ماعندناش لوقت نسمعو قصصها مازالين ناس كايتسناو برا القاضي=خليونا نسمعولها

سناء = بابتسامة خبيثة يعلم الله شكايدور ليها فداك راس(قصة مؤثرة؟ اكيد كاين تاثير طبعا سناء= قبل عشر سنوات مضت ... كانت عندي واحد صديقة كانت بنت العائلة ليخدامة عندها ماما فدار. كانت زوينة بزاف ودكية.وكانت فعلا مزعجة,واحد نهار فلقسم شفت عليها شي حوايج ماكانش خاصني نشوفهوم (كانت جابدا نقلة اثناء الامتحان) هي شافتني عقت بيها فامارضاتش هي اصلان كاتكرهني في المدرسة عتادت تكون فلمركز لعاشر ولاكن هاد لمرة جات هي الاولى (بسبب نقلة) ماماها وجدت ليها حفلة فرحانا بنتها حيت جات فالمركز الاول . طبعا انا وماما كان علينا نطيبو ونشقاو على قبل لحفلة ديالها مولات دار سميتها فوزية انيقة من طبقة لبرجوازية وكلامها متول مغرورا وحاسا براسا هي لكل فلك والكرة الارضية كاضور غير على قبلها اوف كانكره بحال هاد الاشكال فورية=(داخلة لمطبخ كاتنفخ) ضياف راهوم جاعو واش مازال ماساليتو اش هاد تعطيلة فاطمة=( ام سناء) لا الالة هاحنا سالينا وكانحطو فطباسل فوزية=مزيان ماتنساوش لعاصير ولحلوة لصحبات بنتي سناء=(هزيت صينية باش نديها لبنات ياكلو وشفتهوم كايلعبو بالالعاب نارية وفرحانين حطيت صينية وعيطلهوم) لبنات ها لماكلة واجدة جيهان=(صديقة ابتسام بنت مولات دار)سناء صافي باركة عليك من شغال واجي تلعبي معانا('شافت فابتسام) ابتساء= ا هاجي تلعبي سناء=(مدت ليا الالعاب نارية شديتهوم من عندها) وانا مازالة شادو لبريكة فيدي وانا نسمع ابتسام كاتغوت ابتسام= اااااااااااااااااه اااااه اه اااااي عينييييييييي سناء=طبعن كلشي خرج يشوف شنو واقع وشكون ليكايغوت لقاو ابتسام مضروبة فعينيها وكاتبكي هزوها وداوها لمستشفى انا كونت متفاجئة وفنضري هي تستاهل ليوقاعلها حيت ماكونتش كانبغيها القاضي =متفاجئ وحال عينيه فسناء😦 سناء=غير باش نوضح جيهان صاحبت بتسام هي ليضربت ابتسام حيت فاش شعلت لالعاب نارية ليكانت عبارة على عصا طويلة قبل ماتفجر طفات. جيهان يحسابلها مابقاتش خداما واحد لحضة نفاجرة لعصة انارية وجات فعين ابتسام وانا كنت مازال ماشعلت لعصا ديالي في اليوم التالي... في المشفى ادكتور= لحسن الحض الاشعة المقطعية لم تضهر أي تلف فدماغ ولاكن انا قلق على عينيها ليسرية عيسى=( اب ابتسام قاضي انسان صادق وحقاني ومكيضلم حتى حد) كيفاش قلق واش هيا... ادكتور=نعم خاصنا نتسناو حتا تفيق ونحيدولها لفاصما ونشوفو لان قرنية ديالها متضررة بزاف لهادا كاينا نسبة عااالية انها تفقد نضر ديلها فوزية= اهئ اهئ اهئ لا ميمكنش بنتي مسكية اهئ اهئ في المنزل سناء= (وهي كاتجبت لحليب من ثلاجة ) واش هاد لبنت غير مرضات دايرين عليها هاد شوها تكول غير هيا ليكاينة فاطمة=(عطاتها ضربة لراس) واش نتي ماكاتحشميش هاديك راها بحال ختك نتي وياها كبرتو فنفس دار حني عليها شويا سناء= اااااااااي ماما قولتليك ماتبقايش ضربيني لراس, هاديك لبنت ماكاتحملنيش وانا كانبادلها نفس شعور فاطمة= سربي باش نمشيو لطبيب نشوفو لبنت سناء= لا سيري بوحدك فاطمة= غاتمشي معايا

في المستشفى عيسى= (واقفين حداه لبنات ليكانو نهار لحادث) واش نتوما شفتو شكون ليضرب جيهان =أ ..اه شفنا ولاكن عيسى= شكون ليضرب سناء=فهاد لحضة دخلنا انا وماما لقيناهوم كايهضرو غير شافتني جيهان قالتلو جيهان= هادي سناء هي ليضرباتها سناء=كولشي تصدم انا بقيت كانغوت ونبكي باش نتيت لبرائة ديالى (والله مانا هي غير كاتكدب اهئ اهئ اهئ) جيهان= هيا والله حتا هيااااااا 🏻 ابتسام= نتي ليصربتيني انا شفتك ماتكدبيش عيسى= واش بصح هاد لكلام مكونش يحسابلي نتي هاكا انا حاسبك بحال بنتي ومدخلك لاحسن مدراسة كاسيك ومشربك وديري لبنتي هاد لحالة فاطمة= اهئ اهئ اكيد كاين شي غلاط انا غادي نخرجها ونهضر معاها برا فوزية=(كاتغوت) هضري معاها هنا كولنا نسمعو فاطمة=(جرت سناء لبرا )قوليلي واش بصح نتي ليضربتي لبنت قولي وماتكدبيش سناء=اهئ اهئ لا كانقسمليك بالله ماشي انا فاطمة واخا تكوني نتي ليضربتيها انا غادي نحميك غير قولي لحقيقة سناء= (بصراج)ماما انا راني بنتك واش ماكاتعرفينيش اناكرهت ابتسام ولاكن ماشي لهاد درجة انا عارفا راسي ديما معصبا ولاكن ماشي لهاد درجة انا ماشي قاسية لقلب عديمة رحمة هاكا فاطمة= صافي ابنتي انا كانتيق فيك دخلو لغرفة لداخل عيسى =اشنو واش عتارفتلك فاطمة= بنتي مادارت والو وانا كانتيق فيها بنتي ماشي ديال هاد لفعايل عيسى= اسمعيني نتي وديك بنتك ياما غادي تعتارفي ويائمة غادي نخليهم يطردوك من لمدرسة وغادي نلحكوم لشارع نتي وبنتك سناء= انا مادرت والووووو والو عيسى= ادن ماخليتولي حتاشي خيارعندك مهلة 3 ايام جمعي حوايجك نتي وبنتك وسيرو بحالكم عليا فاطمة= عافاك اسي عيسى نبوسليك رجليك خلي بنتي تكمل قرايتها عافاك اهئ اهئ اهئ سناء= فين باغي تلوجنا حنا ماعندنا فين نمشيو اهئ اهئ عافاك ماتحرمنيش من قرايتي عيسى= نتوما ليجنيتو على نفسكم كون عتارفتي كون لقيت معاك شي حل سناء= اشمن اعتراف انا مادرت والو والو (بصراخ) غيسى= خرجو عليا من هنا🏻 سناء=مشينا لدار بعد يومين ابتسام خرجات من المشفى ورجعات لقرايتها وعينيها ماوقاعتليها والو طاح ضلام🌌 وانا راجعا لدار تلاقيت ابتسام فطريق شديتها من شعرها ابتسام= اااااااه طلقييي منيييييي سناء=علاش كاتكدبي انا مادرتليك والو سيري عند باك وعتارفيلو ابتسام =اه نتي ليضربتيني انا شفتك سناء=كداباا واحد شويا وحنا نسمعو صوت ديال شي حادت سيارة مشينا كانجريو باش نشوفو شنو كاين شفنا رموك داخل فواحد سيارة وواحد راجل واقف فوق سيارة وكايضرب فزاج ديال سيارة بعصا ديال لحديد سناء= اش كايدير هادا راه كايقتل راجل ابتسام =حنا ماشي سوقنا يالاه نهربو سناء=شدات تيليفون وصورات لجاريمة واحد لحضة داك لمجرم سمعنا كانهضرودار وشافني كانصور شفناه جاي كايجري لعندنا🏃

بتيسام= اااااااه هربييييييي جري سناء= واحد لحضة بقيت واقفة كانشوف فداك طفل ليكان فسيارة بقا فيا ومنين رجعت لوعي شفت لمجريم جاي لعندي كايجري بداك لعصا (كاتجري وكاتنهش اجي نتخباو مور هاد ربيع) تخبينا وهوا بقا كايقلب علينا واحد لحضة ابتسام شعهقة وهو يسمهنا وتم جاي لعندنا وحنا مخبعين ماباينينش فلحضة سمعنا صفارة ديال لبوليس جاين فطريق المجرم وقف بعصبية المجرم= العنننااااااااااااااا كون ماكانوش هاد لبرهوشات كون ساليت معاهوم ولاكن هما شافوني (انا عارفكم مخبين واش عرفتو علاش قتلت داك راجل حيت هوا قال كلام ماكانش خاصو يقولو وانا ببساطة قتلتو وكون ماكونتيش نتوما كونت غادي نقتل حتا داك لبرهوش وغادي يعتابروها لبوليس حادثة سير ولاكن نتوما خرجتولي من جنب وضيعتولي خدمتي دابا غادي نصحكم نصيحة الى بغيتي تبقاي عايشا سدي فمك وماغايوقاعلك والو الى مشيتي عند لبوليس وشهدتي غادي نخرج من لحبس وغانقتلك بنفس ديك طارقا ليقتلت بيها راجل والى قولتيها لعائلتك غادي نقتلهوم معاك هدا لاش سدي فمك وديري راسك ماسمعتي والو) ادن خليكوم مخبين مزيان بجو جبيكم غادي نقتلكم الى قولتو شي حاجة مشا وهوا جار لعصا مع الارض كولشي ساق لخبار لبوليس صحافة ولينا كانخرجو وحنا متنكرين باش مايعرفناش وانا وفطريق كانسمع واحد لمرا كاتقول لصاحبتها (واش شفتي ديك لحاديتة مات راجل وخلى موراه وليد مسكين تيتم وهوا صغير) انا تفكرت داك لولد وصورة ديالو بين عقلي مابغاتش تزول وكانتفكر كلام لمجرم معرفت ماندير كونت دايرا معا بتسام نتلاقاو برا باش نهضرة سناء= اشنو مستاعدا تشهدي فلمحكمة ابتسام=اشنو مستاعدا تخسري حياتك سناء= ههههه خوافا من يومك ابتسام= انا ماخوافاش سناء=ادن تبتيلي كلامك ابتسام= صافي انا مستعدا نشهد غير ضد فيك سناء =(اوكي يالاه)مشينا لمحكامة وكانت داك نهار لجلسة ديال نطق بالحكم انا وابتسام واقفين فلباب ديال لقاعة ابتسام= (بابتسامة غدارة ) ايوا حلي لباب سناء =غادي ندخلو انا وياك فنفس لحضة ابتسام = اوكي ( وهي ناويا على لغضر) اوكي =في الواقع= القاضي= ايوا كملي المستاشارين =واش دخلتي سناء= ماغاديش نكمل القاضي = وهوا معصب كملي كملي ماتخليناش هاكا سناء= امممممممم لا. مابغيتش ياك انا قبيلة قولتلكوم لحقيقة وبقيتو كتستهزئو بيا ادن لاش باغين تعرفو المستشارين= دابا واش ماشي حرام علك تخلينا معلقين هاكا سناء= امممم الى قبلتوني غادي نكمليكوم القاضي= صافي قااابلينك الالة غير كملي سناء = هههههههههه لا منين نجح غادي نكمليكون ماشي دابا نقضر نقوليكوم حاحا وحدة انني ندمت على داكشي ليدرت والى رجع بيا لوقت ماغاديش ندير داكشي ليدرتو خرجات من لباب وخلاتهوم كاياكلو جنابهوم بالفقصة اووووف منك اسناء

=في الواقع= خرجات من لمحكمة وهيا فرحانا كانت غاديا لمحطة ديال طوبيس وفنفس لوقة عماد خارج من لمدراسة غادي فنفس لاتجاه عماد كان كايجري حيت طوبيس ديالو قلع من بلاصتو وهوا كايجري دخل فسناء ليكانت كاتسنا طوبيس ليمنبعد سناء= هييييييييي وابنادم واش عور مكاتشوفش قدامك تفو على كنس كيداير عماد=مصدوم لارد سناء= كاتشيرلو قدام عينيه(وابنادم ماكاتسمعش عتادر مني يالاه) عماد=بتلع ريقو (كانعتادر) وهوا مازااال مصدوم فلحضة ركبت سناء فطوبيس وقلع عاااااااد عماد رجع لوعيو عماد=كايجري مورطوبيس (هييييييييييييييييييييييييي الباااااااااااااانت نزلييييي بغيت نهضر معاك )كايجري ويكول ماجريت اما هيا ماجايبا لدنيا خبار عماد=وقف وهوا كايضحك وبنقز بالفرحة( هههههههههههههه لقيتك واخيرا شفتك ههههههه وااااااااااو انا فرحاااااااااااااااااااااااان)فجئة نتابه لناس ليفطريق كايشوفو فيه ويضحكو رجع عماد لنادي لكراطي وكلس وفيديه كتاب مدكراتو وكايتفكر =قبل عشر سنوات= بعد الحادت كان عماد فالمستشفى كايتعالج من الاصابات ليجاوه فراس الدكتور=واش مازال اولدي ماكاتقدرش تهضر عماد =كايضور فراسو بمعنى لا المحقق= دكتور فوقاش غادي يرجعلو صوت حيت بغينا ناخدو لافادة ديالو دكتور= صراحة منقدر نقولكوم والو حيت هوا دخل فصدمة كبيرة وماتقبلش موت باه على اتر هاد صدمة فقد صوتو وانا مانقدر نواعدكوم بحتا حاجا خاصو علاج نفسي مكثف ويكوم خير المحقق كايتكلم مع المحقق الثاني( هادشي غادي يستغرق وقت طويل ولمحكمة غدا شنو غادي نديرو) عماد= داكساع هز ورقة وستيلو وكتي المجرم درب بابا بعصا وقتلو(اممممممممم امممممممم امممممممم) دكتور =نتابهلو(سي لمحقق شوف باغي يقول شي حاجا) هز لمحقق لورقا وتصدم المحقق=الى كانت هاد لهدرة بصح خاصنا نديرو تشريح لجثة المحقق الثاني= ولاكن الجثة تدفنات لبارح وزايدون فنضارك ولد صغير مع هاد ضربا ليفراسو واش غادي يقول لحقيقة يمكن غير مازال متاتر يالاه خلينا نمشيو عماد=اممممممم اممممممممم اممممم =يوم لمحكمة= المحاميي كادافه على المجرم وهوا كايشوف فعيماد بنضرة انتصار وكايدير ديك ضحكة شريرة ليفهمها غير هوا فهاد الاثناؤ مان لمجرم كايقول فنفسو المجرم= فنفسو(ههههه لبرهوش ليولدك كون ماتزيزنتي كونتي غادخلني لحبس بامؤبد ولاكن عندي زهر لانتا ولا هاد لاغبياء ليفهاد لقاعة غادي تبتو عليا لجاريمة هههههه) عماد=سمعو وهوا كايتكلم فنفسو وكتب فورقا وبدايغوت(اممممممممممم امممممممم امممممممممممم) القاضي = نتابهلو للاشارة القاضي ليمترئس لجلسة هو باين ابتسام ليطرد سناء من لمدرسة ( شوفو شنو كاتب فديك لورقة) سيدة ليجالسا حداهكاتقرا لورقة =ماتيقوش فيه راه كايقول ليكوم بلي نتوما كولكوم اغبياء وماغادي

تبتو عليه حتا تهمة كولشي بدا يضحك حيت ماستوعبوش شنو قال الى لمجرم حس بشي حاجا ماشي هيا هاديك لانه قال هوم نفس لكلام ليقالو فنفسو عماد= كتب في ورقة (انا استطيع قرائة افكار الناس)( اممممممممم ) وقراتها عليهوم ديك لمرا ليكانت جالسا حداه الحضور كايضحكو على برائة هاد طفل يسحابلهوم غير كايكدب وماعطاوهش اهمية اما لمجرم صدقو وتيقن انه كايسمع افكار اناس المجرم= وهوا كايشوف فعينين عماد وتيقول فنفسو( اياااااه ياداك لبرهو ش سدقتي دكي مع راسك هههه ولاكن غير رتاح انا بفضلك غادي ندوز غير مدة قصيرة فلحبس وغادي نخرج نستمتع بالحياة واحسن حاجة انك تزيزنتي ههههههه لانه فصالحي احسنلك تبقا صارط لسانك حتا دوز لمحكمة ولى هدرتي انا غادي نصيفطع عند باباك البرهوش) عماد= كايبكي ويكتب فالورقة (صدقوني المجرم ضرب بابا بالعصا وقتلو) القاضي= كايتكلم مع المحامي ( شنو بانليك فالهدرة ديال طفل) المحامي= سيدي القاضي مخسناش نساو ان اطفل دخل فصدمة كبيرة وفقد صوتو وزيد عليها عندو ضربة فراس انا فنضري مانعطيوش لكلامو اهمية القاضي= امممممممم واش كاينين شهود المحامي= لا سيدي القاضي نهار الحادثة كانة طريق خاوية المجرم=وهوا كايشوف فعماد وكيتكلم فنفسو( غير رتاح مع راسك هادوك لبنات ماغاديش يجيو يشهدو حيت هددتهوم نقتلهوم وهوما خافو على راسهوم دابا مابقا عندم ماتكول ههههه) عماد= مسكين كايبكي مابيده حيلة حتاشي واحد ماصدقو وفديك لحضةسناء حلات لباب ديال لقاعة ودخلات كولشي بقا كايشوف فيها حتا لمجرم تصدم فاش شافها دارت موراها ومالقاتش ابتسام غضرات بيها القاضي= شنو بغيتي ابنتي سناء = وهي خايفا دابا مابقاليها فين تراجع بتلعت ريقها (انا جيت باش نشهد) ) القاضي =اشنو قولي ليعندك سناء= هزت تيليفونها وعطاتو للقاضي القاضي شاف لفيديو وحكم على المجرم بالحبس مدة طويلة منين نطق بالحكم المجرم ثار وبدا كايغوت وانقض على سناء قجها وكايغوت والله لابقات فيك غادي نخرجليك غادي نتاقم منك وهوما كايتشادو معاه باش يطلق من سناء طلق منها بسيف وهوما مخرجينو من لقاعة شاف فعماد بعينين كولهوم شر المجرم= فنفسو(غير تسناوني بجوج بيكوم غادي نرجع ليكوم شحال ماطال زمان غادي نقتلكوم بنفس طريقة انا كانواعدكوم ) عماد شاف فيه ورجع شاف فسناء وتاجه لعندها وهي طايحة فالارض و كاترجف بلخلعة فواحد لحضة حست بش يد صغيرة شداتلها فيديها كان داك طفل الطفل= انا غادي نحميك ماتخافيش سناء= وهي كاتغوت عليه وكاتبكي(وكيفاش غادي تحميني البرهوش انا بسبابك دمرات حياتي وغادي نعيش حياتي كولها وانا مخبيا وخايفا) عماد= ماتخافيش انا عندي 10 سنوات غادي نحميك انا راني كبير كانواعدك سناء=سكووووووت اهئ اهئ انا ندمت ندمت على نهار ليشفتك فيه دمرتيلي حياتي منبغيش نشوف وجهك مرا اخرا اهئ اهئ( عماد= كايبكي وكايواعد نفسوا نه غادي يحميها شحال ماطال لعمر ومن داك نهار وهوا كايقلب عليها حتى طلاقاها فلمحطة ديال طوبيس ولاكن للاسف ماكملتش فرحتو عماد= وهو كايكتب في كتاب يومياتو(انا ساحميكي ساحميكي... اليوم رايت امراة تشبهكي ... مشيت كانجري لعندها شديتها من يديها ودورتها ولاكن صدقات ماشي نتي كون شفتي راجلها كان غادي يقتلني يحسابو شفار ولاكن دازت بسلام الحمد لله... توحشتك بزاف نتي هي الهدف لي انا عايش على قبلو كنبغيك وعلى قبلك مستاعد نفديك بروحي حياتي وحبيبتي سناء تسنايني غادي نقلب عليك حتا نلقاك وغادي نحميك من كل شر كانبغك في الجامعة== ميساء جات بكري دخلت وهي كاتغني وفرحانا حيت مالقات حتا واحد فالقسم باش تمارس هيوايتها المفضلة على خاطرها ميساء= كاتغني (اخصمك اه اه اه اسيبك لا لا لا وكو روح حتفضل حبيبي لنعيشاااااااه انت حبيبي ومنايا ليداوبني انت ليبعدو عن هوايا بيتعبنييييييييييي) جبدت ميساء ماتريال ديالها من شانطا ليهو عبارة عن طلاء اضافر في جميع الالوان وما ومزيل طلاء الاضافر وبدات تصبغ ضفارها وهي كادندن اخصمك اه اه اه اسيبك لا لا لا وفديك لحضة سمعت شي حد غوت تخلعات ميساء وناضت طل من سرجم دلقسم وتما اصدمة لكبيرة ميساء=اااااااااه ياربي اش هادا صفاء بونيف مسكينة تجمعات جوقا على صفاء وكولشي مخلوع على راسو واحد تلميد وشاف ميساء كاطل من سرجم اتلميد=ادرارييي شوفو شوفو شوفو هيا ليلاحتها من سرجم هي ليقتلاتها ميساء= لا ماشي انا مادرت والو تلميدة =عيطو لبوليس التلميد= لا عيطو لمبيلونس التلميد اخر = لا نعيطو لادارة هوما يشوفو شغلهوم ميساء مسكينة ماعرفت باش تبلات تهمة لصقتها من سماء =في المحكمة= فهاد الاثناء كان القاضي ولمستشارين بجوج كايختارو شكون ينجحو (للاشارة هاد لمبارة غادي يربحو فيها غير جوج اشخاص) المستشار الاول= وهو كايقلب بين لوراق طاحت بين يديه لورقة ديال سناء عطا لورقة لقاضي (اشنو غاديندير معاه

القاضي= شاد لورقة ( ااااااه هادي هي لبنت طردوها من ثانوية ضلم بسبب حادث الالعاب النارية ) المستشار اثاني= قصتها كانت زوينة ولاكن هدا مكيعنيش نقبلوها القاضي= علاااااااش المستشار = يا كنتا بنفسك حضرتي فالجلسة ديال داك نهار وشفتيها كيف كادافع على موكيلها منهار بدات لمحامات معمرها ربحت شي قضية وسمعة ديالها سيئة انا ضد القاضي= كايدور يدو على لحيتو وكيتفكر لقصة ديالها( محامية سيئة عندك لحق ماكدبتيش فهادي ولاكن ماقادرش نقاوم بغيت نعرف لكمالة ديال لقصة غادي نقبلها) نمشيو عند سناء سافرة لعند ماماها لمدية ليساكنة فيها مابعبداش بزاف على لمدينة ليفيها هيا غاديا فدرب وشادا لجريدة فيديها كاتشوف صورتها وصورة محمد بجوجهوم تقبلو فالمسابقة سناء= الحمد لله دبا مشاكلي كلهوم تحلو اللللللللله دخلت لدار عند ماماها لدار وغيييير شافتها ماماها فاطمة= لولولولولوووووووي عنقاتها(مبروك عليك احبيبتي دابا انا وليت مامات لمحامية لعامة لكبيييرة فالمغرب هههه دوك جارات لمسيميمات منين شافو لخبر فلجريدة وهوما يتبحلسو عليا ااااااااايه ماشي انا هيا مامات لمحامية ههههه) سناء= ماتزيديش فيه اماما فاطمة= الله يابنتي وضحكت لينا دنيا وغادي نخلصو ديون ليعلينا حمدتك ياربي وشكرتك فرحتيني فبنتي لحبيبة سناء= ماكدبتبش اماما غادي نخدم شي عام ونجمع شويا دلفلوش وندربها بشي تجويجا هههههههه فاطمة= طرااااااخ ضربتها لراس (شوف انا فاش كانفكر وهي فاش كاتفكر دماغك خاوي كالك غاتزوج وهي عمر شي حد ماساومها خلصي لكريدي ليعليك وداكساع تزوجي) سناء= ااااااااااااااه كولتليك ماتبقايش ضربيني لراس راني كبرت على ضرب ومالني مازويناش راني مازالة صغيرة عندي غير 30 عام وزوينة وعلاش مانتزوجش فاطمة =عقلك خاوي يابنتي دوزو ديك ليلة كبف لقط مع لفار ونمشيو عند ميساء =في الكوميسارية= المحقق =عصباتو ميساء ببرودة دمها ( واش نتي مريضا قولي لحقيقة نتي ليدفعتيها) ميساء= امممممممم لا ماشي انا بكل بساطة المحقق= واش كاتشوفي هاد لورقة مجموع فيها شهادة ديال تلاميد ليشافوك دفعتيها وزيد عليها نتي ديما حاكرة على ديك لبنت ونتي ليكنيتيها بونيف وديما كاضحكي عليها ميساء= بصراخ( كولتليك مادفعتهاش ابنادم انا كونت كانصبغ ضفاري مقصتش فيها) المدعية شافت لمحقق مادار حتا طايلة واخا غوت واخا خلعها واخا هد عليها وااالو مابغاتش تعتارف قررت انها تدخل المدعية العامة سميتها ابتسام تعقلووووووو على ابتسام ااااااايه هي بشحمها ولحمها ابتسام بنت لقاضي ليتاهمت سناء انها ضربتها بلالعاب نارية فاش كانو صغار ضرنا ضرنا ورجعنا ليها ابتسام= قالت للمحقق (غير سير نتا ترتاح انا غانكمل عليك هاك خود هاد لحلوة دنعناع حلي بيها المحقق= لا مابغيتش مكتعجبنيش هاد لحلوة حارة ابتسام= بنضرة كوله ثقة(كولها على حسابي باش تزوليك ريحة لكريهة من فمك ) ميساء= بخخخخخخخ هاهاهاهاهاهاهاهاهاهاها من قبيلة ونت تنفخ عليا جات هيا طيحاتك بكلما هاهاهاهاهاها اااااااخ كرشيييييييييي المحقق مسكين خرج وهوا مطقطق راسو فلارض مازاد معاهوم حتا كلمة ااااااش غادي تقول اخويا سير غسل غير سنانك بعدا عاد خدم ونت دوختيلنا عباد الله الله يهديك وخلاض ابتسام =قولتيلي سميتك ميساء ياك اجي معايا لمكتبي (شافت ضفارها مزوقين)سمعت انكي لقبتيها ببونيف علاش ميساء= كاتهضر وضحك ااه ههه غير كانضحكو معاها وصافي ماشي شي حاجا ابيسام=هاهاها وهيا فاش كاتعيطولها بونيف واش كاضحك حتا هيا ميساء= تغيرو ملامحها وبتلعت ريقها (لا) ابتسام= ادن هادي سميتها حكرة ميساء =بتلعت ريقها وتزنكت( لا رد ) ابتسام= ربعت يديها (ادن ماخصناش نضحكو على من ماكان كاينا ولا لا) ميساء=حمارت (لا رد) ابتسام = ادن نبداو انت الان يجري تحقيق معكي في محاولة قتل صفاء زياني لديك لحق في التزام اصمت عندما تكون الامور غير ملائمة لكي ولديكي الحق في توكيل محامب في الجامعة== تلميد ليكالس حدا عماد شاد الجريدة وكايقرا لخبر ديال محاولة قتلل صفاء تلميد= واش قريتي لخبر لخبر ديال ميساء وصفاء عماد=وهوا كايكتب فادفتر (ل

اتلميد=هاك قرا غادي تصدم عماد= لا اتلميد=واشد اصاحبي (حطلو لجريدة فوق دفتار) عماد هز عينو فالجريدة وتما كانت صدمة شاف صورة ديال سناء ومحمد عماد=ممصدقش( لا ماشي معقول) اتلميد=شفتي كولتلك غادي تصدم عماد =هز لجريدة وكايضحك بهستيريا ( ياس ياس ياس ) وضار كايعنق فتلميد ليجالس حداه (شكران بزاف اصاحبي ) هز شانطتو وخرج كايجري خلى ليفلقيصم حالين فمهوم فيه مافاهمين وهوا كايجري فطريق كان غايدخل فيه موطور سائق= هااااي ابنادم شوف كدامك عماد=كاينهش(سمحلي اسيدي) باس راجل سائق وكمل جرا كولكوم عرفتو فين غادي اه لمحكمة وقف وشد لجريحدة فيديه وكيبتاسم وقال ( دازت عشر سنوات وكاع ماتبدلتي مازالة زوينة ) =في سجن= المجرم سميتو علال راجل ضخم لبنية طويل وسمر وكايخلع عينيه كولهو شر علال كالس على حدا طبلة كايشرب لقهوة وصاحبو حميد كالس حداه وكايقرا فالجريدة حميد= اشنو اعلال بقالك غير سيمانة وتخرج من لحبس شنو عوال دير علال حط لكاس من يديه وشاف فحميد بابتسامة ولاكن هاد لابتسامة ماكملاتش فاش شاف صورة ليفضهر لجريدة اه كانت هيا ماصدقش علال يشوف صورة ديال سناء خطف لجريدة من يد حميد وهوا كايضحك بجهد علال =هاهاهااهاهاها ضحكة كولها شر حميد = مالك اصاحبي كولي نعطيهالك وماتخطفهاليش من يدي علال =بالفرحة( سمحلي اصاحبي ماقصدتش) حميد= واش كاتعرف هاد ناس لي فصورة علال= بابتسامة خبيثة ( عندي واحد دين خصني نردو لهاد شخص) طبعن علال كان محكوم عله بعشرين عام ولاكن سلوكو لجيد مع العفو لملكي تقلصة لمدة ديال سجن ورجعت غير عشر سنوات ومن بعد اسبوع غادي يخرج من لحبس فهاد لاثناء سناء كانت ناعسا وفاقت كاتغوت شافت كابوس كان علال كايقرب عندها وغادي ينزل عليها بنفس لعصا وفاقت وهي كاتغوت ولاكن اختي سناء الكابوس هوا ليغادي تعيشيه ابتداء من سيمانة لجاية الله يكون فعونك سناء= اش هاد زهر عندي نهار لول فلخدمة وصبحت على ابشع كابوس اووف ناضت سناء من على ناموسيا ودخات لحمام خدات دوش وغسلات سنانها وتخيرات فاجمل ثيابها لا هادي قصيرة لا هادي طويلة لا هادي لونها بايخ هادي هيا لمناسبة لبست جيب افلاسود وسوميج اسود مع فيست بيج وطالون اسود ناصقت لالوان لعفريتا دارت مكياج خفيف وتعطرت خرجت وسدات لباب موراها وتاجهت لعمل ديالها بمشيتها لعسكرية وهي كولها ثقة وخلات موراها دار مقلوبا بروينة شي فالارض شي معلق لماعن ديال سيمانا مامغسولينش والحالة حالة شدت طوبيس هي ومحمد ولاكن هيا مانتبهتلوش محمد =كايجري من موراها بابتسامة عريييييضة( منين نزلنا من طوبيس وانا نعيطليك واش ماسمعتينيش) سناء=ضارت شافت فيه بنص عين وزادت محمد = شد ليها فكتفها باش توقف ( تسناء) سناء=بجوج سبعانها دفعت يد محمد وقالت( انت ماشي نوعي لمفضل) محمد= جبد لبزطام من لحقيبة ( واش هادا ماشي بزطامك طاحلك منين كونتي نازلة من طوبيس) سناء=فنفسها( ويلي على حصلة دابا كيغاندير) من بعد مانترتها من يديه ( لا ماشي ديالي ولاكن غادي نقلب على مولاها) خلاتو حال فمو وزادت محمد= هييي اش كاتكولي لاكارط مكتوب عليه سميتك اااااااااااه هههههه اكيد انت محرجة ههههه وهوما داخلين لمحكمة سناء ماضارتش موراها ولاكن هوا لاصقها لاصقها محمد= واش ماعقلتيش عليا انا محمد بن جلون سبقلينا طلاقينا من قبل سناء= وهي كاتمشا بحال لعسكر(انا عمرني شفتك) محمد= تلاقينا فالمقابلة دلخدمة ولامارة شنقتي عليا باش نعطيك لورقة ديال الاسئلة واش ماعقلتيش عليا وهوما كايتسناو لاسانسور هي عقلات عليه ولاكن مايغاتش تعتارف سناء= بنفاد صبر ( لا ماعقلتش) محمد=منتبهتش ليك من قبل ولاكين راكي زوينة بزاف (كاع ليكايتسنا سانسور ضار يشوف ) بصوت مرتفع اكيد غايكون كولشي كايشبهك لهاديك لممتلة ليعندها عينين كبار وشنايف منفوخين ااااااااااااااااه سميتها انجيلينا جولي سبقلي قلتليك كاتشبهيلها ياك (بنادم كولشي كايحنزز فيهم ويضحكو شوها وخلاص

سناء= بين سنانها كاتهضر(ممكن تخفض صوتك ) واخيرا وصل لاسانسور تزاحمو كولهوم لداخل فالمصعد محمد= علا ش رانا غير كانمدح فيك وكولتليك نتي زوينة اسناء واش ممكن ناديلك المحامية سو سو (ناس ليمعاهوم فالمصعد كايضحكو على سداجتو) سناء= معصبا وماكاتشوفش فيه وكاطلب غير فوقاش يوقف لمصعد محمد= (شافها محمرة فيه)ماعجباتكش ادن نخليوها محامية سناء ههههه كانضن حتانتي كان لحلم ديالك تكوني محامية عامة بحالي ولاكن نتي كتنكري اكيد غير كاتحشمي ياك ههههه واخيرا وقف لمصعد خرجت سناء بخطوات متسارعة خاصها غير تفك منو ولاكن هوا لصقة محمد=عرفتك علاش بغيتي تكوني محامية باش طلاقاي مع لمحامي لكبير سي براهيم ياك تبارك الله سي براهيم 40 عام وهوا خدام فهاد لمجال هوا متلي الاعلى واش حتا نتي سناء= وقفة ودربة بطالون فالارض بالعصبية وبصوت مرتفع( لا لا لا لا لا كولتيلي محامية سوسو ورديتيني كاتشبه لانجلينا جولي كون يحسابني غايحطوني معاك مكونتش ندوز لمتيحان وانا ماكانحملش داك لمحامي ديالك سيك براهيم وماجيتش لهنا على قبلو هداك محامي هداك ملصق سنان وماكايسمعش الى مادارش صناتا فلودن وهداك ماشي متالي الاعلى واش رتاحيتي داباااااااااااا ها) وهي مازالة كاتغوت طاح حدارجليها لفم ديال شي راجل كولهوم حناو كايشوفو فيه هز لمساعد ديال راجل لفم وشللو فكاس دلما ليكان هاز وعطاهلو مجمد=كايضور فعينيه ويحاول يتفكر (واش ماشي نتا المحامي لكبير سي براهيم) سي براهيم= هز براسو وهوا كايتبت لفم بمعني نعم محمد=سمحلي اسيدي كاع ماعقلت عليك فلاول (ضار شاف فسناء) سربي عتادري من سيد سناء= مرضاتش(علاش شنو درت) سي براهيم = وهوا ماحاملش سناء (ماكابن لاش تعتادري ماقولتي غير لحقيقة ولاكن واش نتوما بجوجكوم محامين عامين) محمد = اه انا لمحامي محمد بن جلون وهادي لمحامية سناء الداودي سي براهيم = شد فيد شخص ليحداه (وهدا الكاتب العام مصعب الخالدي) القى التحية مصعب = تشرفت بمعرفتكوم (مشامحمد سلم عليه باليد اما سناء غير من لبعيد) سناء=تشرفت بيك سي براهيم=يالاه تفضلو نوريكم لمكتب فين جا (محمد وسي براهيم سبقو) مصعب= كايتكلم مع سناء ( نصيحتي ليك سي براهيم كايهز ضغينة فقلبو هدا لاش عتادريلو فاقرب وقت ) مشا وخلاها موراه عرفت لقاضية حماضة

يتبع