مصير مراهقة الجزء العاشر (الفصل الثالث)

من تأليف لؤلؤة ذهبية
2018

محتوى القصة

رواية مصير مراهقة الفصل الثالث

💑عند الأبطال ديالنا طوم و جيري 💑
..من بعد ما طلب زواج امين من ابتهال لوافقاات بطبيعة الحال عنقها أمين و تا هي بادلاتو العناق بقاا مدة و هو كيعبروو علة حبهوم بعضياتهوم ...
أمين : عرفتي ليوما أحسن نهار في حياااااتي ...كنبغغغغغيك ا ابتهال كنموووت عليك 😍😍
ابتهال : تا أنا هاد نهار هو أسعد نهار في حيااااااتي ...مكنقدرش نتخيل راسي نهار بلا بيككككك....كنموووت عليك 😍😍
أمين : (جابها قدامووو و بقا مدة و هو كيشوف فيها تا هبط على فومها قبلها ...دخلووو في قبلة كيعبرو من خلالها على حبهوم و عشقهم لبعضيااتهوم ...بقا مدة و ابتهال مجاوبة مع امين لكل واحد فيهوم في عالم خاص بيهوم غير هماااا قبلة كانت فرنسية 💯 ..امين تا حس براسو بدا كيسخن و هو يحبس قبل ميوصلو شي مواصل هههه و هو فضل تا تكون ابتهال حلالووو ...طلق منها و باسها في جبهتها و شدها من يديها و داها طبلة لموجد ليهاا .. 
ابتهال : واااااو بيتزا بقمروووون 😍😍😍
امين : انا عارفك كتموتي على الحوت و بخصوص بيتزا ديال حوت ...
ابتهال : اححححح لذيذة ...
امين : ابتهال سكتي شوية هانتي بديتي تزبليها و انا راشاد راسي عليك غير بزز...
ابتهال :(فهمتها طايرة ) 
امين: شنو باليك نمشيو ناكاو تماا قباالت داك شرجم لكيطل على بحيرة ...
ابتهال : وخا و لكن كاين البرد ...
امين : بلاتي نجيب شي عواد نشعل عافية .....
مشا امين جاب الحطب و خشاه في شيميني و شعل عافية و بدا الكوخ كيسخن ...و حيدات ابتهال مونطو ديالها كلسات غير بكسوة حمرا و مشاو هزو دوك كرطونات ديال بيتزا و عصير و مشاو حدا داك شرجم 
و كلسو على واحد مخاد كبار و بداو كيكلو و كيضحكوو تا شوية بدا كيطيح ثلج ...
ابتهال :واوووو ثلج😍
امين : خااصنا نتحركو قبل ميجهاد و يتسد علينا طريق و نبقاو واحلين هنا...
ابتهال : لا بغيت نلعب في ثلج 😍
امين :واش نتي قدك قد لعب الله يهديك نوضي لبسي عليك نمشيو بحالنا تا لداركوم و لعبي ...
ابتهال : لا هي لا عجبني الحااال هنا ...《《خرجات ابتهال بجرا فتحات الباب و مشات كتلعب في شتا و تا تهز راسها فوق و ثلج كيهبط عليها و هي فرحانة كتنقز شافها امين خرجات هكاك و مالبسة والو خاف يشربها البرد و مشا كيجري هز مونططو ديالها و لبس مونطو ديالو و مشا خرج عندها شدها ..》》
امين : ابتهال ايضربك البرد لبسي 《《لبس ليها مونطو ديالها و هي كتنقز 》》 و ترساااي هههههه حمقة ..
ابتهال:(فرحانة ) وااااااااااو 😍😍😍أحسن نهااااار في حيااااتي كاملة {بأعلى صوت } كنبغييييييييييييييييييييييييييييك ا امين 😍😍《《بقااات ديك كلمة كنبغيك كترددد مع غابة و دنيااا خاوية 》》
امين:(فرحان) هههه حمقة كنننننننبغييييييييييييييييييييييييك ا ابتهااااااااااااال 😍😍
بقات ابتهال كتهز ثلج و كتلوووحو عليه و حتا هو ماشي من عاكزين تيهز و كيشير عليهاا شبعوو لعب تا بدات ابتهال كتعيا و هما يدخلوو...
امين : ها ثلج دباا سد طريق بقينا هنا ...
ابتهال : ايوا شنو نديرو ؟؟
امين : كوليها راسك عطيتيها تحنقيز و نسيتي راسك ما علينا غير نكلسو هنا تا يصحا شوية الجو و يحبس الثلج و ديك ساعة نمشيو و عيطي لماماك دبا كوليها ليها ...و انا نعيط محسن يكولها البنات و يرد البال معاه ليهوم ...
ابتهال : وخاا 😊
عيطاات ابتهال و ماماها و علماتها بان ثلج سد عليهوم طريق ايبقاو تا يحبس و يجيو ...اسماء واعية مرفضاتش ...و امين بدورو عيط محسن و كاليه يرد البال البنات و يعلمهوم ...حيدات ابتهال مونطو ديالها ..
ابتهال : صافي قلتها لماما ...
أمين :مزيان تا انا قلتها محسن يعلم البنات و يرد ليهوم البال ...
ابتهال : شنو غنديرو دبا ؟؟
امين : اجي نتكاو حدا هاد شيميني نسخنو شوية ...
تكات ابتهال معنقة أمين فوق واحد فوطوي عريض قدام شيميني امين شدها بيد من خصرها و يد كيلعب ليها فش شعرها و كيهضرو على حياتهوم و مستقبالهوم تا نعسو بجوج ....و سيرو تنعسو تا نتوما 😂😂
🌕اصبحنا و أصبح الملك 🌕 صبح الحال على الابطال ديالنا و دخلو ضو عليهوم ضرب في عينين أمين و فيقو ...ابتهال باقا ناعسة ناض امين بشوية باسها من راسها و بقا مدة و هو كيشوف فيها جبد تيليفون خذا ليه تصاور كتبان كيووت و بريئة و هي ناعسة 😍 بقا كيلعب ليها في شعرها و كيبوسهاا في جميع الانحاء وجهها تا بدات كتحل عينيها ....
امين : صبااح الحب 😍نعااسة مع راسك خمرتي 😂
ابتهال : صبااح نور 😍ههه لقيت راحتي معمري نعست بحال هاذ نعسة ...
امين :وتشوفي انا احسن نعسة في حياتي 😍😍
ابتهال : (ناضت كتكسل و كدور عينيه بانت ليها شمس بانت )صافي ثلج حبس و طلعات شمس سبحان الله ...
امين : هادي باينة من داك رعد لضرب في ليل و ثلج اتصبح شميسة ...يا الله احياتي لبسي عليك باش نمشيو نفطرو في شي بلاصة و من بعد نوصلك و نمشي دار عند البنات خليتهوم بوحدهوم ...
ابتهال : وخا احياتي يا الله ....لبسات ابتهال مونطو ديالها و امين و خرجو معانقين هابطين في الغابة لمنضر ديالها أكثر من رائع تا وصلو طونوبيل ديال أمين ركبو و زادو ....

💗💗عند الأبطال ديالنا 💗💗
...وصلو الأبطال ديالنا حدا واحد قهوة حدا البحر و نزلو مشادين كلسو في واحد طاولة كتشوف في بحر ...جو هادئ أمواج ...هدوء طلبو فطوور كامل مكمول 🍩🍮🍳🍪🍵☕ كيشهي فطور في جو كل حب و ضحك بين أمين و ابتهال لحبهوم و عشقهوم بعضياتهوم واااضح ....خلص امين و وصل ابتهال لفيلا ..
ابتهال : يا الله بسلامة سلم على البنات و تهلا في راسك ...(حلات الباب بغات تهبط )
امين :(جرها من ذراعها ) اجي اجي في سالتة ...مانسيتيش شي حاجة ..
ابتهال :(بغباء) اش انسى منسيت والو ...
امين : عارفك احبيبة مكلخة (جرها عندو و باسها من فومها 😗) ها شنو نسيتي ...
ابتهال : (حشمات و تزنكات 😳) ويلي كون تحشم ولفتيها ...
امين :بحال داكشي بنينة مكنشبعش منك 😉
ابتهال :الله يمسخك (هبطات كتجري)
امين : (كيضحك )هربتي 😂😂😂حمقة هاذ البنت و اتحمقني ....(ضرب دورة امين و مشا لدارو ) 
دخلات ابتهال فيلا ...و شداتها اسماء و سعدية دارو ليها تحقيق ...ما طلقوها غير بالكشايف ..طلعات بيتها و عيطات ابيل فيديو لسناء و عاودات ليها كلشي فرحات ليها سناء بقاو مجمعين كيضحكو و ابتهال فرحانة ماقاداها فرحة...
وصل امين دارو و طلع سلم على البنات لقا نجية كتجمع حوايجها ...و خديجة جمعات دار و دارت الغذاء خبرهوم بزواجو من ابتهال فرحو ليه و مشا عند محسن عاود ليه و من بعد رجع باش يرجع نجية لدارهوم و منها يخبر مو بزواجو من بنت عمو ...لبسات نجية و وجدات من بعد ما تغذاو ...و حتى خديجة لبسات بغات تمشي تكلس شوية مع ابتهال ايوصلها امين و منها يكول لابتهال بانه مسافر و ايهضر مع مو بخصوص زواجهوم و يديرو نهار لغادي يخطبوها رسميا ....دخل امين بيتو دوش و لبس سروال تجين و طريكو صوف سخون في زرق و رش بارفان ديالو و رجع شعرو لور دار ساعتو يدوية و خرج هاز كونطاكطيال طونوبيل و تيليفونو في يديو لقا نجية و خديجة لابسين كيتسناوه في صالة هز باليزا نجية و سد دار و هبطو ....خشا امين باليزا نجية في كوفر و ركبو البنات بجوج بيهوم لور و امين دار ليزيات في وذنيه و صونا ابتهال و ديمارا....
سر سر سر 📱📱
(ابتهال متكية في بيتها كتمزك تا صونا ليها تيلي 📲)
ابتهال : ألو امين ..
امين : ألو حياتي ...انا شوية و نكون عندكوم انخلي خديجة معاكوم بغات تكلس معاك ...انا غادي ناضور ..
ابتهال: مرحبا بيها ...و لكن واش واقعة شي حاجة علااش اتمشي ...
امين : لا لا والو غير انوصل نجية و صافي ...يا الله بسلامة انا شوية و نكون عندك ...
ابتهال : وخا ...
بعد ربع ساعة وصل أمين قدام فيلا ديال عمو ...صونا ابتهال خرجات حالات ليهوم الباب لابسة بيجامة سخونة ببنوار ديالها في حمر و جامعها شعرها بشكل عشوائي ...سلمات على أمين بالوجه و سلمات على البنات ...
ابتهال : نجية صافي سخيتي بناا ...
نجية : ايوا لاقبلوني في ماستر غادي نرجع ان شاء الله و لكن دبا خاليت عمتي بوحدها (أم أمين نعيمة ) 
ابتهال : ان شاء الله يكون خير ...يا الله دخلو بعدا 
امين : تابعانا طريق و عاد خاصني نرجع في عشية ...دخلي انجية سلمي علبيهوم و يا الله ...
نجية : ابتهال كاينة ماماك و خالتي سعدية ...
ابتهال : اه كاين كلشي بابا لمكاينش دخلي ...يا الله اخديجة ..دخلات نجية سلمات على اسماء و سعدية و على حاج اسماعيل و خرجات ركبات حدا امين ...
امين: يا الله احبيبة نوصل نصوني ليك ...😍
ابتهال : اوكي طريق السلامة سلم على خالتي نعيمة ...
امين : يوصل ان شاء الله تهلاو .....مشا امين ضرب دورة نيشان شد طريق لناضور ...ابتهال عيطات على سناء باش يخرجو شوية ...و داكشي لدارت سناء لبسات حوايجها و عيطات محسن كالتها ليه و شدات طاكسي عند البنات ليلقاتهوم لابسين سلمات عليهوم و خرجو شدو طاكسي للمول و دخلو كيتساراو و تايتسيلفاااو ....في حين امين وصل ضيعة ديالهوم و صونا على ابتهااال كالها ليها و هي بدورها كاتليه را خرجو و وصاها يرجعوو بكري ....و دخل عند مو لقاهاا كالسة هي و مرات خالو (مامات نجية ) كيتفرجو سلم عليهوم هو و نجية و كلسو ...كيتعاودو معاهوم و مو كتصولو على بنتها ...نجية ناضت هي و مها مشاو دااار نجية تشوف باهاا و امين كلس معا مو ناضت دارت كسكرووط وحطاتو فوق طبلة و جبد معاها موضوع زواجووو...
نعيمة : الله اولدي فرحتيني صافي هداك الله دير دارك و ووليداتك ...😍
امين : ايوا حمد الله ههه عمي را في خباروو و حتى بنت موافقة ...
نعيمة : مغااديش نلقا حسن من عبد الرزااق كاب عرووستي و تا البنت تبارك الله معندي منقول عليها زين و اداب و لاكنتو مفاهمين اولدي منزيدك غير الخير ...ولكن ضروري نديرو صواب و نمشيو نخطبوها من عند واليديها ...
امين : اه داكشي علاش جيت ان شاء الله من لهنا راس العام نمشيو نخطبوهاا و العرس تا صيف تا تشد الباك ديالها نيت نوجد شلا حوايج على خاطري ...
نعيمة : ايوا صافي اولدي الله يكمل بخير و يسهل عليكوم...
اممين : امين اميميتي ...باقا حاجة خرا ...
نعيمة : اما هي ...

♡♡عند البطل ديالنا أمين ♡♡
امين : باقا حاجة خرا ...
نعيمة : اما هي؟؟
امين : كنتي قلتي ليا نهار تزوج انجي معاك ..و دبا انا نطلبك و بلا مترفضي ليا عافاك انا خدام لهيه و نتي هنا بوحدك و بالي كيبقى مشوش عليك ..انا قررت نشري دار و نسكنو مجموعين اش قلتي ؟؟
نعيمة : ماخاليتي ليا منقوول اولدي تا انا عييت هناا بوحدي و نتوما بعاد عليا كيبقا بالي مشوش عليكوم ...انا اصلا امبيع دوك اراضي كاملين معندي مندير بيهوم و نيت باش تشري دار ...
امين : لا اميمتي انا ناخذ كريدي و نشري ...
نعيمة : وعلاااش اش اندير انا بدوك اراضي و مافيهوم والو ...و دار نسدوها و نزيدوو...
امين :ولكن 《قاطعاتو 》
نعيمة : صافي هضرنااا دبا شوف خالك يحطهوم لينا في بيع ...
امين : صافي ليبغيتي مهم تبقاي حدااايا 《باس يديها و راسها 》انا انمشي دبا ندوز عند خالي و من بعد نشد طريق ...
نعيمة :علاش ماغاديش تبات معايا ...
امين : لا راني خدام صباح و خديجة خاليتها غير عند عمي ...
نعيمة : اه و سلم عليهاا و سلم على دار عمك كاملين و تهلى في ابتهال ...
امين : يوصل ربي يتهلا الله يعاون..
نعيمة : بسلامة اولدي الله يرضي عليك دنيا و اخرة ...
امين : امين يا ربي (باس راسها و خرج ركب في طونوبيلتوو تا لعند خالو كبير عندو حانوت في قرية هو الوحيد لدايرو وقف حدااه و نزل هضر معاه و خبرو باش يحط الاراضي في البيع ديال باه و سلم عليه و رجع شد طريق الحسيمة )
♡♡عند البطلة ديالنا ♡♡
باقين كيدروو في مول تا عياو و كاتليهوم ابتهال يمشي شي كافي يكلسو ...و هبطو واحد كافي كاينة في مول كلسو كل وحدة خدات عصير بقاو مجمعين كيهضرو ...
سناء : ويلي 7 دبا ليوما محسن يخرجني في جونرال تلاحو البنات انشد طاكسي و نرجع نتلقااو غذا في ليسي...
ابتهال : و مالكي تا تخاافي منو تا نتيا اويلي مربي فيك رعب ...تي كلسي را باقي حاال 
سناء : نتي را باغا تخرجي علياا ...
خديجة : سيري اختي سيري حنا براسنا خاصنا نوضو نمشيو را امين تلقاياه را جاي و المغرب دباا و الله تا يقتلنا ...
ابتهال : سيرو تخراااو مالكوم غير كترعدو انا دباا و الله لامشيت باقي الحال ...
خديجة :من نيتك ...
ابتهال : (بثقة ) وي 😌
سناء: هادي را عضامهااا بردو عليها ضبر راسهاا غير كلسي اخديجة معاها را لا جا امين را هي لغادي تاكوولها و هو عارفها كطير ....
ابتهاال :(كطنز) وسيري سيري عندااك تعطلي و يتقلق منك حبيب قلب ...
سناء : هاا هي غادا (سلمات عليهوم و خرجات شدات طاكسي و مشاات نيشان الدار...عيط ليها محسن لقاها في دار ) ....أمين وصل مشا دارو بدل حوايجو و عاد خرج ركب في طونوبيلتو و دوز نمرة ديال ابتهال ...
سر سر سر 📱
خديجة : باينة امين قفرناهااا جاوبي ...
ابتهال :(جاوبات ) الو امين ...
امين : رجعتووو دار ؟؟
ابتهال :(بتردد) لا اه ... رجعنا .. 
امين : كتفلاي عليا دباا ؟؟فيننننننكوم ...
ابتهال : بلا غوت ها حنا في مول ...
امين :ياك كلت لمككك رجعي بكري و العشاء قرب يوذن و نتي باقاا ضايعة في زنااقي معليك حكااام و زايدااهااا بكذووب واش باغاا تخرجي لمي عقلي و لا شنو ؟😡
ابتهال : و صافي بلا متزيد فيه احنا انشدو طاكسي دبا و نرجعووو....
امين :(تا يديماري طونوبيل ) زايدااها مك بهضرة بقاااي تماا انا جاااي ليكوم ...و الله لابقات فيك ...
ابتهال : وصاافي ...كاالس علياا من صبااح مك مك مالنا منخافووش ...
امين : انااا جاي لمك و نشووفو واش تخافي و لا لا (قطع )
ابتهال : قطع عليااا ولد حراااام دار لينا حالةة على والووو يخخخ ...
خديجة :(كتعض في ضفاارها بخلعة ) هادشي ليبغيتي يااك و فكيها دبا ...انا و الله تا نكرك من يكون كيخلط مك عصااا ...راسك قاصح ...
ابتهال : نوووضي نوضي تحركي قبل منخلطك انا هنا ...زوينة كالك يخلطني حكاام الخاوي ديالو يخليه عندو ...
خديجة : اااايييه عطيني انا لنستاهل ...
ابتهال :(خلصات ) نووضي ...مشاو خرجو هبطووو التحت و وقفو كيتسناو امين تا داز واحد كيضسر على ابتهال ...
......: احح على زين مغربي ...😍
ابتهال : معاااااياا اخاي ...
.......::اححح ميميتي قلبي ايسكت اش هاد زين ...
ابتهال : هاد زين ايجي يخليك بلا ولاااااد و ضرب اخووويا دورة لا نصدقوو في شي طاب و شي ماطاب ...
........: احح الولاد هماا لغادي ندير انا ويااااك ....(قرب جيهة ابتهال )
خديجة:(كترعد بالخوف ) ابتهاال يا الله نتحركو من لهنااا ....
ابتهال : (رجعاتها من موراها ) كلسي ثبتي معندكش لاش تخاافي ...(دارت لعند هداك ) علااااش كتقلب دبا ...
.......: (قرب ليها بزااف و بغاا يشدها من وجهها و هي تجمع لمعلم بركبتها و بغااات تمشي و هو يجرها من شعرها 😂😂) احححححححححح مال دينمك شنو حاسبة رااسك ....جرها من شعرهااا و خديجة بقات غير كتشوف معرفات مدير في هاذ اللحضة وصل البطل ديااالنا حدا المول هبط و هي تبان ليه خديجة واقفة كترعد دار شااف و هي تبان ليه ابتهااال شادها داك شمكار من شعرها ....

♡♡عند الأبطال ديالنا ♡♡
...امين شاف ابتهال شادها هداك من شعرهاا مشا كيجري بلا عقل نزل على هداااك ضرب وحدة طيحاتو في الارض اصلا كان محشش دايخ و نزل عليه ببونيات ...و خديجة كتغوت و ابتهال كتشوف عاجبها الحال ...و و مع دنيا خاوية مكاين ليفك غير خديجة لكتغوت و كتبكي و ابتهال كتجمع في شعرها ...
خديجة : اهئ خوووياا صافي باركة عليه غادي تقتلووو....(امين باقي شادو و عروقو خااارجين بالاعصاب و حمر شانق عليه قاجو )
ابتهال : لا عااساك عطيه را بسل عليا و جرني من شعري قسحني الله يعطيه الكرض ....
امين سمعهاا و زاد عطاه كروشية الوجه ...تا سخف ...
خديجة :اهئ اهئ اهئ ويلي خويااا صافي غادي يموت ليك بين يديه ..(دارت عند ابتهال ) هادشي ليبغيتي من صباح و انا كنقوليك يا الله بحاالنا ها هوو ايدخل حبس بسبااابك فرحي ديالللك هاد طيش ديالك ايخرج علينا كاملين ....امين طلق من هاااداااك وقف كيخنزر قي ابتهاال وهداك ناض بززز و علق ...
امين : (معصب😡)زيدوو يا الله طونوووبيل هضرة مااااشي دبا ...
خديجة : و الله اخويا من صباااح و انا كنكوليها نوضي نمشيو هي لكالك خليناا نكلسو شوية ...
ابتهال : 😳😳😳😳
امين : تا نكون ماعاارفاهاااش انا شيبتيني ا ابتهال شيبتيني و عقلك ماباغاش ديريه كنبغي نزيد معاك خطوة و كتخليني نرجع زيدو دبا و من بعد نتافهموو ...مشاو لطونوبيل و ركبات خديجة حدا امين مابغاتج تكلس حدا ابتهال ...و ابتهال حسات بحكرة من هضرة امين و طريقة معاملة خديجة ليها و عنقها مجروح جرحهاا هاداك من كان شادها من شعرهاا ..ركبات لور و تكات امين ركب و ديمارا نيشان لفيلا تا وصل لقا اسماء الله وصلات تاهي بغات دخل و شافت طونوبيل امين و هي توقف كتساناهوم يهبطو ...
امين : هبطي لدراكووم ...
ابتهال : امين 😢😢😢
امين : (ببرود ) هبطي ...هبطات ابتهال حانية راسها دازت من حدا اسماء و عينيها عامرين دمووع و دخلات كتجري لفيلا ...
امين :(تنهد ) شير لاسماء بيديه من شرجم طونوبيل زعما سلام و ضرب دورة و مشا و اسماء عرفات شي حاجة واقعة دخلات و طلعات نيشان عند ابتهال بيتها لقاتها متكية و كتبكي فوق نموسيتها ..مشات كلسات حداها جنب نموسية و كدوز ليها على راسها ..
اسماااء : ماامي حبيبة ديالي اش واقع ؟؟
ابتهال : اهئ امين تخاسم معايا ...
اسماء : وعلاش ؟؟
ابتهال :(عاودات ليها كلشي ) اهئ اهئ كالي انا طايشة 😢
اسماء : و مالو كذب نتي علاش تعطلتي برا و عارفا براا كاين غير سلاكط ...
ابتهال :(كتبكي) اهئ اهئ😭😭😭
اسماء : و صافي دبا لاش زايداهاا بالبكااا دبا يتصاالح معااك را غير تعصب دباا ايبرد و يهضر معاااك ...و هداك لتبسل عليكوم فينو ؟
ابتهال : را ضربو امين عطاه قتلة ديال العصاا تا سخف و من ناض مشاا هرب ...
اسماء : مزيانة ليه حمااار الاخر ...صافي دبل نوضي خودي ليك شي دوش و هبطي تعشاي عاد نعسي ...
ابتهال : مافيا ليكال اماما و ماقااادا من دوش بغيتي غير نعس ...راسي كيضرني ...
اسماء : و تنعسي بجوووع ...
ابتهال : مافياش اماما ...
اسماء : ليبغيتي ابنتي متبقايش مقلقة تا انا انتقلق دبا...
ابتهال : لا لا صافي مامقلقاش ...فين دراري و بابا مبانوش ليا ...
اسماء : زياد را ناعس و نور في بيتها كترسم ..باباك جاتو شي خدمة في امريكاا و مشاا ...
ابتهال : وايلي فوقاش مشاا ؟؟و انا ما فخباري والو ..
اسماء : غير قبيلة را جاتو على غفلة ...
ابتهال : اه مزيان وصل بعداا ؟
اسماء : را الله ركب را 8 سوايع ديال طريق .. 
ابتهال : اه ايوا الله يوصلو على خير ...
اسماء : امين ...يا الله انا انطل على دراري تصبحي على خير احبيبة ...
ابتهال :(ناضت باستها ) بونوي 😘😘😘خرجات اسماء و ابتهال ناضت حيدات حوايجها و لبسات بيجامتها و ذهنات وجهاا بكريم ليلي ديالها و دارت مرطب شفاه ديال زيت و جمعات شعرها غير بشوية بشكل عوشائي مع كيضرها و تخشات في بلاصتها فتحات واتساب لقات امين اون لاين بقاات تسنى يهضر معاها و والو و تا هي مقدارتش تسيفط ليه خافت يقمعهاا..صافي طفات تسليفونها و تغطات و نعسااات 😴😴
♡♡عند البطل ديالنا أمين ♡♡
..من بعد ما وصل ابتهال فيلا ضرب دورة و مشاا دارو ممهضر مع خديجة ما والو غير وصل دخل بيتوو بدل حوايجو و توضا صلا صلاتو و خرج لقا خديجة كطيب عشاا مشا عندها باسها من راسهاا ...
امين : لوااليدا كتسلم عليك و توحشاتك و وافقات تجي تسكن معااانا ....
خديجة :(بفرحة 😍) بصححح صافي ماما اتجي تكلس معانا ...
امين :(عنقهاا) اه احبيبة و غادي نشري شي فيلا صغيرة باش نسكونو فيها مجموعين ...
خديجة : واااو احسن خبار سمعاات اخوويا ...و هضرتي معاها بخصووص ابتهال و زواجك منها ...
امين :(تفكر
ابتهال و تنهد ) اه و فرحااات ...
خديجة : مزياان اخويا ابتهال وخا معندهااش عقل و لكن قلبهاا بيض و كبير مكاينش بحاالهاا ...و قبيلة عايرتها بقا فيا الحاال و هدايمن كتعاوني ....

♡♡عند البطل ديالنا ♡♡
امين : عاارف احبيبةة تا انا عصبتيني و مكتسمعش الهضرة خلبيها باش تعلم شوياا ...
خديجة : متقلقش منها يا خوويا عافااك ...
امين : صافي نساي عليا موضوع انا نمشي نطل على محسن نجي ...
خديجة: وخااا اخويا ...
خرج امين مشا عند محسن لقاه متكي على شي امتحانات كيسيبهوم دخل و عاود ليه كلشي ...
امين : كوليا اصاحبي شي حل نديروو معا هاد البنت شيبتيني ...
محسن :وااع حسن عواانك اصاحبي شخصية ابتهال في شكل كدير داكشي لكايكول ليها راسها عنيدة بزااف معليك غير تشد معاهاا خاطر هادشي لغادي نكولك
امين : عييت منشد خاطر شيبتني و حق الرب 
محسن :و متنااساش را وخاا ابتهاال هكاك را فيها حوايج خرين زوينين قليل تلقاهوم عند البنات ...مختلفة و هادشس لكيخليها متميزة على لوخرين ...
امين : شتك كتمدح فيها قدااامي ...
محسن : وااااع متكوليش كتغاااار مني انا اصلا عندي حبيبتي ضريفة و كتسمع هضرة كيتك ...
امين : كضحك عليا دباا ياااك ...
محسن : نوض اخوياا سير قود علياا فرعتي ليا راسي ليتبعك نتا وديك شنيولة ديالك تخرجو ليه عقلو ...
امين : انا غااادي ديرها فين تجيك ...مشا امين لدارو لقا خديجة وجدات كرطاان بكفتة كلاو هو و خديجة و ناضت خديجة جمعات ماعن غسلاتهوم و مشات بيتها وامين مشا بيتو غسل سنانو و دخل تخشا في بلاصتو هز تيليفونو فتح واتساب لقاها اونلاين الله بغا يصوني لبيهاا و هي تسد و تا هو دار ساعة و نعس 😴😴
🌕أصبحنا و أصبح الملك 🌕
♡عند البطلة ديالنا ابتهال ♡ صونات ساعة على ابتهال و ناضت دخلات غسلات وجهها و بدلات حوايجها لبسات سروال تجين زرق مع بوضي سخون شوية قي باااج سانبل و سبرديلة طالعة شوية في بيض و كويرتها الكحلة جمعات شعرها عشوائي باقي كيضرها و دارت كلوز في غوز و ريحتها نانين و هزات ساكها و دارت ساعتها يدوية و هبطات لقاتهوم كيفطرو بزات عليها اسماء تفطر و فطرات و خرجات ركبات مع شيفور هو لغادي يوصلها بحكم اسماء مامقرايش صباح تا عشية ...و اسماء دات نور مدرسة ديالها وصلات ابتهال ليسي دخلات حراسة هزات ملف غياب و طلعات و قفات حدا قسم ديال أيمن ...تا جات عندها سناء ...
سناء : صباح الخير ...
ابتهال : (ببرود ) صباح نوور ...
سناء : مالكي ؟؟
ابتهال : ماماليش ...
سناء : واش مقلقة مني ؟؟
ابتهال :(ببرود ) لا ...
سناء : وعلاش واقفة هنا ادخلي تقراي عند ايمن ..؟
ابتهال : اه ..
سناء : اويلي مكيقري والو و باسل يا الله ندخلو عند أمين ...
ابتهال : لا ...
سناء : نتي معجبانيش ..واش مخاصمة مع امين ؟؟
ابتهال :مدابزة مع راسي ...(ضربات فيها ابتهال و دخلات قسم و سناء بقات غير كتشوف مافاهمة والو و مشات عند قسم امين دخلات و كلسات حدا خديجة و عاودات ليها خديجة كلشي )
سناء : ويلي و انا كنكول مالها كاعية ...
خديجة : واش مقلقة ...؟؟
سناء : و كاعية نيت ...دبا ايكون خاصها غير معامن ...
خديجة : ويلي ناري اتكون مقلقة مني تا انا ...
سناء : و غير سكتي مشكلة مقلقة منا كاملين ...في هاذ اللحضة دخل امين ... قاليهوم صباح خير و مشا مكتب ديالو خاطرو خاسر ضور عينيه في قسم 👀مابانتش ليه ابتهااال حيد مونطو ديالو و حط صاك ديالو و مشا طاولة سناء و خديجة ...
امين : سناء فيناهيا صاحبتك ؟؟
سناء :(كتفتف) ا ا را دخلات عند استاذ لاخور ...
امين : (بجهد ) شنااااهو (طلشي ضار كيشوف فيه خنزر فيهوم و حناو راسهوم*) واش باغااا تخرج ليا عقل هاد البنت وخا الالة ابتهال موكلتش ليك عصا البارح ...عضامك بردو عليك ...خرج امين معصب من قسم مشا لقسم عند أيمن لقاا غير ابتهال و شي جوج بنات لكاينين في قسم حيث اغلبية مبقاش باغي يقرا عند ايمن ...دخل عليهوم و وقف عليهوم بحال عاصي ربي ابتهال شافتو و هي تشهق عرفااات قضية حاامضة ....
ايمن : أستاذ امين كاين شي مشكل ؟؟
أمين : اه ابتهال جمعي حواااايجك و زيدي قدامي...
أيمن : كيفاااش تجمع حوايجها و تزيد قداااامك واش واعي بداكشي لكتقول ...
أمين : (بجدية)سمحلي مكنهضرش معاااك دباا مامساليش نبقا ندي و نجيب معاك في هضرة ...ابتهال تكعدي و لا ندير فيك شي جريمة ....😡
أيمن : و اش نتا صافا با ابتهال باغا تقرا عندي انا و نتا اش دخلك اصلا اشش كتجيهااا ....
أمين :(تعصب و هو يفركع الرمانة 😂) بصفتي ولد عمهااااا و راااجلها مستقبلي ...و دبا اتسكتنااا و لا لا ...
أيمن : صدمة ثلاثية الأبعاد 😱(كنت اولدي كتحلم و شد دبا 😂😂انا هنيتكوووم من أيمن تصفيقات حارة عليا 👏) 
أمين : (كيشوف في ابتهال و كينخزر )تهزي ...
ابتهال : (كترعد ..ماعودتهاش معاه جمعات حوايجها و خرجات قدامو و هو موراهاا كتسنى شي ضربة تجيهاا راس بقاات غاادة لجيهة قسم و هي كترعد و هو موراهاا دخلات و مشات كلساات لور و هو بقا كيشوف و كلشي كيشوف خديجة و سناء كيعضو في ضفارهوم بخلعة في بلاصة ابتهال ) ...
أمين :(كيهضر مع واحد تلميذ)و معاااذ رجع لدااك صف عافاك ...
معاذ : وخا ا استاذ ...
أمين : ابتهااال تهزي اجي لهناا (طاولة لولة لقبلات المكتب ) 
ابتهال : (معوداتش هضرة معاه ) وخا ...

♡♡في القسم عند البطل ديالنا أمين ♡♡
جمعات ابتهال حوايجهاا و مشات كلسات في طاولة لولة و هي حانية راسهاا و حمرة ....أمين خنزر فيها و ناض بدا كيشرح درس و هي حصة كاملة و هي مهبطة عينيها مهازتهاش فيه ..و تا هو ميك عليها مرة مرة كيشوف فيها بنص عين و البنات كيشووفو في أمين و يعاودو يشوفو في إبتهال ...دازت نصف ساعة لولة و عطاهوم تمرين 10 دقايق و ناض كيدور عليهوم واحد بواحد ابتهال عينيها مغرغرين و كتخرج و دموع بداو كيهبطو على دفتر ....مقدراتش تهز راسها صحح البنت لحداها و داز عندها و خلاها ومشا كمل صف ...و من كان راجع بان ليه عنقها كل مجرووح حيث هازة شعرها و هداك من شدها البارح من شعرها قمشها زير على يديه بالاعصاب و بخصوص من داز من حداها و لقاا دفتر كلو فازك بدموعهاا ...كمل ديك نص ساعة غير كيغوت و معصب و ابتهال باقة في نفس الحالة غير حانية راسهاا على دفتار و دموعها دايزين بحال شلال ....صونات 
رن ررن رن الجرس 🔔🔔🔔🔔🔔
جمعو ثلاميذ اداوتهوم و تا ابتهال بدات كتجمع بزربة باغا تسلت تا شافت في امين اوم ليها براسها زعما غير كلسي ابنتي معندك فين تهربي ...كلسات و خرج كلشي بقات خديجة و سناء كيبلقو بعينيهوم ...
امين : غير خرجووو نتوماا الله يعاون ...معاودوهاش معاه حيث عارفينو معصب و بقات فيهوم صاحبتهوم شافو فيها بحسرة و خرجو ...ناض امين سد الباب و جا وقف عليها بقات حانية راسها تا جمعات قوتها و كالت ليليها ليها و ناضت وقفات قدامو بعينيها عامرين دموع تواجهو مع بعضياتهوم امين كيشوف و هي كتشوف ..تا نطق امين ...
امين: ايوا الالة ابتهال كولي لعندك؟؟
ابتهال :(ثقة في نفس ) اش انقوول ؟؟
امين : بغيت غير نفهم حاجة وحدة علاش مكتسمعيش هضرة ...؟؟هادي هي لدارني في راسي واش باغا تشدي ضد و لا منعرف هادا راسميتو تبرهيش ...مال سناااء لكالها محسن تاديرهااا ...
ابتهال :(بعدم الاهتمام ) حيث كتعبدووو ...
امين :اييه هداااك سميتو عبودية عندك تبارك الله عليك و خلاص ابوا الالة باش تصحي افكارك هذااك سميتوو احتراام كتحتارمو حيث كتبغيه و مكتبغيش تخسر ليه خاطرو ...حيث كبيرة في عقلها و واوعية وكتبغيه نيت ...
ابتهال : هاديك سناء و انا ابتهااال ...ماشي لكلتيها ليا انديرها و هادي مكيعنيش بانني مكنبغيكش ...حيث الحب بوحدو و نسمع هضرتك و ندير داكشي لكتكوول بووحدي حيث كتسمى كتحكم فياا و انا اعدى حاجة عندي هي واحد يتحكم فياا ....كنبغي نكون حرة ندير داكشي لكيكولي عقلي و قلبي ...و الحب هو ثقة ماشي غير احترام ...كيف انا كنبغيك كنثيق فيك و نتا عارف عمري سولتك فين خااارج ولا فين دااخل عكسك نتااا مكثيقش فياا و مسمي الحب ب احترام ...لا كان الحب هو احترام عندك فأنا عندي ااحب هو ثقة انا كنثيق فيك كثر من رااسي و تا نتا خاصك ثيق فياا و من بعد غااادي يجي احتراام بيناتنااا..اما باش تكولي رجعي دخلي لا متلبسيش هكاك ...هدي لا ثم لا مغاديش نطبقهااا حيث كيف عرفتيني و بغيتيني في لول كيف انا دبا و معمري مغادي نتبدل هدي هي شخصيتي و نتا بغيتيني هكا كاينة و لا لا ...
امين : هاي هاي تبارك الله معندي منكول متكولي غير دكتورة في علم نفس و مجاايبش خباار و نتي منين عارفة هادشي كامل ...على الاقل ديري هضرتي شوية اعتبار ..انا مكنحكمش فيك انا كندير هكااك حيث كنبغيك و كنخااف عليك و كنغااار عليك ...و كون مكنتيش كتهميني كاع مندير عليك هاد حالة كاع و منتسوق ليك و لكن قريب تولي مرتي على ذمتي و خاصنا نحطو نقط على الحرووف انا كنثيق فيك و كنحتارمك الحل هو انا نتازل شوية و نتي تنازلي شوية لابغينا علاقتنا تنجح و تكون بيناتنا ثقة ...متخبي عليا منخبي عليك علاقتنا خاصها تكون مبنية على صدق و ثقة و احترام ...هادشي علاش انا انخليك كيف كنتي مغاديش ندخل لا في لباسك لا في والو بقاي كيف مانتي و لكن من ناحية تصرفاتك خاصك تبدليهوم شوية ...
ابتهال :(شافت فيه بنص عين هازها حاجبها )كيفااش؟؟
امين : ههه بلا متشوفي فيا هكاك ...زعما تصرفاااتك هاذ ضد لكتشدي و لكالها ليك عقلك ديريها بحال بارح انا كتليك غير متعطليش ماشي متخرجيش و نتي كلستي نا مغرب و البرد دبا و دنيا خاوية و را شتي شنو وقع كون مجيتش في وقت مناسب اش ايوقع هااا ....و ها عنقك يعطيك البرهان كلو مجرووح را كتاآذي راسك ا ابتهال بقسوحية راسك ...و بما انا تنازلت تا نتي تناازلي شوية اش كلتي ؟؟متافيقين ...؟؟
ابتهال :وخاا صافي متافيقين ..و تا انا عندي شرط( ببرائة ) متبقااش على ابسط حوايج تخااصم معاياا كيبقى فيا الحاال ...
امين : (قرصها من حناكهاا )وينوووو على الحب كيبقى فيه الحال ...
ابتهال : و باركة من طنز خااوي ...
امين : (جرها من خصرها ) دبا انا كنطنز عليك بالعماا (باسها من خدهاا😘) احح على حنيكااات حمرين و هبط لفومهاا 😗و دخلو في قبلة...أمين كيعطي كل شفة حقها تا بدا الباب كيدق عاد حبسوو ...
ابتهال : ويلي ويلي شوهة ...😱
أمين : هههه هبيلة جمعي اداوتك وسيري قسمك ...
مشا امين فتح الباب لقا تلاميذ خرجات ابتهال و دخلهوووم ....

🔔تسريع الأحداث 🔔
و هكا داازت شهرين و الابطال ديالنا حالهوم و هو حالهوم ...ابتهال و امين بداو كينساجمو ضروري بعض خصامات و نقاشات صغيرة و لكن دغيا كيحلوها بيناتهوووم ...و نساجمو مع بعضيتهون و حبهوم ولا قوي كثر من لول مكاينش نهار لميشوفوش بعضياتهوم ..باع أرض لعطاتو مو و خبر ابتهال بانه هضر معا ماماه و في راس العام غادي يجيو يخطبوهاا رسميا من عند واليديها فرحات بزاف و بخصووص من خدا امين فيلا صغيرة حدا فيلا ديالهوم و بدا كيفرشها ...مشا جاب مو سدو دارهوم ل في ناضور و مو و ابتهال و خديجة لكيختارو فرااش ...بيت نعاس ديالها خداتو هي و أمين علا ذوقوهوم في الأبيض و الكحل عصري 💯ساانبل ...فيلا فيها جوج طوابق تا طل على البحر و جيهة لوخرا تا طل على جردة و لابسين صغير ...طابق لفوقاني فيه 5 بيوووت و جوج حمامااات بيت أول كبير شوية هو لخدا أمين و ابتهال فيه دوش كبير و باركوو كبير داير بحال جنااح صغير كيطل على البحر ...وبيت واحد اخر تا هو كبير خداتو الام ديال أمين فيها تا هو باركو و حمام كيطل على جيهة جردة ديال فيلا ...و بيت ثالث ديال خديجة تا هو فيه باركو صغير و حمام صغير ...بيت لاخور خلاوه خاوي امين كال ابتهال غادي يكون ديال ولادنا ...و بيت صغير دارو أمين مكتب لغادي يبقى يخدم فيه و يحط فيه كتوبة ديالو و طابق تحتاني فيها جوج صالات كبار وحدا داروها بفراش بلدي تقليدي و لوخرا عصرية و قدامها صالون صغير فيها فوطويات ديال جلد منمرين عصريين و طبلة ديال زاج مستطيلة قدامهوم فوق منها ديكورات و علقو تلفاازة قدامهوم و بيت صغير امين قرر يديرو ديال صلاة فرشو بزرابي جداد و دار فيه مصااحف ديال قران و ريحة مسك و تساابيح ...و في جيهة جردة كاااينة كوزينة كبيرة في كحل ووبيض مجهزة بكلشي و عندها جوج شراجم جردة و باب كبير تا يخرج جردة و كاين حمام صغير...في جردة دار مرجوحة أمين حدا لابسين و زرع هو و ابتهال شجيرات صغار ديال خوخ و مشماش و اجاص و حتا الورد مهم فيلااا واعرة عجباتهوم كاملين انتقل امين و مو و خديجة لفيلا ...و رخا داك برطة لكان كاااري ...جاب حوايجو و ستفهوووم في ماريو و حط كاع مستلزماات ديالو في بلاصتهوم و مرتبين ...مساحيق استحمام حطهوم في دوش و كتوبة ديالو ستفهوم في دفوف في داك مكتب صغير .. صباابطو دار ليهوم بلاصة فس ماريو تحت خرج واحد تصويرة ديالو و ابتهال حطهاا فوق كوافوز حداه ...و ووحدا خرا كبيرة ديال ابتهال كضحك فيها و طالقة شعرها بنات بريئة علقها في حيط فوق ناموسية ...و تصويرة خرا ديال مو و ديال خديجو حطها في كوافوز لاخور و تصويرة الاب ديالو ....ابتهال جات فيلا و عجبتها بزااف علاقتها مع أم أمين مزيانة بزااف و نعيمة ولفات مع سعدية و أسماء بزاف اغلب وقتهوم كيدوزوه مع بعضياتهوم ...علاقة محسن و سناء مزيانة و بزاف و تا هما بداو كيفرشو بارطة شراها محسن و فرشوها على ذوقهوم و بداو كيوجدو العرس لقرو يديروه في عطلة ربيع ...سناء شاداها خلعة من دبا مرة مرة كتخرج مع محسن تشري داكشي لخاصها و بعض خطرات كتخرج مع ابتهال علاقتهوم مزيانة ...خدجة ولات منعازلة على حساب كانتها مرة تخرج معاهوم مرة لا ....عزيزة (فاطمة جدات ابتهال نسنيها) باقا هي هي ليل و نهار كتصلي و دعي ربي يغفر ليها ذنوبها و صحتها بدات كتدهور و ضعافااات عايشة بووحدها هذا عقاب ختارااتو هي لراسهااا باش على الاقل يتغفر ليها غير شوية ديال ذنوب ..و هكا دازت شهرين عند الابطال ديالنااا جا راس العام و بضبط نهار دخول سنة جديدة هو نهار لقرو يديورو فيه ابطال ديالنا خطوبة ديالهووم و لقرو يديروها غير بيناتهوم ميعرضوش على ناس بزاف ة بغاوها عصرية حيث عرس ايديروه تقليدي ...(يا الله البنات لبسوو تكاشطوم شكون بغاات تمشي تخطب مع البطل ديالنااا 😂😂😂)
🎄🎄🎄🎄🎄🎉♡رأس السنة ♡
♡في فيلا ديال عبد الرزاق كلشي مشغول كل واحد اش كيدير ♡ ¤يوم الأحد ¤
البطلة ديالنا ناضت من نعاس هي و سناء لباتت معاها بارح دخلو دوش ابتهال مابغاتش تمشي الحمام دخلو دوشو بجوج و تهلاو في راسهوم مزيان بماسكات و برودوياات خرجو كيشعلو لبسو بيجامتهوم و نشفو شعرهوم و هبطو لقاو عائلة مجموعة والدين ابتهال بجوج و جدها و خوتها و سناء و جداها ..فطرو في جو كلو ضحك جات خدامة كتجمع و البنات طلعو بيت تكسلو كيديرو ماكسات و خدامات كيجمعو دااار و اسماء واقفة عليهوم و عيالات لوخرين كالسين في صالة مجمعين ...ونور تا هي كالسة مع البنات و لدارتها ابتهال كديرها ليهاا دارو ماسك ديال خياار ...و بقاو شوية دارو حمص مطحون مع ماء ورد دازت نصف ساعة و غسلو ...بقاو هكاك تا وصل وقت الغذا هبطو تغذاو و طلعو ..اسماء مشات حابت قفطان ديالها و ديال ابتهال لداروه بحال بحال مبدل غيؤ في لون جابتو من مصبنة ...شوية طريطور وصل حط جوج طابلات كبار مربعين قادهوم بمستلزامتهوم....وصلات عشية جات كوافورة و بدات في ابتهال كتسيب ليها مشطة خفيفة و وحدة كتسيب ليها ضفارها ....

♡عند البطلة ديالنا ابتهال ♡
جات ...كوافرة و بدات كتسيب ليها مكياج و ووحدا كتسيب ليها ضفار دارت ليها ماكياج مثير ديال عريسات بطريقة خفيفة ...و تا ضفارهاا ابتهال بغات تصبغهوم في حمر حيث عارفة لون مفضل ديال أمين هو حمر و تا من تكشيطة ختارتها في حمر ....بدات ليها في شعرها سيباتو بوكلي و خلاتو مطلوق راشات عليها لالاك باش يبقا شاد ...و سايبات سناء داكشي خفيف تا هي ..جات اسماء من عند مصبنة جايبة تكاشط ...ديالها و ديال ابتهال طلعات قفطان ابتهال تلبسها و هبطات التحت كتشوف داكشي واش هو هداااك سعدية و ة سناء مجموعين في صالة كبيرة لغادي يكلسو فيها خطااب ...طلعات رضعات ولدها و بدلات ليه تهلات فيه لبساتو لبيسة في شيبي و دارت ليه ريحتوو و عطاتو سكاتة خلاتو في بلاصتو وطلقات ليه موسيقى خفيفة و خلاتو كيلعب برجيلاتو ...و مشات عند نور لقات معاها مربية كلسات جبدات قفطان موبرا فيه طريزة في ضهر في حمر بحال ختها لبساتو ليها و طلقات ليها شعرها حريري زعر و شداتو لبيها بمقيبط صغير في حمر ...و دارت ليها تاج صغير فيه حجيرات كيلمعو في حمر ...و هبطات طتجري فرحانة كتلعب و اسماء دخلات عند بنات لقات ابتهال و سناء كيوجدو لبسو .. أسماء : يا الله طلقو راسكزم دغيا مابقا والو و يجيو ...ابتهال خايفة احبيبة ؟؟ ابتهال :و علاش انخاف ؟؟ اسماء : اويلي زعما ليوما خطوبتك و اي بنت كتكون خايفة من هاد ليلة ...زعما و كتوتر و نتي زعما عادي؟؟ ابتهال : وااااع😂😂😂😂مالها ليلة دخلة سناء:😂😂😂😂😂 اسماء : ايوا الله يمسخك 😂😂😂لبسو لبسوو تا يجيو ناس و هبطو ووكلسي ثبتي عاوتاني ... ابتهال :ضرووري 😌 خرجات اسماء مشات بيتها كتلبس و كتقاد كرافاط عبد الرزاق ...و البنات لبسو و كلسو مجمعين و ابتهال كتكونيكطا مع امين ...اجيو نضربو دويرة عند البطل ديالنا ♡عند البطل ديالنا امين ♡ ...ناض امين في صباح راشقة ليه دخل دوش و نقص من لحية قادها ...و خرج فطر هو ومو و ختو في جو لا يخلو من ضحك ...من بعد ناض خرج مشا عندو محسن خرجو شراو الورد و الحليب و التمر و الحنة لكان دومونا علبيهون في قليبات في خضر و حلوى عاود داز عندهوم اكد عليهوم و رجع هو و محسن دار لقاو نعيمة وجدات غذا و تغداو و ناضو كيكملو تحضيرات تا وصلات عشية و جا وقت ليمشيو فيه يخطبو لبس امين كوستيم في بلومارين مع قميجة بيضة و مشط شعرو لو و دار ريحتو و ساعتو يدوية في يديه ...وكذلك محسن ..اما نعيمة لبسات قميص خفيف براندا و قادات حجابها و لبسات ذهبها ...خديجة تا هي كرات قفطان خفيف سانبل في غوز مفتوح ديال موبرا و قادات حجابها بطريقة تركية و دارت اكسسوارات ديالها ...و شوية ديال مطياج غير كحل خفيف و كلوز في غوز ...خرجو ركبو في طونوبيل ديال امين و محسن هو لسايك و امبن حداه و نعيمة و خديجة لور ..دازو على باتيسري خداو حلوى و امن مكنوكيطي معا ابتهال عيا معاها تسيفط ليه تصويرتهاا مابغاتش كاتليه خاليها مفاجئة ...ما هي الا دقائق تا وصلو ....هبطو و كل واحد شنو هااز في يديه خرج عندهوم عبد الرزاق و اسماء استقابلوهوم و اسماء هازا في يديها بلاطو ديال حلبيب و تمر استقبلوهوم بيه ..و سلمو على بعضياتهوم و دخلو كلسو مع بقية (البنات مابغيتش نكثر معاكوم في هادشي ديال خطوبة را بحال خطوبة محسن و سناء مهم انختاصر ليكوم 😉😂)...دخلو و شوية جات خدامة جابت عصير و كاطو سواري فرقاتو و بداو في نقاش ديالهوم و كولهوم عارفينهوم متافقين و لكن ضروري يسمعو راييها بفومها و هادشي علاش طلعات اسماء و نور تابعاها دخلات عند بنات ... ابتهال : اووف على سلامتنا صافي نهبط ... سناء :😳😳😳 اسماء : وجهك قااصح زيدي زيدي شافت راسها في مرايا وعاودات رشاات ريحة ... سناء : ازيدي ليوما مسكين امين يتلف 😂😂 اسماء : باينة 😂😂 ابتهال هزات كتافها قدات مشيتها و هبطات هازا راسها سماء عكس اي عروسة كتحشم لا هي بحال معندها والو و شادا نور في يديها دخلو صالة مشات يلمات على عكوزتها و خديجة و سلمات على محسن بيد و دازت عند امين مدات يديها هز عينو فيها تلف على قبلة بقا غير كيشوووف تا يدو مامدهاااش و كلشي كيشوف فيهوم و كيضحكوو عليه... ابتهال :(بغات تعتق موقف ) احم احم ... امين :(عاد فاق من قلبة بقا غير كيدور في عينيه 👀و كولشي عاطيها ضحك على منضر امين ) كلسات ابتهال بجنب باباهااا ....و طلبات يديها ام امين ...و سولها عبد الرزاق ... عبد الرزاق : ايوا ابنتي اش قلتي ؟؟ ابتهال : (بغات طلعها على امين)اممممم خاصني الوقت نفكر امين :(هزززراسوو بزربة و خرج عينيه من صدمة 😨) شناااااااااهو ؟؟؟ الكل :😂😂😂😂😂😂😂😂 ابتهاال : لازربة على صلاح😌 امبين :(كيدوز على لحيتو و يتحلف و كلشي مكرشخ بضحك) واعية بداكشي لكتكولي ؟؟ ابتهال :(عرفات قضية ماغاديش تخرج طريفة و هي تحبس ) صافي صاافي قابلة ... سعدية : لولو لولو لوي مبروووك ...

♡♡في فيلا عند الابطال ديالنا 💑💏♡♡
...امين عاد رجعات فيه رووح و ابتهال مكرشخة بضحك على منضر ديالو ولا وجهة ححمر هز عينو فيها و خنزر فيها كيتحلف عليها قراو فااتحة و ركبو الخواتم 💍في جو لا يخلو من ضحك حطو العشاا تعشاو و من بعد قطعو حلوة خطوبة ديالوهوم (مابغيتش نعمق بزااف في هادشي ديجا عمقتو في خطوبة محسن و سناء) سالاو مراسيم ديال خطبة و طلع امين و ابتهال بيتها بغاو يهضرو ...و شي لاخور بقا التحت من غير محسن و سناء لخرجو جردة تا يدردشو ....
^^عند أمين و ابتهال في بيت ^^
طلعات ابتهال بيتها كتجري و هو تابعها ووعاقد غوباشة ماناوي على خير ..دخلات ابتهال و تبعها وقفات كتشوف فيه و كترمش بعينيهاا زعما برائة 😂😂
أمين : وخاا تكلسي تما ترمشي تا يطيرو شفار و الله ما مفاك معاك ديك برائة ديريها على شي حد اخر عليا انا لا
ابتهال: شووف ها العااار و الله غير بغيت نضحك معااك 
امين : باغاا تسكتيه لياا ياك كالك كضحكي انا كون لقيت كون طرت على مك بشي قجة في ديك اللحضة 
ابتهال : ياااك ياااك انا بغيت نضحك معاك و نتا هجرتيه ليا ...
امين : امممم كضحكي واجي قربي نقولك واحد حاجة مالكي لاصقة في حيط ....
ابتهال : سير سير اضربني نتا را واحد الغدار منك ما كاين ...
امين : ياك الالة ايواا هي نجي انا ...(بدا امين كيقرب منها و هي كدور في عينيها و تبحلق 👀 بغات تهرب مالقات كيدير باليها حمام بااب ديالو مفتوح بغات تسلت ليه و هو يجرها امين و زدحها مع صدرو) 
امين : اجي لهنا فين هاااااربة😂
ابتهال : (كتفتف ) ان انا لا اه ز..عما..مالك..
امين :(حابس ضحكة ) كتفتفي دبا...شنو ندير فيك دبا 《قربها ليها كثر و حنا على عنقها كيشم فيه و باسها فيها هي في هاذ اللحضة طلعات معاها تبوريشة من صبعها صغير...امين خدام كيشمشم في شعرها و يعاود هبط ثاني و عاود باسها من جيهة وذنيها ...صافي ابتهال مسكينة الله يرحمها😂 حاكمها بيديه و مزير عليها نزل على فومها و دخلو في قبلة و ابتهال تجاوباات معاه من حس بيها تجاوبات معاه طلق من يديها...و هي دور يديها على عنقو بلا مايقاطعو القبلة ديالهوم امين كيبووس كل شفاه كيعطيها حقها و شوية تحولات قبلة الى قبلة فرنسية امين كيدخل لسانو و ابتهال ماعارفة مادير هادي اول مرة يوقع ليها بحال هكا كتحاول تجاوب معاه تا بداو كيسخنوو بجوج و هو يفيق امين و حاول يبعدها و دخل حمام ديالها بلا مايدور يشوف فيها كيغسل في وجهو و يبرد على رااسو قرب بيضاتو يطرطقو 🙈 ....و ابتهال بقات غير كدور في بلاصتها كالهبيلة ووجهاا حمر ..مشات وقفات قدام مرايا ولات كتهضر ابوحدها مع مراياا...
ابتهال : ويلي ويلي على شوهة ...صافي مابقا لينا والو كون غير تعرينا نيت و تلاحينا فوق ناااموسية 《نسات راسها و كتهضر بجهد 》 ويلي مابقيناش نحشموو ....امين خرج من الحمام مع الخرجة سمع كون تلاحينا فوق ناموسية ...و هو يطلقها بواحد ضحكة تا قفز ابتهال .....
امين : (ضحكة شريرة😈)ها هااا هاااا و علاش لا و نديرو تا ولاد اش باليك (مع غمزة 😉)
ابتهال :وللااااااد ....اه على ذكر الولاد انا مابغيتش نولد مورا زواج تا دوز واحد 3 سنين على الأقل ...
أمين : شناااهوووو😱عاودي اش قلتي ...
ابتهال : على شنو نضيع فورمتي و انا باقا صغيرة ...
أمين :دباا نشوفو هادشي مكيخصكش غير بوحدك اوكي 
ابتهال : مهم انا قلت لعندي ...
امين : تا انا كلت لعندي دبا نشوفو تشاووووو 《《خرج امين و خلا ابتهال مصدومة موراه و بدا كتفكر في ولاد من دباا 》》
ابتهال :《مع راسها》 و مالي دبا فارعة راسي بولاد فركعنا بوشونة بعدا بقا غير الولاد ...ويلي مسخت نوض ندوش حسن ليا😂😂 ....ناضت ابتهال حيدات قفطان و دخلات دوشات 🛁و خرجات لبسات بيجامتها سخونة و ذهنات وجهها كالعادة بكريم ليلى و نشفات شعرها و هبطات لقاتهوم كيجمعو دنيا هزات 🍎 و مشات صالة تجبدات لقات سناء بدلات و مجبدة تا هي ...اما امين و عائلتو و محسن مشاو بحالهوم امين و مو و خديجة مشاو فيلا و محسن مشا بارطة ديالو ...امين وصل بدل حوايجو و كل ساعة كيتفكر ابتهال تا يبدا يضحك دوش تا هو 🚿 و لبس بيجامتو سخونة و تخشات في ناموسيتو و هز تصويرة ابتهال كيدوز عليها و يضحك و هز كتاب قراه و من موراها سيفط مساج ابتهال كيكوليها تصبحي على خير و نعس ....ابتهال وصلها مساج ردات عليه و طلعات هي و سناء البيت و تخشاو مع بعضياتهوم و نعسو 😴😴😴😴

🌔اصبحنا و اصبح الملك 🌔
♡عند البطلة ديالنا ابتهال ♡⏰⏰⏰سرسر 
...ناضت ابتهال كتكسل ...نوضات سناء و دخلات الحمام غسلات وجها و سنانها قدات حاجتها و خرجات مالقاتش سناء ...سناء مشات هبطات الحمام للتحت ...جبدات ابتهال حوايجها عبارة عن سروال تجين في زرق و طريكو في باج كول و سبرديلة بيضة و كالعادة كويرتها لبسات حوايجها و مشات شعرها و خلاتو مطلوق دارت كريم ن صهاري ديال هاذ الجو (في البرد كيبقى يتقشر لينا الوجه واحد كريم زوين مكيخليش الوجه يتقشر ) و دارت ماسكارا و ايلاينر و كلوز خفيف في غوز و رشات ريحتها شانيل دارت ساعتها و خاتمهاا ديال خطبة و هبطات لقات سناء لبسات تا هي وجدات راسها كالسين كيفطر مجموعين على فطرو مغربي💯 كلسات ابتهال و دائما بزز باش شربات كاس الحليب و تمر اسماء واقفة على راسها و ناضو خرجو مع أسماء قاريين عندها جوج سوايه من 8 ل 10 ...ركبو البنات لور و اسماء لسايكة ديمارات لوطو و زادت ..
ابتهال : ماما ليوما اديري لينا فرض ...
اسماء :اممممم 
ابتهال : وهضري ؟؟
اسماء :اه ....نسيت بعدا را اتبقاي تكلسي نتي وهاديك حدا حدا في امتحان نتافهامو ها وذني منكوم ..
سناء :😱😱😱😱
ابتهال : حشووومة عليك اماما...
اسماء : ابعدي مني ماشي ماماك انا في قسم استاذة ديالك ...
ابتهال: (كتغبن)ياك ياك و عقلي عقلي ا اسماء هاهي ...
اسماء : عاقلة مزيان غير تهناي ..
ابتهال : ماامااا ...
اسماء:امممم...
ابتهال : وماااما ...
اسماء : فرعتي ليا رااسي نعااام ...
ابتهال : اجلي لينا امتحان تا سيمانة جاية ...
اسماء :(شافت فيها من زاجة واحد شوفة ديال انقتلك ) بنتي كتقلبي عليا هاد صباح ...
ابتهال :(بغنج) صافي صافي عاارفاك نكرتيني ...ماشي ماما يااك غا كري 
اسماء : الله وعلم ..
سناء :😂😂😂عالام...وصلات اسماء بلاصة طونوبيل في باركيال طونوبيلات نزلات ابتهال هي لولة و مشات زعما مقلقة من اسماء ...اسماء كتشوف فيها بنص عين و حابسة ضحكة ...
اسماء : سيري سيري تبعي ديك حمقة و ديرو عقلكوم..
سناء : ها العار اخالتي لما رخفي عليناا ...
اسماء :تا نتي ماحافضاش تبارك الله ...صافي محسن و امين داو ليكوم العقل ...
سناء : لا لا و الله ماهكااك غير داكشي بدا كيقصاح و مفهمناهاش مزيان ...
اسماء :لا يجعلني نثيق و سيري تبعي صاحبتك ...مشات ابتهال هزات ملف الغياب و دخلات القسم هي و سناء و كلسو ...شوية خرجات اسماء من مختبر لابسة طابلية و دايرا نضاضر ديال شووف و عاقدة غوباشة كلسات و حبدات وراق حطاتهوم....
ابتهال :قفااارات ويلي ويلي عرفتي مك لامجبناش مزيان تعلقنا ...
سناء : و اسكتي و مافاهمة تا خرية كنجي راجع كيصوني ليا راس طنك ديال محسن ...
ابتهال : اييه الحب خرج عليناا و دبا نيت اتخرج علينا بنت اسماعيل ...
ابتهال : فيناهيا خديجة ؟؟
سناء :راها كالسة في داك صف قدام ...
ابتهال : امم اتكون حافضة ..
سناء : و هادي باينة اتنزل على ورقة كالعادة ..
ابتهال : ويلي و حنا محافضين والو 
سناء : سكتي سكتي تا تخنزر...
اسماء : فوج ثاني يطلع عند فيزيك عندكوم امتحان اتقسمو يا الله طلقونا ....ابتهال و سناء غير سمعو هكا ناضو كيجمعو في حوايجهووم باش يسلتو ...قشعاتهوم اسماء و هي توقف عليهوم..
اسماء : غير ثبتو معندكوم فين طلعو ...
ابتهال : و الله تاحرام عليك اماما ...
اسماء:(خنزرات فيها😡 ) ابببببتهاااااال 
سناء :(حانية راسها ) صافي ا استاذة احنا كالسين ..ابتهال هزات ادواتها و مشات كلسات قدام ..فوج ثاني كلو دراري طلعو عند محسن ....و البنات بقاو في كل باياص كتكلس جوج كل وحدة في قنت ابتهال حنات راسها معصبة حيث هي من نوع لمكانتش حافضة كتكره راسها حيث اعدى حاجة عندها تجيب معدل هابط ...فرقات اسماء ورااق و بدا امتحان واقلة عليهوم اسماء مكاينش لكترحك هي من نوع لضابطة عملهاا لتحركات كدير ليها -6 بدون نقااش.. دازت ساعة لولة و ابتهال مقاتلة مع تمارين حاسة بسخفة وقفات عليها اسماء...وحنات عندها 
اسماء :وحلتي في شي حاجة ...
ابتهال (ببرود )لا 
اسماء :مفهمتيش شي حاجة نشرحها ليك ...
ابتهال :(ببرود) لا ...
اسماء : (تا هي ببرود) على خاطرك ...خليو ابتهال مقاتلة مع امتحانها و نمشيو نطلو على بطل ديالنا..
♡عند البطل ديالنا أمين ♡
ناض البطل ديالنا فرحان راشقة ليه بدل حوايجو لبس شروال تجين و تا هو طريكو في باج و كويرتو كحلة بحال ابتهال و سبرديلة في الابيض مشط شعرو لور قاد لحيتو رش ريحتو و دار ساعتو يديوية و خاتمو لمكتوب فيه ابتهاال بفرونسي خرج لقا خديجة لابسة ومو كالسين في صالة على مائدة فطور باس لمو راسو وختو تا هي كلسو فطرو و من بعد وضع مهوم و خرجو خديجة كالسة حدا خوها و مشاو وصلو ليسي خديجة دخلات قسمها و امين تا هو ....دازت ساعة لولة و ثانية و رن الجرس 🔔🔔🔔🔔خرج امين تلاقاا محسن و مشاو قاعة الاساسدة خداو قهوة ☕...كلسو تا جا عندو هشام (استاذ سبور 😉😉)

▫▫▫يتبع▫▫▫

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.