cheimae_nحرام عليك نزلتي عليها الباطل اصلا العاهرة هي ليمشالك فلعقل ماعرفت وقتاش نتقدمو ونعرفو بلي تاواحد مامشا لشي حاجة إلا ودنيا خلاتو يدير هكاك
marocain_stories1. ¤الحاجة أو وردة بقاو كيتسناو برى وهما خايفين الحاجة كانت خايفة على داكشي لي بناتو يتهدم ليها أو وردة خايفة على الحلم ديال أنها تهز حفيدها بدى كيريب و فنفس الوقت بقات فيها نعمة مسكينة و خافت طرى ليها شي حاجة.... وردة : شفت هادو تعطلو ياك ما طرات ليها شي حاجة
الحاجة فاطمة : واش باغى تجلطيني ولا شنو غير جالسة وتفايلي يا لطيف
وردة : وراني خايفة را الخلعة لي كتهدرني هكا شكون أيكون دار فيها هاد الحالة
الحاجة فاطمة : لا لا نتي مسلطينك عليا... ورا باينة داك المكلخ ديال خوها أووف بلاتي حتى يطيح فيديا ونوريه الفعايل. .. غبي
وردة : و معرفتش الحاجة باش شفت داك المنظر دماغي حبس مبقاش خدام
الحاجة فاطمة : الله أبنتي نتي دماغك طافي من شحال هادي
وردة : ياك الحاجة وليتي تعيريني عاين باين
الحاجة فاطمة : وراه كتعصبيني .... ما علينا خاصني نتاصل بالمحامي باش يزرب دوك اﻹجراءات ديال سفر ديال داك الكارثة خاصنا نسربيو نسيفطوه أصلا ما كاين لاش يبان فصورة يمشي يدير لينا شي مشكل .... ولكن حتى نطمنوا على البنت ¤بقاو غادين جاين فداك الكولوار شي ساعتين طيبوه من كثرة سير و آجي ... شوية تلفون كيصوني
سرر... سرر... سرر 📲📲📲 الحاجة فاطمة : آلو بنتي
ليليان : الحاجة فينكم شفتكم تعطلتو
الحاجة فاطمة : حداك نزار ؟؟ ليليان : لا مكاينش عندو شي خدمة خرج
الحاجة فاطمة : حنا فالكلينيك. ليليان: /قاطعتها / كيفاش واش طرات شي حاجة ياك ما خالتي وردة وقعات ليها شي حاجة
الحاجة فاطمة : لا آبنتي متخافيش حنا مزيان ما واقع لينا والو. .... حنا جبنا البنت للكلينيك لقينها فدار سخفانة خوها ضاربها وجبنها ... ودابة كنتسناو دكتور يخرج ... / يلاه قالتها وبان ليها طبيب خارج / بنتي ها طبيب خرج نشوفو آش غيقولينا ورد عليك
ليليان / فخاطرها آش هاد زهر يا ربي/ : واخا أنا غنتسنى إتصالك. .. باش ما كان ردي عليا ¤من بعد ما قطعات معها مشات عند طبيب هي وردة وبداو كيستفسروا على الوضع ديالها
دكتور : الحمد الله حالتها مستقرة كون تعطلتو شوية كان غيكون الوضع ديالها صعيب بزاااف .. دابة غنبيتوها هاد ليلة من أجل المراقبة و بشفاء إن شاء ألله
وردة / عادت تنفسات صعداء / : شكرا دكتور .... الله حمدتك يا ربي و شكرتك. .. عاد رتاحيت
الحاجة فاطمة : أوووف مزيان لي دازت على خير ولكن خاصنا نزربو عليها منخليهاش فيد خوها كثر من هاكا هاد المرة سلكات المرة جاية منعرف داكشي علاش بلا ما نزيدو نجبرو الحظ كثر من هاكا 👇👇
الحاجة فاطمة : مالي حمقة نعاود نغامر بيها غنجيبوها لهنا نيشان ... و غنتصل بخوها يتلقنا فلكلينيك ... أصلا تاصلت بالمحامي وقالي بلي كلشي وأجد .. نعطيه علايش تفقنا ويمشي يغبر عليا وجهو. ... ☆☆☆☆☆☆☆☆☆☆☆☆☆☆☆☆ في دار عبد الجليل 🏠🏠🏠 حتى الليل عاد جاي مولاي سلطان كيلالي ويغني ... جا دفع الباب برجلو و مردش لباب را محلول.... غير دخل وبدى يعيط .... براهيم : نعمة... / كيهدر مع راسو نعمة ههههه و نقمة الله يغبرك / وا وجه الويل .... مالك مكتجاوبينيش. .. / و بدى كيقلب عليها / واقيلا نتيا مقداتكش ديك سلخة ديال صباح بغاني نزيدك وحداخرى يمكن ...را نيت ولفتيها. ... و المصيبة وباني. .. براهيم كيسمع الحس مقطوع و البنت مباينش ليها اﻷثر تزاد معه زايد وملي ملقهاش وتفكر الباب لي لقى محلول بدى كيتلون و يعرق .... أويلي عنداك تكون هربات. .. ديرها بنت الهم / براهيم تفزع وبدى كيبان ليه الخارج غادي وكيبعد وسخط و صعر... شوية بدى كيسمع سرر... سرر .... سرر 📲📲📲 جبدو و شاف نمرة الحاجة و هو يتلف وتخلطو ليه العرارم
براهيم / بداو سلوكا ديال دماغو كيتخربقو و بدا كيدبز / : ختي... شكون ختي ... اااه ختي....ولا كتهدري على ديك ختي... مممم مالها فين هي... زعما را ناعسة آه ناعسة هههه طبعا أتكون ناعسة مالها أتكون هربات مثلا ههههه
الحاجة فاطمة / خلاتو كيدخل و يخرج فالهدرة على خاطرو / : آه ختك على شحال عندك من وحدة ..... الله يبرد وجهك كتكذب عليا عيني عينك واش مكتحشامش وشديك الحالة درتي فيها يا الحيوان واش تسطيتي
براهيم / كيتفتف / : راااا. .. مممبغاتش... رااا هي
الحاجة فاطمة : صافي سكتنا غدا أجي للكلينيك خود داكشي لي تفقنا عليه وغبر منعاودش نشوفك ... فهمتي .. وقطعات
براهيم سمع أجي وخود صافي ولا ما قاده فرحة ولا كيبانو ليه غير الفلوس و الخارج و ترفيحة ونسى ختو لي خلها مرمية بين الحياة و الموت -بالحق غير صبر يا ولدي يا براهيم دنيا دوارة ومكتخلي حد بلا حساب " إن الله يمهل ولا يهمل" - ☆☆☆☆☆☆☆☆☆☆☆☆☆☆☆☆ صباح جديد و أحداث جداد. ... 🌞🌞🌞🌞🌞🌞🌞🌞🌞🌞🌞🌞🌞🌞
معاناة الخادمة الصغيرة الجزء الرابع
محتوى القصة
التنقل بين الأجزاء