نعمة : براهيم واااا براهيم ابراهيم : أشنو بغيتي أديك الموصيبة نعمة : راني ساليت الزربية واش غادي تديها معاك السوق ؟؟ ابراهيم : /بنفخة/ أري لهنا و سيري وجدي ليا لحمار يا الحمارة نعمة : /تتشوف فيه والدموع في عنيها/ اه واخة ابراهيم: /بنرفزة/ شفتك تتخنززي فيها جمعي عينك وتجمعي من قدامي قبل من نجمع مع ختي يخ الناس يصبحو على شي حاجة زينة وانا مصبح على قتالة نعمة: /تتبكي/ حرام عليك أنا ماشي قتالة شنو ذنبي الا مي ماتت ابراهيم: /جرها من شعرها/ ذنبك انك تولدتي...كون ما تولدتي نتي كون هي مازال عايشة...بسبابك مي ماتت القتالة /طلقها حتى جات مرمية في الارض/ ودابة تهزي من قدامي سيري وجدي الحمار قبل ما نتبعك ليها يخ /تفل عليها/ يحرق طواسلك ديما معصباني ونوضي تهزي خلاص /بصوت زعزع الدار/ تهزززززززززي وجدي الحمار براكة من التبوحيط بينما وجدت البطلة لحمار لخوها أجي نعرفكم عليها الإسم ديالها نعمة الهادي...في عمرها 17 سنة...فتاة قروية...كتعيش مع الاب ديالها عبد الجليل وخوها الكبير ابراهيم...الأم ديالها ماتت مني كانت كتولد فيها وهاد شي لخلى براهيم يعتبرها سباب موت مو وديما تيعيط لها غير القتالة......جداتها ام مها هي لرباتها بحيث جات سكنت معاهم من ورا موت بنتها الوحيدة تحت طلب عبد الجليل لرفض يدخل مرا اخرى على ولادو تتكرفس عليهم وتذوقهم المرار وهو مازال في الحياة و مني وصلات نعمة لسن 12 سنة ماتت جداتها حتى هيا وخلات فراغ كبير في حياة نعمة ليكانت بالنسبة ليها هي الأم و الأخت و الصديقة...وكانت معضم وقتها تدوزو معاها باش تتعلم للطبخ والامور المنزلية الاخرى وتعلمت صنع الزرابي وطبوg حتى هما في سن صغير باش تلهى وتدوز وقت فراغها حيث القرية لي عايشين فيها قرية نائية ما فيها لا تلفازة لا تلفون وحتى من الما كاين غير في البيار....وهكا تولات الايام من بعد موت جداتها ومع ذالك بقى عبد الجليل مصر على الرأي ديالو فأنه عمرو يدخل بنت المرا على بنتو وتتكرفص عليها وهذا راجع لمكانة نعمة في قلب الاب ديالها هي كيف كنقولو الضو باش كيشوف وهاد شي علاش ما كيخليهاش تخرج وتبعد على سوار دارهم حيت هي بالنسبة ليه أمانة من عند المرحومة مراتو لي كان حبو ليها كبير و داك شي علاش كان محجبها من صغرها وما كاينش شي واحد في دوار شايفها سواء كانوا نسا او رجال وهذا من شدة حبو وخوفو عليها، نعمة انسانة بريئة.
الأب ديالها سي عبد الجليل رجل كبيرفعمرو 55 سنة رجل حقاني وصادق عزيزة عليها نعمة حيث هي النعمة لنعم عليه بيها الله، تيخدم فقيه في جامع لحداهم كاع ناس دوار تيحتارموه ويعزوه مؤخرا عرف بلي عندو مرض السرطان في الدم في مراحل متأخرة، بقى فيه الحال بزاف ماشي على راسو لا وانما على بنتو لغادي يخليها بلا والي ولا تالي وفضل يخلي الامر سر بينو وبين نفسو وحاجة الله يقضيها الله والا كاتبت عليه يموت ما كاينش في الدنيا لي حيدها ليه، وقرر يكتب الدار ليكساب بسميت نعمة حيث عارف بلي ولدو مغاديش يهزها ولابد ما ياكلها في رزقها حيث حقدو وكرهو ليها عامي على عينيه دابة ندوز لخوها براهيم هو نسخة طبق الاصل من الاب ديالو في شكلو فقط أما الاخلاق الله يجيب اما نعمة فهي ما دات من الاب ديالها والو حيث بكل بساطة تتشبه للأم ديالها الله يجدد عليها الرحمات ويجعل مثواها الجنة، في العمر ديالو 29 سنة شاب حقود من صغر ديالو تيموت على الفلوس الا ما قلنا كيعبدها (استغفر الله العظيم ) ما خدام ما ردام، يضل يضور في السواق ويتبودر على الناس بحال شي برلماني عزيز عليه زهو ونشاط والبناااااات، وهو ختو لهازها بالزرابي لتتصايب ولتتعطيه يبعهم وحدو وعمرها شمت من عندو السنتيم هو الاخير، بالعكس تيعاملها بحال العبدة وفينما بانت ليه وكان معصب يبرد غديدو فيها ومن بعد ما تعرفتو على شخصيات القصة نرجعو فين بقينا ناضت نعمة تتنفض في حالتها، مسحت دموعها وخرجت تتجري توجد ليه الحمار قبل ما يفرشخها على الصباح، حتى خرج عندها براهيم قاد الحطة زعما لابس كوستيم في الكري ديال عصر الديناصورات😂😂 مع قميجة في لصفر مشعشع وداير معها طاقية مزوقة بألوان الطيف وصندالة ديال الصبع بحال لفلوكة جامع خوباشتو بحال ديما ونافخ صدرو على والو تقدم منها وشد الحمار منها بنثرا، قلب الشواري واش مقادين مزيان هز المنغاز باش تيكود الحمار وركب على حمارو وقبل ما يزيد هز داك المنغاز ونزل على نعمة لظهر ابراهيم: /باستهزاء/هادي على تعطيلة لعطلتيني يا القتالة تفوووووو على كمارة كيف ديرا اشنو عملت في حياتي حتى بلاني الله بيك يا القتالة/وزاد وخلاها/ نعمة: /تتحك في الدقة وتتبكي/ هئ هئ هئ هئ حشومة عليك اخويا شنو عملت ليك أنا...اش من ذنب عندي الى ماتت منا وخلاتنا هئ هئ هئ هئ الموت مكتاب سوا كنت انا او ما كنتش الا مكتاب ليها لا أنا ولا نت نقدرو نبدلو قضاء الله وقدره هئ هئ هئ الله يهديك عليك أخويا وتحس بيا واش أنا كرهت نعيش في حضن مي تربيني وتعطيني الحنان هئ هئ هئ خرج الاب ديالها لقاها تتبكي عرف بلي ابراهيم هو سباب كيف ديما
نبداو بسي نزار جبران، وريث عائلة جبران، سن 25 سنة، شخصيتو غادي تكتاشفوها من خلال القصة وتتعرفو ليه أكثر لذلك بلا ما نحرقوا المراحل😜😜من حيث شكل اش غادي نقول لك ومنين غادي نبدا...ما علينا نبداو من عينينه لي كيطيحو الزرزور من فوق الصور عينيه كبار و مشفرين في اللون الرمادي فيهم الغموض ، شعرو رطب في لاسود القاتم، لحيتو خفيفة ومطراسية على وجهو عطاتو جمالية خاصة، بشرتو حنطية وملامكو حرشة ، اما داك الفيم عندو غير ديال💏💏💏، طويل وجسمو رياضي 100%
دابة ندوز عند ليليان بنت عمة نزار وزوجتو بالاضافة لأنها حب حياتو، فعمرها 23 سنة عندها معرض لموبيل كتلاهي فيه الوقت ديالها، تتموت على نزار وحتى هو نفس الشي ❤❤ شخصيتها متفهمة و عصرية حنونة و ظريفة تتعامل مع كلشي مزيان، تتموت فشي حاجة سميتها الموضة وتتشري غير لمارك، تتهتم بأناقتها وجسمها الممشوق وهاد شي باين في شكلها... شعرها ذهبي واصل لظهرها عينيها لونهم رمادي مغلوق،فمها صغير وحميمر...نيفها صغير و مقاد...بشرتها بيضاء ...طويلة ومع ذالك تتلبس العالي، طايتها تتشبه العارضات الازياء وكيف لا وهي متبعة رجيم قاصي...عزيز عليها النظام و أعدى حاجة عندها تفقد السيطرة...حلمها الوحيد انها تولي أم ويكون عندها ولد من نزار يكون ثمرة لحب القوي ديالهم
الحاجة فاطمة هي جدة كل من نزار وليليان وهما ضو عينيها تتعوض بيهم فراق الابناء ديالها (اب نزار وعمتو) لماتو في حادث سير..في عمرها 80 سنة شخصيتها قاصحها بزاف و الطبع ديالها صعيب، تتهتم بالطبقية وصورتها قدام الناس بلا قياس وعزيز عليها ديما تبان في الصدارة هاد شي علاش تتبان مزال صغيرة على عمرها
وردة هي أم ريان سيدة نشيطة وحنونة في عمرها 45 سنة ، نزار وختو نور الهدى هما حياتها، شخصيتها قوية و صبورة تتهلى في راسها وهاد شي لي كيخليها تبان باقة صغيرة حلمها يكون عندها أحفاد تلعب معاهم وتكبرهم وما كرهتش تزوج ولدها ليوم قبل غدا
واخير العضو الصغير في عائلة جبران نور الهدى الاخت ديال نزار والمفششة ديال الدار عزيزة على كلشي بسبب روحها المرحة والطيبة في سنها 17 سنة تتقرا في الباك هاد العام، زوينة قلبا وقالبا
دكتور : غادي تبقى هنا تقريبا مدة أسبوع للمراقبة تحسبا ﻷي وضع مفاجئ...وكنكرر مرة أخرى مضغطوش عليها
نزار : شكرا دكتور...
( من بعد ما نقلوا ليليان لغرفة ديالها... دخل عندها نزار و ملي شاف الحالة لي هي فيها معرفش كيفاش غادي يقوليها الخبر لي وقع عليه بحال الصاعقة فقدان الجنين زيادة على أي أمل باش تكون أم ضاع.... كيفكر وهو كيشوف فيها ضعيفة قدامو كيفاش غادي تقدر تستحمل شي حاجة بحال هادي.... داكشي علاش قرر أنه يخبي عليها حاليا على اﻷقل حتى يتحسن الوضع ديالها و ديك ساعة يحاول يلقى شي طريقة باش يقولها ليها..... جر الكرسي وجلس حداها شد ليها يدها بي إيد واليد اﻷخرى حطها فوق كرشها كيتحسس المكان لي كان فيه ولدو ولا بنتو.... من بعد هز يدو و بدى كيدوزها على شعرها وهو كيشوف فيها بحسرة و حزن و حاس براسو عاجز..... حط راسو على كتفها وغمض عينيه...... 🌞🌞🌞🌞🌞🌞🌞🌞🌞🌞🌞🌞🌞🌞 أصبحنا وأصبح الملك لله
نزار: /ناض قافز تيطمأن عليها/ حبيبة خلعتني عليك ياك لاباس اش واقع لك
ليليان: أنا بخير غير تنحس بالحريق في ذاتي كلها
نزار: دابة يفوتك الحال اعمري وتولي بخير هاد شي غير من طيحة لطحتي
ليليان: الحمد لله على كل حل عفاك واخة تجيب لي الما
نزار: من عيوني احبيبة ¤ خرج نزار يجيب الما وبقات ليليان بوحدها
الدكتور: صباح الخير كيف صبحت المريضة ديالنا
ليليان: شوية الحمد لله
الدكتور: /تيفحصها/ الحمد لله كيف تتحسي براسك
ليليان: تنحس بالالم في جسمي كامل وبحال شي حاجة ناقصة مني
الدكتور: ضروري تحسي بالالم من بعد العملية لي قمتي بيها
ليليان: عملية اينا عملية؟؟
الدكتور: قمنا لك بعملية استئصال الرحم من بعد ما طاح ليك الجنين ونزفتي بزاف
ليليان: /بصدمة/ كيفاش واش واش انا كو...كونت حاملة
الدكتور: اه لالة ولكن لسوء الحظ الادوية لكنتي كتاخدي أثرث لك على الرحم ديالك وطيحة لطحتي زادت أزمت الوضع
ليليان: /ودموع في عينيها/ يعني انا قتلت ولدي هئ هئ هئ /بدات تتركل/ قتلت ولدي بسبب التهور ديالي وعمري يمكن ليا نولد مرة اخرى ااااااااااااااااااااااااا / تتنتف شعرها/ لا ما يمكنش لا لا لا
* في بعض الأحيان نضطر إلى مواجهة كثير من الحواجز و الصعاب لكي نعرف مدى مقدرتنا على تحمل مشاكل الحياة و مصائبها لكي نأخد تجربة تفيدنا في مستقبلنا لكي نعرف أن الحياة من الصعب الوثوق بها *
بعد مرور 10 أيام..... فالقصر جبران🏤🏤
نزار : صباح نور حياتي كيف صبحتي ليوما مزيان كتحسي براسك حسن
( ليليان غير كتشوف بعينيها حيت من نهار لي عرفات فيه بلي فقدت الجنين و بلي مبقاتش عندها فرصة تولي أم جها إنهيار عصبي ومبقات لا كتهدر ولا تكلم و داكشي علاش نزار قرر أنه يديها لفيرما على أمل أن الجو ديال طبيعة ينعكس إيجابيا على حالتها نفسية....) نزار : حبيبة اليوم غنمشيو لفيرما تبدلي لجو نتي كتعجبك بزاف وكتقولي ليا بلي كترتاحي فيها..... داكشي علاش را قلت الحاجة تصل بيهم ويوجدوها باش نمشيو ونجلسو فيها شحال ما بغيتي...
ليليان بلامبالة وبملامح باردة مكتبان عليهم حتى ردة فعل حركات راسها باﻹيجاب....
نزار ( فمحاولة منو أنو يخليها تهدر معه أو أي حاجة) : و حتى الحاجة فرحانة راكي عارفها كون جات عليها متكرهش أننا نسكنو تماك ديما و منعاودوش رجعو... ههههه ( شافها بقى كيف هي بحلا ماشي هي لي كيهدر معاها. ... فقرر أنو يخليها على راحتها وبلا ما يزيد يضغط عليها... وخرج من بعد ما طبع قبلة على راسها و يديها...)
☆☆☆☆☆☆☆☆☆☆☆☆☆☆☆☆
في القرية🌲🌲🌲 نرجعو عن نعمة لي بدات كتقبل الوفاة ديال باها و كتحاول تأقلم مع الوضع ولكن بطبيعة الحال ودارهم اول مرة تعمر بناس حيت سيمانة و دار مكتخواش من لعزاية وشي داخل وشي خارج كانت مازال ما بدات تحس بالفراغ كيما كنعرفوا مكتحسش بالفراغ ديال شخص لي مات حتى كتخوى دار.... و داكشي لي وقع لنعمة من بعد ما خوات عليها دار وبقات غير هي وداك الكارثة ديال خوها عاد بدات كتستوعب بلي درع لي كان كيحميها من الوحش لي سميتو خوها مبقاش......
براهيم :( داخل من باب دار وعينيه عامرين حقد وشر وهاز شي وراق فيديه) ننعماااااااة فينك أبنت الحرام أجي لهنا فييييينك
نعمة (خارجة من الكوزينةمخلوعة ) : مالك أخويا ( كتهدر وتقفقف) كتغوت واش بغيتي شي حاجة
براهيم : خوك فين خوك اللفعة (جرها من شعرها) بقيتي كتبحلسي على با و كتعمري ليه راسو عليا حتى كتب ليك الخربة فسميتك ( وبدا كيسرفق فيها وضربها....)
نعمة ( بعدم الفهم و كتحاول تخبي وجهها): خويا ااااااي و الله ما عارفة علايش كتهدر هئ هئ هئ هئ عفااااااك مضربنيش راني مافهمتش
قصة معاناة الخادمة الصغيرة
محتوى القصة
التنقل بين الأجزاء