نزل بالزربة مع الدروج فعينيه الكثير من التساؤلات سلمات عليه رانيا سلام ناقص وخنزرات فيه
وسام: شنو كاين ؟ اشمن مشكل ياك لاباس؟
رانيا: بغضب) خليني نحتارمك اوسام الله يخليك.
غوبش وسام من طريقة دالهضرة اللي هضرات معاه رانيا بيها ورد عليها بإنفعال
وسام: مالنا شكاااين؟ اشوااقع؟
ردت عليه يارا بغضب : هادي تاني مرة اوسام دور بوحدة مزوجة وراك شفتي النتيجة ديال المرة الاولى كي كانت وباغي تعاود نفس القصة مع يارا ... غير ...
شاف فيها وسام بغضب ورد عليها بقسوة: سكتي...غتخرجيني على عقلي ونصدق غالط معاك الواليدة ... انا اللي خصني العصى شكيت عليك اما فهاد الوقت رجع بنادم كيخوي فين يزيد . . . ممحتاجش تفكريني فاللي فات ومكنعاودش نفس القصة ومغنسمحش ليك تهضري معايا بهاد الطريقة سواء كنتي الواليدة ولا كان شي واحد اخر ، انا اللي خليني محتارم لحد الساعة وحسن خليني راه غنخسر معاك
رانيا: بتحدي) خسر ... راك خاسر وغتبقى ديما خاسر حياتك كاملة حيت فين ما كانت شي وحدة مزوجة كتبعها ... علاش الله وأعلم ... وقعات كارثة سابقا و هانتا كتعاود نفس الشيء مع يارا ومغترتاح بطبيعة الحال حتى تقتل شي واحد فيهم ... بسبابك يارا ورجالها فالكلينيك ... اش داك تشوف فيها وهي عندها راجلها ومتقربش جيهتها اصلا وعطيها التيساع راه البنات مزلعين فين ما مشيتي تلقاهم ماشي تشتت الشمل ديال عاءلة
وسام رجع كيفور وعينيه ولاو حومر وهوا كيسمع بلا ميشعر ضرب فاز بيدي لاحو كيغوت ويديه كيترعدو
وسام: تمووووت ولا تجلس ولا يموتو بجوج ولا ينتاااحرو وانا مااااالي ... علاااش جايا تفرعي ليا راسي بهاد الهاد الهضرة..
قلب الطبلة دالزاج بغضب وكمل: اش دخلني انا فحياااتهم ولا فحياة الاخرى اللي ماتت ... قلت للمرة الالف مكنتش عارفها مزوجة ويارا ااااخر همي وزدتي كرهتيني فيها وفحياتي وفالخراااااا كااامل ...
تاجه جيتها بغضب وهز صبعو فوجها : سمعي ... كتقلبي عليا نولي مسخوط ..... مغنعقل لا عليك لا على تا واحد فيهم هانا علمتك وديك البرهوشة انا غنتبرهش معاها دابا ديال بصح ومللي انا خايب و ولد **** نخرجو ليها نيشان مابقاش علاش نحشمو ومابقاش شي واحد يحشمنا باش تا حنا نحشمو منو
مشا كيغوت ورانيا حشمات من الهضرة اللي سمعات منو وهوا فاقد السيطرة على نفسو ، خرج بالزربة وفطيرقو ضرب مرايا بيدو تا تشتتات شاف فيا وجهو وهوا جاي خارج
وسام: الله ينعل **** بغيتي نولي ولد **** هاحنا غنوليو دابا
رانيا: وسااام... وسااام اجي لهنى .. تسنا
خرجات كتجري موراه وهوا مشا حل الكوفر ديال الطوموبيل وكيسب ويعرق ويجدر مابغاش يسكت حتى ولا العرق كيتصبب مع الجبين ديالو ، طلع وسد عليه الباب ورانيا كضرب فالزاج وتغوت باش يحل وهوا ضارب السنة فالسنة عامي عينيه الغضب والنار كتغلي فصدرو وهوا كيلبس سبرديلتو ، هز راسو وديمارا اللوطو ماشافش جيهت الباب ورانيا مشات كتجري ركبات مع الشيفور للور تبعوه كيجريو فالطريق وهوا مكسيري والطوموبيل كتهز تا للسماء وترجع للارض . هزات رانيا تيلفونها كترعد
رانيا: واييه بقيت عليه جبدت ليه القديم والجديد حتى تنفخ وتقلب عليا ودابا غادي كيطير داير السينيال د ربعة فالطريق وانا موراه
عاصم: لا حولة ولا قوة الا بالله ... بين ساعة وساعة ناضت الحرب ... انا كنقول ليك راه مابقيناش قادرين على المشاكل والصدع ولا اي حاجة تعكر لينا الجو وهانتي دابا مالقيتي معامن غير مع ولدك
عاصم: ونتي فاش كنتي كتسمعيه كان عاحبك الحال ومتبغيش اللي يسمعك نتي الهضرة! المهم انا غنعيط ليه وانا مزال فكازا فين ما مشا عيطي ليا
قطع عاصم معصب اما وسام مهزش رجلو على الكسيراتور ، الطريق كاملة وهوا كيهضر بوحدو ويسب ويلعن حتى وصل للباب دلكلينيك لاح الطوموبيل فالباب ونزل كيسوط من مناخرو كي تور مشا نيشان للاستقبال وقف عليهم
وسام: شومبر مدام يارا العلوي
....: فالطابق الثاني رقم 314
مشا كيطير للاسانسور بدا كيبرك بعصبية ورجع طلع مع الدروج كيقلب على الرقم حتى بان ليه من بعيد ومشا جيهتو كينهج حل الباب بالجهد حتى لسقات مع الحيط ومشا عند يارا وهي مخلوعة جر عليها الغطاء بعصبية وكيغوت ليها فوجها
سرفق واحد الالومب كانت مدلية فالجبنب تا ضارت وطرطق عينيه فيارا وهي لاسقة فراس الناموسية
وسام: وااا هضري الله يحرق **** واش نتي فين ما تخرا ليك مع راجلك تمسحيها فيا انا هاا؟ واش حساب ليك حيط قصير تنقزي عليه كيبغيتي؟ ولا قلتي هادا مسكين مزعوط اجي نلعب بيه ؟
يارا مكمشة وجرحها بهضرتو وعايرها مابقاتش غير كتشوف وانما بدات كتبكي مرضاتش وساكتة حتى دخلات رانيا لقاتو كينهج وقريب من وجها مخرج عينيه ويدو على الحديدة ديال السرير دفعها تا مشات وجات كان غيقلب يارا من بلاصتها ، شدات فيه رانيا ونتر يدو ورجع ليارا خرج فيها عينيه وشاف فرانيا
وصل عاصم بعدما تاصلات بيه رانيا ولقى يارا سخفانة بالبكا من اللحضة اللي خرج فيها وسام وهي كتبكي تا نشوفو عينيها ، جلس وعاودات ليه رانيا كلشي اللي وقع وتعصب ودار فيها وخرج من الكلينيك وشد الطريق بحالو للرباط عيا يتاصل بوسام مكيجاوبوش ومشا عندو للفيلا الي حدا البحر والليل دخل لقاه جالس على جالس شاد تيليفون فيدو وعاقد حجبانو ، جلس عاصم حداه كيشوف فيه والاخر مهزش راسو حتى عيا و عاصم ساكت وهوا يهضر
عاصم: وسام...عارف علاش جيت عندك
هز وسام راسو بتتاقل : الله يحفضك الواليد الى جيتي على داكشي اللي وقع الصباح ... انا ماباغيش مهضر عليه ... راسي غينفاجر ومافيا اللي يهضر على داكشي
عاصم: وسمع الله يرضي عليك ياك انا ديما ملوف نتحاور معاك مكندبزوج والصدع ماعندو باش ينفع والغوات مكيحلش المشاكل ...غنهضرو بالعقل كيما مموالفين وقول ليا اش ضارك ... هضرت مع مك عاودات ليا شنو طرى ولاكن خاصني نسمع منك حتى نتا ومعجبنيش الحال تقطع علاقتك بمك اللي ولداتك
وسام: انا بعيد على المشاكل ديال يارا علاش كيدخلوني فيهم ... علاش لايحين عليا باطل ؟ بغيتي نبقا ساكت؟
عاصم: ونتا محشوماش خسرتي الهضرة مع مك ؟ حشومة تهضر معاها بديك الطريقة
وسام: مكنتش عارف اشنو قلت ليها ... هي دخلات عليا بهضرة قاصحة مع البدية ...بديت كنسمع شي هضرة فشكل وقلت ليها غنخسر معاك قالت ليا نتا اصلا خاسر وغتبفا خاسر وفين ما كانت شي وحدة مزوجة تابعها! جاتك هاد الهضرة عادية بالنسبة ليك؟ كن قالتها بالضحك كنت نسكت مي عي كتهضر بصح ومن جد عقلها وانا كننسمع لديت كنحس براسي كيتزير وجسمي سخن بحال الى طلعت 60 درجة كنجري
عاصم: مك هاديك وكانت معصبة مكانتش كتعرف اش كتقول ديك الساعة
وسام: ايوا حتى انا كنت معصب ومكنتش عارف اش كنقول وافهموني اعباد الله وعطيوني التيساع
عاصم: هانتا بديتي كتعصب دابا شتي كي كيوقع ليك ... مكتحسش براسك كيفاش وليتي كتهضر ...خاصك دوز على الاعصاب
وسام: خاصني اللي يعطيني تيساع
عاصم: تنهد) دابا نهضرو نيشان وانا باك متكدبش عليا
وسام: معنديش علاش نكدب الواليد
عاصم: مللي منا باغي يارا علاش سمحتي فيها نهار الخطبة؟
هبط وسام راسو وقال: اللي وقع وقع وعرفت راسي غالط ومعنديش علاش نبان فحياتها مرة اخرى ومفكرش نسول فيها ولا نعيط ليها ولا حتى تشوفني ونشوفها ... وخرجت من حياتها ونهار عرسها سيفطات ليا دعوة باش نحضر
عاصم: دعوة!!! خادشي مفخباريش
وسام: هي اللي عرضات عليا ومشيت وقبل ماتكتب كتابها ترجيتها حيت شفتها قدام عيني مقدرش نبقا صابر ... مي هي دارت اللي فراسها وتزوجات وختارت طريقها ومن ديك الساعة وانا بعيد عليها عمرني درت جيهتها ... والواليدة جايا كتقول ليا تابعها
عاصم: اففف...زعما عمرك تبعتيها قولي الصراحة
وسام: لا بزااف... واها نهضر تا نعيا الهضرة مافيها فايدة صافي خليني غنمشي نعس
بغا ينوض وهوا يشدو عاصم : جلس راه تيقتك .. جلس خلينا نوضحو الامور باش تصفا الخواطر
وسام: هاوا جالس
عاصم: زيد كمل ... حيت مك مقالتش ليا هادشي قالت ليا شافك مهدي مع يارا فالحفلة وقرى مسج سيفطتيه ليها وتسببتي ليها فمشمل مع راجلها
وسام: اووف تسسبتي ليها تسببتي ليها ... انا بعييييد عليها و حتى البلايص فين كتكون مكنبغيش نمشي ليهم وهيا اللي عيطات ليا على قبل الرخصة وجات عندي زشرحت ليها المشكل فين كاين وبللي بحالها بحال الناس وماشي مبغيتش نعطيها الرخصة مي تصبر حتى توصل الوقيتة
عاصم: ايييه!!
وسام: صافي مشات بحالها وماهضرتش معاها فشي حاجة اخرى ابدا من غير موضوع الرخصة وفالطريق كانت قدامي عاكسوها شي براهش ودرت ليها الطريق وكن حسابني غيوقع هادشي مندوزش انا كاع من ديك الطريق ... غير شفت كيفاش عاكسوها سيفت ليها مسج قلت ليها ديري لفومي للزاج ...هادشي اللي قلت ليها ، ايوا اش فيه هاد المسج هادا واش بسلت عليها ولا جبدتها ولا شنو ؟ انا على قبل البراهش والمشاكل ديال الطريق سي تو اي وحدة كنعرفها غنقوليها ديري الفومي للطوموبيل ومقصدت فيها حتى حاجة وبناقص كاع من هاد المسج ونهر الحفلة مابغيتش نمشي وراه قلتها ليك فاش قلتي يالاه ... اي بلاصة فيها يارا مكيعجبنيش نمشي ليها وكن ما الواليدة اللي بقات عليا بالهضرة مكنتش كنزطم تما
عاصم: ايوا زيد شنو وقع نهار الحغلة حيت هاداك هوا النهار اللي بسبابو ناض هاد المشكل
وسام: ينوض بسبابو ولا بلا سبابو ماشي شغلي انا ....داك النهار خرج برى حتى سمع شي حد زلق فاش ضرت لقيت يارا طاحت وماقداتش تنوض ومشيت عاونتها جلسات فوق الكرسي كتغوت برجلها وزايدون كانت معانا بنت اخرى كنت كنهضر انا وياها برى ... خرج راجل يارا لقاني كنشوف رجلها ماعجبوش الحال فاللخر طلعت معاه بكلاك حيت هوا مد يدو عليا اللول ومشيت بحالي من تما معاودت شفتهم وفينما تبغي الواليدة تمشي للشركة كتبغي تحرني معاها مكنبغيش ...قول ليا دابا انا امتى تبعت هاد ختنا وفين درت ليها المشكل ... الا كان راجلها متخلف فهاداك شغلو هوا وياها ميدخلونيش فالمشاكل ديالهم ويعصبوني وكنقولها ونعاودها انا بعييد على يارا وعمرني نقرب ليها وعمرها تشوف وجهي وفين ماكانت نخوي انا
تنهد عاصم تننهيدة طوييلة : لا الاه الا الله وصافي ... هانتا كتشوف المشاكل ساهلين ينوضو وصعيب يتحلو
وسام: انا تالي بقا فيا كيفاش عاودت للواليدة شي حوايج وضرباتهم ليا فوجهي وندماتني علاش عاودتهم ليها وجات من جيهتهم وانا شفت راسي بحال شي واحد تبناتو وسط ولادها ... كتجري موراهم وخايفة عليهم وانا نموت ولا نجلس مكيهمهاش المهم عندها يارا تبقى على خاطرها هي وراجلها
شاف فعاصم وعينيه فيهم الحزن ورتب عاصم على كتفو
عاصم: عندك الحق فكل كلمة قلتيها ... مايبقاش فيك الحال العيالات هما هادو عندهم نص عقل وايلا درتي راسك فيهم غير غتمرض
وسام: لا رد
عاصم: خاصك طلب السماحة من مك راه مللي خرجتي وهي كتبكي وجيت خليتها كتبكي بقا فيها الحال ونقيت ليها ودنيها على داكشي اللي دارت ولا عليك غير يالاه دابا دير الخاطر لمك راه غتبات كتبكي ومك هاديك قليل مداز عليها مسكينة بسبابك
وسام: الصمت
عاصم: يالاه موض الله يرضي عليك وكبر عقلك ورضي مك الليلة متنعس ماتشوفو حتى يصبح الحال
رتب على كتفو ونوضو داه معاه . كانت رانيا جالسة كتبكي بوحدها كاتسناه يجي يحزرها وكل مرة تمشي طل من البالكون جيهت الباب الكبير حتى شافتو نزل من الطموبيل عاقد حجبانو ومكسور الخاطر ، دغيا رجعات بلاصتها كتبكي ، دخل عندها كيتنهد مهبط راسو شافها جالسة مقنتة كتبكي وغمزو عاصم وحرك ليه راسو و جمع النفس وطلقها ومشا بخطوات بطيىءة تحنى عند راسها باسو ليها وهي تقلب وجها مارضياش ، عنقها بيدو وهمس فودنها
وسام: سمحي ليا الواليدة ... سمحي ليا بزاف
هزات كتفها مابغاتش دور جيهتو وجلس حداها معنقها كيحزرها ويبوس ليها يدها ويطلبها عاد دارت عندو مغوبشة كتبكي وعنقها كيسكتها
وسام: ماشي مشكل الدنيا هانيا برامة انا تطلب منها السماحة . . . وصافي براكة من البكا غتغيريني حتى انا
سكتات رانيا وبردات و بقا وسام الوقت كامل ساكت حالة ممهنيش واخا بدا عاصم ورانيا كيهضرو ومابغاش يعاود يناقش الموضوع مرة اخرى وفضل السكات تا تعشاو وناض خرج رجع بحالو لدارو
يارا من بعد الحرب اللي دازت فيها وبكات حتى نشفات ومشا ليها الصوت وتبحبحات بقات حتى بردات وناضت خرجات ببيجامتها نفسها اللي جات فيها ومشات وسط الكلينيك ببانطوفة كدور وتقلب على الشومبر فنصاص الليل على غرفة دمهدي حتى لقاتها ودخلات لقاتو ناعس والاكسيجين على فمو والسلوكة دايرين بيه ، وقفات كتشوف فيه تا عيات وخرجات وهي تلاقى مع الطبيب جاي جيهت الشومبر دمهدي ووقفاتو
الطبيب: متشرفين امدام عارفك حتى نتي نازلة عندنا هنا واش كتخسي براسك مزيانة؟
يارا: وي وي سافا غنخرج دابا ... غير جيت تشوف احوال الزوج ديالي فين وصلات
الطبيب: احمم ... الزوج ديالك وقع لينا على بعض الاوراق من اجل عملية زرع القلب وكتنساو يتقاد الضغط ديالو باش ندخلوه للعملية
يارا: مي انا مفخباري والو ! كيفاش عملية؟ او واش هاد العملية خطيرة وشحال نسبة النجاح ديالها ؟
الطبيب: العملية خطيرة طبعا وكيموتو فيها اغلب الناس وقليل اللي كتنجح ليه ومكلفة بزااف
يارا: مكيهمش التكلفة ديالها غير واش نسبة النجاح ضعيفة؟
الطبيب: نسبة النجاح 20% ورغم انتا قلتا عادشي للزوج ديالك قبل بلا ما يتردد وعندو رغبة شديدة فهاد العملية ومتشبت بالحياة ونفسيتو مستاعدة % وهادشي لصالحنا وهوا اللي كيساعد اثناء العملية ... نتسناو الضغط ينزل ومل شوية كنقلبو ليه الضغط وفأي لحضة تقاد غنهبطوه للبلوك ... هوا دابا ناعس وبقات ليه نصف ساعة ويقدر فيك ... عطيناه مهدىء باش يرتاح ويكون فكامل الاستعداد للعملية
يارا: امم دونك غنبقى هنا
الطبيب: خودي راحتك امدام ... غير هوا العملية كتطلب 6 حتى ل 8 ساعات
دخل الطبيب عند مهدي ويارا مشات للاستقبال هزات تيليفون تاصلات بالسكريتيرة ديالها دوز لدارها وتجيب ليها حوايجها و الاغراض ديالها ، بعد انتهاء المكالمة رجعات ولقاتهم مخرجين مهدي فالبياص فايق غاديين بيه للبلوك ، شاف يارا ومد ليها يدو شدات فيه وشاف فيها بعينين دابلين بالعيا وهضرتو متقطعة بزز باش كيهضر
مهدي: يارا . . . انا على قبلك غندير العملية وغنرجع عندك . . . انا باغي نعيش على قبلك نتي . . . وماعارفش كيفاش . . . كيفاش غنطلع من العملية . . . واش حي ولا ميت ... عافاك سمحي ليا. . . سمحي ليا على اي حاجة ... درتها ... ليك . . . يارا . . . كنبغيك
شافت فيه بحزن : انا مسامحاك امهدي . . . انشاء الله غتنجح . . . على قبلي انا غتنجح ياك ، حتى سمح ليا . . . سمح ليا على كلشي
يارا: حيوااااان... حيوااااان ... انا اللي كرهت نهار اللي عرفتك فيه ونهار اللي بغيتك فيه ... الله ياخد فيك الحق الحيواان كنمره من اعماق قلبي كنكرهك وكنكره راسي اللي مقادرش يخرجك منو اهىءاهىءاهىء كتمرهك وكنكره حياتي اللي عايشاها فالعذاب بسبابك اهىءاهىءاهىء.
* * *
وفي مسبح طويل عريض قاطع طولو كيجدف بيديه ويههز راسو ويهبطو فالماء بجسمو الرياضي الجداب حتى وصل للحيط وخرج راسو كينهج مزير على سنانو وتكى بيديه كيدوز يدو على شعرو اللور بعصبية وفعينيه الشعور بالندم
#فلاش_باك
وا هضري الله يحرق **** واش نتي فين ما تخرااا ليك مع راجلك تمسحيها فيا انا ها؟ واش حساب ليك حيط قصير تنقزي عليه كيبغيتي
#عودة_الى_الحاضر
ضرب بيدو فالارض مغمض عينيه ومارز سنانو ورجع فتحهم
#فلاش_باك
هضري نتي ولا تزيزنتي !!! كنتي زيزونة كنا بيخير هضرتي رونتي الدنيا ... كرهت النهار اللي عرفتم فيه تفووو
#عودة_الى_الحاضر
تقلب بغضب كينهج غطس راسو فالماء وبقا غادي تحت الماء على طول المسبح حتى للاخير وهز راسو وطلع كيقطر هز فوطة وجلس على رولاكس كيمسح وجهو شوية ورجع سها فالمسبح تفكر اول قبلة قبلها فاش حصلها كتبوسو وهوا ناعس ، تفكرها وكأنو كيعاود يبوسها من جديد وهوا كيتأمل ملامحها ونضراتها وابتسامتها الساحرة البريءة .
شافتو وحدة من الخدامات داخل كيهضر بوحدو وبقات كطل عليه من مور الخيط عاضة على سنانها وحاطة يدها على حنكها حتى وقفات عليها وحدة اخرى من الخدم قفزاتها
الخادمة1: اووف خلعتيني تفووو
الخادمة 2: وشكاديري هنا كتجسسي؟
الخادمة 1: لا راه مسيو وسان واقيلا تسطى ... ولا كيهضر بوحدو ويسب غير بوحدو !... تاني مرة كنشوفو كيهضر بوحدو عاد ديك المرة داز حدايا عاوتاني كيهضر بوحدو مشافنيش وانا واقفة قدامو
الخادمة 2: دخلي سوق راسك ؤاه واقيلة كتقلبي يخرجوم على برى وعنرك تحلمي بخدمة فشي بلاصة بحال هادي . هانا علمتك راه الى حصلوك ميعقلوش عليك وديك الساعة تلقاي راسك برى .
دخلو الخدانات كيوشوشو بيناتهم ووسام طلع لبيتو فكل مرة يتفكر شي حاجة ، جلس على طرف الناموسية ساهي قدامو ورحع عز التيليفون كيقلب فالريبيرطوار
🤗ضربت جولة على جيم نشوف شكون كيشجعني ، كنقول ليكم هاكو بوسة بوسة للوحدة وحتى اللي كيقراو فالخفاء كنبوسكم وشكرا ليكم بزااف . بغيت نقول واحد الحاجة ، كنغلط فالكتابة بزاف وكنرجع نعاود نصحح داءما حيت كنكتب بالزربة باش نحط اجزاء كتار .القصة غادي تويد تعجبكم لان الاحداث القادمة مليءة بالمفاجاءات وانا كنت كنتسنى نوصل لهاد المرحلة باش حتى انا ترتاح نفسيتي شوية واها هاكاك مالغيتش نزرب غليكم فالاخداث اللي سبقات واخا كانت مأزمة وكتمرضني المهم وصلنا لواحد الجزء من القصة اللي غينرتاخو فيه شوية مع الاحداث ديالو باش ندخلو فجزء اخر اللي فيه تشكيلة بين الدرامة والكوميدية و هوا اللي فيكون اخر جوء وعليه غتنتهي القصة
وسام: الو جواد نتا مسالي
جواد: وي كاين شي مشكل ؟
وسام: لا . . . حاس براسي ماشي هو هاداك ، تقدر تجي عندي
جواد: عيط ليا مروان تا هوا قالي دوز عندي مهم انا دابا حدا دار مروان الى كان مسالي نجيو بجوجو
وسام: اوك
قطع ودخل الدوش دوش ورجع نزل لتحت جلس حدا لابيسين فالرولاكس ساهي كيخمم طول الوقت حتى دخل عندو جواد ومروان سلمو عليه وجلسو فالرولاكس اللي حداه
مروان: ياك لاباس؟ مالنا اخاي جايبنا فهاد الليالي
جواد: هههه باينة عاوتاني نفس الحالة
تنهد وسام تنهيدة طويلة : ليوم فالصباح دابزت مع الواليدة وطلعت لكازا عند يارا شبعت فيها سبان . . . مخليت ماقلت ليها وهي ناعسة فالكلينيك وحتى من السيروم اللي كانو معلقين ليها ضربتو حتى طارت الابرة من يديها
مروان: واو واو واو وااااو!!!! مالك اخاي على هادشي
جواد بقوة الصدمة بقا ساكت مهرج عينيه
وسام: تعصبت ومابقيت كنقشع والو
جواد: خاي وسام ... مابقيتيش كيما كنتي وليتي كتعصب دغيا على والو متنفاعل . . . وهادشي كامل سبابو يارا والمشاكل اللي عايشهم نتا من نهار تفارقتو . . . ماتقولش ليا بسبب الخدمة حيت فالخدمة حتى واحد مكيعصبك . . . المشكل الوحيد الوحيد اللي عندك هوا يارا وبسبابها رجعتي كتنفاعل دغيا ، نساها اصاحبي عطا الله البنات
هز وسام راسو بتتاقل : وراه كنبغيها ... وااا فهموني راه كنبغيها وماشي لخاطري وماباغي حتى وحدة واخا تجيبو ليا بنات العالم كاملين منقدرش نسى يارا
بقاو كيشوفو فيه في حيرة وهوا كيتنفس بزز ، هز مروان يدو دارها على حنكو وتنهد
مروان: جرب خرج مع شي بنت اخرى تقدر تنسيك فيها ... بزز منك خاصك تنساها راه تزوجات ونسااااتك ونتا شو كي داير عليها
وسام: جربت ... وخرج مع وحدة اخرى وحسيت براسي مخنوق ماحملتهاش وقلبت عليها . . . باغي نسا يارا مي مقدييتش مكتخرجش من عقلي فين ما نشوفها كنحس بسيف داز قلبي تا رجع كيضرني ... مرة مرة كتجيني واحد النخزة فيه
وسام: غير دعي دعي ... دعي ليا بالموت مابقيتش باغي نعيش وليتي مربوط ... كنتسطا عليها ... كنحماااق عليها
ناض وقف داير يديه فجنابو كيسوط وبعد عليهم وقف حدى لابيسين عاقد حجبانو معصب بحال الى باغي يبكي وعينيه ناشفين ومكرهش يغوت بأعلى صوت يخرج كاع داكشي اللي كيضرو ، و مروان وجواد كيشوفو فيه مالقاو ليه جهد ، ربع جواد يديه كيهضر وعينيه ساهيين فالارض
جواد: شتي على مشكلة هادي ... ولا كيهضر ويدير شي حوايج بلا ميشعر ... الواحد الى مشا تا طاح مكيبقاش يعرف يتحكم فراسو وكيرجع يهضر بلا فرانات ... فين عمرو قالينا كيبغي شي وحدة ولا حتى عاجباه ! دابا نييييشان قالك كيموت عليها هو كاع
مروان: اودي... غير انا ديك المرة قالت ليا نهى نتفارقو حسيت براسي بحال الى طحت من شي سطح نيشان على راسي .... جاتني الدوخة وهما بنات الحرام غير يشوفوك طحتي فيهم يديرو فيك مابغاو ويشطحوك ونتا كضحك
مروان: طزز واخا يكون شارب عقلو نهار يطيح على راسو كيرجع للمراهقة.
شافو وسام راجع جيهتهم وجلس كل شوية يتنهد
وسام: شنو دابا ... تمشي نطلب منها تسمح ليا على داكشي اللي درت ليها؟
مروان: سير
جواد: فيين غيمشي تا نتا عاوتاني غتعطي لمك!
مروان: هههه
وسام: كنهضر بصح مكنضحكش امروان
جواد: معندك فين تمشي جلس فحالك واصلا واها تمشي غترجع عاوتاني كتر من هاكا ومتنساش هي دابا مزوجة ماعندك ماتعتاذر ليها صافي نسى اصاحبي راك معلق فيها على والو ... وا مزوجة اصاح مزوجة مانساش هاد القضية وغدا ولا بعدو تولد ولادها وبقا نتا كتحلم تمرض راسك
وسام خرجو عينيه وهضرت جواد بحال الى طرشاتو وفيقاتو وجاتو اللقوة معاودش هضر بقا مصمك كيسمع ، جلسو حدا لابيسين تا عياو ودخلو لداخل كل وحد تكا على فوطوي كيتجمعو وهوا ساكت حتى نعسو وبقا وسام بوحدو داير يدو مور راسو وساهي فالسقف حال عينيه شارد بين قرراتو .
* * *
دازو 6 ساعات على العملية ويارا جالسة كتسنى وتبكي على حالها وحال مهدي و الغصة اللي هلى فيها وسام حتى خرج عندها الطبيب وهي توقف، ابتاسم فوجها وطمنها ببإبتسامتو
الطبيب: العملية نجحات الحمد لله .
عاد خرجات يارا السوفل وبدات كتنفس بعد طول الانتضار
الطبيب: نتسناوه يفيق من البنج وغنخرجوه من غرفة العمليات لغرفة اخرى
يارا: ميغسي دوكتور ... ميغسي بزااف
الطبيب: هادا واحب امدام ... سمحي ليا نمشي
يارا: تفضل ادكتور
رجعات جلسات على الكرسي كتحمد الله وتنفس الصعداء وجالسة كتسنى وهي تشوفهم حلو الباب ومخرجين مهدي ناعس على ضهرو ومغطي وحال عينيه بزز وداير ابتسامة ونزال دايخ بالبنج ، وقفات عندو يارا بابتسامة فرحانة لنجاح العملية وشادة فالبياص وهما جارينو حتى طلعوه فالاسنسور للغرفة ديالو ونقلوه ليها وقادو ليه المساءل وخرجو خلاو يارا جالسة بجنبو
يارا: الحمد لله على سلامتك
ابتاسم بزز وعينيه دابلين والرغم من التعب كتبات فيهم فرحة كبيرة فرحة العودة الى الحياة من جديد ، حرك ليها راسو بالايجاب وشدات ليه فيدو وبقات ساكتة وهوا كيشوف فيها فرحان
#بعد_مرور_4_اشهر
هاد الفترة كاملة دوزاتها يارا بين الخدمة والدار وكتساعد مع مهدي فالعلاج ديالو وكيما قال ليه الطبيب كان خاصو يولف يدير الرياضة تدريجيا باش القلب يولف الحركة وداكشي اللي كان ، دوز فترة فالعلاج والرياضة حتى وقف على رجليه ورجع انسان طبيعي كيتمشى ويجري وعايش حياتو عادي ، وككل يوم كيرجع مهدي من الخدمة كيدوز على يارا للشركة يتسناها حتى تسالي ويجي معاها للدار .
الليلة تعشاو مجمعين كساءر الايام وناضت يارا طلعات لبيتها دوشات ولبسات بيجامتها وخرجات لقاتو جالس فوق الناموسية ، تصدمات ورجعات خطوة للور حاطة يديها على صدرها والفوطة على راسها
يارا: اش كدير هنا!!
مهدي : فبيتي .. عادي فين كاين المشكل؟
يارا: لا كاين...نتا بيتك لهيه اشنو جاي كدير عندي هنا
دفعاتو من الطريق ودخلات خلاتو واقف كيدور فعينيه فير بوحدو
وسام: اااو !!! كاع لا تيقي ...هن!! مريضة هادي !
الباب
فالجردة جالسة رانيا وعاصم كيفطرو بجوج ويتجمعو
رانيا: معرفتش بحالي بحالك ... فقا الصباح لقيت وسام واقف ليها عند راسها وهي ناعسة كي ميت العصر مكتحركش حتى فيقتها وطلعتها لبيتها تنعس ، نوضتها مع وسام عاوتاني و واها هاكاك كنت خايفة يدور فيا بحال المرة اللي فاتت...
رانيا: اويييلي على يغتاصيك ! ورامي مرتو علاش غيغتاصبك؟
يارا: وهادي هي المشكلة .. راه ممزوجينش داك الزواج اللي كيحساب ليك ، راه انا تزوجت بمهدي حيت كان مريض وعزيز عليا وقالينا الطبيب بللي ميقدرش يتزوج ويعيش حياة طبيعية ويولد حيت كان مريض بالقلب و انا قبلت حيت كنت عارفة هاد الزواج غير فوق الاوراق مي فاش دار العملية ونجحات ليه ورجع انسان حقيقي طالبني بحقو كزوج وفاش رفضت تهجم عليا ، وانا منقدرش ندير شي حاجة فوق طاقتي ابدا خصوصا فبحال هاد المواضيع منقدرش نسلم راسي بشي واحد وانا ماباغاهش . عزيز عليا رسي منقدرش نخلي شي واحد يقيسني بلا ارادتي.
رانيا: على هاد الحساب خاصك تعيطي لواليديك وتقولي ليهم كلشي ويجيو عندك ... سينو الى كانو مشغولين يخليونا حنا نتصرفو بلاصتهم مي بالعلم ديالهم باش ميوقعو لا مشاكل لا والو
رانيا: انا نمشي نجيب ليك الشارجور من عند وسام ... عندو بحال تيليفونك
يارا: لالالا بلاش صافي بلا منعدبك
رانيا: راه كاين هنا مالي غنشد الطيارة
بقات يارا مخرجة عينيها وكتذكر كل كلمة قالها ليها فاش كانت فالكلينيك حتى بداو كيدمعو عينيها ، اما رانيا خرجات مشات عندو للبيت دقات ودخلات لقاتو متكي على ضهرو فوق الناموسية وشاد تيلي فيدو
قلب جريح الجزء 16
محتوى القصة
التنقل بين الأجزاء