جبد الورقة وسمع البال كيتحل وخشا الورقة فجيبو بالزربة ، يارا خرجات مهبطة راسها لابسة بينوار غوز بارد غليض ومحلول من السدر وقصير وملوية عليها فوطة فراسها ، هزات راسها شافتو وهي تخرج عينيها
يارا: شنو كدير فبيتي؟
وسام: بارتباك حال عينيه فيها) وااالو !!!
زادت عندو مكمشة فمها ودارت يديها على جنابها : ايوا؟
وسام: اا... ااه جيت ناخد الشارجور اللي كنت عيطتك ديك المرة ودخلت سحابلي متكونيش فالدوش باش تعطيه ليا داكشي علاش ماشي مشكل غير خوديه اصبلا ديك المرة قلت لرانيا تقوليك خوديه ... اححم فهمتي! ااححم مهم بالصحة الدوش.
خرج كيسوط ويتنفس ويبرد على راسو بيديه وينش عليه الصهد وخلاها واقفة مافاهمة حتى كلمة من داكشي اللي قاليها ورجعات للحمام كدهن وطلي للحمها وجبدات عليها بنعسة فوق الناموسية .
مشا وسام نيشان لبيتو دخل بزربة وسد عليه وبدا يفتح القميجة حيدها لاحها ودخل للدوش هبط راسو تحت الروبيني فزكو وغسل وجهو ومنضر يارا فالبينوار قدام عينيه ، شوية تذكر المشهد ديالها وهي بدو بياس فالنهار اللي بغات تنقز معاه فيه فالبحر ، بدا كيقارن بين مشهدها فاللبنوار والمشهد فدوبياس لقاها تزادت اغراء على قبل و رجع جسمها جمالا حسن من دي قبل ، استوعب وابتاسم فالمراية بالجنب وقطرات الماء نازلة من شعرو مع عنقو وهابطة مع عضلات صدرو . خرج من دوش خشا يدو فالجيب جبد الورقة وحلها
رجع هبط راسو فالورقة عاود قرى من الاول كيتأكد ويعاود وجلس شاد الورقة فيدو وساهي كيفكر ...شوية بدا يضحك بوحدو بشوية ويرجع يسكت في ذهول
وسام: اوااااه !!! باقا عزبة ! وشنو كانت كدير مع مهدي ؟
رجع للتفكير من جديد وهوا كيبدل فحوايحو مرة يسهى مرة يضحك حتى كيتسمع صوتو ، لبس شورط قصير كحل وتيشورط كحلة نص كم مزيرة عليه ومشا هز الورقة كيزيد يتأكد ، طاح ليه فبالو غير رانيا ومشا هز تيلي عيط ليها وزادت أكدات ليه ان يارا تزوجات بمهدي غير فالاوراق وعطاتو الاسباب وقطع عليها قبل متكمل هضرتها فرحان كيضحك وخرج من بيتو مشا دخل على يارا لقاها ناعسة فوق الناموسية مقزبة ، بلاا ميفكر مشا طلع عليها كيضحك ويبوس فيها قبلات متتالية بزربة فراسها وحناكها وكتافها وصدرها ويعنق ويهز ويحط فيها نوضها مفزوعة ما فاهمة والو مضهشرة كتشوف فيه كيضحك ويبوس ويتكور حداها ويهزها عندو ويرجع يطلع عليها ،
بقات هاكاك كيمرمط فيها بحال المونيكة وشعرها تابعها مرا تلاح عليه مرة تنعس عليه شوية وهي تغوبش وكان كيبوس فمها بشوق ويزير عليها وكيضحك ، هربات وجها وعقدات حجبانها
يارا: ااي... واش مريض؟؟ شنو كدير
وسام: هههه مريض والله تا مريض كلشي كيضرني ومابقات تا حاجة كضرني دابا
جرها كيضحك خشا وجهو فعنقها وتكا عليها كيبوسها البوسان اللي كيبوسوه للدراري الصغار ؛ بغا يكالها وهي كتفركل ودفع بيديها تخلعات مافهمات حتى حاجة وخافت دغيا بدات كتبكي وهوا يهز راسو فيها عينيه مجبدين بكترت الضحك وبانت عليه الفرحة دغيا طاح عليه السر ، شافها كتبكي وضمها فرحان وهي تهز راسها كتمسكن
يارا: خليني نمشي بحالي ... مديرش شي حاجة تندم عليها عافاك ... عافاك خليني نمشي بحالي
طلق ضحكة فالسماء تا تقلب على ضهرو وقلبها عليه وشدها مغزف عليها من وجها باسها بوسة حارة فحنكها تا مص ليها الدم
وسام: هههه متديش عليا راه سكران ... ولاكن مغنغتاصبكش بلا متخافي
بدات كتساوي وضحك بزز باش تفك منو وخايفة على راسها كتحاول ترطب معاه وتيقات انه سكران ، عاق بيها كترطب معاه كيما عادتها فأي وحلة كتسلك راسها غير بالفن وبضحكتها البريءة اللي كطلق كسلاحها الفتاك . مشا معاها فالخط ملي تيقاتو وزاد كمل عليها لانه تفكر علاقتو المتوثرة معاها وبغا اي طريقة يدوخها بيها
وسام: صافي هانا غادي بحالي
يارا: ههه واخا ... انا شوية ونهبط
شاف وجها صفر بالخلعة وكضحك وبدا يضحك عليها
وسام: هههه يالاه اري بيزو
باستو كترعد فحنكو وعطاها الحنك لاخر
وسام: بوسيني
باستو فحنكو مرة اخرى وبغا يعطيها فمو ورجع تردد باش ماتزيدش تحقد عليه وناض خرج
وسام: انا غادي ندوش باش نفيق ... هبطي تعشاي معايا
يارا: ههه واخا
غلباتو الضحكة وخرج كيضحك وناضت هي سدات عليها وشدات فالقلبها كتنهج
يارا: اوففف صافي راه غير سكران ... غيفيق عاد يعرف راسو شنو دار... صافي رولاكس .. رووولاااكس . رولااااااكس
مشات جمعات شعرها فالسماء بواحد العود وحناكها حومر بالنعاس والبوسان وحلات البلاكار جبدات كسوة معرية حطاتها عليها فالمرايا كتشوف كي تجيها ورجعات خشاتها فالبلاكار وجبدات بيجامة سروال توب رطب كحل والفوقاني ديالها على شكل قميجة باليدين ولبساتها جاها السروال مزير من المأخرة وطويل حتى للارض والفوقاني بين ليها حجم سدرها وعندو جيب صغير جيهت الصدر فالجنب ، سدات صدايف الصدر كاملين باش ميبانش صدر ومع ذلك البيجامة عندها الكول واسع واول صدفة جات مبينة الصدر واخا كتسد ، دهنات وجها بكريم ليلي ولبسات بانطوفة كحلة وخرجات كتجبد فالبيجامة كتحاول تغطي مفاتنها ، نزلات لقاتو جالس لتحت مدوش وعريان متكي بالشورط على الفوطوي ، شافها نازلة وتحولو ملامحو للجدية وعقد حجبانو
هبطات كتقفقف وتجبد فصبعان يديها خايفة منو فالداخل ديالها ولاكن مكتبينش خوفها ، مشات كتسلت دايزة حداه وجلسات على الفطوي كتشوف فيه بنص عين ودارت رجل على رجل مربعة بديها كتفرج فالتلفاز وهوا حداها متكي على جنبو كيقرى واحد المقال بالانجليزية فالجورنال و منساجم مع القراءة ، دورات وجها هي يمين يسار كتشوف فين محطوط العشاء مابان ليها والو وشافت فيه
وسام: لا ... كنطيب راسي ، مكنبغيش شي واحد يطيب ليا ومكانكلش الماكلة من يد شي واحد من غير الواليدة
يارا: ها!! وعلاش؟
وسام: هاكاك . . . كنعيف الماكلة واخا يزوقوها ليا ... من غير رانيا مكناكلش من طياب الخدامات
يارا: عوجات سيفتها)وانا نبقا بالجوع!
وسام: سيري راه تلاجة فيها كلشي هزي اللي بغيتي
يارا: ببراءة) انا بغيت شي حاجة سخونة
وسام: ايوا طيبيها راسك
يارا: مكنعرفش ... نتا فوقاش غتعشى؟
وسام: بلاتي شوية
يارا: غطيب؟
وسام: حتى لبلاتي(رجع كيقرة)
سكتات فيها البكية ديال الفقصة والجوع كيدور فكرشها وهي مربعة يديها ومحاولاتش تفكرو شنو دار ليها وحتى هوا مجبدش الموضوع وكأنه لم يكن ، صدقات انه كان سكران ومعاقلش و خلات الموضوع جانبا . جلسات تا عيات وناضت كدور فعينيها ومشات فاتجاه الكوزينة خلاتو مجبد كيقرى ودخلات حلات التلاجة الكبيرة لجوج بيبان كتسارا فيها ، جبدات طبسيل مستطيل فيه طارطة باردة ديال الحامض وحطاتها داقت منها كهماتها ورجعاتها للتلاجة وبقات واقفة حالة الباب دايرة يدها كتمنضر حتى حسات بيد تحطات على خصرها والنفس موراه وتلفتات
وسام: بلاتي نشوف
دارت الطريق وحيدات وبدا يجبد ويعطيها
وسام: حطي هادو لهيه
داتهم حطاتهم وسد التلاجة ووقف كيشوف فداكشي
وسام: شنو اللي كتاكلي وشنو اللي مكاتاكليش
يارا: شنو غتصايب لراسك
وسام: انا كغاتان ونتي؟
يارا: كغاتان فهاد الليل ! كيتقل على المعدة
وسام: ويتقل ولا يخمر شكون قاليك انا غنعس دابا (شاف فالساعة فيدو) 12h باقي الحال ... غدا الويكاند مكاين ميدار
يارا: واخا صافي صايب ليا معاك حتى انا
وسام: باغدون!
يارا: بثوتر) دير ليا بحالك ... حيت انا مكنعرفش نسخن حتى الخبز
وسام: اييه مزياان ... كتعرفي تاكلي بعدا ؟
شافت فيه معبسة وقلبات وجها ، ضحك بسخرية وبدا كيقطع فالبطاطس بسرعة كانه متعود يقطعهم ومتحكم فيها ومع يديه كبار ونقيين بقات يارا واقفة حداه حاطة يدها على بوطاجي وكتشوف ، دغيا زرب على بطاطة وهز البصلة
وسام: هاكي قشريها وقطعيها
يارا: واخا
قشراتها وبدات كتقطع وتزلق ليها تا كتمشي مع الارض كدور وترجع تبعها وتقشر وحدة واخرى ووسام فالب وجهو حابس الضحكة ، بدات كتقطع فيها بزز وعينيها كتبكي وتمسح بكتفها وترجع تقطع وتبكي ، تلفت ليها وهوا كيغسل يدو شافها واحلة ومشا موراها شد ليها يديها
وسام: بهمس) ها كيفاش كنقطعوها .
هي تلفات كتحس بصدرو لاسق مع ضهرها ونفسو فودنها ويديه على يديها كيحركهم وبغمض عينيه كيتحسس شعرها بوجهو بشوية
يارا: صافي راه تقطعات
وسام: اوك ... يالاه جمعيها اجي حطيها هنا
جمعاتها داتها للطاوة كتستف و هوا واقف حداها كيقاد معاه ، شوية حط يدو مور ضهرها على خصرها
وسام: صافي غندخلوها للفران
هي مراقبة حركاتو وفكل مرة يحط يديه عليها فجهة وكيهضر عادي كتبورش تطلع معاها سخونية .
طاب العشا وتحط فوق الطبلة ووسام جاه السهد حيد تيشورط بقا مبودر عليها كيمشي ويجي كي الغوريلا خادم راسو مزيان وهي متبعاه بعينيها وواقفة كتستف فالطبلة حتى وقف حداها دار يدو بلطف على كتفكها
وسام: صافي جلسي تعشاي
جلسات نازلة عليها الحشمة كتشوف لتحت وتعلي عينيها فيه بزز حشمانة مجموعة هي وياه فطبلة وحدة وجالس بجنبها كيتصرف بعفوية ويضحك راشفة ليه وهي بهدوء وبرقة لاش كتحرك والشعر نازل على وجها مغطيها
وسام: كولي
هزات الفورشيط وقطع ليها طرف من الكراتان فطلسيلها مع سلطة مرافقة وبدات كتاكل وتمضغ بزز ، ومن اخلاقها وتربيتها منساتش تشكرو
وسام: افففف ... عادي عادي من حقك ماتيقيش فيا مي ماترميش راسك فشي حاجة خايبة اللي تآديك
يارا: مارميتش راسي ... انا بغيت وبخاطري
مد يدو ليدها شدها ونوضها عندو: يارا...غنعاودها للمرة المليون ... مزال كنبغيك وكل نهار كنبغيك كثر من اللي قبل منو ...تيقي فيا بلييز
فلبات وجها للجنب ويديها فيديه سكاتة ، لدا كيجرها عندو بشوية وقفها بين رجليه كيتسنى ردة فعلها وهي ساكتة ، جلسها على رجلو وحيد ليها الشعر على وجها ويدو مور ضهرها معنقة خصرها وقرب ليها حتى تخالطات انفاسهم
وسام: بصوت خافت) تيقي فيا راه عمرني نخليك ولا نبدلك بوحدة اخرى
يارا : الصمت
حادة عينيها وهوا كيقرب ويهو ليها وجها حتى تلاقاو شفايفهم وبدا كبوس بلطف بلا مدير حتى ردة فعل ورجع شاف فيها كيتسنى منها دير شي حاجة شوية بدات تنخصص غير بوحدها كتشوف لتحت تا دمعو عينيها و ناضت مشات كتجري وبقا هوا كيشوف فيها متبع ليها العين ، تنهد وتكى على رجليه قالب وجهو جيهت لابيسين مشطون ومغيير اما هي دخلات لبيتها وسدات عليها وعطاتها للبكى فوق المخدة ديالها حتى بردات ونعسات .
ضرباتها الفيقة مع 4 دالصباح مشات للطواليط ورجعات خرجات من البيت بخطوات تقال جيهت بيتو طلات مالقاتوش وهبطات للجردة كتمشى بشوية والشعر مطلوق لقاتو والبرد ديال الصباح كيضرب فوجها ؛ لقاتو ناعس فوق الناموسية على ضهرو وقالب وجهو للجنب وقربات ليه كتأمل ملامحو وهوا ناعس ، هزات الغطاء بشوية غطاتو وبدات كتقرب اصابعها من وجهو حتى حطاتها على لحيتو كتلمسها لمسات خفيفة و طلعات جيهت حواجهبو لمساتهم وهبطات لعينيه وهوا يحركم شوية حس بيها وبقا ناعس متحركش ، مارضاتش البال وبقات كتلمس ملامحو وشفايفو بصبعو وقربات ليه بشوية باستو بطىء على شفايفو وناض دوزات يدها على شعرو ورجعات مشات ، حل عينيه من موراها وتنهد كيدوز يدو على لحيتو وتقلب للجنب طار ليه النعاس
فالصباح فاقت كعادتها كتجبد غيلات وجها ونزلات كتكسل وتسرح عينيها فارجاء الفيلا على بالها وسام يبان ليها ، دخلات للكوزينة لقات فيها جوج خدامات ابتاسمات ليهم وجلسات معاهم وحتى هما فرحو ليها وعجباتهم بدات كل وحدة كتوجد وتحط ليها فالطبلة ويارا كتفطر وتشكر فيهم ، شوية دخل وسام عرقان كيمسح وجهو بالفوطة لابس تيشورط بسماطي كحلة اعلى شكل x من الضهر مزيرة عليه وشورط كحل فوق الركبة ومع الرياضة بانو عضلاتو مزال سخان ومنفوخين رجليه مطراسيين من الشوفة باينين قاصحين
وسام: بنجوغ
الخدامات: صباح الخير السي وسام
وسام: في اتجاه بارا مبتاسم) تهلبتو ليا فمرتي ولا والو؟ (باسها فخدها)
مشا كيسوط على راسو بالفوطة وطلع دوش ولبس دجين وتيشورط خفيفة كحلة بالكول وصبادري كحلة ونازل كيسفر ويلعب بسوارت والساعة كتلمع فيدو ، هبط لتحت جلس على الفوطوي كيتسنى يارا شوية هبطات لابسة لبسة فلون اللحم دارجة على الموضة وتوبها رهيف قصيرة وصدرها كيبان ويتحرك وهي نازلة مع الدروج ، غمض عينيه وكرز على سنانو وناض عندها حط يدو على خصرها
وسام: حبيبة ديالي...
قاطعاتو : انا ماشي حبيبة ديالك
وسام: واخا لاللة ماشي حبيبة ديالي ... بدلي الله يرضي عليك هاد الحوايج راه عندك حسن من هادشي
يارا: عجباتني
وسام: حتى انا عجباتني وبزااااف ولاكن ماشي ضاروووري تعجبي بوزبال اللي على برى ... غير الزبل اللي كاين برى راه ماشي المانيا هادي
يارا: ماشي سوقي
وسام: وا ديري ليا خاطري .... عافاك عافاك لما بدليها وغير نرجعو جلسي عريانة يالاه سيري احبيبة ديالي ...
هزات كتفها مغوبشة: ماشي حبيبة ديالي قلت ليك
وسام: واخا الزين ديالي صافي
يارا: ماشي الزين ديالك ...الزين دالعالم انا
وسام: بعصبية) غطلعي ولا نوريك الزين دالعالم
يارا: افففففف اووف
مشات مهرننة طلعات وجلست طالع ليه الدم كيتسنى فيها ويشوف فالساعة تعصب وهي تعطلات عليه ، تسنى تا عيا وناض كيسوط طلع عندها دق الباب وخل لقاها جالسة لابسة بيجامة وكتلعب فتيليفون
وسام: يارا! باقا ملبستي؟
يارا: ببرودة) مابغيتش نخرج
زدح الباب بعصبية ومشا هزها من دراعها وقفها
وسام: عمرني ضربتك ياك ... عمرك دقتي شي قتلة من عندي ؟ ايوا ليوم غدوقيها الى منضتيش دااااابا وتخشيتي فشي لبسة مستورة قبل منقلب راسي تشوفي وجهي لاخر يالاه تحركي
شدات فيدها ودارت فيه شوفة فشكل ، مدمعة وكتجمع النفس بقا فيها الحال وقلبات وجها دخلات للدوش سدات عليها وجلس كيتسناها تخرج ، تعطلات فالدوش وناض كيحل البواني دالباب ويدق
وسام: يارا حلي... يارااااا ... يارا حللي الباب ولا نفرعو ... يارااااا
وسام: كيسرح عينيه فالجردة) فقدات التيقة فيا .. الحب ماشي كافي باش يخلي جوج مجموعين ... الى مكانتش التيقة حتى حاجة مغتكمل
جواد: ماعندك مادير ... باش تخلي بنت وسط الناس نهار الخطبة و تسمح فيها ماساهلاش ... شحال ديال الجرى وشحال ديال التوجاد و واليديها جايين من برى على قبل هادشي وكلشي فرحان ونتا معيشها الحب والغرام فالاخير تعلق وتخليها مرهونة وتشوف صورتك مع وحدة اخرى راه شي حاجة صعييبة وصعييبة بزاف وحط راسك بلاصتها ... تخيل نتا دابا كتمووووت عليها ونتا عارفها كتبغيك ونويتو تزوحو وجيتو حتى لنهار الخطبة الكبيرة ولا العرس وجبدات تصاور ديالها مع واخد اخر وقالت ليك مبغيتكش شنو غدير؟ علاش وكيفاش وشحال ديال الحب فالاخير تبان ليك بوجه اخر
وسام: منقدرش..صعيبة ... وهي عقليتها غربية بزااف صريحة وعندها نية وحدة ماشي من النوع ديال البنات الي تزوق ليها الهضرة وترطاب .. الى مكانش الدليل مترطابش وهاهيا معدبة راسها ومعدباني ومرضااتي يا خاي منكدبش عليك !
جواد: دير علاقة مع شي وحدة خليها تغير شوية
وسام: الله يهديك اش غتغير انا كنقوليك عقلية غربية ونتا كتقول ليا تغير ؛ انا باغي نكسب تيقتها ولا نزيد نكفسها ... ها هيا غارت اش غيوقع كاااع ... غتزيد تمرض ونزيد نكمل عليها وتزيد علاقتنا تكهرب وتغضب وهاحنا رجعنا للزيرو ... تبرهيش داكشي خليه لماليه اما يارا بوحدها شخصيتها فشكل ... كالم ومكتبغيش الصدع وممولفاش الصدع ، وانا غير قبيلة تعصبت قلت ليها غنضربك بدات كتبكي وتخلعات سحاب ليها بصح وشحال وانا نسكت ونغني ليها عاد سكتات .. لالالا يارا ولفات بوحدها غير هي وواليديها كيديوها ويجيبوها ومكيغوتوش عليها وحتى كيفاش كتهضر مهدنة! متسمعش غواتها ولا كلمة دالعيب وكتحاور ماشي كدابز وغير غوت عليها تخلعات ماشي بحال البنات ضربها وتنوض تخرج فيك عينيها
جواد: فاااهمك ولاهيلا فهمتك ومعندك مادير صبر راه هي واللي بحالها فديك العقلية كيتيقو مرة وحدة والى تخدعو كتفقد التيقة وصعيب ترجعها ... بنات الفشوش هنا هادو وعاد هادي كابرة فألمانيا وواليديها مفشينها مولفة ديك الحياة والحرية والتيقة فالنفس الى وقعات شي حاجة كتسكت وتقلب وجها ماتجيش كاع دور ليك وهضرتنا و صداعنا كيجيهم غريب هما مولفين السكات
وسام: لالا الحرية عندها فاللباس وصافي اما هي من النوع اللي معندهاش الصحابات كتخرجها مها ومتقدرش تمشي لشي بلاصة بوحدها ..دابا عاد بدات تزعم وماعارفاش بنادم عندنا حنا كي داير متعرفش لا للي كيضحك معاها ولا اللي كيهضر بصح
وسام: ها هيا عندي تا نرجعو ونفكرك فيها ... يلاه نمشيو
شد ليها فيديها وهي تحيدها ومشات قدامو ، خلاها على خاطرها ودار يديه فالجياب وهبط موراه ، ركبها حداه فاللوطو ومشا شد طريق ، ماشي بزااف باش وصل لبومبة دليصونص فالطريق ودخل ليها بالفيراري دار البلان فالبلان وبغا يتحرك
يارا: بغيت نشرب
وسام: واخا انا نزل نجيب ليك الماء
وقف اللوطو حدى باحة الاستراحة مقابلة مع القهاوي ونزل داير نضاضر دخل قدامها جايب قرعة دالماء فيدو وساشي عامر هازو فيدو ورجع ، هوا جاي وكيسمع شي صوت بنت كيعيط ليه وقف حدا باب اللوطو حلو وتلفت يشوف شكون بانت ليه البنت اللي تعرف عليها فالحفلة و شافتهم يارا فالجردة جاية كتجري وتشير ليه فرحانة عنقاتو وباستو فحنو وهوا مصدوم فيها ، تلفت جيهت يارا
تلفت جيهت يارا لقاها كتشوف فيه وتخنزر وقلبات وجها للزاج
البنت: غبرتي مابقيتيش كتسول ؟
وسام: احمم... حيت تزوجت داكشي علاش
البنت: بصدمة) بصح ! فوقاش ؟
وسام: شحال هادي ... هاهيا المدام
مشا حل على يارا الباب وخرجها جرها من خصرها وعنقها
وسام: هادي مرتي يارا
يارا شافت فيها كتخنزر ودورات يدها مور ضهر وسام وهي يضحك
البنت: الله يكمل عليكم بالخير ... متشرفين ايارا ومبروك عليك
يارا: الله يبارك فيك
وسام: فرصة سعيدة
دخل يارا وباسها فحنكها وطلع فاللوطو والبنت كدير ليهم باي باي بابتاسمة وهوا غادين ، زاد مع الطريق وشد ليارا فيدها وهوا سايق وباسها وهي منفخة ، شوية شافت البلاكة دمراكش وتلفتات ليه
يارا: فين غنمشي؟
وسام: نبدلو الجو فمراكش وغدا نرجعو
يارا: فين؟؟ فين جات ؟
وسام: مابعيداش بزااف ... غدا كاينة واحد الحفلة فالليل مع الدراري صحابي وبعد غدا العرس دمروان ونهى ... غنديك معايا
يارا: شنو؟
وسام: غتمشي معايا للعرس ... عمرك حضرتي فشي عرس يمكن
يارا: لا
وسام: ايوا صافي نديك معايا
سكتات وقلبات وجها للزاج شوبة حسات بالكرسي كيهبط وهزات راسها شافت وسام ضاغط على واحد الزر كينعس ليها الكرسي ، مهضراتش وتكات ونقص فالموسيقة شوية وطلق ليها الكليمة وخلاها نعسات ، الطريق كاملة والطوموبيل غادا فالطريق كطير منين مادازت كيبقاو الناس متبعينيها بعينيهم ، ساعة ونص ديال الطريق دازت حلات يارا عينيها شافتو مكسل حداها شاد الفولون بصبع يدو كيحركو ، هزات عينيها لقات راسها فلوطوروط كتمنضر فالطريق والاراضي الخاوية لا ششجر لا والو
يارا: وسام
تلفت ليها: نعام احبيبة
يارا: وصلنا؟
وسام: لا مزال عيتي؟
يارا: بغيت نوقف
وسام: واخا ها حنا قربنا لواحد سطاسيون غنزل نصلي العصر ونزلي حتى نتي الى بغيتي
سكتات معاوداتش هضراتش حتى وصلو باحة استراخة في قهوة كبيرة فالطريق و جامع ونزاو بجوج مشا معاها حتى للمرحاض ديال الايناث ووقف برى كيتسناها تخرج ، ومن القهوة جالسين شي بنات كيناخزو ويبرككو
....: صربي على ديك الفراري البيضاء ومولاها كي داير
....: ضرااابت عليها با حنينتي راه حوالو عيني
....: راه واقف كيتسنا ليك صاحبتو تا تخرج على وعدو وسعدو سعداتها
...: القوق البري احبيبة ماشي بحال داك الجدارمي ديالك جالس عليك لبسي الطويل لبسي الزمر كيعجبو الحال تخرجي معاه مكشترة...شوفي ليك الناس كي دايرين...لابسة اللي بغات وخارجة معاه وكيتسناها تخرج على خاطرها ميقول ليها ستري ميقول ليها تعراي .
خرجات يارا ومشا معاها حتى ركبها وسد عليها الباب ورجع للجامع صلى العصر وخرج مشا حل عليها الباب
وسام: نجلسو شوية هنا ؟ اجي نشربو كافي ونكملو الطريق
يارا: الصهد بغيت نموت
وسام: مزال غتشوفي مراكش وتعرفي المعنى دالصهد
شد ليها فيدها جارها معاه شابكين صبعانهم دايزين حدى البنات وهما كينممو فيهم والصغير والكبير كيشوف فيهم ، بعدو على الناس وجلسو لداخل رتاحو شوية وشربات مشروب بارد وناضو كملو الطريق .
داخلين لمراكش بفيراري الشارع كامل كيشوف . وهي كتمنضر فرحانة فمراكش الحمراء وشوارعها وجات مع العشية كلشي خارج وملشي كيتسارى والدنيا عامرة ، شافت الكوتشي دايز بالناس والعود مزوق عجبها ودارت عند وسام
يارا: واااو ... شوف
وسام: امم الكوتشي
يارا: واو زوينة هاد المدينة حسن من كازا
واقف بالسيارة فالسطوب مع السارات ومتكي يدو على السرجم
وسام: ايوا كازة مدينة اقتصادية و غير ديال الخدمة اما مراكش مدينة سياحية ديال المسارية والدوران واخا سخونة الجو فيها زوين وصحي
عرى ليها سقف السيارة رجعات ديكا بوطابل وبقا الهوا كيضرب فيها وهي كتمنضر وتشوف الناس كيشوفو فيها ، عجبها شكل الكار الاحمر اللي كيتسارى بالسياح وتلفتات لوسام
يارا: بحال اللي فلندن !
وسام: ههه ولاكن الكواشي مكاينش فلندن ... فين اللي حسن
يارا: لندن مكتعجبنيش فيها البرد كتر من الصيف ... هنا حسن وكلشي خاراج وحتى السياح كتار بزاف ... عجباتني ههه ، فين غنباتو؟
يارا: حسن ... بغيت شي حاجة من الثرات ديال هاد المدينة...اجي بعدا ماجبتش معايا حوايجي! باش غنبدل!
وسام: غير ليلة وحدة وغدا غنرجعو ... مي الى بغيتي نديك ل franchise شري شنو خصك...اصلا مغنمشيوش لاوتيل دابا والعشية هادي نكتاشفو المدينة بعدا
يارا: واخا
دخل لكيليز ووقف السيارة فمكان مخصص ونزلو كيتمشاو على رجليهم ويدو فيدها ، عجبها الجو والناس وشي غادي شي جاي شي كيتصور شي واقف مجمع والدنيا مزوهرة ، شوية طاحت عينيها على واحد الراجل داير يديه مور ضهرو واقف فالجنب كيشوف فوسام
يارا: شوف داك الراجل كي كيشوف فيك!
وسام: راه كيفول مع راسو هوا ماشي هوا
يارا: ااااه زعما واش هوا جنرال بن خليفة كيمشي فالشارع كي الناس
وسام: هههه علاش مالو جنرال ميمشيش! ولا رءيس ولا اي واحد ... راه تا هما كيسافرو خارج الوطن كيتساراو على رجليهم كي الناس عادي ... بات جدي كان رءيس مريكان فديك الوقت وكان كيمشي على رجلو غير بنادم كيعطي صورة على الناس اللي بالاس عليهم وكيبانو غير فالتلفازة وصافي وكيتبهطو فاش يشوفوه فالشارع اما هوا راه عادي كلشي كيخرى جالس تا واحد مكيخرى واقف
يارا: ههههههه
بدات كتموت بالضحك وهما كيدورو ويتجمعو واغلبي دالرجال الكبار عرفو وسام وبقاو متبعين ليه العين ، دخل مع يارا ل etam( ماركة عالمية ) ومشا موراها جيهت الملابس الداخلية وهي كتشوف وتقلب وتقيس التوب بيدها ، هزات دوبياس شكلهم جميل ومثير وتلفتات لوسام لفاتو واقف داير يدو فجيبو وشاد طرف واحد لاشوميز دونوي فالباج بارد فيها شبكة فالصدر وزوينة كيشوف فيها هز راسو فيارا وقال : شوفي هادي تا هيا زوينة
يارا: صافي جيبها
هزها عطاها ليها وبقا غادي موراها اول مرة يشوف حوايج العيالات ويدخل ليهم بقا تابعها و كيوريها داكشي اللي ماشافتش وكل مرة خودي هادي و شوفي هادي وكيختار معاها واكتشافات دوقو الزوين وكيميل للالوان الباردة والسامبل مكيشوفش جيهت الالوان الغامقة والمزوقة بزاف كملات الباهية فاش وقف معاها جيهت السليبات ديال الخيوط وداكشي المثير وبدا
وسام: جيتي جيتي ويجيو معاك هادو حسن (وراها سوتيان )
يارا: فيهم بونج! خايبين
وسام: لا بلعكس زوينين ... هاكي غير خوديهم دابا تحتاجيهم
هزاتهم وهزات صندالة خفيفة دالصبع فيدها ومشات جيهت المايوات دالسباحة وخدات وحدين فالكريمي فيهم حجيرات فالاسود ودارت لقات وسام شاد فيدو واحد الكاش مايو كحل عطاه ليها
وسام: دي معاهم تا هادا
حلاتو شافتو وهزاتو و داز لاكيس خلص ليها داكشي كامل وخرجو هازين الصيكان فيديهوم ومشاو كيدورو ، دخلو ل (zara) وبدات تهز وتلوح فالشبكة وهوا موراه كيهز ويحط فين ماحاب الله فين ماتبان ليه هزات شي حاجة مقزبة كيخليها تا تمشي ويهزها يحطها ، طلعو للطابق الاعلى كانو فيهم حوايج الرجال مكانش على بالو يشري تا بانو ليه الشورطات ومشا نيشان هز واحد ولدا ميقلب على الطاي ديالو خداها وخدا معاه بوكسر ابيض واسود بالخف ماشي بحال يارا كدور وتعاود وهوا موراها محاملش الدوران . نزلو ومشا خلص كلشي ببا تلاحض يارا الحوايج اللي حيد ليها وخرجو في اتجاه السيارة حطو كلشي فالكوفر ومشاو كيسرحو رجليهم ، وهما غاديين مجمعين وصلو مسج فالتيلي حلو لقا صورة ليه هوا ويارا مسيفطها جواد ومقال مكتوب عليه ..
لقا صورتو خارج من الباب د etam هاز فواحد اليد صيكان وشاد باليد الاخرى فيارا وكيشوف فالارض شوفة صارمة ويارا شادة صيكان صغار فيديها بملامحها الجميلة ومكتوب عليهم ." الصورة تفضح الجنرال الصارم وسام بن خليفة رفقة حبيبته لأول مرة .
لاول مرة شوهد الجنرال وسام بن خليفة حفيد الجنرال السابق يعقوب بن خليفة رفقة حبيبته المخفية بمدينة مراكش السياحية , حيث رصدته هواتف الشعب وهوا يتجول بشوارع مراكش بكل ارتياحية مع حبيبته الجميلة ويرافقها بإحدى العلامات التجارية النساءية دون ان يحرص على ان لا تلتقط صور لهما وهاذا ذليل على ان هناك علاقة حب تجمع بين الجنرال و الفتاة الجميلة ."
وسام: عاد دابا وصلنا وغدا راجع راك عارف الوقت مكيناش جري عليا نجري عليك...اجي كيدايرة فنيكيشة شنو سميتيها؟
الشخص : ههه الحمد الله سميتها ذهب ... ويالاه اصاحبي جلس معانا شوية شحال هادي ماتشوافنا
وسام: عفيني هاد المرة خليها مرة اخرى ولا يالا نتا نيت نجلسو فشي بلاصة ياك خارج كدور وايلاه نظيرو شي قهيوة
الشخص: اودي اشمن خارج راه المرى مخرجاني بزز عاد كنا فالجديدة خليها على الله راه فالمشاكل حتى لودني هاهيا جالسة لداخل
وسام: هههه وا زيد زيد فيها خير
الشخص: سبقني انا موراك
وسام: اوك يالاه سير
طلع وسام فاللوطو وتحرك وتبعاتو الفيراري المذهبة من موراه
يارا: شكون هاد؟
وسام: ولد خالتي عهد ... الواليدة ومو توأم حقيقي
يارا: بصح!! محسابليش طاطا رانيا عندها توأم!
وسام: عندها توأم ... كيتشابهو بزااف .... غنمشيو دابا نجلسو فشي كافي حنا وهما راه معاه مرتو ...يارا بليز انا غنغطي الطوموبيل ولبسي شي حاجة من دوك الحوايج اللي شريتي تكون طويلة ، معانا ولد خالتي متديين تا هوا وحنا غنجلسو مجموعين فهمتيني شنو بغيت نقول
شافت فيه مرضاتش و قلبات وجها بالنفخة خشات يديها جبدات كسوة صيفية حمراء طولية حتى للارض بحال ديال الغجريات ومجبدو من الكتاف معرياهم وفيها فرارفر فيهم جاتها راااءعة وجا معاها الحمر والكسوة واسعة حتى الارض لانث الانوثة الطاغية من جديد ، فادات شعرها مطلوق وربعات يديها ، تلغت وسام شافيها وقال
وسام: طلعي شوية الكتاف الله يرضي عليك ومتقلقيش(لاح ليها بوسة مع غميزة)
مداتهاش فيه وخلاتهم كيما هما .
وصلو لعين المكان ووقفو حدى مقهى كبير ونزلات يارا ووسام وحتى ولد خالتو ومرتو وتقابلو
وسام: هادا ولد خالتي عهد ومراتو ...
عهد: غيثة
يارا: بدلع) متشرفين
وسام: عنق يارا) هادي المدام المستقبلية الى كتاب
عهد: انشاء الله الله يكمل بالخير ... يالاه نطلعو
طلع وسام داير يدو على كتف يارا وهي حداه كي شي وردة حمراء وموراه عهد وغيثة شادة فيه لابسة الكلاص ودايرة الفولار وعاقدة غوباشتها
غيثة: غنزول تا انا الفولار قنطني مكنحملوشي
عهد: تحيديه نفرع مك هنا علمتك
غيثة: بتحدي) غنزولوو
عهد: جربي وتشوفي
طلعو للقهوة جلسو وبقات غيثة كطلع وتهبط فيارا ويارا حشمانة من شوفاتها وكل مرة تشوف فحوايجها وراسها ياكما فيها شي حاجة غريبة وكسرق الشوفة من غيثة ، حتى وحدة مهضرات مع الاخرى و خدامين غير بالعينين ماشي بحال وسام و ولظ خالتو عهد مجمعين كيضحكو بجوج
عهد: والله اخاي الى توحشناك .. غير سمح ليا مجيتش طليت عليك مور ديك لاكسيدون اللي طرات ليك
تلفات يارا بزربة شافت فيه وكنل هوا هضرتو
عهد: كنت فواحد الحصلة ما عالم بيها غير الله ومزال لدابا حاصل
وسام: هانيا لاكسيدوت دازت عليها تقريبا عام وزيادة شكون مزال عاقل عليها المهم راك عيطيتي سولتي وحتى خالتي عيطات عي ووعد ونور
عهد: كي وقع ليك زعما كتسوق مزيان كيفاش حتى وقعات ، حتى شفتها الجورنال متيقتش
وسام: اودي لهلى يديرها لشي مسلم ... طحت فواحد خيتي يا الحفيض السلامة تعمات ليا البصيرة فاللخر طلعات مزوجة ودرت لنا وياها اكسيدون ماتت هي وكتاب ليا عمر جديد(دور يدو مور كتاف يارا عنقها وابتاسم ليها وهي كتشوف فيها بحال الى كتسولو بعينيها)
عهد: راه هي كتكبر وحنا كنشرفو ...ونتا مزال مناوي دير لينا فوطوكوبي هههه
وسام: باقي هاد الساعة الله يهدي شي ناس علينا من غدا نديرو الفوطوكوبي
عهد: واخاصك تجمع راسك الساط
وسام: غير تهنا جمعتو وطويتو
عهد: ايوا على هاد الحساب نعرسو انا وياك فدقة وحدة
وسام: واايلي كي درتيها ليها
عهد: كانت غتجيك دعوة تا لعندك ونعيط ليك فتيلي مي فيها خير تلاقينا ... انا والمدام عندنا العرس من دابا 10 ايام انشاء الله مرحبا بيك نتا و مدامتك المستقبلية
وسام: ايوا الله يجعل ملشي مبارك مسعود
عهد: الله يبارك فيك (تلفت لقا غيثة كتجر الشال شوية بشوية لور وتبين شعرها من القدام ودار يدو بالضحك على ضهرها دفع ليها الشال القدام وعنقها همس فودنها
خرج كيضك وسد الباب وخلاها كتخغلي ، دخلات دوشات بردات على راسها وخرجات كتنشف شعرها فالفوطة وهي تسمع الدقان فالباب ومشات
يارا: شكون؟
وسام: وسام...لبسي حوايجك نهبطو لتحت
يارا: واخا
وسام: متعطليش انا هنا كنتسناك
يارا: واخا
رجعات يارا كتقلب فالحوايج اللي شرات وتقلب وتعاود ماعرفاتش فين طار النص من الحوايج اللي شرات ... يمكن نساتهم فالطوموبيل ! ميكات عليهم وهزات كسوة واسعة فصالتها مربعة وطويلة حد الركبة عنقها واسع مايل على الكتف فيه دفيرة فالالوان ديارة عليه وواسعة الكسوة جاتها زوينة ، طلقات شعرها للجنب ولبسات صندالة مذهبة فرجها ودهنات وجها بكريم ليلي خلاتو نضيف وكيبري ودارت كلوز وريحة وحلات الباب لقاتو واقف لابس شورط اسود بالسيرو فالباج وتيشورط بيضاء وصندالة رياضية فرجلو وداير يديه فالجيب وشعرو فازك شافها وابتاسم وهز ليها الكسوة على كتفها ورجعات هبطاتها عنقها بالضحك وداها معاه لتحت ،، خرجو للجردة الكبيرة كانت خاوية غير هنا اللي فيها وجلسو بجنب النافورة على فراش بلدي تخت نجوم السماء والالوان الغافتة كيسمعو لخرير الماء ، هز ليها الشعر على عينيها وباسها فنيفها وهي تقلب وجها مغوبشة
وسام: شي نهار ناكلك نتي... شنو بغيتي تعشاي؟
يارا: بغيت شي حاجة مغربية
هز الموني فيدو كيشوف: عندهم الطنجية هي باش معروفة مراكش
يارا: شنو فيها؟
وسام: فيها اللحم بحال الطاجين تجربيها؟
يارا: واخا
سد الموني وتكا على ضهرو مستمتع بالجو ويارا حداها كتصور حتى جا عندو النادل بجبادور وطربوش حمر
النادل ويدو مطوية مور ضهرو: مرحبا سيدي مرحبا لاللة ... اش حب الخاطر اسيدي؟
وسام : طنجية دو بيخصون
النادل: مرحبا
مشا النادل وصل الطلبية وحطو ليهم طنجية فالطاجين كبير وشلايض مشروبات و الزيتون الى اخ ، عشاء مغربي على حقو وطريقو وجلسو يتعشاو بشوية عليهم ويهضرو هوا وياها على المدينة ومأكولاتها حتى سالاو العشاء وحطو ليهم اتاي مع الحلوة وتكى وسام على ضهرو هز واحد الرجل وجر يارا عندو عنقها ، بغات تنوض وزير عليه
وسام: شششت خليك هاكا
عجبعا حضنو الدافىء او يمكن كانت مشتاقة ليه بزااف وحطات راسها على سدرو مستمتعة بالاجواء وهوا كيلعب ليها فشعرها بشوية ويهز يدها يدوز اصابعو بين اصابعها وقال...
وسام: يارا . . . تزوجي بيا؟
هزات راسها فيه مخرجة عينيها وناضت جلسات قلبات وجها وعطاتو بالضهر وناض جلس دور يديه كرشها وهمس فودنها : كنبغيك ايارا...مكاين لاخطبة لا حتى حاجة ... نديرو العقد باش ميحسابش ليك كنضحك عليك . . . شنو قلتي؟
شافت فعينيه مترددة ويدو على خدها كيشوف فيها بندم وحركات ليه راسها بالايجاب ونقض عليها بقبلة فشفايفها ساخنة خلط ليها عنقها مع حنكها بيدو وعنقاتو تجاوبات معاه ، حتى عصر ليها فمها بالبوس عاد شاف فيها : كنموت عليك
يارا: واعدني عمرك تسمح فيا (غرغرو عينيها)
وسام: كنواعدك لأغلى حاجة عندي فهاد الذنيا هي الواليدة انني عمري نسمح فيك وحياتها عمري نخليك وحياتك عندي ما عمرني نشوف فشي وحدة من غيرك كنواعدك ومن غدا نتزوجو
يارا: بصوت هادء ) خاصني نقولها لبابا
وسام: على ذكر باباك ... باباك احبيبة راه فتح والواليد والواليدة مشاو عندو يشوفوه حيت دار عملية على زراعة الكبد وكان فالشك تنجح ولا متنجحش وفضلو ميقولو ليك والو والحمد الله نجحات العملية داكشي علاش مقدروش يوقفو معاك فطلاقك ويجيو عندك حيت باباك كاع ناعس فالكلينيك... دابا العملية نجحات وقلت خلي حتى تعيط ليك ماماك تقولها ليك . مي هانا قلتعا ليك نعنظكش علاش تخلعي
شداتها ودخلات لبساتها وخرجات عندو لقاتو متكي عريان على ناموستها غير بالشورط ، هز عينو فيها شافها خارجة من الحمام بديك لاسوميج سيكسي بدون حمالات صدر ومغطي فيهم غير النص ومزوقين بسينتة مشبكة فالابيض ودوشعرها طالقاه جايا جيهتو كضحك حشمانة ؛ بقا كيشوف فيها ويطلع ويهبط ، حدر عينيه وهز شال طويل بحال الكاش وناض عندها لاحو عليها
وسام: لالا حيديها ... لبسي شي حاجة اخرى حيت حاس براسي ماشي هوا هاداك وكنقاوم شيطاني .(باسها فجبهتها) لبسي شي حاجة مستورة شوية حسن
باسها فعنقها وحنكها لوسات حارين وجلس كيضحك معاها ويهضر ويبوس فيها من كل جوايه وهي كذلك كتشد ليه وجهو وتبوسو فحنمو وفمو وشعرها مدلي على وجهو مغطيهم بجوج ، بقاو هاكاك تحت ضوء الفايوز الخفيف حتى نعسات عليه ولسقات وجها مع وجهو ونعسو معانقين .
صباح جديد جاي وجايب معاه احداث جديدة ، فاقت يارا على سدر وسام من جديد كضحك وهزات راسها فيه وهوا ناعس ، قربات ليه لشفايفو باستو بشوية وعضاتو بشوية حتى حل عينو شاف فيها وضحك
وسام: دابا يجي وقتها ونفرجك لا كي دايرة ...عرفتي احبيبة هاظ التجرجيرة والتسرفيق اللي صبرت عليه عنر شي وحدة دارتو ليا كاااامل غيرجع ليك فنهار واحد غير وجدي راسك وجدي الحديد باش يجمعوك
ناض عنقها ودخل دوش ودخلات موراه من بعد ماخرج هوا ولبسو حوايجهم وشد ليها فيدها هازين الصيكان فيديهم وخرجو من الاوتيل شدو الطريق للرباط فجو اخر مختالف على الجو اللي جاو فيه ، هاد المرة مع موسيقى والضحك والتعناق والبوسان فالطريق كاملة حتى وصلو ، داها لدار واليديه جمعات حوايجها وجرات باليزتها وصاكها فيدها لابسة كسوة طويلة كيما وصاها وسام قبل ماطلع ونزلات بكسوة صيفية طويلة ويديها عريانين وشعرها مطلوق ، شبك يديه مع يدو وهزها باسها وشاف فيها بالتسامة وانطالقو فاتجاه المطار ودعها بعناق حااار وقبلة على الجبين ومشات . بقا واقف حتى طارت الطيارة فالسما وشافها بعينو حتى غبرات وركب فسيارتو ورجع بحالو ، بدل حوايجو ومشا لسهرة توديع العزوبية ديال مع صحابو وعقلو كامل مع يارا دوز السهرة معاهم فالمكان اللي مولفين يسهرو فيه بفنق كولدن توليب ورجع دخل لدارو وبقا واقف كيتأمل ارجاء المكان كيتفكر يارا ويتخيلها كتمشي وتجي فالدار ، شوية تلاشات الصورة ديالها وبلنت ليه الدار خاوية وباااردة بلا بيها ، طلع للدوش دوش وخرج استلقى على سريرو كيتفكرها ، هز تيلي شاف شحال فالساعة وكيحسب ليها الوقت اللي تنزل فيه من الطيارة ، بقا فايق حال عينيه كل مرة يشوف الساعة ؛ يالاه شاف تيلي وهي تصوني عليه ابتاسم وجاوبها فالبلاصة
وسام: الو حبيبة ديالي وصلتي؟
يارا: اه وصلت ههه
وسام: توحشتك
يارا: ههه حتى انا ...شفت بابا وفرحانة ومقلقة فنفس الوقت
وسام: وعلاش احبيبة مقلقة؟ شنو كاين؟
يارا: بابا بسبب مهدي نعس فالكلينيك وفتح على الكبدة
وسام: ناض جلس) كيفاش؟ اش دخل مهدي فباباك؟
يارا: مهدي راه دار واحد الشراكة مع بابا وملشي كان مزيان ولاكن فاش انا هربت وجيت عند طاطا رانيا فاش كان حابسني تعصب وناض دار واحد تخرويضة وفاش وقفت معاه فالمرضة ديالو ندم عليها مي الندم ديالو مطولش حيت مللي طلقت نتاقم من بابا والصفقة اللي بيناتهم مشات وضاع بابا وهوا اللي خلص الخساءر وبالفقصة هزوه للكلينيك مازال معرفت شنو وقع دابا حتى تأثر فالكبدة مي السبب هوا مهدي
وسام: وفين هوا الحمار لاخر؟
يارا: راه مشدود هنا فألمانيا على داكشي اللي دار ... الحمد الله اللي خرجات هاكا
وسام: اففف مشاااكيل ...الحمد لله شفتي الواليدة؟
يارا: لا باقي راهم نازلين فواحد الاوتيل حتى لليل ويجيو
وسام: اااه وي فهمت حنا عندنا الفحر ونتوندما سالقينا بالسوايع ... مهم ردي البال لراسك وعندااك توقع ليك شي حاجة راه نتي هي حياتي ويلى كتبغيني بغي لراسك الحاجة الزوينة وتهلاي فراسك ليا انا
يارا: ههه وسام...
وسام: نعام
يارا: نبغيك بزاااف
وسام: موا اوسي احبيبة كنموت عليك
قطع معاها على ابتسامة ونعس .
داز نهارو ممل مافيه ميدار كيتسنى الليل حتى وصل ووجد راسو للعرس وخرج بكوستيم زرق مغلوق وقميجة بيضاء فاتجاه الاوتيل اللي داير فيه مروان العرس ، تلاقى بجواد و ماريا فالباب ودخلو مجموعين كيضحكو جلسو فبلاصتهم اللي خصصو ليهم قريبة من البرزة وسط اهازيج والزغاريت و اغاني الشعبي للفرفة الموسيقية ، مجمعين كيضحكو شوية جا مروان والعروسة جايبينهم النكافات بالزغارت شاد فيد نهى وجايين كضحكو بشوية عليهم ، دازو قدام الطبلة دوسام وهوا واقف هوا وجواد كيضحكو على مروان ونهى بهستيرية ، بصوت خافت دايزة حداهم نهى
نهى: تهجروه هههه
جلسوها فالبرزة وبدا مروان يشير بيدو ويعيط لصحابو ممسوق لحتى واحد
مروان: واا وساام جواااد وا السااااط اجي نتصورو
جواد: زيد نتصورو فبل ماينوض يجرنا قدام الناس
وسام: خههه... يالاه اماريا
جلس وسام حدا نهى وجواد حدى مروان و ماريا حداه خداو ليهم تصاور وبدا جواد عاصر على مروان ووسام كيضحك مع نهى
وسان: هاي هاي هاي الناس متبتين
نهى: سكت خليني دايرة عقلي راه بغيت نوض نشطح
وسام: نوضي تكعدي والله تا تنوضي
نوضها من يدها وجرات معاها مروان تا هوا على السبة دارهم الوسط ووقفو كيسفقو بيديهم وتلاحو عليهم عباد الله دارو ليهم داءرة كبيرة وبدا مروان يجر فصحابو خشاهم الوسط معاه وجلس على الشطيح هوا ونهى هاك بالاك هاك بالاك نشطو بكل معنى الكلمة وفرح لقا صحابو دايرين بيه نهار عرسو مخلاش من جهدو تا حيد لافيست عطاها لوسام وبقا هوا ونهى يدور فيها ويديها ويجيبها فالشطيح تا كانت غتجي على راسها وشدات فالتاج لا يطيح وهي تهمي ليه فودو بالجهد
نهى: تقطعااات ليا الصندااااالة
مروان صمك جالس كيشطح وهي كتجر فيه تا جات النكافة داتهم ، خلاها مروان كتبدل ورجع جلس مع صحابو فالطبلة كيتجمعو ويضرب فالحلوى معاهم راااشقة ليه تا جات عندو النكافة نوضاتو يجيب العروسة وهوا يقوليها
مروان: طاكسي انا قوليها تجي
جواد: تكعد جيبها قالك قولها تحي واعرة هادي!
وسام : هايا تغضب ليك وتم غادي تابعها طلب وتزاوك
مروان: هانا نايض ...هانا راجع عندكم
مشا وتم جاي هوا ونهى بلبسة اخرى مع النكافات والزغراتات جلسوهم شوية كيتصورو معاهم الناس وهما ينوضو عاوتاني راسهم كيشطحو .
داز العرس فأجواء الضحك والنشاط حتى صبح الحال ومشا مروان فطوموبيل بيضاء صايكها وحداه نهى باللبسة البيضاء وتوادع وسام مع جواد ورجع بحالو .
كل ليلة كيشد الخط مع يارا وكل دقيقة يتاصل بيها والى تعطل عليها كتعيط ليه هي ...البعد خلاهم يعرفو فيمة بعضياتهم عندهم وزاد قربهم من بعض وخلاهم يشتاقو لبعض اكثر من قبل والهضرة على الهاتف مكافياش بالنسبة ليهم .
هاكا دازت العشر ايام . ووصل النهار اللي ترجع فيه يارا وصبح وسام ناشط كيتسناها على احر من الجمر ومشا لرجليه للمطار تعرض ليهم .
جالس فسيارتو لداخل فالساحة ديال السيارات حتى شاف الطيارة دالام ديالو نازلة حطات روايضها على الارض ومشات طول حتى نقصات السرعة وضربات الضورة رجعات مع طريق اخرى وقفات قريبة من سيارة ووسام ونزل كيضحك والدروج ديال الطيارة كيهبطو بشوية حتى استقرو ونزلو رجال مرافيقين للطيارة وموراهم نزلات رانيا كضحك بالسة سروال توب فالباج كلاص وقميجة بيضاء وشعرها مطلوق انيقة للغاية ورقيقة تعرض ليها وسام حال يديه عنقاتو وباسها لوسة حارة فحنكها وهي كتعنق فيه وتعاود وموراه نزل باه بدجين وقميجة زرقاء تسالمو بالاحضان وبقاو كيهضرو حتى نزلات موراهم يارا شافها مشا قف حدا الدروج قبل متحط رجلها فالارض هزها عنقها بقوة قدام مو وهي كتشوف فيهم فرحانة وعاصم كيضحك ، عنقاتو يارا تا بدات كتبكي وحطها فالارض باسها من جبهتها ورجع عنقها ، وهي فحضنو شاف واليديها نازلين موراها وحدر راسو تفكر شنو وقع فالماضي وسلم عليهم دار الصواب ولاكن يارا حيدات الحاجز فاش عنقاتو قدام واليديها فرحانة كضحك وحتى واليديها ضحكو ليها ومعارضوش
شدات فيدو ةمشات ركبات معاه فالطوموبيل بوحدوهم وواليديهم ركبو بوحدهم ، شد الطريق هوا وياه موحشها كيبوس ليها يدها وهيا كتعنق فيه وقلب الطريق لبلاصة اخرى
وقف فبلاصة بجنب البحر ونزل نزل معاه يارا وهوا كيضحك ضمها بقوة وتكى عليها فالباب ديال الطوموبيل
وسام: توحشتك ... جبتك لهنا نجلسو شوية نشبع منك
يارا: ههه توحشتك حتى انا ولاكن خصنا نرجعو للدار
وسام: اجي بلاتي خليني نبوس شوية ونمشيو
شدها تكاها بالبوسان لداخل فالطوموبيل وجلس كيهضر معاها ويبوسها تا طاح الضلام ورجع هوا وياها وصلها لدارو اليديها وقلب الطريق عند مو ، دخل للدار كيسول على رانيا وطلع عندها للبيت لقاها جابدة التكاشط مستفاهم فوق الناموسية وكتشوف
رانيا: اجي فين اللي حسن هادي ولا هادي
وسام: ماا نعرف المهم دابا جيت على قبل يارا ... فوقاش غتهضري مع واليديها
رانيا: هههه على انا عاد غنهضر ! هضرات معاهم هي وشحال وهي تهضر عليك ودور دور وتجبدك داكشي علاش لقيتي باها راضي ونسى اللي فات
وسام: واالي ! هي صافي
رانيا: شنو اللي صافي؟
وسام: شوفي نجيك نيشان ... ماباغي لاخطبة لا سيدي زكري غنمشو غدا نخضرو لعرس ديال عهد ونرجعو نديرو لاكط نيشان اصلا انا ويارا على علاقة ممحتاجش للخطبة .
غدا غنهضر معاها فاص فهادشي باش غير نرجعو نديرو العقد وماباغي لا عرس لا تا وزة ...داك الصدع ماخصنيش بيه الا الى بغات يارا نديروه نديروه
رانيا: وا يكون خير يكون خير سير دابا خليني نشوف شنو ندير ونعس راه راسي تقسم ليا بالطيارة وغدا عاوتاني نشدو الطريق لمراكش عييت
وسام: يالاه عانا مشيت
مشا لبيتو دخل وسد عليه كيهضر مع يارا ويتغزل فيها الليل كامل .
صباح جديد تلاقى فيه وسام بيارا وخلا رانيا كتوجد راسها تمشي للعرس ومشا هوا عند يارا تلاقاها و دردش معاها كمل يوم وقبلات دير العقد من بعد مايرجع مباشرة . داه الوقت ونسى راسو ونسى رانيا تا ضلام الحال عاد وصل يارا للدارهم ورجع شد الطريق مع رانيا للعرس.
اتصالاتو مع يارا مكتحبسش حتى رجع من العرس ومشا هوا وواليديه لدار يارا استقبلاتهم بقفطان بلدي وجلس تافقو على ان العرس غيكون حفلة بسيطة بين العاءلة المقربة فقط . دارت يارا العقد معاه وتفرقو المشروبات والمأكولات توادعو بالاحضان ورجع بحالو .
اليوم يوم جديد . فمنزل يارا المزوق بالورود فين غيديرو الحفلة حاضرين جميع الاهل والاصحاب والكل فرحان ليهم . وسام بكوستيم اسود فكامل اناقتو كيتسنى عروستو تنزل وكل شوية يشوف الساعة . فلحضة هز عينيه مع سماع اغنية العروس من طرف الفرقة الموسيقية شاف يارا فتوبها الابيض بكتافها عريانين وتوبها المنفوخ وشعرها المطلوق وتاج من الورد على راسها وبقاة ورود فيدها بيضاء ، اميرة شادة فيد باها وجايا جيهتو بابتسامتها المعهودة امام كامرات الصحافة ، شدات ليه فيدو وهز عليها توب على وجها وباس فجبهتها وهمس فودنها
وسام: هادا اخر نهار غتلبسي فيه شي حاجة معرية ههه
شافت فيه كضحك كانت متوقعة يقولها شي حاجة اخرى . رقص معاها رقصة العرسان وهوا كيتأمل ملامحها الجميلة . كانت الفرحة باينة فعينيها واخا متخوفة تهبط ومتلقاها ولاكن بعد ما شافتو واقف كيتسناها تنفسات الصعداء ودارت يدها فيدو بعد انتهاء الحفل وانطالقو لبداية حياة جديدة .
الليل واضواء الفيلا فبيت وسام كاملة مضوية من الدخلة دالباب . نزلات من الطوموبيل كضحك حشمانة وهوا يهزها دخل بيها للدار غادي كيبوس فشفايفها حتى لغرفة النوم . دخل وسد الباب برجلو ووقف موراها فالمرايا كيبوس عنقها وكتافها ويدو كتحل ليها السنسلة دالكسوة من الضهر . هبط ليها الكسوة وشاف صدرها المعري فالمراية وكمل ليها الكسوة حتى نزلات لتحت وبدا كيديحد فلافيست والقميجة بالزربة حتى تعرى وهزها بلهفة حطها فوق السرير .
صباح جميل كيشهد على ليلة دوزوها العرسان من اجمل الليالي ،
ضربات فيهم اشعة الشمس من الزاج وتقلب وسام على جنبو عنقو يارا كيفتح عينيه بابتسامة يالاه بدا كيبوس عنقها وهوا ويوقفو رنين الهاتف ديالو. خلاها ناعسة وناض وقف لوى عليه فوطة وهز تيليفون وقف حدا الزاج
وسام: الو
الشخص: السي وسام
وسام: اييه هوا هادا
الشخص : معاك سمير ايلى مزال عاقل عليا...سمح لي عيطت ليك هاد الصباح
وسام: شكون سمير؟
سمير: انا سمير اللي كان وقع ليك معايا داك المشكل شحال هادي....سارا
دازت دابا 6 شهور على زواجهم . حاملة فيها يارا بالحفيد الاول ل آل بن خليفة والكل واخد بيدها وداير ليها خاطرها واولهم وسام . كلف ليها مدير يتكلف بالشركة ديالها هي ومو باش تهتم براسها وبحملها ومضغطش على راسها وتبقى تمشي بعد المرات للشاركة . اليوم خرجات معطلة من الشاركة وتيليفونها طافي . طلعات فسيارتها فاتجاه دارها ودخلات لقات وسام غيتسطى واقف ليها فالباب
بالنسبة اللي كيقولو زربت فانا مزربتش حيت مكانش هدفي نحكي القصة ما بعد الزواج .. فقط كان هدفي نوضح بعض الامور فالقصة بين جوج بغاو بعضياتهم وشاءت الاقدار انها دوزهم من عدة تجارب .
هنا وصلات النهاية دالقصة لانها ماعندهاش علاش تزيييد تطوال بزااف كتر من القياس حتى تحماض .
قلب جريح الجزء 18 و الأخير
محتوى القصة
التنقل بين الأجزاء