طفات الكارو بعد ما كماتو بزز وتكات على الفوطوي حداه وهوا يدو مور ضهرها على الفوطي شبه معنقها
وسام: بابتسامة)وشحال فعمرك؟
سارة: سميتها 20 سنة
وسام: تقدري ترجعي تكملي قرايتك باقة صغيرة
سارة: لالا مكنفكرش ، مابقاش عندي العقل دالقراية
تنهد ورجع شعل كارو اخر وبداو كيهضرو ويتجمعو ويتعارفو تا داز الوقت بلا ميحسو وشتفت الساعة وهي ...
سارة: خصنا نمشيو ، تعطلنا
وسام: اوك يالاه
ناض وقف مد ليها يدو وراها تيليفونها محطوط فوق الفوطوي باش تهزو وهي فهماتو غلط وشدات فيه تا نتابهات راسها لتيليفونها وهزاتو ، ابتاسم فاش شدات فيه وعاود مد ليها يدو بعد ما رجعات هازة تيليفونها وشدات فيه مرة اخرى ومشاو مشادين اليدين عند سكينة بقات كتشوف فيهم مصدومة وسارة فرحانة شابكة صبعانها مع صبعانو
وسام: مشينا؟
جواد: يالاه...نتحركو
مشاو مشادين اليدين فالمقدمة وسكينة للور هي وجواد كيهضرو عادي على امور الخدمة الى اخ تا وصلو للطوموبيلات وحل ليها الباب ركبات حداه
وسام: جوااد...انا راجع للرباط نوصل البنات
جواد: تا انا غادي
فاللخضة اللي وسام هاز راسو كيهضر مع جواد سارة شادة الباب ماخلاتش سكينة تركب وكدفعها بعينيها باش تمشي تركب مع جواد وتخليها الراس فالراس هي وسام ، عيط ليها جواد ركبها حداه وشدو الطريق
الطريق كاملة وسارة مفارقاتهاش الابتسامة غادين طالقين الموسيقى وكيتجمعو و يضحكو تا وصلها للبلاصة اللي هزها منها وسلمات عليه من الوجه ونزلات ، شافت موراه لقات سكينة كتعطي النمرة ديالها لجواد فالطوموبيل وضحكات ونزلات تا هيا ومشاو الطوموبيلات كيطيرو وحدة مور وحدة ، شدات سارة فسكينة كتفرنس
سارة: اويييلي غير خليها عالله ، عرفتي حسيت بالراحة دابا ، كان قلبي مقبوط ودابا كنحس بالفرحة فاش خرجنا .
سكينة: طلعي تلاحي قبل مايعمر الطاكسي ونبقاو هنا ، غتكلبي الطاكسي بريحت الكارو غا زيدي
سارة: يعاود لمهم ...يالاه طلعي.
وصل وسام حتى ضلام الحال لدارهم بعد ما مشا هوا وجواد عند مروان جلسو معاه العشية كاملة ، شرب حتى تصمك عاد رجع بحالو دخل لقا لافامي جالسين كيتعشاو ، داز حداهم لاح السلام وبغا يطلع تا وقفو صوت راجل كبير قوي جالس فالسفرة لابس سروال توب وقميجة وعندو الكرش خارجة شوية طويل القامة وعامر جسمو لون عينيه عسلية بحال عيون وسام وشعرو ابيض
يعقوب: وساام
بعد ما كان طالع فالدؤوج زربان وقف ودار كيتنهد وسقلب فعينيه
وسام: وي مون جنيرال
يعقوب: اجي عندنا شي هضرة
رانيا: اجي تعشا هههه (كضحك عليه)
وسام: لا بالصحة عيااااان
يعقوب: بجدية) وسام بن خَليفة
وسام: تحت سنانو) مشاااكيييل...هاوا جااي
مشا جلس معاهم فالطبلة ريحت الشراب كتخرج من فمو كتشم من بعيد ، ريحة نقية على حسب نوع المشروب اللي خدا ، عكس المشروبات العادية متخلي ريحة خانزة بحال الجيفة . بدات رانيا كتحط ليه ستيك ديال الدجاج مشوي مع الخضرة ناشفين ، شافها وهوا يعبس
وسام: كتحطي ليا هادشي ناشف كنت كنعلف مع الحوالا انا ولا شنو؟!!!
رانيا: ههههههه غير صبر ها لاصوص...بغيتي ديال لافوكا ولا المونك؟
يعقوب: لا ابنتي راه الشيفور كيتسنى برى...يلاه نصبحو على خير (شاف ف وسام) نقص شوية من الشراب نقص راه ولا عندك بحال اتاي ، عنداك تمشي الخدمة شارب بحال المرة اللي فاتت وتنقز من الطيارة يمشي يجي راسك على شي حجرة ونفقدوك ، بعد من الطياير راه ماشي السطاج ديالك هاداك
خرج خلا رانيا حاللة عينيها فوسام هي وعاصم
عاصم: كيتحلف بيديه)عرفتو كان شارب ديك المرة اللي نقز فيها وتهرس من يدو !
عاصم: تنهد) خليه دابا ياكل ويطلع ينعس ماخصنا صدع هاد الليلة ، اللي فيه شي بلية فيه ، كن دخلتو وهوا صغير عندي للميدان ديالي مكانش غيتبلى بهاد التنقاز كل مرة ... جدو الله يهديه لسق عليه دخلو معاه تا بلاه لينا بالضرب والجرح تا وحلنا
وسام: ناض) بون وي
عاصم: يالاه...ميخليكش تهضر وتوريه مصلاحتو ، دغيا كيتعصب وينوض . دابا كن كان فالخدمة قدام يعقوب واقف قدامو مكانش غيتحرك واخا يطرطق ...واللهيهلا كيعبر عليه ، كيجيبو تا للخدمة ويبقا عليه هاك بالاك وهوا واقف مكيقدرش يهضر ، كيولي غير وي مون جينيرال وس مون جينيرال ، غير كيجي للدار كيولي يدير مابغا مكيبقا ني جنيرال ني يعقوب بن خليفة
رانيا: وراه الخدمة هاديك سينوغمال ينضابط فيها ، راه مكيخافش عنداك يحساب ليك كيخاف ، راه غير كيفرق بين البلايص اللي خاص يتعامل فيهم بالرسميات وبين البلايص اللي كيولي واحد اخر ، فالهدمة مكيبقاش يحسبو جدو ديك الساعة ميولي يحسبو جنيرال عليه ، مي برى الخدمة كيولي جدو ماشي جينيرال
عاصم: اودي عارفو مكيخافش، واش كن كان كيخاف غينقز من الطيارة ويضرب الكولونيل فأول سطاح عندو فالخدمة؟!
رانيا: ماتزيدش فيه كان صغير يالاه بادي وزاديون جينيرال يعقوب راه مرحموش ، دوز فيها 15 ليوم وهوا فحبس انفرادي فالاكاديمي...ايوا البلية كنطلبو من الله يعفو عليه من التنقاز .
* * *
طلع لبيتو نيشان دخل للدوش لاح حوايجو تما ودوش بماء بارد عاد خفاف راسو شوية، لبس شورط كحل عندو سيور فالزرق قصير رطب وتكا على ضهرو شوية وهوا يسمع صوت تيليفون " ترن🎶" هزو لقا مسج من ضحى للي كاتب فتيليفونو
سارة: لالا صافي ...غنمشي عندها انا ، قريبة ليا مبعيداش
وسام: قنطتي؟
سارة: اه..قلت نتوانسو ، الدار سافرو بقيت غير انا وخويا وخويا مشا بات مع صحابو وخلاني بوحدي
وسام : الى قنطتي ندوز عليك
سارة: لا ماشي مشكل غير...
وسام: وصافي انا شوية وندوز عندك ، فين غتكوني؟
سارة : اجي عندي لحي النهضى عرفتيه
وسام: امم..عرفتو
سارة: حدا دار الخبز
وسام: ماعرفتش فين جات مي غنقلب عليها
سارة: واخا
وسام: نص ساعة نكون معاك
قطعات معاه وهي طايرة بالفرحة مخبية كتهضر فتيليفونها فالبيت ، شافت الساعة لقاتها 1h دلليل خرجات كتسلت شافت حنان كتشخر بعد ما رجعات من الخدمة ومشات جابت كسوة بقوامها من عند سكينة و دخلات وخوات عليها قرعة دالريحة فالدروج عاد طلعات للدار دوشات و تعشات فهدوء هي وحنان وكل وحدة غارقة فهمها، حنان غارقة فالمساجات مع الصاحب وسارة خدامة كتبلاني للبلان ، حتى تبتات حنان وخلاتها نعسات ودخلات جبدات شعرها قاداتو ولبسات مسوة كحلة باليدين حتى الاكواع مشبكين والضهر عريان حتى للخصر وقصيرة تا للفخاد وسامبل من القدام ، هزات الصباط دارتو فميكة ودارت مكياج ولبسات عباية كحلة وشال كحل وتوب كحل على وجها بحال الخمار وهزات الريحة و وبوشيطة فاليد وخرجات من البيت كتسلت حفيانة شادة البلغة فيدها ، سدات بيتها بالساروت ومشات يالاه وصلات للباب وهوا يصوني تيلسفون د سال الدار ونقزات هزاتو بالخف جاوبات بصوت خافت وكطل على حنان فالبيت واش ناعسة
سارة: هانتا عيطيتي فديال الدار ولقتيني حداه ، حساب ليك انا بحالك يا الغداار ، سير سير خليني نعس البنت غتفيق
سمير: بسلامة
قطعات يعدما تبتاتو وطلات لقات حنان كتشخر ومشات شافت تيليفونها لقاتو دايرة ليه فيبرور ، بعداتو عليها وطفاتو ورجعات حطاتو ليها ومشات خرجات وسدات الباب بشوية ودارت لتام كحل وهبطات كطير مع الدروج قلبات الدورة فالليل كتسلت تا وصلات لدار الخبز وتخشات فواحد العمارة حداها وتخبات مور الباب كتسنى وسام يوصل.
* * *
من بعد ما قطع معاها ناض كيتنهد عارفها بغات تخرج فاش لقات فرصة ان دارهم خرجو ، هاكا كيحساب ليه هوا . لبس حوايجو ،جين زرق مع قميجة بيضاء فيها خط كحل الوسط نازل حدا الفتحات ديال الصدايف الشىء اللي كيميزها انا كتمشى مع الاحدية الرياضية الانيقة دالمشي ماشي ديال اممراسة الرياضة منها للحم وساعة كحلة د الجلد فيدو حداء راياضي اديداس فرجلو وبارفات ومشط شعرو علان محسن حسانة عادية بلا تشاوك بلا والو ، هز تيليفونو وسوارتو وخرج من البيت بقا غادي مع الكولوار جيهت الدروج حتى قشع صاحبة العيون البراقة خارجة كتسلت عاطاه بالضهر كيبان من ملابسها وسط الضلام لابسة شورط ابيض قصير ومن الفوق مكيبان والو لان شعرها نازل مور ضهرها كل خصلة ملوية بوحدها حتى للمؤخرة مغطي ليها ضهرها ، رجع تكى بضهرو على الحيط باش متشوفوش وميل راسو شوية شافها كتسلت بخلفات تابتين كيبانو رجليها شوية من الضلام انها حفيانة وكتسلت بحال الى كتمشي على البيض خايفة تهرسو ، طولها متوسط ماقصيرة ما طويلة كتبان فالضلام بزز باش كيميز شكلها ، خلاها تا مشات فاتجاه بيتو وتبعها بلا ميدير الحس كيشوف شنو باغا دير وشكون هي تا وصلات لباب بيتو وتحنات شوية حدرات راسها ودفعاتو بشوية بدات كطل وهوا موراه كيشوف ومرة مرة يبتاسم لحراكاتها لا اراديا ، خلاها حتى تأكدات انه مكاينش فالبيت ورجات بخطوات اللور سدات الباب وهي تسدو على صبعها وتكمشات فبلاصتها كتكمدها قاطعة الحس وصوت الانين بصوت رقيق كيخرج منها تعبير على الالم اللي حسات بيه فاش سدات عليها الباب ، غلباتو الضحكة وحط يدو على فمو بالمقلوب حبساها وخلاها راجعة بشوية ضارت عندو بالجنب وسط الضلام كتمشى راجعة منين جات تا قربات توصل لبيتها وهوا يتحرك شدها من للور تا قفزات بلا متغوت فقط صوت الانين خرج بصوت خافت بحال شي قطة فقبضة الوحش وجات يدو على صدرها لقا قلبها كيضرب فكف يديه بالجهد و دقاتو متسارعة غيخرج من بلاصتو بالخلعة ، حكمها مزيان تهزها من الارض وهي كتعفرت وتفركل بيديها ورجليها وكتخبي وجها عرفاتو هوا اللي حصلها من الريحة ديالو اللي شمات
وسام: شادها ملور بسيف) اجي لهناااا ...شدييتك
يارا:اهعع..اننن انن اهنن ..انن(كتفرك وتخبى)
شدها كتركل وتأنأن وحاس بقلبها كيضرب فالتسعين ومابغاش يطلقها تا سمع صوت مألوف من موراه
رانيا: بغضب)وسااام...الله يعطيك المسخ
طلق من يارا وهي تهرب كطير دخلات بيتها وسدات الباب ، دار عند مو وهي تشعل الضوء وجات عندو كتزر طلعات معاه قرصة من جنبو
رانيا: محشمتيييييييش بقات ليك غير البنت تحرش بيها
وسام: بصدمة وصوت خافت) والله متحرشت بيها ، شكون هادي؟
رانيا: الله ينعلك ! شادها باغي تكرفس عليها ؟؟
وسام: كيحلف ويعاود) وابغيت غير نعرف شكون ؟ شكون هادي؟
رانيا: يارا بنت صاحب باباك اللي المانية ...علاش تهجمتي عليها حشوومة عليك ... اش قربك لبيتها؟
وسام: شكون ؟؟ يارا! من امتى وهي هنا؟ واش يارا ديك البرهيشة بنت 16 عام؟
رانيا: لا ...هادا صاحب باباك واحد اخر مغتعرفوش عندو بنت وحدة هادي سيمانة باش جبتها معايا من المانيا بزز باش طلقو منها واليديها ، (هزات صبعها كتحدر) والله ومعطيتيها التيقار تا نعرف شغلي معاك ، ولا نقولها ليعقوب يتفاهم معاك
وسام: يارا!!! معرفتهاش!
رانيا: قرصاتو) اش بغيتي تعرف ونتا ماااااااال حسك مقدوكش البنات اللي على برى كالس كدور بيها
وسام: ااااحح...راه غير شفتها كدور بلليل وخرجت فيها وصاافي !
رانيا: خرج سير فين كنتي غادي بعد من البنت راه متصلاحش ليك ، نعاااود نلقى والديك زامطها فشي ركنة نديكلاري بيك ليعقوب يالاه خرج
رانيا: ديها فرااسك وماشي شغلك يالاه تحرك من هنا ، وا نعااود نلقاك كدور ببيت بنتي نوري حسك ...يالاه تحرك
مشات قدامو كتشوف فيه عاقدة حجبانها ودخلات عندها للبيت وزدحات ليه الباب فوجهو وخلاتو واقف كيحك لحيتو دخلو الفضول وباقي ساهي كيفكر تا صونا ليه تيلي وخرج كيهضر
وسام: الو ضحى...انا جاي 5 دقايق نكون معاك
قطع ومشا ركب كيطير تا وقف حدا دار الخبز وهي تقشعو سارة من الباب دالعمارة اللي مخبيا موراه وحيدات العباية ولتام خشاتهم فميكة وخرجات كتقرقب بالطالون خشات الميكة فقنت فجردة د العمارة خباتها وقطعات الشارع كتزر تا طلعات حداه لقاتو شاد تيلي باغي يعيط ليها
سارة:بابتسامة) وساام
وسام: اهلا ... (طلع وهبط فيها ) تعطلت عليك يمكن
سارة: كتسلم عليه من الوجه) لا ماشي مشكيل
وسام: فين بغيتي نمشيو
سارة: فين ما بغيتي غير منبعدوش ، خاصني نرج قبل الفجر
وسام: ياك كنتي ناوية تباتي مع صاحبتك ، علاش غترجعي قبل الفجر؟
سارة: بتردد) امم..غير خفت وصافي ..ركبني الرعب من خوتي
وسام: مكاين لا رعب لا والو ...يالاه تا لغدا ورجعي
سارة: ههه اوك سير اللي ليها ليها
ديمارة اللوطو وزاد كيضحك هوا وياها تاوقف حدا غيسطوغون كبيرة فطريق زعير "ريكطو فيرسو" ، نزلات كتقرقب بالطالون ومد ليها يدو شدات فيه ودخلو من باب خاص غير الباب اللي كيدخلو منو الناس ، مشات مع ممر شادة فيه خاوي مفرشة فيه زربية حمرة وطلعو مع الدروج تا وصلو للطابق الاعلى ، خاوي فيه جلسة راقية ، عجبها الحال وهي تقشع جواد ومروان جالسين معاهم البنات والدراري ولاد الاليستوقراطيين ، سلمو عليهم وشافت البنات فلباسهم واناقتهم باينة فيهم بنات الهاي
جلس معاهم وجلسات حداه سارة لقات الطبلة عامرة بطباسل دالعشاء اشكال وانواع و فيها بانيو دالزاح كبير الوسط فيه التلج والقراعي دالشراب والبنات كيشربو ، جا النادل بلبسة رسمية و بكيسان جداد حطهم وعمر ليهم الكيسان واستأدن ومشا ، هز وسام الكاس لوا عليه كلينيكس وعطاه لسارة وهي دايرة رجل على رجل دافعة كبير وساكت بدات كتبتاسم بشوية ، شداتو وتكا على ضهرو دار يدو مور ضهرها وبدا يكمي و يشرب بلباقة ، موسيقى مجهدة واضواء خفاف والجو مع رومانسي ، كل مرة يدور يشوف فيها ويضحك معاها ويتجمع هوا وجواد ، عجبها الحال وشافت كلشي كيشرب وبدات تشرب بزز وكتسرط بزز ومكتبينش انها مكتشربش باش مضحكش عليها البنات، حسات براشها بدات كتلف وراسها كيتقال وكتشمع فالطابق السفلي الزديح الرديح وهي تسولو بهمس فودنو
سارة: شنو كاين لتحت؟
دار عندها هضر ليها فودنها بابتسامة
وسام: سهرة لتحت...وهنا فين كالسين حنا v i p مكيطلع حد ، مكنشوفوهم مكيشوفونا
سارة: اممم
وسام: شوفي فيا!
شافت فيه عينيها دابلين وهوا يضحك
وسام: سكرتي ههه
سارة: هههه
وسام: هههه براكة عليك
حيد ليها الكاس حطو وبدا كيهضر هوا وياها بهمس تا بدات كتميل ولاحضها فيها حتى جواد وهوا يضحك معاها
جواد : امالكي دختي ههه
سارة: هههه (حطات راسها على كتف وسام)
وسام: نمشيو؟
سارة: يالاه
ناض وقف وشد ليها فيديها وقفها ودور يدو مور خصرها شادها تا وصلو للدروج وهوا يهزها هبطها كيضحك معاها فالدروج ، حطها فاللوطو وركب حداها وقلع حال الزاج جيهتها باش يضربها البرد وتفيق ، بدقات غادة تا حسات بنسمة دالبحر كضرب فيها وهي مرخية تا وقف حدا باب فيلا كبيرة وتخل راسو ودخل نيشان للباركينغ دلفيلا ونزل خرجها دايخة ، هزها طلعها فالدروج لقا الخدامات فالكوزينة شاعلين الضو ومشا طلع لبيتو دفع الباب برجلو ودخل حطها فوق الناموسية
خرج من البيت وخلاها متكية دايخة ونزل للكوزينة وجدو ليه قهوة وطلعها ليها البيت جلس حداها فوق الناموسية وهزها
وسام: ضحى ..ضحى ، هاكي شربي هادي باش تفيقي
سارة: انن...واخا
شربها لها بزز وخلاها ناعسة كتفيق شوية بشوية ، وقف حيد القاميجة حطها ودخل للدوش بدا فيه ، خرج لابس شورط قصير والفورمة عامرة ، كنافو عراض و السنسلة رقيقة فالعنق مذهبة ، لقاها متكية كتشوف فيه وضحك ليها ومشا عندا تكى على جبنو حداها وحط يدو على وجها
وسام: بصوت خافت)شوية دابا؟
سارة: امم (حركات راسها بالايجاب)
بقا كيشوف فيها وهي تحط يدها على السنسلة بدات كتاعب فيها ، قرب بشوية لفمها باسها وهي تندامج معاه بزربة وعنقاتو .
* * *
دخلات رانيا لقات لارا مكمشة ففراشها كترعد وخبية وجها كتبكي وهي تجلس حداها حطات يدها على راسها كتلعب ليها فشعرها
رانيا: صاف امامي متخافيش...مشا ميعاودش يقرب ليك
يارا: الصمت(كتبكي)
رانيا: صاف احبيبة متخافيش ، اخر مرة يقرب ليك ...نوضي احبيبة غسلي وجهك براكة عليك من البكى
يارى: اننأ (خبات وجها)
رانيا: يارا...نوضي امامي كنواعدك ميعاودش يقرب منك
طلات بعينيها من تحت الغطا وجبدات مذكرة ديالها من تحت المخدة مركب فيها ستيلو وتحنات عليها وشعرها مدلي مغطيها بدات كتكب ، مدات ليها المذكرة وتقلبات الجنب تغطات ، شدات رانيا المذكرة كتقرى " نمشي بحالي "
رانيا: وعلاش احبيبة ??? هانتي معايا تا تسالي العطلة ونرجع معاك حتى لالمانيا ، هانتي مع طاطاك رانيا اللي عزيزة عليك وعمو عاصم
يارا: لا رد
رانيا: كداعب ليها شعرها) انا كنواعدك منبقاش نخليه يجي لهنا صافي؟ اخر مرة يجي ، غدا نسافرو انا و حبيبة ديالي لايفران نوريها ايفراان و نمشيو للطبيعة غير انا ونتي صافي؟
يارا: انأ (حركات راسها بالايجاب تحت الغطاء )
رانيا: ههه ..يالاه نعسي دابا و غدا جمعي حويجاتك نمشيو
باستها فراسها وخرجات خلاتها ناعسة وسدات عليها الباب .
عوجات سارة فمها وماداتهاش فيها وسمحات فيهم فالطاكسي خلاتهم كيشوفو معجبهومش الحال وشدات طاكسي اخر مشات عند مها ، دخلات هازة بنتها سلمات عليهم ضاحكة وجلسات تغدات معاهم تا سالات وناضت تمشي
سارة: ماما...انا نخلي ليك دينا ، لنا وليت خدامة معازنة انا وسمير على الزمان ، قابليها ومن الويكاند للويكاند نجيبها لداري و مرة مرة فاش نخرج من الخدمة نجي نطل عليكم
الام: ايه مكاين تا مشكل ، تونسنا نيت
سارة: ههه شكرا ، يالاه هانا مشيت ، غنرجع للخدمة
الام: الله يرضي عليك ابنتي ، سلمي على سمير
سارة: يسلم عليك الخير ، سلمي على بابا فاش يرجع بسلامااا
سكينة: فالصالون مع سعاد ...مالقيت فين نمشي اصاحبتي كان خاصني ضاروري نخرج من الدار باش ميقولش ليا الراجل مالكي جالسة ، شهادة طبية فيها سيمانة وانا نبقى نمشي للخدمة ! مالقيت فين نمشي وجيت جلست فالصالون تا يوصل الوقت اللي كنخرج فيه من الخدمة ونرجع للدار
وصلو لاكدال ونزلو بقاو سكينة واقفة كتقاد سروالها من اللور
سكينة: فين نمشيو دابا؟
سارة: اول حاحة بعدا نمشي نشري تيليفون اخر جديد ندير فيه لاكارط الجديدة باش يبقاو شاعلين بجوج ، ونمشيو لمونكو ولا بيلبو نشوفو نوفيل كوليكسيون نشريو الحوااايج الحوااايج هههه
سكينة: منين جاوم بعدا؟
جبدات سارة كارط وراتو ليها وكضحك وطلع حجبانها
سكينة: هي سمير تفوبر عليك ههه
سارة: النم....زيدي وسكتي تا لمن بعد ونعاود ليك
مشاو ميدورو ويتسركلو ، ودخلو لمكازة ديال التيليفونات شرات اغلى تيليفون كبير ايفون ولسقاتها سكينة على تيليفون ايدج كيدير 4500 درهم شراتو ليها وخرجو فرحانين كيضحكو من ودنيهم ، دازو تقداو الحوايج بجوج ماقصروش من جهدهم ، ماخلاو ماشراو ، الصنادل والصبابط المساوي السراول السيكان الروايح الى اخ...، كل وحدة هزات فيديها سيكانها ومشاو جلسو فقهوة دلاكلاص حطو ليهم ليهم لاكلاص وجلسو كل وحدة جبدات تيليفونها شعلاتو وركبات فيه الكرطة وجلسو كيبقشو فيه فرحانين
سكينة: ناااري ضربت لسقت ...دغيا عطاك الكارط ياختي
سارة: وراه خرجنا لبارح بليل وسكرت ومشينا لواحد الفيلا فهرهورة وااااعرة قدها قداش كدوخ وطلعني لبيتو ، غا بيتو ياصاحبتي وااعر وريحة فيه كتحمق ومتييسع داكشي طووب ، ناااري ياصكعة مابلطش بزااف فالشراب وبقيت شادة راسي شوية وشفتو عريان لابس شورط قصير دوخني ، نااري على فوورمة ناااري كيسطي ، كي ضحكتو كي هضرتو كي الفورمة والعضالات اصاحبتي بااينة فيه مخدووم مزياان ماشي ديال البروتينات وليباري اللي كيضربو الدراري باش يتنفخو ، هادا تقييييل وقاصح باينة عليه متريني ياختي ...جات معاه جنرال والله مكالو جينيرال تا جنيرال نييت وضرييف حمقني ، ولاكن هاد النوع واخا كيكون ضريف باينة فيه صارم ومعندوش مع الزيكزاك وكابر قاصح ، نهار يعيق بيا نمشي فيها
سكينة:هزات حاجبها) باش عرفتيه تقيل؟
سارة: وراه باسني ياختي ، غير باسني مقدرتش نبعدو حمقني ، داكشي عندو فشكل كيعرف يتعامل حسيت براسي مع راجل ديال بصح ، الزين ولاطاي والهضرة كاملة تقريبا بالفرونسي ، كيهضر بشوية وهوا حدايا كيهضر ومكنسمعوش ، اما كنهضر كيسمعو الفيلان اللي حدانا
سكينة: بااااش عرفتيييش تقييييل
سارة: ههههههه ...كنا كنتباسو تا طلع عليا بغا يحيد ليا الكسوة وانا نوقفو ، وتاهوا مبززش عليا بقا معنقني كنهضرو ونتباوسو وريحتو مسكراني تا نعسنا...حسيت بيه تزير وكل مرة كنشبوكها بوسان كيبغي يي راكي عارفة وكنوقفو ، حست بيه واحد اللحضة تعصب وبانت فعينيه واخا متبغاش يبين ليا ، صافي ديك الساعة جمعت فمي باش منزيدش نسخنو كتر من القياس...وهوا اللي خلا ليا هاد الكرط عند الشيفور ههه
تلفتات يارا مبتاسمة ببطىء ، وجه داءري و بشرة بيضاء نضيفة متوحدة اللون وشفايف وردية ممتلءة جذابة عندها خالة صغيرة فاسفل شفايفها فالجنب وخدود مشدودة فكل مرة تبتاسم كيبرقو سنانها بالبيوضة و كتبان حفرة دالزين فالخد الايمن ، عيون لوزية لونهما بين عسلي متموج مع لون اخضر وسط عدسة العين الكبيرة كيحيط بيها بياض العين فقط من يمين العدسة وشمالها ، وشفار كثيفة مزدحمة ومقوسة للاعلى الشىء اللي عطا لشكل العين نضرة ساحرة وجذابة ، فوقهم حواجب كثيفة بنية ومرسومين بدقة برزو شكل العين ونضرتها ، بلل مكياج بلا والو بشرتها نضرة وكلشي فيها واضح وطبيعي ، باتاسمات وهي كتهبط شعرها على وجها للجنب
رانيا:تمشيو؟
حركات ليها يارا راشها بالايجاب ومشات جرات باليزتها الوردية بيدها الصغيرة واصابعها الجميلة مزينهم خاتم رقيق فيه بولة من حجر الالماس وساعة فاليد من الذهب الابيض مزينة بأحجار صغير من الالماس فالوسط ، جراتها ومشات قدام رانيا بخطوات مستقيمة فخط واحد ورانيا حداها حاطة يدها على كتفها
رانيا: صافي خلي لافاليز دابا يهبطوها ليك
خلات يارا الفاليزة ونزلات فالدروج مع انيا حتى خرجو لبرى لقاو الشيفور واقف حال ليهم الباب ، فديك الاثناء دخلات السيارة د وسام وقفات حدا سياراتهم ونزل بنفس اللباس اللي كيخلع رانيا فاش كتشوفو لابسو ، اللباس الاسود الرسمي وطربوش ديالو فيه علامة النجمعة لقدام ، نزل بزربة داير نضاضر دالشمس ، حيد الطربوش لاحو فالطونوبيل وهبط عينو مركزة نيشان على يارا وهي واقفة عاطاه بالضهر ، تقدم بزربة جيهتم وقبل مايوصل يطلعات يارا بزربة وشدات عليها الباب وطلعات الزاج ديال السيارة الاسود مابقاتش وقلبات وجها للجهة الاخرى ومابقاتش كتبان ، رانيا حتى كانت غتركب وهي تشوفو وقف عليهم ورجعات وقفات
رانيا: مالك ياك لاباس؟
وسام : كيدقق النضر فالزاج ) فين غاديين؟
رانيا: مسافرين علاش
وسام: فين؟
شافتو رانيا حاضي الزاج وهي توقف بينو وبين الزاج وربعات يديها
رانيا: جيتييي تشوفنيييي اممم !! واسير هانتا شتيني ...سير رجع لشغلك قبل ميعيط ليك يعقوب يلقاك هنا
وسام: كيسرق النضر من الزاج) وقولي غير شكون هاد البنت...مالكي دابا معيا مالكي؟ راه مغنكلهاش
رانيا: هادي بنتي ...يالاه برد دابا ، نت راني عااارفاك علاش كدور ياالسلكوط ، بقات ليك غير البنت كتحرش بيها باغي تكرفس عليها محشمتيييش ، والله كن ماحشمت حتى نوصلها لعيقوب
وسام: وااايلي على تفكير عندك ، اشم نتكرس عليها واش مالي حيوان نتكرفس على البنت! راه عطاهم الله غير مزلعين معندييش على نشدها بسيف ، والله مكتكر هاكاك غير نتي هازة عليا نضرة خايبة
رانيا: سير دابا سير ، حنا غنجلسو واحد 3 جور ونرجعو ، سمع اوسام ...يارا ماشي ديال داكشي ، بعد عليها راه مغنسمحش ليك لا انا لا باباك تآديها ، امانة عندي وحاسباها بحال بنتي ويالاه عندها 18 لسنة ، همها الوحيد هي قرايتها وبعيدة لى ديك البسالة واها عايشة فآلمانيا راه مكتخرج مكدخل ، الى مخرجاتش معاها ماماها مكتخرجش داكشي علاش جبتها عندي لهنا تبدل الجو واها عارفة عندي جن فالدار ، (رتبات ليه على كتفو) خلي عليك البنت فالتيقار ومتعاودش دور بيها الله يرضي عليك .
باستو فحنكو وخلاتو واقف كيحك شفايفو بصبعو كستنتج العضرة ديالها مع البوسة اللي باقي كل مرة ضرب ليه فراسو ، طلعات سدات الباب وبقا واقف كيفكر ويشوف فالطوموبيل خارجة . تا صونا ليه التيليفون وركب فطوموبيلتو خرج موراهم ؛ كل واحد شد اتجاه.
وسام: لقيتيني يالاه هرجت من الدار دابا غادي نقضي شي غراض ، ندوز نشوفك؟
سارة: تا قريب؟
وسام: شوية انا خارج من عكراش دابا
سارة: اويييلي شكادير فعكراش؟
وسام: مالين دار ساكنين تما ...مهم انا شوية ونكون عندك
سارة: اوك
قطعات سارة وهي دور عند سكينة كتفرنس ، باقين جالسين فالقهوى شادين تيليفونات كيجربو فيهم ويتصورو.
سارة: هاهوا جاي ...قالي واليديه ساكنين فعكراش يا ساطة
سكينة: عمرني وصلت لديك البلاصة كنتمنى نمشي نشوفها ...كيقولو فيها الطبيعة وشي ضاية دالماء كبيييرة والجبال والقصور والفيلات كل وحدة فجهة ، مكيوصلوش ليها الطاكسيات غا اللي عندو شي طونوبيل هوا اللي كيوصل ليها
سارة: انا فتيت ليا مشيت مع سامير لتما فاش كنا مصاحبين ...باقا عاقلة كنا طالعين فالطريق مع واحد الجبل وهزيت راسي بانت ليا واحد الفيلا ولا ماعرفت قصر شاد الراس ديال الجبل كامل ..تخلعت تا حساب لي غطيح ديك الفيلا من تما هههه...مهم دابا نلسقو يديني نشوف عكراش ، منضر خطييير تما يا ختي بعيد على الصدع حا فواحد الجهة وااعرة وسط الجبال.
بقاو جالسن مجمعين تا صونا ليها تيلي وناضت خلات تيليفونها القديم بالنمرة اللي فيه عند سكينة ومشات كتجري هازة تيليفون الجديد ، ضربات الدورة لقات طوموبيلتو واقفة ومشات طلعات حداه فرحانة وشدات الباب ، جات تسلم عليه من الوجه وهوا يبوسها فمها
قلب جريح الجزء الخامس
محتوى القصة
التنقل بين الأجزاء