قلب جريح الجزء السادس

من تأليف Ghazal trust
2018

محتوى القصة

رواية قلب جريح

هزات ليه الطربوش دارتو على راسها وكضحك
سارة: كنت كنتغدى ونتا؟
وسام: انا مشغوووول مكنساليش...من هادي لهادي 
سارة: مكاينش اللي يعاونك؟
وسام: لا كاين اللي كيعاون ولاكن شي حوايج كيخصوني خاص نديرهم بيدي (غمزها)
سارة: اممم.بحالاش!
وسام: بحال نجي نشوفك مثلا
سارة: ههه اول مرة نشوفك بهاد اللبسة...جاتك زوينة
وسام: نتي اللي زوينة 
سارة: ههههه 
وسام: شنو دابا نشوفك بالليل
سارة: واخا نشوف ونرض عليك...الى لقيت شي وقت وكيفاش ندير راه غنقولها ليك
وسام: حيت انا مسافر من دابا 4 جور غنمشي شهر لفرنسا ..تمشي معايا ههه
سارة: مكرهتش ههه...شهر بزااف علاش غتمشي
وسام: خاصني نحضر لشي حوايج خاصين... (غمزها) مكيقالوش ..داكشي سيري هههه
سارة: اممم حتى نتا عندك الاسرار ... (تنهدات) شهر كاامل غنتوحشك 
وسام: تيليفون بيناتنا ...ويلا بغيتي تمشي معايا يالاه ...كاينة لميمة وبا سيدي عايشين فباريس ، الى بغيتي نديك عندهم بقاي معاهم باش متقنطيش اما انا شاد اوتيل 
سارة: شهر ونتا فالاوتيل !!!! بزااف
وسام: راه عندي واحد الدار مي بعيدة على البلاصة اللي عندي فيها الخدمة ...داكشي علاش شديت اوتيل حدا الخدمة باش نرصيو الامور علاش غادي فهمتي (ضرب ليها نيفها بصبعو)
سارة: ايوا مكرهتش نمشي معاك والله...ولاكن راك عارف ، حنا عاذلة محافضة معندناش داكشي 
وسام: والمهم غنشوفك هاك 4 جور اللي بقات والعشية ندوز نديك ...ضبري راسك شوفي كي ديري تخرجي 
سارة: واخا انا نشوف
وسام: يالاه سيري دابا تا العشيا
سارة: ماسخيتش هههه
وسام: ماسخيتيش ، سيري انا ساعة ولا جوج ونرجع صافي ، عندي رونديفو مع با سيدي دابا ، ايلا تعطلت عليه غيبدا يعيط
سارة: وصافي سيري انا نتسناك...غندخل نخدم هاد السوايع حتى ترجع
حطات ليه الطربوش حداه وباستو فحنكو ونزلات ومشا هوا ، رعات كطير للقهوة جلسات فرحانة 
سارة: ناااري جا عندي باللبسة يا الصكعة ..انا صافي طحت فيه المسخوطة مشييت هههه، كن تشوفي كي كيبان بدوك الكرادات على كتافو كيحمق ...كن وقف واقيلة كن سخفت. 
سكينة: نتي كحلتيها غير شوفي كي ديري ، الى مشيتي حتى طحتي فيه اش غتقولي ليه من بعد الى ولا حتى هوا كيبغيك ، غتصدميه نهار يعرفك مزوجة وعندك بنت ، تخيليه هوا اللي مزوج و والد وكيخرج معاك كي غتحيك نعار تعرفي ، مابالك نتي اللي بنت ومزوجة ومخبية عليه ...الى مقتلكش حمدي الله راه جنبرال ابنتي هاداك يدفنك مايعرفك حد ولا شيفطك لحبس تازمامارت ينفيوك تما تا تموتي
سارة: شو وحدة على تفكير عندها !!! سيييري مغنخليهش يعرف...اصلا مطييحش عليه كااع انني مزوجة اصاحبتي بمرة ، راه مباينااش فيا اصلا . كي غيدير يعرف الى مشكش فيا ، مخصوشش غير يشك انني كنهضر مع غيرو ولا شي حاحة بحال هاكا باش ميحبدش الضواسا ديالي .اصلا موحال واش يبغيني ، بحالو راه مكيبغيوش وكيدوزو غير الوقت .ولاكن انا خصني نخليه يطيح فيا باش واها يعرفني ديك الساعة مزوجة و والدة ميقدرش يبعد عليا، راه اللي طاح فشي واحد راه واخا نكون شوك بين يديه مسقدرش يسمح فيا ، اما دابا راه فاي لحضة يقلب عليا خصو حتى يولفني ويولي يشوفني غير انا وديك الساعة معندو كي يدير واخا نكون قتالة ميخلينيش. المهم دابا ها حنا مزيانين ، غيرجع عندي من دابا ساعة ولا ساعتاين . والفلليل غنخرج عندو نشوفو ، راجلي تا لبعد غدا عاد غيرجع وانا بوحدي فالدار وهوا اصلا مابقاش كيسول فيا من نهار ناض تلصدع وعرفتو كيخوني مع بنت خالتو ولا كيتفادى يهضر معايا باش ميسمعش خل ودنيه.
سكينة: عنداك شي نهار يحصلك
سارة: هه! غيجي نطلب الطلاق مغنبقاش معاه...وديك الساعة نهضر مع وسام نعاود ليه كلشي ونقوليه راني مطلقة ماشي مزوجة ، خاصو غير يطيح فيا باش يتقبلها ، سمير طلع ليا فراسي حتى وجهو متبقيتش باغا نشوفو ماعرفت كي ندير نهار يرجع يخخ ...مهم يالاه نبدلو البلاصة نمشيو نتغداو فشي بلاصة و نضربو دويرة ..اجي نمشيو للصالون نديرو مساج هههه ضبغي نتي شعرك بدلي ليه اللون راه هبطات ليك الصباغو وانا وندير شي مانيكير وبيدكير نقاد رجليا ويديا ويقادو ليا لاكوب ونطلعو النيفو على العايقات بنات اكدال ههه بيدمن حا وسام.
سكينة: غتقادي ديك المرطة فنهار المسخوطة ..راه يكون عارفك كتصرفي منها
سارة: خليني يا ختي مالكي على هاد الهضرة! راه شابع فلوس فين يبان ليه هادشي اللي صرفت انا...باينة هادا شي كونط فيه شوية دالفلوس عطاني الكارط ديالو ...شفت هاد الكارط مافيه تاسمية! مهم ماشي شغلي انا كنخشيها كتجبد الفلوس ايوا هادشي اللي بغيت ماعندي مندير بشي حاجة اخرى

وصلات السيارة المرسديس السودتء اللامعة لمدينة افران و وقفات حدا مجمع كبير ديال المطاعم الشعبية فيهم مأكولات مغربية وريحت الشواء طالعة فالسماء ، نزل الشيفور فتح ليهم الباب ونزلات رانيا دايرة على كتافها وشاح اسود وشادة بزطامها فيدها ونزلات يارا كضحك وتشوف فالمطاعم ، شارت بصبعها لجسهت المطاعم كتوريهم لرانيا وهي تبتاسم
رانيا: اممم..روييحة ههه نمشيو نجلسو تما ؟ يالاه حتى حنا نجلسو نرتاحو من الطريق 
حركات ليها يارا بالايجاب وهزات شكارتها الوردية من الطوموبيل حملاتها على ضهرها ومشاو بجوج دخلو للمطعم كبير فيه الناس جالسين برا ، وقف عندهم سرباي هاز بلاطو فيديه 
السرباي: مرحبا امدام ...تبغيو تجلسو لفوق ولا لتحت؟
رانيا: لفوق شنو كاين؟
السرباي: تفضلي امدام راه كين لاتيراس فيه جلسة بلدية ...حسن ليكم لاتيراس
تلفتات رانيا عند يارا بابتسامة
رانيا: نجلسو لفوق
جاوباتها يارا براسها مبتاسمة وكل شوية تشد فشعرها وتقادو حدا حنكها وطلعو جلسو فلاتيراس فالهواء الطلق وحتى الشيفور الخاص برانيا جلس لتحت تا هوا ديما مساري و مفييك مع رانيا لانها ديما مسافرة مكتشدش بلاصة وحدة، عايشة حياتها وضاربة الدنيا بركلة وفين ما رشقات ليها كتمشي ومستمتعة بالحياة ومكتعطيش اهمية للعراقيل والمشاكيل كثر من القياس ، هادشي االي كيخليها ديما هادءة وضاحكة ومبشورة ورقيقة فتعاملها مع الناس 
رانيا: شنو تشهيتي؟ انا بعدا كنموووت على افران ، كيسميوها سويسرا المغرب...شوفي على طبيعة وعلى خضورية كي دايرة ...حتى المناخ كيوافقني .....ديما كنحي لهنا بوحدي كيعجبني نبدل الجو مرة مرة كيعجبني الشكل ديال الديرو اللي بحال هاكا...عندهم السقف مثلت فالقهوي والديور نقيين وشكلهم موحد ، وحتى ليزوطيل ديالهم نفس الشكل ، كيمشيو على التقاغة والتقاليد ...مكيدخلوش شي حاجة غربية وهادشي اللي كيميز هاد المدينة على غيرها...فراشهم تقليدي و حتى السقف من لداخل فالطابق العلوي عندهم كيبان مثلت...ولدي وسام حتى هوا كتعجبو هاد المدينة وكيجي كل مرة يرتاح فيها....فاش شافني كنجي ليها بزاف خدا ارض كبيرة هنايا وسط الطبيعة وبناها بشكل خرافي كلها بالحجر وتلسقف فالخشب مثلت ودار ليها لابيسين الوسط معري منو للسما ودايرين بيه الحيوط ديال الدار...تقدري تقولي فيلا لان مساحتها كبيرة ههه دابزنا انا وياه على الطابق العلوي شكون فينا ياخدو حيت بجوح بغينا نديرو فيه بيت النعاس ههه
يارا: الصمت (كضحك)
رانيا: بيان سيوغ خديتو انا...ولدي مكيقدرش يخسر ليا خاطري ...خديت البيت وخدا هوا جهة اخرى ...بحال الى كلتي مربع صغير جاو دايرين بيه الديرو ملاسقين والوسط لابيسن والديور محلولين على لابيسين لتحت كاملين داكشي علاش خدا هوا الجناح اللي مقابل مع البيت ديالي من الجهة الاخرى ودار بيتو حتى هوا فالطابق العلوي ...كنطللو بجو بسنا على لابيسن بيتي مقابل مع بيتو...كن مكانش خدام كن جا معانا .

(تنهدات) توحشت ايفران..........مهم سهيييت كنهضر ونوضف ليك ونتي غتشوفي كلشي وغيعجبك الحال...شنو بغيتي تاكلي؟
جبدات يارا مدكرتها من الشكارة وبدات كتكتب ومداتو ليها " بغيت هاد الريحة هادي اللي كنشم"
رانيا: امممم...هادي ريحت القطبان...واخا نجيبوهم .
طلبو الاكل وجلسو مسرحين عينيهم كيتمنضرو ويسمعو لاوراق الاشجار كيتحركو ورانيا كتعاود ليارا بالابتسامة اللي مكتفارقهاش
رانيا: كيجاتك افران؟ زوينة؟
حركات يارا راسها بابتسامة فرحانة
رانيا: هههه...كن مكانش عيد ميلاد وسام هاد الاسبوع كن بقينا هنا (شافت فيها بأسى) سمحي ليا احبيبة مقلتش ليك عندي ولد...وسام ماشي باسل ومكانش ناوي يتعدى عليك احبيبة ، بلعكس هوا عمرو فرض راسو على شي واحد او بسل على شي بنت وبالاهص الى كانت عندنا فالدار ، واخا معطاهش الله اخت او اخ كيحتارم بنات الناس ...او يمكن كيدير ما بغا فاتساع ومكيبينش لينا حنا البسالة والقباحة ديالو. وسام ااولد الوحيد اللي عندي وهوا نور عينيا وهوا الوحيد اللي فالعاءلة. حيت باه معندوش خوتو او خواتاتو .جدو يعقوب عندو غير عاصم وعاصم عندو غير وسام ...الحفيد الوحيد فآل بن خَليفة ، هوا الروح ديال جدو يعقوب بن خليفة ...قاصح معاه كونو دوز حياتو فلارمي وجنرال ونتي عارفة هاد النوع كيكون صارم ولاكن واخا هاكاك عندو وسام عزيز هه كيما كيقول المثل عز الولد ولد الولد...وجداتو مامات باباه عايدة كتقول عليه الكبدة المعاودة هههه بلا منقول ليك على باباه ، كيحماق عليه وحتى هوا كالم ماشي شي واحد اللي كيدير المشاكيل واها شي مرات كيزبلها ويدير اللي فراسو ولاكن باش كيعجبني كيخليك فرحان ...مثلا كنقول ليه ماديرش هادي ولا هادي كيدير ليا خاطري ومكيعصبنيش وكيخليني فرحانة...ههههه ولاكن كيمشي يدير اللي فراسو ويخبي ... تقدري تشوفيني منهددو شي مرات بجدو يعقوب ...هه ولاكن راه مكيخافش وكيخبي افعالو باش ميعصبناش وصافي ماشي كيخاف منا..و كيراعي لينا مكيبغيش يعصبنا ويكون سبب فمشاكلنا ...وهادشي اللي خلانا ديما اسرة سعيدة لاننا كنبغيو بعضياتنا وكل واحد كيقدر المشاعر ديال الاخر ...واخا انا عارفة ولدي راسو عامر ومتقدريش تعرفي اش تحت راسو الا وراه كيلعب بعيد وكيخلي اجواء الدار نقية بلا ميدهل ليها الداع ويكرهب لينا الجو ، داكشي علاش كنقول ليك بلا متخافي منو ونساي الليلة دالبارح راه مستحيل يآديك ، غير بغا يعرف شكون وصافي ،

انا ربيت ولدي وعرفت اش ربيت فيه ...نكيفرضش راسو نهاءيا على شي واحد وعلاقاتو الخارجية بوحدها وعلاقتو معانا حنا بوحدها وشخصيتو والجدية ديالو كتبان والصرامة كتبان فالخدمة ...تما كيرجع واحد اخر ، كلشي داير ليه اعتبار وضارب ليه الحساب غتشوفيه صارم وجدي كثر من جدو يعقوب، اما فالدار لا كيخلي ديك الشخصية القاصحة مكيتعاملش معانا بيها فالدار ومكيخلطش الامور والحمد الله هادشي علاش حنا مفاهمين 
يارا ساعيا كتسنط ورانيا مربعة يديها متشوف هنا وهنا وكتعاود وضحك تا حطو ليهم الاكل ، شلاضة مغربية ديال الخضرة مسلوقة وطبسيل فيه القطبان داللحم وطبسيل فيه الكبدة والكوطليط ولاصوص طوماط والزيتون والكفتة وبراد ديال اتاي مشحر ، عمرو ليهم الكيسان وهزات يارا قطيب بيديها الجميلتين بدات كتجر شوية بشوية وتاكل عاجبها الحال ورانيا كذلك مستمتعين بالطبيعة .
لاحضات رانيا ان يارا مبرزطة مع شعرها وهي تشوف فيه
رانيا: يارا....خلي شعرك راه مباينش...حتى واحد مغيطلع لهنا غير كولي فخاطرك
شافت فيها يارا بأسى ورجعات حنات راسها
رانيا: تنهدات) علاش خايفة من العملية؟ راه غتنج ليك 100 % غير حيدي الخوف من بالك احبيبة.....راه غير بقعة صغيرة خاصها عملية تجميل وتحيد بسهولة وترجعي كيما العادة ، اما النطق خليه من بعد...مهم هوا متبقايش خابسة راسك بسباب هاد المشكل.
بقات يارا متشوف فالطبسيل ديالها وعينيها كيدمعو وهي تقرب رانيا هزات ليها الشعر بشوية على ودنها وشافت فيها وتنهدات ، شافت ندبة حدا ودنها وقريبة من حنكها بزاف باينة بحال الى كلاتها العافية من الدرجة الثالتة وخلات آثار ديالها 
رانيا: شحال من واحد وقع ليه مشكل ومشا ليه وجهو كامل ودارعملية تجميل ورجع حسن من الاول...ماتخليش هاد المشكل يحبسك فبيتك ويخليك بعيدة على الناس ، خاصك تقاومي الخوف ديالك والعقدة اللي عندك ...ونساي شنو وقع راكي مزالة صغيرة وتقدري تغلبي على هاد المشكل
يارا رجعات بوجها اللور وطلقات شعرها على وجها من جديد وقلبات وجها بدات كتبكي ، قربات حداها رانيا عنقاتها 
رانيا: صاف احبيبة صافي...سمحي ليا مابغيتش نبكيك...جينا نفوجو ماشي نرجعو الماضي...انا واعدتك واخا يسولوني عليك مغنقول والو ، واللي ريحاتك ديريها ، منقدرش نبزز عليك شي حوايج ماعندكش ليهم الطاقة .
شافت فيها يارا بعينين مدمعين كتحرك راسها يمين وشمال وتعبر بيديها وكتنخصص
يارا: امم..انن أاأ اااا ااننأ
رانيا: صافي احبيبة فهمتك مبغيتي تاواحد يشوفك او يعرفك...من حقك 
لاقات يارا صبعانها مع بعضهوم كتحكهم وحطات صبعها على قلبها وشارت بيه لجسهت قاب رانيا وعنقاتها 
رانيا: عارفاك كتيقي فيا وعزيزة على قلبك كيما نتي عزيزة على قلبي ... ومنقولش لولدي شنو عندك بلا متخافي وحتى عاصم مغيقولش ليه وحتى واحد ميضحك عليك...نتي اجمل وحدة وديك الندبة مغتكدبش هضرتي ...نتي اجمل وحدة شفتها وغتبقاي زويينة وانشاء الله غنحاولو نحيدو هاد المشكل ديال الندبة وترجعي تهضري ونسمع صوتك الزوين من جديد ، ونساي المشاكل اللي دازو راه وفكري فواليديك اللي بقيتي ليهم غير نتي والى وقعات ليك شي حاحة يحماقو...مزال غترجعي تقراي وتحققي حلمك وحلم واليديك

تعاشات العشية وناضت يارا مع رانيا هبطو وجميع الانضار على يارا ، وصلات للطوموبيل بغات تركب وهوا يوقفهم شاب طويل و وسيم فوجهو بابتسامة ، طلعات يارا كتجري وسدات الباب عليها وبقات رانيا واقفة كتشمع للشاب
الشاب: سلام امدام...سمحي ليا على هاد التصرف ولاكن هادا الحل اللي بقا ليا ، انا شفتك نتي وبنتك فاش يالاه نزلتو وبقيت كنفكر كيفاش نتواصل معاكم ، ولاكن ملقيتش كيفاش ودابا فاش شفتكم غادين مابقا ليا تا حل من غير نوقفك ونهضر معاك
رانيا: واخا مكاين حتى مشكل
الشاب: انا سميتي مهدي ... جيت لهنا زيارة وراجع فحالي لكازا (جبد كارط فيزيت عطاها ليها) انا P.D.J "رءيس مدير عام " لواحد المجموعة ديال الشركات دولية متعددة الجنسيات ، فالصراحة شفت بنتك و بغيت نتعرف عليكم عن قرب الى كان ممكن ، قصدي شريف وناوي المعقول
رانيا: كتقرى الكارط فيزيت) امم مرحبا... البنت ماشي بنتي ...ولاكن انا كنحسبها بنتي ، كنضن الامر كيخص ولي امرها شخصيا هما اللي يقررو 
الشاب: بترجي) الى كان ممكن تعطيني رقم ديالهم او الرقم ديالك باش نقدرو نتواصلو...نتي امدام عارفة انني معنديش فين نلقاكم الى مشيتو ، الله يجازيك بيخير خلي ليا فاش نقدر نتواصل معاك، او نهضر مع البنت شخصيا
رانيا: البنت منقدرش نخليك تهضر معاها شخصيا ... حنا منفاتحين وماعندناش مشكل ولاكن عندنا اسبابنا الخاصة اللي متسمحش لينا (فتحات بزطامها) على اي ...بما ان قصدك شريف وجيتي من الباب ها الكرط ديالي خلليه عندك ، من بعد ناقشو هاد القضية
شد الشاب الكرط قرى السمية ولقى انها بحالو مسثمرة ورءيسة مجموعة من الشركات العالمية وصاحبة ماركة مشهورة ديال الاجهزة الالكترونية. وابتاسم فعينيه فرحة كبيرة
الشاب: تشرفت بمعرفتك مدام بن خَليفة ...كنعتاذر على الديرونجمون بزااف بزااف وكنتمنى نتواصلو عن قريب 
رانيا: بابتسامة) متشرفين ...
الشاب: مهدي ....مهدي العلوي
رانيا: متشرفين السي مهدي العلوي
حل ليها الشيفور الباب والشاب واقف كيسرق النضر من داخل السيارة محيدش عينو على يارا حتى تسد الباب ومشات الطوموبيل قدامو وهوا واقف بفرحة كتبع ليها العين وكيشوف فالكارط فيزيت اللي عطاتو ، خشاها فبزطامو ورجع لبلاصتو مع صحابو

رجع وسام للدار كالعادة نفس الروتين، دوش ولبس حوايجو ، شورط ديال الدجين حد الركبة ةتيشورط كول v بيضاء سامبل فيها علامة لاكوسط فالجنب حدى السدر ، صبادري بيضاء قصيرة اديداس فيها 3شرطات كوحل فالجناب وتقاشر بيضين قصار كيبان نصهم من السبادري ، ساعة يدوية معدنية فلون الفضة وريحة رجالية ، نزل تلاقى مع باه داخل وهوا يوقفو
عاصم:فين غادي؟
وسام: خارج
عاصم: الطاسة عاوتاني؟
وسام: الله يهيدك الوالديد اش كتقول ههه
عاصم: سير سير ...الله معاك
مشا وشام كيضحك طلع فاللوطو نيشان للبلاصة فين كاينة سارة لقاها كتسناه فغيسطو جالسة هي وصاحبتها ، طلعات حداه فرحانة كالعادة وخرجو ضاحكين . 

* * *

دخلات يارا للدار للي وصفات ليها رانيا وعجبها الشكل ديالها وبقات كدور وتكتاشف ، وراتها بيتها وطلعات دوشات ولبسات بيجامة رطبة واسعة ، شورط قصير وديباردور ديالها معري وخلات شعرها مطلوق كيقطر شوية من الاطراف وخرجات بحرية كدور لان حتى واحد مكاين من غيرها هي ورانيا وجوج خدامات كبار فالسن مكيخرجوش من الكوزينة .
بقات غادية بوحدها كتسارا فالجناح الاخر اللي فيه بيت وشام وطلعات لفوق للطابق ديالو وحلات الباب دخلات كتشوف وتكتاشف بابتسامة ، كيما وصفات ليها رانيا البيت مسقف على شكل مثلت من الخشب وفراش ابيض وخزانة خشبية جديدة وكلشي ايق وراقي ، دازت حدى الفراش ودوزات يدها مبتاسمة ومشات حلات المجر اللي فراس الناموسية لقاتو خاوي وحلات لاخر تا هوا خاوي ، ماقات والو ومشات البلاكار لقاتو خاوي ، تا حاجة مكتسنة بحال شي غرفة فشي اوتيل خاوية من اغراض شي شخص. سالات الدورة ديالها ورجعات خرجات لقات رانيا فالردة وحداها العافية مشعولة بالعواد وكتعشى وجلسات حداها 
رانيا: هاي هاي هاي على لاللة العروسة جاو فيها الخطاب هههه ...هانتي خرجتي جاو فيك الخطاب ، باينة مسكين اليوم ميديهش النعاس
ابتاسمات يارا وحمارو خدودها وحركات راسها يمين وشمال
رانيا: وعلااش ؟ مالكي مبغيتيش تزوجي؟
يارا: لا رد 
رانيا: تعرفي عليه بعدا...راه باينة فيه عجبتيه وجا مسكين خاف ميعاودش يشوفك مرة اخرى
رانيا: الصمت.
قلبو الموضوع وبداو كيتعشاو.

* * *

دازت العشية عند وسام و سارة بحال العادة ورجعها للبلاصة اللي مولفة تنزل فيها ودار معاها يتلاقاها بلليل و وافقات ورجعات لدار معا طلات على بنتها ودازت جابت حوايجها اللي شرات من عند سكينة ورجعات للدار ، دخلات جمعات الروينة ديال الدار ودوشات و شتفات حوايجها فالبلاكار وحلات الفايس بوك من التيليفون الجديد بلوكات الكروب اللي داخلة ليه واخا قلبات على وسام مالقاتوش فيه خافت يلقا اشمها الحقيقي، بقات كالسة كتجبد فشعرها تا صونا ليها التيليفون ديال الدار وناضت جاوبات
سارة: الو ...

سمير: على السلامة...معامن تشاورتي تخللي البنت فداركم ؟ وعلاش مقلتيش ليا مريضة طالعة ليها السخانة؟
سارة: نتا باركة عليك بنت خالتك حضيها سمعتي ، اما انا وبنتك اخر همك ، وترجع تعيط دير فيها ولي الامر باااز ، الرجولة كتبان غير فاش كتبغي نتا هه معندمش علاش تحشم ، سير دابا سير تا تجي ونتفاهمو على هادشي هادا 
سمير: غتجيبي البنت وتقابليها ولا راه مغيعجبك حال
سارة: انا اصلا معاجبني حال ...ومغنجيبهاش وللي فجهدك ديرو وعلى مافخيلك ركبو سمعتي ، ومابغيت تا واحد يبقا يجي عندي للدار من عاءلتك تا ترجع ونفرتكو هاد الرمانة واخر مرة تعيط ليا تصدع ليا راسي راه تابعلتي خدمة غدا ومغنديش الكانة ليك يا سي السيد ، وانا غنقطع هاد الكابل ديال التيليفون ومهني راسي
سمير: تفرعنتي!! واخا ..تا نجي ونتفاهمو 
سارة: ياريت تجي ونفضيو هاد الحريرة الحامضة بسلامة 
قطعات عليه وهزات لاباراي حطاتها حدا تيلي باش ميصونيش فيه ومشات للماريو جبدات كسوة بيضاء قصيرة لبساتها ودارت مكياج كي ديما وبقات كتشنى الوقت اللي يدوز عندها وسام يديها.
وصلات 12 وهوا يصوني ليها تيلي وناضت كتجري هزاتو لقاتو هوا وخرجات ملتمة ف 12 دلليل ولابسة الاسود تا قربات توصل عندو وحيداتهم وطلعات ومشاو .
دازت 3 ايام كيما العادة يارا كتسارى هي و رانيا مخلاو تا بلاصة كل نهار خارجين لابسين تونيات ديال السبور وكيدورو . مرة فوق البيكلات وسط الطبيعة مرة فالبحيرة راكبين على العودان مرة فالفيلاج كيتقداو داكشي اللي عجبهم مرة فالشلالات كيتغداو ، الوقت كامل وهما مستمتعين وضاحكين .
نفس الشيىء عند وسام وسارة ، كل نهار خارجين ومل نهار كتبات معاه فالفيلا ديالو اللي حدا البحر .
جمعات رانيا حوايجها هي و يارا ورجعو شادين الطريق لرباط ، اما سارة خرجات بحال كل صباح كتسارى هي وسكينة من الصباح تا لعشية كيتسناو دوز السمانة باش يرجعو للخدمة ، وصلات العشية ورجعات سارة لدارها وطفات تيليفون الجديد خباتو فصدرها وخلات نمرتها القديمة وتيليفونها القديم ودخلات للدار لقات سمير رجع من السفر وجالس فوسط الدار شاد بنتو عاطيها الرضاعة كترضع ، دخلات نيشان لبيتها مهضراتش معاه وتا هوا شافها وميك عليها تا بدلات حوايجها وخرجات عندو جلسات كتفيبري برجلها كتسناه يهضر ، مهضرش معاها وهي دور عندو 
سارة: سمير...انا وياك علاقتنا عادية وكترجع بللور ، من حق تبغي وحدة اخرى وتعيش معاها وانا من حق نطلق ونرجع لدارنا
سمعها سمير وهوا يشوف فيها مصدوم
سمير: ولاكن اسارة موصلناش للطلاق ! انا قطعت علاقتي بصباح واصلا كانت غير علاقة سطحية ومن نهار ولدتي مابفيت كنهضر معاها ، اصلا موصلتش معاها لداكشي للي على بالك ، انا من قبل كنت على علاقة بيها قبل منتزوجو و متقبلاتش انني نتزوج ونخليها وبقيت كنهضر معاها عادي وديما لاسقاني. غلطت ودرت معاها علاقة ولاكن راه غير سطحية ومرة مرة كنتلاقاها
سارة: سمير...نجيك من اللخر، انا بغيت نطلق
سمير: دابا متقتيش بيا ياك! شفتي مساجات الحب والغرام حساب ليك بصح درت معاها شي حاجة ...كنحلف ليك ماوصلت معاها لداكشي ، كلشي سطحي وحسبتو لعب وصافي و والواليدة كانت بغات تلسقها ليا وديما كتجمعني بيها ودير السبة بشي خاحة باش تلاقيني بيها...قطعت الياس للواليدة باش متعاودش دخلني فهاد التخربيق ديالها وقطعت العلاقة مع صباح فمرة...هانتي قرااي شنو جالسة تكتب ليا وشوفي باش جاوبتها انا...الى بغيتي داابا نهضر معاها قدامك وتسمعي بودنيك 
سارة: علاقتنا بردات ...وليتي ممسوقش ليا وليتي فشكل
سمير: وراه كنجي عياان ماعنديش الخاطر كنبغي نرتاح وزادتني الواليدة بهاد المشاكل تاهما ،g كنواعدك عمرني نعاود. نعلي الشيطان وشدي بنتك رضعيها
سارة: غير كضيع وقتك اسمير...انا باغا طلاق ، بغيتي نطلقو باللتي هي احسن بلا صداع بلا مشاكيل ومل واحد يشد طريقو حسن منطلقو بالصداع والشوهة وكلشي يعرف علاش

سمير: الله يهديك...راه الانسان كيغلط والعيب هوا الى بقيت فالغلط...انا ساليت من هادشي ومشيت سافرت على خدمة غير 3 ايم وتوحشتك وتوحشت بنتي ونتي كتقولي ليا نطلقو...راه منطلقوش اسارة حيدي هادشي من راسك ونعلي الشيطان ، عمرك تشوفيني مع صباح ولا تلقاي شي حاجة عليا معاها ولا مع غيرها.....ماعندكش مع الواليدة وخوتي متمشيش عندهم وحتى هما ميجيوش عندك ، وانا غوق ما بغيت نمشي غنمشي بوحدي ..والله يهيدك ماوصلناش لهادشي هادا ، الطلاق والتخربيق راه هادي هضرة خاوية...خنتك بالهضرة والمساجات ماشي درت معاها شي حاجة وكنحلف عليها ماوصلت لدامشي على بالك
سارة: لا لا خديت قراري ومن غدا غنرجع بحالي وهانا هضرت معاك بلا منعاودو الهضرة...انا بغيت نطلق ومعنديش علاش نزيد نبقى معاك
سمير: بإصرار) سارة...انا مغنطلقكش سمعتي ...يوثع اللي وقع مغنطلقكش وكنبغيك ونتي عارفاني ماشي من داك النوع اللي كيتبع البنات ولاكن تبعتك حيت بغيتك وتزوجت بيك..هاد الهضرة نساايها
ناضت سارة مكملاتش معاه العضرة وخلاتو جالس النار كتغلي فيه ودخلات لبيتها هازة بنتها وسدات عليها بالساروت

* * *
وصلات رانيا ويارا ونزلو ناشطين داخلين للفيلا ، رانيا لابسة دجين قصير مع صباط بلا وتيشورط كحلة وهازة ساك كحل فيدها ، جامعة شعرها بقراصة مغلسة اطرافو الملوية نازلة من الور والقصية ملوية من الجناب ومعاها سارة لابسة كسوة رمادية لاسقة بزات ليها مفاتن جسمها وعندها سميطات مدفورين فالكتاف وطويلة تحت الركبة شوية وفيها فتحة فالجنب طالعة خلات ليها فخدها كيبان وشعرها جنب كيما ديما طويل عتى لبداية فخدها وملوي كل خصلة بوحدها ودايرة بانطة مزوقة بيها شعرها وصندالة دالصبع رمادية فرجلها ومصيغة دفارها دايرة ليهم فخانش جات كيوت ، وهوا داخلين كيضحكو شافو وسام جاي جيهتم ضاحك من عينيه لابس شروال توني بلة مارين جامعاه بانضة لتحت فالرجلين وتيشورط بيضاء وكلاكيطة دالصبع جاي كيجر فيها بشوية عليه ويديه فالجياب ، جات عينو على يارا طلعها وهبطها من راسها تا لرجليها وزنها مزياان وشافها كتلعب بشعرها ، بغات تهرب فاش شافتو ولقات راسها غديرها مفضوحها و وقفات مصدومة كطلع النفس وتهبطو بصعوبة و خدودها حمارو تا تزير نيفها ولا حمر 
وسام: كيسلم على ماماه وعينو فيارا ) اهلا اهلا...وافين اتيتيز...هادشي مجهد ومخبياه علينا ههه
كيهضر مع مو وكيمعني ليارا ، شافت فيه رانيا وخرجات عينيها
رانيا: هيهي على السلامة..كيطرا وجرى شديتي الارض هاد العشية
مد يدو ليارا ومدات ليه يديها حشمانة كتفتف بعينها ، جرها جرة بيدو تا عطاتو وجها وباسها فحناكها وسمع ليها البوسة تا بدات كتعرق وطلقها وهي تهبط راسها مرعودة ويدها على شعرها ومشات كتزرب معاوداتش ضارت موراها ، بقا متبع ليها العين ومخرج لسانو كيفرنس تا طلعات وهوا يضور لقا رانيا حاطة يدها على جنبها وهازة حاجبها
رانيا: ساليتي؟
هز يدو عنقها وتكا عليها
وسام: شكون هاد الزوينة ؟ غنبقا حياتي كاملة كنسولك عليها زعما ماهداكش الله تقولي لينا شكون؟ 
رانيا: دفعاتو) حيد عليا يدك مابقيتيش تحشم...شحال وانا كنبرد على فعلتك ونزوق ليها ونسيها فالنهار اللي كنتي غتغتاصبها ونتا جالس تبووس فيها قدامي وتسمع ليها البوسة كي الكامانجة؟
وسام: حاط يدو على شفاهو ساهي جيهت الدروج للي طلعات منهم) وااايه...كنت غنغتاصبها
رانيا: دفعاتو) سيير بعد عليا يعطيك المسخ كتر ما نتا ممسوخ
مشات كتنكر طالعة فالدروج وهوا موراها تابعها بشوية عليه كيضحك
وسام: واااجي...رانياااا... (كيتفلا) حبيييبااا ههههه والزيين واجيي تسسست واجي نكملو هضرتنا
رانيا: من بعيد) سير كون تحشم ولا نديكلاري بيك 
وسام: ههههه واخا علييك ارانيا وااخا مصدقيييش مشات وبقا كيهضر مع نفسو) ولاو فيك الفعايل ارانيا ! واخااا الاللة 
درا كيضحك مع نفسو وبقا غادي جاي كيتسركل فالفيلا وهوا طلع مع الدروج جيهت البيت ديارا

تاجه جيهت البيت ديالها وهي تخرج منو رانيا لقاتو كيدور حدى بيتها ، شافها دار راسو مشافهاش وتقلب بقا غادي مع الممر وتزير على سنانها
رانيا: اييه...وساام...اجي ياجي لهنا 
دار عندها و هي تم حايا عندو بزربة 
رانيا: شوف راه هضرت معااك
وسام: ببرودة) شنو درت عاوتاني؟
رانيا: شكادير هنا؟
وسام: غاظي لبيتي...ولا حتى بيتي منمشيش ليه! رحليني منو تا هوا 
رانيا: غنرحلك من الدار كاملة ، سير لدارك جلس فيها وعطي للبنت بالتيقار
وسام: وعلاش غنجلس تما بوحدي ؟ هنا حسن
رانيا: ايوا جلس بعقلك .
وسام: ومالكي دابا شفتيني كنن..كنضرب بالحجر! (عنقها وتما عليا) اجي بعدا...فين الكادو دلانيفيغسيغ؟؟ (غمزها شتك نسيتيني! 
رانيا: (بدات كضحك ) اممم...منسيتكش الحمق ههه الكادو ديالك هوا انني كنبغيييك وكنموت عليييك ...درتي 26 سنة ومزال مسطي 
وسام: مسطي غير معاك نتي حيت مسطيية ...يالاه وريني الكادو
داها معنقها ودار كيشوف فالباب ديارا ومخرج لسانو كيدوزو على الشفاه السفلية ورانيا كتهضر وهوا كيشاوي معاها تا داها دخلها لبيتها ودخل معاها 
رانيا: هانا...هانا عوتاني ها الكادو دالحبيب ديالي عالله غير هاد 26 سنة دوز بيخير وعلى خير بحال السينين اللي فاتو
باس ليها راسها وعنقها
وسام: انشأ الله الواليدة الحنينة كلشي غيكون مزيان وحتى حاجة مغتغير من غير حبي ليك هوا اللي كيتغير وكيزيد يكبر معايا كل نهار 
عنقاتو ودمعات عيهيا وحطات يديها على وجهو 
رانيا: كبرتيييي وتبارك الله وليتي راجل ...كنت ديما كنتمنى نشوفك هاكا راجل ونص وربي مخيبنيش 
عنقها تا قجها
وسام: وهانتي غتبداي تبكي عاوتاني...وشنو دابا نبقى صغير باش متبكيش؟ (باسها فراسها)
رانيا: لا...خاصك تكبر ...دابا اهدافك حققتيها بقا ليك غير دير وليدات ونشوف وليداتك
ضحك وضمها عندو 
وسام: هي بغيتي تشرفي ...راه ولاو عندك حفادك عرفي راسك شرفتي هههه
شافت فيه كضحك بسخرية 
رانيا: شوف شوف الكادو ديالك قالك شرفت...انا عطيتك احسن كادو عمرك كنتي توقعو
وسام: هز حاجبو كيحر راسو) اممم..ها حنا غنشوفو 
حل البواطة الحمرة اللي حطاتو ولقا فيها ساعة يدوية ديال الرجال من شكلها باينة باهضة الثمن ولقات فقاع العلبة ورقة بيضاء ...جبدها وحلها على جوج وهوا يستغرب من الصور اللي شاف فيه...كانو جوح سورات مربعين لجنين فكرش مو وهوا يدور شاف فيها بصدمة
وسام: وااايلي متقوليهاااش!! حااملة !!!
رانيا: هههه ...اه ، هانتا غيولي عندك خوك ولا ختك من دابا 9 شهور ، يزاحمك على بلاصتك ههه
وسام: اوااه ! مفاجأة هادي !ولاهيلا
عنقها وشاد البواطة فيدو وباسها فحنكها
وسام: دابا حتى انا خاصني ليك كادو بهاد المناسبة
رانيا: انا المهم هوا نشوفك فرحان ، وتكمل قرايتك وتكون ناجح ونشوفك فالقمة
وسام: متهزيش الهم...القراية معمرها مكتسالي واخا يشرف بنادم . اجي لواليد فراسو؟
رانيا: طبعا فراسو...راه راااشقة ليه دابا وهوا جا هههه يعقوب اللي حشمت نقولها ليه
وسام: انا غنقولها ليك ...سيري رتاحي راه من العيا ديال السفر 
رانيا: يالاه نهبطو نتعشاو كاملين 
وسام: بغمزة) كاملين كاملين ولا (هز صبعانو بثلاتة
رانيا: زيد براكة من البسالة ...مزيان تبارك الله 
حط الساعة والورقة فالبلاكار ديالو ونزل معاها كيضحكو جلسو على سفرة الماءدة مجمعين هي وياه حتى دخل عاصم جا نيشان باس رانيا وشاف وشام لقاه متمي على الكرشي مربع يديه وكيشوف فيه 
عاصم: الله يعفووو 
مشا وخلا وسام كيما هوا متبع ليه العين 
وسام: ديما كيقول ليا الله يعفو.. معرفتش مناش غنتعفى!
رانيا: من دوك الشوفات اللي كدير من تحت لتحت ههههه
وسام: اححم..اجي مغتهبطش ديك البنت تعشى معانا مسكينة غتبقى بلا عشا؟
رانيا: لالا راه كتعشى فبيتها
وسام: حشومة تعشى بوحدها...قولي ليها تهبط متبقاش بوحدها 
رانيا: على نيتها) كتحشم ...راه بزز باش جبتها معايا
وسام: واايلي على كتحشم!! هادي كاملة حشمة! شنو غنقول انا على هاد الحساب!
رانيا: واش يحساب ليك البنت بحال هادوك اللي كتعرف! البنت ممولفاش و مولفا غير مها وباها وكتحشم تخرج بوحدها ومتقدرش تاكل فخاطرها وعاصم معانا ونتا جالس
وسام: لا بلعكس عااادي الدنيا هاانيا
رانيا: هانيا عندك نتا اما هي لا 
وسام: بإصرار) سيري سيري قوليها ليها خليها تولف تهبط ...متبقاش بوحدها فالبيت ، نوضي سيري ولا ندفعك 
رانيا: كتسوط من نيفها) هانا غنشوف واخا عارفاها مغتبغيش

بقا جالس كقرقب بصبعانو فالطبلة وهوا يصوني ليه تيلي ، جبدو لقا السمية ديال ضحى ، سكت ليه الحس وحطو فوق الطبلة خلاها كيصوني فصمت حتا سمع خطوات ديال جوج دالناس جايين موراه ...ابتاسم بشوية وهي تبان ليه مو جلسات ويارا كتفتف بوحدها واقفة قدامو لابسة شورط بيجامة قصير فيه مفضفض و الفوقاني دسالو عندو سميطات غلاض ايفازي من السد و واسع شوية من المرش قصير ومتبان كرشها شوية وطالقة شعرها للجنب كيما العادة ملوية.جرات الكرسي بشوية وجلسات مهزاتش فيه العين ، كتشوف قدامها وساكتة وجالسة مأدبة تالفة غير بوحدها ، وسام مراقب كل حركة دارتها وكل نضرة مثوثرة منها بابتسامة خفيفة وثراتها ، شدات الملعقة بيدها الجميلة المزينها خاتم رقيق واضافر مقلمة ماطويلاش بزاف مصبغين بلون وردي باارد مكيبانش ، بدات كتشرب حانية راسها وشعرها مدير فالجنب طايح على فخادها ، فمل مرة شربات من الملعقة كتخرج لسانها بشوية حشمانة كدوزو على شفايفها وتهز عينيها بشوية مترددة فوسام لقاتو كيشوف فيها وهي تحدرهم بالزربة وحرقات فمها تا حطات يديها عليه 
يارا: امممم..
رانيا: سخونة عليك احبيبة؟ نقولهم يبردوها ليك ؟
حركات يارا راسها يمين وشمال حشمانة ورجعات شافت فوسام
رانيا: غنمشي نشوف عاصم ياكما محتاح شي حاجة ونرجع ، وثفات خرجات عسنيها فوشام ومشات . يارا داخت فاش بقات هي وسام الراس فالراس محيدش عينو عليها. صونا ليه تيلي وهط يدو عليه سكتو و رجع شاف فيها بابتسامة ، مهضرش معاها وتنهد وهي تمسح فمها وناضت مشات خلاتو جالس ساهي تا هبطات رانيا 
رانيا: فين يارا
وسام: طلعات
رانيا: شنو درتي ليها عاوتاني؟
وسام: لا مدرت ليها حتى حاجة
رانيا: وسااام...اشنو درتي بلا كدوووب
وسام: واايللليييي مشكييلة هادي...راه مقربتش ليها وحتى الهضرة مهضرتش معاها
رانيا: لالا منتييقش فيك ، فتكون درتي ليها شي حاجة 
وسام: ناض) وراه هضرت معاك الواليدة قلت ليك مدرت ليها حتى حاجة...انا طالع نعس. الى متقتيش سيري سوليها
مشا خلاها جالسة وطلع لبيتو حيد حوايجو بقا بالبوكسر ودخل فالفراش حط يدو على سدرو وشها فالسقف تا غمض عينيه . 
فنصايص ديال اللي تحل الباب ديالو كالعادة بشوية وطلات عليه يارا من الباب تأكدات انو ناعس وتقدمات بخطوات بطيءى حتى قربات لعندو و وقفات كتشوف فيه مدة طويلة وحطات ليه علبة فوق المجر اللي حدا راسو وقربات وجها بشوية باستو فحنكو ورجعات بللور كتمشى على اصابع رجليها حفيانة ومشات خلات الباب محلول ، يالاه خرجات حل عينيه مبتاسم وحط يدو على حنكو ، ناض جلس فطرف الناموسية متكي على ركابيه بيديه ساهي كيفكر ، دور وجهو شاف العلبة اللي حطات ليه وهزها فيدو وشعل ضوء الفايوز الخافت وحل العلبة الحمراء لقا فيها ورقة مكتبوب عليها حمراء فيها القلوبة مرسوم بالحمر " happy birthday" ضحك وهزها شم ريحتها لقا نفس الريحة اللي شم فيها فاش قربات ليه وباستو ، شدها فيدو ورجع يشوف شنو كاين فالعلبة

فتح العلبة لقا مربع صغير زجاجي لونو زهري براق ، جبدو شدو فيدو كيشوف فيه وفتحو وهو يطلع ليه دولفين صغير كيبري كيدير موسيقى وكيدور فبلاصتو بشوية مع الموسيقى الهادءة ، شافو وسام وابتاسم وبدا كيسدو ويحلو ، فكل مرة سدو كتسكت الموسيقى وفاش كيحلو كتطلق وكيبدى الدولفين يدور فبلاصتو. رجع سدو وحطو عند راسو وناض لبس الشورط وخرج من البيت فاتجاه البيت ديارا ، وقف حد الباب ديالو وحللو بشية ودخل لقى البيت مضلم وضوذ القمر مضويه ، شاف جيهت السرير لقاها ناعسة عاطياه بالضهر ومغطية نضها بليزار وشعرها مشتت فوق الناموسية ، دخل بخطوات بطيءة دار مع جناب الناموسية فالجهة اللي دايرة ليها هي وقرب منها وتكنا على ركابيه كيشوف فيها ناعسة فسابع نومة والشعر مدلي ليها على وجها ، هز الشعر بشوية عليها وحقق فملامحها مزيان بابتسامة ، دوز يدو على صبعو بشوية على وجها الداءري وحواجبها المرسومة وخدودها الناعمة وهبط ضبعو بشوية حتى لشفايفها الوردية الممتلءة ولمسهم ببطىء ، شاف جميع حروفها ودقق النضر فملامحها وحيد يدو ورجع شد ليها فيديها وهي مرخية، فتح ليها يدها بعد ما كانت جامعاها بحال الدري الصغير وبقا كيدوز اصابعو ووها ساهي ، مرة على اضافرها مرة على اصباعها وحطها على المخدة اللي تحت راسها وناض بشوية حتى طرطقو المغاصل ديال رجليه ، باسها بحنان فجبهتها وتوا مغمض عينيه وناض خلاها ناعسة كتمضغ بفمها فالنعاس وخرج سد عليها الباب ورجع لبلاصتو نعس . 

* * *

طول الليل وسارة جالسة ففراشها بوحدها مجاهاش النعاس وكل شوية طل على التيليفون كتسنى مكالمة من وسام ، عيات بالجلاس وناضت خرجات من البيت لقات راجلعا ناعس فوق الفوطوي والتلفازة مشعولة ، طفاتها ورجعات لبيتها وسدات عليها الباب ورجعات هزات التيلي دوزات نمرتو لقاتو طافي وحطاتو بالزعفة ورجعات نعسات.

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.