رهينة في قبضة الوحش الجزء التاسع

2018

محتوى القصة

رواية رهينة في قبضة الوحش كاملة

بقات تتسنى فلعشا .. تا تجمع كلشي فوق الطبلة من غير اوس و رينال .. ياسمين كلات شوية و مشات لكوزينة دات لعشا لرينال .. طلعات لفوق لقاتها كتبكي ..
ياسمين : ( حطات لبلاطو قدامها ) حبيبة مالك 
رينال : اهئ اهئ معرفتش اهئ اهئ 😔
ياسمين : صافي براكة من لبكا و كوليلك شي حاجة راه من صباح ما واكلة والو 
رينال : والله معندي منيين يدوز 
ياسمين: ( خنزرات فيها ) 
و بدات كتنقب فلماكلة كلات شوية و غسلات يديها و جلسات هي و ياسمين فلبالكون كيخطو كيفاش تهرب غداا ..
ياسمين : خاص كلشي ينجح حيت الا منجحناش اوس ايقتلنا بزووج 
رينال : يا ربي كلشي يدوز بيخير 
ياسمين : يلاه سيري ترتاحي شوية حاولي تنعسي 
رينال : انحاول 
ياسمين: (عنقاتها) بونوي ❤
خرجات من لبيت و مشات لبيتها و رينال غمضات عينيها بعد مدة نعساات ..، 
#عند_اوس
متكي فوق الناموسية و كيفكر ف رينال و يبدا يضحك توحشها .. ناض و مشا ديريكت لبيتها حلو بشوية و دخل عليها جلس حداها لقاها ناعسة بحال شي ملاك عينيها و رموشها الطوال كيحركهم الريح و تا شعرها مغطي وجها .. حيد ليها الشعر من فوق وجها و بدا يبوس فيها ..
اوس : ااااه توحشت اي حاجة فيك امتا ناوية ترحميني من هاد العداب 
بقا كيبوس فيها و تحنا لفمها باسها بوسة حنيينة و بلخف باش متفيقش رجع باسها فجبينها و خرج رينال كانت ناعسة ماحسات بواالو .. رجع اوس لبيتو و بقا كيكمي طا طلع الحال منعسش ...

صبح صبااح و فاقت رينال كتكسل و تفوه ناضت لدوش غسلات وجها و حكات سنيناتها و لبسات شوميزة بيضة طالعة من جيهة الكرش و سروال جينز و طالون فلباج ... و دارت ميكاب هادئ و نزلات لتحت باش تفطر .. جلسات حدا ياسمين و اوس كيشوف فيها بنص عيين شافتو رانية كيشوف فيها و هي دير راسها جاها لحريق ..
رانية : ( شدات فكرشها ، و هي كتغوت ) اااااااي اااي 
اوس : ( ناض و مشا عندها كيجري ، شد ليها فيديها ) مالك باش كتحسي نمشيو لطبييب 
رانية : لا اوس اوس ( حطات يدو فوق كرشها ) شوف شوف كيركلني ولد لحراام 
اوس : ( تحنا عند كرشها ، و كيدوز يديو عليه ) اه حاس بيه
رينال : ( مراقباهم و عينيها تغرغرو بدموع حابساهم بزز ) بصحتكم
ناضت رينال و خرجات لجردة حاطة يديها على فمها و كتبكي تا كيحبس فيها نفس 😔 ياسمين ناضت تبعاتها و عنقاتها ..
ياسمين : شش كلشي غيفوت 
رينال : اهييييئ اهئ كنموت كنمووت اياسمين اهيييئ هئ هئ😭😭
ياسمين: ( معنقاها و مزيرة عليها تا حسات بيها تهدنات ) هانتي خسرتي مكياجك سيري غسلي وجهك ..
مشات رينال لبيتها غسلات وجها و داؤت الميكاب من جدييد و نزلات لجردة ..
ياسمين: هاد اليوم ندوزوه غير انا ويااك 
رينال : واخا الالة 
ياسمين : امم فين باغا تمشي 
رينال : فين ما بغيتي وانا معاك 
ياسمين : زيدي تبعيني ..
خرجو من لفيلا ركبو فسيارة ياسميو مشاو لمول دارو شوبينg من تما مشاو لملاهي كيلعبو لعبة مورا لعبة و صوت صرخاتهم و ضحكتهم كيتسمع كملو من تما مشاو لكافي جلسو تما شوية كيهضرو و ياسمين كتعاود ليها على ياسر و حبها ليه منيين كانت صغيرة

خلصو و خرجو من لكافي مشاو لقصر دخلو ديريكت اوس ماكانش فدار مشات رينال لبيتها و تا ياسمين ... رينال سدات البااب بساروت مشات لماريو جبدات كااع لباسها و حوايجها و صورة اوس كانت خداتها من بيتو هادي شحال جمعات كلشي و حطاتو فلفاليزة ... بقات فلبيت كتسنى 1 دلييل باش تقدر تهرب ... بقات على اعصابها كتسنى ... شوية دخلات عليها ياسمين ...
ياسمين: زيدي تعشاي را كلشي مجموع كيتسناونا 
رينال : مبغيتش 
ياسمين : زيدي يا لخرااا واش بغيتيهم يشكو فينا 
رينال : اوك هانا جيت ..
خرجو بزوج و نزلو و جلسو فوق الطبلة كياكلو فصمة رينال خاشية و جها فطبسيل و اوس متبعها بعينيه و هي مكطلعش فيه عينيها .. كملو عشاهم مشات لكوزينة تعسل يديها و طلعات لبيتها كتسنى لوقت .. اوس ناض تبعها وصل لحدا بيتها لقاه مسوورت تعجب حيت ديما كتخليه مفتوح ..
اوس : فتحي لبااب 
رينال : ( كترعد و كتجر باليزتها باش تخبيها ) 
اوس : حلي الباااب ولا نفرعو 
رينال : تسنااا ازمر 
خبات باليزتها و حلا ليه لباب ...
رينال : اش باغي 
اوس: (دخل .. عليها و سد الباب ) علاش سديتي لبااب بساروت 
رينال : بغييت 
اوس : ( كيشوف ليها فمها ) توحشتك بزاااااف 
رينال : خرج 
اوس : لاش ما مبدلاش لباسك 
رينال ااا .. مم اا كنت ناوية نبدل دابا 
اوس : ( شك ) امم واخا 
بدا يقرب ليها و هي راجعة بلول تا شدها من خصرها و قربها ليت و هي كيشوف ليها فمها شد ليها يديها و حط هو ورا خصرها و بقا كيبوس فيها بوسات عنيفة كيمص و يجر و بكااع جهدو بحال شي وحش شوية بدا يعض فيها بشوية و يمص ليها دمها و هي كتبكي وعتها و ت ناحتسش على راسو تا فتح عينيه و لقاها كتبكي ..
اوس : (عنقها) ششش متبكيش سمحيلي احبيبتي 
رينال : اهييييى اهئ اهئ خرااااااااج عليااااا اهيييييئ اهئ 
اوس : كنبغييك بزاااف ( قال هاد الكلمة و خرج )
رينال : ( جلسات فوق ناموسية و كتبكي و فمها كيحرقها ) 
بقات جالسة فوق الناموسية تا وصلات 1 و صقيل فلقصر جات عندها ياسمين ب بيجامة و كتسلت ليشوفها شي حد .، فتحات لبااب بشوية ..
ياسمين : ( كتهضر بشوية ) زيدي 
رينال : جبدات فاليزتها و تبعات ياسمين ..
كيتمشاو وسط القصر بشوية بحال نمل و كلشي كان ناعس من غير اوس لي كان فبالكون د بيتو كيكمي ... وصلو لباب لقصة و خرجو منو .. و ليكارد ليمكلفين بلباب لكبيرة ناعسين ..
#فلاش_باك..
فاش كانت كتسنى ياسمين لعشا مشات لكوزينة حطاات منون ف ماكلة لخدم و ليكارد باش يسهال عليهم يهربو .. 
#الرجوع_للحاضر 
خرجو من لبااب لكبيرة و ه ما غاديين كيتسلتو بحال الشفارة وصلو لبااب لكبيرة و ليكارد كيشخرو .. خرجوو من تم معا الخرجة لي غيخرجو اوس شافهم ........

و صدرو بدا يطلع و ينزل بقوة الاعصااب غزت بكاااع جهدو ..
اوس : رينااااااااااااااال 
#عند_رينال
يلاه غنخرج من لبااب و هي تسمع صوت لي زعزعها و هي ترعد و تبكي ..
رينال: اهئ اهئ اهئ اليوم يذبحني اهئ اهئ 
ياسمين: سكتي و زيديي هادي اخر فرصة ليك ( شدات فيدها و طلعو فسيارة ياسمين) ..
اوس فاش عيط ليها و ماوقفاتش تبعهم و لكن لقاهم مشااو خدا سيارتو و كسيرا بسرعة تابعهم بحال شي سبااق ..
ياسمين : اويلي ميمتي هاهو مورانا 
رينال : اهى اهئ زيدي فسرعة اهييييئ 
رجعو طريق حلبة سباق و اوس موراهم شوية عفط عفطة وحدا و سد عليهم طريق بسيارتو و نزل و جهو حمر و عينييه و عروقو بايينييين فتح عليها لبااب و شدها من شعرها و تم غادي بيها و ياسمين كتفك و هو يدفعها جات طايحة و هو كسيرا بسرعة خيالية و ياسمين طلعات فسيارتها و تابعاهم ..
اوس : ( كيهضر و يغوت و يضرب فلفولون ) يا القحبة باغا تهربييي انا لي زاااامل رخيييت لمك ف سمطة ولكن بربي تا نرجع اوس بقديييم نربي والدييك علااااااااااش تهربييييييييي 
رينال : ( غير كتبكي ) اهيييييئ هنن اهئ اهئ 
اوس : خبي هاد الدموع غتحتاجيهم 
بقا غادي بسرعة تا تلف ل ياسمين مشا ف طريق لبحر ما وقف تا لفيلا ديالو تماا نزلها و بقا جارها من كتفها و هي كتحاول تنتر منو دخلها كانت فيلا عصرية و تقليدية كلها خشب و الوان هادئة دخلها لبيتو و سد لبيت ...
اوس : دابا شنو ندير فمك ااااااا 
رينال : اهيييى اهى اهئ سمحلي اهى اهئ 
اوس : ( صرفقها تا عوج ليها الحنك و خرح ليها الدم من جنب فمها و شدها من شعرها) يا الكلبة ليوم نربي والديك 
رينال : اهى اهئ اهئ ( كتبكي ) 
اوس : ( جرها و دفعها فوق الناموسية و حيد السمطة ) نتي كتفهمي غير بلعصا 
شحطها شحطة و هي تغوت بجهد ،،
رينال : اااااااااي امي 😭😭
اوس : زيدي غوتيييييي 
بقا عليها بشحييط بكاع جهدو تا رجع ليها لحمها كلو زرق و دم دايز منو ... و هو باقي كيضرب فيها بحال شي وحش ماواعيش علا راسو ...محنش فيها تا عيا و رما صمطا ...
رينال : ( كتبكي و تنين فصمت ) 
اوس : ( جلس حداها و زير على فكها ) صبرت بزااف لهبالك بزاااف دابا غتسمعيني و حلي ودنيييك 
رينال : ( كتبكي ) 
اوس : نلقا مك خارجة من لقصر بربي تا نقطه لموك ركابي و دوك لبس دلقحاااب منشوفوش باقي و شعرك يا ويلك طلقيييه و داك الماكيااج ماديريهش ( زير على فكها ) كتفهمييييي😡
رينال : اهئ اهئ اهيييئ اه اه اهئ 😭
اوس : اوا هاكة نبغيك ابب
خرج من لبيت مشا جاب ليها علبة الاسعافات و رجع عندها جبد بوماد كيماصي ليها فلحمها و هي كتوجع فصمت كمل غسل يديو و رجع عندها طلس متقابل معاها ..
اوس : علاش كديري هادشي واش عاجبك هادشي 
رينال: ( غير كتبكي و مكتجاوبوش ) 
اوس : كديريها قد راسك و كتبكي 
رينال : اهئ اهئ نتااااا مرييييض اهيييييئ اهيييئ 😭
اوس : مريض بيك ، راه ولييت مهوووس بيييك واش كتحسي بيا را نار شاعلة فقلبي منقدرش نعيش بلا بيييك ماهامنيش نتي بغيتي و لا لا ولكن ماقادرش نعيش بعيد عليك نتي كلشي فحياتي رينال كنبغييك تيقني ..
رينال : اهييييييى اهئ واش لي كيبغي كيدير هاكة اهئ اهئ اهئ قتلني خلاص اهئ اهئ اهئ😭😭😭
اوس : نتي كديريها قد راسك علاش تهربي هاااااا ياك المرة لي دازت دوزتها لييييك
رينال: اهئ اهئ ماقاداش نعييش معا وحش بحالك اهئ اهئ 
اوس : نتي لي كترجعيني وحش بفعايلك ( عنقها بجهد و زير عليها و هي كتنتر منو و لكن حاكمها بقا معنقها تا تهدنات طلق منها ..) سمحيليي .. 
رينال : ( شافت فيه برائة ) واعدني متبقاش ضربي 
اوس : منواعدكش مديريش علاش منضربكش اما لدرتي نخلي دار بوك راه هادا طبعي فاش كنتعصب مكنشوفش قداامي كنولي واحد اخر 
رينال : ( رجعات تبكي تاني ) اهيييييييئ اهى علاش كتحكم فياااااا اهى اهئ اصلا باشمن حق تضربني و تحكم فيا اهئ اهئ اهئ سير تحكم فمرتك اهى اهئ الله اخليك بعد مني اهئ اهئ خليني نعييش حياتي 😭😭
اوس : ( مالقا ميقول ليها ) نعسي دابا صباح نهضرو ..
رينال :( ناضت بكل قوتها وقفات ) اهئ اهئ عرفتي انا كنكرهك و كنحملش نشوووف وجهك اهئ اهئ نتا دمرتيلي حيااااااتي اهئ اهيييئ و عمري نسمح ليك اهئ .. عمري نسااا اهانتك ليا اهيييئ و اغتصابك ليا كل ليلة اهئ اهئ رجعتيني عاهرتك اهييييئ اهئ نتااااا عارف اش درتي ولا لا اهئ اهئ فتحتي لي جروحي لي نسيتها هادي شحاااال اهئ اهئ كنكرهااك نتا و داك الحارس و هاد المدينة كلها اهئ اهئ نتوما خرجتولي على حياتي اهييئ انا كنكرهكوووووووووووك كلكم اهى اهئ الله ياخذ فيك م الحق اهييييييى هئ 😭
اوس : ( قرب ليها و كيحاول يهدنها و هي غير كتبكي و تغوت و تنتف فراسها ) انا حارس شنو واقع وانا مافخباريش ..
رينال : اهئ اهئ بعد مني اهئ 

اوس: ( جلسها فوق الناموسية و جلس حداها و هو معصب ) غتهضري دابااا بزز منك ولا نفرع مك 
رينال : ( كتبكي ) اهيييئ اهئ اهئ اهئ😭
اوس : ( حاول يهدن راسو ) شوفي انا معاك متخافي من والو قوليلي شنو وقع ليك 
رينال : اهى اهئ اهئ منقدرش منقدرش اهى اهئ 😭
اوس: ( طلع ليها وجها بيديه ) رينال عاوديلي يمكن ترتاحي 
رينال : ( بقات كتعاود ليه و تبكي بحرقة و تشهق وهو دمو كيغلي عليها كره راسو و اي لحضة عدبها فيها ، كيتصنت ليها و عقلو مع داك الحارس .. عنقها و زير عليها و هي كتبكي فوق صدرو ) 
اوس : اه و نخرج على زامل بووووه تا ن****و قحبة دمو ( شد ليها وجها ) كنواعدك غنسيك فكلشي عطيني غير فرصة ..
رينال : هههه ( ضحكة استهزاء ) فرصة واش كضحك عليا نتا را قريب يولي عندك ولد ( كتبكي و تهدر ) و مرتك معااك وانا شنو ؟ 
اوس : نتي حيااتي انا كنبغيك نتي 
رينال : بعض المرات الحب ماكافيش ، بعد مني خليني نعيش حياتي را تخنقت ... انا مكنبغيييكش و عمري نبغيك ..
اوس : تا انااا را عيييت...... واخا الالة بغيتي تعيشي حياتك عيشيها ولكن نلقاااك معا شي زامل بربي تا نبكييك دم و دااك القصر عمرك تحلمي تخرجي منو 
رينال : بغيت نمشي من هنا 
اوس : دابا لييل تا لغدا نمشيو ... نعسي دابا 
رينال : منيين غيجي 😒
اوس : نعسي و بلا كترة الهضرة 
رينال : وخراااج 
اوس خرج من لبيت و نزل لتحت جبد قرعة دشراب و بقا يشرب و داير يديه ورا عنقو و رجليه فوق الطبلة كل ما يتفكر شنو وقع ل رينال عروقو يبانو و عينيه حمارو من كثرة الاعصاب مشعر على راسو تا زير على الكاس و طرطق و تجرح ف يديه و دم بقا يسييل و هو ولا هامو طلع لبيت رينال يشوفها لقاها ناعسة و مغوبشة .. جلس حدااها و كيشوف فوجها بحال الى كيحفضو كيدوز يدو على وجها و شفايفها و عينيها و يديه كتقطر بدم و هو ماواعيش ... رينال حسات بشي حاجة فوق وجها و ناضت مفزوعة شافت اوس و يدو كتقطر بدم بلا متفكر ناضت كتجري جابت علبة الاسعافات و جلسات على ركابيها و هي كتلمس فيدو و كتحاول تحبس النزيف و كتحاول متوعتوش و هو كيشوف فيها و دموعو على طرف عينو كيفاش قدر يعدب بنت بريئة بحالها كاع مدوز عليها من لعداب وهي دابا جالسة كداوي لو فجروحو .. رينال وقفات النزيف و دارت ليه بوماد و فاصمة و رجعات العلبة لبلاصتها و غسلات يديها و جلسات حداه قبل متهضر طار عليها بتعنيقة مزير عليها بحال الا غتهرب ليه ... طلق منها ..تا كان غيخنقها..
اوس : سمحيلي ارينال ..
رينال : بغيت نعس ممكن تخرج 
اوس : ( باسها فوق راسها و خرج ) 
و هي حطات راسها فوق المخدة كتحاول تنعس و تفكيرها كلو مع اوس ..

اصبحنا و اصبح الملك لله.. ناضت رينال لولة غسلات وجها و راسها عاطيها لحريق من كترة لبكا لي بكاات .. مشات لجيهة لمراية كتشوف راسها و ضرابي لي فيها تنهدات و خرجات من لبييت نزلات لتحت كان اوس جالس ليل كلو منعسش لمحها جات طول فيها شوفة قرب ليها و باسها من فمها ....
رينال : متعاودش تقرب مني 
اوس : متخافيش هادي اخر مرة نقيسك غنخليك تعيشي حياتك واخا عارف راسي غنتعدب ولكن السعادة ديالك كتهمني ...
رينال : ( بحال الى تخشا خنجر ف قلبها كانت كتسنى منو يرغبها كتر و يقوليها انتخلى على كلشي على ودك .. تغرغرو عينيها بدموع ) الحمد الله منيين فهمتي☺
اوس : را وجدت لفطور .. نفطرو و نمشيو
رينال : واخا ..
فطرو فصمت غير صوت الفورشيط لي كيتسمع و رينال غير حانية راسها كتنقب فطبسيل و هو حاضيها بنص عين .. كملو فطورهم و خرجو من ديك الفيلا رجعو لقصر .. كلشي كان خارج من غير ياسيمن لي كانت جالسة فصالون ... غير شافتهم مشات عند رينال كتعنق فيها و تبوس ... لقاتها كلها مطبعة ..
ياسمين: دوي يا الحمااار اش درتي فلبنت 
اوس : دخلي سوق كرك ولا نخلط مك دابا زايداها بلهدرة 
ياسمين: محرامش عليك شوف كي رجعتي حالة البنت كلها مطبعة واش نتا مريض 
اوس : لا نتي باينة كتقلبي عليا... 
طلع لبيتو و خلاها بلاكة كدوي بوحدها ..
ياسمين: حبيبة يلاه نطلعو لبيت نداوي ليك جروحك 
رينال : ( كانت على سبة و بدات تبكي ) و الجرح لي فقلبي شكون يداويه 
ياسمين: اوف تاني ( جراتها و جلساتها فصالون ) دابا غير قوليلي واش نتي حمارة ولا شنوووو واش كاع لي دوز عليك راكي تعدبي على ودو خاصك تندميه على مادار فيك عيشي حياتك كيما هو عايش حياتو متخليهش يلعب عليك تاني واخا عارفة صعيبة ولكن حاولي تنساي عمري وقتك ..
رينال : اهئ اهئ وكيفاااش اهئ اهيييئ انا عارفة راسي حماارة اهئ اهئ بغيت شخص لي اذاني اهئ اهئ اهئ ولكن شنو ندير قلبي لي تحكم فيا اهئ اهئ اهئ و راني كنتعدب تاني اهئ اهئ 😭
ياسمين: حبيبة صبري كلشي غيفوت اول حاجة هاد الدموع منبغيش نشوفهم تاني خاصك تبدلي تولي قوية و كرامتك ديما الفوق باش تردي اعتبارك و حقك .. و دابا مسحي دموعك
رينال: ( مسحات دموعها ) اه عندك الحق خاص نكون قوية و منضعفش تاتي ..
ياسمين: ( بابتسامة ) هاكة نبغيك ...
دازت سيمانة على رينال فنهار كتبين راسها قوية و فلييل كتبقى تبكي اوس ولات كتفداه و قليل فاش كتخرج من لقصر بيان سيغ مع ليكارد اما رانية كتمشى فلقصر بحال شي اميرة و هي شادة فكرشها و فوقاش ما تلاقات مع رينال كتجرحها بشي كلمة ...
#عند_رينال
جالسة فجردة و شعرها الاسود الحريري كيطيرو ريح و فمها الصغيير لي كضل تحركو بطريقة مغرية كتشوف فتلفون و و تضحك و اوس موراها حاضيها مكرهش يطير عندها يبوسها و يعنقها و لكن واعد راسو يبعد عليها تا يخليها تعتارف بحبها ليه مشا عندها و جلس حداها كيشوف فتلفون ديالها و هي لاهية مع تلفون تا خطفو ليها من يدها ... 
رينال : عطيني 
اوس : شكون عطااك هاد تلفون و معامن راك ضاحكة 
رينال : سوقك 
اوس : اوك انا غنشوف ..
كيشوف فتلفونها و هي كتحاول تحيدو ليه بقا كيفتشو مالقا والو ...
اوس : يا وييل نشوف عندك شي قمقوم هاني علمتك 
رينال : ( وقفات .. قربات لحد وجهو و غوتات ) ندخل لي بغيييت ماشي سوقك ( بقات كدوي و تغوت )..
اوس : ( حاضي ليها غير فمها.. سكتها بقبلة .. غمض عينيه و كيبوس فيها بحنية و هي سارحة فعينيه تا حل عينيه و طلق منها ) ... 
فهاد اللحضة كان شخص مراقبهم و قلبو كيتحرق و دموعو حارين كينزلو على خدو كيشوف و يتحلف فرينال .....

رانية : انا خسرتو اه خسرتو اهئ اهئ ولكن مغنخلهش ليييك اهئ يا نلعب يا نحرم لعب ....
#عند_اوس 
اوس : احح شحال توحشتك 
رينال : متقربش لياااااا 
اوس : نتي كتبغيني براكة متخبي را كلشي باين فعينيك 
رينال : مكنبغيكش ..
اوس : وعلاش فاش بستك موقفتينيش 
رينال : ( كتقفقف ) حيت .. حيت 
مشاات بزربة بلا متجاوبو و هو كيضحك عليها .. رينال دخلات لكوزينة كانت تما رانية كتخشي فمها .. ناضت غسلات يديها و تبعات رينال شداتها من كتفها ...
رانية: شوفي داك التقحبيين ديالك بلاش منو سيد بمرتو ونتي جالسة كتلوزي عليه واش محشمتيش 
رينال : ( بقات ساكتة مجوباتهاش ) 
رانية : نتي باينة فيك ممربياش قحبة مقطرة يا خطافة رجاال اكبد اتكوني بحال مك
رينال : ( نزلات عليها بتصرفيقة فاعلة تاركة ، رانية طاحت لرض و غير شافت اوس داخل و شدات فكرشها كتبكي و تغوت ) 
رانية : اهئ اهئ اهئ قتلتيلي ولدي اهئ اهئ اااااوس اهئ 
جا اوس كيجري دمو كيغلي نوضها و كيشوف فرينال شوفات دلقتيلة قرب ليها صرفقها تصرفيقة صدى ديالها تسمع فلقصر كلوو ..
رينال : ( كتبكي و و دم خارج ليها من جنب فمها ) 
اوس : اخر مرة تقربي ليها كتفهمي ...
رينال : ( محملاتش راسها طلعات لبيتها كتبكي بجهد ) 
رانية شادة فكتف اوس كتبكي دموع التماسيح ...
رانية : اهئ اهى شفتيها كانت بغات تقتليا ولدي اهئ اهئ اهئ 
اوس : سكتينا ...
شد على راسو و طلع لبيتو و سد لبااب بجهد جلس فوق الناموسية و هو كيأفأف ... و يتنهد ..
#عند_رينال ..
طاحت فوق ناموسيتها كتبكي و تشهق ... تا شبعات بكا و عيطات لوائل ...
وائل : حوبينو 
رينال: توحشتك بزاف ( بصوت غالب عليه لبكا ) 
وائل : رينال مالك ياك لاباس ؟
رينال : بغيت نشوفك اهى اهى 😭
وائل : ولبكا علاش 
رينال : تالغدا و نهدرو فين نشوفك؟
وائل : فلقهوة لي قدام لبحر ...
رينال : واخا مع 3 نلقاك تم ...
وائل : طيب يا حبيبتي 
رينال : سير الله يمسخك ...

كملات الهضرة معا وائل و هبطات لتحت تعشا ... مشات لكوزينة جلسات تما تعشا ...
لخدامة: لالة تفضلي العشا راه واجد 
رينال : انتعشا هنا انا 
لخدامة : واخا الالة ...
هزات بلتطو فيه ما بارد و مشات حطاتو فوق الطبلة ..
ياسمين: واش عيطتي عليها 
لخدامة : اه الالة راه غتعشا فلكوزينة 
ياسمين: صافي ...
بداو فلماكلة و رقية كتخنزر ف رانية و اوس كياكل و كيفكر فرينال و تصرفيقة لي عطاها .. كمل ماكلتو و تاجه لكوزينة يغسل يديه و شاف رينال تما جالسة .. شاف فيها و فوجها لي تصورات فيه يدو ... يلاه بغات تنوض حبس عليها طريق ...
اوس : علاش ماجيتيش تعشاي معانا 
رينال : بعد من طريقي
اوس :جاوبني 
رينال : مبغيتش نشوف كمارتك دابا خليني ندوز 
اوس : (شدها من يديها ولصقها مع تلاجة و حاوطها بيديه ، حط يدو على حنكها كيتلمس فيه بشوية ) سمحيلي 
رينال : سمحيلي ... سمحيلي ... سمحيلي... كرهت هاد الكلمة ... 
اوس : علاش ضربتيها 
رينال: سولها هي... خليني نمشي 
اوس : ديما كنقوليك فاش كنسولك جاوبيني 
رينال: استفزاتني بكلامها كلشي نصبر لييه ولكن لي يجبد مي على لسانو ندخل فيه طول و عرض 
اوس : ( قرب ليها ) قاصحة معا راسك 
رينال : ( توترات ) خليني نمشي دابا يشوفنا شي حد و يفهمنا غلط 
اوس: خليهم يفهمو مكيهمنيش 
رينال: الله يخليك خليني ندوز راه دابا يشوفونا 
اوس : بوسيني لول 
رينال : لا نتا راك حماقيتي بصح 
اوس : ختاري يا تبوسيني و نخليك يا نبقاو هنا تا يشوفونا 
رينال : ( كتحاول تنتر منو ) وطلق ازمر 
اوس : ( مكيجاوبهاش ) .... بلا متحاولي 
رينال : صافي واخا ( قربات لوجهو و باستو ف خدو ) 
اوس : دابا هادي بوسة 
رينال : واش بغيتي 
اوس : ( قرب لشفايفها و باسها ) بغيت بحال هاكة 
رينال : تفو على بشر( دفعاتو و مشات كتجري ) ...
طلعات لبيتها و هي كتلعن فراسها فتحات لماريو جبدات بيجامة كحلة ( شورط قصير و ديباردور ) حطات راسها فوق المخدة تا داتها عينها ....

صبح صبااح و كلشي فاق بكري من غير رينال لي تعطلات تا ل 11 ناضت مقلوبة و كتفوه دخلات لطواليت دوشات و كملات جلسات فوق الناموسية كتشلل شعرها .. حلات الماريو كتشوف شنو تلبس ختارت شوميزة كحلة كمامها شفافين مع سروال بيض و طالون كحل جلسات على الكرسي لي مقابل مع لمراية صايبات شعرها و طلقااتو دارت ميكاب صارخ و رشات بارفانها و دار نضاضرها و خدات صاك قصير فلبيض .. خرجاات من لبيت نزلات لتحت كضور فعينيها كان صقيل فلقصر ... دخلات للكوزينة فطرات على راحتها كملات غسلات يديها و تمات طالعة لبيت لميمة طل عليها .....فلكلوار شافت اوس واقف معا رانية و صوت ضحكهم كيتسمع فلقصر كلو ...
اوس : ( حاني على ركابيه و كيدوز يدو على كرش رانية و كيضحك ) اه ههه اه والله كيتحرك 
رانية : ( كضحك) اه ولد لحرام قتلني بركيل طالع لبااه 
اوس : ( كيضحك و ماقاداه فرحة ) كيشبه ليا ...
هادشي كلو داز على مسامع رينال هبطات كتجري لجردة و طاحت لرض كتبكي و تشهق و حاطة يديها على فمها باش ميسمعها تاشي حد بقات تبكي تبكي تا تفشات و ناضت بزربة و طلعات لبيتها شافت فلمراية ...
اوس :اهئ اهئ حقييييييير كداااااب اهئ اهييييييييئ اهئ كنكرهااااااك اهئ اهئ الله ياخذ فيك الحق اهييييئ هئ هئ 😭😭 ( مسحات دموعها ) صافي مغنبقااش نبكي هادي اخر دمعة غتنزل بسبابك .. مشات لحمام غسلات وجها و مسحاتو و صايبات الميكاب ديالها تاني .. جبدات تلفونها من صاك و عيطات لوائل ...
رينال : وائل فينك 
وائل : فلكلينيك 
رينال : هاني جاية عندك 
وائل : ولكن باقي الحال 
رينال : خرااا واصافي بحال بحال مهم انخرج دابا و نجي عندك 
وائل : كنساينك ...
قطعات عليه و دارت نضاضراها تنفسات الصعداء و خرجات من لبيت و هي كتنزل فدروج بكل تقة و راسها الفوق اوس كان جالس كيكمي و شاد الجريدة فيديو تا شافها نازلة طفا الكارو و مشا عندها ... شدها من كتفها ..
اوس : فين غادية 
رينال : غنخرج 
اوس : فيين و بهاد الحالة (دفعاتو بكل قوتها و صرخات فوجهو و هي رافعة صبعها فوجهو ) 
رينال : اااااااااخر مرة تقرب لياااااا كتفهم مابيني و بينك والو نمشي فينما بغييت ندير لي بغيييييت ماسوووووووقاااااكش فيااا والله و تزيييد تحكم فيا ولا دخل فحياااتي غنفضحك و نفضح كااع شنو درتي فياااا العائلة كااااع غتعرف قسمااااا بالله تا نديرها ولا نقتل راسي و نتهنى منك واش معندمش كرامة ولا شنو واتفرق عليا تا لهناااا و برااااااكة اوااااااه عيييييت صابرة 
اوس : اواه وليتي ...( قطعاااتو ) 
رينال: انا مبقيتش رينال لي كتعرف تضربها و تسكت تغتصابها و تبكي تعدبها و تبقى ساكتة لا لا كلشي تبدل دابا انا غنهضر و نتا غتسمعني اخر مرة تحكم فحياتي كتفهم ....
خلاتو بلاكة و مشات و هي حاسة براسها قوية واخا دموع كانو غينزلو ليها ولكن صبرات راسها و حاولات تقوي راسها و متضعافش تاني ...
خرجات من لقصر و ليكارد كيتسناوها ...
رينال : غنمشي فتاكسي 
لكارد: لالة ولكن سي اوس امرنا 
رينال : ( قطعاتو ) غنمشي بوحدي ماكاين لا ولكن اصلا هو عارف 
لكارد : واخا الالة...
شدات تاكسي لكلينيك ... وصلها تما خلصاتو و نزلات دخلات ديريكت طلعات لشومبر دوائل دخلات عليه كان جالس و كيهضر فتلفون ...
رينال : حبيبيييييييي 
وائل : ( كيدير ليها اشارة بيدو باش تسكت و هي غير مازايدة فيه ) 
رينال : توحشتك اساااط 
وائل : ( كيهضر فتلفون ) حبيبة والله مامعايا شي وحدة راه هادي غير .....( قطعات عليه) ...
رينال : بب سمحلي ياكما دابزتو ( كضحك ) 😂😂
وائل : خراااا هاهي دابا تقلقاات 
رينال : ( عنقاتو) توحشتك بزاااااف 
وائل : كون تشوفي انااا اصكعة 
رينال: فين نمشيو را بغيييت نبدل لجو تخنقت 
وائل : ولا عليك الحب انمشيو لكافي لول تعاوديلي مالك و من تما نمشيو لبوااط 
رينال : لبوااااط !!!!! ....،

وائل : اه لبواط مالك حالة فمك ياك بغيتي تبدلي الجو 😒
رينال : اه اه نمشيو علاش لا 
وائل : نبدل و نمشيو 
رينال : واخا هاني كنتسناك حدا الباب ( خرجات من لبييت ، وائل بدل لباسو و خرج عندها ) 
وائل : مشينا 
رينال: اه ...
خرجو من تما ركبو فسيارة وائل كانت من نوع ( Golf 4 ) كحلة .. طريق كلها و هوما ناشطين طالقين ل دسيك بجهد و رينال كتخرج من سرجم دطوموبيل و شعرها الكحل الطويل كيطيرو الريح و وائل كيغني معاها و تابعها فهبالها .. بعد مدة وصلو و نزلو توجهو ل ديك الكافي كانت حدا البحر ... جلسو و طلبو قهوة ...
وائل : اوا الالة منوياش تهضري 
رينال : نسى هاد اليوم راني مزيانة مبغيتش نجبد داك الموضوع 
وائل : ولكن ..
رينال : ( قطعاتو ) واصافي نسااا اصلا مكاين والو 
وائل : اوك على راحتك 
رينال : ( ابتسامة ) 😊
بداو فلهضرة و ضحك على عباد الله هادي زوينة هادي خايبة هادي معوقة بقاو فنميمة ..
وائل : وامي كرشي 😂😂😂 ( كيضحك ) ههههههه مصيبة نتي .. زيدي زيدي نمشيو 
رينال : فيا جوع 
وائل : انمشيو لدار نتغداو نرتاحو شوية و من تم نمشيو لبواط 
رينال : لدار لا لا نتا راك بديتي تخرف 
وائل : ( كيضحك ) ماتايقاش فيا ولا شنو😂😂
رينال : لا ماشي مسألة تيقة جيرانك يشوفونا و ياخدو شي نضرة خايبة 
وائل : على راحتك 
رينال : انمشيو لشي ريسطو دابا نتغداو و من نمشيو لجردة لحدا لكلينيك 
وائل: جردة !!! 
رينال : اه مالك توحشت نجلس تمااا 
وائل : اوكي زيدي ...
وائل خلص و خرجو بجوجهم كيضحكو ركبو فسيارة و مشاو لديك جردة جلسو تما شوية ... شوية ناضت رينال كتجري و وائل تابعها ....
وائل : رينال وااااا رينال وقفييييي 
رينال : ( كتجري تا وقفات عند لي كيبيع غزل لبنات ) 
وائل : ( وصل عندها و هو كينهج ) 
رينال : بغيتوووو 😍
وائل : دابا هادشي لي منوضك كتجري 
رينال : اه 
وائل : عطيها جوج الاخ 
رينال : ( كتسنى و عينيها كيبرييو بالفرحة ) 😍😍
عطا ليها غزل البناات خلصو وائل و هي غادية كتاكل فيه و وائل موراها ...

جلسو فلرض و رينال كتاكل و تشوف فيه و الفرحة مبينة فعينيها و وائل عاجبو الحال حيت قدر يفرحها و يضحكها ولو غير شوية .. بقاو تما تا ضلام الحال و ركبو فسيارة ..
وائل: دابا وصل وقت نشااط 
رينال : وائل دير دير داك دسيك ديال شابة ملاك 
وائل : انا ديسك تاني 
رينال : حبيبي شو غيرك 
وائل : زوينة هادي 
رينال : واديييرو عفاااك 
وائل : واتسناي 
دار ليها داك ديسك و هي كتغني بجهد و تضحك ....
غير قولي منبغيكش  🎶🎶 متقوليش نكرهك 🎶🎶 
في عشقك مرحمتنيش🎶🎶 يانا جامي ضريتك 🎶🎶
حبيبي شو غيرك 🎶🎶 حبيبي شو غيرك 🎶🎶
وائل : وفضحتينا سكتينا شوية 
رينال : تا مالك مسموم😒😒
وائل : وصلنا يلاه نزلي 
نزلو من سيارة و دخلو لبواط كان تما عالم تاني القحااب الشيخات الرجال الشبااب و منساوش تا تيتيز😂😂 .. كل واحد فين لاهي لي معا صاحبتو هالي كيشطح هالي كيشيش كل واحد و شنو كيدير .. جلسو فوق ليفوتوي و حداهم طبلة صغيرة وائل طلب فودكا و رينال طلبات عصير ... هي جالسة و ماعلابلها بوالو تلفونها من صباح و كيصوني و هي مسمعاتوش ... 
#عند_اوس
واقف فلبالكون و كيكمي كيعيط لرينال و مكتجاوبوش زاد تعصب طفا الكارو و خرج من لبيت معصب مشا عند ياسمين لي كانت كتهضر فتلفون مع ياسر ...
ياسمين: اطط دابا شوية نعاود ليك 
ياسر : اوك ( قطع ) 
اوس : فين هي رينال 
ياسمين: ماعارفاش 
اوس: هضري بلا متعصبيني 
ياسمين: وابناادم ماعارفااش 
اوس : عيطي ليها 
ياسمين : علااش 
اوس : ( بالغواات ) خراااااا عيطي ليها وبلا هضرة 
ياسمين: ( عيطات ليها ) مكتجاوبش 
اوس : ( خرج من بيتها و ردخ البااب بجهد )
خرج على برا هز سيارتو و مشا كيقلب عليها ....
#عند_رينال
كنشرب فلعاصير و تضحك معا وائل و هو كيشرب ( مكيشدش فيه الشراب ) ....
رينال : دوقني 
وائل : لا براكة عليك غير لعصير 
رينال : واغا شوية 
وائل : لا هي لا 
رينال : ( دارت راسها تقلقات ) بلييييز 
وائل : مشكيلة معاك نتي ( عطاها الكاس لي كان كيشرب فيه ) 
رينال : ( شربات جغمة لولة عجبها فلخر شرباتو دقة وحدة ) عجبني عجبني زيد  😍
وائل : لا صافي غتسكري 
رينال : واصافي غير هاد ليلة مافيها والو 
وائل : ( زادها كاس تاني )
رينال : ( شربااتو وهنا سكراات ) 

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.