صورة مصغرة لـعذابي الجزء 19 و الأخير

عذابي الجزء 19 و الأخير

l2akhir wa w 3adabi 
رواية عذابي لنهى مر

بداو ليكوبل لوخرين كاينوضو يشطحو حتا عمر تما كولشي ناض كايشطح، كملات الأغنية و بدا فأغنية تانية ريتمها مختلف، شد غيث فيد ياسمين و مشاو جلسو فالبرزة و خلاو العائلة ناشطة مع برينس رويس كايشطحو، جات سعيدة عند بنتها لابسة غوب فالأزرق ملكي مستورة و طالقة شعرها و دايرة مكياج خفيف لابسة صباط عالي كاتبان زوينة و عويناتها الرماديين مبروزين بشدة
سعيدة: مبروك ا بنتي (سلمات عليها)
ياسمين: الله يبارك فيك 😍
سعيدة: تهلا ليا فعوينتي (سلمات على غيث)
غيث: وايلي ا خالتي حتى ولدنا لولاد عاد غاتقوليها ليا
سعيدة: اوا ضاروري نوصيك هيهيهي مبروك حتى لختانة ويلي صرعوني ولادك بكا
ياسمين: اشمن ختانة !
سعيدة: علاش ماقالش ليك ! راه أنيس و مروان تختنو
ياسمين: كيفاش 😨 (شافت فغيث) علاش ماقلتي ليا والو 😠
غيث: مابغيتش نشطنك، ماتخافيش راه ناعسين ماتقصحوش بزاف، عارفك غاتشوفيهوم غاتبداي تنوحي و تبكي اللهم ندير كولشي بالسكات
ياسمين: و فينها أناييس ياكما حتى هي طهرتيها 😠
غيث: أناييس راه كاين مع كارمن مبعدينها على شوق باش مايتدابزوش
ياسمين: عافاك ا ماما جيبي ليا أناييس قبل مايطهرها حتى هي 😠
ضار غيث كايضحك ضحكة سخرية و ياسمين معصبة عقلها مع ولادها لي تختنو و هي ماحاضراش ليهوم .... ضار شافها هاكدا مغوبشة و هو يجمع الضحكة و بدا كايراضي فيها
غيث: وا حبيبة ماتقلقيش صافي ... كون جيتي كون سخفتي ليا
ياسمين :حشومة عليك ماخليتينيش نحضر
غيث: حتى انا ماحضرتش لواليد و باك و ليث لي تكلفو بهادشي و راه تختنو لبارح ليوم راه شوية لاباس اصلا مويان يتختنو صغار باش يبرا الجرح دغيا و مايتفكروهاش بمرة
ياسمين: صبرني بهاد جوج كليمات 😠
رجعات سعيدة شادة فيد أناييس لي لابسة غوب بيضة ديال لعريسات مع صباط اسود و طالقة شعرها ، غير شافت ماماها و طلقات رجليها للريح و طلعات عندهوم

أناييس: مامي 😄
ياسمين: روح مامي (باستها فحنكها) الله على زيونات ديالي أنا الناس لابسين كسوة ديال لعريسات هاي هاي هاي زيانيتي
أناييس: انا نتي بحال بحال (كاتعبر بيديها)
ياسمين: اه ا حبيبة لابسين بحال بحال
غيث:(قرب حداهوم و باس أناييس) ماتوحشتيش بابي
أناييس: (شافت فياسمين) بابي زا لدال 😱 (بابي جا لدار)
غيث: و غادي يبقا معاك فالدار دييمااا
أناييس: ديما 😋
غيث: اه ديما (باسها)
ياسمين: شي نهار غادي ناكلها (كاتبوسها فعنقها)
أناييس : هههههههههه 😄😄😂😂😂😄😄
دوز غيث يديه على شعر ياسمين و ابتسامة على وجهو و تنهد باينة لفرحة على وجهو بقا كايشوف فياسمين و هي كاتداعب أناييس و كاع ذكراياتو معاها كايدوزو فبالو بحال شي فيلم وحدة تابعة وحدة من نهار شافها أول خطرة حتال هاد اللحظة ديال عرسهوم.
جات العائلة كاتصور معاهوم و ياسمين فرحتها لا توصف غير كاتفرنس و تضحك ، مشا برنيس رويس و قلبوها شعبي كايشطحو بيناتهم و قمر دخلات كاتشطح الشعبي واخا ماعارفاش ليه و ليث حداوا كايشطح حتى هو و العائلة كذلك و شهاب و جوري جالسين فوق فوطوي مراقبين كولشي من بعيد، شهاب لابس سروال بلو مارين مع قميجة بيضة و صباط بلو مارين محيد لفيستا حاطها حدا و جوري متكية على كتفو لابسة كسوة فالفضي عندها كتف واحد و الكتف الثاني عاري طويلة حتال للأرض مع صباط فضي طالونو عالي و دايرة فعنقها سنسلة من الألماس بكورميطتها و خاتم زواجها فصبعها
شهاب: شوفيه شحال فرحان (كايدوز يديه على ضهرها)
جوري:شكون!
شهاب: غيث
جوري: بالسيف مايكون فرحان راه مع لي بغا قلبو
شهاب: حتى هي صبرات معاه بزاف تستاهل اي حاجة يديرها ليها
جوري: لي كايهمني هو تخلي ولدي فرحان و مامحتاج والو
شهاب: ماتخافيش من ديك الناحية ولدك عايش بيخير حسن كاع مني كان عندك ، دابا كاع فاش ولاو عندو لولاد راه ترزن و دار عقلو و حتى هي
جوري: تهنيت دابا من جيتهوم كاملين كل واحد فيهوم بعائلتو و بولادو و بخدمتو
شهاب: ولادنا كبرو و ولدو ولادهوم و هاهوما ولادهوم كايكبرو ، كل نهار كاندعي مع الحاج الله يرحمو حيتاش كان السباب حتى تجمعت معاك
جوري: (عنقاتو) حتى كون ماخلا لوصية كنت غانتبعك لآخر الدنيا و نتزوجك بزز منك
شهاب:(باسها فراسها) الله يخليك ليا و صافي بلا بيك واهلي فين كنت غانكون.

ناضو لعرسان قطعو لحلوة و كلاو منها و كملو العرس و تفرقات الجوقة و مشات ياسمين لبيتها مع غيث، خدات دوش خفيف و لبسات شوميز دو نوي فالبينك و شعرها مطلوق و وجهها باقي مصايب و خرجات من طواليط لقات غيث مجبد فوق لفراش لابس بوكسر داير يديه تحت راسو كايتفرج فالتلفازة، ضور وجهو جيهتها و شافها و بتاسم تلقائيا ، ناض عندها و هي كاتشوف فيه و مبتاسمة، شد ليها فيديها و باسها من كفها و باسها فجبهتها و هزات عينها شافت فيه
ياسمين: ماخاصكش تبقا واقف بزاف راه باقي مابريتيش
غيث: ششششش (حط صبعو على فمها) خليني كانشوف الزين لي عطاني ربي
ياسمين: 😋
غيث: الله على ريحة فيك ... توحشتك
ياسمين: انا ديما معاك و توحشتيني
غيث: توحشتك فحاجة وحداخرا
ياسمين: و لكن ياك نتا ...
غيث:(باسها فشفافها و قطع هضرتها) داكشي كان مرتابط غير بالشلل و غير الأشهر لولا كان داكشي اما من بعد رجعت عادي (هزها) هاد ليلة لي غادي تدوز مدام ياسمين راييس أحلى ليلة فحياتها (لاحها فوق الفراش و طفا الضو)

صبح الصباح طلات شميسة ذهبية من بين الغيوم كاتحاول تتسلل من الريدو ديال بيت غيث و ياسمين و لكن تحبسات و بقا لبيت مضلم، ياسمين عريانة ناعسة على جنب مغطي غير نصها التحتاني و غيث موراها خاشي راسو فعنقها غارق فسابع نومة مغطي حتى هو غير نصو التحتاني، طاحو بجوج فنوم عميق حيتاش مانعسو حتى صبح الصباح حسسها كأنها يالاه زوجات و كأنها يالاه ليتها لولة معاه و هي بدورها حسساتو برجولتو و حبها ليه و خلاتو كيف العادة يكون هو المسيطر فالعلاقة الجنسية ديالهوم.
توسطات الشمس السماء و هوما مازال ناعسين ، الصمت هو لي كاين فجأة كايتخللو طرقات فالباب، بداو الضربات كايقواو فالباب حتى فاقت ياسمين مفزوعة مقلوبة بالنعاس
ياسمين: واخا واخا
ناضت لبسات بينوار ديال شوميز و سداتو و مشات للباب حلاتو كاتشوف الفوق مالقات حد ، هبطات راسها و هي تبان ليها أناييس لابسة سيفيط فالرمادي سخونة هازة دب كبير جاراه من ودنيه دايرة قرينات فشعرها، دخلات كاع ماسوقات لياسمين، جارة الدب ديالها و مشات عند غيث ، طلعات فوق الفراش و باستو فحنكو و ياسمين واقفة كاتشوف فيها
أناييس:(كاتحرك فغيث) بابيييي فييييك بابييي
غيث: همممممم
جات ياسمين عينيها منفوخين و حطات يديه على خصرها
ياسمين: ماشي حشومة عليك تفيقي مامي و فيناهيا البوسة ديالي هم بان ليك غير بابي يوحدو 
أناييس: ازي 😄 (اجي)
قربات منها ياسمين و باستها فحنكها و تبوسها ياسمين
ياسمين: لاش جيتي عندنا !
أناييس: نخلزو (نخرجو)
ياسمين: بغيتينا نخرجو! و لكن أنيس مروان مراض خاصنا نبقاو معاهوم
أناييس: بكاي نتي (بقاي نتي)
ضورات وجهها و تلاحت على ضهر غيث عنقاتو
ياسمين: اييييه ا لالة نستاهل ا بنيتي
بقات أناييس مضاربة مع غيث حتى فاق معنكش عينيه منفوخين كايشوف من بين رموشو
غيث:(بصوت صباحي مبحوح) صباح لخير
أناييس: باح خيييل 😄😄 بابي فاك
عنقاتو و بادلها لعناق حتى هو و هو يشوف ياسمين جالسة مبوقة بالنعاس
غيث: واش نتي لي جبتيها
ياسمين: جات راسها وا شي دقان دارت تقول القصف الجوي قفزاتني من نعاسي نضت مخلوعة حليت لباب و كاتدخل ل آنسة و مضاربة باش تفيقك باش تخرجها
غيث: نسيييت انا واعدتها لبارح باش نخرجها
ياسمين: فكها الي وحلتيها
ناضت ياسمين مشات لطواليط و خلاتو كايهضر مع أناييس و كايسايس معاها
غيث: حتى نوض ندوش و نفطر نعمر لكريشة و نخرج بنيتي واخا
أناييس: نااااا دابا 😡😡😡
غيث: شنو بغيتيني نرجع لسبيطار نبقا ناعس
أناييس: نااا
غيث: اوا خاصني نوض ناكل و نشرب دوا صافي !
أناييس: اوووووف (ربعات يديها)
غيث: ماتقلقيش ا حبيبتي (باسها)

بقا مع أناييس حتى خرجات ياسمين من الدوش لابسة بينوار و فوطة فوق راسها و دخل هو لدوش ، نشفات ياسمين لحمها و دهنات كريماتها و لبسات سروال جينز زرق باهت فيه تقاطع خفاف فالركبة مع كابيتشو رمادي سخون، نشفات شعرها و جمعاتو شفنجة مهملة و ناضت باش تصلي، لبسات حوايج الصلاة و تقبلات و بدات كاتصلي و أناييس متبعاها مربعة رجليها و كاتشوف حالة فمها، خرج غيث من الدوش نشف راسو و لحمو و لبس سروال أسود مع تريكو توب أسود سامبل و جبد كويرة كحلة حطها فوق الفراش و جلس كايلعب مع أناييس حتى سالات ياسمين الصلاة و هو ينوض باش يصلي و ياسمين هزات لفيكس عيطات على لخادمة باش يجيبو ليهوم لفطور لشومبر، هزات أناييس عطاتها لخاطر و غادة معاها على قد عقلها و كاتلعب معاها حتى سالا غيث صلاتو و جابت الخادمة لفطور، فطرو فجو عائلي مرح و أناييس كل مرة كاتطلق كلمة كايموتو عليها بالضحك، كملو فطورهوم و مشاو كاملين لبيت التوينز الجداد لعبو معاهوم شوية و عطاوهوم الخاطر و طلو على المطهرين و هوما يخرجو، ركبو فلوطو ديال غيث الجديدة مرسيديس ايس كلاص ... خدم جي بي اس و بقا غادي سايق و ياسمين حداه كاتطل من شرجم و أناييس جالسة لور دايرين ليها الصمطة فرحانة، غيث داير اطونسيون لايديرو شي اكسيدون تانية و كايحاول يتفادا الهضرة و هو سايق
غيث: فين بغيتو نمشيو
ياسمين:(شافت فيه) فايت ليك مشيتي للمدينة!
غيث: نوو
ياسمين: اوا دينا ليها توحشتها
قلب الطريق للمدينة قبل كاع مايوصل بان ليه كترة لباشار داخل مع باب كبير و عاد طوبيسات كايحطو الناس و الزحام شي كايدفع شي، بلاصة لوطو بعيد و بقا كايشوف
غيث: شوفي ا ياسمين راه الزحام خلينا نديوها لشي بلاصة وحداخرا ، اش كاين هنا بعدا
ياسمين: كاين سوق و كاين ضريح محمد الخامس و صومعة حسان شالة مناظر زوينين
غيث: خلي حتال مرا وحداخرا الزحام بزاف و حتى ماتكونش معانا هادي
ياسمين: لي بان ليك
قلب الطريق لأقرب جردة لقاها و جلسو فيها أناييس كاتلعب و تقلب و تبقشش و ياسمين تابعاها لاطيح ولا لاتاكل لبخوش و غيث مراقبهوم حتى شدهوم الجوع داهوم لريسطو كلاو و رجعو كملو لمساريا ديالهوم.

دوزو سيمانة بعد لعرس حتى برا أنيس و مروان و جمعو حوايجهوم و توادعو مع عائلاتهوم و شدو الطيارة لدبي عالم جديد بالنسبة لياسمين لي خلات خدمتها فيد سامي لي برهن ليها على الكفاءة ديالو و خدم من نيتو و طلع ليها الشركة و دارتو نائب رئيس مجلس الإدارة ، مستاعدة انها تكون مع غيث فينما كان و مع ولادها لي كايكبرو قدامها.
وصلو لدبي فنص ليل و هي مبوقة بالنعاس ركبات فطوموبيل و المربيات مكلفين بالولاد ، نيشان مشا بيهوم الشيفور للفيلا ديال غيث.

نعسات ياسمين بلا ماتحس فطوموبيل بكترة التعب، وصلو للفيلا و تحل لباب لكبير و دخلو معاه و كاتبان فيلا كبييرة دايرة بحال شي متحف من برا ، بلاصا شيفور لوطو قدام لباب ديال لفيلا الداخلي و جا خادم لابس لكلاص حل لباب و خرج غيث لابس تيشورت كحل مع سروال اسود و هز ياسمين ناعسة لي لابسة كسيوة خفيفة حيتاش لجو معتدل فدبي، حلو ليه لخادمات لباب بتحية و دخل و طلع مع دروج بيضين للطابق الثاني و حلات ليه خادمة باب و دخل لجناحو كيفما قالت ليها قمر فيه دو زيطاج و كبير بزاف فيه فراش ملكي كبير فالقهوي حط ياسمين وسط منو و غطاها و خرج من لبيت مشا لجناح التوينز بربعة لقا كل واحد فبلاصتو ناعسين و جوج مربيات معاهوم ناعسين، سد لباب بشوية و خرج رجع لجناحو هو و ياسمين لقا الشوانط حدا لباب ، دخلهوم و حل فاليزتو جبد منها شورط و بوكسر و طلع مع دروج لي فبيتو و دخل لدوش كبيير موديغن كولو بيض و فيه لبلاكارات من الخشب الفري و فيه جاكوزي بحال شي لؤلؤة لي يشوفو مايقولش جاكوزي، تخشا فالدوش لي كولو زاج و كايبين كولشي طلق عليه لما و دوش دغيا حيد عليه لعيا و خرج لوا عليه فوطة و تقاد مع لمرايا نشف شعرو و لبس لبوكسر و شورط و هبط للتحت تخشا حدا ياسمين دايرها تحتو و رجليه فوق رجليها و مضور يديه عليها و مشا فنعسة حلوة.

صبح صباح و حيت نساو ماهبطو ريدو برزطات الشمس ياسمين حتى اضطرت انها تفيق، كاتحك عينيها و وجهها منفوخ بالنعاس، حاطة راسها فوق مخدة رطبة تشهيك فالنعاس كاتشوف من بين رموشها، بان ليها ديكور مختالف و عرفات بلي وصلو جلسات كاتكسل و كاتفوه مالقاتش غيث حداها و هي تشوف قدامها جليسة بالفوطويات بالرمادي و بلازما محطوطة بحال راها فصالون، دورات وجهها فالسويت و عجبها شكلو كبير بزااف و واسع بحال الا دار ماشي غير سويت ، هزات عينها لفوق و بان ليها البلاكار قداش و حداه باب ، ناضت كاتجري طلعات مع الدروج و وقفات كاتشوف فالبيت من لفوق، حلات لبلاكارو هي تلقا بلاكار فوسط بلاكار، دخلات و هي تلقا بحال شي غرفة مخبعة فيها حوايج غيث مستفين القوامج بوحدهوم و السروال بوحدهوم التيشورتات بوحدهوم سيرفيطات بوحدهوم و الصبابط معزولين حتى هوما و عاد ليزاكسيسوار ديولو و ورايحو ساعاتو كولشي مقاد ، حلات واحد حداه و هوما يبانو ليها حوايجها مقادين بنفس الطريقة مجوهراتها ساعاتها خواتمها حوايجها صبابطها روايحها كولشي مقاد، عجبها لحال و خرجات من تما و مشات للدوش حلاتو و تبهرات بالديزاين ديالو عجبها داك الشكل لي مديور للجاكوزي، تسارات فالدوش و خرجات هبطات للتحت و مشات جيهة لبالكون، حلاتو و خرجات ليه واسع فيه جليسة بالفوطويات و طويبلة زاجية محطوطة تما و دبي كلها كاتبان من تما.

تفكرات ولادها و خرجات من جناحها كاتضور و كاتقلب غادة حفيانة فوق الأرضية الرخامية كاتحل بيت ببيت كاتلقاهوم مافيهوم حد حتى تصادفات مع خادمة طويلة شعرها بني قصير لابسة صاية كحلة مع قميجة بيضة و جيلي اسود كاتنضف واحد الديكور، مشات حداها ياسمين و عيطات عليها
ياسمين: سمحي ليا
ضارت الخادمة شافت فياسمين و هي تصدم خرجات عينيها و ياسمين حتى هي تعقد ليها لسانها
خادمة: ياسمين 😨
ياسمين: شكاتديري هنا 😨
خادمة:(حدرات راسها ساكتة)
ياسمين: سلوى اش كاتديري هنا !
سلوى: خدامة هنا (حادرة راسها) نتي هي مرات سي غيث
ياسمين: كيفاش حتى وليتي خدامة ياك تزوجتي بإماراتي
بدات سلوى كاتبكي كأن جرح قديم تحل عليها ، مشات عندها ياسمين و شداتها و انهارت سلوى بالبكا و كاتنخصص و ياسمين معنقاها كاتسكت فيها حتى جات كبيرة الخدم
كبيرة لخدم: عذرا مدام ماقصدت تسوي هيك (كاتنوض فسلوى) قومي يجيك لبلا
ياسمين: خليها عليك و سيري نتي
سلوى: (بغات تنوض) غير خليني ا ختي ياسمين راه غاتصدق حارماني من لعشا
ياسمين:(شافت بغضب فكبيرة لخدم) سيري فحالكي 😡 نوضي نتي معايا وريني لكوزينة
ناضت سلوى عينيها حمرين وارمين و ياسمين شادة فيها حتى دخلو لكوزينة كبيرة موديغن كلها بيضة مهرسة بالأسود ، جلساتها فوق كرسي و عمرات ياسمين كاس ديال لما و عطاتو لسلوى باش تشربو ، شدات سلوى لكاس كاتفتف و شرباتو و سنانها كايتقرقبو مع لكاس، جلسات ياسمين قدامها
ياسمين: عاودي ليا اش وصلك لهنا
سلوى:(حادرة راسها) اختي اش غانقولك ندمت ندمت الزغب لي فراسي (كاتمسح الدموع) كان سعد كايبغيني و كانو عاميني لفلوس جا داك الإماراتي بقا كادوخ فيا بالفلوس حتى تزوجنا و جينا لهنا ،دوزنا شي يامات فلوطيل خدا حقو مني و من بعد داني لفيلا ، قولبني صدق السيد مزوج و والد و كولشي ديال مراتو مراتو لي لاباس عليها هو والو، بدا كايسايس معاها هو فلول كان باغيني بصح باش نهتم بيه و نكون لبه زوجة حيتاش مرتو مامسوقاش ليه و لكن مراتو ماقبلاتش الضرة و خصوصا انا مغربية محملاتنيش عرفاتني غادي نديه ليها و هي تقوليه يا طلقها يا نلوحك فالزنقة، هو خاف على راسو و طلقني انا و رجعاتني مراتو خدامة عندو فالفيلا و هو فاش ماتكونش مراتو فالفيلا كايجي عندي كايغتاصبني حتى كايشبع و كايلوحني مرة و جوج و تلاتة حتى حملت فاش قلتها ليه قاليا ماشي ولدي شوفي منين جبتيه يقدر من لخدامة ديال الدار و انا ربي شاهد عليا بلي ولدو، هددتو بلي غادي نقولها لمراتو و هو يتهمني بالسرقة مراتو لقاتها حجة و لاحوني فالزنقة مابغاش يعطيني حتى وراقي و وليت محبوسة هنا و مخبعة على لبوليس بغيت غير نرجع لبلادي توحشت ميمتي ماعندي كيف ندير
ياسمين:(يديها على فمها و كاتسمع بأسى) و اش وصلك لهاد لفيلا! و واش ولدتي
سلوى: ولدي طيحتو بشي عشوب ، تكرفست فالزناقي مزيان حنى تلافيت واحد النهار واحد لمرا كانت خدامة عند راجلي لول و طلبتها تضبر ليا فين نخدم و هي تجيبني هنا و ضمناتني ليهوم و شي 4 سنين و انا خدامة عند سي غيث كانجمع لفلوس باش نرجع لبلادي
ياسمين: شفتي طريق الطمع شنو فيها كون بقيتي مع سعد تصبري نتي وياه على الزمان! هانتي تكرفصتي ذنوبو لي خرجو فيك، هو نساك و بدا حيات جديدة و تزوج بلبنى و راه مراتو حاملة كون صبرتي كون نتي بلاصتها
سلوى: عارفة و كانستاهل هادشي لي طرا فيا (حدرات راسها كاتبكي)
ياسمين: صافي بلا ماتبكي ، يجي غيث و نقوليه يحل ليك هاد لحريرة ديالك
سلوى: بصح (كاتضحك و كاتبكي)
ياسمين: اه غير يجي نهضر معاه
سلوى: (بغات تبوس ليها يديها و هرباتها ياسمين) شكرا شكرا بزااف الله يكتر خيرك و يحفظك ليك ولادك
ياسمين: على ذكر ولادي فينهوم بعدا !
سلوى: التوينز الكبار كايلعبو فالجردة و الصغار ناعسيين
ياسمين:(حطات يديها على كرشها) فيا جوع
سلوى: شوية و نوجدو ليك (كاتمسح الدموع)

ناضت سلوى بدات كاتوجد لفطور و فرحانة حيتاش لقات لي يفكها من وحلتها
سلوى: فرحت ليك اختي ياسمينة و الله حتى يستاهلك
ياسمين:(كاتضور عينيها فالمكان) شكرا
سلوى: و لكن كنت قريت بلي نتي تزوجتي بسليم و درتو لعرس كاع
ياسمين: اودي هاديك راها قصة طوييلة ، يالاه كنت غانتزوج بسليم و جا غيث خطفني (بتاسمات)
سلوى: ديك ساعة تفارق واقلة هو مع زمرد
ياسمين: زمرد ماتت ماشي تفارقت معاه
سلوى: (شافت فيها) ويلي 😨 ضريفة ياختي ديك لبنت ماتت صغيرة، دايرة كيف الوردة
ياسمين: اوا الله يرحمها
سلوى: حتى سي غيث باينة فيه كان كايبغيها بزاف
ياسمين: كان مابقاش (ابتسامة صفراء) فين مشا بعدا هو
سلوى: واقلة للخدمة حيتاش مشا فالصباح بكري ... ها لفطور (حطاتو ليها فوق الطابلة)
ياسمين: الله هادشي كايشهي
بدات كاتاكل ياسمين و مجمعة مع سلوى كايرجعو الذكرايات حتى كملات ياسمين لفطور و ناضت كاتضور عينيها فالفيلا عاجبها الديزاين لي دار ليها غيث، تحلاكات بخطوات و هي كاتشوف فالسقف
سلوى: اجي نوريك الفيلا كيدايرة راه كبيرة تبارك الله
جاوبتها ياسمين بإبتسامة و تبعاتها حتى لقات دروج ضاير بيهوم الزاج ضايرين من لفوق تال لتحت ، هبطو للتحت و هي تشير سلوى لواحد لغرفة
سلوى: تما لاصال ديال الرسم ديال سي غيث و خاصة بيه حد ماكايدخل ليها و تما (شيرات لبيت تاني) هنا لبيار اي لعبة بغيتيها محطوطة تما فاش كايجي عندو خوه لكبير كايبقاو تما و هنايا الا جات عندو عائلتو كانجيبو ليهوم لجوتي ولا شي حاجة خفيفة باش ياكلوها هنايا لمهم هنا بلاصة لماكلة، و عاد كاين صالون زوين فالجهة الثانية و من هنا غاتخرجي تلقاي جردة كبيرة فيها لابيسين و فالدورة كاين لاصال و حداه سبا (Spa) و لفوق جناح ديالكوم و لجناح ديال ولادكوم و ديال الضياف و لبيرو ديالو و من الجهة الأخرى كاين البحر حيتاش الفيلا حدا لبحر ... هادي هي لفيلا كيف جاتك
ياسمين: صراحة زوينة
بقات غادة حتى خرجات فالجردة و بانت ليها أناييس لابسة شورط بديياردور ديالو فالشيبي مع كاسكيط كاتجري و كاتنقز و أنيس جالس كايشرب عصير حداه مربية و مربية أخرى تابعة أناييس.
بقات واقفة كاتشوفيهوم من بعيد مامشاتش عندهوم حيتاش حفيانة و بقات واقفة حتى ضرباتها فنيفها ريحة مألوفة بدا قلبها كايضرب بحال الا اول مرة تشمها ... مشات سلوى من حداها بلا حس ، و غمضات ياسمين عينيها مستمتعة بالرائحة حتى حسات بلمسات فخصرها و صدر قاصح موراها و نفس سخون فعنقها
غيث: كيف صبحتي ا قطيطتي (قبلة فالعنق)
ياسمين: (ضارت عندو) فاش شفتك وليت طوب 
طلعاتو و هبطاتو كان لابس سروال توب و قميجة بيضة حال ليها صدافي حتى بان صدرو و فيستة فيديه ساعة فيديه و صباط اسود لامع مرجع شعرو لور و كايشوف فياسمين و ابتسامة بريئة على وجهو
غيث: كيف جاتك لفيلا !
ياسمين: كاتحمق عجباتني بزاااف 😍
غيث: راه كانت اوطيل و شريتها و رجعتها فيلا مي خليت شحال من حاجة كما هي
ياسمين: سميت هاد البلاصة
غيث: سميتها الجميرا
ياسمين: هنا فين كاين برج العرب
غيث: بعيد علينا شوية مي فنفس البلاصة ، الا بغيتي لبحر راه من الجهة الثانية حد ماعندو لحق يقرب ليه
ياسمين:(كاتلعب بالكول ديال لقميجة) شنو شاريه من الدولة
غيث: هههههههههه بحال هاكداك، لفيلا من ممتلكاتي لخاصة و حتى هو و حتى نتي ، وجدي راسك غاتمشي معايا
ياسمين: فين !
غيث: لمجموعة شركاتي
ياسمين: شغاندير تما
غيث: دابا تعرفي من بعد (باسها ففمها) الله على بنة (خشا راسو فعنقها) الحلاوة كاتقطر
ياسمين: اه قبل ماننسا، باقي تعقل كنت عاودت ليك على واحد لبنت كانت مصاحبة مع سعد قبل من لبنى
غيث: وي عاقل شوية
ياسمين: راه هي هادي لي كانت واقفة حدايا
غيث: واايلي (طلع حاجبو)
ياسمين: اجي نعاود ليك

مشات معاه لصالون زوين مفتوح ، جلسات حداه يديها فيديه و هو ينوضها جلسها فوق رجليه و كايفيبري و يديه فشعرها كايلعب بيه و هي كاتلعب فالكول ديال لقاميجة و كاتحكي ليه على لي جرا مع سلوى
ياسمين: شنو دابا غاتعاونها !
غيث: هي مزال عاقلة فين كاين هاد الراجل!
ياسمين: معرفتش واقلة غاتكون عارفة
غيث: اوا سوليها باش نجيب وراقها من عندو
ياسمين: سلوااااا ، سلوااااا
جات سلوى كاتجري بعدما سمعات النداء عليها و لقاتها جالسة فوق رجليه و حدرات راسها من الخجل
غيث: باقة عاقلة فين ساكن طليقك !
سلوى: اييه ا سي غيث عاقلة
غيث: غاتمشي مع واحد من رجالي و غادي توري ليه الدار و هو غادي يتكلف بكولشي لمهم نتي ماتبانيش ليه بقاي فطوموبيل و ليوم ان شاء الله يكونو وراقك عندك باش ترجعي لبلادك
سلوى: الله يكتر خيرك ا سي غيث الله يخليك ا ختي ياسمين الله يخليكوم لبعضياتكوم
ياسمين: (مبتاسمة) يالاه بداي تجمعي حوايجك باش ليوم تمشي و غدا تكوني تما
سلوى:(باقة حادرة راسها) و لكن خاصني لفيزا و لباسبور غايكون سالا تاريخو
غيث: غادي تمشي على حسابي بلا ماتفكري فداكشي
سلوى:(فرحات) الله يكتر خيركم عمرني مانسا هاد الوقفة لي وقفتو معايا
مشات فرحانة و بقات ياسمين جالسة عند غيث و هو يديه فشعرها كايجر الشعر من الفروة تال الأطراف
ياسمين: كيبقاو رجليك !
غيث: مزيان الحمد لله ، يالاه نوضي بدلي باش تمشي معايا
ياسمين: خلينا هاكدا مافيا لي يخرج
غيث: مال لقطيطة (خشا راسو فعنقها) معكازة ديالتي (كايهرها) زين ديالي
ياسمين: 😂😂😂😂 با.. با..باراكة 😂😂😂😂😂
غيث: عنداك تطلقي تاني شي طززز 😂😂
ياسمين: 😂😂😂 اوا خليني (كاترجع النفس) اوففففف قتلتيني بالهران الله يا ربي اوفففف
غيث:(كايبعد الشعر من على وجهها) ضحكتك زوينة (كايدوز يديه على خدها) بقاي ديما تضحكي باش نبقا نشوفها انا
قربات وجهها من وجهو و باستو فشفافو بوسة خفيفة و رجعات شافت فيه
ياسمين: غيوش ديالي 😍
ناضت من فوق رجليه و هو متبعها بعينيه حتى ضارت مع الدورة باش تطلع لجناحها و هو مشا باش يهضر مع الراجل لي غايسيفط مع سلوى باش يحل ليها الموشكيل ديالها.
وقفات ياسمين قدام الماريو كاتشوف و تعاود تشوف حتى طاحت عينها على لبسية كومبلي سروال توب بلو مارين مع فيست ديالو قصيرة و شوميزة بيضة ، لبساتهوم و شافت راسها فالمرايا و عجبها راسها لبسات صندالة بلو مارين طالون عالي متلتة من القدام و مشطات شعرها سرحاتو و جمعاتو كعكة و خلات خصلات مليوحين من الجناب و دارت مكياج خفيف فوجهها غير اي لاينر و براونزر و جلوس باش تبان لمعة فشفافها ، دارت ريحة و ساعة فيديها و خاتم زواجها فصبعها و اليد الثانية فيها الخاتم لي عطاها غيث فالسبيطار فاش ولدات ، هوات بوشيط مربعة فالبلو مارين دارت فيها بورطابلها ، هبطات من لفوق و خرجات من لبيت بكل أنوثة الطالون كايقرقب و هي حركاتها مرزنين مابقاتش كيف لول ولات الأنوثة طاغية عليها اكثر ... هبطات للطابق الأرضي و هو يبان ليها غيث هاز مروان كايلعب معاه ملبسينو ليكوش و لابس تيشورت ديال سبونج بوب و شورط ديالو ، سمع صوت طالون و هز راسو شاف فياسمين و عطا مروان للمربية و مشا عندها شد ليها فيديها و خرجو من لفيلا لقاو لوطو ميرسيديس كحلة كاتسنا فيه بالشيفور، ، طلعات ياسمين هي لولا و عاد هو بلا حتى كلمة زاد شيفور فالطريق و شابك يديه من ياسمين لي كاتشوف من الشرجم فالمدينة و كاتستمع بجمالية ديالها.
بعد وقت وقفات المرسيديس قدام ناطحة سحاب ، حلو عليه لباب من برا هبط هو و مد يديه لياسمين شدات فيه و خردات كاتشوف فالديزاين ديال الشركة ، داخلين مع الباب و يديه مور ضهرها و العمال كايتوشوشو عليهوم طلعو فلاسانسور حتال اخر ايطاج و تحل ايطاج خاوي مافيه حد من غير مرأة وحدة هي السكريتيرة ديال غيث ... شافتهوم و وقفات حياتهوم بإبتسامة
غيث: بغيتهوم يتجمعو فغرفة الإجتماعات من هنا ل 10 دقائق يكونو تما
سكريتيرة: اوكي مسيو غيث
دخل للبيرو ديالو و ياسمين موراه حالة فمها فالديزاين ديالو نفس الشكل لي داير فالفيلا دايرو فالبيرو عجبها الشكل و بقات كاتشوف و كاتسارا فيه حيتا كبير بزايد اما هو مشا للبيرو متبعها بعينيه حتى رجعات حداه بغات تجلس فوق لكرسي و دار ليها لا براسو و جات حداه جلسها فوق رجليه
غيث: هادي هي بلاصتك بغيت فكل لحظة و نتي معايا نلعب فشعرك و نحس بيك قريبة ليا

اكتفت ياسمين بإبتسامة و يديها كاتلعب فلحيتو و هو متبع يديها و كايشوفيها بنظرات حب ...ظ بقاو على ديك الحال حتى عيطات ليه السكريتيرة و علماتو بلي المجلس ديال الإدارة تجمع ، ناض و شد فيد ياسمين و من باب كاين فالبيرو ديالو خرج فغرفة الإجتماعات و لقا فيها رجال و عيالات جالسين مجموعين على طبلة كبيرة و جوج كراسا خاويين واحد فالراس ديالو و واحد حداه، جلس فلي فالراس و جلسات ياسمين فلي حداه و هي تلمح زيد جالس حتى هو معاهوم بتاسمات ليه و بادلها الإبتسامة
غيث: شحال من واحد ماعارفش على تجمعنا ليوم، انا نقوليكوم ... فالأعوام الأخيرة كانو عندي ماشاكيل اظطريت نبقا فالمغرب و مانرجعش لدبي و فهاد الوقت مستر زيد كان شاد ليا الشغل و مقابل كولشي بتعليماتي بطبيعة الحال و لهذا غادي تكون ترقية اليوم و غادي يكون زيد هو المدير التنفيذي لمجموعة شركات راييس للبترول اما بالنسبة للشخص لي ساندني و وقف معايا فمحنتي فبغيتها تكون هي نائب رئيس مجلس الإدارة و لي هي الزوجة ديالي ياسمين راييس
شاف فيها و هي مصدومة مخرجة عينها لسانها تعقد مالقات ماتقول و اعضاء المجلس كايسفقو ليها ، بدون شعور بادلاتهوم التهاني و رجعات شافت فغيث، كملو الإجتماع ديالهوم بعدما دواو على تغييرات غايكونو و استراتيجيات جداد غايخدمو بيهوم... بدا كايطيح الظلام و كملو الإجتماع و رجعات ياسمين مع غيث فنفس لوطو لي جاو فيها
ياسمين: عطيتيني منصب كبير ا غيث
غيث: (شاف فيها) تستاهليه ا حبيبة ديالي
ياسمين: و لكن انا اصلا مشغولة بشركة ديالي
غيث: خدمي هاكدا و خدمي هاكدا اصلا لوخرا مكلف بيها داك السوري الوغ ماعندك حتى عذر (باسها فخدها) و اصلا انا معاك خصاتك شي حاجة جي سوليني (صونا تيلي ديالو و جاوب) وي ! صافي جبتوهوم ! مزيان سي بون ! اه ديها لمطار صافي الله يعاونها (قطع)
ياسمين:شكون!
غيث:ديك صاحبتك راه غاديين بيها للمطار دابا باش ترجع للمغرب
وقفات بيهوم لوطو عند لباب و هبطو دخلو للفيلا يديهوم فيدين بعضياتهوم و مشات لجريدة كاتشوف لقات أناييس و أنيس جالسين كايلعبو باللعاب فالجردة مفرشين ليهوم و عاطيينهوم المربيات الخاطر، وقف غيث مور ياسمين معنقها و هي حاطة يديها على يديه كاتشوف فولادها كايعلبو و هو كذلك و مرة مرة كايطبع قبلة على خدها

بعد عدة سنوات
دقان مجهد كايتسمع فباب سبابو بنت متوسطة فالطول كايبان غير ضهرها شعرها أسود صابغاه بالبني من الأسفل طويل ضارب النص فضهرها فورمتها عادية مؤخرة متوسطة و ليهونش خارجين شوية و خصرها منحوت لابسة تيشورت أبيض معري كتافها مع سروال جينز لونو غامق و فرجليها صبرديلة بيضة نايك ، بقات كاتدق بجهد حتى تحل عىليها الباب و بانت مرأة شعرها طويل اسود مطلوق ليها وجهها مزنك مبوقة بالنعاس عينيها الرماديين منفوخيين وجهها كذلك لابسة شوميز دو نوي فالأسود فوقو بينوار ديالو من الساتان و فرجليها بانطوفة ديال النعاس، هزات عينيها الذبلانين و شافت فالبنت لي فالباب و هي تبتاسم و عنقاتها
ياسمين: على سلامتك منين جيتي
.....: علاش انا نقدر ماندوزش لعيد معاكوم (شافت فيها) كاين بابا (دخلات) بابا ... الحاج غيث ... بابا
غيث: هاني لفوق
ضارت شافت فيه و بان وجهها ، وجه دائري ابيض صافي ملامح بريئة و زوينة دايرة مكياج بارز ليها ملامحها بشدة و عينيها الرماديين كايبرييو، هيط غيث عندها من الطابق العلوي لي فيه الدوش لابس جلابة بيضاء باقيين عندو نفس الملامح و نفس النظرة الحنينة و لحيتو مقادة و زاد تفورما اكثر ، جا حداها و عنقها و راسها فوق صدرو
غيث: أناييس يا أناييس كاتخلي بلاصتك
أناييس: ياك بعدا ... توحشتك
غيث:(باس راسها) حتى انا ، ايمتا جيتي!
أناييس: يالاه دابا غير حطاتني لوطو و جيت عندكوم عرفتك غادي تكون غادي للمصلى ، عيد سعيد بعدا
غيث: عيد مبارك سعيد
ياسمين:(جات حداهوم) لاش صبغتي شعرك
أناييس: بغيت نبدل لوك شوية
ياسمين: شي نهار تجيني صابغة شعرك بالخنوني بارد ، خرجات عليك ديك لندن
غيث:(عنق أناييس) بعدي من بنتي خليها عليك ، طبيبة المستقبل
أناييس: 😁
ياسمين:(مشات للفراش) اصلا انا نسيتوني مقابل غير ولادك و ولادك مقابلينك و انا تلاحيت لتوش (تخشات فالفراش)
غيث:(بهمس) ماماك تقلقات
أناييس: سير حزرها
طلق غيث من أناييس و توجه جيهة الفراش و على وجهو إبتسامة
غيث: عمارة داري ، تاج راسي ، حب حياتي لي قهرني باش دار عقلو (جلس حداها)
ياسمين: واش كاتمدحني ولا كاتسبني
غيث:بجوج (خشا راسو فعنقها) تقلقتي من راجلك هم ماشي حشومة عليك
ياسمين: بعد مني سير عند بنتك
غيث: راه نتي هي كولشي (بهمس) علاه معامن كنت لاعب لبارح ماتش نتي ولا هي
ياسمين: اوا قولها لراسك 😒
غيث: اوا صافي ا حبيبة ديالي ليوم لعيد غانبداوه بمخاصمة
ياسمين: (شافت فيه) فينها بوستي
غيث: هاهيا (باسها فشفافها) اوا صافي احبيبة
ياسمين: واخا صافي 😒 غير حيتاش ليوم لعيد (جلسات)
أناييس:(تلاحت فوق الفراش) شحال كاتكوني زوينين هاكدا
ياسمين: ماغاديش تديري عقلك راه كبرتي مابقاتش عندك 10 سنين راه عندك 26 عام و قريبة تقفليها
أناييس: لاااءح ماعندي ماندير ماندير بالعقل 😁
ياسمين: تزوجتي بكري و درتي الولاد انا قدك راه تزوجت ولدت
أناييس: ماغاديش نتزوج حتى نلقا شي واحد بحال بابا
ياسمين: ماغاديش تلقاي حيتاش بحال باباك ماكاينش واحد لي كان و خديتو ياك (شافت فغيث)
غيث: بنتي غاتلقا ماحسن مني ... انا غانمشي نفيق دوك الجوج باش يمشيو معايا للمصلى
أناييس: سير نتا عند مروان أنا غانمشي عند توأمي أنيس
ياسمين: يالاه سيرو خليوني ننعس (تخشات فالمانطة)

فغرفة مظلمة ناعس شاب على كرشو عريان من لفوق كايبان ضهرو العاري مفورمي عامر مزيان مابين كتف و كتف هضبات و مساحة كبيرة شعرو الأسود مخربق خاشي وجهو وسط المخاد و حداه فتاتة شابة شعرها أسود طويل طالقاه لابسة كسيوة بيضة مزوقة بالشيبي المعري فيها كتر من المغطي دايرة شوية ديال المكياج عينيها كحلين و زوينة فولامتها زوينة عامرة من لتحت مي لقياس، جالسة بجانب الشاب النائم كاتلعب فشعرو حتى حسات بيد ضوراتها و خشاتها تحتو
....: (بصوت مبحوح صباحي) ايمتا جيتو (خاشي راسو فعنقها)
.....: جينا لبارح فليل لقينا كولشي ناعس .... عيد سعيد يا أحلى أنيس
أنيس: عيد سعيد ا زين ديالي (شاف فيها بعيون منفوخة بالنعاس) فااااك شوق أش هاد اللبس 😡
شوق: مال حبيبي (حطات يديها على وجهو)
أنيس: (ناض جلس) اش هادشي لابسة ربع ميترو ديال توب مغطية بيه صدرك و حجرك 😡 هاكدا جيتي لبارح 😡
شوق:(جلسات حداه) لا يالاه لبست هادشي فالصباح ... وا صافي ا حبيبي راه ماكاينش شي واحد غريب فالفيلا
أنيس: كاااين 😡 مال خويا ماشي راجل حشومة يشوفك هاكداك
شوق: خوك غير ولد عمي عادي ماكاينش شي واحد غريب ... شنو دابا غادي تدابز معايا على الصباح و شهر ماشايفني (ضارت)
أنيس: (ضار عندها) ماتبقايش تلبسي هاكدا و غانكونو بيخير هادشي لبسيه ليا انا للناس لاا فهمتي
شوق: واخا واخا 😒
أنيس:(باسها فعنقها) راه أنا براسي نقدر نجهل و ندير شي حاجة
شوق: مالك ماعمرك درتي معايا شي حاجة ياك ديفيرجيتيني بلا زواج شنو باغي تنكر
أنيس:(قلب عينيه) لا ماشي هاكداك راه كان غير فوط و نتي لي سخنتيني و راكي عارفة اش وقع بلا مانبقاو نهضرو فيه كل خطرة و ماناكركش ا زين غير تهناي
يالاه ضور ليها وجهها باش يبوسها كايتسمع دقان مجهد فالباب
أناييس: أنيييس (دق دق دق ) واااا أنيس فيق باراكة من النعاس
شوق: ايمتا جات هادي 😱
أنيس:ماعرفتش نوضي نوضي تخباي قبل ماتشوفك و تنوض روينة هنا
شوق:(وقفات معصبة) حتال ايمتا غانبقاو مخبيين علاقتنا عليها العائلة كلها عارفة و موافقين و هي غادي تعكس لينا ? شكون كاع تكون هي 😡
أنيس: هاديك ختي 😡 فهمتي و حتارميها ا شوق و ماباغيش نقلقها مني حيتاش ماعامرها ماقلقاتني ولا دارت شي حاجة خايبة ليا بالعكس انا لي عزيز عليها و فاش غايكون لوقت مناسب غانقوليها
أناييس: أنيييييس فييق (دق دق دق) اوففف على راجل
أنيس: سربي سيري تخباي فالدوش من بعد لهضرة
مشات شوق كاتجري لدوش تخبات فيه و مشا أنيس للباب كايتضاهر بالنعاس و حل لباب و تلاحت عليه أناييس عنقاتو و بادلها العناق

أناييس: توحشتك توحشتك توحشتك
أنيس:(هزها) حتى انا ا لحمقة ديالي (حطها) ايمتا جيتي ا زين
أناييس: شي نص ساعة 😂😂 ويتك على لعريان
أنيس: لابس شورط 😒
أناييس: (عنقاتو) الله شحال توحشتك
أنيس: القزمة ديالي ماعمرك تطوالي فينما نعنقك نلقا راسك واصل لصدري
أناييس: ماشي اناا لي قصيرة راه نتا لي طويل بزاف بحال جدي شهاب
أنيس: اجي نريحو فالبالكون
أناييس: لا لا دخل لدوش دوش و لبس راه بابا باغيك تمشي معاه للمصلى
أنيس: الدوش ! لا لا صافي غير خليني ماغاديش معاه ، نخلي الزين ديالي و نمشي لا لا 😅
أناييس: هممم اوا لبس حوايجك ماتبقاش تضور مزكزطط عليا هنايا
أنيس: تخافي ماتحكميش فراسك
أناييس:(صغرات عينيها و ضحكات بخبث) بحال هاكدا ا بب
مشات للبالكون كاتطل على دبي و كايضرب فيها هواء نقي ، مشا أنيس لدوش بزربة لقا شوق معصبة ماشافتش فيه حتى الشوفة و خرجات بلا ماتحس بيها أناييس، شدها من ذراعها و جرها و هي تشوفيه بغضب
شوق: طلق مني 😡 مني وليت كانتخشا فالطواليطات راه مابقا مايتقال
أنيس: شوق راكي عارفة
شوق: ✋🏼 مابقا مايتقال
جرات يديها و مشات خلاتو باغي يتفقس يالاه بغا يتبعها و هي تعيط عليه أناييس من الداخل و صدق راجع مكسور الخاطر ... حل الماريو جبد تيشورت زرق منقط بالأسود و سروال جينز ، لبسهوم و لبس ساعتو و صبرديلة فرجليه و مشا عند أناييس
أنيس: هادا لعام لخر ديالك ياك
أناييس: وي صافي غادي نولي طبيبة رسمية فالطب الشرعي
أنيس: غادي تشرحي الجثث و تعرفي كل واحد باش مات
أناييس: اه داكشي ، غادي نخدم مع لبوليس بيني و بينك غادي نخدم فالمغرب
أنيس: كيفااش ! خدمي فلندن
أناييس: لندن مملة طلعات ليا فراسي و الدراري كلهوم صفرين كيف الخرقوم بغيت نكون فالبلاصة لي عاشو فيها واليدينا قصة حبهوم
أنيس: على ذكر الحب ، نتي عارفة بلي حتى واحد ماكايختار شكون يبغي ياك
أناييس: وي عارفة
أنيس: القلب لي كايختار ماشي حنا ياك
أناييس: اه عارفة و لكن نتا انا لي غادي نختار ليك عروستك و بعد من ديك الطويلة ديال الشوك
أنيس: حشومة تقولي عليها هاكداك مالك معاها
أناييس: انا ماماليش هي لي ماكاتحملنيش و كاتعامل معايا بعدوانية حيتاش مقربة منك بزاف و عارفة عليك كولشي
أنيس: همم كاتغير منك ههههه اودي نتوما العيالات سوقكم بوحدو
أناييس: خليك مني و قوليا كيف غادي المعرض ديالك
أنيس: غادي يكون السيمانة الجاية فبرلين
أناييس: تباعو بعدا شي لوحات هنا فدبي
أنيس: اه وا بالخف داكشي راه كنتي فاش درت المعرض هنايا تباعت 10 لوحات لباقي غادي يمشي لبرلين
أناييس: فخبارك بابا مفقوس
أنيس: علاش !
أناييس: كان باغيك تكمل خدمة العائلة و تشد الشركات ديولو و لكن خرجتي رسام و أنا نفس الشيء و لكن بغيت نكون طبيبة و روان حتى هي والو مقابلة غير الموضة و ولات أيقونة فالموضة مروان لي خرج عندو داك الميول للبزنيس
أنيس: ههههههههه حتى عمي ليث كان باغي لي يرومبلاسيه مي والو شوق لي كبيرة مامسوقاش للخدمة هلال لي عندها رغبة و لكن باقة صغيرة يالاه 20 عام باقة بعيدة ماشي ذكية بحال شي ناس ، باقة لحد الآن مابغاتش تفهم ليا كيفاش نقزتي لي كلاص و شديتي لباكلوريا ف 16 سنة
أناييس: عادي داكشي لي كنتو كاتقراو انا عارفاه دارو ليا امتحان ديال اختبار قدرات و لقاوني نيفو ديالي عالي و حطوني فالمستوى لي خاصني نكون فيه 😁
أنيس: كاتفرنسي لوالديك (عنقها من جنب)

مشات شوق كاتبكي و مخنوقة جلسات فالصالون حتى حسات بيد تحطات على كتفها ضارت شافت شكون و هي تلقاه شاب طويل رقيق بوكوص عندو لحية خفيفة يالاه بدات كاتنوض عينيه خضرين عندو نظرة حنينة ، شعرو أسود مرجعو للخلف لابس سروال أسود مع تيشورت بلو مارين فيه كتبة فالوسط و صبرديلة فرجليه ، جلس قدامها قعدة القرفصاء و مسح ليها دموعها
....: لاش كاتبكي ! اش وقع
شوق: جات أناييس ا مروان و كيف ديما لاحني انا
مروان: راكي عارفة هادشي من شحال هادا و عارفة هي مغيارة و خصوصا على أنيس راه كاتسمعو مريض واخا يكون ضربو غير البرد كاتجي من لندن باش تشوفو هوما خوت و توأم مقربين من بعضهوم بزاف
شوق: و لكن ماشي لهاد الدرجة ها نتا و روان توأم و عادي مافيكومش داكشي
مروان: كل توأم و هو و زايدون نتي عارفة هادشي قبل ماتبغيه لاش بقيتي معاه
شوق: داكشي جا بوحدو 😢 بغيتو و صافي
مروان: اوا شا نقولك حاولي تصلحي علاقتك معاها و غادي توافق على علاقتك معاه
شوق:(عنقاتو) علاش انا يوقع معايا هاكدا حتى حد مارافض علاقتنا الا هي ديما خارجة ليا من الجنب 😭😭
مروان:(بادلها العناق و غمض عينيه) شششش دموعك غاليين عليا (زير عليها)
لقات شوق حضن تبكي فيه و تبرد قلبها و بقات معنقاه و هو عجبو لحال حتى شبعات بكا و بعدات و شافت فيه
شوق: سمح ليا برزطتك
مروان:ماتقوليش هاكداك (مسح دموعها) ماتبقايش تبكي ، بقاي تضحكي ضحكتك راها زوينة
شوق: (بتاسمات) ميغسي
فهاد الأثناء جات فتاة قصيرة شعرها بني جامعاه بقراسة لابسة سروال جينز واسع و تيشورت اسود دايرة بحال الدري من لور مابايناش فورمتها بمرة فدوك الحوايج ، سمعات صوت بكاء و طلات لقات ختها شوق كاتهضر مع مروان و هو شاد ليها يديها ضارت تخبات شادة فقلبها و بان وجهها بشرة بيضة نقية و صافية عيون سوداء كبار مرمشين شفايف متوسطة الحجم وردية ، غمضات عينيها و قلبها مشدود عليها و فيها البكية ، قاومت هاد الأحاسيس و رسمات ابتسامة زائفة و خرجات عندهوم
....: عيد سعيد
مروان: اهلا زين عيد سعيد يا هلولتي (ناض سلم عليها بالوجه)
هلال: صافا عليك
مروان بيخير هاد الساعة و نتي
هلال: الحمد لله (شافت شوق) شوق مالكي كاتبكي (جلسات حداها)
مروان: والو غير دخلات شي حاجة فعينيها
هلال: مامشيتيش تصلي معاهوم
مروان: لا سلت للواليد ههههه خليتو مشا عمي ليث و جدي شهاب
هلال: شوية غادي يجيو راه مشاو قبيلة
مروان: اوا كيغادة مع شي قراية
هلال: هاد إدارة أعمال صعيبة اوففف
مروان: اجي تشوفي الماستر كيف داير ماحيلتي للخدمة مع لواليد ماحيلتي للماستر
هلال: نتا 23 عام ياك
مروان: اه نتي صغر مني ب 3 سنين ا لبريهيشة ، نتي هي اصغر فرد فلافامي شنو احساسك
شوق: هي المدللة و لي بغاتها كاتحضر بكل بساطة
هلال: مغيارة 😒
مروان:(سمع صوت طوموبيل) هاهوما جاو ، فينهوم العيالات ?
هلال: خليتهوم فالصالون لهيه مجمعين
مروان: اوا زيد نمشيو عندهوم ... شوق غسلي وجهك و تبعينا و ماتنسايش داكشي لي قلت ليك ... تعاملي زوين معاها راه تزرعي خير تحصدي خير تزرعي شر تحصدي شر

رجعو للرجال من المصلى ليث لابس جابادور بسروالها فالأبيض مخططة بالأخضر مع بلغة و شهاب جلابة بيضة و بلغة فرجليه شعرو شياب و باقة نفس الفورمة صحتو طوب بسباب الأكل الصحي و بسباب اهتمام جوري ، غادي وسط ولادو بجوج حاط يديه على ضهرهوم و توفيق لابس فوقية بيضاء مع بغتها و شعرو حتى هو شياب غادي بجنبهوم، دخلو للفيلا و الطرب الأندلسي مطلوق و الخدم كايبخرو الدار ، مشاو للصالون لقاو جوري جالسة لابسة قفطان فالأحمر محجر مطروز بالأسود دايرة زيف ديالو وجهها خالي من المكياج فرجليها صباط اسود طالون عالي و حداها قمر لابسة فراشة فالشيبي و طالقة شعرها و فرجليها صندالة بيضة دايراها فرجليها و حداها ياسمين لابسة قفطان فالأخضر ملكي نص كم محجر مع مضمة خفيفة و فرجليها صباط اسود طالقة شعرها دايرة ليه بوكلي و مكياج خفيف بزاف و حداها سعيدة لابسة حتى هي قفطان فالأزرق ملكي سامبل لابسة صباط عالي فرجليها و دايرة الفولار، قدامهوم طابلة عامرة عواصر و فواكه جافة و حلويات و براد اتاي مشحر محطوط، شافوهوم و كل واحد مشا عند مراتو جلس حداها حتى جات هلال هي و مروان كايضحكو سلمو عليهوم و باركو ليهو العيد و مشاو جلسو ، جات فتاة لابسة سروال جينز و تيشروت أبيض خاشياه فالسروال فارقة شعرها من النصف و مخلياه مطلوق مقادة وجهها و عينيها الخضرين باين لونهوم ،فرجليها صندالة عالية سوداء 
....:good morning
مروان: bad morning
....: (كاتغبن) بابا هضر معاه
جوري: اجي ا روان عندي اجي يا كبيدتي
مشات روان عند جداتها تخشات فيها و جات شوق مقادة المكياج مابايناش بلي كانت كاتبكي ، سلمات عليهوم و جلسات متبتة كيف عادتها و مباشرة تبعهوم أنيس و معاه أناييس معانقين
أناييس: صباح لخير 😁
مروان: اهلا اهلا بالطبيبة ديالنا (سلم عليها)
أناييس: ههههه بيزنس مان (سلمات على هلال) بيزنس وومن
سلمات على كولشي حتى جات عند شوق مدات أناييس يديها و شوق كاتشوف فأنيس معصبة منو ، ناضت قدام أنظارهوم كاملين و عنقات أناييس و ابتسامة على وجهها
شوق: اهلا حبيبة ايمتا جيتي
أناييس:(شافت فيها) طالعة ليك السخانة !
شوق: ويلي على السخانة واش لي سلم على بنت عمو غاتكون فيه السخانة
أناييس: واااو تغيير بان عليك .... اوا صافا !
شوق: بيخير و نتي
أناييس: الحمد لله
جلسات أناييس و جلسات شوق حداها و مروان متبتة عينو على شوق و هلال كاتشوف فيه و خاطرها مكسور اما أنيس فعينو على شوق و فرحان حيتاش تقربات من ختو بخطوة
أناييس:(شافت فروان) اوا ا أقونة لموضة شي جديد فداكشي
روان: (هازة تيلي) داكشي بعيد عليك ماغاديش تفهمي فيه خليك نتي مع لجثث ديولك (هزات تيلي باش تسيلفا)
بدات كاتعوج باش تتصور و كل مرة تدير بوز شكل و مايعجبهاش و تعاود لوخر، هزات أناييس تيلي ديالها و دخلات الإنتسغرام و مشات لستوري و دارت فيديو لروان و هي كاتعوج باش تتصور و هي تلوحو فالستوري ديالها و طاكات ختها و حطات تيلي، فلحظات الناس شافوه و شي كايبارطاجيه مع شي و كايضحكو على روان حيتاش هي معروفة و خصوصا بهادشي ديال الأزياء ... وصل روان طاك و هزات تيلي شافت لفيديو و هي تصعر
روان: وا زمر 😡😡 اش هادشي درتي حشومة عليك
شهاب: ا مالك ا بنتي
روان: شوف اش دارت ليا اجدي (عطاتو تيلي) هنننننن خرجات عليا كولشي غايضحك عليا
مروان: واااااععععع عبرتي عليها ا نونسة (بوسة فالهوا)
غيث: أناييس اش هادشي
أناييس: غير كانضحك مع أيقونة لموضة
توفيق: هههههههه غير كاتضحك ا بنتي مايبقاش فيك الحال
ياسمين: عويفية صافي ضاروري تنوضي الصداع
روان: عقلي عليها
أناييس: خلينا منك .... كيف دوزتو رمضان بلا بيا
أنيس:طوووب مهنيين منك و من صداعك
أناييس: الله يخلي ليا مامي لي جات عندي ياك ا لحاجة
ياسمين: اهياتا راه قلت ماتبقايش تقولي ليا لحاجة
أناييس: شنو كاتحسي راسك شرفتي
الجميع: ههههههههه

كترات الهضرة فالصالون و مجموعة شادة موضوع شي كايدوي على لخدمة شي على لقرايا شي غير الضحك و التقشاب حتى طاب الغدا، تجمعو على السفرة كيف العادة شهاب فالراس ديال الطبلة و مقابل معاه توفيق واخا غيمول لفيلا الا انه كايحتارم اب ياسمين و كايخليه يجلس بحال باه، تستفو كاملين و تحطات الماكلة من جميع الأصناف و بداو كاياكلو مجمعين
ياسمين: عندك شي خبار سامي
غيث: ماقدرش يجي مراتو مريضة شوية
ياسمين: اوا الله يشافيها مسكينة
غيث: واتاك لخضر ا زين
ياسمين: حتى نتا جيتي فالجلابة متيتز كايجي معاك البلدي ا تيتيز بلادي
قمر: هيهيهيهي سمعتكوم
غيث: ليث شد عليا مراتك
ليث: ختك قبل ماتكون مراتي هههههه
ياسمين: ههههه جمعي وديناتك عليا 
قمر: هاهيا 😂😂
جوري: هزو كفوفكم و دعيو مع ماما بالرحمة
هزو كاملين يديهوم و دعاو معاها بالرحمة و قراو الفاتحة على روحها واخا سينين باش ماتت الا ان عند جوري بحال الا ماتت غير لبارح
سكتو واحد الشوية فاش تفكرو موتها الا ان بالحيوية ديال أناييس دغيا رجعو كايهضرو اما أنيس فمن تحت لاناب خشا يديه و قرص شوق حتى تهزات و شافت فيه شوفة شر و سيفط ليها بوسة فالهوا و شافتو ياسمين
ياسمين: ولادنا كبرو و قريب يتزوجو و يديرو ولادهوم و نتا غادي تبقا ديما مقابل الخدمة! ماغاديش تاخد عطلة و نمشيو سياحة
غيث: واخا ا حبيبة حددي الوقت لي بغيتي و نمشيو
ياسمين: الله يخليك ليا يا غيوشتي
غيث: بغيت نبوسك مي العائلة هنا
ياسمين: دير بحال ولدك و سيفط ليا بوسة فالهوا هيهيهي
بقاو مجمعين حتى كملو لغدا و ناضو تفرقو و مشات جوري للجردة و تبعها شهاب جلس حداها و حطات راسها على كتفو
جوري: الله يا ربي واحد الفرحة كاتحس بيها فاش كاتشوف عائلتك مجموعة ماكاينش بحالها
شهاب: عندك لحق كاتشوف أجزاء منك كايتمشاو و عايشين
جوري: كانشكر ربي حيتاش تلاقيت بيك
شهاب: حتى انا ا حبيبة
باسها فراسها و جا كولشي تجمعو عليهوم كايضحكو .

👑النهاية👑