صورة مصغرة لـعذابي الجزء السابع

عذابي الجزء السابع

sab3 3adabi
رواية عذابي لنهى مر

بقات جالسة فالصالة كاتبكي حتا نشفو دموعها و بقا راسها عاطيها لحريق بكترة البكا و كل شوية كاتقلب الساعة حتا طاح الضلام و غيث باقي ماجاش، طلعات لبيتها و هي حزينة و ماعندها خاطر للماكلة و نهار كامل ماكلات من غير داكشي لي حطات ففمها و هو معاها، بقات غادة جاية فالبيت و الشعالة فيها مفقوصة و لغيرة كاتاكل فيها من لداخل كاتعذبها حتا سمعات صوت طوموبيل و طلات من الشرجم و لقاتو جا حط طوموبيل و دخل لدار و سمعات صوت صباطو و هي تخشا فالفراش و حكات حناكها باش تبان مزنكة بالنعاس و خربقات شعلاها و حطات راسها فوق المخدة و دارت راسها نعسات و هو طالع لفوق و ماوصلش كاع بيتها مشا نيشان لبيتو بدل حوايجو و لبس شورط و بقا عريان من لفوق حيتاش الدار سخونة بلكليمة و جعابي لي تحت الدار حتا هوما سخان و مدفيين الأرض، مشا لكوزينة لقاها كيفما خلاها و لماعن ديال لفطور باقيين فوق الطبلة، هز داكشي و حطو فالجلاية و وجد ليها سوندويتش حيتاش عرفها ماكلات والو و حطو فطبسيل و هز بيبسي و طلع عندها و هي سمعاتو و كملات التمثيل ديالها
غيث: جاسمن جاسمن نوضي تاكلي
ياسمين:الصمت
غيث: ها لماكلة فوق لكوافوز بغيتي تاكلي هاهيا
ياسمين:(دارت راسها يالاه فاقت) جيتي (كاتفوه)
غيث: ياك كنتي كاطلي عليا و شفتيني جيت
لاح ليها هاد جوج كليمات و خرج كايضحك و هي تقرصات و تزيرات و خدودها حمارو بصح هاد لخطرة و بدات كاتندب بشوية
ياسمين: ويلي على فضيحتي 😨😨 عاق بيا ولد حرام تفووو عليك ا ياسمين تفو علييييك 😢😢 هاهوا حشمك و حشاها ليك غير بالفن راني عارفك كنتي كاتسنايني 😭😭 ديما مشوهة انا يخخخ تفوو
هزات لماكلة كاتاكل و كاتنكر و تتنخصص حشمها حتا غرقات فحوايجها و ماعرفات ماتدير باقي و هي تجبد و نعسات.
☀صباح جديد☀
ناض غيث هو لول واخا هو نعاس الا فنهار مهم كهذا ماخاصوش يصبح ناعس، دخل لدوش و دوش بالخف و خرج لاوي عليه فوطة من لتحت و شعرو كايقطر و مشا لبيتو نشف راسو و جسمو و لبس بوكسر كحل مع سروال جينز زرق و تيشورت بيض لاكوسط كول v و جاكيط كحلة ديال لكوير و صبرديلة كحلة فرجليه مع تقاشر بيضين و نشف شعرو مزيان و رش من ريحتو الإعتيادية، و هبط لتحت وجد لفطور و طلع عند ياسمين حل لباب و لقاها كاتبدل لابسة 2 بياس فالأسود و شعرها مطلوقو جا وجهو فوجهها و هي بقات واقفة عادي حيتاش ديجا شافها هاكدا فالبحر
غيث: سوري (بغا يرجع)
ياسمين: اش بغيتي دوي ماشي اول خطرة تشوفني هاكدا
غيث(كايشتت انتباهو) كنت جاي عندك نفيقك، هبطي لتحت و لبسي شي حاجة راه غادي نخرجو
ياسمين: اوكي

مشا غيث و المنضر ديال ياسمين بين عينيه ماكرهش يرجع ليها و يفدي فيها كاع الشوق ديالو جيهتها حيتاش ولا كايبغيها و عرفات بحركاتها و نضراتها تأسرو و تخليه سجين فقفص حبو ليها و بالنسبة ليه زمرد مجرد بنت كان كايبغيها و دابا لا شدات بلاصتها ياسمين، و هادشي لي مابغاتش تفهمو ياسمين حيتاش مازال عندها شك بلي هو كايبغي خطيبتو لقديمة و كون كانت غير عايشة لاباس لموشكيلة هي كاتتنافس مع وحدة ميتة.
لبسات سروال رمادي و كابيتشو كحل و سبرديلة فرجليها رمادية و طلقات شعرها و دارت ريحتها و طرفات بيتها و خرجات كاتلوى و كاتحاول ماتبينش ليه بلي هي غايرة من روجينا حيتاش هي بطبعها قوية و ماكاتحملش تبين الضعف ديالها قدام شي مخلوق.
جلسات فوق الفوطوي دايرة رجل فوق رجل بحركة أنثوية و ريحتها كاتسرفق فغيث لي كايحاول يتمالك راسو و مايطيرش عليها، بداو كاياكلو بصمت حتا كملو و هي ترجع لور كاتلعب بشعرها
غيث: ماغاديش تعاونيني!
ياسمين: نتا خاطفني ياك! انا ماشي خدامة و مني خطفتيني خاصك توفر ليا اي حاجة بغيتها و كيفما كنت عايشة فداري (كاتشوف صبعانها و كاتلعب بيهوم) الوغ نتا لي خاصك تخدم تحمل مسؤولية أفعالك الطايشة
غيث: ايييه نستاهل ا ياسمين هاذا هو ثمن حبي ليك
هز داكشي لي فطرو فيه و هي قلبها بقا كايخبط بحال الا كانت كاتجري او خطرة يقول سميتها و تبع ليها هضرة كاتبين على انها جرحاتو و خصوصا كلمة أفعالك الطايشة دخلات لصميم قلبو و ضراتو فيه كأن اعترافو كان لا شيء بالنسبة ليها و هي فاش عتارفت ليه مادارش شي حاجة لي تجرحها بالعكس خرجات بأقل الأضرار ، كمل شغلو و جا حداها و كايلعب بالكونطاك
غيث: زيدي قدامي راه خارجين
زادت قدامو كاتعوج و خرجات لقات برا بارد و هو يصرفقها لبرد حتا تهزات و مع ذلك بقات مواصلة حتا دخلات لوطو و ركب حداها و ديمارا

طريق كولها و هوما ساكتين حد ماكايدوي مع حد حتا بدات كاتوضح ليها الطريق و عرفات بلي جايبها للفيلا ديالهوم دخلو مع لباب لكبير و بقاو غاديين فالممر المخصص لطوموبيلات ختا وصلو للباركينك و لفيلا مقلوبة بالناس و مزويقة و مقادة كاتدل على وجود حفل تما، هبط هو من لوطو و هبطات و بقا غادي و هي تابعاه و لبرد قاتلها و صابرة ليه حيتاش مالبساتش مزيان و دخلو للفيلا لقاو جوري لابسة قفطان كرونة محجر مع طالون كحل و طالقة الشعر كاتهضر مع الخدامة حتا وقف عليها غيث
جوري: سيرو حتا لمن بعد و ندويو (دارت عند غيث) حبيبي جيتي (باسها) جبتي حتا ياسمين (سلمات عليها) صافا عليك ا بنتي بيخير!
ياسمين: حمد لله و نتي ا خالتي
جوري: بيخير الحمد لله، طلعي لفوق عند لبنات باش تمشيو لسبا
ياسمين: علاش اش كاين ا خالتي
جوري: ماقال ليك والو هاد لبغل ههههه عرس ولدي هادا
ياسمين: (صفارت) عرس ولدك
جوري: اه هههه حسبي راسك فدارك، غيث طلعها عند لبنات لفوق
طلع غيث سابقها و هي مصدومة و محافضة على هدوءها مامبيناش ليه حتا وصلو لبيت كبير و دخلو لقاو فيه لبنات
غيث: قمر ها ياسمين معاك اوكي
قمر: اووه قمر اوكي كون هاني (ناضت عندها) اهلا حبيبة (سلمات عليها) صافا!
ياسمين: حمد لله و نتي
قمر: فرحاااانة 😍😍
ياسمين: حيتاش عرس خوك
قمر: حيتاش عرسي 😍😍
ياسمين: كيفاش 😨 نت لي غادي تتزوجي بغيث 😨 بخووك
قمر:(ضحكات حتا تسدو عينيها) هههههه بليث ماشي غيث هههه و ليث ماشي خويا غير متبنى
....: عرفينا عليها
قمر: ههههه هادي ياسمين صديقة ديال غيث ياسمين هادو بنات عائلتي هاديك بنت خالي مي و هاديك بنت ولد عم ماما دينا و هاديك بنت ولد عم ماما لوخر روجينا
ياسمين طلعات معاها ديك روجينا و هي تشوف فيها بسرعة لقاتها بنت طويلة فورمتها مقادة و زعرة و عينيها زرقين خارجة فماماها كارمن، و هي تحول وجهها عند مي لقاتها ماطويلة ما قصيرة حروفها زوينين شعرها كحل و عينيها نفس الشيء باينة لبراءة على وجهها ، اما دينا فشعرها قهوي مايل لكحل و عينيها عسليين و زوينة فوجهها و قصيورة. مشات سلمات عليهوم وحدة وحدة و هي تجلس و مرة مرة كاتشوف فروجينا بلا مايعيق حد
قمر: يالاه زيدو نمشيو لسبا نقادو راسنا
ياسمين: انا غانمشي معاكوم و لكن غير غانصايب شعري و ضفراني حيتاش يالاه كنت فالصالون مؤخرا
قمر: ديري لي يريحك ا حبيبة
هبطو كاملين لتحت و ياسمين مرة مرة كاتعطس عطسة خفيفة ماكايسمعها حد حتا ركبو فلوطو و شيفور غايسوق و توجهو ل سبا.

وصلو لسبا و لقاو اهتمام و ترحيب حبتاش عارفين شكون جاي عندهوم، دخلو مشاو باش يديرو ماساج و صاونا.... و ياسمين بقات جالسة فالفوق ماحملاتش تكون مع روجينا فقنت واحد و فكرة انها تكون روجينا مع غيث كاتاكل فيها من لداخل و بغات تتسطا، بقات جالسة كاتضور فصفحات المجلات و مرة مرة تعطس حتا لحق وقت لغدا و جابو ليهوم لغدا تال تما بيتزا مخلطة مع كولا، كلات و عمرات كرشها و هي تمد يديها لوحدة بداو كايصايبو ليها ضفراها و دارت صباغة فالباج جاتها زوينة حيتاش يديها بيضين بلقين و رطبين و صبعانها دايرين كيف القلم، عطاتها رجليها دارت ليها نفس الشيء و هوما يخرجو لبنات لابسين بينوار و وجههو حميمر و بيضات كايشعلو باين فيهوم الحمام، جلسو و كل وحدة عطات وجهها و يديها و شعرها للبنات المكلفات، ضارو بيهوم قادوهوم من الراس تال الرجلين، دارت ياسمين مشيطة على جنب و قصيصة نازلة على جنب و مكياج غامق شوية و برز ملامحها و بينها كبر من السن ديالها و برز لون عينها الرمادي الغامق ديالها و نفس الوقت البراءة حاضرة و بقوة و روجينا دارت مكياج خفيف و لون عينيها الأزرق بارز و بزاف عاد ملامحها البرازيلية باينة و شعرها الأشقر دارت ليه بوكلي و بقا مطلوق و عجبها راسها اما لعروسة قمر فدارو ليها مكياج العرائس مع مشيطة زوينة، شافت كولشي سالا و هي تقول لبنات لي مكلفات بالسبا يجيبو النكافات حيتاش جاو و بقاو جالسين كايتسناهوم يساليو.
طلعو النكافات و عطاوهوم التكاشط و كل وحدة هزات لي بغات و ياسمين ختارت وحدة باج مطروزة بالقهوي بالمضمة ديالها مع صباط طالون باج جاتها خطيرة و قمر و روجينا لبسو على ذوق النكافة حيتاش ماكاتعرفوش فالبلدي، اما مَي هزات وحدة فالأسود و الذهبي و مرام لبساتها فالموف على لون لمكياج لي دارت.
خرجو لبات من تما ناضيات ركبو فالوطو فاش جاو و رجعو للفيلا لقاو الأمداح خدامة و كولشي مقاد، طلعات قمر نيشان لبيتها و بقات ياسمين كاتضور كاتكتاشف القصر و مرة مرة تعطس حتا بان ليها غيث لابس كومبلي أسود مع قميجة بيضة و فاتح الصدفات الفوقانيات و صباط أسود لامع و مرجع شعرو لور و كايهضر مع ليث لي حتا هو لابس كيف خوه و فورمة وحدة غير لون العيون لي مختالف و لملامح و واقف مع رافاييل راجل عمتو و صديق باباه و ولدو زاين لي خارج فسامانثا طويل و مفورمي عينيه قهويين و شعرو كذلك، بقاو كايهضرو على لخدمة و كايحللو حتا دازت من حداهوم ياسمين رافعة راسها و كاتكسول عاجبها راسها من حداهوم خلات غيث و زاين متبعينها بعينيهوم حتا خرجات برا لجردة، ضور غيث وجهو جيهة زاين و رافا و هو يشوف زاين مازال متبع ياسمين بنضراتو و هو يتقرص
زاين: باغدون! هاني جاي
مشا زاين فالطريق لي دازت منها ياسمين و غيث غير كايسوط و قلب دورة و تبعهوم

بقات ياسمين غاجة و كاتكتاشف الجريدة لي عنجهوم و غادة فوسط الربيع و الجو شبه غائم و هي كاتعطس كل شوية حتا لقات حداها زاين و تخلعات
زاين: باغدون (بالإنجليزية)
ياسمين: هييي 😨 شكون نتا
زاين: هههه سمحي ليا خلعتك (جبد كلينيكس) هاكي كلينيكس
ياسمين:(خداتو) ميغسي
زاين: انا زاين راييس ولد عمة قمر
ياسمين: الا كنتي نتا ولد عمتها كيفاش عندكوم نفس الكنية
زاين: ههههه لواليد ولد عم شهاب الوغ عندهوم نفس الكنية
ياسمين: يعني ماماك تزوجات بولد عمها
زاين: ايكزاكط، و نتي شكون بنت لافامي!
ياسمين: نو هههه انا صديقة ديال غيث
جا غيث بشوية من موراهوم و الغيرة كاتاكول فيه من الداخل و كاتنهشو و غير كايسوط حتا خشا يديه من خصر ياسمين و جرها حداه خلاها مصدومة ماعرفاتوش ايمتاا جا ولا كيفاش خرج و نفس الشعور كان عند زاين
ياسمين: غيث 😨 ايمتا جيتي
غيث: غير دابا ا حبيبة
ياسمين:(بهمس) بعد مني يخخخ
زاين: حبيبة! غيث ياكما!
غيث: هههه وي كانقدم ليك حبيبتي ياسمينة، ياسمينة حياتي
زاين: سمح ليا غيث ماكنتش عارف، الله يوفقكوم
غيث: لمرة جاية بقا تسول ههههه
زاين: هههه ديزولي انا غانمشي
مشا زاين مصدوم حيتاش ماتوقعش بلي غيث يدخل فغولاصيون جديدة و فنفس الوقت خاب املو حيتاش عجباتو ياسمين.
ياسمين عجبها الحال و زادت تنفخات اكتر و علات راسها لسما
ياسمين: طلق مني خربقتي ليا تكشيطة
غيث: ماحشمتيش نتي غادة مع راجل ماكاتعرفيهش
ياسمين: و مالها اش فيها ! عادي
غيث:(هز يديه) راه غانضربك اياسمين
ياسمين:(عطسات) الحمد لله
غيث: مريضة!
ياسمين: لا بيخير (مسحات بكلينيكس)
غيث: (حيد ليها كلينيكس) هاكي ديالي حسن (جبد كلينيكس)
ياسمين: ويلي راه بحال بحال 😒
غيث: لااا هادا ديال غيث يالاه سيري لفيلا مانلقاكش كاتضوري مع شي راجل
ياسمين:(غادة قدامو) ماشي سوقك نمشي معامن بغيت راك مامزوجش بيا
غيث:(جرها حتا تضربات مع صدرو) جيتي زوينة كاتحمقي (باسها)
ياسمين: وا زمر ماتبوسنيش و ماتقيسنيش (كاتضربو)
غيث: غانديرهوم بسطاش نتي دياليييي (باسها بزز ففمها ) يالاه خودي ههههه (طلقها)
ياسمين: تفو على موصيبة
غيث: دابا نوريك شناهيا تفو 😡 (ضربها فطرمتها) يالاه قدامي
ياسمين: غااااااايث 😡😡😡
غيث:(داير يديه فجيبو ) ههههه زيدي و بقاي حدايا

بقات غادة حداه و كاتعوج و كاتبين ليه اللامبالاة ديالها و هي قلبها كايفرفر من بلاصتو 💓 ماكرهاتش تنقز و تشطح و تغني باش تعبر على فرحتها و لكن حلفات حتى ترجع ليه الغبرة لي شعل فيها و هو مع روجينا.
دخلو للفيلا و فينما يحط يديه فخصرها كاتحيدها ليه و تبقا كاتسوط و تضور فيه بشوية بلا ماتحرجو مع الضيوف، مشاو جلسو فوق لفوطوي و الناس بداو كايجيو و الفيلا عمرات بالناس الألِبة و لهاي كلاص و الخدم لابسين لبسة موحدة و كايضورو بكيسان ديال الشامبانيا و و كايعطيو للناس و جوري طلعات لعند بنتها بعدما لبسات تكشيطة فالأخضر و الذهبي و شعرها مطلوق مبوكلي طويل و مكياج خطير رجعها اصغر من سنها بسنوات، شافت بنتها كيف جات لقاتها لابسة تكشيطة فالأزرق ملكي مزوقة و محجرة بمضمة فضية جاتها خطيرة و صباط طالون فضي طلعات كاتهبل و مضوية كيف القمر و بنات العائلة حداها
جوري: الله يحفضك من لعين ا حبيبتي (عنقاتها) كبرتي و غاتتزوجي ههههه و غاتكوني مرت ولدي
قمر: هههههه بلا ماتضحكيني حشومة عليك
شهاب:(كان جاي عندها) اي اي اي اش هاد الزين ههههههه (عنق قمر) مبروك
قمر: الله يبارك فيك
شهاب: اح على الزين ديالي (باس جوري)
جوري: ههههه جيتي متيتيز تاني فالكوستيم
شهاب: هي غادي نطيح شي سطاشية
جوري:( عقدات قرونها) حررررر بوش و ديرها
مي: علاش هو يقدر يخلي سميرة سعيد ههههه راه بزينك تجيبي احسن واحد
شهاب: مي ماماك ا بنتي كاتعيط عليك
جوري: ههههه غير كايضحك عليك يخليلي بنت خويا
مي: ههههه حنا نضحكو عمو شهاب
شهاب: زيدي ا حبيبة لايصدقو مزوجينك مور ضهري
بقاو غاديين كايضحكو و هوما يهبكو لتحت بان ليهوم غيث و ياسمين مناقرين و قلب شهاب الطريق و جر جوري باش يبقاو على راحتهوم و مشاو عند سامانثا و رافاييل و ولدهوم و هو يلحق عليهوم سلمان أخ جوري و مرام مراتو
شهاب: نتا بنتك كانت باغة تزوج ليا لمدام بلا حشمة بلا حيا
سلمان: اوا ا خويا اش نقول ليك ههههه هاديك راه عافية
جوري: بعدو من لبنت هي ماقالتش شي حاجة ديال لعيب ههههه
شهاب: عاجب والديك لحال حيتاش جات من جيهتك
جوري: ماغاديش تجي سوسن !
سلمان: ماضنيتش حيتاش راجلها مزير فالخدمة و ولدها عنجو امتحانات
جوري: اوا حتا نلاجعو لبرازيل و نديرو حفلة تما و تحضر فيها هي و ماركوس
كارمن: هااااااي
جوري: اهلا حبيبة (سلمات عليها)
يوسف: السلام عليكم
شهاب: و عليكم السلام
يوسف: شيباتك بانو ا باا شهاب ههههه
شهاب: علاش لي عندو هاد المرة ماغاديش يشيب
كارمن: بعدو ليا من بنت خالتي، اجي بعدا مابانتش ليا كاع خالتي
جوري: شوية و تجي هي و باولو و خوسيه

هبطو العروسة بالصلاة على النبي و النكافات موراها و حداها ليث فأبهى حلة ليه شادين فبعضياتهوم حتا هبطو لتحت جلسو فالبرزة و طلعات الداودية فوق المنصة كاتغني و ناس ناضو كايتصورو مع العرسان و شي كايشطح و الفلوس كايتشايرو و كل وتحد كايلوح على بناتو لي كايشطحو فالفلوس فرحانين بيهوم و قمر الضحكة واصلة ليها حتا لودن و غيث حالس متبت حدا ياسمين لي كاتشطح بكتيفاتها و فرحانة خصوصا فاش كاتشوف لبنات كايشوفو فغيث بإعجاب و ماحملوهاش تكون حداه، شافتهوم روجينا و جات كاتكسول عندهوم حتا وقفات عليهوم
روجينا: غيث!
غيث: اهلا
هبطات سلمات عليه بالوجه و هي تشوف فيها ياسمين بنص عين و تزيرات و لكن مابيانش و كملات الشطيح ديالها و حركاتها و هي تسلم عليها روجينا دارت الصواب و جلسات حدا غيث كاتهضر معاه و ياسمين كاتقلا بلا زيت و كاتحاول تكالمي راسها و غيث مرة مرة كايضرب طلة عليها كايشوفها اش كاتدير و كايلقاها فلامبلاة ديالها و كايكعا
روجينا: غيث نوضو نشطحو!
غيث: نو ماشي دابا
حمات الداودية الطرح و جات مي و دينا جرو ياسمين من حدا غيث و بداو كايشطحو و هو متبعها بعينيه
روجينا: وا قويصحة عندك هاد لبنت
غيث: علاش!
روجينا: شادا راسها ماكاتبينش واش غارت
غيث: احياني على هاديك راه ماشي غير جات و طيحاتني
روجينا: زوينة بزاااف هههه
غيث: زوينة و سكتي (تنهد) غادي تحمقني
روجينا: هيييي طارو ليك بيها يا لمسخوط
غيث: (كايقلب بعينيه)شكون اش طرا !
روجينا: راها لديك جيهة كاتشطح مع داك زاين
غيث: صافي سي فيني نتي وياه!
روجينا: اه صافي، ماغاديش تنوض ليهوم !
غيث: الى نضت غاندير شي فضيحة اللهم نشوف كيفاش نحلها بطريقة فنية
روجينا: يالاه ورينا اش غاتدير سربي ا لمرض راه كايضحكو
غيث: غي تسناي غادي تخلص هي هاد الضحك كامل، و نتي الى باقة عينك فيه سيري ليه ديريكت و قولي ليه ماتشطحش معاها ماشي تشعليني انا باش نوض، يخ منو و عيني فييه
هز غيث تيلي ديالو و دوز مكالمة بلانكوني ل زاين و هو يشوفو هز تيلي و جاوب و بكترة الصداع جيال لموسيقى ماسمع والو و اضطر يخلي ياسمين بوحدها و خرج برا و هو يقطع غيث
روجينا: كنا باغيين نوضو فيها الغيرة صدقات هي مشعلاها فينا بفففف
ناض جيهة ياسمين و لقاها حامية الطرح بالشطيح و هو يجرها حتا تزدحات مع صدرو و بدا كايشطح معاها الشعبي و هي مصدومة فيه حيتاش ماتوقعاتش يكون كايعرف يشطح و هي تتفكر روجينا و تخنزر فيه و عطاتو بالضهر و خلاتو بوحدو و خرجات برا عرقانةحتا حسات بالبرد طالع مع عضامها

تبعها غيث و هو زاعف و لكن متحكم فأعصابو مابغاش يدير شي حاجة لي يخليها تنفر منو، جا موراها و حط يديه على كتفها و ضارت شافت فيه و الضواوات ديال الجردة شعلو حيتاش طاح الضلام عطاو جمالية للمكان
غيث: دخلي لداخل لبرد عليك و نتي عرقانة
دخلات للفيلا و مازادتش معاه لحرف حيتاش حسات بالخوف فلهجتو و عجبها الحال حيتاش داير ليها غير لخاطر و تابعها فهبالها واخا لهضرة لي قال ليها فالكلينيك باقة كاتطلع و تهبط فيها و فاقصاها و لكن كاتصبر راسها بهاد لفعايل لي كاتدير ليه و كاترد الصرف و هو عايق بيها و مخليها واخا كايبقا فيه لحال و لكن عرف بلي لهضرة لي قال ليها حتا هي راه قاصحة.
دخلو لداخل لقاو لعرسان طلعو يبدلو و الداودية مازال منوضاها و الناس كولشي محزم و مرزم كايشطحو ناشطين و لفلوس كاتشاير عليهوم. بقاو لعرسان كل شوية يبدلو و يطلعو و يهبطو حتا تحط لعشا و جلسو الناس كاملين كايتعشاو و غيث و ياسمين بوحدهوم حيتاش مابغاش يتخلط مع الناس، تحطات ليهوم لماكلة أشكال و أنواع و كولشي كاياكل بالفورشيط و لموس حيتاش غير الناس لهاي كلاص لي جاو للعرس، كلات ياسمين حتا عركاتها و عمرات لكرش و هي ترجع بلور كاتحس براسها تقيل و مع ذلك مازال صابرة باغة تكمل لعرس.
لحق وقت لاغوب لبيضة لخاتمة ديال لعرس وهي تهبط قمر كيف الأميرة بالفستان الأبيض ديالها و راجلها حداها حيتاش تزوجو قبل بيوماين عاد دارو لعرس، شادة فيديه و هبطو من لفوق و هي غاطير بالفرحة و هو نفس الشيء حلمو كاتيحقق و شهاب و جوري فرحانين لولادهوم و واقفين لتحت كايشوفو فيهوم، بقا متبعهوم غيث بعينيه و هي تطيح ليه فكرة فبالو طلع للمنصة و خدا لميكرو
غيث: كانطلب من العرسان يجيو للوسط
لباو ليه الطلب ديالو و جاو للوسط لبلاصة فين كانو كايشطحو الناس و هو يهضر مع الفرقة لي كاتعزف و رجع كمل هضرتو
غيث: كإعتذار لختي الصغيرة على ما طرا سابقا (نهار عارض زواجهوم) بغيت نقدم ليكوم هاد الأغنية
عطاوه ميكرو وحداخور باش يقدر يتحرك بكل سهولة و خشاه فودنيه و قادو مع فمو و طفاو الضواوات بقا خدام ضو واحد مركز على لعرسان فالوسط و غيث داير يجيه فجيبو و بدا كايغني أغنية darte un beso ديال prince royce

Amarte como te amo es complicado
احببتك كيف احبك انه امر معقد
Pensar como te pienso es un pecado
افكر كيف افكر بك انها خطيئة
Mirar como te miro está prohibido
انظر كيف انظر اليك هذا محرم
Tocarte como quiero es un delito
المسك كيف اريد انها جريمة

بقا كايضور عليهوم و كايغني بصوتو الزوين لي كايبورش اللحم و قمر و ليث كايشطحو و هايمين فبعضياتهوم مامسوقينش للناس و شهاب كايرمي عليهوم لفلوس بالعرام و هو يمشي غيث و مد يديه لياسمين لي جالسة مبهوضة مصدومة فغيث و عطاتو يديها و بدا كايشطح معاها
Ya no sé qué hacer
انا لا اعلم ماذا افعل
Para que estés bien
لتكوني بخير
Si apagar el sol
اذا اوقفت الشمس
Para encender tu amanecer
من اجل ضوء شروقك
Falar en portugués
اتحدث البرتغالية
Aprender a hablar francés
اتعلم تحدث الفرنسية
O bajar la luna hasta tus pies
او تحت القمر حتى قدميك
Yo sólo quiero darte un beso
فقط اريد ان اعطيك قبلة
Y regalarte mis mañanas
و اسلمك كل صباحاتي
Cantar para calmar tus miedos
اغني لاهدئ مخاوفك

بقا غير كايشوف فيها و كايحركها كيفما بغا و الناس لي مافهموش كايقراو الترجمة فالبلازما و هو كايغني و كايوجه لهضرة لياسمين و هي فهمات لميساج ديالو
Quiero que no te falte nada
اريد ان لا تحتاجي شيئاً
Yo sólo quiero darte un beso
نعم فقط اريد ان اعطيك قبلة
Llenarte con mi amor el alma
املئك بحب الروح
Llevarte a conocer el cielo
املئك بحب الروح
Quiero que no te falte nada
اريد ان لا تحتاجي شيئاً
Si el mundo fuera mío te lo daría
اذا كان العالم لي لاعطيتك اياه
Hasta mi religión la cambiaría
حتى ديني سأغيره
Por ti hay tantas cosas que yo haría
لاجلك هناك الكثير من الاشياء اود ان افعلها
Pero tú no me das ni las noticias
لكن انتي لا تعطيني ولا اي اشعار
Y ya no sé qué hacer
انا لا اعلم ماذا افعل
Para que estés bien
لتكوني بخير
Si apagar el sol
اذا اوقفت الشمس
Para encender tu amanecer
من اجل ضوء شروقك
Falar en portugués
اتحدث البرتغالية
Aprender a hablar francés
اتعلم تحدث الفرنسية
O bajar la luna hasta tus pies
او تحت القمر حتى قدميك
Yo sólo quiero darte un beso
فقط اريد ان اعطيك قبلة
Y regalarte mis mañanas
و اسلمك كل صباحاتي
Cantar para calmar tus miedos
اغني لاهدئ مخاوفك
Quiero que no te falte nada
اريد ان لا تحتاجي شيئاً
مكونسونطري فعينين ياسمين و كايغني و كايعلب بشعرها و يشطح معاها و هي مزنكة و اي واحد عندو حبيبتو جرها باش تشطح معاه و شعلو ضو خافت فالمكان و جر شهاب جوري كايراقصها و كايغازلها و غيث حيا ليهوم لمكان بصوتو الرنان
Yo sólo quiero darte un beso
فقط اريد ان اعطيك قبلة
Llenarte con mi amor el alma
املئك بحب الروح
Sólo quiero darte un beso
فقط اريد ان اعطيك قبلة
Quiero que no te falte nada
اريد ان لا تحتاجي شيئاً
Yo sólo quiero darte un beso
فقط اريد ان اعطيك قبلة
Llevarte a conocer el cielo
املئك بحب الروح
Sólo quiero darte un beso
فقط اريد ان اعطيك قبلة
Quiero que no te falte nada
اريد ان لا تحتاجي شيئاً
Yo sólo quiero
نعم فقط اريد
Yo sólo quiero darte
انا فقط اريد ان اعطيك
Quiero que no te falte nada
اريد ان لا تحتاجي شيئاً

كمل الأغنية و شعلو الضو و بداو كايصفقو ليه حيت غناها بإتقان و ياسمين كاتسفق ليه و عاجبها لحال و جات قمر عنقاتو فرحانة و عنقو حتا ليث.

جات جوري و شهاب حدا غيث و ليث و قمر فرحانين بولادهوم و مفتاخرين بيهوم، شد غيث ياسمين من يديها و جرها حداه حتا لصقات معاه و حط يديه على خصرها و هز ليها يديها باسها بكل حنان و رقة و هو فرحان الضحكة واصلة ليه حتى لودنيه و ياسمين حشمانة و نفس الوقت حيتاش خاشيها فيه قدام عائلتو و الناس كايشوفو فيهوم، كملو الحفل بعدما قطعو لكيك و كل واحد وكل لوخر و عطاو لياسمين و غيث حتا هوما و طلعو لعرسان باش يبدلو حوايجهوم حيتاش غايسافرو غايمشيو شهر عسل لجزر لباهامز. بدلو حوايجهو و هبطو مع الدروج فرحانين و الضيوف كايتسناوهوم باش يودعوهوم، خرجو برا كاملين و ركب ليث فلوطو ديالو لي عبارة عن لامبورغيني سوداء زاج فيمي مجبدة كيف لحوتة و حطو فيها الشوانط و تجمعو لبنات العازبات مور قملا حيتاش غادي تلوح لورد للبنات و ياسمين بقا حدا غيث كاتحس براسها ماشي تال لهيه و لكن صابرة باش تكمل و هو يدفعها غيث تخشات وسط من لبنات و بدون اي مجهود فالحصول على لبوكيه جا عندها و بين يديها و قمر كاتضحك و ياسمين حشمانة و الفرحة باينة من عيونها و هي تجي عندها قمر عنقاتها و باستها و همسات ليها فودنيها
قمر: تهلاي فخويا لكبير راه بصح كايبغيك
مشات قمر سلمات على جوري و شهاب و على غيث و رجعات عند راجلها و مشاو، اما الضيوف فغير مشاو لعرسان و مشاو حتا هوما و بقات غير العائلة صاف.
بدا الصباح كايطلع و الشميسة كاتطل و جو زوين و نسيم عليل كايضرب لوجه كايحيي الروح، جلسات جوري و شهاب و غيث و حداه ياسمين و رافييل و سامانثا و يوسف و كارمن لمياء و أوس و مرام و سلمان و إيلينا و باولو و خوسييه لي باقيين مرتابطين مع بعضياتهوم واخا كبرو فالسن و بقاو مع إيلينا ام جوري فينما تحركات يتحركو معاها، تجمعو كاملين حدا لابيسين فوق فوطويات داروههم ليهوم تما باش يجلسو مرتاحين.
سامانثا: اوا ا جوري ولات دابا بنتك مرات ولدك
جوري: غير خليها على الله راه راسي ضرني بالتفكير فيها هههه
رافاييل: دابا فاش غايولدو غادي يكونو ولاد بنتك ولا ولاد ولدك ههههه
شهاب: ا ميكو علينا نتوما لصقتو لينا فهادشي
غيث: هههههه لواليد بغيت نسولك
شهاب: وي !
غيث: واش بصح لواليدة فاش كانت حاملة بيا كنتي قلتي ليها تدير كورطاج
جوري: غير خلينا ساكتيين ماعمرها تنسا ليا هاديك حتا لحق ل ربع شهور عاد قالك حيدي لبيبي
شهاب: كانو عندي اسبابي كنت خايف عليك ا حبيبة لواليدة الله يرحمها ماتت و هي كاتولد و ناتاشا حتا هي اوا خفت
جوري: و لكن خرجتها منك فالوحم هههه
ياسمين: علااش!
شهاب: ناري نفراتني ماحملاتنيييش حتا لهضرة ماكاتهضر معايا و باش كملاتها و جملاتها مشات غضبانة و جات لهاد لفيلا كون كانو لحيوط كايهضرو كون عاودو
لمياء: فاش دوزتي معانا رمضان
جوري: ايييه ديك ليامات
بقاو جالسين و كاتفكرو ياماتهوم و يضحكو حتا بدات ياسمين كاتكمع و كاتغمض عينيها بشوية حتا نعسات على كتف غيث و الشعر تلاح ليها على وجهها و بغا يحيدو ليها و هو يقيصها لقاها سخونة و هو ينوض مخلوع جمع الوقفة بطريقة خطيرة و خلعهوم كاملين
جوري: مالك اولدي
غيث: طالعة ليها السخانة كاتفووور بيها
جوري: انا غانوجد ليها دوش 😨 عيطو على الطبيب
بسرعة تقلبات الجلسة و ناضو كاملين.

هزها غيث مخلوع قلبو غادي يسكت و طلعها لبيتو و طلقات جوري لما فالبانيو و هي متوترة خايفة توقع فياسمين شي حاجة و شهاب حداها
جوري: فينو طبيب ! باقي ماجاش
شهاب: حبيبية كالما راك نتي طبيبة سيري قلبيها راه غير سخانة
جوري: السخانة مامعاها لعب ا شهاب تفوت واحد الحد و غادي ترجع بالخايب و لبنت دابا عندنا و تحت مسؤوليتنا الى طرات فيها شي حاجة اش نقولو لواليديها
شهاب: يالاه سيري قلبيها راه غاتكون غير كلاتها بالبرد
مشات جوري جابت لمعدات ديولها و دخلات عند غيث و خرجات كولشي بقا غير هو و جوري و ياسمين و هو يحيد ليها التطشيطة بقات غير بدو بياس و هي تعبر ليها ياسمين لقات عندها 40 درجة و بالخف هزوها حطوها فالبانيو و هي كاتنين و غيث غايطير عقلو بالخلعة، اما برا لباب كاع لي كان ناعس فاق فاش سمعو الصداع و جاو ختا هوما حدا لباب خاشيين راسهوم
زاين: لواليدة اش كاين هنا!
سامانثا: كنا جالسين كانضحكو حتا نعسات لبنت لي مع غيث و شوية ناض كايطير هزها طلعات ليها السخانة بزااف
زاين: الله أكبر عين بنادم هاديك كولشي تابعها بعينيهوم فالعرس
روجينا: ماتعممش ماشي كولشي غير شي ناس
زاين: نتي هنا 😒 ماشي بعيد تكوني نتي سبابها ضربتيها بشي عين حتا طاحت مسكينة
روجينا: لا لبنت ضريفة و ماشفتش منها لخايب كيصحابك كولشي بحالك 
كارمن: بديتو تاني ! حشمو شوية راكوم كبرتو مازال تناقرو
روجينا: هو لي جبد اماما
زاين: لا عنداك ا خالتي هي
كارمن: اجي بعدا هاد لبنت اش كاتجي غيث!
زاين: صاحبتو الجديدة
روجينا: و كايحماق عليها ماشي بحال شي ناس كانبغيك حدها لفم ماكاتوصلش لقلب
يوسف: بديتو تاني ! ياك تفارقتو لاش كاتضاربو بالمعاني !
روجينا:(تخشات فباباها) هو لي جبد ا بابا
يوسف: احياني عليك نتي بخبيزتك
خرجات جوري من لبيت و هي مرتاحة شوية و هو يتلقا ليها شهاب
شهاب: كيف بقات!
جوري: عطيتها الدوا و خشيناها فالما بارد بدات كاتهبط ليها شوية
شهاب: اوا على سلامتها
جوري: دابا معاها غيث حتا تفيق و جي شوفها
شهاب: يالاه زيدي ترتاحي و نتي بالخلعة نسيتي بلي نتي طبيبة
سامانثا: اوا بالسيف شحال هادي مابقات مشات لسبيطار
شهاب: سيري ليه غير نتي و خلي ليا حبيبتي حدايا
فرقو الجوقة و كل واحد كايعاود لوخر داكشي لي سمع و غيث بقا حدا ياسمين لي ناعسة فوق الفراش لابسة غير قميجة ديال غيث بلا سليب بلا سوتيامات و شعرها ناشف مطلوق حداها مسبسب حيتاش جمعو ليها فاش خشاها فالما و هو متكي جنب حداها و هاز راسو بيديه و مرة مرة كايسوط و يدوز يديه على وجهها و شفايفها مخلوع و كل شوية كايعبر ليها الحرارة حتا نقصات عاد رتاح و كايبوس يديها و خدودها المنفوخين الموردين و جبهتها و عينيها كايفرق عدة قبل على وجهها حيتاش خاف يوقع ليه كيفما وقع مع زمرد و هاد الخطرة ماغاديش يتحمل و غادي يتبعها حيتاش هي لوحيدة لي خلاتو يخرج الهبال لي فيه عكس شخصيتو مع زمرد لي كانت منضابطة و ملتازمة و مع ياسمين كايتحرر من جميع القيود و كايتصرف كيفما بغا و لمهم عندو انها تكون بيخير و ناشطة و ماهموش فالباشار

فاقت ياسمين كاتكسل كاتحل عويناتها لمعمشين و كاتشوف من بين رموشها و كاتسرح يديها و تحرك رجليها و غيث مجبد حداها كايشوف فيها و هو دايب فكل حركة دارتها و حيد ليها الشعر من على وجهها و جمعو ليها فبلاصة وحدة و ضورات وجهها شافت فيه و هي تبتاسم ليه تلقائيا و رجعات سدات عينيها و هو يبتاسم ليها و خشاها فصدرو و وجهو فشعرها كايشم فيه و كايبوسها فراسها و كايطبط عليها بحنية و هي عجبها لحال نسات كولشي و عاشت معاه اللحظة و خشات يديها تحت ذراعو و خشات وجهها فصدرو و بقات كاتسمع دقات قلبو و هي مرتاحة
غيث: كيف بقيتي شوية دابا ا حبيبة!
ياسمين:(فنفس لبوز) انا بيخير علاش اش طرا
غيث: والو غير طلعات ليه سخانة تال 40 درجة
ياسمين:(شافت فيه) اويلي 😨
غيث: ماتخافيش دابا راه هبطات و كل شوية لواليدة كاتجي تقلبك
ياسمين: علاش هي طبيبة
غيث: كانت طبيبة، كاتحسي بشي حاجة دابا كحبة ولا العطس !
ياسمين: نيوفي مسدودين شوية و صوتي كيفما سمعتي منغنغ
غيث: بالسيف ماتمرضي و نتي كل شوية تعرقي و تخرجي برا يسرفقك لبرد،مني خرجات طريفة راه الحمد لله
ياسمين: (شافت اش لابسة) هيييي 😨 اش هادشي فينهوم حوايجي
غيث: راه دوشنا ليك لبارح باش تهبط ليك سخانة و لبسناك هادشي
ياسمين: فينهوما حوايجي الداخليين 😨 حيدتيهوم ليا نتا 😠
غيث: ههههه هو فالصراحة ماكرهتش كون نشوف داكشي دابا و لكن لواليدة لي حيداتهوم ليك و لبساتك قميجتي، اصلا غانشوفهم غانشوفهم
ياسمين:(جلسات و عطاتو بالضهر) بقا تحلم
غيث:(جرها و نعسات و جا فوقها) كيفاش نبقا كانحلم شنو زعما باقي ماسمحتيش ليا
ياسمين: سير عند روجينا ديالك لاش جاي عندي ياكما كيصحابك نوضتي فيا لغيرة راه والو عادي
غيث: ياك ا لالة اوا انا بغيتك نتي (باسها فعنقها) كانبغيك ا حمقة و نتي لي ساكنة فقلبي فهمتي(ياسمين مركزة فعينيه) و روجينا غير بنت لافامي سي توو مابيناتنا والو و فري كنت باغي نوض فيك لغيرة مي ماصدقاتش ليا و صدقتي نتي لي مشعلة فقلبي العافية نتي و زاين ا دوي ا لمشيشة مالك سكتي (باسها)
ياسمين: غيث واش بصح كاتبغيني!
غيث: واش باقة مابانتش ليك ا ياسمين ! راه كانحماق عليك ليل كولو مانعست ماشفتو راه من لبارح و انا فايق دوزنا لعرس و عييت و مرضتي نتي و بقيت ليل كولو مقابلك و دابا راه ستة ديال لعشية ا لحادكة لافامي مشات و ماخرجتش نسلم عليهوم خفت لاتوقع فيك شي حاجة الى خرجت شنو هادشي عندك نتي (حط نيفو على نيفها وغمض عينيه) معاك نتي كانكون على طبيعتي و كانطلع لعنان راسي و كاتصرف كيفما بغيت بلا حواجز او قيود و نتي اجمل بنت شافتها عيني غير كاع لبنات لي عرفت ا ياسمين ماكاتحشميش مصنطحة و جريئة و مثابرة و واثقة فراسك زوينة و حنينة و قلبك كبير و زيد و زيد هادشي كافيك ولا لا
حل عينيه و جات عينو فعينها المدمعة و هو مجبد فوقها و هو يهز يديه و مسح ليها دمعتها و وجهو مرسومة عليه دهشة
غيث: مالك ا حبيبة كاتبكي 
تلاحت عليه ياسمين و عنقاتو و هي كاتبكي و تنخصص و خاشية راسو فعنقو و كاع القميجة ديالو عمرات بالدموع و هو خلاها حتا بردات قلبها فالبكا و بقا ناعس فوقها حتا عيات و خرجات وجهها من عنقو حمر و حناكها مزنكين و نويف حميمر و العيون كذلك و الدموع هابطين و الوجه فازك، ناض غيث من فوقها و جلس و جلسها حداه و مسح ليها دموعها و بدا كايسكت فيه
غيث: ششش باراكة من لبكا مالكي دابا يالاه كنتي بيخير اش طرا!
ياسمين: (كاتنخصص) ماعمرني ضنيت بلي (كاتشهق) غاتبغيني 😢 كنتي ديما كاتجبد (كاتنخصص) كاتجبد زمرد فاله... فالهضرة 😢 و قلتي ليا بلي ماعمرك... ماعمرك.. غاتبغي شي وحدة، واش ... كاتبغيني بصح ولا غير كاتصبرني حيتاش بقيت فيك مني قلت ليك كانبغيك و نتا لاا
غيث: هههههههه حمقة ديالي (جرها لصدرو كايضحك و صوتو الرجولي الحرش مالي لمكان) انا كنت كانبغي زمرد مانكدبش عليك و ماعمرني ضنيت بلي غادي تحيد ليا من دماغي حتا جيتي نتي، نتي بعفويتك و هبالك و ضحكك خليتيني ننساها و هادا ماكايعنيش بلي انا ماكنتش كانبغيها نوو غير انا كنت متشبت بفكرة انني مانقدرش نعيش بلا بيها و لكن نتي خليتيني نحيد هاد لفكرة من بالي و فاش حيدتها عششتي نتي فقلبي فهمتي و نهار قلتي ليا بلي كاتبغيني كنت كانحس جيهتك بشي حاجة مي ماكنتش عارف اشناهيا و دابا باراكة من لبكا ا لقطيطة ديالي
ياسمين: ماغاديش تخليني ! 😢
غيث: ههههه جامي نخليي حبيبتي
ياسمين: و ديك لهضرة لي قلتي ليا فالكلي... (قاطعها)
غيث: حبيبة نساي لماضي و نبداو صفحة جديدة اوكي
ياسمين:(شافت فيه) اوكي 😋
غيث: يالاه قولي ليا كانبغيك
ياسمين:(وركات ليه على خدودو حتا خرجو شفافو) كانبغااااااااااتشششييو
عطسات على وجهو و بقات كاتضحك و ناض جاب كلينيكس مسح الدفال لي جا فوجهو و جا ليها نعسها و جا فوقها و هي كاتضحك و كاتفركل
غيث: عاطسة على وجهي لوالديك ههههههه يالاه قوليها تاني
ياسمين: كانبغيييك 😄😄
غيث : حتا انا ا حبيبة ديالي، يالاه بوسيني
قرب وجهو ليها و يالاه بغات تبوسو و هو يهرب وجهو كايضحك معاها و هي تشد وجهو بزز و باستو ففمو
ياسمين: يالاه باش تتعلم تهرب وجهك بوستي غاناخدها

بقا غيث كايهر ياسمين و هي كاتضحك و تكركير ديالها كايتسمع فالبيت كامل صوت رقيق ناعم زوين و منغنغ و كاتلوا بحال لحنش بكترة الهران و ماقادراش تمنعو حيتاش شادة لقاميجة من لتحت لاتطلع ليها و هي مالابسة والو
غيث: لا شادة هاد لقاميجة همم طلقي نشوفو
ياسمين: ههههه لاااا (كمشات رجليها)
ماتشوفش
غيث: ههههه و علاش زعما حشمانة مني غادي نشوف يا دابا يا من بعد اللهم دابا ماحدنا سخان
ياسمين: لا (لحناتها) هههههه حشومة داكشي
غيث: اي اي اي حتا نتي كاتعرفي حشومة، وا عافاك غير ندوقو
ياسمين: لاااااا (باستو) يالاه نوض جيب ليا مانلبس و ماناكل راه فيا الجووووع (جلسات)
غيث: واخا ا لالة هاهوا غادي شي اوامر وحداخرا (ناض)
ياسمين: ااااه بغيت بورطابلي
غيث: كاين موجود نطلعو لحبيبتي مع لماكلة و لحوايج صافي
ياسمين: واخا 😋
غيث: يالاه عطيني بوسة
جراتو من قاميجتو و طبعات قبلة على شفافو
ياسمين: رجع بزربة
غيث: اوكي بب 😉
مشا غيث و خرج و سد لباب و بقات هي فالبيت و ناضت كاتشطح بحال شي حمقة فراحانة و قلبها كايفرفر 💓 مامتيقاش بلي هادشي كايطرا معاها و غيث صافي ولا هايم فحبها بالفرحة بدات كاتشطح و تدير شي حراكات لا علاقة و تنقز فوق لفراش و تضحك و تهضر مع راسها و حناكها مزنكين و مرة مرة تعطس و هي تشعل التلفازة باغة تشطح و تحيح كيفما موالفة تدير الا كانت فرحانة، شعلات تيفي و دارت قناة ديال الأغاني مخلطة كايدوزو فيها العرب و النصارى و هي تلقا أغنية نانسي عجرم ماتيجي هنا و هي تبدا تلوز و تكوز
ماتيجي هنا و أنا أحبك 🎵
عشان أعيش على حسك 🎶
حبيبي دانتا الدنيا و انا موت لو غيري يمسك
بقات كاتردد الأغنية و كاتشطح و الفرحة باينة على وجهها حتا سمعات لبوانيي كايضور و رجعات فوق لفراش و نقصات الصوت و دخل غيث هز بلاستيكة فيها حوايج و بلاطو فيه لماكلة، دخل و بتاسم ليها و حط لبلاطو فوق لكوافوز و عطاها لبلاستيكة
غيث: هاكي ا حبيبة سيري لبسي و رجعي باش تاكلي
ياسمين: واخا 😋
هزات لبلاصتيكة و مشات لطواليط حلاتها و لقات فيها 2 بياس فالشيبي مشبكين و قميجة شيبية و سروال جينز مفتووح مزير و صبرديلة شيبية فيها خطوط بالأبيض و كويرة كحلة، لبسات هادشي و خشات لقاميجة فالسروال و بقات هازة لكويرة حيتاش الفيلا سخونة و مشطات شعرها مزيان و لقات وجهها باقي فيه لماكياج من لعرس ماتقاسش ليها كااع، خرجات عندو عاجبها راسها و كاتلوي شعرها و جلسات حداه و هو يهز لبلاطو و بدا كايوكلها
غيث: زين تاني جيتي واعرة بالشيبي
ياسمين: (كاتلعب بشعرها) اي لون كايواتيني
غيث: ماكدبتيش هههه يالاه حلي فمك
خشا ليها معلقة ديال الروز ففمها و هي تطلق اغنية "اخيرا قالها" ل احمد المسلاوي فالتلفزة و هي تركز معاها ياسمين و ابتاسمات تلقائيا و بدات كاتردد معااها
أخيرا قالها، قال أحبك قالها
و انا قلبي قلبي قلبي قلبي نبضه توقف بعدها
اخيرا قالها، قال احبك قالها هاااااا
من فديت انا لعيون، قال احبك و بجنون
واحد احبه من زمان، و مايحس احبه كاان
و انا كنت اعاني من زمان ماكان يحس بوقتها 
اخيرا قالها، قال احبك قالها هااااااا
بقات خدامة لموسيقى و هي تشوف فغيث لقاتو مبتاسم ليها و هي تزنك
غيث: اه اخيرا قالها ههههه و ماقالها حتا عذب هاد لقلب لي عندك سمحي ليا (باسها) يالاه كولي دابا و من بعد غني ليا يالاه حلي فمك
خشاها ليها طرف ديال اللحم مبخر ففمها و بقا كايوكلها مع مداعبات و قبل و كلمات غزل حتا كملات و عطاها تشرب الدوا و جبد تيلي ديالها و عطاه ليها
غيث: ها تيلي ديالك و لبيسي غانلقاوه فالدار
ياسمين: غانرجعو تما !
غيث: اه بغيت ندوز معاك وقت بوحدنا شوية 
ياسمين: داكش لي كنت غادي نقولك حتا انا 😋
غيث:(طفا تيفي) يالاه نمشيو

خرجو من لفيلا بلا مايعيق بيهوم حد خصوصا جوري حيتاش غادي تشدهوم و غايصدقو جالسين بزز منهوم، ركبو فلوكو و تاجهو لدار ديال غيث مع قُبَل و غزل، وصلو لدار كيف لعادة حداها لي كارد مقابلينها و كايديرو نوبة حيتاش كايعياو، هبطو من لوطو و شد ليها فيديها و هي فرحانة و دخلو لدار غير سد لباب و هو يهزها
ياسمين: ههههه عنداك تطيحني
غيث: راكي خفيفة كيف الريشة اش غادي نطيح فيك (باسها) ناري شحال حلوة و ماكانشبعش منك (كايفرق قبل على وجهها)
ياسمين: وا باراكة (كاتحلون)
غيث:(جلس فوق لفوطوي) راه غاندير فيك شي موصيبة يا لمسخوطة
ياسمين:(كاتلعب بالكول ديال لقميجة و جالسة فوق رجليه) بحالاش
غيث:(خشا راسو فعنقها) بحال متلا نبوس و نقيس و ناكل لحلوة هههههه
ياسمين: بقا تحلم، سير تنعس راه نتا بديتي كاتخرف بقلة النعاس
غيث: اح ا قلبي
ياسمين: مالووو
غيث: كايبغيييك 😘
ياسمين: حتا انا كانبغيه
غيث: حبيبة نوضي راك نوضتيه
ياسمين: نعسو
غيث: ماكاينعسش هاداك
ياسمين: اتششيو الحمد لله
غيث: يرحمك الله
ياسمين: اميييين (ناضت) انا غانمشي باش ماتقولش كانفتنك
غيث: راه كولك فتنة هههههه اعوذ بالله (ناض) انا غانمشي ندوش باش ننعس شوية و نرتاح راه عييت (ضربها فطرمتها)
ياسمين: جمع ييك ا لمرض 😡
غيث: عاجي كانضرب خيري
ياسمين: حتا حاجة مافيا ديالك فهمتي
غيث: كولشي غادي يولي ديالي غير تسناي شوية، اللا شدك جوع راه لماكلة تما سخنيها و كوليها اوكي حبيبة
ياسمين: واخا واخا غير سير نعس (دفعاتو)
دخل غيث لبيتو دوش و استسلم لنعاس دغيا حيتاش عيا و بزز باش كان عينيه و هي مشات لبيسي بقات خدامة فيه كاتعوض دوك الايام لي ماخدماتش حتا عيات و ناضت قلبات ساعة لقاتها 10 ديال ليل ومشات عند غيث لقاتو ناعس فوق لفراش على كرشو شاد النص فيه حيتاش فراش كبييير و عريان من لفوق لابس غير شورط رمادي حد الركبة و الرجلين مزغبيين و ليمولي قاصحين و خاشي وجهو فالمخاد و شعرو مخربق ليه بالنعاس و ريحة زوينة عاطية منو و ضهرو واسع مابين كتف و كتف مسافة و هضبات قاصحين، نعيات حداه كاتأمل فيه و كاتلعب ليه فشعرو حتا داها النعاس و مشات فسابع نومة و هي حداه حتا صبح الصباح و شرقات الشميسة و هو يفيق غيث بجا كايتحرك و هو يلقاها حداه ناعسة هز راسو بتثاقل و هو يشوفها بتاسم و قلبو كايضرب ليها بكل حب باسها فخدها و هي ناعسة لابسة بيجامة شورط و ديباردور و كولشي طلع و بقات كاتبان كرشها و الشروط طلع ليها حتا هو و شعرو مفروق شي مليوح على وجهها شي مليوح فوق لمخدة، ناض كايشوف فيها و فالنعسة الطفولية ديالها و هو ينوض دخل لطواليط قضا حاجتو و غسل سنانو و لبس سروال اسود مع تيشورت اسود و كويرة سوداء و سبرديلة سوداء و خرج.

توسطات الشميسة السماء و هي تفيق ياسمين كاتكسل و تحرك رجليها و كاتحل عويناتها و تعاود تسدهوم حتا حلاتهوم مزيان و هي تشوف راسها فبيت غيث و تفكرات كاع داكشي لي داز و بتاسمات و هي تنوض ناشطة هبطات لتحت مالقاتوش و هي تمشي هزات تيلي ديالها و عيطات ليه
ياسمين: الو بب فين مشيتي
غيث: صباح لخير يا النعاسة
ياسيمن: صباح النوور فينك نتا!
غيث: عندي غاراض نقضيه و نرجع لحبيبتي، ماكانش عندي وقت باش نوجد لفطور ياك كاتعرفي طيبي شي حاجة!
ياسمين: ماتحكرنيش تاني راه كانعرف
غيث: اوا فطري و شربي دواك، ياكما رجعات ليك السخانة !
ياسمين: لا غير باقي فيا الرواح
غيث: شربي الدوا باش يمشي منك اوكي بب
ياسمين: واخا 😋
غيث: je t'aime
ياسمين: موا اوسي بب
غيث: عطيني بيزو
ياسمين: مواااااااااح 😍
غيث: اااح ا قلبي 😍
ياسمين: بااااي
قطعات وهي تمشي لطواليط قضات حاجتها و غسلات سنانها و وجهها و اعتنات ببشرتها بكريماتها المعتادة و مشطات شعرها و خلاتو مطلوق و هبطات لتحت و هي لابسة بانطوفة ديالها و دارت لحليب يطيب و القهوة و لقات حلاوي فالتلاجة جابهوم غيث و جبداتهوم و هي توجد فطورها و حطاتو فالطبلة و بدات كاتاكل بالمهل و كل دغمة عارفاها فين دازت حتا سالات و جمعات الطبلة و حطات لماعيين فالجلاية و طلعات لبيت غيث قاداتو رجعاتو نقي، هبطات للكوزينة حلات الفريجو لقات لحوت و اللحم و الدجاج كولشي موجود، هزات اللحم و هي تحطو و هزات طاجين و هي تهز تيلي ديالها و دخلات لليوتيوب كاتقلب كيفاش تصايب طاجين باللحم و البرقوق، دخلات لواحد لفيديو و بقات متبعة معاه خطوة بخطوة حتا حطاتو فوق البوطة و طلقات الأغنية لي كاتحكي قصتها "أخيرا قالها" و ربطات تيلي مع لباف و خلاتها كاتسمع فالدار كولها، بدات كاتجمع الروينة لي دارت و هي كاتغني مع الأغنية و تردد و تمايل حتا سالات و هي تمشي لبيتها جبدات كسيوة فالصومو حد الركبة بصميطات فيها حزام فالأسود و صباط سامبل اسود، هزات هادشي و هزات لبرودويات ديولها و دخلات لدوش عمرات لبانيو بالمرطبات و الزيوت و تخشات فيه مدة حتا شرب لجسم ديالها داكشي و ولا رطب كتر من لقياس و ناضت لبسات لبينوار و خرجات من دوش ومشات لبسات لكيسوة لي وجدات مع سليب ابيض و نشفات شعرها و هبطات شافت الطاجين لقات مازال خاصو شوية و هو يتحل لباب.

تحل لباب و دخل غيث هاز بلاستيكات حطهوم فوق الطبلة و شم ريحة لماكلة و هي تخرج عندو ياسمين مبتاسمة ليه و هو يتقدم جيهتها مبتاسم و عنقها و باسها ففمها
غيث: الناس حداكو تاني(مضور يديه على خصرها) 😉 
ياسمين:(كاتلعب بالكول ديال لكويرة) اوا شنو ضاروري
غيث: زيد نشوفو اش طيبتي
شد فيديها و مشاو لكوزينة و ريحة الطاجين عاطية حلو و هي تطلع ريحة لبصلة و اللحم و ضرباتو فوجهو و هو يغمض عينيه و بقا كايشمشم عاجباه الريحة
غيث: الله تبارك الله عليك و خلاص (باسها) مرا ديال الزمان ههههه
ياسمين: بيان سييغ 😄 طفي عليه راه طاب
طفا غيث على الطاجين و خلاه باش يبرد شوية و هو يمشي هو وياها لصالون جلسو و جلسها فوق رجليه
غيث: جيتي زوينة فهاد الكسيوة (كايلعب فشعرها) حبيبة بغيت نسولك
ياسمين: وي سول (ملاهية مع لحيتو)
غيث: تتزوجي بيا !
ياسمين: 😳😳
تصدمات و حبسات اللعب ديالها اللحية و هي تشوف فيه لقاتو كايشوف فيها و كايتسناها تجاوبو
ياسمين: واش بصح سولتيني ولا غير كانحلم
غيث: وي بصح سولتك، اش قلتي !
ياسمين: عاود سولني باش نجاوبك ديريكت
غيث: تقبلي تتزوجي بيا !
ياسمين: اه 😄 موافقة
غيث: اوففف على سلامتي هههه كيصحاب ليا غادي ترفضي (عنقها)
ياسمين: و علاش غادي نرفض نتا كاتبغيني و انا كانبغيك (كاتهضر فودنيه)
غيث: (تبورش) عااوديها (غمض عينيه)
ياسمين:( بهمس) شناهيا! (لحناتها)
غيث: قولي ليا باش كاتحسي جيهتي
ياسمين: كانبغييييييك كانحماق عليك نتا هو كولشي عندي
غيث: تبورش عليا لحمي و قلبي كايضرب بزيادة هانتي قيصي (خرجات وجهها من عنقو و حطات يديها على قلبو و هو كايشوف فيها و ضور يديه عليها) شفتي شحال كايضرب و كايضرب غير على قلبك (حط يديه على يديها) بغيت نشوفك فكل لحضة بغيت نقيسك غير انا نبوسك غير انا نشم شعرك غير انا تكوني ديالي غير انا
ياسمين: (حطات جبهتها على جبهتو) انا ديالك غير بوحدك (باستو)
غيث: اري يديك
عطاتو يديها و هو يجبد خاتم من جيبو زوين مرصع كامل بالجواهر مربع و كايبري، لبسو ليها و باس يديها و هي كاتشوف فالخاتم بإعجاب
غيث: عجبك!
ياسمين: اه و بزاااف 😍 ميغسي بب
باستو ففمو وهي تعنقو فرحانة
غيث: جيبي ليا ديك لبلاصتيكة عافاك ا حبيبة
ناضت ياسمين جابت ليه لبلاصتيكة لي بغا و رجعات جلسات فوق رجليه، جبد منها ورقة و ستيلو و عطاها
غيث: هاكي وقعي ا حبيبة
ياسمين: اش هادشي
غيث: بلا ماتقراي ، واش كاتيقي فيا!
ياسمين: وي بيان سييغ
غيث:اوا سني هنا
وقعات فالبلاصة فين قاليها و هي تشوف فيه و لقاتو فرحان و مبتاسم ليها
غيث: مبروك
ياسمين: على اش !
غيث: وليتي رسميا مدام راييس 
ياسمين: 😳
غيث: ههههه صافي تزوجنا ا لحمقة وليتي ديالي بالشرع و لقانون و حلالي مراااتي
ياسمين: و العرس !
غيث: ههههه ندير لمراتي عرس يسمعو عليه الناس كاملين صافي !
ياسمين: صافي 😄 (عنقاتو) مبرووك بب
غيث:نوضي نتغداو باش نخرجو

ناضت جابت طاجين و جوج طباسل و لي فورشيط و لمااس و هي غادي تطير بالفرحة كل شوية تضور و تبوسو و هو كايعاونها و هو عاجبو لحال حيتاش ماكاتحشمش منو و وقتما بغات كاتلاح عليه تبوس فيه، وجدو كولشي فوق الطبلة و جلسو كاياكلو و يضحكو و يغازلو بعضياتهوم حتا سالاو و تعاونو على الطبلة و جمعوها
غيث: سيري بدلي و لبسي شي حاجة سخونة
طلعات ياسمين لبيتها و جبدات سروال أسود و تريكو أسود سامبل مزير عليها و لاحت لفوق جاكيط حكلة و سبرديلة كحلة و هبطات عندو
غيث: لبستي بحالي مكحلينها
ياسمين: ميستر انا ميسيز بلاك هههههه
غيث: جا معاك لكحل
ياسمين: حتا نتا 😍
غيث: (جرها عندو) لي لبساتو مدام راييس كايجي معاها (باسها) غادي نخرجو دابا و لكن فليل غان.....
ياسمين: ههههه دابا نشوفو حتال ديك لوقت و يحن الله (باستو)
غيث: لبوسة عندك كيف لعسل
ياسمين: زييد تحرك راه غانبقاو هنا
جراتو من يدو و حلات لباب و خرجو ركبو فلوطو و طلقات هي الأغنية لي مني فاقت و هي تسمعها و كاتغني معاها و فرحانة الضحكة واصلة تال ودنيها و هو مرة يبوسها حتا وصلو للمول، بلاصاو لوطو و هبط هو وياها يد فيد مرة كايضحكو مرة كايتعابزو حتا تقداو داكشي لي كانو باغيين شرا غيث كاع لي شوميز دو نوي لي باغي يشوف ياسمين فيهوم و شرا ليها حوايج جداد على ذوقو، خرجو من تما محملين ببلاستيكات مسطوكيين، ركبو فلوطو و مشاو كايتساراو و كايضحكو حتا طاح الظلام و بدات معدتهم كاتغرغر، مشاو لواحد الريسطو تعشاو فيه و شدو الطريق باش يرجعو لدالا و طريق كولها و غيث كايحاول يخلع ياسمين على حساب ليلة الدخلة و هي كاع مامسوقة كاتضحك و عاجبها لحال، وصلو لدار و دخلو رتاحو شوبة من كترة الدوران و دخل كل واحد دوش فيهوم و ياسمين مرتاحة، برعات راسها فالدوش و تهلات فالجسد ديالها حتا ولات كل منطقة فيها ريحة فشكل و لحمها رطب و بيض صافي، طلقات شعرها و لبسات شوميز دو نوي حمر مشبك كامل مع دو بياس مشبكين و دارت كلوس بنكهة الفريز و رشات الريحة فشعرها و خرجات من الدوش و مشات كاتعوج لبيتها و نعسات فوق لفراش و هزات تيلي كاتلعب بيه، اما غيث فخاد دوش خفيف ضريف و خرج شعرو فازك نشفو غير بفوطو لبس شورط مرخوف شوية فالشيبي بالسيور و بقا عريان من لفوق و نعس فوق الفراش كايتسنا فيها تسالي و لكن تعطلات عليه حتا تنوا و ناض كايقلب عليها و لقا دوش خاوي و مشا لبيتها و لقاها مجبدة تما
غيث: نتي هنا و انا كاتنسنا فيك
ياسمين: اوا نتا لي بغيتيني نتا لي جي عندي
غيث: مقبولة منك ا حبيبة (طلعها و هبطها) واتاك لحمر ا زيين (قرب ليها) ناري قلبي افرفر
ياسمين: هههههه
نعس حداها و هي ناعسة طاوية رجل و مسرحة رجل و كاتلعب بشعرها و كاع مفاتنها كايبانو حيتاش الشوميز مشبكة، بدا معاها فالمداعبة حتا دخلو فالصح و طفا الضو و كمل معاها الممراسة.

👑نهاية الجزء الأول
يتبع

قصص جديدة
قصة منقذي الأسمر من تأليف ندى العمر
قصة منقذي الأسمر ندى العمر
قصة إرحموني من تأليف أسماء زياد
قصة إرحموني أسماء زياد
قصة الآغا السادي من تأليف ليان علوي
قصة الآغا السادي ليان علوي