عذابي الجزء الثاني

رواية عذابي لنهى مر

مشات كاتضور لقات المضيفات تما جالسات لابسات ساية قصيرة شيبية مع ليبة موس و قميجة بيضة و جيلي شيبي و طريبيش أحمر مشات و خلاتهوم مجمعات و هي كاتكتاشف الطائرة حتا بان ليها بيت مردود بدافع لفضول دفعاتو بشوية و بقات كاطل بنص عين و كاتشوف و هي تبان ليها لوحة كبيرة معلقة فبيت النعاس مرسومة لزمرد بقات كاتشوف فيها شحال و كاتشوف الدقة باش مرسومة اللوحة حتا بان ليها غيث خارج من الطواليط و وقف قدام اللوحة كايشوف فيها و عاطي بضهرو لياسمينة و بدا كايحل الصدافي ديال لقاميجة حتا حيدها و بقا عريان من لفوق و هي تشوفو ياسمينة و تبهرات بالجسم ديالو لمثير صحيح و مكلضم و مقاد باينة عليه لونتريما شوية حيد حتا السروال و بقا غير بالبوكسر و هي توساع عينها بالدهشة و بقات كاتضحك فخاطرها و سادة فمها بيديها باش ماتفرشش و كاتسناه يحيد حتى لبوكسر حيت بطبعها ماشي حشومية بالعكس فضولية و خاشية راسها فكولشي... شافتو غادي يضور و هي تهرب راسها و بقات كاتمشي على راس ديال الصندالة باش ماتديرش الصداع و هي تحس براسها تجبدات للور و هي تخلع و شافت راسها فين كاينة لقات راسها فبيت غيث و هو واقف قدامها مربع يديه و فارق رجليه و طويل عليها كاتبان قدامو كيف لبخوشة
غيث:ماتعلمتيش بلي خشومة طلي على الناس
ياسمين: غير الفضول 😅 كيفاش عقتي بلي أنا هنا 😳
غيث:ماكايخفا عليا والو (غمزة) ماحشمتيش تشوفي راجل عريان
ياسمين: كانشوفهوم فالبحر عادي داكشي
غيث:(طلع حاجبو) وا صنطيحة عندك
ياسمين: غير كانقول لي كاين (طلعات كتفها و هبطاتو) زوين لبيت و حتا لون الكريمي لي فيه زوين (كاتسارا فالبيت)
غيث:لا نتي بزااف ماعمرني شفت فحالك
ياسمين:(جلسات فوق لفراش) اصلا بحالي ماكاينش واخا تبغيوه لدوا (رجعات شعرها لور)
غيث:الثقة فالنَفْس
ياسمين: كاناكل كلوريتس 😁 اجي بعدا كيفاش كاتهضر بالدارجة بحال هوكا
غيث: (جبد شورط كايلبسو) مالين دار كانو كايهضرو بالدارجة و تعلمتها سي تووو
ياسمين: همممم و لاش لبستي الشورط
غيث:انا لي راجل ماحملتش ندور قدامك عريان و نتي عادي عندك
ياسمين: هههههه لمهم هاني خرجت نمشي نشوف هادوك
غيث:اوكي

خرجات ياسمين و خلات غيث فالبيت كايحك جبهتو و دار ضحكة جانبية من الهبال ديال ياسمينة... ضار شاف فالمرايا و لقا راسو كايضحك و هو يجمعها ديك الساعة و عقد حجبانو وتلاح فوق لفراش اما ياسمين فاش خرجات من لبيت تلاقات مع سليم واقف متكي على لحيط و مربع يديه و مكروازي رجليه و عاقد حجبانو
ياسمين:اش كاتدير هنا
سليم: راه انا لي خاصني نسولك اش كاتديري هنا ! داخلة لبيت النعاس عند راجل غريب عليك
ياسمين: (غادة) و نتا سوقك
سليم:(شدها من كتفها) اااه سوقي ا لالة
ياسمين: بصفتك اش A !! سليم خلينا مزيانين و طلق مني راشقة ليا و مابغيت نهبط لمورال بسبابك
سليم:(طلق منها) اوفففف عندك لحق انا ماكانجيك والو
مشا سليم و خلاها واقفة تما و مشا تعزل فبلاصة جلس فيها و بقا كايفكر و كايضور هضرتها فبالو و اكتاشف بلي إلا بقا معاها هاكدا فغادي يخسرها حيت هي من النوع لي إلا زيرتيه كايتمرد عليك.
داز لوقت و كل واحد ملهي فحاجة حتا وصلو فليل... تحطات الطيارة فالمطار و هبطو كاملين و غيث أولهم ... لقاو جوج طوموبيلات من نوع كاط كاط كايتسناوهوم تما و تلاتة ديال لي كارد هبطو ليهوم لي فاليز و حطوهوم فلي كاط كاط... مشا غيث ركب فواحدة من لي كاط كاط هو لي غايسوق و مشات ياسمين كاتجري تبعاتو و جلسات لقدام حداه سبقات زيد... شاف فيها غيث و طلع حاجبو لفوق و هي تشوف فيه كاتبتاسم و طلعات حواجبها و هبطاتهوم ماشي مرة ماشي جوج بحال الا كاتقوليه عبرت عليك... حرك راسو من ليمن ل ليسار زعما لاحول و ركب لور زيد و سليم مالقا فين يركب حيت لوطو لوخرا عمرات و اضطر يركب مع غيث.... كل واحد شد بلاصتو و ديماراو مشاو بإتجاه لوطيل لي غادي يجلسو فيه و لي ماعارفينش أن لوطيل لي غاديين ليه جيال غيث بنفسو و مسميه على سمية خطيبتو لميتة "زمرد".
وصلو قدام لوطيل و هبطو و جاو الناس لي خدامين فلوطيل هزو ليهوم الشوانط و غير شافو غيث و تزيرو و حناو الراس و تحركو... دخلو للريسبشين و هو يوقفهوم غيث
غيث:ديجا حاجز ليكوم فهاد لوطيل الوغ ماغاديش تحتاجو شي حاجة (شير بصبعو لواحد من لخدامين و جا عندو) هادو لي كارط ديول لي سويت ديالكوم
فرق عليهوم لخادم لي كارط ديال لي سويت و مشا غيث ديريكت للسويت روايال ديالو و كل واحد طلع لسويت ديالو

مشا كل واحد فيهوم لسويت ديالو و ستفو حوايجهوم و هوما يتافقو باغ تيلي باش يجيو يتجمعو عند ياسمينة ما عدا سليم لي قاليهوم بلي عيان ...و جاو عندها سمعات الدقان وحلات عليهوم و دخلو كاملين
لبنى: ياختي ماعولتش غانجلسو فبحال هاد لوطيل واااعر هادشي ديال الناس لهاي كلاس
سعد: مال بوك ماعمرني ماجبتك لبحال هادشي 
لبنى:سي جبتيني مي هادشي م*ود
حلا: وا غير الطيارة تعطيك لخبار و السيد ضارب الصرف و ملعق بالبيان
كرم: غير بيت عادي فهاد لوطيل راه غالي عاد هو شاد لكل واحد فينا سويت على قدو
لبنى: مينة شفتك مطلوقة معاه واش كاتعرفيه
ياسمين: ماشي كانعرفو غير فايتلي تلاقيت معاه سي توو
سعد: مينة و خلاص حد ماكايفلت ليها
ياسمين:خمسة و خميس عليا... اش جايين بعدا نتوما تدير عندي خرجو خليوني انا و لبنات نقرقبو الناب يالاه برا (ناضت)
كرم:حشومة عليك خلينا شوية راه توحشنا بحال هاد لجلسات
ياسمين:بغينا ندويو على الدم و اولويز تبقاو باش تسمعو 😠 (يديها على جنبها و كاتهزز)
سعد:لا حول ولا قوة إلا بالله ماعمرك تتبدلي ديما ماكاتحشميش زيد ا كرم قبل ماتخرج شي كلمة وحداخرا (كايجرو)
كرم:اوففففف عطيوني غير خطيبتي
حلا: انا بغيت نبقا مع صحاباتي غير سير فحالك
كرم:اوا عقلي
خرجو الدراري و خلاو غير لبنات فالسويت و تجمعو فوق لفراش كايضحكو
حلا: شفتيه شحال زوين ناري عويناتو كايحمقو
لبنى:اجي ا كرم تسمع ههههه
حلا:مالو ماعجبكش حتا نتي
لبنى: هو الصراحة زوين و مفورمي و طويل و عويناتو زوينين عاطي لعين سعدات هادي لي غادي تديه
ياسمين:وي عندك لحق مابيهش
حلا (تخشات حدا ياسمين) واقلة هو سيليباطير و نتي سيليباطير تقربي منو و ماتعرفي تديرو شي غولاسيون
ياسمين: لا هو فشكل و انا فشكل مانتافقوش و بليس بغيت نبقا سيليباطير لا راجل لا زبل يصدع ليا مخي ديري هادي لا ماتديريش هادي علاش لبستي هاكدا علاش سلمتي على هادا هاكدا اوففف الراحة يا ختي
لبنى:من هاد الناحية عندك لحق و لكن يا ختي راه حياتنا بلا رجال كاتجي ناقصة جنا كانكملوهوم و هوما كايكملونا
ياسمين:انا مكملة راسي و ماخاصني والو بيخير
حلا: راه غير غاتبقاي تحفي لحجرة مع هادي لي فراسها فراسها... خليونا دابا مع لبوكوس اش سميتو بعدا
ياسمين: سميتو غيث
لبنى:سميتو زوينة بحالو و لكن هادي سمية عربية و هو باينة فيه gاوري
حلا: ناري على فورمة عندو و شفتي لقميجة كيفاش كانت مزيرة عليه ... الله الا مشينا لبحر غادي نشوفوه عريان و نخضرو عويناتنا
ياسمين: ههههه لي يشوفكوم مايقولش بلي راكوم مخطوبين
لبنى: اوا واحد فالقلب و لوخرين غير كايعجبونا هههههه
بقاو لبنات مجمعين ليل كامل حتا داهوم النعاس و نعسو مع ياسمين فوق لفراش حيتاش فراش كبير دائري منو الأرض

ضربات شميسة الصباح السويت ديال ياسمين و برزاطتها ماخلاتهاش تنعس حيتاش فاش نعسو نساو ماداروش الريدو
ياسمين: اوفففف هاد الشمس حتا هي مفيقانة (حلا ناعسة فوق رجليها) نوضي تكعدي مم فوقي 
حلا:(ناضت مبوقة) يخخخخخ صباحاتو لله 
ياسمين: حتا النعاس مانعسوه مزيان
حلا:شحال الساعة ا زبلة
ياسمين: زبلة هي نتي (هزات تيلي ) دابا 10:30 هي هاديك نوضي تكعدي و فيقي ديك لبقرة لوخرا انا داخلة ندوش نخرج مانلقاكومش
حلا: يخ على تريكة ماعرفتش كيفاش تصاحبت معاك
ياسمين: (داخلة لدوش) بقاي تبركمي تما حتا نجي ليك
دخلات لدوش و طلقات الما و بدات كاتدوش دارت الشومبوان بريحة الورد و خسلات لحمها و لوات عليها فوطة و خرجات لقات لبنات مشاو تقابلات مع لماريو ديالها و هي تهز مايو فالشيبي بلا صميطات كايتسد غير من لور و كسيوة فالصومو حد الركبة سامبل فيها صميطات من جيهة لكتاف مع صنيديلة فالأسود ديال الصبع لبسات هادشي و مشات قدام المرايا نشفات شعرها بالفوطة و دارت ليه برودوي كايبوكلي الشعر و كايعطيه واحد اللمعان زوين دارت كريم واقي من الشمس لوجهها و مرطب الشفاه و هو يبدا تيلي ديالها كايصوني قلباتو لقاتو سليم و هي تجاوب
ياسمين:الوووو
سليم:مينة فينكوم!
ياسمين: انا دابا هابطة و لبنات راه مشاو لبيتهوم
سليم:واخا هبطي حنا فالريسطو غادي نفطرو
ياسمين:شوية و هاني معاكوم (قطعات)
نسات ياسمين لموشكيل لي طرا ليها مع سليم حيت هي بطبعها دغيا كاتنسا و ماشي حقودة بالعكس قلبها طيب ...خرجات ياسمين من السويت ديالها و اتاجهات للأسانسير طلعات فيه و هبطات للتحت خرجات منو و مشات لريسطو و هو يبان بيها غيث جالس بوحدو كاياكل لابس شورط أزرق حد الركبة في السيور و تيشورت أبيض مزير عليه و مطراسي عضلاتو و فرجليه صندالة ديال الصبع فرجليه و هي تمشي عندو وقفات عليه
ياسمين:صباح لخير
غيث:صباح نور 
ياسمين:مالك كاتفطر بوحدك
غيث:ماعنديش مع بنادم
ياسمين: دابا غادي يولي عندك معاه اجي معايا (شدات ليه فيديه) نووض (كاتجرو) وا هيا ناري شحال تقيل شكاتاكل 
غيث:(ناض) قولي نوض غير بالخاطر و غانديرها الى شديتي معايا لعكس ماغاديش تطفريه
ياسمين:لمهم دابا نضتي هههه يالاه اجي معايا

بقا ياسمين غادة و جارة مزراها غيث لي غادي و ينفخ و يسوط حتا وقفو على الدراري و هو يشوفها سليم شادة فيغث و هو يقلب وجهو و بدا كايسوط و ينفخ
ياسمين: صباح لخييير
كرم: صباح الزفت 
ياسمين:و مالنا على الزفت
كرم:ماخليتيش الساطة تبات حدايا بلاصة مانقيسو الرطوبية فليل صدقنا منعسين حدانا لمخدة
ياسمين: وجهك قاصح صبر حتا تديرو لاكط و ديك ساعة بطبط فيها حتا تشبع
سعد: جلسو بعدا و نتوما واقفين علينا كيف عزائيل... لا تسمعي داكشي و تقولي راه كايديرو شي حاجة راه وااالو يباتو ليل كامل يهضرو صافي
ياسمين: (جلسات) طفرتيه نتا ياك عاماين و نتا مصاحب مع لبنى مسكينة غير معلقها مسكينة
سعد: موجد ليها شي حاجة فشكل (غمزة)
ياسمين:اوا على سلامتها... سليم شفتك ساكت
سليم:ماعندي مانقول كاتدويو فالتفاهات
ياسمين: سري هادا انا لي محاشياه ليك
سليم: مينااااااا (تحت السنان)
كرم: ماعرفتيناش على المسيو
ياسمين: اه ههههه هادا غيث... غيث هادا كرم و لوخر سعد و هاد لمنفخ سليم
غيث: متشرفين
سعد: ماتديش علينا ا خاي حنا راه ديما هاكدا دايرين مطلوقين
غيث:هانية
لمحاتهوم حلا من بعيد و جات عندهوم لابسة كسيوة فالشيبي قصيرة مزوقة بوريدات بالغوز مفتوح و تحت منها مايو فالغوز مكشوف و مع هي بيضة و طبيبزة جاتها لبيسة خطيرة
حلا: صباح لخييير
كرم: اجي لهنا حدايا صباح لخير ولا صباح لمرض
حلا:(جلسات حداه) مالنا على النكير
كرم: اش هادشي لابسة لاش معرية لحمك
حلا: راه عطلة هادي شنو باغيني نتخشا فمونطو
سعد: فيناهيا ديك خيتي شفتها مابانتش
حلا:دقيت عليها لقيتها كاتبدل و سبقتها
سعد: (شافها جاية) هاهيا جاية
لبنى:صباح لخيييير
ياسمين:صباح النور ..... جاتك لكسيوة زويينة اي تاني على لكتيفات عريانين و الرجيلات حتا هوما ههههه
سعد:لبنى اجي حدايا
لحق عليهوم زيد و جلس معاهوم وبقاو منوضينها بيناتهوم و مضاربين و غيث داير رجل فوق رجل و مربع يديه و كايشوف فيهوم محيحين مرة يهضرو مرة يفطرو ما عدا سليم لي قالب وجهو حتا كملو داك الفطور و هوما ينوضو
سعد:فين نمشيو دابا
ياسمين: لابيسين 😍
سليم:باغة تعري لحمك تاني
ياسمين: دخل سوق راسك يخخخ
مشات ياسمين سبقاتهوم لابيسين و هوما تبعوها

تبعوها كاملين للابيسين ديال لوطيل الا غيث لي توخر حتا شافهوم مشاو و هو يقلب الطريق باتجاه لباب و هو يحصلو زيد و رجع عندو
زيد: فين غادي
غيث: بغيت نبقا بوحدي
زيد: مالك ا صاحبي جينا مجموعين حسن نبقاو مجموعين ماجاتش تمشي نتا و اصلا لهدف من هادشي هو تغرج من ديك لعزلة لي فيها نتا
غيث: شوف راني مازال مبرد غير عطيني بالتيساع حسن مابغبتش نقول شي حاجة تكعيك ا زيد
زيد: لي بان ليك ا صاحبي (ربت ليه على كتفو)
عطاه غيث بالضهر و دار يديه فالجيب و النضاضر فعينيه حتا سمع صوت ياسمين و هو يضور شافها جاية كاتجري جيهتو و كاتعيط بسميتو
ياسمين: غااااااايث وقف يا لموصببة غااايث (وصلات حداه كاتنهج) فين غادي اوففف عيييت سخفتيني (حطات يديها على كتفو)
غيث:مالك !
ياسمين: اجي معانا (كاتاخد نفس) للابيسين
غيث: ماعندي مورال غير خليني
ياسمين: علاش بخاطرك زيد قدامي (جراتو)
شداتو من يديها و بقات غادة و جاراه موراها و كاتهضر وهو غادي متقل رجليه و كايحك جبهتو و هو يجي زيد حداه كايضحك عليه
زيد: هادي لي غادي تقا،يهوم ليك ا عشيري حراقية مع راسها ههههه
مشا زيد سبقهوم كايصفر و فرحان حيت لقا لي يبرد ليه لقلب فغيث و غيث غادي داير ليها لخاطر حيت ماشي من عادتو يستقوى على بنت ولا يضور فيها.
وصلو لابيسين لقاوه شبه عامر فيه غير السياح الأجانب شي كايعوم شي ناعس فوق رولاكسات و البنات كايعومو فلابيسين و الدراري مجبدين كايتشمسو فوق الرولاكسات... حل سليم عينيه و طاكا الشمس بيديه و هو يشوف ياسمين واقفة و شادة فيد غيث و هو يصعر و ناض
ياسمين: فين غادي
سليم: غادي لجهنم (غوت فوجهها)
ياسمين: اوا سير ليها (غوتات)
لبس تيشورت ديالو و هو يضرب فيها و زاد معصب و مشات جلسات هي فبلاصتو و حيدات لكسوة و بقات بالمايو المغري و مافاتينها واضحين و مقادين و دهنات لحمها بكريم كايعطي لون زوين للبرونزاج و نعسات و نعس غيث فرولاكس حداها و هو يجر بيديه الرولاكس لي فيها ياسمين لحداه حتا تلاسقو الرولاكسات ديولهوم و هي تشوف فيه مصدومة
غيث:بلا ماتديري فيها حشمانة ... بغيت غير ندوي معاك و مايسمعوناش
ياسمين:(قربات ليه) وي دوي

غيث: واش بينك وبين داك راجل لي مشا شي حاجة
ياسمين: لا غير ديزامي علاش
غيث: شوفي راه داك الراجل دايرك فبالو حيتاش ماكاينش شي واحد ا فالدنيا غادي يبقا حاضي وحدة و خايف عليه غير هاكداك
ياسمين: (تنهدات) بيني و بينك راه كايبغيني و كايغير عليا و لكن انا كانصدو و كانقمعو باش مايزيدش يبغيني كتر و فالأخير يتصدم
غيث: الصمت
ياسمين: و لكن انا مني كولشي كنت كانتعامل معاه بطريقة مميزة حتا طمعتو مي ماشي قاصدة غير حيتاش عزيز عليا
غيث: من الأحسن انك تخوي و تقلبي عليه حيتاش هو لي غادي يتضرر بزاف
ياسمين: ياكما عجبتك و كاتاحول تخوي الطريق ليك (طلعات حاجب و هبطات لوخر)
غيث: (ضحك بجهد ) ههههههههه من نيتك ا الصنطيحة لا نتي بزاف و الله 
ياسمين: علاش مالك لاش كاتضحك
غيث: اولا نتي حمقة لعقل ماعندك و انا كانبغي البنت لي مرزنة و متبتة و نتي ماكاتحشميش و انا كانبغي لبنت لي داخلة سوق راسها و نتي جوابك على طرف لسانك طرطارة و انا كانبغي لبنت السكوتية الوغ نتي العكس ديال داكشي لي كانبغي تماما
ياسمين: باغي بنت بحال زمرد ياك
شاف فيها غيث بصدمة و بقا حال عينيه ماكايرمشش فيقات عليه ياسمين جرح ماعمرو يبرا.. قلب وجهو و دار النضاضر و حيد التيشورت ديالو و نعس على كرشو و غمض عينيه و رجعات ليه حالتو تاني مجرد ذكر اسمها قدامو نوضات عليه داكشي لي كان فيه و بدا كايحس بتأنيب الضمير حيتاش خرج عطلة و هي يالاه شهر باش ماتت.
ياسمين عرفات بلي قفراتها و هي كانت باغة تخرجو من الحالة لي كان فيها و يرجع يستمتع بالحياة و لكن الهضرة زلقات ليها من فمها و تضرب ليها كولشي فزيرو... شافت كل واحد ملهي مع حبيبتو ما عدا زيد لي مجبد بوحدو مغمض عينيه كاياخد حمام شمس و هي تجلس على ركابيها و قربات من غيث حتا ولات النفس ديالها كاتضرب فخدو و هو مجبد باغي يعرف اش غاتدير حتا طبعات قبلة حنينة فحنكو حتا دقاتها لحيتو فشفافها و قربات لودنيه و هي تهمس
ياسمين: سمح ليا ماقصدتش نفيق عليه جرح الماضي
لاحت ليه هاد الكلمات و ناضت تلاحت فلابيسين كاتعوم وهو تصدم من جرأتها ماتوقعش كاع تبوسو.
داز الوقت و غيث رجع تعزل عليهوم و ياسمين مرة تعوم و مرة تجي ترولاكسا و مرة تمشي تنوضها مع لكليكة و ماعاوداتش دوات مع غيث خلاتو على راحتو حتا ينسا و هو ماعاودش شاف جيهتها و بقا فبوز واحد كيفما كام فلول... حتا خرجات هي من لابيسين و رجعات لبلاصتها و ناض هو وقف لابس غير الشورط و لفوق عريان و جسدو كايدوخ غير بالشوفة حيت مثير بلا قياس و حلا و لبنى غير حاضيينو و دقات قلبهوم كاتسارع حتا تلاح فلابيسين و بقا تحت لما كايعوم كيف الحوتة ما بان راسو حتا خرج من الجيهة الأخرى لي بعيدة عليهوم بأتار حيتاش لابسين طويل و هادا كايد على طول السوفل لي عندو... خدا نفس عميق و غطس تاني و هبط تحت لما و حتا لحق عندهوم عاد طلع و خرج من لما كايقطر و لما كايهبط من صدرو بطريقة مثيرة و شعرو هبط و بدا كايقطر بالما و هو يرجع بلاصتو بنفس لبوز.

شدهوم الجوع و ناضو كل واحد مشا لسويت ديالو باش يدوشو... دخلات ياسمين لبيتها دوشات بالخف و لبشات بينوار بيض و رطل و لوات شعرها بفوطة و خرجات من الدوش تقابلات مع لماريو و جبدات 2 بياس فالأبيض كاع مشبكين كايبينو كولشي و جبدات تيشورت طويل كايتلبس بحال لكسوة فالكري فيه كتبة بالغوز kiss me لبسات داكشي و مشات قدام المرايا و شعلات السيشوار و بدات كاتصايب فشعرها حتا ولا كيف الحرير مسبسب و هي طلقو و هي تبالي بوجها لقاتو هو هاداك صافي لا حبوب لا بقع لا هالات سوداء دارت ايلاينر و خلاتو حتا نشف و دارت ماسكارا طولات بيها رموشها و عينيها ولات كاتبان كبيرة دارت عكر غوز ماط كبر ليها شفايفها و هي تطلق بوسة فالهوا و ابتاسمات و بانو سنانها لبيضين مستفين... ناضت و هي تلبس صنيديلة بطالون كحلة طخي شيك و لبسات ساعة كحلة و و زينات يديها بخاتم سامبل من النقرة و هي تهز صاك اسود كبير حطات فيه لميكاب ديالها و بورطابل الخ... خرجات من لسويت ديالها و هو يطيح ليها غيث فالبال و هي تقلب الطريق لعندو طلعات فلاسانسور حتال آخر إيطاج فلوطيل و هي تلقا واحد من لي كارد تما و تمات غاجة ماسوقاتش ليه حتا وقفها
كارد:ممنوع تطلعي لهنا
ياسمين: انا راه جاية عندو مسيو غيث
كارد: تسناي دقيقة
ياسمين: قوليه ياسمين جات عندك
دوز لكارد لمكالمة باغ اباري فالودن ديالو و هو ياخد الإذن باش تدخل هي
كارد: سمحي ليا ا مادموزيل تفضلي
مشات ياسمين كاتعوج و كاتضرب بشعرها الطويل حتا وصلات لسويت ديالو و هي تدق و هو يحل ليها لباب لابس غير شورط ديال الدجين حد ىالركبة و عريان كامل و هي تدخل و سد لباب و لقات عندو بيت رائع فالقهوي و الباج و كبير و واسع و فالأرض محطوطة طابلة صغيرة و ج دايرين بيها مخاد صغار ملونين من لحرير و الغدا محطوط فوق الطابلة و موكول منو شوية
ياسمين: غادي تتغدا هنا
غيث: هانتي كاتشوفي(واقف كايشوف من الشرجم و عاطيها بضهرو و مربع يديه)
ياسمين: مسيو غيث
غيث: وي!
ياسمين: سمح ليا ماقصدتش غير هربات ليا لهضرة من فمي (جات جيهتو ) و راك عارف انا غير طرطارة
غيث: وي عارف
ياسمين: اوا يالاه هبط تتغدا معانا
غيث:انا تغديت تغداي نتي الا بغيتي
ياسمين: واخا اصلا فيا الجوع
مشات جلسات فوق المخاد و هي تلقا لحوت بجميع انواعه محطوط و هي تبدا كاتهز و كاتاكل و غيث تجبد فوق فراشو و سرح رجل و تنا رجل و جار يديه مور ضهرو و بقا كايشوف فيها كاتاكل بنص عين
غيث: جاسمين التازي المديرة التنفيذية فالفرع الرئيسي لشركة التازي و العمراني للأغذية المعلبة وحيدة أمها و أبيها و جدية فخدمتها عايشة فثراء فاحش.... مني نتي لاباس عليك لهاد الدرجة لاش كاتصرفي بحال الا اول خطرة شفتي الحاجة
ياسمين: (توقفات على الأكل) اولا سميتي ياسمين ماشي جاسمين
غيث: بحال بحال
ياسمين:(ناضت) ماتقاطعنيش (مشات غسلات يديها و قادات لعكر و رجعات) و تانيا انا كاندير داكشي بلعاني (جلسات فوق الفراش) كيفما شفتي انا و سليم لي لاباس علينا و سعد موضف مرموق فالشركة ديالنا و الصالير ديالو مزيان و حلا و لبنى و كرم ناس على قد الحال عايشين بلي قسم الله مامولفينش طيارة خاصة و السفر خارج لبلاد كل شوية و لي سويت و البلايص هاي كلاص كايجيهوم داكشي زوين واخا انا طلع ليا فراسي كاندير قدامهوم هاكداك باش مايحسوش بإحراج هوما صحابي و عزاز عليا فهمتي
غيث: (طلع حجبانو) وي
ياسمين: اوا يالاه نخرجو

غيث:لا غير خرجي انا غانبقا هنا (عاقد حجبانو)
ياسمين: عارفاك دابا كاتقول فبالك هادي زاعمة بلا قياس و دغيا بغات تزرب عليا و لكن أنا بغيت نكونو صداقة اش قلتي !
غيث: (شاف فيها و حجبانو معقودين) ماعنديش لوقت لهادشي(صونا تيلي و جاوب) وي... و ايمتا ... قول للمسؤولين يتكلفو انا دابا خارج البلاد.... خلال 12 ساعة نلقا لمشكل تحل (صعر) ولا غانجي و نخلط كولشي (مخرج عينيه و كايتغدد بسنانو) (قطع) فااااااك
ياسمين: مالك !
غيث:(ضار شاف فيها و عينيه حمرين) مازال هنا
ياسمين: و ماغاداش بلا بيك شوف حالتك كيف دايرة ويلي ويلي جلس ندير ليه ماساج يرخي ليك الأعصاب و نتا كاع متشنج
غيث: جاسمين غير خليني عليك قبل مانضور فيك
ياسمين: و الله مانخوي لبيت و سميتي ياسمييينة ولا مينة (شداتو من يديه) اجي جلس ندير ليمك ماساج
غيث: (كايتنهد)
جراتو ياسمين من يديه و جلساتو فوق الكورسي ديال لكوافوز و بقاو مقابلين مع المرايا و هي تمشي جابت زيت ريحتو زوينة ديال لعنبر عندها فالصاك و خوات شوية فيديها و حداتو فوق لكوافوز فركات يديها مع بعضياتهوم و بدات كاتماسي ليه بدات بكتافو لي كانو كاع مشنجين. بقا هو كايحك جبهتو بيديه و كايحس بداك الماساج كايريحو شوية و كايحيد ليه الستريس حتا غمصض عينيه و بقا غادي مع كل حركة دارتها هي و جسمو ترخا و هي كاتشوف فيه من المرايا مغمض عينيه و مقاد فالجلسة و ملامح وجهو تبدلو و تطلقو شوية و هي تهبط ليه مع ذرعانو بجوج كاتماسي فيهوم و كل ذراع كاتشدها بجوج يدين و مازال ماتحكمهاش و هي تهبط مع صدرو مصجاتو ليه و رجعات لعنقو و بقات طالعة حتال ودنيه و هو يحس برعشة قوية فذاتو و بقات كاتدوز يديها على ودنيه كاتماسيها ليه حتا حس براسو بدا كايسخن و هو يحل عينيه و جمع الوقفة و هي تخلعات
ياسمين: مالك !
غيث: والو ياك باغة تخرجي اوا غانخرجو
مشا لجهة اخرى بعيدة عليها كاين تما الدوش و الماريو و مشا بالخف فسخ حوايجو و ذاتو سخونة و المعلم وقف حيت طاحت ليه على نقطة الضعف ديالو لي هي ودنيه... تخشا تحت الما البارد لعل وعسا يبرد شوية من ديك النار لي كاتاكل فيه... بقا شحاال عاد حس براسو تكالما شوية و برد عليه راسو و هو يدوش بالخف و خرج لاوي عليه فوطة من لتحت و كايقطر بالما و لقا زيد داخل لبيتو مع ياسمين و جا لعندو بالفوطة
زيد: ياكما جيت فشي وقت ماشي حتال لهيه
ياسمين: لا لا عادي
زيد: ماغاديش تخرج ا صاحبي
ياسمين: سييي غادي يخرج معايا ياك
غيث: (كايحك جبهتو) خارج
زيد: صافي فهمت لبلان لمهم تيلي بيناتنا باي
مشا زيد و خلا ياسمين و غيث فالبيت و هو يهز تيلي دوز المكالمة ديك الساعة لجوري
زيد: الو مدام
جوري: ماتقولش ليا مادام الله يرضي عليك راك بحال ولدي
زيد: اوك اوك
جوري:عندك ليا شي خبار
زيد: سي تلاقينا هنا مع واحد لبنت طووب زعيمة و مصنطحة و الأهم فالأمر أن غيث ماكايقدرش يقول ليها لاا و بدا كايخرج من ديك الحالة لي فيها
جوري: الحمد لله حمدتك يا ربي و شكرتك ولدي غادي يرجع ليا كيفما كان... شوف رض لبال و لي كان قولو ليا
زيد: ماتحتاجيش توصيني
جوري: شكرا بزاااف يالاه باي (قطعات)

لبس غيث سروال بلو مارين و معاه تيشورت كحل سامبل كول v مزير على عضلاتو و كايبان مفورمي و هز سبرديلة فالبلو مارين اديداس لبسها مع تقاشر فالبيض قصار و مشا قدام لمرايا وقف شعرو و رش الريحة ديالتو المعتادة و لبس ساعتو لكحلة و كورميط ديال النقرة سامبل فاليد لوخرا و هز النضاضر من رايبن فالأسود دارهوم فوق راسو و هو يضور شاف فياسمين لقاها منتابهة معاه فكل خطوة كايديرها و كاتشوف فيه بإهتمام كبير و كاتطلعو و تهبطو و عينيها وساعو حيتاش جا وسيم بزااف و فمها شبه مفتوح فيه و هو يقرب ليها حتا بدات ريحتو كاتدخل ليها مع نيفها و وصلات للمخ و سد ليها فمها
غيث: رضي بالك لاتصدقي طايحة فيا
ياسمين: (شافت فيه بعيون بريئة) اححححح على تيتيز بلادي نطيح فيك نن..... هههههههه (غمزة)
غيث: هاكاوا على لبنت ههههه بغيت نحشمك ساعة وتقول واش تحشمي جوابك على طرف لسانك
ياسمين: و لي فقلبي على لساني ههههه جيتي بوكوس الكدوب على الله حرام
غيث: زيدي قدامي ا الصنطيحة زيدي
مشات قدامو كاتعوج و مؤخرتها غاجة جاية تحت التشورت الطويل ماشي قصدا و لكن هاديك هي لمشية ديالها و هاكدا مولفة هي تتحرك بقات غادة سابقاه و هو طلعها من رجليها حتال شعرها امرأة متكاملة قدامو بصوتها بفورمتها بوجهها ببسالتها بلسانها الطويل بالزعامة ديالها و لبرهة نسا زمرد و خرجات ليه من بالو بحال الى ماعمرها كانت.. وصلو لاسانسور و طلعو فيه و هبطو لطابق الأرضي و الإبتسامة ماكاتفارقش وجه ياسمينة تضحك فوجه الصغير و الكبير الخايب و الزوين و حنينة و قلبها بيض دغيا كاتسامح و تنسا و ماتآديش بنادم و لكن فاش بنادم يجبدها كاتقلب و كاع ديك الضرافة كاتولي تشيطين و كاتنطابق عليها "إن كيدهن لعظيم".
خرجو من لوطيل و السلام كايتضرب لغيث و ياسمينة فهمات بلي لوطيل ديال غيث و مابغاش يعيق قدام الكيلكة... بقا غادي يد فالجيب و يد كايلعب بيها بالكونطاك و النضاضر فعينيه و متقل فالمشية كايمشي بالعبار مشية رجولية بامتياز
ياسمين: فين غاديين دابا
غيث: ياك باغة تخرجي اوا ها حنا خارجين
ياسمين: و لاش غاديين لباركينك
غيث:سكتي حتا نوصلو
سكتات ياسمين و جمعات فمها لقدام زعما مقلقة و شعرها مطلوق فايت النص فضهرها مسبسب حرير حتا وصلو لباركينك و هو يورك على لكونطاك و دارت فيراري فالأسود صوت بلي راه تحلات و بقا غادي جيهتها حتا دخل ركب و ركبات حداه ياسمين
ياسمين: بففف فيراري 😕 تشوف لوطو لي عندي يضرك خاطرك ا ساط
غيث: تشوفي لحديد لي عندي مستف يضرك خاطرك ا ساطة 😉 (دار امارش) بليس عارف لوطو لي عندك ياك لامبرغيني حمرا سبورتيف
ياسمين: بفففف بقا تباها عليا بالحديد لي عندك بحال لمرا سوق سوق نشوفو واش كاتعرف ولا والو
دار صوت مجهد بالمحرك ديالو و هو واقف فبلاصتو و هي تشوف فيه ياسمين بتحدي و هو يديماري و خرج من لباركينك مكسيري و حل السقف ل لوطو و و لبرد بقا نافخ ليهوم حوايجهوم و شعرها هي طاير و الفرحة على وجهها
ياسمين: وووووهووووووووو يااااااااااس (كاتغوت) زييييييد باقيييييييي يااااااااااااااااه 😄😄😄
بقا غادي و كايشوف فيها مستمتعة بالجو و هو لي كان كايضن بلي غاتخاف و صدقات العكس فرحانة و عاجبها لحال.... بقات كاتغوت و هو غادي مكسيري حتا وصل للبلاصة لي بغا و دار فران السيك تسمع فودن كاع الناس و هي تمخض واخا دايرة الصمطة و شافت فيه بتساؤل
ياسمين: مالك وقفتي
غيث:هبطي تمشاي على رجليك و شوفي المناضر لي هنا
ياسمين:واخا 😍

طلع للفيراري السقف و هبطو منها و بقا غادي و يديه فالجيب و غادي كايتعنطز عاجبو راسو و النضاضر فعينيه و ياسمين قدامو دايرة يديها مور ضهرها شابكاهم مع بعضياتهوم و غادة سابقاه بشوية حتا دخلو لسوق تقليدي و كاتشوف المبيعات ديولهم و تقيس و تسول و تشري و غيث موراها مسرح عينيه و السوق شبه فارغ حيتاش جاو مور لغدا... بقات غادة و تشري فالتذكارات و الحوايج حتا كملو داك السوق ضربوه من الراس تال الراس
ياسمين: اوففففف هادشي تقيل
شافيها غيث و لقاها هازة بزاف ديال لبلاستيكات كل وحدة عامرة و هو يشير لواحد كان بعيد عليهوم و جا عندهوم كان لابس كومبلي كحل مق قميجة بيضة و مبودر داير نضاضر فعينيه
غيث: هز هادشي و ديوه للوطو
كارد: اوكي مسيو غيث
خدا ليها لبلاستيكات و عطاهوم بالضهر و مشا و هي تنتابه ياسمين ل 2 كارد كانو موراهوم مي بعاد و هوما يتمشاو
ياسمين: هادو لي كارد ديال باباك
غيث: هههههههههه (ضحكة روجولية حرشة) لا ديول ماما (كايطنز)
ياسمين: كانهضر بصح واش ديول باباك
غيث: هههههههه لا ديولي يا لحمقة
ياسمين: واش كاينين ديولك و كاينين ديول باباك
غيث: اجي نريحو فشي كافي و عاود ليك
بقاو طالقين رجليهوم حتا لقاو كافي ستيلها بحري مصبوغة بالزرق و زاجية و زوينة... دخلو لقاو لتحت عامر و هوما يطلعو لفوق لقاو فيه فوطويات و موسيقى هادئة كاترخي الأعصاب جلسو و جا عندهوم السرباي
غيث: نص نص كبيرة
ياسمين: كافي كخييف
مشا السرباي و الإبتسامة على وجهو و غيث جالس داير رجل فوق رجل و متكي على الفوطوي
ياسمين: اوا عاود ليا
غيث: ياك قلبتي عليا زعما مافهمتيش داكشي لي كاتبين عليا
ياسمين: مافهمتش مزيان بليس نتوما كاتقولو لصحافة غير لي بغيتو
غيث: هادي عندك لمهم هادشي بيناتنا نلقا هادي عند شي واحد نقتلك
ياسمين: وا غير دوي
غيث: واخا.... جدي لي هو باات الواليدة خالد دنبي الله يرحمو كان عندو أكبر مصانع ديال السلاح و القرطاس النووي و كاع الدول كايشريو من عندو و كون ثروة هائلة و دار مشاريع كبيرة فكل دول العالم مي فالبرازيل بزااف حيت تما كان كايعيش و داير ناس مقابلين ليه داكشي مي بالنسبة للسلاح ماكان كايتيق فحد حيت تما فلوس صحيحة لي كاتدخل و بقا مقابل شغلو راسو و مع لوقت بدا كايكبر و كايعيا و بدا كايقلب على شي واحد يوقف ليه على داكشي و هو يتلاقا مع لواليد لي هو شهاب راييس و خدم معاه و لقاه تيقة و تكلف الواليد بداكشي و من بعد تزوج لواليد بالواليدة و ولدونا و لواليد بغا يعيش حياة عادية بلا ديك الدراما ديال السلاح و النووي و الزبل و هو يعطي كولشي لخو لواليدة و بدا لواليد من الزيرو و صمم محرك ديال طوموبيلات ماكايضورش و شوية بشوية حتا كون شركات و ولا اغنى اغنياء العالم و التروة لي عندو فاتت التروة ديال جدي و فاش كبرنا حنا خويا كايعجبو داك الدومين و مشا خدم مع لواليد و انا كون راسي شوية بشوية(جا السرباي) و عاوناتني جداتي مامات لواليدة كانو عندها املاك باعتهوم و عطاتني لفلوس حتا كونت راسي و ولاو عندي اكبر الشركات ديال تصدير البيترول للدول الأجنبية و حيتاش بلاصة البيترول هي شبه الجزيرة العربية فأنا حاليا مستقر فدبي و درت رجالي خاصيين بيا و درت ممتلكاتي و مشارع ديولي و داكشي ديال لواليد بوحدو فهمتي
ياسمين: واااااااو ماعندي مايتساكوم نتا و باباك طلعتو رجال
غيث: (كايشرب القهوة) و مازال غير ختاصرت ليك
ياسمين: هادشي فخبار شي واحد
غيث: لاا غير لافامي سي توو
ياسمين: و لاش عاودتي ليا
غيث: (تكا على لفوطوي و غمض عينيه) ياك بغيتينا نكونو صداقة اها خاصنا نكونو عارفين شي حاجة على بعضياتنا
شافت فيه ياسمين و ابتسمات حيتاش قبل عرض الصداقة ديالها و عينيها كايلمعو بالفرحة

بقاو جالسين كايدردشو و لكليما مبردة عليهوم الجو و غيث كايهضر و يجمع و لكن باقي ماتطلقش كليا حيت مرة مرة كاتجيه زمرد بين عينيه و كايتجمع بلا مايعيق و باقية عايشة هي فقلبو.
بدا كايصوني تيلي ديال ياسمين و هي تهزو لقاتو كرم
ياسمين: وي كرومة
كرم: وي مينة فينك
ياسمين: انا مع غيث مريحين فكافي فين نتوما
كرم: حنا كانكتاشفو المآثر
ياسمين: سيفط ليا لوكييشن ديالك و حنا غانتبعوكم
كرم: اوكي (قطع)
تسنات شوية و هي يوصلها ميساج فيه لموقع ديالهوم
ياسمين:يالاه نوض
غيث:(كايحك جبهتو) واخا ا لالة
ناض غيث و مشات هي سبقات خلصات و جات عندو
غيث:لاش خلصتي (عقد حجبانو)
ياسمين: ماعندكش الصرف و كونسوميناش شي حاجة غالية باش تخدم لكارط(غمزة)
سبقاتو هازة تيلي فيديها و تابعة الموقع لي سيفط ليها كرم و غيث غادي موراها طالق رجليه و كايتمشا بالمهل حتا وصلو عليهوم لقاو كل واحد مع حبيبتو و سليم و زيد ماكاينينش
ياسمين:هااااااي
لبنى: فين كنتي غاطسة (كاتسلم عليها بلابيز) اححح هاد تيتيز غادي ناكلو (بهمس)
ياسمين: هههههه تي سكتي قبل مايجي ليك سعد
سعد: اش كاتوشوشو تما
ياسمين: والو غير قالت ليا شوفي الزين الصفي ديالي شحال جا خطير فالشورط و معري الرجيلات
سعد: (جر حداه لبنى) يخلي ليا حبيبتي (باسها)
لبنى: 😳 حشم شوية ويلي
سعد: ههههه هانية داكشي (غمزة)
ياسمين: شنو غاتبقاو هنا زيدو تحركو (كاتدفعهوم)
بقاو غاديين و كايتساراو فشوارع بورتوريكو السياحية لي كاطل على البحر الكاريبي حتا طابو رجليهوم و رجعو لوطيل و لقات ياسمين الفيراري ديال غيث سبقاتهوم للوطيل هي و المشتريات ديولها... تفارقو و كل واحد دخل لسويت ديالو و بدلات ياسمين حوايجها لبسات بيجامة صيفية عبارة عند شورط قصير مزير عازل ليها فورمتها و ديباردور ديالو فالأسود فيها وريدات بالأحمر و مسحات المكياج من على وجهها و دهناتو بالكريم المرطب ديالها و مشطات شعرها و جمعاتو سفنجة عشوائية و هزات الهاتف الأرضي و عيطات على خدمة الغرف
ياسمين: الو.. وي ... بغيت اللحم مبخر و سالاد مشكلة و فالديسير بغيت مورسو من كيك ديال شكلاط و يكون فالداخل ديالو لاكخيم و لفوق الشكلاط الذايب و كترو من الشكلاط الذايب.... لسويت رقم 68 اه وي من طرف غيث راييس اهكي ميغسي
قطعات معاهوم و شعلات تيفي و نعسات فوق لفراش دايرة رجل فوق رجل و كاتفرج و هو يصوني تيلي ديالها
ياسمين: الو شكون معايا !
غيث: سي موا غيث
ياسمين: غوغي هههه
غيث: اش كاتديري
ياسمين: كانتفرج و كانتسنا لعشا و نتا
غيث: والو ... تبغي (متوتر)
ياسمين: نبغي شنو!
غيث:تبغي نسهرو فلابواط
ياسمين:ماسخيتيش بيا ههههههه وي نبغي ا تيتيز بلادي
غيث: من هنا لساعة ندوز عندك غاتكوني لبستي و تعشيتي مزيان!
ياسمين: وي طوووب نتلاقاو بعد ساعة هههه بااااي (قطعات)
ناضت كاتفرنس حلات لماريو و جبدات شورط قصير أسود مزير و ديباردور أسود مزير عليها من جيهة الصدر و حيدات سوتيام و بقات بلا بيهوم الصدر واقف بوحدو و كايتهزز تحت من الديباردور و طلقات شعرها و مشطاتو و خلات المكياج حتا تاكل باش مايخسرش ليها و هي تسمع الدقان و مشات كاتجري كيصحابها روم سيرفيس و هي تحل و الضحكة تجمعات

ياسمين: سليم (مصدومة)
سليم: (طلع فيها و هبط) اه سليم مالك مصدومة يالاه دخلتي ولا يالاه خارجة
ياسمين: الصمت
سليم: يالاه خارجة ياك و بهاد الحالة لحمك كاملو عريان و صدرك باينة الفرقة ديالو معامن خارجة (معصب)
ياسمين: الصمت
سليم: مع داك خينا يااك (كايغوت)
ياسمين: (جراتو للداخل و سدات لباب) شششش فضحتيني يخخخخ
سليم: ماعمرمي مامديت يدي عليك و لكن دابا غادي نمدها واقلة😡😡 (كايغوت) 
ياسمين: و بآشمن حق تضربني هاااه صبرت ليك ا سليم بزااااف وليتي باغي تضربني
سليم: (كايحاول يتهدن) جيت عندك باش نعتاذر ليك على داكشي لي طرا و لكن كايبان ليا بلي ماكاين والو (بغا يخرج و شداتو من ذراعو)
ياسمين: سليم تسنا... بغيت ندوي معاك (جلساتو فوق الفراش) شوف نتا ما بخوش اميي و مابغيتش نخسرك اوكي عارفة بلي باغي غير تحميني و تقابلني مي انا عارفة اش كاندير و راك عارفني بنت بمية راجل و كانمشي مع غيث حاليا حيتاش يالاه ماتت ليه خطيبتو شي شهر و نص دابا كايبغيها و كايحماق عليها و دابا هو مكتائب و حالتو حالة و بغيت نخرجو من ديك لحالة لي فيها هو دابا فهمتيني
سليم: (كايحك جبهتو) بغيتك تفهميني ا مينة راه ماشي لخاطري كانتعصب عليك راه......
ياسمين: (سدات ليه فمو) شششش (حطات جبهتها على جبهتو) عاذراك و فاهماك و انا وياك اصدقاء بلا مانخسروها (عنقاتو)
بادلها لعناق و فهم من هضرتها بلي هي كاتعتابرو مجرد صديق و وصلات ليه لمساج بطريقة فنية بلا ماتحرجو ولا تجرحو و ماخلاتش ليه الفرصة فين يعتارف بحبو ليها حتا كانت غادي تزلق ليه و زربات عليه تفاديا للإحراج
سمعو الدقان و هي تحيد من بين يديه و مشات حفيانة حلات لباب لقاتهوم روم سيرفيس دخلو ليها لعشا و مشاو و هو يوقف سليم
سليم: لمهم بون سواغ و نشطي مع راسك و سمحي ليا
ياسمين: عادي راك عشيري
سليم: الزوفري ههههه (وجهو صفر)
ياسمين: (وقفات على طراف صبعان رجليها و باستو فحنكو) تهلا فراسك و كول مزيان راك بديتي كاتضعاف
سليم: واخا ا مو حنيكات يالاه باي
مشا سليم و سجات لباب و جلسات تنفسات الصعداء حيتاش اللقاء داز بيناتهوم بسلام و بدات كاتاكل حتا شبعات و ناضت غسلات سنانها البيضين دايرين كيف حبات اللؤلؤ مهلية فيهوم و مشات قجام لمرايا دارت مكياج سموكي برز ليها لون عينيها الرماديين و هي تجبد صندالة طالون عالي متلتة من القدام كحلة كاتسد بالخيوط و هي تهز بوشيط كحلة دارت فيها المكياج لي غاتحتاج و تيلي و لكارط ديال السويت و هزت لبارفان ديالها و رشات عليها و هي تشوف راسها فالمرايا
ياسمين: الله عليا توتة
يالاه بغات تحل لباب باش تخرج و هي تصادف مع غيث باغي يدق لابس سروال جينز زرق غامق مع تيشورت بالكول بحال لقاميجة فالأسود مزير عليه و مزير على عضلات يديه و سبردلة فرجليه فالأسود من نايك و مع طالون يالاه وصلات لكتفو حيتاش طويل بزاف و فيديه الساعة لكحلة و فعنقو سنسلة رقيقة من النقرة كاتبان و ريحتو عاطية فالكولوار كامل و شعرو موقفو طلعاتو ياسمين و هبطاتو
ياسمين: احححح على تيتيز بلادي
غيث: ههههههههههه زيدي يا لمصنطحة
ضحك غيث من أعماق قلبو ضحكة رجولية و حرشة حتا دمعو عينيه بالضحك حيتاش ماعمرو ماشاف وحدة مصنطحة بحال ياسمين... سدات السويت ديالها و بقاو غادين و هو شافها اش لابسة من راسها حتال رجليها و ما علقش واخا كاتبان مثيرة فداك اللبس و الشقة ديال الصدر كاتبان و عاد الرجلين بيضين طوال و الوجه بلارة و المؤخرة بارزة.

هبطو للتحت و قلبو الطريق لجيهة لابواط و قدما قربو و قدما لموسيقا ماكاتسمع مجهدة و هو يدخلو مع لباب و لقاو تما عامر بالنصارى غير الشباب الهاي كلاص كايشطحو و ديجي طالق ليهوم دي روميكس شخضة و جيهة لبار عامرة بالباشار و غير الشراب لفريع و الغالي لي محطوط... حط غيث يديه على خصر ياسمين و جرها حداه حيتاش الزحام و طلعو مع الدروج و مشاو لبلاصة V I P خاوية و لموسيقا مامسموعاش فيها بزاف فيها فوطويات و طابلة من الزاج جلسو بجوج تما و قدامهوم الزاج كايطل على لابواط كولها و كولشي كايبان من تما
ياسمين: علاش مانهبطوش لتحت
غيث: ماعنديش مع الزحام هنا راه مزيان
ياسمين: بغيت لموسيقا (تقلقات)
عيط غيث على واحد من رجالو كان برا و شير بيه بيديه باش يحل شوية الزاج لي فاصل بينهوم و بين لكلوب و هي توصل لموسيقا مجهدة و بدات ياسمين كاتشطح فبلاصتها و هو ماطلعو ليهو قراعي ديال الشراب فطاسة عامرة بالتلج و سينية فيها كيسان بالطالون و كيسان صغار و حطوهوم فالطبلة الزجاجية و هبطو خلاوهوم بوحدهوم
ياسمين: راشقة ليك تاني (غمزة)
غيث: غير كان موشكيل فالخدمة و تحل
ياسمين: همممم اوا مزيان
طارت ياسمين على قرعة ديال لفودكا و حلاتها و هزات جوج كيسان صغار و خوات فيهوم و هي تحط لقرعة و غيث غير متبعها و هي تمد ليه كاس
غيث: ماكانشربش شكرا
ياسمين: خاصك تشرب غير ليوم صافي بليييز
غيث: لا شكرا فاش كانشرب كانسكر حيت مامولفوش
ياسمين: انا مولفة غير هاك
بقات كاتحاول تقنع فيه حتا خدا داك لكاس و شربو و بقا كاس تابع كاس و هي كذلك حتا شدات فيه السكرة و تعسلو عينيه و لاح راسو على لقنت ديال لفوطوي و بقا كايشوف و هي تنوض ياسمين كاتشطح فبلاصتها و واخا شربات ماشدش فيها حيت مولفة مرة مرة تضرب شي كويسات..بقات كاتشطح و تنقز و فينما تهز كاع مفاتنها كايتهزو معاها و هو جالس كايضحك عليها و هي تمشي عندو جراتو و هو تقيل عليه راسو و عينيه شبه مسدودين و الإبتسامة على فمو... حط يديه على خصرها و هي ضورات يديها على عنقو و حط جبهتو على جبهتها و بقاو كايشطحو فبلاصتهوم فرحانين
غيث:(بصوت تقيل) من يامات المراهقة ماجيت لشي بواط
ياسمين: اوا هانتا جيتي معايا... و من دابا للقدام غادي تبقا ديما تجي معايا
بقاو كاشطحو تما حتا عياو و هوما يجلسو و هو مضور يديه على خصرها و هي متكية على كتفو
غيث: كنت كانبغيها
ياسمين: (شافت فيه) زمرد !!
غيث: و باقي كانبغيها عييت و بغيت ننسا مي ماقدرتش و فاش كانشوفك كانتفكرها واخا ماكاتشابهوش فحتا حاجة هي حشومية و داخلة سوق راسها و نتي لعكس شهر و نص باش ماتت شهر و نص ماشفتهاش قلبي كايضرني و بزااف كانبقا نتخيلها بزااف و كانقول الا درت هاكدا واش غايعجبها لحال ولا لا هي ديما بين عيني
ياسمين: كيفاش ماتت!

غيث: (تنهد بحرقة) دارت كسيدة كنت انا وياها جالسين فكافي و ناضت هي لطواليط (تنهد) و جات عندي واحد خيتي بدات كاتضور بيا و كاتهضر معايا و انا منخلها و فاش جيت نضور فيها شدات ليا يدي و جات زمرشافت داك المنظر و قهمات غلط حيتاش قبل منها كانو عندي علاقات مع لبنات و واخا خطبتها بقات واخدة عليا ديك النضرة ديال زير النساء و تقلقات و مشات ركبات فلوطو مكسيرية و انا تابعها و حرقات الضو لحمر و هي معصبة و كاتبكي و دخلات كاميو و تخششات لوطو ديالها و ماجينا فين نديوها لسبيطار حتا مات(كايتنهد)
ياسمين: و دابا نتا كاتلوم راسك ياك
غيث: اه انا السباب (لاح راسو لور) كون نضت لديك لبنت ولا سبيتها من لول ماكانتش زمرد غادي تموت
ياسمين: ماتت هنا فالمغرب !
غيث: اه فالرباط هي مغربية مقيمة بالإمارات فدبي مصصمة أزياء ديال المحجبات عندها شركة ديالها و و كان واحد المؤتمر ديال تبادل الثقافات و جات هي كاتمثل الشركة ديالها و المغرب و انا كنت ضيف الشرف عمرني مانسا اش كانت لابسة (غمض عينيه) سروال ديال التوب فالباج كلاص مع شميزة فالقهوي طويلة واصلة ليها لركبتها و شكلها زوين مع فولار فالباج و صباط طالون باج و صاك فيديها و نضرة حاجة و تايقة فنفسها و عاد ريحتها دايرة ريحة مخطلة و زوينة و هادئة غالبة عليها ريحة الخزامى... بقيت مقابلها غير هي فالمؤتمر و كاتدوي بكل ثقة فالنفس و هضرتها كلها منطيقية و معقولة سحراتني من أول نضرة قلبت عليها حتا لقيتها و شوية بشوية حتا تعرفنا و 4 سنين و حنا على علاقة و لكن ماعمرنا درنا شي حاجة من غير الا بستها ولا عنقتها كانت محافضة بزاف و متقفة و فالأخير ماتت بسبابي و وافقات تكون معايا واخا عرفاتني كنت مع بنات قبل فاش كانتفكر هادشي كانبغي نموت قلبي كايضرني ماعمرني نقدر ننساها (حط يديه على قلبو) هي محفورة هنا (تنهد)
سمعات ليه ياسمين و لول حتا الأخير و بقا فيها حيتاش احساس صعيب تفقد شخص كنتي كاتبغيه و كان عندك هو كولشي.. وقفات ياسمين و شافت فيه و الدموع على طرف عينو ماباغيش يخرجهوم
ياسمين: اجي معايا (مدات ليه يديها)
غيث: لفين (شد فيها)
ياسمين: غير اجي معايا (جراتو)
ناض و هو كايتلاوح و هي شاداه لايطيح و غادة بيه حتا خرجو من لبلاصة ل VIP و خرجو فالديسكو و خرجو منو و مشات جيهة لباركينك ركباتو فلوطو ديالو و دارت ليه الصمطة و ركبات هي باش تسوق و دارت امارش و لكارد تبعوها
ياسمين: قول لكارد ديولك يرجعو
شير ليهوم بيديه من الشرجم و رجعو كاملين و خدمات جي بي ايس و مشات فاتجاه لبحر حتا وصلات ليه و هبطو بجوج و وقفو فوق واحد الجرف فبلاصة خاوية 
غيث: لاش جينا هنا (صوت تقيل)
ياسمين: دير بحالي.... ااااااااااااااااااا (غوتات)
غيث: اااااااااااااااااااااااااااااااااااااا
غوت غيث بحر جهدو خرج كاع داكشي لي خازنو فقلبو و بدا كايبكي و هي تشوف ياسمين و عنقاتو
ياسمين: ششششش غادي تنسا ششششش
بقا معنقها و كايبكي و هي كاتدوز يديها على ضهرو حتا برد قلبو و ركبو فلوطو و رجعو لوطيل

صبح صباح جديد بشميستو المنورة و غيث ناعس فوق فراشو لابس غير السروال و لفوق عريان و ياسمين ناعسة فوق صدرو لابسة الحوايج باش خرجات و غارقة فنعاس و شعرها مليوح على وجه غيث و هو مضور يديه عليها... برزطاتها الشمس و ماخلاتهاش تكمل نعاسها و هي تحل عينيها بزز و لقات راسها فوق صدر غيث و راسها كايضرها و جسمها مهدود... حيدات شعرها من على وجه غيث و هي تشوف الملامح ديولو حرشين و عاقد حجبانو واخا ناعس طاغية عليه الرجولة و الحروشية... دوزات يديها فوق وجهو كاتقيسو و هي تبوس بجنب فمو و ابتاسمات و هي تنوض قلبات تيلي ديالها لقاتها لوحدة ديال النهار و تيلي غايتسطا بليزابيل من عند صحابها دارت ليه السيلونس و حطاتو مشات حلات الريدو كامل حتا ولا السويت كولو مضوي و و هو يتقلب غيث على كرشو و عطا قرفادتو لجيهة الشرجم و هي تمشي ليه ياسمين ركبات فوق ضهرو
ياسمين: غوغي.... غااايث غيوووووووش وا غوغو
غيث:همممممممم
ياسمين: بقرة صافي 😂😂 غيووووش نووض (كاتضرب فضهرو)
غيث: واحد شوية
ياسمين: اويلي على الراجل واش من نيتك ا صاحبي (فمها حدا ودنيه) غيوشي نوض باراكة من النعاس
تقلب غيث و شدها بالخف دارها تحت منو و راسو كايضرو بالشراب ديال لبارح
غيث: علاياش كاتقلبي باغاني نغتاصبك (غمزة)
ياسمين: هههههههه نتا تغتاصبني نوض ا وليدي من فوقي قبل مانعطيك ركلة للمسائل و تحرم من كلمة بابا
غيث: من نيتك !!راه نقسمك هنا و حد مايسيق ليك لخبار (تلاح بجنبها)
ياسمين: ههههههه عاقل على لبارح فليل
غيث: وي عاقل على كولشي راه واخا سكرت ماسكرتش لداك القدر لي يخليني ننسا
ياسمين: ياكما تنادم معاك لحال جيتاش عاودتي ليا
غيث: لا بالعكس رتاحيت و خرجت داكشي لي فقلبي
ياسمين: (جلسات فوق كرشو و فرقات رجليها) بغيتك تفهم ا غيث بلي الحزن ماغاديش يرجعها و دابا تخيلها قدامك غايعجبها لحال و نتا مكتائب !
غيث: لا بالعكس ماغاديش يعجبها الحال كانت ديما كاتقوليا استمتع بالحياة
ياسمين: و داكشي لي غادي نقولك حتا انا مرة وحدة لي كانعيشو و ماجاتش تدوز كولها حزن و كئابة و مع الوقت غادي تنسا و تداوا جروحك و كيفما كايقولو و خير معالج الزمان يالاه نوض دابا نفطرو... انا غادة لسويت ديالي دوز عندي و من بعد لفطور غاديين للبحر الوغ وجد راسك
ناضت من فوقو مشات لسويت ديالها و هو بقا كايشوف حيتاش زربات عليه... ناض دخل لدوش دوش حتا صحصح مزيان و خرج لاوي عليه فوطة من لتحت و هو يسمع الدقان و مشا حل و قبل مايشوف هضر
غيث: جاسمين واش ماغا....(شاف لباب)
زيد: هههههه ماشي جاسمين هادي (دخل) وليتي كاتهدرز بيها (غمزة)
غيث: الصمت
زيد: شفتها لبارح مدخلاك لهنا و نتا سكران هي سهرتي نتا وياها هههههه
غيث: غاتبقا دابا غير كاتدوي على هادشي (كايجبد مايلبس)
زيد: اوا هي دواك ا صاحبي شحال و انا نطبل عليك و ماسمعتيش ليا و فالأخير سمعتي ليها هي
غيث: لا حول ولا قوة إلا بالله
زيد: ياكما جرتو شي حاجة
غيث: انا وياها ديزامي صافي اوكي و حيد دوك الأفكار من بالك
زيد: اوا على هاد لحساب غير نشوف معاها حيتاش فغيمون زوينة و دغيا كاتدخل للخاطر محبوبة و عاد لعوينات لي عندها كايسطيو
غيث: اييه مزييان
ماسوقش ليه غيث حيت هو معتابر ياسمين غير صديقة... جبد من لماريو بوكسر أبيض مع شورط فالرمادي بالسيور فالأبيض و تيشورت أبيض سامبل لاصق عليه و ليسهوم و رش الريحة ديالو و لبس كلاكيطة فرجليه 
زيد: فين غادي
غيث:خارج
زيد: هاني غادي معاك

خرج غيث و زيد من السويت و مشاو لعند ياسمين دق جوج دقات و هو يسمع صوتها من لداخل
ياسمين: تسناااا
بقاو واقفين شوية و زيد حابس الضحكة على غيث حتا حلات عليهوم لابسة كسيوة حد الركبة بالذهبي بصميطات مزيرة من الصدر و الكرش و من لخصر للتحت منفوخة سامبل و تحت منها مايو دو بياس ديال النمر بالأسود و الأصفر و طالقة شعرها على راحتو و لابسة صنيديلة كحلة سامبل و دايرة ايكخون على حساب الشمس و هازة صاك كحل كبير فيه لفوطة و الإحتياجات ديولها و نضاضر فيديها و شابو كحل فوق راسها جات رائعة بكل معنى لكلمة... شافت فيهوم بابتسامة على وجهها
ياسمين: يالاه نمشيو
خرجات من سويت ديالها و سداتو و بقات غادة سابقاهوم و هوما موراها و هو يقرب زيد لغيث و بدا كايهمس
زيد: هاد الدرية بزااف تيتيزة واش هانية ندوي معاها
غيث: (شاف فيه و قلب البصر ديلو دغيا) شغلك هاداك
زيد: اوا واخا
مشا زيد سبق غيث و بقا غاجي مع ياسمين فنفس المستوى
زيد: ياسمين 
ياسمين: وي زيد
زيد: عاقلة على سميتي
ياسمين: وي بيان سييغ ههههههه
زيد: اوا صافا !
ياسمين: طووب و نتا
زيد: غير جيت هنا و وليت طوب دو طوب هههههه
بقاو غاديين و سابقين و كايهضرو و يتعرفو على بعضهوم اكثر و غيث موراهوم كاع مامسوق حتا خرجو من لوطيل و بقاو غاديين على رجليهوم فاتجاه لبحر و صونا تيلي ديال ياسمين و لقاتو سليم
ياسمين: الووو
سليم: وقفي
ياسمين: (وقفات) علاش !
سليم: انا موراكوم تسناو
ضارت و لقاتو قاطع الشانطي و جاي عندهوم لابسة شورط بلو مارين بلا سيور و تيشورت زرق سامبل و كلاكيطة زرقة فرجليه و نضاضر فعينيه و جا عندهوم سلم عليهوم و بالفن خدا ياسمين و سبقهوم و هو يمشي غيث حدا زيد كايضحك عليه
غيث: هاهوا خداها ليك
زيد: غير دابا 😒 زعما نتا ماحسيتي بوالو جيهتها
غيث: عجباتني شخصيتها و طبعها سي توو اما لاموغ و داكشي (كايعبر بيديه) لا الوغ بلا ماتبقا تحاك معاها باش تخليني نغير راه ماغاديش نغير
بقاو غاديين حتا وصلو للبحر و لقاو صحاباتها شادين بلاصة كايعومو فيها بعدما تواصلو معاهوم و عرفو بلاصتهم... جلسو حداهوم و فرشات ياسمين فوطة و حيدات لكسوة و بقات غير ا بالمايو و لفورمة عندها خطيرة خلات سليم غير حال فمو فيها
ياسمين: انا غادي ندخل نعوم شوية
سليم:انا داخل معاك
دخلات هي و سليم كايضحكو لبحر كايعومو بجوج و مرة مرة يتضاربو بالما و لا يغرقها كايحاول ينسيها فداكشي لي كان دار معاها واخا هي ناسية.. دخلات عندهوم لكليكة كايلعبو كورة فوسط لبحر و غيث و زيد جلسين فالرملة كايتشمسو و ياسمين شبعات تصاور فالبحر هاهيا معلقة فالدراري هاهيا مصورة مع الغروب هاهيا دايرة سيلفي لمهم شبعات تصاور..خرجو كاملين و بقات هي فالبحر و هو يشوفها غيث بوحدها و حيد تيشورت و دخل عندها
غيث: طلعي فوق ضهري
طلعات فوق ضهرو و بقا كايعوم بيها و كايضحكو و يكركرو بجوج حتا دخلو لداخل و خرجو تاني فجو من الضحك و التقشاب و غير خرج من لبحر و جمع لغوباشة بحال الا ماعمرو ماضحك

خرجو من لبحر و جلسو كايتبردو تما و مجمعين بيناتهوم و سعد جا حدا ياسمين و بدا كايتوشوش معاها
سعد: ليوم غاندير داكشي غانسيفط ليك لموقع باغ تيلي
ياسمين: و هي شكون غايجيبها
سعد: غانقول ليها دايرين سوربريز لغيث بمناسبة لانيف ديالو باش ماتشك فوالو و غاتجي عندنا
ياسمين:مابان ليك غير غيث
سعد: اوا هي راه عارفة ايمتا تزاد كل واحد فينا ولا نسيتي
ياسمين: اه هادي عندك
بقاو مجمعين و كايتافقو حتا ضلام لحال و رجعو لوطيل و دخلات ياسمين لسويت ديالها و دوشات حيدات عليها لملحة و الرملة و تنقات و خرجات من الدوش لاوية عليها فوطة و جبدات سليب فالأبيض و جبدات كسوة فالرمادي مزيرة من الصدر و الخصر و معرية من لفوق على شكل قلب و من لتحت منفوخة و قصيرة فوق الركبة حطاتها فوق لفراش و جلسات قدام لمرايا صايبات شعرها و دارت ليه بوكلي من لتحت و لبسات لكسيوة و دارت مكياج خفيف برز ملامح وجهها و برز لون عينها لبسات ساعة كحلة زوينة فيها الماسات فالداخل ديالها سامبل و ليد لوخرا خاتم بحجيرة ديالو راقي فالبسة ديالو و سنيسلة خفيفة ديال لخاتم و حلقات ديول الخاتم و لسنسلة... لبسات حوايجها و شافت فراسها عجبها حيتاش جات فنة هزات صباط طالون عالي اسود و لبساتو و هزات بوشيط سوداء دارت فيها تيلي و شوية ديال لمكياج و كارت ديال البيت هزات الريحة و رشاتها عليها و بقات كاتضور عاجبها راسها و هي تسمع الدقان و حلات لباب لقاتو غيث فأبهى حلة لابس بذلة سوداء مع قميجة بيضاء لاصقة عليه و حال جوج صدفات لفوق و كايبان صدرو و صباط اسود كايلمع بالنقاوة و مطلع شعرو فالأسود و داير ريحة كاتدوخ مجهدة كايبان مفورمي فالبذلة و حيت مزيرة عليه كايبان كولشي مقاد.... شاف فياسمين بصدمة حيتاس ولات كاتبان كبيرة و زوينة طلعها و هبطها و دار نصف ابتسامة
غيث: جيتي زوينة
ياسمين: ميغسي طوا اوسي (حمارو حناكها)
غيث:(حط يديه على وجهها) كاتحشمي هههههههههههه
بقا كايضحك حيتاش اول خطرة يشوفها حشمات و ماعافرش هو بلي اي بنت فالعالم واخا تكون جريئة غير كايمدحها شي واحد ولا يغازلها كاتحشم و كيفما يقول المتل الزين يحشم على زينو و الخايب إلا هداه الله ... مد يديه ليها و شدات فيه و خرجو من لوطيل و ركبو فلوطو ديالو الفيراري ديكا بوطابل و ديمارا و مرة مرة كاتخطف نضرة منو حيتاش عجبها و عينيها الرماديين كايلمعو بالفرحة و اول خطره تشوف فيه كرجل ماشي كصديق ديالها فمشكلة... عطاتو تيلي ديالها و تبعو الموقع لي سيفط ليهوم سعد و وصلو ليه بعد مسافة الطريق و هبطو لقاو راسهوم حدا لبحر و الطريق دايرين فيها ممر طوييل من لورد الأحمر بقاو كايتمشاو على لورد الأحمر حتا وصلو لحدا لبحر لقاو طوابل تما ديال بنادم يبقا واقف و السرباية كايضورو تما و البوفيه معزول بصلاصة و بوطوات ديال الضو مضويين عليهوم المكان و صوت لبحر مسموع ممزوج مع صوت موسيقى هادئة طالقينها لقاو تما كرم و حلا سابقينهوم توجهو عندهوم و سلمو عليهوم و شكرو المكان و جاو السرباية عطاوهوم المشروبات و بقاو مجمعين بيناتهوم حتا جا زيد سلم عليهوم بدورو و تغزل شوية ياسمين لي حمارو حناكها بالخجل و غيث كايشوف فيها معجب ماضنش بلي غاتكون شي حاجة كاتحشمها... تلاحق بيهوم سليم و عينو تفيكسات على ياسمين و جا حداها سلم عليها و باس ليها يجيها و سلم عليها بالوجه
سليم: جيتي كاتحمقي ماكرهتش نهزك و نخطفك
ياسمين: شكرا 😳
تسالم مع لبقية و جا حداها و كايشوف فغيث بنص عين لي واقف داير يديه فجيبو و عاقد حجبانو مسرح عينيه فالبحر و مرة مرة كايلوح سليم كلمة فودن ياسمين كاتحشمها

بقاو مجمعين و يقولوها و يضحكو عليها ما عدا غيث لي واقف حدا ياسمين و حداه زيد و مسرح عينيه فالبحر و ساهي و سليم من الجهة الثانية لياسمين و كايهضر معاها و يضحك معاها و كايحاول يجرها حداه واخا عارف بلي ماغاتكونش ليه غير غار من غيث خصوصا هو رجل مايتعاب فيه والو طويل و عامر و وسيم غني و عينيه كايسحرو باللون الأخضر لي فيهوم كولشي حاضر فيه و اي بنت تطيح فيه غير بنضرة...جا عندهوم سعد لابس كومبلي بالبلو مارين و قميجة بيضة و بابيون و باين التوتر فوجهو كايقلب و كايضور وجهو و جا عندهوم
ياسمين: مالك هاكدا لي يشوفك يقول غاتفك قنبولة 😂
سعد: خفتها ترفض و تخليني بلاكة
كرم: لبنى ماتديرهاش راه كاتبغيك ا لحمق
سعد: (هز كاس ديال شامبانيا و شربو) اوففففف رلاكس ا سعد
ياسمين: شفتي علاش بغيت نبقا سيليباطير باش مانطيحش فهادشي 😂😂
سعد: شكون اصلا لي غايقبل عليك
سليم:كاين لي غايقبل عليها هي و هبالها غير الله يهديها
ياسمين:الصمت
حلا: ماتخافش ا سعد غادي تقبل غير تهنا
كرم: (شاف لوطو جات) Show time وقت العرض هههههههه
سعد:(ضار) اوفففففف
مشا بالخف و هي لابسة كسوة فالدوغي طويلة و فيها شركة فالجنب ضاربة تال النص ففخضها و الصدر عريان على شكل قلب فيه حجيرات خفيف و مزير ومعاها صباط طالون عالي فالأسود و جامعة شعرها على شكل مشيطة زوينة و دايرة مكياج خطير و الروايح عاطية منها و غادة كاتمشا بشوية خايفة طيح تبهرات بجمالية لمكان و مادرتش فبالها بلي داكشي مديور على قبلها بقات غادة و هي اجمل لحاضرين حتا لقات سعد واقف مبتاسم فنص الطريق و قلبو كايخبط و هو يشد ليها فيديها و باسها جبهتها و تحنا على ركابيه و خرجو عينيها
سعد: لبنى يا لُبنتي من نهار دخلتي حياتي و انا غادي و كانتحسن نسيتيني فالجرح لقديم و رميت لماضي مور ضهري و بدات معاك ا زيرو بغيتك من قلبي و ربي شاهد عليا عاماين و انا كانجمع قوتي لهاد النهار باش نقوليك(جبد بواطة و حلها غيها خاتم) لبنى واش تقبلي تتزوجي بيا!!
بقات كاتشوف فيه و عينيها كايدمعو متفاجئة و قلبها كايضرب
سعد: لبنى جاوبيني راه قلبي غايسكت
لبنى: اه اه موافقة 😭😭😭
ناض عندها فرحان لبسها لخاتم و عنقها كايضور بيها و كايبوسها و يعاود يحطها و يمسح دموعها و يشوف فيها و يهزها تاني.... جات عندهوم لكليكة باركات ليهوم و خلاوهوم يشطحو تحت انغام هادئة رومانسية و لكاميرا مان كايصور كولشي كان موجدو سعد من قبل.... انضم ليهوم حلا و كرم و بداو كايشطحو و هو يشوف سليم ف ياسمين
سليم:مينة ممكن هاد الرقصة(ماد يديه)
شدات فيديه و كاتبتاسم و حس براسو دار انجاز كبير حيت حس براسو سبق غيث فالدعوة ديال الرقص... شدها بكل رقة و مشاو كايشطحو فوق زربية طويلة على حساب الرملة... حط يديو فوق خصرها و يدي لوخرا شبكها مع يديه و حط جبهتو على جبهتها و غمض عينيه و بقا كايستنشق ريحتها و هي كاتشطح معاه كيف شي بجعة فالرقة ديالها و حركاتها المتقونين
زيد: شوف كيفاش كايشطحو بجوج واتاو بعضياتهوم
غيث: الصمت
زيد:متأكد ماكاتحس والو جيهتها
غيث: ديجا دويت معاك و ماكانحملش نعاود لهضرة بزاف
بقا غيث داير يديه فجيبو و عاقد حجبانو تفكر النهار لي طلب الزواج فيه من زمرد تقريبا دار نفس الحاجة غير هو دارها حدا برج إيفل فمدينة لحب باريس فعطلة ليهوم تما الشيء لي خلاه يكعا و هو كايتفكر داكشي و حس بضيق كبير و الشخص لوحيد لي انتابه لهادشي هو ياسمين كاتشطح و عينها على غيث بلا ماتعيق... كملو الرقصة و مشاو تعشاو الخدم غير ضايرين بيهوم حتا سالاو و بغاو يمشيو
سليم: ياسمين زيدي نمشيو
ياسمين: مازال غادي نبقا شوية عجبني لجو
سليم: نبقا معاك!
ياسمين: لا غيث غايبقا حتا هو عجبو لجو ياك
شاف فيها غيث و هو عاقد حجبانو
غيث: اه
ياسمين: تصبحو على خير
شد غيث فيها و مشاو بعدو عليهوم و هو فهم لاش درات هاكداك بغات تستفرد بيه و سايرها

حيدات ياسمين صباطها باش تمشا براحتها فالرملة و بقات غادة حدا غيث لي حتا هو حيد صباطو و تقاشرو و طوا سروالو من لتحت باش ياخد راحتو... بقا غاديين فالشط و لبحر كايضرب ليهوم فرجليهوم كايفزكهوم و اضاءة خافتة لي كاينة فالمكان و الصمت لي كاين كايهرسو غير صوت امواج لبحر و غيث داير يديه فجيبو و عاقد حجبانو و غادي و كل خطرة كاتنهد بحال الا هاز هموم الدنيا فقلبو و هي كل مرة تخطف منو نضرة و حسات بيه
ياسمين: سعد كان كايبغي وحدة قبل لبنى (ضحكة استهزاء) كان كايهبل عليها و يبوس التراب لي كاتمشي عليه كانت كاتقرا معانا فنفس الجامعة حيت حنا كاملين قاريين فبلاصة وحدة ما عدا سليم هو لي كبر منا كنا اصدقاء مقربين و حلا و كرم كانو كايبغيو بعضياتهوم و سلوى كانت مع سعد ما خلا مادار على قبلها و ديك الساعة ماكان عندو والو و هي كان طموحها كبير كبير بزاااف كانت كاتعرف على سواعدة و مع هي عندها حقها فالزين كانو كايجيو عندها و كايضورو معاها و سعد ماعجبوش لحال ديما كايدابز معاها على قبل داكشي و كايقول ليها صبري نكملو و نخدم و نحقق ليك لي بغيتي و هي ماباغاش حتا جا اماراتي لصق فيها و تزوجات بيه و مشات معاه و من ديك الساعة ماسمعنا خبارها و خلات سعد محطم و مكتائب حتا دخلات لبنى فحياتو و شوية بشوية حتا نسا سلوى و ارتابط مع لبنى... عرفتك تفكرتي زمرد شوف ا غيث ماخاصكش تخلي هادشي يأثر عليك قول فبالك بلي زمرد فبلاصة مزيانة
غيث: (تنهد) ماقدرتش ننسا راه سكنات فقلبي
ياسمين: الحب ماعمرو ماكان لواحد صافي تقدر تولي تبغي شي وحدة من بعد
غيث: ماكانضنش و اصلا مابغيتش جربت هادشي مرة و مابغيتش نعاود نفس لحاجة مرة وحداخرا
ياسمين: لاموغ كايكون زوين الى كان حداك الشخص لي كاتبغي و كايطون نعمة و الى بعد عليك كايكون نقمة و دابا نتا باقي جرحك جديد
غيث: غادي تسالي هاد سيمانة و غادي نرجع لدبي
ياسمين: (وقفات) خليك ماتمشيش
غيث:(وقف شافها) علاش !
ياسمين: عطيني وقت و غادي نعالجك و غادي نخليك تبدا من جديد
غيث: اش كاتقصدي! زعما نبغيك نتي !
ياسمين: لااا قصدت تنسا الجرح لقديم و نرجعك غيث لي الضحكة ماكاتفارقش وجهو عافاك (شدات فيديه)
غيث: من الأحسن نمشي ا جاسمين نتي ضريفة و ماعمرني غادي ننساك فاش كاتكوني حدايا كانسا همي
ياسمين: داكشي علاش قلت ليك بقا ا غيث (عنقاتو) بقا ماتمشيش عافاك
غيث: (كايدوز يديه على ضهرها) خاصني نمشي
ياسمين: اوا نمشي معاك
غيث: ههههههه حمقة
ياسمين: ماتمشيش
غيث: حتا نفكر

يتبع

أجزاء القصة
قصص جديدة
قصة طباخة الرئيس
قصة طباخة الرئيس سناء الصنهاجي
قصة حب وسط الدماء
قصة حب وسط الدماء أسماء الجباري
قصة جنتي
قصة جنتي ليالي نسيم
كايتنشرو القصص والأجزاء كل يوم مع التاسعة ليلا بتوقيت المغرب
9isas maghribiya bdarija قصص مغربية بالدارجة قصص و روايات بالدارجة المغربية