صورة مصغرة لـعذابي الجزء الثالث

عذابي الجزء الثالث

رواية عذابي لنهى مر

ياسمين: وعد!
غيث: وعد ههههه زعما غادي تتوحشيني
ياسمين: اااه
غيث: ماشي بزاف باش عرفتيني يا لحمقة
ياسمين: واخا هاكداك عزيتي عليا
غيث: حتا نتي يا لحمقة عزيزة عندي هههههه
زادت زيرات عليه و عنقاتو كتر و هو كذلك زير عليها و بقاو واقفين و لبحر كايضرب فرجليهوم و ياسمين ماعرفاتش راسها علاش دارت هاكداك فاش سمعات بلي غايمشي عقلها ماتقبلش ديك لفكرة و طارت عليه بتعنيقة و كاطلبو باش يبقا واخا هادشي ضد مابادئها... بقات معنقاه ماسخاتش بيه حسات بحال الا طلقاتو غادي يهرب منها و هو خلاها على راحتها و معنقها كايدوز يديه على شعرها بكل نعومة و حنان
غيث: فغيمون جيتي ليوم زوينة
ياسمين: حتا نتا جيتي فنيون
غيث: ماغاديش تقوليا تيتيز بلادي
ياسمين: (ضحكات) ههههه (شافت فيه) احححححح على تيتيز بلادي
طلقات منو و بقاو غاديين و كايضحكو و شد ليها فيديها و دغيا نساتو فداكشي لي كان معصبو و بقاو كايتمشاو و يهضرو حتا عياو و رجعو لوطيل و كل واحد مشا لسويت ديالو.

صباح جديد
صبح صباح جديد محمل بأحداث جديدة و منور العالم بشميستو فاقو لبنات هوما لولين و هبطو لريسطو فطرو و اتاجهو لسبا لي مديور فلوطيل و دخلو بداو بالماساج كل وحدة تلاحت فوق باياص و جاو لبنات لي مكلفات بتما بداو كايماصيو ليهوم و فكل ماكاتغمض ياسمين عينيها كايطيح ليها غيث بين عينيها و كاتبتاسم لا اراديا و قلبها كايبدا يضرب حتا كاتعيق براسها و تجمعها و تحل عينيها حتا عاقت بيها لبنى
لبنى: مينة بنتي ليا ماشي تال لهيه هاد النهار
ياسمين: (مغمضة عينيها) انا نورمال
لبنى: كاتكتري نتي و داك لبوكوص ياكما طحتي فيه
ياسمين: ههههههه لالا غير ديزامي
لبنى: كاع كانبداو ديزامي و من بعد كملي من راسك راه لقلب ماكايشاورش
ياسمين: الصمت
لبنى: انا لي مخطوبة (كاتلعب باليد لي فيها لخاتم) و عجبني
ياسمين: بالزعطة الا مخطوبة
حلا: غير خليها ضروري من لفوحان فالأيام لولا هههههه
ياسمين: بغيت نسولكوم (جلسات) كيفاش عرفتي راسك ا لبنى بلي نتي كاتبغي سعد
لبنى: (ابتاسمات) داكشي جا شوية بشوية بدات باعجاب كان كايعجبني و كانرتاح معاه و كارند لبال لاي تفصيلة فيه و اي حاجة عجباتو كاتعجبني و اي حاجة كرهها كانكرهها و مع لوقت هادشي ولد غيرة مابقيتش كانبغيه يفكر فديك خيتي ولا نشوفو مع شي وحدة و ابخي ولا حب قلبي كايضرب الا شفتو و مجرد لمسة منو كاتخليني كانفيبري كاملة و عيني تابعينو لا اراديا ايام الزمن الجميل ههههههه
ياسمين: (ساهية) هي انا دابا كايعجبني
حلا: شكوووون
ياسمين:a ! 
لبنى: O هههههههه الدرية صافي طاحت على وجهها كايعجبك غيث ياك
ياسمين: ماعرفتش(نعسات على كرشها)

كملو لماساج و دخلو لصاونا ترخاو فيها شوية و هوما يدوشو تما و طلعو لفوق لابسين بنوارات و لفوطات فوق الراس جلسات كل وحدة فبلاصة و العيالات ضايرين بيها ها لي مقابلة ليدين ها لي مقابلة الرجلين... كملو يديهوم و رجليهوم و طلقو سوالفهوم باش يتصايبو... دارت ليه ياسمين بغوشينج ولا طايح مسبسب و حلا و لبنى نفس الشيء... بعدما سالاو ناضو لبسو حوايجهوم ماشي لي جاو بيهوم انما وحداخرين جابوهوم باش يبدلو بيهوم لبسات ياسمين كسيوة فالأزرق سماوي حد الركبة بخويطات من جيهة لكتف و مزيرة على الصدر و لبنى كسيوة فالأبيض حد الركبة سامبل و حلا شورط ديال توب مزير فالأيض مع تيشورت أسود فيها قلوب بالغوز.... خلصات ياسمين داكشي و خرجو مشاو لريسطو ولقاو الدراري و مشاو عندهوم
كرم: اي اي اي على زين تاني (غمزة)
حلا:(سلمات عليه) حنا ديما زوينات
سليم: و لكن ضويتو هههه بان فيكوم السبا
ياسمين: اوا باز
سعد: حبيبة اجي حدايا
لبنى:(جلسات حداه) صباح لخير ا نعاسين
كرم: راه سهرنا لبارح
سعد: حبيبة فاش غانرجعو غادي نجي نخطبك رسميا من عند عائلتك
لبنى:ان شاء الله
ياسمين: فينو غيث !
سليم:(قلب وجهو)
كرم: مابانش لينا
ياسمين: انا جاية
ناضت ياسمين باش تمشي لسويت ديالو و هي تصادفو هابط من سانسور و هاز تيلي حادر عليه و يدو فالجيب ديال الشورط الأزرق و لفوق لابس تيشورت أسود مزير عليه و هي طير عليه خلعاتو
ياسمين: غيووووش
غيث: منين تحطيتي !!
ياسمين: كنت جاية عندك و لقيتك هنا و قلت نخلعك
غيث: فين كنتي دزت عندك لشومبر مالقيتكش
ياسمين: كنت فالسبا
غيث: اجي معايا
ياسمين: فين !
غيث: نمشيو فاليخت نضربو ضورة فالبحر و نتغداو تما
ياسمين: كولنا ولا غير انا وياك
غيث: كولنا
ياسمين: اوا تسنا نمشي نبدل
غيث: شريت ليك مايو غير زيدي قدامي
شدها من يديها و مشاو عند لكليكة خبروهوم باش يمشيو معاهوم و خرجو لباركينك تلاحو فلوطو و مشاو جيهة لبحر لقاو زيد تما مع يخت كبير ابيض فيه لفوق و لوسط و لتحت ديكورو زوين مكتوبة فيه غيث بطريقة احترافية و زوينة و طلعو ليه و بقاو كايضورو فيه و كايكتاشفوه و هوما مبهورين ما عدا سليم لي مراقب ياسمين و غيث و كايتغدد

تحرك ليخت و القبطان لي سايق و بعد على لميناء حتا متبقاش كايبان و ولاو فالبحر ضاير بيهوم غير لما... وقفو كاملين فسطح ليخت كايتمنضرو كل كوبل واقفين مجمعين بجوج و زيد بوحدو و ياسمين و غيث واقفين مجمعين بوحدهوم و مبعدين على لكليكة و كايضحكو و سليم مراقبهوم من بعيد و قلب مشدود عليه خصوصا فاش كايشوف ياسمين حطات يدها على غيث ولا قربو من بعضهوم بزاف
ياسمين: ضحكتك زوينة لاش مخبيها هههههه
غيث: كل مرة و لمورال كيف داير
ياسمين: ليخت عندك فنيون
غيث: عندي ماكبر منو و حسن منو راه فدبي
ياسمين: ليخت فيه سميتك
غيث: وي كانت لفكرة ديال ختي الصغيرة قالت ليا ديرها فيه
ياسمين: ليخت الجاي لي تشريه دير فيه سميتي 😁
غيث: هههههههههه لااا
ياسمين: و علاش (تقرصات)
غيث: كانبني اوطيل فالرباط هاداك غانسميه جاسمين
ياسمين: همممممم فينو لمايو لي شريتي
غيث: راه لتحت فبيت النعاس مصبوغ بالكحل غاتلقاي تما بلاصتيكة راه فيها
ياسمين: شوية و نجي
مشات من حداه و هبطات لتحت بالدريجات الصغار و خرجات فكولوار طويل فيه غرف نوم و بقات كاتقلب على لي مصبوغ بالأسود حتا لقاتو و دخلات ليه كان مضلم ضوء خفيف لي كايتخللو و ريحتو رجولية اامنضر ديالو كايوحي بلي مولاه منطوي و شخص صارم... لقات لبلاستيكة و هزاتها لقات مايو بياس وحدة فالغوز مفتوووووح مشبك من جيهة الكرش ستيلو زوين و انيق.... حيدات لكسيوة و لبساتو و طلقات شعرها و بقات بصندالتها لعالية و خرجات من لبيت كاتلوا و تحركها عاحبها راسها حتا طلعات لفوق و شافها سليم و هو يتكوانسا و بالخف طار عندها جرها من خصرها لعندو
سليم: اش هادشي لابسة ستري راسك
ياسمين:سليم هانتا غاتقلقني منك تاني
سليم: مينة انا باغي مصلاحتك ستري راسك
ياسمين: طلق مني
سليم: (تنهد) نهبط نعوم معاك
ياسمين:لا شكرا
طلقات منو و مشات مقلقة لعند غيث لي كان شاد فالحدايد و عاطيها بالضهر و كايشوف فالبحر
ياسمين: هاني جيييت هههههه
غيث: باغة تعومي !
حركات راسها بالإيجاب و مشا هو عند القبطان قاليه يوقف ليخت و هبطان ياسمين و معاها غيث و تبعاتهوم لكليكة ما عدا سليم لي بقا كاعي جالس فاليخت

بقاو كايعومو و يلعبو فوسط لبحر حتا عياو و طلعو لقاو لغدا واجد حيتاش كاينة خادمة تما طيباتو ليهوم تجمعو على طابلة حطوها فسطح ليخت و بداو كاياكلو و كايضحكو و سليم بزز باش كاياكل هو كايشوف ياسمين و غيث كايضحكو مع بعضياتهوم و كايصبر راسو بالهضرة لي كانت قالت ليه ياسمين بلي باغة غير تخرجو من الإكتئاب لي فيه...كملو لماكلة و تفرقو كل واحد فين مشا و استمتعو بوقتهوم مزيان حتا بدات كاتغرب الشمس و شافو المنضر الساحر ديال الشمس كاتمشي و كايتحول لون السما لبرتقالي و برد خفيف كايضرب فوجههوم منضر رومانسي كل كوبل كايتمعشقو مع بعضياتهوم و ياسمين ساهية فالمنظر عاجبها لحال و غيث حتا هو و حس براحة... ر كملات لعشية و رجعو فحالهوم محملين بذكريات لا تنسا.
يقاو كايجليو النهارات كل مرة فين غاديين حتا كتاشفو سان خوان مزيان و شافو كاع المآثر ديولها و باش كاتميز بورتوريكو و ليوم غادي يرجعو جمعو لي باكاج ديولهوم و مشاو لمطار لقاو الطائرة كاتسناهوم ركبو فيها و هي طلع و بقاو كايشوفو فالمدينة لي دوزو فيها وقت زوين و استمتعو فيها .
بعد ساعات وصلو للمغرب و تحطو فالرباط و بنادم حداهوم كايهضر بالدارجة لقاو طوموبيلاتهوم فالحفض و الصون توادعو حيتاش كل واحد غادي يرجع لدارو و مشات ياسمين عند غيث لي كان كايهضر مع رجالو
ياسمين: غيث ممكن دقيقة
دار عندها غيث و شدها من يدها و مشاو لبلاصة وقفو فيها بجوج
ياسمين: مازال غادي تمشي لدبي
غيث:(ابتسامة جانبية) مازال ماعرفتش
ياسمين: و شكون غايعرف
غيث: ههههههه حمقة (خربق ليها شعرها) ماغاديش ا لبرهوشة مازال هنا
ياسمين: بصح بصح 😍
غيث: واييييه هههههه بيناتنا تيلي وقتما بغيتي نتلاقاو عيطي ليا
ياسمين: واخا صافي غانبقاو يوميا نخرجو انا وياك
غيث: هههههه واخا ا لالة مايكون غير خاطرك (غمزة) سيري دابا لدارك باش تنعسي راه ليل كولو و نتي حالة هاد لعينين
ياسمين: واخا صافي ليل نتلاقاو
غيث: واخا صافي
ياسمين: يالاه بااااي(باستو فحنكو)
مشات ياسمين فرحانة و رتاحت شوية عارفة راسها معجبة بيه و كاتعتابرها حاجة عادية حيت اي وحدة غاطيح فيه حيت فيه لمواصفات لي تبغي اي وحدة و لي شافتو يعجبها من النضرة و هي عارفة بلي ماعمرو يكون ليها حيتاش قلبو و عقلو مازال مع خطيبتو الميتة و لكن ماتلوموش حب دام ل أربع سنوات مايمكنش تجي هي و تمحيه فسيمانة و متقبلة الأمر لواقع و يكفيها انه فاش كايكون معاها كايضحك من قلبو و كاينشط و كاتحيد منو الكآبة لي فيه بحال الا هي انزيم السعادة عندو.
ركبات فلوطو ديالها و مشات مكسيرية لدارها غير طلعات دخلات حطات راسها فوق المخدة و هي تفكر فاش نعسات فوق صدرو ليل كامل نهار كانو سكرانين و ماكرهاتش كون بلاصة لمخدة كان صدرو فقرارة نفسها اتاخذت قرار بلي ماتبغيهش باش ماتعدبش راسها و قلبها حيتاش عارفاه ماغاديش يبغيها و دايرها مجرد صديقة لي ماعمرها تكون حبيبة.... بقات كاتقلب و تفكر حتا تسدات عينيها و نعسات

دخل غيث بلوطو ديالو مع لباب الرئيسي ديال لفيلا و حطها فالكاراج و هز فاليزتو و كايصفر و يدندن لابس سروال بلو مارين مع صمطة كحلة و قميجة كحلة مزيرة عليه حال الصدافي لفوقانيين و طاوي لكم حتال للمرفق و داير نضاضر رايبن كحلين و لابس صباط اسود لامع و جار فاليزتو دخل مع لباب ديال ليفلا و لقا جوري جالسة فوق لفوطوي كاتسناه غير شافتو طارت عليه عنقاتو و تلقا ليها هو بالأحضان
جوري:توحشتك بزاف
غيث:(كايضور بيها) ماتصوريش قداش انا
حطها و باس ليها راسها و يديها و هوما يهبطو خوتو و شهاب و إيلينا لي شرفات و الشيب بدل لون شعرها
شهاب: اهلا اهلا اهلا
غيث:(ضحكة جانبية) لواليد
شهاب: مشيتي شكل و رجعتي شكل
جوري: بسم الله عليه
شهاب: ياك غانتعين فولدي هههههه (عنق غيث) ا توحشنا هاد الضحكة ا صاحبي
غيث:ههههه اوا هاهيا رجعات
ليث: بقات بلاصتك (عنقو)
غيث: كانمشي لدبي بشهورا و ماكاتوحشونيش و دابا غير سيمانة غبرت عليكوم درتو لينا فيلم هندي
قمر: ها مول اللسان السليط رجع
غيث: سكتي ولاننننن.....(عنقها)
قمر: علاش تقدر شي حاجة و بابا كاين
غيث: نقدر نبجغك ههههه (زير عليها)
قمر:(تقجات) عت...عتقوني..غي...غ..غيث
ليث: (فكها) ا صاحبي بشوية على الدرية راه غير عضيمات
غيث:(طلقها) غير المحبة هاديك (غمزة) تيتيزة ديال لفاميلة (عنق إلينا)
إيلينا: كاتصبغني هههههه الله يرضي عليك ا ولدي
بعد هاد اللقاء جلسو فالصالون فرحانين كاملين حيتاش غيث رجعات ليه الضحكة و رجع كايقشب معاهوم كيفما كان و جوري مخشية فولدها و رجعات فيها الروح فاش شافتو فرحان (الله يسمح لينا من لواليدين)
شهاب: (داير رجل فوق رجل و مسرح يديه) اش سباب هاد التغيير (غمزة)
غيث: والو غير بدلت لجو شوية (ضحكة جانبية)
ليث: و هاد لجو لي تبدل سميتو ياسمينة (غمزة)
غيث:(طلع حاجبو) زيد ولد الحرام
جوري:ولد الحلال قالاك ... اللّٰه يعمرها دار داك الدري
غيث:(كايشوف فيها بنص عين) حيتاش كايوصل ليك لهضرة
جوري: و شحال من غيث عندي (عنقاتو و دوز يديه مور ضهرها)
شهاب: ايييه ا لالة لحتيني انا لتوش حتى يخليك ولدك و يرجع لدبي و جي ديك ساعة قلبي عليا
قمر: احم احم كانشم ريحة لغيرة
ليث: كايغير من ولدو
إيلينا: واخا ماكنتش معاكوم فاش يالاه تولدتو و لكن على ما عاودات ليا جوري بلي غيث كانت متعلق بشهاب و ليث متعلق بجوري و دابا لعكس
جوري: ليث تعلق بيا حيت كنت معاه ففترة لعلاج من السرطان لي كان فيه داكشي علاش ا ماما و ولادي كولهوم عندي بحال بحال من كبيرهوم لصغيرهوم و باباهوم هو لول بيان سيييغ
شهاب: الله يجعلني نتيق
الجميع: هههههههههههه

بقاو مقشبين و خالقين السعادة من والو و كل خطرة واحد يطلق هضرة كايخليهوم يموتو بالضحك حتا كاتضرهوم عضلة الفك ماحبسهم غير الغدا لي طاب و تجمعو على السفرة لي محطوط فوقها كل ما لذ و طاب من جميع الانواع و كاياكلو و يضحكو و مرة مرة يشدو فشي واحد حتا كملو غداهوم و طلع كل واحد باش يرتاح شوية و غيث طلعو ليه لفاليز ديالو لخادمات لمكلفين بالغرفة ديالو و ستفو ليه لحوايج ديالو كيفما كايبغي و طلع هو دوش على لخفيف و لبس بوكسر و شورط و نعس حيتاش عيان ليل كولو مانعس ماشافو حيت بقا سهران مع ياسمين لي ولات حاجة مهمة بالنسبة ليه و لقاها سند ليه و كاتخفف عليه آلامو.
طلع ليث للبيت ديالو و نعس فوق لفلااش و هز لبيسي خدام فيه حتا سمع لباب تحل و هز راسو لقاها قمر
ليث: حبيبة
قمر: (جات حداه) بب اش كاتسنا
ليث: ف اش!
قمر: فموضوعنا ويلي !
ليث: (حط يديه على خدها) حبيبة راه غيث يالاه رجع واش بغيتيني نقولها ليهوم ديك الساعة راه خاصني نختار وقت مناسب و مورالهوم يكون مزيان فهمتي ! باش ديك الساعة 50% غادي يتقلبوها و من بعد انا غادي نقنعهوم
قمر: اوفففف (عاقدة حجبانها)
ليث: غير صبري ا حبيبة مابقا قد مافات راه ماتتصوريش قداش انا باغي نشوفك لابسة ليا الأبيض و ناعسة حدايا (باسها) و لكن داكشي شوية بشوية
قمر:(حطات راسها فوق صدرو) وليت منوية غير بوحدي فاش كانشوف فيك كانقول دابا غايعيق بينا بابا ولا ماما
ليث: ماغاديش يشكو حيت عارفينا موالفين من الصغر و فينما كانكون كانكون معاك غير تهناي ا زين ديالي
قمر: ماغاديش نتهنا حتا تكون ليا
ليث: انا ا حبيبة ديالك (باسها)
قمر: كيف غادة لخدمة!
ليث: كيف ديما بيخير و نتي مازال ماهداك الله ترجعي لعزف البيانو
قمر: مازال
ليث: مال حبيبتي مالها مابقاتش حاملة لبيانو لي كانت كاتبغيه كتر مني هين !
قمر: حتا نرجعو ل ريو و نشوف
ليث: توحشت نسمعك كاتعزفي ليا شي مقطوعة من هاد الصبيعات (باسهوم)
قمر: اوا حتا نرجعو و تسمع 😄
ليث: اوكي بب (باسها) و رجعي حتا لبروفات ديولك و العروض لي كنتي فيهوم راه واخا لقاو لبديل ماغاديش يلقاو ماحسن منك
قمر:حتا نفكر(باستو) هاني مشيت ندير لامارش (ناضت)
ليث: ماتبعديش حدك لغابة و لي كارد معاك
قمر: ضاروري بب ... باااي

تعاشت لعشية و ظلام الحال و فاق غيث كايتكسل بعدما شبع نعاس خاشي وجهو وسط لمخاد و ناعس على كرشو و هو يحك عويناتو و قلب وجهو جيهة الشرجم و بان ليه الضلام و برد خفيف كايدخل من الشرجم كايضرب فيه و هو يبان ليه خيال زمرد قدامو لابسة كسوة طويلة فيها وريدات و كاتضور فرحانة و شعرها الأود من الليل الطويل واصل لخصرها كايميل معاها فكل حركة دارتها... بقا غيث متبع الخيال حتا غبر من قدامو و ناض مالقهاش و عرف بلي داكشي غير هلواسات ديال النعاس و استعاذ من الشيطان و دخل لدوش غسل وجهو و بقا كايشوف راسو فالمرايا و هو يتفكر ياسمين و خرج من طواليط هز تيلي ديالو و تلاح فوق لفراش حتا تحرك لفراش بالجهد ديال غيث و دار يديه مور عنقو و سرح رجل و طوا رجل... بسرعة دوز لمكالمة و صونا الخطرة لولا حتا برد قلبو و ماجاوب حد و عاود صونا تاني و هو يتشد
ياسمين: الوووو (بصوت تقيل)
غيث: مازال ناعسة
ياسمين: غيث(فرحانة)
غيث: هههههه معكازة مع راسك هادي هي نخرجو ليوم بففففف
ياسمين: (بصوت تقيل) شوية و نوض
غيث: سيفطي لادريس ديال دارك و انا غانجي عندك
ياسمين: واخا صبر (كاتفوه) انا غانسيفط ليك باغ ميساج
غيث: واخا هاني كانتسنا تتعطلي عليا نعرفك نعستي ا لمعكازة
ياسمين: واخا (عين محلولة عين مسدودة)
قطعات عليه و بكتبات لادريس ديال دارها فميساج و سيفطاتو و لاحت تيلي و ناضت مبوقة بالنعاس حلات باب الدار شوية و رجعات لبيت النعاس كملات نعاسها اما هو فغير توصل بالميساج شافو و ناض حل لماريو ديالو و ضرباتو ريجة زمرد لي باقة فحوايجو مابغاتش تتحيد و جبد سروال جينز زرق مغلووق مع تيشورت أسود لاصق عليه مبين تفاصيل جسمو بدقة و لبسهوم و دار ريحتو و مشط شعرو و لبس ساعة فيديه كحلة كلاص و دخل السنسة ديال النقرة تحت التيشورت باش ماتبانش و جبد سبرديلة سوداء نايك اخر ماخرج فالسوق و هز تيلي و خرج من لبيت بالخف مالقا حد لتحت و ما جيهة لباركينك مشا باتجاه بورش كحلة ماط اخر موديل مجهزة بكولشي و حديثة... هز لكونطاك و ركب فيها و دار سيلونس ليها و خرج من لفيلا و جبد جبدة وحدة حتا وصل للعمارة فين ساكنة هي و بلاصاها و هبط دخل من العمارة و طلع مع سانسور حتا وصل للإيطاج فين كاينة دارها و قرا رقم الدار و مشا ليه بغا يدق و لقا لباب مردود و دخل
غيث: جاسمن... جااااس
بقا داخل و كايعيط و دخلو الشك و ضن بلي شي واحد دخل لدار من لقا لباب محلول و بقا كايتسلت حتا مالقا حد فالكوزينة و الصالون و دخل لبيت النعاس لقاها ناعسة على كرشها و شعرها محلول و طاوية رجل و مسرحة لوخرا و هو يشوف فيها بقا كايضحك عليها

مشا حداها بخطوات صغيرة و جلس فوق الفراش و هي ناعسة و حيد ليها الشعر على وجهها و بدا كايفيقها بهدوء
غيث:جاااس جاسمين فيقي
ياسمين:😴
غيث:جاس فيقي راك خمرتي
ياسمين: (بدات كاتفيق) خليني
غيث: (حيد السبرديلة و نعس حداها) ياك نتي بغيتينا نخرجو اش تبدل دابا
ياسمين: النعاس زوين
غيث: حتا انا زوين
ياسمين: و بزاااااف (حطات راسها فوق صدرو)
غيث: حضي راسك لانولي كانعجبك
ياسمين:(مغمضة عينيها) و الا قلت ليك بلي راه كاتعجبني
غيث:(تحرك و ناضت شافت فيه) غانقوليك عادي يكون اعجاب بيناتنا حيتاش كانكترو مع بعضياتنا و كانرتاحو لبعضياتنا (رجعات حطات راسها فوق صدرو)
ياسمين: خلينا ليوم هنا بلا مانخرجو عجبني صدرك قاصح بزاف
غيث: ههههه مالك بغيتيه يكون بحال ديالك الريشبوند 😂
ياسمين: و مالو كيف جاك زوين رطب و بيض و العبار عندو هو هاداك
غيث: صنطيحة صافي مابقا ليك غير توصفي ليا شكلو
ياسمين: اصلا راك شفتي لا فورم ديالي فلابلاج زوينة ياك
غيث: من ناحية زوينة راه زوينة (كايدوز يديه مور ضهرها) و لكن
ياسمين: و لكن اش 
غيث: لا صافي والو
ياسمين: (ناضت) لا قول
غيث: ماغاديش يعجبك لحال
ياسمين: غير قول
غيث: و لكن وجهك ماجايش مع الجسم ديالك
ياسمين: كيفاااش 😒
غيث: عندك جسم مرا متاكمل النمو و لكن الوجه طفولي هههههه
ياسمين: يخخخخخ طيرتيها مني خلعة كيصحاب ليا فيا شي حاجة عوجة (رجعات فوق صدرو)
غيث: لا كولشي زوين مهلية فراسك كولشي فيك هو هاداك بصحت راجلك المستقبلي
ياسمين: نسولك و ماتتقلقش
غيث:سولي
ياسمين: دابا نتا ماغاديش تتزوج ماغاديش تحاول تبغي من جديد شي بنت
غيث: لا مابغيتش جربت مرة وحدة و كليتها فقلبي
ياسمين:(تقرصات) عاود ليا على حياتك قبل ماتعرف زمرد
غيث: كانت كلها بنات فبنات كانعاشر غير مع الممتلات و المغنيات و عارضات الأزياء
ياسمين: نتا لي كاتمشي عندهوم ولا هوما لي كايجيو عندك!
غيث: هوما لي كايجيو عندي عمرني عقلت على راسي تبعت شي وحدة حتا جات زمرد (تنهد) كنت متكبر ماكانتعاملش مع بنادم هاكدا الضحكة كاتشوفها غير عائلتي صافي و لباقي التخنزير و لبنات غير كانمارس معاهوم و صافي و الى كانت شي حفلة كانجيب معايا شي وحدة سي تو أما لافامي و لاموغ نو امبوسيبل و كنت كاندير ليهوم فحص عام لذاتهوم باش نتأكد بلي مابيهوم والو
ياسمين: اخر مرة مارستي امتا كانت
غيث: قبل مانشوف زمرد بنهار
ياسمين: (ناضت مصدومة) يعني قبل 4 سنين 
غيث: ويي... عاودت ليها على حياتي و وراتني طريق الله و بلي داكشي حرام واخا كنت عارف و لواليد ربانا بلي داكشي حرام و لكن الشيطان لعب عليا و زنيت مامرة ما جوج الله يسمح ليا و صافي... و نتي عاودي ليا شوية عليك

ياسمين: انا ههههه سولني
غيث: عاودي ليا على خياتك من لول حتال للخر
ياسمين: هممممم اوكي... انا لبنت لي كبرات فالثروة و الخدم و الحشم لي حليت عليها فمي كاتحضر تولدت و فمي معلقة ديال الذهب حيتاش الثروة فعائلتنا كانت متوارثة ي كايورثها لشي و كل واحد كايزيد يكبرها أكثر... لمهم انا لبنت الوحيدة لعائلتي كانت عندي توأم و لكن ماتت قبل ماتولد و هادشي سبب لماما فمشاكل فالرحم فإضرطرت تحيدو و بقيت عندهوم غير انا و كانو دايريني فعينيهوم طارت ياسمين جلست ياسمين كلات ياسمين كولشي كايراري بيا حيتاش الوريثة الوحيدة هي انا... قريت الإبتدائي فمدرسة بريفي مع ولاد الوزراء و الهاي كلاص و غير اللغات العالمية باش كاندويو ماكايناش العريبة و الدارجة... كملت الإبتدائي و طلعت الإعدادي و بديت كانكبر و هرموناتي كاتتبدل و عقليتي و حيتاش ديما معايا لي كارد ماكانوش كايخليوني ندير شي حاجة داكشي علاش وليت متمردة كانسلت و نخرج و نخليهوم كايقلبو عليا دوزتها عليهوم فالإعدادي و لكن قراية و طلعت لثانوي تما بانو مفاتني و الصدر و الطرمة و مقابلة السبور و الماكلة الصحية و كنت كانبان بحال شي وحدة فالمدرسة كولشي باغي يتصاحب معايا و انا كان كايعجبني واحد حشومي داخل سوق راسو حيتاش باباه خدام عند شي وزير و طلبو باش يدخل ولدو تما و كانو ديما حاكرين عليه حيتاش باه غير موضف عادي و كنت كانعاونو من بعيد و ماعمرني عتارفت ليه بإعجابي ليه... بقيت هاكداك حتال السنة الأخيرة فحفلة آخر السنة و عتارفت ليه بحبي ليه عرفتي اش قاليا
غيث: اش قاليك!
ياسمين: قاليا نتي ملكة المدرسة و انا مجرد خادم فيها مقامك و مقامي ماكايتساواوش و لي شافك معايا غادي يضحك عليك و طيح صورتك قدام الناس و انا مابغيتيش ليك هادشي بغيت نشوفك ديما لفوق مانكدبش عليك كاتعجبيني حتا نتي و لكن نتي بحال القمر زوين و لكن بعيد و مانقدرش نوصل ليك و نشدك
مالقيت مانقوليه و استأذن مني بكل احترام و مشا فحالو وش ديت لباك و بقا فبالي و قريت التدبير و التجارة و التسيير حتا شديت لاليسونس و خدمت مع بابا
غيث: باقة كاتبغيه!
ياسمين: لا ههههه كان غير حب مراهقة صافي
غيث: و مادرتيش شي غولاصيون
ياسمين: سي تصاحبت مي غير تدواز وقت سي تو
غيث: و غولاصيون سيكسييل
ياسمين: انا باقة فييغج ماعمرني ماخليت شي حد قاصني
غيث: برافو هههههه مافيكش جوع
ياسمين: فيا نطلبو شي حاجة من الزنقة
غيث: لا نوضو نطيبو
ياسمين: ماكانعرفش
غيث:هههههههه انا نوريك غير يالاه
نوضها بزز و مشاو لكوزينة جبد لحم حاطاه فالفريكو و حطو باش يطلق من الثلج و جبد خضرة و بدا كايقطع و هي كاتجيب ليه لي حتاج و سلق الخضرة و اللحم قطعو لجوج طروفة كبار و حطهوم فمقلة فهق البوطة و بجا داكشي كايطيب و ياسمين متبعاه كيفاش كايدير حتا كملو و تعاونو على داكشي حطوه فوق الطبلة و بداو كاياكلو
ياسمين: هادشي بنين ا شيف غيوش
غيث: ههههه بالصحة و الراحة
ياسمين: فين تعلمتي تطيب
غيث: تازوفريت علماتني كنت غايش شي يامات بوحدي بلا خدامات بلا والو و ماكلة الزنقة كاتمرض و اضطريت نتعلم و نتي منين كاتاكلي
ياسمين: كل مرة منين مرة الزنقة مرة فالفيلا عند ماما و مرة مع سليم مرة مع بابا
غيث:واش واليديك مطلقين!
ياسمين: هههههه لا لا غير بابا فاش كايجي للخدمة كاتعطيه ماما بواطة فيها لماكلة باش يتغدا فالشركة بلا مايحتاج يمشي لشي ريسطو فهمتي
غيث: اوا بقاي توضحي الله يرضي عليك

كملو عشاهوم و هوما كايضحكو ناشطين و راميين الهم موراهوم ناضو بجوج حطو لماعين فالغسالة ديالهوم و ريكلوها و مشاو لصالون شعلو التلفازة لقاو فيلم ديال الرعب بادي The Conjuring و طفاو ضو و جلسو كايتفرجو غيث منتابه مع الفيلم و مركز و ياسمين خايفة و مامبيناش ليه ...جالسة جامعة رجليها و مخبية فراسها و مرة مرة كاتطلع راسها كاتشوف شوية و تهبط راسها و كاترجع تتفتف (لفيلم ماكايخلعش بزاف عادي) رض ليها غيث لبال و شافها حادرة راسها و كاتقلب جنابها
غيث: خلعك!
ياسمين: هااااا 😨 لا عادي هادشي كاع ماكايخلع (كاتهضر بثقة)
غيث: هممم شدني لعطش جيبي ليا عافاك شي كاس ديال لما
ياسمين: راه لكوزينة سير راسك
غيث: من يديك غادي يكون أحلى (غمزة) يالاه جاس ولا ياكما خايفة راه غادي يجي ليك الشبح 😂
ياسمين: (ناضت) شكون قاليك انا مخلوعة هاني غادة يالاه
غيث: عنداك راه غادي يدبحك فالكوزينة
مشات خايفة و الضلام زاد كمل الباهية و الضو بعيد و بقات غادة كاتجر رجليها و كل شوية كاتضور حتى وصلات للكوزينة و شعلات الضو و تنفسات الصعداء
ياسمين: اوفففف اش بيني و بين شي أفلام كون غير مشيت نعست (كاتقلب جنابها) ياسمين ماكاين والو تكالماي اوف اوف
هزات قرعة ديال لما و خواتو فكاس كبير حتا عمر و هو يطفا الضو بوحدو و هي تشدها الرعدة من راسها حتال رجليها
ياسمين: شكون طفا الضو !! غ...غغ..غيث 😨 غيث بلا تفلية
مشات بجنب حتا وصلات لبرسز جيال الضو وركات و مابغاش يشعل بقا طافي و هي تخلع أكثر
ياسمين: غيث فينك غاااااايث😰 غيث هادا ماشي ضحك (خارجة من لكوزينة) غاااااايث فينك
بقات غادة و كاتعيط حتا وصلات لصالون مالقات حد و هي تخلع كتر و الضو طافي و السكات فالدار
ياسمين: غيث حرام عليك و الله عافاك خرج بلا مزاح راه قلبي غايسكت
بقات غادة و قلبها كايضرب و مخلوعة و لقات عصا ديال الشطابة و هزاتها و رجعات لبيتها و هي مسندة على لحيط و مخلوعة هزات تيلي ديالها و دارت لبيل و بقات غادة مضوية و كاتعيط و لعصا فاليد لوخرا شوية سمعات الدقان
ياسمين: شكوووووون 😰 شكوووووون
مشات للباب حلاتو مالقات حد و هي تزيد تخلع غير بعدات شوية سمعات تاني الدقان
ياسمين: وا شكوووون اهئ اهئ اهئ 😭😭 (شداتها لبكية ) ناري غانموت شكون كايدق (الدقان مستمر)

ياسمين: (كاتشهق) بعد منيييييييي مابغيتش نمووووت غاااااااااايث 😭😭
....:(صوت غليض) حلي لباااب
ياسمين: وا لاااااا (حطات يديها على ودنيها) غااااااااااااايث 😭😭
......:(ضحكة شريرة غليضة بزاف) ههههههه غادي تندمي على النهار لي تولدتي فيه
ناضت و وجهها حمر بالبكا و هزات تيلي و الشطابة تخبات فالكوزينة و هزات موس تقنات حتا سمعات لباب ديال الدار كايتزدح بجهد و شوية كان سكات و الهدوء بقات جالسة و كاتسمع و كاتنقص تدريجيا من لبكا و هي تشجع و ناضت متكية على لحيط و غادة هازة تيلي و الشطابة و موس ديال تقطاع الخبز 🐸 و غادة حتا خرجات من لكوزينة و السكات هو لكاين النم ماكايتسمع و هي تخرج فالصالة و بان ليها شخص لابس إزار بيض عاطيها بالضهر و فاش ضار بان وجه كايخلع كاع مشروط و عامر دم و كايضحك و الشعر مشعكك و جاي جيهتها و كايضحك بجهد بلا يدين و ليزار مغطي الرجلين و ليزار عامر دم غير شافتو ياسمين و طلقات غوتة كاتصمك لودن و دموعها بداو كايهبطو تاني و لاحت لموس و الشطابة و مشات كاتجري و دخلات للكوزينة و داكشي تابعها مالقات فين تهرب و هي تحصل فالكوزينة معاه
....: قلت ليك حلي (صوت غليض كايخلع) ههههههههه
ياسمين: بعد منيييي غااااااااااااايث عتقنيييييييي 😭😭😭😭
....: غيث ماات قتلتو و ها دمو فحوايجي
ياسمين: مايمكنش 😭😭 (تصدمات)
ضارت و لقات كاسرونات و المعالق و بقات كاتلوح على داكشي و كايضحك و كايقرب جيهتها
.....: عندك شي حاجة باغة تعتارفي بيها قبل ماتموتي (صوت غليض) شي زبلة شي شفرة
ياسمين: (كاتبكي و كاتنخصص) كنت كاناكل التراب فاش كنت صغيرة (جمعات فقنت مخلوعة و حادرة راسها) أشهد أن لا إلاه إلا الله و أشهد أن محمدا رسول الله
بقات كاتردد الشهادتين و هي غاتموت بالخلعة حتا سمعات ضحكة ماشي غريبة عليها و هي تهز راسها و الدموع معمرين وجهها و حالتو حالة و الخنونة هابطة و هو داكشي بدا كايحيد فاليزار لي لابس و هو يبان ليها غيث لابس داكشي و وجهو عامر مكياج و كايموت عليها بالضحك و هي تنوض كاعية
ياسمين: اش كايصحاب ليك راسك هااا دوي 😡 اش هاد التبرهيش شنو باغي تخلعني هانتا خلعتيني و من بعد اش ستافدتي كنتي غادي تسكت ليا قلبي صافي هادا هو مبتغاك ا دوي ولا عرفتي شنو ماتدويش سير فحالك
غيث بسرعة جمع الضحكة و عرفها تقلقات حيتاش تخلعات مزيان و مشات و خلاتو واقف فالكوزينة و مشات لبيت نعاسها كاتبرد على راسها الخلعة لي كانت فيها

مشات ياسمين تخشات ففراشها و تكورات و بقات كاتمسح دموعها و تهدن راسها حيتاش فغيمون تخلعات بزاف و هو يدخل غيث عندها للبيت مشا لفوق لكوافوز و هز ديمايكيون بعدما طلق الضو فالدار و مشا لطواليط مسح ديك الحال لي دار فوجهو و رجع عندها لبيت لقاها مجموعة و ناعسة عاطياه بالضهر و مغمضة عينيها و الدموع هابطين بوحدهوم من عينها و هي تحس بيه نعس حداها و قرب ليها حتا ولات النفس ديالو كاتضرب فعنقها و خشا راسو تما و حط يديه على خصرها و جرها لصدرو
ياسمين: طلق مني
غيث: ماطالقش منك
ياسمين: (بدات كاتركل) بعد منييييييي
غيث:(زير عليها) غاتبقاي هنا حتا تسمحي ليا
ياسمين:مامسامحاش ليك خليني دابا بغيت نعس غدا خدامة
غيث: وا صافي سمحي ليا راه بغيت غير نضحك معاك
ياسمين: ماشي ضحك هاداك راه تبرهيش
غيث: هاني تبرهشت معاك عادي مع لعلم ماعمرني تبرهشت مع شي وحدة ولا ضحك ليها
ياسمين: من غير زمرد 😒
غيث: احم يا صافي بلا قصوحية الراس راه بغيت غير نشد فيك
ياسمين: تشد فيا مالي حيط
غيث:(عاق بيها بدات كاترطاب) حيط منوض ليا الآرارة فراسي ههههه واش من نيتك كنتي كاتاكلي التراب
ياسمين:هيهيهيهي فاش كنت صغيرة كان كايسطيني 😍
غيث: كنت كانتسناك تقولي ليا سرقت شي حاجة ولا كدبت ولا شي درتي موصيبة كبيرة و نتي كاتقولي كليت التراب راه ماقديتش نصبر و طلقت الضحكة
ياسمين: كيفاش درتي هادشي كلو راك تقنتيه ا لبغل
غيث: لبغلة هي نتي السبان هادا 😒
ياسمين: هيهيهي غير نضحكو اوا قوليا
غيث: فاش كنتي حدايا كنتي غير كاتفتفي و عرفتك مخلوعة ديك الزعامة كولها مشات هههههه هي فاش درت السبة بالما و غير مشيتي نضت انا طفيت تيفي و هزيت ليزار و لبستو و مشيت قطعت الضو من الديجانكتور و خليتك ملهية فالضلام و ضويت بالبيل و دخلت لبيتك هزيت لمكياج لي غانحتاج و مشيت لطواليط كانقاد على خاطري داير لبيل و خدام مهني عارفاك بلي ماتقدريش توصلي لطواليط 😂 حيت مخلوعة و كملت شغلي و بديت كاندق من لداخل و كانتخبا هي فاش حليتي فلول و مالقيتي حد و فالتاني سمعتي صوتي تبدل عندي واحد لابليكاسيون فتيلي كاتبدل الصوت (بصح كاينة و لواليد عندو) و بديت كاندوي منها و نتي مضهشرة غير بوحدك هههه و من بعد راكي عارفاه بنت ليك و بديت كانهضر معاك سي تووو
ياسمين: حشومة عليك و الله من صغري و انا كانخاف من هادشي و ليوم كنتي غاتستكت ليا لقلب ماشي حشومة عليك
غيث: يا لحمقة داكشي لااه غير مكياج و مؤثرات بصرية و صوتية باش كايتقاد داكشي داكشي غير خزعبيلات و نتي مدهشرة مابقا غير لبولة تطلقيها
ياسمين: بعد مني يخخخخ
غيث:(زير عليها) سمحتي ليا بعدا !
ياسمين: حتال غدا و نقولك
غيث: انا بايت معاك هنا يالاه 
ياسمين: بات شغلك هاداك
غيث: ماخفتيش نغتاصبك (ضحكة جانبية)
ياسمين: عندي صمطة كحلة مانخافش على راسي
غيث: و الله و تكون عندك حتا الصمطة فالخنوني بارد يا الى بغيتها فيك حتا نشدك ههههههه نعسي ا بنتي نعسي
طلقها و حطات راسها فوق المخدة و غمضات عينيها و حتا هو نفس الشيء

فنص الليل حلات ياسمين عينيها لكبار و بقات كاتضور فعينيها و بلان فراسها و غيث موراها ناعس و حاط يديه على خصرها و جارها عندو و هي تدور بشوية حتا شافتو ناعس و بغات تزيد تتأكد
ياسمين:(بهمس) غيث واش فايق غيث!
غيث: 😴
حطات يديها على وجهو و قاصتو و لقاتو ناعس كاع ماعايش حيتاش نعاسو تقيل بحال جوري بقات كاتشوف فيه و ضو خفيف لي كاين بالكاد كايبانو ليها ملامحو كايبان حرش حتا فالنعاس و لكن مني كاتعرف عن قرب كاتلقاه رجل بقلب طفل صغير مازال باغي يضحك و يقشب و يعيش... بقات كاتشوف فيه و هي فكل نضرة كاتروي عطشها و كايزيد إعجابها بيه أكثر و أكثر و اهتمامو بيها كايحسسها بلي هي البنت الوحيدة لي كاينة و فاش كاتفكر بلي هو مازال كايبغي زمرد كاترجع للواقع و كاتخرج من الخيال لي بنات فيه أحلام ماغاتحققش.
ناضت من حداه بشوية بلا مايفيق هو و تنهدات تنهيدة عامرة بالحزن و مشات للكوزينة شربات كاس ديال لما و هي تقلب على لوقيد حتا لقاتو و هزات بريكة و مشات كاتسلت للبيت و خلات ضو ديال برا مشعول باش يبان ليها أش غاتدير و هي تمشي عند رجليه لقاتهوم بيضين و نقين و الضفار مقادين من عند ربي و كايشعلو بالنقاوة و هي تقيسو فيهوم و حركهوم و بدات كاتضحك عليه
ياسمين:فيك هر فرجليك 😂
بقات كاتهرو و هو كايهربهوم حتا تبرزط فالنعسة و هي تخليه حتاا حس بالأمان و حطات لوقيد بين صباع رجليه و شعلاتهوم و وقفات بعيدة كاتموت عليه بالضحك
ياسمين: يالاه باش تتعلم تخلعني باقي 😂😂
بقا لوقيد كايتحرق و ييغبر حتا وصل لنهايتو و قاص غيث فلحمو و هو يحرقو و ناض مخلوع
غيث: اااااايي اححححح وات ذ فاااك اش هادشي (مبوق)
ياسمين: 😂😂😂 واععععع
غيث: (قلب رجليها) واش حمقة نتي !! باغة تحرقيني واش تسطيتي!
ياسمين: (كاتهضر و تضحك) نتا ماشفتيش راسك 😂😂 باغي تسكت ليا قلبي دابا تعادلنا 😂
غيث:(جلس) اش ستافدتي دابا نوضتيني قافز و حرقتيني فرجلي (كايقلب فالحرقة)
ياسمين: (حابسة الضحكة) صافي بب ماطرا والو غير ضاحكين (قلبات ليه لحرقة) اووووه مسكين ناري حرقة كبيرة (كاتطنز عليه)
غيث: طنزي عليا سيري جيبي ليا شي بوماد ديال لحروق
ياسمين: هههههه واخا واخا صبر
ناضت كاتضحك عليه و هو كايحرك راسو يمين و يسار بمعنى لا حول ولا قوة إلا بالله جابت ليه لبوماد و دهنها فوق الحرقة و رجع تكا و دار يديه مور عنقو
ياسمين: نعس لاش متكي هاكداك
غيث: نعسي عاد ننعس مابقات فيك تيقة
ياسمين: و الله ماندير ليك شي جادة انا رضيت غير الصرف
غيث: نعسي و هنينا
حطات راسها فوق المخدة و بقات شوية حتا جاها النعاس و هو كل شوية كايطل عليها حتى شافها نعسات عاد تهنا و نعس هو

صبح الصباح و أعلن على بداية نهار جديد... فاقت ياسمين هي لولا كاتكسل و كاتحك فعويناتها و مبوقة بالنعاس ناضت بشوية و مشات لطواليط غسلات وجهها و قضات حاجتها و خردات من الطواليط مشات لكوزينة وجدات لفطور و هي باقة مبوقة بالنعاس و جلسات كاتاكل كاس عصير ليمون و توست فيه فورماج... كملات فطورها و رجعات لبيت النعاس و هي تشوف غيث ناعس على كرشو شاد النص فالفراش حال فمو و شعرو الأسود مليوح على عويناتو و لحيتو كتارت و زاد زيان فنعاسو.. بقات كاتضحك عليه و مشات للماريو جبدات سروال ديال توب كلاص باج مع قميجة بيضة مع فيست ديال السروال فالباج و صباط طالون باج عالي بزاف متلت من القدام... لبسات حوايجها و حكات سنانها المستفيين النقيين و دارت لوجهها غير إيكخون على حساب الشمس و كلوس خفيف فالغوز و فاغاجو نور ليها حناكها مشطات شعرها و طلقات على راحتو و هزات وراقها لي محطوطين فوق لبيرو حدا لبيسي و شدات وريقة كتبات فيها ملاحضة و حطاتها حدا لكوافوز لي حدا راس غيث و باستو فحنكو و خرجات و دات الساروت معاها... هبطات للتحت و هي تركب فالامبورجيني ديالها و مشات مكسيرية كيف العادة ل الشركة... بعد دقائق وصلات و بلاصات لوطو فالباركينغ و خرجات منها عاقدة حجبانها الضحكة مابقاتش كاينة حيتاش الخدمة خدمة و الضحك ضحك ماكاتبغيش تضسر عليها بنادم خصوصا هي بنت مول الشيء و المدير التنفيذي للشركة واخا بابات سليم شريك مع باباها إلا أن بابات ياسمين عندو الحصة الأكبر فالشركة.
دخلات مع الباب لكبير ديال الشركة و لي دازت من حداه كايسلم عليها و هي كاترجع السلام بكل أدب و احترام... دخلات فلاسانسور و طلعات لآخر إطاج فالشركة أو نقدرو نسميوها ناطحة السحاب حيتاش شركة كبيرة بزاف و كاتدخل الزبابل ديال لفلوس و مجهزة بأحسن مايكون . . . وصلات لفين بغات و هي تدوز على السكريتيرة ديالها
ياسمين: حياة بغيت رابور على هادشي لي داز فاش ماكنتش كولشي حتا حاجة ماتفلت
حياة: اوكي آنسة مينة
ياسمين: و بغيت قهوة تكون قاصحة
حياة: هي لولا آنسة مينة
دخلات ياسمين أو مينة للبيرو ديالها لي كان كبير بزاف طاغي عليه اللون الأبيض و الأسود و لبيرو كبير جاي جيهة الشراجم الزاجيين الكبار... مشات جلسات فوق الكورسي ديالها و شعلات لبيسي و بدات فالخدمة حتى دقات عليها السكريتيرة ديالها و دخلات حطات ليها القهوة و التقارير كاملين
حياة: مادموزيل مسيو توفيق بغا يشوفك
ياسمين: اوكي قولي ليه شوية و نجي عندو
حياة:أوكي مادموزيل (خرجات)
جغمات قهوتها و عينها فالتقارير و فالبيسي و فالوراق لي جابت معاها و مركزة و خدامة حتا فهمات اش وقع فاش ماكانتش و دغيا وصلات عليهوم و هي تخرج من لبيرو و مشات للبيرو ديال باباها توفيق شافتها السكريتيرة ديالو و حياتها ببإبتسامة خجولة و حركات ياسمين راسها كرد فعل للإبتسامة... دقات و حلات لباب و دخلات كان جالس لااجل كبير فالسن شعرو شايب أبيض عينيه كحلين باقي شاد شوية فراسو عندو لحية خفيفة طويل عندو شوية ديال لكرش لابس بذلة كحلة و مهلي فراسو
توفيق: ميناااا (ابتسامة)
ياسمين: توحشتيني ههههه (عنقاتو)
توفيق: توحشت صداعك ههههه
ياسمين: ياك ياك ههههه(جلسات حداه)
توفيق: كيف دوزتي لعطلة ديالك !
ياسمين: طوووب
توفيق: وصلات شي خبار على حساب شي واحد كنتي معاه بزاف تما (غمزة)
ياسمين: ههههه وصلوها ليك سخونة مايكون غير داك سعد
توفيق: شكون هادا!
ياسمين: ضرك راسك ههههه هادا سميتو غيث راييس راه غادي تعرف لكنية عندهوم أكبر شركة دياال بنااء محركات السيارات و مشاريع أخرى جانبية و هاد غيث عندو شركات ديال تصدير البيترول للعالم 
توفيق: هههههههه دجاجة بكامونها ا بنتي
ياسمين: بقا تحلم انا وياه غير اصدقاء انا مامزوجاش انا جالسة حداك
توفيق: غير جلسي أنتي حنا نيت ماسخيناش لعمارة الدار... ليوم لغدا فالفيلا ماماك لي واقفة على داكشي و راه سليم و محمود و باتول جايين
ياسمين:(ناضت) فاش تبغي تمشي دوز عندي (باستو) انا غادة باااااي (خرجات)

فاق غيث معطل و ناض كايتكسل و قاس الفراش حداه مالقاش ياسمسن و هز راسو من بين لمخاد مالقاهاش
غيث:(بصوت صباحي غليض) جاسمن جاسمن.. فين مشات هادي
جلس فوق الفراش و هو يتكسل حتا طرطقو عضامو و بانت ليه ورقة فوق الكوافوز
ياسمين: غاتفيق غلتلقاني مشيت للخدمة....راه لفطور فوق الطبلة و انا ماغاديش نتغدا فالدار إلى بغيتي تطيب حسب الدار دارك و الى بغيتي تخرج غير جر لباب و سدو
حط لورقة و ناض كايتكسل و مشا لطواليط قضا حاجتو و غسل وجهو و خرج مشا للكوزينة لقا توست و الحليب و العصير و الفرماج و العسل و الزيتو الخ... جلس كايفطر بالمهل حتا كمل و جمع الماعن و حطهوم فالكوزينة و هز سوارتو و سد لباب و خرج هبط للتحت و مشا لباركينك ركب فالبورش ديالو الرياضية و ديمارا باتجاه الفيلا... بعد مسافة الطريق وصل و حلو ليه لباب لكبير ديال لفيلا و دخل بلوطو و لي كارد كايضربو ليه السلام حتا وصل للباركينك و بلاصة لوطو و هبط و سمع صوت الضحك جاي من لور ديال لفيلا مشا باش يكتاشف شكون كايضحك و لقا قمر كاتعوم فلابيسين بمايو 2 بياس فالأسود و معاها شهاب كايعوم بشورط أسود واخا كبر و دخل فالخمسين إلا أنه باقي محافض على اللياقة البدينة جيالو و الحيوية و صحتو مزيانة حيتاش ماكايكمي و ماكايشرب و ماكلتو صحية و ليث ناعس فوق رولاكس بيضاء لابس شورط حد الركبة فالرمادي و حداه جوري لابسة كسوة فالأبيض فوق الركبة بلا كمام فيها غير خيط ضاير على العنق مع شابو أبيض و مرخية عاجبها لحال
غيث: السلام عليكم
شهاب:(شاف فيه)و عليكم السلام
ليث: فين كنتي لبارح
قمر: راه باينة لاش كاتسول مشا عند مولات لعيون الرماديين ههههههه
غيث: قمر 😡
شهاب: ميكي على خوك
جوري: حبيبي جلس معانا شوية
غيث: نبدل و نجي عندكوم
مشا غيث طلع لبيتو بالخف و لبس شورط رمادي قصير فيه زواقات بالبيض حيتاش حوايجو لي جاب معاه تحطو يتصبنو و هادا الشورط لي بقا و لبس تيشورت أسود بالكول بحال القميجة و خلا الساعة فيديه و حيد السبرديلة و لبس كلاكيطة ديال الدار و هبط عندهوم نعس فرولاكس
جوري:(بهمس) غيث إمتا غادي تجيب هاد لبنت نشوفها
غيث:(حل عينيه) بغيتي تشوفيها!
جوري: ااه
غيث: حتا نشوف شي وقيتة و نجيبها لهنا و بلا ماتأملو أنا وياها غير ديزامي لا أكثر ولا أقل
جوري: هممم دابا نشوفو ههههههه
غيث: احح زيانيتي ا لواليدة (غمزة) (قلب الموضوع)
جوري: شهاب شوف ولدك كايتحرش بيا ههههه
شهاب: ماشفتيش هادي لي معلقة فضهري كيفاش كاتحرش ييا هههه إلا نتي غير قولا أنا راه فعلا و ماقلتي والو ليها
جوري: ياك اوا عقل حتا تجي فليل للبيت و بقا تتبحلس
شهاب:ها حبي تقلقات
ليث: ها القلوبة كايتشيرو فالسما 
غيث: شد شي واحد منهوم ههههه
شهاب:(خرج من لابيسين) وا مراتي شغلكم فينا هههه (باسها) علاش باش جيتو نتوما غير بهاد القلوبة (غمزة)
ليث: زير ا لواليد وليتي كاتخرج ليها طاي طاي
شهاب: قلت غير لواقع ههههه غير جيتو وليتو حلالف قد هاكدا راه داكشي بالجهد ديالي و بعرقي
ليث: أنا لا (هز يديه) خرجني من لحساب هههههه
قمر: احم احم حشمو شوية
غيث: طارت الحشمة مع بااك ههههه شوفي بعدا كيف شانق على لواليدة و يبوس فيها
شهاب: اوا حتا تزوجو و ماتبوسوش
جوري: حك و صاب غطاه نتا و ولادك فوطوكوبي ديك الدريويشة لي خرجات فيا مسكينة
قمر: ياك بعدا اماما (كاتعوم)
ليث:(بصوت خفي) تعرفي ديك الدرويشة اش كاتدير يضرك خاطرك
خادمة: مادام لغدا راه وجد (حادرة راسها)
جوري: واخا سيري حطوه فالسفرة
خادمة واخا ا مادام
شهاب: يالاه تكعدو الحلقة انتهت الى لحلقة المقبلة هههههه
الجميع: هههههههه

بقات ياسمين منهامكة فالخدمة حتا سمعات الدقان و هزات راسها
ياسمين: دخل
تحل لباب و طل الأب ديالها براسو
توفيق: خلي كولشي و يالاه معايا دابا
ياسمين: واخا
حطات الستيلو و خلات لبسي شاعل و الوراق مليوحين فوق البيرو و ناضت عندو و خرجات و سدات لباب و حط توفيق يدو على ضهرها و بقا غادي معاها و هاز راسو بكل فخر بحال الا اول مرة غادي يشوفوها معاه.... خرجو برا الشركة و لقاو مرسيديس كحلة ماط اخر ماخرج السوق مبلاصية قدام لباب و حداها كاين شيفور لابس كوستيم أسود بالليكات بيضين رجل شارف و باينة فيه قديم فالخدمة... حل ليهوم لباب و طلعو و طلع هو و ديمارا و مشاو باتجاه الفيلا ... بعد مسافة الطريق وصلو و هبطو و دخلو للفيلا و هي تلقا ليهوم أم ياسمين بالأحضان لابسة فراشة فالأسود سامبل و طالقة شعرها البني دايرة ليه ديكرادي و واخا كبيرة مابيانش فيها و عينيها رماديين كيف ياسمين و كاتشبه ليها بزاف
....: بنتي كبيدتي توحشتك
ياسمين: (عنقاتها) حتا انا
توفيق: ا سعيدة راه غادي تقجي لبنت ههههه
سعيدة: بنتي و توحشتها مانعنقهاش
ياسمين: خودي راحتك (باستها)
سعيدة: كيف دوزتي العطلة !
ياسمين: زوييينة 😍
سعيدة: شكون داك الدري لي كنت كاتكتري معاه
ياسمين: وصلو ليك لخبار (جلسو)
سعيدة: اوا عاودي ليا ياك ماكاتخبي والو على ماماك
ياسمين: راه انا وياه غير ديزامي يعني أصدقااااء مابيناتنا والو
سعيدة: بصح!! احياني غير gري gري هههههه
ياسمين: و الله ا ماما الا غير ديزامي
توفيق: ميكي على لبنت شوية قالت ليك اصدقاء صافي غير أصدقاء
خادمة: مادام مسيو محمود و عائلتو يالاه وصلو
سعيدة: واخا هاحنا جايين
ناضو كاملين خرجو لباب و لقاوسليم و والدو محمود و أمه لباتول هبطو من لوطو و جايين فاتجاه لباب
توفيق: اهلا اهلا نهار كبير هادا (عنق محمود)
محمود: غير عذرني عارف راسي منيمتا مجيت للشركة
توفيق: ههههه هانية عارف لي كاين مابيناتناش حنا هادشي و زايدون ولدك فيه الخير و لبركة (رتب على كتف سليم)
سليم: منكوم تعلمت ا عمي
سعيجة غاتبقاو فالباب دخلو مرحبااا اجي ا لباتول دخلي ا حبيبتي
من بعد السلام دخلو كاملين و لقاو السفرة واجدة و جلسو كاياكلو و كايضحكو
لباتول: تبارك الله عليك ا سعيدة هادشي بنين
سعيدة: مرحبا و الف مرحبا
توفيق: اوا ا سليم كيف دازت العطلة اولدي
سليم: مزيانة
توفيق: دارت ليك الزبايل هاد المشاغبة
سليم: ماكانتش مسالية ليا
توفيق: كانت ملاهية مع هاداك ههههههه
سليم: عاودات ليك ا عمي
توفيق: لا جاتني لخبار هههههه
محمود: مازال مابغيتي تتقاعد و تخلي الدراري يشدو كولشي
توفيق: مازال باقي هههههه
سعيدة: مابغاش يتقاعد قالك حيتاش غانبقا ننكر عليه
محمود: راه كاع العيالات نكارات ههههه شد التقاعد و خرج رحلة و دير تور على العالم
سعيدة: شفتي الراجل كيفاش كايفكر ماشي بحالك عقلك غير فالخدمة
لباتول: عندو الصح ا توفيق من الأحسن تدير هاكداك راه الحياة و الموت هادي و مرة وحدة لي كانعيشو
توفيق:حتا نشوف

كملو لغدا و جلسو فالصالون مجمعين حتا لحقات الوقيتة باش يرجعو للخدمة
ياسمين: (ناضت) بسلامة عليكوم انا غادة لشركة عندي مايتدار
توفيق: يالاه هاني غادي معاك
ياسمين: لا غير خليك نتا انا لي غادي نمشي
سليم: انا غادي معاها ا عمي غير خليك
سلمات عليهوم ياسمين و خرجات برا و تبعها سليم شىفها بغات تركب فلوطو ديال توفيق
سليم: توتوتو نتي غاتركبي معايا (جرها)
ياسمين: سليم اش كاتدير طلقني !!
سليم:(ركبها و سد عليها) مالك معايا نسيتيني و وليتي كاتتجاهليني (ديمارا)
ياسمين: غير كايتخايل ليك
سليم: لا ا مينة راه كانعرفك مزيان كنتي كاتشوفيني كاتعنقيني دابا حتا السلام باليد ولا بالقياس واش درت ليك شي حاجة !
ياسمين: لااا...ركز فالطريق
سليم: اوا مالك معايا فهاد لعطلة تقلبتي عليا ا مينة انا سليم ا مينة سلييم عاقلة عليا !!
ياسمين: سليم من نيتك !
سليم: اه من نيتي حيتاش هادشي بزاف راه كبرنا بجوج ماتنسايش و ماعرفك كتر من راسي
ياسمين:(قلبات وجها جيهة الشرجم) انا هي انا مابيا والو غير كايتهيء ليك
سليم: لا من نهار عرفتي داك خينا و نتي قالبة عليا
ياسمين: غيث مادار والو و راه قلت ليك علاش كنت كانكتر معاه
سليم: و علاش جا عندك لبارح فليل
ياسمين:(شافت فيه بصدمة) كاتتجسس عليا !!!
سليم: الصمت (وصلو للشركة)
ياسمين: ماعمرني ضنيت بلي غاتدير نتا هاكدا (هبطات)
مشات سبقاتو طالع ليها الدم و طلعات للإطاج لي فيه لبيرو ديالها
ياسمين: الا جا سليم بغا يدخل ماتخليهش و الا بغا يدخل بالقوة جيبي ليه البوليس اوكي (بجدية)
حياة: اوكي مادموزيل
دخلا ياسمين و سدات لباب بالساروت و بقات كاتسوط و جلسات فالبيرو خدامة حتا سمعات الصداع و ماسوقاتش و بقات خدامة و ملامحها جدية.
تعاشت العشية و خرجات ياسمين من لبيرو دياالها و خرجات من الشركة و لقات سليم متكي على لوطو ديالو كايتسناها شافت فيه و قلبات وجهها بنفخة و مشات باتجاه لامبورجيني ديالها و تبعها هو
سليم: مينة .... مينة (شدها) سمحي ليا ماكانش خاصني نتجسس
ياسمين: كان خاصك تعرفها قبل ماتديرها
ركبات فلوطو و ديمارات خلاتو واقف

- عند ال راييس
ماسخاوش باللمة ديالهوم و مشاو جلسو فالجردة حدا الربيع الأخضر و الهوا النقي لي كايضرب فيهوم كايرض الروح... جالسين فوق فوطويات و طابلة زاجية وسط منهوم محطوط فوق منها طبق عامر بالفواكه بجميع الأنواع ديالو مستف بطريقة زوينة.
جالس شهاب فوق فوطوي لابس شورط مع تيشورت معنق جوري لي ماعمرو حبو ليها قل و ديما كايبينها ليها فكل فرصة كاتيح ليه زائد كلام الغزل و الرومانسية لي ديما كايقولو ليها و فالوطوي لحداه جالس غيث و حداه قمر و ليث و كايهضرو و يضحكو
ليث: لواليد نقص شوية من ماح ماح راه ولادك عزارا (كايطنز)
شهاب:(باس جوري ففمها) واش شغلك سير تزوج ا ولدي و قابل حلوتك
جوري:ههههههه مازال ماهداك الله تجيب لينا شي وحدة نتعرفو عليها
شافت فيه قمر بنضرات مرتبكة
ليث: (ابتسامة جانبية) لا هاد الساعة مازال فين مسالي انا لشي بنات غير الخدمة راسي ماكانلقا لوقت نحكو
شهاب:ههههه راه غاتشرف يا الزغبي و غادي تبير ليا هنا
غيث: مانخافش عليه انا بعدا شفتي ليث يكون على فراش الموت و يتزوج
جوري: قمر 
قمر: هااا 😰
جوري: مازال ا بنتي ماغاديش ترجعي للبيانو !
قمر:(تنفسات الصعداء) مازال ماعرفت
غيث: ايمتا بعدا غادي ترجعو ل ريو
جوري: عجبنا لجو هنا يعني مازال باقيين و نتا مابقيتيش غادي لدبي
غيث: لا احم(حط القبضة ديالو على فمو)
جوري: و علاش ! كان قاليا زيد بلي غير غادي ترجع غاتمشي
غيث: عجبني لجو هنا (غمزة)
جوري: احياني عليك ولدي و عارفة اش فراسك
غيث: تهناي ا لواليدة من جيهتي اوا ا لواليد كيدايرة شي خدمة
شهاب: اش نقولك اولدي مزيانة مي عندنا صفقة مع واحد الشركة هنا هي لي شادانا حاليا فهاد البلاد
غيث:ههههه هي ماشي الجو لي عاجبكوم ههههههه
ليث: كون جيتي عليا انا كون خويت ليوم قبل غدا و لكن ماعندنا مانديرو الصبر رافاييل شاد مسكين الخدمة تما هو و باقي اعضاء المجلس و انا و سي شهاب مكلفين بهادشي هنا حيتاش صفقة مهمة بزاف
غيث: اوا الله يسر الأمور
ليث: اوا كيف غادي نتا فالبيترول
غيث: ها حنا داكشي مزيان و المستشارين شادين مساكن كولشي على مانرجع (جاه ميساج)
ليث: جاوب على لميساج راه يقدر يكون من عند مولات العيون الرمادية (غمزة) هههههههه
ماسوقش ليه غيث و هز تيلي قلبو لقاه من عند ياسمين
ياسمين: 💬 اش كاتدير ! الى مسالي دوز عندي لدار
غيث: 💬 دابا جالس مع لافامي شوية و نكون عندك
سيفط لميساج و جمع الوقفة
شهاب: فين غادي!
غيث:(كايحك جبهتو) عندي مايتدار
قمر: همممممم هههههه
غيث: درتي كيف البقرة هههههه
مشا كايضحك طلع لبيتو و حل لماريو جيهة القوامج و ضرباتو ريحة زمرد حتا دخلات ليه لدماغو و ترفع و رجعو ليه ذكراياتو معاها و بقا مغمض عينيه و كايشوف خيالها غادي جاي و متبعها كاتضحك و كاتجري حتا فيقو من السهوة ميساج من عند ياسمين
ياسمين: 💬 اوكي كانتسناك ا تيتيز بلادي
شاف الميساج و حط تيلي
غيث: مانسيتكش ا زمرد و ماقدرتش غير كانحاول نتلاها و هاد لبنت هي مصدر الإلهاء ديالي كانبغيك ا زمرد و غانبقا ديما كانبغيك الجبروت ديالي جا تال عندك و تقادا و نتي حية قضيتي عليا و حتا و نتي ميتة قضيتي عليا
جبد من الماريو قميجة فالبلو مارين و سروال جينز لبسهوم و طوا الكم ديال لقميجة و لبس سبرديلة فالبلو مارين اديداس و ساعة مزينة يديه و سنسلة مزينة عنقو مدخلها تحت القاميجة و هو يهز تيلي و هبط للباركينك ركب فلوطو و ديمارا

طلعات قمر لبيتها جالسة فيه بوحدها وسط الفراش و سمعات الدقان و تحل لباب و كان ليث جا عندها دخل و سد لباب و هي قلبات وجهها
ليث:حبيبة مالك شفتك ماشي نورمال!!
قمر: والو
ليث: ياكما غاتجيك ليغيكل و قلبات ليك المورال !
قمر: الصمت
ليث:(جلس حداها) مال بب (باسها)
قمر: كانت قبيلة الفلاصة مناسبة باش تقوليهوم كولشي و مادويتيش و قلتي ليهوم فين مسالي لشي بنات نكرتيني انا ياك (ناضت)
ليث:(تنهد) حبيبة راه واخا تشوفينا كانضحكو هاكدا راه ربي لي عالم اش طاري راه الخدمة مزيراني انا و الواليد واخا كانضحكو معاكوم راه غير كانسيو راسنا و الداخل راه كايتطحن و يخمم و انا لي عارف الواليد انا لي معاه لوقت كولو و الله و نقوليه انا كانبغي قمر يا حتا يقلب علينا الطبلة غير بالفقايس ديال الخدمة خلي بعدا غير حتا تسالي هاد الصفقة و نهضر معاه بالعقل انا لي نختار لوقت اوكي بب
قمر: اوف اوففف عييت مانصبر وليت مخلوعة غير بوحدي فينما يهضرو معايا كانصفار و نخضار غير بوحدي
ليث:(شدها) من آش خايفة ! حنا ماكانديروش شي حاجة حرام انا ماشي خوك و نتي ماشي ختي يعني حلال نتزوجو و نديرو وليدات و عائلة و هادشي بالشرع يعني ربي لي عاطينا الموافقة و القانون حتا هو ماعندو مايقول بقا غير الواليد يتقنع و نتزوجو فأقرب وقت باش مايتقلب الرأي ديالهوم
قمر: و غيث !
ليث: ماتخافيش من غيث هاداك كاع مامسوق راه باقي كايفكر فزمرد الله يرحمها غير كايضحك قدامنا و صافي (باسها) اوا طليقة ضحيكة و نتي عاقدة هاد الحجبان و هاد الموضوع ماتجبديهش باقي حتا نهضر معاهوم اوكي
قمر: اوكي

وصل غيث لدار ياسمين و بلاصة لوطو و طلع عندها لدار غير صونا و حلات عليه سير بلاص
ياسمين: غيوووش 😄
غيث: غيوش ! اش هاد السمية ! (دخل)
ياسمين: ختار مابين غيوش و غيغي اسم دلع يعني
غيث:(جلس) راجل بموسطاشي و تقولي ليا غيغي من نيتك
ياسمين: يا حليلي علاش مالك و الا كنت راجل و بموسطاشك اش تبدل يا غيوش هههههه
غيث: قلبي سيجي لمهم لاش جبتيني تاني ياك ليل كولو و انا ناعس حداك
ياسمين: نخرجو نسهرو !
غيث: (تكا على الفوطوي) ماعندي مورال و الله
ياسمين: نلعبو !
غيث: قدك قدك اللعب !
ياسمين: قصدت بلايستيشن ولا بحال هاكدا
غيث: جبيبي لبلايستيشن الا عندك نلعبو كورة
ياسمين: هي لولا 😍
ناضت بااجرا و هي لابسة بيجامة بشورط و تيشورت فالرمادي فيها دببة فالوردي و جامعة شعرها كو دو شوفال و وجهها نقي خالي من المكياج و ااعيوب و فرجليها كلاكيطة. جابت البلايستيشن و ركباتو فالبلازما ديالها و خدات المانطة و عطاتو حتا هو و اكتيفاو اللعبة و ختارو الفرق و بدا الماتش كل واحد فيهوم كايغوت فجيهة و يلعب بحماس و غيث مركز فاللعبة و كايورك بالجهد و كايميل مع الكرة واخا كاينة غير فالشاشة حتا بجا كايماركي عليها الأهداف و ربحها
ياسمين: اووووووف هادشي ماشي معقول
غيث: 6 ل زيرو ا بنيتي هههههه شبعتي أهداف
ياسمين: راك غشيتي
غيث: نوضي ديري ليا ماساج عضامي ضاريني
ياسمين: خدامة عندك مثلا
غيث: خسرتي ا بنتي و دابا غادي تنفدي لي غادي نقولك نتي لي بغيتي نتبرهشو هههههه

ناضت ياسمين كاتسوط و تنفخ ماعاجبهاش لحال تمسد ليه أما هو فنعس فوق لفراش و نصل قاميجتو و بقا عريان من لفوق و ناعس على كرشو و هي دات كاتمسد ليه غير بشوية
غيث: هادا ماساج ولا تحرش
ياسمين: بزاف عليك نتحرش بيك
غيث: اوا زيري يديك و ماصي مزيان و جيبي شي زيت ريحتو زوينة و ديريه
ياسمين: واش انا خدامة ديالك
غيث: سير جيبي داكشي قبل مانوض 
ياسمين: اوووف واخا
ناضت كاتلعن دخلات لبيتها جابت زيت ديال الماساج بريحة العنبر و هي ترجع حداه و كبات شوية من الزيت و بدات كاتماسي واقفة
غيث: اش كاتديري
ياسمين: كانماصي ليك
غيث: جلسي و ماصي
ياسمين: كيفاش ندير
غيث: جلسي فوق ضهري
جلسات فوق ضهرو و دارت جسمو بين رجليها و هي تمعن فجسمو المثير كل حاجة فبلاصتها و عضلاتو قاصحين هادشي كايدل على اهمية السبور عندو... بقات كاتدير يديها على ضهرو و تجيبها و توصلها حتا لكتافو و تمسد ليه و هو مغمض عينيه مرتاح و هي كاتمتع بجسمو الجذاب حتا فيقها صوتو من سهوتها
غيث: باراكة على يديك ا لحادكة ههههه
ياسمين : هاااا !
غيث: ضهري قاصح و يديك رطبين غادي يضروك من بعد اللهم باراكة
ناضت من فوقو و ماكرهاتش تقوليه لا غير خليك ماعييتش و لكن ماقدراتش وخلاتو على راحتو
غيث: نحكم عليك تاني ولا شنو (غمزة)
ياسمين: لبس قاميجتك و هنينا
غيث: فاش كنت لابس غير لبوكسر ماحشمتيش و بقيتي كاتمنضري فيا و دابا كاتقولي لبس
ياسمين:(فخاطرها: لبس ا لمرض راه شهيتيني فيك) لا ماشي حشمت تعرا كاع نتا هانية
غيث: عارفاك مقزدرة و ماعندكش لاش تحشمي
ياسمين: اه بعدا ماما و بابا بغاو يتعرفو عليك
غيث: غير خليها على الله حتا لواليدة بغات تشوفك
ياسمين: بصح 😍
غيث: وايييه شوفي شي وقيتة السيمانة الجاية باش تشوفك
ياسمين: واخا نهار الأربعاء غانكون ليبر
غيث:صافي انا غادي نعلمهوم
ياسمين: و دابا شنو !
غيث:ماعرفتش !! شنو بغيتي تديري !
ياسمين: دابا ل 10 ديال ليل مازال لحال
غيث: شنو باغة نخرجو!
ياسمين: الى بغيتي
غيث: فين ! بلاصة عامرة نو ماعنديش مع داكشي
ياسمين: نمشيو لحدا لبحر غادي يكون لجو زوين دابا
غيث: تما اوكي
ياسمين: تسنا شوية و نجي عندك (بوسة فالهوا)
غيث: ههههههه وليتي تبوسي
ياسمين: علاش لي شاف هاد التيتيز ماغاديش يبوس
مشات كاتضحك لبيتها جبدات سروال سليم زرق مغلوق لاصق عليها مع تيشورت فالأبيض كايتلبس طايح من واحد لكتف و حدو لكرش ماطويلش جاها زوين و تحت منهوم 2 بياس فالأسود مشبكين و دارت ماسكارا و عكر ماط و ريحة و طلقات شعرها على راحتو و لبسات سبرديلة بيضة نايك و خرجات عندو لصالة و شافها و وقف
غيث: جيتي زوينة (غمزة)
ياسمين: ميغسي
خرج غيث و تبعاتو ياسمين سدات لباب و خلات تيلي فالدار باش مايبرزطها حد و تبعاتو هبطو للتحت و ركبو فلوطو ديالو و مشاو جيهة البحر. طريق كولها و هوما يضحكو و مرة مرة ياسمين تغازل غيث و تاخد منو نضرة خاطفة كاتغذي داك الإعجاب لي كاتحس جيهتو و هو كاع ماكاين فالعالم كايسوق و مبتاسم.

يتبع

كايتنشرو القصص والأجزاء كل يوم مع التاسعة ليلا بتوقيت المغرب