صورة مصغرة لـعذابي الجزء الرابع

عذابي الجزء الرابع

rab3 3adabi
رواية عذابي لنهى مر

وصلو للبحر و بلاثاو لوطو و هبطو و ضرب فيهوم هواء نقي و كايسمعو صوت البحر لي ساكن ماهايجش... بقاو غاديين حتا هبطو للرملة حيدو صبرديلاتهوم و بقاو حفيانين و غاديين
ياسمين: كايعجبني لبحر فليل كايكون خاوي و زوين
غيث: غير صوتو كايريح الجسم و العقل
ياسمين: الاغلبية كايجيو يشكيو ليه حتا انا كنت شي يامات كانجي نشكي ليه
غيث:(شاف فيها) جاسمن عندك ماشاكيل !!
ياسمين: حاليا لا لحمد لله و لكن شحال هادي فاش كنت كانبغي داك الدري كنت كانجي نشكي ليه.... لاموغ خايب ياك
غيث:(تنهد و هز راسو لسما) نو بالعكس زوين كايخليك تحس بشي حوايج فشكل و الى كنتي حجر غادي تلين بسبابو و لكن كايعدب سعداتك ا جاسمن
ياسمين: على اش !!
غيث: حيتاش قلبك خاوي و ماكاتبغي حد كانحسدك و الله
ياسمين: (تفاجأت) كانتصحني مانبغي حد !
غيث: اه من الاحسن خلي قلبك عاوي باش من بعد ماتاكليش دقة خايبة و تقلب هاد الإبتسامة لحزن و غم
ياسمين: (وقفات) غيث راك كاتعجبني 😳
غيث: (وقف و ضار عندها بشوية و شاف فيها) حتا انا ا ياسمين و لكن كصديقة فقط عنداك تبغيني حيتاش ماغاديش نبغيك
ياسمين: عارفة ماتخافش (قلباتها ضحك) عنداك غير نتا تطيح فيا و تبغيني مع نتا كيف كاتشوف الزين و الأناقة و الفورمة و العوينات و القرايا كاملة مكمولة الله يحجبني من لعين
غيث: اييه ا لالة (ضحكة جانبية) ههههه القلب الا عامر العين ماكاتشوفش فواحداخرا
ياسمين:(غادة قدامو و كاتعوج) دابا نشوفو
غيث: حيدي حوايجك و دخلي عومي
ياسمين: هاهاهاها براكة من الضحك الباسل
غيث: ماكانضحكش راه بصح قلت ليك هاد العشية غادي تديري لي بغيت انا
ياسمين: ماداخلاش
غيث: اوا مابقيتش غادي نلعب معاك فخطرة
ياسمين: اووووف نعوم دابا و هنا
غيث: (ربع يديه) يالاه حيدي حوايجك
حيدات تيشورت و هي كاتغبن و بقات بسوتيام و الصدر واقف أبيض اللون و لكرش ماكايناش جسم متناسق و نصلات السروال بقات بالبيكيني و بانت المؤخرة واقفة و ليهونش خارجين و توتو مخبي تحت السليب.... طلعها غيث و هبطها و هي كاتبان مثيرة بشكل طفولي بريء فداك لمايو و هي تشوف فالبحر و عطات غيث بالضهر و تمات داخلة و الما ديال لبحر بارد كايضرب فرجليها
ياسمين: اييي بارد هاد الزبل
غيث: غير دخلي شوية و تولفي
بقات غادة داخلة و التعابير ديال وجهها كاتتغير كلما دخلات للما و حسات ببرودتو طالعة معاها و هي تضرب غطسة وحدة ماطلعات حتا بعدات شوية و مابقاتش حسات بالبرودة ديال لما و اكتاشفات متعة جديدة لي هي السباحة بالليل... بقا غيث واقف كايشوف فيها هاز حوايجها و متبعها بعينيه و على وجهو ابتسامة ساحرة و هو كايشوفها مستمتعة

بقات كاتعوم و مرخية فوسط لبحر و غيث جالس فوق حجرة كايشوف فيها و مبتاسم... بقات تما حتا عيات و خرجات كاتقطر بجسم رشيق متفجر بالأنوثة و مشات حداه
غيث:كيف جاك!
ياسمين: وااااعر 😍 لعومان بليل ماشي بحال النهار
غيث: عارف داكشي علاش قلت ليك عومي ...يالاه هاكي لبسي
عطاها حوايجها و لبساتهوم فوق 2 بياس لفازكيين و جمعات شعرها لفازك و طلعو لفوق من الرملة و نشاو لجيهة لوطو و طلعو فيها و ديمارا
ياسمين: سليم كايغير منك
غيث:(مركز فالطريق) علاش
ياسمين: حيتاش كانعمر معاك بزاف و هو مابقيتش كانكتر معاه
غيث: و علاش مابقيتيش كاتكتري معاه
ياسمين: حيتاش كايبغيني و انا حاليا لي فيا مكفيني مامحتاجاش دراما أكتر فحياتي
غيث: شنو هي لحياة بلا شوية ديال الدراما !
ياسمين: راه غير غايتعدب انا ماغاديش نبغيه هو مجرد صديق بالنسبة ليا و الى بقيت كانعمر معاه غادي يتأمل أكثر و غايعيش فأحلام وردية
غيث:واش عتارف ليك !
ياسمين: ماكانخليهش يالاه كايبغي يعتارف و كانسكتو ولا كانقلب لهضرة
غيث: حالتو صعيبة 
ياسمين: هو لي بغا انا ماعمرني ماقلت ليه كاتعجبني ولا كانحس جيهتك شي حاجة جامي
غيث: بعدي منو مدة و غاينسا مع لوقت... ها حنا وصلنا
بلاصا لوطو و هبطو بجوج طلعو لشقة ديال ياسمين و كيف فتحات لباب مشات كاتجري لدوش حيتاش لملحة كاتاكلها... دخلا لدوش و نصلات حوايجها و تخشات تحت الرشاشة كاتدوش و غيث مشا للكوزينة كايطب لي باط باش يتعشاو.
سالات ياسمين التدواش و لوات عليها فوطة وخرجات و هي يالاه دارت باش تمشي لبيتها و دخلات فغيث و كانت لفوطة غادي تطيح و زرب عليها شدها هو و يديه مور ضهرها و عينيهوم تلاقاو و قلبها كايضرب حيتاش ولا قريبة منو بزااف و نفسو فوجهها حيتاش هبط راسو عندها... بتاسم ليها غيث ابتسامة ساحرة بانو من خلالها سنيناتو لبيضين و عينيه الخضرين كايلمعو و لحيتو مقادة و فمو حمر ديال لبوسان و وجهو مافيه حتا عيب هادشي كولو ردات ليه لبال ياسمين فاش ولاو قراب من بعضهوم... تدارك غيث الموقف و بعد منها كايبتاسم و شاد فالفوطة و قادها ليها مزيان و زيرها و هي لسانها تعقد غير تابعاه فحركاتو و هو كايتفحص جيسها الفاتن بعينيه بلا مايعيق حيت واخا ماكايبغيهاش الى ان هو كايبقا رجل و عندو متطلبات غريزية و جسمها كايتير انتباهو... بعد منها و مشا للكوزينة غسل وجهو بالما 
غيث: أعوذ بالله من الشيطان الرجيم أعوذ بالله من الشيطان الرجيم أعوذ بالله من الشيطان الرجيم.... غيث بلا ماتتهور و خلي عليك لبنت (شهيق زفير)
حس براسو سخن خصوصا هي كانت فمنظر جد مثير و مشا بالخف لدوش نصل حوايجو و طلق لما لبارد باش يبرد راسو و العضو ديالو.... بقا مخشي تحت لما حتا حس براسو برد شوية و سد لما و هز فوطة و مسح و لبس لحوايج لي جا بيهوم و بقا كايمسح شعرو بالفوطة و هو كايردد الحمد لله و خرج من دوش مشا باتجاه لكوزينة لقاها كملات الطياب و حطات لي باط فالطباسل و لابسة بيجامة كاتكون شورط حد الركبة فالقهوي و تيشورت ديالو فالقهوي و فيه دب فالوسط بالباج و شعرها منشفاه و جامعاه بقراسة

شافت فيه لقاتو كايمسح شعرو من لما
ياسمين: سير نشف شعرك بسيشوار و جي تتعشا
شاف فيها غيث و مشا لبيتها شعل السيشوار و بدا كاينشف بيه شعرو و ماعرفش بقا غير كايلوي فيديه حتا طلات عليه ياسمين و شافتو و مشات عندو
ياسمين: ارا... هادشي بعيد عليك
غيث: ماعرفتش كيفاش كاتديرو لهاد لعجب
ياسمين:هانتا شوف كانجرو بلابروس هاكدا و سيشوار كايطلع و كايهبط هاكدا
غيث: نشفي نشفي انا ماعندي لاش نتعلم هادشي ديال لعيالات
عوجات ياسمين فمها و بقات كاتنشف ليه شعرو حتا سالات و ناضو مشاو تعشاو و هوما كايضحكو دغيا نساو داكشي لي طرا ليهوم و جمعو لماعن و حطوهوم فالجلاية و بقاو كايتفرجو حتا سالا لوقت و خرجوهوم ستفوهم
غيث:نخليك انا دابا
ياسمين: بات معايا
غيث: لا غانمشي عند لواليد شوية ليك شوية ليهوم (غمزة) حتا لغدا و نتلاقاو
ياسمين: واخا لي بغيتي
تسالمو بالوجه و مشا هو و هي تخشات ففرشاها و طفات الضو.
هبط غيث للأسفل و مشا بإتجاه لوطو ديالو يالاه بغا يحل لباب و هو يوقف عليه سليم و هو يشوف فيه غيث من راسو تال رجليه
غيث: اش عندك!!
سليم: عطي لمينة بالتيساع
غيث: شوف انا ماعنديش مع الحوار و التفاهم لعقلاني كلمة جوج غادي نقلبوها كومبا يعني سير فحالك )حل لباب)
سليم: (سد ليه لباب) عطي لمينة بالتيساع
غيث:(كايحك لحيتو) سير فحالك
سليم: مابغيتش اش غاتدير
غيث: مابغيتش نوسخ فيك يدي
سليم: شنو حاسب راسك غير نتا لي خانز فلوس (كايدفعو) شنو زعما غادي تاكل ليها دماغها بجوج كلمات و تخليها تبغيك (دفعو)
جمع غيث النفس و هو يطلقها و جمع القبضة ديالو و عطاها ل سليم فوجهو حتا طاح هاد الأخير على الأرض و هو ينوض دايخ بالضربة و نيفو دايز بالدم و هو يجمع يديه و بغا يضرب غيث و هو يخوي بيه و جا موراه و لوا ليه يديه مور ضهرو
غيث: راه قلت ليك غاتجيبها فراسك حيتاش نتا عزيز على ياسمين ماغاديش نزيد نضربك و سير دابا ت**** من هنا
دفعو و خلاه واقف دايخ من الضربة لي خدا فوجهو و ركب غيث فلوطو ديالو و مشا مكسيري للفيلا ماوقف حتا وصل ليها... حلوطو فالكاراج و دخل ساخط لقاهوم كايعشاو
جوري: حبيبي زيد تتعشا
غيث: تعشيت ا لواليدة (طالع مع الدروج)
قمر: مال هادا ياك خرج بيخير
شهاب: ميكو عليه حتا نشوف مالو

طلع غيث لبيتو حيد لقاميجة بالخف و بقا بالسروال و مشا لشرجم حلو و حيد لخامية و بقا كايطل و قدامو غير الخضورة و مغمض عينيه و كايسوط و ملامحو كاتبدل مرة معصب و عاقد حجبانو مرة كايترخا حتا سمع الدقان
غيث: دخل 
دخل عليه شهاب لابس سروال ديال لكيطمة مع تيشورت كحل و كلاكيطة فرجليه و باقي بنفس لفورمة.. ضور غيث وجهو و شاف شهاب و رجع كايشوف قدامو حتا وقف شهاب حداه نفس الطول و نفس العمورية غير شهاب فايتو شوية
شهاب: خرجتي ناشط ! اش طرا برا !
غيث: والو ا لواليد ماتشغلش بالك
شهاب: راك ولدي دوي اش طرا !
غيث: (تنهد) تلاقيت مع واحد خينا و بقا كايقوليا بعد من فلانا واش باغي تاكل ليها دماغها واش كانبان ليه برهوش باش نبقا تابع لبنت !
شهاب: هالبنت هي مولات لعينين...
غيث:(قاطعو) سميتها جاسمن ا لواليد جاسمن
شهاب: اوكي ... هاد لبنت هي ياسمين
غيث: وي 
شهاب: هاد الراجل اش كايجيها
غيث: والو غير لاصق فيها باغيها صحة و هي لاقية راحتها معايا و هو ماتسرطش ليه
شهاب:(رتب على كتف غيث) ماتديش عليه غير غاير منك
غيث: عارف و لكن باش يجي يوقف عليها و يقوليا باغي تاكل ليها عقلها مامقبلهاش شنو زعما باقي مراهق غادي نلصق فيها ولا شنو !!
شهاب: كالما ا غيث كالما... ياكما ضربتيه
غيث: الصمت
شهاب: شي ضربة خايبة!
غيث: غير قصتو فالوجه و صافي
شهاب: ماشي بعيد يكون عندو ارتجاج فالدماغ هههههه
غيث: من نيتك
شهاب: راك ولدي و عارف دقتك كيف دايرة
غيث: شكيت بلي غايفقد الذاكرة
شهاب: ماشي بعيد يفقدها هههههه
دغيا قلبوها ضحك بيناتهوم و هادشي سبابو الإستراتيجية لي خدام بيها شهاب مع ولادو.... دغيا غيث نسا لموشكيل و نسا لهضرة لي قاليه سليم و هبط مع شهاب للتحت لقاهوم جالسين حدا لابيسين مجموعين كايضحكو و جلسو معاهوم بقا كايقولوها و يضحكو عليها حتا بدا كايدخلهوم النعاس و ناضو تفرقو لبيوتهم.
قبل ماتنعس جوري ضاروري من لكريمات المرطبة لذاتها باش تغديهاو شهاب ناعس فوق لفراش غير بسروال كايشوف فيها بدون ملل و ابتسامة لعوبة على وجهو.. بقا متبعها بعينيه و هي نايضة من حدا لكوافوز و لابسة شوميز دو نوي بالغوز مفتوح حتا جات حداه
جوري: مالك كاتشوف فيا هاكدا !
شهاب: توحشتك
جوري: نهار كامل و انا معاك ويلي
شهاب: (باسها) واخا معايا كانتوحشك
جوري: ههههههه واخا شرفتي باقي عندك مع حلاوة اللسان
شهاب: (فوقها) شرفت و شعري بدا كايبياض و مازال كانبغيك و كتر من لول
جوري:ههههههههه
طفا الضو و غاصو بجوج فبحر من الهيام و الحب

صبح الصباح مشات ياسمين لخدمتها و غيث دوز نهارو فالدار خدام فالبيسي و فالعشية تلاقاو و نساو همهوم فاش تجمعو و قمر و ليث كايتلاقاو بالتخبية و يهضرو و يضحكو و يعيشو الحب بلا مايعيق بيهوم حد اما سليم مابقاش بان لياسمين و غيث ماقال والو لياسمين ... هاكدا دازت سيمانة عندهوم حتا لحق النهار لي غادي تجي ياسمين فيه لفيلا ديال ال راييس.
خدات عطلة هاد النهار باش توجد راسها على خاطرها.. بقات ياسمين واقفة قدام لماريو شي ساعة و هي محتارة فماتلبس كأنها عندها لقاء مصيري متلبكة و خايفة غير بوحدها... لي جبداتو تلوحو فوق الفراش حتا جا عندها غيث عتقها و قلب و لقا كسوة بيضة مشبكة و دخلات لبساتها و خرجات عندو
غيث: جاتك زوينة
ياسمين: متوترة ماعرفتش علاش
غيث: ترخاي و تنفسي مزيان شهيق زفير و غادي ترتاحي شوية اوكي
ياسمين: اوكي اوفففففف
جلسات قدام لمرايا ماخلات مادارت فشعرها حتا مشطة معجباتها و خلاتو فالأخير مفروق من لوسط و دارت مكياج خفيف ماكايبانش بزاف مع سنيسلة فالعنق و جوج خواتم فيديها بجوج و صندالة طالون عالية فالأسود و بوشيط سوداء و دارت ريحة و خرجات عند غيث واجدة و هبطو لتحت و ركبو فلوطو و ديمارا
غيث: جاس كالما راه عادي بغاو يعرفو هادي لي واخدة وقتي كامل
ياسمين: هيهيهي مخلوعة ماعرفتش علاش
غيث: راه عائلتي قتالة ههههه الله يهديك غادي نمشيو نتعشاو و تهضرو شوية و نرجعك صافي (شد فيديها)
ياسمين: واخا (شهيق زفير)
وصلو للفيلا و حلو ليهوم لباب لكبير و دخلو و لي كارد كيف ديما عند لباب ضربو ليه السلام و دخلو حطو لوطو فالباركينك و مشاو لباب الرئيسي ديال لفيلا لقاو شهاب لابس سروال جينز مع قميجة كحلة مزيرة عليه و ريحتو عاطية و حداه جوري لابسة كسوة مزيرة عليها حد الركبة فالصومو بلا كمام سامبل مع صباط طالون عالي فالأسود و طالقة شعرها البني و شادها شهاب من خصرها و حداهوم ليث لابس سروال ديال توب فالرمادي و صباط اسود و لفوق قميجة بيضة لاصقة عليه و ريحتو فايحة و قمر بعيدة عليه بشوية لابسة كسوة فالغوز بارد قصيرة معرية من الصدر و طالقة شعرها كلو و جامعاها لجنب و فرجليها صباط أبيض طالون عالي
غيث:(حط يديه على خصر ياسمين) جاسمن هادي ما فامي ... لا فامي هادي جاسمن
ياسمين: (بتوتر) متشرفين
جوري:(جات حداها و شدات ليها فيديها) تبارك الله ا بنتي زوينة ما شاء الله انا جوري مامات هاد الدحش
غيث:(قلب وجهو) لواليدة
جوري:(جرات ياسمين) هادا شهاب راجلي
شهاب:(مد يديه) متشرفين ا بنيتي
ياسمين: شكرا تشرفين
جوري:(جراتها عند ليث و قمر) هادا ولدي لكبير ليث و هادي هي الصغيرة قمر
ياسمين:(سلمات عليهوم) متشرفين
دخلو لداخل و جوري شادة فياسمين و تبعوهوم و دخلو لصالون جلسو فيه
جوري: كيف دايرة عائلتك كولشي بخير
ياسمينة: لحمد لله بيخير
جوري: من ايمتا و انا باغة نتعرف عليك بغيت نعرف لبنت لي خلات غيث يتبدل و رجعات ليه الضحكة على وجهو شكرا بزاف ا بنتي و الله راكي ماعارفاش اش درتي لينا
ياسمين: صراحة مادرت والو غير تصرفت بطبيعتي و صافي
شهاب:خدامة كاتقراي
ياسمين: خدامة
ليث: فاش!
ياسمين: المديرة التنفيذية لشركة التازي و العمراني للأغذية المعلبة
شهاب:(تبهر) شحال فعمرك !
ياسمين: 24 سنة
شهاب: تبارك الله باقة صغيرة و مديرة تنفيذية !! غايكون الأب ديالك فخور بيك
ياسمين: وي الحمد لله
خادمة: مادام جوري العشا محطوط فوق السفرة
جوري: شكرا... يالاه ا بنتي نوضي نتعشاو و مرحبا بيك وسطنا

مشاو جلسو تعشاو و دغيا ياسمين تطلقات معاهوم و كاتضحك و يهضرو و يناقشو مواضيع و غيث جالس كاياكل ساكت مراقب كولشي بعينيه و كايوزن لهضرة لي تقالت بعقلو و جوري عجباتها شخصية ياسمين المرحة و ليث و شهاب عجبهوم اجتهادها فالعمل لي خلاها وصلات لمنصب عالي فالشركة ديال باباها و قمر غارت منها حيتاش شافتها ناجحة فحياتها المهنية و اتاخذت قرار بينها و بين راسها.
كملو ماكلتهوم و رجعو جلسو فالصالون كايهضرو و هي تنطق قمر
قمر: بابا بغيت نرجع للبيانو
شهاب: بصح!!
قمر: وي من الأحسن كانلقا راحتي فيه و من صغري و انا كانعزف عليه لاش نجي تال دابا و نحبسو
ياسمين: علاش نتي عازفة بيانو!
قمر: وي بيان سيييغ
ليث: أفضل عازفة بيانو
قمر:(حمارو حناكها) فاش نرجعو لريو غادي نكمل لبروفات ديولي
شهاب:ان شاء الله ا بنتي
ياسمين: تمنيت حتا انا نكون كانعرف نعزف شي حاجة ولا تكون عندي شي موهبة
غيث: عندك موهبة
ياسمين: بصح و شناهية !
غيث: التصنطيح
ياسمين: احم احم
ليث: كيفاش التصنطيح
غيث: اش غانقولك ا خويا واحد الجبهة عندها و ماعمرني شفت بحالها و ماكاتحشمش و تقوووول هههههه انا لي راجل فشي مواقف كانحشم و هي لاا
شهاب: ماتديش عليه ا بنتي هو كايعجبو يضحك و يقشب
ياسمين: عارفة ا عمي طرطار ماكايسكتش
غيث: انا ! ههههه
ياسمين: اه نتا 😒
جوري: دايرين كيف لمش و لفار ههههه الله يدومها ضحكة ا وليداتي
قمر: كيفاش قلتي ماعندك حتا موهبة ! زعما والو كاع
ياسمين: كانبقا ندندن مرة مرة
قمر:شنو زعما كاتغني !
ياسمين: بحال هاكداك
قمر: سمعينا شي حاجة كاع
ياسمين: ماكايناش موسيقى
قمر: واخا تسناي
ناض قمر مشات لبيتها بكل لباقة و اتيكيت جابت واحد لجهاز ديال لكاريوكي و ربطاتو بالتيلي ديالها و مع تلفازة
غيث: باقي عندك!!
قمر:ههههه وي كادو من عند خويا حبيبي و نفرط فيه مرة مرة فاش كانهبل كانشعلو و نطلق لأغنية لي بغيت و كانغني معاها.... اشمن أغنية بغيتي
ياسمين: michael jackson and Siedah garrett
I just can't stop loving you
قمر: اوووو.. لمغني لمفضل عند ف غيث
دارت الأغنية و عطاتها لميكرو و العائلة كاتشوف و غيث داير رجل فوق رجل و كايشوف فياسمين لي مابقاتش متوترة و كاتصرف عادي.. تطلقات الموسيقى و لكن بدون كلمات و لكلمات طلعو ليها فالتلفازة باش تقولهم و هي تبدا كاتغني و لكن بالكلمات لي كايغني مايكل
ياسمين:
Each Time The Wind Blows
I Hear Your Voice So
I Call Your Name . . .
Whispers At Morning
Our Love Is Dawning
Heaven's Glad You Came
غمضات عينيها و بدات كاتغني بكل احساس حيتاش الاغنية رومانسية كأنها كاتقول هادشي لغيث لي جالس مبهور بصوتها لي طلع جميل و رنان ماتوقعش تكون عندها هاد الموهبة... كملات الغنا ديالها بكل احساس
You Know How I Feel
This Thing Can't Go Wrong
I'm So Proud To Say
I Love You
Your Love's Got Me High
I Long To Get By
This Time Is Forever
Love Is The Answer
ناض حداها غيث و هز لميكرو حتا هو و هي تحل عينيها شافتو و طلعات حواجبها مصدومة ماتوقعاتوش يكون كايغني و خلاها كملات حيتاش الدور الآن للمرأة
غيث: غني نتي دابا و فمايكل انا نغني
حركات راسها بالإيجاب و ابتسامة خفيفة على وجههو كملات لغنا
I Hear Your Voice Now
You Are My Choice Now
The Love You Bring
Heaven's In My Heart
At Your Call
I Hear Harps,
And Angels Sing
You Know How I Feel
This Thing Can't Go Wrong
I Can't Live My Life
Without You
قرب لميكرو من فمو و بدا كايغني هو وياها فوقت واحد و صوتو رجولي زوين بحال صوت شهاب فاش كايغني و عندو بحة زوينة
I Just Can't Stop Loving You
I Just Can't Stop Loving You
And If I Stop . . .
Then Tell Me Just What
Will I Do
بحر جهدهوم قالو هاد المقطع و طلع صوتهوم بجوج روعة و جوري و شهاب غير مصدومين حيتاش غيث من صغرو ماغنا حتا جات ياسمين.
بقاو كايغنيو و كايتناوبو بجوج حتا كايوصلو للمقطع المشترك و كاتتمتازج اصواتهوم
I Just Can't Stop Loving You
I Just Can't Stop Loving You
And If I Stop . . .
Then Tell Me Just What
Will I Do
و ياسمين عبرات بكل ماليها من صوت و حركات و نضرات لغيث من خلال الأغنية حتا سالاو و صفقو ليهوم

توادعت ياسمين مع عائلة غيث و ركبات فلوطو ديالو و ديمارا بيها
ياسمين: نتا كاتغني شي حاجة ايكسطرا اوردينيير
غيث: مني كنت صغير ماغنيت حتا زمرد ماعمرها سمعاتني غنييت ولا عرفاتني كانغني (شاف فيها)
ياسمين:بصح (شافت فيه)
تلاقات الأعين ديالهوم لبرهة و حسات ياسمين بوجود شرارات و تفاعل بين نضراتهوم و هو يضور غيث وجهو شاف فالطريق
ياسمين: عائلتك ضريفة
غيث:(طلق لموسيقى لي غناو) راك عجبتيهوم
ياسمين: (بدات كاتغني) كاتحمقني هاد الأغنية
غيث: صوتك زوين(شاف فيها) بحالك جيتي ليوم زوينة و كاتباني ناضجة و بعقلك
ياسمين:(كاتدندن) ميغسي (بخجل)
غيث:ههههههه كاتحشمي (جر ليها حناكها) كون جيتيني فوقت وحداخر سييغ غادي يميل قلبي ليك و نبغيك
ياسمين:(تزير عليها قلبها) عارفة
غيث: وجدي راسك هاد الشهورة لي باقي هنا غادي تدوزيهوم توجوغ معايا (غمزة)
ياسمين: ان شاء الله
غيث:(كايغني)
I just can't stop loving you
I just can't stop loving you
And if i stop
then tell me just what
will i do
I just can't stop loving you
قلبات ياسمين وجهها لجيهة الشرجم و حسات بلي قلبها تغرس فيه خنجر و خلا قلبها مجروح كايضرها مابينات والو لغيث و عرفات بلي ولات كاتبغيه مابقاش هادشي غير اعجاب ولفاتو ولفات هضرتو ولفات شقاوتو ولفات هبالو ولفات الجدية ديالو ولفات ضحكتو و حركاتو لمساتو كولشي فيه ولفاتو و بغاتو يكون ليها و لكن كرامتها فوق كلشي ماتقدرش تقوليه كانبغيك هاكدا ببساطة حيتاش عارفة بلي العواقب ديال هاد الكلمة وخيمة يقدر يرجع لدبي بسبابها و عرفات بلي كل مرة كاتشوفو و كاتجلس معاه غير كاتزيد تتعلق بيه عجبها غرورو و سكاتو و انعزالو جاها غير كاع الناس و عجبها حتا اخلاصو لخطيبتو المتوفية .... خبات هادشي فقلبها و سكتات و رسمات ابتسامة زائفة قدام باش مايحس بوالو.
وصلو للعمارة فين ساكنة هي و بلاصة لوطو يالاه بغا يهبط و شداتو من يديه
ياسمين: لا بلا ماتهبط معايا
غيث: علاش!
ياسمين: غادي يبداو ف الناس فالعمارة كايدويو
غيث: لي بان ليك (كعا)
ياسمين: بلا ماتتقلق (مدات ليه يديها) يالاه بسلامة عليك حتا نتلاقاو
غيث:(بقا كايشوف فيديها بتعجب) هاكدا كانتسالم انا وياك ! (جرها لبين ذراعو) مالك ا جاسمن اش بيك (فودنيها)
ياسمين:(غمضات عينيها) والو (قلبها كايضرب)
غيث: نتشاوفو غدا (باسها فحنكها)
ياسمين:(ابتسامة) ان شاء الله يالاه باي
هبطات من لوطو تحت أنظارو و طلعات لدارها و سدات عليها و تلاحت فالبيت و فوق الفراش و قلبها مزير عليها و الدمعة فطرف عينها و كاتحس براسها كايضرها مارتاحت حتا بداو دموعها هابطين كيف الشلال مابغاوش يتحبسو و كاتبكي بصوت مرتافع لعل و عسى يخف الألم لي فقلبها... بقات هاكداك حتا داتها عينها و هي كاتبكي

فاقت الغد بعينين منفوخين حمرين و جسم مهدود و نفسية مريضة و راس تقيل عاطيها لحريق و الأهم قلب محطم ... ناضت بزز كاتلاوح دخلات لطواليط غسلات وجهها بماء بارد صحصحها و خرجات برجلين متثاقلين بدلات حوايجها و مشات لكوزينة هزات عصير من التلاجة خواتو فكاس و هزات بتي بااان و كلاتهوم واقفة و هزات لاكلاص من تلاجة ديال للبواط مع معلقة بنكهة الفريز و مشات شعلات تيفي و دارت فيلم و جلسات كاتفرج و كاتاكل و ماعندها خاطر غير كاتتفرج و تاكل حتا داز لوقت و ماحساتش بيه و هو يصوني تيلي ديالها مشات جابتو بالزعفة من بيتها لقاتو سليم و جاوباتو
سليم: الو مينة!
ياسمين: وي
سليم: مالك ماجيتيش ليوم
ياسمين: ماعندي مورال
سليم: واش مريضة!
ياسمين: نوو غير لمورال هابط سي تو
سليم: نجي عندك
ياسمين: لا بغيت نبقا بوحدي نرتب أفكاري
سليم: لي بغيتي.... مينة انا هنا الى حتاجيتيني غير ابييل وحدة و نكون عندك
ياسمين: عارفة ميغسي
سليم: بلا جميل (قطع)
رجعات لبلاصتها و قلبات الساعة لقاتها الربعة ديال العشية... ناضت للكوزينة و سخنات شي ماكلة كانت عندها و كلاتها و هي قدام تيفي.
بقات تما حتا بدا كايضلام لحال و هي تنوض لبيتها بدلات حوايجها لبسات سيرفيط و جمعات شعرها و لبسات غير كلاكيطة و هزات سوارت الدار و لكونطاك و خرجات ركبات فلوطو و مشات باتجاه لبحر لعل و عسى ترتاح شوية... وصلات و بلاصات لوطو و هبطات جلسات فوق حجرة و بقات مقابلة مع لبحر كاتشكي ليه
ياسمين: انا لي درتها لراسي هو ما واعدني بوالو قاليا ماغاديش نبغيك و مع ذلك بغيتو غيث باقي عقلو و قلبو مع زمرد هو دارني كيف صديقة و فتحلي قلبو و عاودلي كولشي علييه و عرفني على عائلتو و عتابروني بنتهوم و كايعاملني مزيان عكس لوخرين و لحاجة وحدة باش غادي نجازيه هي نبعد شوية بشوية من حياتو و نخليه يمشي لدبي باش يتهنا و نتهنا(تنهدات) يا ربي خفف الخمل على قلبي راه ماغاديش نصبر يكفيني فمراهقتي بغيت واحد مايقدرش يكون معايا و تعذبت بلا ماتعذبني حتى فشبابي يا ربي عاوني يااااا ربي (هبطو الدموع) اح ا قلبي مكتوب عليك العذاب فالحب لاش بغيت واحد ماشي ليا لاااااش ااااه يا قلبي علاش مشيتي لواحد ماحاسش بيك علااااش (كاتبكي بحرقة) انا لي درتها لراسي اناااااا انا لي تقربت منو انا لي سمحت لراسي نبغيه اهئ اهههئئئئ اهههئئئئئئ هننننننن اهئئئئئئ اهئهئهئهئه اااهئههئهئهئ (كاتنخصص)
بقات تما حتا بردات قلبها و فشات قلبها شوية و رجعات لدار قلبات تيلي لقاتو عامر بليزابيل ديول غيث و هي تعيط ليه
غيث: جاسمن فينك !
ياسمين: فالدار!
غيث: جيت عندك مالقيتكش
ياسمين: كنت خارجة
غيث: ماقلتي ليا والو!
ياسمين: حات صدفة خرجة مع واحد لكليكة و صافي
غيث: همممم نتي صافا !
ياسمين: وي الحمد لله و نتا
غيث: ميم شوز
ياسمين: لمهم انا غانقطع عندي مايتدار باي
قطعات قبل ماتخلي ليه فرصة يهضر و هي تشد فقلبها لي كان مزير عليها مني سمعات صوتو و تلاحت فوق لفراش و فبالها حاجة وحدة تتجاهل غيث قدر الإمكان.

صبح الصباح مثل أي صباح فهاد الخمس الأشهر المصرمة مشا الصهد و بدا لبرد و الجو بارد بزاااف كبرودة ياسمينة اتجاه سليم و برودة غيث اتجاهها... فاقت كيف ديما ماعندها خاطر و ضحكتها قلالت هزات تيلي لقات ليزابييل من عند غيث كتار حيتاش آخر خطرة شافتو كانت من جوج سيمانات و ولات كاتخوي الدار و تخلي تيلي فالدار باش كاتخرج فراحتها.
حطات تيلي و ناضت لطواليط غسلات وجهها و قضات حاجتها و مشات للكوزينة لقات لفطور موجود حيتاش جابت خادمة لدار كاتقضي ليها الشغل... فطرات و عقلها ماكاينش كيف العادة كملات و ناضت لبيتها و جبدات ليبة كحلة مع صاية فالغوز بااارد طويلة حد الركبة واسعة و تريكو غليض بالكول فالأسود خشاتو فالصاية مع بوط كحل طويل و طلقات شعرها و مشطاتو و لبسات طريبيش كيوت فالأسود و دارت ايلاينر و مسكارا و عكر ماط و براونز لخدودها و هزات وراقها و تيلي ديالها و لطونطاك و خرجات ركبات فلوطو ديالها و ديمارات بإتجاه الشركة... بعد مسافة الطريق وصلات لشركة و هبطات من لوطو و دخلات الشركة و طلعات فالسانسور و مشات للإطاج لي فيه البيرو ديالها و دخلات
ياسمين: حياة مابغيتش شي واحد يبرزطني و سيفطي ليا قهوة كحلة للبيرو
حياة: اوكي مادموزيل مينة
دخلات ياسمين للبيرو ديالها و بدات فالخدمة باش تنسي راسها شوية و غير كاتغرق راسها فالخدمة باش تتلاها.


عند ال راييس
فاق غيث كيف العادة ماناشطش و مورالو مامفهومش لابس سروال ديال لكيطمة و تيشورت اسود فالفوق و جالسين كايفطرو و صوت شهاب و جوري لي كايتسمع كايغازلها و تغازلو حتا كملو و تفرقو و طلع غيث لبيتو جبد لبيسي خدام كيف العادة ديالو اما ليث فغير كملو لفطور تبع قمر لبيتها و سد عليهوم باش يدويو براحتهوم
ليث: حبيبة (عنقها من لور) توحشتك
قمر:حتا انا 
ليث:(باسها فخدها)عندي ليك خبار زوينة
قمر: لي هي حبيبي
ليث: نكملنا ديك الصفقة لي شادانا هنا و الخدمة كلها تقادت
قمر:(ضارت عندو ) هي صافي (بدهشة)
ليث:(حط يديه على خصرها) وي بب صافي غادي نفاتح لواليد فهادشي ليوم
قمر:(عنقاتو بفرحة) على السلامة اخييرااااا غادي نتهناو من هادشي على سلامة
ليث: قريب تكوني ليا
قمر:(شافت فيه) و الى مابغاش !
ليث: غادي يبغي ان شاء الله تفاءلو بالخير تجدوه

تجمعو على لغدا كاملين و ساكتين كايشوفو غيث تقلب حالو و كايشوفو فبعضياتهوم كايتسمع غير صوت الفراشط و السكاكين فاش كايتضربو مع طباسل حتا تجرأ ليث و هضر
ليث: الواليد الواليدة غيث بغيت ندوي معاكوم فشي حاجة مهمة ليوم
شهاب: الله يسمعنا خبار لخير !
ليث: خير ان شاء الله (شاف فقمر لي متوترة)
جوري: فاش ا حبيبي باغي تهضر معانا عطينا فكرة على لموضوع
ليث: بغيت نتزوج !
جوري:(بدهشة) بصح !شكون هادي ! كاتبغي شوحدة و ماقلتي والو لماماك
ليث: لواليدة حتا ليل و نتجمعو و ندويو على كولشي و تفهمي (شد ليها يديها)
غيث: نقدر مانكونش انا (عاقد حجبانو)
جوري: علاش فين غادي ا ولدي!
غيث: خارج
ليث: ماشي موشكيل غادي نتسناوك
غيث: الصمت
كملو غداهوم و كل واحد مشا لبيتو و غيث ناعس على ضهرو كايفكر بالو مامعاهش و هو يهز تيلي بدون سابق إنذار و دوز المكالمة تسنا شوية و هو يتشد لخط
غيث: الو
ياسمين: وي !
غيث: صافا!
ياسمين: حمد لله و نتا !
غيث:ميم شوز.... تغديتي
ياسمين: وي بيان سيغ مي علاش ! (كاتحاول تهضر برسمية)
غيث: نو غيان غير سولتك (متوتر) ا.. تبغي (كايحك جبهتو) تبغي نخرجو ليوم
ياسمين: مضغوطة بالخدمة هاد الأيام
غيث:قريب نمشي لدبي داكشي علاش بغيت نشوفك قبل مانرجع
ياسمين:(تصدمات و تخطف لونها قلبها بقا غير كايضرب شداتها برودة فالجسم ديالها) بون فواياج توصل على خير
غيث: شنو نجي... نجي نجيبك !
ياسمين: نو بلاش انا غادي نجي عندك
غيث:اوكي نمشيو لريسطو ..... عندهوم ماكلة زوينة (كايحك شعرو من لور)
ياسمين:اوكي غانكون عندك ا تما مع 9
غيث: اوكي غادي نتسناك تما
ياسمين: اوكي سي بون يالاه باي خدامة دابا
غيث: باي
حيد تيلي بحركة تقيلة من على ودنيه و قطع و هو مستغرب من هاد الطريقة لي كاتتعامل معاه بيها ولفها ولات جزء مهم من حياتو و بقات كاتخوي شوية بشوية على أاس ماغاديش يحس و لكن حس بالنقص و عرف بلي منها هي جاه النقص و بغا يصلح الأومور بينو و بينها واخا ماعمرو فحياتو مادار هاكدا كان ديما زير النساء لي ماكايديها فحتا وحدة من غير زمرد بطبيعة الحال و ماعمرو ماكون صداقات مع لبنات حتا جات ياسمينة فوقت كان محتاج واحد ينسيه فهمو واخا غير فترة قصيرة... تلعتم بالهضرة معاها بحال الا ماعندوش خبرة مع الجنس اللطيف و هو المعلم الكبير فالهضرة معاهوم واخا ماعمرو ماغازل شي وحدة من غير خطيبتو كان كايدير مجرد علاقات عابرة و كاع الإناث كايتشدو ليه بوسامتو و رجولتو الطاغية و شخصيتو و لكاريزما ديالو.

تعاشت لعشية و طاح الضلام..دوش غيث باش يرتاح شوية و وقف قدام لماريو حلو كايتسنا ريحة زمرد تضرب فوجهو و لكن لا مشات الريحة حيتاش حوايجو تصبنو مامرة ما جوج و هو ماشي من النوع المسرف يلبس الحاجة مرة وحدة و يلوحها لا كايبقا يلبس لحاجة حتا كايمل منها و يشري غيرها....جبد سروال جينز لونو مفتوح شوية مع تيشورت رمادي مزير عليه بارز عضلاتو و وساعة كتافو كايبان فيه منحوت جسم رجولي بإمتياز و لاح جاكيط كوير فوق تيشورت على حساب لبرد ... لبس ساعة كحلة رولاكس اخر موديل و لبس صبردلية رمادية أديداس فيها خطوط بالأسود مشط شعرو و ووقفو و رش من ريحتو و هز لكونطاك و تيلي و خرج هبط لتحت لقا ليث جالس هاز بيسي
غيث: السلام عليكم
ليث: (شاف فيه ) و عليكم السلام .... فين غادي
غيث: عندي مايتدار
ليث: رجع شوية بكري عندي حاجة مهمة
غيث:واخا ان شاء الله
خرج غيث مشا لباركينك هز لوطو دسالو و دار ليها سيلونس باش مايتسمعش الصوت و ديمارا حلو ليل لباب لكبير كيف العادة و رجالو و رجال شهاب كايضربو ليه السلام مشا مكسيري لريسطو لي غايتلاقاو فيه


خرجات ياسمين من الشركة و رجعات لدارها لقاتها مقادة و ريحتها زوينة و لخادمة مشات فحالها قلبات الساعة لقاتها السبعة دارت كاسكروط و مشات لبيتها خدات دوش خفيف مع جيل دوش باش يخلي فيها رائحة زوينة و جبدات من لماريو كسوة حمرة حد الركبة بلا يدين مسدودة من الصدر فيها شق واحد طويل من عنقها تال بداية صدرها و جبدات مونطو طويل رمادي مزغب زوين و مشطات شعرها فرقاتو من لوسط و طلقاتو و خلات وجهها بلا مطياج و لبسات صباط طالون رمادي عالي و رشات الريحة فالهوا و دخلات فيها و هزات لمونطو لبساتو و هزات تيلي و لكونطاك و خدات نفس عميق و طلقاتو و شافت راسها فالمرايا للمسات الأخيرة و خرجات من الدار ركبات فلوطو ديالها و توجهات للريسطو بعد مدة وصلات بلاصات لوطو و جا عندها واحد خدا السوارت باش يبلاصي هو لوطو فالباركينك و هبطات هي بكل ثقة و أنوثة و مشات فإتجاه لباب و هو يبان ليها جالس كايتسناها بقات واقفة كاتشوف فيه بنضرة كلها حب و الضواوات لي محيطين بريسطو قراب لوجهها... توحشاتو توحشات كلشي فيه بقات كاتشوف فيه كأنها كاتشبع منو بدوك النضرات و هي تنهد تنهيدة عامرة بالألم و دخلات بابتسامة زائفة على وجهها

دخلات لريسطو هو شافها و ناض عندها و سلم عليها بالوجه
غيث: صافا
ياسمين:طوب و نتا
غيث:لحمد لله
جلسو فالطابلة ديالهوم و جا السرباي طلبو لعشا و مشا
غيث: غبرتي !
ياسمين: غير مع لخدمة (حيدات لمونطو حيت ريسطو سخون)
غيث: جيتي زوينة كيف عادتك
ياسمين:(بخجل) ميغسي
غيث: شفتك ماقلتيش ليا ماترجعش لدبي
ياسمين: و علاش غادي نقولها ! نتا حر غادي تدير لي يناسبك
غيث:(طلع حواجبو) عندك لحق وي فري
ياسمين: اش خبار مدام جوري !
غيث: بيخير الحمد لله(كايحك جبهتو) جبتك هنا باش ندويو بشي حاجة
ياسمين: اما هي (بجدية)
غيث: علاش ....
جا السرباي حط ليهوم العشا و قاطع هضرتو عطاه صوابو حتا مشا السرباي و بداو كاياكلو مابغاش يفتح معاها لموضوع باش ماتتسدش ليه الشهية و خلاها حتا كملات و كلاو ديسير و بقاو جالسين فالريسطو و أضواء خافتة فالمكان و موسيقى هادئة كاتريح الجسم
غيث: نرقصو!
ياسمين: ماعندي مورال
غيث:(وقف) ماغاديش تخليني بلاكة ياك (مد يديه تحت أنضار الناس لي فالريسطو)
تحرجات هي و عطاتو يديها و ناضو لوسط جرها عندو و حط يديه على خصرها و يديها مور عنقو و كايشوفو فبعضياتهوم
غيث: عينيك زوينين بحال شي سحابة رمادية محملة بأمطار كتير غاتروي عطش الناس
ياسمين:(بخجل) شكرا
غيث: ولفتك ا لحمقة ولفتك بزاف علاش بعدتي فهاد لوقت ! واش ج درت شي حاجة ماعجباتكش قلت ليك شي حاجة خايبة ! فينها جاسمين الضحوكية لي خالقة السعادة من والو فينها (حط جبهتو على جبهتها)
غمضات ياسمين عينيها و بقات كاتشم فريحتو و كايتمايلو على أنغام لموسيقى الهادئة و هي هضرتو كاتدوب فيها الجبل الجليدي لي تربع بلاصة قلبها
غيث: جاوبيني عندك شي موشكيل !
ياسمين: والو ا غيث والو
غيث: و شنو مالك !
ياسمين:(فاقت من سهوتها) بغيت نمشي عييت
غيث: من دابا!
ياسمين: فايقة غدا بكري سمحلي

رجع شهاب هو و جوري من بعد سهرة برا الفيلا كايحاول يخليها فرحانة و يحسسها بحبو ليها واخا كبرو فالسن حبو كبر جيهتها و هي كذلك.... دخلو للفيلا معانقين لقاو ليث جالس فوق فوطوي هاز لبيسي فوق رجليه و قهوة فوق طابلة حداه شافهوم و جمع لوقفة
ليث: لواليد لواليدة!
شهاب: مالك شفتك هاد لنهار ماشي حتال لهيه ! اش عندك
ليث: بغيت نهضر معاكوم (كايحك جبهتو)
جوري: وي قلتيها لينا فالصباح
ليث: جلسو بعدا
بقا شهاب كايشوف فجوري و علامات الإستغراب على وجههوم و جلسو قدامو و هز تيلي
جوري: لمن غاتعيط!
ليث: لقمر
جوري: علاش مالها !
ليث: دابا تفهمي .... الو قمر هبطي لتحت اوكي باي
قطع لمكالمة و بعد دقائق نزلات عندهوم لابسة بيجامة بسروالها و طالقة شعرها القهوي على راحتو و جلسات معاهوم و هي متوترة
شهاب:اوا قول اش عندك
ليث: لا تسنا حتا يجي غيث راه شوية و يكون هنا

بغات تمشي ياسمين و لكن غيث ماخلاهاش و من بعد الرقصة شد فيديها و جلسو فطابلة ديالهوم
غيث: مالكي ! واش درت شي حاجة
ياسمين: (بإنفعال) لا مادرتي ليا والو اوكي (ناضت) و دابا بسلامة عليك غدا فايقة بكري
مشات و خلاتو جالس بسرعة جبد لفلوس و حطهوم فوق طابلة واخا باقي ماجابوش ليه لحساب و تبعها بالخف لقاهوم جابو ليها لوطو ديالها و ركبات فيها و ركب حداها هو
ياسمين: غيث هبط
غيث: لااا يالاه ديماري
ياسمين: اوففف اوووف منك اغيث
ديمارات لوطو و هي معصبة و هو طريق كولها و هو كايسولها نفس السؤال "مالك ! واش درت ليك شي حاجة" حتا تعصبات
ياسمين: غيث سكت عافاك راه نرفزتيني
غيث: شوفي ا جاسمن ماعمرني فحياتي مادرت هاكدا مع شي بنت تبعتها و فرضت عليها راسي كون ماكنتي عزيزة عليا ماغاديش ندير هاكدا فهمتي! دابا قولي مالك معايا
فرانات بجهد حتا تسمع فالشارع مجهد و هبطات من لوطو و ردخات لباب و ربعات يديها و كاتسوط و تبعها غيث وهو يضورها جيهتو حيتاش عاطياه بالضهر و هو يهبط راسو باش شاف فيها حيتاش هو طويل عليها واخا لابسة طالون و هو يسولها تاني
غيث: جاس مالكي !
بعدات منو ياسمين و قلبها كايضرها و الغضب تجمع فيها كاع الأحاسيس تفجرو فيها فوقت واحد
ياسمين: (بالغوات) بغيتي تعرف مالي ! كانبغيييك هادشي لي بيا فهمتي انا ياسمين كانبغيك فهمتي واخا عارفاك باقي كاتبغي زمرد (بدات كاتبكي) انا لي درت هادشي لراسي و نتا ماعندك حتا دخل نتا نبهتيني و انا ماتحكمتش فمشاعري حتا لقيت راسي كانبغيك (قربات ليه) بغيت فيك كولشي طيبتك غضبك حنانك ضحكتك ريحتك رجولتك صرامتك هبالك عينيك ملامحك كولشي بغيتو فيك (حطات جبهتها على جبهتو و هو مصدوم) فهمتي دابا اش طاري (بهمس) بعدت عليك باش ننساك بغيت ننسا كولشي قلبي تعذب معاك ماتتصورش قداش عذابي مني كانكون حداك و كاتقوليا نتي بحال ختي ولا صديقتي قلبي كايبقا يبكي الدم فهمتي ا غيث انا كانتعذب نتا كاتعذب حيتاش خطيبتك ماتت و انا كانتعذب حيتاش الراجل لي كانبغي حدايا و كانشوفو و لكن مايقدرش يكون ليا حيتاش مملوك من طرف وحداخرا عقلو و قلبو و جميع حواسو معاها.... عارفة دابا بلي غادي تمشي و تخليني فخطرة حيتاش ماكنتيش باغي هادشي يطرا و لكن عييت مانخبي و عاجلا او آجلا كنتي غادي تعرف
بقات كاتبكي و هو مهبط راسو و جبهتو على جبهتها عينيه ذابلين و ساكت مالقا مايقول و كايتسمع غير صوت بكاها صافي و هو يحط يديه مور ضهرها و بقا كايطبطب عليها حتا بكات على خاطرها بلا مايقول كلمة
ياسمين: كنت باغة نجرب واحد لحاجة من شحال هادي و لكن ماقدرتش و دابا بغيتها حيتاش كانضن بلي مابقيتش غادي نشوفك
بقا كايشوف فعينيها لي عامرين دموع و حمرين و نيفها لحميمر و خدودها لي فيهوم خطوط ديال الدموع و بدون سابق إنظار جرات عنقو و هبطاتو عندها أكتر و حطات شفافها على شفافو و غمضات عينها كاتعيش اللحضة و دموعها غير هابطين بحال شي نهر غي غادي و هو ماعرف مايدير جاه كولشي دقة وحدة و بقا مصدوم

حيدات شفافها من على شفافو و بعدات من حداه و وجهها حمر و الدموع هابطين
ياسمين: قول شي حاجة ماتبقاش هاكدا
غيث: الصمت
عطاها بالضهر و بقا غادي و خلاها حدا طوموبيلتها و وجهو ماكايتفسرش تبعاتو بخطوات صغيرة و صوت الطالون ديالها كايتسمع صوتو فالشارع الخالي و هو يوفق غيث و ضار عندها
غيث: بلا ماتبعيني خلي هادشي يسالي هنا انا غادي نمشي حيتاش مابغيتش نقول شي حاجة نجرحك بيها (صدرو كايطلع و يهبط)
مشا و هو معصب و هي رجعات لوطو ديالها محطمة حيتاش رفضها و لكن بطريقة ماجرحاتهاش و لكن كايبقا رفض كيفما كان لحال... بقات كاتشوف فيه من الزاجة ديال الشرجم و هو غادي حتا شد طاكسي و مشا فحالو و هي تديماري لوطو و كاتبكي بصوت مسموع و كاتشهق و كاتمسح دموعها حيت كايحجبو عليها الرؤية حتا وصلات لدارها و طلعات لبيتها كاتبكي فوق فراشها.


وصل غيث للفيلا و هبط من طاكسي و حلو ليه لباب و ضربو ليه السلام و هو غير مخنز و معصب و كايصوط حتا وصل للباب الكبير حيتاش ماكايناش مسافة طويلة مابين الباب الرئيسي و الباب ديال لفيلا ... حل لباب و دخل و النار شاعلة فيه فالداخل ديالو و لكن لمضهر ديالو مبرد شافهوم حالسين مجموعين و هو يزيد حتى وقفو صوت ليث
ليث: غيث اجي ا صاحبي من الصباح و حنا كانتساوك
بلا مايهضر غيث قلب الطريق و رجع و جلس حداهوم فارق رجليه و مربع يديه و حجبانو معقودين
ليث: ليوم جمعتكوم باش نقوليكوم بلي بغيت نتزوج
جوري: شكون هادي !
ليث: (متوتر) صراحة هادشي من شحال هادي و انا باغي نقولو ليكوم و لكن مالاقيش كيفاش و خايفكوم لاترفضو
شهاب: كمل مالك تالف !
ليث: انا كانبغي قمر و حتا هي كاتبغيني
شهاب:(وقف) شنووووو (خرج عينيه)
جوري: كاتضحك معانا ياك
غيث: اش كاتخرا (وقف)
ليث:(وقف) لواليد علاقتنا علاقة بريئة ماعمرني قصتها و تقنيا انا ماشي خوها يعني حلال نتزوجو
غيث: حلال تتزوجو ! حماقيتي نتا (خرج عينيه) لا نتا داك غرام ديال لعقل لي عندك طار (شد قمر)
جوري: غيث ماتغوتش عافا ولدي نتفاهمو بالهداوة
غيث: لواليدة خليك برا هادشي ختي ماغاديش يتزوج بيها ليث
ليث:(شد قمر) هادي حبيبتي بغيتي ولا كرهتي كانبغيها و كاتبغيني
شهاب: ليث غيث (غوت) شنو انا طرطور هنا كاتغاوتو قدامي مشا الإحترام !!
غيث: لواليد هادا راه عارف لكود ديالك و دغيا غايلحس ليك عقلك انا لااا ختي ماغاديش تديها (جرها) زيدي نتي قدامي وليتي كاتصاحبي مور ضهري
قمر :(كاتنتر) طلق مني بعد مني لااااايث باباااااا
شهاب: (تبعو) غيث طلقها
ليث: غيث طلق لبنت موشكيلتك معايا
غيث:(ركب فلوطو) قمر غاتمشي معايا لدبي و ماعمرك تحلم تشوفها

شهاب: غااايث وقف (غوت)
غيث: لواليد خليني نتصرف راني عارف اش كاندير
ديمارا و خلى موراه لعجاجة
جوري: (شدات فشهاب) شهاب رجع ليا ولادي بغيتهوم بجوج
ليث: تفووو (كايدوز يديه على شعلاو و مغدد)
شهاب: غادي نرجعهوم و بجوج غير تهناي دخلي لفيلا و رتاحي
جوري: اشمن راحة و ولادي مدابزين
ليث: ياكما غادي للمطار (شاف فشهاب)
شهاب: ماشي بعيد زيد قدامي حتا نتا مالقيتي ماتبغي غير ختك
ليث: قمر ماشي ختي
شهاب: (وقف) هي انا ماشي بااك
ليث: حاشا نتا لواليد نتا لي ربيتيني و كبرتيني و لكن هي ماشي ختي هي لبنت لي كانبغي هي حبيبتي (ركب فلوطو)
شهاب: دابا نشوفو اش نديرو مع خوك عاد نشوفوك نتا (كايهضر مع رجالو) بغيتكم تقلبو على غيث و تجبدوه ليا من تحت الأرض يالاه سيرو (بصراخ)
جوري:انا غادة معاك
شهاب: جوري سيري لفيلا نعسي
جوري: ماغاديش ننعس حتا يرجع ليا ولدي و بنتي (ركبات فلوطو)
شهاب:(تنهد) غيث فوطوكوبي ديال ماماك بجوج راسهوم قاصح
ليث: هههههه زيد نقلبو على هاداك
ركبو فلوطو و خرجو من لفيلا شادين طريق لمطار.

فجر غيث كاع داك الغضب لي كان جامعو فخوه و فلحظة غضب تصرف معاهوم هاكداك و اتاخذ قرار لا رجعة فيه باش يمشي لدبي ماشي على جساب قمر و لكن على حساب ياسمين باش يهنينها من عذابها و عرف بلي صداقتو معاها خسرات بسباب حبها ليه لي ماكانتش عندو عليه أدنى فكرة و فاش عرف تصدم و ماعرف مايدير و تعصب لدرجة أنه لي لقا قدامو غادي يشخشخو
غيث: كنتي دايرانا ضحكة لوالديك a ! ماحشمتيش مصاحبة مع خوك و حنا كانشوفوكم داخلين خارجين قلنا بلي خوها و قريب منها ساعة نتوما عايشين الغرام
قمر:(كاتبكي و كاتنخصص)
غيث: ياكما ديفيرجياك (غوت) ياكما قاصككككك !! 😡😡
قمر: (الصمت)
غيث:دويييييييي ياكما قاصك راه باقي ماضربتكش باش تبكي
قمر: لا ماقاصنيش 😭😭😭😭
غيث: غانديك عند طبيبة هي لي تقلبك كنت كانضحك معاك و نقشب معاك على اساس ختي ماكاتدير والو مور ضهري و مشرفاني و نتي صدقتي لاعبة عليا ديييس و معامن مع خوها
قمر: (كانتخصص) هو..هو... ماشي. خو..خويا ... نتا هو ...خويا
غيث: خوك لوقت لي بغيتي فاش كايقوليا خويا و يقول لشهاب لواليد و يقول لواليدة جوري ديك ساعة خوك و فاش تبداو تتحابو ماشي خوت
بقا غادي و كايسب و يخاصم حتا كايشوف طوموبيلات ضارو بيه و كايضربو ليه لفار و هو يفراني

هبط غيث صاعر و سخون عليه راسو عرفهوم بلي رجال شهاب و هو يمشي ليهوم بعدا ما بلاصاو طوموبيلات ديولهوم مور لوطو ديالو و هبطو حادرين راسهوم
غيث: سيرو ت**** شنو غادي تحبسوني نتوما ولا شنو ! راكوم عارفيني نخطلكوم كاملين دقة وحدة و دابا سير فين تت*****
عطاهوم بالضهر و تم غادي لوطو ديالو و هو ينقز واحد من ليكارد
كارد: سمح لينا مسيو غيث و لكن مسيو شهاب قالينا مانخليوكش تمشي مع الآنسة قمر
ضار شهاب زاعف و هو يمشي جيهة لكارد لي تجرأ و هضر معاه و نضرتو ماكاتبشرش بالخير و هو يتحلاح عليه و ضربو ببنونية لوجه حتا دوخو و عطاه ركلة لكرشو و طيحو للأرض كايتوجع و يتألم و هوما يجيو لي كارد لوخرين جرو غيث نوضوه من على لكارد لي طايح مضروب و الناس غاديين جايين فالطريق و كايشوفو فهاد لكومبا لي نايضة و العدد ديال الرجال لي كاينين و لحديد الواعر لي حاضر ... بقاو جارينو و شادينو و هو كايتنتر حتا كايفلت و كايضربهوم و يرجعو يشدوه و غير كايركل و يضرب و لي ضربو مابقاش كاينوض باقي حتا شاف لوطو ديال خوه جات و معاه شهاب و جوري بلاصاو و هبطو
شهاب: طلقوه
طلقو منو لي كارد و بعدو خافو لاتجي فيهوم شي ضربة
شهاب: منوض حالة هنا (كايشوف الرجال المضروبين) شنو انا ميت ولا شنو باش تحكم فختك !!!
غيث: لواليد مانقدرش نخليهوم يتزوجو
شهاب: و علاش !
غيث: حيتاش حنا خوووت فهمتي العالم كاملو عارف عائلة راييس فيها تلاتة ديال لخوت جوج رجال و بنت اش غايقولو فاش يعرفو اخ تزوج بختو
ليث: انا وياها ماشي خوووت فهمتي
غيث: هادشي كايعني بلي انا وياك ماشي خوت ياك !
ليث: ماقصدتش هاكداك ا غيث 
شهاب: ماعمرنا ماسوقنا لهضرة الناس و نتا بالخصوص ماعمرك هماتك هضرة فلان ولا فلانة الوغ قوليا شنو السبب لي مخليك داير هاد لحالة و باغي تبعد ختك علينا و داير لينا فيها مول الدار
غيث: لواليد انا قلت لي عندو هو مربي معانا كبرنا فبلاصة وحدة و جنا خوت مانقدرش نخليها ليه راه ختي هاديك
شهاب: و انا باقي عايش و انا لي غادي نقرر ماشي نتا هاديك بنتي ماشي بنتك نهار تدير ولادك حكم فيهوم
غيث: غانقول حاجة وحدة إلى تزوج ليث بقمر نساو بلي عندكوم ولد سميتو غيث
فهاد الأثناء نزلات جوري قمر من لوطو و سمعات هاد الهضرة و مشات جيهة غيث بعينين مدمعين
جوري: شنو باغي تمشي و تخليني ! هوما باغيين بعضياتهوم و حتا حاجة فهادشي ما حرام لاش معكس اولدي لااش
غيث: لواليدة (باس ليها راسها و يديها) بسلامة عليكوم لي عندي قلتو
ركب فلوطو ديالو تحت أنظار لجميع لي مصدومين فيه ماعرفو مايقدمو ولا يوخرو و هو يديماري لوطو و مشا بسرعة كبيرة و مع لفيراج سمعو صوت إصتدام قوي خلا قلوبهم تتهز من بلاصتها

طاحت جوري فالأرض مصدومة و شادة فقلبها
جوري: ولدي ولدي مشا
شافها شهاب و مشا كايجري جيهتها
شهاب: ماطرا والو ا حبيبة هانا جاي
جوري: ولديييييي اهئئئ اهئئئئئ اههههئئئئئئ 😭😭 ولدي مشاااا اهئئئ اهههيييييئئئ
شهاب: قمر بقاي مع ماماك انا نمشي نشوف اش طاري
مشا بالجرا ضار مع لفيراج لقا لوطو لي جا فيها غيث من نوع مرسديس حيتاش الفيراري خلاها فالريسطو لي كان فيه مع ياسمين كاع مشخشخة و كاميو مقلوب مهرس حتا هو و لقا ليث مخرج عينيه و مصدوم ماعرف مايدير و الرجال مشاو باش يخرجو غيث من لوطو
شهاب: غيث فلوطو ! (مصدوم)
ليث: واقلة (شاد فراسو)
مشا شهاب كايجري حيدو لباب ديال لوطو و هو يبان ليهوم غيث عامر دمايات و فاقد الوعي حالتو حالة جبدوه و حطوه فالأرض
ليث: واش باقي عايش 😨😨
قاص شهاب النبض ديالو لقا قلبو كايضرب و لكن نبضو ضعيف بزاف
شهاب: باقي عايش و لكن نبضو ضعيف (وجه لهضرة لرجالو) سيرو جيبو لوطو غادي تديوه لسبيطار (مشاو رجال)
ليث:و نتا!
شهاب: نتا غادي تمشي مع خوك و انا غانشوف جوري راه سخفانة لهيه الى شافتو فهاد الحالة غادي يسكت ليها لقلب
جابو لوطو من نوع كاط كاط و هزوه الرجال و ليث معاه و ديماراو
كارد: مسيو شهاب هادا لي فالكاميو اش نديرو ليه راه لفوط ديالو هو لي دخل فمسيو غيث
شهاب:(شاد راسو و يديه فيهوم الدم) هزوه حتا هوا و ديوه لسبيطار حتا نشوفو هادشي فين غادي يخرجنا و جمعو هاد الرواين قبل ماتوصل خبارنا لجورنال
مشا شهاب لقا جوري فلوطو مغبونة و كاتبكي و شبه سخفانة و حداها قمر كاتبكي حتا هي و كاتلوم فراسها
شهاب: حبيبة ششششش ماطرا والو
جوري: ولديييي بغيت ولدييييي اهئئئيييئئئئ اههههئئئئ ولدي مشااااا
شهاب:مامشاش بغيتي تشوفيه !
جوري: اه بغيتو (بغات تهبط) ديني عندو
شهاب:ماكاينش هنا مشا لبلاصة وحداخرا
جوري: اهئئئئييي اهههئئئئيييي اههههئئئييي 😭😭😭 ولدييييي
شهاب: ديماري ا ولدي ديماري (معنق جوري) شششش مافيه والو ان شاء الله غير رتاحي ششش (باسها)
جوري:(كاتنخصص) عارفاك كاتكدب عليا باش نسكت ماغاديش نرتاح حتى نشوف ولدي قدامي حي
شهاب: و الله حتا حي غير تهناي... قمر ا بنتي سكتي واش نسكتك نتي ولا ماماك
قمر: انا السباب ياك ا بابا ياك
شهاب: هادشي قدر ماشي نتي السباب و راه عايش نتوما صافي دفنتوه

وصلو لكلينيك و جوري شبه فشلانة و شهاب محاوط يديه عليها و متكية عليه كاتبكي و غاديين و حداه قمر لابسة بيجامة و تبكي و تمسح دموعها و رجالو ضارو بالكلينيك و الأطباء تالفبن ماعرفو مايقدمو مايوخرو.
وراهوم الرجال غيث فين كاين و لقاو ليث جالس فوق كرسي و شاد راسو بيديه سمع صوتهوم شاف جيهتهوم و ناض عندهوم و مشات قمر كاتجري عنقاتو
قمر: حنا سباب ا ليث حنا 😭😭😭
ليث:(معنقها) شششش غايكون بيخير
جلسات جوري و عينيها ذبلانين متكية على شهاب لي بجورو خايف عليها
شهاب: اش قالو ليك
شاف فيه ليث بمعنى مانقدرش نقولك و عرف شهاب بلي حالة غيث حالة خطيرة و جوري الى سمعات لخبار تقدر توقع ليها شي حاجة
شهاب: عيط على وحدة من لممرضات
مشا ليث بالخف جاب وحدة من لممرضات
شهاب: دخلوها لشي بيت و تكلفو بيها راه غايكون طايح ليها طونسيون
ممرضة: واخا ...اجي معايا ا مدام
شدات فجوري و داتها لبيت بعيد شوية دقات ليها لبرا باش تتهدن و هي تديها عينيها و نعسات.
بقات قمر جالسة كاتبكي و لي كارد حداها راضين ليها لبال و مشا ليث مع شهاب خرجو برا لكلينيك فالجردة ديالو و وقفو و هو يجبد ليث gارو و دارو فمو و شعل و بدا كايكمي و هو يشوف فيه شهاب
شهاب: ماحشمتيش تكمي حدايا
ليث:(كايحك راسو) فاش كانكون منرفز كانكمي
شهاب: ارا واحد
ليث: لواليد كاتكمي !
شهاب: كنت كانكمي و كانسكر و كانديرهوم بسطاش و لكن فاش عرفت ديك لبهلة ديال مك حداتهوم ليا و دابا قوليا اش بيه غيث !
ليث:(عطاه كارو و شعلو ليه) راه فالعمليات عندو ضربة خايبة فراسو و دخل ليه الزاج لراس من ديك الضربة و دابا راه كايخرجوه و تهرس فرجليه ليسرا و يديه ليسرا و خسر دم بزاف دابا راه كايقلبو على الدم
شهاب: انا وياه عندنا بحال بحال فالدم غانعطيه
ليث: اوا زيد دابا باش يالاه يتحيد هاد نيكوتين من دمك
شهاب: (نتر نترة كبيرة و ساط) و داك مول الكاميو!
ليث: راه جات عائلتو متخداش ضربة قاصحة حيتاش هو لفوق حدو عنجو شي كسور صافي و دارو التحليل لدم ديالو لقاو بلي نسبة الكحول عندو مرتفعة يعني السيد شبعان قرعة و لكاس و سايق
شهاب: حتا غيث دار لفوط فاش كان غادي بديك السرعة لكبيرة
ليث: اودي لوقيتة فاش ضار مع لفيراج تلاقا مع هاداك سكران و تالف شاد طريق ماشي ديالو ماجا فين غيث يقلب الطريق حتا لقا راسو داير لكسيدة
شهاب: غادي تخرجوها منا و الله اوفففف دابا توقع ليه شي حاجة غادي نحماقو
ليث: ماغايطرا والو غيث قوي
شهاب: ان شاء الله زيد ندخلو
ليث:(لاح لكارو) يالاه

دخلو لداخل و مشاو حدا قاعة العمليات و لقاو الفرمليات داخلات خارجات و هو يوقف شهاب وحدة فيهوم
شهاب: مالكوم !! ياكما طرات شي حاجة!
ممرضة: لمريض سكت ليه قلبو
شهاب: شناهوا !!! (خرج عينيه) بربي و يموت يا حتا نقتلكوم فهمتووووو (كايغوت)
ممرضة: (مخلوعة) شكون نتا ا سيدي
شهاب: انا بااااااه فهمتي (كايغوت ) توقع فيه شي حاجة غادي نريب هاد لكلينيك فوق راسكوم
مشات كاتجري هربات و صداع واصل حتا لغرفة العمليات و عرفو بلي القاضية حامضة حيتاش ماشي لي كان غادي يجي يدوي و يهدد غير هاكداك... بقا شهاب غير كايشير و يغوت و يصعصع و رجالو شادينو و هو كايتنتر منهوم خايف لايضيع ولدو منو اما ليث فبقا جالس مصدوم مني سمع لهضرة لي قالت لفرميلة و كايلوم فراسو حيتاش هو لي دابز مع خوه... بقا شاد راسو بين يديه و الدمعة على طرف عينو خايف لايخسر خوه و تزير عليه قلبو حتا شافو طبيب خارج حادر راسو و طارو ليه
شهاب: اش طرا ولدي حي !
طبيب: تهدن بعدا ا سيدي و غادي نهدرو
شهاب: ماكاين لا تهدن لا قل*** ولدي واش حي ولا ميت (كايغوت)
طبيب: للأسف سكت ليه قلبو و عيينا مانعشو فيه و مارجعش النبض ديالو
ليث غير سمع لهضرة و هو يرجع باللور حال فمو و مخرج عينيه و دموعو هابطين و شهاب شنق على طبيب مامتيقش و رجالو كايجرو فيه و هو ولا بحال شي ثور بلا لجام غير كايدخل فالباشار و الطبيب كلا لعصا من عندو حتا سمعو صوت من لداخل و خرجات طبيبة أخرى كانت معاه فالطاقم الطبي
طبيبة: راه عاش راه عاش قلبو كايضرب
شهاب سمع لهضرة و زدحها و دخل باش يتأكد لقاهوم منعسينو فوق الباياص دايرين ليه تيو ففمو و عريان مغطي بيزار وعامر دم و جرحة فراسو كبيرة و غارقة و جسمو فيه خدوش و هو يشوف جيهة الآلة و سمع صوت قلبو كايضرب و للب قلبو لقاه كايضرب عاد رتاح
شهاب:(مع الطاقم الطبي) يموت غاتموتو يعيش غاتعيشو
طبيبة:ا سيدي خرج خلينا نديرو خدمتنا و الأعمار بيد الله حنا غير وسيلة
طبيب: ششش سكتي شوفي اش دار فيا و الله ماغايرحمك
شهاب: ماغاديش نخرج انا هنا حتا تكملو ليه و لي عندو مايقول يجي قدامي
تخلعو كاملين خصوصا مني شافو الحالة ديال الطبيب لي مكلف بالعملية لي ولا مضروب و حوايجو مشروطين و مع ذلك جا كمل خدمتو
طبيبة: فاش خرجتي جهدت الشحنات و درت الإنعاش لقلبو و هو يخدم
طبيب: الحمد لله مني عاش اما كون تبعتو انا
طبيبة: خاص دابا غير يتخيط الجرح صافي الزاج كولو خرج
بدا كايخيط ليه فالجرح و شهاب واقف عليهوم مربع يديه و عاقد حجبانو حتا كملو ليه و نقاوه و هوما يخرجوه و شهاب حداه
شهاب:فين غادي تديوه!
طبيبة: خاصو يمشي للعناية المركزة على ماتستقر حالتو
مشا شهاب عند ليث لي جالس مصدوم ماعارف والو و هو يريت ليه على كتافو
شهاب: راه عاش ماتخافش
ليث:(شاف فيه) بصح!
شهاب: اه بصح و دابا غاديين بيه للعناية المركزة
بقاو غاديين حتا بان ليهوم من شرجم بلي الصباح طلع و مشاو للعناية لقاهوم دخلوه و حطوه فبلاصتو و ركبو ليه الآلات لي محتاج و بقاو كايشوفو فيه من الشرجم

فاقت جوري من تأثير المهدئ و المنوم لي عطاوها و لقات حداها شهاب و قمر
جوري: (صوت تقيل) ولدي ولدي (كاتنين)
شهاب: ولدك بيخير (باسها) دار عملية و نجحات ليه باقي عايش
جوري:(كاتدمع) بصح ! بغيت نشوفو
شهاب: واخا و لكن غير مور الزاج راه خاصو الراحة حتا يفيق و ندخلو عندو
جوري: واخا (كاتمسح دموعها)
ناضت لبسات بانطوفة جابوها ليها و شاد فيها شهاب مضور يديه على خصرها و جارها عندو متكية عليه و غادة بشوية حتا وصلو للغرفة لي فيها غيث و لقاو ليث جالس تما هاز قهوة باقي بحوايج لبارح قميجة كحلة و سروال جينز و سبرديلة شافهوم و هو ينوض عنجهوم و جوري مشات كاتشوف من الشرجم الزاجي غيث لي ناعس على ضهرو و دايرين بيه الآلات و السلوكة و فاصما ضايرة على راسو و دايرين ليه لكبص لرجليه و يديه.... حطات يديها خلى الزاج بقات كاتشوف فيه و تبكي و كاتتحسر على ولدها لي باقي فريعان شبابو و مابين الحياة و لموت.
جا ليث موراها و باس ليها راسها و حط يديه فوق كتفها
ليث: لواليدة زيدي تفطري راك ماكليتي من لبارح
جوري: لا غير خليني هنا كانشوف فولدي
ليث: انا ماشي ولدك ! زيدي تاكلي واخت غير شوية عافاك يالاه
جوري: ليث عافاك غير خليني
ليث: (مسح ليها دموعها) شوفي عينيك كيف ولاو حمرين و منفوخين غيث غادي يرجع لينا كيف لول و حسن دابا تشوفي راه غايبرا هو و تمرضي نتي اللهم أجي تفطري شنو بغيتي فاش يصح يلقا مو مريضة ! اوا زيدي عافاك (باس ليها يديها)
جوري: واخا و لكن غادي نرجع
ليث: غادي ترجعي غير اجي تاكلي
غمز ليث شهاب و هبطو لكافيتيريا ديال الكلينيك طلبو داكشي لي بغاو و جلس ليث كايوكلو فجوري و شهاب كايوكل فقمر لي كاتلوم فراسها و تبكي.
كملو لماكلة و رجعو للفوق و لقاو الأطباء و الممرضات داخلين خارجين و هوما يتخلعو و مشا شهاب كايجري شد الطبيب
شهاب: مالو اش طرا !
طبيب: ماطرا والو غير فاق و دابا كانعاينو لحالة ديالو
شهاب: ماعندو والو !
طبيب: الحمد لله والو غير مشا لبنج و رجعو ليه الآلام سي توو
شهاب: شكرا (سلم عليه) كانعتاذر على لبارح
طبيب: ماشي موشكيل مقدر ضروفك... الله يشافيه
مشا طبيب و رجع شهاب عندهوم و على وجهو ابتسامة خفيفة
جوري: ولدي مالو ا شهاب ماتكدبش عليا
شهاب: ولدك فاق ا حبيبة فااق راه قلت ليك ماعندوش شي حاجة خايبة و غادي يفيق
تلاحت جوري على شهاب و عنقاتو كاتبكي و كاتضحك فالوقت نفسو و الروح رجعات فيها و ليث اخيرا رتاح هو قمر و تلاحت عليه عنقاتو و هو كايدوز يديه على ضهرها
ليث: ششش ماطرا وااو سحابة و دازت ششش
قمر:(كاتنخصص) كون ... كون مات... ماكنتش .. ماكنتش غادي نسمح ... لراسي
ليث: ششش ماميموتش هاداك انا لي عارفو يقتل قبيلة و يبقا حي ههههه
قمر: ماتضحكنيش (ضرباتو فصدرو)
ليث: ششش ا حبيبة راه طيبتي عيونك
قمر: ششش بابا حدانا
ليث:(شاف فشهاب و لقاه كايضحك) و من بعد ههههه عادي ياك ا لواليد (غمزو)

خرجو الأطباء و خلاوه ناعس على ضهرو و رجلو مهزوزة مكبصة و كايشوف فالسقف حتا جخلات جوري عندو هي و شهاب و جلسات حداه و شدات فيديه لي مامهرساش و لكن ماسلماتش حتا هي من لخدوش و الجروح
جوريعلى سلامتك ا ولدي خلعتينا عليك
غيث: اش طرا !
شهاب:(واقف مربع يديه) لي طرا هو درتي كسيدة و خلعتينا عليك
غيث: اخر حاجة عقلت عليها هي فاش تخاصمت معاكوم و ركبت فلوطو و ضرت مع لفيراج
شهاب:اوا فاش ضرتي دخل فيك كاميو و تبغجتي .. على سلامتك
غيث: الله يسلمك
جوري:(كاتقيص شعرو) كنتي غاتسكت ليا قلبي حرام عليك😢😢 باغي تمشي و تخليني لمن غاتخلي ماماك !
شهاب: راه هو براسو قلبو سكت
جوري:كيفاااااش ! 😨
شهاب:ههههه فاش كان فالعملية سكت ليه قلبو حتا قالو صافي مات و خرج عندنا طبيب قالينا مات و بقات واحد الطبيبة كاتحاول تنعش ليه قلبو حتا رجع
غيث: هي مت و حييت
جوري: اويلي و ماقلتي ليا والو 😨
شهاب: نقولك باش تموتي لمهم هاهوا عايش صحة سلام
جوري: و الله و متمشي لشي بلاصة يا حتا نسخط عليك
غيث: ايييييي ههههه ماغادي فين انا حداك
جوري: مالك ا حبيبي اش ضارك
شهاب: ضارو كولشي راه ولا بياس ديطاشي ليد و الرجل مهرسين و الراس مفلح و ماباقي مجروح راه فاش عشتي مابحالك حد
غيث: اوا الحمد لله
جوري: مالك ا وليدي عينيك ذبلانين حاسة بيك هاز شي هم ماشي ديالك واش عندك شي حاجة قوليا قول لماماك
غيثوالو ا لواليدة راه غير الآلام ديال هادشي
شهاب: حبيبة هانتي شفتيه يالاه نخرجو نخليوه يرتاح صافي
جوري: واخا (باستو) يالاه رتاح و نعس حتا نجي عندك فالعشية 
خرج شهاب و جوري و بقا غيث مصطح على ظهرو كايحاول يتفكر لكسيدة و لكن عقلو مشوش نتيجة الضربة لي خدا فراسو و كايتفكر الصداع لي ناض و الصدمة لي خدا من عند ياسمين الشيء لي خلا نفسيو تمرض تاني.
مشا شهاب عند ليث و قمر لي جالسين بعاد شوية و جلس حداهوم
شهاب: ماغاديش تدخلو عندو!
ليث: لا ا لواليد من الأحسن دابا لاا حتا يشد شوية فراسو و نهضرو معاه نخاف نهضرو معاه يصدق ميت
شهاب: هاداك راه يقتل قبيلة و مايموتش
جوري: خمسة و خميس عليه
شهاب:(جرها جلسها فوق رجليه) بحالك ولدك خارج فيك داك بو راس
جوري: هيهيهي اوا لمن غايخرج من غير موو
شهاب: خلعني عليه لبارح
ليث: كون تشوفو لواليد لبارح بقا كايصعصع و يغوت واحد الطبيب مسكين شروطو
شهاب: ماشفتيش راسك نتا بقيتي مصدوم غير حال فمك
ليث: اوا راه خلعني عليه ندمت على النهار لي جبدت فيه داكشي معاه
شهاب: فيها خير

يتبع

قصص جديدة
قصة منقذي الأسمر من تأليف ندى العمر
قصة منقذي الأسمر ندى العمر
قصة إرحموني من تأليف أسماء زياد
قصة إرحموني أسماء زياد
قصة الآغا السادي من تأليف ليان علوي
قصة الآغا السادي ليان علوي