باقة حب لا تذبل الجزء 24 و الأخير

من تأليف ليالي نسيم
2018

محتوى القصة

رواية باقة حب لا تذبل - الفصل الثالث

...فاش ولدات الدراري الله هاتحطهم لها الطبيبة على صدرها حتى حسات براسها تقال و غفااات ..اما تاج الدين الفرحة ماكانتش قاداه مدهم للممرضة تنقيهم و خرج حيد عليه ديكشي لي كان لابس بينما كملو لريماس .. و خرج عند خوتو ..
عشق .."وقفات" .. امضرا!؟
تاج الدين .." وجهو باينة عليه الفرحة ..'' دراري .. ههههههههههه ...ادهم و ايهم .. 
هاجر .. ريماس كانت كلتقول عندها بنت و ولد هههههه ..
تاج الدين.. اوا انا اريد و انت تريد و الله يفعل ما يريد ..
هاجر .. ههههههههههه ونعم بالله .. 
تاج الدين ..فين الدراري !! 
هاجر .. اه مع محمد ماقديناش نجيبوهم .. 
تاج الدين ..اوكي مزياان .."جلس فكرسي و جلسات حداه عشق " 
يمن .."شاد فمو" ههههههههههه ناري تمنشرتي اصاحبي ..
تاج الدين .."خزر فيه" دابا نوبتك جاية و غانضحك عليك مزيااااان .. غير بلاتي ..
يمن .. ههههههههههه لالا مرتي ضريفة .. ياك اهاجر !! ماديريش فيا هاد الحالة .!
هاجر .. ههههههههههه على حسب الوجع ..
يمن .. نهار تولدي ماغانكونش انا غانسافر ههههههههههه ...
عشق .. وااهلي مالك تقدر .. 
يمن .. "عنق هاجر من كتفها .." ههههههههههه لا لا منقدرش ..مانسخااش ..
حاتم ..تاج سير بدل هاحنا معاها ..تا تفيق .. 
عشق .. اه بصح ..سسر بدل عليك و اجي ... 
تاج الدين .. تت .. ماغانمشي فين .. يمن .. سير جيب ليا شي حاجة نلبسها و جيب معاك شغف ...!! 
يمن .. اوكي ..مشات .. 
خرج يمن يدير كيف قال لو تاج الدين و بقى هو ماقاداه فرحة اتصل بناس خدامين عندو جابو الديكور لي غايدار فالغرفة لي غاتحول ليها ريماس و وقف على كل حاجة بيديه و لي دوا يعطيه الدوا مكيقبل تا اعتراض .. زوق الغرفة كاااملة و وجدها على التمام و نقلو لها كانت مزال ما فاقت بقى جالس معاها تا جاب ليه يمن يلبس ما بدل حوايجو عاد رجع عندها خذا مشط كيسر ليها فشعرها و ابسها بانضة فالشيبي و فيها وريدة بيناتها كيوت واخة ناعسة كانت كاتبان فحال الاميرة النائمة بيضاء و حنيكاتها حميمرين باس شفايفها و اتنهد بارتياح .. قلبو بكثرة ما خاف عليها فاش شافها فديك الحالة دابا رتاح .. رجع عندها بعد ما لبس كانت بدات كاتفيق .. و رموشها مشاابكين ..جر الكرسي حدا راسها و جلس حط يدو تحت راسها و كيشوف فيها مبتسم ..
تاج الدين .. حبيبي فقتي ..!
ريماس .."حلات عينيها كادور فيهم كاتشوف فين هي و تستوعب .. مدات يديها لكرشها".. ولدت ؟؟
تاج الدين .."باس لها شفايفها" زوج وليدات كيحمقو ..!!
ريماس .. ولاد ..؟؟
تاج الدين .. "ضحك تا بانو نيابو" ههههههههههه ولاااد يا وجه القمر ..
ريماس .. حلفتي عليهم تا يخرجو ولاد .. هههههه ..
تاج الدين .. اوا شنو كانلعبو هنا !! ..
ريماس .. فينهم فين ولادي بغيت نشوفهم .."بغات تنوض"
تاج الدين .."صايب ليها المخاد تحت ضهرها" .. هاخوما غايجيبوهم غير رتاحي نتي .. 
ريماس .."تقادات فالجلسة و بدات كاتشوف مزيان الغرقة كانت عامرة بالبالون فالشيبي و الابيض و فوق راسها قلب بالورد الابيض و فالوسط مكتوبة ادهم و ايهم بالشيبي و حداها سرير فيه زوج بلايص بالابيض و الازرق .. " ههههههههههه اش هادشي كلو ..؟؟
تاج الدين .. عجبك؟؟
ريماس .. ههههههههههه وااعرين بزااف ولكن هادشي بزااف عاوتاني .. ههه ..
تاج الدين .."خذا يدها باسها من الداخل" تا حاااجة ما بزاف على ماء الماس و وليداتها ..😉
ريماس .."ابتسمات ليه بحب" كاانحماااق عليك نتا كوولشي بالنسبة ليا ههه .. 
تاج الدين .."طلع باس لها جبهتها" كانموت عليك يا ام الاولاد ههه ..
ما هي الا دقائق حتى دخلات الممرضة جايبة التوأم كي شافتهم ريماس بداو عينيها كيدمعو .. 
ريماس .. عطيهم لياااا 😢

تاج الدين .."خذاهم من الممرضة لي مداتهم ليه و انصرفات كبر للاول فودنيه و حطو لها على صدرها و خذلتو كاتبوس فراسو" ..يا الله 😍 شحال زوين ولدي حبيبييي. . 😭 هءهءه ..
تاج الدين .. شوووت دابا تخلعيهم لاش كاتبكي دابا ..؟؟
ريماس .."كاتمسح دموعها" فرحانة .. هههه هءهء ..
تاج الدين ..اوا صافي سكتي مانبغيش نشوف هاد الدميعات واخة فرحة ..شوفي ... ماشابهينش ليك هههههههه .. 
ريماس ..كيشبهو ليك هههه راني عليك موحمة .. "جبدات بزولتها حطاتها ليه فمو"
تاج الدين .." كبر للبيبي الثاني فودنو مدو ليها فالجنب الثاني .." رضعيه تا هو .. 
ريماس .. "حسات باحساس فشكل و تاج الدين حداها ماشي فحال ولادتها الاولى .. دموعها ماقداتش تحبسهم " الله يخليكم ليا .. كاملين... فين هي شغف .. 
تاج الدين .. كولشي منشور برا .. ههههههه
ريماس.. بغيتها جيبها ليا .. دخلهم لاش مخليهم بوحدهم برا .. حشومة ..
تاج الدين .. باغي نفرح انا و مرتي بولادنا بوحدنا عاد ندخلهم .. 
ريماس .. لا حشومة غير دخلهم .. ههههههههههه ..
تاج الدين .."تحنا عندها باسها فشفايفها و نزل طبع قبلة على عنقها" اوا تغطاي امدام .. يالله ..''خذا منها ادهم و ايهم حطهم فبلاصتهم كانو نعسو عاد مشا فتح ليهم الباب .. " ..
هاجر .. "طارت لعندها"يااااااااي 😍 مبرووكي عليك اكبيدة الف مبروك .. شتي بلزتيهم رجال مزال هههههههه ..
ريماس .. لي جا من عند ربي مرحبا بيه ههههه ..
حاتم .."باس ليها راسها" على سلامتك كبيدتي...
ريماس .. الله يسلمك حبيبي ... 
حاتم .."وقف على الوليدات" ويييتووو مازعرينش فحال ماماهم ..
ريماس .. ههههه شابهين لباهم..
عشق .."وقفات جنب حاتم .." ماشاء الله الله يحجبهم غير تاج الدين .. تبارك الله ماشاء اللرحمان .. الله يخليهم ليكم .. 
ريماس .. امييين يا ربي .. 
يمن .. "مشا باس لهم فوق راسهم .." يترباو فعزكم انشاء الله ..
تاج الدين .. يحفظااك .. 
محمد... "واقف قدام ريماس. و كيشوف فالدراري" دابا فين ادهم و فين ايهم🤔
تاج الدين ..فحال فحال دابا هههههههه .. 
محمد ..خصكم طبعو لهم فالودن كل واحد و سميتو ..🤔 يالله مايبقاوش يتلاو لبنا مستقبلا 😑
تاج الدين ..غانشير على بوك والد حوالااا انا باش نطبعهم
محمد .. انا غا قلت ليكم .. نتوما تعرفو حوالاكم تح ولادكم و نتوما حرين ..😑
ريماس .. ههههههههههه حشومة عليك .. مالقيتي فاش تشد غا ولادي..!!
محمد .."باس لها جبهتها" اودي ولادك راه عشراني مستقبلا .. 😉
ريماس .. ههههههه علاش نتا ماناويش تكبر و تزوج؟؟
محمد .. مزال عليا الحال تا ندير عقلي .. ههههههههههه ..
تاج الدين .. عمرك غاديرو هذاك .. غاتبقااا ديما بلا عقل ... 
ريماس .."انتبهات لشغف لي كانت واقفة فالقنت ديال الشومبر كاتشوف فيهم و عينيها مدمعين .. واقف حداها رائد كيشوف فيها". اجي عندي اجي مالك ابنتي ؟؟
شغف .."انفجرات بالبكاا خلاتهم كاع يشوفو فيها مخلوعين" ههءهءهءههءهء😭😭😭
ريماس .."تخلعات عليها" اويلي تتج الدين .. شوف مالها. .
"تاج الدين .."مشا لعندها هزها كيمسح ليها دموعها" مالك ابنتي .. ياك لباااس؟؟
ريماس .. جييبها ليااا.. جييبهاا ..!
شغف .. ههءهءهءههء😭😭😭😭
ريماس .. "حطها حداها و تلاحت على ماماها عنقاتها و كاتبكي" شوووت اويلي بسم الله عليك ابنتي ياك لباس مالك ..
شغف ..ههءهءهءه رجعييهم مابغيتهمس .. هءههء😭😭
ريماس .. اويلي شنو هوما ..؟
شغف .." كاتشير ليها على التوأم" هااادوووك مابغيتهمس هءههءهء ماماوديالي بوحدي .."جرات يد تاج الدين .. بابا ديالي بووووحدي😡😡 مابغييييتهمس ..
تكرشخوووو علبها بالضحك كولهم تشتتو تا رائد تا هو شبع عليها ضحك اما ريماس ابتسمات و عنقاتها كاتبوس فيها
تاج الدين .. لاش كاضحكو ليا على بنتي .. شوفي .."جلس حداها" صافي ابنتي ديالك بوحدك غير سكتي ..
شغف .."عنقاتو ...'' ديالي بووحدي ..
ريماس .. امممم ولكن هادوك خوتك احبيبة .. غايكبروو غاتلعبي معاهم و تديهم للمدرسة .. و غاتكوني نتي ختهم الكبيييرة .. !
شغف ..عانضربهم .. 😑
ريماس .. هههه الى دارو دي بيتيز ضربيهم هههههه ..
شغف .. ديالي بووحدي 😡
ريماس .. شنو دابا نلوحوهم ..؟؟ مابغيتيهمش نعطيوهم لشي حد ..
شغف .."كادور عينيها تا عيات و هي تنزل مشات كاطل عليهم سدات لهم فيديهم و كادوز على وجهم بصبعها" حتى هوووما ديالي بوحدي😍 ..
تاج الدين .. ههههههههههه .. "مشا عندها باس لها راسها" نتي مولات العقل ابنتي ههههههههههه .. 
بقاو مجمعيين و الكل فرحان .. و الكل مرتااح .. و هكذا بقاااو مع ريماس .. كل نهار كيتجمعو عندها حتى خرجات من الكلينيك .. و التحقات بالفيلا و لقات كولشي واجد للسبوع ..
#بعد_مرور_17_سنة ❤
و كيف كل عام و تحت اوامر الحاج تاج الدين ان كل رمضان ضروري و مؤكد العائلة كاملة تجمع .. ضروري يجمع ولادو لي ديجا عايشين معاع و خوتو عشق و حاتم مع بنتهم أريج.. يمن و حاجر مع ولادهم ريان و ريماس .. رزان و فاروق و ولادهم مروان و دفنة و تاج الدين الصغيور .. اما محمد اخر العنقود لي تزوج بآية و عندهم وليد واحد مختار على اسم الاب ديالو ..وكان من الضروري يتجمعو كااملين تحت طلب تاج الدين و لي خالف قوانينو ميلوم غير راسو ..
________. __________. __________

ادهم .."باس راس تاج الدين" ابي .. هاواريوو
تاج الدين .. فاي اولدي فاين .. 
ايهم .."باس لو يدو" كي داز نهارك الواليد !!
تاج الدين .. مزيان الحمد لله .. نتوما بلا مانسولكم !! هدك الصيام لي صمتوه ماهو صيام .. المهار كلو ناعسين !!
ادهم .."كيعبر بيديه" وااايلي تا نتا الواليد 
تاج الدين .."ضربو لقرفادتو" ماتبقاش تعوج فمك و يديك فاش تكون تتهضر 
ايهم ..احح على دقة ههههههههههه ..
ادهم .. "كيعوج فيه و يحك قرفادتو" تهاهاهاهاها ..تهجرو😑 الوااليد كادير الفرزيات ضربتيني يضربو ..
تاج الدين .. نوضو عاونو مكم 
ايهم .."بصوت متقل" فاااااش الواااليد ..!؟
تاج الدين .. فالكوووزينا الواليد .. 
ايهم ..ياكما سميتي عبييير الوااليد !؟
ادهم .. هي لي تجي معاك ..نيييت ..
ايهم .. الواليد كاضسر عليا البراهش ..
تاج الدين .. سكتوووني طبختو ليا راسي نوضو من قدلمي تا يأدن و دابزو ..😑
ابهم و ادهم .."سقلوووو" 
ريماس .." جاية من الكوزينة هازة صينية فيديها" ههههههههههه حشومة عليك ..كاتقمع ليا وليداتي .."جراتهم من حنيكاتهم و باستهم" ..
ادهم .."صيفط ليها بوسة فالهوا" افييين ازين ..
ايهم..اييه الصياام زينك الواليدة ..
ادهم ..وقف حداها عنقها من كتفها" انا بعداا نحشم نقول لها مي قدام عباد الله .. 
ايهم .."كيتمسكن عليها" الواليدة مزال ما غايأذن المعدة ديال ولدك معلقة بالله .. 
ادهم ..و كانشم روايح ديال داكشي لي كانبغي .. 
ريماس .."جراتهم من ودنيهم " شتي نتووما راه ما صايمين غا جيعانين .. ههههههههههه الآذان قرب ..
تاج الدين .. ''حاط رجل على رجل و كيقلب فتيليفونو " و ماغاطيحووش فالمااكلة غاتكلو التمر و الحليب و تزيدو قدامي للصلاة عاد نرجعو نفطرو .. 
ايهم... و الله تا حگاار الواليد ..
ريماس .. اداك البرهووش شي نهار يهرس ليك داك الدركووم و ماشغليش فيك .. هاني علمتك..
ايهم ... ههههههههههه وا نتي تحامي عليا الواليدة .. 
تاج الدين .. باش نخلطك نتا وياها ..
ريماس .. مادويوش معاه تا يكمي ههههههههههه ..راه مقطوع حاليا ..
تاج الدين .."طلع فيها راسو" ليا انا هاد الهضرة يا ام الولاد ..؟
قبل لا ينوض بيها شداتها بجرية للكوزينة .. خلاتهم تكرشخو عليها بالضحك ...
ادهم ... تاتخافي ماتحشمي اريماس .. 
ايهم.."ضرب على ركبة باه" الله يعز الحكام الواليد .. ههههههههههه ..
ادهم .. واطي .. وااطي .

شغف" عنقلت ماماها من اللور" اش كادير ماء المااس ..
ريماس .."فالكوزينة كاتسقي فازات ديال الور حاطاهم فالبالكون" كاتسقي الورد .. ههههه...
شغف .. نتي هي لي مخلية حياتنا ماتذبلشي .."عنقاتها" ..
ريماس .. حيت نتووما هوما ورييدلت حياتي .. كيفاش نخليكم ذبلو .. 
شغف .."باستها" الله يخليك لينا .. 
ريماس .. كنتي كاتبكي ؟؟ مال عينيك منفوخين؟؟
شغف .." كاتهرب عينيها ..'' ها ..لا انا غير كنت ناعسة راك عارفة ..
ريماي .. واه واه راني عارفة "تنهدات"..فحال رمضان لي فاات .. كنتي ناعسة ..و فحال العيد لي فات طاحت ليك شي حتجة فعينك .. دوك القوالك كاع كاع كنا نديروهم ..
شغف .. ماكيجاوبنيش "جلسات على كرسي ".. ماعلفتش شنو درت يستحق هادشي كلو .. ماعلفتش .. مافاهمة والو لحد الآن .. دغيا تخلا عليا و دار يشوفةحياتو!!
ريماس .. و نتي علاش تتصلي بيه!!؟ واحد لي ماعرفش قيمتك لاش تتصلي ليه ..؛!!
شغف .. "طلعات عينيها فريماس " نتي عارفة بلي بابا هو السبب .. بابا هو لي بعدو هاد المسافة كاملة .. هو لي قصح معاه و رائد كلمة زوج كيطلع لو الدم .. 
ريماس .. "جرات كرسي جلسات حداها" هادشي عاارفاه ابنتي ولكن فنضرك .. لو كان كيبغيك غايدي يتخلا عليك بهاد السهولة!! اممم انا عارفة هضرتي قاصحة ولكن انا لب عارفة هو انو لي كيبغي شي حد مكيخليهش و يزيد ..
شغف .. ولكن انا كانبغيه!!
ريماس .. و غاتنسايه .. خصك تعرفي بلي باباك ضد ارتباط العائلة ..
شغف... هانتي ويااه من عائلة وحدة و مزوجين علاش يكون ضدنا حنا ؟؟ هاا
ريماس .. شوفي ابنتي .. كيقول لك بعد من الدم لا يطليك .. الى وقع شي مشكل بيناتكم باباك و يمن غايخسرو مع بعضياتهم .. و نتي عارفة باباك الى شي حد قاسك بسوء غايحرق الدنيا كاملة .. 
شغف .. تا نتي .. تامتي ضدنا 😥..
ريماس .. لا .. ماشي ضدكم .. و نتي عارفة بلي انا مااشي ضددكم كون كان بيدي كون زوجتكم من غدا .. لكن باباك .. رافض زواجد العائلة .. رافض ولادو يرتبطو بولاد خوتو باش ميكون تا مشكل فالمستقبل لي يخسر علاقة الخوت مع بعضهم .. 
شغف .." مسحات دموعها" اصلا واخة ميكونش رافض .. فينو هو رائد ..تا التلفون مكيجاوبنيش عليه ..
ريماس .. لي درقك بخيط .. درقيه بحيط .. خليكي ديما شغف القوية .. سمعتيني .." قرصاتها فحنيكاتها" شغف الصقر .. جبل ما يهزو ريييح .. مفهوووم ..
شعف .."مسحات دموعها و ابتسمات ..مفهووم .. ههههه .. 
ريماس .. " عنقاتها و باست ليها جبهتها" دابا يفرجها ربي .. خلي املك ديما فربي كبيير .. ان مع العسر يسراا ..
شغف .. و نعم بالله ...
ريماس .. ااه"طلات من البالكون" .. هاهوما عمامك غانمشي نسلم عليهم. ..
خرجات ريماس و خلات شغف واخة متماسكة لكن قلبها كان مجروح .. خذات تيليفونها و اتصلات برقمو لي ولات حافضاه بكثرة ما كاتتصل بيه .. و طبعا كيف العادة .."مخاطبكم مشغول حاليا المرجو ترك رسالة صوتية " ...
شغف ..عارفاك كاتشوف اتصالات و مكاتجاوبش .. لكن هذا اخر اتصال و غانسا واش كان فحياتي شي واحد اسمو رائد .. غانسا واششي نهار بغيتك من قلبي .. غانسا حيت نتاا .. مكاتستاهلش ماتستاهلش قلبي لي عطيتك .. كان هذا تالت رمضان ماكادوزوش معانا و من هاد العام مابقيتش غانحسب .. غانشوف حياتي 
صيفطات لو الرسالة غسالات وجها ... عرضاتو للبالكون حتى نشف ..ضربات بشعرها و ابتسمات ابتساامة عريييضة ....

تاج الدين .." سمع الطونوبيلات تصفو قدام الفيلا " عمامكم وصلو .. سيرو فتحو الباب....!
قفز ادهم من فوق الفوتوي و ايهم تا هو تشقلب عاد وقف و مشاو فتحو الباب على عمامهم و ولاد عمامهم قشلة ديال عباد الله و الصداع كولشي باغي يدوي تسالمو مع تاج الدين و ريماس لي التحقات بالصالون غير باش تسلم عليهم و ترجع للكوزينا .. و كي سمعو الاذان اتجهو كاملين لمائدة الافطار لي كانت طويييلة و فيها كراسا بعدد افراد العائلة ...قطعو الصيام و ناضو صلاو عاد رجعو يفطرو فطورهم على خاطرهم...
.........
ايهم .. وا الواليدة الله يهديك المغرب و أدن يالله 
تاج الدين .. هاد مك ماناوياش تكبر .. اااالحاجة راه كيقول لك الرسول صلى الله عليه وسلم .. صلوو على رسول الله ..
الكل .. عليه الصلاة و السلام. ...
تاج الدين ...كيقوول لك اسيدي عجلو الفطوور و أخرو الصحور .. و مكم كادير العكس . كل رمضان عندها تلقاها فالكوزينة مكاتسالي تا كيقرب العشا يأذن ..
أدهم.. مانعرف دوك الخدامااات لاش دايرينهم 
هاجر .. مزالة هب هي كاتبغي دير كولشي براسها ...
ايهم ..الله يسمح لينا منها .. كانعذبووها هههههههه
ريماس .."جلسات حداه " مكين تا عذاب احبيبي .. هذا اول نهار درمضان ضروووري هاد التعطال ..
تاج الدين"خذا يدها باسها" الله يعطيك الصحة ..
أيهم .. " كيحك يديه" هانا هاوتااني على الحاااج و الحاجة و الرومانسية .. ههههههههه ..حشمو شوية را ولادكم كبروو ..
تاج الدين .. ولادنا كبرو دبر راسهم حنا مزالين شباب .. هههههه ..
شغف .. شمن كبرو دويو على راسكم اهياويناا انا مزالة صغيرة 😍و بابا و مامي مازالين شباب .. ترومانساا ابابا كيف ما عجبك ..
ريماس .. ههههههههه ماشتووش رومانسية باكم فيامااتو .. اييه يا الأيام ههههههه 
تاج الدين .. اش بغيتي تقولي زعما دابا راني شرفت ولا كيفاش ..
ريماس .. الله يا ودي ..هههههو الله ما باين عليك الكبر .. انا لي عيني تجعدوو ..
شغف .. زوج حصص امامي و تعمريهم مانعاودش ليك كيف غاترجعي .. مع نتي محافضة على رشاقتك و جمالك .. مانعاودش ليك..
ادهم ..سيري داك البوطوكس نفخي بيه جبهتك بدات تتكمش و خلي عليك الواليدة الزين و التباتة الله يحجبها لينا .. مامحتاجاش داكشي اري داك الراس نبوسو الواليدة ..،"ناض باس لها راسها ..
ريماس .. يرضي على ولدي حبيبي...
شغف .."خرجات ليه لسانها" داير ليا فيها مرضي لحاس الكاابة .. سير سير اصلا ماما لي شافها مايقولش والدة شحوطة فحالكم .. 
ايهم ..ياااو طوووز سيري اشاارفة گرانك تزوجووو و ولدو و نتي مزالة لاسقة فباك ...
شغف .."كانت غاتشير عليه بكاس '' 
تاج الدين.. خليو عليكم بنتي .. شكون شكا عليكم باها باغيها تبقى لاسقة عليه اش مشا ليكم . 
شغف .."خرجات ليهم لسانها .. " يخليك ليلي يا مدلعني 😍😌..
أدهم ..كان ناقصنا غير رائد و تكمل الجرة مع هاد ختنا نصفيوها ليها ههههههههههه
شغف .."حطات الفورشيط من يديها و خزرات فيه ".. بناادم كي دير ..
تاج الدين .."طلع عينيه فشغف و رد شاف فيمن ..ولدك هذا العام الثالث مكيجيش ..
يمن ..واقلة نسيتي واش علاقتك بيه متوثرة..!! ولا نسيتي اخر مرة .. خليني بلا ماندوي .. بصحتك اخاي كول ولدي عايش بعيد و بنا حياتو من جديد ..
تاج الدين .."ماعجبوش الحال " فحال لا كاتحشي الهضرة؟؟
ادهم ..شنو واقع بينك و بين رايد الواليد ..؟؟ شحال هادي ماعتب لعدنا ..
تاج الدين .. خشي فوجهك و سكتنا ..
ادهم .. "خشا فمو مسمنة" هاهو ..😑
عشق .. اوووهووووه .. الله يخليكم حيدو علينا هاد الموضوع كل شي غايتصلح انشاء الله مالكم على هاد الحالة ..خليونا ناشطين ..
ريماس .. كيعجبهم ينكدو علينا الله يحفض ..
تاج الدين .."شد لها يدها باسها من الداخل .. ماعاش لي ينكد عليك يا ماء الماس ..
هاجر .. ههههههههههه مزال كيف العادة ماء الماس و دات الزمردتين ..
تاج الدين ..داكشي لي كيكون فالقلب مكيغيروش الزمان امرت خويا ..😉..
ريماس .." شافت فيه بحب .." ههههههههههه "همسات ليه بصوت غير مسموع" ولينا تلفازة .. كولشي كيتفرج ....
فاروق .. ايه ايه كانشوفو فيكم هههههه لاش كاتغمزيه غا كملو ..
تاج الدين .."خزر فيه" تجمع راسك لا!؟
فاروق .. ههههههههههه رمضااان كريييم ..
تاج الدين .. سعيكم مشكور اسيدي .. 
فاروق .. جاي نعزيك انا.. ههههههههههه ..

تاج الدين ..."خرج فيه عينيه .." تزيد كلمة يعزيوها فيك .."شاف فرزان "..
رزان .."عنقلت يدو'' اللله ينجيه ويخليه لوليداتو ويييلي ....
تاج الدين .. اوا سكتيه .. 
رزان .. ههههههههههه ماغاتبدلووش نتوما واخة يدووز عليكم دهر .. 
تاج الدين .. لي فالقلب فالقلب 😊....
محمد رضى .."هاز ولدو على حجرو" اش بغيتي ابابا!! ..
مختار ..بيييتااا .. بيييتااا بابااا سير سير .. 
محمد .."ضار عند اية " ااش اتاا بغا ولدك؟؟
اية .. ههههههههههه قالك بغا بيضة و عاصير .. ..
محمد .. كيديوي بالشينوية هاد البرهوش .. ههههههه
تاج الدين .."مد ليه البيض و خوا لو العصير " عطي للولد ياكل والدو و ماعارفو تا اش باغي .. قاد تا على راسك نتا ..
محمد.. هههههههه هادي اهااانة فحق زوج و اب محترم .. 
تاج الدين .. اييه طفرتييه ..
عشق .. ارا ليا مختار امحمد.. اراه نوكلو ..
حاتم... "شد لها فيدها" نتي وكلي غا راجلك .. 
اريج .."تكات على كتفها" و بنتك .. ههههههه ...
محمد.... ياااه ياااه غايريم منك اولدي حااسدينك بقااا عند باباك حسن ليك .. 
_________$$$_________$$$_______
الكل كان ضاااحك ناااشط الجو العائلي مكينش فحالو .. و خصوصا فرمضان ..حطات ريماس يدها على خدها و كادور عينيها بين تاج الدين لي كان كاياكل و يمد مرة ليها .. و مرة لشغف .. و بين ولادها بزوج لي كانو كيتمازحو مع ولاد عمامهم.. ابتسماات فاش شاف فيها تاج الدين و غمزها كان عارفها و فاهم فاش كاتفكر .. 
«إن مع العسر يسرا ».. !! هادي هي الجملة لي كانقول كل ما شفت ولادي و راجلي و عائلتي كاملة حدايا و مجموعين بجنبي كاع لي ضلموني فحياتي خذاو جزائهم .. تاتيانا .. خذات جزائها و جود .. خذا جزائو من عند الله حكم العادل ومن نهار مشا يتعالج ماعرفنا اخبارو .. .. أنا ريماس .. لي بدات و بديتو معاها حكايتها من أول دمعة .. انا لي تظلمت و تقهرت من كل حذث داز فحياتي .. من بعد الظلم لي تضلمتو و الناس لي مرو فحياتي و قهروني منهم العزيز و القريب و منهم البعيد .. من بعد ما تذليت و كليت العصى من طرف زوج الأول .. من بعد ما تقهرت منو من باعني لواحد تاني .. الثاني لي ظلمني و قهرني اكثر من اي واحد .. و فالأخير هو لي ولا سبب سعادتي .. هو سبب حياتي لي انا عايشاها من بعد ما كان ضالمني هو لي ولا ناصرني .. من بعد ما كان جارح قلبي ولا هو دواه .. على قد ما نعست و دمعتي على. خذي بسببو ولا هو سبب ضحكتي و سعادتي .. هداني اجمل هدايا .. شغف .. لي شابهة لو فكولشي إلا شكلها الخارجي نسخة مني .. اما شخصيتها كأنها تاج الدين الصقر بنسخة مصغرة .. حنينة لأقصى درجة و جدية فنفس الوقت ..الحاجة الوليدة لي فيها زايدة عليه هي ضحكها الكثييير .. اما شخصيتها قوية فحالو ... لكن من واحد الناحية عاااطفية بزااف بحالي .. قلبها ساكنو واحد منذ الصغر .. واخة مامكتابش يتجمعو و هادي هي اكثر حاجة كاتقهرها لكنها دائما محافضة على قوتها و كاترفض تبين ضعفها لأي واحد كيف ما كان يكون .. أدهم و أيهم .. الشوفة فيهم فقط كاضحك و كاتنسيي هم الدنيا ..وجهتان لعملة واحدة .. طلعو كيتشابهو ولكن واحد منهم فيه حاجة مختلفة على الثاني .. أدهم نسخة عن تاج الدين .. من صغرو كيقلدو فأي حاجة دارها .. طريقة اللباس طريقة الشعر.. حتى بدات تنوض ليه اللحية و هو يبدل الستيل هو وخوه ولاو متبعين الراب و التخربيق ديال هاد الجيل و هادشي لي كيعصب تاج الدين ديما مصادع معاه على القراية و اللباس و الشعر لي مكيبغيوش ينقصووه ..ايهم مولووع بشي حاجة سميتها الكاميرا و التصوير و كيقوول انو باغي يولي مصور فاتوغرافي النهار و ماطال و هو كيصور فالمودلز عندي فالمدرسة.. كل مرة هاهو فين كيصور الغروب و لا البحر و رومانسي بزاااف مجمووع فييه كوولشي و طبعا مكيتفارقش هو و خوه ادهم كيحماق على الحيوانات و الحشرات .. مرة تلقا عندو فار فالبيت مرة تلقى عقرب ..واخة كيسمع خل ودنيه من عند تاج الدين ولكن لي فبالو فبالو بالاضافة لانو كيكتب كلمات و غني الراب و كيعزف على الكيتار .. متعددين المواهب كيبغيو كولشي الا القراية .. و هادشي لي مخلي تاج الدين يقصح معاهم شوية لكن غير فالقراية اما اي حاجة متعلقة بحياتهم و لا اختياراتهم الشخصية مكانش متزمت معاهم فيها لهذا خلاهم يديرو لي بغاو على عكس صرامتو مع شغف و هذا لي كان كيحسسها بالنقص مكانش كيخليها تصافر بوحدها او تختلط مع الدراري الا فحدود الدراسة او العمل لكن فالمقابل كان هو الصديق ديالها و كانت معزتها غير اخوتها كاملين ... هي نور عينيه و الدلوعة ديالو .. هادي هي عائلتي لي بيها تبدلات حياتي ..عائلة صغيرة و سعادة كبيرة الله يرزقكم الحب الحقيقي لي دوقو ييه طعم السعادة و الحياة و الله يرزقكم طعم الأمومة لي مكيتعوضش نهائيا ولو بكنوز الدنيا ..
(ماء الماس)
(ذات الزمردتين ) 
#النهايـــــــــــــــــــــــة...

رواية باقة حب لا تذبل نهاية الفصل الثالث

تذكر انها ليست النهاية .. 
ليس لحبنا نهاية .. هي فقط بداية حكاية جديدة .. 
مع كل نفس نستنشقه .. مع كل دقة في القلوب .. 
يولد حب جديد ..
تذكر اني لن أحبك كحب ليلى لقيس ..
بل سأحبك كحبي لك ..
كحب الزمردة للصقر .. 
فأنت لست قيس و انا لست ليلى .. 
فقط تذكر ان من الممكن ان احبك اكثر من حب ليلى لقيس ..
بقلم : ليالي نسيم (Souhaila)
أشكركم على تتبعكم❤
اهداء لأختي أميمة باميلا🌹


التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.