صورة مصغرة لـشيطان في المغرب الجزء الثالث و الأخير

شيطان في المغرب الجزء الثالث و الأخير

talt l2akhir wa fi w chaytan lmaghrib maroc 

رواية شيطان في المغرب

بعد 5 دقائق تقريبا ..
فاق كمال حل عينيه نيشان ف سقف .. بدا كيتفكر لي وقع شي 10 ثواني عاد فاق مفزوع فيق معاه منال و بدا يدور عينيه فلبيت
كمال : ممم ممم منااال ! نوضي ..
منال ( حلات عينيها شافت ف كمال مخلوع و ناضت بشوية شدات فذراعو ) : و واش شفتي داكشي لي شفت ! 
كمال : شي حد عندو لكرون و عينيه حمرين ؟؟ ياك حتى نتي شفتيه فحالي 
منال : شش شفتووو .. و لكن فين مشا ! 
كمال : بسم الله الرحمان الرحيم .. زعما واش داكشي لي شفناه بصح ولا غا كنا كنتخايلو
منال ( ضرباتو ف ذراعو ) : واش نتا مسطي ! مالنا غانتخيلو ف دقة
راوص ( جالس اونفاص ليهم و داير رجل على رجل و مربع يديه ) : لا مكنتوش كتخايلو .. انا بصح كاين و كنهدر معاكم دابا و هانا كنشوف فيكم و كتشوفوني ..
منال و كمال :هااااععع .. وااا ميي
كمال : مييييي .. ( طلع فوق سداري و تكمش و سد عينيه ) : ش ششكون نتا ! بسم الله الرحمان الرحيم .. انصرف انصرف
منال : ك ك كمااال ( تخشات فيه و تخبات )
راوص : ففف شحال كتزيدو فيه ! دايرين هاد لحالة كاملة حيث شفتوني ! بببففف كون غا ماكنتش كنعرفكم على حقيقتكم
كمال : ش شكون نتا ! و كيدرتي دخلتي ل دارنا
راوص : سؤال غبي حيث انا كندخل لأي بلاصة بغيتها .. اما بخصوص شكون انا .. فكنقدم ليكم نفسي ( ناض و مد يدو و حل السلهام ديالو بطريقة راقية ) : انا راوص
منال : شكون هاد راوص ! ااااععع بعد منا عافاك متقتلناش ... جمع يديك عندك .. ااعع عندك ضفار اععع
كمال : منين جيتي ! واش نتا جن
راوص : ففف عاوتاني غاتقولولي جن .. انا راوص .. شيطان
منال ( طلعات حاجب و هبطات لاخر ) شيطان !؟ هههه كضحك علينا
راوص : مافهمتش !
منال : انا كنعرف شيطان واحد .. هو هاداك لي فيه شعر بيض و كايكون كايطير فزنقة .. نتا جن
راوص : شنو !؟ شكون هاد شيطان لي بيض و فيه شعر و كايطير
منال : هاداك لي كنقيل نشطب فيه ف جردة .. و شي مرات كنكون معندي مايدار كنجمعو و نبدا نتف فيه .. و كنقوليه موت الشيطان موت موت .. 
راوص : هههههههههه شنو ! واش نتوما بعقلكم ؟ هاذاك هو الشيطان فنظركم ! ههههه
منال ( شافت ف كمال و مدات شنايفها )
كمال : سمح لينا عافاك ا سي راوص .. و لكن كيفاش جيتي فجأة و خرجتيلينا و كتقول نتا شيطان و باغينا نتيقوك ! واش مصيفطك لينا شي فقيه ! هادا باينا موحماد لي فشوكة .. ماحاملنيش و باينا هو لي سحر ليا
منال :لا لاا .. هادي مغاتكون غا ديك العوجة لغليضة ديال نادية .. من ديما كتهددني و تقولي الا بقيتو فهاد درب وشمولي

راوص : شششت سكتو ! اش هاد تخربيق ؟ انا راوص مسيفطني افرايين زعيم الشياطين .. و رماني لهاد لبلاد السعيدة ديالكم باش نفد مهمة لي هي ننشر الفساد و العهر و التشوطين و لكدوب و زيد و زيد .. ففففف ( جلس فسداري و حط راسو على لحيط ) : و لكن كرهت كرهت .. مخي مامعاياش و ماقادرش على هاد المهمة .. عييت من حياتي و مابقيتش حاملها .. عايش بدون هدف .. ديما حياتي كتكون على حساب الغير .. انا تزاديت غا باش تا حد مايعيش فحالو و صافي .. ماكايهمش انا واش مرتاح او لا .. المهم شي لاخر خاصني نخربق ليه حياتو .. شفتو انا ؟ راه معنديش مع هادشي واش فهمتوني !؟؟ فقبيلتنا ممنوع انك تبين شي مشاعر ايجابية لشي حد .. كنتزوجو منين كايختارو هوما و غير باش نكبرو لقبيلة .. ماخصناش حنا نختارو ! نهار حبيت و وقعت فالغرام .. بغيت ساما .. كانت زوينة بزاف .. عندها 3 دلعينين .. يعني ميزة خاصة كايماتازو بيها غا الفاتنات ديال الشياطين ..كنا عايشين الحب غير بالعينين و كنتلاقاو فالسر .. حتى هي كانت بحالي فالعقلية .. ( هبط راسو ) : او بالأحرى كااان كايصحابليا بحالي .. صدقات عندها نفس العرق د كلشي لي فالقبيلة ... انا الوحيد لي كنت مختالف .. كنبغي الكالم و كنبغي نستمتع بالحياة و منديهاش فالغير .. سواء كانو من قبيلتنا او إنس فحالكم .. من نهار جيت لهاد البلاد و انا كنشوف شي حوايج فشكل .. شي حركات فشكل .. كلهم تشوطين اه .. و لكن بصراحة !؟ حسيت براسي انني كننتامي لهاد الأرض . انا شيطان اه .. و لكن كنحس براسي شيطان فعقلي فقط .. ماشي فقلبي .. تماما فحالكم .. نتوما واخا كوبل فشكل و عجيب.. زعما نتا كتخونها و هي صابرة ليك و كتقاتل باش ترجعك ليها واخا تسحر ليك .. و لكن كنحس بواحد التيار قوي بيناتكم .. نتوما كتبغيو بعضياتكم و ماتقدروش تستغناو على بعضياتكم واخا مزال مانضجتو .. ففف عارف انكم مكتسناوش هاد الهدرة من شيطان .. زعما ماشي حتى يجي شيطان يشهد بحبكم .. و لكن تيقوني انني كنقول الصراحة .. ان فلول حاولت يمكن شي شوييييا باش نخلق الفتنة و العداوة بيناتكم .. و لكن بتصرفاتكم كنت كنتبلوكا .. كانبقا غير ساكت و نتبع معاكم .. هو فالحقيقة شي مرات كنت كنضحك على هادوك الأفعال لي كاديرو .. و لكن منين فكرت استنتجت انه لولا هادوك المغامرات و تشوطين لي خالقين .. كانت غاتكون حياتكم مملة .. كمال معمرو خانك .. هو فقط كيبغيك و عزيز عليه يشوف الغيرة فعينيك و صافي .. انا كنعتارف ليك بهادشي فبلاصتو .. و حتى نتي كتبغيه واخا ديما كتعايريه .. و لكن قلبك عامر بالحب من جيهتو
منال : العار ا خويا قوليا واش نتا شي ممثل ؟ لا اكيد كاميرا خفية !؟ هههه كمال نوض نوض هادو دايرين لينا كاميرا خفية
كامل : وااايلي ! تسناي نلبس تريكويا
راوص ( شاف فيهم مصدوم ) : من صباح و انا كندوي من قلبي و نعبر و نشرح و نمدح و نعصر فراسي حتى قربت نبكي .. و نايضين كتقولو كاميرا خفية !!!! هااااااااع افرااااااااين خودني نفينييييي فالأرض السفلية عااافاااااااك
منال ( شافت فيه بنص عين ) : واش نتا داك زابور لي كنتي تعرضو علينا من دابا شويا .. بصصصح ؟؟
راوص : واش بنتليكم كنتفلى ! ففف نتوما بني ادم عندكم كلشي ضحك
منال : اويلي ا كمااال عتق ... عندنا شيطان ف الدار
كمال ( قرب منو و بدا يقيس ليه ف كرونو ) : واش هادو حقيقيين
راوص : لا شريتهم من لبال
منال : يااااه حتى نتوما عندكم لبال ○_○
راوص : غانبدا نبكيييييي .. واش بغيتو تخرجوليا عقلي ! راه انا شيطااااااااان شيطاااان ا عباد الله .. باش غانقولها ليكم راكم سخفتوني .. حنا لي عمرنا سخفنا جيتو نتوما سخفتوني ففففف ( تلاح فسداري )
منال : ويلي كمال ! هاذا شيطان نتاع بصح
كمال : صافي سكتينا عنداك يكعا يدير فينا شي عجب
منال :ههمم .. لا باينا فيه مسكين ضريف و مهمووم
كمال : ششت حايدي من حداه .. سي راوص .. نوض نتفاهمو ( بدا كايحاول يقيسو فرجلو ) : سي راوص !!
راوص ( حل عينيه لحمرين و شاف فيهم ) : سخفتوني و عييت .. كنحس بواحد لعكز على كتافي تقييل
كمال : مناال وجدي دوش ل سيد يحايد لعيا
راوص : اشمن دوش !؟ واش نتوما مسطيين باغيين تقتلوني
كمال : بغيناك غير تصحصح و تحايد لعيا
راوص : لما كيطفينا حنا ! و كنموتو .. و زايدون لعيا لي فيا ماشي جسماني .. راه نفساني
منال ( جلسات حدا رجليه ) : هدا علينا ا سي راوص .. داكشي نفساني عندو طبيبو .. تبغي نديوك لشي طبيب !
كمال : سكتي نتي .. سمعليا انا ! شوف نمشيو انا وياك لشي قهيوة نتفرجو شي ماتش و غاديفولا غا بوحدك .. كاع الطاقة السلبية لي فيك غا تخرج
راوص : اااااع .. غاننصارف نتوما غاتفقصوني
اختفى راوص و خلى منال و كمال كيشوفو فبعضياتهم
منال : اويلي فين مشا هادا ( قربات من السداري و بقات تلمس فيه بشويا فين كان جالس ) : اويلي طار
كمال : وا راك زعفتيييه مكتعرفي حتى تهدري
منال : واش انا ولا نتا ! شفتك كلشي كتسبيه فيا بوحدي .. ااف ( طلعات فوق سداري و ربعات رجليها )
كمال : كون غا يرجع .. عرفتي ا منال هاد شويطين غايدخلينا شلا فلوس .. غانوليو لاباس علينا و لملاين غا كيتشايرو
منال : كيفاش زعما
كمال : راه ايلا بعناه غايجيب لينا ثمن خيالي
منال : واااايلي ؟ بصح ! ولكن لمن غانبيعوه
كمال : تانقلب و نسول .. و لكن انا متأكد أ حبيبتي و عندي إحساس ان هاد الكائن غايخرجنا من لميزيرية و هاد دار و يطلعنا للفوووق .. غايوليو ذهوبات و لفلوس غا مشتتين عندنا
منال ( طارت عنقاتو ) : يااااي كنموت على هاد لعقل لي عندك .. هي غانوليو لباس علينا .. غانولي مدام منال مرتضى .. مرات المليونير كمال مرتضى .. واو .. و ديرليا شي صالون كبييير و نحل معاه بوتيك دلحاويج غا دلماركات .. و نولي حتى انا نتمشى بطالونات و طوموبيل و ديما مقادا حالتي و روايحي تتشم من 100 كيلو متر .. نااااري غير بمجرد كنتخايل عشت دور هههه
كمال : و انا غاندير شركة كبيرة و ندير طوموبيل بشيفور .. و نولي رجل اعمال مشهور و تصاوري يبانو فالأخبار و الجرائد .. يا سلااام
راوص : ناااااااري شحال بنادم غذااااار .. ! ناويين تبيعوني يا شياطين د بصح !؟ واش عندكم شي عقل ولا ماتكسابوهش 
كمال : :/ ففف هاهوا جا .. راه غا كنا نضحكو باش ترجع
منال : ههه اه اه أ سي راوص .. اويلي على نبيعوك .. شكون هاد المسطي لي غايشريك أصلا ههه غا كنضحكو يا لغزيول
كمال ( خنزر ف منال ) : مناال ! جمعي راسك واش نسيتيني واقف حداك .. اجي ا سي راوص تفضل و حنا غانوقفو معاك ف داكشي كلشي لي تحتاج و نعاونوك ان شاء الله
راوص : هههمم .. واش بصح تقدرو تعاونوني
كمال : ايلا قدرنا علاش لا ! قول اشنو خاصك
راوص : بغيت نرجع بني ادم فحالكم
منال و كمال : بني ادم فحالنا !؟

راوص ( جلس فلكرسي و هبط راسو للأرض ) : غامر أو مت و أنت تحاول ( هز راسو و شاف فيهم ) : عجباتني نكون انسان و نعيش حتى انا فحالكم و تكون عندي قصة حب خيالية .. تكذب عليا و نكذب عليها و تبغيني و نبغيها و تغوت عليا و نغوت عليها و طيب ليا و نخدم عليها .. و زيد و زيد ..فحالكم تماما .. نتوما كوبل فاشل و لكن عجبتوني 😍 و غاتعاونوني باش نرجع بشري فحالكم و نتزوج ب سناء
منال : اشنو ! تا شكون سناء ؟ شي شيطانة صاحبتك
راوص : لا لا .. هادي انس فحالكم .. من اللحظة لي شفتها سرقات قلبي و مابغاتش ترجعوليا .. ملي شفتها و انا كنفكر فيها .. حسيت بيها كتشبهليا .. تصرفاتها زوينين عجبوني .. و انا دابا كنغامر بحياتي على ودها .. كنضن هادي سميتها التضحية ديال الحب !؟
كمال : ااهه يا شويطين حتى نتا عندك قلب و كتحب بيه .. ههه اجي منال واش حنا فايقين بصح ! قرصيني
منال : و حتى انا جايب ليا الله فحايلا غير كنحلم و من هنا لشويا غاتصوني ليك ساعة باش تنوض تخدم
كمال : هادشي بزاف علينا منقدرش نتحملو .. فجأة خرج لينا شيطان قالك عاونوني نرجع فحالكم .. و لكن مكان مشكل هادي غا قصة خيالية و هاحنا دايرلين ليكم لخاطر حتى نشوفو فين غاتوصل بينا
راوص : واش قابلين تعاونوني
.. منال و كمال شافو ف بعضهم و رجعو شافو فيه : واخا

..... صباح اليوم الموالي
ف المقهى المعتاد ☕ 
فاتي : ساعة باش نتسناك
سمير : سمحيلي ا حبيبة غا طريق كانت عامرة .. اش تماك
فاتي : انا حاملة
سمير ( كان يشرب لما و وحليه فحلقو) : كككح ككح ككحح ككحححح .. 
فاتي ( ضرباتو فظهرو بجهد ) سمير : كيفاش حاملة ! و من ايمتى
فاتي : سمعني أ سمير .. لي نطولوه نقصروه .. انا حاملة و واليديا و خوتي عرفو .. و انا عتارفت ليهم بهادشي و قتليهم غانهدر معاه .. و جيت باش نديك لعدول تتزوج بيا و من بعد طلقني لا بغيتي
سمير : واش تسطيتي ! كيفاش تزوج بيا و طلقني .. عندك كلشي ساهل ! و ياك كنت دييما نقوليك ديري احتياطاتك .. كيدرتي حملتي !؟
فاتي : ماشي مهم .. المهم هو ندي ل با و خوتي عقد زواج و طلاق يشوفوهم بعينيهم .. انا مابغيتش نعيش معاك .. باغا غا ولدي تكون عندو كنية و صافي .. و خوتي و با مأيدين القرار ديالي .. سمير خاصك تعرف انك الى تهربتي من المسؤولية غادي خوتي غايضطرو يقتلوك .. و نتا عارف اننا من عائلة مسااالية و خوتي مدوزين لحبس .. يعني معندهم مايخسرو .. و انا ماطلبت والو .. غير تزوجني و طلقني
سمير ( شرب لما و دوزو من حلقو بزز ) : خليني نفكر
فاتي : واش نتا عاد غاتفكر ؟ يالاه دابا و الى تعطلت عليهم غايقتلوني انا وياك
سمير : اش هاد المصيبة وحلتيني فيها .. تفو .. عطيني ساعتين و نرجع
فاتي : ماغانعطيك لا ساعتين لا عامين .. رجلي على رجليك 
سمير : امري لله
.. مشاو لمكتب لعدول .. شدو نوبة و منين وصلات نوبتهم دخلو .. سمير حاني راسو و فاتي هازاه لسما و كتفرنس
لعدول : مرحبا .. زواج او طلاق ا ولادي
فاتي : بجوج
لعدول : الله اكبر . ياك لاباس
فاتي : غاا زوجنا و طلقنا
لعدول : جبتو معاكم شهود ؟
فاتي : لا
لعدول :تكلم ا سيدي
سمير : لا مجبنا حد .. شهدو لينا من عندكم
لعدول : الله يدوز هاد نهار على خير .. 
بدا لعدول كيقاد مسائلو .. و سولهم واش جمعو لوراق كلهم و قالوليه لا
لعدول : واش نتوما جايين بيديكم خاويين .. لا وثائق لا شهود لا والو و باغيين زواج و طلاق .. خرجو حتى تكونو واجدين و اجيو
.. خرجات فاتي معصبة و سمير مفرنس
سمير : ايوا هانتي سمعتي بودنيك .. معندك زهر
فاتي : ايوا ا حبيبي حتى نتا معندك زهر .. الله يرحمك غاتبقى فيا
سمير : شش شبغيتي تقولي ! ياك شفتي بعينيك اش قال
فاتي : قالنا خاص غا الوتائق .. غذا ان شاااااااااااء الله غايكونو واااااجدين .. و الى بغيتي تهرب و تسمح فيا انا و ولدك .. بلا مانقوليك ان خوتي غايجبدوك من فم سبع .. يالاه تلاح .. هااا حكا ! متنساش لفلوس ديال صداق و المؤخر .. اوكي حبي .. و 500 درهم ديال لعدول لي غايزوجنا بيها .. و 500 ديال طلاق .. الله يعاون
مشات خلات حال فمو و دموعو قريب يطيحو

كمال ( داخل من لباب راجع من لخدمة ) : سلام حبيبة .. حطيتي لغذا
منال : اه هاهوا راوص كيحط طبلة
راوص ( شارليه بيديه من صالون و كيفرنس ) : هاناا 
كمال : ههههه شنو ! دخلتيه للكوزينة يشقا معاك
منال : ايوا بغيتيه يبقى جالس مكيدير والو
كمال :هههه لا نيشان .. باز
منال : ايوا زيد تاكل
.. جلسو كلاو مجموعين و راوص فرحان و كيتبنن فديك لماكلة
راوص : زوين زوين
كمال : مراتي طباخة مكانش فحالها
منال ( بدات تفرنس ) : بصحة
راوص : شوفي .. انا باغي نطلب منك طلب :/
منال : بغيتي نزيدك ؟؟ 
راوص : لا لا .. شبعت .. بغيت نهدر معاك فموضوع اخر
كمال : اهياتا ! شهاد الموضوع لي غايكون عندك مع مراتي
راوص : بغيتها تتعرف على سناء :D
منال : هههههه واش حبيبة القلب لي خلاتك توب
راوص : اه هي .. هي راه مديرة
كمال : وايلي على مديرة 😍
منال ( عفطات عليه ) : جمع راسك
راوص : مديرة و زوينة .. و عندها تقبة د زين و عينين خارجين خضرين .. و دايرة ليميش .. و معندهاش لكرش ( بدا يشوف ف منال )
كمال : سعداااتك ا خويا
منال : دابا شنو !؟؟ شميت ريحة لمعايرة
راوص : حاشة حاشة .. كيغانقدر نعايرك و نتي لي غاتفكي ليا لبلان .. دوي معاه و قوليليها انه عندك ليها عريس .. و عرفي منها واش مزوجة ولا مخطوبة .. مثلا
منال : ايوا انا اش غانستافد من هادشي
راوص : لي ماقضاتو زنوبة يقضيه راوص 😉
منال ( دورات عينيها و شافت ف كمال بنص عين ) : احم
كمال : شكون زنوبة !
راوص : وا حشومة عليكم نتوما ماناويينش تعاونو معايا .. ياك واعدتوني
منال ( ناضت كتجمع فطباسل بزربة ) : لمهم .. انا غا عطيني لعنوان و نمشي نجيبليك لخبار و نعرف منها كلشي
راوص : مؤسسة النجاح .. غانوريلك فين جات منين تكوني واجدة
منال : واخا .. نغسل لماعن و نمشيو
كمال : و انا نوض للخدمة و تماك نسول ليك على هاد القضية ديال كينديرو نرجعوك بنادم فحالنا
راوص : معمري غانسى خيركم :)
كمال : بسلامة هاد ساعة ..
لبس كمال لافيسط و هز فاليزتو .. سلم على منال و خرج .. بمجرد ما خرج مشات طارت منال على راوص
منال : اجي نتا ! كيفاش غاتقضي ليا الغراض
راوص :الى عاونتيني غانعاونك باش كمال يشد عينيه و تولي غا نتي لي كتباني ليه .. غاننفد هاد المهمة قبل مانرجع انسان .. حيث الى رجعت انسان غايمشيوليا جميع قدراتي لي كنمتالك
منال : هيييم .. ايوا هاحنا غانشوفو .. زيد تغسل معايا لماعن .. انا نحك و نتا شلل
راوص: سيري فحالك راك دصرتي ... بنادم كيداير
........
اسماء : الوو علاش مكتجاوبش من صباح
سمير : اسماء قلبي عليا راني معصب
اسماء : اش تماك ؟؟ 
سمير قطع عليها و دخل للمقاطعة دوزوه دغيا و عطاوليه لي خاصو حيث عندو المعرفة بطبيييعة الحال
سمير : تفو على وحلة .. و لكن ماعليش غانتهنى منها و نقلب من هاد المغرب كامل .. اصلا بقاتلي سيمانة فيه و باي باي

منال : افف وا عييت واش وصلنا ولا مزال
راوص : صافي هادي هادي .. هادي هي المدرسة لي فيها سناء مديرة .. دخلي و قضي الغراض بلييز
منال : اجي ا شويطين .. و الى سولاتني كيداير هاد لعريس اش نقوليها
راوص : هيييم .. قوليليها حتى تشوفيه
منال : و الى سولاتني على سميتك
راوص : هييم .. قوليليها سميتي مهند
منال : اويلي على مهند ! واش تسطيتي ! عطيني لوجيك
راوص : فف .. غا قولي مهند مالكي .. ياك هاد سمية كيحماقو عليها لعيالات .. نتي خاسرة شي حاجة !! وااه
منال : ايوا المعلم راه مكيحماقوش على سمية .. كيحماقو على مولاها
راوص : اييوا صافي انا بغيت نكون مهند .. واش سوقك .. دخلي دغيا
منال : ففف .. و الى سولاتني فاش خدام 
راوص : موصيبة معاك .. اش خدام هاداك مهند ! اه ممثل
منال : ياكما باغيني نقوليها ممثل ! نتا راك تصطيتي و خرجليك لعقل مافيهاش
راوص : ايولي واش سوقك فيا ! انا باغي نكون هاكاك 
منال : ايوا الله يخرج هاد العاقبة على خير
.. دخلات منال كتجر ف رجليها و قلبات على لبيرو د المديرة .. حتى لقاتو .. دقات ودخلات و دخل معاها حتى راوص متخفي
سناء : تفضل
منال ( دخلات مبتاسمة ) : سلام عليكم .. الاخت سناء ياك
سناء : اييه مرحبا تفضلي
منال : شكرا حبيبة .. المهم سمحيلي الى جيت عندك لخدمتك .. راه غا حيت معنديش فين نلقاك من غير هنا
سناء : لا مكان مشكل .. واش نقدر نعرف شكون نتي
منال : انا غا مرسولة .. صيفطني لعندك معجب سري 
سناء : ههه شنو !؟ معجب سري ! شكون هاذا
منال : . راجلي .. اويلي بغيت نقول خو راجلي ههه .. استغفر الله
سناء : هييم .. واش كنعرفو !
منال : وايلي راه معروف .. و لكن معارفاش واش كتعرفيه
سناء : معروف ؟ بمعنى ! ههه
منال : بمعنى انه ممثل و نااجح تبارك الله
سناء : وااايلي ؟؟ هي دابا انا عندي معجب و ممثل معروف ! كاع هاذا زهر عندي
منال : واييه زهر لي عندك اختي معند حتى شي حد صراحة هههه طيحتي واحد الكائن عمر شي وحدة قدرات طيحو تا بنتيليه نتي
سناء ( حايدات نضاراتها الطبية و فرنسات حتى بانو ضروس لعقل ) : شكون شكوون هاذا :D
منال : مهند ا حبيبة
سناء ( غوتات بالفرحة ) : واش مهند الممثل التركيييييييي 😍😍😍 الله يا ربي زعما بصح ! 
منال : لا لا ا حبيبة فهمتي غلط .. هاذا مهند ديالنا .. ماشي ديالهم ^_^
سناء : هييم .. واش زوين !؟
منال : هو صراحة مزال مابان 
سناء : كيفاش مزال مابان
منال : زعما حتى تشوفيه و تعرفي
سناء : شحال عندو من عام
منال : هيييم .. يمكن 30 سنة
سناء : قدي يعني
منال : تقريبا .. يا 30 يا 31 . مامتأكداش
سناء : ايوا قوليلو يجي لدارنا الى بغا المقول .. و خاصو يكون عارف انني ارملة .. يعني ديجا كنت مزوجة و لكن راجلي لول مات
منال : اه مكان مشكل .. المهم حنا غانزوروكم فأقرب وقت ان شاء الله .. نتي بنت ناس باينا فيك .. هاد المدرسة ديالك ؟ ( بدات دور فعينيها و تشوف )
سناء : ديال لحاج راجلي لول .. مات و ورتها منو
منال : اه تبارك الله .. ايوا كتبي ليا عنوان داركم
سناء ( كتباتو ليها فورقة و مداتها ليها ) : مرحبا فاي وقت .. و هاذا رقمي .. عطيه لمهند يصونيليا بلاتي نشوف بعدا كيدايرا عقليتو
منال : اه حتى هادي فكرة .. ليوم بليل يعيط ليك ان شاء الله و تتعارفو . 
سناء : ان شاء الله ا حبيية .. و كنتمنى يكون هو هاذا الشخص المناسب لي شحال و انا نتسناه
منال : لااا من هاد ناحية كوني هانية ههه راه هو الشخص المناسب .. يالاه الله يعاون
سناء : مع السلامة

خرجات منال من المؤسسة هزات طاكسي و مشات لدار .. عيات تسنى راوص يبان ليها و لكن مجاش .. حتى لليل عاد بان منين كانو يتعشاو هي و كمال
راوص : هانا .. عطيني ديك نمرة و شي بورطابل 😈
منال : بسم الله الرحملن الرحيم .. ففف وحلتيهاليا
كمال : بقا تعلم ا صاحبي ماشي وقتما رشقاتليك تبان .. لنفترض كنا كنديرو الكلام الفاحش .. وا حشوما ا راوص .. 
راوص : وا بلا محاضرات .. دوزولي نمرة و عطيوني نمشي لسطح او لبيت نهدر و بقاو كديرو فالكلام الفاحش الى بغيتو .. و زايدون ديجا شايفكم 
منال : اويلي !
راوص : ايييه
منال ( خبات وجهها ) : كمال دوي معاه
كمال : أ مابقيتيش كتحشم أ هاد شويطين .. اش باغي دابا
راوص : واش غانبقى كنعاود فيها
كمال : عطيه ا منال بورطابلك فورميليه نمرة خليه يمشي و يهنينا و يخلينا نتعشاو فخاطرنا .. 
.. ناضت منال هزات بورطابلها من فوق تلفازة .. فورماتليه نمرة و عطاتليه لبورطال 
منال : هاك شد .. راني مروشارجيا ساعة .. ايوا سير كملهاليا كاملة ..
خلاها كتهدر و هو مشا طاير كيفرنس دخل لبيت نعاس سد عليه لباب و تلاح فوق ناموسية على كرشو و دار يدو تحت حنكو .. هز رجليه بقا يزعلللهم و بقا كيتسناها تجاوب .. 
و فجأة سمع
سناء : ألو سلام عليكم
راوص ( سد عينيه و بقا كيتنهد و يسمع ف صوتها و يبتاسم بوحدو )
سناء : شكوون ! واش كتفلاو !
راوص : احم احم
سناء : وا هدر ! اش جالس كتحنحن عليا تماك .. و الله حتى نقطع على جد بوك الباسل
راوص : لا لا لا .. سمحيلي و لكن كنت كناخد وقتي و كنحاول نستنشق صوتك لي بمجرد ماداز لوذني سلك طريقو لشراييني تم لقلبي .. دق فيه دقات خلاتو يحيى من جديد و خلاني نترخى على رنتو العذبة الرقيقة و الحنينة
سناء ( شدات لوسادة لي حداها و عنقاتها و بدات تعض ف ظفارها و مبتاسمة ) : واش مهند هاذا !؟
راوص : معاك مهند لي من نهار شافك و هو تالف .. قلبتيليه طريقو و خربقتيليه اهدافو ..
سناء : هههه بزاف عليا هادشي راه كنحشم
راوص : كنعبر ليك على ما بيا و يا ريت كون تحسي بيا
سناء : ههه احم .. لموهيم خلينا نتعارفو .. انا مزال مكنعرف عليك والو
راوص : نتعرفو علاش لا .. و انا هادشي علاش عيطت
سناء : ههه واخا .. لمهم انا سميتي سناء و عندي 30 عام .. أرملة و عايشة مع لوليدة و لوليد و ختي صغيرة .. خدامة مديرة ف واحد المؤسسة خلاها ليا المرحوم الله يرحمو
راوص : مزيان .. متشرفين
سناء : شكرا .. و نتا
راوص : انا سميتي مهند و ممثل .. و عندي 2087 سنة
سناء : اويلي ههههههههه دمك خفيف باينا
راوص : هههه علاش ! واش عجبتك 😍
سناء : ههه لا مزال . ايوا قوليا شحال عندك من عام
راوص : اه .. هههه عندي .. عندي 35
سناء : 35 ! قاتلي مرات خوك غاتكون قدي .. ايوا الحمد لله كاين فرق د خمس سنين بيناتنا .. 
راوص ( ساد عينيه و حال فمو كيسمع ف صوتها و مبتاسم )
سناء : ايوا
راوص : الصمت 
سناء : هيهوو الو !!
راوص : اه .. انا كنسمع غا هدري
سناء : احم راه نتا لي مصوني لا ؟ ههه علاش صونيتي
راوص : باش نهضرو 😍
سناء : ايوا هضر
راوص : كنبغيك
سناء : هههه اويلي يهديك الله راك زعما 35 عام .. ماشي مراهق لي غاديرليا ديك الدخلة د الو سلام كنبغيك
راوص : كنبغيك .. حاس براسي كنعرق دابا .. قروني سخنو عليا
سناء : هههه اويلي على قرونك ! شنو هادو
راوص : امتى نجي نخطبك
سناء : و انا مزال مشفتك .. نتا قلتيلي ممثل و انا مكنعرف حتى ممثل مغريبي سميتو مهند
راوص : لا كنمثل لهيه .. ماشي هنا
سناء : اه يعني نتا ممثل عالمي 😍 كتمثل ف سينما د هوليوود .. هاكاك عليها معرفتكش .. حيث مكنتفرجش لدوك الغرب بزاف
راوص : اه اه .. داكشي
سناء : عندك شي صفحة رسمية فالفيس ! اولا قوليا شي فيلم متلتي فيه نديرو نتفرجو باش نشوفك .
راوص : معنديش و مغاتلقايش .. متلت فواحد الفيلم عاد جديد سميتو شيطان في المغرب .. و لكن مزال كنصورو فيه .. منين يتم العرض ديالو فالقاعات السنمائية غانمشيو انا وياك شادين ف يدين بعضياتنا و نتفرجو ليه 😍
سناء : ههه صافي ان شاء الله .. احم جامي نويت انني شي نهار غانهدر مع شي حد مشهور مباشرة .. و يقولي بلي باغي يتزوج بيا مزال ههه فعلا الحياة كتبغيني
راوص : اه انا مشهور .. مشهور فالعالم كامل و كل بلد و كيف كيعيطولي .. شفتي ديابلو ! 
سناء : اه هاداك المكسيكي او الأرجنتيني زويون
راوص : ايوا راه هو انا ديابلو 😍
سناء : نوو كضحك عليا ! شوف نتا كطنز و مامتيقا حتى كلمة من هادشي .. باينا فيك شي مسالي و كذاب .. يالاه بسلامة ضرب على نمرتي الكذاب لاخر ... وا زوينة هادي قاليك انا هو ديابلو ..
راوص : تسناي .. متقطعيش عافاك .. الو .. الوو .. لااااااااااا قطعاااات
.. ناض بزربة حل لباب و هي طيح منال و فوقها كمال .. كانو كيتسنطو
راوص : قطعات قطعات .. قاتلي كذاب 😥
منال : الله يمسخك .. يا ربي تبلوكيك .. من مهند ل دياببو .. والايني شيطان نتا د بصح
راوص : سكتي نتي انا غانولي ديابلو ضد فيكم و نفقصكم و منخليكم حتى دوزو من حدايا .. ( غبر خلا غا ريح و طاح لبورطابل فالأرض )

في اليوم الموالي ..
فاتي : اش هاد تعطيلة
سمير : ماتزيديش تمرضيني .. دخلي
فاتي ( طلعات فيه و هبطات و دخلات لمكتب لعدول )
.. عطاوه الوثائق اللازمة و وجدليهم الشهود .. عطاهم ينسنييو .. سنيا سمير و بقات فاتي .. يالاه جات تسنيي و هو يوقفها لعدول 
لعدول : بلاتي ا بنتي .. شحال فصداق
فاتي : 2 دلمليون
لعدول : كتب تماك 2 دلميون
سمير ( تبلوكا ) : ش ش شش شنوو ووو !
لعدول : عطاك صداقك ا بنتي ولا مزال : مزال ماعطاهني
لعدول : ضروري خاص يعطيهليك و لو غا نص منو حدانا .. لمهم شحال فالمؤخر
فاتي : 10 دلميون
سمير ( بدا كيضحك بهستيريا حتى سالو دموعو )
لعدول : مالك ا ولدي
سمير : ههه 10 د لميون ههههه
لعدول : اييه عرفنا .. كتب ا ولدي 10 دلميون .. ( عطاها لكتاب تسنيي )
سنيات فاتي بزربة و بدات تفرنس .. شافت ف سمير لقاتو مصدوم و مزال كيضحك فحايلا قاصتو هاديك لي كتضرب و تهرب
لعدول : مبروك .. كنتمنى ماطلقوش ا وليداتي فكرو شويا
فاتي : اييه ا سيدي راه فكرنا .. حنا غانبقاو ديما مزوجين و عمرنا نفكرو نطلقو .. شكرا
سمير : 10 دلميون ! هههههه و 2 دلميون
لعدول : جاتك 550 درهم ا ولدي
سمير : و 550 درهم هههههه
فاتي ( قلبات ليه جيوبو جبدات لفلوس و عطاتهم لعدول و خرجاتو )
.. خرجو لبرا شادا ليه فذراعو و هو مكينطق بحتى كلمة
فاتي ( كدوي مع راسها ) : ناري الحمد لله كلشي داز هو هاداك .. لحجاب لي عطاتني ديك شوافة ديال لقوى قضى غاراضو
.. خرجو لبرا و شافت فيه و بقات تفرنس
فاتي : مبروك علينا ا حبيبي
سمير ( بدا يحك ف عينيه و مامستوعبش )
فاتي : تزوجنا و عمرك تفكر طلقني .. لعدول دوز لينا ديك تعطيني 2 دلميون حداه ديال صداق .. و لكن مغاندوزهاش ليك ا حبيبي انا
سمير ( رجع لوعيو ) : كيفاااش ! تزوجنا !؟؟ واش كضحكي عليا ! حطيتي 10 دلميون ف المؤخر باش عمري نفكر نطلق ياك ! لعبتي عليا
فاتي : نسيتي 2 دلمليون د صداق ا حبيبي .. خاصك تعطيهاني باش نوجد راسي للعرس ^_^
سمير ( هز يدو و يالاه بغا يضربها و هي تشدهاليه ) : معمرك تفكر فيها .. متنساش خوتي كيتسناوك
سمير : نصبتي عليا الكلبة ياك .. و لكن شفتي غادي غير تولدي ناخد ولدي و نهجر عمرك تفكري تلقايني
فاتي : هههههههه و حتى يكون شي ولد بعدا .. انا محاملاش غا ضحكت عليك .. حلفت حتى تكون ليا .. سولت و لقيتك خاطب شي جحشة سميتها اسماء .. و دابا نبغيها تعرف انك وليتي راجل لمرا .. ضرب على كلشي .. و الى لحقتي لوذنيك عضها .. يا تعيش معا مراتك حبيبتك لي كتبغيك .. و تتحمل خوتها لي صعاب .. يا طلقني و تعطيني فلوسي .. 10 دلمليون ديالي .. و مع سلامة كل واحد يمشي فطريقو من بعد .. ها ! ختار ا بب .. لمهم نخليك تفكر على خاطرك .. نمرتي راها عندك ا راجلي لعزيز .. بليل صونيلي علمني امتى غاتجي تشوف با و خووتي ههه يالاه تشاو .. طاااااكسي
.. مشات خلاتو فحال ديما واقف مسمر فبلاصتو
...
كمال : راوص كتسمعني !

راوص : كنسمعك اه
كمال : لموهيم يمكن هادي هي دار ديال داك لفقيه .. هاد الطريق بانتلي خاوية و مهجورة .. ماموالفاش تكون هاكاك
راوص : اااه ... مقادرش نتنفس .. ااااه
منال : كمااال ! كتسمع شي حاجة ! 
كمال : راوص ! كتسمعنا ؟ مالك
منال : فين غبر هاذا .. كمال انا مامرتاحاش لهاذ لبلاصة .. و ماموالفاش ليها تكون خاوية هاكاك حتى طير مافيها .. شفت راوص سكت .. راااوص واش كتسمعنا
راوص ( غوت بجهد و هو يبان ليه تهز حتى للفوق و تخبط مع الأرض ) : اناا .. اناااا مغانسمحش ليكم تتحكمو فيااااا .. اااااه .. قتلوووني .. قتلوني .. مكيشرفنيش نعيش شيطان
منال ( عنقات كمال و تخبات فيه ) : كمااااال
كمال : حبيبة ماتخافيش .. بعدي بعدي .. رجعي لور
راوص : ااااه بغييييت نكون فحالهم .. بغيييت نكون ضعيييف ااااه .. هاذا اختياري و ماعند حتى حق يدخل فيه
كمال : يمكن كيهدر مع شي حد من عالامهم
منال : اه هادشي لي بانليا .. ناري على راوص مسكييين .. اهئ اهئ كمال دير شي حاجة .. خاصنا ننقدوه من بين يديهم .. دخل جيب لفقيه
كمال : منال .. طلعي نتي دغيا عند لفقيه جيبيه
منال :لا نخااف .. يالاه معايا
كمال : منال سيري دغيا .. انا غانبقى مع راوص
منال : واخا
طلعات منال لدار لفقيه كدق كدق ... حلات ليها مراتو و دخلات
.. راوص : نتوما مكتفهمونيش .. معمركم غاتفهموني .. كتفكرو غير فراسكم ... ااااااااااااه .. بعد مني .... ااااااه .. غانستحمل هادشي كامل ماشي سوقك .. ااااه عذبني و قتلني لا بغيتي .. مغانتراجعش عن قراري ... ااااه لاااااااا .. ماتقربش ليها .. كنحلف ليكم الى قربتو منها غانتحول لوحش
كمال ( كيقطر بلعرق و مخبي مور شجرة و يعض فظفارو كيراقب راوص كيتخبط بوحدو فوق الارض و يتعوج )
منال : هاهوا السي لفقيه .. 
كمال : سي لفقيه .. انا لي هدرت معاك لبارح و شرحتليك الوضع .. حنا جبنا ليك راوص كيف طلبتي و لكن .. كيف كتشوف .. يمكن جا شي حد من العالم ديالهم و كيمنع فيه
لفقيه ( بدا كيشوف ف راوص مخرج عينيه ) : بسم الله الرحمان الرحيم .. بسم الله الرحمان الرحيم .. اعوذ بك يا رب من الشيطان الرجيم .. اعوذ بك يا رب من كل نفس خبيثة و قوى شريرة طاغية ..
راوص : اااااااااه .. قتلني ماقادش نتحمل .. صااافي قتلنيييييي ... اااااااااه
منال : لاااا كمال متخليهمش يقتلوه .. اهئ اهئ كمال قوليه يدير شي حاجة .. انا مابغيتوش يموت
كمال : سي لفقيه عافاك دير شي حاجة
لفقيه : مغانقدرش ندخل ا ولدي .. هادشي اول مرة نشوفو .. انا مزال كنستوعب انني نشوف قدامي شيطان
راوص ( غوت غوتة وحدة زعزع بيها الأرض كاملة حتى تهزات من فوقهم و نوضات الغبرة و طيحاتهم .. )
بعد لحضات ناضو من الأرض و ناض لفقيه مشا جيهت راوص لقاه ساد عينيه و مسرح رجليه .. رجع جسمو فحال شي خشبة تماما
فقيه ( قاس فيه و بدا يتفحصو )
منال ( مشات جرات عندو و تلاحت عليه فالارض و كمال من وراها ) : راوص فيق فييق .. هاهوا لفقيه غايعاونك باش ترجع انسان فحالنا .. فيق ا راوص
لفقيه : للأسف ا وليداتي .. كنضن صديقكم الشيطان مات .. هما كانو قوا منو و اكيد مغايسمحوش ل واحد منهم يرجع انسان .. قتلوه و سلبو منو طاقتو
منال : اوييييلييي على مات ! كماااال قول شي حاجة .. راااوص فيق
كمال : ميمكنش يموت .. راااوص فيق ا صاحبي اش هاد ضحك الباسل .. رااااوص فيييق
فقيه : وليداتي راكم غا كتعذبو فراسكم .. راه مات .. و فاش كيموت الشيطان على حد علمي .. كيرجع جسمو فحال الخشب .. و تقدرو تقيسوه الى بغيتو .. راه رجع خشبة
منال : لااااا مامتيقااااش لاااا

دارت منال جنازة بلبكا و كمال كيهدن فيها .. صحيح ماقداش معاهم بزاف د الوقت .. ولكن توالفوه و فراقو كان صعيب عليهم .. معمرهم تخايلو شي نهار انهم غايطيحو فصداقة مع شيطان و يتأترو و يتدمرو لفراقو ..
بقا الفقيه كيدقق فجسمو و يشوف فيه باعجاب و مستغرب .. و منال ناعسة على كتف كمال و شادا فيد راوص و دموعها سايلين ..
شوية حسو بصهد .. و ريح قوية سخوونة بزااف .. طلقات منال من يد راوص حيت رجعات فحال شي جمرة حرقاتها .. و عنقات كمال و هي مخلوعة .. بعدو ب 3 من حدا راوص و انباعت منو ضوء ابيض سااطع كيعمي الأعين .. 
فجأة .. !
راوص حل عينيه و شكلو بدا كيتبدل و قرونو بداو كيدخلو حتى غبرو تماما .. ملامحو بدات كتحول لشخصية اخرا .. بدا كينوض ليه شعر رطب كتيف و لحية خفيفة زوينة و عيونو تبدل لونهم من الأحمر للأزرق .. جسمو اصبح من جسم هزيل و نحيف ل جسم طويل ذو عضلات .. تقطع السلهام من الجسم الجديد لي رجع كيمتالك راوص .. حل عينيه زرقين شاف ديريكت فسما بصورة واضحة .. عكس الصورة لي كان يشوف بيها الحياة من قبل .. انخفض الضوء شيئا فشئا حتى اختفى و مشا هاداك ريح .. و بانليهم راوص نايض و كيشوف فيديه .. او بالأحرى شخص اخر .. بمعنى اوضح ؟ انسااان جديد
لفقيه : سبحان الله سبحان الله .. 
كمال : ر ر راوص ؟
راوص ( بدا كيشوف فيديه و يتلمس فوجهو و يقيس جبهتو يشوف واش فيها لقرون او مشاو ) : انا رجعت .. رجعت .. هههههه مامتيقش
كمال : واش نتا راوص !؟ راوص هاذا نتا لي رجعتي ياك ؟؟
راوص ( شاف فيهم و ناض ابتاسم و حل يديه و شاف فسما و غوت بجهد ) : انااااااااا رجااااااااااااعت .. اناااااا انساااااااااااان .. انا تولدت من جديييييد تولدت من جديد .. و اخييييييرا .. كون عرفت ان موتي كشيطان غايخليني نحيى كإنسان كن قتليهم ينفيوني للأرض و يقتلوني فيها شحاااال هادي
فقيه : مرحبا بيك ا ولدي فالعالم ديالنا .. هادي معجزة عشتها فحياتي عمرني غاننساها
منال (حلات فمها ف راوص ) : ك ك ك كماال ! كمال
كمال ( شد ذراعها و بدا يضحك ) : حبيية هاهوا راااوص رجع .. رجع انساان
راوص ( تلاح على كمال عنقو ) : رجعت ا صاحبي .. شكرااا ليكم بزااف شكراا بزاااف .. انا بفضلكم غانعيش حياة هادية كأي انسان عادي
منال ( غا كتشوف فيه حالا فمها و كتنغز ف كمال ) : مامتيقااااش
راوص : ختي منااال ! انا رجعت
منال : رجعتي .. اه رجعتي .. رجعتي ديااااااابلو لي فلمسلسااااااال ( طاحت للأرض سخفات )
راوص ( قاد لكول ديالو ) : و دابا عاد غانعيش الدور مزيان 😈 😉

بعد يومين ..
منال ( كتقاد ليه لكول ) : ناري مزال مامتيقاش و الله .. راه مخليت لمن قلت ان لي متل دياببو خو راجلي 😂😂 
كمال ( خارج من بيت نعاس كيدير ف ساعتو ) : مناااال .. حايدي من تم 
راوص : حايدي حايدي يدك ا ختي منال .. راه سي كمال كيغير عليك مني 😉
منال : من حقو 😍
كمال : دخلي وجدي راسك دغيا و نتي من صباح و نتي لاصقة فيه كتوجدي فيه
منال : هاهيا غادا .. بقا غا نلبس صباطي
عويشة ( داخلة من لباب و هازا معاها صاك فيه حوايجها لي غاتمشي بيهم للخطبة ) : هااااي هااي على شويطين ديالي رجع كيحمق و غايسطي لينا الجنس اللطيف
راوص ( مشا باس ليها يديها و راسها ) : خالتي عويييشة .. توحشتك و توحشت مغامراتي معاك
عويشة ( غمزاتو و بدات تضحك ) : ايوا بلا فضايح ههه
منال ( خارجة من لبيت مقادة لحالة و كادير فلحلقات ) : خالتيي عوييشة .. مرحباا .. كيف جاك عريسنا
عويشة : ايوا راوص راه انا اول وحدة كتاشفتو .. و انا لي عندي لحق فيه
راوص : يهديك الله ا خالتي عويشة . راه لعروسة كتسناني
منال : اويلي ا خالتي رجوع الله هههههه
عويشة ( جبداتليه ودنيه ) : عندك زهر صغاريتي .. اما و اللهما نفلتك كن تحولتي ل شي شويريف
كمال : لبسي دغيا الواليدة خلينا نمشيو را تعطلنا .. راوص يالاه نطلعو حنا ل طونوبيل نتسناوهم راه بديت نتعصب .. ملي رجعتي بنادم و مراتي حاضياك و دابا زادت حتى مي .. 
منال : ايوا جرب حتى نتا من داكشي ل كنتي معيشني ههه
راوص : بلاتي نتافقو من دابا ! انا من ليوم فصاعدا غايكون سميتي محمد .. بلا ديك مهند ! اوك
كمال : مشات ا با سيمو .. يالاه
... لبسات عويشة و قادات و خرجات هي و منال من بعدما سدو لباب .. طلعو لطوموبيل لور .. و يالاه غايتحرك كمال و هوما يسمعو شي صوت رقيق كيطلب منهم يوقفو
منال : اويلي هادي اسماء لهبيبة جايا كتجري بطالووون ههههه
اسماء : تسناااااااو .. دييونييي معاااكم 
وصلات عندهم كتنهج حلات لباب لوراني و طلعات بزربة حدا منال و سدات لباب بجهد
اسماء ( كتدوي و حاطا يدها على قلبها و كتنهج ) : يالاه نتحركو غايكونو يتسناو
منال : اويلي نتي شكون عرضك و جايا كتجري و بمجكياجك كلو سايح بلعرق
اسماء : سكتي عليا كنتو غاتمشيو بلا بيا ياك .. خليني نمشي نفوج نحايد الغمة لي فقلبي من جيهة داك لي مايتسمى .. و من جيهة هاد لخييير كامل لي كان عندك فدار و مخبياه عليا يا لغذاااارة اهئ اهئ .. مشيتي تخطبيليه من بعيد و مخليا صاحبتك 
راوص : هههه منديكش نتي واخا تبقاي اخر وحدة هههه
كمال : صافي سكتو .. ( شعل راديو و جهد للموسيقى و مشاو كيصفقو وناشطين حتى وصلو لدار سناء )
ام سناء : مرحبا مرحبا
عويشة : يرحب بيك الخير يا لحبيبة
اب سناء : مرحبا بيكم .. تفضلو .
من بعدما جلسو و استقبلوهم بالحلوى و اتاي .. دخل كمال و عويشة فلموضوع و قدمو ليهم محمد ( راوص ) على انه ولدهم .. يعني ولد عويشة و خو كمال
اب سناء : الحاجة جيبي لبنت
ام سناء : واخا الحاج .. 
مشات مها تجيبها و بقا معاهم الاب
اب سناء : بنتي هي لي عندها الحق توافق او ترفض .. انا ماعليا غير نقوليهم الله يكمل بلخير
دخلات سناء حاذرة راسها و حشمانة .. غير هزاتو و هي تجي عينبها فعينين محمد ( راوص ) .. اش متوقعين ؟؟ اكيد سخفات سيدة ههههه 
... دازت الخطبة زوينة من بعد ما فاقت سناء و عطات موافقتها ب 1000 نعم .. و الخطبة كاملة محايداتش عينيها عليه وهي كتفرنس و غاطير بالفرحة ..
بعد شهرين تزوج راوص ب سناء و هي مقاداها فرحة و عرضات كاع صحاباتها للعرس و كاع المعلمات و كاع امهات التلاميذ و لي دازت عليها فزنقة كانت تعرضها ... راوص من بعد زواج خدم الخدمة لي كان باغي اكيد .. رجع ممثل و المخرجين كيتخاطفو عليه و مسميينو ديابلو المغرب .. و كملو حياتهم ف سعادة و عمرو قاليها انه فواحد نهار كان شيطان و ماشي انسان .. و لكن نسا ان جيناتو شيطانية و ولدو وااااحد لولد كيحمق بزين و لكن شغانقوليكم .. شييييطاااان فأفعالو و مكيزكاااااااااش .. ضوشمظض ضتزضنو شوشنن ..

♨ النهاااااااااااااية ♨