مدات ليه يدها بشوية حتى شدات فيدو وجراتو عندها وهي مخلوعة خايفة يطيح من تما ...جراتو عندها عنقاتو بقوة ولسقات عليه كتبكي وتنخصص وهوا معنقها وقببو كيدق بسرعة .... شافت فيه وشدات ليه يدو حطاتها على كرشها وقالت
نينا: هنا ولدك .. هنا طرف منك ... كفاش تقدر تمشي وتخليه ... غيكبر ويسول على باباه شنو نقول ليه انا ديك الساعة
حط يدو على كرشها فصمت وهبط على ركابيه عراها ليها وباسها .. عنقها وبدا كيبوس فيها ويقول
اسلام : وسط هاد الضلمة اللي كنت فيها جيتي بحال الشمعة ضويتي ليا حياتي .... نتي عاءلتي .. نتي حبيبتي ... نتي حساتي اللي غنعشي .. على قبلك وعلى قبل ولدي ... الى بغيت نعيش .. غنعيش على قبلكم نتوما وصافي
جلس مجمع معاها حتى وصلات الطبيبة .. دخلات فحصاتها قدام اسلام وهوا جالس شاد لنينا فيديها كيهضر معاها .. سالات الطبيبة الفحض و قالت
الطبيبة: مبروك عليكم .. المدام حاملة بشهر نصف السي سقراط ... خاصها الراحة فهاد البدايات ديال الحمل ديالها ... حتى يشد راسو وديك الساعة تقدر تحرك
اسلام : اوك شكرا
خرجاا مشات فحالها من بعد ما خلات ليها فيتامينات ومقويات سيفط عليهم اسلام جابوهم ليه ..
فرح بيها وماقداتو فرحة ... كيتسنا بفارغ الصبر يشوف التغير على نينا الناتج عن حملها ... ويحس بتحركات ولدو عاد ديك الساعة يحس انه ا فعلا اب بالاحساس ماشي بالهضرة ...
زيرها تجلس فالفراش خوفا عليها ... هوا اللي كيدور بيها كل شوية ويبوس ليها فاليدين وفالرجلين ويعطيها اي حاجة طلباتها واخا لوجود اوليفرا اللي رادة بالها مع نينا وحملها لاكن .. فضل يحضيها هوا بنفسو . لاكن مع الاسف الشديد ... النهار اللي فكرات فيه تنوض من فراشها وتدخل للحمام .. زلقات فواحد الصابونة ومشات ليها رجلها فالخوى جات طايحة على ضهرها بالجهد .. غوتة وحدة خرج معاها اسم اسلاااام " بصوت عالي . للاسف اسلام مكاينش معاها فالبيت ... شدات فضهرها كتبكي مقصحة وتسنا شكون يجي يعاونها توقف ويها على كشرها كتألم
رقبة تحت السيف الجزء 40
محتوى القصة
التنقل بين الأجزاء