صورة مصغرة لـحبيبي الأصم الجزء 50

حبيبي الأصم الجزء 50

habibi 7abibi l2asam
رواية حبيبي الأصم الفصل الثاني روكان

اسد شد لبيسي و كمل كاسو دقة وحدة وخرج تاكتلاقاه وحدة من الخادمات بزيها الموحد .. جيب حمرة و شوميز فالبيض مخشيا فيها و شعر مشدود لور هازا فيديها طابليت
- اش بغيتو فالغدا اسيدي شيق شوية ويوصل ... مزال مدام للاسماعيلي مكتباتش لينا الموني و سي عادل قالينا هي لي غادي تعطيه لينا 
- طلعي سوليها راه لفوق .. بلا متخليوها تهبط تاتجي دكتورة
- حاضر اسيدي ... 
حنات راسها تامشا عاد طلعات و هو خرط لبرا بانليه اسبرو معافر مع واحد الكلب سلوقي معععضل و سلسلة فعنقو .. وجا عندو بيه و اسد شدو من السلال كيدوز يدو على راسو 
اسبرو : قالولي بغيتيه اسيدي .. 
اسد : فين يونس 
اسبرو : خرج دابا شوووية ..
اسد : مابغيتش لامار تسيق لخبار عارف كولشي كاتقولو ليها ... 
دخل اسد جار معاه الكلب وطلع فدروج خلفة عندو فيها 4 درجات و دوك الخادمات غي كيشوفو مافاهمين والو و الكلب فيديه كيلهت بلسانو .. تاوصل لبيت سارة .. و فتح دخل ديركيت هي كانت كتجمع الفراش شافتووو وهي تخلع خصوصي من الكلب و من تخنزيرة لي داير تهدو ركابيها.. وهو طلق الكلب فلبيت يقلب .. ودار يدو فجيب د سروالو و معلي فيها حاحبو 
سارة : اا .. ا اسد اش واقع ...م مفهمتش
اسد مكيردش عليها تاكيشوف الكلب خارج من طواليط بواحد ساشي فممو و شدو عليه اسد بطراف صبعانو بانليه خاوي باقي فيه شوووووية ورجع شاف عنها ...
سارة : ااسد .. تيقني و الله الى داكشي لي بقااااا و الله لعظيم مكنكدب ...
اسد شاف عند الكلب واقف عرف بلي مابقاش .. ورجع طلقووو يهبط فدروج يقلب فدار ....و رجع شاف عنها 
اسد : هادشي شفتو تسالالك ... نزيدوك ؟ شحال خاصك 2 غرام ؟ كيلو ؟ 
سارة غي كترمش و ترعد و الالوان كاملين فوجهها .... 
اسد : ( بحدة ) ككلسي 
سارة كلسات على سرسر كتشوف فالارض 
اسد : علي عينك ... بلا ماديري فيها حشمانة وجهك ماشي ديال الحشمة ... ( بحدة كتر ) علي عينيك 
سارة : اااسد .. اش غاندير راه كنحاول ننقص منو و مقاداش ديما كنحس براسي الى مخديتش منووو غانموت وراسي كيحررقني ووداتي كترعد ... 
اسد باقي واقف كيشوف فيها شي عقل كيقوليه شدها من الشعر و لوحها مع درووج وكيتحكم فراسو ...
اسد : هبطي لبيرو ... دقيقة لاتعطليتها غانجي نهبطك بطريقتي ... 
خلاها وهبط لقا لكلب فصالون معندو والو ورجع دخلو بيدو لكوزينة مالقا والو و طمن ملي دار مابقاش فيها داكشي .. و خرجو لبرا عطاه ليهم يردوه ... وهو دخل لمكتب جابو ليه قهوتو ... و حال البيسي قدامو تاكتبان ليه فتحات لباب بشوية و لونها صفر بالخلعة ووما ليها بعينيه تكلس ... وجات كلسات حداه وهو كيدور ففنجالو د القهوة ومصغر فيها عينيه فللخر دفع ليها لبيسي بجهد بيد وحدة تاضار عنها ووبدات تشوف و ترمش وهي كتشوف ففراسها كدير داكشي فطبسيل وصدرها بدا يطلع ويينزل وكتتتلههت تامن ودنيها كيصفرو هو مراقبها ... سالا الفيديو هو يبلعو ليها بيدو وهي ماعرفا طلع عينيها ولاتهرب ولا اش ديييييير كتحس بلي راها فطريق مقطوعة مع دالك مابغاش تستسلم ... جسمها عرق و فزك بالكامل وقلبها كيضرب بججهد تاولاو يحرقوها نبضاتو
اسد : كيجاك الفيلم ؟؟ مم .. مابليش واش فيه الرعب تالهاد درجة لي تعراقي .... ( سارة مكتردش غي كتفرك فصبعانها ) ممم ... بلا محفي دماغي دابا .... كترة الهضرة ماعنيديش معاها خصوصا مع وحدة بحالك .... يلاه شرحي ....اش هادشي ؟ 
سارة غي كتسرط فريقها وضور بمومو عينيها 
اسد : ( غوووت تاقفزها ونوضها من الصدمة ديالها ) اااش هادشي سااارة 
سارة :اسسسد .. ش شووف . م م ماتفهمش غلاط .. اناااا
اسد : مغانسولكش ليمن كنتي دايراه ... وتا علاش ... بغيت نعرف فين كنتس باغا توصلي بداك شي 
سارة و قفات بهستيرية و كادير لا بيدها
سارة : ت تاااحاجا اا اسد .. ت تااااحجااااا تسييقني لتااحاجاااااا
اسد : بلا داك الحراكات دوزي تكلسي ... ( سارة كلسات و باقا فداك الحالة و كتجيها الحكة ) 
اسد : ساارة .... بااااش نقي الجو لمراتي قبل مانتزوجو راكي شتي شهر و نا نافيها ومبعدها على اي حاجة فيخا الخطر ... وشفتي اش درت ... وماتهنيش تاسيفطتو لروضة ... ولاخور للحبس ...غي باش نجيبها ونعيشو هانين انا ويااها و وولاادنا ...وعلى راحتها غاندير كتر من هاكا مزال ....تجي نتي قد هاكا ( وراها بصبعانو ) و توسخي ليا الجو ... و نسكت ليك ؟؟؟؟ هم ! لا وخصني نراعي من الفوق .. ليوووني.. لشنوو مريتي منو ..( بحدة ) طططلعي عينيييك شوفي فيا .....فين كنتي باااغااا توصلي بداك شي ؟؟؟؟؟
سارة : ل ل ليوووونس ا اسد .. د د رت هادشي فطبسيل ديووونس .. مقصدت ندير لتاحد شي حاجة مااشي لامار درت هادشي تيقني .. و م وماشي ولووولدكم .. ل ليونس .. حي حييت حنا مخصاميين .. و وهو خوا بيتو .. و و و و بغيت نردو لياا ويطلع ينعس فبيتو بلا مايحس تالصباح ويلقا راسو حدايا .. ولقيت ديك طريقة 
اسد : ممممم تهلوسييه ...طريقة جديدة هادي فتحزار عندك .. ومن سوء حظك يقد يتقيها لك كولشي .. الا انا
سارة : ر را واخا نهضر مهاه مغايبغيش يسمحليا .. اش غاندير بغيت نرجع راجلي ليا
اسد : السقف د كدوبك ماشي و كيتعلا ...ومغايريب غير عليك ...

سارة : تيقني مكنننكدبش هاد المرة 
اسد : ساارة ... شوفي فعيني ...وخليك صريييييحة حيت مغانعاودش نعطيك هاد الفرصة... المرة جاية غاتكركبي مع لباب ومغانراعيش مزال ليونس ..... شوفي عندي وجاوبي ... ونا عارف الجوااااب غي قوليه ... باغيا يونس ؟
سارة بقات غي كتشوف هنا و هنا اش غادير دابا قدام هاد السؤال ... و علاش تا طرحو عليها ... وفاش يكون كيفكر اسد دابا .. وكيفاش عارف الطواب هاد .. اذن هو راه فهم بلي هو المقصود .. اءن غاتكون لامار قاتليه كولشي .. الى زادت نكرات غي غاتبعظو عليها كتر ... كتحس براسها فتالي د طريق .. الى قالت باغا يوونس صافي غاتخخسرو ... طلعات عينيها و شافت عندو 
سارة : لاااا ..ماباغاهش
اسد : و علاش تزوجتيه
سارة : ح حييييت معنديش فين نعيش
اسد : هاحنا بدينا تاني فكدوووب 
نااااضت بعصبببية و حممرة معصورة 
سارة : مككككندبكش اااسد اااااه انا عمري بغيت يووووونس و لا غااانبغيه شي نهار انا عقلي و قللللبي و كووووولشي مع وااااحد اخوووووور وهو عمروووو حس بناااار لي فقلبي ( كتتبكي و ضرب لقبلها ) هنااااا شاااااااعلة كتتتتحرقني ... وهو كيزيد يحتتتتقر فيا .... 
اسد طلع راسو لفووووق ماباغيش يشوفها كتقول هاد الكلام ....كيتحكم فرااااسو بصعوووبة ويتنهد باش مايغلط ... باش يسنع بلي البنت لي كان كضنها ختو غي كتستغل فخوه بهاد الشناعة ... و خاضو يصببر حيت كتبقا مريضة بهادشي ... مقاظش يقسى عليها بقات فيه ... ومقادش تايدوز ليها هادشي ....ماكانش داير حساب لهاد الكارثة ... ندم على نهار لي دخلها لدارو ...وعلى نهار لي رجع لعنهم ... وكيشوف دابا فحااالتها ... تاباش غي يزعف عليهت .. شفقااان عليها ... ادمانها صعيييييب .. وحبها المريض صععععب .. اشنو غايزيد يعدب فيها كتر من هاكا ... هبط راسو عنها عاض على شفتو من حالتها وهي كتشوف فيه .....
اسد : ويونس شنو دنبو ؟؟؟؟ علاش تضلميه معاك
سارة : هووو لي كان لاااسقيني انا مجبتوش لعندي بزز
اسد : واقفتي على زواج بخاطرك مدارش سلاح فراسك ... كون رفضتي كان دابا جااب لي تستاهلو .... ككلسي 
رجعات كلسات كتنفس
اسد : ( اتنهد ) دابا شغانديو معاك غي قولي ليا ... هم ؟
سارة : قتلني لابغيتي..... اما ايونس عمري نبغيه .... وعمر قلبي يييبرد ولا ينسى هداك لي ساكنوووو من سنين
اسد : اسنو كتمسي دابا نت هادشي 
سارة: حب 
اسد : لا ... هذا مرض .. 
سارة :سميه مرض لابغيتي مستعدة نمرض بيه طول حياتي 
اسد : شغلك هداك ... باغا تصلحي مع يونس و تبداو من جديد ؟ تعاودي تلمي شملك راه عنكم ولد ... و تصلحي لي ضيعتيه و ترجعي لراجلك لي مكيشوفش من غيرك .. و تعيشو هانين .. ؟ تصلحي ؟
سارة : لا مااابااش
اسد : اوا رفعي طلاق اذن ... ماعندو مايدير بوحدة بحالك مزال.... وانا غانتكلف بكولشي و نحررو من وحدة مكيستحقهاش ومكيتحسقش يدمر عليها .... و مركز معالجة الادمان كيتسناك ..ظ مغالوحكش لشارع غي تهناي .... ( سارة كتشوف مصدومة ) نهار داواااي عاد غانعرف كيفاش نتصرف معاك ... اما ونتي فهاد الحالة مامعاكش العضرة 
سارة : ا اش اااشمن مررركز ... اااشمن مرررررركز مغااانمشي تالشي بللااااصة اسد خرااااااام عليييييك دير فيا هاكا 
اسد : اوا نتي مابغيتش تصلحي ... اش غاتبقاي كديري معانا هنا ؟ الى مكنتيش مراتو ؟ بصفة شنو غاتبقاي كالسة هنا ؟؟؟؟؟ راه خييرتك ... مابين ديري عقلك وتجمعي راسك هااانتي كالسة .... مابغيتش راه المركز هو فين غاتمشي .... 
سارة بدات غي كتشهق وتبكي 
اسد : ( تنهد شفق من حالتها ) بلااا هاد الحالة دابا... راه كولشي درتيه راسك مضلمك حد.. كنتي عايشة مخاصك تاخير ...محتارمينك .. عاطينك قيمة ... راجلك فجنبك ...ولد منو كيتربى عندك ... ماحمدتيش ربي اوا هادي هي الحياة لي كتسناك... مغاندقش نرتاح .. ونتي مع لامار فدار وحدة ....
سارة : لامااار لاماااار لامااااار بغييييت نعرف اش دارت ليك
اسد : وااااش فهمممتي هضرتي ؟؟؟؟
سارة انا مغانقول ليونس وللوووو 
اسد : لا غاتقولي ليه ... ويلا سمعت حسك كتقوووليليه كنبغي واحد اخور من غيرك ... ماشي المركز لي غاتسناك ... الروضة حدا عمك ... هانا فين كنحدرك باركا عليه غي صدمة وحدة ... نتي راه مريضة و خصك تعالجي .. ونعاود نقولهالك نهار تبراي .. نعاودو نهضرو ... يلاه برا ... 
سارة بقات غي كتشوووف فيه 
سارة: مغاااااااانمشي تالشي مكررررركز .... انا مغاانبعدش عليك
اسد : ( بهدوء ) برا ...
خرجات ولتخات موراها لباب كتنفس و طلعات لبيهتها و بدات غي تهرس و تشخش وتغوت تاجات الخادمة عند اسد كتجري 
الخادمة : سيدي ... واحد سيدة فليبت حاالتها حاااالةة راه كتتهرس فكووولشي 
اسد : شدو عليها لباب ....
خادمة : حااضر .. 
شويى و جات اخرى
خادمة : سيدي ... دكتورة وصلات نطلعوها لالة لامار ؟
اسد : لا .. طلعوها لسيدة لوخرا ....

مشات الخادمة و اسد تكا على لمكتب شاد على راسوووو .. مقادش يقساا عليها وفنفس للوقت باغي يربيها على هادشي ... تاهي هادشي مساهلش عليها تعلقات بحب مستحيل .... و وخشات راسها فدوااااامة على قبلوو.. زواااج حمل كدوووب اذمان ... مكرهش لو انها تصلح اخطائها و ترجع لراجلها ....ولاكن ملي مكتبغيهش علاش غايبقا يونس معدب معاها ... يشوف حياتو .... وااعد نفسوو باش متيتخلاش عليهاااا ... يدير اي حاجة و يرجع سااارة لقديمة ... يرجعها كيف كانت قبل مادخل فهاد المتاهة دالادمان الصعيب ووالهوس لمريض .... 
رجع ناض ...طالع عندها لبيت لقا طبيبة و جوج ممرضات معاه وهي كضرب فيهم و تقمش فراسها ماباغاش يقيسوها غي دخل وهي تشوف عند اسد ...خلعو منضرها شعرها منتوف على وجهها ومقطها عليها حوايجها ...
سارة :مااااتقصينيش هاد المررررااا مابغيتهاش تقيييسني ولدي انا لااباااااس وبلا ماتقيييصني 
دكتورة : اش عندهت اسي اسد ؟ ( سارة كلسات فالقنت دالحيط كتقول غي ماتقيصتيش وواسد شد لباب لاتجي لامار ) 
اسد : كتعاطى 
دكتورة : هي لي دارت لمشكل للمدام 
اسد : هم ... و حاملة و كتعاطى من هذا شحال ... الجينن يكون زعما مزيان ؟
دكتورة : مستحيل ... لان فهاد الحالة ( كتشوف عنها ) وهاد الدرجة من الادمان و الجينن يبقا بصحة مزيانة خاص معجزة
اسد : ممم .. داكشي علاش بغيتك دوزي ليها ... بغيت نطمن على ولد خويا 
دكتورة : كنعتدر مغانقدش نقيصها فهاد الحالة .. خاصك تجييها ليا لكلينيك باش يهدنوها و يشدوها عاد نقد ندوز ليها .. ومن لاحسن نعيطو ليك لاختصاصية فهاد الحالات د ادمان الحوامل 
اسد : عيطو عليها .. غدا دابا نجييها ليكم 
دكتورة : كوون هاااني اسيدي 
اسد : اجي معايا لامار لهيه ... 
خرج ونعت ليها بيت لامار وهبط .. لصالون عيك لعادل 
اسد : عادل ... كنت وصيت قبيلة على شي إباري .. الى وجدو سيفطهوم ليا دابا ... 
قطع عليه وتنهد.. مرتاح نسيبيااااا ملي غاتعالج و يونس الى بغا يبقا فجنبهاا يبقى .. الى بغا يتخلى عليها ... حياتو هاديك مهم هو خاصو يوقف معاها حتى تخطى هاد الازمة ويرها سارة لقديمة .. كيحس براسو مسؤول على هادشي لي وصلات ليه حيت بسباب حبها ليه دخلات لهاد شي ... وخصو يخرجها منو .. ومايضيعش حياتها... رد شعرو لووور و استنشق اوكسجين جديد ولاح السيلبي باش يطلع ومايبين والو حدا لامار ... 
طلع لبيتو فتحو لقاها معريا ليها كرشها كتفحص شافتو وابتسمات له .. تاهوا تكا على لحيط مربع يدو و مبتسم ليها ... عينيها وهوما ضاحكين كيلمعووو كينسيييييوه كلللشي .... وكيحس كاين شي حاجة زوينة فحياتو ... وكيحمد الله لي عطاه مرا بحالهااا كتبغيييه بلا مقابل ..... فالوقت لي كاين غي للاستغلالين ... 
سلات دكتورة و ضارت عندو 
اسد : كولشي مزيان؟
دكتورة : تمامااا ... تاخد غي لي فيطامين ديالها و الحديد .. وخرجت ليها تاكينات ينعشوها ويخففو عليها الحموضة و دوخة ... وراني وصفت ليك حليب خاص بالحوامل تشربو غايفيد الجينن بزاف .. كنظن مابقاتش محتاجة للمرضات دابا ... ولاكن ترد لبااال 
اسد : اكيد ... تفضلي 
مشات طبيبة و هو قرب لعنها كانت كتسكد فحوايجها وشد يديها باسها 
لامار : فييين كنتي
اسد : غي لتحت ... 
لامار : جاو كيسولوني نكتب ليهم اش يطيبو فالاسبوع ... مكتبتش ... قلت تاتجي وتعرف
اسد : رااك نتي مولات دار احببتي خاصك تعرفي دبريها و تحطي لايحة اسبوعية لوجابات وتعرفي تنظيميهم باش ملي يكونو ولادنا ياملو منظمين فجو صحي .. انا ظابا نعاونك تعمريه ويلا تشهات شي حاجة لقطيطة ديااالي قوليهالهم يصابوهالك... جبت الشيف القديم لهنا راه غايعجبك طيابوو ... 
لامار : ودابا هوما غايديرو كولشي وانا ش غاندييير
اسد : غاتهلاي فووولدنا .... نهار يجي مغايخليك ديري تاحاجا غاتولي مقابلاه غي هو ... 
لامار : يييييييي والله تاااامتشووووقة امتى نشووووفو ..... 
جبدها لعندو حط راسها عليه كيبوس فيه و رجع هبط تكا حداها كيدور صباعو على شفايفها ....و هبط لعندها بحنية باااسهااا بوسات متقطعين و طلعات فيه عينيها مبتسمة 
اسد : مرتاحة احبي ؟
لامار : وكيفاش مانكونش مرتااحة ونا حداك
اسد : هههه اجي عندي ... .
هزها حطها على ركابيه وهو كالس متكي على راس سرير و بدا يشوف لعند صدرها لي كيبان من كسوتها دنعاس وعاااض على شفتووو
لامار : بللا مااادير فيا ديك شوووفات ماقاااادااش و الله 
اسد : ( بصوت اطفال ) غي وااااحد
لامار : لاااء بعد مني ... اجي فطرتي بعدا 
اسد : مابغيييتييييش تعطيني نفطر ( كيخشي راسو فعنقها تاهبط لفتحة دصدرها كيدوز عليه بلسانو ومطلعو لعندو بيدو تاتبوررشااات وطلعات راسو لعندها وهي عينيه دبلو
لامار : اااسد عفاااك ... ووالله ماااقادة 
هزها عندو وقلبها تحتو 
اسد : هانتي شوية غاتولي قاااادة اروحي ( جمع ليها يديها موراه بيد وحدة وبدا يبوس فيها و يمص فشفايفهاا ووهبط لعنقها وودنها وهمس 
اسد : نموووت فحيببتي انا 
تاحسهااا استرخااات و طلع عندهت بشفايفو و شافها منسجمة عاد بدا يفتح ليها فخيوط لبينوااار 
(اسد باش يعحبك واخا تنوض القيامة يكوي😂 الباااسل لخااااانز المكبوت😂)

ماطلق منها تاشحفها قال واحد صدق فطوج وتالت كون مجامعات رجليها عندها كون قضاه ههه ولي بغا يموت لتحت يموت هههه سورت لباب و لي ليها ليها هههه .. وطاح حداها كينهج
لامار : تفوو هادي واحد
اسد : ( شدها من شنايفها مزير عليهم ) هاد شنااايف لي كايقلوو تفوووو غانقلعهم من بلاصتهم 
لامار : ( تنترات ) بع ممني .. داك ساع قلب شنو تبوووس 
اسد : هههه حمقة ... ( قربها عندو خشاها فيه كيلعب فشعرها ) مابغيتيش تخرجي شوية 
لامار : فين نمشيو 
اسد : معرفتش ... مهم باش ماتصدعيليش راسي فليل حيت مغانكونش معاك وغانجي معطل 
لامار : علاش فين ماشي تاني 
اسد : عندي حفل خيري لابد مانحضر احبييبتي 
لامار : وعلاش ماتدينيش معاك؟؟؟؟ يام فالميسكسيك ديتني معااك ودابا لي مراااتك لا
اسد : وفالميكسيك كنتي مزيانة ... دابا احبيبتي راكي عيااانة و كدوخي غي راسك ... ماعندك ماديري بشي صداع ولا شي سهر 
لامار : ياااك باش تجي داك خيتي تااااني تبداا تشلقم فيك
اسد :هههه هذااا علاش ههههه ... غي تهناااي مكاينش لي غاتقيضني من غيرك ( حبدها من نيفها )
لامار : ديني معااااك عفااااك اسد .. و الله مانددير شي مشكل غي نكككلس و نتتتتبت ويلا بغيتي منهضرش كاع .. عفاك والله تامحتاجا شي بلاصة نفوووج فيها 
اسد : ونوضي دابا نخرجو شوية ويحن الله ...
ناااضت لدريسنيغ وهو بقا مع تيليفون تالبسات سيرفيت فزرق غالق ودارت فوقها مونطو قصير مع صبادرين ووصاكها و شعرها خلاتو على راحتو ... خرجات عندو 
لامار : حبييبي واجدة يلاه ...
شاف عنها كيطلعها و يهبطها 
اسد : ديري كاشكولك و عطني معاك جاكيت الكحلة .. 
جابتها ليه لبسها و شد فيديها هبطو وهو باغي غي يبعدها من داك الجو .. تاتهدن سارة .. خافها تمشي ترد عليها حرها ... يلاه وصلو لطوموبيل وهو يشوف واحد جاي 
اسد : دخخلي من الشتا ... انا جاي 
دخلات لطوموبيل وهو مشا عندو شد عليه ليباري ... و رجع لدار بزربة ... سول عليها قالولو مابغاتش تاكل و دخل عندها لقاها باقا فداك قنيتة ... و مشا عنها ... 
هي شافتو و ناضت عندوو 
سارة : ااااسد ماتخليييش دييك مرااا تقيصني عفاااك ولدي بخييير 
اسد :مغااتقيصكش .. كلللسي ... يلاه كلسي 
كلسات على سرير و بدا يطلع ليها فالكم ديالها وهي مراقباها
سارة : ا ا اش كدير ط ططلق من يدي اسد اش غادير علاش داك اابرة
يلاه غاتزيد تهضر تاشفتو ضرب ليها الابرة وطلعات مع عرقها .. 
سارة : اااسد اااش هااادشي .. علاش دكيتي هاد البرة اااااااسد فهمني
خلاها كتهضر و هبط لعندهم لتحت وصاهم باش يبدلو ليها داك الحالة ويجمعو داكشي لي تهرس ... قبل مايجي يونس ... 
عاد خرج لقا لامار كتسناه .. طلع فطموبيل دينارا و شاف لعنها 
اسد : فين بغات تمشي غزالي انا 
لامار : ( بغنج ) ياااك قلللتيلي احبيبي غاتديني عند اريج .. واديني... بالي مشطوون عليها ارووحي و الله ... ماعرفتها علاش مشات و حتا كيبقات عفااك ديني

ديمارا و وزاد لفين خدات اريج ميني فيلا ديالها و لامار كطل من زاج
لامار : هادي داارها ...
اسد : اه .. هبطي انا فطوموبيل .. شوفيها واش كاينة ... فاش نصوني ليك هبطي عندي .....
لامار : ( ضارت عندو وجبداتو من حناكو ) خخليييك لياااا .. 
هبطات هازة صاكها و صونات .. 
ارسج كانت فبييتها ناعسة باقي مفاقتش و تا من راسها بتفي ثقيل عليها ...تاسمعات صونيط و ناضت بتثااااقل كتجر فرجليها شافت لانترفون فكاميرا بانتلها لامار واقفة ... تفكرات لباارح غاتكون تشوشات عليها وتنهدات ..... 
اريج : ططلعي ططلعي احبيبة 
فتحات ليها لباب .. وولامار شافت عند اسد لي لطوموبيل درات بايباي بيديها شافها دخلات عاد رجع مشا لمركز د علاج الادمان ويختار ليها طبيب مزيان يجي لكلينك ديالو و تما تعالج ....
عند عدنان ....( كلينيك فألمانيا كالس فواحد كرسي حالتو حاالة و تحت عينو زراق تاجا واحد من مساعديه لعندو ) 
*بالالمانية 
- الحجز ديال للمغرب راه فساعة الثامنة ... 
كون هاني اسيدي ...
وما ليه غي بعينيه بآه و ناض لزاج كتبان ليه مستلقية ومغطسنها بازار و الاجهزة دايرة بييها وداتها المكمشة كاملة خيوط ووجها شاحب ....كيشوف فيه ويرمش و عينه ثقال بقوة مكان كيبات حداها سهران .. بغا يكلس معاها ولاكن لابد مايمشي يحضر للحفل دروكان ماباغي يضيع تاااافرصة فللقاء ديالو ... باغي يمشي يرونها بأي ثمن .... 
عند لامار .. 
طلعات فدروج تالقات اريج بلبينوار د الحمام و عينيها منفووخين ووجها حممر و شعرها منفوووش 
لامار غي شافتها خنزرات 
لاماى : هذاااك وجهك و لا قفااااك
اريج : ماتكملييييش عليااااا...زيدي دخلي 
زادت كتطر فرجليها لصالون و كلسات .. و لامار كلسات تاهي كتشوف فيها 
لامار : اش واااقع ؟؟؟؟؟ اش قلتوز نتي و يونس .. و علاش مشيتي فهمنننني .. 
اريج : اوووودي خليني ساكنة ... الرجال فاش كيلقاو شي وحدة كتبغيهم كيطغاااو و يتتزززلعوووو ... وهاديك لي عاطياهم القميع لاسقين فزكها ... نيت داكشي لي خصهم ... كوكان البريق يعيق كاع مايعطي كروو للحريييق ...
لامار : عاوديييلي شنووو وقع ؟؟ دغيل قبل مايجي اسد.... بغيييييت تفصييييييل الممل .. و قبل ماتعاودلي غاااتنوضي تبدلي عليا هاد الحالة دايرالي اابرتقالة المرة ... نوضي راكي خلعتيني بداك شعكاكة ... و نا غانعيط لاسبرو .. مايمكنش تحلى ليا الكلسة بلا بييييه

لامار : وانووضي دغيا تكعدي من قدامي
اريج : غي خليني عفاك مافيا لي يتحرك راسي كيطرطق 
لامار : شربتي بعدا دواك
اريج : لاا نسيتو .. فكككرتني بعدا .. ليلة كااملة وراسي ضارني ماهمت تا وزة .... منين جانا هادشي ...علاش غيبنا ؟؟؟؟ 
لامار : فنظااارك منين جاااا .. من ساااارة الشمكاااارة الفااارة الحمااااارة الاه يعطيها الارارة 
اريج : و اشمن غراض عنها تغيبناااا ؟؟؟؟؟ مااافهمتش
لامار : بااينا غاتكون بغات تآدي لووولد و دارت داكشي .... ولاااكن فاش دارتو لينااا منعرررف ... قلتها لاسد ماتيققنييش ككاااع
اريج : اش قلتييلووو اصصصكعة
لامار : قلت كوووولشي ماقديتتش نصبر قتليه سارة كتبغيه
اريج : لا لا مااقااااال اسبرووو سطل متتقوووب تاكنتي سطل متقووووب نيييييت ...ماسي غي ماقوووب مفففففردك
لامار : ( حشات ليها صبع ) هاااااك
اريج : طلعيه مع كرك و كلسي عليه .... هضرتي بلا دليل ياااا طنكة 
لامار : كاااان خاصو يتيقني بلا دليل ... هو بااااااارد منهاد ناحححية كاااع ...بحال هضرت بحالا كاع
هضرت ... خلاني تاخويت مصاااارني وكرررعت بكولشي و قاليك الاالة و منبعد
اريج : عبر على باباااااااااك ...
لامار : نوضي ازمر بدلي حالتك بداك شعكاكة كتهربي الملائكة تخلعي ليا ولدي ... 
اريج قريبات لكرشها 
اريط : كتكوووتي على قبلو نووووض نبدل 
لامار : واسيري دغياا غانعيط لاسبرو يجي ... 
ناضت اريج لبيتها و لامار عيطات لاسبرو .. اريج لبسات بيجامة خفيفة و ضفرات شعرها لقدام ماسالات تاكان اسبرو جا فتحات ليه و طلع ....وحطات ليهم عصير و كلسو مجموعين 
لامار : ماااالك كتشوف فيا هاكاك واكلاك الورث 
اسبرو : ( شاف عند اريج ) فخبااارك اش دااارت هاد زنطيط طوبة القوادس
اريج : واايه راه قالتها ليا
اسبرو : دابا هادي ماشي ديال تكرفصي ليها وجهها 
لامار : داك ساع يكرفص ليك روكاني جهااازك تناااسلي ....وكاااااع الى متييقنيش هووهيم دابااا راه غايررد بالوووو منهاااا و غايبقااا بشك انا كنعف اسد كيداير ... مهم درتهالو فراسو 
اسبرو : ويغلبك نتي شي حد فالهضرة ... قولولي مالكم لبارح ؟ اش وقع ليكم خرجتو كي بوزريوط كتلااووووحو و كتهرننووو .. شي قشبلتو شي فلتو وشي بربي مافهمتو

اريج : كناااا كنهضروو اويييييييلي
لامار : هاوووويلي وووحي اش قلنا لا لا صااااافي بربي تانكونو زبلانهاااااا 
اريج : لحبيب ا اسبروووو و عتق ... واش كنا كتهضرو بزاف ... لاااا صااااافي غاااانكون قلت حتا شحال بقا لي غييييكل .... فمي و نا عرفاه
اسبرو : مااارعرررفت لباباكم مافرزت والو ... داروكم فطوموبيل و كنتو كتشيرو بيديكم و ضحكو كي المقرقبااااات ... اشنو كليتووو الصكعات .. ونتي لدينمك معارفاش راسك حاااملة غا لي لقيتيه خشيه فداك دلقوش 
لبزطام
لامار : وااارا داك العضمة المعضمة راه معرفت اش دات لينا تاكجكجاتنا ..سمعت طبيبة كتقول لاسد مهلوس مااا مهلوس ... باااينا كانت باغا تآدي لي ولدي 
اسبرو : اش كنسمع ؟؟؟؟ و شنوو قاتلك طبيبة
لامار : لا قاتلي كولشي مزيان مي كون خديت جرعة كبييرة كان غايتسبب هادشي فللاجهاض الله يستر ( طبدات كوفيتيرها من صاك كتاكل تاني )
اريج دقات فطبلة : الله يحفظوووو
اسبرو : لا لا لا ... كون بغات تآديلك ولدك كون عطاتك كتر .... وزيد علاش تا أريج ... لا ... لا .. مكنضنش ديرليك مهلوس .. الى بغات تقتلو ليك كانت ديرليك من داك الغبرة نيت ... المهلوس كانت قاااصدة بيه واحد اخووووور الالة مرااات سيدي لامار : ( كتهضر فمها عامر بكونفيتير ) وشكون غاتققققصد بيه 
اسبرو : سي اسد .... فاش شافت القضية حماااااضت و حريرتها فاضت و عطات ريحة .... دارتو فطاس ... باش يخرج على عقلو وهي تجيبو لعدنها يمكن باش تشوفيهم نتي حيت هاظي هي طريقة الوحيدة لي يقد اسد يمشي عنها مابعقلو راه ساااابع المستحيلات ... ومايعقل على والو بحال كيطرا ليكم ....مقاااااصداكش 
اريج : زعما ؟؟؟؟ اوا اذن علاش كليييناه انا و لاماااار لاكانت قاصدة بيه اسد
لامار غي كترمش .. وتمضغ فكونفيتير فاللخر شافت عنهم و بلعاتو 
لامار : صببببر صبببررررر ... حنا رااااه كلييينا من طبسيل اسسسسسسد ..... ااااااه كلينا من طبسيلو انا و اريييج و ديما معروووف ناااشف 
اسبرو: الله يعععععععععزززز الكونفيييييتييير ... كوولي كووولي 
اريج : و الله تاااهااااد المونفيتير نعععععمة 
لامار : وررررربي قلب كولشي على راااااسها ... شششفتي الشررر عمر مولاه مايررربح .....
اسبرو : ولايييييني مكتسواش .... اسد اش قال فهادشي 
لامار : تاهو شك فيها حيت بوحدها لي كدخل ديكشي لدار .. ولاكن قال غانكون كليتو بالغلاط ولاح كولشي على ضهري 
اسبرو : ونوضتي نتي ابزولت الحلللوووف قلتي كووولشي ... 
لامار : وداباااا لي وقع وقع .. شحال غاتبقاو نخخخبيو ... صبر بعدا .....اجي نسسسولو هاااد خيتي اش دارت مع يونس لبااارح 
اسبرو : واايلي فاايتني بزززاف دالحلقات .. فين شتي يونس نتي 
لامار : على مافخباركش ازين المسرار بلي هاد المرجااانة فاش خرجونا من كلينيك يونس قالينااا وخا تخليونا نتمشاااااو و شد فيديها نعاماااااس و زادو للللبحر ...
اسبرو : ررررربي رررربي 
لامااار : واااايه ... ومعرفت اش وقع منبعد وهزات حوايجها فنصايص ليل وعيطات جبد
اسبرو : اش وقع؟؟؟؟ ( لاريج )
اريج : ساليتو ؟؟؟
لامار : وعاودلينا الخرا راسي ضرني .. اش قالك ؟؟؟؟
اريج : ( تنهدات ) راه عرفني .... قالياااا ريييجو
اسبرو / لامار : رييجو ؟؟؟؟
اريج : اه ريجووو كان كيعطلي بهاد السمية هذا شحال ... 
لامار : غااا جاا وتفكرك .. غاااامعطاه الله
اسبرو : نزل عليه الوحي مثلاااا .. باينا فاش كنتي مبوقة حطيتي المزيودة ببيها بحريقها 
اريج : ونا باش غانعرف .. بحال والو ... مي هو قالي شفتك كتردي و تفكرت .. حيت واحد نهار كنت مريضة وتقييت حداااه
لامار : حب الانقياء وسط القياء مااااهذاااااا الخرااااااء

اسبرو : وااصبري خليها تكمل ... اوا شنو اخووور
اريج : بدينا كنتفكرو صغر كان كولشي هو هذاك .. حتى بدا يفكرني بلي راه مزوج وعندو ولد فطريق .. وناا كي مشطة الصلع كالسة نعببررر ... وقتليه بلي مكاينش لي تبغيك بحالي .. اوا وقمعني ... قجووني دبحووووني كويييوني نسسسستاهل 
لامار : كيفاش قمعك
اريج : ورااا بااينا ... قااالي انا مزوج وكدا... بحالا انا معارفاش ... صافي جيت هزيت حوايجي رجعت فحالي ... حسيت بلي مابقا عندي ماندير تما .. من بعد هاااددشي ماغااديش نزيد نفرض و نطيح من راسي كتر واش السيد كيقولي فوجهي انا مزوج .. يعني خطيني عليك بلانديريكت غير لامابغيت نفهم .. نزيييد لسقو... وخا نكون مسكة ...عندي كرامة 
اصبرو : استسلمتي ؟
اريج : بحال داكشي 
لامار : غاتنسايييه زعما
اريج : ( بقات شحال وضورات راسها بلا ) منقدش 
اسبرو : ياك ملول نتي عارفاه مزوج ؟ و كنتي مصصمة على رايك دابا اش تبدل ...
اريج : دابااا قااالها ليا بفمووو ا اسبرو... نكون عارفها ماشي هي نسمعها منو ..
لامار : مكنضنش واش قال لعييب ... رااه كيف مكان الحال كيبقى بصصح مزوج ويونس انا كنعررفرو مايقدش يخون مرتو وها تكون كيفما بغات تكون ...رجولتو مكتسمحس ليه .. ولاكن نهار يعرف لالة الياااقوت عندو اش كتسواااا غايغرف بقيمتك .. هووو قال هاكاك غي باش مايتعلقش بيك يمكن .. . و تانتي يحيد ليك الامل حيت كيضن معندو تاشي سبب لي يتفك منها بيه ... حينت بيناتهم ولد ... هادشي لي بان ليا
اسبرو : حتاا انا ... من اااحسن بلا متستسلمي ... 
ارييج : كرامتي فوق كولشي ... فوقو تاهو و فوق زوااجو وفوق تاحبي البسيط .....مهم را الفكرة دابا فراسو .. والكرة فملعبو ..أما باش نزيد نلوح راسي عليه هي لي ماتكوونش و عمرها لاكانت لشي ولد المرا ... ولاكن هادشي مكيعنيش انني مغانعاونكمش ... باللعكس بغييييت تخرج داك الميكروب من حياتك نت و راجلك .. و حتا من حيااتوو ... ولاكن منبعد مغانتسنا منو تاحاجا مزال ..... تسنييت منو نهار سيفطتليه فالفايسبوك باش يتفكرني ...وخيب ضني ... تسنيت منو ظابا يعرف شحال كنبغيه و يعطني فرصة خيييبني ... صافي مابقيت غانتسنا دابا والو ...حيت انا لي كنجيييبها فصحتي ... 
لامار : وكيغاديري تعاونينا لامجبدتيهش لعندك
اريج : عطا اله ماندير فاش محتاجااني هانا معاك .الله يجعلني نقلب بيتها قنت بقنت و نوري ليه مرتو على حقيقتها ... ولاكن مايتسناش مني حاجة اخرى ... تقمعت بما فيه الكفاااية .... الى كان باغيني هو لي غايجي هاد المرة ماشي انا .... درت لي عليا ...
لامار : معررررفت مانقولك ... مغانبزز عليك تاحاجا نتي تعرفي .. كوكنت فبلاصتك كنت غاندير نفس التصرف
اسبرو : عنها الحق ... نيت ماترخصيلوش راسك بزاف .... 
اريج غي كتشوف و هاااابط ليها المورال
للامار : شوف على خرررية ..والله مااااجات معاااااك ططططلقيها ازمر
اسبرو : الله يعطيني لي تببببغيييني تا انا 
اريج :هاااناااا اجي نبغيك نيت خصني غي شكون نتباغااا معاه عرفتي شحال متباغيت ... اااخر حاجة بستها .. خبز كاررم لقييتو طايح فالارض ... بستو وحطيتو فجنب .. شتو على جفتف 
لامار : هذا را القحط هذا .. اوا اختي ملي وصلتي لهاد درجة سيري لرومبوان فين كان يوقف اسبرو و و لي بااانبك جبديه لعندك هههه ... اصبرو كان يقول شي درهم في سبيل الله نتي قولي شي بوسة فسبيل لله هههههه 
اسبررو : كنتخييلها فرومبوااان لي داز كتقول ... بس بس اجي نديور شي فشي و نولدوه كايمشي هههه
لامار : هههههه اجي ناكلو غريبة و نفييضوو حليييبة ههههههه
اسبرو : اااالموووومينين شي بوسة من فمك بلا خبار مكم 
لامار : ووااااع اجي شدلي الموزيط و نشدلك صووصيط ههههههه 
اريج ضرباتوهم بمخدة 
اريج : و الله مكااااااتحشمووووو تفوووو غلى تريييييكة .. بزززااف عليكم و لهههلا يحويييكم ...( وسعو فيها عينيهم ) ب بغيت نقول يحيييييكم ... غي فلاتااااتلي 
لامار : هااا لي قلنا هههههه البنت بدات تبلووونطا
اسبرو : هههههه زين كعااات ...
لامار : رررربي ومال يونس واش عماااا .. شوف شنوووو خلااا وعندمن مشاااا ... 
اسبرو : وااايه... هاهو مأزم كو كانت شي لالة و مولاتي كون ناضت كفضات على درعانها وعاونات راجلها فزمان .. 
لامار : انوض نوووض شغاتكجدر ليه هاااديك .. مااااعدا لا ناض سعا بيها
اريج : ومااوجهها دسعاااية.. الليستتر حروفهاا مسموومين والله لاحنو فيه
اسبرو : هاديك وجهها غادتااقواديت هههه
اريج : مممم تقواديت تقد عليها ... تقواديت الحبيب كتحتاج جبهة صحيحة وطرمة صحيحة ... جبهة كاينة اوا وطرمة 
لامار : الله يستر مالايقا لوالووو.. معنها وجه لسعاية ... معنها ترمة ل*واية .... استغفر الله نميمة حراااااام

اريج : فخباركم تيليفوني ماااعرفت فين خليييتو ... عنظي فيه نماري مهمهييين
لامار : دتبا نشوفلك لابقا فدار 
باقين كيهضرو مقشبين تاكيصوني تيليفون لامار 
لامار : صاافي واخا .. انا هباطة ... ( قطعات عليه و جمعات نوضة ) رااجلي جا اقوم الكافرين .. خليتكم ... 
اريج : نتي لي جات معاك .. نوض نقود فحالي لاصال ننسا شوية 
اسبرو : وانا كالس هنا طالق رجلي مخلي خدمتي ... 
لامار : يلاه تهلاااو نتشاااوفوو
سلمات عليهم و هبطات عندو كان فطموبيل كيتسنا حاط يدو على زاج شافها جايا كضحك ليه و هبط نظاظرو د الشمس على عينوو و صفر 
اسد : مانشوووفوش زييين 
لامار : تشوووفو علاش لا ( تكات ليه على زاج د سرجم ) 
اسد : متوحشتينيش
لامار : مكملاااش نص ساااعة ... مخليتيني تانكمل الهضررة كان هنا تا اسبرو 
اسد : نتوما ماااباليش فيكم ... مغاتجمعو الا على خزيييت ..مزاال غانساالي لمك ونفهم اش كيدور بيييناتكم ..
لامار : هههه زيد زيد.. 
ديمارا تاهي ركباات حداه دارت ساانتير ...
اسد :( شد فيديها حطها مور ضهرو كيعجبو تعنقوو قطموبيل عاد تزيان ليه ركبة ) فين تمشي اميرتي .. معنديش كانة للدار دابا
لامار : أميرتك بغات تمشي تشري شي حاجة نحضررر بييها للحفل د ليل ... و ندوزو نتغداااو اش بالك
اسد : ماحسمناش هاد القضية مزال ...
لاملر : عففااااااك احبيبي .. نعطيييك لي بغيتي خليييني نمشي معااااك .. ( شدات فيدو ) واااش ماشي من حقي نكون مع رااجلي فين مامشااا ممم 
اسد : راكي عيااانة شوفي لونكي كي صفر .. مرة تخخرى 
لامار : عفاااااك الى كنتي كتتتبغيني ديييني معااااك .. شوووف تااا ولدك بغا يمشي قااالك باباا ديييينا معاك
اسد : رااه قلنا لا هي لا .. 
كسيرا و زاد وهي قلبات شنايفها و شافت لزاااج وهو كيشوف فيها بنص عين .. تاكتشوف طموبيل وقفات .. و شافت عندو ...
لامار : علاش جينا هنا ؟؟؟
اسد : ياك ولدي بغا يمشي معايا ...و بغيتي شي حاجة تلبسيها لليل ؟ .. اوا هبطي 
لاملر ضحكااااات تابانو ضروسها و طارت عنقاااتو 
لامار : ياااااااا خخخخليك ليييااا
اسد : على قبل ووولدي ماانتي ماعطيتني تااابووووسة 
ضحكات وقربات لفموو ببوسة تاااخنقاتو
اسد : سمممعي ليا .. قسما بالله و ديييري شي موصيبة تاني .. ولا تنوضيها مع شي حد... لااادوزتها ليك وعمرك لامشيتي معايا شي بلاصة .. لغاديري عقلك نديك مغاديريهش قوليها من دابا وشدي الارض
لامار : وصااااافي صم بكم عمى .. و اللله مااانتحححرك غانبقا لاسقة غي فييييك غي ديني 
اسد : يلاه نزلي ...
نزل من طموبيل كيطلع فسروالو كيف عادتو و شد طوموبيل و شد فيدها عندو.. كانت شتا حابسات و شميشة ربيعية خارجة فعز الغيوم ...جو غزااال .. و شميشة ضاربة فعينين لامار لي كيلعمو لي كيشفوهم بجوج كيسهاااا فيهم مواااااتييين وهي دبدوبة حداه و كضرب لكتفوو و انيقة وتاهو كيف سبع حداها اسد اسم على مسمى ميقدش لي يهز فيها شوووفة وهو حداها .. و الاناااقة تاهووو ..

يتبع

قصص جديدة
قصة منقذي الأسمر من تأليف ندى العمر
قصة منقذي الأسمر ندى العمر
قصة إرحموني من تأليف أسماء زياد
قصة إرحموني أسماء زياد
قصة الآغا السادي من تأليف ليان علوي
قصة الآغا السادي ليان علوي