حبيبي الهمجي الجزء السابع

من تأليف Safae Maairik
2018

محتوى القصة

رواية حبيبي الهمجي بالدارجة المغربية كاملة

هزها بين يدك كيرجف حالتو رجعات كلها دم وهي فاقدة الوعي كلياا يديهي مليوحين وراسها راجع الور شعرها كيمشي ويجي موراها خرج بيها بدمها كيقطر فزنقاااا و دموعو هابطين مبغاوش يحبسوو غادي واسط شانطيي كيغوت وتكول شيحد بغا يحبس كولشي خايف تاحد مبغاااا يوقفليه من غير واحد طونوبيل مزل منها واحد راجل كبير فسن 
...ودلي ياك لاباس 
حيدار(بترجي)عفاااك وصلنا الطبيب كتموتلي بين يدي عفاااك
...واخا اولدي طلاع نوصلكم البنت حالها باينة خطيرة 
طلاع حيدار اللور وحط بلقيس قبلاتو معنقهااا وخوفو باين عليها دموع مبغاوش يحبسو ليه شلالا وكيشوف فيها على امل انها تحل عينيها 
حيدار:حبيبة فيقي متمشي وتخليني عفااااك منقدرش (شادلها وجهاا بيديه)هيلا متي غدي نموت موراك هئ هئ فيقي 
داك راجل غير كيشوف فحيداار ويتنهد بقا فيه وتازم بزااف على حالتوووو حيدار لعمر شيحاجة هزاتو هاهو اليوم ضعيف ومنكاسر ولا حولة له ...وقف راجل طونوبيل قدام طبيب ونزل حيداار هاز فيدو بلقيس فيديه داخل وكيغوت ويعرعر
حيدااار:افينكم لهنااا عتقونا البنت كتمووت فينكم القوم
الممرضات شافو حالتهم جاو كيتجارو دغياا خرجوو البياص داروه فيها ودخلوها وحيدار جارها معاه واطبا تاهوما جاو كيتجاراو بغاو يدخلوها الغرفة عملياات وقفاتو ممرضة 
...سمحلي ميمكليكش دخال الغرفة غتكون معقمة تسنا هنا عفااك 
وقف كيشوف فبلقيس من بعيد باسف وحزن كبير شايلو فقلبووو قرب لشنايفها شد وجها صغير بين يدبه وقبلهاا بلطف فشفايفهااا وجبهتااا ورجع بلوور ودموع فيعنو كيمسح وجهو وحيت يديه عامريبن دم كيتخلاط ليه دم وجهو مبقاش باين رجع كولو حمر بدم مجخلاط بقا واقف كيمشي ويجي حدا باب ويدوز على وجهو وشعرو بعصبية كيتنهد حتى كتسمع فلكولوار كامل ويرج يضرب فحيط بالبوني دو كاملة تفلحان وكتسيل بدم واحد جوج فرمليات واقغين من بعييد حاضينووو 
....شوفي ياختي شحال بوكوس فنن كيهبال
...واش عرفتي هداك شكون هوو 
...الا معرفتوش ومكيهمش ياختي تيتيز
...واش من نيتك ابنتي هداك راه زيزوار اكبربزناز هنا فاس نصيحة ميغراكش زين حياة معاه جحيم احبيبتي
...وايلي هو هداا كنسمع بيه مي عمري شفتوو اختي هاد تيتيز كامل وجحيم شتي هاد نوع نهار كيطيج كيبغي بنيتووو ابنتيي ماشي بحا دوك ولاد طيط لعندنا
...متحلميش راه باينة طايح فهديك لجااب مضروبة شوفي كيكيدير عليها ابنتي
...باينة ختو سمعت بلي عندو ختو صغر منوو تقدر تكون هي
...ختو وغيبوسها من شنايف(ضرباتها راسها)افيقي براكة متحلمي 
...وانت مالك شوفي مسكين يدو مضروبة غنمشي نداويها ياختي ليها منها حجة وزيارة😉
....سيري ياختي تاجيبيها فضلوعك انا بعدا اختي بارية منك

هزات ديك المرضة شي بلاطو فيديهااا فيه فاصمة وقطن وداكشي ديالها وصلات حداه وبدات تفقفق وهو عاطيها بظهر حاط راسو على حيط وديه تاهي كيضربو بشوية فحيط
حيدار:علاش هي وماشي انا علاش هي كولشي بسبابي انااا 
وقفات ممرضة موراه مثوثرة معرفاش تعيط ولا تحركو فتالي تشجعات وحطات يدها على ظهرهو بشوية 
...سيدي
حيدار(دار عندها بعينيه حومر كيجمر مدمعين هضر معاها بصوت خافت فيه نبرة خوف شدها من فكتفها)بلقيس وقعاات ليها شيحاجة كولي هضري(غوات)جاويييي 
....(تلبكات معرفات باش تجاوب)اناااا..نن...ناااا جيت غير نداوي ليك جروح 
حيدار(ظفعها جات طايحة وداكشي لفبلاطو تزلاع)تحركي عليا من نهناا(فظيك اللحظة بانليه طبيب عاد جاي بشوية داخل شنق عليه وضربو مع حيط شادو من كولو مطلعو الفوق كارز على سنامو كيهضر بعصبية)شكدير انت انا عند بالي راك الداخل 
طبيب:سمحلييي انا عاد علموني بلي حالة خطيرة وجيت 
حيار(هبطو كيديه ويجيلو فبلاصتوو)هي الداخل كتمووت وانت جاي بلاتي عليك(قجوو)كومكنت محتاجك كون قتالت مك(رماه جا طايح فارض)بربي وتقوع ليها شيحاجة لاخرج شيحد من هاد طبيب بربي تانقتل دبنمك كاملين 
وقف طبيب دخال كيجري العند بلقيس فين كانو بدلو ليها حوايجهااا لبسوها حوايج مخصصة العمليات وتبنجات هيؤها مزيان مشاو اطباء هيؤ راسهم لبسو لباسهم وممرضات تاهوما عقمو الغرفة وحطو بلقيس فبلاصتها كيتسناو اطباء يجيو باش تبدا العملية فحصولها كلشي ضغط جهزوها كاملة 
اما حيدار حدا باب على اعصابو مكلاسش كيمشي ويجي ولداز من حداه كيشةف فديك الحالة ويتخلاع وهو مرة يكلاس فوق الكرسي مرة واقف تاشويا صونا لي تيليفون جبد جاوب 
حيار:الووو
....خاي زيزوار عيطت ليك باش نكوليك بلي خاي عصام داوهم الحبس تماك 
حيدار(بجدية)اي حاحة حتاجهاا خصاتو توصلو و متنقصو تاحاجة لامن براا ولا من داخل 
...واخا خووياا
قطع ودور نمرة اخرررى...طيط طيط طيط
حيدار(كيغوت)عقل نهار نشد مك اوالد قح*** غنحو*** نوريك اللعب دبصح نبهتك من اوال ودابا ترحام على روحك اولدي 
كوبرا:شوف زيزوار دري لضربها غنسلموليك بيدي وهكا نصفيو حسابنا
حيدار:انا غنشد تريكتكم كاملين اوالد قح** نحرك مك وعقل عليها تانساليلك 
قطع ودار تيليفون فجيبو وخا كيصوني دارلييه صيلونص وخلاه تماك تاعي حط حراسو بين يديه كيخمام ضرب يدووو على جيبو بغا يجبد كارو ملقاهش ناض وقف غادي فداك طبيب بخطوات تابتا ناافخ صدرو القدام راسو الفوق مشيتو رجولية ليداز من حداه كينبهر بمشيتو وصال حدا باب شرا كارو ديطاي شعلو وهو كيتكيف بانتلو اسعاف وقفات فاول مداهلش فيها ولاكين دغية لفات نتباهو شخص الحاجة لكتقابلهم خارجها منها وباين فيه مخلوعا حيد الكارو من فمو كيتاكد تا بانليه شخص لمكانش متوقعو ختو بثينة منزلينها فبياص وكشكوشة فمها بيضة خارجة كترغرغ

لاح الكارو ومشا عندهاا كيطير شاد جنب بياص غاادي معاه 
حيدار:مالها شوقع ليه
حاجة:معرفتش اوليدي كنت فدار معاها كانت واقفة عادي تاطاحت فارض وبدات كتخرج منها كشكوشة كيف كتسوف اولديب
حيداار(كيغوت)هادي راه واكلة سم شكون عطاه ليها
حاجة:معرفتش اوليدي شكلات مكلات والو من بارح منين جيت غير شادة عليها وكتبكي تاهبطات عندي اللتحت كتميل شوية وهي طيح قبالتي معرفت مالها 
حيداار(كيصوط):موصببة كحلة صافي 
دخلوو بثينة تاهي الغرفة وتبعووها اطبا تحنى على حيط كيضرب فيه ببدوو بحر جهدو تاناضت عندوو شدات فيه 
حاجة:الله ياوليدي شهدشي كدير فراسك ومالك على حالتك شواقع 
حيدار(دار عندها كيدوز علو وجهو بعصبية) ختي الداخل كتموت وحبيبتي الميمة غير هوما لعندي فهاد دنيا وهيلا مشاو انا غنمووت الميمة كولشي تجمع عليا صاحبي ختي حبيبتي كولهم فدقة وحدة ومقاد ندير والووو
حاجة:متخافش اوليدي كولشي حمد الله ايكون بيخير خلي ايمانك قوي وانشاء الله غدي تبرا بثبنة وميوقع ليها والو 
حيدار(تنهد) انشاء الله كولشي يكون مزيااان
دازت شيساعة تاخبار عليهم بجوج وحيدار غادي جاي مكلاسش باعصاب تاخرجت عندهم من عملية دبلقيس فرملية حوايجها كلهم دم جاية كتجري جيهتهم 
...عفااك مريضة حالتها خطيرة بزااااف خاصنا دم من فصيلة ديالهااا ضاروري
حيداار:اه خودو دم ديالي كامل هيلا بغيتوو
...انت من عايلتها خاصنا شيحد كيجيها 
حيدار:شحد كيجيها(بينو وبين راسو)كيغدي ندير داباااا(جبد تيليفون دوز ااخط الجهااد)الووو
جهاد:اشنو صرا تا زيزوار معيط ليي ياكما ناوي ترغب عللى صاحبك 
حيدار:ماشي وقت الهضرة دابا بلقيس
جهاد(كان كالس سمع بلقيس ناض طافج)مالها ختي وياك ونكون قربتي ليهاا حتى نقتلاك 
حيداا(تنهد)هي فصبيطار ترضربات برصاص وخاصها دم ضاروري منةفصيلتهاا 
جهاد:كيفاش شنووو ختي فدااار اش كتخور انت 
حيدار(بعصبية)تخوار هو لغيوقع هيلا مجيتيش لا ختك دابا فعملية ورصاصة فقلب خاصنا دم ودابااا فهمتييي
قطع حيدار على جهاد فوجهو ومدازش تا نصف ساعة تابان ليه جاي كيجري ه شافو جا شناق عليه نيشاان 
جهاد(كيغوت)ختيي فينها شدرتي ليهااا دوي ولا نقتال مك
حيداار(بعدو عليه)ماشي وقتوو دخال مع بنت عطيهنا دم مبعد اجي نتحاسبو 
ممرضة:هيلا كنتي انت اخ مريضة سربي عطينا دم حيت نزفاان بزاااف وتعطلنا ه
جهااد(بخوف)كيفااش واش ختي لاباس فينها بغيت نشوفهااا
ممرضة:دابا منقدر نكوليك والو سربي يلاه معايا 
مشا جهاد مع ممرضة وبقا حيدااار تماااك تاشوية تم راجع عندو جهاد وباينة ناوي على خزيت رجع شنق عليه تاني وعطاه بونية 
جهاد:شدرتيلها تاوصلات الهاد الحالو

حيدار(عاود اليه وحدى اخرى)جمع ييديك عندك حسن ليك 
جهاد(عاود ضربو)شدرتي ليها(كيغوت شنق عليه)شدرتي ليهااك
حيدار(شنق عليه تاهو)ماشي انا لضربتيهاا 
ممرضة:مسيو المريضة ديالك راه الحمد الله 
حيدار(طلاق منو)انا وحدة 
ممرضة:لشربات سم درنالها غسيل المعدة وهي لاباس دابا 
حيداار( غمض عينيه تنهد)حمد الله(رجع شاف فيها مخلوع)وبقيس 
ممرضة:سمحلي البنت لخرى لجبتي معنديش عليها خبار مزال مخراج تاحد من عندهاا راها مزالا واسط عملية 
جهاد(كارز على سنانو)كنقسم بفمي بالله وتقوع ليها شيحاجة تاندفنك حي فهمتي
مجوبوش حيدار بقا غادي جاي حدا باب وجهاد تكى على حيط مرجع راسو اللور دازو جو سوايع وعملية بقا مسلات بقاو على ديك الحال تاخرجو اطباء وباين علامات وجوهم مكتبشرش بالخير عندهم مشا عندهم حيدار وجهاد كيجريو كيسولوهم بلهفة 
حيدار:كيبقات بلقيس
جهاد:ختي لاباس
طبيبة:معندي منخبي عليكم حمد الله خرجنا الرصاصة ولحسن حضها مجاتش فقلبها ولاكين للأسف قريبة ليه تقاص طرف منوو حاليا غدي تبقا تحت المراقبة طبية
حيدار(قاطعو)هي دابا لاباس امتا غتفيق ونقدرو نشوفوها
طبيبة:حنى درنا لعلينا وباقي على الله منقدرو نكولوليكم والو حتى دوز 48 ساعة و
جهاد(بجدية)انا بغيت نحوال ختي مننهاا
طبيب:مسيو سمحلي متقدرش هدشس غيشكال خطر عليها 
جهاد(كيوغت)ختي ميمكنش ليها تبقا هناا
حيدار:واش باغي تقتلها ولاشنو
جهاد(تقابل معاه)وانت مالك ختي هديك ونديها فيما لبغيت 
حيدار(تقارب معاه حتى نطحو وكيهضر معاه وكارز على سنانو)وهديك حبيبتي وعمري ومنبغيهاش تادا
جهاد(عطاه بونية)غتجمع فمك ولاغنهرسو ليك عمري نعطي ختي لواحد بحالك 
حيدار(رجعهاليه)كيبالي انت كتفهمي غير بالعنف هداك هو لغتك 
حاجة(ناضت شدات حيدار)ولدي شكدير ختك الداخل وانت داير هاد الحالة كولشي يتحل بالعقل(شافت فجهاد)ماشي وقتو وماشي حل
جهاد:غندمك هلى هدشي ازيزوار 
مبغاش يجاو حيدار فضل يخرج ويخليه حيت فعلا هدا ماشي وقت المناسب الدباز خرج البارا شعل كارو وجبد تيليفون لقاه غيطرقات بابيلا دوز الخط وعيط 
حيدار:الووو... صافي شوية ونكون عنك...كولشي واجد...واخا..يلاه تهلا

بعد مدة ىجع حيدار الطبيب اول حاجة دارها دخال عند ختو بثينة لقاها متكية قالبا وجها الحيط مركبين ليها سيرو فيديها ...شعرها مطلوق طايح على وجها ودموع فعينيها كينزلو كانت كتبكي فصمت وقف حيدار حدا باب كيتامل فيها تاسف بزااف على ختو عرف بليي قصا عليها بقرارو حيت عارف معندها فدنيا حد من غيرووو نسا بليهو عائلتها وهيلا وبلي هو نها باها كلشي وهيلا صغار غلطو خاص كبار يسامحوهم...وقف جنبها كح وملتافتاتش ليه حتا تحنى ليها شد وجها بيديه بجوج دورها عندو بعد شعر عليها وقبل جبهتها وعينيها بجوج وهي كتشوف فيه بعين مدمعين وعاضة على شنايفهاا كتعصر باغا تبكي ومقداش وهو كيشوف فختو مابين ليلة ونهار كيفاش ولات حالتها وجها صفر تحن عييها سواد ومنفوخي بالبكااا 
بلقيس(حابسة بكية)خويااا
حيدار(بحنية)عيون خوهااا 
بثينة(تلاحت عليه كتبكي وتشهق)هئ هئ مدرتهاش بلعاني هئ هئ انا فكرة فيك وفيها اخويا هيلا تبعتي طريقها عمر عائلتها ميخلوك فحالك غتقاصي بزاف كثر وكثر وهي باقا صغيرة(بعدات عليه كتشوف في وترعاد) منكذبش عليك هيلا كلتليك بلي مبغيتعاش ليك حيت هاد حب نهايتو يموت المجتمع عمرو يقبلو اخويااا حاول افهمني 😭
حيدار(كلاس حداها وعنقها)شوووو صافي عارفك فكرتي لمصلاحتي ولاكين انت محاولتيش تهضري معايا ولاو تشرحلي فضلتي ديري يدك فيد العدو وهانتي شفتي عصام لمشا فيها مسكين كون جيتي عندي كن حلينا موضوع بلا هدشب 
بثينة(حنات راسها كتبكي)هئ هئ انا مقصادتش وعصام هئ هئ انا منبغيه اخويا هئ كنبغيه مبغيتش يوقعليه هدشي 😭
حيدار(زير عليها)وحتاهو كيبغيك 
بثينة:هو عمرو يسمحلي نظراتو ديالو دي نهار كالت شحال من حاجة عمرويسمحلي هئ هئ😭😭
حيدار(كيمسح ليها عيناها من دموع)شوو صافي كولشي غيتخال انشاء الله ولاكي حاجة وحدة انا غيربغيت نعرف علاش بغيتي تنتاحري شكان كيكوليك داك حمار دعقلاك 
بثينة:حيث حيث صافي خويا انت عائلتي ومعندي حد من غيرك انت كولشي كنتمنا نموت ومنبعدش عليك هئ هي سمحليي خوياا😭
حيدار(بحنية)صافي غزالة دخوها موقع والو انا غير كنت مقلاق شوية ولاكين عمري نسمح فيك انت راكي ماشي غير ختي راك بنتي لرببتها

بثينة:هي انت مسامحني😢 
حيدار:علاش انا بعدا كنت حاقد عليك 
بثينة:خوياااا😍
حيدار: وصافي اجي بثينة بغيت نسولاك واش انت كتبغي بلقيس ياك 
بثينة:اولي شكتكول وخاا مخلات مكالت مي عزيي عزيزة عليا وكنبغيها بحال ختي صغير ربي لشاهد علياا
حيداار(تنهد)اوا راعا ناعسة تاهي فطبيب معاك
بثينة(مصدومة)اولي مالهااا😱
حيدار:كانت معايا وضربات برصاص وهي دابا عاد خرجات من عملية جاتها رصاضة قريبة القلب 
بثينة:اولي كيبقات مسكينا 
حيدار(بحسرة)معرافتش(تنهد)راها عاد خرجات من عملية وكيتسناوها تفيق باش يشخصو حالتها 
بثبنة:مسكينة بقات فيا هئ هئ منبغيهاش ليها😭(شافت فحيدار)دني عفاك عندها نشوفها اخويا😢
حيدار:ميمكنش ليك دخلي عندها 
بثينة(بترجي)واخا غير من بعيد
حيدار:وخا يلاه 
شديت فخويا وخا مقداش نوقف غير بسيف غادا وجارة معايا سيروم فطريق واسط كولوار بشوية عليا وخويا شاد فياا مسندا عليه بقينا غادين حتى وصلناا فين يمكن بلقيس حيت بانلي جهاد واقف كيهضار فتيليفون وباينة فيه معصب وقفنا حدا جاج كتبانلي بلقيس مسكينة ناعسة ملصقين ليها اكسجين على نيفها وبزاف دخيوط ملصقين فيها مبرونشين مع الات ومعلقين ليها سيروم ودم تاهز تاهو تاسفت بزاف على حالتها كتفيت بصمت وحطيت راسي على كتف خويا تا زعزني واحد صوت من مورايا 
جهاد(كيغوت)انت لدرتيها ياك 
حيدار(دار عندو)شنو مفهمتش
جهاد:غنرجعو ولاكين هاد المرة غنجيبك توانس انت وياه 😉
شاف فيه خويا بنضرات ممفهوماش يمكن كيحاول يستفزو منهم مشا جهاد كيسوط معرفتش مالو وعلاش كيدوب وبقيت انا حدا خويا واقفة كنشوف فبلقيس
حيدار:براكة عليك رجعي ترتاحي تاتفيق وغنديها معاك الدار ارا متشبعي منها تماك
بثينة:كيغدير ترجعها😕
حيدار:شكتعرفي على خوك 
بثينة(بتاسمت)يديرها ويقد بيها😉
حيدار:وزديي يلاه ترجعي حيت خاصني شي شغال تقديه ورجع عندك 
بثينة:اكي 
رجعت البيت تكيت فبلاصتي تقاديت شفت فخويا جا باسلي راسي واشف فيا كيضحك
حيدار:متخافيش كولشي غيرجاع كيفما كان وحسن كاع فترة وغدوز اختب
بثينة:انشاء الله 
حيدار(صوناليه تيليفون)يلاه هاني مشيت تاليل ورجع عندك(خرج البرا وجاوب)الووو...امممم.....صافي واخا...لا متخافش 
عصام(بجدية)خاصني شيبلاصة نتخباع فيها بيما تهدنات الاؤمور
حيدار:متخافش كولشي هو هداك انا مقادو غي خليك انا شوية ونكون عندك 
عصام:يلاه تهلى 

#فلاش_باغ
حيدار منين هضر فتيليفون قطع وقفات ليه طونوبيل من نوع كاط كاط حدا طبيب طلاع فيها القدام 
حيدار:جبتي ليكتليك 
....اه كولشي واجد وسي احمد موجدليك كولشي 
حيدار:مزيان كنتمنا يدوز كولشي على خير
...كولشي غيدوز على خير راه الوزير لمعاونك😉
حيدار:على الله 
...متخافش كولشي غيدوز هو هداك متنساش راك شحال من مرة عتقتيه
حيدر:انشاء الله
كملو فطريقهم تاقفو طونوبيل فخلا نزال حيدار حل باب لوراني جبد واحد كوستيم كان تم فاسود وقميج بيضة مع كرافاط اسود لبسهم وجبد ميكة كان فيها عداسات دارهم ازرق وبيريك فاسود لشعرو دار طريوش كلاص لابس صباط هز شانطة صغيرورة ورجع عند لاخور 
...يلاه كولشي هو هداك
حيدار(كيقاد.كرافاط)شكون غيجي يديك من نهنا 
...غير سير انت شوية ويوصلو عندي
حيدار(سلام عليها)يلاه نتشاوفو
ركب حيدار وديمارا غادي فطريق الحبس دعصام وصال حدا باب وقفوه ولاكين منين وراهم واحد الورقة دخال نشيان بدون عتراض سطالا طونوبيل هز شانطتو ونزل وصال وقفوه بوليس قلبوه كامل وتاشانطة عاد سمحوليه يدخال اكيد معرفوهش حيت متنكار...كمال طريقو جيهت الغرفة فين كاينة زيارة كلس فوق كرسي كيتسناه وماهي الا لحضات حتى تم داخل عصام مينط وصل حيدوليه المينوط وخرج بوليسي بقا غير هو وحيدار ليناض عندو عنقوووو وزياارعليه عصام مدار حتى ردة فعل بقا جامد فراسو 
حيدار(بعدو عليه شوية كيشوف)مالك اصحبي 
عصام(بدهشة)زيزوار
حيدار(بصوت خافت)بشوية لايسمعك شيحد 
عصام(بصوت خافت)كيدرتي دخالتي اللهنا 
حيدار:دوز تكلاس بعدة 
عصام:هانا
حيدار(بصوت خافت)ماشي مهم دابا تعرف(جبد فانيدة من فمة كانت فكاغيطها من تحت السانو)هاك هديك خبعها 
عصام:لاش هدي؟؟؟
حيدار:هدي غدي تشربها مورا مدخال غدي تخلي ك تبان بحالي شارب سم داتك غنزراق واتخرجليك كشكوشة من فمك انت ماعليك غير دير راسك سخفان بيما جات اسعاف وتباقي خليه علياا
عصام(خبع الحبة)واخا صافي امتا هدشي 
حيدار:انت لعليك منهنا ساعة شربها بيما وجدنا كولشي وبلقي علينا
عصام:صافي واخا 
...يلاه زيارة سلات 
حيدار(وقف)يلاه نتلاقاو فجلسة 
عصام:اه اه واخا 
حيدار(عنقو) تهلا فراسك اخوياا
خرج بوليسي عصام وخرج حيدار تاحد مقدر يعيق بيه ركب فطونوبيلتو وخراج دخال من جيهت واحد طريق فغابة الغابة كحبس طونوبيل ورجع اللور كانو موجدين حوايج لغيتنكر بيهم عبارة عن بدلة سائق اسعاف دتر كاسكيط مهبطها على راسو وخبع لوخرين فطونوبيل لكان جا فيها كيتسنا الوقت 
#عند_عصام منين دخال وهو كالس على اعصابو كيمشي ويجي جا وقت ستراحة خراج كيدور شاف فساعة لكانت معلقة عرف بلي ساعة دازت جبد كينة وشربهاااا ومدازت تا.قيفة وطاح وداتو ولات زرقا وكشكوشة كتخرج من فمو جاو عندو حراس كيجريو هزوه المصتوصف ديالهم وعيطو الاسعاف بيما حاولو الممرضين تماك يعاونوه بدون جدوى

اسعاف لكانت جاية الحبس رجال لمع حيدار وقفوها فطريق خرجو هادوك لكانو وسطها وطلعو جوج ممرضات معاهم ركب واحد منهم ساق تال فين قريب حيدار علمو وخراج هو نزل من كاط كاط طلاع فاسعاف ولاخور مشا فطونبيلتو وكملو طريقهم السجن
دخلو اسعاف وحيدار هبط كاسكيط على وجهو باش ميشوفوهش ...جابو عصام فبياص طلعوه خرجات اسعاف وموراها طونوبيل دبوليس م غادين فطريق حتى تضربات طونوبيل دالبوليس براصا طرطقات ليهم الرويضة فقدات سيطارة ديالها وخرجات فشجرة اما اسعاف كملات طريقها حتى فين متافقين لقو هداك كيتسناهبط حيدار حل عليهم الباب 
حيدار(صفر)بانتلي عجباتك النعسة اصحبي 
عصام(حل عينيه) سالينا 
حيدار(شير وحدة من البنات)عطيه شيحاجة يمسح بيها فموو 
عصام(مسح فمو من كشكوشة ونزال)اشنو دابا 
حيدار(عنقو)علا سلامتك 
عصام:يلاه اصاحبي نمشيو من نهنا قبل ميلحثو علينا 
حيدار:عندك صح يلاه انت غيجيو يديوك حيت انا فهاد الفترة منقدارش نشوفك 
عصام:امممم وامتا غنخرج 
حيدار:تانفكو هاد هاد حريرة
جات طونوبيل اخرى وقفات حداهم 
حيدار:يلاه تهلى اصاحبي هاهو جاو(ععنقو)
عصام:بسلامة 
مشا عصام وطلاع عصام واسط ديك طونوبيل بدال حوايجو فيها جابوليهةحوايج نقين من غير دوك لفيهم دم وتا اسعاف مشات وتفرقو ورجع حيدار المستشفى

#رجعو_الحاضر
حيدار منين سالا اتصال جاه تصال تاني جاوبو 
...اوا اسيدي كيجاك هدشي هاهو صاحبك خراج منها 
حبدار:اممم معندي منتسالك 
...باش متكولش سماحت فيك منين وقفتي عليا
حيدار:بلاما ديرلي فيها قلب لكبير حيت عارف راسك مزال محتاجني 
...ياك اسيدي 
حيدار:كولشي عندكم بالمصاليح
...ماعالينا دابا عصام حاليا غادي نخرجوه برا البلاد حيت خطار عليه يبقا واسط مغرب وباخص مع جهاد حيت محال واش غيبقا مامن هنا معاه 
حيدار:فين غتديه؟؟
...كنضن غنديوه التركيا بيما هدات ؤمور ويرجع 
حيدار(تنهد)صافي واخا امتا 
...غدا انشاء الله كولشي غيكون واجد 
حيدار:انشاء الله كنت غندوز عندو ساعة صافي تال غدا ونمشي 
...حسن نيت يلاه 
حيدار:بسلامة 
قطع حايدار ورجع الداخل وقف جيهت غرفة دبلقيس كيشوف فيها من زاج خشا يدو فجيابو كيتنهد ساعة ساعة حاضيها تابانت ليه فاقت كتحل عويناتها وترمش بسيف مشا كيطير كيعيط الطبيب جا عندها 
#عند_بلقيس
كنحس برلسي ثقيل مقداش نحرك داتي ولا راسي حاولت نوض حسيت بقلبي ضرني شوية.. عينيا حليتهم بسيف حدي حليتهم كيبالي ضو قوي ساطع مجهد بقيت مرمش بيهم بيما ولافت دوارات عبني لقيت راسي واسط غرفة اه انا فطبيب...وانا كنشوف دخال طبيب عندي كيجري هو والفرمليا بدا كيفحصني وانا كل همي كنقلاب على حيدار فينووو واش هو لاباس
بلقيس(صوتي ثقيل)ح..ح...حيداار...في...فينو
وانا كنسوال تابانلي داخل مسكين بانلي وجهو صفر باينة خاف عليا بزاف تشواش 
خيدار(مشا غندها وتحنا قرب ليها باس راسها)حياتي كيبقيتيود واش لاباس
بلقيس:حركت راسي باجابة اه 
حيداار(نضراتو كلها خوف)واش كضراك شيحاجة 
بلقيس(بصوت خافت)كيضرني قلبي 
حيدار(شاف فطبيب كيترعاد)هيه انت شوف قلبها كيضرها دير شيحاجة مالك واقف تحرك
طبيب(فحصها)ضغط ديالها منخافض هدشي عادي يضرها حيت عاد دارت العملية مع وقت غيبراا
حيدار( بعدو شوية وهضر معاه بجدية)اممم واخا مزيان كولي دابا هي هدشي معيشكال عليها تاخطر ياك
طبيب:هدشي على حساب حاليا كيبالي حالتها مستقرة مي واش من بعد تقدر تكون شي مضاعفات منقدرش تانشوفو حاليا اتبقى تحت مراقبة طبية

بلقيس:حيدار
حيدار(رجع عندهاا)حبية 
بقيس:كولي
حيدار:شنو؟؟
بلقيس:عائلتي ماساقوش الخبار 
حيدار:خوك راه فخبارو جا وتاباقي معرفتش 
بلقيس:وفينو داباا
حيدار:معرفتش
بلقيس:صافي
حيدار:حبيبة خليك هنا انا جاي
بلقيس(بتاسمت بسيف)واخا
خرج حيدار من عند بلقيس لقاعا كالسة كيف خلاها كتفكر واساهية 
حيدار:احم احم 
بثينة(دارت عندو)خويا 
حيدار(قرب ليها)كيبقيتي شوية
بثينة(بتاسمت)لاباس
حيدار:مزيان احم احم بلقيس فاقت وهي لاباس 
بثينة(بفرحة)بصح ديني نشوفها 
حيدار:وداكشي لاش جيت يلاه زيدي 
وقفت بسف مسندة على خويا يد شادة فيه ويد سيروم وصلنا حدا بابا فاول تردادت مبغيتش ندخال تاحسيت بخويا زيار عليا وشاف فيا مبتاسم عاد كمالت طريقي ودخالت كانت متكية ففراشها كترمش فعيويناتعا رمادية وتعض على شفايفها كتشوف فصقف منين حسات بيناشافت جيهتنا فاول بتاسمات ومنين شافتني قلبات وجهااا علياا
حيدار(بطريقة مرحة)شوفي شكون جا عندك
بلقيس(قالبة وجهاا)مبغيت نشوف حد انا 
بثينة:مبغيتيش تشوفيني
بلقيس:الاااا شير فحالك
حيدار:حشومة هي مريضة وخا هكداك جات عندك وانت كديري هكدا 
بلقيس:ومن بعد تموت كاع وانا سوقي فيها 
حيدار(غوت)متخلينيش نسا راكي مريضة جمعي فمك 
بثينة:خويااا صافي غير خرج انت انا غدي نعرف كيغ نتعامل معاها 
حيدار:هاهو خارج نشوفو هاد حريرة 

بثينة(كلاست جنب ناموسية)بلقيس
بلقيس(قالبية وجهاا)شنو بغيتي خرجي عليااا 😡 
بثينة(كندوز ليها على شعرها)واش مبقيتيش باغا دوي معايا 
بلقيس:بعديمين حيديك ديكي عليا متقيصينيش 😡
بثينة:مزالا مقلثة عليااا 
بلقيس:نو حبيبة معندي لاش غنتقلالق عليك علاش شكون انت اصلا 😏
بثينة:امممم شوف تشوف 
بلقيس:دابا بلا تبلحيس من اللختر شنو بغيتي 
بثينة(تنهدت)بغيتك تسمحلي ودوي معايا رجعو كيف كنا بلقيس ان 
بلقيس(ضحك بسخرية)نرجعو كيف كنااا ههههه زوينة هدي علاش شنو كان بيناتنا ابب نيفاق مثلا😏
بثينة(تنهدت) سمعيني شغنكوليك 
بلقيس(قطاعتها)مبغيت نسمع والووو منك خرجي
بثينة:سمعيني شغنكوليك انااا مكتنش هدفي نغرق بينك وبين خويا فكرت غمصلاحتكم بجوج انا
بلقيس:من نيتك ابنتي بغا ضحكي عليا بهاد جوج كلمااات عند.بالك انا كرضاع صبعي
بثينة:بلقيس سمعيني
بلقيس:مبغيت نسمع منك والو خرجي برا عليا منافقة لخرااا
بثينة:بغيت نفهمك و نشرحليك ولاكين معامن مع برهوشة نصيحة نضجي شوية حيت هيلا بقيتي بهاد تبرهيش ديالك مباغاش يسالي وكيبالي هو لغيخرج غليك سمحيلي احبيبة عطيتك بزاف تا وليتي تكبري خليك هكدا احبيبة 
بلقيس:سمعتها كالت كهدا حسيت ببها بحالا ستفزاتني لكلاملها جاني فضلول نعرف شنو بغات نكول انا لغالطة...بلاتي حبسي
بثينة(دارت عندها)شنووو
بلقيس(كنهضر زمكنشوفش فيها)كولي شعندك نسمع يالاه
بثينة(رجعت بغيت نمشي)حتى الدابا سمحيلي 
بلقيس(بطريقة طفولية)وصافييي ياجييي 
بثينة(تنهدت ورجعت جريت كورسي وكلاست قبالتها)سمعيني ابلقيس انا عمري فكر نفرقك على خويا انا فكرت فمصلاحتكم بجوج حيت انا 
بلقيس:سمعتها كالت هكدا تفكرت هضرة خويااا وكلاموو رديت نبكي بحرقة بلاما نشعر هئ هئ
بثينة(بخوف)اولي شواقع ماكي
بلقيس:بوتي هئ هي انت عندك صحك هئ هئ😭خويا عمرو يقبال بحيدار هئ هئ 

بثينة(نضت عندها مخلوعة)اولي مالك 
بلقيس:هئ هئ خايفة بزاف منو خايفة لايديرليه شيحاجة 
بثينة:شكون وعلاش ؟؟؟
بلقيس:هئ هئ خويا هي هي😭😭😭 
بثينة:مالوو؟؟؟
بلقيس:خايفة ليدير شيحاجة لحيداااار ويبعدو عليا غنموت هيلا وقعات ليه شيحاجة انا من قدرش نعيش بلا بيه😢
بثينة:شفت فالة بالي نضبهااا بدا يرتافع وتادقات قلبها حاولت نهدنها"بلقيس شوووو شوووو شوفي فيا وسمعي شغنكوليك
بلقيس:شنووو😢
بثينة:حيدار راه راجل وقاد براسو وماشي خوك لاوال ولا تاالي لغيوقع ليه معاه مشكل هوا هيلا بغا شيحاجة من قلبو تيقيني ميقدر تاشيحد يحيدهاليه 
بلقيس:ولاكين انا راني خايفة😢😢 
بثيتة(قطعاها):شووووو متخافيش انت غيى خليها على حيدااار هو قاد بيهاا 
بلقيس:زعمااا رجعو كيف كناا شحال هدي عايشين فدار وحدة وفرحانين وناشطين 😢
بثينة(شديت ليها فيديها وبتاسمت فوجها)انشاء الله كولشي غيولي هو هداك 
بلقيس:وعصام مسكين 
بثينة:صمت تنهدت
بلقيس:شنو وقعليك حنى جيتي لهناا
بثينة:مديريش فبالك احبيبة انت غير ديها فراسك ومتخلي تاحاجة ثاثر عليك 
وهوما كيهضرو دخال حيدار وقوف عليهم مربع يديه 
حيدار:امممم تصالحتووو
بلقيس:جيتي 
بثينة:اه تصالحت انا وفريختي حبيبتي
حيدار(قرب جيهت راسها باسها)اصلا انا فريختي قلبها بيض
فديك اللحضة دخال جهاد كيشافهم سخاط على الوضعية ودخال كيسوط 
جهاد(كيغوت)شكدير انت تماك 
حيدار(رسم بتسام سخرية)كنبوس حبيبتي😏
جهاد(جا جيهتو عطاه بونية)غتجنع فمك لا
حيدار(عودهالبه)هاديك حبيبتي انتةاجمع راسك 
جهاد(كيعطيه)وهديك ختي ومنخليش واحد بحالك يلعاب بيها 
بلقيس:شافت خويادخال وبدا يدابز مقديتش نستحمال نشوفهم خفت عليهم بزاف من بعضهم قلبي بدا كيضرني ووبديت نبكي كنشوف فبثينة تاهي خايفة بحالي 
حيدار....هئ هئ بثينة عفاك ديري شيحاجة فرقيهم هئ هئ😭
بثينة:الله يهديك اشغنفرق فيهم وهوما كولا واخد يقداش كيغوال 
بلقيس:وعفاك غير ديري شيحاجة 
بثينة:واها غنشوف ليليها ليها ...نضت على صعدي وعدي باغا تفرق...حيدااار خويا حبااس براكة....مسمعنيش كمل فضرب قربت حداهم نفك وهو يدفعني داك جهاد لارض وتنترات لي شوكة دسيروم ودم بدا يسيل من يدي خويا شافني عاد مزاد جعررر وزاد فضرب قلاب لاخور تحت منو وبدا عليه كيستف ليه فلكلاكات
بلقيس:شفت حيدار غير مزاد وخويا تحتو كولو دم تغلاعت بزاااف وبديت نغوات ونبكييي 
بلقيس:هئ هئ صافي براكة حبسووز هئ هي صافي😭😭😭 حبسووو(كنحس بنفسي تقطعات)هيييييييه هيييييييه
بثينة(شفتها ولات كتشهق جافت مشيت عندها كنطير)بلقيس مالك 😨😨
بلقيس:هييييه قلبيي اييي هيييييه قلبيييي 😭
مزال مكملاتها سمعات طييييييييييييييييييط فالغرفة غوت غوتا وحدة تا حبس خويا ودار عنديييي 
بثينة:بلقييسسسسس هئ هئ 
حيدار(ناص كيجري عندهاا)شواقع مالهاا 
بثينة:هئ هئ قلبعا وقف هئ هئ صافي مات هئ هئ صاغي مشات 

حيدار(كيغوات)بلقيسسسس 
بثينة:هئ هئ هي خويااااااا هئ هئ 😭😭
جهاد خرج كيطير كجيري فطبيي ويعيط باش يجيب شيحد العندها 
جهاد(كيغوت)افينكم عتقونا ختي كتموووت فينكم 
بدا كيغوت تماك وعاد جاوعندو طبيب مخلوع كيجيري 
طبيب:اشنو واقع 
جهاد(فين كنتي)فين نتي لمك 😠😠 ختي كتموت وانت مجمعليي
جرووو هكاك شانق عليك مدخلووو الغرفة عند بلقيس وخط مزال كيسمع رينينو فالغربة قلبها سكت وقلب حيدار تاهو قرب يخراج من بلاصتو دموع تحجرو فعينيه وكيغوت جهاد شافو فديك الحالة كيغوت ويهتف باسمها وصدا صوتو كيتسمع فطبيبي كامل عينيه حمارو داتو فاشلة عليه يديه كيرجفووو وجهو كولو ولا عرق كيقطر وحاجة وحدة فمو مبغاتش 
حيدار(بصوت فيه رعشة)بلقيس حياتي غتمشي معاك 
جهاد بقا واقف مضمر فبلاصتوووو كيشوف تاناض طبيب خرج كيطير ولا رجع جال فيديه ابرا وضرب بجهد جيهت قلب بلقيس مجهد وشوية شهقات بجهد ورجع قلبها كينبض كيكان 
طبيب(كيمسح جبهتو)حمد الله قديت نقدها ولا كانت ماتت حيت قبها كان وقف
حيدار(كيقيص لها فوجها ويبوسها)حمد الله موقع ليها والووو 
بثيتة(عنقات خوها كتبكي وضحك)هئ هئ شفتي اخويا هئ هئ موقع والو هههه هي لاباس 
حيدار(كيبوس راس ختو ومسح دموعو لهبطوليه)هههه اه حمد الله 
جهاد واقف مصمر مصدوم كيشوف فبثينة وحيدار كيفاش بنت غريبة عليهم خايفين عليها تال هاد دراجة وباخص فحيدار هو كيعرفو مزيان شخص قوي رجال ومقدوش يهزو شخص لناشر الرعب فلمدينة مجرد كيسمعو باسمو كيكرب رعب وخوف فبنادم هاهو اليوم قدامو خايف وضعيف منهار كلي وعلامن على بنت صغيرة قدرات تضعفووو تصدم فجوج حوايج فختو لدارت مستحيل قدرات تخلي شخص بحالو يضعف قدامه وينحني ليها واحد.بحالو بقوة وبطشو وجبروتو نحنا بسهولة لبنت او بلاحرا نكولو طفلة صغيرة...حيدار منين شاف جهاد كيشوف مبغاش يشوفو ضعيف ناض وخرج من تماك مشا جيهت حمام وقف قبالت لافافو كيشوف فمراية ضرب وجهو بالماء بقا شحال ساهي كيشوف فراسو 
جهاد(من وراه)شنو كتشوف فراسك كيف كنتي كيف ولتي 
حيدار:شنوو؟
جهاد(بسخرية)غير البارح مكان يقد عليك تاحد وكانت نقطة ضعفك وحيدة هي ختك وانت حاميها ودايرها تحت جناحك ودابا 
حيدار(بقوة)وتدبا نقط ضعفي بجوج تحت جناحي
جهاد:راك غالط لبغيت نكوليك(شاف فيه بتحدي)بلي ختي عمرك تحلام بيها غير بلاما تعير راسك
حيدار(حط يدو على جنابو وشاف فيه بتحدي)كيبالي بلي انت كتعرف عليا بزاف ياك(ضحك بمكر)وانت عارف انني فاش كندير شيحاجة فراسي كتوقع وربي كبير(كيورك على هضرتو)وبلقيس ديالي وغتبقا يالي ومياخدها تا شيحد 😏
جهاد:كيبالي كتحلام بزاف اصاحبي
حيدار:بالي بحالي كدق على راسكم وتكول شكون اصاحبي 
داز فيه ومشا خلاه واقف تماك بلاكة ورجع عند بلقيس 

رجع حيدار الغرفة لقا ختوو كالسة حدا بلقيس كتأمل فيهاا وتازم على حالتهااا قرب ليها وحط يدو على كتفهااا 
بثينة(شافت فيه منهارة)خويا بقات فياااا 
حيدار:متخافيش كولشي غيرجع هو هداك انت نوضي ترتاحي فبيتك بيما فاقت 
بثينة:الا غير خليني مرتاحة هكدا
حيدار:غير رجعي منين تفيق غنعيط ليك تجيي
بثينة:واخا 
وقفت مسندة على خوياااا غادة البيت فين كنت تا سوناليه تيليفون 
حيدار(جاوب) aعصام 
سمعت سميتو قلبي ضرب ف90 داتي رجعات طايبة سخونية طلعات معايا يديا ولاو كيرجفو وكنتنفس بصعوبة صدري كيطلاع ويهبط حناكي تزنكو وحسيت بحشمة منووو بزاااف وخا محداياش غير اسمو دار فيا هاد الحالة
حيدار:صافي هاني جاي واش ليومة غتمشي ...الا نفراسي والو...اممم هو لكالهاليك...لفف صافي غنغندوز نسلام عليكم عاد سير وخا جات بزربة
كنسمع خويا كيكول هكدا مفهمتش شنو مغزى من هضرتو ولفهمت بلي عصام غادي لشيرببلصة زعما خرجو من حبس وغادي شيبلاصة تحجرو دموع فعيني حبستهم غير بسيف وانا شادة فخويا كنسمعو غير كيكول اممم بحالي مياغينيش نسمع تباقي ...وصلنا غرفة حطني وخرج كيهضررفتيليفون وانا صافي مقديتش هزيت خدية حطيتها قبالتي وخشيت وجهي فيها عاضة فيها وكنبكي ونشهق وناني مباغا حد يسمعني غير بشوية تاحسيت بشي حد هزلي راسي هزيت عيني فيه مدمعين حومر بلبكان كان خويا شاف فيا مخلوع وكلس حدايا 
حيدار:بثينة مالكي
تلاحيت هليه كنبكي ونشهق وهو معنقني كيدوز على شعري 
حيدار(بحنية)مالكي شنو واقع كضرك شيحاجة(هزليها راسها بطرف صباغو)واش بيك شيحاجة 
بثينة:هو غادي ياك اخويا هئ هئ كولي شواقع اخويااا عفاك😭
حيدار(تنهد)اش غنكوليك عصام مسافر هرب من الحبس وهو اليومة غادي يمشي 
بثينة:عفاك خويا بغيت غير نشوفو قبل ميمشيي 
حيدار:ميمكنش ليا
بثينة(بترجي)عفااك
حيدار(تنهد)وخا صافي شوفي حاجة جابتليك شيحوايج لبسي غليك ويلاه ومتسولي على تاحاجة زيدي وسكتي 
بثبنة:واخا 
حيدار(جبد ساك ظن بلاكار)هاهو يلاه هاني خارج بيما لبستي
خرج خويا ونضت انا شفت فداك ساك لقيت كيطمة كحلة مزيرة لبستها مع كلاكيط وخرجت بشوية عليا وصالت عندو فين كانت كاط كاط كحلة كتسنانا كيف كال خويا مسوالت كتفيت بصمت طلاعت انا لور وخويا قدام ومشينا فطري تابدينا ندخلو فخلا وشجر .....
#يتبع 

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.