صورة مصغرة لـاسم على مسمى الجزء الخامس و الأخير

اسم على مسمى الجزء الخامس و الأخير

l5ams l2akhir wa w 3ala mosama 
قصة اسم على مسمى

خليتهم فدار ونعست ضرباتني لفيقة ملقيت تا واحد معرفتش فين مشاو مقدوش تا يفيقوني يعلموني ولا يخليولي شي ورقة وفيا لمووت ديال جوع حليت تلاجة خاويا كتصفر دار كانت خاويا.. واقف قدام لباب وحااقد ديال بصح هاد لوقيتا فدار راه كنغماس فشي طبصيل جاي هنا نموت بجوع.. واقف وهيا توقف بنتو بواحد لبيكوب قديما و مصروعا وكبيرا لهيت ديال تما ويلاه جات على قدها لمهم نازلا كتباليا هازا بلاستيكات فيهم داكشي مغلف بالألمنيوم عرفتهم قصوص دموع كانو غادي يطيحو ولكن مبينتش ليها سولتها فين والديها وعلاش خلاوني ناعس قالتلي راه مشاو لعند عائلة ماما يشوفوها عرفتك غتفيق تبغي تاكل خرجت تقديت مالك واش باغي شي حاجة؟ بنت ناس ضريفة دخلنا لدار حطات ليا لماكلا بقيت تنضرب وهيا حاضياني قلت ليها ديري معايا يديك قالتلي لا غير بصحة دايرا ريجيم.. بقيت غير أنا وسيدة ومكينش شيطان لي يقدر يغرني عليها بقينا باركين شويا عاد مشات نعسات أنا بقيت غير قدام تلفازا تنشوف شنو طاري فديك لبلاد طلعات شمس وهادو مزال مجاوش لدار خرجات لعندي صباح لخير صباح نور قلت ليها شفتهم مجاوش وهيا تبدا تضحك قالت ليا غير رتاح مالك خايف مغادي نديرلك والو غادي نبقاو غي بزوج هاد نهار واقيلا راه كيشوفو لعائلة وصحابهم.. خارجنا فطر وبقات كدور بيا داك نهار كامل تا عيط ليها باها قاليها راه رجعنا لدار عاد مشينا لدار باش داخلين قاليا سعيد جمع حوايجك.. قلت ليه مزال مجموعين ولكن علاش؟ قاليا تبعني لبرى وغادي تعرف.. مشيت هزيت باليزتي وخرجت لعندو طلعت معاه وهو يتحرك قلت ليه هاد لبلاصة لي غادي بيا ليها غتبقى معايا فيها ياك راه مكنعرف حتى واحد ويسمعوني داوي كنكح ليهم لغتهم يقدرو يعطيوني لمؤبد قاليا غادي تبقى مع دراري ضريفين معندك مناش تخاف ياك جيتي باش تخدم اوا هادشي لي غادي دير.. وصلنا لواحد لمحل مدليا فلوس قاليا سير جيب شي زوج قرعات دلما وخلصو راه غادي يرجعلك صرف.. قلت ليه سير نتا أنا معارف ما نقول لسيد قالي سير راه هكدا غادي تعلم واش غادي يبقى ديما شي واحد حاضيك بحال شي ولد صغير سير وكون راجل.. سيد هضرتو تبدلات لهجة لي كان تيدوي معايا بيها لهيه وهنا لا علاقة بيناتهم نزلت وكنقول فدماغي راه غادي يخليني تما ويمشي.. لمهم دخلت لداك لمحل هزيت قراعي دلما مشيت لعند سيد خلصتو تاهوا باغي معامن يدوي بدا كيسول واش غير دايز ولا غنسكن قريب تما هو راه فهمتو مزياان ولكن باش انجاوبو مكينش بقيت غير ساكت مدلي صرفي وخرجت لقيت خونا كيتسنى فيا طلعت مديت ليه صخرتو مدواش بقى غادي غادي فداك ليل أنا تخلعت ديال بصح ماشي خايف يدير ليا شي حاجة بالعكس خايف نولي قاتلو ولا شي واحد ونولي ميت تما لإعدام غير كيتشاير فديك لبلاد ولا لحبس تما مكينش لي يطل عليا وحباساتهم على ما تنشوف فلبرامج ولأفلام راه مقودين.. وصلنا لواحد لبلاصة فيها غير شجر غابة كبيرة قلييل فين تباليك شي دار تما ودخل مع واحد طريق صغيرة تاني صافي تخلعت ديال بصح ولكن مبغيتش نبين ليه كينا غير موت وحدا على لأقل نموتو رجال.. وصلنا لواحد لوزين كبير وداير بيه سلك فلول كنت شاك فيه حبس حتى باليا بنادم خدام لداخل قاليا هز صاك ديالك وسير لداخل أنا لاحق عليك داكشي لي درت هزيت صاكي وتحركت لداخل كلشي كيشوف فيا تقريبا 90% منهم مكسيكين باينا ليهم فوجاهم وقفت لداخل حدا لباب وتنضرب على سيد لي جايبني كيباليا داوي مع واحد صلع عملاق وكلو وشام حتى من وجهو واشم فيه تيباليا مشا وخلاني بقيت واقف مصدوم تيبانو ليا سدو لباب وانا نخرج لاحق عليه وهو يوقف عليا داك لعملاق بدا داوي بلونغلي ديال (ABCD) معرفتش واش زعما باش نفهم ولا هو هضرتو هكداك لمهم قاليا تبعني تبعتو لداخل وخا نخرج معندي فين نمشي لغابة وليل هاد ليلة غادي ندوزها باش ما كان.. دخلني لواحد لبيت فيه سرير دزوج طبقات من هاد جهة وحتى جهة الأخرى زعما 4 دلبلايص وباينا عامرين نعتلي وحدا أنا مدويتش قلت صافي غادي نعس هاد ليلة بعدا غدا إلا مجاش خونا وطلب سماحة على هادشي وشرح ليا شنو واقع غادي نشد أول طيارة غاديا لبلاد.. حطيت راسي على حوايجي وأنا نعس معقلتش على راسي داك نهار عرفت بلي معديش الإحساس مكينش ديك لعيبة ديال راه غادي نعس ويدبحوني ولا شي حاجة أخرى حطيت راسي مفقتش حتال صباح ولموت ديال جوع تيبان ليا لبيت عامر بنادم ناعس فدوك لبلايص واحد ناعس فسرير لي فوقي تنقاد فصاكي باش نخرج تيباليا جيب خاوي كنت داير فيه تيليفون طافي و لوراق وشي فلوس زعما تالا تحنسرت عليهم وحتى من لبيسي مكاينش.. كاع حوايجي سرحتهم فالأرض ملقيت والو من غير واحد 100 دولار كنت ضاربها فجيب ديال سروال وطاويه مع لحوايج أنا فيا هاد لقضية من صغري ديما تنخلي فلوس احتياطين فشي جيب ديال شكارة.. لمهم غادي خارج وهو يوقف عليا داك لقرع تاني قاليا كلمة وحدة (hungry) وقالها بحالا كيسول أنا درت فيها مكنفهمش لونغلي كاع صطل متقوب وهو يحرك يدو لفمو زعما لماكلا حركت راسي تانا زعما اه تندويو غير بالإشارة.. تبعتو لواحد لبلاصة فكراتني فلمطعم ديال لإبتدائي كاس كبير دلحليب وفرماج ولخبز ولبيض واقيلا حبس هدا ولكن إلا كان حبس فين هوما لبوليس وشنو درت أنا باش ندخل ليه ولا باعني عبد هادشي لي باليا أنا وي أنا ولد لعبد ولكن منتباعش مالنا ماشي رجال وخا يبقى فيا غير عرق واحد.. أنا كناكل وهو واقف عليا بحالا غادي نهرب ولا منعرف, كيباليا بنادم بدا كيدخل تما يفطر انا كملت ماكلتي و وقفت غادي خارج سيد وهو يشدني تنجر فيدي وهو كيزير وبدا تيسب أنا راه مكينش قدي فلهضرة ديال سبان كنفهمها من طقطق لسلام عليكم كاع لفيديوهات دلعجب تفرجت فيهم يامات لعزوبية وداكشي لمهم مدويتش معاه داك طبصيل ديال لحديد عطيتو ليه فوجهو واحد رجلي عندي كتطلق سم ديال بصح طلعت ليه واحد زوج تيريات وغادي خارج معرفتش شنو دارو ليا فداكشي لي كليت بعدا معقلتش على راسي حتى طحت عرفتي فشلت ديال بصح ومع دالك مقاتل باغي نخرج سمحت فحوايجي غير نخرج من تما.. موراها حليت عينيا فوق كرسي مربوط و واحد ساط عامر وشام معرفتوش شنو كيديرلي فعنقي ولحريق ديال بصح هو لي فيقني كنسب ليه عروقو بدارجة وهو كيقولي غير صبر تقريبا كملت صافي طفا ديك لماكينة وقف كيشوف فيا قاليا ماشي أحسن أعمالي ولكن غادي تقضي لغرض قالها بلغتهم أنا فهمتو أول مرة نطق شي كلمة بلونغلي تما قلت ليه فاك يو بقا كيضحك وخرج خلاني تما كنضرب على لمرايا فلور ديال لباب خونا ضارب ليا داك رمز ديال نازية فعنقي راه بحال زائد وفيها واحد شريطات مبقيت فاهم والو أنا ياكما هتلر رجع وأنا مفخباريش وأصالا شغيدير بواحد بحالي أش هاد زبل بقيت كنتركل ليهم تما تا دخل داك لقرع ضارب بزااف دلوشام فعنقو ولكن جريت مع ديك لعيبة بحال لي دار ليا خونا رجلي تاهيا خلات بلاصتها فوجهو 41 مجبدا ليه فكمارتو باش حل ليا يديا ونزل يحل رجليا وأنا نهز ديك لماكينة حطيتها ليه فراسو جريا وحدا لبرى بنادم خدام دزت من حداه طيارة وا علاااق..

خليتهم فدار ونعست ضرباتني لفيقة ملقيت تا واحد معرفتش فين مشاو مقدوش تا يفيقوني يعلموني ولا يخليولي شي ورقة وفيا لمووت ديال جوع حليت تلاجة خاويا كتصفر دار كانت خاويا.. واقف قدام لباب وحااقد ديال بصح هاد لوقيتا فدار راه كنغماس فشي طبصيل جاي هنا نموت بجوع.. واقف وهيا توقف بنتو بواحد لبيكوب قديما و مصروعا وكبيرا لهيت ديال تما ويلاه جات على قدها لمهم نازلا كتباليا هازا بلاستيكات فيهم داكشي مغلف بالألمنيوم عرفتهم قصوص دموع كانو غادي يطيحو ولكن مبينتش ليها سولتها فين والديها وعلاش خلاوني ناعس قالتلي راه مشاو لعند عائلة ماما يشوفوها عرفتك غتفيق تبغي تاكل خرجت تقديت مالك واش باغي شي حاجة؟ بنت ناس ضريفة دخلنا لدار حطات ليا لماكلا بقيت تنضرب وهيا حاضياني قلت ليها ديري معايا يديك قالتلي لا غير بصحة دايرا ريجيم.. بقيت غير أنا وسيدة ومكينش شيطان لي يقدر يغرني عليها بقينا باركين شويا عاد مشات نعسات أنا بقيت غير قدام تلفازا تنشوف شنو طاري فديك لبلاد طلعات شمس وهادو مزال مجاوش لدار خرجات لعندي صباح لخير صباح نور قلت ليها شفتهم مجاوش وهيا تبدا تضحك قالت ليا غير رتاح مالك خايف مغادي نديرلك والو غادي نبقاو غي بزوج هاد نهار واقيلا راه كيشوفو لعائلة وصحابهم.. خارجنا فطر وبقات كدور بيا داك نهار كامل تا عيط ليها باها قاليها راه رجعنا لدار عاد مشينا لدار باش داخلين قاليا سعيد جمع حوايجك.. قلت ليه مزال مجموعين ولكن علاش؟ قاليا تبعني لبرى وغادي تعرف.. مشيت هزيت باليزتي وخرجت لعندو طلعت معاه وهو يتحرك قلت ليه هاد لبلاصة لي غادي بيا ليها غتبقى معايا فيها ياك راه مكنعرف حتى واحد ويسمعوني داوي كنكح ليهم لغتهم يقدرو يعطيوني لمؤبد قاليا غادي تبقى مع دراري ضريفين معندك مناش تخاف ياك جيتي باش تخدم اوا هادشي لي غادي دير.. وصلنا لواحد لمحل مدليا فلوس قاليا سير جيب شي زوج قرعات دلما وخلصو راه غادي يرجعلك صرف.. قلت ليه سير نتا أنا معارف ما نقول لسيد قالي سير راه هكدا غادي تعلم واش غادي يبقى ديما شي واحد حاضيك بحال شي ولد صغير سير وكون راجل.. سيد هضرتو تبدلات لهجة لي كان تيدوي معايا بيها لهيه وهنا لا علاقة بيناتهم نزلت وكنقول فدماغي راه غادي يخليني تما ويمشي.. لمهم دخلت لداك لمحل هزيت قراعي دلما مشيت لعند سيد خلصتو تاهوا باغي معامن يدوي بدا كيسول واش غير دايز ولا غنسكن قريب تما هو راه فهمتو مزياان ولكن باش انجاوبو مكينش بقيت غير ساكت مدلي صرفي وخرجت لقيت خونا كيتسنى فيا طلعت مديت ليه صخرتو مدواش بقى غادي غادي فداك ليل أنا تخلعت ديال بصح ماشي خايف يدير ليا شي حاجة بالعكس خايف نولي قاتلو ولا شي واحد ونولي ميت تما لإعدام غير كيتشاير فديك لبلاد ولا لحبس تما مكينش لي يطل عليا وحباساتهم على ما تنشوف فلبرامج ولأفلام راه مقودين.. وصلنا لواحد لبلاصة فيها غير شجر غابة كبيرة قلييل فين تباليك شي دار تما ودخل مع واحد طريق صغيرة تاني صافي تخلعت ديال بصح ولكن مبغيتش نبين ليه كينا غير موت وحدا على لأقل نموتو رجال.. وصلنا لواحد لوزين كبير وداير بيه سلك فلول كنت شاك فيه حبس حتى باليا بنادم خدام لداخل قاليا هز صاك ديالك وسير لداخل أنا لاحق عليك داكشي لي درت هزيت صاكي وتحركت لداخل كلشي كيشوف فيا تقريبا 90% منهم مكسيكين باينا ليهم فوجاهم وقفت لداخل حدا لباب وتنضرب على سيد لي جايبني كيباليا داوي مع واحد صلع عملاق وكلو وشام حتى من وجهو واشم فيه تيباليا مشا وخلاني بقيت واقف مصدوم تيبانو ليا سدو لباب وانا نخرج لاحق عليه وهو يوقف عليا داك لعملاق بدا داوي بلونغلي ديال (ABCD) معرفتش واش زعما باش نفهم ولا هو هضرتو هكداك لمهم قاليا تبعني تبعتو لداخل وخا نخرج معندي فين نمشي لغابة وليل هاد ليلة غادي ندوزها باش ما كان.. دخلني لواحد لبيت فيه سرير دزوج طبقات من هاد جهة وحتى جهة الأخرى زعما 4 دلبلايص وباينا عامرين نعتلي وحدا أنا مدويتش قلت صافي غادي نعس هاد ليلة بعدا غدا إلا مجاش خونا وطلب سماحة على هادشي وشرح ليا شنو واقع غادي نشد أول طيارة غاديا لبلاد.. حطيت راسي على حوايجي وأنا نعس معقلتش على راسي داك نهار عرفت بلي معديش الإحساس مكينش ديك لعيبة ديال راه غادي نعس ويدبحوني ولا شي حاجة أخرى حطيت راسي مفقتش حتال صباح ولموت ديال جوع تيبان ليا لبيت عامر بنادم ناعس فدوك لبلايص واحد ناعس فسرير لي فوقي تنقاد فصاكي باش نخرج تيباليا جيب خاوي كنت داير فيه تيليفون طافي و لوراق وشي فلوس زعما تالا تحنسرت عليهم وحتى من لبيسي مكاينش.. كاع حوايجي سرحتهم فالأرض ملقيت والو من غير واحد 100 دولار كنت ضاربها فجيب ديال سروال وطاويه مع لحوايج أنا فيا هاد لقضية من صغري ديما تنخلي فلوس احتياطين فشي جيب ديال شكارة.. لمهم غادي خارج وهو يوقف عليا داك لقرع تاني قاليا كلمة وحدة (hungry) وقالها بحالا كيسول أنا درت فيها مكنفهمش لونغلي كاع صطل متقوب وهو يحرك يدو لفمو زعما لماكلا حركت راسي تانا زعما اه تندويو غير بالإشارة.. تبعتو لواحد لبلاصة فكراتني فلمطعم ديال لإبتدائي كاس كبير دلحليب وفرماج ولخبز ولبيض واقيلا حبس هدا ولكن إلا كان حبس فين هوما لبوليس وشنو درت أنا باش ندخل ليه ولا باعني عبد هادشي لي باليا أنا وي أنا ولد لعبد ولكن منتباعش مالنا ماشي رجال وخا يبقى فيا غير عرق واحد.. أنا كناكل وهو واقف عليا بحالا غادي نهرب ولا منعرف, كيباليا بنادم بدا كيدخل تما يفطر انا كملت ماكلتي و وقفت غادي خارج سيد وهو يشدني تنجر فيدي وهو كيزير وبدا تيسب أنا راه مكينش قدي فلهضرة ديال سبان كنفهمها من طقطق لسلام عليكم كاع لفيديوهات دلعجب تفرجت فيهم يامات لعزوبية وداكشي لمهم مدويتش معاه داك طبصيل ديال لحديد عطيتو ليه فوجهو واحد رجلي عندي كتطلق سم ديال بصح طلعت ليه واحد زوج تيريات وغادي خارج معرفتش شنو دارو ليا فداكشي لي كليت بعدا معقلتش على راسي حتى طحت عرفتي فشلت ديال بصح ومع دالك مقاتل باغي نخرج سمحت فحوايجي غير نخرج من تما.. موراها حليت عينيا فوق كرسي مربوط و واحد ساط عامر وشام معرفتوش شنو كيديرلي فعنقي ولحريق ديال بصح هو لي فيقني كنسب ليه عروقو بدارجة وهو كيقولي غير صبر تقريبا كملت صافي طفا ديك لماكينة وقف كيشوف فيا قاليا ماشي أحسن أعمالي ولكن غادي تقضي لغرض قالها بلغتهم أنا فهمتو أول مرة نطق شي كلمة بلونغلي تما قلت ليه فاك يو بقا كيضحك وخرج خلاني تما كنضرب على لمرايا فلور ديال لباب خونا ضارب ليا داك رمز ديال نازية فعنقي راه بحال زائد وفيها واحد شريطات مبقيت فاهم والو أنا ياكما هتلر رجع وأنا مفخباريش وأصالا شغيدير بواحد بحالي أش هاد زبل بقيت كنتركل ليهم تما تا دخل داك لقرع ضارب بزااف دلوشام فعنقو ولكن جريت مع ديك لعيبة بحال لي دار ليا خونا رجلي تاهيا خلات بلاصتها فوجهو 41 مجبدا ليه فكمارتو باش حل ليا يديا ونزل يحل رجليا وأنا نهز ديك لماكينة حطيتها ليه فراسو جريا وحدا لبرى بنادم خدام دزت من حداه طيارة وا علاااق..
فاش كتبدا تشوف لموت قدامك دماغك كيتطلق كتعرف شنو أعز حاجة عندك فهاد دنيا تقدر دير أي حاجة على ود ديك لحاجة وغالبا تيكون بنادم أنا فاش تحطيت فدقيقتي دلموت وليت كنفكر غير فدار لواليدة عندها دارها و ولادها كنشوف مريم سيدة ضحات معايا ب بزاف دلحوايج كيفاش أصلا قبلات على واحد فحالي لحاجة لوحيدة لي كنشوف قدامي ديك ساعة هيا دار توحشت روتين ولملل ديالي نعاس ولخدمة حدا داري ومشاكلي على قدي.. طوموبيل وخا تفركعاتلها شي رويضا بقات محركة ديك ساعة مبقى عندي ما نخسر ولا نرجع هاد لمرة ماشي بحال لولا غادي يقتلوني ضربت لباب بزز باش تهرس طوموبيل خرجات ولكن غادي تقلب بيا إلا مبدلتش رويضة غير بعدت وأنا نزل شفت رويضا لقيت فيها واحد لمسمار فشكل دايرينهم قدام لباب معرفتش كيفاش مرديتش لباب كنركب فسوكور تنسمع صوت ديال لبرد كيخرج طليت على جهة الأخرى كيباليا مسمار أخر ضارب رويضة قريبا تخوى وخا نكون قاتل فقيه ميكونش عندي هاد زهر كيبانو ليا تابعيني طلعت فطوموبيل غير غادي فطريق معارفش فين غادي لمهم نبعد على ديك لبلاصة ونقلب على لبوليس هادشي لي درت بقيت غادي بطوموبيل حتى كتباليا لبولا كتشعل وتطفا كنقلب على سطاسيون وخا معنديش فلوس باش نخلص ولكن يدير الله حل لمهم نلقاه بعدا بقيت غادي حتى دارتها طاحت بيا فوسط ديك لغابة وتا رويضا خاويا يلاه غنبدا نتمشا على رجليا باليا واحد دخان ديال عافيا وسط شجر تما كنموت بالخلعة ولكن مكين حتى حل أخر مشيت لتما لقيت خيمة صغيرة شي واحد مخيم تما كيباليا صاك تما مقلبتوش هزيتو وجريا لطوموبيل تاني حليت داك صاك لقيت واحد لمانطة وشي تخربيق ديال لخيط دصيد وشبكة لحت داكشي عمرتها من دوك لخنيشات ديال لفانيد لي فطوموبيل شكارة تقالت ديال بصح كيباليا كاميون جاي فطريق وأنا نشير أول مرة فحياتي نشير على بنادم باش يهزني ولكن لضرورة أحكام سيد شيرتلو وقفلي ونزل عندي كيسول فيا واش خاسرا شرحتليه بلي لغة عندي ضعيفة وبغيتو غير يوصلني معاه فطريقو قاليا وخا طلع بزز باش طلعت داك صاك زبل تقييل معرفتش علاش هزيت معايا داكشي ولكن قاليا راسي غادي نقدر نحتاجو من بعد إلا كانت عندي شي حاجة باغينها مغاديش يأديوني.. سيد ضريف شافني ضارب غير تيشورت مدلي مانطة غير درتها على كتافي معقلتش على راسي حتى داني نعاس سيد داوي معايا وداني نعاس صافي وصلت لطوب ديالي فلعيا ممولفش بجري ولحركة بزاف لغد ليه باش حليت عينيا أول حاجة طاحتلي فبالي هيا صاك حطيت يدي كيباليا عامر تنشوف فين انا لمهم مكينش شجر بعدنا على ديك لبلاصة دموع كانو غادين يطيحو تلفت لقيت سيد ناعس لور بغيت ننزل لقيت باب مسدود وأنا فيا لمووت ديال جوع ديك ساعة حل عينيه كيجمع فديك للكرسي لي كينعس عليه سولتو كيفاش نعس وأنا حداه زعما مخاف مني موالو.. قاليا نتا نعستي مخفتيش نأديك علاش غادي نخاف أنا واش بغيتي تفطر؟ قلت ليه أه ولكن. مخلانيش نكمل قاليا على حسابي.. بغاني نخلي صاك تما حتى نرجعو مقديتش نقوليه لا دخلنا لواحد لقهوة كنفطرو كيسول فيا منين أنا قاليا بلي ديجا كان فالعراق بقينا داويين سولني على لوشام جلدي بقا حمر فديك لبلاصة معرفتش علاش مجاوبتوش معرفت ما نقول وكيفاش نقول سولني فين باغي نمشي لبلاصة لوحيدة لي طاحتلي فبالي هيا دار حميد لبوليس يقدرو يغرقو ليا لحبس وحبيهم مقااود قوم لوط يدخلو ليه يتوبو.. خلص سيدة وخرجنا تحركنا لواحد لمحطة قطعلي فلكار لي غادي تما قاليا تما شوف شي طاكسي عطيه لعنوان يوصلك هاك لفلوس باش تخلصو مدلي يدو سلم عليا ومشا بقيت مصدوم مفاهم والو لواليد ومدارش معايا هادشي وليت شاك فيه خدا شي حاجة من صاك وخا مزال تقيل كما كان دخلت لحمام ديال ديك لمحطة تأكدت سيد مخدا والو بقى ضارني راسي من جهتو ياكما دارليا شي حاجة فاش كنت ناعس وخا يكون دار مبغيتش نعرف خليني محتارمني طلعت فداك لكار قربني ومن تما شديت طاكسي حطني قدام دارو مبانتش ليا طوموبلتو غير ديال بنتو قلت يمكن تكون فلكراج كندق وكنفكر شنو غادي ندير غادي نجبد ليه عينيه على هادشي لي دارليا.. وهيا تحليا بنتو معرفتش باش تبليت سيدة راه واقفة على صح معندي منديرلها نضربها مغاديش تحس بيا ولا تقدر تطيح ليا نموت بلا شهادة تا سيدة كتباليا مفراسها والو معرفتش واش بصح ولا غي كتمتل قالت ليا بلي باها قاليها بلي أنا خدام فبلاصة بعيدة وغير لبارح فليل مشا زعما باش يشوفك بلاتي نعيطليه.. حبستها بلاتي بلاتي ندخل هادشي لراسي ونمنطقو قالك خدام فبلاصة بعيدة راه باك باعني لشي ناس من نهار خرجت معاها وأنا خدام عندهم وريتها عنقي بقات كتقوليا غير كتضحك وكتمسح فلوشام كيحساب ليها غير راسمو ومطلعها عليها.. داكشي كامل لي عاودتلها ولبنت مزال ممتيقانيش كتقوليا بلاتي نعيط ليه بركات حدا لفيكس صافي غادي تعيطليه بسيف متيقنيش سيد راه باها وكيفاش كيتعامل معاها ومعايا تانا أنا براسي كون عاودولي هادشي منتيقوش ولكن أنا عشتو جات لوقيتا لي نجبد فيها داك طليليب لي عندي لداخل عالله نكون مزال كنعجبها ريحت قدامها شديتلها فيديها وبديت كندمع وهيا تطلق تيليفون سيدة حنينة وقلبها كبير على قدها قالت ليا وصافي مالك هانا انعيط ليه يجي والله ما توقعلك شي حاجة أنا معاك بديت تنعاود ليها شنو دوزو عليا هادوك خوتنا وزدت فيخرات فلمجمر وتنخصيص ودموع سيدة قلبها طاب وليت أنا تنسكت فيها قالت ليا نمشيو عند لبوليس قلت ليها أه ولكن بغيت ندوي مع باك بعدا عطيني تيليفونك كتقلب على نمرة وداويا قالت ليا اه وجات واحد سيدة كتسول عليك لبارح.. بلاتي بلاتي سيدة؟ واش من معارف باباك حيت أنا مكنعرف حتى واحد هنا؟ قالت ليا لا هادي مراتك راه عطاتني نمرتها. بحالا صرفقاتني مريم معندها ميدار هنا بصح غبرت ولكن ماشي لهاد درجة قلت ليها عيطيلها فنمرتها هيا لولا قالت ليا وخا مداتلي تيليفون كيصوني وهيا تجاوب ديك أالو تخلطو لمشاعر بحالا سنين مشفتهاش مسولتها على والو غير فين نتي قالت ليا سعيد؟ نتا لي فين واش عارف شحال وأنا كنقلب عليك فينك؟ قلت ليها قصة طويلة مغاديش تيقيها غادي نقطع واحد شويا ونعاود نعيطلك. قطعت عليها وعيطت على بات ختنى مجاوبنيش لمرة لولا لمرة تانية عاد جاوب و جاوب بديك شنو باغيا راه خدام ممساليش قلت ليه سعيد هدا جاب ليا الله بحالا عارف هاد لخدمة لي مخلياك ممساليش سيد صوتو تبدل كيقوليا شعرة وحدة تقيسها منها غادي ن.. قطعت عليه مخليتوش كملها صافي مغادي يدير معايا والو لبوليس لي بقاولي خرجت أنا وبنتو غادين وداوي معايا كنقولها بلي معمرني غادي نسا ليها داك لخير غاديا بيا لبوليس وخا عارفة باها يقدر يدخل لحبس مورا مندوي مع لبوليس عيطت على مريم بتيليفونها نعتليها لمركز ديال لبوليس لي فيه وقطعت قالت ليا بلي متقدرش تدخل معايا رجعات هيا لدارهم داخل لتما وهو يوقفني واحد لبوليسي قاليا انشوف شنو كين فداك صاك مديتو ليه هادشي لاش جاي خوتنا مفهمو والو شوف شحال من كيلو غادي يكون تما دخلنا تنشرحلهم شنو واقع وهوما تيعاودو نفس سؤال منين جاك هادشي كنت غادي نبدا نسب فيهم واش نشرحلكم بلوحة وطابشير.. حتى دخلات مريم كتجري عنقاتني دايرين ليا مينوط كتسول فيا شنو كدير هنا قاليها داك لبوليسي خليناك دخلي باش تفهمي شنو واقع وشرحيلنا بقيت تنقولها وهيا كتشرح ليهم دوك لكلمات لي قالت كاملين فدماغي ولكن باش نخدم بيهم واالو ها علاش كيقولك لغة كتعلم بالهضرة داوين وهو يتحل لباب تاني هاد لمرة كيباليا حميد سبابي فهاد صداع كامل..

أول حاجة طاحتلي فبالي مني شفتو داخل تال عندي لتما هيا غيكون تيعرف دوك لبوليس حتى هوما ولكن لا سيد داير فيها من عائلتي لواليد زعما خربقني ديال بصح يلاه غنبدا نعاود ليهم شنو دارليا وهو يدوي معايا بدارجة ديالنا قاليا سعيد غادي غير تعقدها كتر ما هيا معقدة.. قاليه لبوليسي سكت يا تدويو بلغة نفهموها يا متدويوش وهو يجاوبو فلبلاصة قاليه ولدي مشفتوش من شحاال هادي وخاص ندوي معاه عطينا دقيقة.. قاليا شوف غادي تسكت مكينش لي غادي يقيصك غتاخد وراقيك حوايجك وكلشي غنوصلك أنا لمطار بيديا ولكن إلا قلتي لبوليس شي حاجة غادي تخرج لقدية من يدي أنا خليتو داوي غير حيت كنتسنا لبيت يخوا من شحااال وأنا كنتسنى لوقيتا لي غادي نشدو فيها بين يديا لمينوش فيديا وشانق عليه حيدوه غير بزز من ييديا عاودت ليهم كلشي من لول للخر ولبلاصة فين كينين ولبوليس لي تما أنا كنعاود وهوما كيكتبو وكيسجلو صورو لوشام فعنقي قاليا بلي غيمشيو يتأكدو من داكشي لي قلت بقيت بارك أنا ومريم فواحد لكراسي تما وغير داوي كنقوليها صافي من ليوم مدينتي مبقيتش غادي نخرج منها صافي كنت سبع تما مكينش لي كيخسر ليا..شي ساعة عاد جا واحد لبوليسي قاليا بلي لقاو ديك لبلاصة لي نعتلهم وكما قلت ليهم وشدوهم بقا داوي معانا فهمت من هضرتو بلي منقدروش نسافرو حتى يتحاكمو دوك ناس باغيني نشهد فيهم.. سول مريم واش غترجع لمغرب حتى نلحق عليها مبغاتش وخا عييت معاها خدالها تيليفون و وراقيها قالينا مغادين تدويو مع عائلاتكم حتى تدوز لمحكمة و.. خرجنا من تما لبوليس ولحديد كحل فكحل كيخلعو كيحساب ليا داكشي فلأفلام طلعنا بنت ناس غتموت بالخلعة بغيت نزعمها ولكن أنا كتر منها غير مباغيش نبين ليها دوك سيمانات لي دوزت فديك لغابة راه زعزعولي شخصية ديال بصح.. وصلونا لواحد لعمارة دخلنا لدار تما بقاو كيقلبو فدار بقى داك لبوليسي كيأكد علينا ديك لهضرة لي قال فلول منخرجوش إلا على ود شي حاجة مهمة مدليا فلوس عطيتهم لمريم قالت ليه حوايجي واش نقدر نمشي نجيبهم قاليها راه ديجا مسيفطين لي غادي يجيبهم من لفندق لي كنتي فيه غير رتاحي كين طبيب فلخر ديال هاد شارع تقدري تبعي معاه.. أنا مفاهم والو طبيب ليا أنا وقيلا حيت تعقدت نفسيا قاليا بلي غادي يعاود يرجع لعندنا منبعد و خرجو كاملين سديت لباب حاجة وحدا لي كتباليا هيا دوش باغي ندوش وننعس بنت ناس عاد رشقالتها عليا انشوف لوشام.. دوشت ودارين واحد لبركة ديال ليهود وداوين كنعاود ليها كيفاش خرجت من تما وكنزيد شوية دلفاخر لابدة لواحد خاصو ديما يبقى يبان صحيح قدام مراتو باش تخلي فبالها بلي معاها راجل ولكن عجبنيي لحال فاش جات كتقلب عليا حتال هنا وهيا تقولي بسيف عليا راه ولاو بيناتنا وليدات أنا بقيت كنضحك صافي مجريتش معاها تانا ديما كنقولها نخدم على ولادي وداك ضحك وهيا تقوليا داويا معاك بصح هيا كتحلف وأنا كنحلف دبا كيفاش أنا متجيش معايا الأبوة أصلا مزال مموجدش راسي ليها.. بلاتي بلاتي بلاتي ابنت ناس كيدرتي ليها أنا هنا شهر وصرف؟؟ قالتلي راه غادين فشهر تاني.. شفتك كتدوي بصفة لجمع مالو غادي يجيب معاه عشرانو ولا كيفاش؟؟ كتقوليا توام يضرك راسك شباب راح فداكشي كنت كنتسنا بزااف دلحوايج ولكن يوليو عندي ولاد فديك لوقت وتوام لا سمح ليا تخربقت مزال تنشوف فيها واش بصح كتحلف ليا واحد شويا وكنقوليها تاني إلا كنتي كتضحكي قوليها ليا والله ما نتعصب بقيت كنسول فيها حتى كعات بدات كتدمع صافي أنا حتى شفت دموع عاد عرفتها مكتضحك.. وااع حول لبوليسي نعتلها طبيب ولاو كيعرفو مراتك حاملا قبل متعرفها نتا بايتين معاك وصافي.. أحسن حاجة فتوام كتهنااا من ديك لقدية ديال نسميه أنا نسميه أنا صافي غتسمي نتي واحد وأنا الأخر.. بقيت داوي معاها حتى سمعنا دقان فلباب حليت لقيتها واحد لبوليسية مداتلي لباليزة دمريم قالت ليا بلي ساكنا فدار لي مقابلا معانا إلا حتاجيتو شي حاجة فأي وقت تقدر تدق عليا ودخلات لدارها.. عطيت ديك بنت ناس باليزتها وباركا كتوريني لوراق دطبيب وكدا كنسمع دقان تاني مكينش لي عارف دار منغير لبوليس كنشوف لقيتو غير داك لبوليسي دقبيلا حليت ليه لباب دخل هاز معاه واحد لباليزة صغيرة حلها عطا لمريم لبيسي ديالها وتيليفونات جداد قالينا لهضرة ديال قبيلا غير بروتوكول قدام ناس لي خدامين معاه غير ناخدو راحتنا غير منعيقوش زعما بين وبين وخرج يلاه سديت لباب وغادي نعس تنسمع دقان تاني نارييي دار عشت فيها حياتي كلها ومعمرني سمعت دقان لي سمعتو فنهار هنا.. حليت لباب لقيتها ديك لبوليسية ومعاها راجلها وهازا واااحد لحلوة ريحتها مبغاتش تحيدلي من نيفي دخلو بركنا فدار واحد شويا بقا طالق علينا لخبرة تاهو سيد محامي ودنيا ضروني بديك لهضرة غير خرجو سديت دار طحت معقلتش على راسي لغد ليه خرجنا نفطرو على برى باركين و كنسول فيها شنو تشهيتي وكدا كنضحك معاها نساو شويا شنو واقع تنشوف على برى كيبانو ليا 3 دناس باركين فطوموبيل قدام داك لمحل كيشوفو فجهتنا من لوشام عرفتهم مع ناس لي كنت معاهم كيديرو دوك شوفات ديال غتخرج ولا ندخلو حنا مريم عاطياهم بظهر مشافت والو قلت ليها كملي فطورك أنا راجع خرجت لعندهم فاش قربت تأكدت من لوشام أصلا نفس لهيت دلباس سليب صماطي وراس قرع معرفتش مالهم وخا يعطوني مال دنيا منديرش فراسي ديك لحالة.. لي بارك فجهة شيفور قاليا طلع بقيت كنشووف فيه معرفتش شنو ندير بقيت واقف وهو يهز تيشيرت لي ضارب زعما شوف سلاح يلاه حليت لباب وهوما يحضرو لبوليس زربو تليهم أنا مفاهم والو كتباليا مريم خارجا قالت ليا واش نتا مريض مالك مكعكع خارج لعندهم برجليك بحال شي أمانة أويلي معامن.. بقات داويا زعما أنا خرجت باش نبعدها على صداع وا ضحي نتا مع هاد لمخلوقات صبناتني قلت راه غيكون لي فكرشها دايرلها هادشي خليتها داويا اصلا هيا لي عيطات على لبوليس.. ديك دار مرجعناش ليها حولونا تاني هاد لمرة لولاية أخرى قالولنا بلي لجلسة غادي تدار قريب موراها انرجعو منين جينا وكلشي غادي يسالي هاد دار قريبة لواحد لبحيرة ولكاااالم واحد لجو مكرهتش نبقا تما حياتي كلها ولكن ولاد ناس باغين يزربو على ناس لي شدو فاش بقات شي سيمانة جا داك لبوليسي عاود سولنا واش باغين نرجعو منين جينا ولا يشوفو لينا شي بلاصة نكملو فيها حياتنا حرت فلول ولكن مخلي محل ديالي توحشتو وناس كيفهموني شنو كنقول وتانا كنفهمهم.. دار معانا مورا لجلسة غادي يوصلونا لمطار أهم حاجة حاميد غادي يغرقو ليه روايض ديال بصح موحال يخرج عايش من لحبس سيد كان أصلا مخلطها معاهم وزاد لخطف كيف والو يحكمولي بشي تعويض درت فيها مزال مأثر ومكنقدرش ننعس بليل وكنتعالج من أثار مابعد الصدمة بقاتلي غير عقدة أوديب ملقيتش كيفاش ندخلها تاهيا أهم حاجة معمرني نعاود نشوف وجهو وصل نهار لمحاكمة ديالهم ضربت واحد لحطة جاو لبوليس هزوني من فم لباب داخلين و كتباليا مراتو و بنتو كيفاش مغاديش تشوفها وهيا حطها وسط الف وتباليك سيدة بحال شمس.. دخلنا لديك لقاعة جايبين مترجمة وااااحد زعرا غتكون عندها ديك كدا وربعين دبت أنا لمهم بداو واحد لوقيتا عاد دخلت أنا بداو كيسولو فيا سيد جايب محامي مقاااود شحفني كنبغي نجاوبو كيقوليا جاوب بأه ولا وكيتلفني مكنبقاش عارف شنو كنقول.. جرا حتى عيا ولكن أنا شريف واش ضلمني وغادي يخرج سالم ضربوه ب 25 عام غير نطقو بالحكم وهو يبدا يسب بالدارجة شيي سبان أنا فرحااان غنطير يستاهل ما كتر.. خرجنا من باب أخر وصلونا لمطار كما قالو لينا راجعين مدويناش تقريبا هيا عينيها فشي كتاب كتقرا فيه وأنا باغي غير نسمع لعضومتي شويا نفكر فشنو غادي ندير فاش نرجع جمعت معاهم شي بركة دلفلوس مطلعتش خاوي غنرجع أندير عقلي يلاه بدا كيديني نعاس وأنا نتفكر ولد حاميد مكانش فلمحكمة سيد معرفتش شنو غادي يدير معايا فاش ايعرفني دخلت ليه باه لحبس وموحال يكمل سنين لي عطاوه غيموت فلحبس..

وصلنا للأرض لموعودة للكفار جحيم شمال أفريقيا لجو تبدل سبحان الله وملقيالنا لواليدة وخوتي فلمطار لحليب وتمر مشينا لدار لقيناها دايرا لينا عرس وصافي قلت ليها بزااف واقيلا قالتلي واالو فحقك هادشي مفرحتش بيك ملي تزوجتي خليني دبا راه رجعتي ليا من لموت.. دبا عرفت لقدرة على لإقناع شكون ورتها ليا رشقااتليا تانا على زهو جمعاتلي كااع ناس لي كيعرفوني كيطلقني واحد كيشدني واحد عاود ليا فين كنتي شنو درتي كنبقا نعاودليه نوريه لوشام ها لي كيقوليا كويه ها لي كتبدا تعطيني مقادير ديال طاجين ندهنو على عنقي شعب كيفهم فكلشي أصلا جا كيوت كنبان مقود فري ومدرتوش لخاطري صافي كنفكر نخليه واحد مريم ملي دخلنا وهيا غير نعاس سيدة هازا زوج رواح فكرشها صعيبة شويا تاني حاجة غناكلها مورا لحليب وتمر هو دجاج محمر وديك لمرقة لواليدة لي مطيباه سيدة وخا منعرف شنو ديرليا كندوش شي حاجة من يديها كنسا كولشي معرفتهاش شنو كديرليا فماكلتها يمكن غير حيت قهراتني لوبيا فداك لحبس لمهم بقيت أنا غير كناكل وهيا كتعمر ليا طبصيل وبنادم حاضيني وا ولاد ناس راه كانو كيقطرو ليا لماكلة فديك لبلاد كتاكل ونتا حاضي مع بنادم وغارق خدمة وخايف راه معقلتش شنو كنت تناكل بحالا كناكل تراب.. مشا بنادم خليت لواليدة كتجمع دار مع شي جارات وأنا دخلت لبيت حطيت راسي حدا مريم معقلتش على راسي حتال لغد ليه كتفيق فيا قالت ليا نوض راه واحد صاحبك كيسول عليك مبغاش يمشي تا يشوفك قالتها ليا بحالا غسلاتلي وجهي بلما بارد طاح ليا غير سماعيل ولد خونا غادي يجي يقودها معايا راه مدخل ليه باه لحبس.. غادي خارج عندو وحااقد غادي يزيد معايا كلمة غادي ندخل عليه للحبس بوجهي حمر أصلا هو سبابي وأنا مضلمتش باه هو لي ضلمني حليت لباب كتباليا لإمبالا واقفا عرفتو جمال قبل منشوفو واقف حداها جا لعندي عنقني كيقوليا سمحليا اخويا كنقوليه علاش كيقوليا إلا سمح ليا والله ما كنت عارف داك سيد هكدا وحتال دبا ممتيقش هادشي داك سيد راه بحال لواليد ديالي و.. حبستو صافي مالك شنو درتي صافي مكنتيش عارف أصلا انا لي مشيت برجليا لتما تاواحد ما بزز عليا سو مكين لاش نسمحلك بالعكس عارفك بغيتيلي غير لخير.. بقيت داوي معاه طلات لواليدة من لفوق قالت ليا سعيد ماشي حشومة تبقا موقف سيد عند لباب دخلو يفطر معاك. عرفتي مكرهتش نرجع يتيم بلانات ديال ليهود درب كامل سمعها قلت ليه دخل بدا كيدير داك تبعصيص ديال لله يخلف جريتو دخل أصلا باغي نسولو على صاحبو واش كاعي مني على ود باه لمهم نقلقلو ونجرليه لسانو شويا ولا هو لي جار ليا لساني عاودتليه شنو وقعليا من لول تال لخر سيد غير شاد من راسو كيقوليا بزااف واش عرفتي شحال من عام وأنا خدام معاه وباغيني نمشي معاه لتما سيد ديما لايح صنارة ومخليها تشوف شنو غادي تطلع ليه ولكن معلكش تانتا.. خدا نمرتي جديدة خلاني كنفطر ومشا قاليا عندو ميدار كيقلب على خدمة سيد لي كان مخدمهم دخل لحبس, خرج عاد جات لواليدة باركا حدايا كنفطر وهيا كتشوف فيا سيدة بدات كتخلعني سولتها مالك قالتلي مبقاش لي يشوف فولادو معرفتش شنو مورا داك لحنان زايد فطرت وهيا تطير بطابلة مخلاتنيش تا نعاونها قلت ليها نخليك دبا انبدل حوايجي ونمشي لمحل ديالي نضرب فيه طليلة راه قهراتني دار قبل من لمحكمة بقينا غير سادين علينا فربع حيوط قليل فين كنخرجو وأصلا لمحل هو لي عندي دبا بغيت نشوف شنو خاسر شنو تبدل شنو نقص بقات كتحلف عليا رتاح نتا غير لبارح جاي من سفر والله لي عالم شنو دايز عليك لله يرضي عليك لما رتاح.. واه رضا غير باش نرتاح ونعس صافي مكين تا مشكل شعلت تلفازا قاديت لبركة لماكلة فوق طابلة لي حليت عليها فمي فرعون وصافي كل شوية كيطل علينا شي واحد من جيران ها لمغاربة باش زوينين اه ومكيدخلوش بيدهم خاوية مخاري مع عصابة مكينش فيهم لي نازل على 15 عام وجايبين ليا ضانون ولحليب زعما لله يعطيك صحة.. داك نهار مطليتش على لمحل لغد ليه ديت مريم عند طبيب وخرجنا شويا محسيتش بنهار حتى داز وصلتها لدار هزيت واحد ضوبل ديال سوارت ومشيت لكراج بغيت نحلو مبغاش يتحل بداك ساروت ماشي تا نفس شركة بدلو لقفل تنضرب قدام لكراج كتباليا دنيا نقية لا كاعيط حرش لا زيت لا صباغة داكشي نقي وتا لبيبان مصبوغين دنيا كتشعل موحال واش مزال كاراج شعلت ديال بصح غير معنديش نمرة سيد لي خليتو مقابل قلت صافي غدا نرجع ليه متشاور معايا موالو مشيت لدار وبقيت معصب باش نكون كنتخور لهيه وكنتصبع حتى هنا لا سمع ليا وخا نكون ولد يهودي أنا شاك فسيدة كانت كتضرب بريكولات وسهرات فإسرائيل زهري كيطيحني غير مع ولاد ناس بزااف تاني خاصني شي تبخيرة واقيلا..معقلتش على ديك ليلة لغد ليه فطرت لبست حوايجي وقصدت لمحل كيباليا محلول وبنادم خداام على برى ولداخل مفهمت والو أنا دخلت كلشي مصبوغ ونقي تيباليا سيد لي خليتلو سوارت وهو يعنقني سلم عليا قاليا على سلامتك امتى جيتي علاش معلمتيناش قلت ليه لله يسلمك واش لمحل ديالي هدا ولا غير غلطت قاليا كلشي ديالك غير تهلينا فلمحل شويا فاش مشيتي وزدت شويا ديال دراري متلقاش معاهم مشكل فلوسك كل سيمانة كنديرهم ليك فداك لكونط لله شاهد عليا درهم مضعتيش فيه.. دموع كانو غادين يطيحو معمري شفت بحال ديك لخدمة ونقا تا لكليان تيلقا بلاصة فين يبرك وداكشي مصروع سيد غير غادي نرونو ونخربق ليه لخدمة قلت ليه خويا تبارك الله عليك وصافي كنت كنقول غادي نلقاه معرف ميدير وسدو كمل فخدمتك أنا مزال خاصني وقيتا نرتاح غنمشي نشوف مع لبنكة مزال عندي لكونطرا.. خليتو وغادي لبنك ضارب تيشرت لوشام كيبان بحال شي صليب سيد بقا كيضرب عليه غير بنص عين.. مشيت لبنك ملقيتش معاهم شي مشكل عطاوني ليستا بكاع لفلوس لي حطليا فلكونط من نهار مشيت مشيت لدار داير فيها خدام زعما شاد ستيلو وكنخطط فدوك لوراق وهو يصوني تيليفون عرفتو جمال هو ودار لي عندهم نمرة ولواليدة ومريم باركين قدامي جاوبت غير من ديك سلام عرفتو سماعيل جمعت لوقفة للبالكو عارف راسي غنخصر لهضرة إلا عصبني وجبد معايا داك لموضوع ولكن لا سيد تيدوي بارد قاليا غدا نتلاقاو فلمحل ديالك مع ديك ل11 قلت ليه صافي وخا معرفتش شنو باغيني معطانيش راس لخيط وتانا مبغيتش نزيد معاه فلهضرة جمال لي غيكون عطاه نمرتي و 100% عاودلو هضرتي بالحرف سيد معطلنيش بلان ديال لبراهش غير معنديش نمرتو أما كون صبنتو معطيتكش نمرة باش تبدا تفرق فيها وعلااامن.. لغد ليه مشيت لمحل مع ل10 نبرك تما شويا ونشوفو شنو باغي سيد ضربات 12 وهو مزال مجاش واقف تما كنقول مع راسي 10 دقايق آخرين ونحرك لدار وشكوون تيحط طوموبيل فجنب لمحل سناء سايقا واحد لفيات أنا تخلعت بنت ناس خليتك غير نعاس ودار كيدرتي ليها قالت ليا على سلامتك بعدا وكي جيتك بقينا داوين بنت ناس باها تعامل معاها و ولات خدامة فشي بنك بقينا داوين كتضرب ليا على لوشام غير بريط قالت ليا لواليدة ولواليد مكينينش كنت غنطلع نطيب شي حاجة إلا كنتي مسالي نمشيو نتغداو على برى بزوج عرفتي باش قالتها ليا دماغي بدا كيدور 180 راه ولاو عندي وليدات زعما مع سيدة لي كتبغيني وايت وايت تشاااا لقيت اللي تبغييني.. عاااد..

بنت ناس تزوجت وقريب يوليو عندي ولاد ومزال مفقداتش الأمل تيكبر ليا لأنا فاش كنشوفها لاصقا عليا هكدا.. درتلها خاطرها انمشي نتغدا معاها بالخف ونرجع لدار فلوقيتا ديالي بحالا موقع والو.. طلعت معاها تحركنا غادين وهو يصونيلي سماعيل قاليا سمح ليا مقدرتش نجي لعندك ليوم قلت ليه ملي مقدرتيش كنتي تعلمني بكري متخلينيش كنتسنا فيك أصلا مكان عندنا فاش نهضرو.. قطعت على خونا محملتوش ينشرني من ل10 سولاتني معامن دويتي شفتك شعلتي؟ قلت ليها غير لخدمة بقينا داوين كتسول فيا على دار ومريم قلت ليها راها حاملا بقينا غير داوين ضربات 2 وحنا مزال متغديناش باركين كنتسناو وهيا تقوليا واش تانتا ولا غير بوحدي لي ديما كنفكر شنو كان غادي يوقع إلا جيت داك نهار لعند لعدول؟ وأنا نطلق ليها لوحش ديال سطاج لخر عندي فلعمق قلت ليها لا مكنتخايلش من نهار لول لي تلاقينا راه مكتاب علينا تخوي بيا ومتجيش داك نهار ونكمل فخدمتي ويموت لواليد ونخدم فداك لمحل باش نتلاقا بمريم ولي بسبابها تلاقيت بجمال وخدمت معاه وعرفت صاحبو سماعيل وهكدا تلاقيت بباه و ولينا تنخرجو بزاف ومشيت معاه لديك لبلاد مكيناش شي حاجة سميتها 'كون درت كون راه' كلشي مكتاب كيما غادي يوقع وخا تعياي متبدلي فشنو غادي ديري راه لفعل لخر لي غديري هو لي مكتاب ديريه من لول سو مكين لاش تبقاي تفكري بزااف غير كتخوي فلحجرة على والو لي وقع وقع وكل واحد فينا خدا حقو دبا نساي دوي معايا فشي حاجة أخرى شنو كتعاودي نتي و.. بقينا دواين شويا تغدينا وصلاتني لمحل وطلعات لدارهم تحركت لدار لقيت غير لواليدة وخواتاتي جاو يشوفوها فدار سولتهم على مريم قالت ليا خرجات مع ديك 12 مزال مرجعاتش واقيلا عند طبيب دخلت لبيت تنعيط ليها مكتجاوبش نزلت قصدت دارها كتبالي واحد طوموبيل قدام لباب معرفتهاش ديالمن أول مرة نشوفها أنا قلت غيكونو غير صحاباتها جاين عندها ولكن علاش مكتجاوبش طليت فديك طوموبيل كيباليا صاكها تما دقيت وهيا تحل ليا غير من شوفتها عرفتها تصدمات سيدة بحالا شافت شي جن حتى دخل مقالتهاش قلت ليها علاش مكتجاوبين فتيليفون من صباح كنعيطلك وهيا تبدا تقلب فجيبها قالت ليا فصاك واقيلا سولتها ديالمن طوموبيل شكون معاها فدار كتقوليا غير صاحبتي سير لدار وغنلحق علك دخلاتلي شك دفعت لباب تحل ودخلت لدار نشوف هاد صحاباتها كيدايرين دخلت كيباليا واحد خونا فصالون تقريبا قدي فطولة سيد بيض حليب وزعر كي شفتو معقلتش على راسي طلعت حمار بودنين أنا مقدرتش تا نتغدا مع سيدة على خاطري ضميري مرتاحش وهيا لله أعلم شنو كانت كدير داكشي كامل لي وقعلي فديك لبلاد بسبان بضرب بخلعة وخدمة نساتني فيه ديك دقيقة راه كيطيحلك 100 سيناريو فراسك دبا كنت انربي ولادو سديت لباب درت لقفل من لدار خونا مفهم والو هو لي كيسولني شكون نتا قصدتو بيناتنا طابلة والله ما عقلت كيفاش طلعت فوقها وصارب واحد صباط ضربة وحدة منو ليهودي يسلم مبقيت كنسمع والو غير صفير فودنيا كنتعصب ولكن معمرني وصلت لديك درجة وسيد رطب بغيتو غير يضربني يعيرني والو سيد أمانة 10 دقايق وأنا كنضرب وكنجر وهو كيقوليا غير شكون نتا شنو درتلك أنا راه مرفووع كيباليا غير هو قدامي غتكون أقود 10 دقايق غيدوزها فحياتو سيد وهو ينقز من شرجم لجردة تبعتو فلبلاصة باش نزل تحطيت ليه فوق ضهرو تندخل ليه تاني لموت لي غتفرق بيناتنا وهيا تدور عندنا مريم كتجر فيا وأنا نطلق ليها وااحد لمسمنة أول مرة نحط عليها يدي أول مرة نضرب شي مرا بعدا قلت ليها غنسالي لك ال**** غير صبري كتبكي وكتقوليا راه خويا وأنا مزال كنضرب فيه غتقول أي حاجة باش نطلقو ديك ساعة كتحلف ليا قالت ليا قلب لكارط ديالو قالت ليه جبد وريه قبل ميقتلك سيد يديه مبقاش محكم فيهم مبقاش عارف شنو يدير جريت لبزطام من جيب باش حليتو كتباليا نفس كنيتها وسميت والديها عرفتي بحال شي فران سخوووون وفتانية وحدة كيبرد معرفتش باش تبليت أصلا قالت ليا مقطوعة من شجرة لا ولدين لا والو خلاتني خمجتو ديااال بصح ولكن تاهو حمار سيد غنمووت غير باش يحط ليا شي تصرفيقة ولا يضربني أي ضربة وخا غير يعضني وااالو درجة لخرة ديال تكلمين هيا هادي وبارك كيبكي كيتنخصص جراتو خارجين وأنا تابعهم كنقوليه سمحليا واش نجي معاكم؟ قالت ليا حيد لقهوة من فوق لعافية طلعو فطوموبيلتو تحركو لصبيطار داك درب كلشي كيطل درب زوين معمرهم شافو داكشي ولا سمعو ديك لهضرة جاتهم فشكل دخلت لدار كيبانو ليا باليزات مقديتش نحبس راسي حليتهم فيهم حوايج درجال ديال داك خوها حيدت داكشي لي كانت كتطيب من فوق لفران وااع أنا صدمت راسي بداك لوجه لي شفت غير عصبني هكداك طلقني وتفرج ولكن شكتسنا من واحد رجلو متقوبة دم سايح وبارك معلق حولي كيسلخ فيه قتلو فيا لإحساس بديك طفولة دلمرض لي دوزتها.. بقيت غير واقف تما تنعيط ليها مكتجاوبنيش تاني ناري غادي تعصبني 😂😂 خارج كنعرض فطريق غي تحلات وسكتي سديت دار تبعتهم لصبيطار لقريب تما وكنصوني ليها وهيا تجاوبني بديك شباغي وااحد صوت عمرني سمعتو تخلعت قلت ليها كيبقا خوك؟ وهيا تقطع عليا كنت أصلا وصلت لصبيطار سولت سيكيريتي نعتليا لبلاصة لي غيكونو فيها مشيت لتما لقيتو داخل عند طبيب وهيا كتسناه على برى مدويتش غير بركت حداها وهيا تقوليا شنو جاي دير بقيت كنبرد فيها وهيا كتزيد تطلع أنا داير ليها لخاطر غير حيت حاملا وصافي اما را تاهيا دايرا لغلط هادشي كامل لي دوزنا مقداتش تقوليا راه عندي خويا وهيا دير ليا طن سيد كنت كنضرب فيه وهو كيقوليا غي شكون نتا غيكون تاهو معارفهاش مزوجة مقالتهاش ليه كنحشم بيها ولا منعرف هادشي لي باليا لعنصرية ديال طبقات وداك لهيت ديالهم هادشي لي طاح فبالي ومكينش من غيرو مزدتش معاها كلمة خليتها تما ومشيت لدار معااول على لبوليس غادين يوقفو قدام دار فأي وقيتا كليت مزياان دوشت وصيت لواليدة على دار كتسول فيا شنو واقع مبغيتش نعاود ليها ولكن كتبقا تجرليا فلساني غير عاودتليها شنو وقع وهيا تهز جلابتها وخرجات نساات لولد لي جايا تعوضو على لوقيتا لي ضاعت بارك كنتسنا صحاب لوقت حتى سمعت دقان فلباب طليت من لفوق باش تا إلا كانو صحاب لوقت نوجد راسي باش تنطل تيباليا جمال وسماعيل بزوج واقفين قدام لباب ديال دار..

فديك لعشيا ولمشكل لي طايح فيه كيوقف عليا فدار جمال وسماعيل نزلت حليت ليهم محاملش نشوف شي واحد فيهم تاني ولكن جاو حتال عتبة دار مقدرتش نرجعهم نزلت حليت ليهم دخلتهم بركنا سولتهم شنو كاين بداو عليا غادين نشوفو كينديرو باش لخدمة متوقفش مخليتهمش يكملو لله يجعل لبركة لمحل ديالي مقنعني داكشي لي كيخرج ليا حسن ليا من خدمتهم بقاو تيشرحلو وكدا صافي لا هيا لا داك سماعيل مجبدش لموضوع ديال باه كاع أصلا مكانش كيحملو ديما منوضينها راه هنيتو منو لمهم داوين وهيا تعيط ليا لواليدة جاوبتها مابلان موالو تخليني منشور فدار وفديك لحالة وتخرج تا فين غادا مقالتهاش ليا قالت ليا وا ولدي راه باينا كنا فصبيطار ودبا غادين بدري لدارهم دوز دوز تسامح معاه.. سولتها كيبقا قالت ليا بحالا داخل فيه تران غير لحمد لله دري ضريف وتيشوف ختو حاملا ميقدرش يدخلك لحبس دير فيدك شويا ديال ديسير حليب ودانون وأجي.. قطعت عليها جمال وسماعيل بقاو كيسولو شنو طاري عاودتليهم شنو وقع طلعوها عليا شويا ولكن منبعد قالو ليا نفس لهضرة لي فدماغي راه لعيب منها نتا عادي تشعل.. خارج معاهم باش يمشيو وتانا ناخد شي حاجة ونمشي نشوف داك ولد ناس ولينا واقفين ساعة تاني قدام لباب داوين على بات خونا كيحلف ليا مفخبارو شي حاجة من داكشي لي كيدير قلت ليه زعما إلا كنتي عارف غادي تقولها ليا بقى كيحلف ليا ونتا راه خويا وديك لهضرة قلت ليهم صافي إلا كانت شي خدمة نقية دوزوها لمحل ديالي نمرتي راه عندكم وديك لخدمة ديال زربة راه مبقيتش كنديرها كنجي لداري نرتاح.. مدليا سماعيل يدو يسلم عليا قاليا لله يسر لي بغيتيها هيا لي غتكون تهلا ميكون عند نسيب باس تفارقنا بزز و بضحك بحالا مواقع والو تفارقنا خديت داكشي لي قالتليا لواليدة درتو فيدي وقصدت ديك دار تاني تندق وهيا تحل ليا لواليدة قالت ليا جيتي فلوقت لقيتيه يلاه فاق باش تدوي معاه.. دخلنا حطيت داكشي فلكوزينة ودخلت عندو لبيت بارك هو ومريم شافتني وهيا تخرج مدويتش معاها أنا جاي غير نقول لسيد يسمحلي هيا مدرتلها تالعبة باش تقلق..كنشوف فيه سيد مقلق ديال بصح وحابس تنخصيصة ديال لڭرة غير بزز معمرو كلا ديك لعصا ويمكن معمرو ياكل بحالها بركت حداه ولواليدة واقفا علينا معرفت ما نقول باركا عليا بوس لخوك راسو أداك لعفريت كنشوف فيها بنص عين منيتك را عمري بست لشي واحد راسو فحياتي ولكن هدا يستاهل ضلمتو بقيت تنرغب فيه دم سخون وشيطان غ برهوش متخليهش يفرق رجال راه معمري شفتك ومعمر مريم قالتلي بلي عندها خوها شفتك مشا بالي بعيد معقلتش على راسي دير راسك فبلاصتي وعدرني.. طيبتو بالهضرة تا ولا تيضحك وخا بزز ولكن لمهم باركين بزوج فداك لبيت داوين تنتعرف عليه سيد كان كيقرى على برى داكشي دهندسة ديكور وداك تخربيق.. سيد شابع قراية كان غادي يقتلو واحد معندوش حتى نيفو كطريام قمة العبثية بقيت داوي معاه حتى تأكدت بلي صافي متقلقش قلت ليه رتاح وقف على رجليك كتسالني أاحسن تسافيرا على حسابي.. غادي خارج مخليه كيضحك ومزال كنقوليه وعنداك تبقى مقلق.. غادي خارج سولت لواليدة واش غاديا لدار ولا غتبقاي؟ قالت ليا وا لبنت حاملا وخوها مريض مجاتش تخليها بوحدها.. خليتها وخرجت مدويتش مع مريم أقود نوع ديال لخصام هو هدا فاش تيكونو زوج كل واحد فيهم تيقول راه لأخر لي غالط وبالأخص أنا ميكروب إلا بقات كتسناني نقولها سمحيلي بقات تما ديك نغزة دلإعتدار لي عندي خويتها على خوها خرجت غادي لدار وهيا تبعني لواليدة كتقوليا ولدي عنداك تقلق هانتا سير غتلقا مسمن فتلاجة سخنو شرب أتاي وفليل.. هيا داوي وأنا نتفكر بلي ماشي بزااف باش كنت كنحلف بلي معمر عينيا يجيو فعينيها دبا ولينا بحالا مواقع والو معقلتش حتى امتى ولينا هكذا داكشي جا بشويا بشويا كيفاش كنت كنشوفها فصغري وكيفاش ولينا دبا راه بزااف وخا مزال كنتفكر داكشي لي دارت كنحقد ولكن كتنسيني داكشي بشنو كدير بقيت غا واقف كنفكر فهادشي وهيا داويا مفهمت والو من هضرتها قلت ليها تصبحي على خير وتحركت لدار.. لغد ليه مع ديك 8 فقت فطرت ومشيت لخدمة تا عيطاتلي لواليدة مع ل11 قالت ليا راه مراتك وخوها فدار جي باش تسامح معاها راه حاملا وديك لهضرة.. مقديتش نقوليها لا تحركت لدار دخلت بارك أنا فقنت وهيا فقنت بحال لعديان خوها وهو ينطق قاليها بلاتي هو ضربني أنا وسمحتلو نتي مالك؟ بدات عليه لا ويشك فيا عزة نفسي وديك لهضرة أنا غير كنتفرج لواليدة قالت ليها وراه إلا مدارش هكداك عاد خاص تقلقي راه غير كيغير علك عرفتي وجهي ولا حمر أنا خليتهم تاا بردوها عاد درتلهم لعصا فرويضا وعلاش متقولش ليا بلي عندها خوها وحتى هو مقالتش ليه بلي تزوجات إلا كنت ماشي قد المستوى تقولها وديك ساعة عطا لله ما.. مخلاتنيش نكملها قالت ليا هاد لهضرة لي كتقول راه مكيناش أنا وخويا كنا مخاصمين مهضرناش من قبل ما يسافر ومجابتهاش لهضرة ندوي عليه و.. بقينا داوين حتى رجعنا سمن وعسل تغدينا مجموعين وهو يعيط ليا جمال على ود لخدمة قاليا دوز لمحل عندك كنتسناوك وأنا نجمع نوضا قلت ليها ريحي فدارك خوك غيبقى معانا حتى يرجع حسن ما كان قبل منشوفو.. قاليا لا انمشي لدار قلت ليه حتى هادي دارك هانتا وسط عائلتك وحدا ختك رتاح حتى تعرف شنو دير راه منخليكش تبقى تما بوحدك.. خليتهم وخرجت لخدمة زربان غير فت لباب وهيا تلحق عليا مريم قالت ليا بلاتي وقفت كنتسناها تقوليا شي حاجة نجيبها ولا دوا لخوها وهيا تعنقني صدماتني هاي هاي رطابيتي رطابيتي وليتي ميمة دبا.. تحركت لخدمة وأنا رااشقا ليا وصلت لتما لقيت دوك زوج كيتسناو فيا جايبين داك لكاميون ديال ديما ولكن لبيت لي موالف نخدم فيه دبا ولا لبيرو حطيناها تما قاليا جمال بلي باغي يبقى يجي يخدم فيها شويا حتى هو قلت ليه لمحل ديالك سيد ديك لمحل ديالك شدها من طغمتها أنا قلتها غي صواب زعما سيد ولا عايش ليا تما ولكن مزيان مرة مرة كنقلقلو واش كينا شي خبار على بات داك سماعيل كيقوليا راه مزال فلحبس بنتو ومراتو بقاو حداه, أنا مبقاش خاصني بديك لخدمة ولكن دراري فشكل وضريفين مورا ما مشا بات سماعيل ولاو مطلوقين معايا فلخدمة لي كتطلع من جهتهم سمن وعسل لمهم كلشي خدام وعاجبو لحال هوما مبدلونيش وتانا زعمت نخدم معاهم تاني موار داكشي كامل هادشي لاش ولاو تيضربو ليا حساب ماشي بحال لول.. كندخل لدار كنلقاها ناشطة عامرة كلشي ضاحك خو مريم طلع ضحوكي سيد مبقاش باغي يخرج من دار تانا ولفتو تما إلا بغيتي تعاشر مع شي واحد صلخو قبل تراه صدقاتلي مع هاد سيد عاد فاش غادي يولي خال ولادي غيزيد يعاشر بعيدا على مريم وخوها كنشوف غي لواليدة هيا راه معمرها غتوصل لمقام سيدة لي رباتني ولكن دارت بلاصتها زوين تحس بلي كين شي واحد كيبغي ليك لخير كتر من راسو وخا جاها لحنان معطل شويا تا وليت راجل ولكن لمهم أن تأتي متأخر خير من متجيش ڭاع كين شي ناس ميقدرش يعيش فروتين ديال لخدمة دار كيقهرو أنا لعكس كيعجبني لحال وكنرتاح هكداك يمكن بلان ديال تربية كل واحد وكيفاش تربى وكبر لي كابر فمشاكل بحالي راه بسيف يكون يقلب غير على راحة ويبعد على لمشكل وخا كتلقاهم تابعينو غير هو من دون ناس ولكن هانية هاديك هيا حلاوة دنيا تطيح وتنوض بحال ملي كنا كنتعلمو نتمشاو لمهم بلاما نطول عليكم شكرآ على لوقت والقراءة ❤