جالسة غيثة فوق كنبة ويدها على خدها كتبكي بوحدها وتسمح .. جلسات حداها مروى وحطات يدها على كتفها وقالت
مروة : مالكي عاوتاني؟
غيثة : اش غيكون مالي كتر من هاد الميال اللي ميل حالي ... كثر من هادشي اللي حنا فيه ... كاع ولادي واكلينها ... سلام كيتقاتل باش ينوض يمشي ... ذهب واحلة فراسها وغارقة مشاكل مع رياض ماعرفتش باش غيتليوها ... اسلام هادي 9 شهور وحنا مقاطعين معاه ... ماعرفناه كي عايش و كي داير مع مرتو ... حملات ودابا تزاد عندو الولد ... ولينا كل واحد عايش بوحدو ... كل واحد معزول بوحدو ... مابقاش داك الجو اللي كنت فيه بحال شحال هادي ... حتى الضحك مابقيناش كنضحكو رجعنا كنفكرو غير فالمشاكل ... منكدبش عليك ... انا توحشت ولدي وبغيت نشوفو .. بااركا 9 شهور وهوا كيطلب ويرغب وكل نهار يسيفط ليا مسج كيعاود ليا شنو وقع ليه ... كيفاش عايش ... كيعاود ليا كلشي ... كيصور ليا كلشي ... تمنيت كن كنت معاه دابا ... فرحانة لبه ولاكن قلبي مقبوط عليا ومامرتاحاش ، كان كل مرة يصور يسيفط ليا فيدو ديال كرش مرتو كتحرك ... كل مرة يصور ليا نقاشر ديال الدراري الصغار ... كل مرة يصور ليا لبسة ... الناموسية ... كنت كنتقطع فاش كيسيفط ليا التصار ... فرحان وفرحتو مكاملاش ... كنت كنتقهر فاش كيصور ليا داكشي ومكنجاوبوش .. ولغدليه يصور ليا حاجة بحال الى جاوبتو وماغضباناش عليه ... اي حاجة دارها ولا بغا يديرها كيقولها ليا .... (هزات عينيها فيها بالدموع) تصوري كل مرة يسيفط ليا مسج ويقول ليا انا مزياان وبخير .. مامريضش الحمد لله ومكمل حياتو ... حين عارفني غنكون باغا نسول عليه كي داير ... وكنتمنى يكون بيخير ... وكيقول ليا هاكاك حيت عارفني باغا نسول .. باغا نجاوب ومقادراش ... باش نرتاح من جيهتو كيقول ليا هاكا.. ولاكن انا حاسة بيه كيتعدب .. صعيب تكون عندك مك ونتا كتحس بيها مكيناش فحياتك ... كتعاود ليهت وتشكي ليها وفرحتك تقسمها معاها وهي مكتاجوبش ... بحال الى كيعاود لدفتر دكرياتو .... هاد التسع شهور كاملة اللي دازت انا اللي كنت كنتعدب ... ماقدراش نغضب عليه ... وكن سمح فيا بصفة نهاءية ومسولش بمرة وضرب علينا تما عاد كنت غادي نجري موراه ونقلب عليه ... ولاكن حيت كل نهار كيسول ويسيفط حنا هازين خنافرنا فالسماء ... هاحنا سمحنا فيه وحتى واحد مكيسول ... وهاهوا عوضو الله لعاءلة اخرى ... كان بوحدو ... من بعد ولات عندو مرة .. ودابا عندو ولد ... من هنا عام يتزاد عندو ولد اخر ولا بنت ... وهاهوا بنا عاءلة ومتبقاش بوحدو ... ويقدر ينسانا كاع ومايبقاش محتاج لينا
: سهات مروى ... رجعات تلفتات وقالت بالتسامة باهتة
مروى : تزاد عندو ولد ❤
غيثة : انا عيييت ... حتى لأمتى غيبقا هاد الولد كيطلب فالسماحة؟ حتى لأمتى غيبقا يزاوك فيا ... راه انا اللي كنتعدب... (ناضت وقفات بصرامة ) غانمشي عند ولد برجلي هاد المرة ... يوقع اللي بغا يوقع .
اقتاحمات القصر سيارة فيراري سوداء وشدات الفران بقوة ... نزل منها اسلام هاز فردي وعينيه حومر مضلمين مكيقشع حتى حاجة قدامو ... صدرو كيطلع ويهبط كيخنزر بحال التور ويسوط، دخل للقصر هاز فردي كحل ووقف الوسط تحت الثرية الكبيرة اللي معلقة فالسقف الفسيح . ضرب بالفردي فالارض وغوت بصوت قوي بحال الرعد تعاود وسط القصر 3 دالمرات
صرخة و3 دالرصاصات خلاو القصر كامل يحضر مخلوع ... دخل نضال من الجردة الخلفية كيجري وتيليفون مزال فيدو كان كيهضر فيه ... وجرات غيثة ومروى مخلوعين ماعرفو باش تبلاو . خرجات ذهب كتجري طلات من الفوق ويدها على لكرشها ... خرج سلام حتى هوا من بيتو هوا وسارة على العكاكز كيطلو من لفوق . كلشي تجمع قدامو ... كلشي كيشوف فيه بحال شي وحش هاجم عليهم ... كيشوف فيهم بحال الى مكيعرفهمش وكيضرب بالفردي فالسماء وهوا تابت فبلاصتو وكيغوت بغضب شديد
اسلام : عااااهد سقراااااط
♀: بين دهشة الجميع والصمت اللي نزل عليهم خلا لسناهم يتلوى ... كيشوفو صدر كيف كيتهز ويتحط ... كيشوفو العرق نازل مع جبهتو وفمو ناشف ... تسمعو خطوات بطيئة باااردة جايا مع الباب اللي عاطيه اسلام بصهرو
طق ....
طق
طق
طق
طق
طق...
توقف صوت الخطوات وكلشي حول النضر ورا اسلام ... وحتى هوا تلفت ببطىء كأنه كيجمع اعصابو كاملة وعارف شكون واقف موراه ... استدار و و جهو احمر يتصبب عرقا ...جات عينو فعين الاب ... " عهد سقراط " مربع يديه وكيشوف فيه ببرودة ... ربع يديه نضال وسبحان لله لحركاتو هوا ولدو المتشابهة ... لا اراديا وقف مستقيم مربع يديه وعقد حجبانو مصغر عينيه كيشوف ومركز مع المشهد .
دقيقة صمت عهد واسلام عيونهم كتختارق بعضها ، هز اسلام يدو ببطىء كارز على سنانو ووجه الفردي لعهد مباشرة وقال تحت سنانو
أسلام : جيت .. ناااخد ولدي ... غتعطيه ليا ... ولا منخرج من هنا حتى نخرج روحك معايا
عهد : لا رد
اسلام : بنفس النبرة ) غنعاودها .. ولآخر مرة ..... تعطيني ولدي نمشي بحالي ... ماتعطينيش ولدي غنطيح بطانة ....
ماجاوبش عهد وبقا محافض على الهدوء ديالو ... كيشوف الشر حاكم فيه وعينيه شاعلين جمرة وبركان كيتصب مع عنقو ... حاس بيه ... حاس بالنار الشاعلة فقلبو.
فالباب واقفة غيثة ومهبطة راسها شاداه بين يديها كتديه وتجيبو وكتردد بينها وبين راسها
♀: هزات راسها وقلبها غيطيح وتقدمات بخطوات بطيىة .. كتشوف راسها غتشوى فواحد فيهم ... غتخسر واحد فيهم لا محال ... قالت بصوت مرعود ...يديها كيرجفو وكتمتم .. السخفة شاداها وكتكابر
غيثة : نعل الشيطان اولدي..... ولدك والله ماشفناه ... ماعرفناش اشنو وقع اولدي ... علاش كدير هادشي ؟
قال اسلام وهوا تابت على نفس الوضعية ...
اسلام : انا الليلة ... بيا ولا بيه .... هوا يقول شنو بغا مني .... حتى لامتى غيبقا حاضيني ... يدير فينا اللي بغا ... حتى لامتى غيبقا تابعني .... بعيد عليه... ودابا هوا اللي جا كيأديني .
تهزات عين نضال تلقاءيا بانت ليه الثرية كطرطق وسلوكاتها كيتفكو ... .. هبط عينيه مباشرة خدا لعبار لقاها غتجي فوق راس اسلام وغيثة مباشرة ... تحلو عينيه ويالاه بغا يقرب وهوا يغوت اسلام بصوت حاد
اسلام : حتااا واحد ميقرب .... حتى واحد مينطق ... حتى واحد .. حتى واحد .... مابغيتش نسمع صوت حتى واااحد ... ولا دابا غنخوي لفردي فيه
سلام كذلك شاف الثرية بقات ليها نغزة وطيح .... توثر وارتابك وقال
سلام : اسلااام بعدو....
طااااق
اسلام : حتى واحد ... مابغيت نسمع صوت حتى واحد ... كانت هاد الرصاصة الاخير ضربات مباشرة فالحديدة شقاتها ... بدات كتفكك بشوية ونضال هاز عينيه فيها هوا واسلام ... عارفين الى ضربات قرطاسة وحدة غادي طيحها وتقتل جوج رواح دقة وحدة
عاود وجه الفردي جيهت عهد وقال بتهديد
اسلام : غنحسب حد 3 ... تحضر ليا ولدي ... نهزو نمشي بحالي ... ماتحضروش والله حتى نخليق غارق فدماياتك ... ومن دابا وصيهم يحفرو ليك قبرك ...
عهد : ببرودة ) حسيتي بطعم الكبدة باش حسيت ؟
اسلام : 1....
عهد : حسيتي بالعافية باش كنحس ؟
اسلام : 2 ....
عهد : ضرب ....
ضغط على الزناد نصف ضغطة و جات مع صرخة سلام ونضال دقة وحدة وهما كيشوفو الثرية على وشك السقوط بتقلها كاااامل وبقات ليها نصف ثانية
نضال سلام : اسلااااااام الثرايااااااااااا
هز اسلام عينو شافها نزلات درجة وتلفت موراه لقا مور كتشوف مهبطة راسها شادة وجهها مقادراتش تشوف اش غيوقع .وهوا يطير عليها تلاح هوا وياها مع سقوط الثرايا العضيمة ... تهزات قلوب الجميع ومنهم عهد اللي طاح فيه النص وخرجو عينيه بالاخص فاش تضربات الثرايا مع الارض بقوة كبيرة وطار طرف ديال الزاج غليض دخل فكتف اسلام حتى حل فمو ومو تحت منو
طاحت قلوبهم كاملين مع اللي وقع ... وطاح عهد ركابيه ويديه كيرجفو ماقدروش يديه يتهزو خواو بيه الركابي وهوا كيشوف اسلام ضهرو كينزف وشاد فيه من اللور مقادرش ينطق ، تغرس الزاج فجنبو الايسر ولسوء الحظ ان اسلام اصلا مريض وزادت الزاجة ضرباتو خلات دمو كيشرش .. كلشي جا كيجري وحتى من اسلام مشا على رجليه بدون ميشعر ونزل مع الدروج كيجري ... الكل تجمع عليه فهلع وهوا طيح على مو مبتاسم كيشوف فيها ويديها شادين وجههو وعينيها خارجين كنشوف فيها حاسة بشي حاجة ماشي هي هاديك واخا مشايفاش ضهرو المصاب ... عنقاتو كتنهج ورجعات تشد فوجو مرة اخرى حتى كتشوف الدم اللي فيدها ومشافتوش طلا ليه حنكو وهي تشوكا وشافت فيديها ورجعات شدات فوجهو كتغوت بهستيرية
غيثة : اسلااام... اسلااااام ... اسلام حل عينيك شوف فياااا
هبط راسو بتتاقل على كتفها ومشاااأا..... خلا صراخات مألمة موراه و قلب تدبح وكبدة تشوات و تأنيب ضمير كينهج بحال السم فجسم عهد وغيثة ... خلا موراه دمار وخراب فقلوب خوتو و واليديه ... خلا موراها سحابة سوداء ضلمات حيات عاءلة سقراط بالكامل .
الحمد لله الذي لا يُسأل عما يفعل، فلا تيأسْ من رحمته ولا تَعْجَل، فسبحانه من أَقبَل بجوده وبِرِّه على من رجع إليه وأقبل، ورأى زَلَّةَ المسيء وجُنْحُ الظلام مُسبِل.
وأشهد أن لا إله إلا الله, وحده لا شريك له, له الملك, وله الحمد وهو على كل شيء قدير, شهادةَ عبدٍ خضع لهيبته وتذلل.
يا من عليه مدى الأيام معتمدي*** إليك وجهت وجهي لا إلى أحد
أنت المجيب لمن يدعوك يا أملي*** يا عُدتي يا شفائي ويا سندي
يا مالك الملك يا معطي الجزيل لمن***يرجو نَداه بلا حصر ولا عدد
ما لي سواك وما لي غير بابك يا**مولاي فامح بعفوك ما جنته يدي
وأشهد أن سيدنا وحبيبنا وشفيعنا محمد عبد الله ورسوله وصفيه من خلقه وخليله.
كل القلوب إلى الحبيب تميل *** ومعي بهذا شاهد ودليل
أما الدليل إذا ذكرت محمداً *** صارت دموعُ العارفين تسيل
هذا رسول الله نبراس الهدى*** هذا لكلّ العالمين رسول
صلى عليك الله يا علم الهدى*** ما حن مشتاق وسار دليل
فاللهم صل وسلم عليه وعلى آله وأصحابه ومن سار على نهجه وتمسك بسنته واقتدى بهديه واتبعهم بإحسان إلى يوم الدين, ونحن معهم يا أرحم الراحمين.
ناض وقف وطوا السجادة ... وخرج من الغرفة دالكلينيك ... داز حدى غيثة وهي تقلب وجهها مابغاتش تشوف فيه ولا دور جيهتو ... جلس حداها مغمض عينيه وراسو بين يديه ساكت ... حداه رياص كيمشي ويجي حامية فيه البيضة ... كيسمع غواتها من لداخل كتصعر ورافضة يدخل عندها واخا لحو عليها و عيا يهضر مع الاطبة يدخلوه عندها ... ماشافتوش ومابغاتش تشوفو ومزالة هازة فخاطرها من جيهتو وعمرها جاوباتو على شي اتصال من نهار سافر ... لاكن فاش سمع شنو وقع وباللي شدها الوجع قبل الوقت وهزوها للكلينيك جمع رحالو وررجع ... كان ناوي يطول بعيد عليها و فضل مايرجعش ماحدها رافضاه ... عطاها مهلة ترتاح فيها وكان ضارب حسابو انها نهار تولد او تقرب غيرجع وداكشي اللي دار . عيا صابر فالاخير قتاحم الغرفة ودخل عليها وهي مع الطبيبة كتزحم ... شاف ديك الحالة وتخلع .. شاف كرشها وشاف عرقها وشاف غواتها وهي كتصارع .. قرب منها كيتألم وهي تجرو من الكول دالقميجة وطارت عليه بعضة كتزحم ... شدات فيه شدة العما فالضلمة وجلسات تبرد فيه الغدايد والهوايش وتخرج فيه جنونها وهوا كيعطيها يدو تعضها
رياض: غير عضي ماشي مشكل
ذهب: اااااىىه .... اااااااه اولد لخرااااااام اههههىء اولد لحرااااام😭😭😭😭 الله ياخد فيك الحاااااااق اععععععععع (طارت عليه بعضة)
زحمة وحدة خرجات بنيتة كتغوت ... حدها بلزاتها وهي ترمي راسها فشلانة بيديها ورجليها ... اخيرا شي حاجة كتفرح من بعد الكارثة اللي وقعات مؤخرا ... اخير فرحة دخلات عليهم تبدل اجواء الكأبة اللي عايشين فيها
هز رياض بنتو الشهبة كتشبه ليهم بجوج وباس راسها فرحان وتلغت شاف فذهب باببتسانة وهي كنشوف فيه بتتاقل ... مشا عندها هازها وحطها ليها على صدرها شمات ريحتها ... قرب منها فرحان غير كيشوف وفنفس الوقت خايف من ردة فعل ذهب عليه ... اما هي كاه ماشفات جيهتو واخا مرة مرة كتشوف من تحت لتحت .
لكلينيك برا عامر ... كيتسناو ذهب تولد وكيتسناو عملية القلب اللي كيجري اسلام لداخل من بعد الحادث .. طال انتضارهم حتى خرج رياض فرحان بشرهم بالمولودة الجديدة .. فرحو بيها وباركو ليه لاكن عقلهم مشوش مع اسلام اللي 6 دالساعات وهوا فغرفة العملية كيجري فالعملية ديالو الثانية على القلب..
دخلات مروى عند حنين بابتسامة وقالت
مروة : تبارك الله مشاء الله .... كيرضع مزيان
حنين: اه الحمد لله .ههه ... من لبارح ماشفتو مسكين ...حتى اسلام ماعرغت فين مشا؟
مروى : راه مشغول وصافي .. عندو شؤ شغل ضاروري يقضيه .. مهم نتي ولدك معاك دابا وجابوه ليك ... ركزي معاه انا اسلام دابا يرجع
حنين: تعطل!
مروة : عير مشطون .. دابا يجي المهم نتي ديها فصحتك
حركات حنين راسها وباست ولدها من جبهتو . خرجتت مروة خلاتها وهي تصادف مباشرة مع الطبيب يالاه خرج وكلشي وقف ملهوف يعرف اخبار اسلام ، تبتاسم وبشرهم بنجاح العملية 100% وحتى مشكل النبضات مغيبقاش عندو وغيرجع انسان طبيعي بحال من قبل .
رجعات فيهم الروح من جديد وبقاو واقفين حدا الزاج كيشوفو فيه وهوا ناعس والاكسيجين على نيفو .
رقبة تحت السيف الجزء 46
محتوى القصة
التنقل بين الأجزاء