الساقطة و الملتزم الجزء 17

♡في الفيلا ♡

..دخلو أماني لداخل مشات أمينة جابت ليها الماء ..مداتو لماماها ..عائشة عطات أماني تشرب كلها كترعد كتبان ليها غير الضباابة الدنيا دارت بيها ..باها لسخط عليها ..هي غلطات اه و لكن مدارتش شي حاجة في الحرام..بالعكس كلشي في الحلال..عائلتها سمحو فيها هادشي لخلاها دمر ..طلعاتها أسيل و اماني للفوق لبيت ضياف تكاوها في بلاصتها و غطاوها ..امينة كدوز ليها على راسها و اسيل كتشوف فيها و كتنهد بقات فيها ..اما علاء بقا مع مو التحت ..

عائشة: لا حول و لا قوة الا بالله ..اش انديرو دبا اولدي 

علاء:(كيدوز يديه على وجهو) و الله معرفت الواليدة ..مهم دبا اماني مسؤوليتنا مغاديش نسمحو فيهاا ..باراكة غير عائلتها سمحو فيها ..دبا اكيد العلاقة ديال الواليد بداك الشماتة غادي تخسر ..و لكن مكايهمش الواليد مادايرش هكاك راه بعقلو و كيعرف بين الحق و الغلط ..عرفنا اماني غلطات باش تزوجات بلا خبار واليديها وخبات عليهوم هاد المدة ..و لكن انا باليا من الأحسن من دارت هكاك حيث هاذوك واليديها كاع ميستاحقو كلمة الأم و الأب تابعين غير خنز الدنيااا و المضااهر ..مكذبوش من كالو المضاهر خداعة ..

عائشة : عندك الحق اولدي في كل كلمة قلتي ..اماني بنتنا من ليوم حاول تهضر معاها وتاخذ نمرة رجلها و خليه يجي عدنا الدار باش نهضرو معاه و نأمنوه عليها حنا في مرتبة عائلتها ..

علاء: داكشي لعوال ندير الواليدة ...و لكن داك باهاااا مغاديش نساها ليه و بالخصوص من جبد أسيل 😡والله لا بقات فه

عائشة: و تشوف انا اولدي بقيت غير كنشوف في أسيل دغيا دموعها هبطو ..الحمار لاخور ..خليه اولدي عليك دبا ربي يحاسبو ..

علاء:(زير على يديه) انا لغادي نوريه ..و خنز الدنياا ..وخا يقلب عليهوم ميلقاهومش ..

عائشة : الله يدير لي فيها الخير و صافي ..

علاء: اللهم أمين انا غادي نطلع نشوف البنات ..و نمشي نتكا عييت(ناض باس راسها) تصبحي على خير ..

عائشة: الله يرضي عليك اولدي ..تصبح على الف خير ..

طلع علاء و داز نيشان بيت ضياف لقا امينة كالسة في جنب اماني لعاطياهوم بضهر ...و اسيل واقفة وجهها حمر و تا عينيها حمرين ..

علاء:(دق في الباب) احم احم ...امينة 😉 وخا تخلينا بوحدنا بغيت ندوي مع أماني..

امينة:(تنهدات) وخاا ...اخويا تصبح على خير ..

علاء: تصبحي على الف خير ...خرجات امينة بقات اسيل واقفة كتشوف في اماني و كتشوف في علاء وعينيها مدمعين ..مشا قرب ليها علاء و بلا شعور هز يديه مسح ليها دموعها ..

اسيل: 😢شوووف اش دار فيها مسكينة دبا هاذا يستاهل كلمة بابا ..و علاش عايرني انا و جبد بابا لمااات و نتا مكلتي والو ..

علاء:(باقي كيمسح ليها عينيها و قريب ليها ) شوووو و الله لبقات فيه ..انا مهضرتش حيث عارف لهضرت و جاوبني اندير فيه شي كارثة و هانتي كتشوفي اماني حالتها ..مخاصهاش تزيد تأزم ..و لكن وحياتك عندي منساااها ليه و غيير يتسنى الدقة لغادي تجيه ...(شد وجهها بيديه و باس جبهتها🙈 كتليكوم الملتزم مساااهلش😂سدو عينيكوم را غير جبهتها..طلق منها وشاف فيها ) سيري دبا لبيتك اندوي معااا أماني و نجي مديري في بالك والو ..

أسيل: 😳وخاا ..

خرجات اسيل حالة فومها ووجهها حمر و فيها الرعدة بالنسبة ليها علاء اول مرة يكون قريب ليها بزااف 💓💓قلبها كيضرب ..حسات بسخفة فيديك لحضة (الله يجيبك على خير السيد مولف كيبوووس 😂) مشات نيشان دخلات الحمام ..حيدات حوايجها و طرفات لحمها .. و مسحات وجهها و غسلاتو بالصابون و دهناتو بكريم نيفياا لبسات دوني و شورط جمعات البيت و مشات لبلاصتها تخشات و هي كل ساعة تفكر البوسة ديال علاء وخا غير في جبهتها و لكن نفسو كانت كضرب في وجهها حساات بشعور في شكل ..و كل مرة كتأكد انها بصح ماشي غير كتبغيه و لكن كتعشقو ..و علاش متبغيهش و هو كامل مكمووول ..تا حاجة مافيه خايبة ..من نهار تعرفات عليه و هي حياتها تبدلات لأحسن قلبها ولا مرتااااح ..بقات كتبتسم هزات تيلي ديالها كتبقشش في انستغرام بمن جااها نعاس ..

اما علاء مشا جيهة اماني ..

علاء: اماني دوري نهضرو ضروري ..

اماني: علاء بغيت نعس دباا عافاك خليني مافيا ليدوي😢

علاء:لا غادي نهضرو بغيت النمرة دعبد الهادي دباا ...

اماني :(ضارت عندو بزربة) ...كيفاااش نمرة عبد الهادي و اش بغيتيها😨

علاء: شوفي من ليوم نتي بنت هاد العائلة ...سمعتي و راجلك ضروري خاصنا ندويو معااه ضروري ..باش نتعرفو عليه مزيان ..حيث دبا نتي من مسؤوليتنا من ليوم ..

اماني:😢معرفت منكول والله ..حمد الله ربي مكيخيبش ..و نهار جيت عندكوم كنت متأكدة ايجي النهار غادي نتوما توقفو معايا و عائلتي غادي تسمح لياا باش تعرف هاااذ الحياة كيف دايرة ..واليديا مرحمونيش و تبراو مني في لحضة نساو واش عندهوم بنت ..معمري نساا خيركوم عمري...تا لآخر نهار في حياتي..😔

علاء: متكوليش هكااا..هذا واجب و هادشي لوقع ليوم نسايه حيث الحياة كتستمر ..و هما ايجي نهار غادي يندمو فيه رتاحي دبا تا لغذا و عطيني نمرة راجلك ضروري خاصني ندوي معاه ..

اماني: وخا اخويا شكرا😊

علاء: هذااا واجب...تصبحي على خير ناض علاء خرج ورد الباب على اماني ..دخل البيت فتح الباب هو يتصدم 😮

♡عند الأبطال ديالنا ♡

فتح علاء الباب و دخل و هو يتصدم😮 لقا اسيل كلها معرية مامغطاياش ..الشورط طالع فوق فخاذها تا من لون سليبها كيبااان ..مع الشورط واسع و دوني طايح من واحد الجيه ديال الكتاف و الصدر كلو كيبان عاد حيدات سوتيمات ..و تيلي مليوح على وجهها و هي ناعسة ..مشا قرب جيهتها هز تيلي قلبو لقا غير انستغراام فين كانت داخلة سدو و حطو ف جنب كوافوز حداها شد ليزار غطاها و هو كيستغفر الله ..مشا دخل دوش حيدت تيشورت ليلابس و غسل وجهو و عنقو بالماء بار و بقا مدة كيشووف وجهو في مراية تا شداتو ضحكة ..

علاء: ..اخر يامك اعلاء وليتي تبردو بالماء😆لاحول ولا قوة الا بالله ..خرج علاء و مشا تخشا في بلاصتو و بعد مدة و نعس 😴 ..

تاقرب ياذن الفجر و ناض دخل دوش 🚿وظار وضوء كبير ..دايمن اسيل خارجة عليه ..و فضل كل صبااح يبقى يتوضاا باش يحيد الشك..و داكشي لدار و من بعد توضا وضوء صغير و خرج طلق صلاية وبدا كيصلي قيام الليل ..تا اذن الفجر و صلاه هو و الصبح و مشا بلاصتو كمل نعاسو تا ضرباات 7 كيف العادة ناض غسل وجههو و بدل حوايجو و قاد مسائلو ..قاد اسيل لغطا ثاني و خرج هبط لقا غير مو لفايقة كيف العادة فطر معاها و شرب قهوتو ..و خرج ركب في لوطو ديالو نيشان لخدمتو ...تا وصلات العشرة ..ناضت اماني هي لولة مشات للحمام شافت راسها في المراية لقاتها وجهها كلو حمر و عينيها منفوخين غسلات وجهها مزيان و حاولات تنسى ..حيث ربي جازاها بعائلة حسن ..بدلات حوايجها لبسات بيجامة طويلة تا الأرض ..و هبطات مشات نيشان باست راس عائشة و عنقتها و طمأنتها بعينيها ..

عائشة : كيف بقيتي ابنتي ؟ ..

اماني: حمد الله اختي ..

عائشة: مديري في بالك والو ربي كبير😊

اماني : داكشي لكاين اخالتي☺

عائشة : من ليوم حسبيني مك ابنتي و بقاي تعيطي ليا بحال امينة ..

اماني: وخاا اخااا...اماما 😅

عائشة : ههه كلسي تفطري نعاسات باقين ناعسين ..

اماني: اه دبا يهبطو هه ..بقاو كيدردشو تا ناضت اسيل خاسرة المورال 0 ..حيث من كتسالي منك لاغيكل كتولي في شي شكل بحال لعايف راسك ..دخلات غسلات وجهها و جمعات شعرها على شكل كعكة و لبسات بيجامة بسروالها فضلات مدوشش حيث بغات تمشي الحمام باش تفرك راسها ..جمعات بيتها و الحمام و تمات نازلة تلاقات مع امينة تا هي الله فاقت ...

امينة: صباح الخير 😂😂تانتي مبوقا كثر مني ..

اسيل: واييه غاسكتي 😑...زيدي فيا الجوع مشهية كوفيتير مشماش..

امينة: ياااكماا درتيها خويا طلع مجهد😂😂

اسيل: شدرت دار ليك..را ديك البعرة فيا و عاد باغا نمشي الحمام ...😑

امينة: واييلي تا انا عوالة نمشي ..

اسيل: ايوا مزيان نمشيو بجوج نتوانسو و نشوفو تا اماني لابغات تمشي معانا ..

امينة: صافي مشات ..

هبطو بنات كيضحكو هبطو لقاو عائشة و امان مجمعين كيضحكو گالو ليهوم صباح الخير و كلسو ..

اسيل: اماني كيف صبحتي ا ختي ؟؟؟ 

اماني: شوية اختي حمد الله ...اسيل بغيت نعتاذر على كلام بابا ليك بارح ..😣

اسيل: متكوليش هكا اصاحبتي غادي نتقلق منك مديري في بالك والو انا نسيت موضوع ..

اماني : ربي خليك اختي ..

امينة: اماني انمشيو الحمام تمشي معانا ؟؟ 

اماني : و الله مافيا اصلا الله غسلت غير سيرو بصحتكوم ..

امينة: ايوا صافي نمشيو انا ومرات خوايا ..

عائشة : اه سيرو ..نوضو جمعو حوايجكوم سيرو دبا باش تجيو في وقيتة الغذاء ..

اسيل: تا نطيب غذاء و نجمع دار عاد نمشيو ..

عائشة : واقيلة انا كوتليكوم سيرو دبا باش تجيو في وقت الغذاء الدار مجموعة و غذا انا انصبو ..و ها اماني معاياا تعاونني ..

اماني: اه غير سيرو احنا كاينين ..

اسيل: وخا انا انطلع نجمع حوايجي ...طلعات اسيل بيتها و امينة تا هي ..مشات اسيل اول حاجة صونات على علاء علماتو بانها اتمشي مع امينة لحمام ...و مشات جمعات حوايجها في صاك و فوطتها ..و جمعات دوزان ديالها في لاطروسة و دارتهوم في سطل مع كرسي ..و جبدات جلابة ديالها لاحتها عليها و شعرها خلاتو هكاك على شكل كعكة ..هزات بزطامها و ساروووت ديال لوطو ..تيلي طفاتو و خلاتو في بيتها ..خرجات لقات امينة وجدات راسها..و هبطو ..مشات حلات كوفر خشات فيه سطولة و سيكان و مشات امينة كلسات جنبها و اسيل في مقعدها ..

اسيل: دبا نمشيو حمام عادي شعبي و لا نمشيو اوكسجين حسن ..

امنة: هنا حدانا مكاين تا حمام يحمر وجه ...اش بغينا شي اوكسجين دينا غير حمام شعبي..

اسيل: هي نمشيو حمام ام زينب 😍

امنة: فين جا؟

اسيل: حدانا...مورا البلدية ..

امنة: صافي يا الله نمشيو ..

عفطات اسيل ..ماوقفات حتا الحمام بلاصة طونوبيل و نزلات هزات هي وامينة و داكشي و دخلات خلصات عليها و على امينة ..و خا امينة مابغاتش ولكن اسيل اصرات عليها و خنزرات فيها ..وصات اسيل كسالة لكتكسلها ديما باش شوية دخل عندها و شافت وحدا خرا لامينة ..امنة حيدات حوايجها و لكن لبسات صاية في كحل ديال محجبات ..اما اسيل بقات غير بسليب و دخلو ..اما علاء بقا خدام تا صونات ليه اسيل علماتو..شوية صونات ليه اماني و كاتليه اتسيفط ليه نمرة في مساج و داكشي لكان سيفطات ليه نمرة ديال عبد الهادي لفي بلاصة اتصل بيه و هضرو ..و علاء عجباتو هضرة عبد الهادي كيبان مرزن و كاليه باش يجي عندهوم باش يهضرو والاخر وافق ..

♡عند اسيل و أمينة♡

دخلو البنات ..دهنو الصابون بلدي مع الحناء ..و كلسو كيسخنو تا جات الطيابة عند اسيل ووحدا خرا عند امينة..ايوا كسلوهوم مزيان فركوهوووم ..امينة حمقاتها الفورمة ديال اسيل ..هي لي بنت تزعطات فيها ..و اسيل تا هي عجبها شعر امينة طويل وواصل تا ركبتها تقريبا و لونو غزااال ..و حريري و تا جمالها طبيعي و النور نازل على وجههاا ..سالاو ليهوم الطيابات و عمرو ليهوم الماء ..امينة غسلات شعر اسيل و اسيل تا هي غسلات ليها شعرها و هوما كيضحكو تا الاخر ..كل وحدة تكلفات بشعرها ها شومبواانات ها ديميلورات ..مهم غسلو مزيان ..و من بعد دارو كوماج لحمهوووم ..وصابون و عاد في الاخر شلو ببنادوووش و اسيل دارت الوضو الكبير و توضات الوضو الصغير تا هو و لواو عليهوم فوطات و خرجو نشفو راسهوم و لبسو حوايجهوم ..و جمعو باكاجهوم ..مشات اسيل خلصات الطيابات و دورات معاهوم تدويرة نيت ..و خرجات اول حاجة دازت صالون لي في جنب الحمام صيبات شعرها و دارو ليها باتشة و لوات شال عليها ..و من بعد دازو لواحد المحلبة ..خذات الرايب و ملفاااي ..و امينة تا هي عجباتها اسيل بزاااف بالعفوية ديالها ..و طبيعتها ..واي واحد يقدر يبغيها ..من بعد ركبو في الطونوبيل و رجعو الفيلا لقاو اسراء جات و تا الحاج و اسماعيل وصلو ..لقاو هراج ديال الدراري في الدار دخلو حطو داكشي في جنب و مشاو سلمو عليهوم ..و اسيل باست الدراري شهد و ادام ..و استاذنات طلعات بيتها لقات علاء مشبح فوق الناموسية ...

علاء وصل وقيتة ديال ضهر سد المكتبة .. و مشا للجامع توضا صلا و هو راجع فيلا بان ليه خوه و الاب ديالو الله وصلو تلقاهوم في باب و سلم عليهوم و دخلو مجموعين للدار...لقاو عائشة في كوزينة لغير سمعاتهوم و هي تخرج عندهوم ...اما اماني في بيتها كلسو في الصالة مجمعين..تا قرر علاء يهضر معاهوم في موضوع اماني و داكشي لكان..عاود ليهوم كلشي تصدموو ..و لسانهوم تلوى ..و لكن دغيا تقبلو الامر..و الحاج عبد الحفيض تصدم في صاحبو و طلع ليه الدم ..كاليهوم علاء اش عوال يدير و ايدوه هبطاات اماني حشمانة و خايفة لا صاحب باها يكون بحالو ويجري عليها ..و لكن صدمها من عنقها و باس جبهتها و كاليها حسبيني من اليوم انا هو الاب ديالك عينيها دمعو هبطات على يديه باستهم و اسماعيل كاليهوم من اليوم ديريني خوك كبير و اسراء تا هي و فرحات حيث كيف كيقولو ربي مكيسد باب تا كيحلو لقات عائلة ماحسن ..هضر معاها علاء و كاليها راه هضر مع عبد الهادي و غذا غادي يكون عندهوم في الدار ..فرحااات ..و استاذن طلع لبيتو بدل علييه و قشع تيلي اسيل مشا شعلو ..غي شعلو وصلوه مساجات من نفس الرمز ⚠ فتحهوم و هو يتصدم *أسيل انا انتسناااك في نفس الموعد ..عافاك اجي عندك تنسااي* دغيا طفا تيلي ردو بلاصتو و مشا تكا في ناموسيتو كيفكر و عاقد حجباانو ..باغي يعرف اش كدير هذي موراه تا نسا الموضوع و عاود تفكرو ..الشك غادي يقتلو بقا هكاك تا دخلات اسيل هازا صاكها و سطلها ..

اسيل: السلام 😊

علاء:(دار جيهتها) و عليكوم سلام ..بالصحة 

اسيل: الله اعطيك الصحة ..مشات دخلات داكشي الحمام فتحات صاك جبدات حوايج الوسخ خشاتهوم في ماكينة ديال الصابون و جبدات الدوزان ديال الحمام غسلاتو في لافابو وحطاتهوم في جنب بنوار🛁 ينشفو ...هزات فوطات و خرجاتهوم باركو ينشفوو..و مشات هزات ديودوغو ديالها ديال العرق دارتو و دهنات يديها و رجليها و دارت كريم نهاري وجهها و فومها دارت ليه زيت مرطب ..و هادشي تحت اعين علاء ..لساهي فيها و لكن عقلو ماشي مع داكشي لكدير كيفكر اش اتكون مخبية من موراه ..كملات داكشي لكدير و مشات هزات تيلي شعلاتو ..لقات لمساج من اتصاللات انه شي حد شداتو لابواط فوكال ..دخلات كتقلب و هي تلقا مساجات يووسف بقات كتقرا فيهوم و تاتعض في شفايفها نسات الموعد ديالها معاه ..و نسات علاء واش حداها كيشووف فيها كيفاش كدير..

علاء: ماااالك؟

اسيل:(قفزات تا كان التيلي ايطيح) ..ااه لا والو غير بسمة صونات ليا وشداتها العلبة ..

علاء: امم و عاودي عيطي ليها ؟

اسيل: لاصافي سيفطت ليها مساج غير حيث دايرين نخرجو انا وياها ليوم داكشي علاش..

علاء: فين بسلامة؟

اسيل: غير لخبازات و صافي ..

علاء : اه فوقاش اتخرجي؟

اسيل: مورا العصر نخرج ان شاء الله..

علاء: مزيااان ........(امينة كتعيط)..

امينة: خووووويا ...اسيل هبطو تغذاو ..

اسيل:كيعيطو يا الله نتغذاو ..

علاء: غير سبقيني انا تابعك ..

اسيل: وخاا...(رسلات مساج ليوسف فيه اوك..و مسحات كلشي تا من نمرتو الاحتياط و حطات تيلي فوق كوافوز ..و لاحت بنوارها على بيجامتها و نزلات)

اما علاء ناض من موراها نيشان تيلي قلب لقا كلشي ممسوح...زاد الشك ديالو كثر لاح تيلي بالزعفة و دخل الحمام غسل يديه و خرج تبعها ..هبطو لقاو العائلة كلها مجموعة دايرة على الطبلة ..حطات امينة و ماماها الغذا اللحم بالبرقوق و الشلايض ..قطعو الخبز و بداو كياكلو في جو كلو سكات حيث ..الحاج عبد الحفيض كاين و كيحتارموه ..سالاو الغذا و ناضت اسيل و امينة جمعو الطبلة و جابو ديسير كلاوه تاهو و جمعو طبلة مسحوها و كل واحد فين مشا ها لمشا يرتاح ها لمشا خدمتو ..علاء طلع دغيا لبيتو بدل عليه و نزل ..في الوقت لأسيل في الكوزينة كتغسل الماعن تفادا يهضر معاها حيث معصب و خاف يدير شي موصيبة ..

♡ في فيلا ♡ عند اسيل ..

دخلات هي و اسراء كوزينة كيجمعوها و كيغسلو ماعن..و امينة و اماني جمعو صالة و كيشطبو زربية ..اما عائشة طلعات مع زمانها بيت كيتعاودو ..و اسماعيل مشا هز ولادو و طلع بيت كيلعب معاهوم توحشهوم ..سالات اسيل و مسحات يديها و طلعات بيتها لقات علاء مشا خرج جاتها في شكل و استغربات كيفاش يخرج بلا ميكوليها راغادي ..صافي كالت واقيلة مزروب ..تفكرات ضهر و مع توضات مشات هزات زربية صلا و شال على راسها ...و صلاة جوج ركعات صبح و 4 ديال ضهر و جمعات زربية ..و عاودت لمطات ناموسية مزيان ..هزات تيلي ديالها صونات هضرات مع بسمة ابيل فيديو و كاتليها لاعيط ليها علاء و لا سول تكوليه را اسيل معاياا خارجة معايا ..وخا بسمة بغات تعرف اش كاااين و لكن كاتليها اسيل من بعد و نعاود ليك ..طلباتها تا وافقات ..صافي قطعات معاها و مشات جبدات واحد بوليكوب خدماتو مزيان تا سمعات العصر كياذن ..ناضت عاودات وضوء و جات صلاة ..و من بعد مشات جبدات كسوة طويلة في غوز و فيست ديال تجين ..بدلات حوايجها و كلسات قبالة مراية قادات مكياج ديالج خفيف و ليكغو ديال شمس ..جمعات شعرها كوتشوفال فوق ...دارت اكسسوارات ديالها سانبل و تريحات ..جبدات صباط بلا لبساتو ..هزات صاكها في جنب صغير في كحل دارت فيه بزطامها و تيلي ديالها و سوارت لوطو ..شافت راسها في مراية طويلة عندها في بيت ..عاد خرجات هبطات لقات غير بنات اماني و امينة لكيتفرجو ..علماتهوم بانها عندها شي شغل مع بسمة و كاتليهوم يكولوها لخالتها ..و خرجات ركبات في لوطو ديالها نيشان القهوة فين دايرين يتلقاو هي ويوسف ..طالقة مزيكة و مكسيرية تا وصلات ..بلاصات طونوبيلتها في بارك لحدا الواد ..و دخلات قهوة قشعاات يوسف لكالس كيتسناها و مشات لعندو ..

اما علاء خرج معصب من دار ..مشا خدمتو و لجا قدامو و دار ولو غلط صغير كيكرم ليه حالة ..كل ساعة كيوصي واحد من خدم يجيب ليه كاس قهوة كحلة هي لكتبردو شوية ..بقا على خدمة باش ينسا ووالو ..سمع العصر و ناض مشا هز لوطو و زاد تا جامع توضا التحت وطلع فوق صلا مع الجماعة و خرج و هاذ مرة قلب طريق المكتبة ..و مشا القهوة لمشات ليها داك نهار أسيل و في واحد القنت بلاصة ووقف ..تا بانت ليه اسيل وصلات و هبطات ..مزير على يديه و كيخنزر ..مكرهش ديك ساعة ينوض يفرشخهااا نيت و لكن شد راسو عليها غير بززز باغي يتاكد هو ماشي من نوع لكيزرب كيبغي يكون متيقن 100% هاد ديك ساعة يدير لخاصو يدار ..

عند اسيل دخلات مشات في اتجاه يوسف ..لشافها و شير ليها بيديه 

اسيل: سلام (مدات يديها)

يوسف:(مد يديه) و عليكوم سلام ..تفضلي كلسي ..

اسيل:(كلسات) شكرا😊

يوسف: شنو تشربي؟

اسيل: جيب ليا واحد عصير ديال ليمون ..

يوسف: هي الاولى ..(مع سرباي) عافاااك شي كاس ديال قهوة قاصحة و كاس ليمون ..

سرباي: هي لولةة...

مششا كارسون جاب ليهوم داكشي ..و حطو ليهوم فوق طبلة ..

اسيل: عافاك قول لعندك دغيااا ..حيث ماخاصنيش نتعطل ..

يوسف: كوني هانية انا ماغاديش نكثر عليك وخا خاصك تعرفي كلشي بتفصيل ممل ..باش نتي تحكمي في الاخر ..

اسيل : انا كنسمعك ..و غادي نسمعك تا الاخر ونتمنى كلامك يكون حقيقي 100%

يووسف: كوني متأكدة اي كلمة غادي نكوليك غادي تكون حقيقة ماغادي نزيد عليك ماغاديش نقص ...

اسيل: كنتمنى بدا ..

(البناااات قصة بسمة و يووسف نقدر نكولو كلها حقيقية غير شي حوواايج لغادي نزيدو ..و لكن الأساسي حقيقي ..ديال بنت في عائتنا و هي عاودات لينا و حنا قررنا نديروها في قصة على الأقل ديرو باااالكوم ..و متبقاوش ثيقو و خوصوصا في صحابا نتمنى اي كلمة كلناها تفهوموها و تعرفو اش كيوقع في بلاد..كيف قلت محتوى حقيقي غير سميااات و بلايص لغادي نديرو ماشي حقيقيا احتراما للبنت هذا هو طلبها...على بركة الله)

يوسف : منين انبدا ..انا عارف بسمة اتكون عاودات لي نص ..و لكن ماشي مشكل انا انعاود ليك من نهار تعرفت على بسمة ..انا كنت شديت الباك ديالي واليديا ماشي لبااس عليهوم حنا على قد الحاال ..درت لافاك شعبة حقوق وتقاتلت باش خديت الإجازة ديالي ..خرج كونكور ديال بوليس ..و انا ندفع ليه على الله...وخا الاب ديالي ديما كيكولي بعد من بوليس مكيحملهومش دفعت غير بتخبية حيث كنت داير في بالي نسبة كبيرى انني مغادي نتقبل و كلشي ولا برشااوي في بلادي ..دفعت دوزيو عيطو ليا دارو ليا فحص طبي..من مورا فحص بيسكو تقني ..وتهزيت كلشي هو هذاك طول و مكنعاني تا من مرض و تا شوف عندي مزيان ..ملقاو ميكولو ..دزنا اختبار كتابي كلت 100% مغادي يهزوني و لكن مشيت و درت لي عليا..دوزتو لاجازة ديالي حطيتها ..تا كدوز 15 يوم كيعيطو ليا شفوي او هذو كيف دارو ليها تصدمت و فرحت ..و خذيت امور بجدية ..مشيت عند واليد ..الله يرحمو مع هو ديجا عندو تقاعد من عسكر ..كان كيكره خدمة بوليس..كان من شديت باك بغاني ندفع عسكر ..و لكن كوتليه عسكر هو لمندخلش ليه ..و داكشي لكان ايوا من شتهوم عيطو ليا شفوي كلت نمشي و كذبت عليه الله يسمح ليا كوتليه ايخرج كونكور ديال عسكر غادي ندفع ليه فرح..وانا درت هكاك غير خفت نتقبل في بوليس و يعطيوني شي سطاج بعيد و منعرف منكوليهوم..

♡ عند يوسف و اسيل♡

يوسف: ..الواليد فرح و ماقداتو فرحة ..و كيفاش مايفرحش وهذي هي امنيتو ..صافي عيطيو ليا شفوي مشيت دوزت بعد مدة كيسيفطو ليا كيكولو راك تقبلتي ..فرحة منقدرش نوصفها ليك كالو ادوز سطاج عامين و من بعد عاد اتخدم و لكن مغادي يبدا سطاج تا شهر 12 جاي عاد يهزو لغادي يهزو ..و ديك ساعة كانت شهر 8 صيف ..صافي كلت واليد را دفعت وتقبلت فرح تا هو و مع كان مريض مسكين مكملش تا شهر و توفى ..و هو كيصحاب ليه ولدو ايدخل العسكر..داز علينا داك شهر كحل ..في داك الصيف كنت كنخدم مع واحد سيد في بيع العقارات و داكشي ديور و بقع و فيلات ..مهم هاز راسي و الدار .. وصل عيد كبير دوزناه جا وقت لناس كيرجعو يقراو ..وخا تقبلت في بوليس بغيت نكمل ماستر ديالي و داكشي لكان مشيت دفعت ليه متقبلتش كولت صافي خلي تا ندوز سطاج ديالي ...هكا دازو شهورة اولين عااديين ..تا وقت لخاصني نمشي فيه ..جمعت حوايجي و خليت واليدة و الاخت ديالي و هما في بالهوم غادي عسكر ..و مشيت لصحراء ..دوزت عام الاول و ثاني سطاج..تا ترسمت و بديت خدمة ..عاد هبطت عن مالين دار في واحد كونجي ..و صارحتهوم وخا تصدمو ولكن دغيا تقبلوها وخا الجيران و عائلة لبعاد في خبارهوم انا في عسكر و تا واليدة و ختي كوتليهوم ميكولوها تا حد..جيت في كونجي لعطاونا شهر مشيت ثاني دفعت الماستر و تقبلت ..و بحكم حولوني قنيطرة في كوميسارية لهنا سونطرال كمفتش شرطة جاتني مزيانة نقرا نيت ناخذ ماستر ديالي و في نفس الوقت خدام ..داز عام الاول و ثاني تا خذيت ماستر ديالي ..غاذي نجيبو من لافاك و انا خارج من كلية تا كتبان ليا بسمة واقفة مع واحد بنت من اول مرة شتها عجباتني كولي حب من اول نضرة ..ركبو بجوج بيهوم في طوبيس و مشيت دغيا لحقت عليهوم و ركبت في طونوبيلتي من موراهوم وخا الوجهة ديالي ماشي هي هاديك وصل الطوبيس حدا حي جامعي و هبطو بنات هبطت موراهوم تكيبانو ليا قطعو طريق و مشاو دخلو من باب كبير ديال حي جامعي عرفتهوم دارو حي جامعي صافي هكا دازت سيمانة و انا كنمشي الجامعة غير باش نشوف بسمة لسحراتني من الأول شوفة ليها الشعر طويل و لا عينيها كبار و لا برائة لفي وجهها كلشي وديما داك بنت كتكون معاها تا واحد نهار لقيتها كالسة بوحدها في الجردة لافاك و مشيت زعمت و هضرة معاها في لول مبغاتش دوي معايا و لكن بقيت معاها تا طلقات معايا ولينا كندويو عطاتني فايسبوك ديالها ..دازت شهر طايرة خدمة غادة مزيان و تا الدكتورة دفعت ليها و باقي مهزوني و علاقتنا طورات عرفت بسمة ماشي بنت قنيطرة بنت سيدي علال التازي غير شدات باك ديالها وجات قنيطرة باش تكمل قرايتها و دارت الحي الجامعي و كاتلي عندهوم دار هنا عاد كتبنى و غير تكمل غادي ينتقلو بقينا هكاك مدة 3 شهور بقا شهر باش نمشي للصحراء كانو عطاوني انتقال صحراء و لفتها بزاف بغيتها وعشقتها و هي كذلك الواليد قبل ميموت اراضي ديالو باعهوم كاملين بحككم عندو غير انا و ختي كبيرة فحقي جا بزاف خذيت ابارطومو في قنيطرة نيت و انا وبسمة بدينا نفرشو فيها بجوجنا على ذوقنا واعدتها انها غير تصبر معايا كلشي كيتقاد و انمشي نخطبها في راس العام ..انا مكتليهاش انا مفتش شرطة ..كوتليها باقي كنقرا و عاد اندفع عسكر و نقدر نمشي في شهر 12 لصحراء وبغيتها تصبر تسناني عليها كذبت عليها ..دايمن كنمشيو نشريو شيحاجة دار تا فرشناها كاملة و وقع بيناتنا لوقع واحد ليلة ..بجوجنا استسلمنا الغرائز ديالنا تا واحد مكان نادم ..و انا وعادتها غير نرجع من الصحراء و نخطبها من دارهوم ..واحد نهار بضبط في شهر 11 دايرين نخرجو انا وياه بغيت ناخذ شي حاجو واليدة و تا ليها هي ..درنا نتلقاو من مورا العصر ..وصل عصر صليت و انا نصوني ليها كاتلي ميمكنش تخرج كوتليها علاش كاتلي شي صداع في الحي جامعي و دراري هجمو على بنات..مع انا كنت كالس داك نهار مخدامش معارفش اش كاين كوتليها لاكان صداع انا جاي عندك خرجي ..كاتلي لا را معايا صاحبتي و منقدرش نخليها بوحدها كوتليها صافي جيبيها تخرج معانا فرحات هي و كاتلي غير اجي احنا نوججدو راسنا ..صافي لبست حوايجي وخرجت نيشان الحي الجامعي لقيتهوم كيتسناوني و هبطت عندهوم سلمت عليهوم و طلعو و ديك بنت كدير شي شوفات في شكل كلت واقيلة هكاك دايرة مشينا خبازة و خذيت واليدة بيجامة و ختي تا هي و بسمة خذيت ليها كيطمة و نغزاتني كاتلي حشومة بنت كتشوف وكتاخذ ليا و هي شوف ..كوتلها صافي هزي ليها ليبغيتي و هزات ليها كيطممة بحالها خلصنا و مشينا تعشينا برا و رجعت حي الجامعي كان وضع تهدن عندهوم حطيتهوم و رجعت دار و هكا دازت 15 يوم تا واحد النهار كيجيوني تصاور في واتساب فتحتهوم وانا لقا بسمة عريانة من فوق ومع واحد في حي جامعي و مغطيين بليزار بيض تصدمت في ديك لحضة في بلاصة صونيت داك نمرة و جاوبتني صاحبتها ..كاتلي سلام خويا يوسف مقدرتش نشوف المنكر و نشوفها كضحك عليك ونبقى ساكتة نتا ولد نااس كاع متستاهلها كل نهار كدخل واحد دري معانا من الحي الجامعي و كتخرجني انا نبات مع بنات التحت را غير كضحك عليك و لابغيتي تأكد اجي غذا في ليل و انا ندخلك من باب لوراني ديال حي الجامعي و شوف بعينيك ..

اسيل:😡😳فينها هاذ القحبة😡

يوسف:خليني نكمل عافاك..

..♡عند علاء ♡

لبقا مراقبهوم و هما كيهضرو و لا بالاحرى اسيل غير ساكتة دايرة يديها على حنكها ..و لاخور لكيهضر و يعبر ..و علاء كياكل في راسو هاذو اش كيكولو تا واحد لحضة شاف اسيل قفزات و خنزرات ..عرف بلي سمعات شي حاجة ماشي تا لهيه ماشي تا لهيه تا كان نايض خارج باش يمش عندهوم..تا كتبان ليه تهدنات و لاخور كلس كيكمل هضرتو ..

أسيل:😡😡فينها هاذ القحبة..

يوسف: خليني نكمل عافاااك ..

أسيل: يا الله كمل نسمع ..

يوسف :صافي تصدمت و مبغيتش نتسرع راسي غادي يطرطق اويلي هذي كتخوني مبغاتش دخل ليا للراس ..الغذ ليه هضرت معاها عادي مبغيتش نبين ..تا الليل و مشيت كيف تافقت مع ندى صاحبتها و مشيت و دخلاتني من الباب لوراني و شفت كلشي بعينيا عينيا تفكيساو في ديك لحضة حسيت بعروق راسي غادي يطرطق الله بغيت ندخل نفرشخ مهوم بجوج و هي دفعني ندى و سدات عليهوم باب و خرجاتني كاتلي علاش اتوسخ يديك فيها و كذا ..هي متستهالكش خاصك تنتاقم منها بدات كتعمر راسي مزيان و معرفتش كيفاش تلوات عليها ..تا لديك 15 يوم لخرة باش نمشي صحراء ..كوتليها حنا انتزوجو و عرضت عليها الزواج و هي وافقات انا درت هادشي غير ضد في بسمة و صافي ..هي فرحات كاتلي موافقة كولتها واليدة وخا جاتها قضية مزروبة كوتلييها بغيت نتزوج باش نمشي لداري و فرحات هي اصلا بغات تشوف احفادها ..و داكشي لكان مشيت خطبتها و بدلت النمرة قطعت على بسمة نهائيا كان كيكولي عساس دالعمارة را كتجي تسول عليك ..تا نهار لعندي العرس و مع الأسف كانت هي من المعرووضين ..هي تصدمات و انا كثر منها و لصدمني هي الجملة لكالت ليا في وذني "الله ياخذ فيك الحق" هاذ الجملة باقا كتكرر في وذنيياا و ديك النضرة ديال وحدا منكسرة و عينيها لعامرين دموع باقا بين عينيااا ..صورتها عمرها تمحات..جاتني في بالي ان بسمة عمرها تخوني ..و لكن من كنرجع نتفكر المنضر لشتها فيه كنكول مستحيل نكذب عيني ..صافي سالا العرس و مشينا انا وندى داخلة دازت شهر و في داك شهر كان واحد صاحبي كيجي عدنا الدار ...تا واحد ليلة كندخل دار كنلقا ندى معاه في بيت ناعسين في فراشنا و بجوجهوم عراينين انا كنت مسافر و رجعت على غفلة...فرشختهوم بجوحهوم و رفعت قضية ضدهوم خيانة زوجية داكشي علاش متعطلش طلاق ديالنا و بجوجهوم تشدو في حبس ..بقيت كنرجع داكشيو داك منضر بسمة لكانت كتبان دايخة ..و بدا الشك كيقتلني ..مقدرتش نوصل لندى من مشيت سولت عليها في الحبس كالولي خرجات بكفالة ..و من سولت شي ناس كالولي هبطات قنيطرة و دبا لقيتها ..خدامة في واحد البااار و ساكنة في علامة ..و دبا انا عقلي و قلبي كيكولو ليا بسمة بريئة و لكن خاصني نعرف شنو دارت ندى لبسمة ..و انا عيطت ليك باش تعاونيني من جوج جوايه ..اول حاجة نتي بنت تقدري تقربي من ندى و تعرفي اش كاين لاقدرتي مقدرتيش انا نتكلف ..و ثاني حاجة بغيت بسمة وولدي يرجعو ليا الحياة بلا بسمة والو عافاك عاونيني..

أسيل:(مصدومة)😳😳😳

يوسف: تصدمتي ياك؟

أسيل: نتا واحد الحمااار منك مكاين ..وكيفاش ثقتتي بلي البت لكتبغيها تقدر تخونك..تقدر تكون شي خطة تما تا مشتيش افلام اش كيديرو را الوقت ولات كتخلع و الواحد على قبل مصلاحتو را يقتل ماشي غير هادشي لغادي يدير..بسمة مامحتاجينش دليل باش نعرفوها اش كتسوى حيث غير هاذ المدة القصيرة لتعرفت فيها عليها عرفتها من اطيب خلق الله و مستحيل دير شيحاجة بحال هكا بسمة مربية بزااف ...و نتا كن كنتي كتبغيها كنتي ثيق فيها ماشي تنوض تزوج و تسمح فيها ..و مشتيش هي من عرفات راسها حاملة والام ديالها ماتت غير بالفقصة و بقات وحيدة ..مشتيهااااش الله ياخذ فيكوم الحق الرجاال كاملين😢

يوسف: أسيل سمعيني عاافاك ..عارف راسي غلطت و تسرعت و حمار و دمدومة ..و لكن عاااافااك لكانت ندى دارت بصح ش قالب بسمة خاصها تعاقب عليه ..نتي مابغيتيش حق صاحبتك يتاخذ..

اسيل: و انا على قبل بسمة اندير هادشي ..حيث ضلم مكنحملوش و ديك قحبة ايكون حسابها معايا انا ..😠

يوسف: نتي غير لقاي ليا دليل و غادي تفرجي و حياة بسمة وولدي و اي واحد دار ليها شي حاجة اندموو..

اسيل: خاصك تندم راسك نتا الاول 😠

يوسف: باركة غير تأنيب الضمير لكنحس بيه و ان بسمة بعيدة علياا و ولدي تا هو ومكنتش معاها في فترة لكانت محتاجاني فيها و هذا كافي 😢😢

أسيل: يخخخ قلبي هشيش بقيتي فيا ازمر..شوف دبا منكثرووش الهضرة كولي اينا بار كاينة هاذ قحبة ..😠

يوسف:و فووومك خاصر شاطة ماطة 😆

أسيل: سووووقك😑

يوسف: لا😒 

أسيل: ايواا هكاك طلقني دغيا ...؟

يوسف: كتعرفي بار رولاكس في ميموزا ؟

اسيل: وي؟

يوسف: هي خدامة تماا ..

اسيل: اوك صافي(شافت ساعة) تعطلت دبا انرجع دار بيناتنا تيلي ..شوف هاذ كلسة في قهاوي مكتعجبنيش من تبغي نتلقاو اجي مدرسة اوك ..خفت علاء يشوفنا و انا ماباغاش نعاود ليه دبا تا من بعد ..

يوسف: هي الاولة الالة ..وغادي تعاونيني نرجع بسمة 

اسيل:انحااااول😑نسالي بعدا مع هاذ خيتي و نعرفو اش كاين ديك ساعة تكون هضرة خراا

يوسف: ان شاء الله وعنداك تفسدي ليا اخلاق لمرا و الدري لفي كرشها😅

اسيل: ديها في سوق راسك 😜 (خرجات ليه لسانها وناضت هزات صاكها وخرجات خلات يوسف كيضحك عليها )..

..♡عند علاء ♡

علاء:(غير بانت له أسيل خرجات وشدات طااكسي خرج من لوطو ديالو بغا يمشي عند يوسف ماكانش كايشوف قدامو من الاعصاب دخل للقهوة ومشا للبلاصة فين كاينين هو يلقا السراب ماكاين حد وحتا يوسف ماشافوش مزيان بغا يعرفو شكون ولكن ماقدرش يشوفو حيت كولا مرة كايكون بعيد عله وهاد المرة مضرگاه أسيل ضرب برجلو بالعصاب مفقوص خرج من القهوة وكولشي كايشوف فه ركب فلوطو ديالو ومشا نيشان للبحر حاس براسو غادي يطرطق بقا غادي كايسوگ مدة حتا وصل حط لوطو ديالو وهبط بقا غادي على رجليه ومشا گلس فواحد البلاصة وبقا كايفكر وهو عاقد حجبانو أسييل شنو كادير شكون هادا هادي خياااانة لييه ولمشاعرو حتا بداو الامور كايتقادو بيناتهم وهي دير مشكل كبير حاس براسو غادي ينفاجر كاتكدب عله فوجهو وكاتخبي عله من بعد ما واعداتو بلي ماغاديش ديرها علاش أسيل دارت هكا واش ماقنعاتش من الرجال وااش كان غالط ملي فكر بلي غادي إقدر اعاونها ويبدلها بزاف ديال الحوايج طاحو فراسو حتا تفكر هضررها نهار شافتو مع نور وبدا كايحلل راسو) هي گالت ليا داك النهار كون كون شفتها مع شي واحد ااخور شنو غاندير شنو زعما كاترد ليا الصرف واش كاتجربني زعما تكون عااارفة واش كانتبعها مايمكنش ولكن 😨زعما تكون حيدات الكود للتيليفون هكا الا كان هادشي بصاح غاندمك ا أسييل ويلا كنتي كاتخونيني غانقتلك بيدياا 😡(حك لحيتو بنرفزة وعصبية واضحة) ماخاصنيش نزرب تا نعرف شنوو كاين وشكون هو هادا وديكساعات غانعرفو شنو مخبية عليا ا أسييل (ناض علاء والشر خارج من عينيه رجع لوطو ديالو ركب ومشا للجامع نيشان كان قريب يودن المغرب توضا وصلا ومشا صلا ملي سالا خرج وركب فلوطو ديالو ومشا للمكتبة وحاول ما أمكن مايهضر مع حد حيت معصب دبا وخاف لا يدير شي موصيبة من بعد ما كمل الحسابات ديال المكتبة وتحاسب مع الخدامة سد المگازة ومشا للجامع صلا العشا ورجع للڤيلا حط لوطو ديالو ودخل داير يديه فجيبو لقا عليهم السلام ومشا طلع للفوق لبيتو لقا أسيل بغات تخرج لاح ليها السلام ومشا هز حوايجو ودخل للحمام بدلهوم خرج لقاها كاتقاد الناموسية) بلااش غا تعدبتي بغيت نتكاا

أسيل:آآ واقيلة عندك الحق مهم صافي انا غانهبط عند البنات

علاء:واخا بلاااتي بعدا نتيي

أسيل:👀ممم

علاء:دووشتي!!!؟

أسيل:(قلبها كايضرب واش غايطالب بحقوقو الشرعية واش واش بزاف ديال الحوايج كايدورو فراسها وأغلبهم موسخين حماارت وتزنگات هي دوشات وتنقات ولات شهوة منهاا وللكن بدات أسيل كاتفكر او بالاحرى كاتخيل راسها مع علاء بين يديه وبلي أحلام اليقظة ديال داك النهار ولاو حقيقة بلا ماتحس بتاسمات بدون شعور حدرات عينيها وهي راسمة فبالها واحد القرار الا لمح ليها ولا طلب منها شيحاجة ماغاديش ترفض ولكن ماغاديش دير خطوة أولى هي كاتبغيييه وبزاف ولكن مايمكنش تعتاارف له الخطوة الاولى خاصها تجي من عندو هو داكشي علاش كبحات أسيل المشاعر ديالها عندها وخبااتهم وهي كاتسناه يدير الخطوة الاولى ومقررة فبالها تعطيه حقوقو كاملين الا طالب بيهم وهي راضية كل الرضى علاقتهم زوينة خاصها غير ترقى لمستوى ااخر وتولي علاقة ديال جوج مجوجين حنحنات وهي حمرة من الخجل) احم ااه علاااش

علاء:صليييتي!!

أسيل:آآ ااه صلييت زعمااا ماازال العشاا مزاال مااصليتو😒

علاء:اوا اشكااااتسنااي

أسيل:والو غير نمشي نقادو العشا وغانجي نصلي

علاء:(وقف ليها فم الباب) الا غاتأخري صلاتك گاعلا تصلييها نوضي صلي راه 20 واحد لي كاين فالدار سيري صلي

أسيل:ولكن خاالتي..... 

علاء:أسييل هضضرت معااك😡

أسيل:وااخا انا غادة😳(مشات أسيل بالجرا دخلات الحمام وسدات الباب عليها وهي مصدومة) اوييلي هادا من نيتو كايغوت عليا على قبل الصلااا ما سميتو ملتزم تا كان ملتززم نييت ااي انا راه عاد بديت ياربي السلاامة خاصو يتكاايس عليا شوية انااري اووف أسيل اعوذ بالله من الشيطان الرجيم انا شنو كانگوول اووف واقيلة تسطيت ولا ضربني حمار الليل ييخ (مشات أسيل توضات وخرجات لقات علاء گالس فوق الناموسية كايتسناها وعاقد حجبانو مشات للپلاكار ديالها جبدات هاداك الخمار لي جاب ليها علاء خشاتو ولبسات تقاشر بيضين هزات الصلاية ديالها فرشاتها تحت أعين علاء لي نوعا ما مبهور بيها كاتجي زوينة ملي كاتلبسو تشها يشوفها بهاد اللباس ديما مستورة وتا حاجة من المفاتن ديالها ماكاتبان من غير وجها لي كايسحرو طبعا تكون مستورة غير قدام الناس اما معاه هو لااا *ااه الملتزم طلع خطيير👀* قامت أسيل الصلاة وگلسات كاتصلي وخدات وقتها كامل حتا صلات وكاتحاول تخشع وتركز فصلاتها كيفما كايدير علاء طبعا مرة مرة كاتغفل ولكن المهم هو كاتحاول سالات صلاتها وهزات كفوفها كاتدعي حتا طاحو دموعها على غفلة منها مني تفكرات الام دياللها لي مابقاش ليها بزاف معاها غمضات عينيها كاتبكي على ماماها وعلى راسها وهي عارفة راسها مقصرة فدينها وهي السبب فهادشي لي كايوقع لماماها أسيل باقي كاتحمل المسؤولية ديال هادشي لي واقع مع ماماها بنظرها هادشي كايوقع بسبابها مسحات عينيها ونيفها لي دغيا رجع حمر وجمعات الصلاية ديالها وهي كاتجنب تشوف فعلاء حيت غايعرفها كانت كاتبكي حطات صلايتها فبلاصتها ومشات گلسات فوق الكرسي باش تحيد تقاشرها هي تحس ب....) 

..♡عند علاء ♡

أسيل:(حسات بشي يد كاتهز ليها راسها لفوق شافت فه بعينين مدمعين راكم عارفين شكون طبعا حبيب قلبها توترات وحاولات تبعد عله ولكن ماقدراتش بقا كايشوف فيها شحال وكايحاول يشوف فعينيها)

علاااء:كاتبكي؟؟؟

أسيل:(كاتشوف فالجيهة لاخرة) لااا مااكانبكيش 

علاء:علاش كاتكدبي ا أسييل علاااش واش الكدووب مخلطين لك مع الدم علاااش كاتخبي أسيييل هشهاادشي كاادير 

أسيل:(مافهماتش علاء لاياش كان كايلمح ماعرفاتش بلي هضرتو كانت كاضرب فالدمى البعيد ماشي غير على داكشي لي فرااسها هي حنات راسها وتنهدات) علاء ماما مابقاش ليها بزااف يااك😢

علاء:(شووكاتو بهضرتو حيت كان نساا هاد الموضوع تشغل مع المشااكل لي وقعوو هاد الاياام مع أسيل نسااا شنو غايوقع من بعد) أسييل ماتفكريش فهادشي

أسيل:(غرغرو عينيها) ماانقدرش نسييت كنت نااسية والله تاا كنت نااااسية😢 ولكن الوواااقع ماعندنا منو هروووب ماما ماابقاش ليها بزااف وتمشي وغاتخلييني علاء انا توحشتها من دبا كيغاندير نعيش بلا بيها دبا انا كانصبر راسي غا بزز وانا بعيدة عليها وقتما بغيتها غانمشي نشووفها ولكن من بعد ماتمشي من بعد ما يديها المرض مني كيغاندير وانا كولا مرة غانمشي عندها غانشوف غي التراب واش عرفتي ا علاء باش كانحس ااخ ماغاتفهمنيش ا علاء😢قلبي كايتقطع فالدااخل ديالي كاين واحد الوجع رهيييب حاسة بغمامة كحلة فوق قلبي ملي غايوقع داكشي شنو غاايوقع لياا ماتخيلش شنو غاايوقع غايخرج ليا عقلي والله نقدر نمووت فيها...

علاء:(حبسها قبل ماتكمل) شووو ماتگوووليش هاد الهضرة ماتفكريش فهادشي ربي كبييير 

أسيل:علاء انا سباااابها انا لي كنت خاايبة ومامزياناش نستاااهل ولكن علاش تعاااقب ماما بلاصتي انا لي خااصني نتعااقب هي من أطيب خلق الله والله علاء ماما ماتستااااهلش علااش يا ربي هادشي كايوقع معاها كون غير كنت انا لي غاااانموووت وماشي هي😢

علاء:وشنووو غاندير اناااا لا متي وشنو غادير خااالتي بسسمة ماتگوووليش هاد الهضرة ا أسييل ربي بغاها هانتي گلتيها ماماك من اطيب خلق الله ربي بغااهااا عندوو يكون خير ماتفكرريش فهاد المووضوع ماغانشوفو غا لي مكتبو لينا الله وصافي ماتفكريش فهااادشي غادي غير تمرضي راااسك (بغاات تهضر هو يقااطعها ماخلاهاش تهضر وجرها لعندو عنقها خشااها فه ماعندو باش يواسيها حيت هادا هو المكتاااب دياالهوم كان الصمت هو أفضل حل فهاد الحالة والعنااق ديالو كان كفيل باش يوصل ليها لي ماقدرش يوصلو ليها بفموو هو)

أسيل:(حسات بالصدمة من الحركة لي دار عنقها لعندو وخشاها فيه ومزير عليها طلقات العنان لدمووعها وكاتبكي في صمت هزات يديها وبادلاتو العنااق بكائها فلحظات تحول لشهقاات متتالية كاتحاول تكتمها غا بزز ولكن ماقدراتش الالم ديالها كان أكبر من قدرة التحمل ديااالها) 

علاء:(سمع الشهقات ديالهاا وكايحاول يسكتها واخا غير بدك *شووو* بلا مايحس شد وجها بين يديه وتقابل معاها وباسها فجبهتها ونطق بكلمة خلاتها تطماأن نوعا ما) أسيييل شوو اناا معاااك 

أسيل:(طلعات فه عينيها لي رجعو حمريين وعامرين باالدموع) 😢

علاء:(رجع عنقها لعندو وكايقرا شي آيات من القرآن الكريم وأسيل مركزة معاه كاتسمعو تهدناات وقرائتو خلاتهااا تطمئن وهوما معانقين سمعو...)

أمينة:(مشات باش تعيط على أسيل وعلاء باش يتعشاو مجموعين بقات كادق علييهم ووالو تا واحد ماكايجاوبها حتا عيات بالدقان وبدات كاتعيط عليهم حتا عيات فتحات عليهم الباب هي تلقااهم معاانقين هي تشهق من الصدمة) هييييه😨 خخوويياا تعشااو زعماا هوما حناا غانن.... غاانتعشااو هبطوو هبطووو تعشااااو(هي تسلت هاربة وجها حمر حشمات زبلاتها مع خوووها)

علاء:👀(جاتو الضحكة من التصرف ديال خوها واخا حشم شوية مابغاش تشوفو فهاد الحالة الحميمية)

أسيل:(ناضتت دغيا كاتمسح فدموعها ولكن غالبة عليها الضحكة) ههه هاد ختك عالام هههه

علاء:هههه اااه حشماات

أسيل:👀هههه اااه احم مهم نووض نمشييو نهبطوو راه حشوومة نخلييوهوم يتسناااونا

علاء:واخا انا غانهبط نتي بدلي حوايجك ولحقي علياا

أسيل:واخا (مشا علاء هبط لتحت وأسيل حيدات الخمار ديالها وحطاتو فبلاصتو ومشات دخلات للحمام غسلات وجها ودارت كريم ديالها وغسلات يديها عاود ومشات هبطات للتحت وهي كاتجنب تشوف فأمينة لي كاضحك عليها وكاتوشوش لأماني گلسو من بعد ما حطو العشا وگلسو كايتعشاو تا قاطعاتهم أماني) احم علاء انا هضرت مع عبد الهادي گاليا ماقدرش اجي ليووم هو ويعقوووب ولكن غدا غايجيو شوية بكري

علاء:مرحبااا بييهم 

عبد الحفيظ:مرحباا بيهم ابنتي راكي بنتناا دبااا وولدك ولدناا

أماني:شكرا اعمي

..♡عند علاء ♡

علاء:(كمل عشاه ولاح ليهم السلام وناض مشا طلع لبيتو من بعد ما سالاو كاملين ناضو البنات جمعو المتعن ومشاو الكوزينة كايغسلوهوم وأمينة كاتشوف فأسيل لي كاتغسل وكاضحك وكاتغمز فأماني)

أمينة:أسيل صااافي اختي غا خلي المااعن انا غانغسلهووم دبا راه خوويا ايكون كايتسناك👀

أماني:(تفرشخات بالضحك) ههه😂

أسيل:وصلاتها لك الطحبة يااك اجي نتي بعدا (دارت ليها أسيل) نتي شنوو كاديري فبييتي لاش اختي مادقيتي لاش اصلا جاية شكون گاليك بغينا نتعشااو ماباغينش الالة غا خلييونا واش ماتخلييو حد اترووماانساا على خااطرو😡لاش محرمااها عليا البااايرة يااك حستييني اتفووو علك

أمااني:ههه صراحة صرعاتها لك ا أمينة عندها الحق اشداك لبيتها ماعارفاش بلي ورا الابواب المقفلة بناادم عايش حيااة اااخرة ونتي فك الدودة غادة داخلة مدرمة عندهوم 

أمينة:يااك اختي تحااميتو عليا اواا هااكوو مشي انا دبا هي لي فرحانة ومرتااحة فحياااتي سيليبااطير وبيخير سيري سيري انا لي بغيت ندير فك خير هكاك يصلاح ليك خلييك تگلاااصاااي دبا وملي تمشي تسخني تلقاي علاء نعس (ضربات فيهم أمينة ومشات طلعات وهي كاتخرا بالضحك) 

أسيل:(مصدوومة😳)اوييلي

أماني:ههههه ناري 

أسيل:(رجعات كاتكمل الماعن وأماني كاتغسلهوم)

أماني:عرفتي ا أسييل متوترة من غدا بزااف حيت عبد الهاادي غداا بكري غايكون هنايا فقنيطرة وگاليا غايگلس شوية عاد يجي حيت حشم يجي يصبح على الناس على النبوري

أسيل:الله الله طاح الحك وصااب غطاه كاتشاابهو تا فالحشمة شوفي سمعتي علاء شنو گاليك وسمعتي الحاج شنو گال نتي من هاد العائلة وهوما كايعتابروك بنتهوم ومنهووم ماتگووليش هاد الهضرة وهوما عارفينك ماختاريتي عبد الهادي حتا كان يستاهل وانا بغيت غا نشوف داك الفنييكيش ديال ولدك يعقووب يااك ناري ياختي سميتو شحال طوييلة ههه ولكن زويينة وفنفس الوقت بغيت نعرف أماااااني فييمن طااايحة ولي تخلات على الغالي والنفيس على قبلوو

أماني:هههه ماتخافيش زويين

أسيل:ممم شكون كايشكر العروسة مها وجدااتها هه غا ضاحكة ازين ماشي مهم الزين المهم هو واش غاتعيشي مع داك بناادم حيااة زوينة ومرتااحين بلا صداع بلا مشااكيل

أماني:كوني هانية من دك النااحية عبد الهاادي صراحة والله تلاقينا كيف گلتي انا كانحشم وهادئة وهو كدلك 

أسيل:ههه بصااح (كملات أسيل هي وأماني الماعن وطلعات الفوق وهي كاتفكر فهضرة أماني هي بصاح شخصيتها هادئة وحشوومية وضريفة وعلاء كدلك هادشي خلاها تبدا تفكر فبزاف ديال الحوايج طلعات لبيتها وهي حانية راسها كاتفكر وراسها غايتفرگع قتلها غا الفضوول بغات تعرف مشات سدات الباب ديال البيت ومشات للپلاكار هزات حوايجها ودخلات للحمام قضات حاجتها وطرفات حالتها غسلات وجها ودارت روتينها الليلي بدلات حوايجها ولبسات شوميز دو نوي فالكحل جاها زوين وجاها خطيير مع فورمتها👌🏻 خرجات عند علاء لي كان كايقرا فواحد الرواية شافها وبدا يگول فخاطرو أعوذ بالله من الشيطان الرجيم ديما كاديرها له خرجات ورطبات يديها ورجليها مشطات شعرها ودارت مرطب لفمها عاد مشات تخشات حدا علاء لي حاضيها غير بنص عين وزعما كايركز بقات مدة كاتشوف فه حتا نطقات) وااش مزاال ماكملتيش دك الصفحة من الصبتح ونتا تقرا فيها هههه👀

علاء:(خرج عينيه حيت عرف بلي تفرش وعاقت به ماحملش راسو ولكن استسلم للامر الواقع) ههه كنت ساهي واحد الشوية

أسيل:ممم مزياان علاء بغييت نسولك

علاء:(حط الروااية وربع يديه كايشوف فيها) ااه سولي

أسيل:هو انا كنت دااوية مع أمااني عاادي داوين على رااجلها تا بدات كاتوصفو وكاتوصف رااسها انا فلول عادي ولكن من بعدد👀بدا عقلي تلقائيا كايدير التحليل نتا وأماني شخصياتكم بحال بحال وحتا ملي كاتهضرو كاتباانو منسااجمين بزاف

علاء:ااه وشنووو علااش عادي أمااني بحال ختي

أسييل:اااه راني عارفة ماشي هادشي لي قصت لي قصت ا علاء هو انا وياك بحال الما والعافية ماكانتلاقاوش وماكانتشاابهوش الا فشي حوايج لي قلاال بزااف ولكن عالعموم انا وياك مختالفين بزااف بزااف كون ما كان هادشي كامل وقع واش كاتفكر فأمااني بشي شكل من غير هكا دبا

علاء:أسيل ديجا هضرنا فهاد الموضوع

أسيل:كانتمنا تفهمني انا هكا دايرة

علاء:راه داكشي كانتمنا نفهمك مهم انا فنضري ماشي ضروري يكون واحد التطابق فالشخصيات والطباع باش تنجح علاقة زوجية بين جوج وانا أماني راه ماعمري عتابرتها كتر من ختي صاافي وكون رجعنا بالزمن الوراء كنت غانبقا معتابرها بحال ختي

أسيل:☺اييه دبا مزيان اوا سيير كمل قراايتك انا غانمشي نعس بغيت نبقا زوينة لعرس نور راه مابقا له والو

علاء:ههه تصبحي على خير

أسيل:ونتا من أهلوو (طفات أسيل الضو لي حداها وعلاء كدلك وتسرحو مقابلين مع بعضياتهم وكول واحد فيهم فاش كايفكر حتا داهم النعاس بجووج) 

علاء:(فاق علاء على عادتو دخل للدوش دوش وتوضا الوضوء الكبير والوضوء الصغير وخرج لبس حوايجو فرش الصلاية وناض عند أسيل بدا ينغز فيها بزز باش فااقت دخلات خاسرة توضات وخرجات لبسات خمارها وفرشات صلايتها موراه وهوو قام الصلا صلاو قيام الليل ومشا جبد قرآن عطاه ليها وشد ديالو تا هو وگلسو كايقراو بجوج ودن الفجر وناضو بجوج تاني صلاو الفجر والصبح سالاو بدلات أسيل حوايجها ومشات تخشات فبلاصتها نيشان وعلاء كدلك وصلات دك 8:30 ناض علاء مابغاش يمشي للمكتبة هاد الصباح حتا يشوف عبد الهادي هو لول شاف أسيل لقاها نااعسة وشعرها مغطي ليها وجها حيدو ليها وناض غسل وجهو ولبس حوايجو وناض هبط بشوية عله لقا غير الحاجة والحاج فطر معاهم من بعد ما سالاو گلس علاء مع باه كايهضرو مع بعضياتهم وكايتناااقشوو حتا وصلات 10 ناضو البنات هبطو فطرو تا هوما ومشاو باش اقادو الغدا وصلات 11:30 والتوتر بدا كايبان على وجه أماني وأسيل لاحضات هادشي بقات كاتهضر معاها وضحك معاها باش تلفها وتنسيها شوية وداكشي لي كان بقاو عاطينها للضحك والتقشاب تا نساو راسهم وجات عندهوم خديجة علماتهم بلي عبد الهادي راه وصل) أماني:😍وصصل وولدي يعقووب جاا (شدات فأسيل) الله شحال توحشتهووم أسيل:هههه صبري نلووح عليا شي شال ونجي أماني:واخا انا غانمشي عند ولدي أسيل:(طلعات للفوق كاتجري هي تلقا علاء تابعها) علاء:لوحي علك شي شاال خبي شعرك أسيل:ااه داكشي نيت لي كنت باغة ندير علاء:واخا انا جيت غير باش نگولها لك خبي شعرك وماتجيوش نتي وأمينة تا تبغيو تحطو الغداا واخا (علاء لاح ليها الهضرة بأمينة مابغاش يبين ليها بلي كايغير عليها) أسيل:ما نخرجوش نسلمو على الراج ل علاء:ونتي شنو بغيتيه راه ماكايسلمش أسيل:😑صافي واخا (فخاطرها *تريكة المعقدين* لاحت عليها شاالها وهبطات وعلاء تبعها من اللور دخلات للكوزينة ولقات أمينة كاتقاد الطبااسل وإسراء كاتقااد فالديسير مشات عاونات أمينة قادو الغداا ومشاو للصالة حطووه وستفو داكشي كولشي فبلاصتو ومشات أسيل للصالة فين گالسين عيطات على علاء من حدا الباب تكلم ليها وجا عندها) علاء الغدا واجد راه حطيناه علاء:واخا صافي أسيل:(مشات طلات فالصالة طلة أخيرة دخلو هادوك كاملين اولهم الحاج عبد الحفيظ وإسماعيل عاد علاء لي كان مجمع مع عبد الهادي نوصف ليكم عبد الهادي شخص لي النور باين على وجهو عندو واحد ابتسامة تطمئن القلب وكايحشم ماكايهزش عينو فالناس فعمرو 32 عام إمام ديال المسجد فالربااط لحيتو كحلة مكبرها وعينيه كحلين بشرتو بيضة عندو غمازة فالحنك الايمن وتفاحة آدم باينة لابس حوايج كلاااص من كترة الحشمة والارتبااك ماعرف مايلبس وفضل يلبس الكلاص گالوله البنات السلام عليكم وحناو راسهم دخلات الحاجة عائشة وأماني عاد دخلات شهد ويعقوب كايلعبو مع بعضياتهم يعقوب دري لي كايشبه لبااه تا هو كاايحشم بزاف وماكايهزش الراس فالنااس بيض البشرة عينيه كوحل شعروو كحلل قوي وكايشبه لأماني فالملاامح شوية ولكن الا شفتيه تگول باه محطوط كايشبه له بزاف لابس تا هو تريكوو فالگري وسروال كحل ديال التوب وصباط كحل وماشط شعرو شافتو أسيل و مشات عندو جراتو 

أسيل: وينووو يا ختي شحاال زوين هاااذ وليد(كلسات كتجبد ليه في حناكو و كتبوس😙😙) احح يا ختي زوين ..

أماني: زين يامك احبيبة عويناتك عقبال ليك تا نتي و خويا علاء بشي وليد و لا بنيتة ان شاء الله 😍

أسيل:(هزات راسها في أماني وابتسمات) ان شاء الله اختي ..(دارت عند يعقوب) يعقوب لبااس عليك...؟

يعقوب:(حشمان )لبااس😊(عقلتو على حبي لك بقايا انتقام فلا تعشقيني! ...عقلتو على يعقوب ايوا هو هذااا اسيدي انتضروه في جزء ثاني 😉) 

أسيل:(كتجبد ليه حناكو) يخليلي حشوووومي يا ختي ..سيري لعب مع شهد في جردة ..

يعقوب: وخاا😊(مشا كيجري)

اماني: ابشوية اولدي عنداك طيح ..

أسيل: متخافيش عليه خليه يلعب يا الله ندخلو صالة ..دخلات اماني و أسيل صالة كلسو في جنب ديال عائشة ..و بداو الأكل ..ومن طبيعة الحال الحاج و علاء و اسماعيل و عبد الهادي في صالة مجاورة كيكلو بوحدهوم و عيالات بوحدهوم ..تغذاو و سالاو ناضو بنات جمعو طبلة ...و علاء جمع طبلة ديال رجال و كيمد ماعن من باب صالة لأمينة ..حطو ديسير و منبعد القهوة و كلسو رجال كيهضرو ..و الحاج كيهضر بصيفتو الأب ديال أماني ..و تا عبد الهادي عجبهوم بتباتة ديالو و رزانة ديالو و الحشمة ووهضرتو لثقيلة و باين فيه معقول ..

الحاج: نتا عارف اولدي كلشي دبا انا دبا هو الأب ديال أماني ..و هي بنتي منبغي تا حاجة تخسر ليها خاطرها و لا تقلقهاااا غادي تلقاني واقف في وجهك كنوصيك عليها ديرها في عينيك و نتا بنتي ليا ولد ناااس و منحناجش نوصي ..

عبد الهادي:(حاني راسو ) كون هاني الحاج اماني في عينيا هي لعندي كون هاني و غير نعس على جنب راحة ..

علاء: كنتمناااو ..أماني دبا عندها عائلة أب و خوت ...عبد الهادي نتا امام ديال جامع ياك؟

عبد الهادي : اه ..

علاء: نتا كتعرف فرع الشافعي لفي الرباط ديال مكتبة الشافعي للطبع و النسخ؟

عبد الهادي: وي ديما كناخذ منها بعض كتب ..

علاء: هذاك الفرع ديالنا لاطلبتك باش تكلف بيه تقبل ؟

عبد الهادي:😳

♡في فييلا ...عند علاء دين♡

علاء دين : شنووو قلتي ؟

عبد الهادي: 😳 مفهمتش مزيان ...

علاء: وخا انا نفهمك ..دبا حنا عدنا فرع في رباط تابع لمكتباات الشافعي ديالنا ..باش نوضح ليك داك الفرع كان بشرااكة مع الأب ديال اماني و نتا را عاودات ليك اماني الاب ديالها اش خرج منو و انا لغيت شراكة ديالنا معاااه ..حيث معندي مندير بهاذ الأشكاال لطماعين و عندهوم فلوس هي كلشي ..انا متأكد دبا من وصلاتو خبار ديال انني لغيت شراكة ايكون دمر ..حيث كاع داكشي لكان باغي يوصل دمر ..هو منعرف باش جمع داك فلوس ..و حنا مكندخلو تا ريال ديال حرام لدارنااا و معدنا منديرو بيه كنخدمو بعرق كتافنا و حمد الله على كل حاال ..كيف قتليك فرع رباط كان هو لمتكلف بيه و هو لكان معين ناس ليخدمو فيه ..و لكن اما كلشي وقفتو و خدامة مشاو بحالهوم و دبا مكتبة ساادة ونتا عارف انا شاد خدمة هنا و اسماعيل كذلك ..و فرع ديال دار بيضاء الواليد لمراقبو و دبا هذا ديال رباط خاوي و انا كنتمنى تقبل تكلف فيه ..

عبد الهادي: علاء دين قليل ولاد ناس لبحااالك ..وشكراا بزاف حيث درتي فيا هاذ ثقة و لكن نتا عارف انا امام مسجد مغاديش نلقا وقت ...

علاء : ماشي مشكل انا براسي كتوصل الوقت ديال صلاة كنمشي الجامع تا كنصلي على خاطري و نرجع ..نتا أكيد ايكونو معاك لغادي نعينهوم ثقة ايكونو خدامين معاااك و نتا وقت كل صلاة يمكن ليك تمشي نصف ساعة قبل ..ايوا اش قلتي؟

اسمااعيل: مابقا ليك ماترفض ..جيتي تا علاء دين و ترفض من كيدير شي حاجة في راسو مكاينش ليحيدها ليه ..

عبد الهادي: داكشي لبالي ههه وخا اسيدي الله يكثر من أمثالك😊

الحاج:(دار يديه على كتف علاء) الله يرضي عليك دنيا و أخرة ..و حمد الله بقيت عايش تاشفت ولادي كيف بغيت ..

علاء:(باس ليه يديه) الله يخليك لينا و يطول ليك في عمرك يا رب😊

الحاج: اللهم امين ..دبا اش درتي مع اب اماني ..

علاء: درت لازم الواليد ..بحال هذاك معدنا منديرو بشراكة ديالو..و من رجعت شفت شي وراق لقيتو كيضرب نص ..و حنا دايرين فيه ثقة ..داير فيها مدين و ملتزم ..هو لا دين لا والو غير مضاهر خداعة و صافي ..واول حاجة جرح اماني و ميساتهلش يكون اب ..و هان زوجة ديالي و انا هادشي ميدوز ليااا.😑

الحاج: احسن ما درتي الله يهدي ماخلق ..عمرو يلقا ربح..

اسماعيل: و الله مكذبووو من كالو مضاهر خداعة انا كنت كنكول هاذو هما رجال ولا فلا ..

علاء: واييه صافي موضوع يتسد ..الله يعاونو ..

عبد الهادي : داكشي لكاين كل واحد ايتحااسب على أغلاطو ..مهم دبا خاصنا نمشيو ..

علاء: مكاين فين تمشي اصاحبي تا تعشا معانا و ديك ساعة انوصلكوم انا ..

عبد الهادي:ولكن...(قاطعو حاج)

حاج: ولدي كون تسمع هضرة ..

عبد الهادي: امري لله ..

بقاو رجال مجمعين و عيالات كذلك ..وليدات كيلعبو في جردة اسراء طلعات تنعس ولدها ..اماني فرحاانة حاسة براسها وسط عائلة نيت حامياها و مهتمة بيها ربي جازاها بعائلة ما حسن...ناض علاء عيط اماني كلمها عبد الهادي لكاليها جمعي حوايجك في ليل يمشيو ..فرحات و طلعات بيتها هي و امينة و اسيل كيعاونوها في جميع حوايج و هوما ماسخاينش بيها و هي كذلك ..واعدتهوم في كل ويكاند طلب عبد الهادي باش يجيبها و مع الحال قريب ..دغيا توصل بقات عائشة التحت تا كتعيط ليها نسيبة ديالهوم ام اسراء و كتعلمهوم بان عرس نور جمعة و سبت و عرضاتهوم ..و كاتليها تسيفط اسراء هار الأيام ..عائشة مرفاضاتش ..كاتليها ميكون غير خاطرك..خرجو رجال مشاو جامع كاملين باش يصليو العصر ..و بقاو البنات كيجمعو مع اماني و كيضحكو ..اسراء نزلات التحت لقات عكوزتها في مطبخ لعلاماتها و كاتليها توجد راسها باش تمشي دارهوم تعاون ماماها ..فرحات اسرااء..اسيل مشات بيتها صلاة العصر و عيطات على ماماها و بسمة هضرة معاهوم كام و اماني جمعات كلشي و هبطات عند دراري جردة ..كلسات كتلعب معاهوم و كتهضر مع اسراء لعرضات عليها و اماني بدورها واعدتها تجي حيث نور عزيزة عليها و ضروري تحضر عرسها...امينة في بيتها كتحفض ..شوية هبطو وجدو كاسكروط رجعو رجال و حطو ليها اطيب ما الذ ...و هوما كذلك..علاء علم اسيل بانهوم ايتعشاو معاهوم ..و ناضت هي وبنات شمرو على يديهوم و طيبو العشاء و تعشاو و ناض عبد الهادي سلم عليهوم و استاذن باش يمشيو ..علاء طلع بدل عليه و علم اسيل بانه ايوصلهوم و يرجع ..اماني سلمات على أسيل و على بقية و عناقتهوم بدموع و شكراتهوم و يعقوب ناعس كلشي باسو هو ناعس هزو باباه داه من بعض ماحل طونوبيل علاء و دارو لور و غطاه بكاشة ديالو ..و هز باليزات ديال اماني خشاهوم في كوفر و رجع سلم عليهوم و شكرهوم و خرجو ...

علاء: عبد الهادي عندك بيرمي ؟

عبد الهادي: اه علاش؟

علاء: (لاح ليه سوارت) هاك اصاحبي سوووك 😂

عبد الهادي:😂😂وخا اسيدي ..ياك باغي توصلنا و كمل على خيرك..

علاء: سير من طنز ..طلع طلع ...البقية كيضحكو واقفين في الباب كيشيرو على اماني بيديهوم ..تا اختفاو دخلو جمعو بنات روينة و غسلو ماعن و كل واحد مشا بيتو أسيل بدلات حوايجها و توضات صلاة العشاء و مشات تخشات في بلاصتها هزات تيلي ديالها كتخربق فيه ..و كتسنى علاء لكاليها غادي يوصلهوم ويرجع و من كثرة ماولفتو مقدارتش تنعس هو مكاينش بقات كتقلب دازت ساعة و ساعة خرا و ساعة خرا تا قرب ياذن الفجر و علاء باقي ماجاا...😱

#يتبع...