أسيل:هاني جاية دبا واخا انا غير نگولها لعلاء وغانجي عندك
بسمة:خودي راحتك الحب انا غانمشي نبدل حوايجي بيما جيتي
أسيل:اوكي بب (مشات أسيل وهي نوعا ما ماراشقاش ليها حيت ولفات تنعس حدااه كاتفكر كيفاش غادير تنعس بلا بيه دخلات للشومبر ديالهم لقاتو متكي كايقرا كيف عادتو فهاد الوقيتة مشات للپلاكاررجبدات حوايجها ديال النعاس وحطاتهم فوق الكوافوزة ومشات گلسات حداه كادور فعينيها هو عاق بيها بغات تگول ليه شيحاجة علم البلاصة فين كايقرا وسد الرواية وربع يديه كايشوف فيها)
علاء:ماغاتبدليش حوايجك..!
أسيل:لا غانبدلهوم ولكن ماشي هنا
علاء:😳
أسيل:غانعس حدا بسمة
علاء:ااا اااه فهمت بصاح نعسي حداها لا تحتااجك وزيد هي مامولفاش الڤيلا ماغايجيهاش النعاس (هاد الهضرة كايگولها علاء من فوق خاطرو الولف صعيب والفراق مصيبة هي ديالو دبا ولف تنعس حداه وتخشا فه دبا موحالش يجيه النعاس)
أسيل:ااه تا انا نيت داكشي فاش فكرت👀مهم تصبح على خير ياكما بغيتي نجيب لك شيحاجة
علااء:لا شكراا
أسيل:اوكي بون نوي (ناضتت أسيل وهزات حوايجها ومشات باش تخرج شافت فه وابتاسمات فوجهو وبادلها الابتسامة هو كذلك خرجات أسيل وسدات الباب ومشات لبيت بسمة لقاتها بدلات حوايجها ولابسة شورط حد الركبة وفوق من پيجامة واسعة على حساب كريشتها دخلات أسيل كذلك وسدات الباب من موراها بدلات حوايجها قدام بسمة ولبسات حوايجها المعتاادة شوميز دو نوي فالكحل غسلات وجها ومشات تخشات حدا بسمة فالناموسية بقاو مايضحكو وكايتفكرو أياام العزووبية ديالهم وكايتفكرو يامات البار وملي تجي خديجة فهضرتهوم وكايترحمو عليها وكايحاولو يتنااسااو ويصبرو رااسهم بقاو كايضحكو حتا جبدات أسيل موضوع يوسف متعمدة باش تعرف واش باقي كاتحس بشيحاجة من جيهتو واش تقدر تسمح ليه حيت دبا ولات متيقنة 100% بلي ندى لي دارت هاد المؤامرة المدة لي دوزات أسيل مع ندى خلاتها تعرفها على حقيقتها) بسسمة گوليليا
بسمة:ممم
أسيل:زعما ماكاتمنااايش كون كان يوسف حداااك هنايا دبا؟
بسمة:أسييل ااشرجعنا للهاد الموضووع تاني
أسيل:انا غير سولتك تي هضري بيناتنا
بسمة:(تنهدات) بعض المراات كانتمناا كون كان حداايا بعض المرات كانتوحشووو لدرجة كانتهاارش عله كانبقا ندير تصااورو ففايسبوك ونبقا غير نشوف فيهم ونبووس فتيليفون حاالتي صعييبة عاارفة ههه
أسيل:ممم گووليليا كون متلا وقعاات شي مشكلة ولا شي سوء تفااهم لي خلا يوسف يتجوج بهاديك القحبة زعما تسمحي ليه
بسمة:تي مالك كترتي الاسئلة
أسيل:تي غير جاوبي مالك اشخااسرة
بسمة:ههه خايفة الا فمرت فهادشي نزرع فيا أمل مزيف غايخليني نزيد نتعدب ا أسييل داكشي علاش كانحااول مانفكرش فداكشي ولكن الا كانت هضرتك بصاح غانكون فرحاانة بزااف ا أسييل واخا يووسف جرحني ولكن كايبقاا حب حيااتي وأب ولدي كنت فلول كانگول زعما راني نسييتو وواخا نشوفو ماغانحس بوالو من جيهتو من غير الكرااهية ولكن الاحاسيس ديالي خانوني للاسف أول مرة يطلع قدام عينيا دااب داك الجلييد لي كان فقلبي حسيت بعشقي له كايشع مرة خراا نگوليك ا أسيل هو لي عطااني أمل فحيااتي هو لي عطااني ولدي كيفاش مابغيتينيش نبغيه اودي نسااي نسااي هاد المووضووع لي فات ماات
أسيل:مممم ويلا طلب منك السمااحة وعرض علك الجوااج تقبلي
بسمة:اشكااتخرفي نتي
أسيل:تي غير جاوبي
بسمة:ممم ماعرفتش الا گلنا كان شي سوء تفااهم ولا وقعات شي معجزة حيت هادشي امپوسيبل ههه غانسمح ليه وغانتجوج به ولكن حتا نجرجرو هو لول ندموو على الوقت لي داز كاامل بلا بيه وعلى الخياانة ديالو
أسيل:ممم عندك الحق متااافقة معااك ندمييييه هو لول
بسمة:هههه ناري راه هاذشي غير من نسيج الخيال دياالنا شتك تيقتي زيدي تنعسي بلاااتي بعدا نتي واش هاد الحالة باش كاتنعسي حدا علااء
بسمة:هههههههه طيرتيني ومتيقنة بلي عمركوم كليتو الحلوة ولا غير طالقاها عليا
أسيل:كون كليت الحلوة كون بانت فيا وغلاضيت وربيت الطرف ولات بشرتي صاافية پفف شباان لك كون كليت الحلوة كون جيت نجري نعاود لك بالافصيل الممل
بسمة:بصااح
أسيل:لاااا هههه داكشي أسرار بين الزوجين ولكن غير نگوليك كلييت الحلوة عادي 👀ماشي شيحاجة خايبة مهم تا توقع ونعااود لك مانخبييش علك علاه داكشي يتخباا دااكشي راه ززيين
أسيل:داكشي لي بان ليا لا مازعمش وبدا غانزعم انا هههه غا كانضحك معاك الطحبة عنداك تيقي تاني
بسمة:هههه نعسي نعسي نتي ماكاتقااضاايش
أسيل:(من بعد ما داز شوية ديال الوقت أسيل عيات من كترة ما كاتقلب ماداهاش النعااس نهائيا كان خاصها تمتل بلي نعسات على حساب بسمة ماتحسش بيها اما هي ماقدراتش تنعس نهائيا بقات كاتفكر فعلاء شنو غايكون كايدير زعما يكون نعس من بعد عدة ساعات هزات تيليفونها بانت ليها1 ديال الليل كولشي هاد الوقت كايكون ناعس بالاخص علاء لي مولف ينعس بكري بقات كاتفكر حتا عيات وفلخر تاخذات قرارها وناضتت مشات لپلاكار ديال بسمة جبدات منو پينوار لبساتو إحتياااطا فقطا واخا متيقنة ماكاين لي غايفيق دبا طلات على بسمة شافتها نااعسة وفي ساابع نومة وخصوصا بسمة نعااسها تقييل هزات تيليفونها ومشات كاضوي بالپيل ديالو حتا خرجات وسدات الباب على بسمة وبدات كاتمشا على أطراف أصاابعها حتا وصلات للبيت ديالها وهي تفتح الباب بالجرا ودخلات سدات الباب من موراها وحطات يدها على صدرها كاتنفس وكاتحمد الله حيت مافاق تا واحد وشاافها على ديك الحالة وهي لابسة ومالابسااش ستاعدات الانفاس ديالها كان الضو مطفي مشات قربات حدا علااء لي كان حاط المخدة على راسو وناعس مامغطيش شعلات الضو لي حداها حيدات پينوار ديال بسمة وحطاتو وجبدات الغطا تغطات وغطاتو هو كذلك وربعات يديها كاتشوف فه) يااك اسي علاء نااعس مرتااح ماعلابالكش انا لي فيا الدووودة جاية فناصاصات الليل كانقز باش نجي عندك يصحاابني تا نتا بحالي ماغاتنعسش ولكن سري انا لي فيا الفاارة😑
علاء:ههه سمعععت ولكن ماشي مشكل هي دبا ماقديتيش تنعسي تانتي
أسيل:ااه علاش مانعستيش نتا
علاء:حيت ولفت نعس حداااك
أسيل:(إحمرت من الخجل وهي كاتسمع هضرتو)ااحم تا انا ولفت نعس حدااك بزاف داكشي علاش دبا ماقديتش نعس مع بسمة بقيت كانتقلب حتا عييت وفلخر نضتت بزز مني وجيت لهنايا
علاء:حسسن بسمة ماغاتفيقش بالليل وتقلب علك؟
أسيل:لا كون هاني من ديك الناحية بسمة گاع ماتفيق لك دبا
علاء:اوا مزيان احسن مادرتي (لاح يدو وبتااسم ليها بمعنى اجي هادي هي بلاصتك)طفي الضو واجي تنعسي
أسيل:ههه هي لي ماتعااودش (طفات أسيل الضو لي حداها ومشات تكات على يد علاء لي خشااهاا فيه وزير عليها باسها فوق راسها وغمضو عينيهم بجوج وإستسلمو للنوم من بعد مادازت مدة فاق علاء هو لول كيف العادة لقا أسيل ناعسة على صدرو جرها بشوية وتكاها فبلاصتها وناض دخل للدوش ودوش كيف العاادة ولات هاد العادة روتين ديااللو من نهار دخلات أسيل لحياتو هي كاتسناه يدير الخطوة الاولى وهو كذلك ويبقى الانتظار الى ما لا نهاية هههه توضا الوضوء الكبير والصغير لبس حوايجو وخرج فرش الصلاية ديالو وصلا قيام الليل ملي سالا جبد القرآن كايقرا شي آيات حتا بدا يودن الفجر ومشا فيق اسيل كيف العادة ناضتت توضات ولبسات خمارها وبداو كايصليو بجوج كيف المعتاد ومن بعد رجعو ينعسو بجوج وصلات 7 وبدا علاء كايفيق فأسيل) أسييل نووضي فييقي 7 هاادي شحال هادي مامشيتي للمدرسة دييااللك
أسيل:(فايقة كاتفوه) ماافياش ا علاء والله
علاء:الا بقيتي هكا عمرك ماغاتمشي نووضي الحياة ماغاتوقغش فواحد البلاصة خاصك تحققي حلمك على قبل خالتي ولا لا
أسيل:ااه ولكن....!!
علاء:ماكاين شي بو ولكن نووضي دبا باش نوصلك فطريقي للمكتبة
أسيل:واخا صاافي (ناضتت من الناموسية وهي كاتگمگم) ماتخلي حد انعس يبخ منك تانتا
علاء:شنو گلتي
أسيل:وااالو صباح الخير گلت صباح الخير (مشات كاطير دخلات للحمام وعلاء بدا كايضح)
علاء:گنس كااموني ههه
أسيل:(دخلات لاحمام قضات حاجتها وطرفات حالتها دارت روتينها الصباحي ومشات خرجات ودخل علاء وستاغلات الوقت لي كان فالحمام وبدلات حوايجها ومشات گلسات كادير ميكاپ ديالها دارت غير ميكاپ خفييف الاه بغات دير أحمر الشفاه ديالها هو يخرج علاء شافت فه من لمراية وكملات شغلها سرحات شعرها ورشات پارفانها وعلاء حاضيها سالات هو ينطق)
أسيل:(تصدمات من سؤالو نساات گاع هادشي)فصراحة صدمتيني كنت ناااسية وهادشي عمرو طاح فبالي فهاد اللحظة مازال ماكانفكر فيه بصراحة
علاء:نتي زوينة ولكن الحجاااب كايخلييك تكونني أرووع هادشي فعينيا أنااا وكانضن انا هو الوحيد لي كانهمك يااك (لاح ليها الهضرة بلعلني حيت هو باقي مانسااا داكشي لي شااف بعينيه أسيل مع يوسف واخا گاع الادلة مايشيرو بلي مابيناتهموالو وحتا اللقاءات ديالهم كايكونو عاديين وماكايبانش نهائيا واش بيناتهم شيحاجة وزادو المساجات أكدو شكوكو هاد الجوج كايديرو شيحاجة كايبلاانيو لشي حاجة شي تخربيقة ولكن مابيناتهم والو وعلاء أصر باش يعرف هادشي لي مخبيين شناهواا ماحدو باقي متحكم فأعصابو وقرر يضغط على أسيل بشكل غير مباشر باش تگر غير بووحدها بلا مايدير هو والو وداكشي لي بدا كايدير)
أسيل:😳(ردت بتلقائية وبعفوية) طبعاا نتا الوحيد لي كاتهمني علاش هادشي فه الشك
علاء:لااا
أسيل:اووكي مهم كيف گلتليك الحجاب مزال ماكانفكر فييه للاسف
علاء:الله يهديك
أسيل: اميين (هزات أسيل صااكها وتيليفونها وعلاء هز پزطامو وهبطو بجوج للاحت لقاو الفطور موجود والحاج والحاجة عاد حطو الفطور هوما ديما كايفطرو فهاد الوقت االاه گلسو هبط إسماعيل تاهو باش يمشي لخدمتو فطرو مجموعين في جو صامت من بعد ماسالاو كاملين جمعات أسيل الماعن بزز حيت خالتها مابغاتش ومن بعد إستأذنو منهوم وخرجو بجوج ركبو فلوطو ديال علاء وديمارا لوطو ومشا غادي فطريقو للمدرسة يحط أسيل هي لولا وهو كولا مرة يشوف فيها حتا وصلو بغات تهبط وماخلاهاش سد الباب من عندو) ماالك😳
علاء:مسحي داك العجب لي دايرة لفمك راه باين بزاف
أسيل:الغوج أليڤغ ولكن مامعيقش راه لونو لي داير هكاك
علاء:مسحيه داكشي ديريه فدارك فبرا لا
أسيل:(بتاسمات وبدات تغوت فخاطرها بالفرحة كايغيير علييها يعني مهتم بيها وهادشي لمساتو من خلال المعاملة ديالو ليها هادشي كايأكد ليها بلي تا هو كايحس بشيحاجة من جيهتها وماشي بعيد گاع يكون كايبغيها كيفما كاتبغيه هي تنهدات بفرحة وهزات كلينيكس مسحات به الرووج خلا لوون خفييف شافت فعلاء وگالتله واش هو هاداك شاف فيها مطولا هو يگووليها هبطي بلا مايجاوبها ولكن هي گاع ماتسوقات باراكة عليها غير الغيرة ديالو عليها لي كانت واضحة من عينيه هبطات من لوطو ومشات قطعات الشانطي ودخلات بلا ماتلفت موراها ومشات للحصة ديالها نيشان اما علاء تسنا واحد 20 دقيقة هكاك فبلاصة خرا عاد تحرك كان خايف لاتكون ماكاتمشيش لامدرسة وكاتمشي تلاقا بهاداك المجهول لي كاترمز له بعلامة الخطر أي يوسف مشا لخدمتوو وهو مرتاح نسبيا نرجعو عند البطلة ديالنا لي دوزات الحصة ديالها وخرجات مع 10 كانت غادة باش تشد طاكسي حتا وقفاتها واحد اليد ضارت هي تصدم وحلات فمها وسرعان ما تخولت الصدمة الى فرحة)علي!!!!
علي:☺اااه انا
أسيل:اهلا لاباس علك بيخير خالتي نعييمة لاباس عليها
علي:بيخير حمد الله سول فك الخير شتك مابقيتي گاع كاتسولي ولا بدلك الزواج
أسيل:ههه لا علاش يبدلني واهو بدلني ولكن مهم هادشي خاصو گلسة باش نعاود لك كولشي بالتفصيل شحال هادي ماهضرت انا وياك ا علي
علي:اااه بصاح تا انا نيت داكشي علاش جيت هنا تا انا بغيت ندوي معاك حيت ماتاحتش ليا الفرصة ندويو هاد المدة كاملة😅
أسيل:هه اوكي
علي:انا عارض عليك نشربو قهوة مع بعضياتنا ونهضرو
أسيل:ممم اوكي ماشي مشكل فين غانمشيو
علي:غير لهاد الكافي حسن
أسيل:اوكي(مشات هي وعلي دخلو لواحد الكافي قريبة للمدرسة خدات هي غير عصير وهو قهوة وگلسو وعلي كان اول واحد يهضر)
علي:احم اسيل كنت فصراحة بغيت نگووليك الله يصبرك من جيهة الواليدة ديالك ماتاحتش ليا الفرصة باش نهضر معاك
أسيل:مامشا معاك بااس شكرا عارفة لي كاين ا علي ماتحتاجش تگول هادشي والله
علي:مزياان اوا شنو كاتعاودي كيغادا مع شي قراية
أسيل:بيخير حمد الله ونتاا اشكاااتعااود بااقي على نفس الحالة ههه
علي:ههه الله يخلينا فصبااغتنا
أسيل:ههه اميين
علي:ممم اوا ا أسييل تجوجتي وانا مافرااسي واالو
أسيل:والله تا عييت واناا كانصووني علك شحاال حتا گاليا علاء راه التوقيت ديا لتما مختالف بزاف على هنا وراك مبدل النمرة وداكشي وصافي ماكان عندي كيندير نوصل ليك داكشي علاش استسلمت
علي:لا ماشي مشكل تانتي عادي ولكن الحاجة لي جاتني شوية فشكل هي نتي وعلاء يعني نتوما بحال الشرق والغرب الما والعافية ماكاتلاااقااوش ولكن تجوجو هادي صدمة كبييرة بالنسبة ليا حيت عارف الوسط ديالك والوسط ديال علاء يعني مختاالف تمام الاختلاف
أسيل:(حطات لكاس ديال العصير حداها ودارت يدها على حنكها) ههه فهمتك علي انا وعلاء شنو غانگولك حنا بحالا مكتاابين لبعضيااتنا تيقني الا گلتليك هاد الهضرة عمري كنت كانتوقع يجي النهار لي نگوولها ولكن بصااح انا وباه قمة التناااقض ولكن المكتااب ديالنا لي بغانا نتجمعو تخيل انه صدق ولد خالتي تيقني الا گلتليك تما عرفت وتيقنت بلي علاء هو الشخص المنااسب بالنسبة ليا وبصراحة بصراحة مانادماش ولو شوية على الاختيار ديالي لا بلعكس انا فرحانة بزاف معااه وبصراحة هادشي كامل مناش ددزت عندو فضل كبيير باش نتجاوز داكشي كامل ونقدر نكمل حياتي
أسيل:كاانبغييه يااك عينيا فاضحيني لهاد الدرجة هههه
علي:(كايهضر وهو حاس بغصة فقلبو💔) ااه بزااف
أسيل:علي شهاد الهضرة ويعقل تحسد صااحبك ونتاا عندو عزييز وغالي خاصك تعرف بلي حنا ماغانشوفو غير لي مكتبو لينا الله ولكن راه حنا لي كانرسمو الطريق ديالنا بيدينا علاء من اللول كان مختار الطريق الصحييح وحنا الطريق الغلااط جرب ولو مرة وحدة ا علي تهضر مع علاء وتسسمع لنصائحو حاول تفتح عقلك وقلبك ملي اكون كايهضر ماديرهاش غير هضرة خاوية وتيقني بلي غادي تقدر تفهم علاش علاء عندو هاد الزهر كامل والحياة منصفة بزاف بالنسبة ليه
علي:😳ممممم
"عند أسيل و علي في الكافي"
أسيل: علي سمعني تا انا كنت بحالك خاصك غير تراجع رااسك وصافي و تفكر و تشوف علاش علاء الحياة منصفة ليه.. و ديما دير في بالك را مغااادي نشوفو غير لمكتااب ليناا و مغادي نعيشو غير لكتبو لينا الله سمعتي..
علي:امم😳صدمتيني فيك صراااحة تبدلتي بزااف..
أسيل: وي بصح تبدلت وتبدلت احسن ياااك؟؟
علي: وي..
اسيل:وهذا بفضل علاء... و هادشي لي خلاني نبغيه حيت مكاااينش بحالوو.. و نقدر نكوليك هادشي علاش الحياة منصفة ليه.. غير سمعني نتاا خاصك غير تحاول و تكون عندك الإرادة باش تبدل وغادي تبدل و شوية بشوية ماشي كلشي بالزربة.. كل حاجة بوقتها..
علي: معرفتش و لكن دبا نتي ووليتي واخدة منضور الحياة من واحد الجيهة في شكل عكسي انااا باقي واخذ نضرة على الحيااة كيف كنتي واخذاها عليها من قبل..
أسيل : وي فهمتك اعلي.. وداكشي علاش كتليك خاصك غير ارااددة و غادي يتبدل كلشي.. و دير في باليك نتا عزيز بزااف على علاء ديما كيجبدك بخير و عندو اقرب انسااان على قلبو و دايرك في مقام خوه
علي: وي عارف و تا هو عزيز عليااا و في مقام خووويا..
أسيل: ايوا شتي حاول تقرب ليه و دير بحااالو.. مزيان تعلم من الانسان لكيعرف الصح من الغلط..
علي: عندك صح
اسيل: ايوا شتي هانتا عندك ارادة خاصك غير دير خطوووة اولى و تا انا انوقف معاك"هزات يديها و حطاتها على يديه "نتاااا خويا 😍
علي: شكراااا ربي خليك تا نتي في مقاام ختي..
أسيل: ايواا احنا متافقين دبا ياك؟
علي: "بابتسامة" وي متافقين
اسيل: وهكاك نبغيك.. يا الله انا خاصني نمشي دبا..
علي: نوصلك؟؟
اسيل: مكاين لاش انا غادي نمشي عندي شي شغل عاد انمشي لداار..
علي: ايوا صافي ليبغيتي سلمي على علاء بزاف و على بسمة و مالين دار..
اسيل: يوصل تا نتا سلم على خالتي نعيمة 😊
علي: شكرا
اسيل: هذا واجب😊
هزات صاكها اسيل من بعد ماسلمات عليه و خرجات هزات تيلي ديالها ودوزات نمرة يووسف..
سر سر سر 📲📲📲
يوسف: الو اسيل؟؟
اسيل: سلام يوسف دبا بغيتك تعرف ليا ندى فين كاينة ؟
يوسف: ليوم الاثنين اتكون في لافاااك انا نسيفط ليك استعمال الزمان ديالها..
اسيل: وخا انا كنتسناااك..
يوسف: اش عوالة ديري؟؟
اسيل: ليوم خاص هاذ الموضوع يتسد.. انا مخبية على علاء و هادشي كيقتلني نهار على خووه و انا ميمكنش نبقى نشوف فيه و في وجهو و انا كنكذب عليه..
يوسف: سمحيلي بزااف ا أسيل هادشي كامل بسبابي..
اسيل: ماشي مهم دباا.. هادشي كامل درتو على قبل بسمة..
يوسف: عمري في حيااتي نساا ليك هاذ الخير ايبقا ديما تابعني تا نمووت.. وليتي كثر من ختي..
اسيل: هذاا واجب... مهم انا انمشي دبا لافاك.. نتا واحد ساعة ديال مكانة... تبعني و نتمنى الخطة لرسمت في بالي تنجح..
يوسف: كنتمنى.. كوني هانية انا انجي
اسيل: اوكي... يا الله بسلامة"قطعات "
من بعد ماقطعات اسيل مع يوسف.. وصلها مساج في واتساب فتحاتو لقات يوسف مسيفط ليها استعمال زمان ديال ندى.. في بلاصة وقفات شدات طاكسي صغير 🚖 ركبات و كاتليه يديها كلية العلوم.. وداكشي لكان مكاملاش تا ساعة ديال المكانة وصلات حدا باب لافاك خلصات مول طاكسي و نزلات.. مشات دخلات الجامعة و اول حاجة مشات نيشان طواليطاات "حاشاكوم" وقفات قدام المراية و حطات صاكها في جنب لافابو.. جبدات بودرة ديال وجه دارتها وجهها ولا كيبان صفر كثر ماهو صفر في الأصل.. و دارت تا شنايفها ولاو كيبانو بيضين.. عاد هزات كريم دوجوغ دارتو فوقها باش متبانش.. شدات شعرها شعكاتو مزيان بحال لكانت مناااتفة.. هزات ريسيل دارتو عينيها و من بعد حكاااتو على عينيها تا داع كامل و عينيها حمارو بحال لباكية.. و هزات شال لاحتو على راسها غير من فوق..وجبدات نضاضر ديال شمس دارتهوم تا هوماا على عينيها.. وجدات تيلي ديالها دارت ليه سيلونص و دخلات بلاصة فين كيسجلو ليزووديو و خلاتو هكاك.. و خرجات غادة حانية راسها ودايزة من واحد الممر خاوي باش ميشوفها حد دازت من حدا مكتبة تما كاينة جردة صغيرة و هذيك هي البلاصة لكتكلس فيها ندى بين ساعة و سااعة خراا.. حيدات اسيل شال لاحتو في صاكها و نضاضر تا هوما و هي تمشي عندها تا وقفات عليها..
اسيل:"كتغبن" ندى 😢😢😢
ندى:"هزات راااسها " سااارة ؟؟ مالك اويلي ؟؟
اسيل:"كلسات حداها و عنقاتها" اختي حمد الله من لقيتك قلبي ايطرطق و ماعاااالم بيا غير الله😢😢😢
ندى: ابشوية عليك احبيبة و كوليلي اش كاين.. راك خلعتيني و فين غبرتي ؟
اسيل: اش غاادي نكوليك اختي و منين انعاود ليك😢😢
ندى: خلعتيني والله هضري.. ؟؟
اسيل:"ماتفكرات غير ماماها و لقطات ديالها معاها و دغيا نزلو ليها دمووع لأكدات لندى انها بصح شي حاجو كاينة " مامااا مااتت اختي ماااتت و كافرة بالله مخلاتنيش نمشي نحضر الكنااازة ديالها 😢😢😢
ندى: الله اكبر.. الله يرحمهاا اختي.. واش هاااذ الحمارة معندها قلب كيفااش مخلاتكش تمشي تحضري جنازة
ديال ماماااك... 😒😒
اسيل: "في نفسها *حمارة هي مك* ايواا هانتي تشوفي ياختي ضلم كيدااااير شفراتني حوايجي كاملين قطعاتهم..
ندى: هذي خاصهااا انا نوريها التقحبين باش كيطلع 😤رامنهوم عدد وهاذ نوع انا لكنعرف ليه خاصك تعرفي اش درت واحد خايتي بحال هذي نيت متحكمة ومامزياناش😪
اسيل: وايلي اش درتي😳؟
*عند علاء دين *
.. من بعد ما وصل علاء أسيل مدرسة مشا نيشان خدمتو.. وصل مكتبة لهملها في هاذ شهوور اواخر تا الخدمة تجمعات عليه وصل فتح باب و مشات نيشان بيرو ديالو و كلس بدا في خدمة تا جاو خدامة لكيخدمو في مكتبة و كل واحد مشا خدمتو و ملاهي معاها و علاء كيجمع في حسابات ديال هاذ شهر و كيقاارن حساب ديال كل شهر بوحدو شحال ديال مابيعات و شحال ديال الأربااح ربحو.. بقا هكاك واحد ساعتين تا وصلات 10 و طلب من فيصل يجيب ليه قهوة كحلة حيث راسو كيضرو.. مشا جابها ليه وحطها ليه فوق مكتب.. علاء تفكر أسيل و هز تيلي غير فتحو و هو يتصدم بتصويرة ديالها في شاشة معا كان ملاهي هاذ الأيام... كاع ما انتاابه ليها نهائياا و تا من قوة لزابليكااسيو مقشعاهااش.. بقا كيشوف فيها و كيضحك لا اراديا ت بخصووصا من بوز لدايرة اول حاجة دار مشا باغاميطخ دار كود تيلي خوفا ميهزو شي حد و يطيح في تصاورها و هو كاليري ديال علاء عامر بتصاورها.. دخل كيدوز طوف موراا طوف و هو كيضحك وهي عمران تيلي بتصاورها و بقوة بووزات و زيد ضحكة لمكتفاارقش وجهها بلا تصاور سناااب كتخلي واحد بلا عقل و هو يتفكر بانها طلبات ليه تيلي.. في بلاص سمح في خدمة لفي يديه هز فيست ديالو لبسهاا و خشا تيلي وبزطام في جيبو و سوارت في يديه ونضاضر ديال شمس في عينيه... وصا فيصل بانه نص ساعة و يرجع و يحضي معاه شغل في غياب خرج وركب في لوطو ديالو مشا في اول بنكة جبد فلزس ومن بعد مشا نيشان لعند واحد محل ديال تيلفونات كبير في مدينة و دخل حيد نضاضرو و كلس كيضور في عينيه تا بان ليه واحد ايفوون في غوز بيبي مشا ليه نيشان جبدو و كلس كيقرا على نوع ديالو.. وسول مول محل على مزايا ديالو شحال فيه من جيغااا و الخ... كاين ايفون 8 " الله يعطيني شي واحد بحالو 😢تيلي ماشي علاء😂😂"في بلاصة كاليه ديرو ليه في كرطونتو مع جميع ملتزماتو كابل وليزيات وكلشي.. خلصو و خرج حط فيه زبالة ديال فلوس ولكن كلشي كيهون في سبيل أسيل.. من بعد ظخل واحد محل فين كيقادو داكشي ديال لكادو.. غلف كارطونة و داروها ليه في جوا و خررج رجع محل ديالو و خلا داك بوشيطة في لوطوو..
*نرجعو عند أسيل وندى*
أسيل:وايلي شنو دارت ليك 😳
ندى: ايوا اش غادي نكوليك و منين نعاود ليك و بكن انتقمت منها اشد انتقام عمرها تنساااه في حيااتها 😈
أسيل:"صابرة غير بزز" ممكن تفتحي ليا قلبك و تعاودي ليا على الله تا انا نساتفد باش ندير حد لهاذ خايتي 😈
ندى:: ايوا اجي نعاود لك و تعلمي و طبقي هاذشي مع ديك قح***وغادي تشوفي.. مسحي عينيك بعدا.. عندك كنينكس؟
أسيل: اه وخا بلاتي.. "حلات اسيل صاكها دغيااا و دارت راسها كتقلب على كنينكس و لكن هي هزات تيلي ديالها و جبدات تسجيل وطلقاتو و عاد هزات كنينكس و مسحات عينيها.. " صافي دبا انا كنسمعك 👂
ندى: دبا مزيان.. ايوا سمعي احبيبة كانت زعما صاحبتي انا وياها من نفس منطقة ايوا عام لفات في بداية العام جينا ودرنا جامعة بجوج بينا ونفس شعبة.. و درنا حي جامعي و جيني في نفس غرفة و كانت حاسة براسها بزاف.. و قوة تزواااق و عياقة منكولككش.. و هي جاية غير من عرووبية وكانت مكتبغيش تهضر بزااف قليل فين نتجمعو انا وياها كانت خاسة براسها و ديما خارجة و مخلاياااني بوووحدي و روينة ديال بيت انا لكنجمعها و كتقمع بلا قيااس و كانت كاع مكدير لياا حساااب.. تا تخرج تا تخرج و تجي تفوح عليا فلان شرا ليااا كتفقص فيا زعما ولكن متخاافيش على ختك.. تا واحد نهار وقع مشكل في حي جامعي و مشات زعما خرجاتني معاهاا شفقات علياا.. ييه و خرجت معاها و صدمة كبيرة لقيتها ضاربة ليك على واحد همزة منكولكش كيف دايرة.. صافي في ديك لحضة قررت هذاك يولي ديالي تا واحد ليلة درت واحد خطة " عاودات ليها كلشي و بانها هي لتافقات مع داك دري لكيقرا في جامعة و دخلاتو عند بسمة من بعظ معطاتها منوم في ماكلة.. ونعسات تعرا حداها و صوراتهوم و سيفطات ليوسف تصاااور لجهلوه و بقية را عاااودها يوسف لأسيل " ايوا هادشي لوقع ايواا صافي تزوجت بيه و لكن ولد حرام عمرو نساااها ديما كيجبدها و عمرو دار معاياا تا علاقة تا طلع ليا خرا في رااااس و صافي كان كيجي واحد صاحبو ديما عدنا في دار ودرنا علاقة انا وياااه و دبا حاملة و لاخور حصلني ولد كلبة و طلقني اصلا تهنيت منووو معقد لاخور.. مهم فرقتهوم و مخليتش لديك قح*** تعيش بخير... ايوا دبا احنا محنصرين مع الوقت صاحبو من نهار كوتليه حاملة معاود وراني وجهووو و دبا كنفكر نحيد الولد داكشي غلاش كنخدم باش نجمع فلوووس..
أسيل:"في بلاصة حنات راسها على صاك وهزات تيلي حبسات تسجيل قدام عينيها و دارت ليه حفض في تيلي و لاكارط ميموار و طفات تيلي " امممم و فرحااانة بهادشي لدرتو شنووو ربحتي دبااا نتي... مابان ليا رحبتي والو بالعكس بان ليااا غير خسرتي كلشي... "يوسف وصل و عيط على دورية ديال بوليس جات سطافيط و بلاصة طونوبيل و نزل غادي في اتجااهوم و بوليس معاه في طريق.....
بسمة: اش كتقصدي 🙄
أسيل: "حطات ساكها في جنب وجمعات قوتها و شداتها من كفاااها "انا انطيح لمك لولد بلا متحتاجي للاجهاااض 🤤
ندى:كييفااش اشكااتخربقي طلقي مني
أسيل:نطلق منك من بعد ماخرجتي ليا على صااحبتي خرجتي ليها على حيااتها الله ياخد فك الحق
ندى:صاحبتك😨
أسيل:ااييه بسمة عشيرتي وختي وكولشي بالنسبة ليا نتي خرجتي ليها على حياتها وانا غانخرج لمك على وجهك (شداتها أسيل من شعرها وبدات تنتف فيها وكاتصرفق فيها وتقمش كلات ليها وجها بالقميش وندى ملي كاتحاول دافع على راسها ماكاتقدرش أسيل ركبوها الجنون ولاو فيها 10 جا يوسف كايجري شد أسيل وبدا كايفك شعر ندى من يدين أسيل حتا فكوها وأسيل جهلات عليها باغة تنقز ليها كون ماحبسهاش يوسف كانت غاتقتلها جاو البوليس داوو المينوط لندى وهي كاتبكي على وجهل وشعرها أسيل ماخلات فيها غير لي نسات) يوووسف طلق مني خليني نوري مهاا شنو كايصلاااح لييها فرحااانة ياك اوا هاهوما ضد فيك غايرجعو لبعضياتهم يا الكلبة الزاانية الله يعطيك موصيبة كحلة الحمااارة تفووو علك طلق مني بعد مني خليني نمشي نوري مهاا نعلمها ضحك ودير بلانات لختي
يوسف:صافي أسيل باراكة انا غانتكلف دبااا صاافي
ندى:مااايمكنش ماايمكنش تكون درتووها بيا
أسيل:داار لك ان شاء الله غا بلاتي على مك غاتعفني فالحبااسات وغانوصي شي وحدة تخسر لك وجهك تما وعقلي عليهاا وگوولي أسيل گالت تفوو علك يا الكلبة
يوسف:دييو هاد المخلووقة من هنا أسيل باراكة علك ماتخاافيش غاندم مهاا مزياان ماتخاافيش
أسيل:اوووف نوضات فيا الاعصاب واخيييرا صدقتي مادرتي والو ولكن طلعتي أكبر مكلخ خوراتك قحبة
أسيل:ماشي مشكل ولكن انا هادشي درتو على قبل بسمة حييت باااقي كاتبغيك ماعرفت اشبغاات فك كون كنت انا كون دوزتها عليك ييخ
يوسف:قلبك قااسح الله يخلي ليا انا غير بسمة ديالي نااري ايمتا غانكون انا وياها توحشتها بزاف
أسيل:تا هي تفووو قلبها هشيش مسكيينة سير تلاح
يوسف:واخا شكرا تاني ا أسييل
أسيل:ماشي مشكل اخويا انا غانمشي تعطلت بزااف (مشات أسيل من بعد ماودعات يوسف مشات ركبات طاكسي ومشات للدار مع آذان الظهر سلمات عليهم وطلعات لبيتها بدلات حوايجها وتوضات وخرجات صلات غير جمعات الصلاية ديالها هو يدخل علاء لاح ليها السلام حيد لاڤيست ديالو... )علاء عرفتي شكون شفت ليوم
علاء:ممم شكون
أسيل:(خشات خمارها فالپلاكار) شفت علي هو معامن كنت گالسة شوية
علاء:علي😒
أسيل:اااه تلاقيت معاه گلسنا فكافي دوينا شوية وجيت
علاء:(گلس فوق الكرسي) ااه وفاش دويتو
أسيل:والو هضر ليا على الزواج ديالنا گاليا جا على غفلة وزعما ماحضرش وهادشي صافي دردشنا شوية ومشيت لافاك خديت شي دروس لبسمة وجيت فحالي
علاء:ممم مزيان احم (ناض علاء قرب لحدا أسيل وگاليها تگلس فوق الناموسية گلسات وگلس حداها وبدا كايهضر)احم أسيل بغيت نگووليك واحد الحاجة
أسيل:ممم ااه كانسمعك غير هضر
علاء:خاصك تعرفي بلي وليتي مرات الرااجل فهمتي ونتي كاتعرفيني مزيان أنا مراتي مانبغيهاش تگلس مع هادا ومع هاداك فهمتي إقدر كان كايجيك داكشي عادي فلول قبل الزواج ولكن دبا لا نتي دبا مجوجة وبحال هاد الامور ماخاصهاش تكون علي خويا وصااحبي ولكن مانبغييكش تگلسي معاه بحال دبا گلستو فكافي وداكشي واخا انا عارفك كيفاش دايرة وغادوي معاه بحال خوك ولكن انا خاطري ماتسمحش ليا الا كنا گالسين مجموعين وكنت انا ماشي مشكل لا هضرتو سلام سلام شيحاجة خرا كانفضل ماتكونش فهمتيني يااك
أسيل:👀اااه فهمتك
علاء:ااووكي اوا حاولي طبقي هاد الهضرة لي گلتليك حيت بحال هاد التصرفات الصغاار لي كايديرو مشااكل كباار بين الازواج ويقدرو يتطورو بزاااف لشي حوايج لا تحمد عقباها هضرتي ماتجيكش فشكل انا هضرت معاك عاادي وكانتمناا تفهمي هادشي وزيد عليها انا طبعي صعييب بزاف وكاانزرب واخا كانحاول نحيد دك القاعيدة مني وكانحاول نفكر ونحلل هو لول ولكن كانزرب ويدياا ماكانحسش بيهم حيت ماعنديش مع الهضرة بزااف ماشي كانهددك ولكن كانجيك غير نيشان وصافي حنا علاقتنا بدات كاطور وغادة فمنحى جيد مانبغيهاش تخسر فهمتيني؟
أسيل:كوون هاني هادشي ماغايتعااودش وعندك الحق خاصني نبدا نفكر كإمرأة متزوجة ماشي كفتاة عازبة كون هاني علاقتنا ان شاء الله غاتولي حسن من هكا مادام حنا باغيينها تكون أحسن وانا بغيتها تكوون أحسن هادشي علاش غير كون هاني من هنا لقدام ماكايننة تا حاجة غادي تقلقك مني
علاء:أتمنى☺
أسيل:ان شاء الله ااه بالمناسبة حاول تهضر مع علي وتقدم له نصائح كايبان ليا راه مستااعد دبا باش يتقبلهوم
علاء:ان شاء الله انا غانحاول نهضر معاه ان شاء الله
أسيل:ان شاء الله انا غانهبط نعاون خالتي لا كان فاش نعاونها
علاء:لا غير بباي معايا
أسيل:😳علاش محتاج شيحاجة؟
علاء:😳لاا لا تقدري تمشي راه غير مهم ماشي شيحاجة😅
أسيل:(بدات كادور فعويناتها عاجبها الحال وهي تمشي خرجات من البيت وسدات الباب وبدات كاضحك فخاطرها ومشات هو لول عند بسمة)
أسيل:(ضحكات فخاطرها ومشات عند بسمة للبيت دخلات لقاتها مجمعة مع أمينة ومجموعين على واحد الكتاب مشات نقزات عليهم وهي كاضحك) هههه الخريات شنو كاديرو
بسمة:اااح اربي اشكاديري الزبلة راه ولدي كاين هنايا تي سيري لي شافك يگول هنا نبات راك تقيلة الزمر
أسيل:5 على عينيك✋🏻الله يستر
أمينة:شووو سكتو خليوني نركز فالقراية ييخ
أسيل:شنو كاتقراي
أمينة:واحد الكتاب على الحوامل كنا كانقراو واحد الفقرة فيها كيفية التعامل مع الرضع وداكشي فهمتي مهم داك التخربيق
بسمة:(حطات يدها على كرشها) مامتيقاش بلي غايتزاد عندي ولد والله
أسيل:هههه مابقا ليه والو شحال تقريبا
بسمة:مهم 25 يوم واقيلة الا غايتزاد فالوقت لي گاليا الطبيب نيت
أمينة:ونتي مرات من ييخ عقلك ماعرفت اشفيه نتي الزمر ايمتا غاتفرحونا
أسيل:هههههه (تفرشخات باالضحك وهي كاتگول فخاطرها *ماكليت تا الحلوة بقا غير يتزاد عندي ولد منين غايجيني داكشي يسيفطو ليا بلوتوت ولا كيفاش*)هههه ااه غير تسناااي مابقا والو😂
بسمة:هههه باز لك كاطنزي على البنت ماديهاش فيها ا أمينة خوك باقي عندو مشوار طويل مع هاد الزبلة
أسيل:(ضحكات حتتا دمعو عينيها وبدات كاتمسح الدموع وهي كاتفكر تلقائيا حطات يدها على كرشها ماكرهاتش حتا هي يكون عندها ولد ولا بنيتة بغات تا هي تعيش مراحل الحمل كااملين مع علاء بغات تعيش مرحلة الوحم وتفيقو بالليل تگوليه سير جيب ليا شيحاجة گاع ماكاينة وتبدا تفيق باش ترد وهو يتخلع عليها ويعاونها حتا تغسل وجها المرحلة فاش الجنين يبدا يتحرك وهي تنقز بالفرحة وتخلعو ويبدا يخاسم عليها فاللخر تغلبو الضحكة ملي تقرب وقتها وتبدا تغبن عليه وهو يبقا صابر عليها ويحزرها وملي يتزاد ولدهوم وتبكي باالفرحة وهو يعنقهوم ويهز ولدو ويأذن ليه فودنيه گاع هادشي داز قدام عينيها وهي مغمضااهم حسات بالفرحة لداخل ديالها وتمنات كون هاد الحلم كان حقيقة وكذلك تمنات الام ديالها تكون ححاضرة وتبقا طيب ليها الشهيوات لي بغات هادشي كامل خلاها تأثر وغرغرو عينيها حلات عينيها لقاتهم كايشوفو فيها وهي تبدا تسول فيهم) ماالكم كاتشوفو فيا هكا😑
بسمة:تخيلتي رااسك ونتي حااملة يااك
أسيل:بااش عرفتي
أمينة:بااينة شوفي يديك حاطاها على كرشك
بسمة:باااينة فوجهك هادشي مايخفاش عليا عرفتي أحسن إحساس هو الامومة والله هاد الفترة لي دزت منها كانت صعيبة خصوصا الردان والدوخة وكوني وحيدة زاد صعب داكشي ولكن كاتبقا من أفضل الاوقات لي دوزت فحياتي نتي غايكون معااك علاء ماتخاافيش غايبقا ديما واقف فجنبك وغاذوز أحسن مرحلة فحياتك وغاتفرحي وتكمل فرحتك احبيبتي غير توكلو عالله
أسيل:احم غانمشي نعاون خالتي فالغدا خليناها بوحدها
أمينة:مم راه معاها إسراء
أسيل:واخا هكاك زعما مانعاونهاش ونتوما شديتوني بالهضرة سيرو سيرو (مشات أسيل خرجات من الشومبر دغيا ماكرهاتش ولكن ماتقدرش تمشي تگووليه بغيت منك ولد تنهدات ومشات هبطات فالدروج دخلات الكوزينة لقات الغدا طايب وإسراء والحاجة كايقادوه عاوناتهم حتا حطو الغدا وعيطو عليهم ومشات أسيل عيطات على علاء والبنات وهبطو مجموعين گلسو فوق الطبلة وبداو كاياكلو في صمت حتا كملو وناضو البنات غسلو الماعن وناضو طلعو وكولا واحد دخل لبيتو أسيل بغات تمشي لعندهوم هي تسمع علاء كايعيط عليها دخلات لبيتهوم) علاء عيطي عليا؟!
علاء:اااه بغيت نعطيك واحد الحاجة
أسيل:اااه واخا
علاء:گلسي
أسيل:(سدات الباب ومشات گلسات فطرف الناموسية كاتسنا تشوف شنو بغا يعطيها شافتو مشا للكوافوزة وجبد منها شيحاجة جا قدامها هو يعطيها ليها فيدها كانت كرطونة صغيورة مغلفة بپايي كادو فرحات حيت جابليها كادو) كاادو ليا شكرااا بزااف ا علاء😍
علاء:ماشي مشكل حليه وشوفي
أسيل:اهااه واخا (حلات الكادو بشوية عليها غير حلات الكرطونة شافت آيفون زويين فالغوز بيبي عينيها بداو كايبريو بالفرحة تفكرات بلي كانت طلبات منو يجيب ليها تيلي فرحات)جبتييه مزال😍وااو (نقزات بالجرا وتلاحت عليه عنقاااتو) شكرااا بزاااف ا علاء شكراااا شكراا
علاء:(مصدووم وبانت فه التزنيگة إحساس فشكل عنقها بدورو تا هو وهو كايضحك على هبالها)
أسيل:اشمن واحد هادا
علاء:آيفون 8
أسيل:اربيييي😍😍وااو (نقزات عله تاني وتعلات وهو كذلك شدها وبقا كايضحك)
علاء:هههه غا بشوية علك غير تيليفون فرحك لهاد الدرجة
أسيل:شكراا شكرااا بزااف ا علاء ناااااري ااح صبر صبر غانمشي نعييق عليهم شوية نااري شكرا بزااف ا علاء والله فرحتيني
علاء:ههه هبيلة
أسيل:(طلقات ممنو وهزات التيليفون ومشات كاتجري خرجات من الشومبر ديالها ومشات عند بسمة وأمينة باغا تووريهم رااجلها شنو جاب ليها وهي ماواعيااش بشنو دارت)
علاء:(بقا كايشوف موراه وهو تالف وشاداه الضحكة حك راسو بعفوية ومشا دخل الحمام)
أسيل:(مشات كاتجري عند البنات وراتهم التيليفون وكاتقلي ليهم السم زعما وهوما كايضحكو عليها وعلى هبالها بقاو مجمعين شوية ورجعات أسيل لعند علاء وعاودات شكراتو اما هو لبس حوايجو ومشا خرج غادي لخدمتو أسيل بقات گالسة مع البنات حتا ودن العصر ومشات توضات وصلات صلاتها ومشات هبطات باش توجد الگوتي سالات وهبطو كاملين كلاو وغسلو الماعن ودن المغرب وتوضاو صلاو هكا كان الروتين ديالهم علاء وأسيل علاقتهم غادة وكاطور للاحسن بسمة كولا مرة كايصوني عليها يوسف باغي يهضر معاها وهي ديما كاتمقعو مع إقتراب وقت الولادة ديالها ولات مرعووبة ومابقاش عندها الخاطر خايفة بلا قياس ويوسف كايحاول غير يهضر معاها ووالو بدون جدوى مالقا كيفاش يدير وخصوصا بسمة مابقاتش كاتخرج من الدار نهائيا علاء حاول مايبقاش يشغل بالو بزاف مع يووسف خصوصا ملي شحال من مرة تبعها وماعمرها مزال تلاقات بيه وحتا تيليفونها مابقاتش كاتهضر معاه تأكد بلي هضرتو وداكشي لي غاليها راه فهماتو مزيان ودخلاتو لراسها وغادة وكاطبقو علي سافر واحد المدة وغايرجع هاد ليامات وديما كايتواصل مع علاء....ليوم فاق علاء ومشا للخدمة وخصوصا مع قربو ليزيگزام ولات الوقت مزيرة عندو بزاف وبعض المرات ماكايجيش گاع يتغدا الحاجة والحاج مشاو سافرو للبلاد شي يامات مشاو كاملين وبسمة حتا هي مشات معاهم تحت إصرار الحاجة طبعا حيت لاحظات هاد ليامات التوتر الكبير لي كايجيها داكشي علاش داتها للبلاد باش تشم هواء نقي وتحرك شوية خصوصا غايرجعو من بعد يومين 3 يااام بقات غير أسيل وعلاء طبعا علاء كان محتاج لعطلة هو الاخر حيت كترت الضغط كاتمرض بنادم واخا غير كايجي للدار كاينسااا ولكن واخا هكاك الضغط عليه كبير وخصوصا هو دبا لي تولا الفرع دياال إسماعيل فغيابو إسماعيل خدا الاسرة ديالو ومشاو سافرو كانت هادي الرغبة ديال إسراء حيت ماعمرها سافرات مزال وعلاء طبعا واافق على حسااب هو وإسماعيل كايتنااوبو فالعطل بيناتهم وآخر عطلة كان خداها علاء الخدمة كتيرة والضغط على علاء كبير هادشي لي خلاه يكون معصب وديما شااعل كلمة جوج كايفور بوحدو ولكن مع أسيل لا حيت تا هي مقدراه وعارفة ضروفو والحالة ديالو هاد ليامات أسيل مشات لمدرستها ليوم وصلها علاء هو لول عاد داز للمكتبة دخلات قرات جوج حصص ديالها وخرجات مع 12 وقفات حدا باب المدرسة كاتسنا شي طاكسي سمعات تيليفونها كايصوني هلقاتو يوسف هزات التيليفون وجاوبات) الووو يووسف!!
أسيل:اهااه واخا ماشي مشكل ولكن دغيا على حساب خاصني نرجع للدار بكري
يوسف:لا ماناخدش من وقتك بزاف
أسيل:اوكي فين غاتسناني
يوسف:غانتسناك فلكافي لي قريبة للمدرسة ديالك اتلقايني تما فلداخل شوية
أسيل:😳شتك ضاارب حساابك
يوسف:بطبيعة الحاال راه معاك البووليس الاخت
أسيل:هه اوكي انا شوية ونجي (قطعات معاه أسيل وتحركات غادة في اتجاهها لكافي قريبة للمدرسة شوية قطعات الشانطي وتمشات طوالة عاد وصلات دخلات للداخل وحققات هو يبان ليها يوسف گالس حدا الزاج مشات عندو) سلاام (مدات يدها وسلمات عليه وگلسات)
يوسف:اهلاا لاباس علك اختي
أسيل:بيخير حمد الله گلتي ليا بغيتيني
يوسف:ااه محتااجك ا أسييل تعاونيني على بسمة بغيت غير نهضر معاها والو مابغاتش حاولت تا عييت كاتقطع عليا التيليفون ولا كاتخليني داوي بوحدي بلوكاتني شي 10 دلمرات وكولا مرة كانسيفط ليها بنمرة خراا مابغاتش غير تسمعني انا يكفيني غير تسمع ليا وديكساعات تحكم ولكن الا بعدها عني مانقدرش نستحمل عافاك ا أسيل عاونيني للمرة الاخيرة
أسيل:عارفة بسمة راسها قاسح ولكن ماشي لهاد الدرجة سمعني مزيان ا يوسف بسمة قربات تولد فهمتي قرباات وقت ولادتها هادشي لي خلاها توتر بزاف وتقلق هاد الفترة راه مع كولشي ماشي غير معاك
يوسف:بطبيعة الحال راه داير ليه أداة تعقب فالتيليفون كنت باغي نلحق عليها ولكن مازعمتش فضلت نهضر معاك هو لول
أسيل:اويلي😳 بزاف على الحب
يوسف:ااه عندك الحق اجي تشوفي عارف فين كاينة
أسيل:(ناضتت ومشات قربات حداه حطات يدها على كتفو بعفوية وبدا كايوريها تصدمات فه شافو فبعضياتهم هوما يضحكو بجوج ورجعات بلاصتها) احم ودبا المطلوب مني هو نهضر مع بسمة يااك؟
يوسف:اااه نتي هي الحل الوحيد لي عندي
أسيل:ممم واخا مهم انا غانشوف من بعد ماترجع مابقا والو سر سر (كان تيليفون يوسف لي كايصوني)
يوسف:سمحيليا واحد الدقيقة ا أسيل تيليفون من الخدمة
أسيل:ااه واخا خود راحتك (مشا يوسف بعد باش يهضر على خاطرو وأسيل حنات راسها كاتقرا القائمة باش تلف الوقت حتا حسات بلي تيليفونها كايصوني هزاتو هي تلقاه علاء وبدات تكحل بالعما وتلفت حداها تنهدات وهي تجاوب)
علاء:فيينك انا كانتسناك حدا المدرسة
أسيل:😨ممم مدرسة ولكن اناا اناا راني مشيت (هزات صاكها وبدات تجمع الوقف)
علاء:كاينة فالدار؟؟؟!!!
أسيل:لاا بااقي انا فالطااكسي ركبت غير قبيلة
علاء:اوكي انا جااي طيط طيط
أسيل:(شافت فالتيليفون مخلوعة قطع عليها بغات تمشي ولكن يوسف رجعات للطبلة وهزات قلم وورقة وكتبات فيها *يوسف انا مشيت من بعد ونهضرو دبا علاء غادي للدار وخاصني نسبقو.... *حطات الورقة ومشات خرجات كاتجري كاتقلب على طاكسي حتا داز وهي تركب وبدات كاطلب منو يسربي يوصلها للدار)
♡نرجعو عند البطل ديالنا♡
علاء:(حاني على الوراق وكولا مرة يرشف من القهوة ديالو لي حاطها حداه غير كاتكمل كايسيفط شي واحد يجيبها له تاني وصلات 11:50 صافي عياا وزيد مابقاش له بزااف ديال الوراق ستأذن ومشا خرج غايگلس حتا يتغدا ويرجع بكري حيت فه الجوع مشا اول حاجة للمدرسة ديال أسيل غير قرب ليها وبدا كايصوني عليها..... *هااتف مخاطبكم مشغول حاليا المرجو إعادة الاتصال لاحقا* )
علاء:(شاد التيليفون فيدو وبدا كايدخلو الشك إحساسو كايگوليه راه كاينة شيحاجة ماشي هي هاديك شكون غايصوني عليها فهاد الوقت عقد حجبانو ومشا غادي مكسيري حتا وقف قدام المدرسة دور عينيه هو تبان له غادة على رجليها ماشداتش طاكسي زاد هادشي أكد له شكوكو وقرر يتبعها ويشوف فين غادية فهاد الوقت علاء ماكانش كايفكر شنو لي مزيان وشنو لي مامزيانش ولكن مافكرش بزاف بقا غادي بشوية تابعها وهي كاتمشا ماعلابالهاش حتا وقفات قدام واحد القهوة تسنا شوية حتا دخلات زاد شوية القدام هو يقشعها من الزاج گالسة معاه قشعووو هو نيت ديال ديما دبا فرز الملامح ديالو وكايعرفو مزيان فوجهو بقاا كايحاول يهدن راسو مايمشيش اقلب عليهم الطبلة كان غادي يخرج حتا شافها قربات حداه وحطات يدها على كتفو وكايوريها شيحاجة فالتيليفون من بعد ضحكو لبعضياتهم اي واحد شافهوم غايحلف عليهم تا بيناتهم شيحاجة بقا عدة دقائق كايستوعب داكشي لي شااف هز راسو هو يبان له يوسف ناض كايدوي فالتيليفون وأسيل كاتلعب بالقائمة هو يهز تيليفونو بالزعفة وصونا عليها كايشوف فردة الفعل ديالها وهي كاتلفت موراها بحالا سارقة شيحاجة هادشي كامل كانو دلائل إدانتها هضر معاها وكدبات عله وهو كايشوفها قدامو متوترة وكاتجمع فحوايجها غمض عينيه بنرفزة هضر معاها وقطع عليها شافها رجعات كتبات شي حاجة وححطاتها فوق الطبلة وخرجات كاتقلب على طاكسي غير ركبات هو يهبط ومشا للداخل مابانش له يوسف عيا يقلب عليه ووالو رجع فوق الطبلة والشرر كايخرج من عينيه لقا واحد الورقة هزها وبدا كايقرا تعصب وكمشها ولاحها فوق الطبلة وزاد خرج من القهوة ومشا ركب فلوطو دبالو وغادي مكسيري وقف فالسطووپ حيت كان الزحام بزاف وهو معصب كايضرب فالڤولون من بعد ما خفات حركة السير كسيرا ومشا للدار دغيا غير حط لوطو ويدها ومشا ديريكت دخل للڤيلا سمع التقرقيب فالكوزينة ومشا نيشان لعندها جمع القبضة ديالو ومشا دخل)
علاء:(كان عاقد حجبانو غير شافها تقلبو عينيها وطاحت هو يتطلق بلا هوااه وتخلع علييها شد فيدها) أسييل أسيييل ماالك وااش كاتسمعييينيي أسييل يييخ تفوووو اشدااني نقييييها تفوووووو أسييل كاااتسمعيني تفوووووو (ناض بالجرا وهزها بين يديه وهي مغيبة طلع بيها كايجري للبيتهوم حطهااا فوق النااموسية وهز كاس ديال الماا كان حداه وبدا كايرش عليها شوية ديال الما ووالو مابغاتش تفييق تخلع علييها ياكما قتلها ولا شيحاجة هز يدها كايقيس النبض ديالها حط راسو على صدرها حتا سمع قلبها عاد رجعات فه الرووح ومشا كايجري هز پارفان ديالو رشو على يدو وبدا كايخليها تشموو من بعد عدة محاولات عاد بدات أسيل كاااتحرك فعينيهاا وهي كاتحس بحالا دوز عليها شي حد بدكاكة بقا معاها علاء حتا فاقت وناض دغيا جاب ليها الما تشربو عاونها حتا گلسات وبغا يعطيه ليها تشربو غير حلات فمها وهي تغوت)
أسيل:اااي😭
أسيل الله حلات فمها تشرب و هو يوجعها بكثرة ما عطاها علاء التصرفيق زعزع ليهاا السنان ديال العقل زعزهوم وجهها كامل مابقاتش كتحس بيه نهائيا ..
أسيل : اي😭😭
علاء: ماااالك؟؟
أسيل:"هزات عينيها فيه " والووو ..( هزات الكاس و حاولات تشرب بشوية ..شرباات غير جغمة و حطاتو حداها فوق الكوافووز )علاء بقا واقف على راسها شافها شربات و دار هز فيست ديالو بلا هضرة بلا جوج و تيلي ديالو و سوارات لوطو و خرج و زدح البااب هبط دغيا ركب في لوووطو و كسيراا الى المجهوول ..علاء من نوع لكيتعصب خاصو يبقى بوحدو ..فضل دبا يخرج مايبقاش حداها خاف يزيد يكمل عليها و هو هكااا مكيتحكمش في اعصابو ..يديه ديما سابقااه و هادشي لمعرووف عليه وخا هو عمرو هز يديه على خواتااتو و لا مد يديه على شي حد و لكن لتجرأ عليه شي حد ..شحال هذي في ايام قراية من كانو دراري يجبدوه ..الأسلوب باش كيدوي هو يديه ..أسيل بقات حانية راسها و دموعها نازلين بحال شلاااال تا سمعاتو خرج و زدح الباب من موراه عرفاتو خرج ..وهي طلقها بكاواات و تنخصيص ..
أسيل:😭😭😭😭علااااااش شك فيااا و مخااالانيش نشرح ليييه و ضربني و تعدا علياااا الحمااار 😭😭😭😭 (ناضت بشوية دخلات الحمااام و هي توقف قدام مراية و هي تشهق من منضر وجهها لكان الواحد يتوضا منو من الجمال ديالو ..و دبا كلو زرك نيت دار ليها ضرب ديال الصح ..صباعو بقاو مصورين في وجهها و تحت عينيها زرااقو زيادة على فومها مجروح و هابط منو الدم ..)😱😱😱ويلي ويلي اش داااار فيااا الحمار😭😭😭الله يلكيهااا ليه يارب...لا اويلي يا ربي تنجيه ..يخخ من القلب و ميجي منو تفوووو عمر شي حد محط علياااا يديه 😭جا الحمااار لاخور فرشخني تفرشيخة نيت و مخالانيش تا نشرح ليه ...و لكن انا لكذبت عليه و خبيت عليه ماعرفت فاش كنتي كاتفكري ا أسيل ولكن انا كنت باغة نعرفو على يوسف ونعاود له من لول تا لخر من بعد مايتصالحو و لكن هو شك فياااااا و طعني في شرفي ..كون غير خلاني نشرح ليه ...يخخخ وليت كندوي مع راسي كلووو بسبااابو اخرتو يسيفطني سبيطار الحماق (مشات اسيل فارماسي لفي الحمام فتحاتو و جبدات شي بوماضات ..طبقات ما دافي شوية و صابون و حاولات تغسل وجهها وخا غير بشوية وخا كتألم صبرات من بعد هزات واحد بوماضة ديال الام و ديال اثار ميبقاش و دوزتها على دقات لفي وجهها و هزات كريم ذهنات وجهها كامل و هزات زيت ديال شفاه دارتو فمو و جمعات شعرها على شكل سفنجة الفوق مرخوفة و مشات ماريو جبدات دوني و شورط لبساتهوم و قادات بلاصتها و تخشات فيهاا و هي هازة تيلي لشرا ليها و فاتحة كاميرة كتشوف في وجهها ..تا وصلها مساج من يوسف و فتحاتو ..
يوسف : asil wach kayan chi mochkil mchit hdart rja3at mal9itakch kantamana tkoni bikhit wmaykon 3andk ta mochkil ..wsamhili 3la iz3aj ...
اسيل : اشمن خير الله يهديك .."slm hmdlah smahli mchit bla man9olik walo w9a3 m3aya wahad mochkil mohim lingolik bassma khaliha 3liya wkon hani kolchi ayta9ad...antalabk matsiftch liya msg wla tsoni liya tansoni lik ..okif 9otlik kolchi aykon howa hadak 3awal 3liya ..by ..
أسيل سيفطات ليه هاذ مساج و هزات تيلي كتشوف فيه و هي تنوض مسحات كلشي مساجات و نوامر وديزانساطالات فايسبوك وواتساب و مسانجر ..و حيدات نمرتها و مشات الماريو جبدات تيلي ديالها القديم ركبات فيه النمرة و دارتو يتشااارجا و هزات تيلي لجاب ليها علاء دارتو في كارطونتو و ردات معاه جميع لوازمو و حطاتو فوق الكوافوز جيهة علاء و مشات لبلاصتها كتحاول تنعس و لكن والو نعاس طااار كطفي و تشعل في فيووزة تا سمعات باب تحل ..و هي تنوض ضرباات كلاس ..
عند علاء غير ركب في لوطو ديالو و كسيراا مشا نيشان البحر حبس لوطو و هبط تكا عليها و ربع يديه كيشوف في اموااج و في البحر في ليل لكيكون هايج و منضر ديالو واعر و كيتفكر شنو داز هاذ العشية كامل ..تفكر العصااا لعطاها و ندم حيث هو ماشي من نوع لكيضرب مراة ..خواتاتو عمرو هز عليهوم يديه ..و لكن اسيل خرجاتو على طووعو خلاتو يخرج اعصااب ديالو كاملين فيها ..بقا كيتنهد و يخمم ..وجميع الافكار جاات في بالو خايبة و لكن وخا هكااك عندو ثقة في أسيل انها مكديرش شي حاجة خايبة ..هو الحاجة وحيدة لكتقتلو هو الكذووب و بالأخص الواحد كيكذب عليه في وجهو هاذشي لصعرو نيت و مقدرش يتمالك اعصابو باش ميحطش عليها يديه و لكن صافي كاس الفاض وعياا ميصبر عليها و لكن والو ..بقا كالس مدة و هو كيخمم تا جات في بالو خالتو و الجملة لكاتليه نهار عرسو ..انه يدير أسيل في عينيه و يتهلا فيها ..ندم حس برااسو بحالا خان ثقة لعطاتو خالتو و هي دبا امانة ديال خالتو ..و هي وحيدة دبا بلا أم بلا أب حس راسو بحال لحكرها و زيد خلاها بوحدها في دار ..
مشا ركب دغيا في لوطو ما وقف تا لحدا الفيلا دخل طونوبيل لداخل وبلاصاها و فتح باب فيلا لقا كلشي كيف ماخلاه ضو شاعل في كوزينة و في كولوار مشا طفا ضواو و طلع نيشان بيتو غير فتح الباب دخل بانت ليه أسيل مخشية في بلاصتها و كالسة شاعلة ضو لفي جيهتها و من سمعاتو حنات راسها ..
الساقطة و الملتزم الجزء 20
محتوى القصة
التنقل بين الأجزاء