أسيل طمنات بسمة انه كلشي ايتقاد و نزلو لقاو غير عائشة و امينة و اسراء ..كلسو كيفطرو و كيدردشو بيناتهوم تا ناضت أسيل كوزينة نصبات الغذاء هو الاول اما اسراء كتغسل ماعن و امينة كتجمع دار ..اما بسمة مكيخليوها دير والو غير كالسة ..خرجات هي و عائشة جردة كيتشمشو و بنات كل وحدة اش كدير تا سالاو شغلهوم و رجال رجعو دار و اذن ضهر طلعات اسيل توضات و صلات و هزات تيلي شافت واش زعما يقدر يكون مصوني ليها و لا لا ساعة والو و تاهي فضلات متحاشيهاش ليه حطاتو و نزلات حطات الغذاء و تغذاو جمعات ماعن و خلات امينة كتغسلهوم و طلعات نيشان بيتها و دخلات كطوي حوايج كتلف فيهوم الوقت تا سمعات تيلي كيصوني و ناضت كتجري كيحسااب ليها علاء ساعة تصدمات من لقاتها اماني و هي تجاوب بحزن ..
اسيل: و سيري بدلي حوايج انا غادي نبدل و نمشيو و لكن غير نوصلك و نرجع ..حيث خاصكوم تحلو سوء تفاهم ديالكوم بوحدكوم..
بسمة: وخا وخا غير وصلني قبل منولد في طريق 😂
اسيل: داكشي لباليا و سيري بدلي ..
بسمة: هي الاولى ..مشات بسمة كتجري بيتها بدلات حوايجها لبسات سوليبيط تجين واسعوو هزات شعرها كوتشوفال الفوق و دارت غير مايكاب خفيف لبسات سبرديلة بيضة و هازات صاكها في جنب و تريحات و خرجات مشات طل على أسيل لنااضت تا هي جبدات سروال تجين و تيشورت في حكل لبساتهوم و جمعات شعرها على شكل كعكة فوق و دارت مايكاب خفيف لبسات خاتمها ديال زواج و ساعتها في يد و هزات صاكها و سوارت لوطو ديالها و تيلي ديالها الله تخرج و هي تحل بسمة باب ..
بسمة: واجدة ؟
اسيل: واجدة يا الله احح ناس ثاني على توتوز و لوز و برقوق اش هادشي😉
بسمة: احح عليااا😌😌بلا متشكريني عارفة راسي ..
اسيل : تبااا لتواضعك😂زيدي زيدي ..
هبطو البنات لقاو غير اسراء و عائشة رجال مشاو خدمتهوم و امينة مدرستها (أسيل قليل في كتمشي كتاخذ غير درووس و مع العام الاول معندهاش حصص بزااف غير 3 ايام في اسبووع ) علماتهوم اسيل بانها خارجة مع بسمة يقضيو شي غرض و يرجعو و داكشي لكانو سلمو عليهوم و خرجو ركبات اسيل في لوطو ديالها و في جنبها بسمة ..و كسيرات ما وقفات تا حدا كافي غير هبطو لقاو يوسف كيتسناهوم ..غير شافهوم ناض وقف ..و تبارك الله زاد زيان و تكلضيمة وو الوقفة راجل و نص 👌سلم على اسيل بيد و بسمة غير ابتسم ليها حشمو قدام اسيل زعما ..بسمة حانية راسها ووجهها حمر كتفكر شحال من مرة قطعات عليه و شحال من مرة بلوكاتو مركااات و هي غير ضالماه ..
اسيل: يا الله نخليكوم دباا انمشي ..
يوسف: كلسي أسيل فين اتمشي؟
اسيل: خاصكوم دويو بوحدكوم و تحلو سوء تفاهم ليبانتكوم ها هي امانة عندك من تسالي وصلهاا و عنداك ثم عنداك تقلقها ها وذني منك ..
يوسف: لا كوني هانية في عينيااا بسمة 😊شكرااا ليك بزااف خيرك عمري نساااه تا نموت ..
أسيل: كلشي درتو على قبل ختي على واجب يا الله انا مشيت ..
بسمة: شكراا حبيبتي بزااف بيناتنا تيلي 😍😙
أسيل: يا الله بسلامة (لاحت بوسة بسمة في هواء و خرجات ) ركبات اسيل في لوطو ديالها و ضرباات ضورة ما وقفات تا حدا مول مابغاتش ترجع داار دبا ..دخلات كدور ولاعجبتها شي حاجة كتاخذها و اي حاجة عجباتها ديال دراري صغار كتاخذها بسمة بقات كضور في kenitra mall تا دروها رجليها و هي تمشي metropole الله كلسات و هي تسمع تيلي ديالها كيوصني جبداتو و لقاتو علاء لكيصوني 💔💔
♡عند بسمة و يوسف ♡
..كلسات بسمة حانية راسها و قدامها يوسف بقا مدة كيشوف فيها و هما ساكتين تا ناض و كلس في جنبها ..
يوسف:"حط يديه على يديها" بسمة شوفي فياا ..
بسمة:"هزات عينيها فيه لمغرغين بدموع" يوووسف س..م..ح..لي😢
يوسف:(هز يديه و حطها على حناكها) شوووو منبغيش نشوف هاذ عينين مدمعين من ليوم ..و كلمة سمحيلي هي لمنسمعش منك ..انا وحيد لخاصني نكول هاذ كلمة نتي عانيتي و تعذبتي بلا قيااس و هادشي كامل بسبااابي انا
بسمة: لا لا نتا مدرتي والو كلشي بسباب ديك بنت الحرام الله ياخذ فيها حق😢
يوسف: هذيك را كتعاقب دباا معندكش لاش تبقاي تفكري فيها كل واحد كياخذ جزاءو ..دبا مبغيت تا حاجة تقلقني (هز يدو لوخرا و حطها على كرشها) بغيت يجي ولدي دنيا يلقا ماماه و باباه حداه ..علاس خبيتي عليا ابسمة و تعلمتي كذووب فوقااش تعلمتيه..هاا؟
بسمة: سلامة ادبا كنتي مزيان بديتي ثاني ..شووف را مكنتش في كامل قوايا عقلية را كنت معصبة منك لواحد درجة متصورش (حنات راسها) سمحيلي كنت ضالماك 😣
يووسف:امم وخا الالة تا تولدي و نتافهمووو..دبا اهم حاجة حقيقة بانت و تا انا غالط دغياا ثقتت و لكن من شفتك في داك وضع بعيني مقدرتش نستحمل ..غالب الله
بسمة:(هزات يديها و حطاتها على حنكو) خليونا نساو كلشي و نبداو من الأول ..
يوسف:(باس يديها من داخل) كلشي غادي نسااوه من ليوم مكاين غير انا ونتي و ولدنا 😙
بسمة: ان شاااء الله ..😍
يوسف : خاصنا نديرو العقد ديالنا هاذ الأيام قبل متولدي باش من يجي ولدي يلقا ماماها و باباه بجوج ..
بسمة: وخاا هي الأولى و لكن خاصني نشوف اسيل هي ليبقات ليا دبا من بعد موت واليديا و ماما خديجة😢
يوسف: الله يرحمهوم يا رب..باركة في راسك احبيبة مهم انا عارف كلشي و غادي نهضر مع اسيل و من دبا نيت ..
بسمة: يا الله نتمشاو في بحر بغيت نتمشى ..
يوسف: متشربي والو مافيكش جووع؟
بسمة : نووو باقا مكهومة غير يالله نخرجو ..
يوسف: هي لولة (عيط على سرباي خلصو في قهوتو و ناض شد فيها و تشابكو يدين و خرجو كيتمشااو و كيخيويو قلبهوم على بعضياتهوم)
♡عند اسيل♡
غير كلسات في كافي و هي تسمع تيلي ديالها كيصوني هزاتو وهي تلقا نمرة ديال علاء بداات كتقفف غير بوحدها بزز باش دوزات خط ..
اسيل:الوووو!!
علاء:سلام لبااس؟؟
اسيل: حمد الله ونتا ؟
علاء: حمد الله ..فين مالين دار واليدة والواليد بخير ؟
أسيل: كلشي لباااس ..
علاء: ايوا حمد الله خاصك شي حاجة؟
اسيل: هاذ سااعة لا ..
علاء: اوك فينك نتي؟؟
اسيل: خارجة
علاء: بووحدك ..؟؟
اسيل: لا معا بسمة ..
علاء: اوكي سلمي عليها بسلامة..
اسيل:بسلاامة (قطع ) ..(مع راسها: هذاا مالو يخخخ )..بقات اسيل كالسة في كافي و كتفكر في علاء و هو كذلك كالس في كافي و كيفكر فيها تا بدا كيضلام حال هو رجع اوطيل و هي رجعات لدار دخلات لقات بسمة باقي مجات عرفاتها مع يوسف باقاا ..صونات ليها و كاتليها شوية و تجي ..و دوزات ايها يوسف خبرها بانه خاصو يتزوجو و كاتليه لاكانت موافقة و لاكنتي باغي اجي من غذاا ..بلاصات لوطو و دخلات لقات عائشة بوحدها التحت مشات سلمات عليها و كلسات و حداها و اضطرات تعاود ليها على بسمة و علماتها بانه غذا ايجي يخطبها ..عائشة بقات فيها بسمة و مع هي امانة خلاتها ليها خديجة فخاصها ديرها في مقام أسيل ..كالت أسيل انها اتفاتح حاج في موضوع و غذا يجي مرحبا بيهوم بسمة بنتهوم دبا...فرحات اسيل و باست على راسها و طلعات دازت عن امينة بيتها سلمات عليها و مشات بيتها بدلات حوايجها و توضات صلات و هبطات كتوجد العشاء هي و اسراء و امينة و عاودات ليهوم أسيل على بسمة فرحو ليهاا ..تا سمعو دقان مشات اسيل كترجي حلات باب لقاتها بسمة لوصلها يووسف و بقا حابس تا حلات اسيل باب شير على اسيل بيديه زعما سلام و تحرك اما بسمة دخلات بمشيتها و كتعوج و عينيهوم فيهوم فرحة فرحات ليها اسيل ..غير سمعوها بنات جات و خرجو كيجريو تلقاو ليها و داوها صالة حدا عائشى و دارو ليها لونكيط..و عاودات ليهوم كلشي و كاتليهوم بانه غذا ايجي باش يتافقو على كلشي و نيت فيهاذ يومين يجمعو وراق ديال زواج و ديك ساعة يتزوجو ..فرحات عائشة و دارتها في مقام بنتها و كاتليها مرحبا بيه دعات معاهوم ..بقاو كالسين تا جا حاج و اسماعيل حطو العشااء و تعشاو من بعد جمعو ماعن و غسلهوم و كل واحد شد بتيو الا اسماعليل و اسراء لبقاو كيتفرجو اما امينة و بسمة طلعو عند اسيل بيتها و كلسو حداها كيتجمعو معاهاا و يتعاودو بسمة فرحة مقادتها شكرات اسيل ثاني و عنقاتها و كلسات تبوووس فيها..و بخصووص من وراتها داكشي لشرات لبيبي ديالها عينيها دمعو ..هادشي علاش كيكولو بنادم لمزيان عمر ربي خيبو ..مشات امينة بيتها و بسمة تا هي مشات بيتها بدلات حوايجها و كلسات كتهضر مع يوسف لمسخاااش بيها و كاليها توجد الوراق باش هاذ ايام يدرو العقد ..اما اسيل توضات و صلات العشاااء و شفع و الوتر و مشات طواليط قضات حاشتها و ذهنات وجهها ولبسات دوني و شورط ..خرجات طفات ضوء و مشات تخشات بلاصتها و هي تهز تيلي دوزات نمرة علاء باش تعلمو بانه غذا يوسف ايجي يهضر في بسمة بقا كيصوني مدة عاد جاوب..
أسيل:(بقات كاتعاير فه فخاطرها على التعطال لي تعطل عليها عاد بغات تقطع هو يجاوبها)الو....
علاء:الوو أسييل
أسيل:علاء واش مديرونجيااك ولا كيفاش
علااء:لا نهائيا غير كنت كاندوي أپيل ڤيديو مع داك الكاتب لي غانحضر للندوة ديالو بغيت النسخة لولا من الكتاب تحط فالمكتبة ديالنا راكي عارفة
أسيل:تاتكون نتا كاتصوني عليا حباا فيا مهم انا بغيت نگوولك بلي بسمة غاترجع مع هاداك
علاء:شكوون هاداك
أسيل:احم احم غاترجع مع يوسف هاداك معامن غلطات فالاول هادشي كان غير سوء تفااهم ولعبة من طرف تالت مهم تا ترجع ونعاود لك بالتفصيل الممل
علاء:بصاح وبسمة بااغية هضري معاها وحاولي تقنعيها بلي ماشي حيت غاتكون أم عازبة ترضا بلي كان راه بسمة ختك وختي تا انا ومانرضاهاش ليها نهائيا الا كانت قابلة بخااطرها 100% مرحبا والف مرحباا الا كانت غير باش يصلح الغلط ديالو راه مابغيناهش يرجع منين جا
أسيل:(بعدات التيليفون على ودنيها مصدومة من هادشي لي كاتسمع بصاح علاء راجل واي وحدة تمنااه وعجبها الحال بزااف حيت عتتابر بسمة ختو ومابغاش ليها شيحاجة ضرها)هادشي علاش بغيتك ا علاء (سمعاتو كايعيط عليها هي ترجع التيليفون لودنها)احم احم كانسمعك
علاء:مهم سمعتيني ياك
أسيل:لا كون هااني كاتبغييه بزاف وكايبغييها هو وبااينة من عينييه
علاء:😒ونتي بااش عرفتي هادشي كامل
أسيل:(صدمها للمرة التانية تايحقق فأي حاجة گالتها ولكن قررات تسكت دباا حيت ملي غايجي غايشوف كولشي بعينيه وغايعرف بلي غير ضلمها وهادشي لي مصبرها)غا گلتليك تعبير مجازي وصاافي مهم
علاء:اوا صافي الله يكمل عليهم بالخير
أسيل:اميين احم اوا كيداير الجو تما كيدايرة اماني ويعقوب عبد الهادي
علاء:لاباس عليهم تغديت عندهوم اليووم ناس الخير الله وعرضو عليا نبقا معاهم بلاصة مانبقا فلوطيل ولكن انا رفضت كاتفضل ناخد راحتي ونكون في كامل حريتي
أسيل:ااه بصااح مزياان هضرت معاها نيت گالتليا كون غير جيتي معاه ولكن مهم راك عارف
علاء:(تنهد) اااه ماكرهتش ولكن فهاد الفترة بالضبط محتااج نبقاا بووحدي حيت داكشي ا أسييل ماشي سااهل وماقادرش اتمحا ليا من بالي
أسيل:كاتشد غير فالحوايج الخايبين ا علاء خاصك تفكر حتا فالحوايج الزوينين معتاارفة غلطت ولكن نتا مابغيتيش تسمعني ولا تعطيني فرصة ولكن نعاود نگولها لك مع الوقت غاتعرف كولشي وغاتشوف كولشي بعينيك
علاء:اودي يكوون خير اما بالنسبة لهضرتك ماكانفكرش فالحوايج الخايبين وصافي كانفكر حتا فالحوايج الزوينين لي بيناتنا لي كتاار بزااف
أسيل:(بلا ماتحس نطقات حيت عقلها كان كايفكر غير فكيفاش غاتقدر تبقا تنعس بوحدها الا مشات بسمة وعلاء باقي ماجا ولا الا ماكانش) كاتنعس بلا مانكون حدااك عاادي
علاء:(تصدم منها لدرجة حشم شوية ولكن تدارك الموقف) بصراحة كاتجيني صعيبة خصوصا ولفتك بزااف وولفت نكون انا وياك فنفس البلاصة احم لمهم نرجعو لهضرتنا انا مانسييت تا حاجة داازت بينااتناا نهائيا فهمتي
أسيل:(قلبها ضرب خصوصا فهماتو كايدوي على دك الليلة حشمااات وتزنگات ووجها ولا حمر بالحشمة ولات باغة غير تقطع لاپيل بالجرا بقات كادور فعينيها حتا حطات التيليفون وقطعات بالجراا وشدات وجها لي رجع حمر) اووف نااري شنو درت قطعت عليه ولكن حشمني انارري والله الا حشمت اووف تا انا فمي كاياكلني دبا يصحاب ليه غير موحشة فدااكشي تاني هااك ا فمي هااك ا فمي (بدات كاضرب فمها) من هنا القدام بقاي تعرفي شنو كاتگوولي ا أسييل اناااري اووف منك (هزات تيليفون سيفطات لعلاء مساج گالتليه تيلي ديالها ديشارجا داكشي علاش قطعات عله رجعات هزات حوايجو وحطاتهم حداها وطفات الضو عنقات مخدتو وحاولات تنعس وهي فرحانة حيت علاء مانسااهااش فهمات بلي هو غير معصب منها وغير يفهم شنو وقع وشكون هاداك معامن شافها كولشي غايتصلح وعلاقتهم غاتولي أحسن بكثير نعسات أسيل وهي مطمئنة ورااسمة فبالها أحلاااام وردية هي وعلاء ويلا كتاب مع وليداتهم وبغاتو من قلبها وتيقنات بلي هو رجل أحلامها لي عمرها تخيلات راسها غاتكون مع شي واحد ولكن علاء بدل كولشي بدل المنظور ديالها للحياة وعرفات بلي الرجال ماشي بحالبحال والناس كاملين حجر وطوب وهو بغاها رغم العيوب الكتييرة لي فييها وتقبلها واخا ماكانتش منااسبة ليه نهائياا ومنااسبة لعاائلتو ولكن بغااها وحافض عليها ونفذ اي حاجة گالها ليها ووعدها بيها.... ♡)
أسيل:(صباح جديد عند البطلة ديالنا من بعد ما فاقت قبل ما يودن الفجر وتوضات وصلات ورجعات كملات نعاسها حتا حسات بشي واحد كايقيس ليها فوجها بحنية غير حلات عينيها هي تلقا عائشة خالتها ضربات الگلاس وباست ليها يديها) خالتي صباح الخير
عائشة:انا ابنتي جيت نهضر معاك فالصباح قبل مايفيقو البنات حيت باغة نهضر معاك فموضوع بسمة وبغيتك طمنيني انا عارفة بسمة ماغاتخبي علك والو ونتي أقرب وحدة ليها واخا تبغي تخبي علك غاتفهميها حسن منا كاملين وهاد الموضوع ملي هضرت مع الحاج گاليا تا هو نفس الهضرة بسمة بنتنااا ماتبغيوش ليها شيحاجة خايبة
أسيل:فهمتك ا خالتي ولكن بغيتك غير طمني وطمني معاك عمي الحاج بسمة فرحاانة وبزااف ويوسف راجلها كذلك بااغيها كتر من راسو ويلا كنت غانطمن على بسمة فشي بلاصة خرا هي مع يووسف غير كوني هانية اخالتي حيت هوما كايبغيو بعضياتهم غير ولاد الحرام لي دخلو بيناتهم
عائشة:اوا حمد الله ابنتي گولي لبسمة رغه تاهي بنتي وملي تحتااجني انكون فجنبها گلتها ليها شحال من مرة ولكن بغيتها تسمعها منك تانتي باش تيق فيا وتعتابرني بحال خديجة الله يرحمها
أسيل:(عنقاتها) اصلا نتي بحالها نفس الحناان نفس الهضرة نفس كولشي الله يخليك ليا وصافي اخالتي
عائشة:ههه اميين ابنتي اوا نوضي ابنتي غسلي وجهك وهبطي تفطري ماحدك فقتي ونيت نجمعو الدار شوية ونخملو باش يجي العريس يلقى كولشي هو هاداك
أسيل:واخا اخالتي كوني هانية (مشات عائشة خرجات من الشومبر وناضتت أسيل كاتجمع فشعرها ودخلات الحمام قضات حاجتها وغسلات حالتها غسلات وجها وسنانها وخرجات لبسات پيجامة ديال الدار طويلة ولوات عليها شال وهبطات للتحت گلسو مجموعين كايفطرو ما عدا بسمة وأمينة لي ماكاتقراش بالصباح كاتصبح ناعسة اما بسمة راه معدورة فطرو مجموعين وجمعو الطبلة وغسلات إسراء الماعن وفرقو الشقا بيناتهم...
. وهكا دازو 5 أيام بالحساب البنات خملو الدااار مزياان بينما علاء كان فالربااط گالس فالاوطيل كايرتاح كيفما گال وفنفس الوقت كايشوف المكتبة ديالهم تما على حساب عبد الهادي ياخد شوية ديال الرااحة بدات الندوة لي كانت غادوم لمدة أسبوع وعلاء كان كايحضر يوميا وفالمقاعد الامامية وفالنهاية كايهضر مع الكاتب وكايتنااقش معااه باغي ياخد النسخة الاولى ديال الكتاااب باش تحط فالمكتبة ديالهم حيت عندو قيمة كبييرة كان اليوووم التالت فالندوة وعلاء غادي فالطريق سايگ باش يگلس فمقعدو كالعادة حتا سمع تيليفونو دار الكيت وبقا كايهضر كانت أسيل لي كاتعلمو بلي اليوووم غايجي يووسف لعندهوم باش يسنييو العقد حيت جمعو الورااق ودااكشي من بعد ماتعرفو عله في لقاء سابق كان قبل يوماين وحبووه حيت يووسف راجل ونص وعارفين إختيار بسمة صحيح واخا عاتبوه بزاف حيت خلاها فالمااضي ولكن سمحو ليه دبا اما علاء هضر مع بسمة وعتاذر منها حيت كان غايب على حساب الندوة وتاهي عذراتو وگالتليه ماكاين لاش)
أسيل:اوا طريق السلامة طهلا فراسك انا غانقطع دبا باش نكملو التوجاد غايجيو دار يوسف من بعد ساعتاين هكاك
علاء:واخا
أسيل:(قطعات مع علاء ومشات تقاابل شغاالها من بعد ما سالاو شغل الكوزينة والشهيوات ديالهم طلعات عند بسمة لبيتها كاتعاونها توجد رااسها حيت يوسف وختو مابقا ليهم والو ويجيو إسمااعيل مشا باش يجيب العدول اما أسيل طلات على بسمة لقاتها واجدة ومتوترة بقات شادة فيها حتا سمعو الحس ديال الطونوبيلات طلات أسيل فالشرجم كاتبرگگ اما بسمة كانت متوترة وكاتحس بوخزات فكرشها وكاتحاول ماتهتمش بيهم بزاف گلسو شوية حتا سمعو أمينة كاتعيط عليهم باستها أسيل فجبهتها وتمو هابطين بجوجات وبسمة حانية راسها من الحشمة دخلو وگلسو فالصالة أسيل حدا أمينة وبسمة حدا راجلها يوسف جا مع ختو وراجلها وبنتها الكبيرة حيت واليديه بجوج ميتين گلسو مجموعين كايهضرو حتا دخل إسماعيل رفقة العدول شدو بلاصتهوم وبداو كايقادو فدوك الاوراق وكايراجعو الطلب ديالهم من بعد ما تقاد داكشي لقاو عليهم العدول الجملة ديالهم العهوودة وبسمة ويوسف سناو بجوج وطلقو الزغااريت من بعد خرجو ادعدول من بعد ما خداو اتعابهوم من عند الحاج واخا يوسف مابغاش ولكن الحاج حلف لا خدا من عندو شيحاجة بسمة بنتو ماشي برانية وهادشي لي خلا يوسف افرح حيت بسمة خسرات الام ديالها بسبابو ولكن كسباات عائلة على قدها بسابو كذلك ركبو الخواتم لبعضياتهم وشربو بعضياتهم الحليب والتمر وناضو وقفو كايباركو ليهم حتا بدات بسمة كاتحس بتقلصاات فكرشها مابقاتش قادرة تصبر زيرات على يد يوسف لي تلفت بالجرا لعندها وهي كاتحاول ماتبينش شوية طلقااتها بغوتة صمكااتهم كااملين تصدمو ماعرفووش مالها وبداو كايسولو فيها اما هي بزز باش قدرات تهضر وتگووليهم بلي غااتولد صاافي وكاتشير ليهم التحت شافو حواايجها عمرو بالما وكاينة ضااية حدا رجليها اما يوسف شداتو السخفة مابققات تا كلمة باغة تخرج غير مطرطق فيها عينيه)
أمينة:😱هيييه هاد بسمة صگعة مااگلسااات بعداا حتااا يدوزو ليلة الدخلة وييع مسكين ايصووم 40 يووم ديال النفاس دبا هههه😂😂 وييع الشوهة والله الا صگعة
عائشة:اسمااعيل وجد الطوونوبيل راه وقتها هادي جريو اويلي واش كاضحكو
يوسف:(عاد فهم وفاق من الگلبة وهز بسمة بالجرا ومشا خرج وهوما تابعينو أسيل طارت حلات له الباب ديال الطونوبيل ديال اسماعيل دخلو بسمة گلسووها ويوسف حداها وعائشة القدام وأسيل حدا بسمة اللور ولاخرين تفرقو فالطونوبيلات لاخرين وأسيل شادة فبسمة من هاد اليد ويوسف من اليد لاخرة وإسماعيل غادي بالزربة هو مولف إسراء ولا حافض طريق السبيطار)
يوسف:(وهو صفر اللون مشا من وجهو) بببسممة... كوولشي غايكون بييخير ماتخلعييش
أسيل:(بقات كادعي فنفسها يكون كولشي بيخير وعلى خير وبسمة تولد وليدها على احسن ما يرام وأخييرا وصلو للمستشفى غير وقف اسماعيل خرجو كاملين ويوسف هاز بسمة بين يديه لي ولات كسوتهااا حمرة بالدم ديال الرحم ودخل كايغوت جاو الفرنليات كايجريو معاه ودخلوها نيشان للغرفة باش تولد صافي راس البيبي بدا كايخرج وغايتخنق لا بقاو هكاك دخلات بسمة للغرفة وبالجرا حيد ليها يووسف كوولونها وسليپ ديالها وهزو ليها رجليها ربطووهوم تما دخلات الطبيبة كاتجري ويوسف شد فيد بسمة اما فبرا وصلو كاملين وبقاو كايتسناو شي خبار تفرحهوم اما أسيل لاصقة مع الباب خايفة هضرة بسمة كاتعاود فودنيها وخافت لاتكون بصاح مابقاتش قادة على شي صدمة ااخرة گلسات على ركاابيها كاتبكي خايفة جات عندها عائشة كاتگوليها تقوي راسها وماغايوقع والو من بعد مدة داازت طويييلة على اسييل وهي ماعارفاش ختها شنو واقع ليها الذااخل تسمعات صرخة قوية لدرجة كولشي تلفت وجا لصق على الباب وتلااها بكاء طفل صغير يعلن حضووره الى هذه الحيااة أسيل بدات كاتبكي بالفرحة من بعد خرجات واحد الفرملية وطارت عندها)ختي وواش بسمة بيخير وولدها واش هوما بيخير
الفرملية:كاتقصدي المرا لي لدااخل ااه اختي بيخير والصحة ديال الجنين تا هي بيخير خاصها غير شوية ديال الرااحة وصاافي
أسيل:شكراا اختي شكرا (مشات الفرملية وأسيل تلاحت على امينة معنقااها كايضحكو وكايباركو لبعضياتهم من بعد خرجات الطبيبة طمنااتهم وعطاتها إسراء الصاك ديال الحوايج حيت هي الوحيدة لي تفكراتو من بعد ما خرجو كاملين من بعد عدة دقائق أذنو لهم بالدخوول دخلو مجمووعين كايشوفو فبسمة عينيها ذابلين باين عليها العيااا وتحت عينيها باقي فه الكحول لي تجخلط ومسحوه ليها ولكن باقي كااين شي شوية مشات أسيل طاارت عندها كاتبووس فيها وتگوليها على سلامتك وتعاتبها حيت خلعااتها خلعة ديال بصاح وهوما كايباركو ليوسف وبسمة دخل البيبي لهاد الحياااة ملامحو مزال ماتفرزات لمن كايشبه مغمض عويناتو ولابس طريبيشة صغيرة هزو الحاج أذن له فوذنييه وبداو كايضحكو وكايختارو له الاسم وداكشي من بعد ما حارو حيت كولا بغا إسم معين شافو فيوسف وبسمة لي بجوجهوم نطقو دقة وحدة *صفواان* ضحكو مجموعين وبداو كايتنااوبو على البيبي حتا هزاتو أسيل لي تأثرات بزاااف وعينيها غرغرو وهي كاتشوف فه ناعس مطمائن وصغيييور بزااف كولا حاجة فه صغييورة بدات كاتبكي ودموعها كايطيحو على وجهو الصغييور وهي كاتحاول تحبسهوم وكاتقيس له فيدياتو ورجيلاتو المغطيين بتقااشر بااستو وحطاتو فبلاصتو بحذر تاام بحال شي قطعة ديال الزااج خافت تهرس بقاو مدة معاهم فالبيت ومن بعد خرجو باش يخليو بسمة ترتاح)
يوسف:هههه ااه ان شاء الله أسييل شكرا بزاف كون مانتي ماغانكوونش هاد اللحظة وكانت بسمة غادوز هادشي كامل بوحدها باراككة عليها مسكينة ولكن نتي عمري نسا ليك خيري وولادي ديما غانبقا نگووليهم سباب زواجنا هو خاالتكوم أسيل
أسيل:ماتگوولش هكا بسمة ختي انا فهمتي ههه ماعمري نفرط فيها وكون ماكنتيش كاتستاحقها والله لا شميتيها
يوسف:هههه
أسيل:(من بعد ما كملات أسيل هضرتها مع يوسف مشات لواحد القنيتة تقنتات وبدات كاتصوني على علاء لي ماكانش كايجاوب بقات شحال من مرة كاتصوني حتا عيات وهي تفكر بلي هو مني كايكون فالندوة لداخل كايطفي التيليفون داكشي علاء هزات مساج وكتبات فه *علاء بسمة عقدات القراان ديالها تكااتبو وحمد الله داز كولشي هو هاداك ولكن فآخر لحظة جبناها باش تولد وراها دبا ولدات بيخير وولدها تا هو في صحة جيدة ملي تشوف هاذ مساج عيط عليا باي* سدات تيليفونها ومشات رجعات عند العائلة لي بداو كايمشيو ويوسف طلب من أسيل تبقا مع بسمة حتا يقضي هو واحد الغرض ويرجع دغيا وفنفس الوقت ابدل حوايجو عمرو بالدم مشاو كاملين ما عدا أمينة وأسيل....)
♡عند علاء الدين♡
من بعد ما صلا العصر لبس حوايجو و خرج شاد الطريق للندوة باش ياخذ كالعادة مقعد الأمامي ..صونات ليه اسيل هضر معاها و اعتاذر حيث ميمكنش يحضر بسمة حيث ضروري ميدوز هاذ ندوة ..وصل تما بلاصا طونوبيلتو و هبط أول حاجة دار سيلونص لتيلي باش تا حد ميصدعو و دخل كان عندو لقاء شخصي مع الكاتب لمدة ساعتين تناقش معاه على الكتاب و خذا معلومات ..وصل المغرب و مشا الجامع استأذن منهوم صلا المغرب عاد رجع و مشا شد بلاصتو الأمامية كالعادة دامت الندوة كثر من 5 سوااايع كانو فيها بزاف الكتاب و في نفس الوقت تكريم عدة شعراااء ما سالا تا 10 ليل ..عياا و تسخسخ تهلك ركب في لوطو ديالو و مشا جامع اول توضا و صلا العشاء و الشفع و الوتر و عاد رجع الأوطيل حيد فيست ديالو و دخل حمام شعل دوش🚿و دوش و لبس سروال كيطمة و تيشورت و خرج كيوجد بلاصتو ينعس تا تفكر تيليفون ديالو في الجيب جبدو و هزو حلو لقا ليزابيل ديال أسيل بزااف تخلع الله بغا يصوني ليها شااف مساج ديالها فتحو قراه و هو يوسع عينيه ..
خرج يوسف مشا يقضي واحد الغرض و يبدل حوايجو ..و البقية رجعو بحالهوم حيث ميمكنش كلشي يكلس مع بسمة بقات غير اسيل واقفة ليها على راس بيبي و كدوز يديها عليه حمقها...
اسيل: احح شحااال كيوت اناااكلو انا😙😍حبيب خالتو
بسمة: ههه تاكليه ولدي معاك بالله وشرع😒
اسيل : ياك لمك ...😑
بسمة: غير كنضحك معاك احبي ..عقبال ليك نتي و علاء بشي وليد و لا بنيتة 😍
أسيل: امين امين😍اتكون احسن حاجة و الله
بسمة: يا ربي تفرحك احبيبة تستاهلي 😘
اسيل: يخليك ليلي😙...(سر سر....📲📲) هذا تيليفوني 'مشات اسيل هزات تيلي و لقاتو علاء كيصوني' هذا علاء ...(جاوبات)
أسيل: ألو علاء ..
علاء: السلام عليكوم..سمحيلي راا كنت في ال
ندوة ومخليه على وضع صامت ...اش خباار بسمة بصح ولدات؟
أسيل: ماشي مشكل ..وي ولدات حمد الله لبااس عليها ..
علاء: دوزيها ليا لكانت فايقة ..
أسيل:هاهي ..(عطات تيلي بسمة لدوات مع علاء و بارك ليها بيبي واعتذر منها سالات معاه و رجعات تيلي لاسيل) ..
علاء: اسيل خاصك شي حاجة..محتاجين شي حاجة؟
أسيل: لا هاذ ساعة حمد الله..فوقاش غادي تجي .؟؟
علاء: اسيل باقي ماساليت شغلي و ها ندوة باقا مستمرة غير نساليها انرجع ان شاء الله ..
علاء:😮😮قطعااات علياا مزيان تبااارك الله وخاا الالة أسيل منهضرش دبا تا نرجع ليك
بسمة: مالكي نتياا اويلي 😮
اسيل: مامالي والو 😑
بسمة: واش مدابزة مع علاء؟😮
أسيل: لالا علاش اندابزو غير مناقشين و صافي ..راكي عارفة ..
بسمة:(بشك) اممم وخا مدي ليا صفوان خاصني نرضعو ..
أسيل: بلاتي نعيط على الفرملية هي لغادي تعرف حسن منا ..خرجات اسيل عيطات على واحد الفرملية دخلات عاونات بسمة تا كلسات ..اسراء كانت جابت ليها صاك فيه حوايجها هي و البيبي ..شرات بسمة بزاف بيجامات عريانين من جيهة صدر باش تسهل عليها الرضاعة ..بدلو ليها حوايجها و نضفوها مزيان ...هزات الفرملية صفوان و حطاتو ليها في ذرااعها ..غير شداتو بدات ترعد و عينيها مدمعين بالفرحة كان صغيور يديه صغيورين كلشي فه صغير مغمض عينيه و كيشووف و يدور في لسانو كيقلب باغي يرضع ههه قاداتها في الوضعية الصحيحة و جبدات ليها بزولتها و عطاتها ليه شدها دغيا و بدا يرضع بفيم صغيور و بسمة فرحانة بيه كتبوس فيه و دوز يديها على راسو ..و أسيل تا هي عينيها لمعو بالدموع تا هي بغات تعيش هاد اللحضة لمكااينش ماحسن منها في الحياة رضعاتو تا نعس و هزاتو اسيل رداتو لبلاصتو و غطاتو و قادات بسمة في بلاصتها و دغيا تكاات نعسات بسيف و هي عيااات بقات اسيل كتصور في بيبي و تسيفط لعلاء وهو ناعس ساد الواتساب ..بقات كالسة تا دخل يوسف مبدل حوايجو و هاز معاه صاك ديال لبيبي وبوشيطة ...
أسيل: على سلامتناااا ...صحابني غير علقتي😂😂
يوسف: الله يعطيك عقل كولي أمين 😂😂
أسيل: فين كنتي و اش هادشي جايب؟
يوسف: هذوو حوايج صفوان و هذاا كادو ديال بسمة 😊
أسيل: هاي هاااي وومنين جاوك نتا هاذ حوايج؟
يوسف: ههه من نهار عرفت بسمة عندها ولد و فينما خرجت كناخذ شي حاجة كتعجبني تا عمرت الصااك و هذا كادو ديال بسمة وصيت عليها هاذي 3 أيام و ها هو وجد..
أسيل: تبارك الله عليك اسااط راك تما😉
يوسف: وشنو كنلعبو هنااايا حنا 😂 نعسووو بجوج
أسيل: اه رضعاتوو ونعس و تا هي عياات و نعساات ..
يوسف:(تنهد) تعذبات بزااف الله يسمح لينا من الواليدين و خلاص...
أسيل:(تفكرات ماماها) اللهم أمين مكاينش لكيعوض بلاصة الأم أبداا العذااب لكتحس بيه من كتكون كتولد كون يعرفو الوااحد ينعس ويكوليها دوزي فوق مني ..الله يسمح لينا منهوم😢
يوسف: امين امين...أسيل خذيت غرفة خرا را في جنب هاذي سيري رتاحي تا نتي را عييتي..
اسيل: وشكون ايبقا مع بسمة؟
يوسف: هانا هنا غير سيري رتاحي ..
اسيل: وخاا طهلا فيهوم ..
♡ عند أسيل ♡
خرجات اسيل و مشات لديك الغرفة و دخلات تكات كترجع النفس ديالها ..بقا يوسف مع بسمة هبط جاب قهوة كحلة و رجع كالس عند راسها تا سمع صفوان كيبكي ناض دغيا حاول يهزو بشوية ..هزو وبقا كيحاول يسكتو ساعة مسكتش تا ناضت بسمة و كاتليه يعطيه ليها ترضعو و داكشي لكان حطو ليها على حجرها و قادات كلستها و كلسات كترضعو و يوسف على رااسها كيبوس فيها و في صفوان..ناض حل ديك بوشيطة و جبد منها سنسلة فيها اول حرف من سميتهوم بثلاثة Y.B.S (اسم صفوان ديما من كانو مصاحبين كيرسمو مستقبلهوم و كيختارو اسماااء ابناءهوم ) ركبها ليها في عنقها شكراتو و حمدو الله وشكروه على النعمة لعطاهوم الله بقاو هكاك تا صبح الحال..جا صباح جديد ناضت أسيل اول حاجة جات كلسات مع بسمة تا جاو العائلة جايبين فطور ضحكو و نشطو و الطبيبة جات فحصاات حالتها و كاتليهوم ممكن تخرج في العشية حيث ولادة طبيعة ..اسيل استاذنات و مشات للدار بدلات حوايجها ..تبعاتها امينة و اسراء لوصااتهوم عائشة باش يجهزو بيت لبسمة و يوسف تا يرتاحوو يدوز السبوع عاد لابغات تمشي لدارها ..يوسف معتارضش و حتا بسمة فرحات حسات راسها وسط عائلتها ..فاق علاء تا هو بدل و قاد اموورو هبط فطر هز التيلفون فتح كونيكسيو طلع ليه مسااج من عند أسيل في واتساب تصاور كانو ديال بيبي ديال بسمة بقا كيشوف فيهوم و ابتسم بلا شعور و تمنى تا هو يرزقو الله وليدات مع أسيل و داك النهار غادي يكون أحسن نهار في حياتو ..كلشي كيجري دوزو نهارهوم غير في تعديلات استقبال بسمة و يوسف كيجري من هنا لهنا قاد ابارطمو ديالو و جهزها و قاد بيت صفوان على حقو و طريق باش نهار يجيبهوم يكون كلشي مجهز ..وصلات العشية و خرجو بسمة استقبلوهوم بحليب و تمر ..وطلعوها البنات بشوية عليها باش ترتاح في بيتها هي والبيبي غير طلعو نعسو ..هضرات أسيل مع علاء لكيسول على الأحوال العائلة و بسمة طمأناتو على ان كلشي على مايرام ..جا صباح جديد و كان 3 ايام ديال بسمة لدارت فيه عائشة رفيسة و جاو بعض من عائلة يوسف باركو ليها وخواتاتو كذلك فرحو بولد خوهوم ..جاو صحابو كذلك معاه في خدمة و جاو تا جارات خديجة الله يرحمها و هاذشي فرح بسمة ..دوزو نهارهوم ناشطين و كل ساعة اسيل غادة طل على صفوان كتهزو تبوسو و تحطو ...هاكا داز نهار رابع و خامس وسادس و جااا نهار سااايع لكان فيه عقيقة صفوان كلشي نايض بكري ..كلشي كيوجد الحاج ذبح في الجردة و سمااا صفوان ..العيالات كيجريو باش يكون السبوع على حقو و طريقو اسيل كتسنا في علاء يصوني ليها باش تشوف واش غادي يجي و لا لا ..ساعة كان اخر يوم في ندوة ضروري يحضر ..اعتذر منها و من بسمة الغالب الله الخدمة مزيرة وضوروي ميحضر للندوة ...تفهماتو اسيل و كاتليه ماشي مشكل وجدو كلشي و قادوه ..دارو الرجال بنهار الطلبة و عيالات بليل امداح كانو ناس قلال و لكن كلشي كان في مستوى و كيحمر الوجه ..داز سبوع على حقو و طريقو و وصل ليل و سالا كلشي عياو تسخسخو و كل واحد اتاجه لغرفتو ..بسمة جمعات حوايجها كاملين و حوايج صفوان حيث يوسف كاليها غذا خاص يرجعها لدارها صباح باش العشية خاصو يبدا خدمة داكشي علاش جمعو حوايجهو كاملين و كيتسناو يصبح الحال باش يمشيو دارهوم ...
داكشي لكان صبح الحال و ناض كلشي فطرو مجموعين مع عائلة و غلماتهوم بسمة بانها اتمشي وخا رفضو عياو ميطلبو باش تزيد تكلس معاهوم شوية ولفوها ولفو صفوان و لكن يوسف خاصو يستاقر كونجي ديالو سالا و تا بسمة خاصها تمشي دارها ..شدوهوم بزز تغذاو معاهوم عاد مشاز بدموع اسيل و بسمة لولفو بعضياتهوم ..و كلشي ماسخاش بيها ركباات بسمة في لوطو يوسف لور و في كونة كاين صفوان لور حداها و لباليز في كوفر ركب يوسف و شكرهوم بزاااف و انطلقو اتجاه دارهوم بارطومو كانت في منطقة راقية ميموزااا عمارة على شااارع ..وصلو ودخل طونوبيل لاكاب لتحت و طلعو في لاسانسور كانت في طاج خامس فتح يوسف باب و استقبلها و رحب بيها في دارها هازة صفوان فيديها و كتشوف عجباتها ابارطمو بزااف كانت نص عصرية و نص تقليدية ..كلشي هو هذاك راقي و سامبل كيف كيعجبها ..دخل يوسف لبااليز لبيتهوم و شد منها صفوان لكان ناعس و داه لبيتو و بسمة تبعاتو شافت بيت صفوان فرحات بزااف عجبها حطوه و غطاوه ردو عليه الباب و مشاو الغرفة ديالهوم و يوسف مهداش من البسالة يدور يدور و يبووسها و هي غير كضحك فرحانة و اخيرا هي مع الراجل لبغات النهار الاول حبها الاول و الأخير و ثمرة حبهوم كاينة معاهوم مكاينش شي حاجة كثر من هكا ..
¤عند اسيل من مشات بسمة و هي فبيتها كتغبن ..خوات عليها الدار و زيادة غياب علاء تا هو حسات بالخنقة و انها بقات وحيدة ..بقات متكية و عينيها مدمعين تا صونا ليها علاء سمعات تيلي و ناضت جاوبات في البلاصة ..
اسيل:(مغبنة) الوو علاء..
علاء: اسيل سلام كيدايرا؟
اسيل: حمد الله ونتا ..باقي مهداك الله تجي 😢
علاء: انا دبا في الطريق نص ساعة ديال مكانة ونجي كنت انجي صباااح و لكن عبد الهادي كان عليا نقاد معاه شي امور داكشي علاش ..
♡ عند علاء الدين ♡
علاء سالا شغلووو و قاد الأمور مع عبد الهادي صلا العصر في الرباط و داز اوطيل جمع حوايجو و هبط خلص حسابو و شد طريق رااجع بحالو توحش أسيل بلا قياااس وخا مكيبينش و لكن واااضح عينيه فيهوم فرحة حيث اخيرا غادي يرجع لمكان لكيكون مرتاح فيه دغيا دازت جوج سيمانات طايرة و ها هو راجع لدارو و لمرتو ما هي الا نص ساعة وصل قدام الفيلا و بلاصة طونوبيل حدا الفيلا و هبط دخل ..أسيل غير سمعاتو راجع شاد الطريق و ناضت طايرا فرحانة كتنقز و مشات طايرة الحمام غسلات وجهها بالصابون و خرجات جبدات كندورة في الكحل لبساتها جاتها مع فورمتها غزالة ..مشات قدام المراية و هزات سوشوار جبدات شعرها و خلاتو مطلوق و ذهنات وجهها بكريم و دارت ميكاب خفيف هزات ريحتها المفضلة شانيل رشاات رشة تحت الوذن و رشة تحت وذن لوخرا و رشات بين صدرها في عنقهاا هزات خاتمها لبساتو و كورميط كان عطاها ليها كادو دارتها في يديها و لبسات بليغة في رجليها جمعات البيت و عطراتو بريحة العود بدلات فوطات الحمام و فرشات كلشي رتبااتو على حقو و طريقو و أسيل معروف عليها التاويل👌 كلشي في بلاصتو الناموسية مرتبة كلشي على حقو و طريقو هزات تيلي و بدات تحسب بالدقايق و ثواني فوقاش يوصل ..بقات في بيتها مابغاتش تنزل معرفاتش لاش قلبها بقا كيضرب بلا قيااس ..عائشة التحت في الصالون كتقرا القرآن ..اما اسراء مشات تجيب شهد من المدرسة و دات معاها ادام منها تمشى شوية اسماعيل و الحاج في خدمة ديالهوم وأمينة فمدرستها مكاين غير أسيل الفوق و عائشة التحت ..وصل علاء بالحس حيت طونوبيلتو مكديرش الصداع حل الباب بالسوارت و دخل تا كتبان ليه الأم ديالو لغير شافتو وقفات سلمات عليه بالعناق و باس ليها راسها و يديها رضات عليه ...واستاذن منها يطلع يبدل و يهبط يتحدث معاها ..أسيل كالسة فوق ناموسية و هازا تيلي كتبقشش في تصاور في انستا تا تفتح عليها باب هزات عينيها و هي تلقا حب حياتها وصل ❤
علاء: أسيل !!
أسيل:" ناضت عندو بدون شعور و طارت عليه عنقاتو " احح جيتي 😍😍
علاء:😳(تصدم في جرأتها و لكن مينكرش بانه تا هو توحشها بادلها العناق و هو كيشم في ريحتها لكتسطيه بقا مدة معنقها من بعد جابها قدامو ) لبااس عليك ..
اسيل:"عنيها تغرغرو " لباااس و نتا مزيان كيف دازت تسافيرة ..
علاء: اجي نكلسو و ندويو ..
اسيل: وخا ..شدها علاء من يديها و داها ناموسية كلسات تقابلات معاه و كلس في جنبها ..
علاء: اش غادي نكوليك تسااافيرة دازت من داكشي حمد الله ..ندوة دازت مزيان و قدرت ناخذ نسخة ديال كتاب ..تلاقيت مع عبد الهادي قادينا خدمة ومشيت عند اماني جوج مرات و صافي ..ورتاحيت نسبيا..
أسيل: امم مزيان ..
علاء: و انتي اش درتي ؟
اسيل: والو راك عارف كلشي عاودتو ليك في تيلفون ..
علاء: لا كنقصد واش رتاحيتي شوية ..؟
اسيل: لا ...ماشي مهم دبا راحتي انا انوض نقاد ليك حوايجك خاصك دوش باش ترتاح..
علاء: اه عندك صح ..
ناضت اسيل دخلات حمام شعلات ليه دوش وخرجات لقاتو حل باليزتو و جبد منها حوايجو و كاع داكشي لخدا ..جات أسيل كتعاونو و كتحيد حوايج الوسخ بوحدهوم باش من
بعد تحطهوم في سلة ..جبد هو حوايج لغادي يبدل بيهوم و فوطة و دخل حمام كيدوش🚿 و هي بقات كتجمع داكشي و جبدات داكشي لغادي يخصو حطاتو فوق ناموسية و خرجات هبطات كوزينة ..خلطات الحرشة دغيا و دارتها في فران طيب و عاد دارت كريب ..و كيكة ديجا كانت موجداها ديال شكلاط جبداات حلوى حطاتها تا هي وجدات كلشي و حطاتو في طبلة و كلسات حدا خالتها كتهضر معاها ..علاء دوش و خرج لاوي عليه فوطة ملقاهاش عرفها هبطات بدل حوايجو و مشط شعرو و لبس كلاكيطتو في رجليه و نزل بشوية عليه بمشيتو الرجولية ..كلس حداهوم و ناضت اسيل خوات ليهوم اتاي و القهوة بقاو كيديرو كاسكروط تا جات اسراء و الدراري ..شهد شافت عمها طارت عليه و ادام تا هو ..و وصلات تا أمينة سلمات على خوها و عنقاتو كلسو دارو كاسكروط تا هوما من بعد جمعات ماعن أسيل و غسلاتهوم ..و هي تكفض على يديها و جبدات لحم من ثلاجة و برقوق من بلاكار و لوز و ردات ليك لحم كيطيب ..طلع علاء صلا المغرب و تكا في بلاصتو تا داتو عينيه عيا بطريق أسيل تبعااتو و تا هي توضات صلات..دارت لقاتو ناعس وممغطيش مزيان قادات ليه ليزار و هبطات التحت مجمعة مع امينة و اسراء كيلعبو مع ادام و شهد كتلعب حداهوم تا دخلو رجالة و ناضت اسيل دارت عشاء يسخن و طلعات فيقات علاء هبطو بجوج سلم علاء على خوه و الأب ديالو و بداو بنات كيحطو عشاء دارت اسيل لحم بررقوق و لوز و اسراء من جات دارت شلايض تجمعو على طبلة و حطو العشاء و كلسو كيتعشاو و علاء كيعاود ليهوم على تسافيرة و الندوة..ختموها بديسير و من بعد جمعات طبلة أسيل و امينة غسلات ماعن بمساعدة اسراء و اسيل جمعات طبلة ..من بعد طلعات بيتها صلات العشاء و هزات دوني و شورط و دخل حمام طرفات حالتها و غسلات وجهها و ذهناتو و سرحات شعرها و لبسات ..اما علاء تبعها و كلس كيصلي تا سالا و حيد سروال بقا غير بشورط و تيشورت مشا الحمام لفي كولوار غسل سنانو و رجع تخشا في بلاصتو ..خرجات أسيل من حمام و مشات تخشات حداه ودارت عندو و هو كذلك تا حط ذراعو و كاليها تخشااا فيه و هي بدون تردد مشات نعسات على صدرو 😋
علاء:(فاق بالليل من بعد ما صونا تيليفونو طفاه ومشا دخل للحمام توضا وخرج صلا قيام الليل من بعد ما سالا مشا حدا أسيل وبقا كايدوز يدها على وجهو بحنية من بعد لعن الشيطان وفيقها باش تصلي الفجر فاقت مدوخة ومشات دخلات للحمام اما هو رجع كايقرا شي ايات من القرآن الكريم حتا ودن الفجر خرجات أسيل لبسات خمارها وفرشات صلايتها موراه اما هو قام الصلا وصلا بيهم بجوج من بعد ما ساالاو رجعو تكاو نعسو وهوما مقابلين مع بعضياتهم كالعادة شوية تخشات فه أسيل ونعسات على صدرو وهو معنقها بيدو هكا بقاو الابطال ديالنا ناعسين حتا وصلات 9 ديال الصباح عاد فاق علاء هو لول شاف أسيل لي كانو ريووگها سايلين ضحك عليها تا شبع وجبد تيليفونو بالخف من فوق كوافوز وصورها شي تصيورات عاد ناض ومشا دخل للحمام قضا حاجتو وغسل خرج لقا أسيل فايقة كااتحك فعينيها) صبااح الخيير☺
أسيل:صباح النور كيصبحتي مزيان رتاحيتي
علاء:اااه شكون لي مايرتاحش فدارو مع حبابو
أسيل:(حشمات وحنات راسها) احم اه اوا عنداك يزغبك الله وتمشي تانني تغيب هاد المرة انمشي معاك فهمتي اخر مرة ا علاء بزز باش صبرت قنطت بوحدي ودغيا كانتوحشك.. 😳🙊 (سدات فمها بالجرا وبقات كادور فعينيها)
علاء:هههه تا انا تووشحتك ولكن راكي عارفة الخدمة وفنفس الوقت 😉 بلا مانكمل ان شاء الله هادي تكون اخر مرة لي بغيتي نتي نتي لي غاتحكمي فكرتيني باش العشية ان شاء الله مورا الغدا نمشيو عند بسمة نبارك ليها ونتعرف على راجلها
أسيل:(فرحات حيت حيت علاء ليوم غايعرف الحقيقة بلي غير ضلمهاا)اااه وااخاا صافي غير نتغداو نمشيو ان شاء الله انا نيت توحشتها ماولفتش تغيب عليا خصوصا هاد الايام وليت غير غادة داخلة عندها وهي كدلك دبا ملي بعدات عليا فشكل مهم ومزياان نيت حتا نتاا بااش تعرف على رااجل بسمة (گالتها وجبداتها زعما زعما اما هو مادا ماجاب گاليها واخا ان شاء الله ومشا بدل حوايجو قدامها هادي اصلا غي الفوق لي بدل وأسيل زعما حشمانة منو دخلات حتا هي للحمام طرفات حالتها خرجات لقات علاء للتحت كايهضر مع الام ديالو مشات أسيل قادات الطبلة حطات الفطور وعيطات عله فطرو بجوج حيت كولشي فطر وكولشي خرج علاء بغا يستاراح هو لول عاد يرجع للخدمة والستريس ديالها أسل جمعات الماعن وغسلاتهم ومشات باش تنصب الغدا نصبات الغدا ودارتو على عافية مهييلة وجفات الدنيا نقاتها هي دخل إسراء جارة پوسيت ديال آدم كانت كاتمشاا ومشات تبدل الجو سلمات عليهم وطلعات لبيتها تنعس ولدها اما أسيل طلعات لبيتها وبدلات حوايجها ودات هادوك لمسخين دارتهوم داتهم لبيت الغسيل ودارتهم فالماكينة باش يتصبنو هبطات دغيا طلات على الغدا زادت له االما ومشات گلسات مع خالتها وعلاء مجمعين كايضحكو حتا سمعات أسيل الماكينة ومشات طلعات هزات الحوايج وداتهم نشراتهم وهبطات دخلات أمينة ومشات طلعات بدلات حوايجها ودن الضهر مشات أسيل طفات على الغدا ومشات طلعات للفوق لقات علاء طلع تا هو يصلي مشات توضات وهو بقا كايتسناها باش يصليو بجوج سالاو وهبطو بزوج دخلو الرجالة تا هوما ومشات أسيل سخنات الغدا تا هبط كولشي وتجمعو على الماائدة تغداو مجموعين في صمت من بعد ما سالاو جمعو البنات الماعن وغسلوهوم ومشا كول واحد تخشا فبيتو أسيل جبدات حوايجها كاتوجد راسها وعلاء كذلك دخل للحمام أسيل بقات كاتلبس خرج علاء من بعد ما لبس هو فالحمام وغسل سنانو خرج مشط شعرو ودار ريحتو وأسيل كاتشمشم فه دخلات للحمام دارت اكغون صوليغ وميكاپ خفيف خرجات ودارت پارفانها تا هي اما علااء مشا للپلاكار هز پزطامو وداكشي وأسيل سمعات تيليفونو كايڤيبري من فوق الكوافوزة هزاتو لقات النمرة ديال علي وهي تديه ليه) علااء شووف راه علي كايصوني علك
علاء:بصاح غي خليه انا نهبط نهضر مع مالين الدار وملي نكونو فالطريق غادي نصوني عله غي خليه دبا
أسيل:واخا لي بغيتي (طلات أسيل فالمراية للمرة الاخيرة وعلاء هبط وگالها لدارهم لايكون شي واحد باغي يمشي من بعد خرج وركب فلوطو وتبعاتو أسيل دار لكيت وبدا كايصوني على علي) الووو السلام عليكم علي بييخير اخوويا
نعيمة:وعليكم السلام اولدي
علاء:الحااجة😳 (بلاصة علاء الطونوبيل وحيد لكيت باش يهضر فخاطرو عرف شيحاجة ماشيهي هاديك)الحاجة كولشي بيخير
الحاجة:ما بيخير والو اولدي راه علي فالكلينيك خدا جرعة زائدة من داك السم وراه دارو ليه غسيل المعدة ودبا راه حالتو مستقرة ولكن باقي فكومة الاطباء كايگولو لينا داك السم نتااشر فالجسد ديالو بزاف
علااء:😨الله اكبر فين كاينين دبا اينا كلينيك من ديما كانگوليه يبعد على هادشي ماكايسمعش
الحاجة:حنا فكازا اولدي جبنااه هنايا سمحليا اولدي ماعلمنااكش بكري ولكن راك عارف هاد الايام دازت علينا كحلة راه كانت حالتو خطييرة راه غير هاد اليرماين عاد استقر الوضع ديالو وعلمتك
علاء:لا ماشي مشكل الحاجة علي راه خوويا
علاء:انا جاااي دبا لعندكوم.... صاافي وااخاا الحاجة... لا كوني هانية ماكاين لا صداع لا والو ان شاء الله كولشي غايكون هو هاداك... طيط.. طيط
أسيل:علاء شنووو وااقع واش علي وقعات له شيحاجة...
علاء:ااه علي دبا فغيبووبة خدا جرعة زاائدة من المخدرات دارو ليه غسيل المعدة ودبا عاد فات مرحلة الخطر ولكن باقي كومة
أسيل:اويييلي😨😱مسكييين ناري خرج على راااسو والله
علااء:خاصني نمشي لعندهوم
أسيل:نمشي معاك؟!
علاء:لا أسيل دبا ماعندك ماديري تما انا غادي نمشي باش نعاونهوم لاكان فاش نعاونهوم ونوقف معاهم غير يفيق ان شاء الله ويرجع للدار نمشيو مجمووعين ولكن دبا خاصني نمشي أسييل
أسيل:بصاح فهمتك وي عندك الحق سير راه صاحبك هاداك انا غارجع ندي لوطو ديالي ونمشي عند بسمة علي فين كاين
علاء:كاين فكازا غانمشي دبا نجمع واحد الصاك نبقا تما واحد اليووماين ولا كتر
أسيل:بصااح عندك الحق(مشاا علاء قلب الدورة ورجع للدار دغيا وصل حيت مابعدش بزاف حط لوطو ومشا طلع هو وأسيل ومشا هو عند وااليديه يعلمهوم بينما أسيل طلعات للفوق باش تجمع له حوايجو طلعات فالدروج كاتجري ودخلات هزات صاك دارت فه حوايجوو هزات جوج لبسات ديال النعاس و3 ديال الخروج وپارفان ديالو ودخلات الحمام هزات لي پرودوي ديالو وحطاتهم له فالصاك وبقات كادور فعينيها لاتكون خصاتها شيحاجة ونساتها حتا دخل علاء) جابك الله شوف الصاك قلبو وشوف ياكما نسيت لك شيحاجة
علاء:اووكي (قلب علاء الصاك لقا كولشي هو هاداك جمعات له كولشي) لا صاافي كولشي هو هاداك عطيني غير شارجور ديالي والپزطام
أسيل:واخا (مشات جابت له داكشي لي بغا وجمعو فالصاك وربعات يديها كاتشوف فه اما هو من بعد ما سالا ناض وقف قدامها وشد فيدها عطاها واحد كاغط بونكيغ) شنوو هاادي😮
علاء:شكلاااط ههه بطبيعة الحال كاغط بونكيغ لاخصااتك شيحاجة ولا باغة تقضاي شيحاجة ديالك هادي بلاصة مانبقا نعطيك الشقووفة راه كولا شهر كانحط فيها شيحاجة
أسيل:واخا شكرا شحال غاتبقا تما
علاء:غادي غير نطل عليهم ياكما خاصهم شيحاجة ونعاونهوم لاكانت شيحاجة ماغانطولش ماتخافيش
أسيل:وااخاا ماطولش راك عاد جيتي ماتمشيش بزااف تاني غانتوحشك
علاء:(شد ليها وجها بين يديه) تا انا غانتوحشك ولكن ضروري نمشي غانحاول نجي دغيا ديري عقلك سمعتي بلا مانوصيك
أسيل:😒فهمت صافي
علاء:(شاف فيها مطولا وبااسهاا فجبهتها شافها باقي قالبة وجها هو يهبط وباسها فحنكها الليمن)
أسيل:😳😨
علاء:(شافها مصدومة جاتو الضحكة هو يعاودها ليها فحنكها االليسر) باش مايتقلقش😉
أسيل:ااه ههه (ضحكات بإرتباك وهي تالفة عاجبها الحال وحشمانة دقة وحدة)
علاء:(جدبوه شنااايفها لي كاتعض عليهم بقوة الارتبااك بلا مايحس شد وجها وحركو شوية جيهة الليسر وهبط باسها بوسة خفيفة فمها وجمع راسو)
أسيل:(شافتو كايقرب لفمها توترات غي حط فمو على فمها هي تصدم وسدات عينيها زيرات عليهم تا حسات به بعد عاد حلاتهوم حالة فمها تا هو)😮
علاء:طهلاي فرااسك (مشا علاء هز صاكو وخرج وسد الباب على أسيل وهبط فالدروج وهو كايضحك على ردة الفعل ديالها حيت باينة حشمات منو سلم على واليديه ومشا خرج برا حط الصااك ديالو فالكووفر وشد الطريق لكازا)
أسيل:(باقي ساهية وكاتقيس فمهاا مصدوومة مايصحابشليها غايعاود يديرها شي نهار الا لاكان غايمارس حقو الشرعي بقات كاتقيس فشنايفها وكاضحك هي تمشي كاتجري كاطل عله من البالكو وهو كايشوف فيها من المراية بقات حاضياه حتا غبر هي دخل وشدات فقلبها فرحانة) ااح بوستو حلوة كون غي بقا شوية ناري غانتوحشو مسخوووط كايعرف العب بالمشاعر ديالي بسمة نسييتها گاع كونا كاتسناني دبا (مشات أسيل للپلاكار هزات الوراق ديال الطونوبيل وپزطامها ومشات هبطات للتحت گالتها لخالتها هي تهبط أمينة باش تاكل شيحاجة شافتها هي تلصق فيهها وتسناتها أسيل حتا لبسات حوايجها وخرجو ركبو بجوجات طالقين الزدحة وأسيل كاتفكر البوسة ديال علاء وكاتزيد تجهد الموسيقى رااشقة ليها وأمينة عاجبها الحال بقاو مدة حتا وصلو جا عندها العساس وگاليها دخل لوطو ديالها لاكاڤ حيت موصيه يوسف ديجا وداكشي لي دارت حطات لوطو ديالها ومشات هي وأمينة طلعاو فالمصعد حتا للطاج الخاامس ومشا قدام الباب هي دق أسيل وحلات ليهم بسمة بالجرا كانت عالقرص) اويلي تي مالك ياك ماكنتي گالسة حدا الباب
أمينة:گاع هادا وحش فينا 😉
بسمة:ماينفعش معاكم الصواب زعما مابغيتش نخليكم كاتسناو بزاف ههه (جراتهم للداخل وسدات الباب) دخلو دخلو نوريكم الدار يوسف راه مع صفوان دبا كاينعس فه
أسيل:ههه من دبا
بسمة:اوا شنو من النهار لول اموت المش غير دخل جاب الغدا من برا وانا نعطيه له اشدو ههه ومشيت انا دخلت دوشت رخيت عضامي اختي
أمينة:مزياان اختي نتي لي عبرتي
بسمة:(دخلو وبذات كاتوريهم الدار والشومبرات عجبااتهم حيت زوينة يوسف دوقو زوين من بعد دخلو للبيت ديال صفوان لقاو يوسف گالس ومنعس صفوان على حجرو سلمو عله وشبعو فه بوسان هزاتو بسمة وحطاتو فبلاصتو وخرجو من الشومبر ردو عله الباب وخرجو يگلسو فالصالة مجمووعين)
الساقطة و الملتزم الجزء 22
محتوى القصة
التنقل بين الأجزاء