صورة مصغرة لـالساقطة و الملتزم الجزء 23

الساقطة و الملتزم الجزء 23

wa w sa9ita saqita lmoltazim 
رواية الساقطة والملتزم

أسيل:(دوزات النهار مع بسمة صلاو العصر ودارو كسكروط ملي قرب اودن المغرب خرجات أسيل وأمينة وركبو فلوطو وجاو للدار مع الاذان نيشان سلمو على الدار وطمنوهوم على بسمة وأحوالها عاد طلعات كولا وحدة لبيتها أسيل بدلات حوايجها ومشات توضات ولبسات خمارها صلات المغرب ومشات هبطات للتحت لقات إسراء بدات تنصب العشا گالتليها راه كولشي واجد غير تمشي ترتاح وداكشي لي دارت أسيل كانت علىسبة طلعات لبيتها وهزات تيليفونها لقات ليزاپيل ديال علااء الله بغات تصوني عله ساعة سبقها تنهدات بعمق هي تجاوبو...) الو علااء
علاء:الو وعليكم السلام😒
أسيل:هه السلام عليكم علاء وصلتي بيخير تشوشت علك
علاء:لا بيخير حمد الله انا دبا فلوطيل خديت شووومبر 
أسيل:وعلي كيولا وخالتي نعيمة والحاج مساكن كيدايرين مساكن اتكون حالتهوم
علااء:اودي غا خليها عالله وصافي سولت على الحالة ديال علي گالوليا راها مستاقرة دبا ولكن ماعارفينش ايمتا غايفيق المؤشرات ديالو كاملين مزيانين ايمتا غايفيق الله وعلم اما الحاجة والحاج مساكن حالاهم ما عالم بيها غا الله بطبيعة الحال راه ولدهوم رجل هنا رجل لهيه غا خليها عالله شحال هضرت معاه وماكايسمعش بقا تا قضا عله هاد السم راه داكشي لي گالينا الطبيب حيت كان كايحاول يقطع داكشي ملي حس براسو مابقاش قدر اصبر خدا جرعة زائدة واصلا الجسمديالو ضرر بززااف من هادشي ودبا راه رجع ضعييف بزااف
أسيل:اااخ مسكيين بقا فيا والله الله يشاافيه سلم على خالتي نعيمة والحاج وگوليهم كولشي غايكون بيخير خاص غير الصبر وان شاء الله علي يفيق ويوقف على رجليه 
علاء:ان شاء الله بسمة كيفاش دايرة وراجلها مهلي فيها وصفوان بغيت غا نشوفهوم مماكتاابش
أسيل:ماشي مشكل باقي إيام الله طوييلة غاتشووفهوم مزال وغاتشبع منهوم انا وصلت ليها إعتذارك وگالتلك فيها خير وراه وقتما جيتي مرحبا بك وتا رااجلها گاليك مرحبا بك وقتما جيتي راه كايتسنااك 
علاء:ممم ونتي مشيتي هضرتي مع راجلها تاني
أسيل:😳بطبيعة الحال راه راجل ختي هاداك
علاء:اااه راجل ختك ماشي رااجلك نتي جمعي راسك ادييك الشنييولة راه واخا بعيد علك راني كانعرفك مزيان سمعتي
أسيل:هههه مغيااار
علاء:اااه بزااف
أسيل:😮(شافت فالتيليفون مصدومة ورداتو لودنها) عاود شنو گلتي
علاء:تصبحي على خيير وماتنساايش صلااتك طيط طيط.... 
أسيل:ولد الحراام😮اويلي قطع عليا ههه مسخووط صدق كايغيير عليااا كايبغييني عاارفة غير يجي غاانعتااارف له ☺💡ااه فكررة والله الا فكررة غانعتاارف له غانگوليه قدااش انا كانبغييه ناري اييمتا غاتفيق ا علي خلاااص ذطلق ليا رااجلي راني بغييتو ااح ولكن مزياان نيت باش نوجد على خاطر خاطري أستغفر الله العظيم اويلي السيد بين الحياة والموت وانا كانتبوووهل الشوووهة😣 (بقات أسيل كاتسركل فإنستغرام حتا سمعات آذان العشاء دخلات للحمام توضات وخرجات لبسات حوايجها وصلات عاد هبطات للتحت مشات للكوزينة وگالت لإسراء تمشي باش تصلي وهي غاتكمل لي بقا وداكشي لي كان أسيل كملات العشا وقادات الديسير حتا هبطو كاملين وطفات عله وجات أمينة بدات كاتحط العشا فوق الطبلة عاوناتها أسيل اما إسراء شدات ولدها لي كان عاد فاق كايبكي وهازاه فحجرها گلسو مجموعين على الطبلة كاياكلو في هدوء تام حتا كلاو وجمعو البنات الماعن وغسلوهوم ومن بعد كولا واحد ناض ومشا للبيت ديالو باش ينعس..... هكا دازو 5 يااام على الابطال ديالنا وهوما بعاد على بعضياتهم علي لحد الان مزال ما فااق باقي حالتو هي هي اما أسيل دوزات هاد ليامات عااديين رجعات كاتمشي لمدرستها هي وأمينة كايبقاو النهار كاامل تما أسيل كاتبقا تراجع على حساب ليزيگزام هي وعلاء كايهضرو بالصباح وبالليل وبعض المرات كايبقاو مجمعين حتا يديهوم النعاس والتيليفونات يطفاو على حساب الشاارج تايفيقو عاد كايشارجييوهوم أسيل فاقت ليوم شوية معطلة وعندها لحصة مع 8 ديال الصباح ناضتت كاتولول وكاتجري دخلات الحمام غسلات وجها بالجرا ودارت روتينها المعتااد دارت مييكاپ ديالها بالوقوف لبساتسروال سلييم كولون فالكحل وقاميجة طويلة شوية حد الفخااد ولكن جاتها مصررعة مشطات شعرها بالجرا لبسات صندالة ديال الصبع وهزات تيليفونها خشاتو فصاكها والدفاتر ديالها ورشات پارفانها بالجراا ومشات كاتجري فالدروج باست خالتها وخرجات بلا فطور ديجا راها معطلة تلاحت فلوطو ديالها وديمارات بالجرا من بعد عدة دقائق وصلات ومن زهرها لقاتواحد البلاصة فالپاركينگ دغيا حطات لوطو ومشات كاتجري شوية ماطيح على وجها كون ماشدات فراسها ومشات دخلات الحصة عاد تنفسات الصعداء شدات بلاصتها هو يدخل الپروف بداو الحصة وأسيل مركزة معاه منبعد ما دازو سااعتااين كااملة ديال الكوور خرجو هي تهز أسسل تيليفونها من بعد ماتفكرات بلي راه باقي طافياه وعلاء ممكن انه يصوني عليها فأي لحظة شعلاتو تسنات شوية هوما يطيحو ليها ليزاپيل ديالو واخر حاجة مساج تايگوليها راه العشية غايكووون فقنييطرة وسعات عينيها فرحانة شوية وتزغرت قدام عباد الله بقات كاتقرا المساج وتعاودو حسات بلي بحالا عامين ماشافتو الحب شفتوه ههه) 

أسيل:(الفرحة كاتنقز من عينيها علاء ما بقاش له بزااف ويبجي صونات عله فالبلاصة شدها)
علاء:الوو أسيل نتي بيخير علاش طافيا تيليفونك تخلعت علك كون ما الواليدة لي گالتليا راكي مشيتي للمدرسة كنت غانحماق 
أسيل:(كاتسنط بإعجاب زااد عجبها رااسهاا وهي كاتسمع فيه وهو مخلوع عليها) لا كون هاني غير تيليفوني ديشارجا وصافي ومع فقت معطلة ماشفتوش گاع 
علاء:واخا اوا ماتبقايش ديري هكاك ردي بالك راه كاتخليني مشطون علك 
أسيل:احم گلتيليا العشية غادي تجي يااك 
علاء:اااه قبل العصر انشد الطريق المهم انا وقتما غانشد الطريق غانسيفط لك
أسيل:واخا صافي مهم انا غانمشي غاتبدا الحصة التانية تا العشية ان شاء الله
علاء:ان شاء الله
أسيل:(سدات معاه أسيل ودخلاتت الحصة ديالها وهي تفكيرها مشغول بعلاء وكيفاش غادي تعتارف ليه حيت صافي قررات وليليها ليها هي كاتبغيه ومتيقنة بلي كاايبغيييها كتر من راسو هو داكشي علاش قررات تعتااارف له وليوم يفرگعو هاد الرمااانة وتورييه حتا يووسف وتگوول له كوولشي وحتا الاوديو تسمعو له لمهم كولشي يتحل بيناتهم مابغاتش يوقع شي مشكل ااخر بيناتهم بقات كاتخطط وتفصل بوحدها حتا فكرات فلي غادير مزيان وصلات 12 خرجات أسيل وبالجرا مشات للمول كادور باش تشري داكشي لي فبااالها بقاات كااادور من محل لمحل حتا شحفاااات دخلات لواحد المحل ديال الملابس الدااخلية وبدات كاتختاار حيت عوالة هاد الليلة تاكل الحلوة ولفاتها خدات داكشي لي بغات وخلصات ومشات لواحد المحل دياال لي غوب سواغي خدات وحدة فالغووز بيبي كاملة كاتبري ومعرية زوينة ومستيلية شييك جرباتها عجبها راسها خداتها وخدات معاها پوشيط ديالها وصباط طالو عاالي ومشات لواحد الپااتيسري ختارت الحلوة لي بغاات وگالتليهم يكتبو عليها سمياتهم وگلسات كاتسنا حيت گاليها هاداك نص ساعة وتكون واجدة بقات گالسة كاتهضر مع أمينة وبسمة فگروپ واتساپ كاتگووليهم موجدة مفاجأة لعلاء غاتگووليه كاانبغيك لأول مرة فحياتهم الزوجية وطلباتهم يعطيوها أفكار بقاو كايهضرو معاها ويدابزو وهي كاضحك حتا عيط عليها داك الراجل الكوموند ديالها وجدات خداتها وخلصاتو ومشات كاتجيب داكشي لي خااص كاامل نفااخاات فالغوز والبيض والحمر شراائط ملونة بغاات تبرهش معاه تجرب معاه كوولشي من بعد ما شرات داكشي كامل لي خااصها كانت باغة ترجع للدار هي تفكر بلي نساات ماخداتش پووليكووپات ديااالهاا وهي باغة ترااجع فالدار مشات وبقات غاادة وقفات هو لول حدا واحد الشبااك تيرات الفلوس ديالها وركبات دغيا خافت يتبعها شي واحد ويگريسيها وينكد عليها فرحتها وهي ماناقصهااش هادشي زادت تحركات ومشات وقفات قدام المدرسة بغات تهبط هي تفكر واحد الحاجة وهزات ورقة وبدات كاتكتب *منذ أول يوم رأيتك إعتبرتك شخصاا غاامضاا شخصاا متكبرا ومغروورا كنت مختلف شديد الاختلاف انت الوحيد الذي لم تنظر الي بنظرة شهوة انت الوحيد الذي كانت نظراته الدنيوية والاحتقارية تخترق قلبي مثل سهم مشتعل إستعطت ان تغير فيا ما لم أعتقد انه سيتغير يومااا سااعدتني وأنقذتني ألقيت لي بطوق النجاة كي أنجو من الغرق أنقذتني من بحر الاكتئاب الذي كنت فيه أنت وأنت الوحيد الذي أخذت عقلي وقلبي معك أذبت جليد فؤاادي وجعلت قلبي ينبض بإسمك لا أستطيع نسياان لمسااتك لي لمساتك الحارة الملتهبة عنااقاتك البريئة قبلاتك الهادئة والعنييفة التي تعبر عن شوقك لي أريد ان اعترف وأخبر العالم أجمع انك الشخص الذي أحببت أحبك وسأظل أحبك الى آخر يوم في عمري هدا اليوم سوف يكون أفضل يوم في حياتنا لن أنساه اليوم إعترراافي لك اليووم أقر لك وأعلن إستسلاامي وخضووع جبروووتي أمام حبك يا جلادي رفقااا بي اني في عشقك مجنوونة وانا أعلم مدى حبك الكبيير لي عيناك تفضحاانك لا تجيد التمثييل لطاالما كنت إنساانا شفافا للغاية أحببتك وسأظل أحبك ايها الملتزم سرقت قلب هذه الفتاااة* شافت أسيل فالورقة وعاودات قراتها وهي مصدومة من راسها كيفاش قدرات تكتب هادشي وهي ماعندهاش نهائيا مع هادشي ضحكات فخااطرهاا على هباالهاا وحشماات نوعا ما هزات التيليفون شافت فالمگانة كانت 4 دازالوقت دغياا خاصها تمشي ترجع للدار دغيا باش توجد داكشي كاامل خرجات من لوطو هازة فلوسها ومشات قدام المكتبة ديال المدرسة تسنات شحااال بعدا فدك الشمس حتا وصلات نوبتها خدات الورااق وداكشي كاامل لي خااصهاا وتماات غادة حتا كاتحس براااسها ماشي هي هاديك حطات يدها على واحد البنت بدون قصد دارت عندها دك البنت كاتستفسر فيها وقبل ماتجاوبها أسييل كان أغمى عليها وطاااحت لااارض غوتات دك البنت بالجهد مخلووعة ودغيا تجمعات الجوقة وخرجو الناس لي فالمكتبة كايحاولو يبعدو دك الجوووقة عيطو على لومبييلوونص وبقاو كايسااينوها وكايحاولو يفيقووها ووالو مافاقتش هزات دك البنت تيليفونها لي كان بلا كوود وصونات على اول نمرة طلعات عندها)
علاء:الوو أسييل راني مزال ماغادي نجي تا الليل ان شاء الله
البنت:السلام عليكم اخويا مولات هاد التيليفون راه طااحت سخفاات فالمكتبة ديال مدرسة ***** وراه لومبييلونص فالطرييق
علاء:😨😨كككيييفاااااش

علاء:(من بعد ما تغدا فالاوطيل داز للكلينيك عند الحاج والحاجة علمهوم بلي غايمشي وراه غايحاول يرجع عما قريب ويعلمووه بلي كان تمنا لعلي الشفاء ورجع الاوطيل جمع حوايجو وداكشي ديالو كامل وگلس شوية متكي حتا طاحت فبالو يدير مفاجأة لأسيل هي معولة عله يجي بالعشية علاش لي مايرجعش بكري ضحك بشر وهز داكشي ديالو وقاد مسائيلو كاملين وهبط تحااسب مع الاوطيل وخلص وخرج لوطو ديالو ومشا نيشان شد الطرييق من بعد وقت طوييل دخل علاء لقنييطرة بقا غادي بشوية عله كايسووگ وهو كايفكر فردة فعل أسييل كيفاش غادي تكوون ملي تشوفو قدامو مشا ديريكت للدار جهد السرعة حتا قرب ومابقا له والو ويوصل وقف فالسطوپ وبدات أسيل كاتصوني عله دار لكييت وجاوبها تما هو يتصدم بنت خرا لي جاوبات وكاتگووليه أسيل راه طاحت وجاية ليها لومبييلوننص) كيفاااش😨 هاااديك مرااتي اختي مااالها مافهمتش
البنت:والله ماعرفت اخووويا غير بوحدها طااحت 
علاء:واخا اختي ااشمن اووپييطاال غايدييوها بعداا
البنت:صبر 
علاء:(جات لومبييلوونص وعطاتو السمية وداكشي وقطع من بعد ما شكرها حيت علمااتو وهو قلب الطرييق ومشاا ديريكت للووپيطال مكسسييري ومخلووع عليها علم الله شنو وقع ليها داز الوقت تقييل والطرييق عمراات ماوصل علاء غا بزز حط لوطو ومشا كايجري وسول على أسيل مالقى عليها تا معلوومة گاليهم شي وحدة سخفات عاد دبا عطاتو الشوومبر ومشا كايجري دخل عندها لقاها بوحدها مركبين ليها السيروم وهي فايقة كاتشوف فالسقف ساهية) أسيييل!!! نتي بييخيير
أسيل:😮علاااء (بغاات تنوووض وماخلااهااش) 
علاء:لاا ماتنوضييش ماالك واش نتي بييخيير 
أسيل:بييخير گاليا الطبيب غير نكمل السييروم نقدر نخرج 
علاء:حمد الله شنو وقع لك حتا سخفتي... 
الطبيب:المداام عندك مامهلياااش فصحتها ا مووسيوو ماكاتااكلش وفهاد المرحلة هادشي مامسلكهاااش ياك ا مداام ليووما گاع مادقتي النعمة 
أسيل:ااه نسييت گااع حيت تشغلت مع شيحاجة وصااافي 
علاء:😠من نيتك اووف دكتوور مافهمتش كيفاش مرحلة اشمن مرحلة 
الطبيب:نسييت ماگلتش لييكم مبروووك عليييكم المداام حاااملة وعندهاا تقريبا 20 يوووم☺ مبرووك عليكم يتربا فعزكوم ان شاء الله(مشا خرج وعطاهم لحظة بوحدهووم يهضرو فراحتهوم) 
أسيل:(بلعااات لسااانها مصدووومة وبقات كااتشوف فكرشها حطات يدها على كرشها ودموعها طااحو فالبلااصة ماتخيلااتتش بلي ربي ستااجب لدعوااتها بهاد السررعة كانت كاتمنا هاد اللحظة وهاهياا ربي ماخيبهاااش شافت فعلاء لي نساتو لقاتو ساهي واللون مخطوووف من وجهوو والصدمة بااينة على وجهو) 
علاء:(لي سمع الخباار نزلات عله كيف الصااعقة دااخ احسن إحساس فالعاالم إحساس الابوة هاهواا قداامو دباااا الصدمة أترات عله لدرجة حس براسو گاع الوان الطيف دازو فوجهو شاف فأسيل لقاها كاتبكي وباينة من عينيها دمووع الفرحة) 
أسيل:(شدات لو فيدو) غااتولي أب ا علاء وغانولي ام ربي ماخيبنييش غير داك النهار تمنييتهاا حمد الله يااربي الرب ماكاينسااش عباادو
علاء:(تنهد بعمق) ااه عندك الحق ربي ماكاينساااش العبااد ديااالو
أسيل:ااه حمد الله (بقات أسيل كاتحمد الله وتشكرو فخااطرهاا مدة اما علاء ناض ومشا عند الطبيب سولو على اييمتاا تقدر تخرج جا الطبيب قلب أسيل مزيان و عطاهم لوغضونونس فه دي ڤيتامين على قبل صحة البيبي ووصاها تديها فصحتها وتاكل مزياان وأسيل كاتسمع له بإهتمام غير سالاو حيد ليه السيروم ومشاا وعلاء عاون أسيل حتا ناضتت وهبطو للتحت بشوية عليهم ركبو فلوطو ديال علاء من بعد ما سيفط علاء شي واحد يجيب لوطو ديالها ويديها للواحد العنوان وأسيل فتحات الشرجم وخرجات راسها ويديها وشعرها كايطيرو البرد ماتقدرش تخبي فرحتها فرحانة بزااف بقاو غاديين حتا لاحضات بلي ماامشاوش فالطريق لي موالفين هي تسولو) ماغانمشييوش لڤييلا؟؟
علاء:لااا غانمشييو لاپاارطومو ديالي ماتقدروش نمشيو للڤيلا
أسيل:(سكتات وماداتهاش فه فرحتها نساتها كوولشي مشاو وبقاو غاديين حتا وصلو لواحد الحي رااقي حطو لوطو فلاكااڤ ومشاو طلعو فالمصعد بجوج حتا وصلو حل علاء الپرطمة وتمو داخلين مشات أسيل اول حاجة دارتها هي مشات لبيت النعااس حيت قشعات البالكو ومشات حلاتو باش يتهوا المكان اما علاء تبعها من اللور ويدييه كايترعدوو باقي مصدووم شافها واقفة عاطياه بالضهر بلا مااايحس جرها من شعرها بالجهد حتا دارت عندو وهي مخلوووعة ومصدووومة فه بلا كبمة بلا جووج عطاااهااا تصرفيييقة حتاااا طااحت الارض وشدات فحنكها لي حساات به تورم عطااهاا تصرفييقة ديال الصح) 
علاء:فرحااانة يااك حييت غايتزاااد عندك ولد فرحااانة
أسيل:علاء ماااالك علاش ضربتيييني واش مااففرحاانش رااه ولدنااا هااادااك
علاء:(جرهااا من شعرها وبقاا كااينخض فييها) مااتگوووليييش ولللدننننننااااا😡😡 ماااتگووولييهاااش حرقتيينيي يا أسيييل حرقتييينييي 
أسيل:اااي علاء ببعد مني ماااالك شنوو وقع لك واش تسطيييتي
علاء:(طلق من شعرها ودفعها تا كانت غاتجي على ضهرها كون ماشدات فراسها) اااااه تسطيييت تسطيييت ملي فكرت نتجوج بيييك تسطيييت ملي فكررت بلي غانعييش انا وياااك بيييخير تسطيييت ملي ضنييتك غاااتبدلي فيييين كااان عقللي دويي ولد من هاااداا شكوووون هااااداااا ا أسيييل ولللد مننن😡
أسيل:(تزاد معاها الزايد وحسات براااسهااا الحرارة طلعات ولات سخونة بلا قياااس ودنييها كايصفرو واش هادا هو الرااجل لي كانت باغة غير دبا واش هادا هو الراجل لي كانت كاطير باش تقاد له وتوجد باش تعتاارف لييه بحبها شنووو داار شك فييها شك فشرفهاااا تنهداات أسييل بحرقة كبيرة وناضتت بزز واخا رجليها فاشلين عليها ومشات قربات له شوية مخلية بيناتهم مساافة)علااء شوووف اناا بصاااح غلطت ولكن رااك دبا كاتغلط بزاااف كيفاش عطاتك خااطرك تشك فيا ا علاء انا أسيل واش تشك فشرفي تشك فولدنا حشوومة علك كاتقطعني ا علاء دبا هاد الولد ولدك وعمري درت شيحاجة غير معاك نتااااا كيفاش تعطييك خاطرك تشك فياا
علاء:كاان خااصني نفهم كاان خااصني نفهم من لول بلي نتي مااشي بنت داااكشي علاش مابغيتينيش نقيييسك فلول يااك درتيها غي سبة شفتتي وتكوووني مااشي بنت وجيتي صااررحتيني تا حتجة ماكانت غاااتبدل ولكنن بااش تخووونيني وحناا مجوجييين عمري نسمممح لك ا أسيييييل نهااااار قبل مااانمشيي نسااافر ياااك ملي كنت عند علي درتيييييها دووييييي معااااااامن درتيييييهااا هضريييي أسيييل كانحلف لك لا ماهضرتيششش تااا نفقتلك هنااااياا
أسيل:(مصدومة من هضرتو كييفاش نكرررهاا كيفاش كايدوي بحالا عمرووو قاااسهاا كييفاش قدر يشك فيييهاا كيفاش قدر ينكر دااكشي كااامل لي دووزو بجووج كيفاش قدر ينسااا دك الليلة لي كانت أحسن ليلة فحياااتهم كيفاش قدر ينكر وهو سمعها من كلمات الغزل ما يكفييها عمرهاا كااااامل حسات أسييل بدااتها كااملة كاترعد وحسات بالادريينالين بدا كايتدفق فالجسم ديااالهااا ) علاااء رااه كااتغلط بزااااف كااالم ماابااغاش نفقد الاعصااب ديالي ونوليو فشي طااب وشي ماا طاااب ملي جيتي من عند علي شنوو درتي يااك جيتي ترمييتي بين أحضااااني انااايااا يااك المخيرة فكلمات الغزل سمعتيييهاا ليا يااك لصقتينيي حتا قضيتي غراااضك ومانعرف شنو گلتي ليا كامل 
علاء:😡أسييييل رااه مااابااغيش نحط يدياا علك مزاااال شحااال من وااحد درتيييهااا معاااه دبااا شحااال من واااحد وااش بغيتي تلصقييه فيا بااغة تخبيي فضيييحتك يااك
أسيل:(بدات كاتحاول تنفس باش ماتفقدش أعصاابها وتگوليه شي كلمة ماشي هي هااديك) علاء سمعني مزيياان مايمكنش لك تنكر رااه انا ويااك دوزنا دك الليلة مع بعضياااتنا ييااك گلتي بغييتي أجساادنا يتوحدوو وزيد وززيييد علاء شنو هااادشي كاااديير...(قبل ماتكمل هضرتها جاتها تصرفيقة خراا خلخلاااتهااا لدرجة خرج ليها الدم من فمهاا وطاحت فالارض داايخة) 
علاء:مااانسمعش حسسسسك كاتكدببييي واش اصحااابلك اناا ماغانعقلش وااش اصحاابلك انا مااشي رااجل الا قستك مانعتاارفش حمد الله مااقستكش دبا عااايف رااسي حيت كنت كانعس حدا وحدة بحااالك موووسخة عندك الحق ربي ماكاينساش العباد ديااالو وربي بينك على حقيييقتتك قبل مايفوت الفوووت
أسيل:(صاافي هضرتو جرحاااتها ديال بصاح ومابقاتش قادرة تصبر حسات براااسها فقدات أعصاابها ومابقاتش كاتشوف قدااامها ناضتت بالزربة وبلا ماتحس هزات يدها تا لفوووق وجمعااااتها معااااه بتصرفيييقة فاعلة تاااركة غايبقا عمرو كاامل عاااقل علييها...) هاادشي كاااملووو كااان بلعااني كان خططةة منكك باااش نضعاااف كان خطة منك باش تقدر تهناا مني ملي ماابغييتيينيش علاااش لصقتيييني علاااش تجوجتييني علاااااش جرحتيني ا علاء جرحتيني لواحد الدرجة غير الله يسمح لييك عمري غاادي نسممح لك وغاايجي النهاار لي غادي تندم ا علاء ودييكساااعااات من الاحسن لييك ماتوصلنييش عندك الحق هاادا مااشي ولدك وعمرو غاايكوون ولدك ولدي انا بوووحدي وملي اكبر غادي نعرف نربيييه مااعاايطلعش بحاااالك گلتي عاايف رااسك مزال مااشفتي واااالو دبا جربتي شعور الظاالم وماجربتيش شعور المظلوووم وربي غاينتاااقم منك غاتقلب عليا ا علاء ماغاتلقااانيش مااماا خلاااتني أمااانة عندك ولكن نتااا ماوفيتيش بيها وحق هاد اليتييمة مااغاديش اضييع ومن اليوووم كااااننكررهك ا علاء وغايجي النهار لي غادي نتشفاا فك (شافتو بغا يضربها تاني هي تشد له يديوو) توتو هاد الحق كان عندك ماابقاااش ودبا غاتقييسني مزااال غاادي نقتلك بيدياا (دارت أسيل وعطاتو بالضهر وكانت غاتمشي تا وقفها بهضرتو)
علاء:أسيييل برااتك غاتوصلك تا لعندك
أسيل:(دارت عندو بالعرض البطيئ بملامح بااردة)هه مااكاايهمنيييش😏(هبطات أسييل فاالدروج كاتحس بقلبها كايضرهاا ولكن صااافي علاء بنظرها شيطاان متنكر بزي الديين الشريف العفييف...) 

هبطات أسيل في درووج دغياا و كولها مخنوقة نفس مبقاش كيطلع خرجات بجراا و هو يبان ليها واحد من خدامين مع علاء(منصف جاب لوطو ديالها بغا يبلاصيها) مشاات كتجري عندو وقفات عليه ..
أسيل:(دموع هابطين 😭) ارااا سوارت ..
منصف: خاصني نعطيهوم سي علاء الالة ..
أسيل: كووووتلبيك ارا سواارت (خطفاتهوم ليه من يديه و دفعتو و ركباات دغيااا ديماارات لوطو و مشات مكسيرياا معاقلاش على رااسها وجههها حمر و ذاتها كلها كترعد و غير كلمات علاء لبحال سم كتردد في راسها ..جرحها بلا قياس طعنها في شرفهاا ..كاع داك وجه لكان عاطيه ليهاا صدق غير خدعة ..اما حقيقتو بالنسبة ليها ليوم بانت ..مشات نيشان عمارة ديالهوم حبسات لوطو حدا باب عمااارة و حلات كوفر هزات داكشي كامل لكانت موجدا ليها و هزات سوارت برطمة من المجر و طلعات دغيا في سانسوور وصلات طاج خامس نزلات حلات باب و هي كترعد ..و غير دخلات و طرقات عليها باب من داخل مشات لاحت داكشي غير في كولواار ..حسات بسخفة دخلات نيشان حمام حلات لافابو و بدات كتكب على وجهها ماء بااارد و كتنخصص غسلات وجهها و اول حاجة فكرات فيها هي بيت ماماها ..مشات بكل قوتها هزات سارووت و فتحات الباب و هي طلع معاها ريحة لكانت ديما كدير مها ديال عوود ..طلعاات تنخصيصة و بدات كتشهق و صوتها مسموع💔😭😭حسات بحكرة تا حد ما حداها و تا راجل لبغااتو و فتحات ليه قلبو و عطاتو كلشي روحها و قلبها و جسدها ملكاتهوم ليهوم ..ليوم بهضرتو و بكلشي طعنها في قلبها ..تلاحت في ناموسية مها و عطاتها البكااااء مدة ساااعة و صورة ماماها بين عنينيها و صورة علاء و هو كيضربها و كيلعنها و كيهنيها بين عينيها ..رجعات بيها سينتا لور من كانت بنت 15 عام و باها كان كيجي كيتكرفس على ماماها قدامها و داكشي لخلاها تخرج قوية و تا حاااجة متأثر فيها ..تفكرات كيفاش كانت مامسووقاش و ضاربة دنيا بركلة ..تفكرات اول نهار شافت فيه علاء و غير شوفة فيه خلاتها بعقل ..تفكرات اول نهار دارو فيه عقد ..تفكرات كلشي و تا من ليلة لكانت كتعتبرها اجمل حااجة وقعات بيناتهوم دبا رداتها اكفس ليلة ..تقلبات على ضهرها و بقات كتشوف في سقف و كتفكر هضرة بسمة شحال هذا و هضرة ماماها أسيل مكاينا تا قوة لضعفهااا أسيل بتهزي جبل على قدوو..أسيل بنت قوية بنت صارمة بنت لمكتخلي تا حاجة تبكيها هي تبكي الوااحد بسبااب قلبها لوهباتو شخص بالنسبة ليها كان اكبر غلطة من تزوجااتو رجعات أسيل ضعيفة خذاااات نفسسسس عمييييييييق وهي مساار حياتها كيدوز كلو قدامها ...
أسيل:(كتمسح دموعها )اسيل ياااا اسيل علاش كتبكي دبااا ماوقع والو غلطة و تجربة دزتي منها جمعي رااسك و رجعي ديك أسيل لقديمة ..قلبي غادي نسدو من ليوم فهو ميت حجرة باارد احااسيسيو و مشااعيري ماتو ..ليوم حرقتيني اعلاء و دمرتي ديك لبنت لعلا ودك دار شلات حوايج و تبدلات و رجعاات اسيل حنينة ضعيفة ..كلشي درتو على قبلك و هذااا جزائي طعني في شرفي و تهيني خسااااارة خسااارة حبي ليك متستااااهلوش ايجي نهار لاندمك فيه و كول أسيل كااالت ..اسيل ماااتت رجعات أسيل اخرى ..(جطات يديها على كرشها) ولدي ولا بنتي كنواعدكوم انكون اب و ام ليكوم و مغادي نخليك ناقص من تا حاجة باذن الله على قبلك غادي نصبر و غادي نوقف على رجليا من جديد ..ربي معاناا ..
جمعات أسيل الوقفة و مشات وقفات قدام مراية و بدات كتشوف في راسها شعلات دوش و مشات ماريو لقات باقي شيحوايج ديالها جبداتهوم ودخلات حمام عمرات بنوار و تخشات دوشات و تفكرات صلاة توضات و خرجات كتصلي ...سالات و هي تبدا تفكر اش ادير مشات بان ليا داكشي لطعات معاهوم هزاتوهوم و خرجاتهوم لاطيغاااس و لاحت في كيس ازبال و رجعاات كوزينة لقات ثلاجة مطفية و دنيا كتصفر حسات بجوع ..مشات بيتها حلات مجر بانت ليها كارط بنك ديالها من شحال هذاا و را باقي عندها ملايين ليعيشوها طول حيااااتها هزاتها و هزات تا شي فلوس في مجر لقات جلابتها كحلة لبساتها و هزات شعرها كعكة فووق و دارت نضاضر ديال شمس باش يدرقو ليها كحوولية لتحت عينيها و حمورية ليفيهوم و هزات سوارت و خرجات بمشيتها قديمة لكلها قوة و بتخنزيراها هبطات ركبات في لوطو و مشات نيشان بنكة ...
♡ عند علاء♡
من بعد ماخرجات أسيل ...بقات كتردد جملة طبيب في وذنيه مدام حاملة ..و هو في بالو عمرو قاسها و لا قربليها نعهائيا ..شوية بدا يتفكر كلمات اسيل و تا تصرفيقة لعطاتو كلشي تخربق عليه و راسو بدا كيضرو بلا قيااس شخشخ كاااع داك بيت كلوووو ..و شد في راسو لعطاه صدااع ..تا سمع دقان ناض بزز كيجر في رجليه لقاه منصف لكاليه ان اسيل جات دات لوطو متسوقش طلبو يجيب ليه دواء راس ..مشا منصف فرمسيان شرا دوليبران و جابها ليه ..شربها علاء و بقا متكي بووحدو ..تا حس براسو مزيان و جمع وقف و هبط ركب في لوطو ديالو و مشا نيشان فيلا ..دخل لقا غير الأم ديالو و امينة للفوق في بيتها كتجمع حوايجها حيث عندها سطاج في طنجة و ضروري تمشي ..دخل باس مو راسها و تما طالع تا عيطات ليه ..
عائشة : ولدي فين أسيل ؟؟
علاء:(دار عندها) 😳..أسيل اه را عند بسمة بغات تكلس معاها شي يومين و ترجع توحشتها (بلاتو اسيل بلكذوب😂)

..عائشة : عند بسمة ..مكاتلي والو كاتلي خارجة نقضي شي غرض و نرجع ..
علاء: راعيطات ليها داكشي علاش ..
عائشة : ونتا تلاقيتيها مشيتي عند بسمة ..
علاء: لا الله وصلت كالتها لبيا غير في تيلوفون ..
عائشة : اه ايوا هكاك..ايوا مافيها باس تونسها شوية ..
علاء: داكشي لكاين ..فين اسراء و امينة مكاينينش ؟
عائشة : اسراء خارجة هي و خوك يشريو شي حاجة دراري و امينة را لفوق كتجمع حوايجها را غذا ايديها باباك صباح مع الفجر على شي سطاج..
علاء: اينا سطاج ؟ و فين عندها ؟
عائشة : اه نسيت مكتليك في طنجة شي شهر بحال هكا راك عارف عامها ثاني ضروري يخرجو سطاج..
علاء: اه ايوا الله يوفق انطلع نرتااح ونصلي صلاتي ..
عائشة : وخا اولدي الله يرضي عليك ..
طلع علاء دغيا بيتو غير دخل ليه حس بقلبو ضرو و هي بنت لسلبات ليه عقلو و دات ليه قلبو و لكان غير كيدخل كتعرض ليه مكايناااش دبا تفكر نهار رجع من رباط و غير دخل بيت تلاحيت عليها عنقاتو ..تصاورها فوق كوافوز و كلشي باقي في بلاصتو اكسسوارات ديالها روايحها ماكيجاها حوايجها كلشي باااقي في مكاانو ..حيد فيست ديالو و بقا كيتمشاا ببطئ كيتحسس كل حاجة ديالها و يتنهد كيسح بقلبو شاعلة فيه عاافية من داخل 💔 مشات نيشان ماريو ديالو جبد مايلبس و دخل دووش ثاني و بداو يشوف شمبوان و باندوش كريمات كلشي محطووط و مستف في بلاصتو سد عينيه و تنهد تنهيدة من قلب و حل دوووش و تخشا تحت من دوش و رخا عضامو توضا و لوا عليه فوطة و خرج مسح و لبس حوايجو و جبد زربية صلاة ديالو و صلا كاع صلوات لفاتو و ختمها بالمغرب حيث كانت عشية و مشا تخشا في بلاصتو كيخمم ..
عند أسيل لخرجات ركبات في لوطو ديالها نيشان مشات بنكة و شافت حال بدا يضلام دغيا تخشات و كضور في عينيها لايكون شي شفار تابعها جبدات مليون من حسابها و خشاتها في صاكها و مشات ركبات في لوطو ديالها ما وقفات الا حدا ميني ووورد حيث فيها موت جوع دخلات طلبات دجااج بفريت و شلاضة و موناضة تعشاات مزيان و طلبات من بعد كلاص ديال كراميل تشهاتو عمرات كرشها و رجعاات عمارة من بعد مدازات مارشي شراات شحال من حااجة سقااطة و قراعي ماء سيدي علي باردة ..وكلشي وصلات دخلات لوطو لاكاف و هزات داك فلوس طلعاتهوم معاها ..و داكشي لشراات فتحاات باب و دخلات دات داكشي كوزينة و حيدات جلابة و كلسات غير بدوني و شورط دارت تيلي يتشااارجا و مشات توضات صلات العشاء و شفع و الوتر و من بعد هزات شيبس و مشات شعلاز تلفازة لفي صالة كتفرج و كتفكر خاصها تبعد و تبدا حيااتها من زيرووو ..و هي طيح في بالها فكرة تفكرات نهار عرضات عليها اماني تجي تكلس معاها شي ايام ..ناضت مشات هزات تيلي و دوزات نمرتها بقا ندة كيصوني عاد جاوبت اماني ..
اماني: سلام عليكوم اسيل!!
أسيل: اهلا اماني لبااس عليك؟
اماني: حمد الله ونتي و مالين دار وواحد علاء؟
أسيل: (سداااات عينيها ووتنهدات في نفسها) احم كلشي لباااس..فين يعقوب كيكبر شوية 
اماني: هاهو اختي مكاين غير بساالة ..ايوا وجدتي داكشي لقتليك ..
أسيل: احم اماني سمعيني لاكنت عزيزة عليك مابغيتك تسولي على والو بغيت نجي عندك و لكن مابغيتش علاء يسيق خبار..
اماني: علااااش😱اش واقع خلعتيني؟
اسيل: تا نجي و نعاود لبيك سووء تفااهم دبا بغيتك تواعديني متكولي تا حد انا انجي عندك ..
اماني: وخاا الالة وعد مرحبااا بيك دار دارك..
اسيل: ربي خليك عارفة لكاااين ..اجي عطيني عنوان ..
اماني:يا الله قيدي عندك ..
اسيل: اطط نجيب ورقة..(ناضت اسيل كتقلب على ورقة و سيتلو لقاتها غير بزز جابتها و شدات تيلي بكتافها ) يا الله كولي ..
اماني : ******* هو هذاا معندك ماتلفي لسولتي اينعث ليك..
اسيل: صافي اختي غذا ان شاء الله انجي و لكن تا عشية حيث عندي منقضي ..
اماني : مرحبا بيك في اي وقت احبيبة 😊
اسيل: شكرا اختي ..ربي خليك تصبحين علي خير بوسيلي يعقوب ..😙
اماني : يوصل بسلامة ..
قطعات أسيل مع اماني و هي مرتاااحة كتفكر في هادشي لغادي دير ناضت طفات تلفازة و مشات بيت ماماها تخشات في بلاصتها و هي كتفكر جميع لحضات لدوزتهوم مع علاء و كتنهد و مع كل تنهيدة كتواعد راسها انه اتنساااه ..بقات هكاك تا داها نعاااس  😴
اكا علاء بقا كالس في بيتو تا طلعات مو عيطاات ليه عشاااء و هبط لقا عائلة مجموعة طبعا سولو على أسيل وعائشة كتجاوبهوم حيث علاء غير ساهي وكيخمم مداو ما جابو ..بقاو تا تعشااو وكل واحد تلاح بيتو امينة مشغولة مع وارقها و حوايجها و نعسات دغيا حيث تابعها فياق بكري ..اسراء و راجلها طلعو بيتهوم و حاج و حاجة كذلك ..علاء دخل صلا العشاء و شفع و الوتر و مشات بلاصتو باش ينعس و لكن نعاس حلف لاجاه بقا كيتقلب من جيهة لجيهة من جيهة لجيهة هز مخدمة و لاحها على راسو و بزز باش نعس 😴
🌞اصبحنا و اصبح الملك 🌞《صباح جديد مليى بمفاجئات 》
..عند أسيل لناضت من الفجر تضوات و صلاتو هو و الصبح و كلسات كتجمع في دار قادات كلشي و غطات كلشي سدات باب لاطيغاس وهزات كل ما تبقا ليها من دار حيدات بيزات و تفقدات كلشي لبسات حوايجها وهزات وراقيها و فلوس وخرجات كانت وجهتهااا المول ...

♡عند علاء دين ♡ 
ناض مع الفجر تا هو توضا و صلا صلاتوو ورجع تكا نعاس مابغاش يجيه ..كيفكر و كيفكر تا لقا الحل ناض بدل عليه لبس حوايجو من بعد ماغسل هز بزطامو و تيلي و سوارت لوطو ..هبط لقا غير ام ديالو اسراء ..الحاج دا امينة طنجة و اسماعيل خرج دا بنتو مدرسة و مشا خدمة ..كلس فطر معاهوم في هدوء و من بعد نسااحب مشا نيشان خدمتو ..
اما اسيل جمعات كلشي و خرجات و اول حاجة مشات موول بدات كتهز في حواايج و شرات باليزة و كتشري في حواااايج و دي طوموبيل تعمر كووفر دازت عند مول ماكياج و شرات كلشي دازت عند مول ملابس داخلية و خذات كلشي كاع داكشي لكيخص انثى بالصفة عامة ..بقات كضور تا جاها جووع مع مافطراتش ..مشات ميتروبول (كافي ) طلبات فطور كامل ..و مع حمل شهية مفتوحة ليها بقات كول كول تا شبعااات سالات خلصات و مشات عند جميلة صالون لمزارتهاش مدة هادي هزاات داكششس لشراات و دخلتتوو و جميلة غير شافتها فرحات وصات وحدة من بنات يدخلو معاها داكشي ..هزات تا باليزة دخلات كتمشى كالعادة عنقات جميلة و دخلاتها واحد غرفة صغييرة جبدات اسيل دوبياس و سروال تحين و تيشورت و بقية قاداتو دغيا في باليزة ستافاتو و تا صاك جديد شراتو ..و كاين صاك صغير مع باليزة خشات فيه كريمات و ماكياج ديالها و شيشوار لشرات و شمبوان و كلشي ..و عاد خرجات عند جميلة دخلوها صال مساج و دارو ليها لاصيغ لحم كامل و مسااج نيت حسات براحة و عاد قادات ضفار يديها و رجليها ..و عاد شغرها عاودات ليها تقطيعة وصيباتو بوكلي ..صيباات ليها جميلة ميكاب خيف صيفي ..لبسات حوايجها ..و هزات اكسسوارت ديالها دارتهوم و خاتم علاء خشاتو في صاك باارح و هي عارفة اش ادير ليه ...خلصات جميلة و سلمات عليها و خرجات ركبات في لوطو ديالها مشات مدرستها دازت عند بروف ديالها كاملين و علماتهوم انها ادفع شهادة طبية هاذ 15 يوم لبقات ليها على امتحااانات حيث ضروفها مكتسمحش ..وافقو طبعا و مدير كذلك ..من بعد ركبات في لوطو ديالها و مشات نيشان kenitra mall قدام بناية كبيرة وقفات نزلاات كتعوج بكعب عالي و نضاضر ديال شمس هزات فوق راسها و مشات كتقرا في بلاكات لقات ديال عياادات ديال اطباااء ..و لقات بلاكة محاامي في طاج ثالث مشات ركبات في سانسول و طلعات نيشان عندو لقات دنيا خاوية و غير واحد سيد ليقبل منها غير خرج و دخلاتها سكرتيرة ديالو لمكتب سلمات عليها و كلسات بلباااقة ..مكثراتش معاه هضرة عطاتو شي وراق وكاتليه بغيت نرفع دعوة ديال طلاق ..جمع من عندها معلومات و سجلها و خذا رقم هاتف ديالها حيث شرطات عليه متحضرش تخليه يتكلف بكلشي و تا نفقة رفضات تاخذها ..عطاتو عربون و كاتليه اطلق و تخلصو ..سلمات عليه و خرجات و هي قلبها مزير عليها ماعارفاش واش هادشي لدارت صحيح ولا غالط خافت تكون زربااات و لكن هي بوذنيها سمعات علاء كاليها براتك توصلك و هي بغات ترفع دعوة قبل ميرفعها هو باركة غير الإهانة لتهنااات ..خرجات من عند محامي و مشات واحد كافي تما قريبة تغذات و عاد ركبات في لوطو ديالها مشات مرجان تقدااات شلا حوايج ديهوم اماني بحيث اول مرة تمشي عندها و تا ليعقوب سقاطة و الألعاب ..طريق سيااار قريب من مرجان شدات طريق نيشان رباط و هي واخذة قرار عمر قنيطرة مبغات تكول والو بسمة تا من بعد و تعيط ليهاا شدات طريق رباط و هي مكيسريااا ساعة لارووب وصلات ربااط مدينة جديدة عليها ماعرفة ماتوخر فيها بقات غادة داخلة وسط مدينة و كتوقف و كتسول ناس على عنوان ..بقاو كينعثوو ليها و بمشقة الأنفس تا لقات عنوان بقات كتسول على جاامع تا لقاتو فرحات تنفساات و هبطات ..جبدات تيلوفنا صونات على أماني ..
اسيل: وفينك راني وصلت حدا جامع ..
اماني: هههه على سلامتك الالة غير كلسي في بلاصتك انا جاية عندك ..
اسيل: وخا ..انا حدا لوطو ديالي 
لبسات اماني دغيا خمااار ديالها و خلات يعقوب كيتفرج اما عبد الهادي (مساافر الحاجب عند الام ديالو عيااانة كالها علاء لسيفط هاذ صبااح منصف ..اماني مكالت والو لعبد الهادي على أسيل باش ميكولهاش علاء ..ماض مع فجر شد طريق..)
حلات باب و خرجات كضور في عينيها👀 تا قشعاتها دغياا مشات عندها شافتها اسيل و هي تبتسم ليها جات تعانقو عناق حار و من بعد حالات كوفر جبدات باليزتها و داكشي لشرات عاونتها اماني و مشاااو لدار جا يعقوب كيجري كيبووس في اسيل و هي بدات تعطيه هدايا ديالو كاتليها اماني لاش عذبتي راااسك ..فرحو باسيل و اماني حاسة بشي حاجة ماشي تا لهيه واقعة غير رتاحت اسيل و بدلات حوايجها و فرحات باش مكاينش راجل اماني تاخذ راحتها ..توضات وصلات ..وجات دارت كاسكروط مع اماني و يعقوب و بدات اماني كطرح على اسيل أسئلة و اسيل مقرة انها متعاود لتا شي حد حد كالت ليها راها مناقشة مع علاء و بغيت نرتاح مابغيتو يعرف فيني انا باش يتوحشني و كذا ويعرف بقيمتي (طبيعة الحال طالقة سلوكية على اماني ..اماني ثيقتها حيث مباينش عليها شي حاجة كبيرة و هي مهلية في راسها وكلشي و اسيل كتحاول تبين قوة ديالهااا و لكن هي قلبها ماعاالم بيه غير الله💔💔

♡عند علاء الدين ♡
مشاا لخدمتو و بقا خاشي راااسو في الورااق تا اذن الضهر و ناض جمع الوقفة مشااا للجامع توضا و صلا و عاد داز الدااار لقا غير مو و اسرااء و اسماعيل الله وصل تا هو سلم عليهوم و طلع لبيتو بدل عليه و غسل و كلس كيفكر..شنو الحل؟؟شنوو غيدير دباا؟ بالنسبة ليه طلاق احسن حل ..أسيل بالنسبة ليه خانتو و طعنااتو في ضهرو و مغاديش يقدر يكمل معااها حيت أخيب حااجة وأكثر حاجة مايقدرش الوااحد يتحملها هي خياانة شرييك عمرو لييه... و من الاحسن باش ميغلطش فيها كل واحد يشد طريقو ..بقا كيخمم وكيخمم ..تا عيطات ليه مو باش يتغذا هبط تغذاا مع العائلة ..سولات عائشة على اسيل كاليها راها مزيان را دوا معاها ..مبغاش يكوليهوم اش كاين تا يعرف اش غيدير بالضبط و تكون نيت شي حاجة كاينة عاد يعلمهوم ..تغذا و طلع لبيتو بدل عليه و مشا الخدمة بكري بغا غير يتلف الوقت مايبقاش يفكر..بقا كالس تا اذن العصر و مشا صلا و رجع كيكمل خدمتو تا عيطات ليه نعيمة (مامات علي) و خبراتو بانه راه فاق ولا بخير و دبا غادي ينقلوه مصحة معالجة الإدمان فرح حيث بصح علي محتاج انه يحااارب و يكاافح هاذ الإدمان ..قطع معاها علاء و ما هي الا لحظات وكايدخل عندو المحااامي ديال أسيل لطلباتو انه يسرع اجرااءات و ليوم يمشي يعلم علاء و غذا يرفع دعوة دخل عليه تا وقف ليه على راسو ..
محامي: احم ..سي علاء دين الشافعي ..
علاء: (هز راسو ) سلام عليكوم ..اش حب خاطر؟؟
محامي: ممكن نجلس ؟
علاء: تفضل ..
محامي : (كلس) مهم منطولش عليك انا المحامي ديال الزوجة دياالك ليوم كلفتيني باش نرفع دعوة طلاق و على حساب الإجرااءات قبيلة عمرت الورقة ديال الطلاق بغيت غير التوقيع ديالك باش نرفعو دعوة ..
علاء:😳😳كيفاااش ..بلاتي بلاتي ..مراتي جات عندك و كاتليك ترفع دعوة طلاق ..
محامي: اييه اسيدي جات عندي الصبااح ..و بغاتنا نسرعو في الإجرااءات مهم ها الورقة عندك من توقع عليها غذا ندوز ليها ..
علاء:(تصدم 😱كيفااش مشات دغيا وكلات محامي و بغات ترفع الدعوة ديال طلاق ) وخا ان شااء الله..
محامي:(مد ليه يديه) شكراا الله يعاون ..
علاء: (تا هو مد يديه) الله يعاون ..خرج محامي و بقا علاء كيقرا في ديك ورقة و يعاود لقا التوقيع ديال أسيل ..هز ستيلو و بدا كيدور في داك ستيلو و كيخمم و كيحك على لحيتو بعصبية ..كيفاش تجرأت دغيا تمشي و ترفع عليه دعوة ..موقعهاااش خشااها في مجر و كمل خدمتو عادي تا وصل المغرب مشا صلاه و رجع داز كافي كلا و ضرب قهوتو ..ورجع خدمتو تا قرب العشاء و سد المكتبة مشا الجامع صلا و رجع فيلا دخل لقا غير عائشة في صالة ..اما الحاج فاضطر يكلس مع امينة شي يومين يقاد ليها اموورها و يطمائن عليها عاد يرجع ..اسماااعيل باقي في خدمتو مكيجيش بكري و اسرااء الفوق كتخدم التمارين مع بنتها ..دخل علاء باس على راس مو و كلس حداها حيت جا الوقت ليكوليها الحقيقة ..
علاء: الواليدة بغيت ندوي معاك في واحد الموضوع..
عائشة: كول اولدي شنو عندك من البارح معجبتيني ياكما كاينة شي حاجة و نتا مخبي عليا هضر ؟
علاء: غير بشوية امي (شد ليها في يديها) اول حاجة سمحيلي الباارح كذبت عليك ..أسيل مكاينااش عند بسمة معرفتهااش فينها..
عائشة : 😱😱كيفاااااش معرفتيهاش فين كاينة؟
علاء: الباارح الواليدة تناقشنا انا وياها و دبا غادي نطلقو حيث ماصالحينش لبعضيتناا و دبا كل واحد فينا غادي يشد طريقو 
عائشة :(جاتها الدوخة) تا كتفلا علياا ولا شنوو..ك..كي فا ش ط لاااا ق ع ارف ر ا س ك ا ش ك ت قووول و لا شنو (سخفات ليه في يديه)
علاء:(تخلع ) مي مي ...مي ماااالك اسراااااء اسراااء ...نووووضي مي عاافاك مالك (تكاها على سداري و هرب كوزينة جاب بصلة و كيشمها ليها ..هبطاات اسراء شافت عائشة سخفانة مغيبة )
اسراء: مااااالها خااالتي اويلي 😱😱😱
علاء: اسراااء جيبي لياا شي ريحة عاافاك واقيلة طونسيو هبط ليها ..
اسرااء طلعات كتجري بيتها جابت ليه ريحة و نزلات عطاتها ليه بقا علاء كيدير ريحة في يدو و يديرها لمو في نيفها تا بدات تفيق ..اسراء مشات الكوزينة دارت كاس ديال الماء فيه سكر و جابتو ليها شرباتو ليها وبدات كتفيق و شادة في راسها ..
علاء: مي شوية دبااا ؟
عائشة : شوية شوية ..عارف رااسك شنو كنتي كتكول واش خرفتي ..
علاء: نساااي الموضوع دبا اهم هي راحتك و صحتك ...
عائشة : (شدات ليه في يديه و دموعها نزلو ..اسراء غير كتشوف كالاطرش في زفة ) سمعني نكووليك ديك هضرة ليكلتي قبيلة غير نسااها سمعتي ..مكااين لا طلاق لا جوج من حدي حية ..عمرك تفكر فيها و لو تفكير أسيل بنت ختي و هي امانة خلاتها ليا ختي و ببساطة بغتيني نلوحها و منحاافضش على امانتها وخا يوقع لوقع اسيل هي لتصلاح ليك و فكرة طلاق حيدها من باالك..
اسراء:😳😳😳😱
علاء: ولكن...《قاطعاتو 》
عائشة :(طلقات من يديه) و هضرتي قلتها ..نهار طلق اسيل نساا واش كاينة عندك مك ..و دبا ختار يا الرضاا يا السخط ..(ناضت طلعات لبيتها و خلات علاء حال فمو وصل تا سخط و رضا ديال موو ..تصدم من هضرتها ) غير ناضت مو و ناض تبعها بلا ميهضر و لا يتكلم ملامحو ممحيين مصدوم ..و اسرااء تا هي تصدماات من هادشي لسمعات طلع لبيتو معصب زدح بااب من موراه و حيد فيست دياالو لاحها بالزعفة فوق ناموسية كيكفكر فهادشي لكاتليه مو ...

♡عند اسيل♡
بقات أسيل و اماني كالسين مجمعين على طبلة كاياكلو كاسروط ضاحكين ناشطين و يعقوب كيلعب حداهوم ..جمعات ماعن اماني بمساعدة أسيل ..مشاو توضاو و صلاو المغرب من بعد ناضو كوزينة اسيل حلفات هي تغسل ليها ماعن ..و اماني جبدات دجاج كتنصب العشاء ..سالاو و رجعو بيت كالسين تا كيسمعو تيلي ديال أماني عبد الهادي كان كيصوني ليها ..
أماني: الو ..لبااس حمد الله ونتوما كيدايرين كيف بقات خالتي رقية؟؟...مسكينة صعيب الحال الله يشوف من جيهتها و صافي...ها هو كيلعب ..لا را جات عندي أسيل ..اه اسيل ..يسلم عليك الخير..اهاه واش بغات تشوفو ...صافي ها أسيل معايا غذا ان شاااء الله نشووفها لابغات تجي و نجيو ..وخاا صافي ..يا الله تصبح على خير..وخا تا نتا تهلا في رااسك ..حتا انا ..(قطعات )
أسيل: واش عكوزتك مريضة بزااف؟
اماني: واييه مسكينة طانسيو تقطع ليها عرق في رااس و دبا جاها شلل نصفي ..
اسيل: الله و أكبر فين كاينة هي بالضبط؟
اماني: في نواحي الحاجب ..
اسيل: وشنو دبا اتمشي ..
اماني: كالك بغات تشوف يعقوب و عبد الهادي كالي لا قدرتي تجيبيه و تجي و الله معرفت ..
اسيل: يا الله نديكوم غذا و نمشيو تشوف حفيدها مسكينة الحياة و الموت هذي و تا نتي طلي على عكوزتك حشومة 
اماني: عندك الحق ..ولكن مساافة طويلة تقدري تصوكي ...
اسيل: وي تا نتي لوطوروت سهلات كلشي غير نوضي جمعي حوايجك و حوايج ولدك ان شاء الله غذا نمشيو . 
اماني : وخاا ..صافي حضي معاك العشاء نوض نجمع الحوايج ..
اسيل : صافي غير سيري ..
ناضت أسيل لكوزينة طلات على الطاجين زادتو الماء و رجعات تا هي هزات باليزتها و بدات تقاد داكشي فيها لقاتها فرصة نيت تبعد مزيان ..اما اماني مشات بيتها ويعقووب تبعها جمعات حوايجها و حوايج يعقوب في داك صاك و كل مايخصهوم..اسيل طفات على طاجين جات اماني و حطو العشاء تعشااو ..و ناضت اماني غسلات ولدها و داتو بيت عندها نعساتو عندها و رجعات جمعات ماعن و قادات بلاصة أسيل ...اسيل مشات توضات و صلات العشاء و الشفع و الوتر و رجعاات بيت لقات اماني كالسة كتفرج بقاو كيتفرجو مدة تا جاهوم نعاس و ناضت اماني لبيتها و اسيل نعسات في بيت لفيه تلفازة😴
علاء تا هو دخل بيت معصب كان محتاج للدوش دخل دوش و خرج حيد تيشوورت و بقا غير بشورط كلس كيفكر في هاذ حريرة و شنو غيدير دبا و اسيل غذا محامي ايرفع دعوة ديال طلاق بقا تا يفكر تا لقا حل ..مابغاش يهبط يتعشا مافيه ما يتواجه مع مو و البقية بقات اسراء كتوجد العشاااء و عائشة تخشات في بيتها تا هي ..جا اسماعيل و حطات عشااء اسرااء طلعات عند علاء مابغاش و كذلك عائشة..سولها اسماعيل و كاتليه داكشي لفهمات تصدم تا هو ..اما علاء بقا كيفكر تداه نعاس😴
🌞صبااح جديد و شميسة شرقات على ابطالنا بجوج و كل واحد فيهوم في جيهة🌞
¤عند علاء¤
من بعد ماناض الفجر توضا و صلا و رجع بلاصتو تا ضربات ديك 7 عاد ناض غسل و بدل عليه عاد هبط لقا كلشي باقي ناعس خرج ركب في لوطو و مشا نيشان مكتبة فتحها و طلب قهوة كحلة باش يرد مزاج ديالو تفكر الورقة لجاب ليه محامي و جبدها بقا كيلقلب تا لقا نمرة ديالو و صونا ليه ..
علاء: الووو ..محامي يعقوبي هذاا؟
محامي: وي شكون معايا؟
علاء: معاك علاء دين الشافعي..جيتي عندي بارح على دعوة لبغات ترفع زوجة ديالي ..
محامي: اه عرفتك ..لقيتيني شوية و غادي ندوز عندك ..
علاء: مزيان لاكان ممكن متعطلش باغيك في واحد موضوع ..
محامي: واحد ساعة ديال مكانة انا معااك غير نسالي شي شغاال .
علاء: خوذ راحتك انا كنتسنااك ..بونجوغني..
محامي: شكراا...(قطع ) ..بفا علاء كيخدم تا جا عندو محامي ..
♡عند اسيل ♡..
ناضو البنات في الفجر و صلاو ورجعو نعسو تا ضربات 9 صباح عاد ناضت اماني هي لولة جمعات دار و وجدات فطووور و عاد مشات فيقات اسيل و يعقوب و كلسو كيفطرو ..تا سالاو و جمعات اسيل ماعن غسلاتهوم و اماني لبسات يعقوب باش يشدو طريق ..ووجداتو و جمعات بيت و بدات كتوجد راسها ..اسيل تا هي غسلات وجهها و مشات بيت جبدات كسيوة صيفية طويلة وصنادلة شراتهون لبساتهوم و قادات ميكاب ديالها خفيف و شعرها خلاتو مطلوق نضارتها شمية فوق رااسها جامعة بيهوم كصة من قداام و صاك صغير في جنب و بقية في باليزة و صاك صغير بقات كتشوف فيها اماني ..
اماني: واش ادي حوايجك؟؟😮😮
أسيل: وي انديهوم باش نرجع من تما ان شااء الله ..
اماني : ولكن مكلستي معاياا والو ..
أسيل: هههه باركة تال مرا خرا ان شااء الله ..يا الله دبا نمشيو الأطلس ..
اماني: ليبغيتي يا لالة انا نلبس خمااري ونخرجوو ياك ..
أسيل: اه باش نوصلو بكري ..
اماني: وخا غير سبقيني نتي ويعقوب انا نسد باب و نتبعكوم..
اسيل: وخا ..
خرجات أسيل جارة باليزتها و صاك لايحاه فوق باليزة و يعقوب في جنبها مشات لوطو ديالها وفتحاتها خشات باليزة في كوفر هي و صاك و ركبات يعقوب لور دارت ليه سمطة اما اماني لبسات خماراها و قاداتو و سدات باب من بعد مازيرات بوطات و طفات ضواو مشات ركبات حدا اسيل و ديماراات اسيل و شدو طريق ..

♡عند علاء دين ♡
كلس علاء خدام على شي وراق تا وصل محامي و دخل عندو ..
محامي: سلام عليكوم...
علاء:(ناض وقف و مد ليه يديه) و عليكوم سلام تفضل ..
محامي: (سلم عليه و كلس) شكراا..
علاء: تشرب شي حاجة؟؟
محامي: لا شكرا راني مزرووب ..غير جيت ناخذ ديك ورقة لاوقعتي عليها طبعا😊
علاء : امم تا انا جبتك باش نهضر معاك في هاذ موضوع(فتح مجر و جبد الورقة قطعها قدام عينيه محامي لغير كيشوف) هاذ قضية بغيتك تناااساها نهاائيا ..
محامي: كيفاش مفهمتش 😮😮
علاء: كيف سمعتي هاذ دعوة مغاديش ترفع و نسا قضي طلاق ..
محامي: سمحلياا هاذ تصرف لدرتي خاطئ ديجا بديت اجرااءات و زوجتك هي لباغا طلاق دونك خاصنا نكنلو اجراءات و انا خذيت منها عربون ..
علاء: شوف انا كتليك هاذ قضية نساهاا(جبد مليون من مجر و حطها ليه على مكتب) شووف هاذ دعوة مغاديس ترفع هي لمغاديش ترفع ..اتعيط على هذيك لوكلاتك و تكوليها مبقيتش انرفع دعوة و مبقيتش اناخذ هااذ خدمة و صافي ساهلة و ها ورقة تقطعات..
محامي: امم و علاش هاذشي..؟؟
علاء: مكيهمكش دباا ..لكيهمك هما فلوووس و ها هي بريكة مدارتي تا حاجة و خذيتيها اش بغيتي ..
محامي: (هز فلوووس) عندك صح كون هاني انا انعيط ليها ..
علاء: ودباا عجبتيني يالله بسلامة ..
محامي:(جمه الوقفة) الله يعاون ..مشا خرج ..و علاء بقا كيحك على لحيتو و عاقد غوباشتو معجبوووش الحال هاذشي لدار بحال لعطاه رشوة و لكن ما في جهدو ما يدير ..رجع كمل خدمتو تا اذن الضهر و ناض مشا الجامع ..اما اسيل شدات طريق هي واماني طالقين راديو و غاديين في طريق سياار ..3 ساعاات ديال طريق وصلو مدينة مكنااس و بداو اسيل كتقرا في بلاكات باش تشوف طريق لغاادي تبعها مع اول مرة تمشي ديك مدينة و اماني تا هي ..تا شافو بلاكة مكتوب عليها الحاجب إفران و ضربات ظورة و شداتها تا وصلو بوفكران و بدات طلع معاااها ريحة شوا و بدات تشمشم ..محساات براسها تا وقفات حدا واحد شجرة و كالت اماني والو يهبطو ياكلو ..نزلات اماني و يعقوب تابعين أسيل مشاو و طلبات اسيل ها شوا ها كفتة عمرو كروووشهوم عاد خلصات أسيل و ناضو كملو طريقوهم تا وصلو الحاااجب وسط مدينة ووقفو و اماني عيطات لعبد الهادي و نعتات ليه فين هما و كاليها غير تكلس تا يجي عندهوم و داكشي لكان بلاصااو في جنب واحد معرض و كلسو ..تا سمعات اسيل تيلفونها كيصوني لقاتها بسمة و هي تهبط باش تهضر ..(جاوبتها)
أسيل: الو زين ديالي ..
بسمة: مكاين لا زين ديالي لا خريوة يووومين و نتي غااابرة و متسولي ما والو ..
أسيل: بسمة عافااك بلا ما تقلقي را مدرتهاش بلعاني ..
بسمة: فينك نتي علاش مجيتيش عندي؟؟
اسيل: بسمة متغوتيش راكتليك ضرووف سمعي انا و علاء انطلقو و رااني خويت قنيطرة ..
بسمة: شناااهو كيفااااش اطلقو طانزة علبيا ولا شنووووو و فينك نتي دبااا😠😠😠
اسيل: بسمة عاافاك من بعد و نشرح ليك ..مغاديش نكوليك فين انا تا نقاد اموري و نعيط ليك دبا مابغيت تا حد يعرفني فين ..تهلاي في راسك و في صفوان بسلامة (قطعات علبيها و تنهدات و رجعات لطونوبيل ) جا عندهوم عبد الهادي لشد طاكسي و جا نيشان سلم عليهوم و باس ولدو و ركب حدا اسيل باش يوريها طريق و اماني رجعات لور بدا كينعث عبد الهادي لأسيل طريق تا وصلو واحد قرية سميتها ايت حرز الله نص ساعة وصلو مكانش بعيد بزاف على حاجب ..خرجات أخت عبد الهادي استقبلتهوم و هزات يعقوب كتلعب معاه دخلو لقاو امرة كبيرة في عمر ناعسة فوق سداري و مغطيبة بليزار تقدمات اماني هي لولة باست ليها يديها وراسها و طمأنات عليها و اسيل كذلك ..عاد جا يعقوب لغير شافتو و هي ضرب كلاس حسااات بحياة رجعات ليها من شافت حفيدها كلساتو عليها و بقات كتبووس فيه و كتفحص ليه وجهو فوطوكوبي ديال عبد الهادي ..حطات ليهوم الغذااء خت عبد الهادي كلاو غير شوية بحكم الله كلاو في طريق ناضت اسيل كوفر طونوبيل جبدات بيجامة ديالها و رجعات بدلات حوايجها هي و اماني و يعقوب بدلو ليه و كلسو كيستاارحو مجمعين وسط دار..
علاء من بعد ماصلا الضهر مشا الفيلا لقا غير اسراء والدراري للتحت ..سول على مو عرفها الفوق و طلع تا دخل عندها بيت ..
علاء: الواليدة بغيت ندوي معاك؟؟
عائشة : دخل ..
علاء:(دخل و باس ليها راسها و يديها و كلس ) ..حنا مغاديش نطلقو كوني هانية 😊
عائشة:(فرحاات) بصح اولدي ..و فينها بنتي اسيل جبتيها ..
علاء: لا ..خذينا وقت نرتاحو شوية نفكرو و نرتبو افكارنا نرتاحو و يكون خير و ديك ساعة اترجع ..
عائشة: و هي فينها دباا..؟
علاء: مشات شي بلاصة باش ترتاح و تريح النفسية ديالها و لكن قريب اترجع كوني هانية ..
عائشة : كنتمنى اولدي ..شوف زواج را صبر خاصكوم تصبرو على بعضياتكوم و كل واحد فيكوم يتناازل شوية باش تعيشو بخير و راكوم الله بديتو و انا بغيت نشوف ولادكوم ان شاء الله..
علاء:(تنهد) ان شاااء الله ميكون غير خير ..انا انمشي نبدل علياا هبطي تا نتي باش نتغذاو مجموعين ..
عائشة : هي لولة ..
علاء: فينو الحاج باقي مغاديش يجي ؟
عائشة: تا غذا ان شاء الله يقاد شي امور مع امينة ..
علاء: اه ايواا مزيان ..
#يتبع...