الساقطة و الملتزم الجزء السابع

رواية الساقطة و الملتزم

...وهكا دازت شهر ..بدون اي احداث البنات تعلمو يسوكو في مدينة وحمد لكان كل حد كيطلعهوم الغابة و كيعلمهوم...دوزو الامتحانات و شدو العطلة ...بسمة قليل فين كتخرج و معمرها شافت يوسف من داك النهار و سدات الموضوع ..اما اسيل باقي هي هي الصباح قراية عشية ضوران في ليل البار ولات عندها عادة و كل 3 يام في سيمانة كدوز 3 ضحايا و حسن من مانضة ديال الوزير ...خديجة باقا خدامة و لكن شدات شهادة طبية حيث هاد سيمانات لخرة ولات عيانة شوية ..اما البطل ديالنا و عائلتو الأمور مهدنة ..ولا قليل فين كيمشي عند امينة يديها و يجيبها ..خدمتو و صلاتو هذا الأهم ..أسيل تحيدات ليه من البال وخا مرة مرة كيتفكر عينيها تا كيستغفر الله عاد كيرجع وعيو و يقرا سورة من القرآن و الأدعية ...صاحبو علي مسافر خارج البلاد على شي خدمة ...جات العطلة و جات ختو عندهوم ضيفة و كذلك خت إسراء *نور* ..نور تا هي كتقرا في مدرسة الطب غير هي عامها ثالث فايتة امينة بالعام محتجبة ..واخذة حقها من الزين النور على وجهها كيف كيقولو اسم على مسمى ...كتعشق شي حاجة سميتها علاء دين و كيف متعشقش راجل كامل مكمول من ناحية الزين و الاخلاق و الفلوس و اي وحدة تمناه و لكن علاء الدين لا اهتمام تجاهها ..محتارمها كأنها خت حرم خوه فقط ..و هاكا داز هاذ شهر عند الابطال ديالنا ..
🌔صباح جديد مليئ بالمفاجئات 🌔
♡عند البطلة ديالنا♡
ناضت اسيل من نعاس كتفوه ...دخلات الحمام غسلات وجهها و سنانها و جمعات شعرها كوتشوفال و لبسات بنوارها ديال بيجامة حيث شهر 12 البرد نيت ناضت لقات دار مجموعة كالعادة و كتشعل ..مشات الكوزينة لقات فطور فوق طبلة و ماماها كتنصب الغذاء باستها و مشات هزات الحليب و حلات كابتشينو بنكهة الكراميل و خلطاتو هزات شكلاط ذهناتو في الخبز و كلسات تا تفطر و مجمعة مع ماماها تا ناضت بسمة مدوخة تا هي ولات كتنعس بزااف مع الحمولية و هي كملات 4 شهور و كريشة كبرات شوية ...و قريب يعرفو الجنس ديال البيبي باست خديجة و كلسات كتفطر و كيدردشو تا سالاو و جمعو الدنيا و خديجة مشات توضا تصلي ضهر و هما كالسين مجمعين البناات مكيتسالاوش تا جمعو الدنيا و خرجو للسيجور كل وحدة هزات تيليفونها في يديها و كيسبحو الله يقبل😂😂 تا وجد الغذاء و ناضو ثاني على طبلة كيتغذاو تا هضرات خديجة ..
خديجة: البنات بغيت نخرج ليوما تمشيو معايا ...
اسيل: فين اماما؟؟
خديجة: غير خبااازة 
اسيل: خاصك شي حاجة؟؟
خديجة :اييه بغيت نخيط شي جلابة و لا ندير هذاك لطويل اش كيسميوه..
بسمة:خماار😮
خديجة:هذاك ابنتي شي عيالات لابسينو حمقني ..
اسيل:اويلي بلاش عليك اماما خيطي ليك جلابة حسن 
خديجة: علاش ابنيتي منو يسترني و منو ميبقاش مضيق عليا بحال جلابة .
بسمة: اه كاين لوينات و شكيلات فيه زوينين 😍
اسيل: تسيطيتو و الله ضبر راسك بغيتي ديري داك الغنبور بحال غراب ديريه شغلك هذاك غير مدركيش وجههك هذاك لكيكوليه..منعرف ليه داك شي لكيديرو كيخليو غير العينين كيبانو ..
بسمة:نقاااب😂😂😂😂
أسيل: هذااك سمعتيني انا نايضة نغسل سناني و يديا و نوضو لاغادي تخرجو الله تلبسو و تقادو ..نشوف شي واحد كيبيع التواب نشريوه و ندوزو عند شي خياط خيطو ليك ..
خديجة: اييه هي لولة😍
مشات أسيل غسلات سنانها ووجهها و جبدات حوايجها سروال تجين زرق كلو مقطع من ركبة و كول مونطي في بيض ومخطط بكحل و لبسات بوط قصير في الكحل و كوريرة في الكحل دارت ميكاب ..ركزات على عينيها دارت حوتة و ريسيل و عكرات نيت و جمعات شعرها كوتشوفال و هزات صاك كحل في جنب ورشات ريحتها و دارت ساعتها في اليد و خرجات لقات بسمة تا هي واجدة لابسة بحالها تقريبا و خديجة لابسة جلابتها القديمة و الزيف فوق راسها كلو معنكش اسيل بقات تويل عاد قاداتو ليه ..حيدو البريزات و سدو البوطات و سدو الباب و خرجو شدو طاكسي🚖 نيشان الخبازات ..وصلو دغيا مع طاكسي و مورا الغذاء دنيا خاوية ..دخلو نيشان زنقة 36 كيقلبو تا لقاو واحد كيبعيو تواب التكاشط و القفاطن و تا الخمار ..دخلو و خذات خديجة واحد في القهوي و واحد في الزيتي و خرجو تا يقلبو على شي خياط ليخيط ليهوم تا بان ليهوم واحد و دخلو و وقيس ليها و دفعات العربون كاليها سيمانة و دوزي ليه و هما خارجين تا كتزدح أسيل مع واحد الحيط😂
♡عند البطل ديالنا♡
علاء تا هو داز الشهر عندو عادي ..الخدمة الجامع لدار يوم على يوم ..اليوم ناض كاعاداتو دار مسائلو الصباحية و كالعادة فطر مع عائلة كلشي مجموع و مشا لخدمتو و مع وقت الغذاء داز للجامع صلا ضهر و عاد رجع الدار لقاهوم كيوجدو الغذاء طلع بيتو بدل عليه و هز القران كيقرا كالعادة تا عيطو ليه الغذاء و هبط كيتغذى و مع الأربعاء مكيخدمش في العشية روبو ديالو كيخلي غير خدامة تا عشية و كيمشي يتحاسب معاهوم و يسد و يرجع الدار ...تغذاو و من بعد كلس كلشي في صالة تا هضرات الحاجة عائشة 
عائشة : ولدي مخدامش ليوم ياك؟؟
علاء: راكي عارفة الواليدة روبو بغيتي شي حاجة؟؟
عائشة : اه ماقاداش اولدي نخرج و شي حوايج عند الخياط بغيتهوم تجيبهوم ليا الله يرضي عليك
علاء: على الراس و العين اواليدة و لكن مكنعرفش فين جا..
عائشة : را تا بنتي نور كالك عندها شي حوايج عندو نيت ديها معاك و جيبو حوايجي و حوايجها ..
علاء:😮😮😳

♡عند البطل ديالنا ♡
علاء:😮😮😳 صافي الواليدة مكاين لاش انا نقلب عليه تا نلقاه ..
عائشة : لواه اولدي اتبقا تقلب تما نهار كامل و ماغاديش تلقاااه ..ها نور غاذة غاذة لهما ديها معاك اولدي 
علاء: وخاا وخا وجدي راسك انا انطلع نجيب بزطامي و سوارت طونوبيل ونجي..
نور:(حانية راسها) وخا ..
طلع علاء هو محاملش راسو عائشة حطاتو في موقف محرج ملقا ميدير هز تيلفونو و كونطاكت و بزطامو ولبس فيست ديالو و هبط لقا نور لابسة خمار في الغوز بيبي و دايرة كحل هازة صاكها في يديها و خرجو ركبات حداه في طونوبيل ..هضرتهوم قليلة كيحاول يتجنبها و هي كذلك حشمانة منو حدها كتنعث ليه مينن يدوز تا وصلو عند الخياط بلاصة الطونوبيل في واحد قنت و سدها و هبطو غادي داخلين تا كدخل فيه أسيل ..
علاء:😳😳😳
اسيل: واش مكتشووووفش (هزات راسها و هي تصدم من شافتو ) نتاااا؟؟
علاء:(مصدوم كثر منها ووجهو قريب لوجهها) نتي؟؟
أسيل:واش مكتشووفش ؟
علاء: را واقيلة نتي لداخلة فياا اولا؟؟
خرجات في هاذ اللحضة خديجة و بسمة ..
خديجة: اسيل مالك ابنتي؟؟
أسيل:والو اماما يا الله نمشيو صافي شد عليك القياااس 
خديجة: اه صاافي (دارت عند الخياط) عاافاااك اولدي مديرش داكشي مزير و يكون هابط تا الأرض (ضورات عينيها و هي تقشع نور 👀 نعثااات ليه) بحاال هذا اولدي ليلابسة هاذ البنت ..كلشي دار كيشوف في نور لواقفة في الباب مورا علاء
اسيل:😮😮😮
بسمة: عافاااك اخويا متعطلوش علينا بزااف 
خياط: كوني هانية اختي 3 ايام نوجدو ليها ان شاء الله
بسمة: ان شاء الله وخااا ...يا الله اماما اسيل تحركي نمشيو مشا الحال ..خرجات اسيل لمصدومة مكتهضرش و خديجة فرحانة و بسمة شادة فيها و كيضحكو اما أسيل مشات في عااالم اخر ..كتفكر وجهو و ملاميحو و النور لي على وجهوو كتبدا تبتسم و لكن غير تفكرت هذيك لكانت معاه و هي تربط الغوباشة..
أسيل: امممم مزوج..
بسمة: (من موراها) أسيل مااالك
خديجة: بسم الله عليك ابنتي مالك سابقاني و داوية بوحدك
اسيل:(ضارت عندهوم) والو والووو يا الله طلقو رجليكوم نمشيو را عييت ..
بسمة: شوفي ليناا ش طاكسي يا ختي تا انا رجلي ضروني..
خديجة: وبسيف ابنتي راكي ثقلتي را واحد الطاكسي خاوي شيري ليه ..
أسيل؛ على الله يبغي يوقف لينا و حنا بثلاثة ..شيرات اسيل طاكسي وقف ليهوم و طلعو رجعو نيشان لدار ...حطهوم حدا العمارة ..خلصاتو خديجة و هبطو طلعو لدار وجدو كاسكروط بدلو حوايجهوم..دارو كوطي ديالهوم و مشاو كيتفرجو تا قربات الوقت جبدو تعشاو شيحاجة خفيفة من خديجة لبسات جلابيتها و وصات البنات كالعادة و باستهوم و هبطات حدا باب العمارة وبقات غادة حتا لپلاكة كتسنى طرونسبور ديال خدمة ...جا طرونسبور و طلعات فيه ..
♡عند البطل ديالنا♡
تصدم من دخلات فيه اسيل و كالعادة سهى في عينيها لبنسبة ليه عامرين الغاز و اسرار و فيهون حزن كبير و في نفس الوقت نوع من البرائة ...و هو كيهضر معاها تا خرجات خديجة و شافها بجلابيتها باينة قديمة و زيد دايرها زيفها بطريقة ديال وحدة محجبة و عاد النور لعلى وجهها و باينة فيها مسكينة ... من سمع اسيل كالت ليها ماما تأكد من انهوم هاذي هي مهم و لكن ماباينش عليها خدمة ليل بالعكس كتبان شرف من شريفة ...عاودو الافكار و تساؤلات كيطيحو في بالو ثاني و 100 سؤال في راسو و أسيل عاوتاني بالنسبة ليه ماشي غير لغز بالنسبة ليه ألغاززز خاص يحلهوم و كيف معروف على علاء حب الاستطلاع من صغرو لدرجة كان كيدير شي مغامرات صعاااب و يدخل في شي حوايج صعااب غير باش يستكشف العالم الخارجي لكيدور بيه ..و أسيل دبا هي العالم بوووحدو عامر اسرار و الغاز خاصو يعرفهوم...دخل عند الخياط هز السخرة ديال مو و نور هزات حوايجها ..دارهوم لور في طونوبيل و رجع فيلا طاير ..دخل عطا السخرة لمو رضات عليه و طلع لبيتو كيخمم تاشاف ساعة و هو ينوض بدل حوايجهو و اول حاجة مشا مكازة ديالهوم تحاسب معاهزم على خدمة العشية و قاد شي وراق و ناض سد مكازة و مشا دا سوارت طونوبيل هبط على رجليه الجامع مشا جيهة فين كيتوضاو توضا و طلع صلا العشاء و مكملش الشفع الوتر حيث ليوم باغي يعرف سر اسيل او سر ديال عائلة أسيل خرج ركب في لوطووو و مشا نيشان العمارة في كتسكن أسيل ...بلاصة في واحد قنت خاوي بعيد شوية على دار و كلس كيتسنا في طونوبيل و طالقا قران تا كتبان ليه خديجة هبطات تبعها من بعيد حتا وقفات فلپلاكة كاتسنا تا وقف عليها طرونسبور ديال الخدمة قرا في طرونسبور انه ديال وزين ...
علاء:(ضرب يديه مع كيدون) اوووف اش نويت يا سيدي ربي ان بعض الضن اثم المراة كتخدم بعرق كتاافها و انا نويت شكل استغفر الله العضيم و لا حول و لا قوة الا بالله ..
مشات خديجة وهو رجع بقا كالس تا كيابانو ليه البنات هابطين حل عينيه على وسعهوم بسمة لابسة لباس ديال السهرة و مقادة وجهها اما اسيل العكس لابسة عادي و مدايرة لا مكياج لا والو هازة شعرها بطريقة عشوائية ووجهها عادي..تا بان ليه طاكسي وقف و ركبو البنات وزاد ..
علاء: ليوم نعرف سرك ا أسيل ...ديمارا لوطو و تبعهوم بشوية بلا ميحسو تا وصل حمد قدام واحد صالون هبطات أسيل سلمات عليهوم و دخلات عند مدام عيشة اما حمد كمل على طريقو و دا بسمة ...علاء بغا يعرف سر أسيل هادشي علاش بقا كالس حدا صالون كيتسنا ..

♡عند البطللة ديالنا♡
من بعد ما هبطات خديجة ومشات خدمتها ..البنات ناضو جمعو الروينة و ناضو لبسو حوايجهوم ..بسمة كالعادة لبس كتمشي بيه بار ..اما اسيل لبسات غير كيطمة و لاحت مونطو فوق منها حيث غادي تمشي تا صالون و تقاد وتلبس ..طفاو ضواو و حيدو البريزات و زيرو بووطات و سدو الباب و خرجو جا حمد و داهوم وصل اسيل للصالون حطها و كمل طريقو هو و بسمة وصلها البار..دخلات اسيل لقات مدام عيشة كتسناها دخلوها البنات كالعادة تكلفو بيها و قادووها من شعرها لهزاتو فوق كوتشوفال و مكيااااج مثير لبسات ليبا موس في كحل و مع كسوة فالكحل فوق الركبة كول مونطي مع البرد و صباط في الكحل عااالي لبسات مونطو ديالها و هزات بووشيط كحلة ديالها و خرجات من بعد ما عاودات واحد تعكيرة حمرة و خلصاتهوم خرجات وقفات شوية حدا صالون تا جا ليها حمد و ركبات حداه تاوصلها لبار و سلمات عليه و دارت معاه خطة باش من تخرج مع شي ضحية يتبعها بلا ميحس هبطات سلمات على الكارد و حيدات مونطو عطاتو له ودخلات و كلسات قدام بسمة كالعادة ودارت رجل فوق رجل و جات عندها بسمة كالعادة جابت ليها شنو تشرب و سيفطات ليها مسااج فيه معلومات عن ضحية ديالهاا جديد مقاول قرات معلومااات و هزات تيلي و دارت راسها كتسيب العكر و هي تقشعو و بدات كتوجد راسها عطات بسمة 100 درهم ووسط منها الكينة و بدات كتوجد راسها وناضت كتعوج و مشات جيهة الضحية ديالها ...تا وقفات عليه و هو خدام كيشرب ماهواش في هاذ العالم...تقولبات عليه كيف العادة و كلسات كتحلون عليه و هو كيشرب جابت ليهوم بسمة عصير لاسيل و ويسكي لناصر ..عرفاتو مزوج و مطلق و عندو جوج ولاد عندو شركة هو و صاحبو بدات دور بيه تا كلات ليه مخو و ناضت خرجات معاه و ركبات معاه كلسات حداه و زادو...
♡عند علاء♡
..كلس كيتسنا ..تا خرجات اسيل مقادة الحالة شافها حل فمو 😂 تا استوعب...عاد حدر عينيه شاف طاكسي وقف ليها و تبعهوم بلا ميحسو تا وصلو ..علاء بقا بعيد شوية بلاصة فالجنب ديال طريق شافها هبطات و سلمات على كارد و دخلات..
علاء: تبارك الله على لالة اسيل قايمة بالواجب و خلاص صواب زعماا ايوا ليوم نعرفو اش كديري ..و شنو السر ديالك ...رجع لكوسان لور و تكا طالق كوسان و كيتسناها فوقاش اتخرج بطبيعة الحال ميقدرش يدخل البار بقا كالس غير في لوطو ديالو و طالق قران بشوية و مربع يديه و حاضي دازت ساعة و هي تبان ليه خارجة مع وااحد و كضحك ركبات معاه و مشاو بقا كايشوف وحاس براسو تقرس و هو يديماري لوطوو و تبعهوم بشوية غاديين في طريق خاوية شوية كيبان ليه حمد في طاكسي ضوبلو و تبعهوم تما بدا كيدخلو شك بقا غادي تا هو موراه تا شافهوم وقفو و حمد مشا واحد قنت و بلاصة و علاء مشا بومبا و بلاصة في واحد بلاصة خاااوية حاضيهوم كيشوف ومع زاج ديال طونوبيل ديالو كحلة كاع مكيبان وهو كيشوف كلشي هو ...تا كتبان ليه اسيل بحال لكترد و لاخور هبط ليها قرعة الماء و رجعو لطونوبيل شوية كيبان ليه لاخور سخف على كيدون حل عينيه على وسعهوم👀 😮😳 تصدم شوية كتبان اسيل هزات شي حاجة من كوفر ديال طونوبيل و هبطات كدور في راسها يمين شمال يمين شمال و مشات كتجري ركبات في طاكسي مع حمد و تحركو علاء بقا غير حال فمو كيشوف لاخور سخفان في وسط طونوبيل ...مشا بالو بعيد صحابو قتلاتو 😆 بق مدة مصدوم شوية بان ليه هادا كيفيق و ناض شاد في راسو ضور عينيه ملقاش أسيل حداه و هو يهبط من طونوبيل و كيضور في جوايها ..عاد عاق بلبلان من قلب مجر لقا فلوس مكاينينش ملقا شنو يدير من غير يركب في طونوبيلتو و يزيد ..اما علاء عاد عاق ببلان ..
علاء:(حابس ضحكة*) و طلعتي مسهلااااش الالة اسيل كتشفري عاين بااااين و عارفة كيديري ضحكي على عباااد الله و انا نعرف منين كتجيبي دوووك فلوس ديال حرااام و هادشي كامل باش تقراااي و لكن كيفاش ماماها كتخدم مسكينة و ماجايباش خبار بناتها اه و ختها اش كدير مثلا بحااالها زعما ..هادشي مرون و لكن مزيان نيت من عرفت داك فلوس من كيجيو ايوا الالة اسيل مطلعتيش عاهرة ..نصاااابة من درجة عاهرة ..احنا انشوفو قصتك...
ديمارا علاء طونوبيلتو و زاد مشا نيشان جامع توضا و طلع صلا الشفع والوتر و كلس كيقرا قران تا اذن الفجر صلاه عاد رجع لدار طلع بيتو نيشاان بدل حوايجو و تخشاا في بلاصتو و باقي كيفكر..
اما حمد وصل أسيل باب عمارة سلمات عليه و طلعات دخلات بدلات حوايجها و مشات كوزينة كتوجد اندومي حيث جاها جوع ..دارت في زلافة كبيرة و مشات كلسات قدام تلفازة كتفرج وتاكل تا دخلات بسمة ...سلمات عليها و دخلات بدلات حوايجها تاهي ولبسات بيجامتها و مشات هزات حقها لخلات ليها اسيل و هزات كاس الحليب فيه لويزة و مشات كلسات حدا اسيل كيهضرو ..بسمة كاتليها شحال ضربتي كاتليها 7000 درهم و بقا كيضحكو و ناضو غسلو ماعن و سنانهوم و ذهنو وجههوم بكريم ليلي ديالهوم و كل وحدة دخلات بيتها ونعسو ...😴😴😴

♡عند البطل ديالنا♡
علاء:(فاق الصباح مع 10 ليوم فاق معطل حيت مانعسش الليل كامل تقريبا حتا صلا الفجر عاد مشا ينعس شاف فالساعة لقا راسو تعطل على خدمتو وهادشي ماشي من عوايدو ناض مشا للحمام غسل وجهو وسنانو وبقا غير بحوايج الدار هز پيسي ديالو وتكا فوق الناموسية وداير رجل على رجل وحاط لپيسي فوق كرشو وكايخدم فه بقا شحال كايخدم او كايحاول يخدم باش سينسا الموضوع لي شاغل له بالو ملي فاق تا لدبا وماخلاهش يخدم على راحتو حط لپيسي حداه وگلس وبقا كايدوز يديه على لحيتو كايفكر فأسيل طبعا) ممم مانقدرش نكر الصدمة ديالي باقي كانطلب الله يسمح ليا حيت نويتها خايبة أستغفر الله ان بعض الظن إثم ولكن هادوك كايبقاو فلوس الحرام.....(باقي كايهضر حتا سمع الدقان فالباب ناض حل الباب لقا ماماه باس ليها راسها) صباح الخير الواليدة
عيشة:صباح الخير اولدي واخا مابقا صباح علاش ماهبطيش تفطر بنتي ليا مافقتيش فوقتك عرفتك عيان داكشي علاش خليتك فراحتك
علاء:ااه ماعرفت كيدرت ليها مافقتش بكري وماسمعتش تيليفون غيبت ومابغيتش نهبط حيت الواليدة نتي عارفة حنا ماشي بوحدنا ماجاتش نهبط ونبقا گالس تما وهوما اكيد غايبغيو ياخدو راحتهم 
عيشة:(عرفات بلي داوي على نور) واخا اولدي عندك الحق انا غانجيب لك فطورك 
علاء:واخا الواليدة😇(هبطاا الواليدة ديالو اما هو سد الباب ديال بيتو ورجع تكا مغمض عينيه كايفكر فأسيل كايحلل ويناقش بوحدو هادا هو طبعو من بعد شوية دخلات له مو الپلاطو كلا شوية باش ياكل الغدا ومشات هبطاتو اما هو بقا غير فالشومبر ديالو) 
♡عند البطلة ديالنا♡
أسيل:(فاقت مع 11:30 كاتفوه باقي فيها النعاس ولكن بغات تعاون ماماها غسلات وجها وسنانها ومشطات شعوها وخرجات من بيتها ماكاتشمش ريحة الطياب مشات الكوزينة لقاتها كاتصفر تعجبات هادشي ماشي من عوايد الواليدة ديالها مشات عندها لبيتها حلات الباب بشوية وطلات البيت كانت مضلمة وخديجة ناعسة وباينة فيها عيانة حالة فمها ومامغطياش كاملة ومهبطة الرريدوات باينة غير جات طاحت مشات أسيل باستها فجبهتها وغطاتها وخرجات سدات الباب ومشات عند بسمة طلات عليها تاهي لقاتها ناعسة وحاطة يدها فوق كرشها لي بداات تباان غطاتها تا هي ومشات خرجات للكوزينة فطرات هو لول عاد مشات نصبات الغدا فالكوكوت وسدات عله شافت فالساعة كانت 12:30 طارت لبيتها لبسات پينوار ديالها وشال لواتو على عنقها وهزات الساروت والصرف ونقصات البوطة ومشات خرجات وسدات الباب مزيان هبطات ومشات بقات غادية حتا للمخبزة لي كانت قريبة شوية دخلات وتسنات حتا وصلاات نوبتها جابت الخبز ورجعات لدارهوم طلعات وحلات الباب ودخلات حيدات حوايجها ومشات للكوزينة طلات على الغدا لي كان طاب طفات عله ومشات فيقات بسمة غا بزز ومشات عند ماماها طلعات الريدووات وبدات تفيق فيها) ماما فيقي تغداي راه الغدا طاب
خديجة:(فاقت مدوخة بالنعاس مسحات فمها وناضتت گلسات وشافت فبنتها وبقات كاتستوعب الاموور) اويلي الغدااا😳ياااربي ماعرفت كيدرتي حتا مافقتش
أسيل:هههه صافي راه الغدا طااب وجبت الخبز
خديجة:نتي لي طيبتي
أسيل:ههه ااه جيت طليت علك لقيتك ناعسة وكانت باينة فك عيانة مابغيتش نبرزطك داكشي علاش طيبت الغدا وخرجت جبت الخبز وجيت فيقتكوم راه تا بسمة عاد فيقتها ههه
خديجة:ااه كنت عيانة لبارح ماكملت تا غفر ليا الله الدنوب الله يرضي علك ابنتي 
أسيل:يالاه نوضي اماما غسلي وجهك باش نمشيو نتغداو
خديجة:واخا ابنتي انا نايضة
أسيل:(خرجات من البيت ومشات طلات على بسمة لقاتها خرجات من الحمام وكاتمسح وجها بالفوطة وجات وقفات قدام المراية وأسيل متكية على الباب وكاتشوف فيها) 
بسمة:(سالات وبقات واقفة قدام المراية كاتشوف فراسها وسرعان ما دارت عند أسيل) 😍الكريشة بدات تباان
أسيل:ههه ااه بصتح
بسمة:دباا خاصني نلبس الحوايج لي جيو معايا گاع لي عندي مزير وتا فالبار بداو كايشكو 
أسيل:شوو حنا العشية نخرجو نتقضاو اما البار اصلا مابقاش لينا بزاف ونخرجو فخطرة
بسمة:ولكنن....
أسيل:انا عارفاك خايفة تشوفي يووسف ولكن واش غاتحبسي راسك فالدار بسبابو وزايدون هو ملي گلتي ليه راه تجوجت راه مشا فحالو وزايدون غاتمشي معانا ماما ليوم باش تجيب تا هي داكشي لي خلات عند الخياط وحتا الا جا وتلاقيناه مرة خرا غاتگولي ليه امشي بعد قبل ماتشوفك حماتك لي هي ماما وهو غايتيق بلي بصاح تجوجتي😋
بسمة:😳تي الكدوب كاتعطيه قتلة هادشي منين جبتيه اصاحبتي ناوي نخاف عليك
أسيل:ههه هادي أسيل وأجرك عالله😉
بسمة:ههه واخا صافي واخا كانتمنا مانشوفوش حيت نخاف نضعف ونبدا نهرنن تاني
أسيل:(شافت فيها شوفة عميقة كاتقرا الحزن فعينيها باينة بسمة باقا كاتبغي يوسف غير كاتكدب على راسها بدك الكلمة ديال نساتو ولكن شوفتو مرة خرا عاودات حيات الحب ديالها من جيهتو بسمة باقي كاتبغيه ولكن مامستاعداش تسمح له ولات خايفة وخصوصا ملي غايتزاد ولدها بتاسمات ليها أسيل كإبتسامة رضا ومشات عندها عنقاتها) 

بسمة:اويلي ماالك تشيرتي
أسيل:زيدي زيدي تاكلي (خرجات بسمة وأسيل وأسيل سخنات الغدا وحطاتو فوق الطبلة جات خديجة تا هي گلسو وبداو كياكلو ويشكرو أسيل على طيابها غير سالاو غسلات بسمة الماعن ومشات خديجة توضات وصلات وعلموها البنات بلي غاديين اخرجو ويمشيو نيت اشوفو واش وجد الخياط داكشي ديال خديجة من بعد ماسالات بسمة أسيل دوزات جفاف خفيف للكوزينة اما بسمة هزات تفاحة ومشات لبيتها حطات الحوايج لي غاتلبس بانو ليها حوايج الزيادة لي شراو بقات تشوفهوم وضحك غير سالاو مشاو گلسو فااصالة مجموعين كايتفرجو زعما خديجة كاتفرج والبنات مكونيكطيين ودن العصر ومشات خديجة توضات وصلات ومشات تلبس حوايجها والبنات كدلك لبسات أسيل سروال دجين زرق وتريكو كحلة ديال الصوفة ومن فوقها كويرة ديالها وبوتيو كحل مشاطت شعرها وسرحاتو ولبسات طربوش ديالها بسمة لبسات سروال كحل وتريكو بيضة ديال الصوف طويلة مشكشكة على حساب الحمل ديالها وبوتيو كحل ومشطات شعرها سرحاتو ولوات شال على عنقها دارو ميكاپ ديالهم وتريحو وخرجو لقاو خديجة كاتسناهم لابسة جلابيتها كالعادة وكاتحسب فالفلووس لي عندها اما أسيل شافت فبسمة كاضحك ومشات رجعات لبيتها جابت شي فلوس حشاتهم فجيبها هوما والتيليفون وكدلك بسمة مشات لبسات خاتمها ديال الذهب احتيااطا حيدو الپريزات وسدو البوطة ومشاو خرجو من بعد ما سدو الباب خرجو من العمارة وبقاو غاديين حتا جا الطاكسي وقفوه وركبو مشاو الخبازات مشاو نيشان عند الخيااط گاليهم مزال تا لغد له بالعشية خرجو من عندو)
خديجة:صافي تا لغدا ونرجعو عندو
أسيل:ااه واخا دبا نمشيو نتقضاو شيحاجة لبسوها بغيت نشري شي لبسات 
بسمة:ااه تا انا نيت خاصيني دبا خاصني نشري حوايج واسعين حيت هادو مابقاوش جاو مع الكريشة لي بدات كاتكبر ههه
خديجة:واخا ابنتي نتوما سيرو انا غانتسنااكم فدك الجردة لهيه واخا نگلس نشوف فالدراري الصغار بيما ساليتو ملب تساليو جيو عندي عييت مانقدرش نتمشا مزال تسخسخت
أسيل:ممم واخا اماما مهم خلي تيليفونك حداك ردي له البال تاني عنداك تبقاي خالة فمك فالدراري تاني
خديجة:لا ابنتي كوني هانية هاكو خودو هادو باش تشريو
بسمة:لا اخالتي راه عندي
خديجة:هاكي شدي وسكتي راه 600 درهم هاديك قسموها واخا ماشي شيحاجة ولكن غير خودوها 
أسيل:واخا اماما احنا غاديين 
خديجة:واخا ابنتي
أسيل:(شدات الفلوس وشدات فبسمة كايتمشاو شوية ورجعو كايشوفو فخديجة لي دخلات للجردة بشوية عليها غير تحركو ما حسو حتا شي واحد جر بسمة من اللور) 
بسمة:(حسات بشي حد جرها ودارت لقاتو يوسف هي تخرج عينيها وبدات تفافا وكاتحاول تبعد منو) 
أسيل:(شافت فبسمة كاطمنها وكاتسناها هي تهضر مابغاتش تههضر هي) 👀
بسمة:(جمعات شجاعتها وقبل ماتنطق سبقها يوسف هضر) 
يوسف:مايمكنش تجوجي نتي غير كاتكدبي راه راه نتي عارفة مايمكنش تجوجي
بسمة:(تجرحات من هضرتو حيت عارفاه كان كايدوي على شرافها كايگوليها كيفاش يمكن لشي واحد يتجوج بشي وحدة ****😏 شافت فه وكاتحس بالقرف من راسها خنزرات فه هي تجر يدها بالجهد وهزات صبعها فوجهو) وايااك واايياااك تعااود تقييسني حيت كانحلف لك غادي ندمك واااه انا تجوجت وراني حااملة (شدات يدو حطاتها على كرشها) انااا حااملة ومجوجة وهادي لووستي وحماتي راه كاينة فالجردة وراجلي خدام انا مجوجة (هزات الخاتم وراتو له)مجوووجة ياك مابغيتي نعرض علك شي نهار تجي تغدا عندنا وتشوف بعينييك شنو يصحاابلك واش غير حيت نتا ماشي راجل كولشي بحاالك انا تجوجت بواحد راجل علك قاابل عليا وعارف كوولشي ولكن الا شاافك دبا ماغايرحمكش ااه غلط نهار سلمتك راسي ولكن حمد الله غير مشيتي جا واحد تجوجني نسااني فك كاتفهم نساااني فك كانكره حتا سميتك شنو بغيتي مني قيلني علك بعد مني عطيني بالتيساع خليني نعيش حياتي هانية لاش جاي دبا حتاا جربتي معنى الخيانة والغدر تنادم معاك الحال (حسات بوخزة خفيفة فكرشها وهي تغمض عينيها وحاولات تهدن الطبيبة گالت ليها خاصها تبعد على التوتر)شوف يوسف الله يرحم الواليدين بعد مني لوستي عارفة كولشي ولكن حماتي لاشافتك غاتفهم كولشي غالاط بعد مني نساااني علك
يوسف:(مصدوم من هادشي لي كايسمع ماحس براسو حتا طاحت دمعة سخونة من عينو حس بلي فقد بسمة ديال بصاح فقدها فمرة) انااا. أسيل:(غير كاتشوف ماقداتش تهضر بغات تدخل ولكن فضلات انها تسكت بسمة كاتخرج لي فقلبها واخا باينة فيها مجروحة كتر من القياس)
بسمة:نسااني علك (كانت هادي آخر كلمة تگوولها قبل ماتشد أسيل من يديها وتمات جاراها بلا ماتلفت موراها وتخلي داك الشخص لي قلبو كايتقطع مليون مرة بسمة كدلك حاسة براسها غاتسخف والدموع طاحو من عينيها شلال من بعد ما عيات ماتحبسهوم دخلو لواحد المحال عاد بدات تبكي فراحتها وأسيل معنقااهاا) 

أسيل:شوو بسمة علاش درتي هادشي كان بإمكانك تهضري معاه وتعاودي له كولشي وتسمعي له....
بسمة:ييه ومن بعد شنو نسمح له يااك لا أسييل
أسيل:ولكن نتي كاتبغيه
بسمة:(عيات ماتخبي) ااه كانبغيه😢 وبزاف ولكن مانقدرش نسمح له على لي دار فيا قطع ليا قلبي المهم داكشي لي كنت باغة راني وصلت له صافي هو دبا عرفتي مجوجة وحاملة مايمكنش اوصلني مزال مزياان باش نكبر انا ولدي ولا بنتي بوحدنا ومعانا خالتي أسيل وجدة خديجة باراكة علينا
أسيل:ههه (ضحكات أسيل وبسمة مسحات بسمة دموعها وقوات راسها ومن بعد مشاو وبداو كايعزلو شري هادي لا هادي زوينة هادي خايبة يمشيو لهاد المحال ومن بعد يمشيو لاخور بقاو هكاك حتا سالاو وبسمة شرات شحال ديال الحوايج لي غايقدوها ومن بعد مشاو للجردة نيشان لقاو خديجة حاضية الدراري الصغار كاتشوف فيهم وهوما كايلعبو فرحانين عيطو عليها وهي جات عندهوم بقاو غاديين حتا جات واحد الطاكسي مشاو ركبو ورجعو لدارهوم خلصوه وخرجو مشاو طلعو ومن بعد خديجة مشات لبيتها بدلات حوايجها ودخلات للحمام توضا اما أسيل وبسمة دخلو بجوج لبيت أسيل وبداو اجبدو الحوايج كانو جوج صبابط ديال خديجة حطوهوم فالجنب اما أسيل جبدات حوايجها وبدات قيس يا ماتقيس وبسمة كاتشوف فيها وتگوليها هادي جات مع هادي وهادي لا حتا سالات أسيل ودارت داكشي فلپلاكار ومن بعد تبادلو الادوار هكا حتا سالاو من التقياس بسمة من بعد مشات لبيتها قادات حوايجها فلپلاكار ومشات بدلات حوايجها لقات أسيل مبدلة وشادة تيليفونها ومغطية بالغطا كاتكونيكطا مشات تخشات حداها باش تعنكشها أما خديجة كانت فالكوزينة كاتقاد العشا اما فات الحال على كسكروط دارت غير سپاغيتي ومشات صلات العشا وگلسات غير طابت مشات أسيل دارت لاصوص ديالها حيت كاتصرعها طيبات داكشي وقاداتو وحطاتو تعشاو وغسلو الماعن ومن بعد مشات خديجة لبسات حوايجها وتكبطات على البرد جات عند البنات باستهوم ومشات خرجات اما بسمة تسنات واحد 10 الدقائق من بعد ما مشات خديجة وتبعاتها تا هي قادات راسها وجا حمد)
بسمة:أسيل انا غادة صافي
أسيل:واخا احبيبة انا ليوم ماغاداش نمشي ليوم 
بسمة:حسن نيت مهم انا مشيت الحب نعسي راه غدا قاريين صافي
أسيل:واخا صافي كوني هانية(مشات بسمة اما أسيل شعلات التلفازة وبقات كاتفرج حتا جاها النعاس وهي تنوض حيدات الپريزات وسدات البوطة ومشات لبيتها تغطات ونعسات اما بسمة وصلات لخدمتها وبقات تسربي فعباد الله غير سالات جا حمد باش يديها خرجات وركبات مشات لدارهم دخلات لقات أسيل ناعسة بدلات حوايجها ومسحات ميكاپ دياالها بديماكيون وغسلات وجها ودهناتو بكريم ديالو ومشات لبيتها تا هي تكات نعسات) 
أسيل:(فاقت على صوت تيليفونها لي كايصوني صونات على بسمة حتا شداتها وگالتليها تفيق وقطعات ومن بعد مشات نيشان للحمام قضات حاجتها غسلات وجها وسنانها دارت كريم ديالها وإكخون وميكاپ خفيف خرجات ومشات لبسات حوايجها عاد خرجات من بيتها للكوزينة لقات ماماها حاطة لفطوور فوق الطبلة غير گلسات خرجات بسمة تا هي من بعد ماوجدات راسها گلسو بجوج فطرو ومن بعد ناضو طلو على خديجة لقاوها ناعسة خرجو من الدار من بعد ما سدوها مزيان هبطو وبقاو غاديين حتا حات طاكسي ركبو وصلهوم للمدرسة ديال بسمة هي لولة ومن بعد دياال أسيل دخلات أسيل للكور ديالها مركزة حتا بانت ليها واحد البنت دخلات من بعد ما استأذنات الپروف بقات أسيل كاتشوف فيها كانت بنت زوينة والنور كان باين على وجها الستيل ديالها حجابي بإمتياز ولكن زوين حققات فيها أسيل ولقاتها كاتشبه لعلاء عندها تقريبا نفس النظرات هاد البنت فكراتها فه من بعد ما نساتو واحد الشوية سهات فيها أسيل وهي عاضة على الستيلو غير سالات دك البنت اكيد عرفتوها ااه امينة سالات أمينة هضرتها وهي تشوف أسيل لي ساهية فيها ابتاسمات ليها ومشات خرجات اما أسيل عاد فاقت من الگلبة) تفوو تشوهت😡قشعاتني كنت حاضياها اختي راه والله ماديتها فك نتي راه كنت كانفكر فداك المتكبر اووف ولد الحرام صدق مجوج وانا باقة كانفكر فه كون غي درت ليه شي شوهة مع مراتو نگوليها راه كان فالبار كانتخيل الموقف لي غايتحط فه😋ولكن عندو الزهر انا ضريفة وبنت الناس مانبغيش نشريها ليه واخا يستاهل على داك التعفار لي فه مراتو صراحة زوينة ولكن اووف اشبغييتو يعووم بحرو عندي الزهر ماتسرعتش كون گلتليه شيحاجة على البار كون سمعاتني ماما وكنت انا لي غانتشوه ماشي هو اووف قدام ماما ولا البلاصة لي تكون فيها ماخاصنيش نجبد حس البار نهائيا (نفضات أسيل راسها من هاد الافكار وركزات فالكور ديالها دازت الحصة لولا خرجات ومشات شدات واحد الكاس ديال الحليب بالشكلاط فدك لاماشين شرباتو ومشات دخلات للحصة التانية غير سالات مشات خرجات شدات طاكسي وعيطات على بسمة باش تسناها يمشيو للدار بجوجات) 

أسيل:(وصلات عند بسمة لقاتها واقفة كاتسناها مشات بسمة ركبات حدا أسيل عطاوه لادريسة وداهم نيشان للعمارة خلصوه وهبطو مشاو طلعو لقاو خديجة عاد غاتحل الباب باش دخل كانت هازة فيدها الخبز من بعد ما طيباتو سلمو عليها ودخلو مجموعين دخلو بدلو حوايجهوم وخديجة حطات الغدا جاو گلسو تغداو وهوما ناشطين كايضحكو غير سالاو غسلات بسمة الماعن وأسيل شطبات وغسلات الحمامات حيت بسمة مابقاتش كاتشقا بزاف على حساب الحمل ديالها مشات أسيل للصالة دوزات على الزربة ومسحات الديكورات من الغبرة غير سالات داكشي جمعات الدنيا وجففات بالخف من بعد مشات شدات تيليفونها كاتكونيكطا غير ودن العصر ناضضت خديجة توضات وصلات ومشات عنند أسيل) 
خديجة:بنتي خاصك تمشي عند الخياط ليوم
أسيل:علااش😮ااه نسييت هاادوك نسييتهم 
خديجة:ااه سيرو ابنتي ليوم انا ماغانخرجش معاكم عيانة بغيت غير نعس
أسيل:لا اماما انا غانمشي بوحدي بسمة ماخاصهاش تخرج
خديجة:علااش
أسيل:ااح زعما عندها إمتحان غدا👀 خاصها تپريپاري له ماجاتش
خديجة:ااه عندك الحق صافي انا غانخرج معاك
أسيل:لا اماما عالاقل وحدة تبقا معاها راه ولات كاتعيا وتانتي باينة من عينيك شو كي ضعافيتي بسباب السهيير سيري تنعسي ماتخافيش عليا انا غانصوني على حمد يوصلني ويجيبني ماغانتعطلش
خديجة:واخا ابنتي صافي مهم ها الفلوس ديالو حطيتهم فوق التلاجة
أسيل:واخا اماما 😊(مشات خديجة لبيتها تنعس اما أسيل لبسات حوايجها وقادات حالتها مييكاپوديالها وحوايجها كيف العادة مشات طلات على بسمة) بسمة انا غانخرج غانمشي عند الخيااط واخا
بسمة:ولكن علاش ماگلتيهاش ليا نوجد راسي نمشي معاك
أسيل:(سدات الباب من موراها) بسمة انا خفت لايكون تما راك عارفة
بسمة:ااه عندك الحق وغاتجي فشكل هاد كترة الخروج والدخول صافي سمحيليا بزاف احبيبة 
أسيل:اويلي على سميحليا مابيناتناش الهبيلة😉(مشات أسبل باست بسمة ومشات خرجات خدات الساروت ديالها وصاكها وهزات الفلوس ومشات ماعيطاتش على حمد كيف گالت لماماها هاد الوقيتة كايترزق مايمكنش تخليه يجي ويخلي خدمتو بقات غادية على رجليها حتا بان ليها طاكسي وقفاتو وركبات گالتله يديها للخبازات من بعد عدة دقائق وصلات خلصاتو وهبطات بقات غادية على رجليها وبنادم كايززل عليها خصوصا هي تبارك الله الطروفة كايتشايرو ههه ماتسوقاتش ليهم مشات نيشان عند الخياط جابت داكشي من بعد عطاتو فلوسو ومشات خرجات بقات غادية على رجليها بانت ليها واحد القهوة مشات دخلات جابت قرعة ديال الما وميلفووي غير حيت تشهاتها خلصات وبقات غادية فالطريق وكاتاكل فميلفوي سالاتها وشربات ماحسات حتا جرها شي حد من يدها بالجهد دارت باش تحيح ولكن تصدماات😱 وبدات تصفار وعينيها خرجو ولكن حاولات ماتبينش رجعات كاتشوف بحدة ونطرات يدها)شكووون نتاا واش ماكاتحشمش😡لاش جريتيني من يدي ماكانعرفكش 
......:ماعرفتينيش الشفاارة شفرتي ليا فلووسي نتي هي لي كنتيي معايا فالبااار وشفرتييني 
أسيل:(بلعات ريقها حيت عاق بيها ولكن طبعا الصنطيحة)اشكااتخربق مالي بحاالك السكاايري نمشيي للبيران داكشي لي بقاااليا تا سير شووف شكون هادي لي شفرااتك😡ماتجييش عندي واش شفتيني انا الله امسخك الكداااب كاتعرفو غي الباااطل تفووو علك فين عمري شفت انا الباار حتا كيفاش دااير بقا غير ندخل ونمشي نشفر
......:نتي لي درتيييها الشفاارة والله يامك تانشوهك ونجرجرك فالمحاكيم الشفاارة
أسيل:😡الشفارة هي مووك السكاايري سكرتي تا مابقيتي كاتشوف وجا شي حد شفرك ولقيتيني انا باش تلصقها فيا لعنة الله وعليك سير لي فجهدك جرييه جري طواالك السكاايري
.....:الشفاارة لاخرة والله تاندوز موك من عين لبرة😡
.......: (دفع داك الشخص)نتا اشكااتگوول😡
أسيل:(سمعات الصوت من موراها وهي تلفت وتصدمات مني لقات علاء لي كايدافع عليها وهي تسكت حيت فأي لحظة يقدر يفرشها ويگول بلي بصاح راه كاتكون فالبار بلعات ريقها وخافت تكون هادي هي لخرة ليها) 
علاء:وااش عاارف معاامن دااوي هادي رااه مرااتي نتاا شفاار بااغي تشوها كون ماتاقيت فك الله كون خليت دار بووك هنايا الشفاار باغي تزرب عليهاا حيت لقيتيها بنت راه مراتي هادي وتشوف فيها غير الشوفة غانتقب لك عينيك
......:(تلف ماعرف مايگول حيت الشبه كبير ولكن مامتيقنش حيت بصاح كان سكران) انااا راه واقيلة غير تشابهات ليا سمحليا
علاء:الا تشابهات لك تبغي دير ليها هاد الحالة وتشوها قدام النااس عندك الزهر مامسااليش لك زربانين اما انا لي غاندوزك من عين لبرة😡
......:سمحليا عافاك لالة انا راه غير ضحكو عليا وسمحيليا والله 
أسيل:(ضربات فيهم وزادت وهي كاترجف ومامتيقاش راسها اما علاء خنزر فهاداك ودفعو ومشا تبعها أسيل وقفات وهو يلحق عليها علاآ راسم على وجهو ابتسامة نصر) علااش؟ 
علاء:بغيت 
أسيل:شوف اصلا عارفاك دافعتي عليا حيت انا ماشي شفارة
علاء:😒(بغا يهضر) 
أسيل:(قاطعاتو) فهمت بغيتي ترد ليا الخير لي درت فصاحبك صافي ماشي مشكل لا شكر على واجب😇 

♡عند البطلة ديالنا علاء♡
...بقا علاء فبيتو تا اذن ضهر ووناض توضا صلا عااد عيطات ليه مو الغذاء وجد ..لبس حوايجو وهطب لقا العائلة مجموعة على الغذا كلس بهدوء تغذاو في جو هادئ و السكات كالعادة ..من بعد ماسلاو طلع علاء بيتو هز تيلوفون ديالو و بزطامو و كونطاكت و خرج ركب في طونوبيلتو و مشا نيشان لخدمتو حل المكتبة و دخل كيتفقد المحل و كيشوف اش ناقص سبق كاع هاذوك لخدامين عاد بدا كيجي واحد مورا واحد و عطاوه الخدمة ديال الصباح و كلس كيقاد في الوراق تا جا عندو واحد من الدراري كالوليه وراق مطبوعات سالاو و اضطر ينوض يخرج باش يجيبهوم ومع قريب مشا غير على رجليه ..و هو غاذي تا كيقشع واحد شاد أسيل بقا كيشوف مزيان و هو يتأكد انها هي وبقاا غاذي بشوية تا سمعو كيكوووليها نصبتي عليا عرفو واحد من هادوك لي كضحك عليو مشا تهجم عليه و كاليه هذي مرتي و فكهااا و لكن ردة فعل ديالها كانت قوية بزاف ...اسيل زرباات عليه خصرات عليه جوووج كلماااات و ضربات فيه و زادت ...(نتوما عارفين الحوار لداز )
علاء:(مصدوم😮) اويلي استغفر الله عضيم زرباات عليا هاذي و هادشي غير عاونااها و لا حول و لا قوة الا بالله ..(عقد حجبانو😠)بقا علاء كيبركم بينو و بين نفسووو كيفاااش زربات عليه ديك زربة و تا كلمة شكرا مسمعهاش من عندها بقا غير كيشوف مشا جاب السخرة ديالو و رجع الخدمة ...وصل المغرب استاذن و مشا للجامع صلا و رجع خذا قهوة كحلة من واحد كافي كاااس و رجع كمل داكشي ديال الخدمة تا وصل العشاااء و سدو المحل و ركب في طونوبيلتو و مشا للجامع لحداهوم قريب اسواق سلام بلاصة طوموبيلتو و مشا كالعاادة توضا و طلع صلا العشاء و خلا الشفع و الوتر تا من مور قيام الليل ...رجع للدار لقاهوم كيوجدو فالطبلة طلع دغيا لبيتو غسل و بدل حوايجو لبس كيطمة فالكري نايك و مشط شعرو لور و هبط و ريحة المسك زوينة سابقااه ونوور غير كتشمها كتعرفو هو كلس فالطبلة تشعاو كاملين بلا هضرة بلا جوج صلا العشا و استاذن منهوم و طلع بيتو و سد الباب بساروت و مشا تكا هز واحد الكتاب ديال الشعر كلس كيقرااا..و كيفكر في أسيل لمامشاتش في بالو و دارها تحت عينيه ...معرفش شناهو سبب ديال هاذ الإهتمام و لكن لعارف انها موراااها شي حاجة وخاص تبقا تحت مراقبتو ..ناض هز قران قرا سور من القران و هز زربية صلاة و بدا قيام ليل ديالو جوج ركعات و سلم و موراها جوج ركعات و سلم تا كمل 10 و عاد صلا الشفع والوتر 3 ركعات ...و اذن الفجر صلا جوح ركعات مع سلام و صلا صبح ديالو عاد نعس😴
¤¤اما عند اسيل¤¤
اسيل من بعد مافكها علاء من داك خينة ...زربات على علاء باش ميعيقيش(وسيري ابنيتي الله يجيبك على خير سي علاء في راسو كلشي😂) و دغيا بان ليها واحد الطاكسي شداتو و رجعات للدار طلعات بالزربة و هي كل ساعة ضور موراها تشوف واش تابعها شي حد الخلعة عاد ركباتها حلات الباب ديالهوم دغيا و دخلات ...سمعات تلفاازة في صالون عرفات ماماها لغادي تكون كتفرج مشات دغيا سلمات عليها وعطاتها السخرة ديالها ..سولات على بسمة عرفتها في البيت و مشات دخلات عندها لقاتها كتمزك دايرة ليزيات في وذنيها و كتشوف في سقف غير..حسات بشي حد دخل ضارت و هي تبان ليها أسيل وجهها صفر سدات الباب وجات گلسات و هي 
بسمة: اويلي مالك😮
اسيل: اسكتي قفارت الصكعة 😣
بسمة: اناري علاش؟؟
اسيل: ليوم جا واحد من دوك ضحااايا لضحكت عليهوم ياك و اش غادي نقوليك محسيت بيه تا وقف عليا بحال ملك موت و شدني من دراعي كالي شفرتو و بدا يغوت و غادي نديك كوميساارية و الحالة😑
بسمة:اويلي اويلي 😱 وكيدار طلق تا دبا كالسة حدايا ...
اسيل: و انا جاياك فالهضرة صبري عرفتي داك علي السكايري لعاودت ليك عليه...
بسمة:😮اه مالو ؟
اسيل: داك صاحبو الملتزم الاخواني تيتيز😅
بسمة: ايييه مالو؟
اسيل: هو لعتقني 😌
بسمة: شناااهو 😱كيفاااش
اسيل:(عاااودات ليها البلان كامل) هذاا مكان وليت مرات الملتزم😆
بسمة: وااااع طيرتيني يا ختي و ساليتي معاااايا اوووف مي كرشي ..
اسيل: اسكتي هبط عليا بحال شي ملاك كون ما هو ويلي شوهتي شوهة ...
بسمة: يا ختشي يا ختشي علا مرات الملتزم ...و شكرتيه بعدا 
أسيل: (كتحك في راسها )و الله معقلت تا شنو كتليه بالخلعة زربت عليه ..
بسمة: يا ختي نتي عافية زركة ابليس يتعلم منك😂
اسيل: ايوا الله يسمح لينا😕
بسمة: غا زبليها تا تزبليها و كولي الله يسمح لينا😂(لمياء و فاتي من كنشدو نميمة و الضحك على عيباد الله و في لخر كنكولو الله يسمح لينا)
مشات أسيل بيتها بدلات حوايجها و مشات هزات تيلفونها كتكونيكطا و بسمة تا هي ...وصل الليل ناضو دارو مريقة بالدجاج و بصلة و تعشاو ...مشات خديجة لخدمتها و موراها بسمة وجدات راسها و مشات ..اما اسيل فقررات تبعد هاذ الفترة تا تهدا القضية و هي هداك گاع معقلات عليه بكترة مدوزات بزااف او بالأحرى ضحكات على بزااف منهوم ...قررات تبعد تا تهذا قضية و لكن باغا تحبس هااذشي و لكن هادشي من بعد مارسمات واحد خطة في بالها و كتقول يا ربحة يا ذبحة ...ناضت جمعات الروينة و غسلات الماعن و مشات حفضات شوية تا جاها النعاس و ناضت غسلات سنانها ووجها بالصابون و نشفاتو و مشات للبيت مشطات شعرها و دهنات وجها بكريم ليلي و دارت كاكاويط فمها بنكهة الفريز و تخشات فبلاصتها ودغيا داتها عينيها ونعسات😴

نعسات اسيل😴...وداز الوقت جات بسمة طلات عليها لقاتها ناعسة باستها من جبهتها و غطاتها مزيان و خرجات مشات الكوزينة جبداات بانيني و جبدات طون و عمراتو و هزات كاس ديال العصير و كلسات كتااكل تا شبعات و ناضت جمعات داكشي و مشات الحمام غسلات وجهها بالصابون و نشفاتو و ذهنات كريم ليلي لوجهها غسلات سنانها و سرحات شعرها و مشااات تخشات في بلاصتها ونعسات😴
🌔اصبحنا و اصبح الملك🌔
فاقت اسيل بكري حيث نعسات بكري لبارح ..ناضت لقات كلشي باقي جابد عليها دخلات الحمام قضات حاجتها و غسلات و جمعات شعرها كوتشوفال و لبسات بينوارها و مشات للكوزينة وجدات الحليب و القهوة و حطات كلشي فوق الطبلة هزات الفلوس و السوارت و هبطات للمخبزة لتحت جابت الكومير و كراوصة و طلعات حطات داكشي في طباسل و غطاتهوم و مشات لبيتها جمعاتو و الصالون تاهو و دوزات جفااف بسانيكروا و سط دار و حلات سرجم صالة و مسحات غبرة تا فاقات خديجة ولقات كلشي نقي رضات عليها و مشات كتغسل و دخلات عند بسمة حيث عندهوم موعد مع الطبيبة بقات كتفيق فيها والو مبغاتش تفيق مشات حلات عليها الشرجم و هزات ريدو عاد ناضت كتنكر شعرها مخربق و الكريشة معرية من تحت للبيجامة مشات للحمام ديال الضياف حيت لاخور عامر غسلات و مشاو يفطرو لقاو اسيل موجدة كلشي شكرووها ...حادكة تبارك الله كلاو دغيا و ناضو كل وحدة لبيتها كيلبسوو ...لبساات اسيل كولون في الكحل على شكل سروواال مزير مع تريكو ديال صووف فالزيتي و هزات شعرها كوتشوفال و بوتيو فالكحل تا ركبو و هزات صاكها فيه الفلوس و التيلفون و بسمة تا هي لبساات بحالها كولون في كري و تريكو صوف فالكحل واسع تا للركبة و بوتيو مصوف في كري و طلقات شعرها و دارت طربوش في كري ...دارو ميكاب خفيف بجوج بيهوم و تريحو و لبسات خاتمها ديال الزواج و خرجو ودعو خديجة لكانت كتوجد الغذاء باسوها و خرجو ...بقاو غاديين على رجليهوم حيث الطبيبة قريبة وصلو و كالعادة ديما واخدين رونديفو بكري..
اسيل : السلام عليكوم ختي عدنا رونديفو دبا مع مدام طاهيري..
....: مدام بسمة ياك ؟؟
اسيل: اه اختي ...
.......: تفضلو الطبيبة كتسناااكوم ...
اسيل : شكرا ..😊
دخلو و دخلات اسيل متحمسة كتر من بسمة باش يعرفو جنس الجنين كلساتها في باااياص و دارت ليها طبيبة ايكو و كدوز على كرشها...
دكتورة: كلشي هو هذاك ابسمة راكي مهلية في بيبي بماكلة😂
اسيل: هههه و راقربات تاكلني 😂
بسمة:(ضربتها) حشوووومة عليك اختي الله يمسخك ...
أسيل: ايوا دكتورااه بان ليك شنو جنس البيبي 
دكتورة: اه وليد ماشاء الله..
بسمة: وينووو ولدي حبيبي 😍
اسيل: كنت حاااسة غادي يجي ولي العهد😍
دكتورة:(كتمسح ليها كرشها)حمد الله كلشي هو هداك صحتك و صحة بيبي مزيانة وهادشي لبغينا ...
أسيل و بسمة : حمد الله😊
دكتورة: انزيدك شي فيتامينات تا هما ..
بسمة: وخا ادكتورة ...
قيدات ليهوم داكشي و خرجو خلصو في الاستقبال و مشاو كيتمشاو شوية و يتعاودو عاد قلبو طريقهوم للدار تا وصلو حدا باب العمارة و هي تفكر اسيل ..
اسيل: ويلي نسيت الخبز و ماما وصاتني ملي نرجعو نمشيو للمخبزة ناخذ الخبز نتي طلعي للدار راكي عييتي ..
بسمة: وخا متعطليش ...
طلعات بسمة و اسيل مشات للمخبزة خدات خبز الزرع و السميدة لكيعجب مها و رجعات و هي راجعة تا كتشدها يد هي دور و تصدم 😮
♡عند علاء♡
صبح الحال ناض علاء مع 7 دخل غسل وجهو و سنانو و مشا خرج جبد سروال تجين و طريكو كول مونطي فالزيتي و مونطو فالكحل مشط شعرو لور و لبس ساعتو و رش ريحتو ديال المسك و هبط لقا الكل فالطابلة ديال الفطور كالعادة فطر ...و لاح سلام و خرج مشا نيشان لخدمتو ...و هو كيخدم تا جا صاحبو علي..
علي: واحد السلام عليكم ساط صافااا...
علاء:(هز عينيه)و عليكوم سلام و رحم الله و بركاته على السلامة جيتي ...دخل ..
علي: واييه عاد وصلت لبارح نتا صافا مالين الدار؟؟
علاء: حمد الله على كل حال كلشي لباس نتا اش كتعاود هداك الله و مزال ..
علي: شوية و صافي😂 كاين شي جديد 
علاء: بحالاش 
علي:شي حب شي صفقة زواج؟ 
علاء : باقي نتا هو نتا الله يحفض ..
علي: و اغير ضااحكين اصااحبي بغيت نسولك ديك التيتيزة عمرك شتيها؟
علاء:شكون هاذي ؟؟
علي: اسيل اصاحبي ديك القرطاااسة 😍
علاء:(تعصب) نوووض نووض خرج عليا نتا دختي ماافيهاااش خليني نخدم 
علي: مالك اصاحبي تعصبتي اويلي حنا غا هضرنا اناري انا غادي تشاو 
علاء: بسلامة ...
مشا علي وعلاء رجع حنا على الوراق و ناض ضرب الدورة فالمكتبة كيتفقد الامور و كيسجل الكتوبة لناقصين باش يدفعهوم يجيو تا كطيح ليه اسيل تاني فالبال و كيتفكر الزربة لزربات عليه و الطريقة باش جاوبتو ..بقا كيدوز يدو على لحيتو و كيفكر ..تا شاف الساعة لقا الضهر غادي يأذن و هو يعلمهوم و ستأذن و مشا للجامع توضا و طلع صلا و هو راجع للدار تفكر اسيل وهو يضرب ضورة لعند اسيل فين ساااكنة تا كتبان ليه اسيل دايزة و هازة بلاستيكة ديال الخبز بلاصة الطونوبيل في جنب حدا واحد شجرة و هبط خاشي
يديه في جيب وغادي في اتجاهها ..

أسيل:نتااا😡
.....:عافاك بغيت نهضر معاك 
أسيل:(نطرات يدها من منو بالجهد) بسع مني عطين بالتييسااع اوييلي واااش نتاا مريض
علاء:(سمع الصداع هز راسو كايشوف فيها هو يتصدم بيها واقفة مع شي حد كايدوي بشوية وعاطي لعلاء بالضهر وأسيل كاتغوت عله وباينة معصبة هاداك الشخص عاود شد أسيل من يدها وهي كاتحاول تنطر منو علاء عقد حجباانو ومشاا غادي جيهتهوم) 
أسيل:تاا طلق شتك ولفيتها غا لي جا يقبط ليا فيدي اشبغييتي واش خلبتي بسمة وجيتي عندي انا😡
يوسف:عاافااك الموضوع كايخص بسسمة عافاك سمعيني عطيني غير فرصة
أسيل:(بقات كاتخنزر فه شافت يمين وشمال هي تقبطو من يدو وجراتو لواحد الدريبة)
علاء:(مشا جيهتها بغا يقطع الشاانطي لعندها وهي تصدمو ملي شافها هي لي قبطات فيدو وتمات جاراه لواحد الدريبة تصدم وبقا غير كايشوف ويخنزر فيها رجع جوج خطوات اللور ومن بعد مشا رجع لوطو ديالو ركب ومشاا مكسييري مخلي العجاج موراه )
أسيل:(وقفات وبدات كاتسوط وحطات يديها على جنابها وكاتخنزر) 😡دبا شنو بغيتي عندك 5 الدقايق لا غير 
يوسف:انا انا.... 
أسيل:ماالك غير كاتفتف فالهضرة 
يوسف:انا كاانبغي بسمة لا راني كانموت عليها هي الهوا لي كانتنفسو
أسيل:😳ياك ماگالو لك عليا انا كانرضع صبعي ندمتيني حيت وقفت معاك باراكة علك من الكدووب
يوسف:لا عاافااك ماتمشيش عاافااك غير سمعيني انا راني كانبغي بسمة بزاااف مايمكنش نعييش بلا بيييها راني كاانبغييها راه ماشي لخااطري عافاك انا بصااح كانبغييها وكانموت عللييهاا (غرغرو عينيه) عاافااك تيقيني 
أسيل:(بدات كاتأتر بهضرتوو حيت بان ليها الصدق فكلامو وأي واحد سمعو ولا شاف حالتو غايتأتر) 😕 ولكن... اناا بسمة راه مجوجة 
يوسف:عافاك ماتكدبيش عليا انا عارف هاد الهضرة ماشي بصاح راني سولت فالدرب ديال بسمة لقديم وعرفت بلي ماتجوجاتش وعمر شي راجل ما قرب ليها ونتووما غير كاتعرفوها 
أسيل:😳اويلي نتا باش عرفتي
يوسف:سولت خووهاا
أسيل:ييخ شحال فك ديال التبرگيگ دبا شنو بغيتي
يوسف:بغييت نرجع مرااتي وولدي 
أسيل:😱تا كيفاش عرفتي هادشي
يوسف:راه كنت حاضيكم وعارف الشادة والفادة عليكم وعرفت من الطبيبة بلي ولدي عندو 4 شهور يعني الوقيتة لي كنت انا وبسمة وو.. وقع داكشي يعني ولدي هاداك
أسيل:(ستغربات من هضرتو ولكن من بعد تفكرات بلي اقدر عارف بلي كايمشيو للبار خرجات عينيها وحاولات تعرف) شنو عارف على بسمة كامل
يوسف:هادشي لي عرفت دبا
أسيل:اوووف سر سر سر (سمعات تيليفونها كايصوني خرجاتو من جيبها ولقات بسمة كاتصوني عليها) اووف صاافي راه كايقلبو عليا من بعد ونهضرو
يوسف:ياك غادي تعاونيني
أسيل:😒راه باقي ماهضرناش مزيان وعنداك يصحابلك بلي غير ديرها قد راسك وتجي وتگول نرغبها تسمح ليا (هزات صبعها فوجهو) كون ما بسمة باقي كاتبغيك ماتكونش ليا معاك هضرة وانا غاندير كولشي على قبل السعاادة ديالها الا عرفت بلي غبر كاتكدب عليا وباغي تستاغلها مرة خرا نحلف لك حتا غادي ندمك راه مزال ماماتعرفش شكون هي أسيل سمعتي 
يوسف:لا والله
أسيل:(خنزرات فه تخنزيرة عالمية وضربات فه ومن بعد مشات للعمارة طلعات وحلات الباب بالساروت)
خديجة:الله ابنتي فيين مشييتي شحال وانا نصووني عليك فيين كتي واش هادا كاملو مشيتي تجييبي الخبز
أسيل:(كاتسد الباب) غير تعطلت اماما كان الزحام ونسيت راسي
خديجة:خلعتيني علك زيدي دخلي ونتي غير كاتشوفي الزنقة كاتلفي راه الغدا برد غانعاود نسخنو بيما بدلتي حوايجك
أسيل:واخا اماما (مشات أسبيل دخلات لبيتها بدلات حوايجها بالخف مسحات ميكاپ ديالها بديماكيون وغسلات وجها مزيان ودارت كريم نهاري ومشات خرجات عندهوم لقاتهم كايقادو الطبلة گلسات وبداو كايتغداو غير سالاو غسلو الماعن ومشات خديجة باش تنعس وبسمة تخشات فبيتها ولحقات عليها أسيل بقاو مجمعين مع بعضياتهم وأسيل كاتحاول تجبد معاها الموضوع ديال يوسف واش باقي كاتحس بشيحاجة من جيهتو وفهمات بلي تا هي كاتبغيه بزاف)
♡عند البطل ديالنا♡
علاء:(لي سايگ لوطو ديالو معصب) هادي واش كاتعرف الدنيا كاملة تا انا على نياتي مشيت باش نعاونها انا شنو بغيتها تعوم بحرهاا أستغفر الله أعوذ بالله من الشيطان الرجيم هادي عندها أكبر سنطيحة فالدنيا وووجه ملائكي ماجاش معاها اووف اعود بالله اشبغيتها خلي داكشي غادي غير نزيد نتعصب (مشا علاء للدار ديالهوم نيشان حط لوطو ومشا دخل سلم عليهم كاملين كان طالع لبيتو باش يبدل هو يلقا نور واقفة حدا البيت ديالو سلم عليها من بعيد ومشا دخل سد الباب اما نور غمضات عينيها وبدات كاتشم فريحتو لي مخلي من موراه وهي راسمة على وجها ابتساامة) 
#يتبع

أجزاء القصة
قصص جديدة
قصة طباخة الرئيس
قصة طباخة الرئيس سناء الصنهاجي
قصة حب وسط الدماء
قصة حب وسط الدماء أسماء الجباري
قصة جنتي
قصة جنتي ليالي نسيم
كايتنشرو القصص والأجزاء كل يوم مع التاسعة ليلا بتوقيت المغرب
9isas maghribiya bdarija قصص مغربية بالدارجة قصص و روايات بالدارجة المغربية