صورة مصغرة لـالطاحونة لعنة دموع الجزء الخامس و الأخير

الطاحونة لعنة دموع الجزء الخامس و الأخير

رواية الطاحونة لعنة دموع

و انتي يا بنت الزانية الساحرة حضك نجس
لوستها..كيقولو فالبلاد بلي مك كانت بصارة و باك كان مخبي بلي انتي كتبصري ههه يا تراااا شنو غيوقع لبنتك بصري ليها
دموع..هئ اش كتقولو اش كتقولو حرام عليكم راها حفيدتك من دمك صلبك اش باغي دير فيها بنتي باقي مفرحتش بيها رحمنا يا عمي رحمنا انا مرت ابنت و هي حفيدتك ملاك يا عمي ملاك اش بغيتي فيها 
الاب..شغل يا ولدي الطاحونة هادي
دموع(دموعها من عينها سايلين و بصدمتها وساعو)..طاحونة 😢 اش طاعونة يا عمي اش بغيتي تعمل غميي عمييي رحمنا ياااا عمي و فلحضة دازت بسرعة كيف البرق عينين دموع كحالو و لاو كيف سواد الليل فعينيها كان الدم كيدوز و شريط حيات بنتها قدامها ساري و ماجات فين تفيق من رؤياها كان رما البنت فالطاحونة 
دموع..(مغمضة عينيها و كتغوت)بنتييي(رما البنت فالطاحونة و صدر صوت حرك القبيلة كاملة من جدر الارض خلع الغاشي و ماشي الناس فديورهم ناضو قافزين مخلوعين من الصوت و كلشي تلم قدام الدار من برا كيشوفو و كيترقبو خبار اللي لداخل)
دموع ..بنتيييييي😢😢 
راضي (لسانو تقال عليه)..اش درتي يا والدي اش درتي كبدتي ..كبدتي فالطاحونة تقتلات
الاب..هكدا غسلنا يدنا من العال اللي كان دا يركبنا و ح اغسل عاري من ام العار
دموع..( عينيها فالارض وبصوت خافت غادي و كيعلا)عدبتيني صبرت شقيتي راجلي زاد صبري ..عشيتينا فرعب املنا فالله كان اقوي باش تقتل كبدتي اللي عيني فيها باقي مشبعت مغنسكتش قتلتيني و قتلتي فرحتي ب بنتي 
الاب..اكيد مغتسكتيش غير صبري غتلحقي علحقي عليها و غتهضرو بزااف و ونسيها تم
دموع..متخافش لاحقتها و بيها مونسة و فقلبي عايشة نقولك كلمة وحدة يا ضالم قتلتي روح بريئة ملاك خرج لدنيا من تواني معدودة علي امل يلقا حياة وردية تتسناه مخليتيهاش تفتح عينيها فالدنيا رجعتيها منين جات قتلتيها علي قبل عقلك المريض علي قبل قلبك الاسود علي قبلولد علي قبل دكر دكر يا عمي دكر نبغي نقولك و نبشرك انا دموع بنت كاملة المبصرة انك غتعيش فسواد متل سواد قلبك نسلك كان كلو بنات واللي انقد من نسلك هو(شريت بيدها لولد لوسها)كان فالمستقبل بعد بنتي صبيان لكن دمرتي عائلتك بيدك ابغي ابشرك يا جعفر ابن عندليب القرية يا كبير البلد يا صاحب الطاحونة ان غليلي علي بنتي حينصب عليك و علي اهلك لعنتي لاحقتك من كبيرك لصغيرك من ابنك لابن ابنك من حفيدك لحفيد حفيدك لحفيد حفيد حفيدك كل من فيه عرق من دمك يسري كل دكر ولد من دمك مصيرو الموت متل ما دمرت فرحتي و قتلتها بيدك كل بنت نولدت هي بنتي و انا امها انا ام لاي بنت نولدت و ليها حامية و لكل دكر انولد ليه قاتلة لان بسبب الدكورة ماتت بنتي😢💔 دمرت حفيدتك بيدك لعنة دموع لاحقة نسلك للابد و تدكرني كل من تشوف احفادك قدامك يموتو و علي نفس طريقتك يتدبحو(هزت جلايلها ورمات نفسها ورا بنتها فالطاحونة و صوت كلمتها كيتردد لعنة دموع لاحقتكم لعنة دموع لاحقتكم كلامها كامل بدمها ترسم عالحيط و كلشي كيشوف حال فمو فالطاحونة و هاد المرا الصوت اللي صدر كان اقوي من الصوت الاول
و مرة وحدة الطاحونة شعلت فيها العافية خلات كلشي حال فمو و هربو صراحتا انا تصدمت بقات في بزاف علي اللي وقع ليها متستاهلش
راضي حماق ولا مخاوي جاب صورة دموع و علقها فبلاصتهم فين كانو كينعسو و اللي كتشفت انها نفس الصورة اللي شفت
كلشي فديك الدار مات الاب هو اول واحد مات لقاوه رامي راسو فالطاحونة و راسو مليوح برا اخر واحد بقا فديك الدار هو راضي هاوا طالع هاوا نازل خوتو كلهم هربو ولكن منين هربانين جابهم جابهم الزمن و ماتو بنفس الطريقة بقا شخص واحد الحفيد اللي قالت عليه دموع تعتق
كل دكر كان من ديك العائلة مصيرو كان الموت كل ولاد العائلة ماتو خوت راضي كلهم جاهم الطاعون و فنفس الوقت من الليل كينزلو برجاهم للطاحونة من غير حد ميشوفهم نا كيسمعو الطاحونة خدمت كلشي ركبو الرعب من الدار كلشي طج ولكن كيجيبهم كيجبهم الحض كيف قلت حفيدهم اللي بقا و نسلو استمر ولكن تا هو مات يا حفيدهم يا حفيد حفيدهم كي جي لتم و كيموت بنفس الطريقة دازت نقريبا الحكاية كاملة و السينتا كلها دارت حتا وقفت فينا و حنا فالدار الفيلم كمل وقف الزمن اللي فهمتو انها نوبتنا اي نوبة بابا ولا خويا يا تري لعنتك يا دموع غدمر حياتنا حتا حنا😢

يا تري يا دموع لعنة غتدمرنا حتي حتا غتلحقنا حتي حنا💔
ضلام سقيل ولا حس مكيتسمع كأن المكان مهجور كنعيط بأعلي صوتي علي ماما او ريتاج ولا بابا حتي سهيل تا حد فيهم مكيجاوب مكندبش انني فديك اللحضة حفت من اعماقي خفت لتوقع ليهم شي حاجة و هما لي عندي منقدرش نكمل بلا بيهم هما انا و انا هما حنا مصدر قوة بعضنا الا مكانش فرد منا فحتي التاني مكينش 💔😢 
بقيت كنتحسس المكان و الريح كتدرب سمعت صوت انين تبعت الصوت كنقلب و انا كنحسس علي الارض حتي لقيت مصدرو نزلت للارض فين كان صاحب الصوت كنتحسس وجهو علي امل يكون حد من اللي فبالي..
انا ..ماما..😢واش هادي انتي ..جاوبيني 
انا..ريتاج هادي انتي و جاوبوني متخليونيش انحماق حرام عليكم😢
حتي جاوب صوت خافت
**انا اللي تدفنت روحي هنا بلا رحمة ولا شفقة انا اللي تغصبت فطفولتي فشبابي فأعز ايام حياتي
انا😨..(بلعت ريقي) ..لا ميمكنش ..د..د..بتت دمووع ..لااا 😲.. هئ
نضت من بلاصتي تشوكيت منودكشي اللي سمعت راجعة باللور كنحاول نكدب ما سمعت واش بصح واش ممك

كنحاول نرجع باللور نكدب ما سمعت واش بصح هادشي واش بصح هادشي اللي سمعت فينهم ماماةو ختي ..بابا و سهيل فين غبرو لا ميمكنش تكون دارت ليهم شحاجة 😢لا يا ربي مديرش فيا هكدا منقدرش نعيش بلا بيهم
**(تسمع صوتها كتجاوب كلامي) وعلاش هما ثدرو يعيشو بلا بيا
انا(درت يدي علي وجهي مقادراش نشوف شي حاجة فحال ديك المرة) عافاك خليني خليني انا مدرت والو عافاك حنا مدرنا لك والو رحمينا عافاك هما ضلموكوولكن حنا معندناش دخل 
**(هي)لا..عندكم..نتوما ..منهم..وخاصكم تتعاقبو..مخاصكمش تعيشو..ولكن..متخافيش..حيت انتي ختي..و حتي ريتاج حتي..و حتي ماماك ختي..ولكن هما(تحول صوتها لصوت مرعب) ..لا..هما قتلوني قما جعفر..هما من سلالة جعفر واحد فيهم خاصو يموت باش انتقامي يكمل واحد خاصو يكمل باش اللعنة تستمر باش انتقامي يكمل باش سلالة جعفر كلها تتدمر و تتحرم من اعز ناس ليها 
انا..ولكن علاش الا كان هو دمركم شنو دنبنا حنا ها..حنا دنبما الوحيد اننا من دمو..ولكن حنا مراضينش علي شنو دار..مهما كان قربو لينا او نسبو لينا ولكن حنا مكنتاميوش ليه 
**(هي)اه نتي مكتنتامشي نتوما ب تلاتة مكتنتاميوش نتوما تلاتتكم فقلبي معشين و تلاتتكم بنات دموع ولكن هما نزلت عليهم النعلة و الدمار لاحقهم مغنرحموهمش حيت حتي حنا مترحمناش (صدر صوت فجأة معلن علي ان الطاحونة خدمت أي بداية الدمار ) الشي اللي رعدني من صبعي الصغير و قلبي تهز بالرعب خفت عليهم بابا و خويا فقلبي ميمكنش لي نتخيل حياتي بلا بيهم ميمكنش لي نتخيل حياتي بلا تا فرد من عائلتي 
انا..لاااااا عافاااااك دموووووع مديريش فينا هكدا عااافاااااك دمووووع 😢 متحرمينااااش من اغلا الناس عنا عافاااااااك دموووع 
جاني صوت من بعيد كان صوتها
دموع..شنو دنبي انا اللي تحرمت من بني و هي باقة لحمة مكملتش تواني فالدنيا ها شنو دنبي اللي تحرق قلبي عليها و انا كنشوفها قدامي متترما فالطاحونة كتتطحن ها 
انا..و شنو دني انا اللي نعيش يتيمة بلا اب..شنو دنبي انا اللي خويا يموت و هو فعز مراهقتو عافاك رحمينا
دموع..شنو كان دنبها بنتي اللي متشوفش الدنيا و متفتحش عينيها فضو الشمس ها شنو دنبها و هي ملاك صغير
انا..كان مكتاب عليها تموت مكانتش بنت الدنيا ربي بغاها ربي عطا ربي دا كيف عطاها لك لحمة و شفتيها رضها لعندو كتبقا الطرق اللي مختالفة حق تنتاقمي و نتاقمتي مني نتاقمتي من جاع اللي ضلموك فديك الوقت ولكن حنا ما دنبنا والو حنا مكنا عارفين والو علي شنو وقع فالماضي جابتنا الاقدار و ح تنا نعيشو هنا ولكن مكناش عارفين قولي هادي غير لعبة القدر باش توصلنا عندك و نعرفو شنو وقع معاك زمان انتي نتاقمتي منو و خدتي بتارك من اللي كان السبب متزيديش سفك الدم عافاك 👏

كانت غير لعبة القدر باش توصلنا عندك و نعرفو شنو وقع معاك زمان انتي انتاقمتي منو و خدتي بتارك من اللي كان سبب متزيديش سفك الدم بالناس اللي معندهم دنب بالعكس انتي خاصك تحاربي علي قبلنا كيف كتقولي انتي منا 
دموع(بحنية) اه مكم مت كل بنت علي كوكب الارض مك مها و مها مت كلشي ولكن هما لا قلب من جهتهم كحل حقدوني عليهم حقدوني علي جنس ادم كرهوني فيه 
انا..و راضي حتي هو كرهتيه
دموع(بكسرة) كان حياتي ولكن مثدرش يدافع علي بنتو 
انا..مكانش فحيبتو مشفتيش كيف كان منهار كان مصدوم و ردت فعلم انتي زادت حمقاتو خسر بنتو و زاد خسر حب حياتو خليتيه وحيد اللي خلاه ميطولش و يتبعك كان كيبغيتدك بزاف كنتو كتبغيو الدنيا و كتبغيو الناس كبيرهم لصغيرهم رحمينا عافاك متقتليهش كنترجاك هما اللي عندي عافاك خليههم عافاك
دموع..(كتغوت..) لاااااا هما اللي كانو السباب فموت بنتي وانا غنقتلهم بيدي مغنرحمهمش لاااا 
(صوت البنت) ماما..عافافاك ..هما معندهم دنب هداك كان دنب جدي و جدي خدا عقابو دم مرت عمي و حتي هي خدات عقابها عمامي و خداو جزائهم جاع اللي قتلونا و كانو سبب فموتي خداو حتفهم ولكن خدينا اتم و دنب البشر بما فيه الكفاية امالي فالحياة مكانتش باللنتقام كانت بمنح الحياة ولكن قلبت الاية رجعي قلبك الحنين يا ماما و خلي عالمهم يعيش بسلام هما خوتي و انا ختهم و عمري مبغيت الادي لخوتي خليهم و خلي ليهم اللي كيبغيو انتي بغيتيني من قلبك و لحقتي عليا و انا معاك دب هما حياتهم قدام باقي فيها امل و سعادة و احلام خليهم يمشيو فطريقهم و خلينا نمشيو فطريقنا لكل دي حق حقه و كل واحد منا خدا نصيبو فالحياة و عاشو خليهم يكملو ما تبقا ليهم و يالله نرجعو منين جينا كل واحد كيتعاقب علي دنبو و هما معندهم دنب

خليهم يكملو ما تبقا ليهم من حياتهم و يالله نرجعو منين جيما كل واحد كيتعاقب علي دنبو و هما معندهم دنب فمأساتنا
انا..دموع..انتي فقلبنا كنحلف ليك قلتي بلي انتي امني و انا بإعتباري بنتك كنحلف ليك و كنواعدك علي انني بنتك كنواعدك أ ماما بلي غتبقاي فقلبي للابد عمرني ننساك اه معرفتكش بزاف ولكن اللي دوزتو معاك خلاك فقلبي كنحلف لك صداقتك كانت اروع شي داز فحياتي و خصوصا هاد الفترة كنحلف لك ولكن انتي بلاصتك ماشي هنا ..بلاصتك لهيه فعالمك ماشي فعالمنا عالمنا عيشتك سالات فيه من زمن بعييد بعيييد بزاااف انتاقمتي و انتقامك شمل بزاااف د الناس بريئن و كنتي باقة باغة تكملي انتقامك و تاخدي معاك ناس خرين ولكن كنحلف لك عمركي كنتي تحسي بالراحة ولا قلبك يرتاح حيت كضلمي ناس بريئة و بدل مكنتي انتي المضلومة وليتي انتي الضالمة رجعي منين جييتي و خلي روحك ترتاح ربي هو الوحيد اللي غياخد لك حقك من اللي ضبمك اما انتي فعمرك كنتي تحققي السلام و انتي كضلمي فعباد الله سيري ..سيري لمأواك و عيشي عيشتك و خلي هنا لماليه عافاك خلينا ندكروك بالخير متخليناش ندكروك بالشر 👏
(صوت بنتها)كلامها علي حق خليهم و يالله مرجعو منين جينا 
دموع..قربت مني حسيت بشي حاجة قدامي ولكن محليتش عيني خفت لنشوف شي حتجة تهلعني و انا مقادراش نتصدم 
دموع..فتحي عينك 
انا..ها.
دموع..فتحي عينك
كانت واقفة هي و حداها بنتها حليت عيني من الصدمة كانو غزالين بزااف كانت بنتها طبق الاصل عليه لمجرد محليت عيني شفتهم اختفو من قدامي و تشعل الضو وبكن صوتها بقا كيتردد 
دموع..لعنت دموت انفكت..عيشو بسلام..
تخيلو اول مسمعت هاد زوج كلمات قلب ضرب و طحت فالارض كنبكي و كنترعد مقدرتش مقدرتش نزيد مازال نصبر 😢

اول ما سمعت دوك زوج كلمات طحت فالارض كنبكي و كنترعد مقدرتش مقدرتش نزيد مازال نصبر 😢هادشي اللي دوزت هاد الفترة ماشي ساهل عرفتي شناعي تشوفي ارواح راه شي حاجة خيالية و انك تهضري نعاهم حاجة فوت الرعب للهيه 
بقات فيا دموع و بقات في بنتها اللي ضلماتهم الدميا و القدر لعب لعبتو معاهم حرم بنت من كفولتها تعيشها او تا من اول ايامها معاشتش ملخقتش تفتح عينها حرم ام من فرحتها ب بنتها جظء منها طرف منها حرم راجل ميفرحش باول ببنتو البكر الشي الي ولد انتقام و دمر بزااااف د العائلات وراهم و حرم بزاااااف د الناس من بعضهم كان ممكن تقتل لي تا انا يا بابا يا خويا ولكن رحمت ربي كبيرة يقدر يكون القدر مخبي لينا شي حاجة خرا ولكن ربي كبير مكتاب الله هو اللي كنعيشو كل اللي عندو نصيب فهاد الدنيا كيعيشو صوت الطاحونة مبقاش 
نضت لقيت صورتها فين لحتها قبايلة هزيتها فيدي و مشيت كنقلب علي واليديا و خوتي كل واحد فين لقيتو مليوح مغيب مجايب للدنيا خبار كانت الشمس كتشرق فيقت ماما هي الاولة اللي بانت لي كان وحد الروبيني تم مصدي فتحتو نزل منو شويييش د الما مخلوض معليش هزيتو اللي تهز لي فيدي و مشيت رشيتو عليها مسكسنة ناضت كتهترف عنثتها طمنتها بلي كلشي مزيان وومشيت كنقلب علي البقية كان سهيل مدلي نصو بين الطاحونة و بين الضفة التانية اللي من هنا هزيتو نص بنص علي ضهري نزلتو بزز من تم وصلتو حدا ماما اما رستاج و بابا فكانو كيفيقو بوحدهم عنقت ختي و رجعنا عند ماما طلعنا للفوق جلسنا ساعة كاملة بلا هضرة كنحاولو نستجمعو افكارنا اللي تشتت 
انا..خاصنا نديرو ليها جنازة هي و بنتها 
ريتاج..باش ا ختي باش واش كتبان لك شي جتة هادشي راهومن 10000 السنين عرفتي شحال داز و شحال من واحد تقتل فنفس البلاصة 
انا ..جنازة ماشي هي الجتة كفاية اننا نقراو علي روحهم القران و الناس يدعيو معاهم بالرحمة كفاية انهم ياخدو دعاوي خير من عند االناس
الام..عندك الحق ابنتي الله يرضي عليك ..و دكشي اللي كان درنا ليهم جنازة لدموع و بنتها اللي حسيت بيها معانة صراحة و الاصح انها فعلا كانت معانة حيت مني كنا كنقراو فالقران شفتها بعيني واقفة حدا الباب د الدار اه بعيني شفتها قدام الباب كتشير ليا هي وبنتها كانو كيودعوني ما جيت فين نغز ختي و نرجع نشوفهم لقيتهم طارو و من داك النهار ما عاودنا شفنا روح ولا سمعنا حسها ولا شفنا شي ضاهرة غير طبيعية فالدار صلعنا الدار رجعناها وحدة اخرا فتحنا الطاحونة مرة اخرا مي حيدنا القديمة و درنا وحدة جديدة باش ميكونش تلوت للناس الناس بعد موضحنا شنو وقع ولاو كيتصرفو معانا عادي بعد ما مكانتش مدرسة فديك القرية فتحنا مدرسة صغيرة انا وختي كنقريو فيها الاكفال الصغار ولينا محبوبين فالقرية و معروفين كيفما كانت عائلتنا قديما و اهم حاجة ان صورة دموع ديما قدامنا ووصورتها كبيرة فالدخلة د الباب باش عمرهاا ماتتنسا 😊
دموع..انا خليت عائلة ريتال فحالهم عطيتهم فرصة ولكن معطيتهاش لم انتي الي كتقاري فحال والو فهاد التانية فهاد الساعة فهاد اليوم غدا بعدو الشهر الجاي العام الجاي تلقايني معاك و تتعاود معاك نفس القصة متعرفي👻👻
《النهاااااااية》

كايتنشرو القصص والأجزاء كل يوم مع التاسعة ليلا بتوقيت المغرب