طغيان معذبي الجزء 16

وصلو لدار دخلو لداخل تسالمو احمد كان فشركة.. طلع لبيتو دوش .. و تكا شوية فبيتو .. اما سهار فجلسات مع عمها كيسولها على قرايتهاا ..

#عند_جوكر..

فاق معطل ناض صايب قهوة كحلة باش يصحصح و مهدي كان فايق كيتفرج .. جلس حداه و الفنجان فيدو كيدوي و يشرب منو ...

جوكر:فين دراري

مهدي: مع الخدمة ..

جوكر: كيف غادة الخدمة

مهدي: مزياانة .. دب خلينا من هادشي شغادير ..

جوكر : كيفاش شغاندير 

مهدي : اه واش غتزوج ب هناء ؟

جوكر : ماعرفتش 

مهدي : جيني نيشان ياك فلول مصاحب معاها و باغيها للحلال شنو تبدل دب باغيهاا ديماا تكون صحيبتك 

جوكر: مهدي خليناا ثباح هدا هادا را زوااج ماشي لعب و تبدلو بزااف دلحوايج قبل قلبي ماكان فيه حد دب ولا عاامر كيفاش باغيني نتزوج بيها و انا عارف كري عمري ماغنكون مرتاح معاها..

مهدي: نسااهاا هاديك ضرب عليهاا حيدهاا من بالك عمرهاا ماتكوون ليييك ركز فحيااتك و هناء را كتبغييك و شحال ما بقيتي غيجي نهار و تزوج فيه

جوكر : اوا تا يجي دك نهار شوف اسي زبي دب سكتناا ( جبد كارو كيكمي و صدرو كيطلع و ينزل )..

#عند_هناء..

هناء: حلفييي بلي دويتي معاهاا 

ع: والله لباارح قطعتيلي قلبي ماقدرتش نزيد نسكت ونا نهز جلابتي و مشيت دويت معاها..

هناء: وعلاش ماقلتيهاليش..

ع: لقيتك ناعسة و مابغيتش نفيقك

هناء: اه و شنو قالتك عاودي لي كلشي ماتنسااي تا حاجة ..

ع: اوا دويناا و باينة فيها معصبة منو ..

هناء: اووف و علاش باقي تالدب ماعيطش ..

ع: صبري صبري ابنتي دباا يعيك شحال قدو ما يميك اكييد مو غتكون هضرات معاه ...

وصلو للفيلا دخلو جلسو فصالون مكان حد كلشي خارج .. احمد و خوه فشركة .. و ندى فلفاك و رقية .. مع صحاباتها .. عنقاتو و مزيرة علييه كانت موحشااه ..

سهار:توحشتك بزااف بزااااف ..

لؤي: اه كون تشوفي انا ابرهوشتي ..

سهار: واش نتاا مرتاح فداخل ديالك..

لؤي: كنموت الف مرة .. توحشتها توحشت ملامحها عينيهاا صوتهاا بكاها كلشي فيهاا توحشتوو كنطلب من الله غير يلاقيني بيها باغي نطلب منها سمااحة واخا عارف عمرها تسمحلي حياتها كلها ...

سهار: خوياا علاش درتي فيها دكشي مدامك كتبغيها..

لؤي: (عاود ليها كلشي )..

سهار : مع ذلك غلطتي الؤي مكانش عليك تعاقبها بديك الطريقة عل اقل كنتي تسمع ليها.. نتا حكمتي على شي لي شفتوو .. بعض المرات ماشي اي حاجة شفناها كتكون صحيحة ..

لؤي: سهاااار راني عااارف عارف هادشي مزياااان ندمت ندمت على نهاار لي دخلت لداك الزبل .. 

سهار : دبا نساا لي فات مات .. حاول دعي ربك يسمحلييك و لبنات يغفرو ليك .. ولكن راك كتبقا غالط و بزااف ..

لؤي: ( تنهد و هو كيلعب فشعرهاا) .. ونتي .. مابغيتش نسولك ولكن كلشي واضح .. كتبغييه يااك..

سهار : عفاك بدل الموضووع

لؤي: لاحضتها ديك نهاار كنتي باغا تبقااي معااه واخا اذااك بسباابي بغيتييه و كنتي باغا تبقاي معاه ..

سهار : اه كنبغيه بزااف .. اول واحد قدر يدخل لقلبي اول مرو نبغي شي واحد كان هو .. ماتخيلش شحال كنبغييه اخوياا . 

لؤي: واخاا كنت كنسمع لكوولشي ..

سهار : بسبابك الؤي .. انا عادرااه شي لي دار فختو عمرو يتحملو شي ولد لمرا على وجه الارض ..( بابتسامة مصطنعة ) .. نساا 🙂

لؤي بقا كيهضر معاها و يحاول يفهم منهاا شنو واقع لايمان و فينها ولكن هي براسهاا ماعارفااس فين هي حيت عمرو جبد ليها الهضرة على ختو .. جا لييل تجمعو العائلة و احمد شاف لؤي تعصب و طردو مرة خراا و لكن دخلات سهار .. و طلبات منو يخلييه و بلي نادم على شنو دار .. مي واخا هاكك ما تقبلش ناض من طبلة معصب و مشا لبيتو اما لؤي فتنهد و مكملش ماكلتو مشا لجردة كيكمي .. 

#عند_جوكر..

صبااح كلوو و هو فدار و مهدي معاه .. تا لييل مشاا للقهوة تجمعو مع درااري ورجع لداار مع ل 1 دلييل لقا هناء كتسنااه ...

جوكر : واش ما تتفهمييش ولا كديريهاا بلعااني ميااات الف مرة كنقوووولك ماتجييش لهنااا واش باغا تصعري جد بوياا ( شدها من كتفها و زير عليها ) و ساااعة ل 1 دلييل ..

هناء : اااا وا طلق .. را جيت باغا ندوي معاك و نمشي بحاالي ..

جوكر : و فهاااد لييل طار لمك لفرييخ ولا شنو ..

هناء : اه فهاد لوقت و هناا..

جوكر: دخلي لداار و منبعد نتفاهموو ..

دخلات لداار و قلبها كيضرب بجهد .. و بدات تنزل فدموعهاا و تمتل باش تصيدوو ...

جوكر: ياك لابااس مالك كتبكيي..

هناء : واش غتبقااا معاياا هاكة حراام عليك شوف حالتي كي ولات .. تا من عمتي ولات تحل علياا فمهاا .. و درب كلوو كيقول ها لقحبة جات .. ها دارت ها فعلات (حانية راسهاا و كتصنع فدموع .. ) 

جوكر : و يهضروو ما تسوقييش لبناادم .. و عمتك انا غندوي معاهاا ..

هناء : دب جيني من لخر .. ياك ما ناوي تبقا تضحك علياا حياتك كلهاا.. 

جوكر: نتي لي جيني من اخر اش باغاا ..

هناء: باغا نكون معاك كيما كنا قبل .. و لا كنتي ناوي معاياا لحلتل فرااك عارف اش ديير .. مغترضااش ناس تهصر فيا بسباابك.. 

جوكر: ( بقا ساكت مكيجاوبهااش كيضور هضرتهاا و هضرة مو و مهدي .. عاد جاوبهاا ) اه بسباابي .. غدا وجدي راسك غنجي نخطبك .. 

هناء : لا واقيلة كضحك..

جوكر : را داوي معاك بلمعقوول .. ماشي وقت ضحك دباا..

هي ماتيقااتش نقزات علييه كتعنق فيه و غطير من لفرحة . و هو ماداير تا حركة ..

جوكر : يلاه نوصلك .. 

هناء: اه عمتي غتكون كتسنااني ..

وصلها لداار و هي دخلات و كتشير ليه بيدهاا و ضحكة مافارقاتش وجهها ...

#بعد_مروور_شهر

من بعد ديك لييلة داز شهر بضبط كلشي تبدل فييه .. سهار من لفاك لدار دارت صحاب جداد .. و مرة مرة كتواصل مع رغد و سمير.. لؤي تصالح مع باه بصعوبة من بعد ما دخلات العائلة شد الرئاسة على باه .. اما ايماان فدات البااك بنقطة ممتازة .. فرحاات مها و خوهاا .. و عمتها فرحات بيهاا و دارت ليها حفلة .. ولات وحدة خراا دارت صحااب مع ذلك ما كتقيش فحد .. الحياة علماتها و هي مزالة صغيرة .. اما جوكر .. من بعد ديك لييلة غد ليين خطب هنااء و كاع درب.. عرفو و المسمومات قريب يطرطقو .. و قررو من بعد سيمانة غيكون لعرس .. جوكر كاع ما مسوقش عاطيها غي لشراب ولغبراا .. و قلييل فين كيسول فيها بحالا ما ما مخطوبينش .. و هادشي كيحرقهاا من داخل .. ولكن كتصبر على ود حبها ليه ...

#عند_جوكر..

جوكر: لقلاوي فارعة لي كري هناا ختاري لي عجبك و هنيني كل مرة تسولي ..

هناء: واقيلة را سيمانة جاية غنتزوجوو خاصك تختار معاياا .. ياك غتكون راجلي .. واعفااك ..

جوكر:( بلا هواه ) اه زوين ..

هناء : ( باستو فخدو و غطير بلفرحة )..

شرات كاع لي خاصها ف جهاز .. تا من لماكياج شراه ليها .. بحكم هي يتيمة ف جوكر لي تكلف بكلشي .. و دارو بلي سبت يضربو الكاغط و الاحد يكون لعرس... وصلها لدرا اصرات عليه يدخل .. كانت تما عائلتها مرات عمامها .. و بنات خوالها .. دخل شرب معاهم اتاي و خرج .. و هناء حاضياه من سرجم .. تا مشا داز عند مو .. لقا تما جيران رجع من لبااب 😂😂.. مشا لداروو جلس فصالون و حداه قراعي دشراب كيشرب كاس ورا كاس .. باش ينساا اه ينساهاا ..طول هاد المدة كيفكر فيهاا كيغاتكوون .. توحشهاا بزااف و باغي يشوفهاا ولكن ضروف ماتسمحش لوو كيصبر راسو بشرااب و الكارو .. تا من دراري مابقاش تجمع معاهم .. صونا تلفونو ..

كانت فاطمة ..

جوكر: لواليدة شنو تاني 

فاطمة: را هضرت معا ختك دباا .. غدا غتجي غطير بلفرحة و تا عمتك غتجي معاها ...

جوكر: اهاه اوا مزياان ..

فاطمة : شتك كاع ما فرحاان..

جوكر: اوا شنو باغاني نطير بلفرحة..

فاطمة : ولدي دييير عقلك را مابقا والو وتزوج .. تهلا فمرتك

جوكر :( قطع عليها التلفون ) ...

ضرب فطبلة بيديه و طلع لبيتو يتكاا .. و عينو فسقف كيفكر فسهار و لحضاتهم بزوج ضحكتها بكاهاا .. عصبيتها كلشي فيها توحشوو .. بغا يشوفها و يعنقها ولو غير لآخر مرة ..شتا كتصب .. ريحة تراب تشمها من.. بعييد .. ناض هز جاكيت ديالو و خرج من دار كسيرا نحو المجهول ...

#عند_سهار..

سهار : مالاعبااش اناا ..

لؤي: مرصيتيش بلخسارة..

سهار: كتغشو ..

ندى : والله ماغشيناا 

لؤي: لا غا خليها راها كتهرب من لحكام ..

سهار : ( لوات شنافتها بغصب ) شنو غتحكمو ..

لؤي: مم تسنااي نتافقو ..

بقاو كيوشوشو هو و ندى .. و سهار مخنزرة فيهم ..

ندى : امم منااسب ..

سهار :( شافتهم جايين قاصدينها و هي جربها بجرية لبيتها )..

ولكن لحق عليها لؤي و هزها فوق ضهرو و هي كتفركل .. دفعها علة ناموسية و كيدغدغو فيها و هي كتبكي بضحك.. و صوت ضحكتها متسمع تا جا احمد و فكهم ..

احمد: واش باقي شي حد كيلعب هاد لعب .. لا حول ولا قوة الا بالله .. خلي عليك البنت ...

لؤي: وا غكنا كنلعبو الواليد ..

احمد:بقا ليك غا لعب راك شرفتي .. زيدو را لعشاا واجد..

هبطوو لتحت كيضحكو و كيتمو فضحكتهم .. تعشاو فجو من ضحك سهار شحال ضحكاات ماعارفاش بلي هادشي كلو غيرجعليهاا بكاا .. كملو عشاهم سهار طلعات لبيتها واقفة حدا سرجم مراقبة قطرات المطر .. و لؤي فبيتو طافي الجو عليه و عقلو شارد ف ايمان .. فين غتكون دب .. واش اتسامحو ولا لا.. جوكر.. مبلاصي الطوموبيل قريب ليهاا و مانعسش لييل كلو فايق .. تا صبح صبااح لحال ..

فاقت سهار.. دارت روتينها اليومي فطرات و وصلها شيفور للفاك و جوكر و راهم تابعهم بطموبيلتو .. نزلات من طوموبيل و شيفور مشا .. جوكر شدها من يدها تقلبات صحابليها غا شي واحد من طلبة ولكن تصدمات...

بقات كتشوف فييه و ملامحهاا خالية من تعابيير.. ما مصدقاش بعد كل هاد المدة تشوفوو بقات مفيكسياا عينيها فعينيه و قلبها كيضرب .. و هو كيشوف فيها بحب و عشق بقاو ساكتيين تا دوا هو .. 

جوكر: لاباس ؟

سهار : ( نترات منو ) بعد منييي هادي لولة التانية شا باقي باغي مني ..

جوكر : ( جرها تا تصادحات مع صدرو عنقهاا و مزير عليها ) توحشتك بزاااف ماتخيلييش شحال توحشتك..

سهار: (دفعاتو ) تقربش لياااا كتفهم بعد من حيااتي .. 

جوكر: سمحيليي عارف راسي اذيتك .. ولكن نتي عارفة بلي اي حاجة درتها الا و كان سبب..

سهار : هادشي فاهمااه و عارفااه لاش موريني وجهك طلع من حيااااتي باغا نسااااك باغا نتهنى منك.. باغا نعس ولو مرة وحدة بلا ما نفكر فييييك باغا نتحرر منك ..

جوكر: ( هزها فوق هضرو و هي كنفركل و تغوت )

حطها فطوموبيلتو و سد عليها و عي كتحاول تفتح لباب و تخرج .. كسيرا و خلاها كضرب فيه باش ينزلها .. وصل لواحد جرف و حبس تم .. منصر كيطل على لبحر.. بقات نزلات و تقابلات مع وجهو ..

سهار: شكتحاااول ديير .. ااا 

جوكر: نتي هضرتيييي خليني نهضر.. لا كنتي نتي عايشة انا كنت ميت .. ماتخيلييش شحال كنبغييييك .. حطييي راسك فبلاصتييي شكنتي غاديريييي ااا فهمينييي فهميني راني تااالف بحالك ولا كتر .. باغي نتهنااااا بتغي نرتااح ( تكا على سيارة و مرجع راسو لور بتعب )..

سهار: ( نفاجرات بلبكا حدااه ماقدراتش تمنع دموعها من انهم ينزلو بقات سمع شهقاتهاا و عنقهاا و هي تعلقات فييه .. )

جوكر: صافي براكة من لبكا سكتي.. ( بقا تا يمسح ليها فدموعها ) .. 

بقاو معانقيين .. تا بعدات هي و دخلات لطوموبيل و هو تابعهاا..

بقات كتلعب فصباعها بتوتر و هو حاضيهاا .. شدلها فيديهاا ..

جوكر : سمحيلي ..

سهار: انا مسامحاك اصلا .. ماقديتش نكرهك حاولت بزاف ..

جوكر: ( باسها فيدها ) كنبغييك بزااف .. ( صونا تلفون كانت هناء طفا تلفون )..

سهار: شكون ؟

جوكر: هادي غي لواليدة ..

سهار : ( قربات لييه باستوو ففمو بشفايفها رطااب و هو مان كيتسنا غي الاشارة .. شدها من عنقهاا كيبوس فيهاا و يتلذذ فشفايفهاا تا كان ايخنقها عاد كلق منها .. )

سهار: دب شنو ؟ شنو غيوقع بينا ) واش غنبقاو هاكة تا حاجة ما مفهومة بيناتنا ...

جوكر: لي كنعرف كنبغييك و ماهامانيش شي حاجة خراا ..

سهار: ماتشوفش داباا فكر لبعييد ..

جوكر: نعييش دب و مكيهمنييش شغايوفع مهم تكوني حداياا ..

سهار : ( تكات علة صدرو)

بقاو على دك الحال تا طلبات منو سهار يمشيو .. رجعهاا للفاك .. و مشا هو بحالو مشا لدار لقا هناء واقفة ليه عند لبااب ..

جوكر: الله يصبرني..

هناء: فين كنتيييي علاش مكتجاوبنييش ؟ را باقييين بزاغ دلحوايج خاصنا نديروهم..

جوكر: دخلي اصلا كنت باغي ندوي معاك..

دخلات معاه لصالون جلس مقابل ليها كيتنهد .. كيف يجبد ليها الهضرة واش غيقول ليهاا.. بقا ساكت ..

هناء: اوا دوي اتبقا ساكت ولا شنو..

جوكر: مهم هناء سمعيني .. 

صونا تلفونها كانت عمتها .. 

هناء: حبيبوو خاص نمشي عمتي تا تقلب علياا ليوم دبحني ( باستو ففمو بخفة و خرجات )

خلاتو بلاكة .. فوقاش غيصارحها من بعد ما وجدات كلشي .. خاص فاقرب وقت يعلمها .. واخا حاجة صعيبة ولكن مايقدرش يضلمها معاه كتر .. يبقا معاها و قلبو مع وحدة خراا.. جاو درااري عندو تجمعوو كيضحو و يقسرو و هو بالو مه سهار...

#عند_سهار..

دوزات حصصها و رجعات للفيلا ماقاداها فرحة و اخيراا رجعات مع راجل لي كتبغي ..ولكن واش غتستامر هاد الفرحة .. طلعات لبيتها بدلات حوايجهاا .. و نزلات لتحت كضحك و باينة الفرحة فعينيها..

لؤي: همم شنو سر هاد الضحكة 

سهار : امم والو 

لؤي: لا لا اكييد شي حاجة وراها..

سهار: ماعرفت نهضر ولا نسكت .. ما مولفاش نخبي عليك شي حاجة ..

لؤي: هضري قالك تخبي😒

سهار : ماعرفت شنو غتكون ردة فعلك.. ولكن انا لي فراسي فراسي.. سعادتييي هي لولة غنفكر فراسي هاد لمرة نتمنا توقف جنبي و ماتجيش ضدي..

لؤي: لا كانت فيها سعادتك و نشوف هاد الضحكة تاني .. اكيد غنكون واقف معاك..

سهار: انا و نزار رجعنا ..

لؤي: ( بقا ساكت كيستوعب هضرتها ) سهار واش متأكدة من لهضرة لي كتقولي 

سهار: اه متأكدة بزااف .. 

لؤي: اوكي .. نقولو انا وافقت كتضني بابا غيوافق؟ نتي عارفاا شحال عزييزة عندة مستحيل يتقبل ..

سهار : لؤي على دكشي كنعاودليك باغاك تقنعو.. تيقني اخوياا كنبغييه مستحييل نكون لشي واحد من غيرو .. 

لؤي: اووف اسهاار .. ماتلعبييش فناار .. خايف خاايف ماتايقش فييه .. كيفاش غتكملي خياتك مع واحد بحاالو .. شوفي شكلو.. واش متأكدة باغا تكملي حياتك معاه..

سهار : انا مكيهمونيش المضاهر لمهم عندي كنبغيه تيقني هو حنيين .. ماتنسااش سبب لي خلاه ياذيني حط راسك فبلاصتو شكنتي غادير...

لؤي: اوكي اسهار مابقا عندي مانقول نتي تعرفي ..

سهار : ( عنقاتو ) كنت عارفة ماغتخلينيش .. كنحمااق عليك 

لؤي: (خربق ليها شعرهاا .. وهو ما مهنييش )..

تعشات .. و طلعات لبيتها تنعس .. اول مرة تنعس مرتاحة و ماهازة فقلبها تا حاجة مرتاحة .. اما جوكر فكان عكسها تماما ماقدش ينعس كيفكر فلي جاي و كيفاش غيصارح هناء بهادشي .. غيحطمهاا.. ولكن فنفس لوقت ماباغيش ياذيها و يعدبهاا معاه صبح صبااح جدييد جوكر دوش و لبس سيرفيط بيضة د لاكوسط .. و فطر و دراري كانو ناعسين فصالوت بعد ليلة لي دوزوها .. ديمارا بطوموبيلتو تا لفاك..بقا عاس تم تا لديك 4 كملات حصصها و خرجات لمحات طوموبيلتو و مشات عندو ركبات حداه لقدام .. باسها ففمها بوسة خفيفة ..

سهار : هبلتي دب يشوفنا شي واحد..

جوكر : خليهم يشوفو باش يعرفوك ديالي بوحدي .. (زير على يدها تا غوتات ).. ياك قلت لمك ماتبقايش تلبسي هاد لبس دلقحاااااب ..

سهار : يديي ازبل .. احح ( كتماصي فيدها ) واشنو بافيني نلبس

جوكر : لبااس مستور .. شوف على سروال لابسة .. ديال اجي حوينيييي برب و نلقااك لابسااه غنفرشخ دينمك 😡..

سهار : ( بقات ساكتة ) ..

جوكر : واش فهمتي ولا نعاود لهضرتي ..

سهار : فهمت فهمت 😒...

جوكر: اوا هاكة نبغييك الكبيدتي ..

سهار: امم نزار نقدر نسولك..

جوكر: اه سولي..

سهار: علاش مسمينك جوكر؟

جوكر: هههه حيت انا ولد لحرااام مقطر ههههههه

سهار: ( خنزرات فيه ) 😒 شنو درتي مع هناء 

جوكر: ( صدماتو بهاد سؤال ماعرف باش يجاوبها ) .. نسااي لمهم انا ويااك مجموعين .

سهار: بقات فيااا مسكيينة غتكون بكات بزااف كيماا بكييت اناا 😔 مقصدتش نأديها هي عارفاك قبل مني 

جوكر : تيقيني بيك ولا بلا بيك مكنااش غنكملو حيت انا عمري ما بغيتها لا دب لا قبل ..

جوكر : ولكن هي كتبغيك..

جوكر : اشنو باغاني نديير اا ؟؟

سهار : صف نسا نساا

كسيرا بطوموبيلتو لواحد لقهوة فسونطر .. تقهواو تماا تا ضلام لحال وصلها ورجع هو بحالو داز لدار عند مو .. دخل سلم عليهم و العائلة كانت مجموعة تماا..عيط على مو للبيت..

فاطمة : ياك لاباس ..

جوكر : مي انا مابقيتش باغي نتزوج..

فاطمة : سكت يعطيييك غمة قالاك ماباغيش تزوج .. مسطي ولا مخور فمخك .. تا كلشي وجد 

جوكر : مكنبغيهاااش فهمينيي

فاطمة: كيفاش مكتبغيهاااش و نتا عام معاها هي كنتي كتفلا .. 

جوكر : لا الواليدة.. دب خلينا من هادشي .. صاف انا غندوي مع هناء 

فاطمة : غتسد دك لفم و تنساا هاد الهضرة كتفهم لبنت تا موجدة كلشي و ناس عرفاات ناوي تشوهها ا شووف اهاد المسخووط شتييي هاديك لبنت هي لي غتديييي واخا طابق سما مع لرض..

جوكر :( جمع يدو على شكل قبضة و ضرب يدو مع باب البيت )..

خرج صاعر راجع لدارو و هي جلسات مع العائلة كتلطف الجو .. 

داز بزاف دلوقت .. كلشي نعس من غير جوكر لي كيفكر فحريرتو و كيفاش غيفكهاا 

#عند_هناء

فبيتها متكية و حداها عمتها كيبلانيو .. 

ع: والله تا هدا هو لحل شوفي شكيديير دب كاع ما مسوق ليك..

هناء: واش ايلا درتها غيولي يبغيني ؟

ع: يبغيك ههه تي را غيولي كيتسطااا عليك..

هناء : فخباارك لا عرف عمرو يشوف فيااا ..

ع: كيفاش غيعرف يا لحمارة

هناء: عمتي هدا ماشي لعب را سحور هداا..

ع: عييت مانشوف دموعك.. العرس باقي سيمانة و نتي باقيلو 3 ايام وهو ما مسوقش ونتي كتبكي كل ليلة عاجبك هادشي ..

هناء: يمكن مع الوقت يتبدل

ع: يتبدل غا حلميي ..

هناء : خايفة بزااف لا خسرتو غنقتل راسي 

ع: ماتخافيش ماعندو منين يعرف خاصك غا نتي تلعبيها مزيان ..

هناء: ( تنهدات ) نشوفو هادشي فين ايوصل ..

مدات ليها قرعة صغيرة بزاف فيهاا شي مسحوق داير بحال رمل .. 

ع: هدا جبتولك من عند فاطنة .. را قالت ايخلييه يتسطااا 

عطاتولهاا و هي دارتو فصاكها .. 

هناء : نتمناا .. 

#عن.. بقا فايق عينيه مغمضات الليل كلو .. تا صبح صباح فاق على تقرقيب لتحت .. ناض بزربة.. فتح لباب كانت هناء .. 

جوكر : ( كيقاد فشعروو و مغوبش ).. دخلي كنت باغيك

هناء : ( بفرحة ) توحشتيني يااك..

جوكر : دخلي نهضرو..

دخلات جلسات فصالون و هو جالس حداهاا .. دغيا هضرات ما خلات ايه كاع الفرصة يدوي ..

هناء : لبارح عييت ما نعيط ليك كنلقا تيليفونك طافي

جوكر : اه كنت مع دراري

هناء:امم وعلاش ماعاودتيش عيطي لياا .... 

جوكر: غا تلهيت و صافي ...

فاقت كلها نشاط .. خدات دوش و لبسات احسن ما عندها لبسة كلاسيكية عبارة عن كسوة طويلة كحلة .. مع طالون فلمارون .. شعرها صايباتو و طلقاتو.. دارت ميكاب صارخ ... هزات صاكادو فلمارون و رشات بارفانها .. نزلات لتحت كان غير لؤي كيفطر ..

لؤي: هاي هاي هاي .. اممم هاد تبوكيصة كلها

سهار : بغيت رئيك كيف كنبان..

لؤي: نتي فاسوأ حالاتك كتحمقي..

سهار : يعني غنعجبو يااك..

لؤي: ( خنزر فيها ) نتي اصلا واعرة علييه فكلشي تقارنييش راسك بييه تعجبيه ولا ما تعجبيييهش يمشي يقود..

سهار : ( غوتات ) للللؤي ياك واعدتني غتبقا واقف جنبي كيفما داير.. انا كنبغيييه و هو لي غنكمل معاه حياتي. 

لؤي: نتمنا ما تندميش. 

سهار : ( بحدة ) ماغندمش و هانتا غتشوف..

جلسات مقابلة ليه كتفطر فصمت كملات فطورها خرجات من لفيلا طلبات طاكسي مابغاتش تمشي مع شيفور .. وصلها للمكان المطلوب .. تمشات بخطوات خافتة .. ناوية تفاجئو .. و قلبها ايطير بلفرحة .. حلات لباب بشوية .. ولكن سرعان ما هو فاجئها من بعد ماسمعات ديك الهضرة لي حطماتهاا و غرسات خنجر ف قلبها .. طاحت دمعة حارة من عينيها .. 

هناء : ( كتوريه تصاور ) حوبي قولي شنو حسن ندير لفولار ولا بلا فولار .. ما تخيلش شحال فرحاانة من بعد 3 يام غنولي مرتك وحلالك..

جوكر :هنااء سمعينييي 

هناء: واجاوبنيييي لول .. شنو ندير لفولار ولا نن .. ولا عرفتي تا نولي مرتك عاد ندييرو .. اجي ياك ماناسي غدا خاصنا نمشيو نضربو الكاغط..

جوكر: هنااااااء..

كان لاهي معاها تا سمع شي حاجة طاحت .. تقلب و هو يتصدم...

يتبع