طغيان معذبي الجزء 17

من تأليف هند القادري
2018

محتوى القصة

رواية طغيان معذبي

جوكر : سهاار .. شوفي سمعيني..
هناء : شكون هادي .. فايتلي شفتها .. اهاه ماشي ديك لقحبة لي لقيتها فدارك..و قلتيلي مدوز بيها ليل..
سهار : ( ماقدراش تهضر كتبكي و تمسح بيديهاا نفس ماباغاش تخرج ليهاا دوات بصعوبة ) اه هى انا هي 😭
هناء: ( مخنزرة فيها) اوا بسلامة علاش جيتي..
جوكر : هناء غتسدي داك لفم حسن ما نقطعو لمك.. سهار..
سهار : هئ هئ غا تلفت فطريق و كنت باغاه هيييئ يوصلني سمحولي هئ هئ هئ 😭
جوكر : سهار .. سمعيني..
مخلاتوش يزيد يهضر .. خرجات من دارو بزربة كتبكيي و تخنصص و جوكر تابعهاا لحق عليها و شدها من كتفها مدورها ليه.. 
جوكر: سهاار خليني نشرح ليك..
سهار : ( نترات منو بجهد و دفعاتو فصدرو و مغوتة فوجنو باعلى صوتها ) هئ ماتقييييسش فيااااا هئ هئ 
جوكر: خلينييي غا نفهمك و ديك ساعة ديري لي بغيتييي
سهار: براااكة تالهناا و برااااكة هييييى ى هى هئ كون غيير قتلتيني هئ هى و مقتلتينيش بهاد طريقة هييييييينئ ..😭 الله ياخذ فيك الحق 😭
كملات طريقها و خلاتو تابعهاا تا شدات طاكسي...و هو غوت بلعلى صوتو ...
(ااااااااااااااااااه)..
رجع لدارو كاعي بلبياان .. شتت اي حاجة جاات قدامو و هناء مخبية و خايفة منو حيت عارفاه فاش كيتعصب كيولي واحد اخر بااغا توقفو ولكن كان بحال شي عاصفة .. ما وقف تا شخشخ كلشي و جلس كارز على يديه .. و هي جات مترددة جلسات حداه..
هناء: شكوو هادييك وعلاش تبعتيها واش بيناتكم شي حاجة ..
جوكر: غتنوضي دب تقودي لداركم..
هناء: باقي مكملت هضرتي ..
جرها من شعرهاا و خرجها و سد عليها البااب خلاها كتغوت ورااه تا عياات و مشات بحالها...

رجعات لدارها و هي كترعد بلاعصااب بحال شي هبيلة ساكة بلي بينااهم شس حاجة فكرة انه كيبغي وحدة اخرة من غيرهاا كتجننها.. طلعات لبيتها و عمتها تابعاها كتسول مالها و هي مكتجاوبش لاهية غا مع الالم لي فقلبهاا ..
#عند_سهار
وصلات لدار و دموعها شلال على بالها كدب عليهاا و تا حاجة مكانت صحيحة و هي بحال لحمارة كانت متيقااه دخلات لدوش كدوش بما بارد و تبكيي كملات لبسات بيجامتها و دخلات فلفراش جا لؤي جلس معاها..
لؤي: فصباح كنتي خارجة ضاحكة دب شتك سكتي مالك
سهار: والو غا مريصة شوية .. تقدر تخليني بوحدي
لؤي: ياكماا داك شمكاار اذاك فشي حااجة ..
سهار : عفاك لما خليني بوحدي..
لؤي: جاوبيني اسهاار شنو فييك عمري شتك بهاد لحالة هضري خلاص 
سهار: ( بلغوات ) اوااااه را قلت ليييك مكاين واالو 
لؤي خرج و خلاها تا تدهن و يرجع يدوي معاها .. وصل لعشاا منزلاتش تعشاا دارت راسها نعساات ..
صبح صبااح جديد بنسبة لهناء ناوية تنفذ فيه مخططها .. لبسات تحسن ما عندها و عرفات كيفاش تماكي و تبرز جمالها .. خداات صاكها و خرجات بلا تفطر .. مشات عند جوكر و هي فرحانة و ابتسامة على وجهاا .. دخلات عندو لقات لبااب مفتوحة .. طلعات لبيتو لقاتو ناعس و قراعي دشراب حدااه .. بقات حداه كتبوس ففمو تا فاق مغوبش و شاد فراسو عاطيه لحريق ..
جوكر : شجايا ديري هناا
هناء : جيت نشوفك .. واش ناسي ليوم خاص نمشيو نديرو زوجية 
جوكر : ( مجاوبهاش دخل لدوش دوش .. تسناتو تا خرج )
بقا متكي على لبااب مخنزر فيهاا و هي مبتاسمة فوجهو ..

هناء: واجد نمشييو
جوكر : ( حاضيها كيفاش فرحانة و متحمسة مابغاش يدمرها بقا غا ساكت ) 
هناء : ووووو فينك لاهيي يلاه نمشيو 
جوكر : هناء سمعيني. 
معطاتوش الفرصة يدوي جراتو من يدوو لتحت جلساتو فصالون..
هناء: تفطر و نمشيو 
جوكر : ماغانفطرش جلسي ندوييو باغي نهضر معاك 
هناء : تفطر لول..
مشات لكوزينة كتوجد لو لقهوة بقا كيتسنا فيهاا لقاها معطلة.. ناض ليها لقاها كتحط دكشي فلقهوة .. و هو يطيح دكشي من يدها و شدها من شعرها .. و ه كيحلل فدكشي لي مليوح من شوفة فيه تعرفو سحور ..
جوكر: يا بنت لقحة شكنتي ناوية ديريي اااا
هناء : طلق كلق منيي ( كتحاول تفك منو )..
جوكر : ( دفعها فلرض و دفل عليها ) تريكة سحووور دباا غدوري تقودييي من دااري و نهاار لمحك نشرك لزامل بووك وجهك..
هناء: ( كتمسح دفالو من وجهها و غلبوها دموعها ) هى ئ هئ هادشي كلوو هئ هئ هييى درتو حيت كنبغيك 😭😭
جوكر : كتبغيني بسحوور يا بنت القحبة 
جرها من يدها و رماها برا داار و هي كضرب فداار باش بحل ليها و ترغب و تزاوك فيه..مابغاتش تمشي حل ليها لبااب ووقف قبالتها..
جوكر : دكشي لي بيناا سالاااا كتفهميي نهار نلقاك. حدايااا برب اهنااااء تا نقود معاك سواايع غتشوفي وحد اخر خسااارة كنت ضانك بريئة ولكن اول مرة نكوون غالط.. دب شوفي ابنت ناس غتقودي لداركم قبل نا نصيفطك لسبيطاار..
سد عليها لبااب و خلاها كتغوت وراه تا عيات .. جمعات راسهاا و رجعات لدار ....

تا حس بلي مشات خرج من دار و مشا عند مو لقاها غا كتوجد .. و بنت حداهاا تقرب منهم و يلاه غيسول شكون هادي .. تقلبات عندوو لقاها ايمان تبدلات بشكل كلي زياانت و صحاحت .. تعانقو و تباوسوو .. بقا حال فمو فيها دغيا تبدلات..
جوكر : يا لعفريتة طنجة جات معاك..
ايمان : اه اخوياا تعلمت شحال من حاجة ..
جوكر : اوا لاباس
ايمان : الحمد الله اخويا ونتا لباس .. و باقا كنسولك اكيد غتكون طاير بلفرحة .. غتزوج اصكع
جوكر : مابقا زواج ولا نمي
فاطمة : ( خنزرات فيه ) شتك بديتي تاني
جوكر : اه امي مابقا زواج ولا والو ..
فاطمة : يا اما تسطيتي يا اما ناوي تقتلني بشي جلطة .. لعر مووور غداااا كلشي وااااجد 
جوكر : ما غنتزوجهااش و كلشي سالا ..
فاطمة: ولينا فلعب لبراهش عطينا كلمة لدرية
جوكر : ميي مغنتزوجش بوحدة ناوية تسحر ليااا . كيفاش باغا هاد زوااج
ايمان : كيفاش اخويا باغا تسحر ليك..
جوكر : (عاودلهم كلشي )
ايمان : نسا اخوياا .. اه عندك لحق ماغتبدااش حياتك بلكدووب ..
فاطمة: ليوووم نشوه مهاا نوريييها سحوور على حقو و طريقو..
جوكر : شوفي اميي صافيي كلشي تقادا و سلام ماتشوهي ماتشوهك
فاطمة : والله لا دوزتها باغي تسحر لولدي
ايمان : صافي اميي ماتزيديش فيه .. هاوا لحقها ف اخر لحضة .. الله يدير لي فيها خير..
جوكر : نسااو اوا . عاودي شوية على راسك ..
ايمان : كتسلم عليكم عمتيي بزااف و عتادرات حيت ماقداتش تجيي..
فاطمة : انا غنوض نوجد لغداا 
ايمان كتشوف ف نزاؤ لقاتو ساهي و بحالا هاز جبل ديال لهم فوق ضهرو .. 
ايمان : فين شارد
جوكر : ايمان باغي ندوي معاك .. ماباغيش نفكرك بشي حاجة ولكن ضروري خاصك تعرفي...
ايمان : الله يسمعنا خبار لخير..
جوكر : ( عاود ليها كلشي من لول اول مرة خطف سهار و كيفاش عدبها و بغاها و بغاتو ) مكنتش باغي نبغيهاا ولكن قلبي بغاهاا.. حاولت نتحكم فراسي ولكن ماقدرتش .. ( تنهد ) 
ايمان : ( دموعها نزلو فاش سمعات ديك الهضرة بقاات فيها بزاف .. تقريباا دوزات كاع لي عناتو و هي مكتمنااش دكشي لاي وحدة ) نتا غلطتي و بزااف .. نتا و خوها كتشابهو .. هي ماليها دخل علاش غلطتي هاد لغلطة اخويا.. 

جوكر : مكنعاودش باش نبكييك صاف سكتيي.. براكة غي لبكا لي بكيتي.
ايمان:غتكون تاهي بكات بحالي 
جوكر: ( حط يدو على يدها ) صاف نسااي..
ايمان: كيفااش قدرتييي دمرها كيف دمروووني 
جوكر: كنت بااغي نهز حقس منووو 
ايمان: و يهاد طريقة .. هي ماعندهاا دخل.. صحح غلطتك قبل ما تخسرها فمرة
جوكر: انا خسرتهااا اختي خسرتها فمرة.
ايمان: باقي لحاال سير رجعهاا .. نتوما كتبغييو بعضياتكم .
جوكر: ايماان .. غنكوون مع خت راجل لي دمرك !!!
ايمان:تيقني اخوويا انا نسييت كلشي .. بدييت حيااتي من جدييد نسيت كلشي طنجة علماتني بزاف دلحوايج تلاقيت بناس لي قدرو ينسيونيي و ماخلاونييش نيأس .. نسيت لمااضي .. تا مابقيت هازة تا حاجة فقلبي .. نتا لا خسرتي لبنت لي كتبغيي .. غتخسر راسك و بزوجكم اتعدبو ..
جوكر : ( تنهد من قلبو ) غنشووف شغانديير.. 
حطات فاطمة لغدا تغدااو ايمان مشات لبيتها ترتااح و جوكر خرج مشا بحالو اما فاطمة لبسات جلابتهاا و ناوية ليوم على شوهة .. 
#عند_جوكر ..
جالس حدا لفاك و متكي على طوموبيلتو كيتسنا فيها تخرج .. تا خرجات مشا عندهاا هزها بين كتافو و هي كتفركل و تضرب فضهرو .. حطها فطوموبيل و سد عليهاا و كسيرا لدارو .. و هو كتسب و تعاير فيه باش يوقف ..وصلو هزها تاني و حطها فصالون..
سهار : شكدييير الحمااار طلقني نمشي بحااااالي
جوكر : ماغاداااش تا نتفاهمو ..
سهار : علاياش غنتفاهمو بسلامة .. 
جوكر: سمعينيي غا مرة شغاتخسري
سهار : سمعت منك مرة و ندمت لي عطينك فرصة .. و نتااا يا شمااااتة ضحكتي علياا بزوج كلماااات صدقتي كتوجد لعرسك .. حراااام عليييك لاش باقي كتآدي فياا علاااااش 
جوكر : كنحلف لييك بحيااة مي مكدبت .. كنت نااوي نعاود ليك كلشي من ديباار .. و مكنتش باغي نتزوجهاا ..
سهار : ههه دب شنوو كتسناا منييي متيقك !؟
جوكر : والله ماكنت باغييي نتزوجهااا انا باغيييك نتي واش تا تفهمي ولا لا
سهار : سيييير شووووف علامن تضحك .. 
جوكر: اوك اوك .. شوفي هانتي غا خلينيي ندويي وديك ساعة ديري لي بغيتي ...
سهار : مغنسمعكش .. و غنمشي بحالي و اخر مرة توريني كمارتك( تمات غادة جيهة لبااب )..
جوكر: ( سبقها سد لبااب ب ساروت و دارو فجيبو ) 
سهار : شكتحااول دييير
جوكر: ماغتمشي من هناا تا نتفاهمو...

سهار: ناوي تخطفني تانيي .. حل لبااب و براكة من لعب 
جوكر : والله لا تحل تا نتفاهمو..
سهار : مغنتفاهموش و ماغندوييوش كتفهم .. 
جوكر: اوا ماتحلمييش تمشي من هناا ..
سمعو دقان فلبااب .. مشا طاير حل لبااب كانت ايمان .. 
ايمان: واعتق عتااق اخوياا .. ا مي كداابز مع فوزية 
جوكر: مصيييبة هادي ديما مشوهانا فدرب .. ( شاف فسهار ) بقاااي اوياااك تخرجي .. ايمان بقاي معاهاا و عنداك تخليها تخرج..
ايمان : و غا سييير انا غنبقاا..
خرج طاير مكسيري لعند فاطمة اما هي جلسات فصالون و دايرة يديها علر راسها بتعب .. جلسات ايمان حداها كتشوف فيهاا و حاضياهاا تا نطقاات ..
ايمان: سهار خويا كيبغييك بزااف
سهار : فخبارك ماقاداش نشووف فيك .. حشماانة منك..
ايمان: مكاين علاش تحشمي .. نتي ماعلييك والو و زايدوون انا نسييت كلشي .. 
سهار : ( بقات ساكتة ) 
ايمان: كتبغييه هادشي باين فعيينيك..
سهار : خسارة فييه .. بغيتو كتر من راسي .. ولكن متيستاهلش ..
ايمان: شوفي اسهاار .. سمعيني انا مجايااش فصفو حييت خوياا .. ولكن عمر خويا مابغا شي وحدة نتي اولهم.. هناء كانت بنت دربناا.. ديما كانت لاصقة فيه .. تصاحب معاها على امل شي نهار يبغييها .. هي نهار على نهاار ولات تمووت فيه و كاع ناس عرفوو..ديما كانت واقفة فجنبو و صابرة لييه وفاش تفارقتوو .. بسبابي انا و خوك ضغطات علييه يتزوجهاا .. حييت ناس بداو يهضرو فيها .. شنو باغا خويا يتصرف فهاد الموقف .. ؟ يتخلا علييهاا ماعمرو يديرهاا.. ( بدات تعاود ليها كلشي ).. 
سهار : اواه وصلات تا لسحور..
ايمان : اه ..
سهار : الله يلطف بينا .. ولكن را بسبااب حبها ليه تصرفات داك تصرف ..
ايمان: نساي..

تعارفو هي و ياهاا .. و كل وحدة فيهم كتعاود للخراا تا جا جوكر بعجاجتو ..
جوكر : وروينة ناضت .. تناتفو كاع 
ايمان : مي هي مي عمرها تبدل ..لمهم اخويا انة غنمشي تهلا ( غمزاتو ) 
جوكر : تسنااي نوصلك..
ايمان: بلاش نمشي بوحدي نتا بقا ( سلمات على سهار بلابيز )
خرجات و سد عليها لبااب و جا هو جلس حدا سهار .. متبع حركاتها ..
جوكر : توحشتك..
سهار : ( لارد )
جوكر : اووووف والله لا زدتي فيييه .. لحد لان باقييي معااك نزااار .. ماتخلينييش نخرج على طوعي و نورييك جوكر.. عييت شاد لييك خاطر .. انا و هاديييك ساليناا
سهار : سوووق مي اناا خليني نخرج بحالي ..
جوكر : لا
سهار : كيفاش لا واخا هاحنا غنشوفو .. ( جبدات تلفونها تعيط خطفولها من يدها )..
جوكر : ماغتمشي فين بلاصتك حداياا ( كيدوز صبعانو على شفايفهاا .. و يقيس فشعرها طويل ).. 
سهار : ( بعدات منو ) طلق منيي. اازمر 
جوكر: شباغااااا نديييير هااا برب لعااالي كنبغيييك غي نتيييي عفاااك اسهاار براكة من هادشي و خلينا نتفاهموو .. هنااء مكتعنيلي والو .. نتيي هي حيااتي..
سهار: كتبغينييي ( شداتو من شعروو بعنف و قرباتو ليها عضاتو فشفايفو تا ساال دموو و طلقاات منو ) هاديي باش لمرة جاية تعلم تلعب ورا ضهري 😡
جوكر : اححح مقبولة منك القطيطة ديالي .. ( جرها ليه و خشاها فصدرو معنقهاا .. سهار متأكدة بلي باغا تكملي حياتك معاياا ..
سهار : اه .. 
جوكر: يلاهي نتزوجوو 
سهار : اويليي ياك ماطار ليك لعقل..
جوكر : را داوي بنيتيي.. يلاه 
سهار : شدات فيدوو .. ( بمعنى موافقة )...

جوكر : غنوصلك لداار غتجيبي وراقك ونمشيو..
سهار : ولكن خاصينا شهود..
جوكر : هه انا نقولها ل ايمان و مهدي ..
سهار : اوكي .. ماتصورش شحال فرحانة واخا عارفة فلخر كلشي غيتقلق..
جوكر : يلاهييي.. ( جرها من يدهت بزربة و هي كضحك).
مشاو لدارو هزو ايمان و مهدي تلاقاوه فطريق .. و وصلو سهار لدار .. طلعات لبيتها كتجري .. بدلات حوايجهاا لبسات كسوة قصيرة فزرق فاتح مع طالون و شعرها خلاتو مطلوق .. هزات وراقهاا .. و خرجات تاني كتجري .. كاع لي فلفيلا مافهمو والو .. ركبات لقداام و جوكر يحل عينو من هول صدمة ..
جوكر : ( قرصها بكاع جهدو ففخاذها و هو تغوت ) علاش كتجهليييني واش هادي لبسة كيخرجو بيهاال نااااااس😡
سهار : ( كتماصي فالقرصة ) .. 
جوكر : و شوفييي ضهرك كيف عرياااان قودي بدلي هاد لخرا عاد اجييي..
سهار : مغنبدلووووش 
جوكر : برب تا تبدلييه و بزز من مك..
سهار : لا انا عاجبني . 
ايمان : ( دخلات ) هوووف مكتسكتوو ش صاف اخووياا غي على ودييي هاد لمرة عفااك ☺
جوكر : انااا زااااامل انا ديوووووتي لي تمشا معايا هاكة😡😡 
ايمان : صاف اخر مرة تلبس هاكة غي فوت هاد نهاار عفاك اخوويا. .
جوكر : ( شاف تاعيا و رمش ) واخا الالة تا تكوني على ذمتي و ديك سااعة غنربييك بلبياان ..
كسيرا و هو معصب تا وصلو للعدول نزلو كلهم .. دخلو كيتسنااو .. استقبلهم .. بقا كيسول فيهم .. فلخر وقعوو .. لعدول عطا لسهار عقد الزوجية .. عنقاات جوكر و دموع فعينيها ..
جوكر : دب علاش كتبكيي
سهار : ههى هئ هئ دموع لفرحة الحيواان .. 
خرجو من تماا فرحانيين .. مشاو لواحد ريسطو كلاو تما ..
سهار : كيف غانقولها لبابا غيدبحنيي..
جوكر : انشاء الله كلشي يدوز بيخيير .. ايمان نتي مي نخليهاا ليك..
ايمان : اه انا نقنعها و نحاول نراضيها .. 
جا لييل وصل ايمان لدار وصل تا مهدي بقاو غا هو و سهاار وصلها لدار تاهي قبل ما تنزل .. نطقات
سهار : نزار دخل معايا مانقدرش نواجهم بوحدي..
جوكر: انا معاك احبيبتي .. 
نزلو بزووح من طوموبيل و قلبهت كيضرب ف 90 خايفة من ردة فعلهم خصووصا باها .. دخلو لدااخل و جوكر .. ملاحض الفيلا و كيفاش عايشة عيشة الاميرات .. دخلات لصالون و هوما مشبكيين يدين بعضياتهم نزار .. مخنزر فلؤي و هو نفس شي .. احمد مافاهم والو غا كيرمش..
احمد : بنتي ؟
سهار: ( بتوتر ) بابا
جلسو بزوج فصالون و كاع الاعين عليهم.. خصوصا ندى لي غتاكل جوكر بعينيها و حاضيا لوشام لي فيدوو.. و حرروفو الكحلة الروجولية.. قبل ما تنطق سهار دوا جوكر..
جوكر: عمي انا و بنتك تزوجناا ..
احمد: اشنووووو !...

سهار : اه ابابا انا ويااه كنبغييو بعضياتنا..
احمد: كيفاش هادشي و امتاا و بلا خبارناااا واش ناويين تحمقوني نتي وخوك كل مرة طالعيين ليا بشي موصيبة ..
سهار : انا كنبغييه و هو لوحييد لي غنكمل معاه حياتي .. بلا بيه مستحييل نقدر نعييش..
احمد: يا بنتي قوليلي كضحكي.. ياك غي شي مقلب
سهار : مكنضحكش ابابا ( جبدات عقد الزواج من صاكها و وراتو ليه )..
احمد: ( ما قدر يقول واالو شاف فيها نضرة خيبة امل .. و شاف غجوكر ب تخنزيرة .. و طلع لمكتب ديالو .. اما مصطفى و رقية مادواوش من غير ديك لفاارة ديال ندى ..
ندى : ويلي اسهار هادي .. فعلة ديريهاا حشووومة عليك.
سهار : ( تنهدات )..
جوكر : كنعتادرو منكم..
لؤي: منيتكم .. عايشين فيلم تركيي..
سهار : نتااا مادخلش ...
صونا تلفون جوكر.. كانت ايمان ..
جوكر: اييمان حلفيي .. اوا مزياان
لؤي: ( سمع سميتهاا قلبو فرفر و بدا يضرب بجهد .. ناض لجردة كيلتاقط انفاسو )...
جوكر خرج من لفيلا من بعد ما سلم على سهار.. و هي طلعات تشوف باباهاا و تحاول تقنعو امت لؤي فباقيي مصدووم.. وكاع ذكرتاتو رجعو..

داز شهر بضبط على ديك ليلة طرااو بزاف دلحوايج ..جوكر .. شراا ريسطوو .. كبير على لبحر. بلفلوس لي كان جامع .. سهار .. طول هاد شهاار حاولات تقنع باها و تصالحو و تفهم اخيرا بلي سعادتها معااه.. تافقو على كلشي.. جا خطبها على حسب الاصول اما فاطمة فدغيا تقبلات الامر .. باغا غير امتا تفاك .. منو . تافقو على العرس و تحضيرات ديالو .. قررو يديروه فجردة ديال لفيلا... سهار كانت كتوجد .. و ماقاداها فرحة .. اما عند فاطمة فديما شطيح و ردييح ف دارهاا مع جيران .. ايمان كانت كتحاول ما امكن ماتلاقاش ب لؤي .. سهار وجدات كلشي .. لبااس تكاشط لي شوميز دونوي 😂😂.. و ايمان كانت ديما فجنبها كتختار.. معاهاا ..دوزو ليلة الحنا بلبكاا .. و مابغاتس دير لحنة كتافات غا بنقش .. اما لؤي فكان مراقب ايمان من بعييد .. ماقدرش يواجهها فكان ديما كيحاوب يبعد..
#يوم_العرس ..
سهار و ايمان فرتكو حالتهم و دارو كريمات لجسمهم كلو.. هالي كترطب هالي كتبريي منيين سالا. بحالا خرجو من la maison د طوموبيلات 😂😂😂 دخلو لللفيلا لبيت د سهار..
الخدامة جاو كيزوقو فجردة .. و يحطو فطاولات و لكراسي .. و ضواويي .. ردوو الجردة حسن من قاعاات الاعراس .. سهار و ايمان فبيتها .. كتقاد ليهم الكوافير الميكااب جا لييل لبسات سهار تكشيطة حمرة و عامرة بلحجيرات .. و دارت لها مشطة جمعات فيها كل شعرها .. شادة فيد باهاا و حاسة باحسااس فشكل .. لاول مرة غتفارق باها نزلو لجردة جلسات فكرسيهاا و ايمان حداها و شطيح و ردييح.. غير عائلة الجوكر لي كتشطح فصحوه مسكيين 😂😂.. تسمعات حس سبارة كانت من نوع لامبورجيني كحلة .. و موراها سيارة جوكر .. صاي gها مهديي و صحابو راكبين فيهاا .. دخلو كاع لابسين .. و جوكر كان كيبان كيحمق .. لكوستيم و لكرفاطة ساعة فيدو احخ ..
مهدي : ( همس فوذنو ) سعداتك ازبي ليووم دوق لحلوة..
جوكر : سكت القلاوي دبا وقتك..
دقة لمركشية كانت نايضة . . سهار غي شافتو قلبها بدا يضرب ايمان .. ناضت من تم و جلس جوكر حداهاا ماسك يديهاا .. و مرة مرة يبوسها فيهم .. جاو شيخات .. هزوها فلعمارية كيضورو بيها و فاطمة كتزغرت .. حطووها .. و رجعوها لبيتها بصلاة وسلام .. الكوافورة لبساتها لاغوب .. و دارت ليها ميكاب خفييف و شعرها الطوييل طلقاتو لها و خرجوها تاني و هي ماسكة فيد باهاا.. خداو تصاور العائلة من غير لؤي لي كان غايب على الانضار .. قطعو لاطارط .. و طلقو لاغنية عبالي حبيبي ل اليسا .. جوكر .. غا يتمايل .. ماعارفش يشطح 😂..
#عند_ايمان
واقفة بوحدها كاتمايل تا جا .. مهدي مقرب منها كيضحكو على جوكر .. كانو كيبانو بحال شي كوبل.. و لؤي مراقبهم و كيشرب و يكمي و عينيه حمرة تخنق .. حيد لكرفاطة .. خلا تا مشا مهدي و مشا عندها..
لؤي: ( جرها من يدها بعنق.. كلشي كان لاهي مع لعرس. طلعها لبيتو بحكم ان لفيلا كانت خاوية .. دفعها على ناموسية و عينيه بحال جمر)..كيفاااش تخليه يقيصك..
ايمان:( باقا مصدومة و كترجف استجمعات قوتها و رفعات يدها فوجهو بتهدييد .. ) اخر مرة .. تقيس فياااا (تمات غادة جهة لبااب جرها تاني ودفعها على ناموسية )
لؤي: اووكي ماباغينش نقرب منك ماهنقربش ولكن برب و نلقاااك مع شي قواااد ما تلومي غير راسك..
ايمان : نتا .. نتا مرييض ..
لؤي: ( جرها من يدهاا تا تصادحات مع صدرو .. لصقها مع لحيط و جامع ليها يديها لفوق و حاكمهم بيدو و هي كتحااول تفك منو .. باسها ففمها بوسة عنيفة. بوسة شوق .. كيجر فشنيفاتها و يتلذذ .. ختمها بعضة قوية فشنافتها تحتانية ...) هادي باش ديري عقلك..
ايمان: ( دفعاتو بكل قوتها و خرجات من لبيت شادة فمها من الوعتة .. )..
نرجعو عند العرسان ديالنا .. كملو عرسهم.. ركبو فطوموبيل من بعد ما تسالمو على العائلة بلبكا .. ركبو فطوموبيل.. و كسيراو لداار .. طريق كولها و هوما يتباوسو مساخيط 😂 وصلو لداار.. هزها فيدو بحال ريشة و حطها فوق ناموسية و جا فوقهاا .. حم .. ناضت حيداات لاغوب ديالها و صلاو بزووح.. دخلات لدوش . لبسات واحد شوميز كلو معري .. و خرجات عندو و هو عاض على شنافتو .. حهلاتو .. دوزو ليلة كلها رومانسية.. واخا تقصحات الا و انها ستمتعاات كملو شغالهم.. دوشو ..و تماو فنانوسية .. ناعسة على صدرو و هو كيلعب فشعرها فلخر باسها فراسهاا .. و همس فوذنها..
جوكر : كنبغييييك يا احلى حاجة وقعاتلي... 

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.