صورة مصغرة لـطغيان معذبي الجزء 19 و الأخير

طغيان معذبي الجزء 19 و الأخير

رواية طغيان معذبي

#عند_ايمان..
لبسات و عكرات مزيان .. و سارة تاهي هزو صيكانهم شدو طاكسي .. دوراتها كازا وراتها بعض لبلايص .. فلخر مشاو لواحد الكافي .. لؤي كان متبعهم و مراقبهم .. ماغفلوش على عينيه دخلو لقهوة و هو دخل وراهم .. مراقبها كيفاش كضحك و لبس لي لابسة مكرهش ينوض ينتفها حدا عباد الله .. 
سارة: هووف عييت .. 
ايمان: انا عييت و جاني جوع.. شنو تاكلي 
سارة : ختاري على دوقك.
طلبات طاكوس ليهم بزوج مع عصير اليمون.. بقاو كيكلو .. ايمان ناضت للحمام.. و جوج فطبلة مقابلين ليهم واحد فيهم ناض تبعها .. قبل ما توصل للحمام شدها من يدها..
$: زيين ماتعيطينيش نمرتك..
ايمان: ( نترات منو ) سير بحالك..
$: قاصحة مع راسك.. اراي نمرة ندوييو و صاف
ايمان: مغنعطيكش 
دغيا دخلات لدوش بقات تما كطل .. تا شافتو مشا بحالو عاد خرجات.. رجعات لبلاصتها..
سارة: مالك تعطلتي..ياك مخريتي هههههه 😂😂😂
ايمان: براكة من طنز.. شتي داك زامل لي جالس مقابل لينا تبعني قالك نمرة ما نمرة..
سارة : واتيتيييز مع كرو .. ماتقوليش لي صديتييه
ايمان: اهااه وشنو بغيتيي .. اصلا مرتاحيتش ليه باينة فيه دافع كبير..
بقاو كيهضرو فيه .. ماحسو بيه الا واقف فوق راسهم.. كيتلمس ف ايمان و كيبرزطها .. و هي كتحاول تفك منو.. ماحس بدقة منين جاتو .. طاح عليه لؤي بضرب و لي فلقهوة كتفك.. و سارة كتغوت .. و ايمان تاهي ..
فكوهم.. رجعو كلو دمايات جر ايمان من يدها وراه خرجو من لقهوة و سارة وراهم..
ايمان: يديييي ازبل..
لؤي: عاجبك كرك بهاد لحالة..
ايمان: و سوقك؟ 
ايمان: اه سوقيي الالة سوووقي..
ايمان: ماشي سووووقك واش نبقاا نعاود فيهاا الف مرة وا بعااااااد منييييييي بعد..
لؤي: و انااااا كنقولها و نعاااودها مغنخلييييكش كتفهمييييي مستحيل نفرط فيك منبعد مالقيتك.. دخلي هادشي لمخك..
ايمان: ( مالقات ماتقول مخنزرة فيه ) .. وشكون طلب منك ضربو..
لؤي: ياك مابقا فيك لحاااال .
ايمان: سييير بحاالك..
رجعات لعند سارة جراتها وراها و شدو طاكسي ديريكت لدار ..

دخلو البنات للدار .. شافت إيمان فالصالة كانت ماماها متكية فوق واحد المطاربة كاتفرج للتلفازة قربات عندها و باستها فراسها ..
فاطمة ناضت جلسات:فوجتو شوية أبنتي
إيمان وماتلها براسها:شوية (جات سارة جلسات معاهم)
فاطمة:فيكم الجوع راه كولشي واجد فالكوزينة سخنو و كولو
إيمان ناضت وقفات:لاا عييت بالدوران نمشي نرتاح شوية
سارة وقفات:حتانا نمشي معاها تصبحي على خير أخالتي
فاطمة رجعات تكات قبالت التلفازة:تصبحو على خير..
.. دخلو البنات للبيت دإيمان بدلو عليهم و جلسو فوق الفراش .. سارة كاتميساجا مع خاطيبها و كاتدوي مع إيمان اللي سااااهية
سارة:ايوى اصاحبتي قوليلي هداك هو اللي عاودتيلي علييه
ايمان مااشي فهاد العالم حتى قرصاتها سارة قفزات:هاا شنوو!!
سارة كاضحك:ههه فين سافرتي
ايمان تكات على فراشها و تنهدات:اففف كانفكر فحياتي
سارة تكات حداها:أكييد كولشي غايتحسن .. قوليلي هداك اللي كان فالريسطو هو اللي دويتيلي عليه
إيمان ومأتلها براسها:ممم هو
سارة:ولايني بوكوووص😍حاولي تعطيه فرصة باينة فيه ندمان أصاحبتي
ايمان خنزرات فيها و تقلبات عطاتها بالضهر مغمضة عينها ناوية تنعس .. حتى سمعات تليفونها كايصوني
إيمان بلا ماتشوف شكون جاوبات بصوت خفييف:ألووو
لؤي بصوت رجولي مبحووح:توحشتك
إيمان طلعات معاها الصهدة من صوتو ونبرتو:اش بااغييي
لؤي تنهد:باغييك نتييي .. باغييك تسامحيينييي.. انا درت غلط ولا أغلااط بزااف و كبييرة ولكن .. نددمتت .. ندمت بزااف أإيمااان .. جربيني غي هاد المرة هادي و شووفيي واش غانتبدل ولالاا.. بغيت فرصة وحدة أخييرة
إيمان بقات ساكتة كاتبلع فريقها .. حتى لؤي سكت كايتصنط لصوت أنفااسها و كايبتاسم حتى ماحسو براسهم غي نعسو .. بجوجهم على صوت أنفاس بعضهم❤
💗جوكر سهار💗
خرجو من الكلينيك جالسين فالغرفة اللي فلوتيل .. جوكر متكي فوق الفوطوي و حاط سهار بين يدو .. كايدوز على كريشتها .. شاعلين التلفازة على فيلم أمريكي ..
سهار كاتفشش:مممم نزاارر تشهييت ديك الشكلااطة
جوكر شاف فالطبلة حداهم كانو محطوطين مجموعة من الشكلاطات هز ديك اللي نيشاتلو عليها و حطها ففمو شاد فيها النص و النص خارج لبرا:أجي خودييها
سهار غوبشات و تقلبات لعندو حاطة يديداتها على صدرو و تعلات لديك النص دالشكلاطة اللي بقات جراتها .. جوكر غا حس بيها شداتها و هو يحكمها و خرج النص لاخر دخلولها لفمها و دخل معاه لسانو كايتسارا فوسط فمها و يدو كاتسارا على ضهرها .. هبط بيها لمؤخرتها كيعجنها فيدو حتى كايسمع تأوهااتها بصوت حنيين .. بالزربة قلبها لتحت و طلع فوقها خدامين فماتشاتهم😂مكايحشموش

💊بعد مرور أسبوعين💊
اللي دازو بالنسبة لسهر و جوكر غا دوران و تسركيل مع الفشوش و الوحم د سهار .. خرجاتها من جوكر مسكيين و أي حاجة بغاتها ولا تشهاتها كايجيبهالها .. عاد مللي تشهاتلو العنب و هو ماشي وقتو .. خرج فنصايص الليل كايقلب عليه بالسييف باش لقاه و رجع لقاهاا نعسااااات .. مابقا لا عنب لا ستة حمص
#صباح_جديد
حلات سهار عويناتها على وجه الشخص اللي كاتبغيه و كاتحناق عليه .. كان حتى هو حال عينيه كايتأمل فيها .. بتاسماتلو و هو قربلها حط شفايفو على شفايفها ببويسة حليلوة
جوكر بصوت مدعدع بالنعااس:صبااح الحووب
سهار حتى هي قربات و باستو و ناضت:صباح الفرييز🍓 (دوزات لسانها على شفايها) هااح تشهيتوو
جوكر تقلب علييها كايدوز لحيتو على عنقها: وانا تشهييتك (سهار بالزربة دفعاتو ووقفات كاتلوي عليها ليزار)
سهار:هههه اليووم خاص نرجعو حتى لليل و ننن (غمزااتوو)
جوكر تنهد و حط يدو تحت راسو حاضيها:هاحناا غانشوووفو
سهار صيفطاتلو بوسة بالهوا هو شدها زعما و باس يدو .. مشات للحمام اللي عندهم فالبيت .. تسمع صوت الما تطلق لجوكر اللي مابقاش قادر يقاوم و هو ينوض و مشا تبعها للحمااام .. هي كانت كاتغسل فشعرها حتى حسات ببوسات فعنقها من اللور دارت مخلوعة
جوكر همسلها فوذنها:السفر يتسنا شوية ولكن المعلم مكايتسنااش
سهار ضحكات وعنقاتو هو اصلا كان عريان مع الما تكب عليهم من الرشاشة .. لحمهم تلاصق و.. (كملو من عندكم😉)
🌸عند إيمان🌸
وقفات فباب دارهم و دوات بصوت عالي:صاافي أماما غي كنوور و السككر
فاطمة من الكوزينة:أه ابنتي صاافي
هي سدات الباب و خرجات ببيجامتها .. طوب لاصق عليها من لفوق و شورط حد الركبة و شعرها ذيل حصاان .. وصلات للحانوت ووقفات كاتسنا نوبتها حيت كان عاامر .. ماحسات غي بيدين جروها .. دارت مخلووعة و داك اللي جارها عاطيها بالضهر حتى وقفها قدام طموبيلتو و دخلها .. هي من الطموبيل عرفاتو لؤي .. زفرات بعصبيه و بغات تحل الباب تخرج و لكن هو كان زرب دغيا و دخل للطموبيل و سد الباب ..
إيمان مخنزرة:اش كااديير نتااا حمااقيييتيييي
لؤيي ضرب الضماان:أه حمااقييت .. علااش كانصونييلك مكاتجاوبيينييش هااا؟ علاش مابقيتيش كاتخرجييي .. كنت على شووووية نجي نخرجك من داركم بااغيي غيي نشووفككك .. علاش كاديري فيا هااكاا
إيمان غوتات:وامابااغااش نشووفك مبااغااش ندويي معاااك وااش بالزززز ابناادم فهم رااسك و خليينيي فحاالييي
لؤي ديمارا كايغزز فسناانو:ماتحلميييشش بييهاا ماتحلمييييش
إيمان:وانزلنيي فيين غاااديي بيااااا حبسس الطموبييل اناا مبااغااكش مكانحملااكش وااش بالززز منييي واحببس أزمررر
لؤي جبد فردي كان عندو فواحد البلاصة فالطموبيل:سكتيي حسسك مانسمعووش
إيمان شافت الفردي تخلعاات .. وتخلعات كثر مللي شافت فالطريق غاديين فمنطقة غاابووية حس المخلووق مكايدووورش .. حبس الطموبيل فواحد البلاصة كاطل على جرف عالي و نزل من الطموبيل نزلها هي بقات كاتعنتت معاه حتى عاود جبد السلااح .. و خداها قريب للحافة دالجرف عاد بعد منها ووقف عاطيها بالضهر
إيمان بقات كاتشوف فيه واقف عاطيها بالضهر و السلاح فيدو .. بغات تهرب ولكن وقفها صوتو:بغيتي تهناي منييي
إيمان وقفات كاتشوف فيه قلبها غايخرج من بلاصتو بالخلعة هو دار عندها عينيه حووومر علا السلااح موجهولها .. هي خرجات فيه عينيها كاتبلع فريقها حتى عاود علا السلاح جيهت راسو:لا بغيتي تهناي مني أنا غانهنيييك .. مابقييتش قادر نستحملل أإيماان بعددك منيي حااس بيه كايسسل روحي شوية بشووية .. نتييي .. نتي محاساش بالعذااب اللي حاس بيييه أنا .. مابقيتش باغي نزيد نعيش و نتي نافراانيي و محااملاانيييش .. نمووت و مانسمعش أنكيي مكاتحملينيييش
إيمان غي ساكتة كاتشووف فيه .. مكاترمشش حتى شافتو كايزيد يزير على السلااح و مغمض عييينو

شافتو كايزيد يزير على السلااح و مغمض عيينو .. قلبها نقز .. مشات جيهتو كااتجرييي و حيداتلو السلاح من يدو لاحتو من الجرف حتى تضرب فالحجر اللي لتحت .. لؤي شاف فيها متفااجأ حتى ضرباتو لصدرو بكل قوتها و عينها دمعووو:حمااااار .. كللللب (دفعاتو) حيواااان (دفعاتو) تفووو عليييييككككك (دفعاتو) كانكرررهككككك هئ هئ😢 (طرشاتو) علاااش كااديير فيااا هاااكاااا .. نتااا جبااان هى هئ حمااار تفوو عليييك (بدات غي كاطرش فييه و هو ساكت و حاني رااسو حتى تشعبقاات فيييه و عنقااتو بكل جهدها كاتبكيي) واخاا حماار و كلببب و حيوااان و مكاانحمللكشش ولكنننن .. هئ هئ ولكن كانحماااق علييك 😢 أنا كانبغييك ألؤؤي كانبغيييك
لؤي حس بقلبو رفرف مللي سمع كلمة كانبغييك من فمهاا زيير علييها بيين يدوو و كايستنشق فرييحتتها:كانحمااق علليييك أنا
إيمان بعدات منو و طرشااتو:تعااود هاد المنظر دهاد النهاار نقتللللك😡
لؤي بقا غي كايشوف فيها بتاسم و هو يجرها لاصقها معااه و لصق شفايفو مع شفايفها .. كايبوسها قبلة كاطرجم حبوو و عشقوو لييها .. حتى هي حاوطاتلو عنقوو و بادلااتو البووسة .. اصلا كانت على سبة😂
بعد مرور يومين
فالجردة فالفيلا د عائلة سهاار .. جالسة العائلة كوولها حتى من فاطمة و إيمان كولشي فرحان .. لؤي كل شوية كايغمزها و هي كاتزنك
بابات سهار نطق:إيوا ابنتي اشنو هاد الخبر الزوين اللي قلتي جمعتينا علييه
سهار شادة فيد جوكر اللي مبتاسم و كايشوف فعينيها بواحد الحب باينلو فعينيه:احمم حنا جمعناكم هنا باش نخبروكم هههه (ضحكات حشماانة) احمم انا .. انااا
جوكر قاطعها:مراتي حاملة و قريييب غايجينا وليد
دازت لحضة صمت كايشوفو فيهم .. من بعد بداو كايضحكو و يهنييوهم و يباركوولههم .. قاطع مباركتهم صوت لؤي اللي نطق و عينيه على إيمان غاياكلها:اذذن بما أنكم كوولكم فرحانين .. بغيت حتانا نشاؤككم واحد الخبر كايفرح
كولشي شافو فييه و إيمان كاتحمر فيه بعينيها:احمم أنا ناوي نتزوج حتااناا
باه بفرحة:بصح اولدي شكون هادي نخطبوهالك من غدا
لؤي باقي كايشوف فإيمان:بغيت إيمان خت نزار
كولشي سكتو .. أما جوكر فناض وقف مزير على قبضة يدو و قرب لعند لؤي اللي شافو جاي عندو وقف حتى هو .. حتى وقف قبالتو
جوكر:قلتي باغي ختيي؟
لؤي كايشوفلو فعينو مباشرة:أه باغيها و داوي معاها حتى هي موافقة
جوكر دار شاف فإيمان اللي كاتعض على شنايفها بالثوثر و كاتطرطق صباعها عاود شاف فلؤي اللي كايشوف فيه بجدية ولكن شوية دالتوثر مخبي مور ديك النظرة .. حتى قشع الابتسامة دجوكر و عنقووو
جوكر كايطبطب عليه و كايهمسلو:نعطييك ختي ولكن تواعدني عمرني نشوف الدمعة فعينيها ولا غانخرجلك روحك بيديا هااادو اللي كايطبطبو علييك (عطاه ضربة حتى تزواا)
لؤي شاف فإيمان:ماتخافشش عمر الدمعة تزوور عيينها .. حيت هي أنا .. حاسبها نفسيي
جوكر بعد منو ووشاف فإيمان:نتي باغا؟
ايمان حنات عينها .. قربات عندها سهار حاوطاتها:أ قاابلة غا قضييي
جوكر بتاسم:ايوا نزيدكم غا مبرووك .. عرسو دغياا
أب سهار:إيوا كيفما قلت من غدا الخطبةة
فاطمة وقفات كاتزغرت:يويويويويوووووي يااسعدي و فرحي ببنيتيي غاتزووج
جوكر قرب لسهار:ايوا هوما غايتخطبو و حنا عندنا الخدمة اليوم لا
سهار كاتلعبلو بيدو:مكاتشبعشش
جوكر غمزها:مننك مستحيييل نشبببع😘

فاطمة:ايوى أبنتي زيدي زيدي هي هاديك نوجدو راساتنا للخطبة
إيمان اللي كانت واقفة قدام لؤي اللي كان شادلها فيدها طلقات منو و قربات لماماها
بابات سهار:اه و ماتعذبوش راسكم و تكلفو بزاااف بغينا خطبة عادية غدا ولكن العرس غانديرووه أسطوووري
لؤي بفرحة:ضرووري ألوااليد
جوكر شاد فسهار:يلاهو نوصلكم ألواليد نييت حنا غانمشيو لدارنا
فاطمة:يلاه زيدو أولدي
خرجو دوك الربعة .. بعدما سلمو على اللي كاينين لداخل .. جوكر وصل مو ووختو .. ومشاو هوما لدارهم .. مع الدخلة جوكر هز سهار مدخلها لداخل غاطس وجهو فعنقها .. هو مشابعش منها ووعمروووو يشبببع😻

🌸بعد مرور بضعة أشهر🌸
فغرفة طاغي عليها الضلاااام .. فقط صوت القمرة الللي باين .. و صوت أنفاس الناس اللي ناعسين فالبييت .. أوووبس شهادشي ناضت داك اللي كانت مكربعة فوق الناموسية و كرشها لفمها .. حاطة يدها على ضهرها من اللور و كاتعض على شنافتها التحتية بقوة الحريييق اللي جاها .. حتى جهاااااد عليها و هي طلقها بغووووتةةةة فيقات داك اللي كان ناعس حداه مشقلب
جوكر معارف شنو واقع:شوااقع؟ هاا شكون مات؟ شنو وقع؟
سهاار كاتجرو من شعرو و غوتااات:واغاااانولللللللاااااد
جوكر جلس فوق الناموسية مثوثر:شنو؟؟ غاتولدي داابا؟ حتى للصباااااح
سهار طاحت عليه بواحد العضة فيدو هي تغوت و هو يغوت:واااااااي واااديييينييي للطبيييييب
جوكر وقف مفافي كايمشي لبباب و يرجع و سهار كاتشوف فيه مخرجة عينها:ش شنو غاندير داباااا انمشيو للطبيب يااك و غاتجينا البنوتة اللي حاملة بييها ياك صافي ياااك
سهار غوتااات:وااااازمر وااسربييييييييييييييي
جوكر بالزربة هزها و خرج بيها حتى وصل لباب الدار و هو يخنزر:وهاد الحوايج شنو نديرو فيهم (كانت لابسة كسيوة خفيفة مفتوحة من جيهت الكرش هي بكثرة الوجع عضااتو فعنقو حتى قفز و كمل بيها الطريق موكل أمرو لله .. لاحها فوسط الطموبيل .. و زاد مكسييييري حتى وصلو للكلينييك .. خرجها بعدما لبسلها واحد القميجة ديالو كانت باقالو فالطموبيل هي بقات كاتعنتت معاه حتى دخلها لدااخل تعرضولو شي فرملياات و دخلوها لداااخل لغرفة الولادة .. شوية تبعاتهم الطبيبة اللي غاتولدها .. هو بقا غادي جاي كايسمعع غوااتها من لدااخل .. حتى سمع غويتة د بيبي صغيير
خرجات عندو الطبيبة مبتاسمة
الطبيبة:مبروك جاتكم بنيتة تباركالله عليها الله يخليهالكم
جوكر ضحكك:نقدر نشوفهم دابااا
الطبيبة:المدام فقدات الوعي بسباب العيااا و الحمد لله ولدات عاظي بلا غراز كانضن غادوز هاد الليلة فالنعاس .. أما البنيتة فالممرضات ايتكلفو بيها ..
جوكر ومءلها براسو و بقا غادي جاي تما..
____دازو ساعااات و جات الشميسة اللي درقات القمرة دالليل ..
جوكر فغرفة أخرى هاز بنوتة صغيورة بين يدو لابسة كولشي فالغوز .. كايشووف فيها و يشوف فسهار اللي مغمضة عويناتها ناعسة .. رجع شاف فبنتو غيي مهااا محطوووطة .. قرب عندها و جلس حداها دوز يدو على شعرها .. هي بدات كاتحل عينيها حتى شافتو حداها و البنيتة فيدو بتاسمات ..
سهار بصوت عياان:بنتييي
جوكر باسلها على راسها:بنتنااا .. شكراا على هاد البنيتة اللي كاتحمق😻كاتشبهلك غي نتييي
سهار بتاسمات:طبعاا مانا ماماتهااا .. طللات عليها و شافت فجوكر اللي قربهالو و مشا لوذنها بدا كايأذنلها فوذنها .. سهار كاتشووف فيه بابتسامة .. حتى تحل الباب و دخلو لؤي و إيمان متشادين .. ايمان لابسة عباية و شويلن الحكاام دالسي لؤي و مايديير كانت كريشتها منفووخة شويية
لؤي:ختيي مبروك علييكم
جوكر شاف فيه بابتسامة:الله يبارك فيك قريب حتى نتا تعيش هاد الإحسااس .. (شاف فإيمان اللي شادة على كرشها)
لؤي قرب باس ختو و دار كايشوف فالبنيتة:انشاءالله .. شنو غاتسمييوها
سهار:هممم أنابغيت ملاك
إيمان حتى هي قربات:زوينة ملااك
جوكر بتاسم:صافي نسميوها ملااك هههه (شاف فلؤي) جيتو غي نتوما الواليدة و باك مجاوش
لؤي:لا ها هوما جايين غيي فالطريق و صافي
جوكر:ااه واخا (ويييع وييغ وييغ)
سهار شافت فملوكة:أووو حبيبتي كاتبكييي
جوكر:اكيد فيها الجوع هاكي رضعيها
سهار شداتها منوو و لؤي و إيمان خرجو لبرا حتى تساليلها الرضاعة .. جوكر ماسخااش يبعد من قداامهم .. سهار شداتها فاللول خايفة كاتبزعها فيديها و عينيها دمعو .. الشعوور دالأموومة .. شعور وااعر بزااف .. كاتحسي براسك ملكتي الدنيا و بنتك ولا ولدك بين يديك .. كاتربيه شوية بشوية .. توكليه من حليبك .. و تعلميه يتمشى و يهضر .. لا بكا يجي عندك يقولك علاش كايبكي .. ولا فرح تفرحي معاه و تشاركي ضحكتوو .. ولا طاح و تقصح تقوليلو تكبر و تنساها و فعلا كايكبر و ينساها ههه .. سهار رضعات بنتها و هي كاتنقل بعينيها عليها كوولها .. كاتشوف فيديداتها الصغار و مامتيقاش أن هادي بنتها بصح .. شافت فجوكر بابتسامة و امتنان هو بتاسملها و قربهالو باسها بوسة خفيفة من شفايفها:يخليكم لييلييي .. كنت فبنيتة وحدة صدققو عندي زويجاات
سهار غلبات عليها ضحكتها مع البكية هبطات عينها لملاك و عاودات شافت فجوكر:كانبغييييك
جوكر باسلها يدها:كانحمااق عليييك

#النهاااااااااااااااية

كايتنشرو القصص والأجزاء كل يوم مع التاسعة ليلا بتوقيت المغرب