قصتي مع هناء الجزء الثاني

عيطات ليا هناء وحنا باركسن تنتغداو جاوبتها مالك قالت ليا قلبات على ديك خيتي كريمة وبلي تيقلبو عليها فمصر وبلي نصابة قلت ليها متأكدة قالت ليا دوز واتساب نصيفطلك داكشي لي لقيت فلبلاصة صيفطات ليا تصويرة ختنى فواحد لجريدة كاتبين بلي تتضحك على بنادم وتتبقى تستغل بنادم وكدا وشحال من واحد دارت ليه هادشي قلت لهناء ودبا شنو ندير راهم باركين معايا فدار قالت ليا فين داركم نجي قلت ليها لعنوان واحد 15 دقيقة وهيا توقف عند لباب ديال دار حليت ليها لباب قالت ليا فيناهوما خياتنا نعت ليها بيتهم وهيا تدخل تيبانو ليا غير لمساند تيتشايرو من لبيت ولغوات وهيا تخرج ليا ديك كريمة جاراها من شعرها هههه وضفاك وخا تكون يهودية متديريش ليها هاد الحالة خرجات ختنى لأخرى ولاحت ليهم حوايجهم من لفوق أنا مدرت والو غير تنتفرج قالت ليا تتفرج وتا عاوني خخخخ فاش غادي نعاون نتي ريشتيهم قالت ليا عمر عمر صطل ديال لما مقديتش نقول لا غادي تولي مخرجاني حتى أنا عمرت ليها صطل عطيتو ليها وهيا تشير بيه عليهم بيه طلعو فطوموبيل ومشاو بزربا بقيت بارك أنا وختنا تنضحكو حتى تتدق لواليدة ناري حليت لباب بقات تتشوف فهناء قالت ليا مبقاتش عندي دار هنا ولا عندي برتوش وا لواليدة يهديك لله أشمن برتوش راه تتقرى معايا ميمشيش بالك بعيد قالت ليا و باركين غي لهظرة محاطش حتى أتاي سير سير عمر أتاي وبركات معاها لواليدة دخلت لكوزينة درت لما يسخن وحاط ودني على لباب تنسمعهم شنو تيقولو سمعت لواليدة قالت ليها كيف تيجيك ولدي ختنا بقات ساكتة وقالت ليها تيعجبني فصراحة جبدت تيلي وصيفطت ليها مساج ف لواتساب قلت ليها خرجي قولي لواليدة شي لعبة و أنا تابعك بغيت ندوي معاك قالت ليا صافي خرجات هيا تبعتها قلت لواليدة راه لما فوق لبوطة خرجت وراها لقيتها عند لباب وقفنا عند لباب ديال دارنا قالت ليا شنو مماك ضريفة علاش بغيتيني نخرج قلت ليها تنعجبك ؟؟ قالت ليا أه وعلاش جيت لهنا خرجت دوك لبنات الحمار قلت ليها إوا حتى نتي تتعجبيني وراك شفتي لواليدة دبا قالت ليا إوا كمل قولها نتا ولى نقولها أنا درت فيها مكلخ قلت ليها شنو قالت ليا نوليو أون كوبل قلت ليها كنت باغي نقولها ليك صافي بزوجنا فكرنا فيها مغيكونو لا مشاكيل لا والو وهيا تحل لواليدة لباب ناري شوهة شافت فيا قالت ليا شفتي قلت لك راك رضيتي دار برتوش تتقوليا لا وهيا تشد لهناء من يدها وعطاتني 20 درهم قالت ليا جيب لخبز خليتهم دخلو نازل أنا نجيب لخبز شعور زوين تنحس بيه نسيت كاع داكشي لي واقع ليا لبنت لي تتعجبني باركة مع لواليدة وغادي تقاد حياتي تاني نزلت غادي دخلت لمخبزة خديت لخبز رجعت لدار لقيتهم تيدويو هناء تتعاود لواليدة داك لكلام د لبنات دخلت لبيت نبدل حوايجي معرفتش كيفاش حتى حطيت راسي فوق لمخدة ونعست بحالا حليت لباب دشي بلاصة ودخلت ليها ماشي نعست تنشوف راسي فشي خلا وضلاام حتى تيباليا أنا معرفتش كيفاش نشرح هاد لقطة فاش تتشوف شكلك 100% محطوط قدامك مبقاتش غير فهادشي تنحس بلي نقدر نعرفو فاش تيفكر بحالا أنا معرفتش شنو نقول بقيت ساكت قاليا متخافش مجبتكش هنا باش نخلعك جبتك هنا باش نتافق معاك على واحد لحاجة غتكون مزيانة ليك وليا قلت شنو قاليا غادي نعطيك لي بغيتي ونعطيك لعلم لي عمرك حلمتي ولا تحلم بيه بشرط قلت ليه شنو هو ؟؟

قلت ليه شنو شرط ديالك قاليا تحيد داك لقرآن من داركم و تبقى تطلق واحد لبخور فدار و تدبح ليا شي حاجة مرة مرة قلت ليه صافي و بحالاش تقدر تعطيني نتا قاليا أي حاجة نتا طلب وانا نفد ليك وعاد انا نقدر نعرف بنادم فاش تيفكر ونتا مرتابط بيا وغتعرف لي قدامك فاش تيفكر قلت ليه صافي قاليا متنساش أنا ديما معاك فينما مشيتي غنبقى تحس بيا و لكين متقولها لحتى واحد غادي يحسابليهم نتا مسطي قلت ليه صافي قاليا ومتنساش مني تبغي تدوي معايا نعس هنا وأنا نفيق فلبلاصة شفت فلمغانة لقيت مشات ساعتين وانا ناعس خرجت تنجري من لبيت لقيت لواليدة و هناء مزااال تيدويو مداوهاش فيا دخلت طيبت أتاي حطيتو حطيت لخبر ... شربنا أتاي باركين تنشربو أتاي وتنحنزز فلواليدة نشوف واش بصح نقدر نعرف فاش تيفكر بنادم مخرج عينيا فيها وهيا تقول مال هاد زامل حاضيني ياكما بغاني نمشي ونخليهم بزوج خخخخخ وضفاك بصح بصح هادشي خدام قلت ليها لواليدة غادي نخرجو نوصلها لدارهم خرجنا و خلينا لواليدة تما غادين وخونا تيقوليا فاش تتفكر تتفكر بلي غادي نبقى معاها نكملو قرايتنا ونتزوجو بنات مستقبلنا بزوج من أول نهار وصلتها لدارهم راجع لدار قاليا داك خونا فدماغي متنساش لبخور عنداك قلت ليه صافي مشيت عند لعطار سولت على داك لبخور لقيتو غااالي خديت منو شويا و خاااانز ديتو لظار وخبيتو دخلت لحمام ندوش فلحمام و أنا نحس بيد فضهري و خوكم عريان ناري لقرين ديالي ثامل ضرت تنشوف ملقيت والو هزيت لفوطا وخرجت مشيت عند هشام بركنا شويا تندويو قلت ليه بلي تصاحبت مع ختنى قاليا حتى انا تصاحبت من ديك لبنت خخخخخ تصاحب مع لوين متيحملنيش نقوليها لوين تيتعقد خليتو طلع لدارهم مشيت انا لدار دخلت ديريكت نعست فبلاصتي وهو يباليا لقرين قاليا دير داك لبخور قلت ليه حتى تخرج لواليدة قاليا قلت لك ديرو متخلينيش نتعصب حيت غادي تندم قلت ليه بلاتي بعدا قبل من هادشي متبقاش تدخل معايا لحمام قبيلا راه خلعتيني قاليا شنو لحمام حنا متنقدروش ندخلو لحمام وضفاك وشنو لي حط يدو عليا قبيلا قاليا معرفتش ولكين حنا متنقدروش ندخلو لحمام واش متأكد شي حاجة مساتك قلت ليه أه لحمي و أنا لي تنحس بيه ياك كين غير نتا هنا شنو يكون قاليا صاحبي حاجة وحيدة هيا الجن هوما لي يقدرو يدخلو لحمام قلت ليه شنو لجن وعلاش مبانش شحال هادي حتى بنتي نتا قاليا صبر دبا نعرفو خليني ندوي معاه ونعرف شنو تيدير هنا غير نتا متنساش ليا لبخور راه تنحس براسي مخنوق فهاد الجو قلت ليه صافي بغيت غير نشكرو نقوليه لله يخليك موحال واش تيأمن بيه قاليا نعس نعس دبا حتال غدا ونقوليك شنو داكشي فهاد لحضة نعست كيفما موالف فقت صباح بركت مع لواليدة تنفطرو وهيا تقوليا باك عيط لبارح غيجي ليوم باش يشوفك خرج معاه أولدي و عنداك يعمر ليك راسك عليا تعيش هنا معايا حسن ياك قريبة ليك لفاك و هناء و صاحبك قلت ليها لواليد وليتي ضريفة فهاد صباح موالف تنسمع منك غي فايق حتال زك نهار بقات تتضحك قلت ليها لواليدة من غير لفاك و هناء و هشام منقدرش نخليك بحدك وهيا تحل بزطامها وعطاتني 200 درهم قالت ليا ملي تخرج معاه بغيتي شي حاجة خودها قلت ليها صافي بدلت حوايجي بقيت بارك شويا حتى وقف لواليد قدام لباب دق قالت ليا خرج عندو متيبغيوش يشوفو بعضياتهم خرجت سلام سلام عنقني نزلت معاه مشينا لواحد لبحر حطينا لحوايج بقيت تنعاود ليه على لفاك و هناء و هشام مشى هو يعوم حطيت راسي فوق مخدة فوق رملة وهو يديني نعاس باليا خونا لقرين قاليا يوسف رجع لدار قلت ليه علاش قاليا رجع هداك جن عاشق وخليتيه هو وماماك بحدهم فدار قلت ليه كيفاش قاليا من بعد نشرحليك شنو واقع رجع دبا خرج ماماك من تما ...

مشيت بزربا عند لواليد خرجتو من لما قاليا مالك قلت ليه رجعني لدار دبا قاليا راه يلاه جينا بغيت ندوز معاك هاد نهار واش توحشتي مك قلت ليه لا لواليدة إلا ممشيناش عندها دبا غادي توقع ليها شي حاجة خيبة قاليا كيفاش قلت ليه يلاه فطريق نشرح ليك غادين فطريق عيطت على هناء قلت ليها تمشي لدار بزربا عند واليدة وتبقى معاها ولى يخرجو بزوج من دار قالت ليا صافي غادي أنا ولواليد وتنشرح ليه وصلنا لدار طلعنا تنجريو تنسمعو لواليدة وهناء تيغوتو لباب مسدود لواليد رجع حتى رجع وهو يضرب لباب بكتفو هرسو دخلنا لقيناهم واقفين عند لحيط و لفوطاي معلق فسما قلت لواليد خرجهم وخليوني بحدي قال ليا لا ميمكنش قلت ليه قلت ليك خليني معاهم دبا نخرج قاليا صافي خرجهم بزز وأنا نقوليه علاش شنو درنا ليك وهنا أول مرة نشوف لقرين ديالي مباشرة و أنا فايق لقيتو حدايا قاليا يوسف طلق داك لبخور لي قلت ليك مشيت بزربا جبدتو حطيتو فوق لبوطة تحرق وطلعات ريحة ديالو خااانزة ديال بصح وهو يقوليا دبا ريح بعيد وتفرج تعرفنا علاش قادين بعدت وهو يباليا يجر واحد خونا طويل طيحو لرض معرفتش منين خرجو بحال لمطايفات دياولنا طيحو لأرض قاليه علاش جيتي هنا داك الجن وهو يشوفيا قاليا متيقوش راه ماشي كيفما تيحسابليك مخلاهش داك لقرين يكمل غير مسو بيدو وهو يغبر شافيا قاليا متديش عليه راه غير عرفني غنرجعو منين جا وبغى يتناقم قلت ليه صافي دخلات لواليدة و لواليد و هناء لقاو كلشي مقلوب وتندوي مع راسي حيث هوما ميقدوش يشوفو لي تنشوف انا قالت ليا لواليدة دبا خاصك تعاود ليا كلشي من لول لواليد مشى جاب نجار تيقاد لباب وبركنا تنعاود ليهم هاد المرة تيقوني حيث شافو شنو وقع لواليد شاف فلواليدة قاليها هادشي كامل بسبابك جبتيه هنا وتتخليه بوحدو وتمشي تخدمي حتى دار هادشي لواليدة قالت ليه متديرش كلشي عليا حتى نتا قليل فاش تتجي تشوفو بقاو تيدابزو بحال ديما هناء ناضت قالت ليا نخرجو خرجنا برى قالت ليا متديش عليهم راه أي عائلة فيها مشاكل قلت ليها لا عادي أنا ولفتهم هكدا قالت ليا دبا شنو غدير فداكشي لي تيوقع ليك قلت ليها واحد نهار كنت فالقهوى و جا عندي واحد من داك لعالم لي جاي منو هاد لقرين قالت ليا كيفاش تلاقيتي بيه قلت ليها فلقهوى قالت ليا إوا يلاه متعرف يشرح لينا مشينا لتما بركنا قالت ليا صبر شويا نمشي لطواليط ونرجع دخلات هيا وهو يباليا خونا بارك فبلاصتها قاليا بيخير قلت ليه لحمد لله سلاك قاليا شنو داير مع داك لقرين قلت ليه شنو تيقوليا ندير و شنو دار لداك لجن وهو يقوليا لا هداك ماشي لقرين ديالك لقرين مغادي يطلب منك والو قلت ليه ملي ماشي لقرين وشناهو وهو يقوليا ولله ما عارف مي هادشي فشكل ماشي ديال لقرين ديالك بغيتي تهنا منو غادي تاخد شي فروج كحل باش تدبحو ليه وديك لوقيتة قبل متدبح ليه بشويا تيكونو فأضعف حالاتهم غادي نخرجو ليك ومعمرك تعاود تشوفو قلت ليه صافي ليوم فليل صافي قاليا معاك فليل غير متنساش فروج و كحل ومتدبحوش خليه حتى يحضر وغادي نهنيك منو ...

مشى خونا وهيا تجي هناء قالت ليا كيفاش شفتيه ديك لمرة واش تتعيط ليه قلت ليها صافي شفتو قالت ليا و شنو قالك قلت ليها بلي بغاني ندير بحالا غندبح لهاد خونا وهو غادي يخرج يرجعو منين جا قالت ليا مزيان ولكين حضي راسك عنداك قلت ليها متخافيش وصلتها لدارهم مشيت لواحد سويقة حدانا قلبت بزز باش لقيت فروج كحل خديتو ب 250 درهم راجع لدار دخلت لقيت لواليد و لواليدة مزال مناقشين هادشي كامل قلت ليهم خرجو قاليا كيفاش قلت ليهم خرجو باش ندير نهاية لهادشي لي تيوقع قاليا لواليد دير حل وحنا معاك قلت ليه بلي خاصني نكون بحدي لابدة خرجتهم بزز بزوج شديت داك لفروج ربطتو مع سداري دخلت جبدت موس من لكوزينة و وقفت وشاد داك لفروج فصالون وهو يباليا داك لقرين ولا لي تيقوليا بلي هو قرين واقف حدايا ساكت وتيشووف فيا قاليا غتدبح ليا قلت ليه أه قاليا متقولش بسم الله ولا الله أكبر غي أضحية ليا و دبح شديت داك لفروج حطيتو فالأرض تنتسنى خونا يجي حيث كما قاليا ملي غادي ندبح لخونا غادي يبقى ديما هنا حتى وقف بقاو تيشوفو فبعضياتهم لي جاي معايا من القهوى قاليه شنو نتا قوليا ولا نعرف بطريقتي وهو يشوف فيا لأخر قاليا دبح بزربا قلت ليه لا مغندبحش و أنا لي جبت هدا مني نتا ماشي قرين علاش قلتي هادشي وعلاش تتطلب مني داكشي وهو يشوفيا داك لي جا معايا قاليا عرفتو شكون وعلاش جاي هدا مقرين موالو هدا غي جن مصيفطو شي واحد باش يرون ليكم هاد لعائلة وهو من شحال وهو داخل غير مكنتوش قادين تشوفوه وبعد داكشي لي درتي داك نهار قدر يخرج قلت ليه شنو كيفاش قاليا هو لي مفارق مك وباك وسباب هاد صداع قلت ليه شكون لي مصيفطو ؟؟ شكون لي غيبغي يفارق الواليد و لواليدة قاليا منقدروش نعرفو ولأخر مزال واقف تيشوف قاليا داك لي معايا طلق داك لفروج طلقتو وهو يشدو خونا لي جاي معايا من القهوى ولاحو فسمى لعند خونا لأخر معرفتش كيفاش حتى دخلو بزوج ولاو فجسم واحد انا غي واقف وهو يقوليا لاش واقف تتفرج قتل داك لفروج باش يسالي كلشي وترجع حياتك كيف كانت شديت داك لموس بغيت نشد داك لفروج وهو يطير من شرجم نزل لدرب نقزت من وراه تبعتو هو غادي وأنا تابعو ولاد درب شافوني ولينا تابعينو كليكة شي 10 ولى 100 حتى شديناه عطاوه ليا شديتو ضربتو بموس لعنقو ولحتو بقيت واقف حداه حتى مات هزيتو حتال طارو د زبل قدام بابنا وحطيتو تما دخلت لدار لقيت خونا مزال فدار قاليا مبروك سالا كلشي قلت ليه لله يحفظك قاليا نتا راك مزال تقدر تشوفنا ولكين حتى واحد مغادي يأديك دبا قلت ليه شكرا وهو يغبر كالعادة دخلت لحمام دوشت خرجت تنلبس فحوايجي وهو يدخل لواليد و لواليدة تما داخلين لكالم ممدابزين موالو قايا ولدي صافي قررنا أنا ومك نرجعو مع بعضياتنا وبلي هادشي لي فات غي غلطة منا فرحة من صغري وانا تنعقل عليهم مفارقين دبا غتولي حياتي طبيعية هادشي لي وقع لواليد بعد شي سيمانة عاودو تكاتبو وتزوجو درنا حفلة صغيرة فدار مزيكا وكدا عيطنا على ناس قلال خالاتي و هناء وهشام و شي عشران واليد لمهم سالا لعرس ماشي عرس غي حفلا صغيرة فدار وصافي كلشي مشى كلشي تنحس براسي فبرتوش ماشي دار واليد و لواليدة عاد مزوجين تاني باغين يعيشو لحظة قلت لواليدة بلي غنمشي عند خالتي هاد سيمانة خالتي لي مزوجة بواحد شلح عايشين غير فجبال تما منها نستراح شويا و نخليهم على راحتهم حتى هوما وتحيد منهم ديك سخونية د العرس ههههه لمهم وافقو عيطات ليها واليدة قالت ليها يجي فلكار و انا نتلقا ليه فطريق جمعت حوايجي قلتها لهناء وهشام وبلي سيمانة وغنرجع هزيك صاكي وخارج وعند بالي بلي سالات قصتي مع لمشاكل وهيا عاد غادي تبدا ...

مشيت عند خالتي باش نستراح شويا شديت لكار درت مزيكا داني نعاس و لكار غادي حتى فيقوني قالي نزل راه وصلنا نزلت تتباليا خالتي واقفة سلام ولد ختي مرحبا مرحبا يلاه نمشيو لدار مشيت معاها داخلين وسط جبال بحالا تنتفرج فشي فيلم وهيا ناري مول واش تطلعلي حتى 2G هنا وصلنا لدارها باينة بني قدييم ولكين كبييييرة و جردة قدااش ملي دخلنا تاني دار من لداخل بحال لقصر قالت ليا صبر نوريك بناتي بنات خالتك دخلات لواحد لبيت قالت ليهم وهيا تخرج واحد 3 لبنات ناريييي تيتيز تيتيز د بصح زوعر و طوال كون عرفتهم قبل من هناء كوراه عندي شي زوج دراري من شي وحدا سلام سلام وراتني خالتي بيتي دخلت حطيت حوايجي شديت تيليفون عيطت على لواليدة قلت ليها بلي صافي وصلت و عيطت على هشام قلت ليه بلي خالتي عندها تيتيز قليت ليه سم عيطت على هناء بقينا داوين حتى قالت ليا خالتي أجي تغدا قطعت مشيت معاها لقينا راجلها بارك تما قاليا سلام ولدي سلام كيف باك مك بخير شويا جبدنا لكلام على المغرب وسياسة راجل خالتي واصل متحسش معاه بالملل قاليا بلي خدام فقيه خدمتو تيصرع و تيخوي شي دار إلا كانت مسكونة قلت ليه عمي راه وقعولي شي حوايج فالمدة لأخيرة يلاه ساليتهم بديت تنعاود ليه من لول قاليا هادشي لي وقع ليك كيف والو ديجا شفت كتر منو قلت ليه بحالاش قاليا تخايل معايا واحد لبنت مسكونة حدانا عندها 13 عام دبحات باها و مها و خوها صغير و بقى تيعاود ليا على شي حالات حتى وليت أنا نحشم نقول دوزت رعب فحياتي وهو يصوني تيليفون ديالو خرج بقينا تنشربو أتاي انا و خالتي وبناتها وتنعاود ليها على لواليدة وهيا تشوف فبناتها قالت ليهم خرجو ولد خالتكم وريوه دوار قالو ليها صافي خرجنا تندورو وهيا ناري غير لخلا و لقيفار مكين لا حانوة لا والو غير جبال و شجر جو زوين ولكين ماشي هكدا مولف انا بقيت تندور معاهم وصلنا لواحد دار كبر من لي ساكنين فيها وهوما يوقفو وبداو تيشوفو فيها قلت ليهم شنو مالكم قالت ليا وحدا منهم هادي دارنا لقديمة قلت ليها علاش نتوما تحولتو قالت ليا أه تما مات خونا من بابا قلت ليها كيفاش وقع ليه قالت ليا بلي دخلو شي شفارا و بغاو يتعداو عليهم وهو بقى مدابز معاهم حتى ضربوه و مات تما وبلي بدا تيبان ليهم تما بزاف وتيخلعهم فشي أشكال تتخلع وحتى باهم لي فقيه وخدمتو هادي خاف وقال بلي من لأحسن يبعدو على هاد دار ناري زهر لمكوز تابعني فينما مشيت قلت ليهم نرجعو لدار رجعنا دخلنا بركنا مجموعين حدا لميدة وهو يقوليا باهم فين مشيتو ؟ قلت ليه حدا داركم لقديمة قاليا شنو دار لقديمة ؟ عنداك تكون دخلتي لتما قلت ليه لا قاليا عنداك تم عنداك تدخل لتما قلت ليه علاش ياك هداك غي ولدك كيفما كان قاليا لا نتا مفاهم والو هداك ماشي ولدي لي تنعرف و معمري فخدمتي تلاقيت بشي حاجة بديك القوة ولي مزال حتال دبا تنسمعو غواتو فليل وكل ليلة من هنا ...