صورة مصغرة لـقصتي مع هناء

قصتي مع هناء

9isti m3a m3a hana2 ma3a
قصتي مع هناء بالدارجة

كاع ديجا تفرجنا فشي فيلم ديال رعب ولى شي برنامج ولا فيديو وتبقى خايف وحاضي لقناة ديال لحيوط وتتبغي تنعس وراد لبال من شي حاجة ومتيوقع والو ومع تكرار ديال هاد لعملية متيباليك والو متتبقاش تيق هادشي لي واقع لينا قصتي بدلات حياتي كنت بحال كاع دراري كان لعمر ديال 19 تقريبا ويلاه تتبدا تدير عقلك عايش مع لواليدة بحدنا حيت هيا و لواليد مفارقين وهو فمدينة أخرى قليل فاش تنشوفو موحال حتى واش باقي عاقل عليا خديت لباك قلت غادي ناخد واحد عام ديال راحة غندير لافاك وخا عارف راسي مغندير فيه والو عالم أخر تاني هداك نهار لول مع داخل لفاك نوضتها عند لباب مع واحد خونا على عطيني ستيلو لا تزايدنا فلكلام قلوناها تما جا لمدير قالك خرجو بزوج تسناوني عند لمكتب بقينا تنتسناو شي ساعة قتلنا لملل قاليا شنو سميتك قلت ليه يوسف ونتا هشام بقينا داوين حتى لقيتو ساكن غي حدانا و كدا ويلاه منوضها مع عشيرتو هادشي علاش شاعل بقيت تندوي معاه حتى فهمتو فعقليتو دري فشكل جا لمدير لقانا سمن وعسل قالينا سبحان مبدل لأحوال هههه ومن داك نهار بقى تيجي لعندي لدار تنبركو نتفرجو فشي لعبة ولا ندويو فشي موضوع و في لأغل تندويو على القرين وداكشي د ما وراء طبيعة لمهم أول مرة قريت واحد لكتاب شارجيتو فتيليفوني ب د ف و صيفتولو قريت هاد لكتاب تيدوي على لقرين ديالك لقرين ديالك هو نتا فلعالم لأخر وديما تيبغي ليك شر و ديما تيكون لعكس ديالك يعني إلا كنتي عزيز عليك تمر هنا هو مغيحملوش بقيت تنقرى و تنقلب فيوتيوب على هادشي وتنسمع بنادم لي ديجا شاف لقرين ديالو وكدا وخا هكا مكنتش متيق دخلت واحد لكروب ف لفايس تيدويو غير على بحال هاد لمواضيع لحت واحد ستاتي بلي أنا مغربي و قلبت مزياان على هاد لموضوع ومزال ممتيقش وبغيت لي يأكد ليا حطيت ليهم هاد تحدي صغير كومونتات ليا وحدا سميتها كريمة عندهم واحد لعربية تحس براسك بحالا تتدوي بالشينوية لمهم تنفهمها وتتفهمني بزز دزنا بريفي قالت ليا بلي هادي راه خدمتها وعندها شي جمعية ديال ظواهر لغريبة قالت ليا تبغي تجرب قلت ليها كيفاش قالت ليا بلي شي واحد وراها شي طقس قديم باش تولي تقدر تشوف القرين ديالك أصلا أنا مزال ممتيقش وكنت واصل لواحد لمرحلة ديال لملل نقدر ندير أي حاجة قلت ليها أه نجرب قالت ليا وخا حطات ليا واحد الطوف فيها شي كتبا معمري شفتها معرفتش أشمن لغة هديك قالت ليا رسمها فظهر ديال شي تصويرة ديالك و دبح شي فروج و حط شويا ديال دم فوقها و بقى ديما فتواصل معايا بغيت نعرف شنو غيوقع أول مرة نجربوها قلت ليها صافي و أنا عارف راسي مغنديرش هادشي غير باش نسكتها وصافي عشيا جا عندي هشام بركنا قاليا كين شي جديد قلت ليه شنو قالت ليا ختنى قاليا نجربو باليا باغي يجرب د بصح بقى معايا حتى قنعني بهادشي بحجة لملل و شنو غادي يوقع كاع وهادشي لي غادي ندمو عليه بزوج من بعد

بقى تيقوليا نجربو نجربو حتى واقفة و لواليدة خدامة داك نهار مكانت غتجي حتال 9 ديال ليل دار خاوية نديرو لي بغينا مشيت جبت صورة وهو مشي يشري فروج حاط تصويرتي وتنتسنى حتى دخل وضفاك جايب ليا فلوس ديال درهم قلت ليه من نيتك قاليا راه بحال بحال عرفتي فروج بلدي شحال ساوي دبا معلينا خدينا ديك تصويرة نقلنا دوك لكلمات وراها قلت ليه و دبح نتا دبا لفلوس أنا منقدرش قاليا أرا و دبحو ناري مخرجش منو بزاف ديال دم شويا طيحناه فوق صورة تنتسناو شي ربع ساعة موقع والو شفت فهشام قلت ليه ساط موقع والو ختنى غير تتضحك علينا ولا لفلوس لي جبتي هو سبابنا قاليا صافي أصاط هادشي غير كدوب مخسرنا والو دبا مني جربنا حيدنا ديك تصويرة و نقينا ديك لبلاصة مشى هو لدارهم وهيا تجي لواليدة دخلات مدواتش معايا حتى سلام مقالتهاش قلت غتكون مريضة من لخدمة ولى شي مشاكيل مغاديش نقلقها خليتها طرونكيل سديت لباب من لداخل دخلات هيا لحمام مشيت أنا لبيتي نعست بقيت ناعس حتى تنسمع دقان قلت لواليدة كينا دبا تحل لباب والو محلاتش واحد 5 دقايق وانا نوض نحل لباب حليتو هنا صدمة ديال بصح فاش تتبان ليا لواليدة واقفة هازا تقدية و انا قبيلا عاد حليت ليها دخلات وسديت لباب من لداخل وخا تخرج متقدرش تعاود تسدو بقيت واقف وتنشوف فيها عند لباب الت ليا مالك قلت ليها واش جيتي قبيلا كيفاش خرجتي قالت ليا بسم الله عليك كنتي تتحلم انا عاد جيت ناري متأكد بلي شفتها قبيلا وحليت ليها لباب بديت تنجري فدار تنقلب ملقيت والو ناريه أش هاد زبل تاني قلت ليها لواليدة ولله حتى دخلتي نتي ولا منعرف شكون ولا شنو لمهم شكلك 100% و حليت لباب وسديتو من لداخل ودبا مني بغيت نحل لقيتو مسدود من لداخل تاني لواليدة متيقاتش تيحسابليها مبلي بشي حاجة ولا شي لعبا غمقات عليا حتى سكتاتني دخلت لبيتي بقيت بارك قدام لبيسي قلت صافي يممن غير تخايل ليا هادشي مع لخلعة و داكشي لي درت انا وهشام بقيت بارك قدام لبيسي حتى طاب نعاسي ديال بصح طفيتو وانا نتلاح فوق ناموسية لفراش سخون بحالا يلاه نايض من فوق منو هادشي كامل تنقول صافي غير مصادفة ناعس وضو مطفي تنحس بشي واحد ناعس حدايا شعور فشكل تحس بشي حاجة ومني تقلب متلقاهاش شعلت ضو وبقيت بارك وتنفكر شنو كليت مكليت والو لي يخليني نتخايل هادشي كامل و انا مزال تنحس بشي حاجة معايا فشكل أول مرة نحس بهاد شعور فحياتي بغيت نعرف شنو هادشي حليت لبيسي وصيفت مساج لديك كريمة لمصرية لي وراتني داكشي قبيلا قلت ليها على شنو وقع وباش تنحس قالت ليا صافي داكشي لي درنا خدم وقالت ليا بلي غتحاول تجي هيا و شي ناس من ديك لجمعية ديالها و باش نحاول منبقاش بوحدي هاد الفترة لماجية قلت ليها غير شرحي ليا قالت ليا ماشي دبا خاصني نشوف كيفاش نجيو عندك لمغرب دبا فلبلاصة عيطت على هشام قلت ليه أجي لدار قاليا راه 10 دليل هادي قلت ليه أجي أصحبي لابدة قاليا 20 دقيقة ونكون عندك وقطع بقيت تنتسنى الخوف ديال بصح فاش دخلت راسي تاني ؟

بقيت تنتسنى شويا تنسمع دقان حليت لباب لقيتو هشام دخل قلت لواليدة بلي غيبات معايا تعشينا دخلنا لبيت قاليا مالك اصاط شنو واقع ليك قلت ليه بلي ديك لمصرية جايا وشنو شفت و وقعلي بقى تيضحك تيحستبليه واش تنضحك ولى شي لعبة هو راه متيحس بالمزود غير لي مضروب بيه قلت ليه بلي خاصو يبقى معايا وخا شد فيا مزيان ولكين هانية بعدا مغنبقاش بوحدي بقينا باركين تندويو تندويو حتى داه نعاس بقيت بحدي حطيت راسي على لمخدة تنمسع صوت ديال بكى ديال دراري صغار فلول قلت ياكما شي واحد من جيران ولكين أنا تنسعو غير فدار بغيت نفيق هشام والو ديلمو بحالا ميت قلب دار وميفيقش لك جبدت تيلي درت ليزيات درت مزيكا وحطيت راسي فوق المخدة ونعسة حتال لغد ليه فقت لقيتو مزال ناعس قلت ليه أنوضا نوض أشريف عولنا عليك بكري قاليا شنو وقع قلت ليه راه سمعت شي حوايج بزز باش داني نعاس قاليا و من بعد شنو غدير دبا قلت ليه صافي تجي ديك ختنى من مصر وغادي نشوفوها شنو غنقول لينا انا منقدر نقول لحتى واحد هادشي غادي يحسابليهم طارلي لفريخ قاليا صافي نسى يلاه نمشيو لفاك أصاحبي نتلفو لوقت شويا بدلت حوايجي وخرجنا فطرنا فواحد لقهوى حدانا دخلت لحمام تما نغسل وجهي غسلتو خرجت تتباليا لقهوى خاوية تنقلب حتى سرباي مكينش هشام؟؟ ياكما كميرا خفية تيديرو هوما هاد ستونات لحامضين حتى تنشوف واحد بارك فطابلة وعاطيني بظهرو مشيت عندو خويا فين مشى سرباي وناس و دري لي كان معايا قاليا راهم كينين غير متيشوفوك متتشوفهم قلت ليه شنو شكون نتا ؟؟ قاليا أنا بغيت نعاونك قلت ليه علاش شنو واقع كان واحد الحجاب بينك وبين لعالم ديالنا دبا نتا حيدتيه يعني تقدر تشوفنا وماشي كاملين غادي يدويو معاك بحالي هاكدا قلت ليه شنو علاش شنو درت قاليا أطط نشرح ليك بلغة لي تتفهموها فلمغرب تبغي لي يحيد ليك سروالك قلت ليه لا قاليا إوا نتا دبا درتي بحال داكشي وتقدر تشوفنا و حتى حنا نقدرو نشوفوك قلت ليه أه ومن بعد قاليا نتا مفاهم والو راه كاملين غيتجمعو عليك ملي غادي يعرفوك تتقدر تسمعنا و تشوفنا علاش لله عطاك ديك لقدرة باش متشوفناش ونتا مشيتي تتلعب بشي حاجة معارف فيها والو قلت ليه شنو لمعمول قاليا منقدر ندير والو دبا أول مرة توقع أنا غير كنت دايز وقلت نقولك شنو واقع باش تعرف روحك معامن قلت ليه شنو مناش خاصني نخاف دبا قاليا من القرين ديالك هنا هو لول واش غيتفهم هادشي ولا لا قلت ليه أنا مزال مفهمتكش زيد فهمني كتر راه مفاهم والو من هادشي قاليا ماشي دبا خاصني نرجع نتا دخل لحمام غسل وجهك مشيت غسلت وجهي حليت لباب ديال لحمام تيباليا كلشي كين وهيام بارك فطابلة مشيت عندو بركت قاليا مالك تعطلتي قلت ليه شنو وقع دبا قاليا من نيتك أثبي باغيني نتيق وانا نشوف فيه صاط ولله ما تنكدب داوي د بصح بحال شي فيلم مبقى حتى واحد غير انا وخونا وهو لي قاليا داك لكلام وقاليا بلي قودتها كان زربان مشرحش ليا مزيان ، هشام بدا تيتيق جبد تيلي قلب على القرين طلعو لينا واحد لبحث مترجم بالعربية ديال واحد لهندي ...

داك خونا كاتب فداك لبحث بلي داك لقرين يقدر يعاونك ف بزاااف ديال لحوايج يقدر يخليك تعرف بنادم فاش تيفكر و يقدر يجيبليك لي بغيتي ولكين تنفد ليه شي طلبات لي غالا تيكونو فشكل خرجنا بزربا من لقهوى مشينا لفاك بقينا واقفين وحاضين لي غادي ولي جاي واحد لحضة تنقلب على هشام ملقيتوش تنقلب عليه حتى لقيتو منوضها مع واحد زوج عزاوا من دوك لي دخلو لبلاد مؤخرا مشيت تنجري مالكم م مالكم هشام تبسل على واحد لوين منهم و ضارو بيه شي 2 ولى 200 وطوااااال تبارك لله غيشد هشام غيديرو فدغمة بديت تنبرد والو مبغاوش يتهدنو بداو منوضينها عصى ديال بصح وأنا نخرج تيباليا داك هشام تياكل لعصى مسكين لداخل وهو شنو داه يتبسل على بنت بلادهم بقى فيا إلا خليتو غادي يقتلوه وحوش ولا شبغاو يكونو ولمشكل دراري ديولنا تيتفرجو مقادينش يفكو كلشي تيتفرج لفاك كامل مجموع وأنا نرجع حتى رجعت لور بحال شي حولي باغي ينطح وأنا نعطيها لدرارك ونقزت عليهم 😂 شدوني فسمى طيحونا وعطاونا وااااحد دلكة ديال لعصى بزوج هههه خلاونا باركين تما ومشاو بقينا باركين وتنضحكو صافي أل*لاوي كلينا لعصى على ودك و مون أمي ديالك قاليا تفكرني فين قلتها ليك غادي نتصاحب معاها راه فسرى أصاحبي نتا مشفتيهاش هههه نضنا مشينا لحصة بحالا مواقع واو دخلنا بركنا لور وهيا تجي ديك لبنت لوين قالت ليه ممكن نبرك حداك ههههه وهو يشوفيا ديك شوفة ديال قلتهالك أصاحبي قاليا يوسف نوض غيرها خلي لبنت تبرك هههه وكول لعصى على ود شي مغربي فهاد لوقت هزيت كتابي ومشيت بعدت عليهم وريحة فواحد صف فيه غي لبنات وهيا تشوف فيا وحدا قالت ليا نتوما حمقين ولله تتقلبو على لعصى قلت ليها أه على قبيلا راه كيف والو مبغيناش نضربوهم باش نبانو زوينين قدام لوين باش طاحت فخونا قالت ليا كيفاش قلت ليها شوفي لولد لي كان معايا شافتو بقات تتضحك قالت ليا شنو سميتك قلت ليها يوسف قالت ليا أنا هناء بقينا غي داوين ديك ساعتين خرجنا بركنا فلقهوى تاني هيا عزيز عليها ضحك ولقاتني حتى أنا محتاج نضحك شويا بعد هادشي لي وقع ليا هاد ليوماين وهو ويوقف علينا واحد خونا معرفتوش شكون قاليها شكون هدا قالت ليه ماشي شغلك وبداو مناقشين وانا غير تنتفرج تنتسناه يجبدني وهو يشد ليها من يدها شافت فيا ديك شوفة ديال غتبقى تفرج وانا نوض ودرت ليه دخلات ديال لأفلام غتمشي ولا غادي تندم من بعد بقا تيشوف قاليا نتا باينا فيك جديد هنا ومعارفنيش دفعني وهو يضور عندها تيباليا غير لكرسي ديال لعود شديتو ضورتو واحد زوج ضورات فسما و حطيتو ليه فراسو تنشر ها ضحك لبنايا شفت فيها تقولي شكرا ولا شي لعبة وهيا تقوليا علاش ضربتيه و بدات تتنوض فيه ضورات ليا صمطة وضفاك كلشي ولا تيشوف فيا قلت ليها مالك أبنت ... ياك طنتي تتغوتي وباركا معايا بدات عليا متسبنيش وكدا خليت ديلمها تما وخرجت تلاقيت مع هشام قاليا شنو واقع تما شكون مطايف قلت ليه والو أساط أنا و واحد خونا نسى قاليا بلي تصاحب مع ديك لوين هههه طيرني بقيت مطلعها عليه حتى تتصوني عليا ديك لمصرية قالت ليا وصلنا لمغرب فأشمن مدينة نتا قلت ليها كازا ولبلاصة قالت ليا صافي دبا نجيو تما حنا فنفس لمدينة تنتسنى أنا و هشام حتى وقفات واحد لمرسديس مقااودة نزلو منها زوج تيتيزات بقينا غي تنشوفو فيهم حتى جبدات وحدا فيهم تيليفون و انا نسمع تيلي ديالي تيصوني جبدتو لقيت ديك كريمة لمصرية تتعيط جاوبتها قالت ليا راني تنتسنى فك مبنتيش ليا وهيا ناري دوك زوج بنات هيا ختنا و لي معاها تنشوف فحوايجي مبهدلين زوج مطايفات ليوم غنتشوه وغنشوه درابو ديال لمغرب بهاد لحالة ...

ناري حويجي مبهدليين وانا نشوف فهشام حوايجو مزال فيهم ما يدار قلت ليه هشام يلاه لحمام دخلنا قاليا مالك قلت ليه نصل حوايجك أصاط قاليا من نيتك قلت ليه نصل حوايجك بزربا قاليا نتا منهم كنت معاشر قزحي هاد لأيام وفهاد لحظة تيحل واحد شيباني لباب ديال طواليط بقا تيشوف فينا وخرج ههههه قلت لهشام نصل أصاحبي ديك كريمة لمصرية تتسنى عند لباب وحوايجي مبهدلين قاليا وقول هكدا من لول خلعتيني تبادلنا لحوايج خرجت عندها سلام سلام نتا هو فلان أه هو هدي نتي هي كريمة وي مرحبا مرحبا قالت ليا نعرفك بالمساعدة ديالي هوما بزوجهم فسرين و ديك لهجة لمصرية لفسوغية قالت ليا نمشيو نبركو فشي بلاصة لكالم باش ندويو قلت ليها أه مشينا بركنا فواحد لقهوى أخرى حنا ب 3 قالت ليا عاود ليا كلشي من لول عاودت ليها شنو وقع وشنو قاليا داك خونا فلقهوى سجلات كلامي وقالت ليا مزيان قلت ليها مزيان ؟؟ حياتي را فخطر ونتي تتقولي مزيان قالت ليا لا بغيت نقول غادي نخرجك من هادشي متخافش قلت ليها صافي وهيا تقوليها لمساعدة ديالها خاصنا فين نبركو هاد لأيام وديتهم واحد لأطيل قريب قالت ليا خاصك تجي تسكن معانا هههه و أنا مكرهتش فصراحة ولكين لواليدة غادي تحيدني من لحالة لمدنية إلا سمعاتني ناعس برى ومع زوج بنات وهيا طيحلي فبالي نديهم معايا لدار منها يشوفو ليا هادشي لي واقع ومنها نتصور على ولاد درب قلتها ليهم وافقو فلبلاصة دبا خاصني غير نقولها لواليدة و واحد لواليدة عندي قلبها حجرة ماشي من نوع لي تيتطلب ولكين ديما تتفرج فلأخبار ديال سوريا وكدا وتتبغي تعاون فبحال هاد لأحداث وانا نفكر ليها فخطة عيطت ليها سلام الواليدة مرداتهاش قالت ليا مالك شنو من بعد هاد سلام قلت ليها لواليدة عرفتي تيقراو معايا واحد زوج سوريات و كانو كارين واحد دار وجرى عليهم مولاها مجاتش الواليدة يخرجو لزنقة و دارنا كبيرة لحمد لله بقات سااكتة وقالت ليا أشوف أاا داك زعطوط دخلهم أنا جايا دبا قطعت مشينا بزربا لدار حطو طوموبيل قدام لباب دخلو شرحت ليهم بلي قلت للواليدة هوما سوريات قالو ليا صافي وفهاد لأثناء تتدخل لواليدة شافت لبنات قالت ليهم سلام سلام ودخلات لبيت قالت ليا تبعني دخلنا لبيت قالت ليا تتضحك عليا هادو عندهم ديك طوموبيل و معندهمش باش ياخدو دار و ديالمن هاد لحوايج قلت ليها وصافي ديري فيا تيقة بغيتي تخرجيهم راهم خرجي نتي جري عليهم قالت ليا صافي أنا غي عطيتك إندار نسمع شي حاجة راك عارفني قلت ليها صافي خرجات هيا رجعات لخدمة وريت لبنات بيت بيركو فيه خليتهم قادو حوايجهم خرجو قالت ليا ديك كريمة غادي نبداو لخدمة جبدات واحد لبخور خانز طلقاتو فدار و عطاتني واحد سورة مفيهاش بسم الله ... قالت ليا قراها يمكن تكون سورة الجن لمهم هادشي لي درت قريتها 21 مرة بزربا قالت ليا شوف إلا باليك متخافش راه مغاديش يأديك دبا حنا غادي نطلبو منو شنو بغينا قلت ليها نطلبو منو علاش قالت ليا سكت نتا مغتفهم والو نتا تعرف غي لفلوس قلت ليها نتي قلتي غادي تعالجيني قالت ليا واش حمق نتا ممريضش بالعكس نتا وليتي حسن دبا تقدر تعرف بنادم فاش تيفكر و تقدر تدير بزاف ديال لحوايج أخرين وكين ناس تيعطو لفلوس على ود ناس بحالك يقدرو يشوفو لقرين ديالهم و يقدرو يشوفو ف العالم لأخر ديالهم قلت ليها مفهمتكش أنا ميغست والو بغيت نرجع كيف كنت مصبرتش على هادشي قالت ليا صافي حريتك هاديك نقلب ونسول شي ناس عطيني شي يوماين قلت ليها صافي داز داك نهار فليل تاني كالعادة لقيت لفراش سخون وبقيت تنسمع صوت ديال دري صفير ليل كامل فقت فصباح لقيتهم تيفطرو مع لواليدة ريحت فطرت معاهم قالت ليا لواليدة متخليهمش فدار بوحدهم ديهم معاك لفاك هادشي لي درت ديتهم معايا ناري وتخايل معايا جاين معايا زوج تيتيزات و طوموبيل بزاااف تاني دخلنا كلشي حاضيني تيباليا هشام واقف مع ديك لوين بقا مصدوم خههه دخلتهم معايا لحصة بركنا لور بنادم كامل تيشوف فينا وهيا تجي عندي ديك هناء قالت ليا سلام مبغيتش نجاوبها قالت ليا نقدرو ندويو قلت ليها اه خرجنا وخلينا دوك لبنات تما وقفنا حدا واحد لحيط قالت ليا سمح ليا قلت ليها لا سمحي ليا نتي ضربت ليك عشيرك انا لي منسواش قالت ليا لا كنت معاه شحال هادي دبا لا انا غي تخلعت فديك ساعة ومبقيتش عارفة شنو تنقول قلت ليها صافي وخا بقا فيا لحال ولله قالت ليا صافي حتى نتا سبيتيني وشكون دوك لبنات قلت ليها مصرين ديك ختنا سميتها كريمة من جمعية ديال الضواهر و داكشي جاو على حسابي قالت ليا علاش عاودت ليها لبلان من لول وخا مبيناتنا والو بغيت نعاود هادشي باش نخوي قلبي قالت ليا دخلتيهم لداركم ونتا معارفهمش واش بصح من جمعية ولا تيكدبو قلت ليها معرفتش لمهم منبقاش نسمع داكشي فليل وميبقى يوقع ليا والو قالت ليا أرا نمرتك بغيت نعاونك باش نتعادلو عطيتها نمرتي ودخلنا لحصة كملات لحصة خرجنا مشيت لدار بركنا تنتغداو انا وكريمة وديك لي معاها تناكلو وهيا تصوني عليا هناء ؟؟

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki