صورة مصغرة لـالسارقة الجزء 13

السارقة الجزء 13

alsari9a
رواية السارقة كاملة بدون تحميل

 بصور كتمر بسرعة ناديا كتبان في عدة وضعيات مرة كتتعلم المبارزة ومرة كتتعلم اللغات
مرة كتلبس فساتين وتعلم تمشي بالكعب مرة كتتعلم كيفاش تتنكر وكيفاش تخترق الحواسيب
والأنظمة الأمنية مرة كتتعلم كيفاش تكلس وكيفاش تاكل وكيفاش ترقص وكيفاش تقود سيارة والموطورات مرة كتتعلم الرماية مرة كتلعب البوكس بزاف الحوايج فزمن قياسي اللي كان فيه ضغط لا يحتمل مبقاتش فيه ناديا القديمة تغيرت تغيير جذري كيما خبروها فالأول 
و كأنهم فعلا برمجوها من الأوف للأون يعني بدلوها كلها داخليا وخارجيا فكريا وعقليا 
وكان باقيلهم أهم شيء وهي عاطفيا كان ضروري متجرب ناديا بزاف المشاعر باش
 نقولو أنها جاهزة تماما 
جميلة(هي وجعفر فغرفة):- داكشي اللي قتلك أجعفر راه واجد؟؟
جعفر:- أجي تشوفي الفيديو بنفسك 
جميلة(وهي كتشوفو):- أمممم رائع هاكدة كلشي راه جاهز 
جعفر:- باقي غير هاد الخطوات وقلب ناديا يبدي يموت شوية بشوية  
جميلة(بحماس):- فات شهر ونص تعبنا معاها بصح تستاهل كل الجهد شوفها دبا متقولش
هيا نفسها اللي جات أول مرة ولات فعلا ليدي وهادا مطلوبنا باش تقدر تنجز المهمة الأولى
اللي كتستناها
جعفر:- طبعا المهمة الأولى غانتكون أول تجربة ليها فالميدان بوحدها وخصها تتحمل مسؤولية
إنجاز المهمة وحماية نفسها حنا مغانكون الا على اتصال معاها وعن بعد واهم شيء
منساوهش أنها خصها تعرف على ياسر امممم
جميلة(شافت فيه بمكر):- ههه وي ياسر هادا هو الدوصي اللي غايجيبلها ميبقاش لكن
خلي هاد الخطوات حتى يكمل هاد المخطط اللي راحنا ناويين نديروه 
جعفر:- وانا مستعد غانبدي فيه دبا 
جميلة:- ههه انشوفو الآنسة ناديا شنو غادير 
جعفر:- ألو كريستوفر أنت مع ناديا صحيح ؟؟
كريستوفر(استاذها):-نعم صحيح ماذا هناك؟
جعفر:- اضغطلي على الزر الأخضر 
كريستوفر(مخلوع):- اليوم؟؟
جعفر:- نعم هيا بسرعة كي لا ينفذ الوقت 
كريستوفر:- علم وسينفذ 
هاد كريستوفر كان برة فواحد المتجر داخل السيارة كيستنا ناديا اللي دخلت تجيب شي
أغراض ومين تلقا الاتصال نزل من اللوطو وخلا السوارت فيها ومشا 

خرجت ناديا من المحل وملقاتوش فالسيارة وبقات كتشوف من كل جهة ليبان لكن نو مبانش
ركبت فاللوطو وتذمرت اللي معندهاش تيليفون باش تتصل بيه شوية وهو يصوني تيليفون
داخل السيارة تفاجئت وبقات تقلب تقلب حتى لقاتو فالكوفر هزاتو وجاوبت لكن تاشي
حد مرد عليها وبقات عاد ألو ألو شوية وهو يقولها شخص بصوت إلكتروني
شوفي على يمينك تفاجئت أكثر ودارت على يمينها ولقات سيارة ضخمة كحلة بقات تمر بشوية
قدامها وتحل بابها الخلفي وكان فيها مريم مربوطة وعلى فمها سكوتش رمادي وتسد باب السيارة على يد جوج ملثمين بالاسود وتابعت المسير لكن بسرعة هاد المرة
  
ناديا هنا معرفت باش تبلات حست باللي الكون توقف اووو واش اللي شافتو هو هاداك
ولا راها كتحلم هزت تيليفون اللي لقات فالسيارة اللي خلاه وضربت نمرة مريم مكتردش
وضربت لعزيزة كذلك مكتردش فعرفت أن الموضوع فيه إن وأخواتها ..
رجعت هزت تيليفونها وتصلت بناصر اللي نفا قدوم مريم داك اليوم نهائيا وطلبت منو
ميخبرش العائلة محيت راها تكون غير فشي بلاصة فمكان لاش يخلعهم ، 
 ناديا بقات تفكر كيفاش دير فهاد الوحلة وعرفت ان اللي شافتو مكانش خيال كان بصح شوية
وهوا يوصلها فيديو على داك التيليفون 
الفيديو كان فيه شخص ملثم كيهدر بلغة الحواسيب 
الشخص:- أنتي الآن تفكرين بمن نكون نحن شاهدي هذا الفيديو وستعرفين ...
الفيديو كان فيه مريم مربوطة فكرسي ومربوط على بطنها الديناميت داخل واحد الغرفة زجاجية 
وقدامها واحد ملثم هاز بندقية 
الشخص:- أظن أنكِ عرفتي الآن لديكِ 60 دقيقة لتنقذي فيها صديقتك وإن تأخرتِ دقيقة
واحدة سوف نقوم بقتلها .. تشيز تيت تيت  ..

ناديا:- الله ياربي واش كنحلم شنو هادشي خصني نمشي عند جعفر وجميلة هما اللي
غايعاونوني 
ساقت ناديا السيارة بسرعة جنونية اتجاها للفيلا اللي ملقات فيها تاشي حد شوية وهو
يوصلها ميساج كيقول باللي باقيلها 40 دقيقة فقط اتصلت بتليفون جميلة مكتجاوبش
واتصلت بجعفر اللي جاوبها 
جعفر:- ألو وي 
ناديا(بحالة جنونية):- جعفر جعفر خصك تعاوني معرفت شي ناس خطفو مريم وجابوها لهنا
وعندي 40 دقيقة نسلكها او يقتلوها خصك تجي تعاوني راه جيت للفيلا ملقيت حد فيكم 
جعفر(متفاجئ):-أوو شنو كتقولي بففف لكن انا راه خارج البلاد انا ومدام جميلة خدينا
طيارة للندن صباح، مشكلة اكيد هادو شي مجموعة عرفو باللي جندناك للعمل معانا وبغاو
ينتاقمو منك اففف ناديا سمعيني مزيان نتي راه دربتي وخصك تثبتي ذلك على أرض الواقع
وهاوا الامر جا لبين يديك انا مضطر نقفل دبا تيت تيت..
ناديا:- اففف على زهر افف على زهر شنو ندير أنا دبا ياربي شنووو؟؟
ناديا عرفت باللي خصها تعتمد على راسها لكن مين تبدا ولا كيفاش دير حتى كريستوفر قافل
تيليفونو طلعت تجري لبيتها وجبدت حاسوبها وبقات تتفكر ارقام السيارة واخترقت نظام المرور
اللي مجيت داك المحل كيما تعلمت على يدين كريستوفر بعدا   
خرجلها واحد العنوان شداتو وجات خارجة وتلاقات بزينب هازة صينية دفعتها وطاحت
الصينية بيها بما فيها وزينب بقات غير كتشوف ناديا وهي بداك الشكل الغريب ركبت
السيارة تاني وحكتها معا الأرض تانوضت العجاج موراها .

شنو غايوقع لمريم ؟ وناديا واش غاتوصل لعندها فالوقت المناسب ؟
وأهم شيء واش غاتقدر تنقذها من بين يدين هاد المجرمين فعلا؟؟ 
الأمر غايبان فالفصل القادم ....
يتبع..



قصص جديدة
قصة منقذي الأسمر من تأليف ندى العمر
قصة منقذي الأسمر ندى العمر
قصة إرحموني من تأليف أسماء زياد
قصة إرحموني أسماء زياد
قصة الآغا السادي من تأليف ليان علوي
قصة الآغا السادي ليان علوي