السارقة الجزء 22


رواية السارقة كاملة بدون تحميل

دخلت ناديا وهي دافعة كرشها للمبنى وكان فبدايتو عمال استقبالات ورجل أمن
ومصلحة عامة وكاين البشار فيها بزاف ناديا بقات تاكل كيت كات ديالها 
وماعلا بالها تاحاجة وجات متجهة لعامل الاستقبالات وهو يوقفها رجل الأمن
ملحظة الحديث كلو باللغة الإنجليزية ^^ 
رجل الأمن :- آنسة فين غادية ؟
ناديا(بقات تمضغ الكيت كات وشافت فراسها وولات شافت فيه):- خصك دير النظاظر ؟
رجل الأمن(باستغراب):- أشنو نظاظر وعلاش؟
ناديا(تنهدت وكملت الشرح):- محيت أنا كرشي واصلة لفمي وباقي تقولي آنسة
 حشومة فحقي وفحق مون بيبي حاسب لو سمحت على الألقاب اممم
رجل الأمن:- أوه أنا آسف أمدام
هي جات مخلياه وغادية وولا وقفها تاني 
رجل الأمن:- لكن باقي مقلتيلي فين غادية أمدام؟
ناديا(ولات أدراجها عندو وتنفست):- تاخذ كيت كات ؟
رجل الأمن:- نو مام شكرا لو سمحتِ هويتك وقوليلي فين غادية؟
ناديا(شافت ياسر دخل واتجه لعامل الاستقبالات وكلست على الكنبة اللي تما):- أفففف نتا
شخص مزعج مزعج
رجل الأمن:- إكسكيوزمي شنو قلتي ؟
ناديا:- ماشي أنا اللي قلت مي إبني قالي هادا رجل مزعج مقبيلة وهو موقفنا حتى عيينا 
ومقالناش تاتفضلو تريحو ... امممم تاخذ كيت كات ؟؟
رجل الأمن(منرفز):- مبغيت أي كيت كات لو سمحتِ هويتك راكي تعطليني على عملي دبا
ناديا(شافت ياسر طلع للسانور يعني تخطى الامن):- أوكي أوكي بلا أعصاب
مع أني قتلك فالبداية أنا فين غادية
رجل الأمن:- مقلتيلي والو
ناديا(كتجبد من جيبها الهوية وعطاتهالو):- نو قتلك مي نتا عقلك معا الكيت كات تاخذ قطعة ؟
رجل الأمن(بتذمر عطاها الهوية مبعد مشافها):- شكرا شكرا أمسيز ليف عندمن جاية هنا؟
  ناديا:- اممم جيت عند الدكتورة هيلين عندي موعد معاها وحضرتك 
غاتتفضل تاخذني لعندها 
رجل الأمن(مخلوووع):- أنا ؟؟؟ وشنو الداعي؟
ناديا(وقفت):- 1 أنا امرأة حامل 2 منقدرش نطلع فالدروج 3 خصني نطلع فالسانسور
وانا كنخاف نطلع بوحدي وبما أنك رجل الأمن الوحيد هنا فغادي تتفضل وتطلع معايا
وميحتاجش نفكرك أن الشرطة في خدمة الشعب وفحالتنا انا الشعب ونتا الشرطة 
يعني ؟؟؟؟
(رمات قشور كيت كات الأولى وجبدت وحدا أخرى وبقا تاكلها وهي تشوف فيه ببراءة)
رجل الأمن(بعصبية):- شنو هاد اليوم شنو شنووو أوكي أوكي أمدام غادي نوصلك
بما أنني في خدمة الشعب تفضلي معايا أسيادة الشعب ؟؟
وقفو مجيت السانسور وبقاو يستناوه باش يطلعو فيه 
دخلو وناديا دارت راسها بحالي داخت مين تحرك السانسور ومور الأزرار لصقت 
حشرة إلكترونية صغيرة عبارة على كاميرا غايستخدموها مين يرجعو 
ناديا(شافتو متذمر وكاره):- تاخذ كيت كات ؟؟
رجل الأمن(فقد أعصابو):- نو نو نو مبغيتش أمدام
ناديا(بلا مبالاة عضت طرف):- اممم نتا حر ناكل بوحدي
هي وياسر كانو دايرين بجوج جهاز تنصت على بعضياتهم كل واحد مركبها فودنو
وهو يقولها ياسر :- راني طالع للمقر باش نوزع الحشرات الإلكترونية
حاولي تشغليه 5 دقايق ورجعو نزلو وباراكة متكيتكاتي عليه راه كرهك 
ناديا(ضحكت من كلامو ودارت لقات رجل الأمن يشوف فيها باستغراب وبحالي بقا يقول على مجنونة تصادفت معا اليوم):- هههه راني مرة مرة نضحك معا ولدي متاخذش فبالك
ياسر(عاد كيهدر):- يبالي عجبك الحال ونتي أم ههه
ناديا:- احم وعلاش لا أمون بيبي
رجل الأمن:- أشنووو؟؟
ناديا:- أأأ لا والو غير ولدي قالي باللي نتا رجل طيب اللي طلعت معانا
رجل الأمن(وهو كاره راسو):- هاها مزيان
ناديا:- تاخذ كيت كات ؟؟
رجل الأمن(الأعصاب كتفور منو) :- ألالالالاء
وصلو لعيادة الدكتورة اللي فالمبنى وخرجو من السانسور وقبل ميدخلو 
ناديا(حلت فمها مين شافت بلاكة اللي فيها سمية الدكتورة):- يا ويلي ماشي هي
هادي الدكتورة اللي أنا متابعة عندها أففف
رجل الأمن(بغا يخنقها):- واش كتضحكي معايا؟
ناديا:- نو ماشي هيا هادي انا دكتورتي رحلت من العيادة السابقة ديالها وصحابلي جات
هنا أففف خصني نرجع نتصل بالسكرتيرة اللي تخبرني فين العيادة الجديدة ديالهم بالضبط
باش منغلطش مرة أخرى يالاه نزلو ونتصل بيهم من لتحت
رجل الأمن(بقا يتبخ):- حممممممممممممم
دخل ووطا على زر النزول بعصبية وناديا جات تقولو تاكل كيت كات وقبل متنطق حمَّر 
فيها تحميرة يعني ايلا نطقتي نقجك ههه وهي تعض عضة وبقات ساكتة تشوف فيه ببراءة
خرجت من السانسور ومشات كلست على الكنبة وجبدت تيليفون باش تتصل وهو مشا يشرب كاس ما قدامها وهي تهدر بجهد 
ناديا:- إي لو سمحت بما أن الشرطة في خدمة الشعب فكمل خيرك ممكن كاس ما معاك ؟
شافتو بغا يقتلها وهي تبتسم ببراءة وتلمع عينيها ومسدت على كرشها يعني منقدرش نوض وعضت من كيت كات
وهو صافي وصل للآخر ديالو من تصرفاتها حطلها كاس ما وخرج كاع من المكان باش يغير 
الجو شربت الما وهدرت معا ياسر فالمايك وقاتلو ينزل فورا يقوم بآخر شيء وشوية 
شافتو نزل ومشا عند عامل الاستقبالات اللي كاين يخرب فاللابتوب الخاص بالعمل
ياسر:- بلغني أن اللابتوب ديالكم خاسر وجيت باش نصاوبولكم
عامل الاستقبالات(قرا الإسم اللي فالبطاقة اللي معلق ياسر):- بصح كيبالي 
راه مزيان مستر جوناس ؟
ياسر(ضغط على واحد الزر فساعتو ودار تشويش) :-اممم مي راني نلاحظ تشويش فيه
عامل الاستقبالات :- وي معك حق أجي صابو تفضل
ياسر طبعا بغا يدخل لنظام ديال المراقبة من خلال اللابتوب وحملو على واحد اليو إس بي 
بلاما يعيق بيه عامل الإستقبالات ولصق واحد الحشرة إلكترونية وهز حقيبتو وخرج
من المبنى هنا ناديا مشات لحمامات اللي فالمكان حطت حشرة مجيت دوك المرايات
عدلت راسها وخرجت من الحمامات وهي تلاقا برجل الأمن اللي بتاسمتلو ابتسامة عريضة
وجات خارجة تاهيا من الباب وفجأة عيطلها وهي وقفت مكانها وجمدت 
ياسر(كيهدر فالمايك):- متوتريش وتصرفي عادي
دارت ناديا عند رجل الأمن اللي كان جاي ناحيتها وعينيه ينقطو شرار ابتلعت ريقها
وحست بشوية خوف وتساؤلات كثيرة فبالها شنو بغا منها ؟؟
رجل الأمن:- مسيز ليف؟
ناديا:- ييس ؟؟
رجل الأمن(بلطف باين مراه ارتياح منها):- يومكِ سعيد سيدتي
ناديا (بابتسامة حامضة):- امم ويومك أيضا
خرجت وهو مقال فوقاش تهنا منها بقات تتمشى بوحدها فالطريق وتاكل كيت كات اللي
مبغاتش كاع تكمل شوية ووقفت عند رجليها لوطو 
ياسر:- خصك شي توصيلة أآنسة ؟
ناديا(ركبت):- مدام لو سمحت ههه
رجعو للدار هابلين بالضحك على البوليسي وحكاية الكيت كات ولكن اطمئنو
مين تاشي حد معاق بيهم وأنهم نشرو الحشرات الإلكترونية فالأمكنة المناسبة 
باش يوزعوهم من خلال جهاز التحكم عن بعد ويعرفو مداخل ومخارج المقر لفوق
وشحال عليه من مراقبة وبزاف الأمور ..
ياسر(وهو كيسوق السيارة رجوعا للبيت):- عرفتي راكي كرهتيه كاع فالشيكولا
 انا عندي يقين معمرو يعاود يدور بيها
ناديا:- هههه غي سكت بصح كان ضروري باش نقنطو ويخلينا نشوفو شغلنا 
ياسر:- لالالا الزينة اللي جبتيلي بيها ميبقاش مين قلتليو الشرطة في خدمة الشعب
قتلتيني بيها ههههه
ناديا:- ههه حسيت بيه تمنى لو كان مولاش شرطي وكره خدمتو وماشي بعيد
يطلب استقالة عما قريب
ياسر:- هذا مما لا شك فيه مي برافو عليك تقنتي دورك بالبيان كاع
ناديا:- احم باش متستهينوش بيا مرة تانية 
ياسر:- طبعا وهو احنا نقدر  هه



يتبع..

أجزاء القصة
كايتنشرو القصص و الاجزاء كل يوم ابتداءا من 8 دالعشية بتوقيت المغرب
9isas maghribiya bdarija قصص مغربية بالدارجة قصص و روايات بالدارجة المغربية