قطع معاه و رجع عيط على لينا تجبد و بقا كايهضر معاها ابييل فيديو حتى شدها النعاس و خلاتو .. ناض شعل التلفازة و تجبد فالصالون العصري ديالو و بقا كايتفرج حتى داتو عينو .
صبح الصباح و حيتاش ماخدامش صبح ناعس حتى كايسمع دقان مجهد فالباب .. ناض مقلوب بالنعاس ، قلب بورطابلو لقاها لحداش ديال النهار .. تجهد الدقان فالباب و ناض طالع ليه الدم لابس سروال ديال لكيطمة و لفوق تيشورت بيض مزير عليه و عينيه مجبدين بالنعاس ... حل لباب زعفان حتى كايتصادف مع لبوليس واقفين عند لباب
يونس: السلام عليكم
بوليسي1: دار يونس الهلالي
يونس: اه هي هادي
بوليسي2: نتا هو !
يونس: اه انا
بوليسي1: زيد معانا للكوميساريا كاينة شكاية ضدك
يونس:(بصدمة)اشمن شكاية
بوليسي2: (شد من يدو) حتى لكوميساريا و غادي تعرف
كيف عادتها جالسة فالخدمة لابسة سروال ديال توب طاي هوت اسود و شوميزة فالبلو سيال خاشياها فيه و معلقة مونطو فالأسود على كورسيها فرجليها صباط اسود طالون عالي ... جامعة شعرها على شكل كعكة خاشيا راسها فالبيسي و كل شوية تطل على تيلي تشوف واش حل ولا لااا ... لحق وقت غداها و ناضت جمعات مسائلها فصاكها الأسود و خرجات لقات معاذ كايتسناها بطوموبيلتو الجديدة من نوع اودي فالأسود ... كلاكسونا ليها و جات عندو حلات لباب و دخلات سلمات عليه و ديمارا لدار ... وصلو هبطو و دخلو لقاو لغدا قريب يتحط ... مشا معاذ الصلا الظهر و رجع تجمعو على طبسيل ديال الدواز كأي أسرة مغربية ... بدا كايصوني تيلي ديال معاذ جبدو من جيبو و فمو عامر بالماكلة و جاوب
معاذ: الوو ... وي علاش .... ااااو ... ايمتا ... و شكون معاه ... لا خاصها تعرف ... قولها لمو ... واه اصاحبي الا ماوقفناش معاه شكون غايوقف معاه ... واش غير ضلم ! ... بفففف وحلة هادي و شمن وحلة لمهم من بعد و نهضرو حتى ندوز عندك
قطع المكالمة و تنهد .. حط تيلي و هز راسو فيهوم لقاهوم كايشوفو فيه
لينا: اش واقع
معاذ: تغداي و نقوليكوم
كملو غداهوم و تجمعات الطبلة و جلسو فالصالون كاملين كايتسناو الهضرة لي غايقول معاذ
لينا: اوا سربي قووول
معاذ: اش غانقوول !! يونس شدوه
لينا:(ضربات جنابها) اويلي
عزيز: اش وقع ! علاش تشد
معاذ: شي وحدة شكات بيه الضرب و الجرح و الإهانة و الشتم
لينا:(بصدمة)يونس مايديرش هادشي
السعدية: و شكون لي شاكي بييه
معاذ: شي وحدة سميتها إيمان
غير سمعات لينا إسم إيمان و تجمدات فبلاصتها بحال الا تخوا عليها ما بارد حلقها جف و عينيها خرجو ماصدقاتش و الاف الافكار فراسها زعما يونس مشا شافها ! واش عندو باقي علاقة بيها ! علاش يمشي يضربها !
بقاو كايهضرو و يناقشو لموضوع و لينا مرفوعة قلبها مزير عليها تلفات مابقاتش عارفة ماتدير
معاذ: انا براسي مافاهمش غانمشي عند أمين و نهضر معاه و يشرح ليا
عزيز: انا غانعيط على شي معارف يتدخلو ليه
معاذ: وا موصيبة تسلطات علينا
لينا: (فاقت من سهوتها) فين غادي
معاذ: غادي عند أمين
لينا: غادا معاك
معاذ: سيري لخدمتك و رجعي لدار حتى نحلو هاد لموشكيل
عزيز: خليها تمشي معاك
معاذ: اووفففف يالاه زيدي
سبقاتو معصبة كاتلعب بصبعانها و متوترة خايفة على يونس و فنفس لوقت خايفة يكون بصح مشا عندها ... ركبو فلوطو و شدو الطريق لدار أمين
لينا: واش غايحكمو عليه
معاذ:(شاف فيها) ماتخافيش غادي يخرج غانشوفو ليه محامي يخرجو
لينا: و الى تبتات عليه
معاذ: ضاروري مايتفك ضاروري ... راه خاصو يتفك (كايحاول يتلفها) شنو نديرو عرس بلا عريس ... خاصو يجي يدي عروستو علينا راه طلعتي لينا فالراس
لينا: بزز منو
معاذ: يكون خير يكون خير
وصل حدا دار أمين و هبطو مشات لينا كاتجري دقات و تحل لباب لقات أمين واقف و رانيا كاتبكي و معاها راوية حتى هي كاتنوح و تبكي و حسن و مراتو رقية دخلات و دخل موراها معاذ و لقا السلام حتى شافو فيهوم كاملين ... لينا مامسوقة لحد همها كولو غير يونس ، جلسات فالصالون الصغير و جلس حداها معاذ و عينيه فراوية لي كاتبكي مقنتة
أمين:(جلس) وا رانيا راه ماقاع فيه والو لاش لبكا
رانيا: راه خويا هاداك لي مشدود مسكين فالحبس ظلما 😭 الى مابكيت عليه شكون غايبكي (كاتمسح الدموع)
معاذ: عاود ليا اش وقع
أمين: يالاه دخلت من لخدمة لقيت رانيا كاتهضر فتيليفون كاتبكي ... خديت ليها تيليفون لقيتو يونس و شرح ليا اش واقع ... شي وحدة شكات بيه بلي سبها و ضربها غرقاتو تهم نيييت و ليوم جاو داوه لكوميساريا فتحو المحضر و دارو معاه التحقيق قاليهوم بلي بقا غير فالدار ما شافو حد و لوخرا عندها الشهود واحد صاحبتها شهدات معاها زائد الشواهد الطبيبة
معاذ: ايمتا وقع هادشي !!
أمين: لبارح فليل
لينا: تسنا لبارح فالليل كان كايدوي معايا
أمين:(تقاد فالجلسة) معاياش
جبدات تيلي ديالها لقات بلي عيط عليها مع ديك التمنية بقينا كانهضرو تال التمنية و ربع طرا موشكيل و قطعت عليه و بقا كايعيط عليا حتال التمنية و نص و مادويناش باقي حتى وصلني من عندو ميساج فالعشرة قل تولوت و بقينا كانهضرو
أمين: هي والو
لينا: علااش
أمين: ديك لبنت قالت ليهوم بلي مع ديك التسعود ضربها يعني فديك ساعة لي غبر كاينة إن تما
رانيا: خويا مايديرهاش فهمتييييي 😭😭
معاذ: بفففف وا دابا اش نديرو
أمين: غانمشي أنا و حسن و خالتي راوية لعندو
لينا:غانمشي حتى انا
معاذ: تكمشي نتي ماعندك فين تمشي
لينا: راه خطيبي هاداك ا معاذ مانقدرش مانوقفش معاه فهاد المحنة فهمتي غانهضر مع بابا
معاذ: اوا على هاد لحساب حتى انا غانمشي
راوية: الله يا ميمتي يا وليدي فين تلات بيك الأياااام فالحباسات يا وليدي (كاتضرب فصدرها و تبكي بحرقة) راضية عليك دنيا و اخرة غير رجع ليا
بقات كاتبكي و تشهق بحرقة و رانيا معنقاها من جهة مخشية فيها كاتبكي حتى هي ... شداتها لينا لبكية و ماحساتش بدموعها حتى لقاتهوم فوق خدها كايحرقوها .. وبلا هواها ناضت عند راوية جلسات حداها كاتبكي و تخشات فيها عنقاتها و بادلاتها راوية العناق لأنها شمات فيها ريحة ولدها نوعا ما
بقا أمين و معاذ كايتبادلو النظرات معجبين فراوية و لينا ... دار أمين إشارة لمعاذ باش يتبعو و ناضو بجوج مشاو لبيت وحداخور جلسو فيه
أمين: واش بصح غادي تمشي معانا !
معاذ: وا غير قلت هاكداك قدام لينا و صافي هي براسها ماغانخليهاش
أمين: وا غير خليها ا صاحبي ماتعرف تتقاد امورها مع خالتي راوية بسباب هاد المشكل
معاذ: وا ماجاتش ا صاحبي
أمين: علاش حتى ماجاتش ياك مخطوبين و طالبها للحلال و دخل من لباب ماشي من الشرجم هو براسو غادي يسول عليها غايبغيها توقف معاه كيفما غايوقف معاها الى وقع شي موشكيل ... حط راسك بلاصتو و نتا مريم خطوبين غاتبغيها تجي ولا لا !
معاذ: اوووففففف خفتها تنوضها مع مو تما و يصدقو م*****
أمين: حنا معاها ا صاحبي غير هضر مع عمي عزيز راه غدا غانمشيو
معاذ: يكون خير يكون خير (قلب الساعة) لمهم خاصني نحط لينا فالخدمة و ندوز لخدمتي
أمين: بيناتنا تيلي
مشا معاذ لصالون فين جالسة لينا نوضها و الدموع غير هابطين من عينها ... خرجو برا و ركبو فطوموبيل و ديمارا
معاذ: وا ناري درتو على السيد جنازة
لينا: غادي نمشي عندو 😭
معاذ: وا صافي نهضرو مع لواليد و نشوفو اش نديرو لمهم نتي عمري ليوم فالعشية ايام لكونجي لي بغيتي خودي جوج سيمانات حيتاش غادي يزربو على داكشي و سيمانة جاية غادي تكون لجلسة لولا
لينا: واخا صافي 😟
معاذ:(بلاصة لوطو) مسحي وجهك من الدموع و سيري لخدمتك
خدات كلينيكس مسحات دموعها و خرجات مشات لخدمتها طلبات ليهوم كونجي ... جالسة فالبيرو غير لجسد لي كاين العقل مشا مع يونس ... الوقت كايدوز بشوية كل شوية تهز عينها فالساعة تلقاها يالاه تزادت بخمسة دقاقيق ماوصلات الخمسة حتى قربات تموت ... وصلها ميساج من خوها كايعلمها بلي هو برا خرجات عندو ركبات فلوطو و ديمارا فاتجاه الداار
لينا: هضرتي مع بابا
معاذ: هضرت معاه فلول مابغاش مي قنعتو و وافق فالأخير
لينا: اوا الحمد لله
معاذ: لمهم رضي لبال من موو و غاتبقاي معايا ولا مع أمين اطونسيون
لينا: واخا صافي
وصلو لدار دخلات ماهضرات مع حد مشات نيشان لبيتها جمعات لحوايج لي غادي تحتاج و عقلها مامعاهاش .. وجدات لفاليز و حطاتها و بدلات حوايجها تخشات فبلاصتها كاتقرا ميساجاتهم و تبكي مامتيقاش بلي يونس يدخل لحبس و يخليها معلقة و هو كان معيشها فأحلام وردية خلاها تتعلق بيه لدرجة ماكاتصورش و عرسهم قرب كيفاش غاتقدر تعيش بلا بيه و هي الا ماهضرش معاها نهار واحد كاتشدها الغمة .. سمعات الدقان فالباب ماجاوباتش و بقات فبلاصتها مكمشة و جهها عامر دموع و النيف العينين و الخدود حمرين ... دخلات امها للبيت لابسة بيجامة بسروالها من القطن سخونة و دايرة زيف حياتي لراسها ... قربات من بنتها عرفاتها كاتبكي ... جلسات حداها و بدات كاتدوز يديها عليها كاتحاول تكالميها ... بقات فيها بنتها حسات بيها الشخص لي غادي تتزوج بيه محبوس فمدينة وحداخرا ماعارفين واش ضلما ولا يستاهل
السعدية: غادي يخرج براءة و غادي يرجع و غادي تتزوجو و تعيشي معاه
لينا:(من تحت لمانطة كاتبكي) و الى ماخرجش
السعدية: غادي يخرج ان شاء اللّٰه تفائلي ابنتي وا صافي باراكة من لبكا و خرجي تاكلي شوية مني جيتي ماحطيتي النعمة ففمك
لينا: مافياش
السعدية: انا غادي نوكلك ... سمر ...سمر اجي لهنا
سمر: (من لبيت) اااااااش
السعدية: جيبي داك الطبسيل ديال سباكيتي مع فورشيطة
لينا: بلاش
السعدية: الى ماكليتيهش غادي نتقلق منك (جات سمر) اري
عطاتها الطبسيل و بزز باش خرجات لينا من تحت المانطة وجهها منفوخ بالبكا ... بدات كاتوكلها بزز منها و ترطب من هنا و تراضي من هنا حتى كملات الطبسيل دياال السباكيتي و رجعات تخشات ففراشها
السعدية: نعسي ا بنتي راه قاليا معاذ تابعاكوم الطريق غدا و غاتفيقو بكري
لينا: تصبحي على خير
السعدية: تصبحي على خير اللّٰه يوصلكم على خير (باستها فراسها و مشات)
صبح الصباح فاقو مع السبعة وجدات لينا راسها و خرجات جلسات فطوموبيلة ديال خوها مبوقة بالنعاس... حط لي فاليز فالكوفر و جلس حداها و ديمارا لوطو ... تلاقاو مع أمين لقاوه جاب معا رانيا و راوية و حسن و كملو طريقهوم باتجاه كازا ... طريق كولها و لينا ناعسة كاتفيق تهبط فشي استراحة و ترجع تنعس ... وصلو لكازا مع السبعة ديال العشية بدا الضلام كايطيح و الشتا خيط من السماء ... توجهو لدار يونس حيتاش تما فين غادي يجلسو .. بلاصاو طوموبيلات حدا عمارة نقية .. هبطو و جرو لي فاليز ديالهوم و سبقات راوية حلات لباب ديال لعمارة و دخلو
لينا:(بهمس) ماكاينش العساس
أمين: لا الجيران متافقين بيناتهوم و مايحتاجوش عساس
شعلو الضو و طلعو حتال الإطاج الثاني و سبقات راوية حلات باب دار بالقهوي كبير ... دخلو لدار و شعلات الضو و بان ديكورها ، شكلها زويين مع الدخلة كاين كولوار طويل شوية كاتزيد شوية كاتلقا بيت فالجهة ليسرى فيه سدادر و زربية و بلازما صغيرة و طابلة صغيرة و فالجهة اليمنى كاينة طواليط عصرية مع الدوش معزول بوحدو نقي و فيه ريحة زوينة و الى زدتي كاتلقا مراح كبير داير فيه فوطويات جليسة زوينة و بيت النعاس فالجهة اليسرى مفرش بالأسود و الأبيض و فيه بلاكار كبير اسود شكلو زوين مضلم و غامض و غالبة فيه ريحة يونس ... مقابل مع لباب صالون كبير مفرش على حقو و طريقو سدادر بالعود و بالكوانات ديولهوم و بلازما كبيرة معلقة فالحيط و بلاصة يونس باقة مرونة كيفما خلاها ... شافتها لينا و عرفاتو تما فين كان مجبد كايهضر معاها غير من لون المخاد لي كان فالقهوي و الباج ... بورطابلو باقي محطوط فالبلاصة فين كان ناعس لصالون باقي مرون ... تنهدات بحرقة و مشات لكوزينة كانت فالجهة اليمنى من المراح كوزينة صغيرة نوعا ما .. فيها مواعين كتار و بوطة لاصقة فالبوطاجي و تلاجة كبيرة فالرمادي .. هزات كاس ديال الما و شرباتو و رجعات عندهوم لقاتهوم جالسين فالصالون كل واحد فين ساهي
راوية:(بصوت حزين) غدا غانزوروه !
أمين: اه اخالتي .سي عزيز هضر مع واحد صاحبو تدخل و خلانا غدا نشوفوه
راوية: باقي فالكوميساريا!
أمين:(كايلعب بسوارت طوموبيل) لا زربو على داكشي ديالو و حولوه لواحد لحبس حتى لوقت لجلسة و لكن غادي نشوفو كيف نديرو حتى نخليوه يكون مع ناس مزيانين فالحبس حتى تسالي هاد سيمانة بعدا
راوية:(بحرقة) يكون خير يكون خير
معاذ: انا و لينا غانمشي نجيب لينا ماناكلو
لينا: مافيا لي يمشي عييت
أمين: (غمزو) صافي انا غادي معاك
حسن: غير سيرو نتوما انا معاهوم
معاذ: سي حسن اجي معانا واحد الدقيقة
خرجو لمراح بتلاتة و ووقفو
معاذ: سي حسن نتا عارف المشكل لي واقع مابين ختي و خالتي راوية الى خليناهوم بجوج بحال الى خلينا ليسونس مع العافية
حسن: ماتخافش انا كاين و لينا بحال ختي الصغيرة غير توكلو على الله
أمين: ماضنيتش يدابزو همهم هو يونس يخرج من لحبس خليها فيد الله و يالاه عندي مانقوليك
معاذ: (تنهد) واخا واخا ... سي حسن رض لبال
حسن: كون هاني
رجع حسن لصالون و خرج أمين مع معاذ لبرا غاديين كايقلبو على شي حانوت ولا شي سناك
معاذ: اش باغي تقول !!
أمين: عرفتي صاحبي عبد المنعم
معاذ: وي عرفتو مالو !
أمين: كايعرف وكيل لملك و بغا يتدخل فاش قلت ليه اش واقع ... غادي غير يقوليهوم يحيدوه من حدا الشماكرية و لبزنازة و القتالة يحطوه مع ناس نقيين غير حتى تدوز سيمانة
معاذ: اوا راه مزيانة قوليه غير يتدخل
أمين: لموشكيلة فيونس
معاذ: مالو
أمين: ماكايحملش عبد المنعم على حساب لينا
معاذ: شوف غير قوليه يتدخل الى قالك شي حاجة قوليه معاذ لي هضر مع منعم صافي
أمين: على مولانا
صبح الصباح مضبب و مشتوي خرجو كاملين من لعمارة توجهو لطوموبيل و ديماراو فإتجاه الحبس لي حاطين فيه يونس حتال وقت لمحاكمة ... بعد مسافة الطريق وصلو ليه و بلاصاو طوموبيلات و هبطو ... تقدم معاذ هضر مع لعساس و حل ليهوم لباب دخلو .. بعد جميع الإجراءات دخلو لبيرو ديال مدير السجن .. سلم عليه معاذ و أمين و قاليه شكون صيفطو و دخلو
مدير السجن: شوية و غادي يكون هنايا
أمين: شكرا بزااف حيتاش تدخلتي
مدير السجن: ماشي موشكيل سي عزيز صديق قديم من ايام الدراسة و الى ماعاونتو دابا ايمتا غانعاونو
معاذ: شكرا .. غير هو دابا يونس ماجاتش يكون مع القتالة و البزنازة مايمكنش ليكوم تعزلوه
مدير السجن: ماعندي ماندير فهادي حيتاش غاينوض الصداع و غايقولو علاش و كيفاش (سمعو الدقان) ادخل
تحل لباب و بان شرطي شاد يونس من يديه دايرين ليه لمونوط باقي لابس سيرفيط باين الهم و الحزن على وجهو ... هز راسو بانت ليه راوية و رانيا و حسن و أمين و معاذ و غير تحطات عينو على لينا و تيبس مابغاهاش تشوفو فهاد لحالة بحال شي مجرم خاف يطيح من عينها و ماتبقاش باغاه .. دخل عندهوم حيدو ليه لمونوط و خرج الشرطي و مدير السجن خلاوهوم بوحدهوم و ناضت راوية عنقات ولدها و الدموع هابطين من عينها
راوية: الله يا ولدي اللّٰه 😭😭 ماشي بلاصتك هادي اولدي 😭😭
بقا شحال كايعنق و يبوس فيهوم حتى بردو من لبكا و جلسو جا خوه تسالم معاه و أمين و معاذ كذلك بقات غير لينا لي جالسة مكمشة جامعة يديها الدمعة فطرف عينها الشخص لي كاتبغيه و ناوية تكمل معاه حياتها و اكتر من شهر ماشافتوش واقف قدامها و ماقادرة تدير والو ... قرب منها و مد يديه بعيون مليئة بالحزن شاف فيها ، سلمات عليه و شافت فيه و دغيا حدرات راسها ... تنهد و جلس حدا راوية
أمين: وا زربو عليك ا صاحبي دغيا سدو المحضر
يونس: كاينة إن تما ... رشوة صحيحة هادي
معاذ: داك النهار فين كنتي بالضبط
يونس: كنت خدام ساليت لخدمة رجعت لدار تغديت ونعست حتال العشية عاد فقت (شاف فلينا) هضرت مع لينا و بقيت غير فالدار
أمين: من بعدما هضرتي مع لينا ديك ساعة لي كنتي غابر فيها فين كنتي !!
يونس: كنت معصب و بقيت غير فالدار ماكانش عندي مورال باش نخرج
راوية:(دوزات يديها على راسو) الله يفرشك بالرضا و يغطيك بالرضا ... غادي تخرج من هنا ربي ماكايبغيش الضلم و غادي يشوف من حالك
أمين: خاصنا نتحركو باش نشوفو شي محامي يالاه يالاه
وقفو كاملين و لينا ضاربة الطم حادرة راسها كاتلعب بصبعانها و قلبها كايضرب بجهد .. تسالمو معاه و جات النوبة فلينا سلم عليها باليد و شد فيها و قال
يونس: خويا معاذ عافاك نهضر مع لينا واحد الشوية على انفراد
معاذ: واخا هاحنا برا
خرجو كاملين و بقات لينا مع يونس فالبيرو شاد فيديها و كايتفحصها بعينيه و هي حادرة راسها ماقادراش تشوف فيه
يونس:(بحزن) لينا تيقي بيا و الله ماقربت ليها ... هزي راسك شوفي فيا راه توحشتك
هز ليها راسها بيديه و تلاقاو عيونهم ... هز يديه حطها على خدودها و قرب منها باسها فجبهتها
يونس: توحشتك ا نوارتي توحشتك بزاااف
سمعات هضرتو و زادت تزيرات اكتر وجهها ولا حمر معصور و الدموع علاين يهبطو و قلبها كايخبط بجهد و السخفة شاداها
يونس: سمعيني صوتك ا حبيبتي قولي اي حاجة ماتبقاش ساكتة
ماجاوباتوش و هز ليها راسها بيديه تاني و شاف عينيها كايتغرغرو بالدموع و شاف فيها بحزن
يونس: ماتبكيش ا حبيبة غادي نخرج براءة ان شاء اللّٰه و غادي نتزوجو و كاع داكشي لي واعدتك بيه غادي نديرو ليك
طاحو دموعها و بقات كاتشوفيه بحزن و هو كايحاول يجمع الأمل ديالو بالخروج من نضراتها و حبو ليها
يونس: دابا لاش لبكا احبيبة (مسح دموعها) غادي نخرج غير تيقي فيا انا مادرت والو من نهار خرجات من لفيلا فإيفران مابقيتش شفتها
تلاحت عليه عنقاتو كاتبكي فصمت و كاتشهق .. كاتخشي راسها فعنقو كأنها كاتلقب على ملجأ آمن اما هو فكان محاوطها بيديه و راسو فعنقها كايشم ريحتها و ريحة شعرها
لينا: (كاتشهق) تايقة فيك تايقة فييك ماتقدرش تديرها .. و غادي تخرج غادي نعاونك ماغانخليكش هنايا 😭
ابتاسم يونس و زاد عنقها اكتر كأن الأمل ديالو فالحياة رجع ليه ... خشا وجهو فودنها و همس
يونس: كانبغييييك و غادي نتزوج بيك واخا تكون اخر حاجة غانديرها فحياتي هادا وعد مني
لينا: و حتا انا غادي نتسناك حياتي كلها 😢
يونس: ديك كانبغيك باقي ماغاديش تقوليها ليا هم ! معدباني على قبلها (خرج راسو من عنقها و شاف فيها) توحشتك ا نوارة قلبي عرفتي دابا رجعات فيا شوية ديال الروح فاش شفتك (باسها فشفافها) توحشت نبوسك توحشت نشم ريحتك توحشت نشوف عيوناتك لخضرين (هزها و بدا كايضور بيها) كانبغيك و كانتسطا عليييك
حطها و شد وجهها بين يديه بدا كايطبع قبل متفرقة على وجهها و الفرحة باينة على وجهو
يونس: ماتتصوريش قداش فرحت فاش شفتك و عرفت بلي ماواخداش عليا نضرة خايبة
لينا: علاش ناخد عليك نضرة خايبة( حطات يديها على لحيتو) مادرتيش شي حاجة تحشم عليها و مازال غادي تفرش هاد إيمان و غادي نضرب ليها شي ترييشة عالمية
يونس: ههههههههه اححح ا قلبي على حبيبتي ... قلبي ختار و عرف اش ختار
لينا: (ابتاسمات بخجل) خاصني نمشي
يونس: سخيتي بيا ا حبيبة صافي !
لينا: وا راه كايتسناوني
يونس: عطيني بيزو
لينا: ضاروري !!
يونس:(حط يديه على خصرها) اوا باش نقدر نكمل هاد 5 جووغ لي باقة ليا هنايا يالاه عطيني بيزو
قربات منو لينا بخجل و طبعات قبلة على خدو خلات بيها العكر لاسق
يونس: عرفتي قبيلة دقت داك لعكر لي دايرة و بنيييين قربي ندوقو تاني
لينا: غادي تعطلني و خويا برااا الى دخل علينا
يونس: اجي هنايا يالاه
جرها لكوان ماكايبانش شكون فيه الا تحل لباب ... تكاها على لحيط و حاصرها دوز يد على خصرها و الثانية على الرقبة ديالها ..تبت النظر ديالو على شفايفها بعيون ذابلة بقا كايشوف فيهوم و كايقرب بشوية حتى تخالطت الأنفاس ديالهوم و حط شفافو على ديولها و دخلو فقبلة فرنسية رومانسية .. غمض عينيه و حتى هي غمضاتهم و خلاو احاسيسهم كايتحكمو فالقبلة ... كايبوسها بكل حنان و رومانسية و حتى هي نفس الشيء كايحاولو يشبعو الشوق ديالهوم من خلال هاد لقبلة لي طولات ... حس براسو بدا كايسخن و بعد منها كاينهج صدرو كايطلع و يهبط و عينيه مغمضين ووجهو حمر .. حل عينيه وشاف فيها فيها لقا خدودها حومر و ودنيها كذلك و عينيها كاتضور فيهوم بخجل
يونس: الله يخلي ليا هاد الضحيكة (مسح ليها حدا شفايفها) نحيدو هاد لعكر من هنايا باش مايعيقش معاذ
لينا: لصق فيك لعكر
يونس: مسحيه ليا عافاك ... ماقادينش على فضيحة مع خوك 😉
قربات منو و بدات كاتمسح ليه حدا شفافو بجانب الموسطاش و اللحية و فنفس الوقت كاتأملهوم و كاتدوز يديها عليهوم بحنان ... حس بلمساتها و سكت ماقال والو خلاها على راحتها و عينيه متابعينها بإعجاب و حب ... حط يديه على خصرها كايدوزها بشوية و حنان حتى حس براسو بدا كايسخن موطورو تاني و حيد يديه و همس فودنها
يونس: حبيبة راني سخووون بلا ماتكملي عليا
تزنكات و فنفس الوقت شداتها الضحكة ... حيدات يديها من على وجهو و شافت فيه
لينا: تهلا فراسك
يونس:(باسها فكفوفها) تهلاي حتى نتي فراسك و الى قالت ليك لواليدة شي حاجة ماتديهاش فيها و خليها كاتهضر اوك!
لينا: واخا صافي
يونس:(باسها فشفافها) يالاه سيري عند خوك
بعدات من حداه واخا ماساخياش تبعد منو فكل خطوة كاتديرها بعيدة عليه كاتحس بقلبها كايضرها ... حلات لباب و ضورات وجهها بتاسمات ليه و دارت ليه باي باي و مشات اما هو فمكانش اقل منها حتى هو ماباغيش يبعد من حداها و بغاها تبقا معاه و لكن الظروف ماكاتسمحش ليهوم ... دخل عندو الشرطي دار ليه المونوط و خرجو من لبيرو بإتجاه الزنزانة ديالو
رجعو لدار و مشاو الرجال عند محامي باش يتكلف بالقضية يوم ورا يوم و المحامي كايقلبو و الدراري كذلك مالقاوش حتى خيط لي يقدر يفك يونس حيتاش فاش لعبتها إيمان عرفات كيفاش تلعبها عليه ... لا كاميرات لا عساس لا حوانت كولشي كايشهد ضد يونس و لكن لينا ماستسلماتش و الصدق لي شافتو فعيون يونس ماتقدرش تكدبو و كيف كل يوم هزات مذكرة و ستيلو و هبطات عند الجيران لي باقي ماسولاتهمش و كل يوم فهاد الأربعة لي دازو كاتدق و ماكايخرج ليها حد ... دقات لعل و عسى يخرج شي واحد و لحسن الحظ خرجات امرأة فالثلاثينات لابسة بيجامة و جامعة شعرها بقراسة شافت فيها
لينا: السلام عليكم ا لالة
المرأة: و عليكم السلام !
لينا:سمحي ليا غادي نبرزطك
المرأة: اش حب الخاطر
لينا: بغيت نسولك على شي حاجة على نهار التنين
المرأة: كيفاش اختي
لينا: كاتعرفي هاد الراجل لي ساكن فوق منكوم
المرأة: وي كانشوفو مرة مرة فالدروج
لينا: تشد فالحبس و هو بريء و كانقلبو على دليل براءتو داكشي علاش بغيت نسولك
المرأة: مسكييين ماعمرنا ماشفنا منو لعيب داخل سوق ا راسو ... نتي المحامية ديالو
لينا: انا خطيبتو
المرأة: دخلي دخلي
دخلات لينا لدار و داتها لصالون جلسات جابت ليها عصير و جلسات معاها
لينا: قولي ليا عافاك نهار التنين واش بان ليك يونس خارج من لعمارة
المرأة: لا مابانش ليا خرج اصلا انا بقيت فالدار الوغ ماشفتوش واش خرج ولا ماخرجش
لينا: اوكي فليل من 8:30 حتال 9:30 شفتي يونس فالعمارة
المرأة: ماعقلتش اختي و الله ... صلاااااااح صلاااااااح
صلاح:(من غرفة تانية) شنوووو
المرأة: اجي واحد الدقيقة
صلاح: صبري هاني جاي
خرج من غرفة اخرى رجل و جا لصالون لقا مراتو مع لينا
صلاح: إكرام ماقلتيش ليا بلي عندك الضياف
إكرام: هادي خطيبة الراجل لي ساكن فوق منا مسكين شدوه و مادار والو و كاتقلب على دليل براءتو
صلاح: اوا الله يخرجو على خير
إكرام: نهار التنين من 8:30 تال 9:30 بان ليك هاد الراجل خارج
صلاح:(ربع يديه) نسيتي نهار تنين ياك خرجتيني من الدار ماخليتينيش نتفرج فالماتش على حساب المسلسل ديالك
إكرام: ايييييه ياك نهار التنين كنت كانصبن
صلاح: اه كنتي دايرة لماكينة و شادة التلفازة
إكرام: تسنا تسنا (غمضات عينيها كاتفكر) المسلسل ديالي كايبدا مع 8 و كايسالي مع 9 و تاني ف 9 كايبدا المسلسل لي موراه و داك النهار ماتفرجتش مزيان حيتاش بقيت غادة جاية
صلاح: فين غادة جاية !
إكرام:(بصدمة) صافي صافي تفكرت
خرجات لينا من الدار و الفرحة باينة على وجهها ... عيطات على معاذ و بسرعة هبط عندها ركبو فلوطو و داها عند المحامي.
توالت الأيام بسرعة و جا نهار الجلسة ..كولشي وجد و فاقو بكري لبسو و تقادو الخبار فراس لينا و معاذ فقط ... ركبو فلوطو و توجهو للمحكمه الإبتدائية ... لحق وقت لجلسة و دخلو شدو بلايصهوم و المحامي جا و يونس حتا هو جالس و كل شوية يضور يشوف لينا كايطمأنها بعينيه واخا براسو خاصو لي يطمأنو ... جات إيمان كاع مضروبة مgبصة يديها و معاها صاحبتها و محامي جلسو فالجهة المعاكسة و لينا كاتشوف فيها ماكرهاتش تطير عليها ... دخل القاضي و المستشارين و علنو على بداية لجلسة .. بقات لينا جالسة كاتضور فعينيها و كاتسمع الخطاب من هذا لهادا
لينا: (بهمس) معاذ دابا الى حكمو عليه شحال غاياخد فالمدة
معاذ: فحالتها دابا هي عندها عجز اكتر من 20 يوم يعني ماتقدرش تزاول نشاطاتها لأكتر من 20 يوم يعني يقدرو يحكمو عليه من عام تال 3 سنين و بغرامة من 200 حتال ألف درهم
لينا: اااااااي بنت لكلبة
جات الشاهدة صاحبة إيمان ... عطاتهوم شهادتها و ناداو على الشاهدة لي من طرف يونس ... دخلات و تصدمات إيمان بقات غير كاتضور فعينيها ماتوقعاتش تكون عندو شاهدة ... عطاتهوم المعلومات عليها و حلفات اليمين
إكرام: نهار تنين لي فات مع ديك لوقت انا شفت هاد السيد فالسطاح
المحامي: كيفاش فالسطاح ! شرحي اكثر
إكرام: كنت دايرة الحوايج كايتصبنو حيتاش كنت غادي نسافر انا وراجلي و فاش طلعت ننشر لقيتو فالصطاح واقف تما و ماقدرتش ننشرر لحوايج و هو كاين و بقيت غادة جاية كل شوية طالعة هابطة حتى مشا عاد نشرت
المحامي: و لوقت لي كان فيها هادشي معاياش تقريبا !
إكرام: مع 8:30 تقريبا حيتاش دارو الإشهار و طلعت لسطاح و لقيتو
المحامي: كيفاش إشهار !! وضحي كلامك
إكرام: ا سيدي كانتفرج فمسلسل يوميا كايديروه و عندهوم تلاتة ديال الإشهارات واحد مع 8:15 و الثاني مع 8:30 و الثالت مع 8:50 و فكاع هاد الإشهارات نضت طلعت لسطاح باش مانفلتش عليا لحلقة
المحامي: و لكن واش من 9 تال 9:90 شفتيه فيها !!
إكرام: اااه حيتاش متبعة مسلسل وحداخور كايبدا مع 9 و حتى هو نفس الطريقة فالإشهار و فكل إشهار كنت كانطلع نشوف واش مشا ولا باقي حتال ديك 9 و نص ولا لعشرة قل تولوت عاد لقيت الصطاح خاوي و نشرت
بقا القاضي كايشوف و كايحاول يربط الأحداث فبالو و ضور وجهو جيهة المستشارين و رجع شاف فيها و وجه ليها الكلام
القاضي: متأكدة بلي شفتي هاد الشخص
إكرام: اه متأكدة راه كاين الضو فالصطاح و هو كان شاعلو و شفتو واقف ساهي
المحامي: ماعنديش أسئلة ثانية سيدي القاضي ... كيفما سمعتو المتهم يونس الهلالي لم يغادر المكان القاطن به البتة و بالتالي مايقدرش يتعدى على الضحية و الدليل قاااطع سيدي القاضي
بقات إيمان غير كاتضور فعينيها مصدومة و قلبها كايضرب دليل براءتو بان و الكدوب حبلو قصير اما لينا و عائلتو فالجهة الثانية فكانو مرتاحيين نسبيا و لكن كولشي كايبقا للحكم ... خداو المتشارين و القاضي وقت للتفكير للحكم حيتاش قضية بسيطة ماتحتاجش جلسة ثانية و بسباب تدخل عبد المنعم القاضي داير حسابو و مراجع حساباتو مزياان ... جا وقت النطق بالحكم و جلس القاضي مع المستشارين ديالو
القاضي: حكمت المحكمة على المتهم يونس الهلالي بالبراااءة لعدم توفر أدلة كافية تدينه
تسمعات الزغاريت فقاعة المحكمة جاية من جيهة راوية لي غادي تطير بالفرحة و يونس ضار كايشوف فيهوم و الفرحة على وجهو تهنا من حمل كبيير واخا كان كايتضاهر بالقوة قدامهم و لكن هادشي كان غير باش مايخليهومش يتشوشو عليه ولا يرفدو ليه الهم كتر ماهوما رافدينو ... خرجات إيمان بسرعة و صاحبتها معاها خافو لايحصلو و يصدقو هوما لي مشدودين.
كملو الإجراءات و رجع معاهوم يونس لدار بعد يوم من لمحاكمة ... فاقت راوية بكري داك النهار و غير كاتضحك وجدات الدجاج محمر بالدغميرة كيفما كايبغيه يونس .. لحق وقت لغدا و جا مع الدراري ناشطين و المحامي معاهوم ... دخلو جلسو شي كايتاسالم مع شي فرحانين الحلوة و اتاي و العواصر فوق الطبلة و ريحة الدجاج مالية المكان و يونس جالس لابس سروال اسود مع تريكو ديال صوف رمادي و حداه معاذ و من الجهة الثانية المحامي و قدامهوم أمين و حسن و بداو كايتبادلو أطراف الحديث
معاذ: كولشي على باااك صاحبي ماشفتيهومش ولاو دايرين معاك كيف لبيضة و دغيا خرجتي
أمين: و لكن سمحو ليا كولشي على الشاهدة لي لقات لينا
يونس:(بدهشة) كيفاش مال لينا
أمين: مافخباركش !!! لينا هي السباب حتى لقات الشهادة
يونس: ماخباري والو
معاذ: اوا ا سيدي بدينا كانقلبو على الأدلة مالقينا والو ناضت لينا سولات الجيران واحد واحد حتى لقات ديك لمرا و سولاتهم و قالتها ليا انا و سي عبد الله (المحامي) و عطاتنا إفادتها و هضرنا معاها باش تشهد
يونس: (بإبتسامة) عيط ليا عافاك
معاذ: لينااااااا .... ليناااااااا
جات لينا من لكوزينة لابسة بيجامة بسروالها فالشيبي دايرة طابلية ديال لكوزينة فالأحمر و جامعة شعرها بقراسة و هازة مغرفة فيديها
يونس: اصلا ماكنتش غانقول شكرا ..شكرا غانصرفها بطريقة وحداخرا
لينا: دابا نشوفو ... شهدو عليه ا دراري
راوية: لينااااااااا واا ليناااااا اجي شوفي الدجاج
لينا: وا اخالتي تسناي
مشات لينا كاتجري رجعات لكوزينة عاوناتهوم و بقاو الدراري كايضحكو
يونس: لواليدة و لينا !!! كيفاش و ايمتا
حسن: اوا فاش عرفات بلي هي السباب حتى لقات لمرا حنات فيها و تصالحت معاها
يونس: عسى ان تكرهو شيئا و هو خير لكم
معاذ: وايييه ... دابا اش غاتدير مع إيمان
يونس: خليها منها ربي ماغاديش ندعيها و نبقاو مجرجين فالمحاكيم (حط صبعو على راسو) ماعندي فين تgيل الدبانة ... خاصني نرجع لخدمة يالاه نقاد معاهوم الضواسا سيمانة و الصرف مامشيتش و باقي تابعنا العرس اللهم تيقار
تجمعو على الطبلة و جابت رانيا شلاضة مشكلة بالخضر و طبسيل عامر مزوق شكلو زوين ... حطاتو و بداو كاياكلو فجو زوين و يونس مرة مرة يهز عينيه فلينا يشوف فيها و رجع يحدر راسو ياكل و يضحك كبرات فعينو اكتر و زاد بغاها اكتر و اكتر ... كملو الطبسيل ديال شلاضة و تحط الدجاج بدغميرتو ريحتو كاتشهيي طاح فيه يونس عما حيتاش كايموت على طياب موو و خصوصا الدجاج كايحماق عليه ...تهز الطبسيل و تحط الديسير كلاو منو غير شوية و تجمعات الطبلة و مشا لمحامي و بقاو مجمعين شوية و شدهوم النعاس ... راوية مشات نعسات فبيت نعاس ولدها معاها رانيا و حسن نعس فالصالون الصغير و بقا أمين و يونس و معاذ و لينا ... مشا أمين لصالون الصغير كايكمع فيه النعاس و بقا معاذ كايتفرج حداه ختو و يونس جالس كايضور فعينيه باغي يخرج مع لينا
معاذ: واخا و لكن رض ليها لبال ا يونس راه امانة مخليها ليا لوالييد
يونس: ماتخافش مع التمنية تمنية و نص نكونو فالدار .. نوضي بدلي باش نمشيو
مشات لينا كاتجري كاتمة فرحتها ... دخلات لبيت يونس بشوية حلات فاليزتها جبدات سروال جينز مع تريكو دياال التوب سخون أبيض سامبل هابط شوية على الترمة و مشطات شعرها و جمعاتو ذيل حصان و لبسات صبرديلة بيضة فرجليها و خلات وجهها خالي من لمكياج دارت غير ريحة فقط و خرجات من لبيت لقاتو جالس فالفوطوي باقي بحوايجو لبس عليه غير جاكيط كوير كحلة و صبرديلة كحلة و ريحتو عاطية و شعرو طالع
يونس: صافي واجدة
حركات راسها بالإيجاب و ناض سبقها حل لباب و خرجو من الدار و شد ليها فيدها و هبطو لتحت ..خرجو من باب لعمارة و مشاو لطوموبيلتو باقة فين خلاها واقفة ... ركبو بجوج و ديمارا بعد من لعمارة عاد بلاصاها و ضار شاف فيها
يونس: زينة لبنات ماتوحشتينيش
لينا: الصمممت
يونس: راه كاتبقاي طرطري طرطري و فاش كانوصلو لهاد اللحظة كاتسكتي قولي شي حاجة
لينا:(بصوت خافت) اش نقووول
يونس: قولي ليا كانبغيك بغيت نسمعها منك
لينا:(قلبات عينيها بخجل) ضاروري !!
يونس: وا قلبي بغا يسمعها مسكين ا نوارتي
لينا: الصمممت
يونس: مابغيتيش تقوليها ليا
لينا: الصمممت
يونس: واخا ا لالة انا نقولها كانبغيك ا خضرة لعيووون (شدها من يديها) لحد هاد الساعة كافيني انك كاتبينيها ليا احبيبة (باسها فيديها) الله يخليك ليا و خلاص
يونس: دابا لمك هضرتي ههههههه (جرها لعندو) واش نتي حمقة نغتاصب حبيبتي داكشي غادي ناخدو و نتي باغة و حتى بااك باغي و مك حتى هي و خوك حتى هو كولشي غايعرفني اش غادي ناكل لفريميجة
يونس:(باسها فراسها) انا لمك نغرقك حب و رومانسية و نتي غرقيني سبان و معيوور ...فين بغيتينا نمشيو
لينا: لكادو ديالي هو لول
يونس: ماكاتنسايش و لكن تستاهليه (ديمارا لوطو) دابا نمشيو نشريوه 😉
بعد مسافة الطريق وصلو محل كايبيع السيارات ديال كيا ... بلاصاو طوموبيل و هبطو شد ليها فيديها و على وجهو ابتسامة و غادة مافاهمة والو ... دخلو للمكان و بقاو كايدورو كايشوفو طوموبيلات كل طوموبيلة فشكل و لكن من نفس الماركة ... شافو تقريبا كاع السيارات مول المحل معاهوم كايشرح ليهوم كل سيارة و قوة المحرك ديالها و العجلات ديالها الى اخره ... شاف يونس فلينا و رجع شاف فطوموبيلات و شاف فيها كايفكر حتى توجه لسيارة حمراء كيا بيكانطو شكلها زوين ... طلع جهة السائق و قلبها من لداخل و خرج
يونس: طلعي
لينا: علاش !
يونس: وا طلعي و صافي
طلعات لينا جهة السائق و بقات جالسة كاتضور فعينيها عجباتها الطوموبيل و عجباتها الجلسة ديال السائق ... تحنا يونس و تكا على الشرجم و شافيها و قال
مشا يونس بقا كايهضر مع مول المحل و هي جالسة مافاهمة والو غير كاتضور فعينيها ... بعد وقت قصير رجع عندها يونس و حل ليها لباب و هبطات و شد ليها فيديها و شافيها و بابتاسمة قال
يونس: بصحتك ا حبيبة
لينا: علاياش !
يونس: طوموبيل المكلخة ديالي
لينا: هااااااا (خرجات عينيها)
يونس: هوووو ههههههه امالكي
لينا:(بدهشة) طوموبيلة على قدها غاتشريها ليا
يونس: تستاهلي ماكتر احبيبة
لينا: (عضات شفتها السفلية) و لكن غاتكون غالية
يونس: حتى حاجة ماتغلا عليك ا نوارتي راه نتي السباب حتى خرجت من لبنييقة واخا نشري ليك لي شريت داكشي مايتقدرش يتعوض
لينا: و لكن راه طوموبيل كتيرة بزااف مانقدرش نقبلها 😟
يونس:(طلع حجبانو) الا بغيتي تقليقيني منك ماتقبليهاش
لينا: وا راه كتيرة عليك عاد تابعك العرس
يونس: الحميميقة ديالي واش كايصحاب ليك انا داخل لزواج بجوج ريالات صافي راه داير الإحتياط ديالي و جامع لفلوس بنادم هو لي يكون قافز ماشي يبخل على راسو و فنفس الوقت مايصرفش نص نص و زيد عليها داير "دارت"مع صحابي غانشد فيها جوج ديال لمليون و داير وحداخرا فيها مليون زائد فلوس الصالير و العمارة لي كاريين غير هاديك تبارك الله كاتدخل ليا الصرف ... يعني بلا ماترفدي الهم للفلوس اصلا هادي شريتها ليك غير مني تشدي لبيرمي تطلقي فيها يديك و تتمرسي فيها من بعد نشري ليك شي وحداخرا دابا غاتقولي لاا غانكعا عليك
لينا:(بخجل) صافي واخا ماخليتي ليا مانقول
يونس:(باسها فيديها) اصلا انا تافقت مع السيد خلي حتال من بعد و نجي نقلبها مزيان و نتكاتبو انا وياه ... يالاه اجي
سلم على السيد من بعيد و خرجو بجوج مشاو ركبو فطوموبيل و ديمارا
يونس: فين نمشيو دابا !!
لينا: فينما بغيتي
يونس:(عين فيها عين فالطريق) نمشيو نلعبو لبولينغ !
لينا: لي بغيتي
يونس: دابا الربعة مازال لحال على التمنية نمشيو نقصرو شوية ديال البولينغ و نمشيو لميكاراما و نرجعو صافي ا زين ديالي !
لينا: لي بان ليك
يونس:(تنهد) لميييييمة مارجعي ليا ديك لينا الجعواقة لي كاتخرج عينيها و الله الا توحشتها ... تطلقي معايا شوية و نتي كل شوية كاتزنكي
لينا: انا هاكدا ا يونس
يونس: كاتجعوقي غير فاش كاندابزو صافي فاش كانكونو بيخير ماكاتجعوقيش و تخرجي فيا عينيك ... حيدي لحشمة راه انا خطيبك ماشي صاحبك قريب نتزوجو .. (بضحك) راه الا بقيتي هاكدا مور الزواج غادي نرجعك لخالتي السعدية
لينا:(عقدات حجبانها و ربعات يديها) رجعني دابا نييت (خرجات عينيها) اول صافييي انا هاكدا ماغاديش نتبدل بغات تمشي الحشمة راه غاتمشي منها لراسها الا مابغاتش ماعندي ماندير ليك
يونس: (ضحك حتى تغمضو عينيه) هههههههههههه و الله حتى خليتك تجعوقي
بقات لينا كاتشوف فيه و هو كايضحك سنانو مستفين مقاديين بيضين و فمو كايشهي فالبوسة و عينيه شبه مسدودين بالضحك و تفاحة آدم كاتطلع و تهبط و صدرو كذلك ... بقات كاتأمل فيه بإعجاب و ابتسامة على وجهها و بلا شعور قالت
لينا: ضحكتك زوينة 😄
ضار يونس و شافيها و إبتسامة ساحرة مزينة وجهو و قال
يونس: راه نتي كولك زوينة و انا ديجا قلت ليك و دابا غانعاودها تاني انا باغيك كيفما نتي بهبالك بعفويتك بقباحتك بضرافتك بلسانك الماضي بأفكارك الشيطانية بحنانك بذكائك و حتى بالحشمة لي فيك باغيك بهادشي كامل و مابغيت حتى حاجة تتبدل فيك راه غير كانبقا نشد فيك ا حبيبة (عين فالطريق عين فيها) و دابا ا الزين الا بقينا مقابليين غير الحب و الغرام غانصدقو مقلوبين هنايا (شد ليها فيديها و كايسوق يالثانية)
لينا: راك معذب ماكاتحكمش فالفيتاس مزيان
يونس: غير خليني انا بغيت نبقا شاد ليك فيديك
باس ليها يديها من الظهر و رجع كايسوق كايشوف فالطريق اما هي فالفرحة باينة فعيونها و غير كاتبتاسم عاجبها الحال و تبوريشة فشكل شاداها الجسم ديالها و هو كايزيد يكمل عليها مني كايدوز صبعو على يديها بنعومة و كايضور يشوفيها و يلوح ليها غمزة ولا بوسة فالهوا كاتحس بقلبها كايدوب بشوية عليه ... بقاو عينيها معلقيين عليه كاتشوفيه بحب كاتحاول تحفظ كاع ملامحو فذاكرتها باش تستحضرهم فالوقت لي ماغاديش يكون معاها
بقات كاتشوفيه مرفوعة على العالم متبعة اللحية ديالو و كاتشوف الطريقة باش مطراسيها و الموسطاش كذالك و كاتشوف فشفارو شحال كثاف ... ماحساتش بيه ايمتا بلاصة طومويبل ولا سمعات حتى لهضرة لي كايقول ليها
يونس:(كايدوز يديه قدامها) هيهووووو لينا هييييهوووووو وا درب السلطان و المعارييف و كازا وا الربااط
لينا:(فاقت من سهوتها حالة فمها) هاااا
يونس: هووووو (سد ليها فمها) الموت راه كاتضور احبيبة غير سدي فمك ههههههه راه وصلنا شنو ماناوياش تهبطي
لينا:(شافت من الشرجم) و الله الا وصلنا ... كاع ماحسيت بالطريق
يونس: حيتاش كنتي حالة فمك ... هبطي باش مانضيعوش لوقت
حيدات الصمطة و هبطات و قفل طوموبيل ... شد ليها فيديها و توجهو للمكان لي بغاو ... دخلو طلعو مع الدروج و لقاو قاعة البولينج خاوية كاينين غير الناس لي مقابلين المكان و السرباية و الأضواء خافتة و ضو الأزرق المجهد جاي من مكان رمي الكرات ... بقات لينا غادة كاتضور عينيها فالمكان عجبها داكشي و لقات راحتها حيتاش تما خاوي ... جلسو فوق فوطويات مقابلين مع مكان اللعب و قدامهم طبلة زاجية ... جا عندهوم السرباي و ناض عندو يونس سلم عليه
يونس: افييين صافا
السرباي: وا غبرتي ا صاحبي منيمتا مابقيتي جيتي
يونس: اودي الخدمة و راك عارف جري عليا نجري عليك
السرباي: اودي كاع هاكداك
يونس: اوا مال هنا خاوي
السرباي: راك عارف فأيام لبرد كايكون هنايا خاوي ماكايبدا يعمر حتى كايسخن الجو شوية
يونس: الحركة ميتة كاااع
السرباي : مع ديك السبعة غايجيو الدراري و لبنات و غايعمر هنا شوية
مشا السرباي و خدا يونس راحتو ضور يديه على لينا و جرها جيهتو حتى تلاصقو و شد ليها فيديها
لينا: مولف كاتجي لهنا !
يونس: وي كنت كانجي مع الدراري هنايا
لينا: هممم مزياان
يونس: كاتعرفي تلعبي !
لينا: كيفاش (هزات راسها فيه)
يونس: واش كاتعرفي تلعبي لبولينج (باسها فجبهتها)
لينا: لااا
يونس: بغيتي نعلمك
لينا: (بفرحة) اااااه
ناض و طوا لكمايم ديال جاكيط و مد ليها يديه شدات فيه و ناضت ... خدا لكرات و وقف فالممر لي خاص تدوز فيه لكرة و خشا صبعانو فتقابي الكرة و قاد لوضعية ديال الرمي و رجع لكرة لور و لاحها لقدام و بقات كاتدحرج حتى وصلات للقطع الخشبية و ضرباتهوم بقاو غير ربعة لي واقفين
يونس: شفتي كيفاااش
لينا: طيحتيهوم بقاو غير ربعة 😄
يونس: يالاه اجي نوبتك دابا
مشات حداه و جاب كرة و وقف موراها قرب منها حتى بقات بيناتهم مسافة قليلة و يتلاسقو اجساهم ... عطاها الكرة شداتها و وراها كيفاش
يونس: شوفي وقفي بحالي ميلي للقدام و الرجل ليسريا سبقيها و حطي عليها التقل و ليمنيا رجعيها لور
دارت داكشي لي قاليها و بقا ملتاصق معاها و شد ليها يديها باش يعاونها فالتحكم بالكرة و يديه الثانية حطها على كرشها و شداتها التبوريشة بسباب لمستو ... ضورات وجهها جيهة وجهو لقات بلي مسافة قليلة لي كاتفصل بيناتهوم و انفاسو كايضربو فوجهها و عينيه فعينيها ... تسارعو دقات قلوبهم و كون ماكانو العمال تما كون نغامسو فقبلة ... طبع يونس قبلة على خدها و همس فودنها
يونس: عقلي على هاد لبوسة لي فلتات نخرجو و نعوضوها
ضورات وجهها بخجل و بقات كاتشوف قدامها و الكرة هازاها فالخلف تبعات تحركات يونس و فلحظة تلاحت لكرة فالممر و ضربات جوج كرات و مني طاحو طيحو معاهوم لوخرين و مابقاتش حتى وحدة واقفة ... بالفرحة نقزات لينا و الضحكة واصلة ليها للودن بحال الا دارت شي انجاز عظيم
يونس:(كايصفق) برافو عليك
لينا: دغيا طاحو
يونس: ههههههه اول مرة تلعبيه !
لينا:(حركات راسها بالإيجاب) زوييين
يونس: اوا زيدي نكملو اللعب
بقاو مرة هو مرة هي مرة كايطيحو ليها مرة تطيح وحدة و يونس كايشجعها و كايوريها اخطاءها حتى تعلمات نوعا ما ... عياو من اللعب و رجعو جلسو كايضحكو لقاو المشروبات ديولهوم فوق الطبلة ... ضور يديه عليها و جرها حداه و حطات راسها على كتفو .. عجبو الحال و ابتاسم و بقا كايدوز يديه على ضهرها و هزات يديها بقات كاتلعب فلحيتو
يونس: عجباتك !
لينا: عندك زوينة 😄
يونس: راه نتي لي زوينة (باسها فراسها) لاش صابغة شعرك !
لينا: طلع ليا لكحل فالراس و هرستو بالصفر
يونس: فاش تمشي الصباغة ماتبقايش تصبغيه خليه كحل ... كايعجبني الشعر الكحل (حيد ليها البانضة من شعرها) و خليه مطلوق كايعجبني نلعب فيه
سكتات ماجاوباتوش و بقات مخشية فيه حاطة راسها على كتفو و يدها كاتلعب فلحيتو و هو يدو كايمررها فخصلات شعرها ... هزات عصيرها شربات منو شوية و رجعاتو لطبلة و هز كاسو حتى هو جغم منو و خلاه فيديه باش مايبقاش كل شوية يتحرك و ينوضها ... كل شوية كايجغم و يبعد يديه يحطها فوق ركبتو حتى وقعات الكارثة ... جغم من لكاس ديال لقهوة و تحركات ضرباتو فيدو بلا ماتقصد و صدقات مكبوبة ليه القهوة سخونة على حجرو ... خرجات عينيها بالصدمة و قالت بدون شعور
لينا: اويلي مستقبالي
وقفات كاتشوفو كايتألم و كايحاول يبعد السروال على المعلم ... كإسعافات أولية هزات كاس ديال لما و خواتو عليه عاد رتاح شوية ... جلسات حداه و ملامح ديالها باينة فيهوم الخلعة
لينا: كيف بقيتي شوية
يونس: صلقتي ليا لبيض ههههههه و لكن كولشي على (كايقلد نبرة صوتها) اويلي مستقبالي 😂😂
طلعات معاها الصهدة فاش تفكرات هضرها و بقات كاتضور عينيها و النفس مابقاتش باغة تطلع ليها و هو جالس كايموت عليها بالضحك شاد السروال فازك ... دمعو عينيه بالضحك و رجع لور تكا كايرجع النفس اما هي مابقاش عندها لوجه لي يشوف فيه بعد هاد جوج كلمات لي قالت و عطاتو بالضهر وجهها حمر و ودنيها مزنكين
يونس: ههههه مالك عاطياني بالضهر 😂 اجي طلي على مستقبالك شوفيه واش تحرق ولا لا هههههه واااي و الله الا بالبيض تصلق خاصني غير نقشر و نقصي ههههه احححح ا حجري وا شوفي فيا
مابغاتش تضور عندو و بقات واقفة حتى حسات بيه دوز يديه و ضورها على كرشها و لاحها حداه فوق الفوطوي و خشا راسو فعنقها
يونس: اجي برديه ليا مسكين راه كايشوطني
لينا: الصممممت 😳
يونس: (حيد الشعر باش يشوف وجهها) واناري كيف تزنكتي ههههه غير كانضحك معاك من حقك تخافي على مستقبالك و لكن راه كولشي على الإسعافات الأولية عندك يا سلام دوشتي ليا بالكاس ديال لماا هههههه (باسها فعنقها) وا صافي ماوقع والو غير هضري
لينا: ياكما مقصح
يونس: (كايطنز) اااه و بزااااف
لينا: (شافت فيه) بصح واش بزاف😟
يونس: كايشوطني غير صابر عليه
لينا: ياكما ماغاتبقاش تولد
يونس: واقلة بسباب هاد السلقة غادي يولي عندي العقم
لينا: اويلي 😨 من نيتك
يونس: من ريتي ... وا حرمتيني من لولاد دابا حشومة عليك
لينا: و الله ماقصدت داكشي جا غير صدفة
يونس: اااححح اييي كايشوطني خاصني نحيد السروال و لبوكسر
ناضو بجوج و لحسن الحظ يونس لابس سروال أسود مابانتش بلاصة لفزوكية .. مشا خلص و تبعها ركبو فوطوموبيل و ديمارا بإتجاه السوق ... بعد مسافة الطريق تحطو فالسوق بلاصة طوموبيل و هبطو و مشاو لاول محل كايبيع ملابس رجالية ... دخل و بقات لينا برا خدا سروال جينز و بوكسر ابيض قيصهوم جاوه هوما هادوك و خلص السيد و خرج مشا عندها
يونس: طليت عليه مسكين حممممررر
لينا: 😳
يونس: عقلي على الحرقة ليلة الدخلة غادي تخلصيها 😉
لينا:(تخلعات) مابقيتش باغة نتزوج
يونس: وا اجي لهنا قالك مابقيتيش باغة تتزوجي علاش بخاطرك ا لالة دخول الحمام بحال خروجو (ضور دراعو عليها) نتي راك ديااااليي و باك عطاك ليا ا الزين ديالي و قريب تولي على سميتي لينا الهلالي اوا هاكاوا على لبنت كلمة جوج مابقيتش باغة نتزوج ... راه غير ضاحك معاك واش انا نقدر ندير ليك شي حاجة تضرك راه الا تضريتي بحال الا تضريت فهمتي هضرتي غير ضحك كانبغي نقشب معاك شوية و صافي
لينا: واخا صافي صافي غير طلق مني الناس كايشوفو
يونس: وايشوفو طزززز بقاو ليا غير الناس (كايتمشا) يالاه ا حبيبة نضورو شوية فالسوق
لينا: ديني عند ذهايبي
يونس: علاش ! باغة تشري شي حاجة
لينا: بغيت نشري لخالتي راوية شي حاجة
يونس: هاي هاي هاي على خالتي راوية ههههههه شكون كان يقول لينا تقول خالتي راوية شفتكم تصالحتو
لينا: اوا تصالحنا و نتا مالك 😠
يونس: مالي فجيبي
لينا: ياااااه على حامض
يونس: كيفاش حتى تصالحتو ياك كنتو شد ليا نقطع ليك
لينا:اوا فاش عرفاتني عاونتك حنات فيا مسكينة
يونس: و انا مسخوط مايحن فيا حد (شير بصبعو) راه واحد الذهايبي ... اش باغة تاخدي ليها
دخلو لقاو السلام و اول حاجة سولو عليها هي باش كايتخلصو لقاو الآلى ديال لكارط كاينة عاد بداو كايقلبو على النبالة ... جبدو ليهوم انواع و لكن وحدة سامبل زوينة هي لي عجبات لينا و هي لي خدات واخا التمن كان غالي الا انها بغات تاخدها لحماتها باش تصلح معاها الضواسا ... خرجو من لمحل ناشطين و يونس كايشوف فلينا بفخر كونها فكرات فأمو و نسات لمشكل لي كان طرا معاها و بدات من جديد و زادت كبرات فعينيه بهاد التصرف الصغير
يونس:(شاف الساعة) دابا الستة و نص مابقاش الوقت نمشيو لميكاراما لاسيركيلاسيون غاتاخد لينا وقت طويل و عاد بعيدة
لينا: ماشي موشكيل نرجعو لدار
يونس: الا كان شي زهر نقدرو نديرو السينما فطوموبيل اجي معايا
جرها من يديها و تمشا بخطوات كبار حتى خرجو من السوق دغيا و وصلو للباركينك ... حل طوموييل و قلب لور لقا لبيسي محطوط من hp فالرمادي
يونس: عندك الزهر ماطلعتوش لدار
لينا: اش كايدير هنايا
يونس: اخر نهار فالخدمة نسيتو هنايا و الغد داوني لبوليس ... يالاه طلعي نشوفو شي بلاصة نبلاصيو فيها نتفرجو براحتنا
طلعو لطوموبيل و ديمارا مركز مع الطريق و نفس لوقت يديه على يدي لينا كايدوزها بشوية
لينا: فين غانمشيو دابا
يونس: لحدا داري
لينا: علاش تما !
يونس: باش يكون قريب نرجعو الا سالا لفيلم .... اجي بعدا ياكما باغة تبدلي شي حاجة فالدار ولا ماعجباتكش شي حاجة
لينا: لا لا بالعكس زوينة كولشي فيها هو هاداك
يونس: اوا صافي ا حبيبة لمهمهالى بغيتي تبدلي شي حاجة قوليها ليا باش نديك تختاري لي بغيتي
لينا: لا عجباتني كولشي مقاد و فبلاصتو
يونس: راه ناوي نشري دار و لكن ماشي دابا حتى نشوف مع ميدي 1 سيفطت ليهوم شحال هادي و باقس ماجاوبونيش (دوز يديه على جبهتو) ماعرفت مالهوم
يونس: اه غير باغ انترنيت حتا كاتختار عاد يديرو معاك مقابلة و يشوفو واش تخدم ولا لا
لينا: اوا عاود سيفط ماتعرف مايكونش وصلهم داكشي
يونس: انا كاع غانهضر مع واحد السيد يتدخل ليا نهني راسي
لينا: علاش مال 2M
يونس: مامالهاش غير انا كانفضل ميدي1 ... انا كانطمح يكون عندي برنامج ديالي نكون انا لمذيع فيه مانبقاش مور الشاشة كاندير لي روبورطاج و راه نتي براسك ماغاديش يعجبك لحال حيتاش كل مرة مسافر لمدينة خاصني ندير روبورطاج ماكانجلسش بزاف و دابا مني غانتزوجو ماباغيش نخليك بوحدك و نبقا كل مرة فمدينة شكل فهمتي احبيبة
لينا: فهمتك فهمتك اوا من الأحسن تبدل القناة
يونس: ان شاء اللّٰه يكون خير ... ها حنا وصلنا
دخل لواحد الزنقة شبه خالية فيها عمارات و مسدودة ... هبطو و طلعو لور باش يتقادو فالجلسة و طلق لويفي من بورطابلو و شعل لبيسي دخل لسيت عامر افلام جداد و قدام
يونس: (عينيه فالبيسي) فاش بغيتي تتفرجي
لينا: لي كان
يونس: تتفرجي فيفتي شييدز فرييد
لينا:(خرجات عينيها) لا لا
يونس:(شاف فيها كايضحك) علاش هههههه
لينا: لا والو 😅
يونس: مفرجة فلول ديالو و الثاني
سكتات و بقات كاتضور فعينيها و جامعة فمها لقدام
يونس: غير فاش درتي هاكدا عرفتك تفرجتي فيهوم عادي داكشي ا الزين ديالي تفرجتي ف جييم اوف ثرونز لي مكفس على هادا
يونس: ماتوحوحييش غانفهمك غلط و نصدق واكل لفرماجة من دابا 😂
لينا: يخخخخ على منحرف عقلك ف غير فالناقصات
يونس:(كايشوف فيها بحب) عقلي غير فلينا ... فخباركي كايعجبني الحال فاش كانتناكرو هاكدا عاد كانكونو كوبل عادي بحالنا بحال ايها الناس كانحس بالحلاوة ديال العلاقة لي بيناتنا
لينا: (باقة كاتقلب فالبيسي) غير تنسا حتى تسنا حتى نتزوجو و تصبح على النكير و تمسي عليه ماغاتسمع غير جيب لبوطة جيب الزيت جيب الخبز جيب الفرماج جيب الكوفيتير جيب الحليب و اللائحة طويلة
يونس: مابقيتش باغي نتزوج
لينا:( هزات فيه راسها و خنزرات فيه كأنها كاتقول غانقتلك) شناهوااا
يونس: واااااو الجو زوييين شوفي السما فيها الضبابة 😅
لينا:(هبطات عينيها لبيسي) اوا هاكداك هاكاوا على السيد
يونس:(ضغط على حناكها حتى خرجو شفايفهو و باسها بجهد) الله على الحوبينو ديالي كانموت فيك انا
لينا: وا طلق مني خنقتيني واااععععععع
يونس:(عنقها بالجهد) توحشت هاد لينا و الله اخيرا خرجتي علال القادوس لي فالداخل ديالك
لينا: كح كح كح يهودي كح كح كافر يعطيك الجدام الله يعطيك الحكة و قلة الضفار بغيت ليك البرص و تونية
يونس: قاااابلهوم منك هههههه لقيتي شي فيلم
لينا: علاش خليتيني ياشنقتي عليا يا ليهودي
يونس:(حط راسو فوق كتفها) نشنق عليك و مانخلي لي يشنق عليك (باسها فعنقها)
لينا:(تبورشات) وا رصاااا
يونس: كايشدك هر تما و انا نفهم هههههه داكشي علاش داك النهار فاش بستك تما تحليتي و ماوقفتينيش
لينا:(تفكرات و خرجات عينيها) بغيت نمشي فحالي
يونس:(ضور يديه عليها و راسو فوق كتفها) الى مشيتي اجي عكري ليا نتفي حجباني (شير لبيسي) خلي هادا زوين
لينا: Moulin rouge واش زوين !
يونس: اول خطرة ليا نشوفو... قديم مع راساتو ديريه ديريه
لينا: واخا ها حنا غانشوفو
دخلات ليه و كبرات الصورة و رجعات راسها لور كاتتفرج معاه و هو حاط راسو على كتفها و هي يديها حاطاها على لحيتو كاتلعب فيها و كاتتفرج ... كان لفيلم كايهضر على بنت ممثلة مسرحية و فنفس الوقت بائعة هوى باش تتمول المسرحية ديالهوم ضاروري من واحد الراجل تدوز معاه ليلة و باش يستمر العرض خاصها توافق و فداك لوقت غادي يجي كاتب فقير غادي تعجبو لبطلة و حتى هي غادي يعجبها و غادي تتطور العلاقة بيناتهوم لحب و ماغايبغيهاش تدوز ليلة مع الممول و لكن النهاية غاتكون مأساوية ليهوم بجوج ... دازت لقطة فيها إيوان كايبوس نيكول كيدمان (الأبطال) و ضورات لينا وجهها بسرعة باش ماتشوفش و لكن يونس عاق بيها و هز راسو ضور ليها وجهها شافت فيه
يونس: مالك زعما حشمانة ? و داكشي لي كاندير انا وياك شناهوا 😂😂
لينا: يونس خليني عليك
يونس: و الله مانخليك ... اجي بعدا كانتسال فيك بوسة ياك ديك لي تحرمات علينا تما فاش كنا لاعبيين
لينا: لااااا
يونس: معايا انا ولااا و الله يا مانتفاك معاك بوستي هي بوستي اجي لهنايا
ضور يديه على الرقبة ديالها و جرها عندو و طاح على شفافيها كايبوس بزز حتى ترخات معاه و مابقاتش كاتدفعو عاد ولا كايقبلها بحنية ... رخا يديه من عنقها و هبطهوم لخصرها و هي حطات يديها على صدرو تابعاه فينما مشا و هو كذلك بحال شي رضيع تابع ثدي ماماه ... بقاو مدة هاكداك نساو كولشي و فقدو ادراكم للوقت فقط تابعين احاسيسهوم ... ماخرجهوم من القبلة ديالهم غير صوت الموسيقى لي خارجة من من لبيسي .... بعد عليها شوية و عينيه باقيين معسلين حط جبهتو على جبهتها و طبع قبلة خفيفة حدا شفايفها و بعد وجهو من حدا وجهها و مد يديه مسح حدا شفايفها وحلات عينيها فيه لقاتو مبتاسم ليها و سنانو كايبانو بيضين بلقيين و عينيه مجبدين بالإبتسامة ... ضور يديه عليها و جرها عندو و حطات راسها على كتفو و حط راسو فوق كتفها
يونس: ماشي هنا فين خليناها !!
هزات لينا يدها شافت شحال ضرب لقات دازت فيه 20 دقيقة
يونس: اااااي 20 دقيقة و انا وياك بوش ا بووش بالسيف مانسخن هههههه رجعي فين خليناها
لينا:(رجعات) اوا الا بقينا هاكدا راه ماغاديش نكملو لفيلم على هاد لحساب
يونس: صافي ماغانبوسكش باقي غير تهناي ا حبيبة
زاد زير عليها و كملو مشاهدتهم للفيلم لي فينما كاتزيد احداثو تتطور كايتزادو القبلات فيه و فكل مشهد قبلة لينا كاتدوز و يونس كايضحك عليها حتى لحقات النهاية تقريبا فاش البطلة كاتموت بسباب مرض خبيث و كاتخلي البطل كايبقا عايش و كايكتب قصتهوم ... طلعات لكتبة و بدات لينا كاتبكي فصمت مخشية فصدر يونس و هو كايطبطب عليها
لينا:(بصوت طفولي) وا راه بقا فيا مافرحش بيا و ماتت 😭
يونس: حتى حنا غانموتو ا نوارتي كولنا غانموتو ... الا متت غادي تبكي عليا !
ماجاوباتوش اكتفت بأنها تعنقو و تزير عليه و هو فهم ميساجها و ضور يديه عليها و بادلها لعناق
يونس: كاتمنا نموت قبل منك حيتاش بصح مانقدرش نعيش بلا بيك و لهلا يطيحنا فحالتو
زيرات عليه لينا و بقات كاتبكي فصمت كايستمعو غير صوت شهقاتها تخيلات ان يونس مات و اش غاتدير بلا بيه ، سبقات العصا على الغنم ... بالمهل بدات كاتكالما و كايقلو شهقاتها
يونس: صافي بردتي دابا !
لينا: اه (كاتمسح الدموع)
يونس: (شافيها) حبيبتي بكاية و حساسة بقا فيها ممتل ففيلم الله يخليك ليا (باسها فجبهتها)
لينا: (حدرات راسها و بصوت باكي هضرات) ماتموتش قبل مني
يونس: وينوووو على حبيبتي .... مابغيتينيش نمووت ! (حركات راسها بالإيجاب) ماشي بيدي هادشي الله يطول فعمرنا حتى نشوفو ولاد ولاد ولادنا هههههههه
لينا: حتى تشرف و يطيحو سنانك
يونس: و يتقوس ليك الضهر و تتمشاي بالعكاز و نقولك وا ليناا تقولي ليا اشنو قلتيييي
لينا: هههههههههههه 😄😄😄
يونس: خاصنا نرجعو ا حبيبة ولا لا !
لينا: اه هادا هو لوقت
يونس: يالاه بوسيني
لينا: عاوتااانيي
يونس: بوسينييييي
لينا: اوففففف
باستو بسرعة فخدو و بعدات منو و جبد بورطابلو هزو لفوق و قال
يونس: لينا شوفي هنا
هزات راسها لفوق و ضرب السيلفي و هبط يديه باش يشوف الصورة و تخشات فيه باش تشوفها حتى هي مارتاحت حتى شافت راسها كاتبان فيها زوينة ... ماعطلهاش هو و ديك الساعة دارها فشاشة الهاتف ديالو ... بدات لينا كاتجمع لبيسي باش تديرو فكرطابتو و يونس حداها كايجمع الشارجور ديال لبيسي لي تلاح لتحت ... لاحت عينيها لذراعو بانت ليها مزغبة و من لمنضر باينة قاصحة و العروق ضاهرين فيها ... طلعات الشوفة تاال المرفق و بانت ليها شي حاجة كحلة هابطة شوية من لمرفق ديالو
لينا: شداكشي !
يونس: شناهوا !
لينا: داكشي لي فيديك
يونس: شارجور
لينا: لااا (جرات يديه) هادشييي
شيرات لكحولية و شافت فيه بتساؤل
يونس: متأكدة بلي باغة تعرفي
لينا: اه اش داكشي
يونس: اوا تنساي
حيد الجاكيط و حيد تريكو ديال الصوف بقا غير بديباردور كحل و فورمتو كاتبان
شدات ذراعو و عينيها فيهوم نظرة دهشة كان داير تاتواج شاد ليه تحت كتفو و فوق المرفق ديالو فيه إسم لينا بالخط العربي بطريقة جميلة .. دوزات يديها على الوشام و الفرحة باينة فعينيها
لينا: زوييين ايمتا درتيه
يونس: فهاد الشهر لي داز درتو ماقلتهاش ليك حتى تشوفيه زعما فاش نتزوجو و نخليها سيغبخيييز
لينا: (بإعجاب) زوين بزااااف ... بغيت ندير واحد
يونس: شناهوا ! لا لا
لينا: عافاك عافاااااااك
يونس: لا احبيبة نتي بنت زوينة مايجيش معاك
لينا: لهضرة ماشي دابا من بعد
هبطات و رجعات ركبات لقدام و هو لبس حوايجو و خشا الشارجور مع لبيسي و هبط و رجع ركب لقدام ... ديمارا لوطو و بسرعة لحقو لدار ... بلاصا لوطو و هبطو بعدما هزات لينا داكشي لي شرات لراوية ... شد ليها يونس فيديها و شبكاتها مع يديه و طلعو فالدروج كايضحكو لي يشوفهوم من بعيد يعرفهوم هايميين فبعضياتهم الحب باين من نظراتهم لبعضياتهم ... وصلو لدار و جبد يونس السوارت يالا بغا يخشيهوم فالباب و رجع يديه و همس
يونس: عنداك تدكري الطوموبيل لشي واحد سكتي حتى نشريها و تشدي سوارتها فيديك اوكي !
حركات راسها بالإيجاب و قرب منها طبع قبلة خفيفة عليى شفافها و دار الساروت فالباب و حلو و دخلو ... مشاو لصالون لقاو غير راوية و رانيا لي كاينين كايتفرجو
لينا و يونس: السلام عليكم
راوية: و عليكم السلام ..فين كنتو
يونس: خرج لينا ساريتها شوية فالمدينة (دخلو جلسو) و راه شرات ليك شي حاجة
راوية: شنو شرات
لينا: (بخجل) ماشي شي حاجة كتيرة ... هاكي
عطاتها لبلاصتيكة و جبدات من بواطة لقات فيها نبالة سامبل ذهبية زوينة ... دارتها فيديها جاتها على عبارها و عجباتها
راوية: الله يرضي عليك ا بنتي شكراا
ناضت لينا ببتسامة خجولة سلمات على راوية و باستها فراسها و بهادشي خلات قلب راوية يحن أكثر فيها فاش عرفاتها تفكراتها بحاجة بسيطة دخلات لقلبها
رجعات لبلاصتها حدا يونس لي جالس واخد راحتو مفارق مابين رجليه و مدوز يديه على المخدة كايلعب بالسوارت و ابتسامة على وجهو
يونس:(بنفس البوز) اش غاتديرو لعشا
راوية: اش بغيتي تاكل اولدي
يونس: لي كان ماعنديش موشكيل
راوية: اوا هي نديرو شي طاجين
يونس: بلا مانتقلو ليل هادا غير شي حاجة خفيفة باراكة
لينا: نديرو سباكيتي بالكفتة كورات
يونس: (شاف فيها) الا كنتي غاتطيبيها نتي !
لينا: الا بغات خالتي نطيبها
راوية: غير طيبيها ا بنتي مافيا اصلا لي ينوض راكي عارفة الكبر هاهيا رانيا تعاونك
لينا: لا بلاش نقادها غير انا
ناضت للكوزينة باش تشوف اش كاين ... لبسات الطابلية و جمعات شعرها و حلات التلاجة تحنات كاتقلب على ماطيشة حتى حسات بشي واحد موراها ... ضارت لقاتو يونس و وقفات
لينا: خلعتيني
يونس: علاش نتي كاتخلعي 😉 اش خاصك ا نوارتي
لينا: (كاتحسب بصباعها) خاص الكفتة و سباغيتي و جيب الثومة سالات
يونس: غير هادشي صافي (مقرب منها)
لينا: ويلي بعد شوية دابا تشوفك خالتي
يونس:(حط يديه على خصرها) و تشوفنا اصلا قريب نتزوجو غاتشوفنا دابا يا دابا يا من بعد (خشا راسو فعنقها)
لينا:(كاتدفعو و كاتهمس) يونس بعد دابا تحصلنا (شدها هر) يونس عافاك يوووونس
يونس: (بهمس فودنها) خليني غير شوية راه ماكانشبعش منك ا حبيبة مانقدرش نكون قدامك و مانقيسكش
يونس:(خرج راسو من عنقها) ريحتك زوينة ماسخيتش بيك (باسها فخدها) يالاه اعمارة داري وريني حنة يديك 😉 (بعد منها) قلتي لكفتة و الثومة و سباغيتي
لينا: اه 😐
يونس: نجي و نعاونك صافي !
لينا: لا بلاش
يونس: غانطيب انا وياك غير بداي
مشا و خلاها واقفة على التلاجة محلولة ... حطات يدها على قلبها لقاتو قريب يخرج من بلاصتو .. ابتاسمات حتى بانو سنانها ، بالفرحة جبدات ماطيشة من التلاجة و مشات كاتحك فيها اما راوية و رانيا فبقاو فالبيت كايتفرجو حتى نطقات رانيا
رانيا: واش بصح تصالحتي نتي و لينا ولا غير تمتيل
راوية:(شافت فيها) ماعندي جهد ندابز معاكوم هو دار داكشي لي بغا و مشا خطبها واخا مابغيتهاش و هانتي ها النتيجة شوفي السخط فين وصلو و لكن عاوتاني هي فيها حاجة زوينة قدما قبيحة و لسانها طويل قدما ضريفة و حنينة داكشي علاش انا مابقيتش غانقول شي حاجة و خليه يعوم بحرو نهار يلقى معاها موشكيل مايجيش عندي و يقوليا الواليدة لي كايهمني ولدي مايدخلش لحباسات ولا يتعدب و يتكرفس
رانيا: و الله الا لينا ضريفة شوفي غير اش دارت ليه هي السباب حتى خرج
راوية:(جمعات يديها قدامها) علاش انا قلت العكس ! غاندي ندير الصواب و صافي هو لي غادي يعيش معاها ماشي انا لي كايهمني هو تحتارمني و راه بدات كاتحتارمني غير مني جابت ليا هاد النبالة و تفكراتني راه لاباس
رانيا: ههههه الأمهات و خلاص
راوية: نتي مازال ماناوية تحملي ! شحال من شهر و نتي مزوجة ربطيه بالولاد لايطير ليك
رانيا:(ضورات وجها بإنزعاج و رجعات شافت فيها) أمين كايبغيني بلا ولاد بلا وتاد و الا كنت غادي نربطو بالولاد غير يمشي من دابا و اصلا اناوياه تافقنا نعيشو على الأقل عام ولا عاماين بوحدنا عاد نشوفو لولاد
راوية: شغلك هاداك
ضورات وجهها كاتفرج و سمعات لباب تحل عرفات يونس رجع ... دخل ديريكت للكوزينة لقاها حكات ماطيشة و دارتها فgاميلة مع الزيت و التوابل و خلاتها كاتطبخ ... عطاها لكفتة بسرعة دارت فيها التوابل و خلطات داكشي و حطاتها فطبسيل كاتكور فيها ... غسل يديه و هز شوية حتى هو كايكور فيها و كايضحك معاها و مرة كايبوسها على غفلة حتى كملو الكفتة ... طلات على لاصوص ديالها زادت فيه التومة و طيبات عشاها و وهو واقف عليها مرة يبوس مرة يقيس حتى خلاوه فوق البوطة و خرجو من لكوزينة
لينا: انا غانمشي نبدل حوايجي
يونس: ياكما نعاونك (طلع حواجبو و هبطهوم)
لينا: لا لا التيقار زويييين غير سير
يونس: شوفي و كاان نعاونك حسن 😉
لينا: يونس واش حماقيتي
يونس: اه و اللّٰه الا حماقيت بييك و ناري ماكرهتش نهزك نهرب بيك
لينا: وا صافي راه مابقاش قد ما فات صبر شوية
يونس: الصبر كايضبر عرفتي فاش كانشوف داك الطرف غادي جاي قدامي عقلي كايخرج من بلاصتو ولا فاش كاتكوني كاتهضري و شفافك كايتحركو كانبغي نطير عليك
لينا: اويليييي استغفر اللّٰه العظيم نتا تسوطيتي واقيلة ولا طلعات ليك السخانة
يونس: سخانة من نوع تاني 😉 و لكن ماتخافيش باقي عند لوعد ديالي ماغاديش ندير معاك شي حاجة حتى نعقد عليك غير رتاحي
لينا: شفتيني غير غادي نخليك (عوجات فمها)
يونس:(دوز يديه على عنقها) غير سكتي احبيبة نتي غير كانقيسك هنايا كاتدوبي سيري سيري و ستري راسك باش مانصدقش مفروش مع لعائلة
لينا: كيفاش تفرش مع لعائلة
يونس: فاش ينوض الحنش بو سكة غادي تشوفو العائلة و غانتفرش فهمتي ا زييين
لينا: لااا
يونس: مكلخة ... لمهم سيري بدلي و لبسي شي حاجة واسعة ماتعزلش المؤخرة
لينا: باسل كيداير
مشات و خلاتو واقف كايضحك عليهاو كايحرك راسو يمين و يسار ... شاف فسروالو لقا بلي مامفروش و دخل لبيت جلس مع راوية و رانيا كايهضر معاهوم
بعد مسافة
بدلات لينا حوايجها و جات لبيت لابسة بيجامة طويلة تحت منها كولون مستورة ... جلسات كاتفرج معاهوم و مرة مرة تنوض تشوف العشا حتى جا معاذ و أمين و حسن ... تجمعو لبيت و جلس معاذ حدا ختو ضور يديه عليها
معاذ: لينا غدا غادي نمشيو جمعي حوايجك و وجدي راسك
لينا: واخا (شافت فيونس)
بقا يونس ساهي و كل شوية كايتنهد غادي يتوحشها واخا متبقاش بزاف للعرس الا انه فهاد الأيام لي غادي تمشي غادي تخلي عليه فراغ ... بقات كاتشوفيه و حتى هي ماباغاش تتفرق عليه ... تنهدات و ناضت باش تشوف لعشا ، حسات بشي واحد موراها و فاش ضارت لقاتو يونس يالاه بغات تهضر و سد ليها فمها بيديه و تكاها غلى لحيط مور لباب باش ماتبانش
يونس: قولي ليه يخليك تزيدي شي ايام هنايا راه غانتوحشك
لينا:ممممم (هبطات عينيها ليدي)
يونس: اه نسيت 😅 (حيد يديه)
لينا: قولها ليه نتا انا مانقدرش
يونس: ماتعاونينيش فيه زعما
لينا: لااا
يونس: لهلا يطيح حبك على حجرة و انا طاااااح حبي على حجرة (تنهد) و الله يا هاد الزماكورة يا حتى نخرج منك هادشي كامل بعد الزواج (باسها فحنكها) ماتبقايش تتعوجي فالمشية راه كاتقلبي على الحنش
لينا:(مشات جيهة لبوطة) اوا بالسيف نتا كل شوية مقنتني فشي بلاصة بلا حشمة بلا حيا
يونس:(شحطها لمؤخرتها) ها سباب عدابي ... وا هازة مع راسك ، شي هاز اللحم و شي هاز الهم 😂😂
لينا:(كاتحكها) اااحححح بغل جمع يديك
يونس: ماتوحوحيييييش راه غايفهمونا غلط 😉
لينا: جمع يديك عندك ماتبقاش تضربني تما
يونس: غا ولفيها ا الزين راه هادشي لي غايكون بعد الزواج 😉
خرج و خلاها كاتفرنس طلات على عشاها اما هو فمشا لدوش نصل حوايجو لقا راسو واصلة فيه لافان سخووون و الحنش هاز لعلام ... تخشا تحت الرشاشة طلق عليه لما لعل و عسى يبرد و لكن فينما كايغمض عينيه كاتبان ليه قدامو ... حط جبهتو على لحيط و لما كايهبط عليه حتى حس براسو بدا كايبرد و العافية لي فيه طفات عاد دار الشومبان و الباندوش و توضى و ولوا عليه فوطة من لتحت و خرج من الدوش شعرو كايقطر على وجهو هابط على عينيه حيتاش مطولو و مدة مانقص منو و عضلات جسمو باينين مطراسيين و لوشام فكتفو كايبان زوين عاطيه منظر الشاب القاصح ... مشا بسرعة لبيتو شعل الضو و ضار سد لباب حيد الفوطة و بقا عريان غير ضار شاف قدامو لقا لينا واقفة كاتشوفيه مخرجة عينيها مصدومة فلي شافت قدامها شداتها الرعدة فاش شافت العضو ديالو اما هو فبسرعة عاود لوا عليه لفوطة و تحرج ... تعقد لسانها و المنظر ديالو عريان بين عينيها مابغاش يتحيد عينيها خارجين و صدرها كايطلع و يهبط ... بشوية بدات كاتحمار و عينيها بدات كاتضور فيهوم و شادة فحوايجها و عاد سرات معاها الحشمة و مشات الصدمة ... تقدم ناحيتها حشمان حتى هو ماتوقعش تشوفو بهاد الطريقة كولشي باين و واضح HD ... بدا كايحك مؤخرة راسو و وقف قدامها حادرة راسها وجهها احمر و عينيها غير كايضورو ماكرهاتش تغبر فديك اللحظة ... هبط راسو و شاف فيها و حط يدو على كتفها و قال بصوت خافت: ماضنيتش واش نتي هنا سمحي ليا حطيتك فهاد الموقف (كايحاول يقلب الجو) اصلا كنتي غادي تشوفيه سوا دايا سوا من بعد ... سيري غسلي وجهك و بقاي حتى تكالماي و رجعي للصالون
مشات بلا ماتهضر ماهزاتش فيه كاع عينها غاتغرق بالحشمة ... حلات لباب و مشات نيشان لطواليط غسلات وجهها اما هو بقا فالبيت مسح جسمو من لما و كل شوية كايتنهد ... لبس بوكسر أسود و سروال ديال لكيطما فالرمادي و لبس ديباردور اسود على شكل X من الضهر و لبس الجاكيط ديال السروال و حط فوطة على راسو كايمسح الما حتى سمع الدقان
يونس: شكووون
رانيا: زيد تتعشا
يونس: واخا هاني جاي
مشات رانيا و مسح شعرو مزيااااان من لما و صلا داكشي لي كايتسالو و خرج من لبيت مشا عنجهوم لصابون لقاهوم كايتسناو و فوق الطابلة طبسيل كبير عامر بسباكيتي و الكفتة كورات و الدخاخن طالعة منو ... دارو ليه بلاصة حداهوم و جلس كايشوف فلينا غير بنص عين لقاها حادرة راسها ماقادراش تشوف فيه .. تعشاو و سالاو و جمعو الطبلة و مشات لينا للصالون الصغير باش تنعس فيه وجدات بلاصتها و تخشات فيها و جا معاذ نعس معاها فنفس البيت
بقات كاتقلب يمين و يسار و فينما تغمض عينها يجيها منظر يونس عريان قدام عينيها و تحل عينيها و ترجع تغمضهوم تاني لعل و عسى تنعس و تنسا و لكن شكون خلاها الأفكار غير كايتضاربو فراسها ناري شحال طويل ! كيغادي تدير ليه ! تقوليه صافي مابقيتش باغة نتزوج ! ماغاديش تقدر تتحمل داك الحجم ... بقات فكرة تديها و فكرة تجيبها و الخلعة راكباها من راسها تال ساسها ماعمرها توقعات تشوف يونس هاكداك عريان كيفما تخلق و هي لي كاتحشم منو بزااف حتى كلمة كانبغيك ماكاتقدرش تقولها ليه كيفاش غادي تقدر تشوفيه باقي ... ناضت من بلاصتها باش تشرب و كاتحاول تنسي راسها مشات للكوزينة و بلا ماتشعل الضو مشات لروبيني عمرات كاس ديال لما و نزلات عليه دقة وحدة ... حسات بنفس شي واحد كايضرب فعنقها تخلعات و تحشو ليها الركابي بغات تضور و حسات بيدين ضارو على خصرها زاد قلبها ضرب ماعرفاتش شكون تجرأ يقيسها و يعنقها هاكدا ... بغات تضور باش تضربو واخا الخلعة راكباها و لكن حبسها و شد ليها يديها و همس فودنها : هادا غير انا ماتخافيش ا نوارة قلبي
لينا:(بصوت خافت) بعد مني دابا يجي شي واحد
يونس: كولشي ناعس انا لي ماشدنيش النعاس غير تكالماي (باسها فودنها و تبورشات) اجي معايا
حيد من موراها و شد فيديها و داها معاه لبيتو و سد لباب و بدات كاتضور فعينيها حادرة راسها ماباغاش تشوفيه ... وقف قدامها مفرق مابين رجليه و مربع يديه كايشوف فيها
يونس:(بإبتسامة) باقة حشمانة على حساب داكشي لي شفتي ! وا صافي ا حبيبة ماوقع والو اصلا كنتي غاتشوفيني عريان كنتي غاتشوفيني عريان
لينا: الصممممت
يونس: وا حبيبة عادي و اللّٰه الا عادي (قرب منها و دوز يديه على كتفها) وا صافي هزي راسك شوفي فيا راه دابا لي بقا لينا غدا نتي غادة تمشي و غانبقا وحداني بلا مدام (هز ليها راسها) غانتوحش هاد لعوينات
يونس:(بدهشة) كيفاش مابقيتيش باغة تتزوجي !! واش فينما توقع شي حاجة تقولي ليا مابقيتش باغة نتزوج !!! شوفي فيا شوفي فعينيا (ضور ليها وجهها و تلاقات عينو مع عينها) واش ماكاتبغينيش !! واش بزز منك كاتديري هادشي !! دوي ماتخلينيش معلق هاكدا ! ماكاتبغينيش ياك غير كاتعاملي معايا بهاد الطريقة باش تطمري عليا و تسكتيني ياك !!
لينا:(بصدمة) لا ما... ماشي .. هاكداك يونس انا... انا
يونس: (زير عليها) نتي اااش هضري ! واش كاتبغيني اه ولا لااا غير قولي ماتخافيش
لينا: (بخوف) انا خايفة
يونس: من اش خايفة غير هضري واش فارض عليك شي واحد تتزوجي بيا ياكما أمين ?
لينا: (بخوف) لاا مافارض عليا حتى واحد شي حاجة
يونس: و من اش خايفة ! هضري قولي ليا
لينا: منك
يونس:(سرح حجبانو و بتعجب) خايفة مني !!!
لينا: (حركات راسها بالإيجاب) خليني نمشي عافاك
يونس: من اينا ناحية خايفة !! واس خايفة لانقصحك
حركات لينا راسها بالإيجاب و الخجل طاغي عليها غير حادرة راسها ماقادراش تشوف فيه و الإضاءة خافتة فالبيت الضو داخل غير من لبوطو لي برا الشيء لي جعل من الموقف حميمي نوعا ما ... بتاسم ليها و شد ليها فيديها بجوج و حطهوم على صدرو و همس : واش نتي حمقة انا نضرك !! غانمشي معاك دقة دقة حتى تولفيني اصلا غير المرة لولا فاش غاتقصحي شوية و راه ضاروري منها ماكايناش شي بنت فالعالم فلتات منها ضاروري شوية ديال الآلام و لكن غير تفوت سيمانة و تكوني بيخير ماتخافيش مني ولا حتى منو ... غانكون حنيييين معاك لأقصى حد حتى هو مي ماقلتيش ليا واش كاتبغيني ولا لا قوليها ليا واخا غير مرة وحدة
بغات تقولها ليه و لكن ماقدراتش تحبسات الهضرة فحلقها الكلمات مابقاوش باغيين يخرجو فمرة طريقة وحدة لي لقات باش تعبر ليه على حبها ليه بلا كلمات هي تعنقو و بدهن سابق إنذار عنقاتو و ضورات ذراعها عليه و حتى هو تجاوب معاها وزيرها عليه و باسها فعنقها
يونس: غانتوحشك غانتوحشك بزاااااااف ا حبيبتي (شاف فيها) ااااخر مرة تقولي ليا مابقيتش باغة نتزوج راه كاتحسسيني بحال الا انا زايد ناقص عندك الا كنتي كاتبغيني و حشمانة تقوليها ماشي موشكيل أفعالك كايبينوها و لكن الا ماكنتيش كاتبغيني و غير كاطمري عليا بهادشي قوليها ليا باش بلا ماتعدبي راسك معايا
لينا:(مقلقة) انا ماكانطمرش عليك بهادشي اي حاجة درتها الا و راه درتها بصح (عقدات حجبانها)
يونس: همممم هي كاتبغيني (ابتاسم) كانبغيك ا سليعفانة ... يالاه سيري تنعسي ... اجي لهنا (باسها فشفافها) مابقا والو و نجي نديك ا بنت السعدية
مشات كاتجري حابسة الضحكة ... خرجات من لبيت و مشات لبلاصتها لقات خوها باقي ناعس تخشات ففراشها كاتفرنس بطريقة غير مباشرة نساها فلي شافت و طمأنها بعد ما كانت خايفة منو و استسلمات لنعاسها
صبح الصباح فاق يونس مع الثمنية غسل وجهو و قضا حاجتو و توضا و صلا صلاتو و مشا لبيتو باش يلبس حوايجو جبد سروال توب بلومارين مع قميجة بيضة خشاها فالسروال و دار صمطة كحلة طوا لكمام و مشط شعرو و رجعو لور و دار ريحتو المعتادة و جبد موكاسان فالبلو مارين لبسو جاتو اللبسة خطيرة بينات حجم عضلاتو و فورمتو و لاح فوقو جاكيط كحلة على حساب البرد ... هز لبيسي ديالو وراقو و سوارت طوموبيلتو و قبل مايخرج مشا لبيت لي فيه لينا و خوها ناعسيين طل عليها لقاها غارقة فنعاسها و مشا خرج ... هبط لتحت ركب فطوموبيلتو و توجه لخدمتو.
لحقات العشرة و فاقو أهل الدار مجموعين على لفطور كأي ناس مغاربة سينيا فيها كيسان و براد اتاي مشحر بالشيبة و محطوط الخبز و الفرماج الكوفيتير و الزيت لعود و الزبدة و الزيتون الكحل و المشرمل ... كاياكلو و يهضرو حتى سمعو لباب تحل و صوت خطوات جايين عندهوم لبيت ... بان يونس و على وجهو علامات مامفهومينش الحزن و التقليقة و خيبة امل ... لقا عليهوم السلام و حيد صباطو و دخل جر ا شوية السروال من جيهة الفخاض و جلس فرق بين رجليه و يديه سرحها على لمخدة و رجع راسو لور و غمض عينيه
يونس: عندي فالكونطرا بلي الى ماجيتش كتر من سيمانة و ماعلنتهومش ولا خديت رخصة ولا دفعت شهادة طبية من حقهوم يجريو عليا
حسن: و لكن نتا كنتي فالحبس ماشي لخاطرك
يونس: مي ماعلمتهومش كان خاصني نعيط عليهوم نقولها ليهوم دابا لي وقع وقع و جراو عليا
رانيا: ياك نتا اصلا كنتي غادي تقدم استقالة و تمشي لميدي 1
يونس: اه و لكن ماشي دابا حتى نضمن الخدمة مع ميدي 1 دابا صدقت لا ديدي لا حب لملوك
لينا: و اش غادي تدير
يونس:(شاف فيها) الديار ديال اللّٰه ... غانشوف مع ميدي 1 و صافي
أمين: دفع للعربية و لجزيرة و ايم بي سي ماتعرف زهرك يكون برا لبلاد
يونس: انل هو مريم سعيد باش يعيطو عليا
معاذ: داكشي راه بالكفاءات مابقاتش غير فالمظهر الا كان عندك ديبلوم صحيح راه يطيروك
يونس: اصلا برا لبلاد مانقدرش
حسن: و علااش
يونس: و لينا ??! نمشي تما ماتستاقر أموري حتى تدوز شي 3 سنين شنو غانخليها كاتسنا فيا 3 سنين
راوية: داب شنو ! غاتبقا هنا
يونس: غانرجع لأكادير نهضر مع واحد السيد باش يتوسط ليا فميدي 1
راوية: و الدار غاتبقا كاريها
يونس: اه غانبقا كاريها هو ماشي موشكيل ديال لفلوس ... لفلوس كاينة الحمد لله غير الخدمة ضروري منها
حسن: دير نتا شي مشروع زائد خدمتك و هاكدا حتى الى مشات لخدمة تلقا علاياش تعول
يونس: كنت كانفكر فيها شحال هادي
معاذ: دابا لعرس غايتأجل ياك
يونس: وا هانتا كاتشوف اخويا معاذ ماشي لخاطري (ربع يديه) مابغيتش نتزوج بيها و انا ماخدامش راه نجيو نسكنو هنا و نعيشو بيخير لبارطما كاتدخل لفلوس و راك عارف لكرا فأكادير راه غالي بحالو بحال الرباط و لكن انا مابغيتش نديها من دار باها و انا خدام واقف على الصح ماشي معول على عمارة فهمتيني
معاذ: فهمتك فهمتك ... يكون خير و صافي ... شنو دابا غانرجعو مجموعين
أمين: انا اصلا كنت راجع ليوم و قلتها ليك لبارح غدا خاصني ندخل للخدمة
لينا: حتى انا ليوم لخر فالكونجي
معاذ: اوا صافي يالاه نوضو باش نرجعو
كملو فطورهم بزز بعدما سمعو هاد لخبار و لينا مابقاتش باغة تزيد حتى شي دغمة و ناضت مشات لبيت يونس بدات كاتجمع حوايجها بالفقصة حيتاش كولشي تضرب فالزيرو و سير على شحال تاني عاد غايكون لعرس و هي لي كانت كاتحلم تتزوج بسرعة تبخرو أحلامها كأنهم عمرهم ماكانو ... جبدات سروال أسود و تريكو فالبلو سيال مقطن لبساتهوم و جبدات جاكيط كحلة حطاتها و جمعات داكشي لوخر و دارت فرجليها صبرديلة كحلة و مشطات شعرها دخل يونس لبيتو شافها و مشا عندها
يونس: تقلقتي !
لينا: لا (كاتمشط)
يونس: لينا ماشي مابغيتش نتزوج بيك مي بغيت نكون واقف على الصح فاش نديك و يكون عندي دخل قااار و خدمة رسمية (عنقها من لور) صبري معايا شوية نهضر مع السيد و غادي نتوضف
لينا: شحال كاع ديال لوقت !
يونس: ماعرفتش السيد لي غادي يقوليا مي عافاك تسنايني (بعد منها) حيتاش انا غادي نتزوج بيك واخا تكون اخر حاجة نديرها فحياتي
لينا: (بطفولية)واش تابعنا النحس ولا شنو
يونس: (ضربها لجبهتها) راه نتي لي منحوسة و لصقتيه فيا المسيخيطة
لينا: من حاجة لحاجة ماغاديش نتهناو يخخخخ
يونس: (كايجبد حوايجو) هادا امتحان من عند ربي نصبرو و صافي .... هاني وليت شومور دابا بطالي غانولي جالس فالقهاوي سامر على لبنات
الحب ليس بالكلمات الجزء العاشر
محتوى القصة
التنقل بين الأجزاء