هبط يدو ليدها شدها من تما بحال كوبل عادي .. اما وجهو ماااااكيبشرش بالخير وهي سنانها كيتقرقبو بالخلعة .
واءل : وريني الطبلة فين كنتي جالسة
شارت بيدها كترجف : لهييه
دور عينيه شاف فالطبلة وجرها من يدها وقف على السرباي اللي كيمسح ديك الطبلة وقال
واءل: السلام عليكم.... واحد التيليفون تنسى فوق هاد الطبلة هادي شي ساعة دالمكانة تقريبا
السرباي: ماشفنا حتى تيليفون اسيدي !!
واءل : السيدة كانت جالسة فهاد الطبلة وهنا مشا ليها تيليفونها
السرباي: واخا بلاتي نسول السربايا لخرين يقدر شي واحد فيهم يكون سرباها ويقدر يكون لقا تيليفونها
واءل: هاز عينيه فالسقف) علاش قهوى قد هادي مافيهاش الكاميرات!!
السرباي: فيها بطبيعة الحال
واءل: دونك لهاد المواقف دارو الكميرات ولا لا! ... شوف ليا مع مولاها يرجع السينتة للور فاش المدام جالسة هنا مع صاحبتها .. باش بلا منبقا سول فلا سول فلان .
السرباي: واخا سيدي اجي معايا
شاف واءل فاتي كيتحلف ويحرك راسو وجرها من يدها لكونطوار وهي كتجر يدها
فاتي: طلق مني ... واش مكتيقش ولا مالك !
واءل: تحركي وسكتي
فاتي : والله تا كنت جالسة فديك الطبلة ... والى دوزو الكاميرة وبنت ليهم انا هزيت تيليفوني معايا اش ندرو
واءل : نديرو داكشي اللي كيدرو كاع الناس .. نعتاذرو ونبينا عليه السلام ... تحركي ماشي نتي اللي توريني اش ندير
جرها لكونطوار فين مجمعين كاع السرباية كيهضرو على تيليفون اللي مشا ... هضر واحد وقال
السرباي : انا الاللة اللي مسحت الطبلة من موراك فاش نضتي نتي وصاحبتك .. ومالقيت حتى حاجة
فاتي: عاقل عليا ياك ... انا اللي جيت انا وصاحبتي
السرباي: اه عااقل الاللة .. الى بغيتو تستاو راه مول الكافي عيطنا ليه وجاي
شاف فيها واءل كيسوط من مناخرو وقال
واءل : صافي ماعليش .. شكرا .. يقدر طاح ليها فالزنقة .. الله يعاون
جرها من يدها للزنقة هي تنتر كتغوت
فاتي: ماالك مشوه... مالك على حالتك الفتي قصة باش تعرف كنت مع بنت ولا مرى ..
واءل : خشاها فاللوطو .. تحركي وسكتي .. ومن اليوم ماتحطيش رجلك فالزنقة بلا خباري
فاتي: وعلاش بالسلامة!!
واءل: هاااكاك .. رشقاات ليا ... مخي قالها ليا ... قالي متعتبيش باب الدار ... وحيدي عليا هاد الالوان الطيف اللي دايرة فوجهك واخر مرة تخرجي هاكا سمعتي وماتخرجيش كاااااع تا كن انا
رجعها للدار كينكر وهي قالبة وجهها للزاج مكتجاوبوش . دخلها وزدح الباب ومشا لبيت النعاس كيبدل حوايجو طالع ليه الدم ومشا للحمام دوش . وحتى هي دارت بحالو .. مشات حيدات حوايجها ومسحات وجهها بمنضف ودهناتو بكريم ليلي جبدات مسكة لاحتها ففمها كتمضغ وطرطقها بطريقة مثيرة .. لبسات سوميج دو نوي خفيفة سيكسي كحلة وهزات عود ديال الريحة دوزاتو وسط صدرها وعلى عنقها .. دهنات لحمها بكريمات وطلقات الشعور وجلسات فوق الناموسية دتيرة رجل على رجل والصدر نبندر شادة تيليفون فيدها . دخل عليها واءل ملوي الفوطة على عنقو وهوا يطلعها من رجليها حتى لراسها وعقد حجبانو .. مشا حتى لحداها وتكى على جنبو هاز رجلو وحيدها ليه تيلفون من يدها
واءل : اري نشوف معامن كضحكي
فاتي: افففف ... مه صاحبتي . مالك مالك ... مالك وليتي هاكا !
واءل : كيلقب فالتيليفون ببرودة) وهاد صاحبتك مكتساليش نتي وياها ولا شنو؟! عاد كنتي معاها !
فاتي: سمع ... هاد التخربيق ديالك كديخل من ودن ويخرج من ودن ... مابغيتش ندير فيك راسي ولحد الساعة ساكتة ليك ... غتعطيني تيليفوني وتوقرني حسن ليك
هادا حال فاطمة الزهراء ... بوسة ولا جوج من واءل كتنسى اللي وراها واللي قدامها ... ديما مدوخها بهضرتو وغير ببوسة حنينة منو كترجع على خاطرها ... الحب وماداير فيها .. كيلعب عليها كي بغا واخا تعيا تكابر فأخر المطاف كتلقا راسها بين يدين واءل عايشة معاه وعلى طريقتو الخاصة .. وحتى هوا طاح معاها طيحة وحدة مكيقولش ان شاء الله بحال الى عمرو قاسها وبحال الى هادي اخر مرة يشوفها فيها .
لبس حوايجو وخرج .. طلع فسيارتو وهوا يتفكر التيليفون وطل عليه لقا ليزابيل عرام من عند ريحاب . اوك ماشي مشكل الصباح هادا تقدر تكون ناعسة .. حتى للعشية ويعيط ليها ولا تعيط نيت هي .
مشا للخدمة تلها معاها وكل شوية يعيط على فاتي يشوف اش كدير فالدار .. واش خرجات ولا ماخرجاتش .. الوقت كامل وهوا موسوس حتى وصل وقت لغدا وطلع فطموبيلتو ناوي يرجع للدار يتغدى ... شوية صونا ليه تيلس وفتح الخط بابتسامة
واءل : الو وي رحاب سافا؟
رحاب : ما سافا والز مال تيليفون الليل كامل وهوا كيصوني .. قلتي غتتاصل بيا؟
واءل : داني النعاس ونعست بكري .. شوي ديزولي
رحاب : غتخلص الحق اواءل
واءل : ههه نخلصو الاللة .. فينك ؟
رحاب: لقيتيني كنحمع حوايجي نسافر عاوتاني ... قلت نتغداو مجموعين ليوم الة مكان عندك والو قبل مانمشي
رحاب : انا واجدة كنتسنى غير صاحبتي توجد راسها .. عاد جاتها هي السبة وبان ليها فاليدين والرجلين
واءل : وا قولي ليها طلقي راسك داكشي مغيهربش
كمال : بصوت منخفض) قوليها واش فيها شوية ديال الضو ولا والو نصدقو كنتسناو على والو
رحاب: هههه سمعتووو ههههه قوليه غتشوفها ميديكش النعاس غير صبر راه غزاالة
واءل : واغير سربيو راسكم (قطع)
كمال : ها حنا غنشوفو هاد الشمش اللي كنتسناز طلع كي دايرة
واءل : وشنو بغيتيها نتا ياك مزوج ؟ ولا ناوي ضرب هنا وهنا ؟
كمال: ويلى كانت مليحة وفيها ميدار علاش
واءل: بسخرية) ههه ..مشييتي بعيد اخاي .
عياو يتسناز جالسين فالطبلة مقابلين مع بعضياتهم كيتجمعو ... شوية هز كمال راسو جيهت الباب اللي عاطيه واءل بالضهر وقال بأعجاب وصوت خافت
كمال : وا الملييييح اخاي وفيه مايتقضا
هز واءل راسو يالاه بغا يدور وهي توقف عليه فاتي بابتسامة عريضة
فاتي: سلاام
ابتاسم وسلم وتلفت ندموراه يكمل السلام على البنت اللي سبقو كمال ليها .. يالاه دار وهما يخرجو عينيه وتحل فمو .. فاطمة الزهراء!!!!!
كانت واقفة لابسة صباط عالي وسروال دجين مزير قصير وقميجة بلا يدين مخشية فالسروال .. الشعر مصايب بوكلي والدفار والمكياج والصاك فاليد مهم مزيزة بالمعقول بحال شي عارضة ازياء ولا بنت زوير ؛ واقفة عوجة ويدها على جنبها . . . حيطات النضاضر وهي تشوف فيه مطلعة حاجبها ومخرجة عينيها كدور فراسها وضحك بشرانية
واءل : فاطمة الزهراء!!!
فاتي: هه.... عندي الخدمة ومشغول ?
كانت صدمة بالنسبة لواءل .. الدنيا دارت بيه الدنيا اما صاحبو بقا غير كيشوف هوا ورحاب ... ولا نقولو مريم صاحبتها اللي جاوباتها فالتيلي ومع واءل راسو منفوخ مادا ماجاب فالصوت . شافت فصاحبو وقال
دفعو واءل: حاااايد يدك متحطهمش عليها راه مراااتي هادي
وقفات مغزفة : شدي الصاك . (لاختو لريحاب و هي تبدا ) باااااقي كتهضر يا عييييفت الرجااااااال .. يا الشماااااتة .... ياا الغدااااااار هاااااه
ضربات ديك الطبلة باللي فيها قلباتها وكلشي واقف كيتفرجو مخلوعين ... فاطمة الزهراء ولاو فيها عشرة . مااشي هي هادي فاتي الدرويشة ... وحتى واءل معصب وماحملش المنضر اللي دارت ليه ... ماعرف يحسح عليها ولا يساوي معاها .. دار عند مريم وقال بغضب
شنقات عليه فاتي : شهاااااار .. شهااااار وانا كندي و نجيب معاك فالهضرة والتيليفونات ... شهر و نتا كتسنا تشوفني ... وباااااش بدلتيني باااااش هه بيا !! بدلتيني بيا !!!! حستب ليك انا حمااارة واش ماعرفش شكون انا وللا حساب ليك عاااط حطني الكار!!! هضر ولا دابا كترجل .... زعما راااجل ؟!!!! حصلتي دابا يا الغدااار هاااه حصلتي
هزات صباطها وبظا ضرب هنا وهنا كتلهت دارت ليه الشوهة كل شوية تزل عليه للراس بصباطها اللي فيديها وهوا كيتعرفت معاها ويدفعها مع الحيط باش يحيد ليها . قرب كمال يفك وهوا يدفعو واءل وساط فيه كاع داك الغضب
واءل : واجمع يدك از****** ديها فكرك ماتقربش ليها
نزلات عليه فاتي للراس بالطالون كتشتف : خليييه يقرب .. خلييييه وااااش بيني وبييينك تحكم فيا داااابا ... يشد منين ما بغا
نزلات عليه بالتيلفون ديالها راسو لجبهتو حتى تشخشخ عليه ... قلبات عليه الدنيا بالغوات والناس كيفكو وهي كتقلب منين دوز ليه .. هرسات عليه الكراسة .. هرسات عليه الطبالي ودفعات على الكبالي دالناس ... فاتي مابقاتش كتشعر واللي جات قدامها كتهرسها ... كل مرة تعكل طيح وترجع تنوض ليه كتجبد فيه وتنقو باش توصل بيه وهوا وا كيهدن فيها ... دفلات عليه وخرجات حفيانة من الطازج ومريم موراه كتجري .. تبعها واءل حتى للطوموبيل وكملات عليه الباقي تما بالقميش والعضان والغوات . تدخلو الرجال كبار فكهم وبعدو واءل وهوا كولو دمايات من وجهو وواخا هاكاك باغي يهضر معاها .. جروه للتيساع باش تبرد القضية وطلعات فاتي فطموبيلتها من بعد ما فرجات فيه امة لا الاه الى الله .هي ومريم ومشاو من تما ..
مريم : وقفي جنب . وقفي بلاتي تبردي شوفي كي كترعدي ... وقفي غاتمشي دخلي فشي واحد تقتليه
وقفات فاتي فجنب الشارع وحطات راسها على الفولون كتبكي وتشهق وداتها كاملة كترعد
فاتي: شفتي الكلب .. شفتي يقدر يخوني مع 10 .. الحيوان الى خليتها فيه راني بنت الحرام والله حتى نكرهو فعيشتو
مريم : ندمت ... ندمت اختي تا شاركت معاك فهادشي والله . . . كن حساب ليا غنوصلو لهادشي والله منزيد معاك فيه.... محسابش ليا انا كاع واءل غايدير بحال هاكا .. مانويتهاش.
فاتي: خليه يمشي . غيلقا يدو والريح .. باش نعلمو الغدر كي داير
مريم : اش درتي ؟!!!!
فاتي : هزيت الرحيل كامل ديتو قبل مانمشي عندو ... خليت لمو غير الحيوط كيسفقو ... وغدا يلقاني واقفة كنتسناه عند القاضي .. مابقات بيناتنا عشرة وطاح من عيني متبقيتش حاملة نشوف فيه الشعرة
رجعات فاتي بحالها نيشان لدار صغيرة سبق ليها كراتها وحطات فيها رحيلها حيت دار مها ماعندها فين تهز ليها حتى كرسي دخلات للدار وهي مقلوبة كل حاجة فين محطوطة ... كانت عارفة راسها اش باغا ولاياش باغا توصل . كرات الدار وجمعات لحوايج ومع خروج واءل من الدار الصباح عيطات على الدراري هزو ليها الرحيل وحولاتو لدار اخرى وهادشي كاامل بلا مايسيق بيها حتى واحد من دارهم لخبار. حطات واحد السداري جلسات عليه وسط داك الزحام وبدات تبكي وتلطم بالفقصة .. عمرها نواتو يغدرها ولا مع غيرها يخونها .. ولاكن هادشي اللي وقع معاها يقدر بعاودو مع غيرها وتجيه عادي .. كما قدرات تصيدو هي قادرة تصيدو وحدة واخرى .. شنو كان غيطرى لو طلعات بنت اخرى بنفس المواصفات اللي عطاتو .. اكيد كان غيشد معاها الخط وتمشي فاطمة الزهراء تكب الماء على كرشها . تصدمات صدمة العمر وحتى وحدة ماتقدر تصبر لهادشي اللي دازت منو ... شللات يديها منو ودابا واخا يحلفو ليها على سيد الرجال ماتعاود تيق . دارت كروة حمراء على الرجال كاملين ... كانت تحلف على واءل انه عمرو يفكر يغدرها ولا يشوف فغيرها ... كانت كتشوفو فمرتبة وواخا يحلفو ليها عليه فمكة ماعمرها كانت تيق ولا تمشي معاهم فالهوى .. ولاكن هاداك الانسان اللي كتشوفو من دون الناس بنضرة فشكل وماعمرو يجي فبالك انه يجي شي نهار ويغدر .. هاداك اللي كيحل عليه عينيه ويمسحهم من الجلاللة وكيقلب حياتك ويخليك تشك فخيالك .
بقات متكية راسها على الحيط كتراجع نفسها وما جرى ليها وتبكي بوحدها حتى صوتا ليها تيليفون فيقها من سهوتها .. هزاتو طلات عليه لقات باها اللي متاصل بيها . .صافي وصلاتهم الخبار وبااينة واءل مشا عندهم كيسول عليها . فتحات الخط وهي مافيها اللي يهضر وعارفة خبير واليديها وشغايقولو ليها وهضرتهم كدخل ليها من ودن وتخرج من ودن ماستاعداتش كاع تسمع ليها
فاتي بصوت مخنوق: الو ..
الاب: فييينك؟ اش هادشي درتي ؟ واش هادشي كيديرو بنات الناس؟ واش كاينة شي مرى دير هادشي اللي درتي ؟ الى بغيتي تغصبي اجي لدار باك وشكي ليه ... علاش تهزي الرحيل ومن الدار تخوي ليه؟
جلسات فوق السداري شادة راسها بين يديها وباها كيرضي عليها ويصفي الخواطر
الاب : يالاه نوضي ابنتي نعلي الشيطان ... حتى الى عاودها مرة اخرى وانا ديك الساعة اللي غنتفاهم معاه .. نوضي سيرو رجعو الرحيل للدارو راه غتمرضو نتونا ونمرضو حنا وحتى واحد مايبقا فبالو هاني الى مصفاوش الخواطر
هزات راسها كترجف وقالت بشوية
فاتي: مغنرجعش ... وقتلتي يلا بغيتي تقتلتي ولا جري عليا لبرا باش تهنى ... هاد السيد هادا يطلقني ... يعطيني براتي ... انا مابقيتش حاملاه لاهوا لا ديك الدار.... ربي حلل الطلاق وانا منكدير حتى حاحة اللي حرام
جلس باها كيسوك وواءل واقف باغي يبكي
الاب : لا حولة ولا قوة الا بالله العلي العضيم ... سير اواءل دابا وخلي حتى لغدا يصبح ويفتح ... تكون هاظ العجاجة دازت .. ولا الى مكانش تما فين تنعس جلس بات معانا
ناض لبس واحد الصندالة دالميكة وسروالو قصير ومشا جر معاه الام خرجها وبقات غير فاتي قالبة وجهها كتزفر وصدرها كيطلع ويهبط .. قرب منها واءل حادر راسو ويالاه قال...
واءل : راه...
دارت مخرجة عينيها : مااااتهضرررررش معااايااااا..... سمعتي.... كرهتك كرهتك كرهتك .... واخا دير لي درتي .. واخا تموووووت عمرني نرجع ... انا وياك صافي سالينا وكاااع داكشي اللي بيناتنا صافي بااااح ضربتيه فالزيرو .... حتى باش نرجع ليك مكاينش علاش....... براتي تعطيها لي وانا مشامحة ليك فالزمر كامل .... باغا منك حتى ريال ... الناس كيطلقو بالمعروف ... انا غندير ليك الخلع .
قطعاتها فيه خلاتو ساكت مالقا يقول . ناضت من حداه دخلات لواحد البيت وسدات عليها فيه ماتعشات ماداقتو حتى دخلات عليها امها وجلسات حداها مربعة يديها
الام : اش واقع ببناتكم عاودي ليا من اللول حتى للخر.. باك راه دخل للبتو سد عليه و واءل مشا بحالو .. يالاه هضري شنو وقع
شافت فيها كتبكي وعينيها منفوخين وبدات تعاود ...
فاتي: قلت زعما اجي نجرب نشوف واش يقدر يهضر مع شي وحدة اخرى ... حليت واحد الفايس كاين عندي قديم وكنت ديزاكتيفيتو .. بدلت ليه السمية ودخلت كنجربو ... بان ليا فالاول بعقلو ساعة صدمني امي .. صدمني كان كيدخل للبيت ويسد عليه يبدا يتجمع وانا فالكوزينة كنرد عليه وربي اللي عالم بيا ديك الساعة ... غير كندخل عليه كيسد تيليفون ... تخيلي انا فالسبوع مع الناس ومعطلة والليل وماعيط حتى يسول فيا ... شاد التيليفوني وكيجاوبني فالواتساب ... نضت على سعدي ووعدي طلعت للسطح وطلعت واحد البنت كتقرا فالليسي معايا عطيتو يسمع الصوتو وقلت ليها تهضر باش سيدي ومولاي يسمع الصوت ... الناس فالسبوع ناشطين وانا فالسطح كنبكي كي الحمقة . جالس يسولني اش لابسة واش دايرة وباغي يهضر معايا فاليتيلفون ... عطيتو نمرة مريم وعاودت ليها كلشي وشداتو بالهضرة .. ماعقلش على صوت الاوديو وتاق وكيسيفط ليا فالبيزوات عاجبو الحال ... ومزيز ومفركس وغادي عارض عليها وانا مطيبة لغدا وكيكدب عليا قالك مشغول .. حتى وقفت عليه تما . (شدات وجهها بيديها) صدمنيييييي صدمنيييييي وماعمرني شكيت فيه فحياااتي .... كنت كنشك فراسي ونقول يمكن ماشي هوا . مشااات التقة مشاااات ومانقدرش نعاود نتيق فيه فحياتي على هادشي اللي دار فيا ... عمرني ضنيت يديرها هوا ويطلع منهم مكانتش باينة فيه ... هادي اخر باقا نتيق فشي واحد
الام : والله ما عرفت اش نقول ليك .. الشيطان دخل بيناتكم ... راه ندم كن شفتي باك اش دار ليه بالهضرة ماخلاش ليه .. بقا ساكت مقدرش يهضر ... والى جينا نشوفو .. راجلك كن ماكانش باغيك مغايشيش يعاود لباك كلشي ويسمع الهضرة ويرغبو يرجعك ليه ... كن مكانش ميتسوق ليك يعطيك براتك ومايسمعش كاع لهضرة دباك .. يديرها من الجنة والناس ويخرج يدور يشبع دوران اش بغا بيك وماعندو تا حاجة تربطو بيك
فااي: تا انا ماغنعطلووش ... يمشي يشبع دوران مع راسو .. كما دار ليا ليوم يدير ليا وغدا . راسي ضارني وغدا غنشوف شي واحد يشري مني ديك الثلاجة ونعطي فلوسها لشي محامي يرفع ليا عليه دعوة الطلاق .. كبرها تصغار
طاحت فاطمة الزهراء نعسات مفقوصة .
الصباح بكري فاقت قبل من كلشي لبسات سروال دجين ونفس حوايجها باش جات وخرجات ديمارات الطوموبيل ومشات تسول على راسها ، قصدات محكمة الاسرة كتجمع المعلومات . جلسات مع محامية كتشرح ليا القضية حتى كيصوني مشقوفها اللي فكل مرة تعصب ضربو مع الارض وترجع تجمعو .. مابقاش لافيشور كتشعل ورجع كيصوني بلا مطلع النمرة ، مع فتحات الخط كان باها غيخرج ليها من التيليفون بالغوات
الاب : ااااالو فين مشيتي؟؟
فاتي : انا فالمحكمة
الاب: بغضب ) واش غترجعي لوالديك للدار ولا نوريك المحكمة .. بقا ليك المحاكم الله يخليها تريكة ... اجي للدار داااااابا
فاتي: راه قلت ليكم باغا نطلق ومغنتسناهش يطلقني على خاطر خاطرو
قطع ليها فوجها خلاها كترعد بالفقصة . ولاكن هادشي ماخلاهاش تراجع على قرارها ... باها محاسش بيها غرضو يردها لدارها وكاع هادشي اللي وقع ليها ماعطاهش اهمية .. عادي هادو هما الاباب اللي عندهم عقلية بلدية .. ضرب المرى و لا الهضرة مع وحدة اخرى كيدوزوخ بجمغة دالماء . ديما يردو اللومة على بنتهم ويقولو ليها صبري . ولاكن فاتي ماشي النوع اللي كيصبر ولا يدوزوها بجغمة دالماء .
كملات الهضرة مع المحامية وعاد مازادت شدات الضدد وزاد طلعات ليها السخونية بمعيور باها .. ايوا صااافي يخونها ويخرج مع غيرها وفاش تغضب يتقلبو عليها واليديها حتى هما ! كلشي بسبابو وكاع اللي وقع ليا منو هوا .. هوا اللي قلب ليها حياتها سافها على علاها من بعد ماكانت مستقرة فدارها ... ودابا حتى باها جا من جيهتو هوا تقول ماشي بنتو !
خرجات من المحكة شاخدة .. عوالة تبيع الثلاجة وتعطي للمحامية الدفعة الاولى من الفلوس وتعجل ليها بالطلاق بلا ماتبقا مجرجرة جلسة مور جلسة .. مستاعدة تخلص براتها وتندمو وتوريه باللي ماشي صافي خيت كتبغيه تبقا لاسقة فيه وتقتل عليه الروح .
يالاه بغات تركب فطوموبيل وهوا يوقف عليها باها مكشكش هوا واءل . شافتو وتخلو عينيها عرفاتو غيضربها ولا يدير ليها شي شوهة تما .. وداكشي اللي كاين مشا عنظها نيشان بغا يجرها وصدق واءل اللي كيفك بيناتهم ما خلاش باها يحط يدو عليها ، مكانش واءل متوقع امشي للمحكة يكبر الموضوع لهاظ الدرجة .. وحتى واحد مقادر يوقفها وحتى من باها لللي صعيب وكتموت منو . الشارع دالمحكمة مامل كيتفرج فاتي وهي كتبكي وترجع اللور وباها كيغوت ويزيد يكرهها فكلشي ويقدها على واءل بهادشي اللي كيدير . كدور دور وترجع تمسح فيه كلشي .. هوا السبب حتى وصلات لهادشي
واءل : اجي اعمي .. اجي بررد .. برررد وجلس ترتاح ماشي بالضرب ولا الغوات كيتحلو المشاكل
جرو كيبرد فيه دخلو للطوموبيل جلسو ورجع عند فاتي اللي واقفة حدا طوموبيلتها كيهضر معاها بشوية
واءل : وصلنا المحاكم والطلاق افاتي ! نسيتي 5 سنين ديال العشرة قبل الزواج وعام وسقف واحد جامعنا ونجي نشتتو الشمل! ماحشوماش عليك؟
غوتات فاتي ولاول مرة على باها : ماغنمشيييش جريييتي عليا الصباح صافي خليني نعوم بحري ولا غنخشي عاد الطموبيل فشي رموك ونتهنا ...
قطعات تيليفون وبدات تبكي على زهر الاب والراجل والصحبة الغدارة ... حتى كيدخل فيها رموك من الجنب كركبها مع الشانطي هي وطوموبيلتها حتى كلاها حيط ديال واحد القرض الفيلاحي جا شوكة تهرس فيه الزاج وناض كلشي مخلوع واقف على الكسيدة اللي وقعات
بنت الحومة الجزء الثالث
محتوى القصة
التنقل بين الأجزاء