دخلات والاعين عليها مشات للمكتب ديالها شوية دخل عندها ستيف علمها بلي البوص داير اجتماع
تبعاتو ومشاو لواحد المكتب غير لي موالفين يمشيو ليه كلشي كان من غير صرب كان البوص جالس على راس الطبلة و كانت داشا جالسة فجيهة ليسرة ديالو وحداها أحمد لي غير شافتو ثاني روح كحلات بالعما و ستيف و شي رجال اخرين مشات جلسات حداه فجيهة الاخرة كان باين فالبوص معصب
البوص:البارح منجحاتش لينا واحد العملية دكشي لاش جمعتكم باقي باقي فيدينا 6 دالصواريخ وحيت دوك الزوامل (ضرب فالطبلة وناض) جبدوووني غادي ندمهم
داشا:شنو ناوي دير اخويا
البوص:دكشي لي وقع البارح خرج ليا على النص دالخدمة لي كنت موجد و ديفايل محلف عليا غادي نرد ليهم الضربة مضوبلة
روح:شنو المعمول موسيو
البوص: فنهااار واحد غادي نفركعو القنابل ب 6 وفاماكن مختالفة وديك ساعة مغيقدو يديرو والو وهادشي ايكون سري للغاية يعني إلا خرجات شي حاجة من هنا انطون متيقن بلي واحد فيكم خائن ومصيرو ايكون الموت واااش مفهوم
الكل:وي
البوص:احمد نتا تكلف ليا بلي دار هاد الفعلة وخرج المعلومة أنا تعمدت يكون هادشي بيني و بين ختي دونك كاينين جواسيس لي كيتصنتو علينا
احمد:(كيكحب)كح كح كح امرك سيدي
خنزر فيه البوص حتا كان ايبول فسروالو
البوص:الاجتماع سالا يمكن ليكم تفضلوا ستيف عيط على صرب
ستيف:امرك سيدي
يلاه كانت روح اتخرج وهي مرفوعة من داكشي لي سمعات حتا وقفها صوت البوص
البوص:فتون نتي بقاي
رجعات عندو خرج كلشي بقاات غير هي و ياه
فتون:وي موسيو
البوص:أجي قربي
قربات وهي مكارهاش دوز عليه من الودن حتال الودن
روح:وي موسيو
البوص:(سها فيها مدة وفعويناتها وابتاسم بلاما يشعر ولكن دغيا جمعها) فخبارك وجهك كيريحني
روح:(بضحكة مصطنعة)ميرسي موس...
البوص:(قاطعها) انقول ليك شي حاجة لي قليل فين كنقولها لشي واحد سميتي عدنان ومني نكونو غير بوحدنا ولي تقولي لي عدنان بلاش من ديك موسيو
روح:اوك موسي هه بغيت نقول عدنان
عدنان:ديري ليا داك الماساج توحشتو
جات وراه والغضب كياكل فيها من الداخل بغات تقجو بدات دير ليه مساج وهي ترفع مبقاش هنا كان صرب ورا الباب سمع تقريبا هضرتهم كلها معرفش لاش تعصب ودخل زاااعف ضرب فيها واحد تخنزيرا و فيه حتا هو و مشا جلس كان عدنان مغمض عينو مشافوش أما روح بادلاتو تخنزيرة
صرب عيا مايصبر كان غادي ينوض يشركهم بزوج تحكم فراسو وكيتحلف عليها فخاطرو
صرب:احم احم
حل عدنان عينيه
عدنان:فتون يمكن ليك تمشي حتا نطلبك
زير صرب على يديه ابتاسمات ليه ودارت بغات تخرج مخنزرة فصرب غير سدات الباب دار هو عند البوص مخنزر ومعاجبو حال هو براسو معارفش مالو بغا يتلاح عليه يفرعو
عدنان: بغيت منك واحد العمل خاااص
صرب:(عاقدهم)شنو بغيتي
عدنان:البارح البوليش ضيعو ليا مليار على قدها مني متنفداتش العملية بغيتك غدا فالمهمة ديال فيكتور تقتلهم كلهم باش نرجع ليهم دقة
صرب: اوك
عدنان:ااه راسي ضرني يمكن ليك تخرج وعيط معاك على فتون هي لي كتهدني
صرب تزاد معاه زايد ولا حمر بالعصاب خرج بلاما يجاوبو ناوي على خزيت
مشا عندها لبيرو ملقاهاش مشا لبيتها ملقاهاش زاد تعصب مشا لبيتو جاعر غير دخل لقاها جالسة فالفوتوي و عاقداهم
صرب (بتاسم) نتي هنا ياكما توحشتيني الزين
روح: نتا اخر واحد يمكن نتوحشو حيت ببساطة مكنحملش حتا نشوفك(بغمزة)
صرب:(ربع يدو) ولاش جيتي
روح: حضرت للاجتماع لي ماحضرتيش ليه نتا وبغيت نخبرك بلي سمعتو
صرب: شنو سمعتي
عاودات ليه كلشي بالتفصيل
صرب:اممم خاصنا نلقاو بلاصة هاد القلاوي ولد القحبة محلف على لي خسر ليه العملية
روح:اولا جمع فمك وثانيا باش عرفتي نتا بلي هدكشي دالبارح كان فخ وكيفاش لحقتي عليا
صرب:(كيحماق عليها مني كتعصب شدها من خصرها وقربها ليه)امم خاصنا باي طريقة نعرفو فين حاطين دوك القنابل و من بعد كلشي ايتحل
روح:(كانت كترطا و هو حاكمها ضرباتو لحجرو) وا الزامل متحطش عليا يديك
شدو كيبرد فيه الله وعلم شحال دالولاد قتلات ناض معصب
لسقها مع الحيط و شد ليها يديها بزوج و محمر فيها عينيه و لكن هي مخافتش منو كيدوي من تحت سنانو
روح:بعد مني الكلب
صرب:متجبديش دين مي ا روح متجبدييينيييش غادي ندمك
روح:مغتخلعنييين ومكيحركو فيا والو زوامل بحالك لي كيستقواو على لي ضعف منهم
صرب:روووح متعصبييش دين مي انصدق غالط فيك
روح:المخير فخيااالك ركبو
تعصب بحال إلا شعلتي فيه بولا حمرة ولا ثاني مكيبان ليه والو تلاح على فمها كيعض فيه ويمص بعنف حتا رجعو كيوزوز حس بمداق الملوحية ففمو حل عينو لقاها كتبكي و كترعد كلها بعد منها طلقها وهو معصب من راسو حيت كيزرب
صرب:احم نتي لي عصبتيني مكنتش ناوي ن...
روح:سكت الحيوان سكت مكنحملش صوتك هءهءهء (كضربو فصدرو) كنكرهك وكرهت نهار لي عرفتك فيه الحيوااان الشماتة
صرب:(شدها من شعرها) واش لدين مك مبغيتيش تسدي داك الفم الله يحرق طاسيلك
روح:وا بعد مني الحيوان معندك نفس بعد مني
صرب:(ورك على شعرها)اععععع نشوف دين مك كتقربي لداك الزامل ولا بقيتو على انفراد انحوي مك والله منعقل عليك
روح:اندير لي بغيت ومعامن بغيت ونتا مااااشي شغلك
تفكرات مضروب فكتفو شدات الضربة وركات عليها حتا غوت وطلقها بغا يشدها و هربات ليه هربات ليه وهو تابعها حتا وصلوا للفراش لحق عليها يلاه بغات تطلع فوقو وهي تجي طايحة تلاح عليها وشدها بيديه
صرب:دابا شنو ندير فدين مك نفرعك ها
روح:بعد مني اشم..
يلاه اتكملها وتفكرات بلي هي بين يديه دابا خافت و سات فمها ضار شاف كتفو لقاه كينزف ناض عليها مخنزر
صرب:تخرجي من هاد البيت نوري لمك نجوم فعز سما
ناض عليها مخنزر وكيشوف فيها شي شوفات ديال القتيلة و حتا هي مبادلاه بالمثل مشا للحمام هز علبة الاسعافاات وخرج جلس فالفوتوي لقاها جالسة فوق السرير و كتشوف فيه وعاقداهم حيد تيشورط خرجات فيه عينيها و دورات وجهها
روح:وااا زمر مالك جاي تعرا قدامي
مجاوبهاش مكونسونطري مع الالم كانت الجرحة تحلات كلها ودم سايل منها حيت معطاهاش وقت باش ترتاح وفورص عليها عاد هي زادت عليها مني وركات عليها
صرب:اااح هاد القلا** تحلات
دارت روح تشوف علاياشداوي بانت ليها الجرحة كتنزف بزاااف
صرب:اجي قربي
روح:لاش شنو بغيتي
صرب:وا غير أجي منقربش ليك
ناضت زاعفا حتا وصلات عندو كتشوف فالجرحة و كتبلع ريقها منضرها كان كيضر فالخاطر
صرب:خيطيها ليا
روح:شنوهو!!!
صرب:متخافيش غير خيطيها ليا
روح:من نيتك واش كتسطا على الوقت
صرب:(جرها من يديها وجلسها حداه) ياك مكتخافي من حتا حاجة و منها نيت بردي على راسك ونتااقمي ههه
روح:باز لوجهك ولكن عندك الحق ارا البرا لهنا
عطا ليها البرا الخاصة فيها خيط
صرب:هانتي أنا انوريك شنو اديري
روح:(مخنزرة) راني معلمة للاسعافات الاولية غير سكتنا صوتك كيضرني فراسي
شدات الجرحة و هي كترعد قلبها مقبوط عليها ولكن كتكابر وتبين ليه بلي هي معندهاش قلب بدات تخشي ليه البرا و دم كيخرج ودموع محجرين فعينيها ماشي حيت بقا فيها ولكن داك المنضر ضرها فخاطرها أما هي كان كيتأوه فصمت و مزير على يدو ومغمض عينيه كملات ليه بالكشايف دارت ليه فاسمة
روح:ساليت
صرب:(ولا حمر بزااف بحال إلا شاعلين عليه العافية و كيتنفس بجهد دوا بصوت عيان) صافي شكرا غير سيري
ناضت وهي كتشوف فيه فشي شكل معجباتهاش حالتو بغا تسولو ولكن مزعماتش طلع فيها عينيه لي كانو باااهتين و عياانين
بقات مدة جالسة فالمكتب حتا سالا الوقت دخدمتها و خرجات مشات لشركة باها دخلات خدمات شوية اصلا المنصب ديالها مكيلزمش الحضور ديالها دائم باها تعمد هكاك باش تبقا على خاطرها تاخد راحتها مشات تغدات و دازت للمقر داخلات وكلشي كيلقي ليها السلام مع كلشي ولا كيعرفها تلاقات باعضاء الفرقة سلمات عليهم من بعد مشات لغرفة ختها كتقرب وقلبها كيضرب حلات الباب لقات جوزيف جالس حداها وشاد يديها و ساااهي فيها محسش يروح دخلات مشات وقفات حداه و هي مستغربة
روح:احم احم
قفز جوزيف دار بانت ليه روح معرف باش تبلى بدا غير يدخل ويخرج فالهضرة
جوزيف:أنا كنت غير دايز و شفتها و غير جلست يلاه اصلا جيت
ابتاسمات ليه
روح: مالك ترهبتي أنا مقلت ليك والو
جوزيف:اه احم سمحي ليا نخليكم على خاطركم
روح:واخا هه
خرج وسد الباب جلسات حدا ختها باست خدودها بزوج وشدات يديها بقات غير كتشوف فيها الكلام مشا ليها ولسان لي يخرج الكلام حتا هو ثقاااال عليها بقات على ديك الحال مدة وناضت خرجات محطمة كثر من الأول فطريقها تلاقات مع جابر
جابر:جيتي شفتيها
روح:اه الطبيب مقال والو على حالتها
جابر:قال فاي وقت تقدر تفيق
روح:الله ياخد من عمري ويعطيها
جابر:(تنهد) المهم راه لقيت دكشي لي وصيتيني عليه (جبد قريعة)خاصك كيفاش تعطيها ليه فسيمانة تجيبي خبارو عنداك يحصلوك
روح:اوك
مشات وخلاتو ركبات فلوطو و بقات تشوف فديك القرعة كتفكر قيس إلا عرف هادشي شنو غادي يدير حيت واخا يوقع لي وقع كيبقى باه ولكن الحقد لي عندها من جيهة احمد و اكثريا مني ادى ختها مبقات حتا حاجة تشفع ليه واخا يكون قيس حطات القرعة فوق الكرسي لي حداها وكسيرات وصلات للمنضمة دخلات ومشات ديريكت للمطبخ لي كان كبيير وعامر بالخدامات و طباخات دخلات بحال إلا بغات شي حاجة تاكلها وفنفس الوقت عينيها كيدورو فالمكان بان ليها واحد هو لي كيعطيهم الاوامر عرفاتو هو المسؤول على داك القسم خادت سوندويش خفيف جلسات كلاتو على خاطرها وناضت خرجات تخبات ورا الحيط كتراقبو وكتسنا الفرصة تشدو
غير خرج من الباب معرفش كيف دار حتا تجر وشي حد سد ليه فمو كانت روح لي دخلاتو لواحد الغرفة عاد طلقاتو بدا يتيفتف معطلاتوش طبقات عليه التنويم المغناطيسي
روح:غادي تحط فالماكلة لي كتوصل لاحمد قطرة من هاد السم كل نهار ووجهي مغتعقلش عليه
طلقاتو وعطات ليه القرعة وخرجات مرتاااحة شافت جنابها مبان ليها حتا واحد عاد تنفسات كانت غادا حتا دازت من غرفة صرب ضرها راسها بغات تعرف شنو وقع ليه حلات الباب شوية ودخلات بان ليها ناعس ففراشو
روح:احم احم
مجاوبهاش حلات الباب ودخلات كتمشي على صباع رجليها وصلات عندو كتسمعوا كينين وكينطق شي كلمات ممفهومينش وحمر وعرقااان بزاف حطات يديها على راسو عقد حجبانو بحال إلا حس بالبرودية ديديها
بحال إلا حس بالبرودية ديديها كان كيشوي الحرارة طالعة للقمة
روح:تفو على جنس الواحد هو لي يخليك هكا حتا تموت كون مكانش جابر والله منعقل عليك
صرب:تاليا امم حبيبة
روح:يخخخ على بشار حتا وهو مغيب كيفكر فالبنات جنس قصيف
مشات كتعاير للحمام هزات إناء عمراتو بما باارد و هزات فوطة و رجعات عندو جلسات فالجنب لاخرديال السرير و بدات تدير ليه الفوطة على راسو وتبدلها كل شوية بقات تشوف فيه وكتفكر فاش غتاصبها حتا كتبغي تقتلوا و كتفكر جابر كتلعن الشيطان كتكرهو لواحد الحد ايليميتي حلفات السخانة لابغات تهبط وولا جسمو كلو كيترعد ناضت زادت عليه الغطا ومشات جابت من يلاجة ديال الشراب لي كانت عندو فالغرفة الثلج و جلسات ثاني تبدل ليه
شوية طاحت عليها فكرة جهنمية
روح:أنا انوريك ا سي صرب الفعلة لي دوزتي عليا باش اتخرج ليك يااا ربي تصدق يا ربي
غمضات عينيها و شداتو من جناب راسو وبقات مركزة حتا خدمات مهاراتها فعلم النفس حتا دخلات لدماغو ولا نقولو لاحلامو بان ليها معلق واحد البنت فواحد العمود و كيجلدها بواحد السوط وكلها دمايات وكتغوت تصدمات من دكشي لي كيحلم بيه حلات عينيها بالخف
روح:ويلي شنو هادا واش هادا حمق
عاودات طبقات عليه الطريقة ودخلات لدماغو بان ليها واحد البنت محبوسة فواحد الكاج صغير على قدها و كلها عريانة و كتبكي والكحل دايع ليها وشعرها مخربق وهو كان ربط ليها راس ديال بزازلها بواحد السلك رقييق و كيجر حتا كتموت بالالم حلات روح عينيها وطلقاتو وهي مصدومة شافت فيه لا كيبان ليها بحال شي وحش أول مرة كتخلعها شي حاجة رتابكات مبقات عرفات مدير تفكرات البيت لي كانت دخلات ليه وعرفات تماك فين كيمارس شدودو الجنسي ومع هي قارية على هادشي وهاضماه عارفة بلي حتا هو مرض وماشي ساهل باش يتعالج منو و أهم شيء ماشي لخاطرو كاين شي حاجة لي عاشها فشي مرحلة من حياتو لي خلاتو يولي هاكا كيلقا راحتو فتعديب الأنثى
بقات تفكر حتا حسات بيه كيفيق وهي تنوض من حداه بالخف وخرجات كتجري مشات لبيتها وسدات عليها كان بدا يطيح الضلام خرجات وركبات فلوطو ديالها فاتجاه الفيلا وهي مرفووعة من لي وقع بالها غير مع دكشي لي شافت مزال ممتيقة هي قرات على دكشي بالتفصيل ولكن التطبيق عمرها شافتو
أما صرب هبطات ليه السخانة وبدا يحل عينو شم ريحتها فالبيت ناض جلس لقا فوق راسو فوطا و حداه الاناء بقا غير يشوف مفاهم والو مجاتوش فبالو بمرة بلي روح لي كانت كتعالجو ومعرفش شكون نفض راسو من الافكار ودخل للدوش عام بالما بااارد و خرج لبس حوايج سخان وبدل الفاسما ورجع نعس حيت مزااال عياان
#عند_روح
وصلات للفيلا دخلات طلعات ديريكت لبيتها وبين عينيها دكشي مرسخ فدهنها دخلات دوشات بلاما تقيس شعرها لبسات بيجاما لي كانت عبارة على شورط قصير و بيل سميطات معري من الصدر سمعات الدقان فالباب
روح:دخل
دخل قيس كانت عاطياه بالضهر طلعها وهبطها وصفر حتا دارت قافزة
روح:هاء هادا نتا جيتي من الخدمة
قيس:اااه جيت وكنت عيااان مع كانت الخدمة مكثفة عندنا ولكن شفتك مشا كاع العيا
روح:هه بصح
قرب ليها وشدها من خصرها و باسها فراسها طول البوسة و شم ريحة شعرها تنهد من القلب
قيس:اممم ريحتك بتجنن
روح:(حشمانة)ميرسي
بعدات منو
روح:جيتيني عياان
قيس:اوووه بزاف كاع مع غدا عندنا عملية مهمة دوزنا تمارا هاد النهار
روح:امم ايوا رتاح
قيس:اجي نوريك كيفاش انرتاح
شد يديها وداها للشرفة كانت واحد الجلييسة عبارة عن فوطوي داااير و فيه مخاد كبار تكا و تكاها حداه هي غير كتشوف ولاول مرة مكتحسش بالخوف من شي راجل حط راسو على صدرها خلاها مشوكية وحاوط خصرها ولا كيبان بحال البيبي فحضن مو
قيس:الله دابا هادي هي لي كنسميها الراااحة
ابتاسمات روح وحطات راسها على شعرو كتقيسو بحنان سيد ترخا بقات تشوف فالسما كانت عامرة بالنجوم كتحس براحة مكينش بحالها قلبها كيزدح وكتحس براسها مكتااملة معارفاش كيفاش تفسر هاد الاحاسيس داز الوقت و جاها الجوع حيت شي ساعة وهما على ديك الحال
روح:قيس (لا رد سيد كياكل الرز مع الملايكة) قيس
عرفاتو نعس ابتاسمات حيدات ليه راسو من صدرها وناضت بلا حس غطاتو وباستو فحنكو وهبطات لقاتهم تعشاو طلبات يحطو ليها العشا بوحدها تعشاات و مشات للصالون جلسات كانت بوحدها شوية حسات بيد تحطات عليها دارت لقاتها ماماها
لمياء:شنو مزال فايقة ديري ا حبيبة
روح:(شافت فيها مدة مني رجعات متقرباتش منها) غير مجانيش النعاس
جلسات حداها وحطات راسها فحضنها و بقات تقيس فضهرها
روح:ماما
لمياء:عيون ماما شنو احبيبة
روح:(هزات راسها فيها) شنو اكثر حاجة جرحاتك فهاد الدنيا ديجا وقع ليك انك تحسي براسك مخنوقة وباغا تغوتي ولكن مقادراش
لمياء:اه ابنتي مني خسرت خويا و ختك حسيت بهادشي لي حسيتي بيه
روح:وإلا عرفتي بلي هما مزال عايشين شنو اديري
لمياء:مغادي نطلب والو من الله غير نشم ريحتهم واخا غير مرة وحدة عرفتي ابنتي عندي إحساس بلي ختك مزال عايشة تقدري ضحكي عليا ولا تقولي بلي أنا مسطية ولكن هادا احساس الأم ومغتحسي بيه حتا تهزي إن شاء الله بنتك ولا ولدك بين يديك
كانو عينين روح مغرغرين و حابسة البكية فحلقها عنقاتها ماماها و طلقات دموعها وحتا لمياء طلقات دموعها بداو يبكيو بجوج وكل وحدة وعلاش مكرهاتش روح تقول ليها بلي هي بنتها و بلي خوها عايش ولكن مزال معنها الجرئة
بعدات منها ومسحات لماماها دموعها وباست يديها
روح:متبكيش ا ماما مكنبغيش نشوف دموعك
ابتاسمات ليها لمياء
لمياء:وحتا نتي جمعي عليا دموعك ونتي واحد جوج طلقيهم من ديما هاكا امم ايوا العفريتة اش كاين تم بنتي ليا نتي وقيس وليتو تغبرو بجوج وتبانو بجوج
روح:(ولات ماطيشة بكثرة الزنوكية) لا غير هه اووف باينة حتال هاد الدرجة
لمياء:هههه احياني عليك العفريتة مبقيتيش ساهلة وتخبي على مك الشويطينة
روح:(كتلعب بيديها بالحشمة) ولا غير مزال هادشي جديد واصلا معرفتش واش كنبغيه ولا لا
لمياء:قلبك كيضرب مني كتشوفيه ومني كيقيسك كتحسي بضو ضربك و العصاغير كتزقزق فكرشك و كتغرقي فعيونو و كيولي محتل دماغك
روح:(مصدومة) اااه
لمياء:ايوا نوضي الله يجيبك على خير راك طحتي على راسك
روح:(عجباتها شخصية ماماها)ههه ةيلي مبقيتش نحشم سايرة نعاود ليك هادشي
لمياء:واخا ههه كعما كنتي تحشمي منو تعاودي ليه هو وأنا لا
روح:ودابا حشمت هه
لمياء:وسيري تنعسي فات الحال
روح:اوك
طلعوا للبيوتهم مشات روح طلات على قيس لقاتو مزال فبلاصتو ابتاسمات و مشات تمخشات حداه و نعسات حتا هي
#الغد_ليه_وبضبط فالعملية
كان صرب راكب فلوطو ومسلح وتابعينو سيارات من كل جهة عااامرين بجال حتا هما مسلحين كان لابس كلشي كحل وداير نضاضر كان الحال بدا يضلم وصلوا للمستودع ديال فيكتور وقف بجهد حتا تسمعات ونزل حيد النضاضر ودخل لقا فيكتور جالس مشا سلم عليه وجلس هو الاخر حدااه
فيكتور:فين هو المبلغ
صرب:حتا ناخد البضاعة و تاخد فلوسك
فيكتور:ها هي دابا اتوصل وحيت نتا جديد وهادي اول مهمة عندك قررت نهديك واحد الهدية متواضعة (طرطق صباعو وهما يتمو مدخلين جوج دالرجال واحد البنتاتكون عندها ديك 20 سنين اية من الجمال ولكن حالتها تبكي صخر كلها مجروحة وموووسخة و عينيها منفووخين بالبكا و وجهها زرق بالضرابي كانت لابسة كسوة فالطويلة ولكن نصها مشرك وحفيانة رابطين ليها يديها بالسناسل بقا غير كيشوف قلبوا ضرو من جيهتها زير على يدو بالعصاب عروق جبهتوا برزو
فيكتور:نينا اجي لهنا
جات عندو من بعد مطلقوها هادوك
فيكتور:بوسي يد سيدك
خادت يدو باستها وهي اتموت بالبكا
فيكتور:سي صرب هادي ولات ديالك مزال فييرج(وغمزو)
فديك اللحضة مكرهش يتلاح عليه حبس راسو بالكشايف شوية سمعوا صوت الشاحنة وصلات ناض صرب وجا واحد جار فيكتور حيت كيجلس على كرسي متحرك خرجو ولقاو رجال لي جاو مع صرب كيقلبو البضاعة خرجو علموه بلي كلشي هو هداك
فيكتور:يلاه عطيني
جاب ليه واحد سامسونيط صغيرة شوية حلها فيكتور خرجوا عينو مني شاف الفوس فهاد الوقت عطا صرب اشارة لقيس لي كان كيراقلو من بعيد
غير خاد قيس الاشارة بداو يطلقوا النار على كلشي فيكتور طارت منو بدا يغوت لقا كاع رجالو طايحين حداه
فيكتور:صرب ولدي عتقني
ابتاسم صرب جبد سلاحو وتيرا فيه للراس جاب الله حتا واحد مشافو دار بانو ليه رجال البوص كيتيريو فالبوليس ولكن البوليس لي غالبين مشا طاير جر صاحبو وتخباو ورا واحد لوطو
صرب:فين العشير
قيس:فالدنيا العشير
صرب:إلا مقتلتكش ا صاحبي داك البوص ايشك فيا
قيس:هههه قتلني نشوف
صرب:تهجرو اتبي
قيس:شتك ناشط ياكما ضارب شي كحل فالبيض
صرب:هاااديك غير هاد المرة ماشي بحالهم ا صاحبي واحد القويصحة منعاودش ليك
قيس:قاداتهم ليك
قيس:قاداتهم ليك
صرب:واااايييه اصاحبي قصة طويييلة حتا نعاودها ليك
قيس:حتا أنا اصاحبي قريب تحضر لعرسي
صرب:اوااه قبلات عليك بنت عمك هههه
قيس:هاديك راها مت ولادي إن شاء الله الحب هاديك صرب:ايوا سير الله يعطينا وجهك غبر غبر قبل منتيري فطاسيلتك
قيس:ها أنا غادي بلا دفيع اجي اش خبار الحاجة
صرب:وا ولينا نتحتو كي العيالات واتا غبر
قيس:ها هو غااادي على ماااركة
خرج من ورا لوطو لقا كلشي مجبد فالارض خرج قيس من جيهة الاخرى دار على كاع الرجال لي مزال فيه النفس قطعها ليه يلاه كان راجع للوطو ديالو سمع صوت شي واحد كيبكي تفكر البنت ومشا طاير عندها
صرب:شووت متخافيش مغنقربش ليك
نينا:(بالانجليزية) بعد مني هءهءهء
صرب:(جاوبها بالانجليزية) أنا غادي نعتقك غير يلاه معايا
ناضت معاه وهي خايفة ركبها فلوطو ودار اشارة لقيس لي كان مشغول بديك البضاعة
أما صرب دوز البنت للفيلا ووصا عليها الخدامة تدوش ليها و تعطيها متلبس وتوكلها عاد رجع للمنضمة غير دخل لقا البوص شاعل عرف القادية حامضة
البوص:(مشا شنق على صرب كان كيبان والو قدامو حيت صرب تبارك الله سوف يتطرطق بالعضلات) واش نتا دمدومة ها كيفاش ضيعتي بضاعة قدها قد الخلا واش عارف فاش حطيتيني داااابا فجهنااام
حيد ليه صرب يديه
صرب: (ضابط نفسو بالكشايف) وااا صحبي تكالما راه البوليس كان العدد ديالهم مضاعف بالنسبة لينا ودوك رجالك مفيديهمش
البوص:(مشا للمكتب لاح كاع لي فيه و ضرب يدو معاه بالجهد) اااااع قودتها معاه وات دفاااااااك خرجو عليا خرجووو
خرج صرب مخنزر وخرجات داشا
داشا:مديش عليه احبيبي غير معصب
صرب:اوك
داشا:توحشتك
مكانتش جاياه على الكانة ولا تفكيرو غير فروح
صرب:من بعد ا داشا خوك معصبني دابا
مشا وخلاها اطرطق بالعصاب من خوها
#عند_روح
داز نهارها عااادي ما بين المنضمة والشركة كانت 6h دالعشية جالسة فبيروها فالشركة و خدامة على شي وراق حتا تحل الباب بجهد كان غادي يطير من بلاصتو غير هزات ؤاسها شافت شكون دم مشا منها ولات كلها تفيبري حسات بدوخة و القجة وكلشي
ضابط الشرطة:نتي الانسة ليليا البنيسي
روح:(كتخرج الكلمات بزز)وي هي أنا
ضابط الشرطة: (جبد رخصة) حنا عندنا أمر باش نديرو معاك تحقيق
ناضت وقفات ورجليها فاشلين عليها
روح:ممكن نعرف التهمة لي توجهات ليا
الضابط:حتا المركز وغادي تعرفي وأي كلمة زدتيها دابا اتحسب ضدك
جا مينطها و خرجها كانت الشركة بدات كاخوا والموضغين لي فيها غير كيشوفو وضرهم لحم راسهم بغاو يعرفو لاش داوها
ركبوها فالسطافيط و داوها لمركز الشرطة طريق كلها و هي الترعد كتحس بالسخفة ورجليها كيقفقفو خايفة يكون دكشي لي فبالها هو لي واقع وصلوا ودخلوها للمركز داوها للبنيقة لاحوها وزادو هادشي غير مزاد خلعها كتر وكثر بقات كضرب فالباب
روح:شي واحد يقول ليا لاش جايبيني لهنا وااااا بنادم واااا زمر بغيت المحامي ديالي
والو حتا حد مجاوبها مشات جلسات فالارض حيت مكانش اصلا علاياش تجلس ربعات رجليها و بقات تشوف فالمكان كان موسخ وكيخلع مكاملا حتا 10 دقايق جاو دوك لي حطوها تم
ضابط:زيدي قدامي
خرجات عندهم مخنزرة فيهم داوها لواحد الغرفة ديال التحقيق فيها غير بولا خفيييف ضو ديالها و طابلة و كرسي جلسوها فالكرسي وجاو قدامها كفدو قوامجهم مخلعوهاش ولكن نواوها فراسها
سد ليها بالفعل فمها وعينيها حتا هما بقات ترطا والف فكرة جاتها فبالها وكلهم خايبين وصلوا و خرجوها كتسمع صوت الماج مفهمات حتا لعبة كانت شوية و تبدا تبكي طلعوها فواحد الخشبة و داروها لواحد البيسط طلقو ليها يديها و مشاو بقات واقفة مدة كتسنا شي حاجة سمعات صقيييل حلات الباندا لي ففمها وعينيها لقات راسها فواحد اليخت مجهز كلو ورد وشمع مفهمات حتا لعبة تبعات طريق لي فيها الورد حتا وصلات لواحد الغرفة فيها طبلة بالشموع والاكل مجهز وواحد الجو رومنسي قربات و علامات التعجب واضحة عليها قربات للطبلة لقات بزاف دضروف فالالوان حلاتهم وحدة بوحدة كانو فيهم صورها و هي ناعسة و مني مشاو للبارك ومني مشاو لبحر مفهماتش منين جاب داكشي وفاخر ضرف لقات رسالة بدات تقراها:"الا من سكنت قلبي و من دخلته بلا استاذان يا امرأة غيرت حياتي و اضافت لها طعم اخر يا دنياي وكل ما املك هل تقبلين أن تكوني سيدتي و مولاة قلبي و عرش على مملكة فؤادي و أم ثمرات حبنا" مع كملاتها حسات بدموع نازلين مع عينيها وبوسا حنينة فعنقها عرفاتها ديالمن ابتاسمات حوطها من كرشها و ضورها ليه بقا يشوف فعينيها نسات روح فديك اللحضة كلشي جات منها هي المبادرة و تلاحت على فمو كدليل على قبولها بعرضو شوية سمعوا الطلقات النارية دارت تشوف وهي تلقا مكتوب فالسما و بالالوان i love you
هبط على ركابيه و ركب ليها الخاتم جا على قدها هزها باسها و جرها جلسها فوق الطبلة وكالو فجو لا يخلي من كلمات الغزل لي مغرقها بيهم كملوا و هبطو من اليخت وبقاو يتمشاو فالرملة مدة معانقين
روح:نمشيو
قيس:واخا فازي
ركبو فلوطو ورجعوا للفيلا دخلوا جلسوا معاهم وشي يشوف فشي بحال إلا باغيين يقولو شي حاجة وعلامات الفرحة باينة على وجههم من غير غزل لي الحسد كيقطر ليها من العينين أما روح بحال الاطرش فالزفا مدات مجابت كان قيس جالس اونفاص معها كطلع فيه عينيها كيغمزها و كتحدرها جات عينيها فالخاتم بقات تشوف فيه حمقها سمعات صوت جدها كيحنحن
صافي روح كانت فعداد الموتى بكثرة الحشمة مكرهاتش الارض تنشق وتبلعها ولات حمرة كيف مطيشة ومطلعاتش راسها فيهم
قيس:(تقاد فالجلسة) عمي بغيت نديرو شي نهار باش نخطب ليليا
محمد:((شاف فبنتو غرغروا عينيه) احياني عليك البريهيشة ياك كنقول ليك متكبريش (عنقها وحط راسها على صدرو) هاد سيد كيفرحك
روح:(بصوت منخفض) امم اه
محمد:ايوا ا سيدي سيمانة جايا نديرو خطبة رسمية و من بعد نتوما حددو موعد العرس
روح بحال إلا صرفقتها ولا عرفتي شنو بحال إلا لحتيها من شي بلاصة عااااالية عاشت مع الدور ونسات شكون هي هي راها روح بنت الكاريان لي تعدا عليها خوها و ثلاثة دشماكيرية عاد هي مزوجة لواحد آخر ولكن لي خلاتها تموت ألف مرة أن قيس حبيبها وروحها ايتخطب لختها ماشي ليها ليليا لي كيدويو عليها ماشي روح حيت روح مجرد انسانة قتالة سفاحة كتقتل بلا عقل مكتحنش هي الانسانة لي سايرة تقتل لحبيبها فباه هي الانسانة لي كتكدب على واليديها و هي كتشوف فعينيهم كلشي هادشي فكرات فيه حسات فقلبها تقطع ل 100 قطعة وكل قطعة كانت كتعصر حتا روحها كتبغي تخرج كانو كيدويو على الخطبة وكنزة و لمياء فرحاانات و كيوجدو و يفصلوا ويخيطو أما اياد و الياس كانو كيباركو لنسيبهم و يصيوه على ختهم و محمد كان كيدوي مع الحاج وفنفس الوقت كيدوز على ضهر بنتو بحنان وروح كانت فعالم الصدمة عالم لي يلاه كان وردي و لا اسود فضلام أما واحد غزل اجي نعاود ليكم على حالتها كانت كيف ديك اللعفة لي راسها مقطوع مزيرة على سنانها و عينيها شاعلين بالحمر كتشوف فروح شي شوفات واخا تكون هي لي قاتلة ليها واليديها و يتماتها متشوفش فيها هكاك مكرهاتش تنوض تفضحها ولكن جاتها فكرة انسب وقررات تخليها حتال نهار الخطبة باش تحطمها
ناضت روح قافزة كلشي دار شاف فيها
روح:(بابتسامة مصطنعة)انطلع نبدل عليا
محمد:واخا سيري
طلعات كان قيس ايتبعها شدو اياد جلسو
اياد:فين اصاحبي شتك ولفتيها عيينا نديرو عين الميكة وفهم راسك
الياس: حتا تزوج بيها و متفارقش عليها
قيس:درتو بيا اولاد اللدينة
اياد:وا غير خت وحدة لي عندنا وكنخافو عليها دير ليها شي حاجة نفرشخ خويا
قيس:ههه كون هاني هاديك راني دايرها بحال عينيا
الياس:(مخرج عينو زعما حتا هو راه حااضر) والله يعميها ليك
محمد:شتكم تحاميتو على السيد
قيس:هانتا تشوف ا عمي
#عند_روح
دخلات وسدات عليها الباب وهبطات مع الباب ودموعها نازلين بغزااارة جلسات و خشات صباعها فشعرها روحها كانت كتنزف من الداخل كتحس براسها داخلة فمتاهة مليهاش نهاية ولا حد حيتكاع الحلول لي قدامها كيديوها لطريق وحدة ولي هي التعاسة و مبقاش عندها ابدا الجهد تحمل ألم جديد لي فيها كافيها و فايت لهيه بقات تبكي حتا بردات على راسها و مشات لفراشها هكاك بحوايجها غير حطات راسها طاحت دودا كترت الالم هي لي كتخلي الواحد يستسلم للنوم حيت هو الملجئ الوحيد لي كتاخد فيه الروح راحتها
#عند_صرب
دخل لبيتو ملقا ميدار هز سيجار كيكمي فيه جاتو فبالو روح بتاسم را اراديا و بقا يخمم فيها وكل مكايفكر كيزيد يغرق فالافكار تفكر نهار لي غتاصبها غوبش وقال:"هي الملاك الطاهر في عيني و أنا الشيطان الدنيئ في نضرها" غير كملها ضحك على راسو
صرب:وليتي شاعر اولد العبد ههه وكدوي مع راسك من الفوق هههه
هز كاس دشراب سكحو وناض بغا يشوفها متشوق لوجهها وتقاسيمو البريئة رغم شخصيتها القوية مشا لبيتها لقا دوك الرجال كينين عند الباب معرف مايدير خرج للجردة وطلع من البالكون ديالها واخا كان عالي شوية حلو ودخل لبيتها ملقا فيه حتا حد تعجب وهز حاجب و معرفش لاش تعصب بغا يعرف فين زادت فهاد الوقت عند بالو بلي كاينة عند البوص هادشي لي خطر ليه فبالو جلس فوق الفوتوي لي جلس كيكمي ثاني ريتو هلكها كيشم ريحتها فالبيت ومحلف عليها بقا يتسنا ساعة جوج ثلاثة وااالو حسها مكاينش الشيء لي زاد دخل فيه الشك راسو بغا يتفركع
صرب:واخا القحبة غير حتا تجي و نتفاهموا كديري غير لي قال ليك راسك ها أنا انوريك اللعب كي داير
جلس كيتسناها مغمضش حتا صبح الحال ولاو عينيه حمرين و معصب جاعر
صباح جديد و باحداث جديدة اتغير مجرى حياة أغلب ابطالنا ناضت روح بكري قبل كلشي مع ديك الخمسة دارت روتينها الصباحي و خرجات مشات ديريكت للمنضمة دارت هاكا بلعاني حيت ممستعداش تشوف لقيس ولا لعائلتها فعينيهم
وصلات ودخلات لبيتها غير سدات الباب تفاجأت بيه جالس وملامحو مكتبشرش بالخير
روح:(بلعات ريقها) صرب إلا فكرتي واخا مجرد فكرة ديرها انقتلك
صرب:أنا انعلمك كيفاش تولي تسدي هاد دلقوش
جرها ودفعها على الفراش حيد ليها تيشوت و هي كترطا و خلاها بسوتيامات جبد السمطة وربط ليها يديها مع سرير
روح:هءهء لا عفاك مديرهاش (تفكرات دكشي لي شافت فاحلامو عرفات راسها قودتها) صرب عفاك
صرب:نتييي الكلبة لي جبدتي دييين مي ياك كنقول ليك الف مرة جمعي فمك ولكن شكون سمعني دابا حتا حاجة مغادي تشفع ليك
روح:عفاك اصرب عفاااك متحطمنيش عفاك راه مبقا فيا لي يتجمع هءهء
شاف عينيها دامعين حس بداكشي لي كان ايدير بعد منها
صرب:اخر مرة تعاوديها
روح:اه اه غير متقيصنيش
صرب:كتكرهيني حتال هاد الدرجة
روح:هءهءه وكث...
مكملاتهاش خافت منو ناض فك ليها يديها و مشا خرج زدح الباب بجهد خلاها غارقة فدموعها ناضت فشلانة للحمام قادات شعرها لي كان تخربق و دارت شوية المكياج باش متبانش باكية و خرجات للخدمة ومرة مرة تفكر قيس قلبها يضرها و تفكر صرب مخها و يديها لي كيضروها تمنات تقتلو واخا عرفات بلي ماااشي لخاطرو ولكن لي دوز عليها ماشي ساهل أما صرب مشا لبيتو جبد عليها بنعسة نهار كلوا مع منعسش بليل
#ضلام الحال كانت رجعات روح للفيلا طلعات بدلات حوايجها لبسات كسيوة صيفية فالغوز جاتها سو كيوت و بينات جسمها الممشوق ودارت فاغاجو غوز و غلوس كانت يلاه اتخرج من البيت تلاقات بقيس حتا هو خارج طلعها و هبطها كيف العادة هبلاتو مشا باسها فراسها
قيس:اتحمقي دين مي بهاد الانوثة كلها
روح:(واخا محاملاش راسها تكدب عليه مي هو الحاجة الوحيدة لي كتخليها سعييدة وتنسا همها ابتاسمات ليه)ميرسي
قيس:اليوم ايجي يتعشى معانا واحد الضيف مهم كثر من خويا بغا يتعرف على خطيبة خوه ومرتو المستقبلية (غمزها)
روح:(حدرات راسها وعضات على شفايفها)اوك هه
شد خصرها و هبطو كانو جالسين هاد المرة فالجريدة و دايرين شوا حيت علمهم قيس بلي عشيرو ايجي يتعشا معاهم
جلسو مجموعين و جاب قيس الكيتار ديالو بدا يعزف لمحبوبتو و ليهم حتا شوية سمعوا صوت وراهم كلشي دارو
صرب:واحد السلام عليكم
روح سمعات صوتو مقدراتش ضور حسات بالسخفة والموت دخلاتها ناض قيس سلم على صاحبو وناضو كلهم سلم عليهم بحرارة باس للجد يديه كدليل احترام وصل عند اخر شخص لي كان مهبط راسو غادي و كيقرب و كيخرج عينو مفاهم والو وصل قدامها
قيس:ليليا هادا صاحبي لي عاودت ليك عليه
هزات راسها فيه بالعرض البطيئ تلاقاو عينيهم ناضت وقفات وهي كلها كترجف أما هو مخرج عينو بالصدمة معرف اش يدير ولا يسبق ولا يوخر مد ليها يديه هزاتها كترجف يلاه حطاتها فيديه وهي طيح سخفاانة بين دراعو
شدها وهو مزال مخرج عينو من الصدمة كلشي وقف مخلوعين مشا قيس ديك الساعة خادها منو وتكاها فوق الفوتوي وكيضرب على خدودها
اياد:مالها
لمياء:هءهء معرفتش عتييقة عتييقة (كتعيط على الخدامة)جيبي ريحة
قيس:ليليا ليليا فيقي
محمد:انعيط على طبيب
بدات تحل عينيها بشوية وكتبان ليها ضبابة
قيس:صافي غير بلاش ها هي بدات كتفيق
تقاد ليها النظر بان ليها كلشي مجموع عند راسها تفكرات شنو وقع دورات وجهها بالخف كتقلب عليه بان ليها واقف و مصدوم مكيتململش كيشوف غير فيها و فصاحبو بلعات ريقها دموع تحبسو فطرف عينها حبساتهم بزز
قيس:(حط يديها على حناكها نسا كاع واش جالس وسط العائلة خاف عليها بزاف) حبيبتي مالك شنو ضرك نعيط على طبيب
روح:(غير سمعات اش قال دارت بزربة شافت بصرب لون مشا منها كان حمر والعروق خارجين من جبهتو و يديه مزير عليهم لون مشا من وجهها دارت عند قيس كلها كترعد) لا لا بلاش منو أنا بيخير
خرج صرب معصب ناوي على خزيت رد ليه الياس البال
الياس:قيس صاحبك مشا سير شوف مالو
قيس:واخا ها أنا راجع دابا
روح:(طلقات دموعها)هءهء لا عفاك متمشيش عفاك
كلهم تفاجءو من هاد ردت الفعل بقاو غير يشوفو عنقات قيس بجهد بحال إلا خايفاه يهرب
قيس:(كيشوف فيهم وكيسولهم بعينيه)صافي صافي مغادي لحتا بلاصة أنا معاك وا صافي الخيبة
بقات تبكي حتا تفشات و ناضت واخا كتحس برجليها مهازينهاش
روح:أنا انطلع لبيتي نرتاح
قيس:أنا انطلع معاك
روح:بغيت ماما تبقا معايا عفاك
لمياء:واخا احبيبة أنا نمشي معاك
خلاوهم وطلعات هي ومها لبيتها تخشات فالفراش و دموعها مهداوش و تكات حداها لمياء كتقيس ليها شعرها بحنان حاسة ببنتها مخنوقة وواصلة بيها لعضم
لمياء:حبيبة مالك شنو وقع ليك يلاه كنتي بيخير
ملقاتش جواب حدرات عينيها لقاتها مغمضة عينيها كانت دايرة راسها ناعسة حيت معندهاش جواب باستها مها وخرجات حلات روح عينيها وطلقات شهقاتها لي كانت حابساهم من شحااال
روح:هءهءهء الله يا ربي اش هادشي كيطرا صافي أنا ضيعت قيس صافي أنا مبقا عندي حتا امال فهاد الدنيا يا ربي خود روحي هءهءهء (بدات ضرب فركابيها) لا لا هادشي ميمكنش ميمكنش هو صاحبو لا (طلعاات لحناكها كضرب فيهم)بغيييت نموت بغييت نموووت
وصل حدا المنضمة وفرانا بجهد خرج صاعر ودخل مكيشوفش قدامو احتا وصل قدام جابر و عينيه حمرين
جابر:(مستغرب)اش جابك فهاد الوقت
صرب:قيس صاااحبي هو ولد عم رووح؟؟؟
جابر:احم علاش شنو واقع
صرب:(كيغوت)واااا جاوب
جابر:اييه هو
حس صرب براسو مشا وجا خرج عينو بداو الافكار كيتجمعوا قدام عينيه بلي قيس باه مافيوزي و بلي روح باغا تنتاقم من عمها وبلي عاشت دور ختها بكثرة صدمة مبقاش عاقل على جابر شكون شنق عليه
صرب:لاااااش مقلتيهاش ليا من لول لااااش واااش بغيتو تسطيو دين مي واش أنا تزوجت بالمرا لي كيبغيها خويا ااااع
طلق منو وضرب الطبلة حتا تقسمات على جوج و خرج صاااعر ركب فلوطو ومعارفش راسو فين غادي مخلي عقلوا يتصرف حتا لقا راسو قدام واحد نايت كلوب دخل ومشا قدام البارمان طلب فودكا كب ليه كاس شربو فجغمة وبقا يزيدو واحد ورا لاخر حتا جاب الكاو جات عندو واحد الوحدة من فتيات الليل و جلسات حداه كتعوج عليه طلع عينو فيها
صرب:روح
العاهرة:أنا روح ولي بغيتي احبيبي
صرب:روح لاش درتي فيا هاكا هاء لااش لاش مكتحملينيش
العاهرة:خوي عليا قلبك الحب نيت مكاين ميدار
صرب:دابا نتي هاء كيبغيك هاء صاحبي و أنا شنو درت أنا غتاصبتك هاء أنا. ...
طاح نعس مع كان شاد فيه شراب مزيان
العاهرة:بفففف بقا فيا عثمان واا عثمان عيط ليهم يهزوه راه نعس
#صباح جديد
فاق صرب راسو ضاارو شاف فسقف لقا راسو فالبيت ديال فدالفيلا معرفش كيف وصل لهنا ومبغاش حتا يفكر دماغو كان ايتفركع عليه بكثرة الافكار دخل دوش بلما بارد عاد حس براسو صحصح خرج لاوي عليه فوطة مشا للشرفة هز كارو كيكمي فيه وكيفكر فالحريرة لي هو فيها تنهد و مشا جاب تيلي ورجع ثاني للشرفة دوز نمرة ديال المحامي وقال ليه بغا ورقة طلاق تخرج ليه فساعة ايبقا غير توقيعهم دخل لبس لباس رسمي كحل مخنزر و محاملش الوضعية مشا للمنضمة عيط ليه صاحبو بزاااف دالمرات مي مجاوبش مشا طرك المحامي خاد الورقة عاد مشا للمنضمة تلاقا فطريق مع داشا وقفاتو
داشا:كود مورنينغ بب جيت عندك البارح ملقيتكش
صرب:(بصوت خشن فيه نوع من الغضب)كان عندي ميدار
داشا:احم ياك لباس جيتيني مغير
صرب:هو هداك فتون جات
داشا:(جاتها الغيرة)ولااش كتسول فيها بيناتكم شي حاجة
طلعها وهبطها وزاد مفيه لي يدوي مع شي حد مشا للبيرو ديالها وجلس كيتسناها
شوية تمات داخلة لابسة (صورة)وعينيها منفوووخين بالبكا بايتة ليل كلو تبكي و كانت مزنكة باينة فيها عاد كانت كتبكي شافتو مشات طايرة عندو
روح:صرب سمعني سمعني عفاك أنا كنبغي قيس بزاف والله حتا كنبغيه هءهءهء عارفة راسي مكنستحقوش ولكن شنو ندير بغيتو بلاما نعيق ومقدرتش نصارحو
قربها ليه وريحتها و رموشها لي كينو فازكين و كيتغمضو و يتحلو بواحد شكل كيحمق و عويناتها الخضرين وشفايفها وهي كيتحركو كانو جابو ليه تمام اول مرة من بعد سنيييين كيحس بقلبو كيضرب ولكن لثاني مرة للانسانة الغير مناااسبة غمض عينو بجهد و عاود حلها بعدها عليه و عقد حجبانو ساخر ليها الورقة فوق الطبلة ومد ليها ستيلو هي غير كتشوف اش كيحاول يصنع
صرب:سيني هنا
روح:شنو هادشي
مجاوبهاش هبطات راسها كتقرا مقدراتش تيق كطلع عينيها فيه و تعاود تهبطهم ممصدقاش ضحكات حتا بانت ليها ضرسة العقل و سينات بلا هواها هادشي لي دارت كان بحال الموس تغرز فقلبو خنزر فيها و قرب ليه الورقة وسينا حتا هو
صرب:ها نتي خديتي حريتك
روح: شكرا شكرا كنتمنى متق...
صرب:مغادي نقول ليه وااالو ماشي على قبلك نتي ولكن على قبلو هو كنتمنى متجرحيهش و صارحيه حيت الكدوب عمرو مكيخرج فشي حاجة مزيانة
شاف ملامح رجهها لاخر مرة و تفاصيلهم باسها جنب فمها و خرج محطم
دارت شافت فيه حتا خرج لاول مرة كيبقا فيها ولكن كتفكر شنو دار فيها كتكحل بالعما ثاني رتاحت جزئيا مشات جلسات فالبيرو وهي مبتاسمة دابا بقا ليها غير تكمل هاد المهمة و تصارح حبيبها بكلشي
أما صرب خرج من تم ومشا ديريكت للفيلا ديالو جمع حوايجو ففاليز صغيرة و شد طريق ثاني للايغوبوغ ركب فهيليكوبتر ديالو الخاصة هو لي ساقها بعد مرور 5 ساعات تحطات فالاراضي الاسترالية و بضبط فواحد الجزيرة صغيرة من الممتلكات ديالو لقا رجال مستفين تم غير شافوه حدرو راس و مشاو طايرين جابو ليه هامر ديال دوك طرقان ركبها وزاد وصل لواحد دار خشبية رائعة بكل المقاييس جات وسط الادغال غير الخلا والقيفار دخل وطلع لبيت نيشان لي كان كولو بالخشب ونقي حيت ديما كيجيو ينضفوه ستف حوايجو و نزل للتحت خرج ركب ثاني فلوطو لوجهة غير محددة
بعد مرور 4 ايام
كانت 5 دصباح كان صرب لابس سروال دالعسكر و تيشورط بيض مزير عليه و مبين تقاسيم عضلاتو جالس القرفصاء وقدامو لبوءة مجبدة قدامو وكيقيس فيها عاجبها الحال واخدة راحتها
صرب:بعيليكتي انتوحشك (ناضت تلاحت عليه كتلحس ليه وجهو)ههه هداي
بعدها عليه و بقا يشوف فيها سماها روح حيت كتشبه لروح فالكراكتير شرسة و هادئة باسها وناض مشا ركب فلوطو ديالو وصل للهيليكوبتر لقاوهم جايبين ليه لي فاليز و البيلوط كيعاين فيه مشا ركب لور دار الكاسك و قلعات الطائرة طريق كلو وهو يفكر هاد الايام دوزهم غير وسط التفكير حاير معارف اش يدير ولي زاد عصبو ان بعدها مقدرش عليه لدرجة انه سيفط رجالو يصوروها ليه
#فالمغرب
وبالضبط فالمنضمة كانت روح عندهم 11h دالصباح كانت جالسا فبيروها و ملامح وجهها مركزين حيت كانت كتسمع للواحد الاجتماع مهم دايرو البوص مع داشا وأحمد لي باقا فيه غير نفس وحدة ولا بحال زومبي مافيهش لون و ضعيييف
قدرات تعرف فيه دايرين الصواريخ ناضت كتشطح بالفرحة
روح:واخييرا هه
شوية سمعاات داشا كتغوت وقفات فبلاصتها مني عرفات اش واقع سمعات البوص كيعيط ليها بدات تفتف و ناضت دخلات عندهم بالزربة لقات احمد طايح فالارض و داشا واقفة حداه كضرب ليه فحناكو بعدها البوص عليه
البوص:صافي اداشا احمد راه مات
داشا:كيفاش مااات يلاه كان بيخير
البوص:كان مريض فتون عيطي عليهم يهزوه يديوه لعائلتو راه مرتو وولدو كاينين هنا
دارت دكشي لي قال ليها و رجعات للبيرو ديالها كتفكر كتحس بالندم و لكن معندها مدير لي دار فيها و فختها ماااشي قليل
ناضت خرجات من المكتب راجعة لبيتها حتا بان ليها متيقاتش راسها عند بالها غير تخايلات دار شاف فيها مدة كان موحشها بغا يقرب يشم ريحتها تفكر بلي هي خطيبة صاحبو دار مخنزر ومشا لبيتو دخل زدح الباب سمع الباب تحل دار شاف فيها ودار راسو ممسوقش وماخفي اعضم
روح:احم فين كنتي
صرب:(باستهزاء)ونتي مالك
روح:احم غير على قبل الخدمة (قربات ليه وهي قلبها كيضرب ماشي حبا فيه مي خوف مخلط بشي حاجة اخرة مزال معرفاتها) وصلت ليوم لواحد المعلومة اتفيدنا
صرب:(طلعها وهبطها غمض عينو ستنشق عبيرها وبعد عليها مبغاش يغلط عقد حجبانو) شنو
روح:(أول مرة مني تلاقاتو كترد البال لتقاسيمو الوسيمة والخشنة) أ أ (بلعات ريقها) عرفت بلاصت الصواريخ
صرب:مزيان علمتي جابر
روح:مزال
صرب:اك خرجي عفاك بغيت نبدل
روح:اه واخا سمح ليا صدعتك
كانت غادا وهو متبع ليها العين يلاه وصلات الباب تفكرات شي حاجة ودارت عندو ثاني
روح:كنت باغي نقول ليك واحد الحاجة
مشا بزربة عندها ولسقها مع الباب و خشا راسو فعنقها صبر حتا صبر مبقاش قاد يصبر مزال أما هي تبوكات باسها فعنقها بوسة حنينة غمض عينو وضار دغيا عطاها بضهر
صرب:خرجي
خرجات دغيا قلبها كيضرب معرفات باش باش تبلات كانت باغا غير تقول ليه بلي مستعدة تعالجو من السادية لي فيه ساعا مخلا ليها ميتقال مزال خرجات دغيا ركبات فلوطو ديالها رجعات للفيلا تغدات مع دارها كانو كيوجدو للخطبة لي باقا ليها غير يومين حتا ضلام الحال وجا قيس باين من وجهو ماشي حتال لهيه
مشا باس روح فراسها
روح:مالك
دار شاف فالحاج وفعمو وفمو
قيس:احم بغيت نقول ليكم شي حاجة
محمد:الله يسمعنا خبار الخير
قيس:الوليد مات اليوم
الحاج:الله أكبر (دمعو عينيه)
لمياء:البركة فراسك ا ولدي
قيس:مامشا معاك باس ا مرت عمي
مشا جلس حدا مو عنقها بجهد كانت كتبكي واخا لي دار فيها وخلاها هي وولدهم وعمرو سول فيهم ولكن راه عشرة سنين وحتا قيس كان قلبو ضارو على باه واخا يوقع لي وقع كيبقا باه
بقاو ساكتين مدة والحزن مسيطر على الجو مقدراتش روح تشوف داك المنضر ناضت خرجات للجردة
روح:اووف ا روح تهدني نتي كان خاصك ديري هكاك هو يستاهل ما كثر
حسات بيد حاوطاتها و هي تسكت
روح:حبيبي مقلق
قيس:وي شوية
قربها ليه كثر حتا تلاصق صدرها مع صدرو
قيس:وجودك كيخفف عليا كلشي
روح:حتا نتا حبيبي بغيتي نأجلو الخطبة
قيس:لا اصلا اجراءات تشريح معطلين مع الويكاند دونك حتال مورا الخطبة و ندفنوه
روح:مغتكونش على راحتك
قيس:نتي غير كوني فجنبي وغادي يكون كلشي هو هداك
تحنا لمستواها وباس شفايفها بوسا حنييينة و بعدها عليهم مع غادي تحل عينها مع غادي تجي فعينيه نيشان طلقات من قيس بالخلعة دارت شافت فقيس وعاودات شافت فين كان واقف ملقات والو عاد تنفسات عند بالها غير تخايلات
ولكن بصح نيت كان صرب لي واقف تم مقدرش يصبر معرفش كيف دار حتا وصل لتم بلا هواه مني شاف داك المنضر مشا كيجري لواحد شجرة ونزل عليها بالضرب وحدة ورا لأخرى حتا يديه كلها عمرات دم ونزل على ركابيه مألم و حاس براسو مشدود من اكثر يد كتوجعو كان محتاج شي حضن حس براسو معندوش قوة كاع الجبروت لي كان عندو مشا قدامها فرمشة عين عمرو تصور غادي تخليه شي بنت لمرا يوصل لهاد الحالة وكون قالها ليه شي واحد قبل كون ضحك عليه هو صرب المريني لي المخيرة كيشطحها بين صباعو هو لي كان مكيفوتش مع لوحدة شهير ديالها ويلوحها بحال إلا عمرها كانت ضحك على راسو عرف بلي دنيا دايرة دقا لي درتيها فغيرك اترجع ليك وبالاضعاف مزال
ناض عياان ركب فلوطو ومشا للفيلة ديال مو ليكانت بحال القصر فخمة بزااف شافوه لي كارد حلو ليه البوابة وعطا ليهم لوطو يركنوها هما دخل لقا سقيل الخدامات لي كيضورو سول على مو قالو ليه ناعسة طلع لبيتها حل الباب بشوية بانت ليه ناعسة قرب و تكا حداها من بعد مباس راسها تخشا فحضنها وغيب حس براسو بلي هو انسان ضعيف واخا عندو ثروات دنيا ودين مقدروش يحبسو هاد الالم لي فقلبو
##نهار جديد
خادت فيه روح روبو من بعد مقالت للبوص بلي شي حد من عائلتها مريض و مشات دارت شوبينغ هي وغزل لي اتموت بالفقصة غير كتأفأف و كتخنزر معاجبها حال ختارت روح شنو اتلبس فالخطبة و مشاو ل سونطر بيوتي دارو ليها لاسيغ وخادت موعد باش من بعد تبدا دير حصص دلازيغ من بعد مشاو تقداو مكياج و روايح رجعوا للدار مدكدكاات مي روح الفرحة اتنقز ليها من عينيها لقاو دنيا مقربلة فدار كانو جايبين مصمم حفلات كيوجد للخطبة #عند_قيس
دار مع صاحبو يتلاقاو فريسطو من بعد ما جاوبو حيت كان قاطع معاه الهضرة كان جالس فريسطو قريبة لمركز الشرطة وحاط قدامو كاس دالقهوة شوية بان ليه صرب داخل عنقو عناق رجولي وكيحاول يبتاسم بزز واخا كان باين فيه الارهاق جلس قدامو طلب قهوة وشعل كارو كيكميه و رجلو كترعد بحال إلا بالو مكاينش هنا كمل باكية وهما مزال مدواوش بقا قيس غير كيشوف عرف صاحبو عندو شي حاجة
قيس:ايوا العشير فين غبورك شتك غبرتي غبرة وحدة
صرب:كنت فالجزيرة
قيس:اووه فالجزيرة كااع هي عندك شي حاجة مطلعة ليك الكناوية
قيس:امين اتحضر ياك نتا والحاجة متقولش ليا لا نخسر معاك
صرب:(ايتفركع) خويا ايخطب و منحضرش اتلقاني أنا لول
بقاو داويين و صرب مرفوع كيقول غير اه ولا يسكت حتا داز الوقت وكل واحد وغين مشا
مشا صرب للبار ثاني جلس كيشرب هاد المرة مجابش الكاو كان مزال باقي فيه واحد الكرااام ديال الجهد ركب فلوطو ديالو ومشا للفيلا ديالها بقا يشوف كيدير يدخل بان ليه واحد البالكون وبصدفة دازت من تم شافها ضحك ومشا ليه طلع ودخل عندها كانت لابسة بينوار حيت يلاه خارجة من الحمام كانت كتنشف شعرها بان ليها فالمرايا تخطف منها اللون دارت دغيا وشافت فيه
روح:نتا شنو كدير هنا
كيطلعها ويهبطها
صرب:(بصوت تقييل مع الشراب) هاء جيييت بغيت ندوي معاااك غير شوية صااافي
روح:(مشات طايرة سدات الباب بساقطة) خرج دغيا خرج قبل مايجي شي واحد
صرب:وااا سمعيييني بعدا
قربات ليه
روح:دوي قول اش عندك
صرب:هاء أنا كنبغييك ا روح كنبغيك بزاااف متزوجيش بيه عفاك ا روح (دمعو عينيه و حط يديها على القطعة اليسار ديال صدرو) هادا كيتحرق ا روح كيتحرق هاء
صرب:هاء أنا كنبغييك ا روح كنبغيك بزاااف متزوجيش بيه عفاك ا روح (دمعو عينيه و حط يديها على القطعة اليسار ديال قلبو) هادا كيتحرق ا روح كيتحرق هاء
بقات غير كتشوف فيه طلقاتها بواحد ضحكة خارجة من القلب
روح:ههههههههههه (كضرب فصدرو وضحك هو غير ساهي فيها)هههههه ضحكتيني قول كضحك ياك ههههههه قالك كيبغيني (جمعات ضحكة وخنزرات) على أساس نتا عندك داك القلب باش تبغيني ها دوي (كدفعوا)دوي نهار غتاصبتيني و دمرتيني فين كان هدا لي كيتحرق دوييي هءهءهء أنا مستحيل نبغيك واخا تبقى نتا آخر رجل فهاد الكون عمرك تحلم نبغيك أنا كنبغي قيس ونتا(ركزات فعينو) نتااا عمرك مغدي تلقا الانسان لي يبغيك حيت نتا أصلا مكطيقكش نفس يلاااه غبر عليا
صرب:هادي آخر هدرة عندك
روح:(درت عطاتو بالضهر)خرج من هنا ا صرب
حسات بيدين محاوطينها و مزيرين عليها بجهد مقدراتش تحرك حط شفايفو فعنقها و بقا حاااطهم مدة تنهد حسات بدمعة قطرات على عنقها بعدات منو ودارت كانو عينيه دامعين متيقاتش ابدا انه بكا على قبلها قرب ليها كثر
صرب:هاء سمحيي ليا ا روح قيس ايفرحك هء أنا متأكد هء حتا نتي تهلاي فيه واخا (حط يدو على خدودها و كيدوز عليهم بحنان) هء هو هء هو انسان محضوظ حيت نتي فحياتو (ابتاسم وضار مشا فاتجاه البالكون باش يهبط سمعو دقان فالباب طارت من روح بظات كتفتف)
قيس:(من ورا الباب) ليليا مزال فايقة
تكا صرب على الكوافوز ولاح واحد الديكور عرفات روح راسها حصلات مشات كتجري جراتو ودخلاتو الحمام
روح:مديرش الحس عفاك
فين هو صرب بدا كيشد فيه النعاس خرجات وخلاتو وقلبها كيشطح بالخلعة قدات راسها قدام المرايا و مشات حلات الباب ووقفات برا ممخلياهش يدخل
قيس:حبيبتي توحشتك
روح:حتا أنا بزاف
قيس:مبقا والو وتولي خطيبتي اجي اش بان ليك نديرو غدا حتا لاكط مبقيتش قاد نصبر المعاناة هي هادي
روح:ههه حمق مزال قدامنا الوقت واصلا ماما متبغيش تزوجنا هاكا بلا عرس
قيس:نصبرو الالة نصبرو
بدات كتفوه و تحك عينيها
قيس:نخليك تنعسي عييتي اليوم
روح:بزاااف
باسها فراسها ومشا بقاات تشوفو حتا دخل لبيتو عاد دخلات لبيتها و سداتو و رجعات للحمام لقاتو جالس فالارض و نااااعس مغيب
روح:اويلي هادا نعس ليا هنا شنو اندير اووف عمري شفت فيك شي حاجة زوينة يخ
هبطات عندو كتحرك فيه
روح:صرب صرب فيق
صرب:اممم روح اجي هنا توحشتك
روح:ويلي حي على توحشتك نوض تكعد جنس كيداير يخخ
مبغاش يتحرك شاد فيه نعاس تحنات عاوناتو حتا ناض وهي كتأفأف خرجاتو من الحمام تقل عليها بزاف معرفات مدير داتو لفراشها يلاه بغات تكيه وهو يشدها ونعس فوقها بثقلو كامل حتا كان ايخنقها
ونعس فوقها بثقلو كامل حتا كان ايخنقها ولات حمرة وريحتو دوخاتها مع مجهدة
بقاات تفكر فالاخير قررات تخليه حتال صباح ويمشي سرحاتو فبلاصتو وحيدات ليه صباط وهي محاملاش الوضعية مشات قادات فراش فوق الفوتوي و تكات كتشوف فالسما عنكشاتها النعسة وغدا خصها تفيق اونفورم بقات تقلب كاتشوف فيه كيف ناعس وواخد راحتو كتعوج فعينيها دازت ساعة ووالو نعاس حلف لا جاها ناضت مقهورة ضرها عنقها و مشات نعسات حداه و دارت واحد جوج ميترو بيناتهم ومخدة عريضة لوسط و عطاتو بالضهر بقات شي قسمين حالا عينيها يلاه بدا يديها نعاس وحسات بخباطة تلاحت عليها جمعاتها هي والمخدة دارت قافزة بان ليها معنقها وهو مكينش هنا حيدات يدو عليها وبقات تشوف فيه كان ضو دالفيوز لي شاعل خفييف فليموني بدات تفكر هضرتو و الطريقة باش بكا حسات بنخسة فقلبها معرفاتها واش شفقة ولا شي حاجة اخرة بلاما تشعر هزات يديها كتساريها على وجهو فحنان عينو نيفو لحيتو فمو غمضات عينيها استنشقات ريحتو تفكرات اش دار ليها وكيفاش تعدا عليها ضرب كلشي ثاني فزيرو وضارت مخنزرة
صباح جديد دخلات شميشة لبيتها جات بعويناتو المضلمين بحال سواد الليل بدا يتجبد شاف جنابو أول مرة كيشوف هاد ديكور دور وجهو يمين بان ليه البالكون والكوافوز شم ريحتها فالارجاء دور راسو على جيهة الاخرة وهو يتلوكا مني شافها ناعسة ومعنقة ديك المخدة حك عينو عند بالو غير مشافش مزيان شاف ساعة مفهم حتا زفتة معاقل على حتا حاجة من دكشي لي وقع البارح جاو فبالو شي افكار عند بالو بلي غتاصبها ثاني بغا ينوضها ومزعمش قرب ليها كيقيس فشعرها
صرب:روح روح فيقي
بدات تحل عويناتها الخضرين المنقطين بالرمادي شافت فيه وهي تنوض جالسة دغيا
روح:احم فقتي
صرب:شنو كندير (نعت ليها بصبعو للفراش)
روح:خاصني أنا نسولك هادا ما قال ليك راسك سكر حتا تسكر واجي دير ليا شوهة هنا واش مناويش تعطيني تيساع
شاف فيها واحد الشوفا فشي شكل خلاتها تحس بتأنيب الضمير ناض لبس سباطو و خرج منين جا بقات جالسة مدة كتشوف فالبالكون بقا فيها
جالسة مدة كتشوف فالبالكون بقا فيها
فاقت من شرودها مني سمعات دقان فالباب ناضت حلات الباب لقات ماماها جايا هي و الخدامات هازين الفطور روايال و الحليب والتمر بقات غير كتشوف دخلوا و تبعوهم شي بنات ورجال كل واحد وباش مكلف ها لي مختش فالماساج ها لي مختص فلي ماسك ها لي ميكاب ستيليست ها لي مختص فالشعر لمياء:حبيبتي صباحو
روح:ههه ماما شنو هادشي كاامل
لمياء:بنت وحدة لي عندي بغيت نفرح بيها ونعيشها احسن نهاار فحياتها
روح:(بتاسمات وعنقاتها)يخليك ليا يا احسن ام فهاد دنيا من ديما تمنيت تكون عندي ام بحالك
لمياء:كيفاش
روح عاقت بلي قالت بقات غير دور فعينيها مافكاتها غير غزل لي جايا بتجعويقها
غزل:صباحو عروستها فايقة منورة الحب وميدير (غمزاتها)
روح:هه دكشي
لمياء:بلاه سيري فطري فات الحال خاصنا نوجدو دغيا
روح:هه اك
دخلات فطرات عمرات كريشتها مزيااان وبداو خدمتهم دخلوها للدوش لي كانو كوجدينو بالحليب والورد وشي زيوت جمعات شعرها و دخلات ليه بداو يديرو ليها مساج حتا ترخات و لي ماسك واحد ورا لاخر هي بالها مكانش ابدا معاها كان كولو مع واحد الشخص لي مخسوش يكون ابدا ولكن هادشي كان خارج على استطاعتها من الاعتراف دالبارح وهو شاغل بالها كتحاول تنفض راسها منو مي كتلقاه واخد تفكيرها كلو ناضت دوشات وخرجوها كانت لابسة بينوار و دايرة فوطة على شعرها جبدات ليهم شنو اتلبس وبداو يشوفو المكياج والتسريحة لي اتجي مع اللبسة حتا تغدات عاد بداو ليها فالشعر صايبوه ليها ساامبل على طولتو وبداو ليها فالمكياج شي ساعة ونص و هما يماكيو ليها ومخلاوهاش تشوف فالمرايا سالاو وداوها لبسوها الغوب لي كانت بالفيغكاناغ جايا ايفازي عليها تصميمها مابين قفطان وغوب سواغي جات مبينة فورمتها منحوتة تريمة بارزة مرسومة و صدر نصو معري كاع لي تم حمقاتو داوها قدام المرايا تصدمات فراسها متيقاتش ابدا النتيجة جات كتخد العقل دارت لي ساكسيسوار و رشو ليها الريحة دوشوها بيها و خرجو بقات غير هي و غزل كانت شي سبعة تقريبا وجالسة روح على اخر من الجمر ناضت كتمشي وتجي مع الثوثر وتفرك فيديها وغزل غير متبعة ليها العين و كتخنزر كانت لابسة قفطان سامبل فالبوردو و دايرة مكياج ثقيل و طالقة شعرها مسرح
غزل:(فنفسها) تفو كيف جات أنا حسن (كتشوف فراسها وفروح كتلقا فرق كبير ولكن مبغاتش تعتارف بيه) ليليا نخليك نهبط نشوف شنو كاين لتحت
روح:واخا ا اختي شكرا على وقفتك معايا
غزل:(دوات بشوية)ومزال انوقف معاك غير صبري
روح:قلتي شي حاجة
غزل:نو حبيبة كالم طوا كلشي ايكون مزيان
ابتاسمات روح و خرجات غزل مشات لبيتها جبدات الصور حطاتهم فصاكها و هبطات عندهم كانت الدنيا عااامرة بالعائلة والاصحاب وشركاء العمل غير طبقات البرجوازية كانت لمياء واقفة هي و محمد والحاج و كنزة والياس فالطبلة الفرحة باااينة على وجههم واخا يلاه مات احمد ولكن هو كان داير علاش ميخليهمش يحزنو عليه كثر من نهار مشات غزل وقفات حداهم و هي مبتاسمة ديك الابتسامة ديال صباغة واحد اياد داخ مشا قرب حداها كيحاول يجبد معاها الهضرة مي هي منخلاه وبالها مع الرمانة لي باغا تفركع
عند روح كانت كطل فالشرفة كتسنا فقيس يجي و قلبها كيضرب حتا قالت اتراجع حتا تعاود ليه الحقيقة ديك الساعة ايبغيها كيفما هي ولكن كتفكر واليديها شنو وجدو على قبلها كتزيد تأزم ومن جيهة اخرة صرب لي شغل تفكيرها كل شوية تجي فبالها مني كان كيعتارف ليها بحبو شوية بانت ليها ميرسيديس اخر موديل ستاسيونات و خرج صرب لابس كوستيم كحل فيه بابيون و مرجع شعرو لور و حداه مو لابسة تكشيطة بالحرير الحر و مخيطة بالصم والاحجار الكريمة اتكون بوحدها ديك تكشيطا ساوية ثروة كان شاد فيدين ميمتو طلع راسو فبيتها وهي تبان ليه نباهر بجمالها بقا يشوف فيها شوفات خلاوها تموت فحوايجها بالحشمة دخلات بالخف للداخل أما هو دخل سلم على العائلة وسول على صاحبو قالو ليه مزال ما جا مقدرش يصبر بغا يشوفها خاد منهم الادن وطلع لبيتها دخل بلاما يدق
الشيطانة الفاتنة الجزء الخامس
محتوى القصة
التنقل بين الأجزاء