الشيطانة الفاتنة الجزء السادس

من تأليف هاجر الباحو
2018

محتوى القصة

رواية الشيطانة الفاتنة

حل الباب ودخل بلاما يدق شافتو كانت جالسة وقفات مخلوعة
روح:شنو كدير هنا
مجاوبهاش كان كيخضر عويناتو فيها هايم فجمالها قرب ليها وهي كترجع بلور حتا تلاسقات مع الحيط ومبقا عندها فين ترجع قرب ليها ومبقا والو بيناتهم حيد خصلة كانت على عينيها حط يدو على عنقها وهبط حتا قرب لفمها ومبقا والو بيناتهم و دوا بصوت حساس
صرب:جيتي كتحمقي
كانت نفسو كضرب فوجهها غمضات عينيها كتحس بالحرارة طالعة مع صبعها الصغير لحمها بورش وقلبها بدا يضرب فالتسعين حلات عليها لقاتو مزال مقرب ليها وكيتأنل فيها وباين على وجهو هايم فيها دوات حتا هي وفمها كيرجف ومقاداش تخرج الهضرة
روح:صرب خاصك تمشي هادشي لي كدير فيه ماشي مزيان أنا انتخطب لصاحبك
كيحس بالخناجر كيتغرزو ليه فقلبو بعد منها معصب
صرب:(بدل نبرة صوتو ثاني ولات خشنة)شنو لي فيه مافياش مكينش شي واحد فهاد الدنيا ايبغيك قدي لي تمنيتيها نجيبها ليك مستعد نخليك أسعد انسانة
روح:(عقداتهم حتا هي)تخليني اسعد وحدة ياك قلتي هه نتا راك ضمرتي اخر حاجة بقات مقادة فيا نتا راك هرستيها
صرب:طلبت منك سماحة وقلت ليك انعوضك ونسيك فكلشي إلا عطيتيني فرصة
روح: فهمها اسيدي أنا كنبغي واحد اخر واي هو قيس ونتا مكتعني ليا والو ومكنحس من جيهتك بوالو من غير الكره والقرف فهمتي وهادشي لي واقع ليك دابا دنوبي باش تحس واخا غير شوية بداكشي لي حسيت بيه أنا ودوق من نفس الكاس دالمرار لي دوقتيني منو
صرب: غادي تندمي ا روح أنا بغيتك كيفما نتي بغيتك وأنا عارف ماضيك وتقبلتك كيفما نتي قيس مغيتقبلكش وغادي تندمي على هادشي كلو
روح:قيس كيبغيني
صرب:(شاف فيها وركز شوفا) دكشي لي بغيت يبغيك و يخليك فرحانة المهم عندي تكوني نتي فرحانة
مشا خرج وخلاها مزنكة بالفقصة كانت غزل طالعة تعلم روح باش تهبط فطريقها تلاقات مع صرب ومع كان غادي معصب ومشايفش قدامو تساطح معاها حتا طاحت فالارض وطاح صاكها وتشتتو تصور كلهم قدامو
صرب:احم سمحي ليا مشفتكش
غزل:(مخلوعة لايشف تصاور بدات تجمعهم بالخف)لاا هانيا
بقا يشوف فيها كتجمع و ترعد هبط عينو فصورة كانت تحت رجليه بانت ليه روح تحنا وهزها كيشوف شادا في شي حد من نضرة لولة عرفو جابر شاف غزل وكيشوف فصورة كيحاول يفهم اشنو كيديرو عندها ضربات ليه طن فراسو خنزر فيها ونوضها من كتفها و دخلها لواحد البنت و سد الباب
صرب:شنو هادشي الكلبة شنو كيديرو عندك هادو وشكون نتي
غزل:هءهء والله حتا غير كنت باغا ن... هءهء
صرب:دوي القحبة
بقات غير كتبكي معطاتوش راس الخيط خطف ليها الساك و خاد منو كاع الصور خاد تيلي
صرب:حلي الخرا
حلاتو ليه حيت خلعها ديال بصح لقا الصور مسحهم وفورماطا ليها تيلي
صرب:(شادها من شعرها)يا وييييلك دوري بساحتها شي نهار تقربي لشعرة منها قسما برب العرش حتا نفنيك واااش فهمتي
غزل:اه اه فهمت هءهء 
صرب:سيري قودي منشوفكش حداها
غزل:هءهء واخا
خرجات وخلاتو هو بقا يشوف فصور عرفها كانت اتفضحها مقدرش يتحمل يشوفها محطمة ثاني واخا يكون على حساب تعاستو المهم ضحكتها هي متخطاهاش

خرج للجردة من جيهة الاخرة كما كارو وبقا ساااهي فسما حس بيد تحطات على كتفو دار شاف شكون كان قيس لي لابس طقم فالبلوغوا و مرازي لحية و مقاد شعرو لور جاب بوقوص و لكن ميبان والو قدام رجولة وفحولة و خشونة صرب خطف ليه الكارو ونتر منو
صرب:ياك قطعتيه
قيس:اليوم غيير كاع الايام كلشي مسموح ا صاحبي
صرب:فرحان
قيس:بزاف
صرب:(روحو كتحرق) الله يكمل عليك بالخير
قيس:امين ا خويا
صرب:مزال منزلات العروسة
قيس:ها هي قريبة تهبط نطلبك
صرب:أمر ا صاحبي
قيس:غني ليا فخطوبتي بغيت نديرها ليها كادو ونيت خرج صوت الجوهري لي مخبيه على كلشي
صرب:(بلع ريقو دار شاف قدامو ضحك على هاد القدر لي كيطعنو كل مرة)اه نغني ليك ولكن الصحافة مكتكونش عارف الضجة لي كيديرو و هدشي ممعروفش عليا
قيس:كون هاني ا صاحبي بغينا نفرحو بيك حتا نتا
صرب:هه إن شاء الله
سمعو زغاريت عرفوها نزلات
قيس:هاهي نزلات
صرب:سير نكمل ونلحق عليك
قيس:واخا
عنق صاحبو فرحان ومشا يشوفها أما صرب بقا واقف معنوش الشجاعة يمشي كما جوج اخرين عاد دخل للحفل لقاهم واقفين كلهم فطبلة مشا عندهم شاف قيس شاد فيديها طلع عينو ليها لقاها كتشوف فيه مقدرش يستحمل مشا خاد الشراب هو لي كينشيه همو واخا غير شوية جلس فواحد الفوتوي بعد و بقا مقابلهم وحتا هي محيداتش عينيها من عليه داز الوقت وجا فين غادي يركبو الخواتم كانو دايرين بيهم الحباب جابت لمياء صينية فيها الحليب والتمر والخواتم وكلو بعضياتهم تمر و شربو الحليب وركبو الخواتم كان نضرات صرب اتاكلهم باقي ليه غير شوية ويبدا يغوت بداو يقراو الفاتحة مني سلاو قرب ليها باها باس راسها وركب ليها كورميط وبداو يعطيوها الهدايا عطاها قرب ليها صرب كان شاد فيه شوية الشراب جبد من جيبو بواطة و حلها قدامها كانت فيها واحد السنسلة على شكل مفتاح فيه الوسط زمردة فالخضر جاي للرمادي بحال لون عينيها بالضبط لكبها ليها قدام نضرات الكل
صرب:مبروك
روح:الله يبارك فيك
غمزو قيس باش يدير دكشي لي تافقو عليه دار ليه اشارة بيديه تمام
مشا وهوعينو عليها قال لديدجي الموسيقى لي يديرو ليه مع كان سكران الاغنية لي جات على قلبو وعلى حالتو غناها متسوقش للخطبة ولا لشي حد خاد الميكرو وجلس على واحد الكرسي طوييل وبدا يغني وكل كلمة كيخرجها من اعماق اعماقو
رانــي خـليتهالك أمـانة .. تـهلا فـيها مـا تـغبنهاش .. هــاديك حـبيبتي أنـا .. ربـي لـيا مـا كـــتبهاش 💞 💞

صـرات الـغلطة مـا تـفاهمناش .. أنـا جـرحتها مـا بـغات تـوللي .. قـلبها حـنين مـا تـقصــيهاش .. حـــــــاول تـبغيها أكـثر مــــني 💞 💞

رانــي خـليتهالك أمـانة .. تـهلا فـيها مـا تـغبنهاش .. هــاديك حـبيبتي أنـا .. ربـي لـيا مـا كـــتبهاش 💞 💞
كـبرت حـدايا وحـنا صـغار كـنت مـتمنيها أنـا ليـا .. هـاديك Ma Plus Belle Histoire .. تـربات مـعايا ما فـرحتش بيـها 💞 💞
رانــي خـليتهالك أمـانة .. تـهلا فـيها مـا تـغبنهاش .. هــاديك حـبيبتي أنـا .. ربـي لـيا مـا كـــتبهاش 💞 💞
حافـض علـيها ما تجـرحهاش أنا بـغيتها وما قـديتش نـفهمها .. حـرز آخـويا ما تنـدمهاش .. يـلا تـفكرتني تـرقد بدمعـتها 💞 💞
مع كملها مع نزلات دمعة يتيمة من عينو ناض وخرج بالخف ركب فلوطو ديالو مخلي كلشي كيتسائل بقا سايق حتا وصل للخلا والقيفار و نزل بقا كيجري و كيغوت
صرب:اععععععععع ااااااااعععععععع😬😠😢😡
بقا كيجري على طول الشانطي هادشي لي جاه فبال علا وعسى يبرد على هاد النار لي سايرة تاكل فيه حتا برد عاد رجع للوطو ركب ومشا نيشان للفيلا وماكان باين حتا تعبير على وجهو طلع نيشان لبيتو دخل للدوش دخل بحوايجو طلع لما بارد وبقا واقف تحتو حاني كتافو و مغمض عينو حتا حلهم فجأة وغوت واحد الغوتة تنوض لميت من قبرو و ضرب الحيط بجهد ديك دقا اتكون هرسات ليه يديه مي هو الالم لي فقلبو خلاه ميحسش خرج بدل حوايجو ومشا هز قرعة الشراب و جلس عليها ثاني مناض حتا كملها ولا الشراب هو لي لي كيهدنو كيديرش شي حاجة يندم عليها ناض عياان عاد حس بيدو ضراتو مشا للحمام جبد باندا لواها عليها ومشا لفراش طاح دودة
#عند_روح
مني سالا الغنا حسات بقلبها تزير عليها و نزلات دمعة كانت حابساها على طول الاغنية صوتو دخل لقلبها بحال سيف مشافتش فقيس مزال مابقاش كيبان ليها كيبان ليها غير هو قدامها مني مشا كانت بغات تبعو ولكن وقفها صوت قيس
قيس:مديوش عليه راه مع شارب معارفش اشكيدير
لمياء:مسكين بقا فيا والله باين فيه معذب معرت شكون هادي لي كيغني عليها
روح بقات غير تشوف فيهم
روح:نخليكم عيانة بزااااف
محمد:سيري رتاحي احبيبتي
قرب ليها قيس باس راسها
قيس:مبروك علينا
كتافات بابتسامة مخارجاش من القلب
قيس:أنا انمشي نوصل خالتي فاطمة باين داك الدحش مغيرجعش
لمياء:اييه سير وصلها
جات وقفات معاهم فاطمة مت صرب
فاطمة:مبروك احبيبة تبارك الله قيس ختار وعرف اش يختار
روح:(حشماانة)الله يبارك فيك اخالتي
فاطمة:الله يرضي عليك ابنتي مديش على ولدي راه مكانش فوعيو وغنا ديك الاغنية فنهارك 
روح:(بقات ساهية فيها قربات باست ليها راسها رتاااحت ليها وباست يديها) ماشي مشكيل ا خالتي
فاطمة:(هي الاخرى رتاحت ليها) يا ربي يلاقيه بشي بنت الناس بحالك
روح:احم أمين 
قيس:يلاه اخالتي نوصلك
فاطمة:اييه اولدي الله يفرشك ويغطيك بالرضا
عنقها بجنب 
قيس:امين اميمتي
بقات روح كتشوف فيها وهي كتبعد دارت شافت فالجردة بان ليها ضو كيطفا وكيشعل بحال إلا شي واحد كيدير سينيال طولات شوفا و ركزاات بانت ليها شي حد هاز بيل وكيحركو شافت فيهم لقاتهم مشغولين كيودعوا الناس سلتات من وسطهم و مشات فاتجاه الاشارة غادا وقلبها كيضرب وصلات نص طريق طفا ضو وقفات كتشوف مدة واش تكمل ولا تحبس فالاخير تشجعات وكملات وصلات بين شجر حسات بشي يد جراتها

وداها تحت واحد الشجرة حسات بقلبها تهز وتحط ولكن غير شافت وجهو تنفسات الصعداء
روح:اوووف خلعتيني شنو كدير هنا
جابر:مقدرتش منكشوفكش فنهار بحال هادا وشفت حتا ختي
روح:(مخرجة عينيها)كنتي فالحفلة
جابر:آه كنت متنطر المهم بغيت ندوي معاك
روح:وي قول
جابر:صرب...
مخلاتوش يكمل
روح:بلاما دوي ليا عليه راك عارف لي دوز عليا ماشي ساهل
جابر:هو نادم بزاف ا روح هداك راه ولدي وعمري شفتو هكاك حتا مني تفارق مع لينا مدارش هاكا هو بكا على قبلك مني كانت عندو 15 عام مبكاش ا روح
روح:شنو بغيتيني ندير ليه مثلا نخلي قيس و نتلقا ليه بالاحضان أنا اصلا احم كنبغي قيس
جابر:متؤكدة كتبغيه ولا لقيتي فيه الشخص لي كيكمل نقص لي كنتي محتاجاه
روح:(كضورها فراسها)كنبغيه مكاين لا نقص لا والو
جابر:الله يكمل عليك بالخير ولكن متنسايش قيس ولد من وشنو درتي فباه و داك جبل ديال الكدوب لي كادباه عليه عنداك ينهار فوقك وتندمي
روح:هو واعدني عمرو يخليني واخا معرت اش يوقع
جابر:(حرك راسو يمين وشمال وتنهد عارف قيس ماشي بسهولة ايسامحها واخا معرت اش يكون كيحس من جيهتها)على كل اليوم هو آخر نهار عندك فالمنضمة بما اننا لقينا دكشي علاش كنقلبو اتكون سالات خدمتكم غدا جي للمقر باش نشوفو شنو انديرو
روح:واخا غدا نكون تم
عنقاتو بجهد
روح:شكرا حيت جيتي كنتمنى يتصلح كلشي وترجع بين عائلتك
جابر:(قبلها فراسها)ما بقا والو إن شاء الله
روح:يلاه بسلامة
مشات وخلاتوطلعات لبيتها غير دخلات وسدات الباب تسرسبو قدامها الاحداث وحدة ورا الآخرة تفكرات صرب شدات قلبها بدا يضرب طلقاتو و رجعات شعرها لور
روح:تهدني ا روح اش هادشي كاديري نتي كتبغي قيس كتبغي قيس اوووف اووف
مشات معصبة من راسها حيدات الغوب ولبسات سوميج دو نوي بيض مشبك وقصيور جا يهبل عليها جمعات شعرها الفوق و مشات جلسات قدام المرايا كتمسح المكياج كملات ودارت كريم مغدي للبشرة كملاات وهي مزال كتشوف راسها فالمرايا و كلمات الاغنية كتردد فودنها فاقت ثاني من شرودها مشات تكات فالفراش كتفكر فيه محيدش من بالها حتا ثانية دارت على جنبها لاخر و هي تفكر مني كان ناعس حداها البارح ومني كان كيعتارف ليها حطات يديها على المخدة هزاتها وقرباتها لنيفها شمات ريحتو وغمضات عينيها كتسمتع بعبيرو عاقت براسها اش كدير لاحتها ودارت للجيهة لاخرة مفقوسة

#صباح_جديد
فاقت روح شوية معطلة دارت روتينها الصباحي لبسات (الصورة) وعدلات مكياجها طلقات شعرها حيت كان مصايب شوية حسات بالباب تحل وتمات داخلة غزل باين على وجهها الغضب
روح:صباح الخير قالو ليك تعيطي ليا؟؟
غزل:لا
روح:وشنو بغيتي محتاجة شي حاجة ا حبيبة
غزل: لنقول ليك جوج كلمات غادي تعطي تيقار ل قيس ولا غادي ندمك
روح:كيفاش شاربة شي حاجة على صباح
غزل:قيس ديالي أنا وهاد الخطوبة مغتكملش وداك لي محرشاه عليا مغيخلعنيش
روح:غزل واش من نيتك داوية ولا غير كضحكي
غزل: بان ليك كنضحك أنا دابا أنا لي عندي قلتو ليك هادشي عمرو مغادي يكمل واخا نعرف ندير المستحيل باش ميتجمعش شملكم
خرجات وزدحات الباب خلات روح غير حالا فمها مزال ممتيقة لي وقع
روح:الله يستر هادي داربها حمار ليل
ضحكات وهبطات للتحت شافتها جالسة وبوجه اخر عرفاتها متسوا متصلاح تسدات ليها الشاهية
روح:نخليكم انفطر مع صحاباتي
قيس:شكون هاد صحاباتك بسلامة
روح:مكتعرفهش لاش كتسول
قيس:من حقي نسول ولا عندك شي مشكيل
اياد:دغيا وليتي تحكم هاي هاي هاي
ضحكات روح عليه حيت نسا راسو واش جالس وسط العائلة
قيس:احم سيري سيري شوهتيني كنجمعهم ليك
باستو فخدو وخرجات ركبات فلوطو فاتجاه المقر وصلات و ركنات لوطو يلاه هودات وهي تفراني واحد لوطو عند رجليها زكلاتها بسنتيم خرجاتها منها طلعات عينيها و هو يبان ليها هابط بكل اناقتو بقات تشوف فيه وطلعوا وتهبطو دوخها أما خطف فيها شوفا بالخف ودخل للمقر حاشاهش ليها والوجه لي كان دايرو البارح تحول لثلج ولا مبرد واخا الداخل ديالو كان فيه العكس نار كتحرق ولكن الكبرياء ديالو قبل كلشي دخل لراسو بلي هي ماشي ديالو ديال قيس
تبعاتو ودخلات لقاعة الاجتماعات كلشي دار شاف فيها إلا هو مشافش جيهتها شيء لي محملاتوش هي مشات جلسات
صرب:(عاقدهم وكيدوي بصوت جااد و حااد) المهم الانسة روح لقات البلاصة لي كنقلبو عليها و أنا قدت نجمع شي ادلة ضدهم لي اتغرقهم دونك خاصنا نتحركو
روح:شنو غادي نديرو
صرب:متقاطعينيش مني نكون داوي حتا نقول ليك دوي
روح:(ولاات حمرة مرضاتش) اييه ا سيدي واخا
صرب:انتقسمو لجوج فرقات فرقة اتمشي مع روح باش يلقيو القبض على البوص وفرقة اتمشي معايا باش ناخدو القنابل حتا البوليس ايكون حاضر مواضحاش شي حاجة
روح:وايمتا هادشي
صرب:اليوم
سكتات بقاو يخططو ويفصلو ويخيطو شي ساعتين وناضو يوجدو راسهم كانت غادا باغا تخرج وهو يوقفها صوتو
صرب:روح
دارت مبتاسمة معرفاتش لاش فرحات مني عيط ليها
روح:وي
صرب:عندك 48 ساعة اتقولي فيها ل قيس كلشي ولا انا لي انتكلف
روح:(مصدومة)كيفاش
صرب:(ناض وقرب ليها حتا تلاسقو وبقا يشوف فتفاصيل وجهها)انعاودها لاخر مرة من هنا حتال غدا إلا مقلتيش لي قيس شكون نتي وكلشي من لول حتا لخر (قرب لحدا ودنها)ولا غادي نقول ليه انا كلشي فهمتي الغزالة دابا
روح:اتبقا نتا هو نتا عمرك مغادي تبدل حقير
دفعاتو وخرجات معصبة مشات لغرفة لي فيها السلاح تهزات مزيان و مشات مع الفرقة ديالها فلوطو كبيرة كلهم مجموعين هي مرفوعة بالها غير مع هضرتو مكرهاتش تقجو حتا كيبدا قلبها يحن فيه وكيصدمها ثاني ولكن هاد المرة مبقاتش قادرة متفكرش فيه ولا محتل دماغها

أما هو ابتاسم مني شافها مفقوصة ثاني معصبة خرج ضاحك وجد راسو هو وفرقتو ومشاو لعين المكان وقفو بعيد كانت الدنيا مطوقة برجال كثر من سبعين واحد توزعو كيف امرهم صرب عطاهم الاشارة وبداز يتيريو أما صرب دخل هو و سعد و الوحش وشي رجال للمستودع كانو عرام دالرجال لداخل تيراو فيهم و سمعو سيارات شرطة وصلوا دخل قيس والفرقة ديالو مقتاحمين المكان شاف صرب غمزو مع دار عندو صرب جات فيه قرطاسة فكتفو تخلع عليه قيس مشا طاير عندو
صرب:ماوقع والو متضرب غير داز من حدايا وجرحاتني
قيس:تقد تكمل
صرب:هادا سؤال تكعد تكعد نكملوا هاد الحريرة
ناضو فجوج و كملو خدمتهم حتا مخلاو حتا كيتنفس عاد وقفو يستراحو و دخلوا خبراء و مختصين فالامحاء (تفكيك القنابل) هزو دكشي لي كاين تم وزادو بقا صرب بالو مع روح خايف عليها كان باغي يسيفطها هنا ولكن مبغاش قيس يشوفها عطاها فرصة تواجهوا هي وقفو برا هو وقيس كانو عرقانين وعيانين 
قيس:ها حنا تفكينا 
صرب:وي باقي خاص غير داك ولد القح** يتشد
قيس:اه حكا خاصنا نحاصروه
جبد صرب كارو كيكمي فيه
صرب:تكلفت
قيس:اك يلاه نخليك نكمل هاد روينة
صرب:تلاح ا خويا
حتا كان غادي ورجع مني تفكر شنو غنا البارح
قيس:تاعت الله شنو قال ليك راسك البارح ههه مغني البارح
صرب:(خنزر فيه)سير قابل خدمتك سير
قيس:لااا حول ههههه
خنزر فيه وهو يمشي أما صرب بحال إلا جالس على الجمر تنادم معاه الحال حيت خلاها تمشي بوحدها مشا مع البوليس دار خدمتو باش ميحسوش عاد رجع للمنضمة وهي مزال مجات

#عند_روح
وصلوا للمنضمة حاصرات المكان هي ولي معاها دخلوا للداخل ولي لقاتو قدامها كتيري فيه بلا رحمة كتبرد غدايد صرب وصلات للمكتب ديال البوص حلاتو برجليها لقاتو جالس هزات عليه السلاح
روح:تحرك نتيري فيك
البوص:فتون شنو كندير
روح:ههه ضحكتيني قال ليك فتون لواه القلا** عرفتي شكون أنا هي لي قتلت باك وأنا هي نهايتك
البوص:(معصب)كييفااش قتلتي بابا
روح:وي بب يلاه اجي هزوه عليا
مشاو شدوه مينطوه حيت مطلوب حي خاصهم ياخدو اقوالو حيت هو غير نقيطة صغيورة من البحر ديال دكشي
خرجوه و شدو حتا داشا غير خرجو لبرا جاو شي سيارات كحلين فيهم بزال دالرجال بداو يتيرسو فيهم روح عرفات شي حد بغا يحمي البوص حيت ايفضحهم يلاه بغات تهرب بيه كانت اتجي فيها قرطاسة تلقا ليها دايمون وطاح قدامها تصدمات معرفات باش تبلات حسات بشي حد جرها كانت كيم تخباو حتا بان ليهم السقيل و خرجو لقاو كلشي ميت من غير الفرقة لي مزال عايشين غير دايمون لي كان متكي فالارض مشاو عندو كيجريو و روح حلفو دموعها لا بغاو يحبسو كتحس بلي بسبابها دكشي وقع هزوه و مشاو حتا هما و قالو ليهم بلي دوك لي هاجكوهم قدرو يعتقو البوص و داشا
وصلوا للمنضمة ودخلوا دايمون بجرا سعفوه أما روح دخلات لقات الباقي كيتسناوها
روح:هءهء هرب مني و دايمون كان ايموت بسبابي
صرب:شيييت 
ضرب الطبلة وخرج زاعف أما هي عاد نهارت بالبكا بقاو يسكتو فيها حتا تهدنات و ناضت كتقلب عليه قال ليها جابر بلي كاين فبيتو مشات لبيتو لقاتو جالس كيكمي مبقاش كيهدا كن الكارو دخلات وهي خايفة حيت حاسة براسها غالطة
روح:سمح ليا
خنزر فيها
روح:(شافت جرحة)مجروح فكتفك 
كان نساها بقوة ستريس
صرب:غير خرجي دابا
روح:(قربات ليه وجلسات قدامو على ركابيها)حيد تيشورط نشوف
صرب:(كيحاول ميشوفش فعينيها)غير خرجي ا روح الله يرحم باك
روح:(بعنااد)مغنخرج حتا نشوف جرحة
تأفأف وحيدو هي شافت العضلات ومع كان عرقات جا سو سيكسي بقات كتحنزز فيه حتا كحب عاد فاقت من التخدير و ولات مزنكة مشات جابت قطن و بيطادين و جات جلسات حداه وبدات تسوانيها ليه كملات ولوات ليه فاصمة 
روح:ساليت
صرب:شكرا
شافت الوشام لي فيه فضهرو كان كبير وعلى شكل جناح
حطات صبعها عليه وبقات دوزها بشوية على طول الوشمة الشيء لي خلا العافية تشعل فيه مع كل لمسة وصل للطوب شدها من يديها وقلبها على الفوتوي طلع ليها يديها للفوق وقرب لوجهها بقات غير تقفقف مفهماتش شنو طرا فجأة
روح:بعد مني
صرب:شنو كتحاولي ديري ا روح ياك أنا كنحاول نعطيك تيساع لاش كتجبديني
روح:(كترجف)مكنجبدكش بعد مني ضريتيني
صافي مقدش يصبر تلاح على شفايفها أول مرة كتنساجم معاه خلات دكشي لي فالداخل ديالها هو لي يتصف حتا تفكرات هضرتو الاخيرة و قيس و عضاتو حتا بعد عليها 
صرب:(مزال كيشوف فيها وشادها) لاش نتي هاكا بعيدة وقريبة فنفس الوقت لاش دخلتي لقلبي ونتي كتكرهيني
روح:(بعيون برائة)عفاك ا صرب متخلينيش نعترف ليه دابا مزال مامستعدة
صرب:كتبغيه حتال هاد الدرجة
مجاوباتوش حيت مبقاتش عارفة راسها باش كتحس طلقها و بعد منها جاااعر
صرب:لي عندي قلتو من هنا لغدا قولي ليه كلشي ولا انقول ليه أنا 
تعصبات وصلات فيها للعضم ناضت حتا هي وقفات قدامو كتشوف فيه بتحدي
روح:روح مكتبغيكش و عمرها مغادي تبغيك (عوجات فمها بحال الا كتشفق عليه) صرب المسكين روح عمرها مغادي تكون ملكك فغيمون كنشفق عليك وعلى حالتك هه
ضربات فيه وخرجات خلات واحد البركان وراها لي لقاها قدامو لاحها وكيغوت شتت البيت كلو ردو سفاه على علاه

♡وكانكي لم تتركي يدي أبداصدقت لوحدي في غيابك وتحملت♡وكأنه لا يوجد حكايه ذو نهايه سيئة أبدا♡اعتبرت أن نهايتنا ستنتهي على خير، كان كذبا♡أرجوك أخبرنيي بين الحين والأخرى...ولا تدعيني أنتظر على النافذة♡عديمة الشفقة♡ متمردة♡عديمة الوفاء♡ تحبين الرياء♡بريئه ومذنبة♡مثل الحياة♡ "صرب serp"

ريب البيت كامل عاد ووقف كيفكر واحد جوج دقايق ومشا كيجري باش يلحق عليها لقاها عاد اتركب فلوطو شدها من كتفها و جبدها عندو بجهد حتا كان ايطير ليها كتفها وملامح وجهو مكتبشرش بالخير معصب لاقصى درجة علات فيه عينيها حتا هي مخنزرة و دافعة الجبهة
روح:وااا طلق ا بنادم عطيني تيساع
صرب:(بصوت ينوض الرعب فلي كان)شنو كنتي كتقولي قبيلة
روح:وااا طلقني و دوي الخرا
صرب:داك اللسان مزال مبغا يتربى ها دوي
روح:(مخرجة عينيها)مااشي شغلك نقول لي بغيت و ندير لي بغيت شكون نتا باش تقول ليا شنو نقول وشنو لا طلقني ا زمر طلق (كتحاول تنفض منو)
صرب كان وصل للماكسيموم ديال العصاب حمر فيها و طرطق عنقو
صرب:نتي لي جبدتيني دابا دنوبك على راسك
روح:(كنعوج فيه)نننننننن فيك غير الهضرة
ضحك باستهزاء طلعها و هبطها كيفكر شنو يدير فيها وهي غير متبعة معاه كتشوف اش كيحاول يصنع حتا لقات راسها مهزوزة فوق كتفو خرجات عينيها بدا كيمشي بيها فجيهة لوطو ديالو عرفاتو اش ناوي يدير بدات تضرب ليه فضهرو و تفركل برجليها هز يدو حتا هزها وعطاها ليها لطرماحة صقلات مبقاااتش دوات ولا تكلمات حطاها فلوطو وخنزر فيها وسد الباب مشا ركب دغيا فجيهة الاخرة خلاها غير كتشوف
روح:شنو كدير خليني نمشي(مكيجاوبش سد لوطو من الداخل وجلس حداها كيفكر شنو يدير معاها) وا زمر دوي خليني عليك فتيقار واش ماعندكش نفس تفو على جنس شفت حتا شفت و عمري شفت بحال
دار خنزر فيها ضربات طم قرب ليها حتا مبقا واالو بينااتهم بدات تنفس بجهد صدرها كيطلع و كيهبط و سخونية طلعات لوجهها بدات ثاني تفيبري هز حاجب وضحك بجنب فمو جر السمطة دارها ليها و رجع للور وهو مزال كيضحك على شكلها كيف ولا اما هي مرضااااتش دارت لجيهة الشرجم كتخنزر وتأفأف كسيرا فاتجاه غير معلوم بانت ليها الغابة والحال بدا يضلام تخلعات
روح:هييييه نتا فين غادي بيا
صرب:(دار شاف فيها وابتاسم حتا عويناتو تجبدو ولا كيبان شينوي وحفيرات زين بانو)لواحد البلاصة اتعجبك ا زين
روح:(فين هي كانت كتموت شرعات فمها فيه دوات بلاما تشعر)عندك تقيبات زين
صرب:ههه يلاه شفتيهم
عاقت براسها خنزرات فيه و جمعات قنينفاتها
روح:واا بنادم راني معالماش الدار و و و
دار عندها مخنزر
روح:عيطي لباك قولي ليه اتبقاي مع صحاباتك شي يامات
روح:كيفاش شي يامات عفاك ا صرب عفااااااك بليييز سيلفوبلي رجعني أنا مزاوكة مبغيت نمشي لحتا قنت
صرب:مقلتش ليك قولي ديك الهضرة كون تعلمتي تشدي فمك عندك كون راه مشينا بعيييد أنا ونتي
روح:(ضارت فاقدة فيه الامل)لواااه البعابع قالك بعيد
فرانا لوطو دارت عندو مستغربة
روح:مالك ثاني
صرب:وصلنا
هبط و هبطات حتا هي غير هرجات ضربات فيها واحد ريح طيرااات ليها شعرها شمات ريحة البحر قوية سمعات صوت الماج عرفات راسها فشي بلاصة قريبة للبحر جا قرب ليها حيد الكويرة ديالو و لبسها ليها
صرب:ديما معرية هاد الكتاف مكينش لي يحكم فيك
روح:مزاال متخلق
صرب:دابا نشوف يلاه ندخلو ايضربك البرد
بقات غير تشوف فيه كايتقلب كي زمان كل وعندو وجه دخلوا لواحد شاليه اقل ما يقال عنه تحفة كان فيه دوبليكس الفوق خاص بالبيوت و التحت كان فيه كويزين اميريكان مفتوحة على صالون لي كان عصري كانت كلها مصاوبة بزاج كيطل على البحر من جيهة وعلى الغابة من جيهة اخرة

روح:(عجباتها ولكن دافعة كبير) لاش جبتيني لهنا
صرب:باش ندويو
روح:معندي فاش ندوي معاك ولي خاصو يتقال راه قلناه
صرب:اندويو وبزز منك
روح:اوووف منك
صرب:متبقايش تأففي
روح:وشنو البس
صرب:كاينين الحوايج الفوق إلا جاو قدك مع نتي تبارك الله راك فهمتيني
روح:خمسة وخمامس عليا ولكن معدي ميسالك فينما مشيتي تابعينك حوايج البنات
صرب:غرتي
روح:لواه لواه بسم الله عليك ولاش انغير عليك بسلامة كنموت فيك ولا كنموت فيك
صرب:(جاتو الضحكة على الطريقة باش كدوي) حوايج ختي الهبيلة لي غادي تلبسيهم
روح:ااه وواحد الحاجة اخرة
صرب:شنو ثاني
روح:كاين هنا غير الخلا والقيفار و موحال واش كاين تقدية وأنا فيا الموت ديال جوع
صرب:دابا شوية ايجيبو الالة تقدية كاين شي حاجة اخرة
روح:اه كاين كون غير خليتيني نمشي
صرب:(حل ليها الباب)سيري
روح:كيفاش نمشي يلاااه معايا
صرب:نوو بب أنا باغي ندوز شي يامات هنا
روح:شنو نمشي بوحدي معارفاش حتا فين أنا
صرب:(خطف ليها تيلي كانت شاداه فيديها و مشا قدامها للكوزينا تبعاتو كتجري لقاتو لايح تيلي ديالو وديالها فالما)دابا سيري إلا قديتي
هزات موس بالعصاب حطاتو ليه عند عنقو من بعد ما تجبدات مزياان حيت كانت كتبان كميييشة قدامو
روح:انقتلك
صرب:نو متقدريش 
روح:(حطات الموس)غادي ندمك ا صرب المريني
مشات قدامو كدير واحد المشية خلاتو شاد كرشو بالضحك
روح:تهجرو تريكة ناقصة فين جا هاد الخرا
صرب:هههه العفووو طلعي الفوق البيت لي على ليمن هو ديالك
خنزرات فيه و طلعات ثاني كتعوج فمؤخرتها بدون قصد خلات العافية شاعلة فيه حيد تيشورط بقوة الحرارة لي طلعات معاه سمع الدقان مشا حل لقاهم رجالو لي جابو ليه التقدية خادها ودخل للكوزينة وأول مرة من سنييين سي صرب بجلال مقامو كيستف تقدية وكيوجد باش يطيب العشا الحب يجعل من المستحييل ممكنا
أما هي طلعات لفين قال ليها دخلات لبيت لي كان كلو بيض حتا المن الفراش بيض تحشم دخل ليه توسخو بقات تسارا فيه مشات للشرجم كان كلو زاج كيطل على البحر حمقها المنضر مشات من بعد للبلاكار حلاتو لقاتو ايطرطق بالحوايج داكشي غير المعري على خوه حتا حاجة ممستورة بقات تقلب فالاخير عزلات واحد البيجاما هي لي جاتها مستورة كانت عبارة عن شورط قصيور و تيشورط ديالو واسع مخطي من الصدر و معري من الكرش لبساتهم و مع الخت عندو مسلوتة جاها غادي يطرطق الشورط
روح:تفووو هاد الخراي دايرها بلعاني
يلاه بغات تقلب على شي حاجة اخرة وسمعات الغوات بجهد فالتحت ديالو طارت منها وقفات قلبها كيضرب ومشات كدردك للتحت هبطات حفيانة و بداك شورط سمعاات غواتو فالكوزينا مشات عندو
روح:مالك
صرب:(شاد صبعو دبحو بالموس)هاد القلا.. مكملهاش مني شافها دوخاتو نسا جرحة هي عاقت بيه كيشوف فيها
روح:احم احم (خنزرات و شدات صبعوا داتو للروبيني وطلقات عليه لما هو غير كيحنزز فخير ربي لي فايض)سير أنا انتكلف بالباقي ولبس عليك شي حاجة تبقا تعرا عليا هنا
طلقاتو ومشات تشوف اش توخد أما هو تنهد ولا داير بحال داك الدب لي باغي العسل ولكن إلا قرب نحل اياكلو مقادرش يقرب وفنفس الوقت باغي يكون قريب

مشا جلس فالصالون كيشوف فيها كيفاش كطيب و مركزة مع شغلها وعيني اياكلوها مشهي كل حته منها كل شوية يبدا يتنهد أما هي صافي غير عطيوها الكوزينا و نساوها كتنغامس فالطبخ بقات توجد وتحرك من هنا لهنا بداو يعطيو الروايح فدار كتفتح الشهية
صرب:(كيدوي معاها من بعيد)مزال مساليتي هاد ريحة دارت فيا الهوايش
هزات عينيها فيه كانت نساتو كاع واش كاين
روح:نتا اصلا راك هيش
مجات فين تككلها حتا لقاتو واقف عند راسها بلعات ريقها
صرب:(هاز حاجب)أنا هيش لمك ناكلك دابا
روح:بعد مني قالك تاكلني سير سير
صرب:الله يصبرني وصافي
روح:وااا سير
كانت جامعة شعرها للفوق بستيلو لقاتو تم باش ميعنكشها جر ليها ستيلو وتسرسب شعرها كلو قرب حداها و شدها بيد من جنبها
صرب:اممم متبقاايش تجمعيه مزال
روح:(ولات مزنكة وتخدرات ثاني)واخا
صرب:(طلقها ومشا جلس فطبلة)يلاه سربي جاني جوع
مجاوباتوش مزال مفاقت من القلبة
صرب:بس بس الحب فين ساهي
روح:لاا ها أنا معاك
صرب:وا طلقي سخون
ضحكات عليه و جبدات الكيش من الفران حطاتو قدامو سخووون و منضرو كيشهي جابت الشلايض والعواصر ستفات كلشي وجات جلسات قطعات ليه وحطات فالبلا ديالو و حطات ليها بداو كياكلو وكل شوية تهز فيه عينيها كتلقاه كيخشي فوجهوا ويتبنن بقات ساهية فيه مكالت كاع
صرب:الله شنو دايرة فيه عمري دقت بحالو فحياتي
روح:(حشمانة)بصحتك
صرب:زيديني
روح:واخا
زادتو وبدات تاكل كمل وزاد مورسو آخر بقات غير كتشوف فيه
صرب:الحمد لله شبعت
روح:راك كملتي كلشي عادي تشبع
صرب:شنو ندير يديداتك لي عمرني دقت بحال بنتهم
روح:احم ميرسي
ناضت جمعات الطبلة وخرج هو للجردة يكمي حطات الماعن فلافيسيل و مشات طلعات للبيت زادت عليها بينوار و هبطات كتقلب عليه لقاتو ووقفات حداه
صرب:(دار شافها)دخلي ايدربك البرد
روح:صرب عفاك وحياة ما اعز عندك رجعني غدا راه بابا ايتخلع ومدويتش معاهم
صرب:إلا جلستي ودوينا بالعقل ماشي بالمدابزة نرجعك غدا
روح:واخا ا سيدي نجلسو ولكن واعدني ترجعني
صرب:(تنهد)اك غدا ويحن الله
شد ليها يديها و داها لواحد الجليسة جات فوق الرملة دايرة بلي فوتوي هز غطا خفيف لواه عليها و جلس قدامها
روح:فاش بغيتي ندويو
صرب:فينا
روح:كيفاش فينا حدد
صرب:شوفي ا روح أنا عارف لي دوزتو عليك ماشي ساهل وهادشي لي دوزتو عليك دوزتو على بزاف دالبنات قبلك وكاين لي عدبتها كثر الفرق لي كان هو هما بغاو بخاطرهم ونتي لا دكشي لاش مدخلاتش ليا لراسي وحدة ترفضني
روح:وماش....

صرب:حتا نكمل و دوي أنا عشت طفولة صعيبة واخا كان متوفر ليا كلشي ولكن الانتقام كان مسيطر عليا وربا فيا واحد الشخصية مكتحنش مني خديت الباك ديالي ومشيت الميريكان تبدل كلشي هادشي لي غادي نقولو ليك جامي قلتو لشي حد من غير قيس
روح:كنسمعك
صرب:فاول عام فالأكاديمية تلاقيت مع قيس وواخا كان بيناتنا فرق فالكراكتير ولينا عشران دازت عامين و حنا كنقراو بديت نخرج شوية بشوية من القوقعة لي كنت فيها واخا كان الانتقام مزال فالداخلي حتال واحد نهار كي زفت تعرفت عليها
روح:شكون هادي
صرب:لينا جات كتقرا معانا وبشوية بشوية حتلات قلبي كانت هي اول وحدة دخلات لقلبي كانت هي الهوا لي كنتنفسو بغيتها لواحد الدرجة مكتوصفش كنت أنا اول واحد نقيسها و هداك الوشام لي فضهري درتو على قبلها
روح:وشنو وقع حتا تفارقتو
صرب:لقيتها كتخوني مع المدير
روح:كيفاش
صرب:اه من ديك اللحضة وليت حاقد على الجنس اللين وليت كنلقا راحتي مني كنعدبهم واقيلة حيت مجاتنيش الفرصة نعدبها هي وولاو كاع البنات كيجيوني بلي هي إلا نتي ا روح
روح:كيفاش
صرب:نهار لي احم قربت ليك واخا كنت معصب مشفتكش على أساس انك هي نتي حييتي قلبي من جديد عمرني ضنيت اندير شحال من حاجة على قبلك
روح:حرام عليك تعدب البنات مدنبهم واالو على قبل حمارة
صرب:عارف راسي غالط
سهاو فعينين بعضياتهم
روح:نتا عارف لي داز عليا ماشي ساهل اي واحد يتخطاه ونتا جيتي وكملتي عليا ا صرب سمح ليا ولكن واخا نبغي نسامحك عقلي مغيبغيش
صرب: متزوجيش ب قيس وديك ساعة الوقت اصلح كلشي
روح:أنا كنبغيه
صرب:(تحولوا ملامحو لحزن) كيفرحك ؟؟
روح:اه
صرب: واخا ا روح واخا أنا قلت لي عندي ونتي دابا حرة حتا الحقيقة مغنبززش عليك تقوليها ليه مزال و غدا انرجعك(ناض وقف)
روح:(علات عينيها فيه)شكرا
مشا وخلاها بقات هي متكية تم كتشوف البحر كيف كان مضوي بالقمر بقات تفكر فهضرتو لتامسات فيه الصدق معرفات مدير بقات على ديك الحالة حتا داتها عينيها اما هو دخل دوش كيبرد على راسو هادشي لي كياكلو من الداخل خرج طل عليها فالبيت ملقاهاش تشغل بالو عليها مشا لفين كانو لقاها فسابع نومة قرب ليها حط يدو على خدودها نزل باس نيفها وطلع لراسها باسو حتا هو عاد ناض هزها كي ريشة وطلعها لبيتها غطاها و بقا يشوف فيها تمناها تكون من نصيبو ولكن للقدر رأي آخر

صباح جديد و بأحداث جديدة
فاقت روح معطلة شوية مع الجو ديال البحر كيرخي ناضت غسلات وجهها يلاه بغات تجمع شعرها تفكراتو شنو قال ليها البارح ابتاسمات بدون شعور وخرجات ضاحكة هبطات سمعات سقيييل مشات للكوزينة وجدات الفطور منوع ومشكل ستفات كلشي فوق الطبلة وطلعات كتقلب عليه الفوق دخلات لبيتو لقاتو واقف فالبالكون وهاز كاس دالشراب فيد وكارو فيد كان لابس شورط فالغوج والفوق والو طولات فيه شوفا وفضهرو لي ايطرطق بالعضلات والوشام لي شادو كلو بدات تقرب هو غير شم ريحتها دار
صرب:سيري وجدي راسك باش نمشيو
روح:(شافتو مقلق) نزيدو نهار آخر عجبني الجو هنا
صرب:غير لي بغيتي
روح:يلاه أجي معايا نفطرو
صرب:غير سيري فطري بصحتك معنديش شهية
روح:(شداتو من يدو خلاتو غير كيشوف)اجي مكنحملش ناكل بوحدي
عاقت براسو طلقاتو وحدرات عينيها مشات قدامو وهو تابعها كيحك فلحيتو مفهم فيها حتا وزة
جلسوا فالفطور وكلاو هو غير نقب معندوش الشهية
روح:احح تشهيت نعوووم
صرب:(فنفسو)كتقلبي على شي كوية متبقااايش توحوحي راني شاد راسي بزز
روح:هييه فين مشيتي
صرب:سيري وجدي راسك إلا بغيتي تعومي
روح:واش كاينين غير حنا بوحدنا هنا مشفتش البشار كاع
صرب:وي باش مني ختي ولا حبيبتي تبغي تعوم ميشوف فيها حتا حد
روح:(ولات مزنكة)اه واخا أنا انمشي نشوف إلا لقيت منلبس
طلعات ومشات للبلاكار نيشان لقات عراااام دالمايوات ولكن ماغيهم ميتلبس غير خيوطة معقودين هزات واحد بالارجونتي بياس وحدة لبساتو و شافت راسها فالمرايا تصدمات زعمة عند بالها هداك راه المستور فيه حتا كانت ادير بالناقص وسمعاتو كيغوت لتحت هزات كاب طويل شوية و لبساتو ولواتو بيديها مغطية داك الرزق
روح:اليوم يكويك يكويك ا روح مغتفلتييش منها
هبطات عندو كتغطي فجنابها
صرب:امم واجدة
روح:اه
خرجو ومشاو للبحر خادو ليرولاكس خادت هي واحد و هو واحد حيد تيشورط ودخل يعوم هي بقات غير تشوف فيه شوية مبقاش بان ليها غبر غبرة وحدة شداتها الخلعة وهي غير بوحدها فداك الخلا ناضت كتعيط
روح:صرب صرب فينك صرب
حيدات الكاب ودخلات كتجري حتا دخلات للداخل فين كان و بدات تعيط عليه والو حسو مكينش باقي ليها غير شوية وتبدا تبكي حسات بشي حاجة جراتها من رجليها حتا غوتات وخرج قدامها كيضحك
روح:(كترش عليه)حشومة عليك هءهء خلعتيني
صرب:(شد ليها يديها)هه ديزولي
شاف صدرها لي كان باين داخ حس بشي حاجة وقفات😉😉 بلع ريقو بقا يشوف فشفايفها كان شكلها مثيير بزااف نوض فيه العافية الزرقة أما هي غير متبعة عينيه و قلبها كتحس بيه كيضرب بجهد
صرب:(هز يديها باسها من الداخل وغمض عينيه) واخا معرت شنو ديري الحاجة الوحيدة لي متقدريش تمنعيها هي حبي ليك وهادا (حط يديها على قلبو)ايبقا يبغيك غير نتي
قرب ليها وحط يديه ورا ضهرها و لاسقها معاه حط شفايفو على شفايفها بحنان وبقا يمص و يجر ويتبنن حتا هي ممنعاتوش خلاتو يدير لي بغا حيت كانت مبنجة حط يدو على طرماحتها وبدا يعجن حسات بشي حاجة فوق كرشها ضربها ضو وتريسينتي هه بعدات عليه و بداو ينهجوا بجوج خرجات بلاما تزيد معاه كلمة رجعات للشاليه مشات دوشات بالخف ولبسات حوايجها باش جات البارح نشفات شعرها و دارت مكياج خفييف غير كلوس وهبطات لقاتو جا
صرب:لاش لابسة ..
روح:حسن نمشيو كنغلطوا هاكا
صرب:(تنهد)واخة نوجد راسي ونمشيو
طلع دوش حتا هو و لبس حوايجو ونزل عندها لقاها كتاكل فسوندويش
روح:هاكا وجدت ليك واحد
شاف فيها وخرج بلاما يدويها تبعاتو وركبات حداه بقاو غاديين طريق كلها مدواهاش خلاها اتاكل جنابها وصلوا قدام الفيلا و بلاصا بعيد يلاه بغات تخرج شد يديها ودارها وسط يديه
صرب:هادي آخر مرة انتلاقاو فيها واخا نتي ديال صرب انبقا نبغيك واتلقايني فجنبك مني تحتاجيني المنضمة مبقيتيش اتخدمي فيها ثأرك خديتيه عيشي حياتك بعيد على دكشي نتي ماشي ديالو (حط يدو على حنكها) كوني ديما فرحانة اك
مقدراتش تصبر عنقاتو بجهد وباستو فعنقوا وخرجات بزربة بلاما تزيد كلمة حيت كانت اتبكي ومبغاتوش يشوفها ضعيفة بقا متبع ليها العين حتا دخلات وزاد حتا هو

#بعد_مرور_اسبوع
كانت جالسة فالفراش وكتفكر فيه سيمانة مبقااتش سمعات خبارو كتمشي للمنضمة طل على ختها كتسول عليه كيقولو ليها مبغا يشوف حتا حد بكثرة تفكير فيه مبقاتش كتهتم بقيس لي رد البال بلي تبدلات الآونة الاخيرة وولا معصبو الموضوع ونسات حتا غزل وشنو قالت ليها مبقاتش مهتمة بالمرة ليها ولا لحتا واحد وكلشي رد البال لهادشي سمعات دقال فالباب
روح:دخل
تم داخل الياس يفيقها شافها ساهية مشا جلس حداها الياس:زين مالو مالو ساهي ولا على بالو
روح:ههه ها أنا
الياس:مال حبيبتي قلقها ليا شي واحد
روح:لا أنا بيخير
الياس:و أنا كنعرفك مزيان فشي قلبك عليا
روح: اممم نقول ليك سر ويبقا بيناتنا
الياس:كوني هانية اليوم دوز فالاخبار
روح:هههه سيطخون دايرة فيك راسي برهوش
الياس:منسمحش ليك مشفتيش اللحية وولات عندي ساطا
روح:الحب ودكشي احياني عليك العفريت
الياس:وا قولي خلاص طلقينا
روح:صافي حتال من بعد سير دابا
الياس:واخا تلاحي
مشا يلاه كان ايسد الباب وسمعها
روح:صرب تسنا (عاقت براسها)ههه بغيت نقول الياس المهم سير سير ماشي شي حاجة مهمة
الياس:الله يستر
خرج وخلاها اتنفاجر غير بوحدها مبقاتش فاهمة راسها ناضت دارت روتينها الصباحي بقات غير ببيجاما مفيها لي يخرج ولا يبدل هبطات فطرات معاهم وهي جسد بلا روح روحها مخلياها عندو كمل قيس باسها وخرج و خرجوا كلهم بقات غير هي ومها و جدهم خرجات للجردة هزات كتاب كتقرا فيه حتا كتعلي عينيها كتلقا الرجال كيغامزو بيناتهم تقادات غالجلسة كتبركك بانو ليها على برا شي طونوبيلات كحلين مستفين و رجال ملثمين بدا قلبها يتقبض عليها هزات تيلي و عيطات على جابر حلف لا بغا يجاوبها كيقولو ليها مشغول تيلي معرفات باش تبلات جا فبالها صرب عيطات مرة وجوج ثالثة عاد جاوبها
روح:صرب صرب عتق
صرب:اش كاين
روح:شي رجال ملثمين كاينين عند الباب
صرب:كيفاش شوفي متخافيش دابا انكون عندك
قطعات معاه وناضت تخبات بانو ليها مراقبين شي حد شافت لوطو لي كتوصل خوها من ليسي جايا تيراو فشيفور ووقفو لوطو وهزو الياس من بعد مضربوه للعنق وسخف حسات روح برجليها فاشلين وصوت مشا تخلطوا عليها العرارم طاحت على طولتها

شافوها الخدامات جاو كيجريو وكيعيطو على لمياء لي جات كتجري مخلوعة وكفاهماش اشنو طاري رشو عليها لما وبدات تفيق بانو ليها دايرين بيها بدات تسترجع الذاكرة وآخر حاجة وقعات
روح:إلياس هءهء إلياس 
لمياء:بسم الله عليك احبيبة مالك
ناضت دغيا مخلوعة ولونها مخطوف خرجات لفين كانو هدوك ملقات حتا حد بحال إلا عمرهم كانو طاحت على ركابيها كتبكي وتندب جات عندها مها مفاهمة والو
لمياء:ليليا اش واقع ليك ابنتي مالك كديري فراسك هادشي
روح:هءهء إلياس ا ماما إلياس هءهء خطفوه قدام عيني
مجات فين تكملها حتا طاجت مها حتا هي طارت عليها كتحاول تفيقها ودموعها شلال محيلتها لراسها ولا لشي حد آخر جاو لي كارد هزوها و دخلوها للداخل أما روح فشلوا عليها رجليها بقات جالسة فبلاصتها وسط شانطي وكتبكي على زهرها شوية وقفات لوطو قدامها هزات راسها بان ليها قيس مهود زادت من وثيرة البكاء وحاولات توقف هو غير كيشوف وكيحاول يفهم مالها كان واقف موراه صرب لي حتا هو شافها منهارة ضرو قلبو بغا يطير عندها يعرف مالها ولكن مني شاف قيس رجع جوج خطواات لور ناضت وقفات وهو يبان ليها صرب بقات واقفة مدة كتشوف فيهم بجوج هادشي زاد على مابيها نهارت بالبكا ومشات كتجري عنقات قيس بجهد تبكي وتقول مبكيت
روح:هءهءهء
قيس:مالك ا ليليا وقعات شي حاجة لشي واحد دوا معاك شي واحد دوي
روح:خطفو إلياس خطفوه هءهءه قدام عيني
قيس:(بعدها عليه مصدوم)كيييفاش خطفوه فين وكيفاش
روح:معرفتش كنت جالسة فجردة وشفتهم خطفوه هءهء
قيس:صبري ندير ابيل 
يلاه بغا يدور وهو يبان ليه صرب واقف ووجهو حمر ومعصب مشا عندو
قيس:شنو كدير هنا
صرب:(مورك على يدو حتا عروقو بانو وكيشوف فروح شي شوفات ديال انكوي مك واقفة) كنت دايز من هنا ووقفت نسلم على دار
قيس:جابك الله يلاه قالت ليا ليليا خطفو إلياس ولد عمي شحال ونتا هنا مبان ليك والو
صرب:لا مبان ليا والو (مزال كيخنزر فيهم بجوج)
قيس:انعلم البوليس باش نبداو فالتحقيق عفاك سير شوف الكاميرات
صرب:واخا
مشا قاصدها دار شاف صاحبو لقاه مشغول كيدوي فتيلي جرها من كتفها و دخلها للداخل دالفيلا خشاها فواحد القنت مخلاش ليها فين تحرك
روح:هءهء صرب خطفو خويا خطفوه ايكون البوص هءهء عرفني قتلت باه وبغا ينتاقم هءهء
صرب:(خرج عينو)كيفاش عرفك قتلتي باه باش عرف
روح:أنا لي قلتها ليه
صرب:كيفاش نتي واش باغا تسطي دين مي واش عارفة شنو درتي
روح:عفاك ا صرب عفاك (شدات ليه يديه وزيدات عليها وكترجاه)رجع ليا خويا
هز يدو مسح ليها دموعها و باس راسها بوسة طويييلة وبعد عليها
صرب:انرجعوا ليك واكن منشوفكش خرجتي من دار حياتك فخطر دابا
روح:منخرجش غير رجعو ليا عفاك
باس نيفها لي كان حميمر بالبكا وعنقها
صرب:ومتبقايش تبكي هادا لي يبكيك مزال متخلاق أنا لي عندي الحق نبكيك
روح:وا سير دغيا جيب ليا خويا عفاك
صرب:يلاه دخلي حتا نتي
طلقها وخمشات دخلات نيشان للدار لقات مها دايرة جنازة جلسات حداها حتا هي كتبكي والخدامات حداهم كيمدو ليهم لما وكلشي حزيين على إلياس

أما صرب مشا للكاميرات شاف كلشي من الاول تؤكد 90% بلي البوص لي بغا ينتاقم مشا عند قيس لقاه علم البوليس دخلوا يطمنو عليهم ويعلموا الباقي مشا قيس جلس حدا روح دار راسها فوق كتفو وكيقيص فضهرها باش يواسيها مقدرش صرب يتحمل داك المنضر خرج زاعف ركب فلوطو فاتجاه المنضمة جمعهم ثاني وعاود ليهم اشنو واقع باش يبداو الخدمة وخرج ثاني جمع رجالو ولي بوديكارد ديالو امرهم حتا هما يقلبو بالو مهناهش عليها عارف حالتها كيف غادي تكون مشا شد طريق ثاني للفيلا لقا كلشي مجموع ومحمد غادي جاي حال الكرافاط والقميجة ووجهو صفر أما لمياء حالتها تبكي الحجر تقريبا سخفانة والحاج جالس شاد قلبو مبقاش عندو جهد ل هاد المشاكيل واحد غزل كانت كدير دموع التماسيح شافت صرب كحلات بالعما حدرات راسها مبقاتش هزاتو واحد كلشي حزين ومقلق ولكن روح هي لي باين فيها كثر بكات حتا دموعها نشفو ولاو عينيها منفوخين وحمرين كتحس براسها هي سباب شافها صرب كان جالس حداها قيس شاد ليها يديها محملش المنضر ابدا ومكرهش يهزها يهرب بيها ولكن معندو ميدير تنهد وسلم عليهم وجلس اونفاس معاهم
صرب:وصلتو لشي حاجة 
قيس:مزال ا خويا مزال
محمد:شكون ايكون هادا شكووون
روح زادت فالبكا وكتشهق حتا روحها كتبغي تخرج مني كتسمع بحال هاد الهضرة كتحس براسها هي سباب مكرهش صرب يطير عندها يخشيها فحضنو مع كل دمعة قلبو كيتهز مقدش يصبر هز تيلي وسيفط ليها ميساج وصلها قراتو كان كاتب فيه باش تخرج عندو للجردة ناض سبقها هو وتبعاتو جرها خشاها فواحد القنت وعنقها بجهد خشاها فيه حتا مبقاتش تبان وخلاها تبكي حتا تفش بقا هكاك شي 5 دقايق وطلقات منو من بعد مفزكات ليه تيشورط لي كان لابس شد وجهها بين يديه و بدا يبوس فيه بوسات حنان مخلا حنيكات مخلا نيف مخلا عوينات 
صرب:اشنو قلنا قبيلة اممم البكا ممنوع
روح:أنا سباب
صرب:نتي غير طريق دكشي كان مكتب ليه نشوف مك بكيتي هاد المرة نفرشخ ملتك
روح:اترجعو ليا ياك ا صرب نتا واعدتيني
صرب:واخا يكون ثمن حياتي نرجعوا ليك غير باش منشوفش هاد لؤلؤات كيبكيو ممولفش نشوفك هاكا حتا فاصعب المواقف كتكوني قوية وحتا دابا خصك تكوني مرا على قبل خوك
روح:منقدش ماشي بيدي هءهء كنشوف بابا وماما وجدي هكاك بسبابي أنا أنا لي خصهم يخطفوني ويقتلوني باش نتهنا
صرب:ها البسالة متبقايش تقولي هاكا
سمعوا صونيت ديال تيلي كان ديال روح هزاتو مشافتش شكون جاوبات
البوص:الغزالة توحشتك
روح:شكون معايا
البوص:عدنان الحب
تخطف لونها طلعات عينيها فصرب
البوص:العشق المستحيل معاك سلمي عليه 
دورات عينيها فجنابها شداتها السخفة مع مواكلة والو وكثرة الصدمات فشلوها شدها صرب دغيا
روح:شنو شنو بغيتي منا نتا لي خطفتي خويا هءهء حرام عليك هو مدار والو
كتسمع غوات الياس طالق حلوقو حسات بدنيا كضور شافها صرب فديك الحالة خطف ليها تيلي
صرب:والله ومترجع دري لدارهم ازامل حتا ندبح دين مك
البوص:ههههههه اووو سي صرب لي معايا احح الحب دارها بيك ا صاحبي ولكن عرفتي شنو حتا روح حلاوتها فشكل تشهيتها
زير على يديه حتا طرطقو صباعو
صرب:الله يلعن طبون مك اولد القحبة إلا روح متجبدهااااش على لسانك ا زامل
البوص:قريب ندوق الحلوة ا سي صرب ومتخافش حقك منساهش
قطع عليه خلاه اينفاجر 

صرب:(مزاال كيعايرو) وا ولد القحبة اجي عندي أنا ا زامل الله يلعن القواد لي حطك اععع 
ضرب يدو مع الحيط حتا طاح تفرتيت بانت جالسة فالارض ودايرة راسها وسط رجليها وكتبكي هبط لعندها عنقها بجهد
صرب:شوووت صافي سكتي
روح:هءهءه صرب
صرب:روح صرب
روح:خويا ا صرب قلبي كيتشوا إلا وقعات ليه شي حاجة نتبعو
صرب:مغادي يوقع ليه واالو شوفي غادي يعاود يعيط ليك انربط الاتصال مع تيلي ديالك باش نعرفو بلاصتو المرة جايا حاولي طولي معاه المكالمة باش نلقاه
روح:هءهء واخا
صرب:كليتي شي حاجة
روح:معندي نفس للماكلة 
صرب:شنو قلنا خاصك تكوني قوية على قبل خوك دخلي كولي وطلعي نعسي أنا انبقا غير هنا فلوطو إلا حتاجيتيني عيطي ليا نكون عندك
روح:(سهات فعينيه)شكرا بزااف
باسها جنب فمها ووقفها مشات قدامو حتا دخلات عاد جبد كارو كيكميه وكيفكر فهاد الحريرة
##صباح_جديد
مغمم و مكتائب كان صرب ناعس فلوطو ليل كلو مغمضش كيتسنا الاتصال ديال داك شماتة يلاه شي 10 دقايق باش غمض عينيه أما هي منعساتش بالمرة يلاه كديها عينها كتسمع صوت خوها كتفيق ثاني تبكي ناضت مع الفجر توضات وصلات وبقات تدعي الله طلب منو سماحة على كاع دكشي لي دارت وتطلبو ميخرجهاش فخوها كملات وناضت لبسات كاب سخون وجمعات شعرها وهبطات غادا قاصداه وصلات حدا لوطو ديالو تحدرات شافت زاجا لقاتو ناعس وحال فمو فعز دوك المشاكيل ابتاسمات على شكلو حلات الباب بشوية و ودخلات جلسات حداه بقات تشوف فيه طاحو دموعها ثاني مني تفكرات خوها قربات ليه وحطات راسها فصدرو هو لوحيد لي لقات فيه الحضن دافي لي كيخفف عليها الامها بقات تبكي حتا داتها عينيها فوق صدرو وحتا هو واخا ناعس زير عليها ومخششها كثر❤❤

دازت ساعة وهو ضربو الفيقة حس بشي حاجة على صدرو هبط عينو بانت ليه مخششة فيه بقا غير يشوف ابتاسم لااراديا وهز يدو كيدوزها على شعرها حتا سمعوا طيلي ديالها كيصوني ناضت قافزة شافت راسها فين كينة كاع الوان طيف دازو فوجهها بدات ترعد 
صرب:جاوبي غادي يكون داك القواد طولي معاه الهضرة وديري هوتبارلور
خاد تيلي ديالو موجد فيه البروكرام وهزات هي تيلي جاوبات ودارت ليقال ليها كترعد وشادا راسها بزز
روح:االوو
البوص:الحب كيف صبحتي
روح:(شافت فصرب لقاتو مخنزر)فين هو خويا
البوص:منعاودش ليك كيف داير بقا فيا مدنبو والو ويعيش هادشي فهاد لاج ضياع
روح:الله ياخد فيك الحق هءهء
البوص:المهم الغزالة إلا بغيتي خوك يرجع ليك غادي تجي لهاد العنوان .... مورا ساعة وقولي لداك ميخي لي حداك بلاما يعدب راسو ماشي مكلخ باش دار بيا دو فوا وإلا فكرتي تجيبيه معاك ترحمي على خوك
صرب:الله يلعن قحبة مك 
البوص:مابقيتوش تفارقوا اه حكا شوية توصلكم مفاجئتي تمنى تعجبكم
قطع عليهم خلا حالتهم حالة روح من جيهة لي اتموت بالبكا وصرب لي ايتفركع بالغضاااب 
روح:خاصني نمشي نعتق خويا هءهء
صرب:اتجلسي فضاركم أنا لي غادي نمشي
روح:لاا هو بغاني أنا عفاك منقدرش نخاطر بحياتو
صرب:و أنا منقدرش نخاطر بحياتك
خرجات معصبة وخلاتو دخلات ومشات ديريكت لبيتها دخلات جبدات ماتلبس تمشي يلاه حيدات تريكو بقات غير بسوتيامات حسات بالباب تحل حتا كان ايطير دخل وسدو شافتو هزات تيشورط غطات بيه صدرها قرب ليها وحمر فيها عينيه
صرب:لاش مشيتي مزال مكملنا أنا لي غادي نمشي
روح:(معصبة)أنا 
صرب:(تعصب شد يديها شابكهم مع يدو وطلعهم الفوق لاحت تيشورط وبقات هكاك بسوتيامات لي مكانو مغطيين والو ومع هي عندها المحلبة بلع ريقو كيبرد على راسو)أنا لي غادي نمشي
روح:(بدات كتبكي)عفااك ا صرب وحياتي خليني نمشي عفااك
صرب:(طلقها)منقدرش وإلا قرب ليك
خادت يدو هزاتها وباستها من الداخل
روح:عفاااك ا صرب إلا كنتي فعلا كتبغيني كيف كتقول خليني نمشي
صرب:(تصدم من الحركة لي دارت عرف راسو خاصو يخليها)صافي سيري و لكن انكون وراك
روح:واخا يلاه خرج نبدل وعنداك يشوفك شي حد
صرب:واخا سربي معندناش وقت ولبسي شي حاجة مستورة 
خرج وخلاها مشات طايرة لبسات لي لقات قدامها بالها مع خوها هزات صاكها و هبطات لقاتهم مجموعين غير قيس لي مكينش 
روح:أنا غادي نخرج
محمد:فين غادا
يلاه بغات تجاوبو سمعات صوت قيس وراها
قيس:أنا نتكلف ونثول ليكم فين غادا خطيبتي زوينة
دارو كلهم كيشوفو فيه قرب ليها وطول فيها شوفا لي كانت كتعبر على الاشمئزاز والاحتقااار هز يدو حتا هزها وصلاها لوجه حتا شافت نجوم ليل فعز النهار

ناض صرب نقز عليه عطاه كروشي رعفوا ولكن بقا شاد فراسو ورجع ليه الدقة ناض اياد كيفك فيهم
صرب:متحطش عليها يدك
قيس:ياك اخويا على قبل قحبة لخلا تضربني هادي هي العشرة مبانت غير هادي غير البنت لي خطبتها هي لي حطيتي عليها العين
محمد:لتازم حدودك وعرف على من كدوي اش هادشي كتقول
اياد:(تلاح عليه شنق عليه)وااااش عارف راسك اش درتي
قيس:هههه فالصراحة أنا براسي مبقيتش عارف ههه واش كندوي على ليليا ولا روح ولا فتون
اياد:(زير عليه)اش كتخرا
كانت روح مصدومة مكترمشش بحال إلا عرفات اش ساير يوقع وصرب على نار بغا يتلاح على قيس حيت حط يدو عليها حيد قييس يد اياد ومشا للتلفازة برونشا تيلي ديالو معاها وخدم الفيديو لي وصلوا من البوص كان فيه كيدوي وواققة حداه داشا وحداهم الياس معلق وكلو دمايات مشرط من صدرو منضرو هزهم كلهم
البوص:عرفتو لاش الياس وصل لهنا حيت بنتكم العزيزة لي عند بالكم بلي هي ليليا قتلات الوليد وهي لي قتلات حتا احمد ولكن لي غادي يصدمكم ماشي هي ليليا ..... (عاود لي كلشي بديطاي مخلا حتا حاجة عاود ليهم على صرب وجابر والاغتصابات و كلشي)وفالاخير بغيت نعطي لغزالتي واحد الكادو بسيط يتمنا يعجبها 
هز الموس ومشا عند الياس شرط ليه ضهروا بدا يغوت مسكين بحر جهدو وسخف بكثرة الالم خلاهم كلهم يشهقو وسالا الفيديو
بقاو غير كيشوفو ضارو عندها كلهم ناض محمد عندها عينو مدمعين
محمد:واش هادشي بصح نتي سباب
روح:هءهء خليني نشرح ليكم
هز يدو مرمقها صافي صرب مبقاش قاد يصبر مشا جرها وخباها وراه سمعوا الغوات ضارو لقاو الحاج شاد قلبو و عينيه مقلوبين مشاو طايرين عندو من غير روح لي كانت فشلانة
صرب:يلاه نمشيو من هنا
طلعات فيه عينيها وشافت فيه واحد شوفا كتقول ليه عفاك قتلني مبقيتش باغا نعيش 
تمو داخلين البوليس بغاو يديوها
صرب:متقربوش ليها
روح:لا بعدو مني خصني نعتق خويا بعدو بعدوووو هءهء
قيس:فات الحال هزوها عليا من هنا منشوفش خليقتها
واحد غزل كانت دايرة رجل على رجل وكتفرج عاجبها الحال تشوف روح فهاد الموقف وتشفا فيها
مشا تلاح عليه صرب بالكروشيات طيحو للارض و نزل عليه ستغلوا الوضع و مينطوها وخرجها هي اتموت بالبكا خلات وراها روينة من جيهة خوها من جيهة جدها عاد عائلتها 

💔 ربما تفتحت الأزهار التي بخارجي....ولكن يوجد ب داخلي ضلام اسود....من ينظر إلي يضن انني سعيدة....ولا يعلمون أي هم لدي....اخترني انا....آه و اطلق علي النار اطلق....ما هذا الظلم الذي اعانيه....هل انا الوحيدة التي حملت عبئ الدنيا على كتفي ....يمضي النهار ويحل الليل...ولا تمضي ليليتي ولا يكتمل اليوم....اتوسل مولاي...ولا يستجيب لي دعاء واحد....اخترني انا...آه و اطلق علي النار اطلق💔

بقا يضرب فيه صرب حتا مخلا ليه حتا بلاصة مقادة فوجهو عاد ناض شاف فيهم كلهم وغوت
صرب:غادي تندمو إلا وقعات ليها شي حاجة ولا تمسات فيها شعرة والله منعقل على شي واحد ونتا (كيشير لقيس)اتنوض دابا تهز تخرجها من تم وحسابنا مزال مسالا
قيس:خرج قود عليا من هنا نتا وياها
صرب كان كينهج شاف فيه واحد الشوفا وضار شاف فيهم حتا هما وخرج مخنزر ركب فلوطو ديالو وبقا يضرب فالفولون ويغوت محملش يشوف فعينيها داك الحزن وصدمة عاد مني ضربوها كسيرا ودوز ابيل فالطريق لمعارفو باش يحاول يخرجها وصل للكوميسارية ودخل مشا نيشان لعندها بلاما يدوي مع حد هبط للحجز لقاها جالسة فالارض ودايرة راسها وسط رجليها وشهيقها كيتسمع بجهد ضرو قلبو باقي ليه غير يبكي من داك المنضر قوا راسو باش يواسيها وقرب ليها شد فالقبضا بيديه وخشا شوية من راسو
صرب:بس بس
طلعات راسها فيه كان وجهها منفوووخ بالبكا وحمر وعينيها منفوخين وحمرين جات سو كيوت قلبو تهز وتحط بقات تشوف فيه وخرجات ثاني واحد الشهقة تبعوها دموع
صرب:شووت أجي لهنا
ناضت بثقالة وقربات ليه خشا يدو و وشد وجهها مسح دموع
صرب:لاش البكا هادشي كان خصك تكوني متوقعاه ا روح راكي قتلتي باه مغيفهمش هو الانتقام ولا شنو دوزتي ا روح
روح:هو قال ليا عمرو يتخلا عليا هءهءه هو خلاني مسمعنيش لاحني هنا بحال شي بهسمة ولكن لي زاد قتلني كثر هو عائلتي لي لقيت فيهم الحنان لي ياما تحرمت منو هءهء هما طعنوني فقلبي ا صرب هءهء بحال إلا أنا ماشي بنتهم هءهء فبلاصة مايفرحو حيت رجعت ليهم هما تخلاو عليا ا صرب تخلاو عليا فاول فرصة محنوش فيا شكون بقا ليا أنا هءهء شكون هءهء لاش أنا لاااش لي كيوقع ليا هدشي لاش
صرب:(خونتو دمعة عيا يحبسها مقدش يشوفها هاكاك مسحها بالخف وابتاسم)يتخلا عليك كلشي لي فهاد دنيا و هادا لي قدامك عمرو يتخلا عليك (هبطات راسها طلعو ليها) شووت البكا ورا الميت خسارة ا روح تقبلي هادشي لي وقع باش تكملي حياتك ضربة لي مقتلاتكش راه قواتك وشتي ماضيك أنا قابل بيه قابلك كيف نتي كوني بنت ولا ماشي بنت مكيهمنيش حيت نتي فعيني اشرف بنت عرفتها بغيتك بالكراكتير ديالك بغيتك ونتي قتالة هه بغيتك ونتي شيطانة بغيتك ونتي قوية
شوفت فيه وشدات ليه يدو لي شاد بيها وجهها
روح:(باستها)عفاك هءهء متخلينيش هءهء عفاك ا صرب متخلينيش عفاك
صرب:نتخلا على حياتي ومنخليكش
روح:خويا ا صرب خويا ايموت
صرب:شووت براكة على دوك العوينات دويت مع شي ناس دابا اتخرجي بسورسي واتمشي تعتقي خوك
روح:شكرا حيت نتا فحياتي
ابتاسم سمع طيلي ديالو كيصوني جاوب وابتاسم مني
صرب:تسناي ها أنا جاي
روح:(شادا ليه يديه بجهد)فين غادي متمشيش
صرب:أنا ندوي غير مع العقيد ونجي متخافيش دابا اتخرجي من هنا
روح:قول ليه يجي هو عفاك متمشيش مبغيتش نبقا بوحدي هءهء عفاك
بقا يشوف حتا عيا وعيط ليه يجي عندو بقا معاها حتا جا و دوا هو وصرب وخرجها تلاحت على صرب تعنق وتبكي خرجها من تم دغيا من بعد ماشكر صاحبو وركبو فلوطو

صرب:صافي يلاه وسكتي
روح:هءهء واخا هءهء شنو انديرو دابا
صرب:مزال قدامنا شوية دالوقت متخافيش كلشي ايكون مزيان ولكن بشرط تسمعي لهضرتي وياويلك ديري شي حاجة من راسك
روح:واخا واخا هءهءهء غير خلينا نمشي وعندو عفاك ا صرب
عطاها سلاح وموس وباس راسها
صرب:إلا شفتي راسك فخطر متغامريش بحياتك اتمشي دابا فهاد لوطو وأنا انتبعك فطاكسي وردي البال فسوقان
اومات ليه براسها زعما مواقفة باس عويناتها وخرج نقزات هي لجيهة لي كان جالس فيها بقات تشوف من المرايا حتا بان ليها خاد طاكسي عاد ديمارات وزادت عقلها غير مع خوها هو لي كتشوفو قدامها نفسها مقطوعة حتا يرجع وصلات للعين المكان لي كانت فواحد الساحة خااوية باركينغ ديال الكاميوات ولكن ماكان جتا حد وقفات تم كضور عينيها خرجات دورات راسها بان ليها صرب واقف بعييد تمشات شوية كتشوف فين كاينة والثوتر كيكالها مفهماتش علاش ناوي البوص ولكن لي عارفاه هو خصها تعتق خوها شوية سمعات صوت طوموبيلاات فراناو دارت وهو يبان ليها عرام دسيارات كحلين بقات كتحسب وتخطط فدماغها وتوجد لاي حاجة ممطن تعرض ليها هبط البوص وتابعينو رجالو و داشا كلشي لابس الكحل كان عدنان شاد سيجار فيدو ولي لاحضات روح هو أن صباع يديه ليسريا طايرين كلهم بلعات ريقها وتوجهات لناحيتو كتشوف فيه وتخنزر معصبة لاقصى درجة
روح:فين خويا
البوص:تءتءتء الغزالة ماشي هاكا اتمشي الامور
روح:طلقني اش بغيتي مني
البوص:دابا عجبتيني (ضرب على راسها بصبعو كان صرب واقف بعيد غير شافو قاصها كان ايطير عليه حبس راسو بزز) امم خاصني النقابل باش نعطيك خوك
روح:(حيدات ليه صبعو)وياااك تحط عليا يديك نطيرها ليك
البوص:(دار عند رجالو) سمعتوها طير ليا يدي إلا قربت ليها(قرب منها وشد ليها فمها عصرو)اممم عجباتني الفطرة نتي لي تقربي ليا (غمزها)
ما جا فين يكملها حتا سمع صوت السلاح وراه وكاع رجالو كيطيحو للارض كان صرب لي مقدرش يصبر و خرج ليهم طايطاي ومع واصلة فيه للعضم ولا يقتل بلا عقل حتا كملهم كلهم وبقا ليه غير البوص يلاه بغا يتيري فيه وتقادا ليه القرطاس ضحك البوص واحد الضحكة استفزو بيها وهز على صرب سلاح
البوص:ترحم على راسك
هزات عليه روح السلاح
روح:نتا لي ترحم على راسك
هزات عليها داشا السلاح
داشا.:ديري شي حاجة نتيري فيك
بقاو يشوفو فبعضياتهم صرب خايف غير عليها
صرب:(كيدير بيدو اشارة باش يهداو)صافي نتفاهمو بالعقل
البوص:تمشي معايا هاد الكتكوتة ونتهدن
صرب:انقتلك إلا جبدتيها على لسانك
روح:فين هو خويا
البوص:اممم باااح خوك مشا عند الله الكتكوتة
ولا وجهها بيض مشا منها اللون محساتش براسها حتا تيرات فيه فراسو صرب عرف داشا اتبغي تضربها تلاح على اليد لي شودا السلاح وطاح هو وياها فالارض كيحاول يحيد ليها السلاح أما روح مبرداتش فيها الكية لي كواها فقلبها تلاحت على البوص وجبدات موس كتغرسو فيه فقلبوا وتبكي وتنوح كتهز يديها حتال سما وتغرس
أما صرب بقا يضور هو وداشا كتغوت حيت خوها مات طاحت عليها واحد القوة حلفات لا طلقات سلاح حالفة تفديها فيها شوية تسمع صوت القرطاس بجهد

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.