صورة مصغرة لـالشيطانة الفاتنة الجزء الثامن

الشيطانة الفاتنة الجزء الثامن

رواية الشيطانة الفاتنة

شوية سمعوا الباب تحل تم داخل أوزان بكامل اناقتو وريحتو كتشم لفين وفين غير شافتو روح كحلات بالعما طلقات فيه شي تخنزيرات أما هو كان ضاحك حتال ودينين شافتو حنين ناضت كتجري تلاحت عليه عنقاتو هزها حتال سما وباسها فخدها
حنين:بااابي
سمعاتها روح تعصبات شدات راسها بزز 
روح:كاترين دي حنين لبيتها
كاترين:امرك لالة
خادتها وداتها بقاو بجوج الراس فالراس قرب ليها بخطوات ثابتة خاشي يدو فجيابو وراسم على شفايفو ابتسامة جانبية وصل عند راسها وتحنا عندها حيد خصلة من على عينيها بعدات وجهها مطايقاهش
اوزان:aşk(اشك زعما تركية ودكشي ههه)
روح:متحطش عليا يدك ال...(شافتو حمر فيها مكملاتهاش)
اوزان:(جلس فجنب السرير)رووح يا روح راني راجلك زعما من حقي ناخد حقي
روح:قسما بلي رفع السماء السابعة يا اوزان وتمد عليا يدك حتا نقطعها ليك
اوزان:اووووه قبيحة مع رساتك
روح:متستفزنيش ا اوزان مزال مكتعرفني
قرب ليها حتا جا حدا ودنها وهمس
اوزان:كنعرفك كتر مكتعرفي راسك
بعداتو عليها معصبة وحطات صبعها على عنقو كتهدد فيه وكتدوي بجدية
روح:آخر مرة آخر مرة تقرب لبنتي متحطش عليها يدك نتا ماشي باباها فهمتي إلا قربتي منها ترحم على راسك
اوزان:(خربق ليها شعرها) باش كتعجبيني بتخراج العينين اممم ايمتا ترجعي تمشي على هاد رجيلات (حط يدو على رجليها وزير يلاه بغات تغوت وحابساتها بزز) باش نبداو الخدمة
روح:(مثوثرة) كتحلم أنا عمري مغنتمشى واخا نعرف نقطعهم حيت داكشي لي بغيتيه عمرو مغادي يكون ليك وحنين ماشي بنتك آخر مرة نسمعها قالت ليك بابا حرام عليك هادشي لي كدير فيه شنو درت ليك أنا باش تحبسني هنا حتا ضو الشمس كيتحسب عليا إلا شفتو واش معندكش قلب شنو عندك معايا شنو درت ليك
ناض وقف هز صورة كانت فوق الكوافوز فيها صورة حنين
اوزان:دابا نشوفو الحب واش غادي ديري دكشي لي بغيت ولا لا بخصوص حنين بنتي وبشهادة الكل مكتوبة على سميتي وإلا قلتي 
لشي حد بلي هي ماشي بنتي عارفة شنو ايوقع ليك وليها قبل منك امم وبخصوص شنو درتي حتا ديري عقلك ونقول ليك شنو درتي
غمزها وحط الصورة وخرج خلاها اتاكل صباع يديها بالفقصة

روح:خاصني نلقا شي حل خاصني نهرب اووووووف هءهء فينك ا صرب فييينك لاش مقلبتيش عليا تفوو على مريض لاش ا ربي لاااش ممتش واش حتا الموت مقبلاتنيش هءهء
حيدات الغطا بقات تشوف فرجليها كانت لابسة كسيوة قصيييرة فالنواغ فخيضاتها زادو عمرو وكاع مفاتنها زادو برزو كثر وكثثثر 
شافت فالباب تأكدات بلي مسدود حطات يديها على رجليها هزاتها ودوراتها تبعاتها رجل لاخرة بدات كتكحاز حتا وصلات لجنب السرير ثنات رجليها بشوية شدات فالكوافوز كتجاول تنوض يلاه كتبغي تنوض كتخوي بيها وتجلس حاولات ثاني وثالث عاد ثبثات الوقفة دارت خطوة صغيرة بزز تبعاتها وحدة اخرا بقات على داك الحال حتا وصلات للباب يمشقة الانفس سورتاتو عاد رتاااحت رجعات كتشوف فالغرفة لي ست سنين وهي محبوسة فيها عاشت فيها اقصى ايام حياتها واتعسها وأجملها مني حسات بشعور الامومة لي خلاها تغير جذريا وخلاها تعيش بنفس ثاني وروح ثانية واخا تمنات تكون الضروف احسن وتكون مع بات بنتها ويعيش معاها لحضات حملها بوحدة بوحدة بقات كتمرن فالبيت كيف العادة وتدير ترويض لراسها براسها ودماغها خدام كتفكر كيفاش تهرب من الجحيم لي هي فيه بدات كتسرح ليها رجليها واخا مزال شوية دالالم ولكن الألم داخلي والفكرة أنها تعتق من الشيطان لي بلاها بيه الله كانت أقوى مشات لحدا الشرجم لي كان مغطي بالخامية مشات لجنبو طلات منو من جنب خوفا لا يشوفها شي حد بان ليها جردة كبيييرة ودايرة بسور عالي مستحيل ينقز منو شي حد وميتهرسش كانو لي كارد مالييين المكان مطوقين الجردة وكلهم مسلحين و عندهم كلاب واقفين حداهم حسات بالخنقة عيات تفكر ملقات حتا طريقة مشات جلسات فالسرير حيت عيااات ورجليها ضروها سمعات دقان طارت منها حيت نسات محلات الباب بقات غير كضور فعينيها معرفات باش تبلااات كتحس بالسخفة بقوة الخلعة

كترعد وقلبها غادي يسكت 
روح:شكون
حنين:مامي حلي الباب راني هربت لنانا
تنفسات الصعداء كانت روحها اتخرج حيت الامل الوحيد لي بقا ليها هو هداك
روح:كبيدة عيطي على مليكة تجي تحل ليك
حنين:هءهء مامي حلي ليا عفاك قبل ما تجي نانا كضلبني
قفزات روح من بلاستها معرفاتش كيف دارت حتا وصلات لباب وحلات عليها 
حنين:مااامي وقفتي
جراتها عندها دغيا شافت واش شي حد شافها مني طمنات سدات الباب ودات بنتها للفراش تكات باش ميعيقوش بيها وجابت بنتها حداها
روح:حبيبي ايمتا ضرباتك نانا
حنين:(كانو عينيها مدمعين ولكن مني شافت ماماها سكتات) قبيلة بغيت نخرج للعند اليكس (كلب) وضرباااتني هءهء
روح:(قطعات ليها قلبها كون كانت حداها المربية كون عوجاتها من شي قنت عنقاتها وخشاتها فحضنها)صافي احبيبة اتبقاي معايا هنا وحتا حد مغادي يقرب ليك
حنين:ماامي (شدات ليها وجهها بيديدتها صغيونين) وليتي كتمشاي انمشيو نلعبو بزوز
روح:(باست يديها وطولات بوسة حيدات ليها القصيصة لي كانت مغطية عويناتها الكحلين بحال ديالو تماما حادت منو كثر مخادت منها بقات ساهية فبنتها وعقلها معاه حسات بقلبها كيضرب بجهد جاها حنين قوي ليه تمنات تشوفو واخا غير ثانية وحدة الحاجة الوحيدة لي بقات ليها منو هي ثمرة حبهم حنين تفكرات اليوم لي حلات فيه عينيها ولي كان من بعد يومين من نهار لي خطفها لقات راسها فغرفة كلها بالبيض ورمادي حاولات تحرك يديها ولكن بدون فائدة حتا حاجة فيها مبقات بغات تحرك بكات بصمت عرفات راسها نجات من الموت ولكن غادي تعيش ما كثر من الموت ولي هو جحيم الموت البطيئ لامت صرب حيت كانت متأكدة بلي هو لي عتقها كانت باغا تلومو ولكن ملقاتوش تسنات ايام وايام ولكن ماجاش فاقت من سهوتها بيد بنتها لي كانت كتقيس فحنيكاتها)
حنين:ماما مااما مااميي
روح:ها شنو احبيبة (تفكرات بلي شافتها كتمشي)كبيدة ديالي نلعبو واحد لعبة صغيييورة بحال هاد نويف (شداتها من نيفها حتا غوبشات)
حنين:اه اه
روح:اممم منقولو لحتا واحد بلي أنا كنتمشا يبقا سر بين روح و القطيطة صغيورة ديالها حنين
حنين:امممم اك مامي (هزات يديها وضربات فيد روح زعما تافقنا)
عنقاتها روح بجهد كتستنشق ريحتها كتخاف عليها من نسمة الهوا من كلشي هي الحاجة الوحيدة لي عايشة على قبلها
بدات كتفوه حنين جاها نعاس فالحضن الدافي غطاتها روح ومخشاتها فيها حتا نعساتها فحضنها وبقات تخمم فكيف دير تهرب هي وبنتها جات فبالها فكرة وقررات تديرها ولي ليها

##طاح الضلام فالاراضي البرازيلي ومزال روح على نفس الحركة خاشية فيها بنتها بحال إلا خايفاها تهرب وكتخمم شوية سمعات الباب تحل تمو داخلين الخدامات جارين طبيلة فيها الاكل 
روح:مليكة فيه هي لي كتقابل حنين
مليكة:والله معرفت الالة مبانتش ليا نقلب عليها
روح:لا خليها حتا تجي عندي برجليها 
حطات يديها على وجه بنتها كتفيقها بشوية
روح:نونوستي حنيين فيقي يا قطعة من الجنة حبيبة فيقي
حنين:(مغوبشة ومبغاتش تنوض)هنهنهن
روح:فيقي احبيبة نعمرو كليشة ونيني ويلاه فيقي الله يرضي عليك
بدات تجبد وتفوه حتا فاقت وبدات توكلها روح وتنقب هي مني كملوا مسحات ليها وتكاتها حداها
روح:جيبو ليها بيجامتها اتنعس حدابا من اليوم
لباو طلبها ودارو لي قالت ليهم يلاه كانو ايخرجو عيطات روح لمليكة
روح:احم بغيت نسولك
مليكة:امريني ا لالة
روح:(حيدات واحد البراسلي ديال الذهب كانت دايراه فيديها ومداتو ليها)مليكة سمعي مزياان هدشي لي انقولو ليك
مليكة:(غير كتشوف)خبار الخير اللالة
روح:(شدات ليها يديها و كترجاها حتا عويناتها بداو يدمعو تفكرات حنين دارت عندها)مامي سيري غسلي سنيناتك و أجي نديرو دودو
حنين:اك مامي
ناضت بقات متبعة ليها العين حتا دخلات للحمام عاد دارت عند مليكة لي علامات القلق واضحين عليها
روح:الله يخلي ليك ماعزيز عليك الله يعطيك متمنيتي عاونيني نهرب عفاك اختي إلا بقيت مع هداك غادي نحماق خاصني نلقا بابات بنتي
مليكة:على سي اوزان ماشي بابات بنتك
روح:لا لا أنا مكنعرفوش هو خطفني وحبسني هنا هءهء
مليكة:كييييفاش
روح:قصة طويييلة ا ختي الله يرحم ليك واليديك عاونيني إلا هربت نعطيك لي تمنيتي غير عاونيني هءهء
مليكة:شنو ندير باش نعاونك الالة
روح:غدا بليل.....
مليكة:واخا الالة اندير لي قلتي ليا بالحرف نتمنى ربي مايحشمناش ولكن الا حصلك انمشي فيها
روح:والله مانقول ليه عاونتيني ولا نجبد سيرتك
مليكة:واخا الالة غدا نديرو دكشي لي قلتي
عنقاتها روح بالفرحة شافت بنتها خارجة كتجر فالبانطوفة ومزااال مقلوبة بالنعاس بعدات على مليكة وغمراتها باش تمشي ومتبينش دكشي لي دارت جات حنين حدا روح نعسات ونعسات حداها روح من بعد مطفات ضو وشعلات ديال الفيوز خفيييف بقات تمعن فملامح بنتها ويديها كتلعب فشعرها البني رطب وكدعي فبالها يكون معاها الله باش تهربها وتأمن ليها حياة أمنة وهاادية من المشاكل مبغاتش بنتها تعيش لي عاشتو بغات تعوضها على كلشي
اما قلبها كان كيفكر فيه غير هو وكيف ايكون ومعامن ايكون واش نساها ولا مزال ساكنة قلبو كيف قال كانو بزاف دالايئلة كيجولو دهنها اولهم لاااش مقلبش عليها واش طوا صفحتها ومحاها من حياتو ببساطة تمنات لو تعرف الجواب ولكن معندها كيف تعرف بقات فكرة ديها وأخرى تجيبها حتا غفااات

#صباح_جديد فالاراضي المغربية 
كان واقف فالبالكون كيشوف فنقطة بعيييدة وهاز فيدو اليمين كاس دالشراب حيت يدو لاخرة مكيقد يهز بيها والو كترعد ليه
((((صرب:بصحة خنفوسة(هز يديها باسها)
مجاوباتوش باركة تحكحك راسها مع ضهرو
صرب:خاصنا نجيبو خدامة هه
روح:هه حميمق
ضار عندها وحاوطها من خصرها وحط راسو فعنقها
صرب:الله على ريحة
شداتها السخونية من صبعها الصغير وهرها بلحيتو الخفيفة بعدات منو
روح:هريتيني
صرب:شنو نحيدها
روح:ههه اتولي خااايب
صرب:ااه سي فغي والبنات ميبغاوش يشوفو فيا غير نخليها
تقرصات ومحملاتش اشنو قال الغيرة كالتها))))))
ابتاسم لا اراديا مني تفكر هاد اللحضات وعينيه بداو يبريو ولكن بدات ديك الضحيكة نابعة من القلب تلاشا بشوية بشوية حتا تحولات لملامح حزن وغضب ورك على الكاس بيديه حتا تهرس وبدا يسيل الدم متسوقش خرج ومشا للحمام دوش بالخف و لوا على اليد المجروحة فاسمة وقف قدام المرايا نغووبش ولا كيبان بحال شي راجل شارف وجهو دبل بزاف ومع اللحية الكثيييفة زادت بيناتو كبيير هز الغازواغ وحيدها كلها شاف فراسو ثاني رجع كيفها كان ولا على الاقل تقريبا كيفما كان مزال ملامح الحزن مالياه خرج ومشا للدريسينغ لبس سروال كحل وقميجة فنفس اللون حل ليها الصدايف الفوقانيين قاد شعرو ورش ريحتو من بعد ما هز سوارت لوطو والفون ودوااه ركب فلوطو ديالو رافض كليا شيفور يسوق بيه واخا طبيب مانعو يسوق ولكن مسمع لحتا حاجة من لي قال ليه الطبيب وقف عند واحد المحل كيبيعو فيه الورد نزل بقا كيشوف فداك الورد كيقلب على شي وحدة كتشبه ليها طاحت عينو على واحد الوة فالموف غااامق مايل للاسود حس بيها كتمثلها قال ليهم يوجدو ليه باقة منها خادها ورجع للوطو من بعد مخلصهم طريق كلها وقلبو مقبوض عليه كيتمنى تزيد تطواال الطريق باش ميوصلش ولكن شائت الاقدار ووصل كانت تقريبا خاوية المقبرة فيها ناس قلااال بزاااف نزل بخطا ثقيلة هاز فيدو الورد وداير نضاضرو وقف عند قبرها جلس جنبو وحط فوقو الورد بقا كيدوز بيديه بشوية على التراب بحال إلا كيدوز على خدودها وصورتها بين عينيه قلبو كان كينزف وروحو كتزهق منو ولكن رجولتو مسمحاتش ليه مزال يطيح دمعة قرر يعلن عليها الحداد ويتقبل موتها لي خاد منو مدة 6 سنوااات باش دخل ليه لدماغو
صرب:اه يا عميقة العينين (جمع يدو على شكل قبضة وحطها على فمو) غادي نحاول نساك وكوني متؤكدة عمري مغادي نقدر
سكت مدة الكلمات مشاو ليه حس بيد تحطات عليه دور راسو تصدم مني شافهم واقفين بجوج
صرب:روووح
ليليا:(كانت لابسة جلابة فالنواغ ودايرة شال على شعرها خارجين خصلات من شعرها لي يلاه صبغاتو الأشقر وحداها قيس لابس كومبلي فالنواغ وداير نضاضر كيحاول ميشوفش فصرب)احم ليليا ماشي روح

اليوم لا يمر☆و في قلبي الالم بلا رحمة☆الوحدةتعصف بوجهي و الزمن لا يمضي☆حتي حزني قد تعب☆في كل دمعة ذلك الحزن و اليأس☆هل سيمضي ليلي بدونك الي ما لا نهاية؟☆قلبي تعب مجددا☆لا الحب ليس بيدي☆الحب ممنوع علي☆انظر روحي تذوب مجددا معك رويدا رويدا☆اه العشق يقع من شفتي على قلبي مثل الجمر

ليليا:ليليا ماشي روح
صرب:(خنزر وشاف فقيس مشا شنق عليه)شنو كدير نتا هنا
ليليا:(جات وسطهم كتحاول تفكهم)صافي ا صرب احتارم البلاصة لي حنا فيها بغيتو ضاربو بعدو من هنا
شاف فيها وطلقو قلب وجهوا محاملش يشوف فيها كتفكرو فروحو 
صرب:شنو كديرو مع بعضياتكم
ليليا:تلاقيت معاه فالباب دالمقبرة وجينا مع بعضنا
صرب:(ضار مقندش)نتي جيتي تزوري ختك ونتا ديم مك اش جاي دير هنا
قيس:عارفك اتكون هنا فهاد النهار بغيت ندوي معاك
صرب:ههه (ضحك باستهزاء ضرب فيه وزاد ممسوقش ليه)
تبعو قيس كيجري يلاه بغا يشدو من كثفو حس بدقا من حيت لا يعلم طاح فالارض ونزل عليه صرب بالدق وحدة ولا لاخرة وقيس مستسلم محاولش يدافع على راسو حتا حس صرب براسو تفش وناض كيسوس فحوايجو ومخنزر
صرب:منشوفش كمارتك ولا هاد المرة مغنفلتكش المرة لولة رحمتك ودىت بوجه العشرة...
ناض قيس مخلاهش يكمل عنقو بجهد وبدا يبكي حتا غرغروا عينين صرب ولكن تمالك راسو كبريائو ورجولتو محلاتوش يطيح دمعة ثاني
قيس:خويا عفاك سمح ليا عفااك والله حتا ندمت كون عرفت هادشي ايوقع كون قطعت لساني قبل لا نجرحها سمح ليا ا خويا سمح ليا
بعدو عليه وبلع ريقو كيحاول يتمالك راسو
صرب:(شافو كيف كيبكي عمرو شافو هاكا ولكن مقادش يغفر ليه هو سبابو فكاع هادشي) غير أجي ونسمح ليك ا قيس نتا خويا لي مولداتوش مي من ديما عتابرتك هاكا لدرجة سبقت على راسي عطيتك المرا الوحيدة لي دق ليها قلبي شديت رجولتي مسحت بيها الارض وعفست عليها غير لسبب واحد ولي هو نتا تكون فرحان (حس بألم فيدو صبر ليه) باش فالاخير ميكونش عندك ضمير وترحها وتخليها تنتاحر لاش مدرتيش غير بوجهي (خانتو دمعة مسحها بالخف) احم خليتك للي خلقك هو لي خاصو يسامحك أما أنا مغنقدش
ضار وخلاه ايحماق بضميرو لي كيأنبو مشا ركب فلوطو ديالو وطريق كلها وهو كيسب ويعاير وصل للابارتومون لي جات فموقع راقي ووسط المدينة حلات ليه الباب كانت لابسة سوميج دو نوي فالحمر كلها مشبكة والمعري فيها كثر بكثير من المغطي شعرها الاشقر مطلوق على طول ضهرها مخربق دايرة مكياج صارخ تغطي بيه وجهها الصفر
قيس:لا تعراي نتي حسن اش هادشي لابسة وكتحلي لبنادم بيه😡😡😡

قيس:لا تعراي نتي حسن اش هادشي لابسة وكتحلي لبنادم بيه
غزل:بففف جيتي ولا جابوك فك شوية داك الوجه راه الضحكة ببلاش
قيس:الله يرزقني الصبر فين هو ريان
غزل:مزال ناعس
قيس:(معصب)ولاش ممشيتيش فيقتيه باش يمشي للمدرسة
غزل:مشغولة سير فيقو نتا
شدها من كثفها وزير حتا غوتات
قيس:واش بغيتي تحمقي طاسيلتي باااش مشغولة باااش لاش متفيقيش ولدك شنو كضلي ديري
غزل:اححح طلقني ضريتيني بعد مني سير فيقو نتا ولا ضبرو راسكم عطيةني تيقار بجوج
قيس:(هز يدو للسما وطرشها حتا داخت)الله يلعن قحبة مك ولد فخمس سنين من عمرو محتاجك ونتي باركة تقولو ليا يعطيك تيقار ومني مقاداش عليه لاش كنتي اتموتي وتولدي كنتي باغا تلسقي فيا الكلبة الله يحرق طاسيلتك الحيوانة
غزل:(كتغوت)اااه كنت باغا نلسق فيييك وندمت نتا واحد ممل ومكطيقكش النفس كنكرهك ومكرهتش نقتل داك الولد لي جامعني بيك ومحرم عليا عيشتي
قيس:(مخرش عينو)هاء كيفاااااااش 
نزل عليها بجوج صبيات حتا طاحت للارض و بدا يركلها فكرشها وهي كتموت بالبكا حتا سمع البكا ديال وليد صغير كان واقف كيشوف فيهم لابس بيجامة ديال سبونج بوب وكيبكي
قيس:(طلقها ومشا عندو هزو ودخلو لبيتو كيحاول يهدن راسو على قبل ولدو) شوووت ا بابا شوووت صافي متخافش كنا غير كنلعبو أنا وماماك متخافش
(كيشهق بالبكا وخاايف) ولدي سبع مكيبكيش ويلاه صافي سكت ا سبع ديالي
بقا معاه حتا سكتوا ولبسو حوايجو وقاد ليه الكاغطابل يالو خرجو لقاها مكايناش فين خلاها مشا للكوزينة وجد لولدو فطورو من بعد ما فطر مشا هو وياه وصلوا لليكول ومشا هو للمركز الشرطة ترقى من بعد اخر عملية نجح فيها واخا الفضل راجع لصرب وولا عقيد
#عند-ليليا
مني مشاو جلسات حدا قبر ختها وعيطات على رجل كيقرا القرأن تم قرا عليها ما تيسر من الايات الكريمة لي خلاتها تبكي بلا هواها وتدعي لختها بالمغفرة قلبها كان كيتشوى عليها تمنات تشوفها ولو لمرة وحدة وطفي نار الشوق لي هازا فقلبها وكون تعرف بلي لي تم ماشي جثث ختها وكتبكي على شخص ثاني مكتربطها بيه حتا علاقة وختها حية ترزف وكتنفس فطرف آخر من الكرة الارضية ناضت عينيها منفوخين بالبكا وخدودها مزنكيين يلاه خرجات من المقبرة تلاقات بيه واقف فالباب حيت معندوش الحق يدخل للمقبرة اسلامية وهو متبع ديانة أخرى غير شافتو تلاحت عليه عنقاتو بجهد كتنخسس وشهيقها كيتسمع لفين وفين حتا هو ضمها كيطبطب عليها مدواش خلاها على خاطرها حاس بجرحها وخصوصا أن ختها كانت عزيزة عليه وحتا هو تصدم من موتها بزااف حتا تهدنات وطلعات راسها فيه مدلية شفايفها ودموعها دايزين كانت كتحمق بريئة لاقصى درجة باس راسها ومسح دموعها
جوزيف:صافي ا ليليا براكة على دوك العوينات من البكا
ليليا:كون مت أنا كون غير مت أنا وهي عاشت كلشي بسبابي
جوزيف:متقوليش هاكا نتي مدرتي والو وبزااف لي عندهم يد فموتها إلا نتي وصرب لي معندكم حتا ذنب بقا معاها حتا سكتات وداها للوطو ديالو وصلها للفيلا وقفو مدة كيشوفو فبعضياتهم والصمت سيد المكان
ليليا:نخليك خصني نمشي
جوزيف:(قرب منها وطبع بوسة حنينة على خدها قريب من فمها خلاها كدوووب)جا معاك لون
ليليا:كيفاش
جوزيف:شعرك شعرك
ليليا:اه شكرا (ابتاسمات بخجل)
جوزيف:بسلامة
ليليا:بسلامة
خرجات وخلاتو هاايم فيها وفعفويتها وخجلها ست سنين وهو كيحاول يبين ليها باش كيحس من جيهتها ولكن بدون جدوى و مقادش يعتارف ليها حرفيا

#صرب♡
مشا للشركة نيشان دخل للمكتب ديالو بلاما يدوي مع شي حد ولا يشوف فشي حد فنا راسو وسط الخدمة دوسي واحد كيعاودو مليون مرة بلا ملل ولا كلل شوية رجع راسو للور كيحس بعنقو ضرو وصدرو مخنوق بحال إلا محطوطة عليه شي حاجة ثقيلة هز طيلي لي كيربط الاتصال بمكتب جنات جاوباتو فيساع
جنات:(حنيكاتها حمرين)وي موسيو
صرب:(مغوبش)جيبي ليا قهوة كحلة بلا سكار
يلاه بغات تجاوبو قطع عليها فوجهها ناضت بزربة مني شافتو كيخنزر فيها من الزاجة لي كتبين ليها مكتبو وحتا هو كيشوفها مشات للكافيتيريا طلبات كافي نواغ كيف بغاها وهزاتها غادا بيها دقات فالباب مسمعاتش الجواب معرفات مدير حلاتو بشوية بان ليها مرجع راسو للور ومغمض عينو معرفاتش واش ناعس ولا لا زعمات ودخلات مدايراش الحس وصلات عند راسو قلبها كيضرب قربات من وجهو وهي معارفاش اش كدير شوية حل عينو بالخلعة طلقات طاس دالقهوة وكباتها عليه ولات بيضة بحال الجثة بكثر الخلعة مني شافتو عقدهم و عروقو بانو بالعصاب
صرب:القحبة شنو درتي😡😡😡😡 الله يلعن الكلب لي حط مك (شدها من شعرها وزير حتا طلقات دموعها)
جنات:والله مقصدت هءهء سمح لي عفااك هءهء
صرب:خرجيييي عليا
قفزات من الغوتة خرجات كتجري سادا فمها ودموعها شلال
مسح على راسو معصب خرج طالعة ليه الكناوية للسطح ركب فلوطو ديالو غادي بأقصى درجة مخلي العجاجة وراه ولي داز من حداه يبقا يشوف فالحديدة لي كتسوا الملايين وصل للفيلا خلاها محلولة للشيفور باش يستاسيونيها ومشا هو بالخف للجناحو دوش بالما بارد باش يتهدن خرج لبس سروال جينز فالكحل مع كويرة كحلة وتيشورت لتحت نص كم قاد شعرو نزل للتحت لقا مو جالسة بوحدها كتسبح قرب ليها باس راسها غير شافتو بتاسمات
الحاجة:وليدي ايمتا جيتي
صرب:قبيلة ا ميمتي لباس عليك
الحاجة:لا اولدي مني كنشوفك هكاك كنمرض الله يرضي عليك اولدي سير للطبيب عالج راسك بغيت ليك رضا لاما سير راه كبدتي كتشوا عليك حتا تولدهم وتعرف شنو كدير فميمتك
صرب:اااه يا الوليدة ها أنا مشيت للطبيب راه مغاديش ندير العملية واخا معرت اش يوقع
الحاجة:(بدات كتبكي)الله يرضي عليك ا ولدي إلا كانت عندك غير درة معزة فقلبك من جيهتي سير للطبيب (شدات يدو)شوف كيف كترعد هءهء الله يا ولدي الله فين كان مخبي ليك هادشي تمنيت نشوفك بدارك ووليداتك
صرب:بفف ولاش البكا دابا صافي الالة من اليوم لي بغيتوها هي لي اتكون غير متبكيش
الحاجة:بصح ا ولدي وا قلب على البنت لي تناسبك باش نفرح بيك ونشوف ولادك قبل مانموت وراه غير حداك خاصك غير تحل عينيك
صرب:(معصب)نخليك دابا
خرج معصب مشا للكاراج هز تيماكس ديالو اخر موديل فالبيض كبيير دار الكاسك وديمارا غادي بأقصى سرعة والبرد كيضرب فيه حتا كيقول اينساها وكيرجع لنقطة الصفر وقف عند واحد الدار جات فوق واحد الجبل نزل من طيماكس ودخل ليها كانت صغييرة فيها بيت واحد كيطل على كوزينة صغيرة ومن جيهة اخرى حمام كانت كلها خشبية والحيوط كلهم عامرين بصورها حيد الكويرة لاحها فوق كرسي دالجلد حيد سباطو ومشا للفراش وغير حط راسو على المخدة غفااا
#صباح_جديد فالبرازيل
حسات بيد كتقيس فوجهها بحنان ابتاسمات
روح:كبيدتي صباح الخير
اوزان:صباح العشق
غير سمعات صوتو بحال إلا تخوا عليها سطل دالما حلات عينيها وقفزات من بلاصتها بعدات منو لقاتو متكي حداها وحنين وسطهم ناااعسة ونعاسها ثقييل
روح:نتا نتا شنو كدير

غير سمعات صوتو بحال إلا تخوا عليها سطل دالما حلات عينيها وقفزات من بلاصتها بعدات منو لقاتو متكي حداها وحنين وسطهم ناااعسة ونعاسها ثقييل
روح:نتا نتا شنو كدير هنا
اوزان:اممم توحشت مرتي الغزالة وبنتي عندك شي مشكل
روح:خرج عليا خرج
اوزان:كالم بب اتفيقي بنتنا
روح:(شنقات عليه)انقتلك إلا قلتي بنتنا انقتلك
شد يديها وزير عليها حتا كانت اتعواج حبسات البكية مبغاتش تضعاف قدامو هز يديها وباسها من الداخل
اوزان:نو بب ديري عقلك وخدميييه إلا بغيتي بنتنا تعيش وإلا راك عارفة شنو مصيرها نقتلها قدااام عينيك وكوني متأكدة مغنحنش فيها
روح:(دموع واقفين فعينيها)الله ياخد فيك الحق هادشي لي غادي تقول ليك الله ياخد فيك الحق
طلقها وناض ضاحك وممهتمش ليها خرج من بعد ما باس حنين
شدات يديها لي زير عليها وبدات تبكي فصمت خايفة تفيق بنتها وتشوفها هكاك ماعندها قوة ليه كون كانت ديال راسها وينتها مكايناش كون ندماتو ولكن شادها من اكثر يد كتوجعها وغير الفكرة ديال أن بنتها ممكم تأدى كتقتلها آلاف المرات شافت بنتها بدات كتفيق مسحات دموعها ورسمات ابتاسمة على شفايفها بالخف ودارت عندها كتبوس فكرشها
روح:القليب ديالي فاقت صباح نور كبيدة
حنين:صباح الخير (كتجبد بيديتها الصغيورين)
روح:حبيبة ديالي نوضي باش تمشي للسكول
حنين:اك مامي 
ناضت كيف قالت ليها ماما مشات للحمام بوحدها وغسلات وجهها وسنيناتها رجعات عند ماماها جايبة معاها مشيطة 
حنين:مشطي لي شعري
روح:اوك برينسيس
بدات تمشط ليها شعرها بشوية دخلوا الخدامات جابو ليها الفطور وجابو حوايج حنين حيت قالت ليهم اتبقا معاها فطرو بجوجات وبدلات ليها لبسات جات سو كيوت
روح:فين هي بيزو ديالي
عنقاتها بجهد وباستها
حنين:كود باي مامي
لوحات ليها بيديها ومشات وخلات روح بوحدها غير تسد عليها الباب وطلقات دموعها كيف العادة كتنزف من الداخل ومقاداش تحكي همها لحتا حد جبدات السنسلة لي بقات ليها منو باستها وشدات بين يديها
روح:كنبغيك كنبغيييك ا صرب مني غادي نشوفك هادي أول حاجة انقولها ليك كنبغيك هءهء
ناضت متحمسة سدات الباب كيف العادة وبدات تمرن ساعات بلا ملل وقدام عينيها هدف واحد اصلا هو لي باقي ليها
داز النهار غير فالتخطيط و الخوف والثوثر كانت لابسة كولون فالكحل مع ديباردور فنفس اللون والجاكيط سخونة الفوق وبنتها حداها فسابع نومة لبساتها بقات تشوف فالساعة وكتسنا بفارغ الصبر وعلى احر من الجمر ولكن قلبها كيضرب بالخلعة
وصل الوقت دخلات كليكة فالوقت ناضت عندها روح دغيا
روح:كلشي هو هداك
مليكة:اه الالة غادي نخرجك من الباب لي كاين لور راه قليل فاش تيكون فيه الحراسة ولكن راه كيخرج فالغابة وخاصك طريق طوييلة باش توصلي للطريق السيار تكاك خاصك ديري لوطو سطوب ولكن ردي البال قطاع الطرق تيكونو بزاف فهاد البلاصة (جبدات موس)هاكي هادا باش إلا وقعات شي حاجة دافعي بيه على راسك
روح:واخا اختي الله يفرحك
مليكة:يلاه دغيا محدي خويت ليك الطريق باش حتا حد ميشوفك
روح:صافي واخا
مشات هزات بنتها وخرجات كتجري وتسلت

خرجو ومليكة سابقاها وهي مثقلة ببنتها خرجو من الباب دالكوزينة كانت الدنيا كتصفر تعجلات فالاول ولكن مع الخلعة متسوقاتش بزاف قلبها كان كيضرب فالتسعين كتحس بيه غادي يخرج وصلوا للباب لي قالت ليها لقاوه خاوي حلات ليها الباب
مليكة:الله معاك
روح:شكرا بزاااف إلا هربت عمري نسا خيرك
باست مليكة حنين مات روح كتجري ودور فجنابها كانت الظنيا خااوية حي بني آدم مقطوع تكدب على راسها إلا مخافتش وخصوصا على بنتها بدات كتمشى وتزرب فمشيتها قلبها لي كيتسمع من غيرو الحس مقطووع شوية سمعات تخرشيش وراها حتا كانت اتغوت ولون مشا منها ضارت تشوف شكون مبان ليها والو مع الضلام طلقات رجليها للريح وكتنهج وكتسمع صوت كيقرب منها على شوية كانت اتبكي بدا كيبان ليها ضو بعيد زادت خففات رجليه وقلبها واقف ففمها بالخلعة وصلات للشانطي ووقفات كتنهج محيلتها لراسها ولا لبنتها داخت بقات كتنفس بجهد حيت سخفات ورجليها بظاو يعطيوها الصداع حيت فورصات عليهم بدات بنتها تفيق مفاهمة والو 
حنين:مامي فين حنا
روح:شووت كبيدة متخافيش حنا غير خارجين باش نلعبو متخافيش الكبيدة 
سمعات الصوت كيقرب منها باست بنتها 
روح:مامي متخافيش وبقاي ورايا
حنين:اك مامي
حطاتها ودارتها ورا ضهرها جبدات الموس لي عطاتو ليها موجدة لداكشي لي ايخرج ليها وخوفها كلو على بنتها غادي وكيقرب وقلبها كيشطح بالخلعة وحنين مخبية وراها شادا ليها فرجلها
شوية وهو يخرج قدامها واحد رجل باين فيه سكران كان ضخم البنية وغير شوفا فين تخلع بدا كيقرب ليهم وكيدوي بالبرازيلية مفهمات حتا كلمة من لي كيقول يلاه ايشدها غرسات ليه الموس فعينو وهزات بنتها طارت بيها وهي كلها كترجف شافت ضو دواحد لوطو بعييدة بحال إلا شافت شي كنز عينيها بداو يبراو بدات تلوح بيديها ووقفات وسط الطريق حتا وقفات لوطو عند رجليها مشات كتجري عند لي سايق حل عليها زاجة كان شاب فمقتبل العمر وباين من ملامحو برازيلي 
روح:(بالانجليزية وكلها كترجف)عفاك تقدر توصلني للمدينة
الشاب:واخا ركبي
مشات طايرة حداه جلسات وحطات بنتها فوقها معنقاها بجهد وخاشياها فيها وكتشوف فشاب بنص عين كتلقاه مخرج عينو فيها وفمفاتنها الشيء لي زاد من خوفها كثر تقنتاات فالجنب كتبعد منو قد ما قدرات
حنين:(بشوية)ماما شنو واقع فين هو بابا
روح:شووت ا ماما حنا غادين لواحد البلاصة اتعجبك بزاااف
حنين:اك ماما
روح:نعسي ا كبيدة
عنقاتها كطبطب عليها حتا نعسات وهي مغمضاتش خايفة من لي جاي كثر وقلبها مقبوط عليها ساعات وهما غاديين حلفو لا وصلو حتا بدا كيدخلها الشك
روح:خويا واش مزال الطريق بعيدة
الشاب:وي مزال شوية ا زين (غمزها)
خنزرات فيه ودورات وجهها معندها مدير خاصها تصبر شوية كيبان ليها بلاكة كاتبين فيها بالانجليزية المطار تقادات فالجلسة كضور فعويناتها
روح:فين جايبني نتا
مجوبهاش زادت تخلعات بحال إلا فهمات شنو واقع روح:(وجهها صفاار)دويي فين غادي وقف وقققف
فاقت حنين قافزة بدات تبكي
روح:صافي ا مامي بسم الله عليك مواقع والو
وقف فواحد الساحة خاصة بالطائرات الخاصة بانو ليها لي كارد مستفين وهو واقف داير النضاضر ومبتاسم حتا باينين ليه ضروس العقل قلبها بدا يرفرف بالخلعة معرفات باش تبلات شافت ببنتها ورجعات شافت فيه كتحس بدمها جمد بكثرة الرعب لي ركبها من لي جاي

وقف فواحد الساحة خاصة بالطائرات الخاصة بانو ليها لي كارد مستفين وهو واقف داير النضاضر ومبتاسم حتا باينين ليه ضروس العقل قلبها بدا يرفرف بالخلعة معرفات باش تبلات شافت ببنتها ورجعات شافت فيه كتحس بدمها جمد بكثرة الرعب لي ركبها من لي جاي
عنقات بنتها بجهد وبداو دموعها يتهطلو بحال الشتا خوفها كان غير على بنتها يوديها ليها كيف كيقةل ديما
خرج هداك لي وصلها من لوطو ومشا عندو بقات مقابلاهم كيفاش كيدوي ضرب ليها اوزان على كتفو بحال إلا كيقول ليه تبارك الله عليك ووقف حدا الرجال لاخرين عطا اوزان إشارة للرجالو مشاو ديك ساع للوطو حلوها من جيهتها
روح:اش بغيتو متقيسونيش
هبط واحد فيهم عندها بغا ياخد منها حنين خرجات عينيها مصدومة وكلها كتفتف
روح:طلقو منها هءهء طلقو مااااتقييييسوهاااااش وااا طلقو 
هما يجرو وروح تجر وتبكي هي وبنتها
حنين:مامي هءهء مامي
روح:متقيسوهاش بعدو منها 
خادها ليها ومشا خرجات ديك الساعة تبعاتو يلاه اتشدو حسات بجوج رجال شدوها من يدوها وحبسوها
روح:حنيييين (كتفركل وتغوت لربي لي خلقها) طلقو منهااااا بنتي طلقو طلقو (عضات واحد من كتفو حتا غوت ولكن مطلقها بقات ترطا ليهم وتخرج حر الحرقة لي حرقوها فقلبها حتا بانو ليها مطلعينها فوحدة من طيارات جلسات على رجليها فاشلة ولا حول لها ولا قوة كتمنى ياخدو منها حياتها وميحرموهاش من بنتها
قرب ليها اوزان بمشيتو المعتادة الرجولية وراسم على وجهو ابتسامة انتصار غير وصل حداها جمعات الوقفة كتشوف فيه شوفات كلهم حقد وكره مكرهاتش تلاح عليه تردو طراف
اوزان:روح يا روح باغا تمشي وتخلي راجلك بوحدو ماشي حرام
روح:(بصوت حاااد)فين هي بنتي
اوزان:امممم بغيتي تقولي كاانت بنتك حيت دابا مبقاتش تبخرااات
غير كمل الجملة نزلات عليها قوة ديال خمسين راجل فكات راسها من جحوشة لي شادينها وتلاحت عليه قجاتو من عنقو حتا ضفارها تغرسو فيه
روح:تقرب لشعرة غييير شعرة منها نوكلك لحمك مزال مكتعرفني
اسناها حتا كملات ابتاسم وشد ليها يديها لي شداه فعنقو وزير عليها حتا نزلو دموعها بالالم بدا كيبعدها عليه بشوية بشوية وغادي وكيزير
اوزان:تءتء الوين راني قلت ليك كنعرفك خير من راسك
روح:(تفكرات بنتها بين يديها نزلات على ركابيها محطمة)الله يخليك ندير لي بغيتي اي حاجة ومتقيسش بنتي هءهء عفاك قتلني أنا دير فيا لي بغيتي ومتقربش ليها هءهء
نزل حتا ولا فمستواها
اوزان:دابا بديتي تخدمي (حط يدو على راسها)هذا ا زين غادي ديري دكشي لي غادي نقولو ليك بالحرف وإلا درتي غلط واحد ترحمي على روح بنتنا 😉
روح:اه اه ندير لي بغيتي غير رجع ليا بنتي
شدها من فمها وزير على فكها حتا توعتات
اوزان:4 شهور ومرتي الغرالة كتمشى ومقايلاهاش ليا ماشي حرام(كانت كتموت بالبكا وبالها غير مع حنين بحال إلا تقطع عليها الاوكسجين مبقاتش كتحس بألم ثاني حيت الوجع لي فقلبها كان اكبر بكثير قفزها غواتو) مني ندوي معاك القح** جاااوبي عند بالك أنا ميخي اديريها بيا نتي والخدامة ها دوي (مجوباتوش كانت مرفوعة هز يدو لسما ومرمقها معاها حتا خرج الدم من نيفها شدات حنكها عينيه حمرين بالعصاب)شنو كيسحاب ليك أنا ناعس على ودني الحمارة النفس لي كطلعيه وتهبطيه أنا عندي علم بيه (شدها من لور ديال شعرها كيديه ويجيبو حتا جردة كان ايطرها ليها)أنا انوريك القح** شنو هي ديريها بيا
نوضها من شعرها ولا حمر مني كيتعصب مكيبقا حتا حد يقد يوقفو بقا غادي بيها وهي كتموت بالالم حاسا بشعرها ايطير طلعها للطيارة الخاصة ديالو وداها نيشان لبيت النعاس لي كان فيها لاحها فوق السرير بجهد حتا بقا شعرها فيدو شافت فين جابها عرفاتو شنو باغي حيد الكرافاط ديالو لاحها وبدا كيحل فالقميجة جاوها الاغتصابات لي دازت منهم ولات بيضة بحال الثلج نقطة دم مفيهاش وحسات بحال دبحة فصدرها جلسات و بقات ترجع بلور

اوزان:هادشي كان عليك تفكري فيه قبل ماتديريني حمار
زرب عليها وجرها من رجليها وجا فوقها شد ليها يديها بزربة وطلعهم الفوق
روح:لااا لااا متقيصنيش عتقوووني هءههءء متقيييصنييش
تلاح على عنقها كيبوس فيه وهي كتغوت بحر جهدها حتا مشا ليها الصوت شد ديباردور لي لابسة يلاه كان يقطعوا سمع حسها تقطع شاف فيها لقاها ولات حمرة بزاف ونفس كتخرجها بزز ناض عليها بزربة كيشوف فيها تفكر هضرة الطبيب بلي إلا دارت مجهود فوق طاقتها ولا انفاعلات فوق القياس ممكن تجيها توقف فالقفص الصدري حيت هو لي طاحت عليه وهو لي كال الدق كثر وهي دابا دارتهم بجوج مشا كيجري جاب كاس دلما وهز ليها راسها كيشربها
اوزان:لا لا مخصو يوقع ليك واالو فاااك كلشي ايمشي ليا (كيضرب على حناكها) روح روح فيقي مغنقيسكش غير حلي عينيك
روح:(مغمضة عينيها وكتحس بنفس بدات ترجع ليها بشوية بشوية)ص ر ب
اوزان:(ابتاسم ودوا بشوية حتا حوايجو مسمعوهش)هه قريب تلاقاي بيه الحب
طمأن بلي ولات بيخير مني بدا كيتقاد ليها التنفس ووجهها رجع لطبيعتو قادها فبلاستها وخلاها تنعس
خرج من الغرفة ومشا جلس فكرسي على برا دار رجل على رجل ورجع راسو للور رجع بيه الزمان لل31 سنة وبضبط مني كانت عندو خمس سنوات حل عينو لي كانو حمرين فينما كيسترجع الماضي كيزيد يحقد كثر وكثر وكتزي تربا فيه رغبة في الانتقااام

شنو سبب القوة عند الإنسان؟مني تيكون عايش بلا نقطة ضعف مني مكتكونش عندو شي يد كضرو ممكن تشدها منو إنسان ديال راسو الحاجة الوحيدة لي ممكن يخسرها هي روح وبس ولكن ديك القوة كااملة كتبخر فرمشة عين مني كتولي ديك نقطة الضعف واكبر ضعف ممكن يصيب الانسان هو كبدتو قطعو من روحو تمس ولا تأدى تماما هادشي لي وقع لروح مني دخلات حنين لحياتها وهزاتها بين يديها لأول مرة تغيرات نضرتها للحياة ولات كتشوفها بطريقة اخرى ولات هي السبب علاش عايشة تفضل تمشي على المسامر وميقيسها أدى غير مني كيضربها البرد كتهز روحها ولات من انسانة قوية حتا قوة متقد تغلبها لانسانة عايشة ماشي ضعيفة ولكن عندها نقطة ضعف

#عند_صرب
حل عينو كان الضلام دور عينو كيتفكر فين هو مد يدو للكوافوز شعل الفيوز وناض لبس كويرتو وخرج ركب طيماكس مشا للفيلاج قريب من دوك النواحي تقدا دكشي لي يكفيه لسيمانة واكثر ورجع ستف دكشي فالثلاجة ومشا دوش بالخف غير بلما بارد حيت مكانش شوفو خرج لبس عليه سروال دسيرفيط فالرمادي بقا عريان من الفوق مشا للكوزينة صايب سوندويش بلداند فومي والكلومييغ كالو ومشا تكا فالفراش كيكمي سيجارتو ومغمض عينيه كيحاول يصفي ذهنو ويحيدها من بالو ولكن أكبر كذبة كيكدبها على راسو هي هاديك حيت غير الفكرة ديال انه ينساها كتعاود تفكرو فيها قاطع شرودو طيلي كيصوني شاف شكون لقاها ختو قطع عليها و رجع تكا شوية سمع ثاني تيلي هزو جاوب زعفان
صرب:اش كاين
جوري:لاش مكتجاوبش فينك ماما بقات مشوشة عليك
صرب:كاين فدار لي فجبل شي يامات ونجي قولي ليها متشوشش
جوري:اه صافي واخا وا صفي صفي داك دماغ حيد منو رتيلات
قطع عليها معصب طفا طيلي و لاحو فوق الفوتوي

#عند_جوري
كانت جالسة وحداها جنات كتسناها بفارغ الصبر
جنات:شنو قالك فين هو
جوري:كاين فدار لي فالجبل قالك بغا يصفي دهنو على الله غير ينساها ونتهناو
جنات:اميين
جوري:هاي هاي عليك حتا نتي بخبيزتك طحتي طحتي
جنات:(مزنكة)بهديك الله اشمن طحت احم غير بقا فيا وصافي
جوري:عليا أنا ا زين ونتي مني كتشوفيه كتولي كيف مطيشة مدوزيهااش عليا
جنات:انا انا ...
جوري:كتبغيييه
جنات:بفففف معرفتش واصلا شنو الفايدة هو عمرو شاف فيا
جوري:شكون قالك مكيشوفش فيك أنا متأكدة اتكوني كتعجبيه ميمكنش هاد الزين كلو وميردش ليه البال (قرصاتها وغمزاتها)أنا لي كنعرف خويا ميفلتش الزين (خوووك تبدل ا زيين هه)جنات:(تقادات فالجلسة عينيها ايخرجو بالفرحة)واش كدوي بصح انكون كنعجبو
جوري:وي بب خاصك غير كيفاش ديري باش تقربي منو
جنات:لي قلتي لي نديرها
جوري:امم خاصك تغيري ستيل ديال لباسك هادي هي واحد
جنات:شنو نلبس زعما
شداتها من يديها ودخلاتها لغرفة تغيير الملابس جبدات ليها كسيوة فالارجونتي كيلمع قصيرة بزااف ومشبكة وجاية محلولة من جيهة الصدر بقات جنات غير كتشوف
جنات:احم منقدش نلبس هادشي حشومة ويلي تشوفني الجاجة بيه لا لا ميمكنش
جوري:ايوا بقاي هكا حتا يطيرو ليك بيه
جنات:هء شكون هادو
جوري:نص بنات المغرب كيحلمو بشوفة فيه (انا شخصيا) ويتسناو غير الفرصة باش يطيرو بيه متنسايش شكون خويا صرب المريني الكبيدة الجاه والمال و الجمال واخد من كل حاجة حته
جنات:بففف هو عمرو يشوف فيا
جوري:ايخصا عليك يا مدلولة ديري لي كنقول ليك ويولي كيف الخاتم بين يديك ومتنسااايش أنا ديما معاك الحب
جنات:(عنقاااتها)شكرا بب كنحبك أنا
بقات تعطيها فالكياوي لي كانت عمرها لبساتهم وكلهم غير المعري على خوه وراتها كيف تولي تحط مكياج لي يناسبهم باش تبان مثيرة وجذابة بقات تعلمها الايتيكيت حتا فااات الحال ومشات جنات لغرفتها حطات راسها على المخدة وتفكيرها كلو معاه وفهدرة جوري حتا غفاات

بدات تحل عويناتها بشوية أول حاجة جاتها فبالها بنتها ناضت دغيا كتجري للباب حلاتو بان ليها جالس فالكرسي عاطيها بالظهر زيرات على يديها دورات وجهها فالمكان كتقلب على شي حاجة بانت ليها واحد طبيسيل فيه فواكه و حداه موس تمشات على صباع رجليها يلاه وصلات ليه اتحط يديها عليها حسات بنفس على عنقها خلا دمها يجمد
اوزان:مزال مبيغيتيش ديري عقلك اروح حياة بنتك مكتوا عندك والو؟؟
ضارت بالعرض البطيئ وعينيها عامرين بدموع
اوزان:بغيتي تشوفي بنتك
مشات ليها الهضرة اومات راسها ب اه
ضار ومشا قدامها بقات واقفة كتشوفو مشا جلس فوق واحد الفوطوي داير ووسطو طبلة فيها بيسي جلس وحل البيسي طلع راسو فيها
اوزان:أجي قربي
قربات بخطوات ثقاال وفاشلين مقاداش على صدمة اخرة وهزات بالخف داك الموس خشاتو فجيب ديال لكولون جلسات فين اشار ليها حداه
خدم ليها فيديو مع كملاتو مع حسات بنفسها تقطعات بدات كتنفس بجهد وعينيها ايطرطقو سدات فمها كتبكي ووقفات
روح:شنو دكشي شنو شنووو لا لا ميمكنش شنو دىتي نتا شنوووو (تلاحت عليه شنقاتو من الكول)كيفاش قدرتي دير فينا هادشي شكوووون نتا شكووون مسلطك علينا هءهء
طلقاتو مصدومة رجعات شعرها للور وحطات يديها على وجهها كتسرط الصدمة هو كان متوقع هاد ردة الفعل تصرف معاها ببرود تااام بحال إلا موقع والو حتا بانت ليه بدات كضحك بجهد
روح:ههههههههههههه ههههههههه أكيد أنا كنحلم لا لا هادشي فات الواقع ميمكنش ميمكنش هههههه هءهءهء هءهء دابا دابا (سدات فمها مبغاتش حتا تنطق ليها)دابا
اوزان:وي بب هو عايش على اساس انك متي اممم ونزيدك أنا لي مخطط لهادشي كلو نزيدك ولا مزال وأنا لي فضحتك عن طريق البوص ووهمتهم كلهم بلي نتي ميتة
كترمش فعينيها ببطئ والكلمات كيتعاودو فودنيها
روح:كيفاش نتا ها كيفاش نتا شكون نتا باش دير فيا أنا هادشي شنو درت ليك أنا أ شنو أنا عمري مشفتك
اوزان:هو صراحة نتي غير خرجتي فطريقي مدرتي لي والو ومن زهرك بغاك الشخص لي عندي أنا معاه حساب
روح:اش كتقول نتا هءهء واش نتا مريض ولا مالك واش نتا مريييض دوي هءهء دوي اش دخلني أنا فحسابك واش دخل بنتي ولا حتا صرب حشومة عليك
اوزان:صرب ههههه هو لي عليييه كلشي هادشي المهم هاد دثرة البلالة معديش معاها ندخلو فالموضوع بغيتي بنتك تعيش وارجع ليك
مجوباتش كتشوف فيه شوفات كيف السم
اوزان:بطبيعة الحال باغا اممم المقابل ايكون تقتلي صرب المريني

روح:هه هه هه عاود شنو قلتي مسمعتش
اوزان:اولا غادي نبانو أنا ونتي قدامو كزوج وزوجة كيحماقو على بعضياتهم وبطبيعة الحال باسم روح بغيت نشوفو قدامي كيموت على نار هااادية ومني تعدبيه مزيااااان بغيتك تقتليه ديك ساعة تاخدي طلاقك ونعطيك التيساع مغاديش ناخد رأيك عارفك اتوافقي على قبل حنين
روح:شنو دار ليك صرب
اوزان:مكيخصكش هادشي
روح:وشنو درت ليك أنا باش تخليني نقتل بات بنتي هءهء حشومة عليك قتلني وهنيني
اوزان:مني تقتليه نقتلك إلا بغيتي معنديش مشكل (ضحك باستهزاء)
روح:الله ياخد فيك الحق هءهء
اوزان:شنو قلتي الغزالة
دوراتها فدماغها اصلا محد بنتها ماشي قدام عينيها معندها مدير اش عند الميت ما يدير قدام غسالو هزات راسها فيه
روح:صافي لي بغيتي
اوزان:امم دابا عجبتيني
جات عندهم المضيفة علماتهم بلي طائرة غادي تحط ناضت روح من بعد مكانت جالسة فالأرض دارت الحزام وراسها كيخمم فهادشي لي عاد سمعاتو عضات على شفايفها بالفقصة مني عرفات الاجوبة لأسئلتها وبلي صرب مقلبش عليها عمرها مطاحت فبالها ولو مجرد فكرة انه ممكن يكون عند بالو بلي هي ماتت محساتش بالوقت وهي غرقانة فتفكيرها جا وقف عليها بحال سحت ليل خنزرات فيه هبطو من طيارة لقاو غير الحديظات المطقات مستفيش وعرام دالرجال كيتسناوه غير شافوه حدرو الراس محلو ليه الباب ديال وحدة من سيارات لي كانت من نوع BMW اخر مودل ركبات حداه من بعد معطاها اشارة بعينيه محاملاش راسها ولكن معندها حتا اختيار طريق كلها وهي حاطا راسها على الزاجة مبعدة من قدما قدرات كانت ديك ساعة 5 الصباح مزااال الحال مضلم فالمغرب بعد ساعة تقريبا وصلو للفيلا لي كانت جات ليها ولكن كانت فاقدة الوعي معقلاتش وقفات لوطو قدام الباب
روح:انوافق بجوج دشروط واحد عمرك تقرب ليا ولا تفكر تقيسني وثانيا تقرب لبنتي ترحم على روحك
اوزان:وحتا نتي خاصك تعرفي إلا فكرتي تغدري بيا ولا تقتليني كاين رجالي فكل مكان غير ياخدو خبر موتي ايقتلو بنتك مباشرة دونك بلاما ديري فيها مطورة أنا الوحيد لي مستحيل ديريها بيا ا زين
خرجات معصبة ردخات الباب تبعها وشدها من خصرها قربها ليه حتا قفزات
روح:ياك قلت ليك متقربش ليا
اوزان:ماشي نتي لي اتقولي ليا شنو اندير
روح:(حيدات ليه يديه)فين هي بنتي
عاود رجع يدو وورك حتا توعتات وتم غادي بيها طلعوا فالاسونسور مع كانت الفيلا كبيرة ووصلها حتال واحد البيت
اوزان:تصبحي على خير بوسي ليا حنين
خنزرات فيه ودخلات سدات الباب شعلات الضو بانت ليها بنتها ناعسة وباينة كانت باكية ومعنقة نونوسها لي مكيفارقهاش طارت عليها عنقاتها وكتبوس فيها وتبكي حتا فاقت حنين مفزوعة
حنين:هءهء ماما فين كنتي
روح:ها أنا ا حياتي متخافيش
خشاتها فحضنها وكتبكي بحسرة على حالتهم دكشي لي خافت منو هو لي طاحت فيه جبدات السنسلة من عنقها حيداتها وركباتها لبنتها لي كانت نعسات
روح:سمح ليا ا صرب على قبل بنتنا ولكن كنواعدك غادي نحميكم منو واخا يكون الثمن حياتي

#صباح_جديد
صونات لالاغم طفاها بيديه وهو مزال مغمض عينو بقا شوية عاد بدا يحل عينيه لي كانو معسليين بالنعاس قاس المخظة لي حداه ملقا حتا واحد تنهد وناض كيجر فرجليه كان غادي للحمام حتا سمع شي هضرة وتوشويش وضحك بشوية جاه الفضول بدا كيقرب وكيسمع الضحك كيجهاد
قيس:شنو كديري نتي هنا معامن كنتي كدوي
غزل:(قطعات طيلي دغيا وتحول وجهها للون اصفر)هاء غير غير صحبتي
قيس:اري نشوف
غزل:ايييه كيفاش تشوف أنا كتقلب ليك الفون ديالك صبحنا عاله
قيس:(نترو ليها من يديها وجبد آخر ابيل كانت مكتوبة زينب فالسمية ولكن مزال حاس بشي حاجة فشي شكل وخصوصا تصرفاتها فالاونة الاخيرة)الله يعميها ليه
عطاها تيلي ودخل غسل وجهو ولبس حوايج الخدمة عاد مشا فيق ولدو لبسو وفطرو عارفها مافيها فايدة تعرف غير تبلز يلاه كانو ايخرجو مشا جاد كيجري بغا يبوس ماماه يلاه ايعنقها دفعاتو عليها محاملاهش كتشوفو بحال شي جرثومة دلا شفايفو ببرائة مدنبو والو وكيتحمل اغلاط دناس ثانيين ولي خاصها تكون الصدر الحنين عمرها حتا عنقاتو مشا كيجري قيس هزو وخنزر فيها
قيس:انتفاهمو على هادشي غير بلاتي
خرج من بعد مردخ الباب بقات كطل حتا شافتو ركب فلوطو وزاد هزات تيلي وعيطات لنفس الرقم
غزل:وي شيغي ههههه دغيا توحشتيني ههه حتا انا بيبي توحشتك موووت ههههه وي أنا جايا دابا نو منتعطلش على عمري
قطعات وناضت بالخف بدلات حوايجها لي كانو ماسترين والو جوج خيوطة لبسات فوقهم جلابة عصرية فالخزي خلات شعرها مطلوق هزات ساكها وخرجات ركبات فرينج ديالها وزادت للاوطيل فين كتخون قيس مع حبيبها السري لي حتا هو مزوج وبولادو
#عند صرب
كان ناض بكري لبس شورط وتيشورت مزير عليه دار كاسك وطلق الموسيقة على الجهد وخرج للغابة ساعات وهو يجري حتا عيا ورجع للدار دار طراكسيون 100 مرة ولا كلو كيتصبب بالعرق موقف حتا حس بألم فيدو مشا طاير جبد دواه شربو تزاد الألم شوية وبقا غادي وكينقص حتا ختافا عاد مشا دوش وخرج لاوي عليه فوطة يلاه مشا للكوزينة بغا يوجد كاس دالقهوة سمع الدقان هز حاجب مستغرب مشا حل عقدهم
صرب:جنات شنو كديري هنا
كانت دايخة من العضلات السداسية شوية تسخف ليه كانت لابسة غوب من اختيار جوري حد الفخد فيها نص شبر ممغطية والو

صرب:راني داوي معااك😡😡
جنات:أ أ (مشات ليها الهضرة)
صرب:شكون وراااك الدار
جنات:أنا جيت غير غير (عاقت براسها وابتاسمات ابتسامة عريضة هزات يديها كانو فيها بلاستيكات) قلت غادي تكون بقيتي بلا فطور جبت ليك باش تفطر اتخليني واقفة فالباب
صرب:(حشم يردها واخا مراشقاش ليه على بنادم كحاز من الباب دار ليها فين تدخل)دخلي
معطلاتوش دخلات بالخف كتعوج فمشيتها كيف وراتها جوري شافت الدار جاتها صغيرة مي ديزاين وطريقة باش مفرشة مبيناتش داك الصغر
جنات:واااو زوينة بزاااف
مجاوبهاش شافت فيه كان كيطل من الشرجم وكيكمي باين فيه معصب بقات ساهية فيه حتا دور وجهو خنزر فيها مشات طايرة للطبلة حناكها ايطرطقو بالحشمة جبدات شنو جابت ستفاتو مخلات مجابت حتا الطبلة كانت اطرطق جا وقف عليها حتا تخلعات
صرب:ايجي شي حد آخر
جنات:لا لاش
صرب:شكون اياكل هادشي كلو
جنات:حنا
مجاوبهاش جلس وجلسات هي قدامو كلاو فصمت بقات غير ساهية فيه مكالت والو
مني سالا ناض
صرب:أنا غادي خارج مني نجي منلقاكش شكرا على لجيست لي درتي ولكن متعاوديهش
خرج وخلاها شوية وتبكي متسرطاتش ليها
جنات:اوووف اووووف (كتغبن) تهدني ا جنات مزال الحال على تستسلمي يلاه بديتي
جمعات الطبلة بالخف وقادات ليه الفراش جبدات ريحتها رشاتها فالارجاء عاد خرجات ركبات فلوطو ديالها وزادت
#عند ليليا
كانت فالشركة جالسة فالمكتب ديالها وكل مرة تنهد بكثرة الملل سمعات دقان فالباب
ليليا:دخل
دخل اياد كان لابس كومبلي فالماغون مع قميجة بيضة جا انيق ووالمو لون مع بشرتو البرونزية
ليليا:اوووه اش هاد الاناقة كلها كاين شي (غمزاتو)
اياد:ههه بحال دكشي بغيت نقول ليك مغنحضرش للاجتماع غطي عليا
ليليا:بففف شي عطاتو شي زواتو سير سير لا اجي بعدا شكون هاد ست الحسن والجمال
اياد:(شاف الساعة)نجي ونقول ليك تعطلت
ليليا:خليها تسنا شوية كون مثقل نتا طير
اياد:باغا تخرجي عليا القردة
ليليا:بغيتك مني تجي تحط ليا تقرييير عليها متفلت والو
ضحك على فضولها وخرج تكات على الكرسي جا فبالها جوزيف هزات تيلي دارت نمرتو يلاه اتعيط حطات تيلي وناضت للاجتماع

كانت متكية وحاطا راس بنتها فوق صدرها عينيها حمريين بالبكا مغمضاتش عينيها ليل كلو مخلات كاع الحلول إلا وفكرات فيهم ولكن حتا طريق مخرجاتها مسحات دموعها بيديها وهزات راس بنتها بشوية قاداتها وغطاتها وباستها فيديداتها
ناضت للحمام دوشات دوش خفيف خرجات لاوية عليها فوطة قصيرة ودايرة وحدة ثانية فوق راسها بان ليها مسرح فوق الفوطوي واخد راحتو داير رجل فوق رجل وشاد سيجارة ففمو كيكمي فيها بانت ليها طلعها وهبطها وابتاسم
اوزان:صباح الحب ا الحب
هزات الفوطة من على صدرها تستر شوية وكدوي بشوية باش متفيقش حنين
روح:نتا شنو كدير هنا خرج خرررج
اوزان:كالم بب من طبيعي نكون هنا نسيتي بلي أنا راجلك
روح:حقير مفقلبكش الرحمة كنكرهك
اوزان:ساليتي؟؟
روح:خرررج عليا
اوزان:وجدي راسك اتمشي معايا لواحد البلاصة
روح:مغادا معاك لحتا بلاصة
جبد سلاحو مركب فيه كاتم الصوت
روح:شنو كدير (مشات كتجري جيهتو وقبلها ايسكت وقفات مني بان ليها هازو فاتجاه حنين جمد ليخا لما فالركابي)وقف وقف صافي هءهء (سدات فمها) لاا وقف
تيرا جات القرطاسة فوق راس حنين غوتات روح حتا صوتها بح عند بالها جابها فيها
روح:لااااا لااااا
مشات كتجري عند بنتها شافت القرطاسة جات فوق راسها عنقاتها بجهد وكتبكي بالصوت حتا فاقت حنين
اوزان:نخليك توجدي راسك ا زين(غمزها وخرج)
حنين:ماما سنو واقع مالك لاس كتبكي
روح:هءهء بنتي كبيدتي كون دار ليك شي حاجة كون مت هءهء بنتي سمحي ليا هءهء سمحي ليا
عنقاتها كتنخسس قلبها كان ايسكت بالخلعة تأكدات مليون فالمية بلي مكيكدبش وقاد يقتلها بلاما يحن فيها دخلات واحد المرة كبيرة شوية فالسن شافتها روح مسحات دموعها وهي مزال معنقة حنين
روح:شكون نتي
عائشة:جيت نقابل بنتك مني متكونيش الالة
رتاحت ليها روح أولا حيت مغربية وحتا ملامحها كيطمنو القلب ناضت مشات عندها
روح:الله يخليك ا ختي ردي ليها البال متحيديش عليها عينيك حتا ثانية متغفليش عليها
عائشة:واخا اختي كوني هانية
روح:(مشات عند بنتها)كبيدة بقاي مع نانا ومديريش قباحة الكبيدة أنا شي شوية ونجي
حنين:مغنمشيش لسكول

روح:بطبيعة الحال حياتي اتمشي مي ماشي اليوم
حنين:اك مامي
ناضت للدريسينغ لي كان فيه حوايج غير لي مارك ونزال جداد لبسات نشفات شعرها وقاداتو سامبل مكانتش راشقة ليها على المكياج كتافات غير بملمع شفاه
خرجات عندهم باست بنتها
روح:فين هي بيزو ديالي أنا 
عنقاتها بجهد وباستها
روح:احح الله شحاال بنينة (تفكرات مني قالها ليها صرب طاح عليها الضيم ناضت دغية قبل ماتطلق دموعها) عفاك كيفما وصيتك ردي ليها البال عينيك متحيدش من عليها
عائشة:واخا الالة
خرجات من بعد متنفسات بجهد كتحاول تكون قوية لا على قبل بنتها ولا على قبل بات بنتها
خرجات معرفات فين تمشي داخت حتا جات عندها خدامة قالت ليها تجي معاها ودكشي لي دارت نزلو فالدروج بقات دور عويناتها فالارجاء كانت الفيلا بحال القصر وعامرة بالخدامات لدرجة يحساب ليها واش كاينة فاوطيل دازو من حدا واحد الغرفة سمعات روح الغوات ديال شي مرا بلعات ريقها ودارت عند الخدامة
روح:شنو واقع هنا شكون كيفوت
مجات فين تكملها جتا تحل الباب وخرجات واحد لمرا لابسا اللباس ديال السبيطار كسوة فالبيض واااسعة وشعرها مشعكك و تحت عينيها كحلييين تخلعات روح حيت كانت كتبان بحال شي مسكونة طارت عليها الخدامة كتحاول تشدها وخرجو طبيب كيجري وجوج فرمليات شدوها معاها وهي كتغوت وتقول شي كلمات ممفهومينش
رجعات روح جوج خطوات لور مبلقة عينيها مفهماات والو كلشي داز بزربة دخلوها ورجعات عندها الخدامة
روح:شكون هادي ومالها
الخدامة:هاديك الالة مامات سي اوزان سميتها ملك
روح:قلتي مو هه وأنا نقول منين جايب هبالو مالها واش ضاربها شي جن
الخدامة:لا الالة معرفتش قصتها كانو كيقولو بلي كانت مسطية قبل ولكن مني منع عليها سي اوزان الشراب طار ليها فخطرة وولات هاكا
روح:الله على زهر عندي فيمن طحت واش أنا وجه المصايب ولا شنو بففف
الخدامة:(مفهماات والو)احم سي اوزان كيتسنا

روح:الله على زهر عندي فيمن طحت واش أنا وجه المصايب ولا شنو بففف
الخدامة:(مفهماات والو)احم سي اوزان كيتسنا
تبعاتها نزلو لتحت لقاتو جالس فالطبلة لي كانت طويييلة وعامرة باطباق اشكال وانواع يغدي نص فقراء المغرب شافها طلعها وهبطها وعلامات الاعجاب واضحة على وجهو
اوزان:نقول ليك واحد السر
خنزرات فيه وبقات واقفة
اوزان:جلسي بعدا ا زين
جلسات كيف امرها
اوزان:واخا صرب كنكرهو كيعجبني دوقو(غمزها)
روح:(هزات موس كان قريب ليها حطاتو ليه على عنقو)منصحكش منصحكش تجاوز حدودك
اوزان:ااه يا روح قصح من راسك عمري شفت ولكن متخافيش انقادك على يدي حطو الموس دابا الغزالة وكولي تابعنا نهار طويييل
حطات الموس ووجهها ايطرطق بالحمورية باغا تغوت تبكي ولكن صوت مشا ليها جناحها تقطع ما بقات عندها حتا ذرة قوة بقات كتشوف فداك الطبسيل محطاتش لقمة ففمها كتحس بروحها كتحرق توحشاتو بغات حضنو يطمنها بلي كلشي ايكون مزيان بلي واخا تنطابق السما مع الارض مغيخليهاش كانت محتاجاه كثر من اي وقت فات قاطع تفكيرها صوتو
اوزان:مبغيتيش تاكلي شغلك هاداك يلاه غادي نمشيو
ناض قدامها بقات كتشوف فيه عمرها شافت بحال طينتو بنت فالخمسنين ملاك طاهر كيلعب بيها كيف بغا بغات تعرف شنو دار ليه صرب وكتمنى يكون دافع قوي حيت لعب ليها بحياة بنتها
ركبوا فلوطو ساق بيهم شيفور وطريق كلها وهي تفكر فحريرتها كتحس براسها ايطرطق وهو طريق كاملة وهو كيدوي فطيلي كانت شاردة فهمها لدرجة انها مسمعاتوش حتا اش كيقول شوية وقفات لوطو شافت من الزاجة بانت ليها شركة كبيرة دارت عندو بالخف
روح:فين حنا
اوزان:فشركة صرب المريني الفرع الرئيسي
روح:(بلعات ريقها)وحنا وحنا شنو جينا نديرو هنا
اوزان:اممم وي وي بب دكشي لي فبالك عندنا اجتماع معاه أنا ونتي
روح:شنو كتقول نتا أنا مزال ممستعدة منقدرش
اوزان:تقدري ولا متقدريش شغلك هداك مغنبقاش كل مرة نفكرك شنو ايوقع إلا منفدتيش اش كنقول ليك
روح:(عينيها غرغرو كتحس بقلبها ايوقف)الله يرحم واليديك متديرهاش منقدش هءهء منقدش عفاك
اوزان:تءتء بغيتو يموت على يديك باش تكون الصدمة مضاعفة ههههه نزلي الحب وياولك ديري شي غلط وإلا حنين (دار حركة بصبعو زعما ايدوز عليها من الودن حتال ودن)
نزل وخلاها مبلوكية نفس تحبسات فيها كدعي من قلبها توقع شي موصيبة ولا ياخد الله روحها مقادراش تواجهو وخوفها كثر يتيق بلي غادي يشوف ومن جيهة اخرى كتشوف بلي إلا لعبات الدور ممكن تحميه على الاقل حتا تلقا شي حل مسحات عينيها من دموع نشات على وجهها بيديداتها باش تكالما ونزلات كلما كتزيد خطوة القدام كتحس برجليها مهازينهاش حسات بيد تحطات على يديها بغات تبعدها ولكن حسات بيه زير عليها حتا تألمت دخلو وركبو فالمصعد غير تسد عليهم حيدات يديها منو بجهد وخنزرات فيه كتافا بابتسامة وشدها من خصرها لاسقها معاه وقال فودنيها بصوت حنييين
اوزان:متصرفيش بغباء القطيطة
مع كملها مع تحل الباب المصعد شهقااات من اعماقها كتقوي راسها مشاو لغرفة الاجتماعات تحت نظرات الكل وصلوا عند الباب تقدم اوزان حلو كان قلب روح شوية ويسكت كانت الغرفة خاوية
جنات:(من وراهم)احم احم

دارو عندها بجوج
جنات:(مدات ليه يديها مع ابتسامة عريضة)موسيو اوزان معاك المساعدة الشخصية ديال موسيو صرب
اوزان:(مد ليها يديه مبتاسم)متشرف بمعرفتك انسة...
جنات:انسة جنات
اوزان:انسة جنات ممكن نعرف لاش موسيو صرب مكاينش معاك
جنات:ديزولي موسية اوزان مي موسيو صرب واخد فترة راحة هاد الاسبوع...
روح:اووووف
جنات:(ضارت شافت فيها وبقات تحقق بحال إلا شافتها فشي بلاصة)كوا
روح:(رجعات فيها الروح)نو والو
اوزان:(غوبش)ولكن حنا متفقناش على ياخد روبو فاليوم لي مديور فيه اجتماع مهم بحال هادا
جنات:سمح لي ا سيدي متبقاوش واقفين دخلوا ونتكلمو على راحتنا
خنزر فيهم بجوجات ودخل جلس تبعوه جلسو هزات روح كتاب كتنش بيه على راسها كاتحس بالاوكسجين عاد تطلق ليها
جنات:سي اوزان عارفة الغلط منا مي سي صرب غفلنا كلنا وراه وقع على العقد ديال شراكة العمل (جبدات الورقة لي فيها العقد)دونك باقي غير توقيعك نتا والمدام
تقادات روح فالجلسة
روح:كيفاش توقيعي علاش أنا مالي
جنات:سي اوزان قام بتغيير فأخر لحضة البارح وقسم معاك حصصو
اوزان:(شاف فيها بحب مصطنع قدام جنات لي شافو يقول هنا نبات يموت عليها)حبيبة ادخلي حتا نتي معانا فشراكة بنسبة 25%
روح:هاء كييفاش
خشا يدو تحت الكرسي وشدها من ركبتها زير حتا كانت اتغوت
روح:اه ميرسي(بضحكة مصطنعة ودمعة دايرة سطوب فطرف عويناتها)
عطاتهم جنات العقد وهي بحال الاطرش فالزفة مدات مجابت بلعكس حمقوها حتا بدات كتحلم شي نهار يدير ليها صرب بحال هاد المفاجئة
وقع اوزان هو لول ومدها ليها بقات كتشوف شحال فديك الورقة شافت توقيعو دوزات يديها عليه بحنان تحت نضرات اوزان لي ابتاسم بمكر وقعات ويديها كيترعدو
جنات:مبروك عليكم لكل واحد مكتب ديالو...
ناضت روح قاطعاتهم مبقاتش قادرة تستحمل
روح:أنا غادا للحمام
اوزان:اك حياتي
خرجات من الغرفة كانت الدنيا عامرة بالموضفين ضارت بيها الدنيا وقفات واحد البنت
روح:ختي عفاك فين جا الحمام
البنت:سيري نيشان ودوري على يدك ليمن
روح:شكرا
مشات وكتزرب فالمشية دخلات للحمام سداتو بالساروت و نزلات مع الباب دموعها شلال مزال ممتيقة شنو ساير يوقع ولا بلي غادي دير فاكثر شخص لتامسات فيه الحب لي ملقاتوش حتا فلي ولدوها
روح:ياا ربي عاوني عاوني نتا القادر على كلشي عاوني مبقاتش عندي قوة (بدات تبكي بصوت وتشهق حتا بحات) منقدرش ندير غيك هادشي منقدش منقدش 
ناضت فشلانة غزلات وجهها نشفاتو وخرجات هكاك وجهها مزال حمر كانت دايزة من الكولوار حتا سمعات سكريتيرة كدوي مع شي وحدة
السكرستيرة:دخلي حطي هاد الملفاات فالمكتب

السكرستيرة:دخلي حطي هاد الملفاات فالمكتب دموسيو صرب
الموظفة:اك
بقات واقفة كتشوف الباب لي دخلات منو البنت محساتش بالوقت وهي كتشوف غير فداك الباب حتا خرجات البنت تشجعات وقربات بخطوات ثقاااال حتا وصلات للباب حطات يديها على البوانيي مدة كتحاول تجمع شجاعتها حلاتو بشوية وقلبها كيزدح وغمرها شعور فشكل بدا من كرشها بحال الفرشات كينقزو دخلات وسدات الباب ضربات فيها ريحتو الرجولية لي متبدلاتش خمضات عينيها واستنشقاتها بجهد حتا دخلات عمرات ريتها كتحاول تجمع اكبر قدر ممكن تمشات شوية فالارجاء حتا وصلات للمكتب طات يديها كدوزها عليه ومع كل لمسة كتحس بحرقة فقلبها وصلات لكرسيه بقات تشوف فيه كتخيلو وهو جالس فيه ابتاسمات ولكن سرعان ماتمحات ديك الابتسامة نتهدات من اعماقها دورات وجهها طاحت عينيها على صورتها هزاتها مستغربة كانت مكتوبة فيها لتحت بحال توقيع"روحي"
روح:(عينيها غرغرو)نتا منسيتينيش انا مزال ساكنة قلبك
حطات صورة مني عرفات راسها تعطلات مسحات دموعها دغيا ومشات للباب دارت وراها لأخر مرة وخرجات
رجعات عندهم لقاتهم واقفين كيتسالمو
اوزان:حبيبة تعطلتي
قربات ليه مطايقاهش
روح:ها أنا جيت دابا
اوزان:الاسبوع الجاي ومني يجي موسيو صرب بغيت نحتافل بهاد الشراكة غادي نضم عشا نتمنى تحضري فيه مع سي صرب
جنات:ليا الشرف
كانت اطيح روح بقوة الصدمة كون ماشدها اوزان وثبثها
اوزان:نخليك انسة جنات تشرفت بمعرفتك
جنات:ليا الشرف
خرجو من تم وهو مزال شادها من خصرها حتا وصلوا لوطو عاد طلقها ركبات وركب حداها
اوزان:من زهرك اليوم مكانش اممم كيف جاتك سوربرايز
روح:حقير

اوزان:مجيتشووليت حقير ههه
روح:باااز ليك
اوزان:إلا درتي عقلك وسمعتي لهضرتي ا زين (شدها من دقنها وبعدات وجهها باشمئزاز) انتافقو أنا وياك بزاااف
خنزرات فيه ودورات وجهها لزاجة وصلوا للفيلا غير وقفات لوطو خرجات بزربة وكتزرب فالمشية باغا غير تشوف بنتها من دكشي لي دار ليها ولات متوقعة منو كلشي محسات حتا وصلات لبيتها دخلات بشوية باش متخلعش حنين لقاتها متكية فالفراش وكتفرج فالتلفازة وحداها جالسة عائشة شافت ماماها ناضت كتنقز فوق الفراش
روح:ههه ويلي نزلي غادي طيحي
حنين:مامي أجي تشوفي اجيي
روح:(حطات ساكها ومشات كتجري شداتها)اشنو نشوف بشوية عليك احبيبة
حنين:(كتشير ليها بيديها)شوفي شوفي بغيت نكون بحال هااادو
ضورات وجهها تشوف بانو ليها بنات كبر منها شوية كيرقصو لباليه
روح:ههه واخا احبيبة لي بغيتيها هي لي اتكون مي بشرط
حنين: ياااي (عنقااتها)
روح:متبقايش تنقزي هاكا الكبيدة غادي طيحي ومتوليش بحالهم
حنين:اك مامي
بقات معاها شوية ومشات بدلات حوايجها ورجعات عندها طلبات يجيبو ليها الغدا للغرفة ماكان فيها مايشوف وجهوا

يتبع

كايتنشرو القصص والأجزاء كل يوم مع التاسعة ليلا بتوقيت المغرب