حبيبي الأصم الجزء 77

رواية حبيبي الأصم الفصل الثاني روكان

اريج : خوووويااا عفاالك خليني نهضر معاه و الله تاااااامحتاجاه ضاروووووري الاااامر مهم 
عادل : اجي معايا ....
زاد قدامها وهي تبعاااتو كتشوف موراها بانلها ديمارا مشا و تنهدات و دخلات معاه لبيرو 
اريج : خووويا رااه مايمكنش ليا نهضر معاك نتا بغيييتووو هووو .. عطيني غير عنوانو الجديد
عادل : مااااايمكنش ... بغيتي شي حاجة قوليها وانا كولشي غانوصلو ليه بالحرف
اريج : ( تنهدات ) اااااش غادي نقوووليك نتا ... بغييتووو هووو ... بغيت نسووول على لاماااار مشوشة من جيهتهااا ... 
عادل : الى غي على مدام لامار راها لاباس عليها ومع راجلهااا معندك مناش تخافي عليها .... الى ماعندك ماتقولي سمحي لياا عندي بزاف دالخدمة 
اريج : فففف موهيم قوووليه بلي غااالط بزااااف فحق اسبروو و فحق تالامااار ...الى بغااني نعاودليه كولشي يهضر معاايااا ... مغانخبي عليه والووو 
عادل : واخا غانوصلها ليه .. تفضلي 
خرجووو و اريييج مشااات لدااار دخلات لقات رتاج واسبرو كيفطرو و كلسات 
رتاج : امضراا
اسبرو : اااش دررتي قدرتي تهضري معاه 
اريج : لا مقدتش معطانيييش تااوقت ... . حبسوني رجالو 
رتاج : بسسيييف جمعنا كاملين معاها ... مداااارت فيها مايصلاح ولاكن واخا هاكاك بقات فيا الزززغبية 
اسبرو : انا مشوش غي عليهااا .. رااااه قتتتل قدااام عيني .. راه وليت خايف عليها
اريج : لا عاوتاني ماشي لديك درجة .. اسد راه راجلها وكيبغيها مايقدرش يآديها .. غايكون كيعاقبها وصافي .. هضرت مع واحد سيفطو ليا وقتليه بلي انا باغا نهضر مع اسد و مقلت والو وجيت فحااالي 
اسبرو : خلييوه يتهدن وينسا شوسة تاللامار ماسهلاش دغيا غاتردو ليهااا منخافش عليهاا ... مسألة وقت وصاافي ..( تننهد) مووهيم انا غانوض نقلب على خدمة مايمكنش نبقااا كالس على ضهر جوج بنات 
اريج :كلس اوا صققققر الارض .. صااافي راه قتليك خدم عندي فالشركة شحال غاتنطط ... نيييت محتاجة واحد فالطباعة .. صااافي مالك و تادار هانتا ساااااكن باركا من بروطوكولات ... 
اسبرو :وتااااا ل امتى 
اريج : تاينزل النبي عيسى سكون جرا عليك .. كلس و صقرر ماتزيدنيش
عند لاماار ...
دخلات لدار لاحت صاكها و بقات غي كتمشي و تجي فللخر كلسات جامعة عنها رجليهااا جاااااها الموووووت د الملل بقات غي مخسرة سيفتهاااا كالسة وهي تلمع تااني داك الراس د الغزااال لي معلق شي حاااااااجة كتجدبها ليه كيييييعجبهاااا بزاف بلا هواها كتلقا راسها ناضت و هزات كرسي طلعات تاوصلات ليه و بدات تدوز يدها عليه و عوينات الغزااال و داك الرمووووش كيعجبها بزااف مكتسخااااش بشووووفة فيه تاللقات راسها كتقققققرب و كتبوووووس فيييييه و تتتشممم و تللللحس مبسمة متلذذة 
لامار : ففف اااااي كوووون كنتي راااااجل و الله تانننتزووووج بيك بالله .. زييييد لعمتوووو بوووسة اخخخخرى زييييييد
بدات كتبوووس فيه و اسد داااخل حل لبااااب و جا داخل هو يييصغررر فيها عينو طالعة فوق كرررسي كتتتتشلقم فراس الغزال مكاين غا لبوسان و المصان

تكاا مع الحيط مربع يدووو كيتفرررج فيها اش باغا تصصنع وهي عاطيها لتشللقييم مكاين غي الله يعطيك صحيحتك .... تاسااالات على خااطرها ونزلات من للكرررسي ضاااحكة كتمسح ففمهاا وجات ضووور وهي تشووفوو واااقف وتزنكاااااااات بدااو يتبدلو فيها الوااااان الطييييف البنفسجي القوووقي الخزي وهو مطلع فيها حاجبو بمعنى اش هادشي ... 
اسد : مابقاش مقنعك لبشر ... ممم
لامار : ( ويييييييلي على حاااالة فين مشاااا عقلو ) اا احم ... ك كك كك ك كنت ... ز ز عما ... دااابا هو متفهمش غلاط ييعني .. انا 
اسد : واخا تكوني محبوسة 20 سنة فتازمامارت ماديريهاش 
لاماار : لااا اولي راه ماشي ديكشي ..... ( جاتها البكية ) شووف دااباا الممممشكل بستوووو اااه بستووو بستوووووو ولاكن كيييغانديير نشششرحليك بلي ماشي ديكشي لي فبااالك ونا بستوووووو .. شووووف داابااا ( فكرري الامار فكري غايقول غي مكبوتة ) داابااا حح ح م مم م ... فف حييييت مخاصمين وخفت ننسا لل لبوووسااان وو ق قلت نبقا نتدددرب فيه زعمااا فففففف مافهمتيش ياك ( غي مطلع فيها حاجبو بنفس الحركة مربع يدو متكي على لكيط ) وااخا انا نزيد نشرح ليك ... والله القسااام لاكنت كااااااالسودة بببييعقلي و الله القسم غغ غي دابا نتاااا معرفتش مكتلاقاش معايا فاش كنكون ظايرة عقلي ضارورس مدخل فشي لحظة لاينصح تتبعها .... شوووف رااا كككنت بعععقلي تااا مععررفتش كيفااااش ... ببب ب بحالاااا تشهييييييتو فشكل فههمتي ... فففف اشمن تشهيييتووو .. غي مازيدت كبتهاا ياااك ؟؟؟؟ مهم بستوووو صاااافي بستووو اش غايوقع كاع عجبني و بستووووو ماالك كتتتخنززر فيااااا وهنا بشتوو كاع ماايبوووس حد .. ب بحال خخخوووويياااا زعماااا 
اسد : ممم ... الى مقنعكش البوسان وبغيتي دوزي لحاجة اخرى غاتلقايهم لتحت واقفين ماشي غي الراس ... ( غمزها وطلع فدروج وهي بقات كترمش ) 
لامار : هاويلي اش كييقصد هدا كيفاش ؟؟؟؟؟ نتكواا ؟؟؟ ( كلساااات ) ايييييه يلامار تووخر بييك زماااااان تاولا راجججلك يسيفطيك لغزلان ..... فيييييك الله يستر طيكوووك الدباااان وهاااا طيراااان ....سير افمي بغيتلك بوووجعران .. شهاد الكككبت نزززل علياااا اولي وحححححدي انا كيفاااش بست دااااك زممممر .. ناري اش يكون كيقول فعععقلوو علياااا ... مكفاني بنادم مشيتي كنخونو تامع التمااثيل ... فففففففف فين غانديرك اوجهي و فين غانحطك و فين غانخبعك ..تاكنبغيها نرقعها غيير مااكتزيد تفففردك ... ومااالووو الكواا مع الحيوان ماشي راجل .. غاندخل التاريخ ويهضرو عليا فالبلدان ونشرف بلادي ... وتتتنفخ تمااا غاتولي تجي طلب مني توقيع ومااتلقااانييييش ( تنهدات كتسسوط ) شتي اتتترمتي وخااا نسسسمرررك وخاا لسسقك وخاا نفيكسيك فوق سداري مغاتصقرييييش ... ونووضي داباااا طلعي هضري مع ززمر قوليله كنتيوغي كتبوووسيه بحال خوك ماشي شي حاجة اخرى .. ااااه غانقوليه شميت فيييه رييحة الواليد

طلعات لفوووق كتقلب عليه بانلها خارج من دووش متااجه لدريسنغ مكتعرف كيدير تشدو كاااع باش يهضروو ... بقات غي كتشوف معاه كيقلب فالحوايج تاخاجا معاجباه غي كينتر .. وهي كلسات على لكانابي تالقا اش بغا وضار لقاها كالسة
لامار : ( وقفات فاش شافتو ضار ) اا اسد .. نقدرو نهضروو شوووية .. شش شوف نتا راه متقدش تفهم وحم العيلات . غي جاااني عليه وصافي 
اسد : وشنو المطلووب مني ؟ ..
لامار : وااالو غي كنشششرح ليك 
اسد : فهمت يلاه خرجني خليني نبدل 
لامار : ( بصدمة ) شنو ؟؟
اسد : رااع باغي نبدل 
لاار : اااسد تسطييييتي لا زدتي فيه ... انا رااا 
اسد : نتي شنو ؟؟؟
لاماار : مممراااتك اسد 
اسد : بصح ؟ و الله الى نسييييتهااا ( جبدهاا عندووو بججهد ضوورهااا من كتافها واشاار ليها للخصلة لي معلقة ) فاش تبغي تقووولي هاد انا مرااتك ... شوفي لتما مزيااان وشوفي باااش كتتفففكرك هاديك .. حيت مامساليش كل مرة نعاود ليك اش درتي .. شوفي فيها و غاتفكري بلي كلمة مراااتك كاع مابقا عليها حلاوة غير حدفيها حسن .. حيييت مراااتي مغاديرش داك الفعلة ... 
بقات غي واقفة كتررمش و ضارت عندو لقاتوو هز حوايجوو وخرج و كلسات على سريير منهارة 
لاماار : علااااش كااايدييير لياااا هاكاااا ... ككلللناا كنغلطووو انا مخنتوووووش .. فففففف بااانلي الشغل معاه الصعييييب ومااااساهلش كيف ظنيت ... الله يصبرني وصااافي ...
تنهداات بعععمق وتكمشات فوق سريير تابان ليها داخل عاوتاني كيهز شي وراق وسوارتو وضار لعنها 
اسد : متنسايش دواك .. باش ماشي ملي طرا شي حاجة للولد تحمليني المسؤولية ... 
هز تا كاسكيط و مشاااا و هي عاد مزاادت تأزماات بهد الهضضضرة وهبطات فدرووج تابعاه كتجري 
لامار : ااااسد صببر نهضرووو ااااسد ماساااليناش للهضرة ماشي نتا تقول لي عندك وانااا تحبسني صبرررر ( شداتو وضار عنهاا ) ووقف راه باغا نهضر معاك... اااسد خلييي ليا فرصة ندافع على راااااسي ... اناا مخنتتتتتكش وماااعمري غدددرتك 
اسد : غدرررتي .. 
لامار : لااااا والله مااااخنت تييييقني و الله مادرت شي حاجة ... مكملاش ساعةةدالماكنة لي كللست فييها كتنسناااك . ونوضت مشيييت... تقيني مااااادرت والوووو كاع عممري خنننتك ولا غااانخوونك ..
اسد : عارف 
لامار : اوا ملي عارف علاش كتتتتعدب فيا وكتقوولي خنتيني
بااقي مكملاتها تالتخهاا مع الحديدة د دروج و بدا يضربها بصبعو لراااسهاا بجججهد وهضر تحت سنانو 
اسد : ... خخخخنتي الثقة الاماااار ... الخياااانة كببببببر من انك تهببببطي سروااالك... خخخخخنتي تقققتي و هادشي مغايدوزلكش على خيير دخليها لراسك .. 
نترها من يدو 
لامار : ( بدموووع و البكا ) مااابقاااوش كيحرقووك دموعي ياااااك ا اااسد
اسد : شي حاجة بردات .. مكتبقاااش تتحححرق 
لامار : اااسد هااادشي كامل درررتو .. غ غي على قبل نتا تجي و ونشوووفك بلي باقي مهتم بيا ... حيت فاش خليتيني بلا متسووول و بلا حتا ماتجيبني من امريكااا .. ق ق ققلت مع رااااسي .. ب بلي صااافي نتاااا نسيتييني و هملتني .... داكشي علاااش درتك هاكاك 
اسد : نسيييتك يااك ؟؟؟ ( شدها من يدها ) اااجي معايا 
جرهااا فدروووج طلعهااا لبيييت نعاااس و نتر يدها قداام لبلازمااا 
اسد : فاااااش تفرجي و تساااليه بلا متفرحي ... حيت دابا عاااااد يمكلك تقولي رااااه نسيييتك ديال بصح .. ويلااا قلتيها راه عندك الحق اما من قبل راك غي ضلللمتي و ضلمك كوولووو غاتقهري بيه مضووووبل ... تفففرجي ... مغايشرفينييش نشوفو معاااك حيييت غي مغانزيد نكككره راااسي كيف ماكرهتو صباح ملي فقت وسط داااااك شموع ... ردتيني مراااااهق و حمااار بالودنين .. هاااادشي لي كيزيد يححقدني عليك ... بلاصة مانخليني نبغي راسي معاك ... انا مرهتت متر ماااااكرهههتك ( حط ليها تيليكوموند فيديها بنترة ) تتتتفرجي مزيااان باش منعاااودش نسمع رااااه مشيييت حيت نسيتيني و داافعي على راسك بشي حاحة مكينااش ... الحمل كولو دابا تحط فوق ضهرك ... ومضطرة تحمليه بوحدك هاد المرة 
خلاهااا وزاد وهيي مصدووومة و سااااكتة ويديهاااا باردين شاااادة داك تيليكوموند و كتشوف عند لبلازما و كلسااات فوق سرير و شعلاتهااا تشوف علاش كيهضر

غي شعلاتها هو يعطيها فيديو غايبدا .. ( الفيديو كان دايروو اسد لبارح وبقااا تماا ) تكات على تيليكوموند لونصاتو .. وملسات كترمش بعويناتها و قلبها كيدق بجججهد ....
وهو يبانليها اسد لابس غي واحد شورط بيض بسيوورر و من فوق عريان عامر صباغة كتقطر عليه وداير كاسكيط و فيدو شيتة كان كيصيطبغ فواحد لبيت فبيت لبيبي و كيشوف مرة لكاميرا مرة للحيط 
اسد : حبيبتي عنداك ضحكي عليا .. اطونننسيون .. مي و الله اول مرة غانصبغ شي حاجة هههه مكرهتش كون راكي معايا دابا و درتي يديك وتخسيري شس حاجة و نخشي لوالديك الراس فداك السطل ههه ( بقاات ماركزز فضحكتووو لي شحااال مشفتها و الثقققب لي كيبرررز فحنكو فاش كيضحكو و نياابوو و ضحكتو نفيفة دغيا كيجمعها ) .. درتلك هاد لا فيديو باااش متننكريش و تنقي فوق رااسي تاني وتقولي انا محححضرتش معاك ... هانتي كتشوفي على عينيك معلق معاك كتر ماراني معلق فهاد سلووم ... غير الله يخرج طرحك على خير هههههه .... نتي راااك منفخة عندك ماملك معندي مندير ليك .. مهم احبيبتي انا ماسولتكش على اشنو باغا فلي كولوغ ( كيصبغ ويهضضر و ييحرك فحجببانوو ومرة مرة يهضر تابيديه باش يفهمها تاكتقطر صباغة على صدررروو ويخسر فسيتو يبغي يمسحههها تايصدق مجخطن كولشي ) فففففف .... قتليك مسولتكش على الالوان حيت مزال ماعرفش اش فداك الكريشة عندك ... ودرت كولشي بيض حتا نعرفو .. شتي لمك غادي تجي تبداي تعوجي فشفايفك وتعيبي بالله تانخشي مك فشي حيط .. ( لامار كتجيهاا ضحكة والحسرة و عينيها عامرين دمووع شادة عنها تيليكوند وملامحها مخلطين بين البكااا و الندامة و الضحححكة و الانهيار ) هاد العداب كامل وشوفي كي وليت و غاتجي سيدة الحسن داااك مراتي تعييب .. عااارف . ( شاف لكاميرا و ضحك ) نموووت فييييك .. 
للااامار : ( بدموع ) اناااااا كتررر ... كتر منك 
داز فيديو اخوور .. فيه هوو فوق سرير فاوطيل و ليييل و حاط قدامو تيليفون 
اسد : توووحشت بلاصتنا اروحي ... ولاكن مقادش نعس مزال فداك دار و نشوف فداك دروووج و نتفكرك اللهم نبعد حسن مانزيد نمرض ...عااارف دابا راك فايقة و بحال والو تكوني مربعة رجليك على عادتك فاش كيتقاضا ليك شغوول ويمكن كدددمعي و كتقوولي رااجلي صافي نساااااني صافي مابقيتش كنهمو يااك هه هانتي رديتني لهبال على خر ياامي ههه كنهضر مع راسي فلافيديو .. حييت عااارف غدا فاش غاتجي عندي غاتقولي ليا نسيتيني هادي ميحيدهاليش طبيب ههه ويلا ليك لا منسبتكش مغاااتقتنعيش حيت راس حبيبتي مطنك قاااسح ... اللهم نوكل امري الله و نكلس نهضر مع لافيديو هه .. ممككرهتكش احبي تكوني معايا دايا نعاسي مكحلاش ليا بلا مااانشبععععك ... بلا مانبوووسك .. ااااي على داك شفايف لامشيت تاشديتهم مغانطلقهومش ... حكمتي عليااا بشهر مانخشيك فدارررعي و ننعس .. مااشي مشكل عارفك حاملة وهاد الولد ولا للبنت الى مكااانش صصصكع و صعيييب و غريييب بحال ماماه فيمن بيغيتيه يشبه هه تاوحمك الله يحضر منو اسلااامة ارووحي ( كضحك لاماار وتمسح دموع بكمااامهااا وهي كتفففرط فييييه و تحسر) والله اااحبي لاتوحشتك بززااف... كتتتر كااااع مكتتصوري ... ولاكن مابقاش بزاااف ونرررجع مك لعندي ... كنبغييييك .. وتصبحي على خير و انا غانصبح على تصااورك كيف العادة .... ومانسيكتش وعمري غانساااك خلينيك غي ترتااااحي احبيبة ... واش كاين لي غاينسا روحو لا !! ( غمزة و بوسة فالهوا و تقلب الفيديو اخر ليه فطموبيل معععصب ) ععررررفتي لمك وكووون شديتك دابا والله ماييييجمعووووك مني بالله .. ( دوز الكاميراا لفين هو باش يوريعل و رجعها لعندو و هي كتشوف فتفاصيلووو معصبين وخا هاكاك حب كبيييير فعينيه ماشي يحال قبيلة كانو غي عينين باردين ) خررررجتي .. وووبلا خباري ..قاااالك صاااالوون شغاادي ديييري فيه مثلا تقطعي شعععرك ؟؟؟ مغااديريهاش حيت عارفة لاقطعتي نقطع لمك رجليييين وحبي انا مغاديرش شي حاجة ماباغيهاااش ... اش غاديري فها دصالون كاع ماااتكلسيش هلى قاااعك لي عطاك الله و تخلي داك الولد يييثبت باااغااا تسطيني.. راه غي تاقيت فيك الله اليوووم ماا برررربي تاكتستاهلي شي سلخة دايرزها لكلام ... ولاكن اش غانيدر حملك العوج رااابط ليا اليديين .... ولاااكن هاهي قييدييهاااا والله لاداااازت ولييت ولد صغيير ياك ... مراااهق انا نولي تااابعك فالقهواااي وللكن غي بشيوةباقي غاتخلصييييهم قيدي ... ( دوز يدو على راسو كيتهدن و رجع شاف لكااام وهي دااااايبة فيه وفشووووفاااتووو و فتفاصيلو كولها ) واخا هاكاك .... موووحشك بزااف ... كون شديتك قبيلة كنت غااانعنننقك و نفرغ فيك شوووووقي ... توووحشتك ارووووحي بززززاف ( دااز فيديو و لامااااا كتتتتشهق و تبكي و تعض فتيليكوموند وتلونصا فيديو اخوررر ليه كالس فوق سرسر فهاد الدار جامع يدو عندو و كيشوف فالارض شحااال وهي كتشوف معاه و عينيهاااا كيضبببو بدموع وترجع تهبببط دموعها باش توضح الروئية تاولات شوميزتها فاااااازكة و عضات على شفايفها كتبكي وتسنااه يهههضر )

يتبع

أجزاء القصة
كايتنشرو القصص و الاجزاء كل يوم ابتداءا من 8 دالعشية بتوقيت المغرب
9isas maghribiya bdarija قصص مغربية بالدارجة قصص و روايات بالدارجة المغربية