حكايتنا الجزء العاشر

2018

محتوى القصة

رواية حكايتنا بقلم سكينة أيت الكبير

كملو عشاهم وتجمعو موراها على كاس تأتاي مناضو من بلايصهم تال الثناش عاد كل واحد مشا لبيتو لي مخصص ليه..طلعات توبة لبيتها ومجمعا مع صمد فالواتس وتبعاتها سليمة وأميرة شافتهم داخلين معاها للبيت وقال:واا قوم ربي العالمين راه بيوتكن
أميرة:موالفين كنباتو فالبيوت؟؟
توبة:هههه تفو علل هماج مخص مكم هي لكرين كارت هههه دخلو
دخلو معاها كيبتاسمو وبظلو عليهم وتلاحو بثلاثة معاها فوق الناموسية لي واخا كبيرة مي مخشيين فبعضياتهم وكل وحدا هازا تيلي تا نطقات توبة:لق****؟؟
سليمة:(بلا متحيد عينيهامن الفون)ممم
أميرة:نعام؟؟
توبة:بيت نتشاور معاكم؟؟
سليمة:فاش؟؟
توبة:ظابا نتوما كبر مني يااكو هههه
سليمة:الشارفا هي جدااك اوا الله يعميها ليك..اش كاين فاش بغيتي تشاوري
توبة:نتي بعدا مغنتشاورش معاك حيت ماتفهميش فهادشي أنا غنشوف هاد الفنون الجميلة ديال أميرة لي دلوعا وكيووت
سليمة:(هزات مخدة ضرباتهغ لراسها تاطاح تيلي على صدرها)أنا عبيقا أنا ههه
توبة قفزات من بلاصتها وردات ليها المخدة بدقا خرا ومع جات أميرة وسطهم بداو كيضاربو بالمخااد ويتلاوحو بيهم ونص تالدق كيجي فاميرة لي كتبغي هي تنوض وتتلقا راسها غارقا بينهم وهوما ممسوقينش كيضاربوو بالمخاد 
أميرة:واااع والبقرااات حيدو خليوني نوض وااع واا ماما واناري
توبة:هههه مال هاد الخرية مالها هااا سالي فاازي ههه
شافو فبعضهم بشر وأميرة كتحول عينيها من قنت لقنت تتحاول تقرا ملامحهم ياله بغات تهري وهومل يرضوها لناموسية وبظاو عليها بالهراان فكرشها ورجليها وفخاضها وهي كتغوت بضحك وتحاول تفادا هرانهم تاتزنكاات ودخلات إكليل لي سمعات غواتهم وجات تتجري تلاحت فوقهم كتهرها تاهي..تعالاو الاصوات فالرياض وكلشي سامع ضحكهم وميك عليهم أما هوما كل مرا أشدو وحدا إغرقووها هراان الا سليمة مكيجيهاش هر
فحين عند فؤاد ووفاء متكيين فحضن بعضهم تكيسمعو الضحك
فؤاد:هههه تجمعو تاني
وفاء:هههه وي ههه تشهيت نرجع بحالهم
فؤاد:(هز ليها راسها)علاه مالكي دابا ممرتاحاش؟؟
وفاء:(بتاسمات)بالعكس مرتاحة مزياان هه هي مكرهتش تانا نرجع لدوك ليام فاش كيباتو البنات ويضحكو ويتهارو ويتعادو ههه
فؤاد:ههههه صافي هي هادشي:(خشا يدو تحت الشوميز)هههه أنا نهرك وضحكي ليا
وفاء:هههه حيد أ فؤاد يديك راه ماشي فدارنا هههه
فؤاد"(باسها ففمها)علاه مالنا أض كنديرو؟؟
وفاء:ههههه والو قلة العرض
فؤاد:هههه حلالا طيبا بغيتي تهري أنا نهرك..وفينما بغيتي (غمزها)
وفاء:😂😂😂😂 ياربي تمسخو😂😂😂ههههه سير حيد نتا مكتنقعش وانا عياانا
فؤاد:هي واحد ونعسوو
وفاء:هههه تامتكونش الكلاوي عاد قنع بوااحد هههه غتبقا شادني تال الصباح ناس كيكبرو واتهدو ونتا كتكبر وكتجهد هههه
فؤاد:(دوز يدو على صدرها)كلشي ديالك أعمري هههه نتجهد هي عليك وتجهدي علي ههه
وفاء:هههه واش دابا مغنتفكش ههه راه دار صاحبك
فؤاد"(كيبوسها قبلات خفاف فوجها)أش تسحابك صاحبي كيدير دابا هههه تاهو أه خدام كيحفر ههه ودابا أجي
جرها قلبها عليه وكملو على الرذيلة ديالهم فحين عند وردة ومحمد كانو ديجا فالرذيلة وكيضحكو منغمين بأصواتهم ..وردة كان محمد مغرقها كلام عسل:حبيبة ديالي نتي
وردة:(باستو ففمو)الوفيو هههه
محمد:هههه انا كثر هههه
وردة:(هضرات فوذنو)مكرهتش نحمل مرا خرا ههه
محمد:(ضحك)هههه يااك دابا نيت ههه
ضحكات وكمل شغلو لي دام شحال عاد تقلب على ظهرو وغطاتو كيف العادة وقال:عاودي فكريني اض قلتي قبيل ههه
وردة:بيت نحمل أ محمد
محمد:شويا لاباس ههه راه ميمكنش اوردة راك عارفا حالتك الصحية أنا مورا إكليل ومكتتش باغيك تولدي وفاش كنتي حاملة بنعمة كنقول اقدر تعاود طيح ففس المشكل
وردة:ولكن موقع والو ولدت عاادي
محمد؛مغنغامرش مراا خراا ..لاش باغا تزيدي انا قانع براكا والدا ليا ثلاثة البنات وحدا تنسيك فالخرا كلشي فيهم الزين والحلاوة(باس راسها)باغا تجيبي لي ينحسني فيك ههه
وردة:(ضحكات)عقلك فديك لي وراك هههه نعس حسن ليك
محمد:متزعميش معايا زعما؟؟
وردة:لبرد والريح وتراgت بحرا دازت من هنا😂😂 بونوي
عطاتز بظهر كضحك عليه وتاهو جا تلاصق معاها وكيعنكش فيها تانعسو
صبح صبااح جديد بنفس أخر..كان محمد متكي على سريرو وحاط يديه مورا ضهرو وعبنيه باقي مجبدين بالنعاس ومكوفلين..صونات لالاغم هي لي فيقاتو من تفكيرو مد يدو وطفاها وناض عاقد حجبانو على غير العادة توجه للحمام دوش وغسل سنانو وخرج لبس حوايجو عاادي بحالو بحال اي انسان ماشي كوستيم ولا شي لعبة..رش برفان خفيف وهز سوارتو ونزل لتحت توجه ديركت للصال مونجي جلس لقا الطباسل وكلشي محطوط هي هو جلس وجات خدامة متحط ليه فالفطور المتنوع ولي كيبغيه صحي وقالت :بصحتك اسيدي
محمد:(بتتسم ليها)شكراا
مشات وبقا هو كيفطر بوحدو وياكل بتأني تا سالا على خاطرو عاد ناض لخدمتو..ركب فسيارتو الفخمة والوجهة الشركة
وصل لخدمتو كيحي الموضفين وطلع لبيروه بدا خدمتو عادي بحال كل يوم..مر وقت طويل ومحسش براسو تاوصل وقت الغدا تدق لباب وقال بلا ميهز راسو من الوراق لي كيسني فيهم للسكريتيرة لي واقفا حداه:دخل
تحل لباب ودخلات راسها وقالت:بيبي
هز راسو على إثر صوتها ولقاها سوزان فكامل أناقتها لابسا كسوة كحلة تال الركبة معاها صباط طالون بمكياج خفيف وبتسامة على محياها..ستغرب من مجيئها وقال بصدمة:سوزان
ضحكات ودخلات وسدات الباب وقالت بخجل:يس ههه
محمد:(تلف)امتا جيتي؟؟
سوزان:هادي هي مرحباا
وقف وبتاسم وقال للكاتبة:سيري تانعاود نعيط ليك
مشات السكريتيرة وخلاتهم هوما..قرب جيهتها مبتاسم وهي كذلك كتسناه اقرب بفارغ الصبر..وقف قدامها وهز يديها باسها وقال:ميس يو
ثربات ليه كثر وعنقااتو بحب خاشيا راسها فعنقو وقالت:حتا أنا هههه شهر ونص دازت علي عذااب
محمد:(محتاضنها)هههه تانا هاكاك
بعدات عليه وقالت:توحشتك بزااف
طبع قبلة على شفايفها خفيفة وقال:مزيان ملي جيتي ههه
سوزان:كنتي خدام وحبستك؟؟
محمد:لا وقت الغدا ياله نخرجو نتغداو
سوزان:(كتحلون)بلاش خلينا نتغداو هنا دومندي عي هنا
محمد:(هز فيها حاجب)ههه واخا الالة(باس يديها)رتاحي نتي 
مشات جلسات فالكانابي وهو هز الفون طلب الغدا عاد مشا جلس حداها منشور كولو على الاريكة ولايح يديه لور وقال:امتا جيتي؟
سوزان:عاد شويا وصلت من المطاار لعندك
مخمد:مزيااان والله ههه
سوزان:كتبان ليا عياان 
محمد:الخدمة ههه عائلتي مشاو لمراكش فالمغرب وخلاو كلشي علي
سوزان:نتا لي مسير كلشي؟؟
محمد:وي كلشي على ضهري عاد القراية هه معليش خليهم افوجو
سوزان:تانتا خود ليك شي عطلة
محمد:الصيف ان شاء الله نازل للمغرب نيت أنا
سوزان:هههه صافي نمش معاك
محمد:اهاه علاش لا ههه
تدق الباب ودخلات السكريتيرة معاها راجل كبير جاار طاولة فيها الغدا لي طلبو هي من مطعم الشركة ولي كيتعتابر بحال المطاعم لي برا..حطو داكشب وشكرهم محمد ومشاو بداو كياكلو ويتحدثو تا صونا الفون تمحمد بميسااج حلو لقاه ديال اميرة من الواتس مصيفتا ليه تصاورهم فالدار كيلعبو فالخصة فنص الليل وينقزو..مسح فمو بمنديل وبقا كيدوز تصاور فيهم خواتاتو والساجديات بجوج..بتاسم تلقائيا ملي شاف توبة نصها الفوقاني فالخصة ورجليها برا ..نتابهات ليه سوزان وقالت:بيبي مالك؟؟
محمد:(ساهي فطوف)
سوزان:محمد ههه مالك؟؟
محمد:هههه أجي تشوفي؟؟
قربات ليه وبدا كيوريها تصاور وتيضحكو وقالت :فين هنا؟؟
محمد:فالرياض لاش كنا مشينا فاش نزلنا للمغرب ههه
سوزان:(كتزومي على طوف)هههه شكون هادي لي مرمية فالما؟؟
محمد:توبة ههه عقلتي عليها؟
سوزان:ماشي لبنت لي صيفتي للجنوب
محمد:هي هاديك هههه كبراات 
سوزان:وي ههع
محمد:لبارح هضرت معاهم فيديو قتلاتني بضحك ههه
سوزان:تانا كانت كضحكني واخا مكنفهمش هضرتها ولاكن حركتها كيقتلو بضحك
محمد سها فطوف مبتاسم:هههه كتحمق ههه فشكل زينها مغربي تركي
سوزان:اه ههه
سد تيلي ورجع كيتغدا عادي ويهضر معاها تا كملو وبقات معاه تا كمل نهارو وشدو لوجهة لدارو ابارطومون عندو فمنهاتن
فحين رباعة الكيديات بعدما قلبوها هران نزلو كيتجاراو للخصة وبداو كيتراشو بالما ويتحاماو على وحدا ويلوخوها فالخصة وضحكهم وغواتهم مسموع فالرياض كولو ولكن شكون سمعو الساحدي والكلاوي كانو خدامين على ولادهم ممسوقين..ومن بعيد اميرة كتصورهم وتضحك أما هي ميصلاحش اغرقوها ولا يلوحوها حيت مريضة بالضيقة وكتخنق كتافات أنها تصور وتصيفتهم لخوها..هاد الاخير لي علاقتها بيه قريبة بزاااف كتعاود ليه كلشي وتتبغي تهضر معاه بزااف..
توبة:ينعل الجد تمك يالكلبة هههه راه فزكتيني
سليمة:هههه بصحتك الدوش الحلوفة ههه محاميين عليك بجوج وبحرا مالحناك هههه
توبة:الحمد لله مكتعلفينيش نتي هههه
أميرة:ويلي ويلي ميما فتيحة نازلة😱
فتيحة كانت جايا هازا بلغتها وباينا جايا معولة تخلي دار بوهم..وكتحلف:الله ينعل حسكم يالبايراات نايضين فنصاصات الليل كتراشو بالما تالخصة لي يضل منو للقمرة متعرفوه ما تجنون ولا ت بغلة القبور..(ضربات توبة لترمتها بالبلغة)شبعتو خبز أ تريكة طلع وهبط هااا شبعتو خبز لوالديكم(ضربات سليمة)دويو متعرفو تنعسو كي ناس كي جنون وفالصباح تبقاو ناعسيين تا يحماض بولكم وتعطعط ريحتكم هاا
توبة:أححح أديك موكا مقلشا فوق الدربوكة شدي يديك😂😂

فتيحة:(قرصاتها بين فخاضها)هاا لي ميحشم هاا لي تيرد الهضرة طلعو تنعسو الله يطلع رواحكم يالكلبات شايطات الخامجاات المارجاات الله يقل حيااكم نازلين كتراشو(نتفات سليمة من شعرها)ونتي يا زوفري تالخلا مبتيش ديري عقلك هااا العام لي جا يلقاك عاد مزايدا فيه
سليمة:اححح طلقي المسخوطة هههه
اكليل:(كضحك:😂😂😂😂هاكاك أمي عطي لوالديهم
فتيحة:(نزلات يديها هزات محبق حدا الخصة وصيفتاتو ليها)طفرتيه لجدك نتي سيرو الله يغبر لبوكم الشقف أ ربااعة الطيحال والكبدة مسلوقا..
اكليل:(فلتات الدقا)بيتي تشقي ليا راسي أفتيحة يااك ههه
فتيحة:(مغددة)طلعو تنعسوو طلعو متنوضو ان شاء الله يالكلبات السايبات كوكعتو هاااا
توبة:هاحنا غاديين هههه
تمشاو وحدا مورا وحدا كيشوفو فيها بنص عين ويضحكو وهي تابعاهم كتغرق ليهم من لور:والله ونسمع الحس تا ندوز على باباكم بموس حافي نحير الجمل
ضحكو ومشاو لبيت توبة دوشو ولبسو عليهم وتكمشو فناموسية جوج وجوج خرين مفرشين فالارض على قلة البيوتا ههه
كل وحدا شادا تيليفون كتكونيكطا وتوبة كتهضر مع صمد وتبتاسم تا وصلاتها انفيت من عند الكلاوي..ضحكات وقالت:لبنات داك شمهروش تخوكم صيفت ليا أنفيت
سليمة:اشرف ههه
توبة:لا الحمار الكبير هههه
اميرة:اوا قبليه عادي ههه
توبة:اش غنgول انا ويااه؟؟
اكليل:شبعي فيه معيور مثلا ههه راه متتعرفي تgولي والو من غير هادشي
توبة:ههههه صافي مشاات(قبلاتو)
أميرة:تكايسي ليا على خوياا ههه
سليمة:ديريه فميكا وخبيه فصدرك هههه تالعنداك عطيه مناش عطاه الله
توبة:ولا عليك(صيفتات ليه ميساج)كاظم الساهر صافا؟؟
أميرة:اش كتبتي؟؟
توبة:كاظم الساهر صافا😂😂😂
جاوبها:صافا أ إليساا ههه
توبة:مك أنا ماشي إليسيا ملقيتي هي ديك المعزة تشبهني بيها
محمد:(جاوبها فالبلاصة)هههه تتشبهي ليها صراحة ههه
توبة:😡😡😡ندمتيني حيت قبلتك
مخمد:هي كنضحك معاك تكون قشابتك واسعا شوي
توبة:وااسعة الحمد لله هي نتا لي مزاحك ثقيل ههه
محمد:ههه ياك الالة ههه أعتذر مكتشبهيش لإليسا نتي أصلا بوحدك مكتشبهي لحد
توبة:عارفا gوليا شي حاجة مكنعرفهاش هههه 
محمد:اللهم زدك تواضعا..
ياله غتحاوبو هي تجيها أبيل فالواتس ديال صمد بي نسات متجاوبو..فتحات الخط وقالت:ألو
صمد:فين كنتي؟؟
توبة:تافين هي مجمعة مع البناات وصافي
صمد:هاد لبنات تلفوك علي ههه
توبة:ههه لالا عاادي
صمد:(شافها كتهضر متوترة)حداك شي حد
توبة:اه سليمى واميرة واكليل
صمد"ممم إكليل اوك انا نقطع جاوبيني فالواتس
توبة:اوك
قطعات معاه ومشات ديركت جاوبااتو فالواتس وبقات مجمعا معاه أما محمد شافت ميساجو ومعارتوش اهتمام تسناعا تجاوبو ولاكن مجاوباتش تا جات سوزان حداه لابسا شوميز دونوي ومع مرضش ليها لبال جات حداه وقالت:بيبي
تلفت ليها وبتاسم طلعها ونزلها وقال:الجديد ههه
سوزان:ههه اه كيجاني
محمد:زويين بصحة ههه
سوزان:بصح😍😍😍مغسي حبيبي
محمد:أجي نوريك مغسي ديالي ههه

أشرقات شميسة جديدة فالمغرب ضربات ضفاف المدن المغربية كلها وحاارة فمرااكش..كانت توبة ناعساا ومخشية فسليمة وفالارض إكليل مع أميرة..عوجات ملامحها بانزعااج من أشعة الشمس لي داخلا من شرجم..دورات الغطا عليها وغطات وجهها وتجر علل سليمة ونزعجات هي كذلك وقالت :فففف سدو شرجم..توبة نوضي سديه
توبة:خدامة عند مك انا هنهنه
سليمة:(دارت يديها فوق عينيها ورجعات تنعس)تفوو
رجعو نعسو بجوج واحد نص ساعا تاشد فيهم النعاس وحلات النعسة وهو يتحل الباب ودخلات فتيحة تتسلت كي سحت الليل..قربات ليهم وقالت:ناعسيين الحامضات بالنهار ووقيت النعاس تتعرعرو كي المشا الى جاتها الحالة
مشات خرجات ورجعات هازا جوج سطول تالما وجايا تتقل بيهم وتعرج هي وقفات عليهم هزات واحد تال الفوق واخا جاها ثقيل وهي تعري لتوبة وسليمة وجههم وخواتو عليهم كي الباطل..ومع جا من الفوق حسو بحالا تسرفقو..مخلاتهم اشهقو مشات هزات سطل لاخر وكباتو على اكليل واميرة..كلشي ناض كيشهق ومدعوقين معرفو الدقا منين جاتهم
توبة:عنعنع لش هاذا(شافت فتيحة وغوبشات)أش هاد الفعايل أجدة؟؟
فتيحة:(دايرا يديها على جنابها)بصحة الحمام البايرات
سليمة:(كتمسح فوجها)مالكي هاكا واش مبقا حد انعس معاك..البلرح منعسانا بالقريص واليوم مفيقانا بالما
فتيحة:علاه خليتوني نعس أنا بعدا هااا ياك ياله حطيت راسي تابديت تنحلم بزماني المختار ونتوما تهرطو كي الحمير
أميرة:(كتكحب)كح كح كح حراام عليك اه عندي ضيقة
فتيخة:هههه عارفا داكشي باش مخويتش عليك بزااف ههه ياله نوضو أشمكارات 
إكليل:يخ صبااح الله
فتيحة:(هزات بلغتها صيفتاتها ليها)صباح الله يادلي مالو ديالك تهزو ياله gدامي اه صبح اصباح ولي عندو شي شغل مشا ليه ونتوما خامراات
توبة:(رجعات تنعس)عاودي راسك والله لنضتها ولا نضت يالله
فتيخة:(جراتها من رجليها)ياك أبنت المغصوبة عيني عينك ياله وانوضي
توبة:عنعنعنعن (بالغوات)وا مااا مااااا اهئ اهئ
فتيحة:إعطيك الغماا تجعدي الله يعطيك ضرووس..ونتوما تتساو العراضة
سليمة:عقلي عليها أ سخارة العقرب هاهي فيك
فتيحة:منعاودهاش جوج مرات تهزوو راه ريحتكم عطات
ناضو حااقدات وكيخنزرو فيها كل وحدا دخلات لحمام فبيت أخر دوشو ولبسو عليهم ونزلو قد قد..هيطو للتحت كااع لقاو وردة ووفاء واشراق محمعين على واحد الكاس تأتاي ودوازو كيهضرو هي شافوهم نازلين بحالا كانو كيحررو الصحرا ونطقات وردة:أمالكم عاgدين سبعة فربعة
توبة:والله لبقاات فيها بالله جايا مفيقاني بالما بحالا تتسالني فلوس الضو والما
وفاء:😂😂😂خالتي هههه عبرات على باباكم ههه نتوما لي جاكم الجهل لبارح فليل ونضتو تتغاوتو
سليمة:شاعلا فيها العافيا والله هههه 
إكليل:وابابا مناضش وااه
وردة:باك كان كيضرب تراكسيون مسكين ههه
توبة:متgوليش ليا gالسا معانا بالجنابة(طلقات ضحكة عالية)😂😂😂تمسخنا هههه
وردة:(زفات عليها بمخدة)الله يخليك بالخلا هههع
سليمة:وعلاش أ ماما الكلاوي منزلش؟؟
وفاء:هههه شكون داها فيكم كاع معاقل ههه
الكل:😂😂😂😂
ضحكو كاملين وجابو للبنات الفطور فطرو وناضو قررو امشيو لمنارة إديو الغدا لتما..علمات وردة الخدامات وجدو ليهم غدا وافر وكثير وعيطات لمحمد وسعيد وفؤاد امشيو معاهم بحكم انهم كانو فالخدمة..وافقو ودارو معاهم اتلاقو فالدخلة تالمنارة..طلعو لبنات للفوق لبسو عليهم وكذلك العيالات.ونزلو..حطات وردة الغدا فالاوطو ديالها وجمعو الفرارش وكل مايحتاجو..ركبات فالاوطو ديالها مع وفاء واشراق وزهرة واللنات عطاتهم ساروت تالاوطو لي كتبقا محطوطة قدام الدار سوكور للبنات ومعاهم فتيحة وساقت بيهم سليمة تابعا وردة لي محيحة طالقا شعبي وكتغني أما البنات قالو ليهم حيدو من الطريق طالقين الزدخة والزغاريت..وصلو قدام المنارة كان محمد وسعيد وفؤاد واقفين قدام المنارة كيتسناوهم والداخل والخارج كيمنظر عويناتو فالزين الشباني..قشع محمد الاوطو من بعيد وقال:هاهوما جااو
فؤاد:هاكاوا على شعبي ههه
سعيد:تفووو كون هي مشيت معاهم ههه
وقفو بالاوطو ديالهم ونزلو هوما كذلك تسالمو وعاونوهم الرجال هزو الغدا لي فسليلات كثار والماا فالقراعي كلشي تعاون الا فتيحة مكنززة على زهرة وجاراها معاها باش متوضرش..ختارو بلاصة وسط الزيتون حطو الفراشات ومخيدات صغار وجلسو كاملين مجموعين كيضحكو ويعاودو النكااات..شويا سمعات توبة صوت الطعارج وقالت:ماما فين كاين اللعب؟؟
وردة:لهيه واقلة ههه
توبة:تسناو هاني جايا
محمد:شدي لارض
توبة:(وقفات)واش بيتينا نبقاو جالسن هاكا على نكات وربنا خلقتنا هههه
سعيد:سيري سيري يرحم بااك
مشات توبة فاتجاه الصوت وكلما مكتقرب كيزيد الصوت..وقفاا على رباعا تالعيالات كبارات من دوك المراكشيات لحرار وقالت:هاواحد السلام وعليكم
تلفتات ليها واحد المرا وقالت بصوت غليض:واعليكم والسلام ورحمة الله ههه اش حب لخاطر الكتكوتة 
توبة:(جلسات حداهم)هاد لكتكوتة يالغزلة سميتها توبة ههه كنت جالسا مابيا ماعلي تاسمعت هاد الدق والغنا واكوااك وانا نgول مع راسي متيعرف اضرب هي لمراكشيات الحرار ههه
...:براك الله وفيك أعويناتي اشنو دابا بيتي شي طرح ههه
توبة:أوهو يالهو عارضاكم للغدا والطرح نسخنوه بجوج

..:الى القضية فيها المكلة نوضو علاش لا..ياله العيالات نوضو راه زردة هادي
وقفو العيالات بثلاثة لي معاها وهزو فرلرشهم وطنجيتهم وقفة فيها الخبز وقىاعي تالما وماشاء الله هي لقلدة على ختها..تمشاو معاها كضحك معاهم أما الباقي شافوها من بعيد شبعو فيها ضحك شدات من عندهم صينية صغيرة وجوج معيليقات وقالت:انا لي غنضرب فهادو
وصلات حداهم وقالت:هاهوما جبتهم ياله وسعو شوي خليو خير ربي اتنشر ههه
..:السلام وعليكم الحباب
الكل:وعليكم السلام 
كحازو الرجال وخلاوهم اجلسو وربعو رجليهم وتيبان ليك طروفا ههه..ضحك محمد وقال لفؤاد:تناكت هههه هادشي لي بقا لينا ههه
فؤاد:(مسند على مخدة بيديه)خليهم نشوفو فين غيوصلو هههه
فتيحة:أش سماك الله الشريفة
...:انا جميلة وهادي بديعة وهاديك فوزية
سعيد:عاشت الاسامي هههه
وردة:اوا ارو لينا شي تعيريجة هههع
جميلة:تتعرفي بعداا؟؟
وردة:بنت القصبة ومنعرفش ههه
عطاوها تعريجة وبداو هوما كيضربو ويغنيو الهوارياات وردة ووفاء كيضربو معاهم حيت تاقنينو أما البنات معاونين هي بيديهم وتوبة كضرب فالصينية كضحك وتزغرت واحد سعيد كيعلق ليهم ويضحك ومراتو تتحبس فيه حيت تيشدوه الهوايش وينوض وحدا تشكح معاه أما واحد فتيحة مبقاتش مريضة وركابي قاهرينها تسرح ليها الحلوق واتزغرت وتعاونهم فالضرب..سليمة وأميرة عجبهم الحال كيضربو بيديهم واكليل نتصور ونعمة تتقنز حداهم والرجال ساكتين تينفرجو ولي داز وسمع اللعب تيوقف ويجي ادير معاهم حقو وامشي تاختموها بميزان مرااكشي صحيح على حقو وطريقو بانو فيه القراجط على حقيقتهم..سالاو وختموها بالله يعطيك الصحة..بقاو معاهم العيالات تا تغداو ونشطو عاد ودعوهم..بقاو العائلات تما تال ربعة ونص وقال محمد:ياله تحركو فحالكم
وردة:اه صراحة هذا هو..نوضو(كانت منعسة نعمة)نونو نعساات
محمد:(باسها فحنكها)عياات الحبيبة ديالي
هزو داكشي لي جابو وتوجهو للبرا مشاو تصورو مع الجماال وشدو الطريق للرياض تاني كيضحكو وينكتو
وهاكا دازت عطلتهم كااملة كلها ضوران ونشاط وضحك وسعادة..ومشاو للرباط كاملين على قبل وفاء لي بغات تزور قبر باها وحتا مشاو عند أمين وجيهان ..جا نهار لي غترجع فيه عائلة الكلاوي فحالها..جمعو حوايجهم ووقفو قدام الرياض كيتسالمو وتوبة تتعنق فالبنات وتبكي..تفارقو بالدموع وشدو عائلة الكلاوي الطريق لامريكا بعد عطلة رائعة فمرااكش
دخلات توبة بخناينها تتجدب وتبكي:والله ةنشدو العطلة تانمشي عندهم يالله 😭😭😭
محمد:واخا ابنتي هي دوزي للباك وسيري
وردة:الخناينية لخرا ههه ياله طلعي لبيتك راحعي شوي اع لعطلة كاملة مهزيتيش الكتاب
توبة:واخا انا نطلع
طلعات لبيتها وجبدات كتوبها تتحفظ وتهضر مع صمد فالواتس تاعرفها كتحفض وخلاها على خاطرها
مرت أيام وشهور والحياة مستمرة فكل جهة ..فعمد توبة هي الحفاضة والدار وصمد لي تطورات علاقتهم وولاو متعلقين ببعضهم بزااف كيتشاوفو بالتخبية ويتحابو زادت تقربان منو خاصة فاش كيشجعها تقرا وتحيب لمونسيون وحتا والديها دايرين ليها كي الما لقليل ملي شافوها كتعيا كتمشي لمدرسة وتجي وتمشي للسوايع ولاو جايبين ليها بروف كل مادة للدار وممخسرينش ليها باش ابقا المورال طالع..فحين محمد حياتو غادا عادي خدام وكيقرا وامتحاناتو غاديا عالي لعال..كيفاليدي واخدم مع باه وقدر اربح مشاريع مهمة والكلاوي فخور بيه علاقتو بسوزان متبدلاتش كيتشاوفو فالويكان اما هي تجي ولا هو يمشي..وعمرو باقي هضر مع توبة حدو الجيم لتصاورها لاغير
اليوم ليلة رمضاان..والغد ليه غيصبح رمضاان وكذلك أول أيام الوطني..توبة هاد نهار مقاست والو سالات حفاضتها على تيسااع بالبروكؤاام لي وجدات هي ونبيلة راجعو كلشي وكلشي ناضي..وقررات وردة تديها للحمام لي عندهم فالدار..دايرينو للفوق بكاع مستلزمات التجميل المغربية..كلشي فيه وبحال الحمام المغربي تالزنقة..كسلاتها فالحمام وغسلات ليها بحال شي بنت صغيرة وخرجو جلسو فالحلسة الصغيرة تالحمام كيلبسوو والحناك موردين ليهم عاد نزلو للتحت دايرين فوطات فوق ريوسهم..تلاقاو مع محمد جا من الخدمة وقال:بصحة
باسوع بجوج:الله يعطيك صحا
محمد:غيزو غيزو المورال موياان؟؟
توبة:لا لا صافا ههه كلشي هو هذاك
محمد"اوا مزياان غيعاونكم ربي اه صايمين 
توبة:اكون خير ههه ياربي هي يدوز دغيا
وردة:عاقلا اول نهار ديتها لمدرسة ههه مكنتيش باغا تمشي كااع
محمد:(ضحك)ههه أما نتي خلاص ملي دخلناك وخرجتها بدات تتبكي ليا بيت بنتي بيت بنتي بتخوي علي الدار
توبة:😂😂😂😂😂عنابة موو خنونا😂😂
وردة:ههههه 
محمد:غيدوز كلشي بخير وغتجيبيه بمونسيو وتدخلي لميدسين تولي طبيبة بحال ماماك
توبة:(عنقاتهم)شكرا بزااف لهلا يخطيكم عليا الى غنجح فراه على قبلكم
وردة:هههه لالا الى غتنجحي راه بدرجة الاولى لراسك أما حنا مطالبين منك واالو
محمد:(باس راسها)الله يرضي عليك والله يسر ليك
عنقهم بجوج ومشاو للصالة جالسين وكيهضرو كيحاولو أحيدو ستريس ليها وهي مبردة عارفا راسها غتنجح ههه..
تعشاو وناضو ينعسو فانتظار اول أيام رمضان المبارك

الله أكبر الله اكبر
هلل الهلال معلن عن موعد السحور..جات وردة لابسا سورفيت صيفية حلات لبيت على توبة وفيقاتها للسحور..ناضت معاها مبجقلة بالنعاس ودازت على اكليل فيقوها تاهي ونزلو للنحت لقاو طبيلة فالصالون فيها سحور متنوع وخفيف بعواصر وحليب حسب كل واحد واش كيبغي اتسحر ..لقات باها وزهرة وفتيحة جالسين ..سلمات عليهم وجلسو حداهم حالا هي نص عيين..وزهرة كتاكل وضور فعينيها:علاش فقنا تناكلو دابا،؟
محمد:الواليدة اه رمضان هذا وحنا دابا كنتسحرو واش مباغاش تصومي؟؟
زهرة:(بفرحة)رمضاان😍😍😍الله ههه شحال مكرهتش نمشي للعمرة
محمد:العيد لكبير جاي نصيفتك تحجي كااع اما العمرة اه عمرتي شحال من مراا
فتيخة:هاد لمرة نديك معايا هه
زهرة:اييه واخا ههه (بدات كتاكول)ولاكن شكون نتوما تا نمشي معاكم 
سكتو مجاوبوهاش ورجعات كتاكل وكلهم كياكلو ويهضرو
اكليل:مغرت كيغيدوز النهار؟؟
توبة:تتهضري بحالا غتنوضي تهزي لحجر على ظهرك راه تتضلي مكسلة أش تديري بسلامة
إكليل:مشيي واراه اول رمضاان
وردة:غيدوز زوين أ الفنون ديالي والفطور ندير لبنتي واحد مولاي لفطور
آكليل:(عجبها الحال)بحال كيدرتو لتوبة؟؟
فتيحة:اييه بحالو بالتمر والحليب والحنة ههه علاه نتي رخيصة علينا
محمد:(باسها فحنكها)ههه
ضحكات وسطهم وكملو سحورهم تا سالاو وبقاو مجمعين وكيشربو فالما حيت فمراكش الرمضان من 45 للفوق واخا تشرب تاتعيا غتنوض مع سبعة وتحطو فالطواليط كولو هي تيبردو على راسهم..
محمد:توبة نوضي أ غيزو تنعسي رتاحي
توبة:لا محال غنوض نصلي لفجر ونقرا شوي تالقراءان 
وردة:واخا اوا هي شربي بعدا مزياان باش متشحفيش
توبة:ممم واخا نشرب سيتيرنا ههه
الله اكبر الله واكبر
أذن المؤذن كيعلن عن ايقاف الاكل والشرب تالمغرب..ناض كل واحد لبيتو توضا ولبس لباس الصلاة وتجمعو كااملين فبيت صغير دايرو محمد بحال الجامع فيه زرابي والمصاحف..وقف القدام وهوما موراه مصافين قام بيهم الصلا وصلا الفجر والصبح ودار الدعاء وسلم..ناضو البنات باسو ليه راسو ويديه وهو بدورو باس راسهم ورضا عليهم..كيحس بالفخر وهو أب لثلاث بناات وحدا تنسيك فالخرا..فخوؤ أنه والدهم ورباهم وباغي اوصلهم لفين بغاو..باس راس زهرة وفتيحة وقال:خالتي ديها لبيتها عفااك
فتيحة:واخا ياله تصبحو على خير
محمد:تصبحي على خير
داز عند وردة باس راسها وقال:الله يرضي عليك..ياله ترتاحي تانتي
وردة:هي سير غنبقا مع توبة
محمد:واياله علاع مالها خليها تقرا شوي القرآن باش ربي يسير وياله نتي رتاحي
حركات راسها بالايجاب ومشات معاه خلاو توبة هازا مصحف ولابسا عباية حكلة جاتها قتالة مع بيضة ومدايرا والو لوجهها من غير بعض الهلات السوداء لي خرجات نتيجة السهر مع الحفاضة..بدات كتقرا كتاب الله عز وجل شحال جهد شي سااعة عاد باستو وحطاتو وناضت زولات الزيف على راسها وطلعات كتفوه لبيتها..دخلات حطات عبايتها والشال ومشات لناموسيتها والنعاس طار..شافت ساعا لقاتها الخمسة ونص..هزات تيلي حلات الواتس ولقات صمد مصيفت ليها ميساج فيه:حبيبة الله يسر ليك انا ديما معاك..كوغاج ديىي جهدك والكمال غلى الله
بتاسمات وجاوباتو:لهلا يخطيك علي
ولكن مكانش حال ..دخلات للفيس لقات تعاليق على لبوسط لي حطان فاش قالت بلي غدا الوطني ووصلوها حتا لي ميساج من الناس كيشجعوها ويتمناو ليها التيسير..من بين الرسائل لقات ميساج محمد الكلاوي كاتب ليها:الله يوقفك عارفك تديريها حيت جنية ههه
ضحكات وجاوباتو:جن هو نتا ههه أصلا الجنون مكاينينش فرمضاان
كان اونلين وجاوبها:نتي بوحدك تتكوني ههه
توبة:قوس علي تفووو ههه كلها علاش مصبح
محمد:مالكي فايقا دابا كنظن باقي الحال
توبة:تسحرت ومنعستش مباش اجيني النعاس
محمد:متوترة؟؟
توبة:صراحة أه ولاكن كنحاول نتكالما
محمد:ضروري من الستريس راه لباك هذا ولاكن على حساب معارف راك مجهدة تبارك الله وكتقراي مزياان دونك غتدوزي مزيان وتنجحي
توبة:والنجاح الى ربي بغاه غنجح هي هو واش بالنقطة لي بيت ولا لا
محمد:كوني متأكدة غتنجحي بالنقطة لي باغا وغدخلي لميدسين ان شاء الله
توبة:باش عرفتي بيت الميدسين؟؟
محمد:قالتها سليمة واحد لمرا وصافي
توبة:اه ههه اميين ههه والله ونجح تاندير ليكم الزردة ههه
محمد:ان شاء الله ياله نخليك دابا غنمشي
توبة:اوك ياله بسلامة سلم على الدار
محمد:مبلغ وبون كووغاج
توبة:ميرسي
تقطعات هضرتهم وناضت توبة غسلات وجها ولقاتها الستة ونص..لبسات حوايجها ووجدات مسائلها لي تحتاج وجلسات كتلعب بالتيلي تا دقات عليها وردة ودهلات كانت لابسا جلابة غوز وبلغة غوز وجامعا شعرها سفنجا بلا مكياج بلا والو دايرا نظاظر فوق شعرها..لقات توبة لابسا دجين ومعاه جبادور لفوق فالموف بالعقيدات طويل تال الفخض وشعرها جامعاه للفوق وهازا ساكها:واجدة؟؟
توبة:اه اه غيوصلني بابا
وردة:غنوصلوك بجوج ياله
شدات فيها ونزلو للتحت لقاو محمد كيتسناهم فالاوطو طلعو معاه وتاجه بيهم ديركت لمدرسة عمومية لان البريفي كيدوزو فالعمومي..لقا تما عاامر بالتلامذ واولياء الاومور بقاو معاها تاتحل لباب تمناو ليها التيسير ونزلات دخلات بعدما تلاقات بنبيلة

دخلات توبة مع نبيلة ومشاو للقاعة شدو بلايصهم تا دخلو لي غيحرسو فرقو الاوراق وبدا الامتحان الوطني فالمغرب..ثلاثة سوايع وهوما كيحنشووو لي شحف اه شحف ولي مصبرش اه شرب ومتسوقش المهم داز ضربات الساعة حطو وراقهم وخرجات توبة مشنتفا ويديها فيها بلونكو وتتسوط..تلاقات مع نبيلة تاهيا ياله خرجات وقالت شحفانة:ففف كيدوزتي؟؟
نبيلة:(كثر منها)مزيان مزيان تحط زويين
توبة:ففف شحفت والله معرت مي غنكمل النهار
نبيلة:اودي باقي العشية هي زيدي
خرجو من المدرسة ولقاو والديهم تيتسناوهم ومجمعيم وقفو عليهم مسخسخين..
محمد:(دوز يديه على حنك توبة)صافا احبيبة كي دوزتي؟؟
توية:(شحفانة)زوين مصعببش ولايني صعيب
جراتها وردة عنقاتها وكدوز على شعرها فحين أب نبيلة تاهو دار نفس الشيء وقال:هي صبرو راها هي ثلث أيام
محمد:اه اوا ياله راه راجعين فالعشية
تسالمو وكل واحدة مشات مع والديها..طلعات توبة للور مسندة مافيهاش لي يهضر شافتها وردة من لقدام وقالت:توبة واش مزياانة ياكنا سخفتي
توبة:لا لا هي عييت ندوش ونعس ونولي بخيى
حركات راسها وقالت:عزيتي علي مكرهتش ندخل ندوزو بلاصتك
محمد:هههه تانتي دوزتيه بحالها وكثر
ديمارا وتوجه للرياض ساكتين وشكون فيه لي يهضر فرمضان وفمرااكش ههه...وصلو ونزلات تلاقات ليها فتيحة:كيدوزتي ابنتي؟؟
توبة:(باستها)بخير..فف هي سخفت
فتيخة:الله يسمعك خبار الخير طلعي دوشي ونعسي تاتوصل لوقيتا ونفيقوك
وبالفعل طلعات لبيتها لاحت الصاك وحيدات حوايجها ودخلات دوشات هي لحمها شعرها مقاستوش بردو عليها عظامها وخرجات فبينوارها ولسانها ناشف شللات فمها ودفلاتو وخرجات لناموسيتها ياله غتلبس صونا صمد وجاوباتو عيانة:وي صمد
صند:كي دوزتي؟؟ مزياان
توبة:وي الحمد لله مزياان 
صمد:شحفتي؟؟
توبة:بجهد والله مبقيتش قادراا
صمد:(بقات فيه)هي صبري غيفوت ماهي هي ثلث ايام سيري دوشي ونعسي تال ثلاثة
توبة:عاد دوشت وغنمشي ننعس
صمد:ياله بلا منشدك ..سيري رتاحي ليا بسلامة
توبة:باي بسلامة
قطعات معاه وتلاحت على ناموسيتها ونعساات بعد عدة محاولات..تناص النهار وجهنم فمراكش العروقات والشحف وصلات جوج وربع جات وردة فيقاتها ولبسات عليها وعاودو وصلوها تاني وسط ديك تقيقة والحرارة واصلا ل 46 ..نزلات دخلات دوزات تاني وخرجات مساليا بياس ديطاشي حيت خدمات مجهود بدني وعقلي وعاد الشحف واخا تكون فالضليلة تشحف..مهضراتش باقي طلعات لور وتكات وتاهوما ماقالو والو عارفينها سالات وتاهوما سالاو ههه..وصلو للرياض وطلعات صلات وقرات القراءان عاد هزات تيلي ديالها كدوز الوقت بينما دوات المغرب هضرات مع صمد والبنات عيطات لجدها فتركيا تاهو هضرات معاه..شويا هاهو الكلاوي مصيفت ميساج فيه:جنية كي دوزتي؟؟
توبة:كي وجهي طبعا مالو كي وجهك هههه زوين زوين
محمد:اللهم إني صائم ههه كيحطو داكشي مزيان
توبة:وي زويين خدمت فيه
محمد:اوا مزياان غتنجحي ان شاء الله
توبة:ياربي أمين ونتا فين وصلتي فالقراية
محمد :العام لول ماستر
توبة:مزياان تسحابني مكلخ مغتعرف لوالو ههه
محمد:والله منوصل شوي فكلخك هههه
توبة:لهلا يحييك ولا يتمنيك ولا يوصل فمك لوذنيك أنا واعرا عليك أوجه القرقارة تفووو عليك غندي معاك ذنوب هي هاكاك يخ
محمد:اوا نتي لي فمك سابقك أما أنا مسبيتكش هههه
توبة:ومالك خدام علي مكلخة مالي كنسطاجي عند باااك هااا
محمد:ناري وتطيحي فيدي زعما تسطاجي عندي والله منرحمك هههخ
توبة:اوا تنكون بحالك ونمشي للشركات أما دابا واخا تخدم عساس فمكة معمري نسطاجي عندك
محمد:😂😂😂😂اه ياربي الله يعطيني معاك هي شي عام نشبع هي ضحك
توبة:الى بيتي تضحك راه جامع الفنا جي وسير تقرج فالمسيح اه تشد كرشك وتحزق ههه اما انا ممسالياش نعطيك دروس فالضحك..بنادم نااقص هراان
محمد:(ضحط بصوت مرتافع)😂😂😂😂اووووو ههههههههه واكوااك
توبة:هاحنا دينا معاك ذنوب ههه هالعار الى ماسير فحالك
محمد:أجي أجي والله تاقتلتيني بضحك
توبة:سير عند ديك لاستيك ديالك تضحكك
محمد:ها ذنب لاخور ههه كتنممي
توبة:تفو استغفر الله ههه
محمد:مكضحكش بحالك هي كاالم
توبة:(تنوات)هي أنا مصعورة ومتنسكتش
محمد:بحالا علمك الله ههه ماشي كالم
توبة:(مرضاتش)اوا زيد فيحالاتك أنا لي دايرا فيك عقلي ألكلاوي أما منهضرش معاك
محمد:تقلقتي؟؟
توبة:ثاني مرا كتخشي فيا الهضرة دام نهار خدام علي قليلة الادب وكدخلي فلي ماليك واليوم مصعورة اوا هز نتا كااع شي صندارة وزف علي بيها😡😡
محمد:امتا قلت ليك قليلة الادب؟؟
توبة:فاش غوتتي علي قدام رياضنا وخاصمتي علي تسحابك نسيتها هااا والله منساها وزيد عليها تاهادي هاهيا فيك(ضحكات وصيفتات ليه وجه كيبكي)😭😭😭😭
محمد كان جالس فبيتو طيهضر معاها تابانت ليه تقلباات ومبقاش عاجبها الحال تقاد فجلستو وملامحو تخربقو..كتب ليها:توبة هي كنضحك معاك واش عارفاني غنعايرك راه داك النهار شرحت ليك مكنبغيش لي يدخل فحياتي الشخصية
توبة:(جاوباتو ميتة بالضحك)اوا الله يمسخك مسخ القرود..gاليك حياتي الشخصية ماخص والديك هي الحياة والشخصية من الفوق..لي سمع هاد الجملة غيسحابو واش شي حياة نيت هي اه هي واحد ملعقة مستطيلة 
محمد:توبة؟؟اش وصلنا لهاد لهضرة دابا فوتي عليك حياتي 
توبة:غنفوت حياتك ونفوتك نتا نيت لباقيش تصيفت ليا الله يرحم بااك

محمد:صافي اوك سمحي ليا
توبة:ممسامحاش ليك يالله غبر 
طلع ليها vu وناض من بلاصتو مقندش ومشا كمل خدمتو ونهارو كولو داز متعب ومعصب فحين هي هي سللات معاه قالت:ففف على منفخ gاليك حياتو الشخصية مزينك نتا ويااها لي شافكم يgول هااا
بقات كضور فالفيس بووك والانسطاا شويا وهي طيح ليها فبالها تدخل للفيس ديال محمد حيت طلع لاح شي حاجة..دخلات وبدات تتقرا المنشورات وتتشوف االكم الهائل تالجيم والكومونطيرات ومكاين هي الكاتب والسياسي لي كيعلقو والناس لواعية ومحمد كيجاوب البعض منهم والبعض كيكتافي بجيم لانه مكيلقاش الوقت اجاوب كلشي..قرات بعض أجوبتو ملي كيعلق شي حد وزادت تبهرات كيهضر بالعربية بإتقان والفرنسية والانجليزية وشافتو جاوب بالالمانية..محساتش بالوقت كااع وهي كدور من بوسط لبووسط وتشوف بعض صورو مع شي شخصيات هي مقدراتش تعرفهم فقط كتقرا اش كيكتب مرا كاتب with the writer... ومرا خرا كيكتب مع السياسي ولا المحلل ولا الناقد من لخر سيد باين شابع ثقافات ولقاءات رغم انه كيحط لقاءاتو هي من الفترة للفترة ولاكن بان ليها ضار مزياان وعامر..لاحظاتو مكيهضرش فالدين والسياسة وكيتفادا اجاوب عليهم..دوزات ساعا وصرف كتفرج وتقرا بلا ملل بحكم صمد عندو ماتش قبل لفطور دونك مكاين معامن تهضر..لقات فوسط الكومونتيرات بنت باسم سوزان كتعلق ليه بزااف بتاسمات بشر وقالت:هههه هالحياة الشخصية باانت هههه
دخلات عندها وبدات تتقلب عندها تاهي هي فضول لقاتها ماشي قل منو تاهيا مكاين هي كتب ولوح وعجبها أسلوبها كتكتب بأنوثة..شافت تصاورها ولقات تصويرتها مع محمد وقالت بشر:وا صراحة هي حيااة شخصية ولايني اه هو خريااا محطوطة وعليها الجنجلان تقيا تتحبو😂😂 اللهم اني صائمة ههه
دخلات نعمة كتمضغ وقالت:غيزو غيزو نوضي تكلمي لماما
توبة:ياك باقي الحال اه ياله سبعة باقي نص ساعا
نعمة:معرفتش ههه
توبة:شحاطت رمضاان ههه
نعمة:تانا بغيت نصوم ومخلاتنيش ماما
توبة:(لبسات كلاطيتها)تانا مكرهتش تحبسني ماما ههه زيدي نشوفو اش بااو
نزلاو معاها شادا فيديها وخلات تيلي فبيتها..لقاتهم ملبسين لاكليل فراشة فالازرق بارد وطالقين ليها شعرها محيدين ليها نظاظر تتبان طبيعية ونسخة مصغرة لوردة..ومدورينها بيهم وكيغسلو ليها رجليها وركابيها باش ابقاو بيضين ليها ديما على حساب التقاليد ديال المراكشيين..وقفات عليهم وضحكات:هههه ياكما بيتو تزوجوها هههه الله يمسخكم واش النعمة كيغسلو بيها رجليهم اودي شبعتو خبز
فتيحة:شدي لارض واجي حدا ختك
توبة:لاش؟؟
فتيحى:نتي لي غتغسلي ليها رجليها بالحليب حيت ختها ونتي العزبة فالدار وفالتقاليد خص العزبة تغسل ليها رجليها باش ميكحالوش ليها ركابيها وتبقا بلقا ديما
توبة:شناهو؟؟نوضي الولو تهزي فحالك اوا صفات نغسل ليها رجليها مبيتوش نجيب الصابون البلدي ونحك ليها الgدام ويلي شيطاان هههه اه وشكون gاليك أنا عزبة هاا عالما علي(كتخرج فعينيها وحابسا ضحكا باغا تطلعها على فتيحة)فايت فيا الفوت(جلسات فالتليق)
فتيحة:😳😳😳
اكليل:😂😂😂😂😂صراحة داك لغلض اه ديال العيالات مهبرة ومشحمة gولي كتاكلي الحلوة ااصباح والعشية😂😂😂
وردة:😂😂😂😉 صايمين أعباد الله صاايمييين النااس😂😂
فتيحة:😨😨😨اويلي اش تتgولي وا عودي أتا وزني هضرتك ونتي هي تتفرتقي فالهضرة كي الرابوز
توبة:ههههه اوا هي جاوبتك
وردة:ياله نوضي ابنتي ديري هادشي
توبة:واش انا غسلاتهم ليا هي هااا ملي بلغت
وردة:اوا نتي اه لبنت لولة مكانش شي حد وغسلاتهم ليك اميرة
توبة:😒😒😒
ناضت لعندهم وتحنات وقالت:تلات بيك لياام أ توبة وليتي تغسلي للخانزات رجليهم وبالحليب من الفوق
اكليل:حكي بين صبااع لمك حكي خههه
توبة:(تتورك عليها)واش مgرش فيك الصيام مشحفتي ماسخفتي 
اكليل:بشوي واش صباعك هادوك ولا لقاات تفوو..
غسلات ليها رجليها بالحليب تال ركابيها ويديها تال المرفق وقالت:اوا خصنا هي تحتها تاهو وااه😂😂 تاهو بيزراق😂😂😂
اكليل:(ضربات يديها مع يد توبة)😂😂😂😂ويلي والله مكرهتها
فتيحة:😉😂😂😂باقي موصلناش لدوك الماصل هههه
وردة:😂😂😂
دخلات زهرة مستغربة لقاتهم حاطين رجليها فالحليب وجات جلسات تاهي وقالت:اش كديرو؟؟
وردة:(جاوباتها على نيتها)كنغسلو لاكليل رجليها باش ميكحالوش
زهرة:(حيدات بلغتها)تانا غسلوهم ليااا
توبة: 😂😂😂صفااات هههه تناكت والله
اكليل:اه أ ميمة اه هي حيت بلغت فهمتي
زهرة:علاه نتي مزوجة بالعساس وعاد بلغتي؟،فشكل
وردة:خالتي ماشي ليك هادشي سسري جلسي اه قرب اوذن
زهرة:اشناهو؟؟
وردة:المغرب..ياكما كليتي؟؟
زهرة:ويلي لا لا مكليتش ههه ويلي حشومة
ضخكو وجمعو الروينة وتجمعو على طبلة عاد نزل محمد بالقميص فالكحل جاه مع فورمتو لي خدم عليها فالاواخر وااعرة وباين ياله مدوش..بتاسم وقال:الغزالات
اكليل:علاش مجيتيش ابابا تشوف فاش غسلات ليا توبة رجلي بالحليب😂😂😂
محمد:هههه وايلي ههه
الله اكبر الله اكبر
توبة:اللهم لك صمت وعلى رزقك أفطرت..بسم الله
هزات كاس تالعصير سكحااتو دقا وحدا باقي كاع مكمل الاذاان خلاتهم كاملين حالين فمهم

توبة:(تكات لور)احححح الحمد لله(شافت فيهم لقاتهم كلهم كيشوفو فيها)مالكم ألخوت تتبلقهم فيا ياك وذن
محمد:(ضحك)ههههه ياربي سلامة كانو حابسينك ههه
توية:اححح راه العطش طاقتي كلها مشاتت
محمد:كسرو صيامكم اه سكت
وفعلا هزو تمرة وكاس تالما وكسرو صيامهم وكلشي قال الدعاء..تقادات توبة فالجلسة وباست اكليل فحنكها وقالت:ur fist day hhh
اكليل:(عنقاتها)هههه مغسي أخدامتي😂😂😂
توبة:يحرق والديك هههه ففف تزوييت
محمد:(وقف كيشرب عصير)بسيف ونتي سكحتي لما دغيا انا مشيت للجامع
خرج وخلاهم كيفطرو ويتناوبو على الصلاة..دخل محمد وجلسو تجمعو على لفطور كيضحكو وبتعاودو وعاد عاودات ليهم توبة كي دوزات وبدات تتشرح لمها وتناقش معاها كيدارت لتمارين لي تحطو ليها ووردة باش متطيحش ليها لموراال كتقول ليها مزيااان..فطرو وعمرو الكريشا عاد تفرقو ناضت فتيحة للجامع ومنوراها غدوز لعند مراد تدوز عندز شي يامات ووردة ومحمد ونعمة وزهرة واكليل وتوبة مشاو للجامع اصليو التراويح..طلعات توضات تاني ولبسات عباية كحلة عريضة خليجية وفوقها شاال ودارت تقيشرلت لرجليها وكذلك اكليل ياله غيتخرج وهو يصوني تيلي ليها لقاتو صمد..رحعات لبيتها وجاوبات وقالت:الو
صمد:بصحة فطورك
توبة:الله يعطيك صحا ههه صافا
صمد:عاد وليت بخير..توحشتك(بحب)
توبة:هههه صافي طلق لله سراحك وذن المغرب😂😂
صمد:راه وقرتك النهار كامل ههه كيدوزتي مزياان
توبة:ياك gلتها ليك gبيل فالواتس
صمد:اوا بيت نسمعها من فمك مرا خرا ههه غدا الفلسفة يااك ياكما محتاجا شي حاجة
توبة:لا لا ناضياا الحمد لله كلشي هو هذااك حافضا كلشي وموجدا منهجية ديالي قاديتها بوحدي وصصحها ليا الاستاذ لي جاب ليا بابا
صمد:اوا مزياان..مكرهتش نشوفك؟؟
توبة:دابا ميمكنش راك عاارف مورا الفطور كنمشسو للتراويح
صمد:نتلاقاو مورا التراويح
توبة:وبابا؟؟خلي تايفوت ناسيونال وراه غنمشي عند نبيلة نفطر عندها شي نهار ونتلاقاو 
صمد:(هضر معاجبو حال)واتوبة واش نبقاو ديما هاكااا..غفف واخا واخا صافي ماشي مشكل نصبر شي سيمانة خرا ولاكن هي ترجعي من تراويح نهضرو ابيل فيديوو
توبة:(سمعات فتيحة تتعيط)ففف واخا اجدة هاني جايا..صمد صافي نرجعو ونهضرو ونتا مغاديش للتراويح؟؟
صمد:غنصلي لعشا ونرجع
توبة:الله يقبل باي
قطعات معاه وحطات تيلي ونزلات للتحت لقانهم كيتسناو ..توجهو كاملين للجامع وردة شادا فمحمد ولخرين تابعينهم..دخلو لاجامع صلاو التراويح وسالاو وخرجو تاني فحالهم كيضحكو..دخلو للرياض جلسو قساارين تال 11 تعشاو وكلها تسرسب لبيتو..طلعات توبة لبيتها غسلات سنانها عاد طلقات كونكيسيون ولقات بوااف تالايزابيل من صمد فالواتس..فاابلاصة عيطات ليه ومشات سدات بيتها دارت الكيت وهو يجاوبها..بان ليها باريكو نص كم وقالت:بب
صمد:(بفرحة)توحشتك ههه على سلامة
توبة:ياله دخلنا ههه 
ضمد:الله يقبل ههه اوا صافا؟
توبة:بخير ونتا؟؟
صمد:بخير..هضرت مع الواليدة عليك وبغاتك تجي تفطري معانا شي نهار
توبة:(حشمات)حلف ههه هي لي gالتها ليك
صمد:اه ههه غتجي؟؟
توبة:دابا نشوف ههه سلم عليها(تزنكات)
صمد:ومالكي حشمتي ههه
توبة:ههه جاتني فشكل وصاافي ههه
كملو حديثهم على منوال اخر تاجاها نعااي وودعاتو ونعساات..
دوزات اليومين لخرا تالامتحان بحال نهار لول كتدوز وتجي عيانة تدوش وتنعس..نهار لخر جات دوشات ونعسااات ..دوزات داك نهار عااادي جدا وهاكاك دوزات أغلب رمضان اليوم ليلة النص وفهاد الليلة بضبط كيديرو المراكشيين اما للتريد ولا الطنجية..توبة دوزات النهار هي فالنعاس تتفيق هي تصلي وترجع..تا تعاشات العشيةوصلات السبعة تالعشية نزلات توبة مبوقا بالنعاس..جلسات معاهم كيف ديما كيفطرو ويضحكو تا سالاو وناضو تاني لبسو حوايجهم باش امشيو لجامع..الا محمد لبس دجين وتيشورت شافتو نعمة وقالت:بابا مغاديش معانا؟؟
محمد:لا احبيبة غنمشي نجيب واحد الضيف ونجي
نعمة:ضيف زويين؟؟
محمد ضحك وتحنا باسها :اه ههه بحالك هاكا 
ضحكات ليه ومشا هو هز الاوطو وخلا عائلتو مشاو لجامع كامليين..فحين هو توجه للمطاار اجيب ضيف عندو عزيز..وصل للمطار ودخل وبقا كيتسنا تاتحطات الطيارة الخاصة بعائلة الكلاوي..خرج محمد الكلاوي لابس تيشورت مزير عليه ولحية كثيفة محددها ودجين مع سبرديلة ومتبعين ليه ليفاليز ديالو قشع الساجدي من بعيد وبتااسم فرحان..توجه ليه ببطء والابتسامة مفارقاتش محيااه ..تعانقو برجولية وكيربتو على ظهور بعضهم 
محمد:الساجدي ههه 
الساجدي:الكلاوي ههه مرحبا بيك
محمد:براك الله وفيك ههه
الساجدي:مشينا ههه
محمد:ياله ههه
الساجدي:زيد ويد مفراس حد واش جاي من غير وردة
محمد:ياك قلت ليك متقولها لحد غتبقا مسكينة توجد وتعياا
الساجدي:لا لا حخليتها دير والو باغي تتعب ليا حبيبتي
محمد:سبحان الله اش كدير للعنب لا نتا لا لواليد ههه
الساجدي:باقي مجربتي اوليدي الطيحة الصعيبة وبزااف فالمغربية أما المرااكشية خلاااص
محمد:هههههه ياك ههه
طلعو للاوطو وتوجهو للرياض جاو مع نهاية التراويح..وقفو قدام الرياض ياله غيحل لباب بانو ليهم العيالات جاايين من الجاامع..ومحمد اول واحد قشعها هي توبة لي جايا بالعباية ودايرا الشال على راسها طايح شوي لور وشعرها كيبان راضا ليه جنابو لور..والعوينات كيبريو تشوكا وبقا واقف حاضيها

الساجدي:هاهوما جااو
محمد مكاينش هنا لايح عينيه عليها مقادرش احيدهم كيف لا وهي كتبان كي شي اميرة خليجية بجمال اروبي..أما هي قشعاتو من الطيارة وغوبشات وقالت لوردة:هاد ميخي أش جاا يدير هنا؟؟
وردة:هههه جا يدوز رمضان هنا ههه
حلات فمها ممصدقااش انه غيدوز رمضان معاهم..وغوبشات ملي شافتهم مشاو كيتسالمو معاه ويرحبو بيه اما هي بقات هازا حاجبها وتتخنزر فيه مكمشا الصلايا عندها..وهو كل ماكيمد وجهو لشي حد كيهز عينو اشوف فيها ويلقاهاباغا طيرو..وصل ليها ومد يديه ميقات فيه وسلمات بيديها وهو يجرها سلم عليها بالوجه قبلتين تسمعو فوذنيها كي السم بالنسبو ليها غوبشات وقالت فوذنو:الله يقل حياك متعرف لا رمضان لا شعباان تفوو تريكة اليهود الحمر
محمد:اللع يبارك فيك ههه(جر حناكها بجوج)اش هذا هههه غلاضيتي؟؟
توبة:(غوبشات فيه)بسم الله عليا وا حضيوني 
محمد:ههه بسم الله عليك(طلع فيها ونزل كيتفحها تاسها)بسم الله عليك
توبة:(وتروها نضراتو)هاا اع اه امتا جيتي أوجه الوقيدة
محمد:عاد وصلت الغزالة خههه(باغي اعصبها)
توبة:واخا الحمار ههه
حل الساجدي لباب ودخلو للرياض وتوجهو للصالة تحت انظار محمد لي متبعها بعينيه جاتو تبدلات بزااف زادت غلاضت ووجها تنفخ بلا يديها لي رض ليهم البال بيضين ونقيين بارضا الضفار وغليوضيين وصغار..
طلعات لبيتها بدلات عليها ونزلات ممسوقاش جالسا وتخنزر فيه وخاشيا وجهها فالفون أما هو ملي جلس وهو حاميا فيه لبيضة جيهتها كيشوف فيها ويهضر ويعبر كل انش فوجهها بعينيه..تانطقات وردة:ولدي طلع لبيتك غتكون عيتي
محمد:واييه عياان والله باغي هي نعس
توبة:متنوض
محمد:هههه نوضي اختي وريني لبيت
توبة:بحالا عمرك جيتي عندنا أنوض اسيدي براكا من التريgيل والتمهزيل نوض اه باقي مكاملا تا عام باش جيتي اخر مرا راه لبيت تعرفو
الساحدي:ضرووس ان شاء الله نوضي دي سيد للبيت 
وقفات ميقات فيه وقالت:ياله تهز 
محمد وقف:ياله ههه
وردة:اوجد العشا نعيط ليد
محمد:واخا
مشات سابقاه تتهضر مع صمد واتس مشافتش فيه وهو تابعها تاطلعو وقربو اوصلو للبيت وهي تعثر فالدروج تاكانت غتجي على وجهها كون ملحقش وشدها من خصرهاوتحنا معاها..هي بالخلعة طاح تيلي وبقاو على وضع انه موراها ملاصق معاها ويدو محاوطا كرشها اما هي حطات يدها على يدو..تبورش منها ومن ريحتها الفطرية وأخطر كلمات العشق طاحت فبالو

لصدى تنفسك رونق خاص في أذني وفي قلبي..لم أتصور يوما أن وتيرة تنفس ستصبح الهاما لي كي أكتب قصيدة فيك لم تكتب لامرأة قبلك ولا لن تكتب لامرأة بعدك..لم أكن أدرك أن للحكايات الطفولية دورا في حكايتنا..
لامرأة اختصرت كل النساء..واستطاعت التربع على عرشي بدون منازع اكتب لك حكاية جعلت مني مراهقا
##حكايتنا
كانت مصدومة ومزاكياش ليها لوقفا هو لي مكاليها باش مطيحش..حاط يديه على كرشها ونسا راسو حط نيفو فشعرها وساط بفموو على فروة شعرها شيء لي خلاها تبورش ..هزات عينيها وشافت فاص ليها ممثيقاش انه قريب ليها كتحس بكمية الرجولة جنبو وتاهو تعمد أنه اخليها تحس هاكاك قصدا واخا معرفش لاش..
فحين توبة هضرات متوترة:محمد..
محمد:ممم مالكي؟؟
توبة:صافي هي طلق اه موقع والو
محمد:(مساخش)عنداك طيحي..بقيتي مقابلا التيليفون تا كنتي غطيحي
طلق منها وحيد يديه ومع كان فدرجة وهي فدرجة لي تابعاها ضارت عندو وجا وجهها فوجهو وعينيها فعينيه..رمقها بنظرة ساحرة قدرات أنها توقف الرمش متبقاش تفافا وقالت:تيليفوني أ محمد
محمد:ااصمت
توبة:(دوزات يديها قدام عينيه)وا محمد(ببراءة)ياكما عجبتك ههه
محمد:(بلا وعي)اه ههه
توبة:ههه حلف
محمد:(باقي مرفوع معاها وعينيه كيضورو من عين لعين فيها)والله ههه
توبة:(ضرباتو لكتفو)هههه اوا فيق تبوول هههه شررر شربنا بولك ههه
محمد فاق من القلبة وحشم من الموقف فاش تحط..بتاسم تا تغمضو عينيه وقال:نتي زعما ههه
توبة:طيحتي ليا تيليفوني 
محمد:(خرج عينيه)هاا الله يسمح ليك كتكذبي فرمضان 
توبة:(تحنات بغات تهز تيليفونها)الله يسمح ليك نتا نيت..واعلاه ميخدمش والله تنشوهك
محمد:ههه ياربي ميخدمش باش نشوف هاد الشوهة كي غتكون
توبة:(دفعاتو من صدرو )سيؤ الله يلكيها ليك زرقا ومافيها ملك هوووو اجي
دفعاتو ومع مكانش واقف مزيان كان غيرجع لور ويطيح من دروج شهقات وجراتو من تيشورت عندها وتاهي مكانتش واقفا مقادا رجعات بلور تا طاحت وعثراتو معاها..جا راسها على الحافة تدرجة خراا وهو طاح عليها وبلا ميقصد طاح مجهد وضربها براسو جات دقا ديركت فنيفها
محمد:ااااه
توية:(تقسحات)اهئ اهئ اهئ اي اهئ
محمد:(شاف نيفها سال دم)توبة..توبة نيفك فيه الدم
توبة:(بدات كتبكي)اهئ اهئ اهئ راااسي اهر اهر
وقف بزربة وشد فيديها منوضها ونيفها فيه دم وهي مع بوحاطية الدموع دغيا نزلو ليها وبدات تتبكي حيت طاحت على راسها وعاد نيفها:اهئ اهئ اهى تفووو على حمار تفووو اي منااخري اهئ
محمد:اجي معايا اجي نغسلو وجهك
توبة:(زادت فوتيرة البكا)😭😭😭درتيها بلعاني اهئ اهئ انا كنت بيت نشدك مطيحش ونتا طيح علي وضربتيني اهئ اهئ
محمد"لا لا والله ماقصدتها(هز يدو مسح ليها الدم)صافي أجي معايا اه رعفتي
توبة:طلق مني اهئ اهئ ماماااا
محمد:(جرها بزز)اجي بلا متعكسي انا نحبس ليك دم
جرها من بدها وهي موراه يد شادا بيها راسها من لور وتتبكي والدموع تجلخو مع الدم ..دايها بحال شي درية صغيرة ..دخلها لبيت معرف كاع ديالمن وديىكت للحمام وهي باقي كتهرنن بحال بنت ثلث سنين..وقفها قدامو وبدا كيفزك فوطة بيضة ويمسح ليها الدم متأسف عليها ودموعها حرقوه لانو أعدى عندو هو مرا تبكي..
محمد:صافي صافي شششش صافي هاهو مسحتو صاافي
توبة:هنهنهنه اهى اهئ مناخري خرجتي عليهم اهئ اهئ هرستيهم فاش كنا صغار ودابا😭😭😭واش محلف علي اهئ اهئ
محمد:(كيمسح نيفها بحنان )والله مقصدتها معرفتش اصلا كي وقع ليا تاطحت عليك وهي بصدفة جا راسي فوق نيفك
توبة:(كتهرنن)هنهنه لا والله تاقصدتيها مالك كتكذب ضربتيني بالمعقووول😭😭
محمد:(بغا يسايس معاها)والله مضربتك واش غنبغي نأدييك
مسح ليها نيفها مزيان وطلق الما وبدا كيفزك يدو ويغسل ليها وجهها بحنان وهي تتنقص من تهرنين وتهز فكتافها..بتاسم لمنظرها الطفولي وتفكر فاش كانت صغيرة وضربها طيحها على الخصة وبدات كتبكي تاداوها للسبيطار وهو بقا واقف كيمشي ويجي بقا فيه الحال..تاجابوها وهي شافها مشا كيتعلق فباها بغا يبوسها
فلاش باك
محمد:(واقف لمحمد عند رجليه)عمو عمو انا نبووسها والله مقصدت
محمد:بلاتي اولدي نحطها ففراشها وبوسها
محمد:لا لا دااابا 
فؤاد:(بغضب)محمد غبر من قدامي قبل مندير فيك يدي(بغا يمشي ليه)
محمد:(حبسو)الا واش حمق راه دراري صغار هادو هاكا دايرين..براكا راك صرفقتيه قبيل
فؤاد:باش انقص من الضسارة والخفة😠😠المرا جايا اهرسها هي
محمد:(بصوت طفولي)عفااك أعمو نبووسها وصافي
داها باها لبيتها ومحمد ااصغير تابعها مخافش من باه باقي..حطوها وهي عبنيها قربو اتغمضو..قرب منها وباسها فيديها والمو منظرها مغطية نيفها كولو ودموع باقي على حنكها مسحهم بحنان وقال:سمحي ليااا..نوضي ضربيني وقبسيني 
توبة:عنعنع(حلات عينيها)حمااار
ضحك باها وقال:شتي هادو الى كبرو والله تايشعلو العواافي هههه
توبة:سير فحالك خااايب نتا
محمد:لا لا مخايبش والله مبغيت ضربك
توبة:بابا قوليه امشي فحالو متنحملوووش
وتتمسكن فعويناتها..حنا راسو وخرج حزيين

#عودة الى الواقع
يتبع..


التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.