جحيم التوبة الجزء الثاني

من تأليف Wahiba yamo
2018

محتوى القصة

رواية جحيم التوبة بقلم وهيبة يامو

الام : شكرا رضوان لهلا يخطك
خرجات الام من تما وهي دنيا كدور بها مبغاش تصدق بنتها لمتفوقة كفاش تراجعات لهاذ درجة كفاش ؟؟
خرجات من عندو كتدور تقلب عليها فصفوف التلاميذ تلمحاتها واقفا مع مريم وهدى طلعاتهم وهبطاتهم بكل احتقار خنزرات فبنتها تخنزيرة قاصحة خلاتهم وتبعات امها لسيارة
طول طريق الام ساكتة مسيطرة عل اعصابها توصلو للدار غير وقفات لوطو نوسيماء طلعات تجري لليتها باش تهرب من نظرات امها ليها
غير دخلات نوسيماء لغرفتها تبعاتها مها تجري واعينها فها شرر من الغضب
الام : انت علاش كتغيبي دوي ابنت لحرام درتني ضحكة
انا : ( بكل برود ) شكون كدب عليك عمرني مغيبت
الام : ( صرفاقتها ) ابنت كلب انا لولداك ماشي انت مني تدوي مع امك دوي. باحتر ام سمعت لالياتك را ناجحات وانت غدا تسقطي غادي تشوهني مع صحباتي
انا: هاذشي لتهمك غير صحاباتك او ا قولي لهم سقطت وتهناي انا مبغتش نقرا سمعت
الام : دبا اما غادي تقو لي. لي فين كنت كتمشي وشكون هاذوك خا نزات لواقفا معاهم
انا : صحاباتي اماما
الام : صخاباتك هذوك يتصحابو معاهم الناس باينين خارجين للطريق علاش ابنتي ديري لينا هكا اش خاصك واكلا شاربا لابسا كتقراي في احسن المدارس
انا( كتشوف فيها وجاتني هستيريا ديال الضحك )
للبسا وشاربا مضحكيش عل ر اسك اماما انت حابساني هنا كناكل بامرك ولبس بامرك ممنو ع نخرج. ممنوع نتصاحب مع لبنات ممنوع علي لهوا تخنقت من خبسكم واوامركم عيت بغيت نعيش بحال لبنات
الام : خايفين عليك ابنتي من لبنات ليخرحو عليك انت معارفاووالو ومعارفاش مصلحتك فين حنا لنعرفو مصلحتك دبا غير قولي لي مالك واش عندك شي مشكل انا : معندي والو بغيت حريتي بغتكم تعطوني تساع وتخلوني نعيش حياتي كيف بفيت
الام : دصرناك ابنتي ومن ليوم ممنوع لخروج لا سفر لا ويفي لا يحزنون غادي نورك لحرية ديال صح وكفاش تعصاي امري وتطيحي من قيمتي وكفاش تشوهني مع لعائلة لبنت لي كلشي تدوي عل قرايتها سقطات ناري فين ندير وحهي من الناس الله يعطك مصيبة وتيجي باك وهدر ة اخرى دبا بدلي وخرجي لكوزينة
انا : عفاك اماما الا ويفي
للام : ( دفعاتها لسرير ) حيدي من طر يقي الخانزة كان نهار كحل لولدتك
خلاتها كتبكي وخرجات ردخات علها لباب

خلات نوسيماء كتبكي معرفاش علاش واش عل السقوط لغادي تسقط ولا عل احلامها لضيعاتها ولا عل معصيتها ولا غرقها فبحر الذنوب ولا على. عالم النت لغادي تحر م منو
غرقات فدموع تزعزعتها امها تخرج للصالون
خرجات لقات باها جا مكرهتش تمشي تجري عندو لكن نظراتو وقفوها فالبلاصة
الاب: واش بصح داكشي لسمعت
انا :( الصمت )
الام : بصح بسيف كون كنت حاضها كون رجعات لصوابها
الاب : وانت الام الفاضلة اش كديري مقابلا غير. خروج والسفر ومكملاها بدروس فالجامع ومخليا بنتك بوحدها
الام : دير سبة علي را غلط ديالك
الاب : اجي انت جلسي هنا
انا :( مشيت جلست خداه )
الاب : قولي لي شنو سبب لخلاك تراجعي فقرايتك
انا :( معرفت منقول ) معرفتش
الاب : كفاش معرفتيش شوفي غادي تقولي لينا كلشي والل غادي نتصرف تصرف ثاني معاك واش بنتي انا تسقط
انا :( بلعت ريقي ) ورا مبقتش كنقدر ركز ومبقاتش عندي لكانة
الاب : واش هذا سبب صفيى اري صمطة انا غادي نخلها تعترف بطريقتي
انا : لا ابابا عفاك غغدي نقول
الاب : يلل هانا كنسمع
انا : ( قلبي ترجف من لخوف كنحس براسي فمخكمة)
تصاحبت مع شي بنات فلمدرسة وكنخرج ندو ر معاهم وكنمنك وفليل كنبقا مجمعا معاهم كنبغي نهز كتو بتي لكن لكانة ديال تركيز مكايناش
الاب : اوا هاذ لبنات تكمو ياك
انا : اه
الام : ( شدات راصها كانت غادي طيح لكن شدات فواحد رخامة تما +
الاب : وانت كتكمي معاهم
انا : بعد نوبات
الاب :( علامات لغضب باينا عليه معارف ميدير واش هاذي بنتو مستخيل )
سيري لبتك
انا :( حدرت راسي ومشيت ...)
الام : ياربي فين كان مخبي لنا هاذشي
الاب: لغلطى غلطتك انت لعايشة معاه وكظلي معاها فالدار ر محستي.بوالو كفاش تخلها ضيع
الام : وانت شنو دور ك عوض متعطي نصائح عاوني عل لبنت وجلس معاها دبا خاصنا نفكر و
اش نديرو لها
الاب: غادي تعاود لعام وغادي تنجح وغادي نخضوهاونبدلو لمدرسة
الام : لا خاصها تزوج هذا هو لحل منرجعش تثق فها والا غلطات مر ة اخرى. وتمادات منغامرش خاصها تز وج و راجلها يقابلها
الاب : را مزال صغيرة عل زواج و اش انت حمقة و نقولو وافقت فين غادي لقاو. هاذ راجل
الام : متنساش اني تزوجت قدها وبالنسبة لزو اج انا نتكلف و نزوجها لشخص واعي كون هاني
الاب : ديري سلكك انا راجع لخدمة
الام : وصلني معاك عند صحبتي هي لغادي تقلب لي عل راجل لبنتي

وصلات الام عند صحابتها بعدما دقات حلات لها لخادمة
انا : كاينة لالاك
لخادمة : اه را فجردة مع واحد مدام لوزاني
انا : جيبي لي كاس لما باررد لخادمة وخا امدام
مشات مدام صفية للجردة لكبيرة وزارعين فيه مختلف انواع الزهور الملونة
لقات صديقتها لسمتها خديجة ربت بيت وزوجة طبيب معروف صديق راجلها هي امراة فالعقد الخمسين محجبة مهلية فلباسها محتشم مزال علامات لجمال ظاهرا عل محباها تقولو اذا مشا زين تبقاو حر وف ومعاها زوجة لوزاني لغنية عن التعريف زوحة رجل الاعمال المعروف كمال لوزاني صاحب اشهر الشركات فالعالم العر بي وام البطل المصارع ناصر لوزاني
شكلها عصري مهليى فراسها بزاف شعرها قصير كحل طاغيين عليه شي خصلات ديال شيب
قفات مدام صفية علهم وهي كتنهج
خديجة : صفية جلسي
انا : سخفت اوووف
جات لخادمة جابت ليها كاس ديال لما جغماتو كامل
مدام صفية لعمر 40عام مزال شابة تزوجات باب نوسيماء زواج تقليدي نتج عنه نوسيماء وبعد سنة من الزواج اكتشف الزوج والزوجة انهم ممتفاهمنش بتاتا وبداو المشاكل الرجل هرب الى لخدمة وعمليات والنجاح المهني والام هربات الى الصديقات والجمعيات النسائيى والضحية هي نوسيماء
صفية.سمحولي عل هاذ الدخلة
خديجة : خخخخ عادي نعرفك بمدام لوزاني زوجة عادل لوزاني صاحب اشهر شركات السياحة
صفية : تشرفنا امدام لوزاني
مدام لوزاني : نادني ليلى
خديجة : ليلى. نقدم ليك مدام عامري زوجة حسن لعامري من الاطباء ناجخين لعندنا فالمفرب
ليلى : تشرفت بيك
صفية : الشرف لي
خديجة : نوضو ندخلو للصالون نشربو كاس اتاي
صفية : وخا مكر هتش كاس اتاي
خديجة : انت عندك اتاي هو شر اب
( دخلو لداخل الفيلا لعبارةة عن جو ج صالو نات كبار. تطلو عل بعضياتهم مجهزين باثاث عصري ومقرشين بلموبرا غالية اما زر ابي فهي من سجاد لبربر لغنية عن التعريف لكتقدر ب
ة. وسجاد البربر التقليدي اليدوي من أشهر منتجات قطاع الصناعات الحرفية الذي يقدر حجمه بمليارات الدولارات في المغرب. ويعتبر هذا النوع من السجاد لوحات فنية تنسج عليها حكايا وقصص شعبية من تاريخ المغرب
خد.يجة : صفية مالك مرفوعة
انا :( تنهدات ) اشنقوليك عارفاني مكنخبي عليك والو
خديجة : اه اش كاين شوشتتي
صفية : نو سيماء اختي غادي تحمقني خايفا عليه بزاف منجحاتش فلباك رضوان قالي عندها شي مشاكل مفهتش
خديجة : مانت متوفقة زعما كفاش تسقط
صفية : شي برهوشات تلفوها وهي صغير ة معارفا والو مزال مغمضة قررت انا وباها نزوجوها
خديجة : رجوع الله را لبنت مزال صغيرة
صفية : وداكشي علاش حنا مغاديش ندمو ليها وانا تزوجت قدها
( هاذشي كان عل مسامع ليلى لتهي كتقلب عل عروسة لولدها )
وبنتك شحال فعمرها
صفية : 19عام
خديجة : وفين غادي تقلبو عل هاذ راجل
ليلى : ماشي ضروري تقلب راجل كلين خاصكم غير توافقو
صفية وخديجة شافو فها بذهول
ليلى : صراحة تانا كنقلب عل امراة تكون صغيرة وبنت الناس لولدي صراحة جابني الله ليك وتلاقيت بيك سبحان الله لالقانا
صفية : سبحان الله ولدك شخال فعمرو. واش تدير فحياتو
ليلى : ولدي شاد شر كة باه وعندو 38/عام شارب عقلو وميخصها تخير معاه اش قلت وهاهي خديجة كتعرفنا وتعرف اصلنا
خديجة: اه بصح عشرة عمر يتحط عل لجرح يطيب
صفيى : مرحبا بيكم انا نشاور باها ونتصل بخديجة هي مرسول بيناتنا
ليلى : انشاء الله

عند نلصر
لجالس مع مريا فواحد لبار ومعاهم منير
منير : نخب لعزوبية اصاحبي
ناصر : ( هز. كاصو وضر ب فكيساتهم )
مريا : حبي بصحتك
ناصر : ( ابتسامة باردة )
مر اد : اوا اش درت لقتي لمدام ولا مزال
مريا : (،غيرة تملكاتها وحزن طغا عل احاسبسها كرهات نوسيماء قبل متشوفها )
اه لقتها ولا مزال
ناصر : وي لقتها اسبوع جاي غادي نمشي نخطب
مريا :( دموع حبساتهم فعينها )
مبروك احبي عقوبة لولاد
ناصر : ( كعما مصوق لا الاحاسيسها ولا مشاعرها )
انشاء الله
مريا :( مغاديش نخليك لها وخا تكون نهاية لعالم غادي تكو ن ملكي اناصر اما انت او لا اخد
مريا :( كتهمس فاذن نلصر )
حبيبة نكملو سهرة فالدار توحشتك بز اف كثر متصور
ناصر :( تبسم لها ) وخا مراد يلا نتشاوفو
مراد :( بابتسامة صفراء) وخا نتلاقاو
مريا مشات معنقاه وهي كترسم كفاش تخليه مرتبط بها وخا جسديا غير يبقا معاها وهاذشي لكدير كل مرة كتعلم حاجة جديدة وكتحاول تلبي غرائزو. وشهواتو بشتى الطرق وتخلي يحماق علها ونسات ان الرجل تبقا رجل ماشي حبوان نهار تبغي متبغيش لمراة لجسدها تبغيها لقلبها واخلاقها وقوتها و حنانها اما لجسد ففاني
✍✍✍✍✍✍
دخلات مدام صفية لمنز لها وهي مبتسمة وعلاش لا وهاذ لفرصة مكتعوضش كييف تقولو لفرصة الذهبية لكتجي مرة في العمر
ناصر حلم جميع لفتيات النجاح والمال والشهرة والنسب لشرف
اتصلات براجلها قولو برزطاتو بتلفون تاجا يجري عندها
حسن : اش كاين مالك مبرزطاني واش معندي شغل غير انت
صفية: جلس بعدا
حسن : ( هانا جلست ) يلا اش كاين
صفية : مشيت عند خديجة صحبتي ولقيت عندها مدام ليلى حرم عادل لوزاني عرفتيه صاحب شركات السياحة اوا كنت كنعاود عل بنتي وخايفة عليه ومكرهتش نزوجها وبالصدفة لقتها تاهي بغا تزوج ولدها وقالت لي علاش منتناسبوش قلت ليه نشاور. مول الدار اوا اش قلت
حسن :(مصدوم ) واش عرفت شكون هما را كثر منا لا ماديا ولا اجتماعيا واش بنتي غادي تعايش مع بيئة مختلفة علها
صفية : وليلى متواضعة وهذي فرصة لبنتنا مكتعوضش راجل بعقلو 38عام ماشي برهوش فهمتي غادي نتهناو علبها
نكدب عليك انا مرتاحة لهاذ عائلة وهاذ نسب لشرف
وغادي تعيش مزيان معاهم الاب : اوا دوي معا بعدا عاد عطهم جواب
صفية. : ندوي مع خديجة بعدا نعطها موافقتتا ونحددو موعد معاهم عاد ندوي معاها معندهاش اختيار لفرصة لكانت عندها ضيعاتها بادها ودبا تعطات ليها فرصة ثانية وحنا لغادي نغرفو مصلحتها ماشي هي

مدام صفية مثال الامهات الجاهلات رغم تعليمهم العالي الى. ان الجهل يبقا معشعش فدماغهم
عوض متحاولو يصلحو ماافسده الدهر تزيدو الخل عن الخميرة.
مفهمتش علاقة الزواج بالحفاظ عل لبنت حاولت نفكر لعلاقة لتربط بينهما موصلت لتنتيجة واضخة
فالحقيقة المرة كاينا نوسيمات فمجتمعنا ماشي ضروري يكونو مدمنات عادة. تقدر مدمنات خمر .مدمنات حشيش ..مدمنات دعار ة وبزاف ... الى جلست معاهم فطبلة وتحاو ر تي معاهم بكل حب تلقاهم مباغين والو غير شوية لحب والاهتمام بغاو الام لتسمعهم ماشي لتطبق سلطتها علهم مبغاوش قسو ة الاب ولا اخ ديري فعلي انت بنت ماشي ولد ممنوع لخروج ممنوع صحابات ممنوع ممنوع ونساو ان لممنوع مرغوب
فالحقيقة البيداغوجية ان سلوك لوالدين غادي نطبق بالعكس عل اباء كلما كانو الاباء قاسيين عليهم كلما الابناء غادي يتمادو اكثر ظنا منهم انهم تحمو انفسهم ولكن العكس هما تدمر وها
نوسيماء لمثال من بزاف امثلة لفتيات مراهقات لهربو من قسوة والدين وبخلهم العاطفي هربو واخترعو عالم خاص بهم بوحدهم ليس مهم اين واش فالعالم السفلي ولا لواقعي لمهم يهربو .
نوسبماء او نوسيمات
ضرور ي تكونو شفتو هاذ حالة فمجتمعنا اما ختك زميلتك فالفصل زميلتك فالدراسة بنت دربكم بنت خالك بنت عمك بنت جيرانكم الخ الخ
سؤال شكون لمسؤول عن هاذ الحالة لوصلو ليها بناتنا ؟؟؟؟؟؟
اكيد الاهل فالمرتبة. الاولا فعوض ميوجهوهم ويعطهم لقليل من الحرية لا تضغطو علهم اكثر زعما خايفين علهم لكن هما مغاديش يفسرو تصرفكم خوفا غادي فسروه تسلط .سيطرة
خاصكم تعرفو ان المراهقات طفلات كبيرات مزال مكبرو نفسيا ولا عقلياوهما مختلفين عل الكبار فالعقليات وحتا فالتفكير عوض منعطهم اوامر نفسرو ليهم بذكاء ونخلهم هما يختارو ونضربو عصفورين بحجر واحد .
نكونو ارسخنا لفكرة فدماغ بناتنا وفنفس الوقت حافظنا عليهم

بعد هاذ مشاكل كاملة لابد للجسم و للعقل ان يرتاخ من هاذه الضوضاء وهاذشي لدارات نوسيماء تكات فوق سريرها وكتشوف فالسقف حتا دخلات عجاجة ديال امها
صفية : نوضي عونني غادي نبداو نخملو هاذ اسبوع جاينا شي ناس يدوو فيك
نوسيماء:( مستغربة ) كفاش يدوو في
صفية : غادي نزو جك ابنتي لقبت ليك راجل مريش
نوسيماء:( مصدومة) ماما كتضحكي علي ياك
صفية :( بو جه مفهش تعابير نهائيا ) علاش واش زواج فيه الضحك مفلحتيش فالقرايا لما تزوجي وتولدي ولادك
انا : ماما مبغتش نتزو ج بغيت نقرا
صفية : راك كنت كاقراي وتبعت لخانزات وسقطت لما تزوجي وتهنني وتهني راسك
انا : ماما عفاك نوعدك لعام جاي نجح عفاك مبغتش نتزوج دبا
صفية : بغا غير نثيق بيك لمر. ة جايا الا ثقت فيك غادي توسخي سمعتنا نوضي تهزي
نوسيماء :،( كتبكي بمرار ة) عفاك اماما والله تندير عقلي ونسمع لكلام متلوحنيش عفاك
صفية :(،مسحي خنو نتك)،راجل لغغدي تزوجيه مريش خسن ليك من لقراية وغادي تز وجي بيه سمعت
انا : اهئ اهئ لا اماما ميمكنش ديري في هكا انا بنتك واش تلوحني لراجل كبر مني حرام عليك واش حنا خاصنا لفلوس
صفية : نوضي عونني نخملو وزواج غادي تزوجي باش تعرفي بحق زمان يلا تبعني
انا : اهئ اهئ الله ياربي اش هاذ لمكتاب ماشي هذشي لكنت كنتمنا كاع احلامي ضاعو مع الريح تبعت قلة عقلي لكن مستحيل نتزوج بشارف الموت ههذاك
غادي جي بابا وندوي معاه اكيد مغاديش يبغي لي هاذ زواج
بدلت حوايجي ومسحت دموعي ضروري خاصني نرفض هاذ ز واج لحقير وهاذ شارف لبغا يتزوج ببنت صغيرة قد بناتو تفوو عل مكابيت
خر جت للصالون لقيت ماما روناتو كامل بقيت نشوف فها وهي غدا طير بحالا انا تجار ة مربحة لها عمرها مفهماتني وحتا هاذ اللحظة لهي امراة قبل تكون ام مفهماتنيش معرفش معنى الامومة عند بعض النساء

بقيت كنشوف فها بحالاومكنعرفهاش اول مرة كلمح لقسوة فملامحها وفتعابير وجهها والاصعب فقلبها لقاسي لتهمو. غير نفسو وبريسجو ووضعو امام ال ناس ووضعو امام الناس
شافتني بغير اكثراث وتبسمات لي بحال انا مجرد اضحية مشاعري وو احاسيسي فلتذهب الى المزبلة
صفية : اجي لمطي معايا غادي تبقاي واقفا كالصنم
انا :( فقت من غيبوبتي ومشيت عندها نعونها درنا طلامط جداد وستائر جداد خرجنا من صالون مشنا للكوزينة وجدنا ولا قولو وجدات حيث لخطاب جايين عندها مجاينش عندي )
صفية : مسولتتيش شكون هاذ لعريس وشحال عمرو
انا : باش غادي نفع مستواه ولا سنو ياك مؤبد مؤبد
صفية؛( خنزرات فها ) ناصر را لاباس علها تعاودو عليه كله خير وعمرو 39عام
انا : ( بخيبة امل ) ماما قدك
واش جايبا لي بابا ولا شنو واش انت ام بغا تلوحني
صفية ؛( صرفاقتها) انا ام بزز منك انت لماشي بنت ساقطة وكتدوي فاش نفعتنا غير فلمصايب تصاحبتي مع لخانزات وجلستو عل شراب ولكميان وعلام الله اشنو كون كنا كنهمو ك كون قرتي بالليل والنهار حتا توصلي فين بغنا وتحمري وجهنا ودبا سيري لبتك تيجي باك انا ؛( خلتها ومشيت والدموع فعيني )
توقعت اي خاجة منها الا انها ترمني هاذ الرمية راجل كبر مني فالعقل وفالبنية الجسدية
اه ياربي اش نتوقع اكثر من ناس ولدوني ومحنوش في كون غير كان عندي النت كون دويت مع صحاباتي كون عطاوني حل لكن قطعات علي كلشي مكرهوش كون قطعو علي تتفس
بقيت جالسا فبيتي نبكي ونفكر. فشي خطة للخلاص من هاذ لمصيبة لتحطيت فيها يمكن كون قريت مكانوش يفكرو يزوجوني ويتهناو مني لهاذ درجة لبنت كتكون عبئ عل والديها

لهاذ الدرجة لبنت كتكون عبئ عل والديها لهاذ الدرجة
عمرني سمعت ولد تعاطى لمخدرات ولا سقط زوجوه هههه علاش ديما المراة مظلومة
للاسف فحنا فالقرن 21حيث الحداثة والتقدم والازدهار مزال لمراة مخداتش استقلالها الذاتي وحتا لمعنوي لمراة مزال منصفوهاش فمجتمعنا مزال منبودة. رغم الجمعيات النسوية وحقوق الانسان لتطالبو بالمساواة بين الرجل والمراة الا انه الحقيقة غير ذالك بتاتا
ان المراة فعصرنا ومجتمعنا الشرقي لازالت مقيدة . بالعادات والتقاليد مزالت مقيدة بظل رجل حتا لو كان حيط
ونسال لماذا الطلاق؟؟؟؟ لماذا دائما المراة الملامة الوحيدة والسؤال الي تحطم كبريائها وكينونتها كامراة هو
علاش مصبرتيش المراة خاصها تصبر
عمركم سمعتو علاش راجل مصبرش هههه اكيد لا الصبر لعيالات فخنا مجرد عبيد عندهم
فالمراة خاصها تصبر عل لخيانة عل تجريب عل الضرب عل لقسوة عل معاملة لعد.وزة لوقحة لها لكن راجل تبقا راجل معرفتش باش واش بعضوو الذكري تسما راجل فشتان بين رجل وذكر
ثم يرددون لماذا لفتيات يرجعنا مطلقات الى منازل ابائهم وهم فعمر عشرين ربيعا فالوقت لفهاذ العمر فالدول المتقدمة تقراو ويثقفو ويكونو راسهم وتطورو مهار اتهم وتكونو حياة بعيدة. عن عائلتهم بعكسنا حنا
فالوقت لبناتنا غادي نعطوهم حبنا واهتمامنا وعوض منلوحهم لشبح زواج المبكر. نعطهم يختارو ويحققو احلامهم لمرتبطة دائما بالتعليم وابثقافة ونحيدو لهم فكرة. زواج المبكر من عقولهم صدقوني فالطلاق غادي ق وسنتشأ جيل من الواعيات المثقفات لغادي لعبو دور كبير مجتمعنا والاهم غادي نتجو لينا جيل لايقهر لل علميا و لا نفسيا
صفية بعد مجهزات كلشي حلويات لبغات وصفطات عل شحاجة من سوق ر تبات منز ها استعدادا بقدوم الضيوف
جا راجلها استقبلتو بوجه بشوش وابتسامة زائفة هاذ جوج متتحاملوش لكن تجمعهم شيء مشترك هو بنتهم بغاو يدمروها ام متسلطة واب دو شخصية ضعيفة بغا غير يتهنا ويهرب من مرتو نكارة
حسن : سلام كاين شي خبار
صفية : اه غادي جو بعد الغد ورا دويت معا نوسبماء بقات تغبن لكن انت غادي تقصح معاها هدر ة سمعت
حسن : عيطي لها
صفية مشات تعيط لبنتها
لحابسا ر اسها فغرفتها كتبكي بمرارة

صفية : نوضي من تمثيل باك جا
انا :( شافت فمها بكل حزن
....ونلضت ظنا منها ان باها يقدر ينصفها )
خرجات عندهم لقاتهم تتعشاو مشات تجري عند باها عنقاتو
انا : اهئ اهئ بابا عفاك بغيت نبقا معاكم مبغتش نتزوج براجل قدك
حسن : جلسي ابنتي ومسحي خنونتك
انا :( جلست حداه وكلي اذان صاغية )
اوا علاش مبغتيش راجل مزيان وصمعتهم مزيانة وتعيشي بخير معاهم
صفاء: قولها را فرصة جات تال عندها وبغات تكبر عل اساس هي عبلة
حسن : ( خنزر فمرتو باش تسكت )
اوا جاوبي علاش مبغتيش
انا : مزال صغير ة وهو ماشي قدي واش نتزوج راجل قد با وزايدون بغيت نكمل قرايتي
حسن : قرايتك را سقطي فها علا كو ن كنت كتقراي وشدا الطريق كنا غادي نزوجوك
انا : اهئ اهئ والله منبقا نعاود ابابا والله تنقر ا مزيام متلو حنيش
خسن : مغاديش لوحك غادي تزوجي وعطنا كلمة للناس خنا ماشي. صغار
انا :( كنبكي وكنترجاه بعيني باش يحن في )عفاك ابابا متدرش في هكا رحموني اش درت كاع لهدشي انتوما لهملتوني وخنقتوني ودبا كتحاسبوني عوض متحاسبو راسكم حرام عليكم والله
الاب : ( دفعها تطاحت ) ياك ابنت لحرام حنا لقلنا ليك غيبي وكمي وتحشي انت لدر ت هذشي راسك اش بغا واكلا شاربا لابسا ناعسا كتقراي احين مدارس محمدتيش الله اخر كلمة هي غادي تزوجي بزز منك سمعتي دبا سيري لبتك
بقيت نشوف فهم ممصدقاش انهم والدي وانهم قاسين لهاذ حد عمرهم فهموني وعمرهم غادي فهموني
مشيت نجري والدمعة عل خدي وخا دموع نشفو لي من كثرة لهم
بقيت نبكي عل زهري ومكتابي واش تصخابوني مكنحسش واش انا كتلة من لجليد ولا شنو واش هاذشي لبغيت واش هذا حلمي
احلامي تبخرو مع ريخ تمنيت نكون صحفية مشهورة تمنيت نتزوج راجل يبغني ونبغيه ونعيش فسعادة متمنتش هاذ لحياة متمنتش نكون اسيرة لعادة متنمتش نفشل فحياتي متمنيش نتزوح رجل شارف اش هاذ لمكتاب تكتب علي افف
الحكمة اصدرت قرار باعدامي ولم ارا وجه محكمتي ولا حكامي

)ليْتَني لَمْ أَتَّخِذْ فُلانًا خَلِيلا}

تري كم من خليل سنندم على صحبته.

حين تُعرض صحيفة اعمالنا؟

لذا يجب ننتقي قائمة المقربين الينا

و ان نتجرد من كل خليل

يسحبنا باسم الحب نحو النار !
✍✍✍✍✍
كاي فتاة مغربية فيوم خطوبتها تنوضوها عل نبوري بلش تجهز راسها للناس
جات ماما تفيقني عل اساس نعست ولا شفتو وانا عقلي تدي وتجيب وهي بحالا لقات فرصة تهنا مني وتعيش حياتها باستقلالية تاما
نضت من بلاصتي وانا جرا لخيبة معايا ساخطة عل الدنيا والناس والرحال وعل كل ماهو جميل
مشيت نفطر لقيت خالتي خديجة جالسا تفطر معاها وهو تدردشو وطالقين موسيقى او اسطو نات ديال الاعراس ومجهزين الطابلة ديال لفطور بلشهى الاطباق ها الكيك هالحلويات هالحرشة هالبتبان هالكرس ..
جلست فطاولة لفطور وانا مكشرة كنخشي فكر شي بلا نفس ولا مداق بحالا كناكل سم
صفية وخديجة تشوفو فها باستغراب
خديجة : بنتي مالك مخنزرة واش مبغتيش تزوحي
صفية _:( كتحلف عل بنتها بعينها ) لا اويلي را هاذي هي عادتها من زمان كتفيق خاسر فيه النعاس بحال درية صغيرة
اتا : ( ضحكة ضحكة صفرا ...)،اه اخالتي. هاذشي لكاين
خديجة : خلعتني نصحابك مبغتيش تزوجي مماينش شحاجة بالغصب ر احتك هي لولا
انا :( شفت فها وطولت شوفة كنشوف مرة فها مر ة فماما كنشوف الفر ق بيناتهم اشنو غادي طرا اذا ماما حسات بي شوية وهماتها راحتي وسعادتي وعو ض ما تحن في و تسمعني كتلوحني 😭😭😭
صفية : نوضي سيري لحمام ودوزي للصالون هاهي خديجة غدا معاك
اتا : وخا
( جهزت حوايج لحمام وبدلت لبس جلابتي ومشيت مع خالتي لحمام مختلفة عل ماما بزاف طيبة وحنينة و خا وضعها الاجتماعي وطبقتها راقية مكتحسسك بالفرق
وصلنا للحمام خدنا بلاصتنا وكتبغي تجبد معايا لموضوع لكن خفت من ماما مكرهتش كو ن كنت في شي دولة اوروبية كون دعتهم وتخلصت من هاذ لقيود لكتحد مني حريتي وتخلني نعيش مراهقتي كسائر لفتيات
خديجة : مالك ابنتي كنشوفك مقلقلة. حاسا انك مبغتيش تزوجي
انا ؛( د.موع خرجو لي ) غير. خايفة راجل كبر مني وغادي نخلي عائلتي ونعيش مع راجل غريب علي
خديجة : ضرورري ابنتي من هاذ احساس كونا دزنا من هاذ تجربة نلصر ولد مزيان وامو حنينة وطيبة واختو قدك غادي غير تولفي ويعحبك لحال
انا : انشاء الله اخالىتي

خرحنا من لحمام بعد موليت شوية زر عات في شي امل وخا ضئيل عل هاذ الزوج وعن هاذ العائلة المحهولة
مشنا لبصالون استقبلاتني للبنت لتما وهي كطلع وتهبط في غريبة تصرفات بعض لبشر
خديجة : بنتي بغتك تقادها وخا انا شوية ونرجع بغيتها تولي تشعل
لبنت : كوني هانية امدام .
انا : فين غدا اخالتي
خديجة : هانا راحعة بما كملت غادي تعطلي
انا :( حدرت راسي وخليت لبنت تشوف شغلها )
اول حاجة طلعت معاها لفوق دارات لي شي ماسكات لوجهي باش يتفتح وجهي لي كحال مع لغيار لطلع لي عل وحهي
وفنفس الوقت كدير لي بديكير ومنكير ملقاتش صعوبة حيث انا مهتمة بظفاري لكنعتتي بعم من الصغر ومع انا مكنشقاش ديما تبرو
كملنا هبطنا للتحت دارت لي صباغة كحلة لشعري ودارت لي سوشوار عادي وخا شعري ولا خفيف من كثرة اهمال ولمشاكل لتعرضت لها من بعد صيبات لي حجباني قداتهم ودارت لهم فورمة غليظة ودارت لي مكياج خفيف بينات لي عيني وركبات لي شفار وعكرات بي بعكر حمر. بارد
كملات وكنشوف راسي فلمرايا مكنحسش بتغيير انا هي انا يمكن خاصهم يقادوني من لداخل عاد يشوفو خار ج
جات خالتي شافتتي عحبتها وبقات تبارك وخلصات لبنت
دخلنا للدار تحد تبريكات امي الانانية خليتهم دخلت لبيتي وتقابلت مع لمرايا كنشوف هاذ لفتاة لبشعة واش هي انا ولا لا
انا لفتاة لعاصية. لارتكبات بزاف الدنوب ولمعاصي
انا نو سيماء المراهقة العاصية بغيت نتوب من دنوبي لكن كلشي تجرني لبخر دنوب ملقتش لمد لي طوق النجاة ملقتش لحمني من نفسي الامر ة بالسوء
انا اقر واعترف انا الملامة الوحيدة عل لوصلت ليه
صفاء: بنتي هاكي هاذ قفطان لبسيه يلا جابتو لي خياطة لخر مفسوق واستعدي مبقا وللو ويجو ضياف
انا :( خديتو من عندها بلا متشوف وجهها )
خرجات وانا تقابلت مع لمرايا وجبدت لقفطان لبيض فيه عقادي واجحار ملونين تلمعو ومضمة ديال ذهب
قيستو وبقيت كتشوف فراسي
هاذ نهار. اي بنت كتكون غادي طير من لفرحة لكن انا اسعد واحدة واصغر بنت غادي تزوج بففف
سمعت الدقان عرفت الناس جاو وقلبي بدا يرقص فداخلي هلعا وخوفا
صفية مشات تحل لباب لقات مدام ليلى لي لابسا جلابة مغربية عصرية مع قميصها و حداء عالي وشعرها شايب لديما معتنيا بيه هزا طبسيل ديال الحلويات وعلبة شكلاط وموسيو عادل لابس كوستيم فلكحل انيق ولحيتو البيضاء واستقبلهم بوجه بشوش .
اما بطلنا فجا بكوص مقاد لحيتو لكتبين رجولتو. وقسوتو وكاب عليه قرعة ريحة لكتخليك غير تشميها بحالا استنشقتي رائحة كوكايين كتغيبي عل الفور. لا عجب ان البنات دايبات فهواه
اما لبسو فهو عل الشكل التالي فلابس كوستيم انيق جدا وقميجة بيضاء ولكرفاكا لكتدل عل الاناقة والشياكة لبسا بينات جسدو الرياضية و عطاتو خضور. قوي وخا تعابير
وحهو لا تفسر كتخليك تخافي منو بسبب تعابيرو لباردة
خدبجة : اهلا بيكم شرفتم
ليلى : الشرف لينا سمحولو لينا غل هاذ االدخلة
صفيى : اويلي لش كتقولو دخلو للصالون
مشاو صالون جلسو وانظم ليهم حسن وزوج خديجة
اخمد : اهلا بسي عادل صفا عليك وغيرة هاذي مبقتيش كتجي ولا تسول
عادل : ههعع مع لخدمة وسفر ودبا غادي تشوفني ولدي غادي هز لمسؤولية
عادل : نلىصر كفاش تغادي تخلي مصارعة وتهتم بادارة الاعمال
ناصر :( بضحكة ساخر ة. ) لا اكيد لا لخدمة شيء وهوايتي. شيء. نقدر نوفق بيناتهم
حسن : مزيان معلكش مني قدرتي توفق بين هاذ جوج
ليلى : ولدي قاد ومقدود ههعع
زادو عيالات تضحكو
عادل : اوا ندوو فلموضوع لجنا فيه عاد تحلا للجلسة
حسن : اه مرحبا
عادل : اوا حنا جينا طالين بنتكم لمصون لولدنا وميخصها تخير نديروها فعيننا
صفية :( الضحكة غغدي تخرج من وجهها ) ومنلقاوش حسن منكم سمعنا عليكم كل خير
حسن : بصخ معندنا تاعتراض
ليلى : اوا عيطو عل لبنت نسمعو موافقتها وديك ساعة نريبو هاذ بناية تزغربت
خديجى : ههههه علم اليلى خاصك غير تزغرتي
صفية : ههعع خلها تزغرت ياك مراة ولدها
ناصر :( تشوف فيهم كعما مسوق )

اما عند نوسيماء لجالسا عل نار دقات قلبها كتسارع غدا جايا فلبيت... ركابيها مهازنهاش من كثرة التوثر
حتا دخلات عندها مدام خديجة مبتسمة
خديجة : يلا ابنتي خرجي. تشوفي لعريس و تعطي موافقتك
انا :( غير سمعت موافقتي قلبي بغا يوقف من كثرة دقاتو زيرت راسي ومثلت اني فرخانة وانا قلبي عالم بيه غير ربي )
خرجت من وراها ومغطية وجهي حتا وصلت لعندهم مقدر.تش نشوف فيهم خفت نتصدم ولقا راجل بعكاز وتكحكح وراصو شايب وماشي بعيد تكون معاه مرتو جايباه تخطب ليه نجرد نفكر فهاشي كنحس براسي غادي تفركع لي
شوية سمعت ضوت حنين تنادني مقدرتش نشوف خفت نستسلم للواقع المر
ليلى : اجي ابنتي جلسي حدايا
انا :( كان هاذ صوت بمثابة سلام تبعث فداخلي هزيت راسي بلا تفكير لقيت سيدة رلقية فلبسها وجهها زوين وملامحها طيبها شعرها بدا الشيب تطغا عل خصلات شعرها السوداء كتشوف في وكتضخك بقيت كنشوف فها لان ملامحها والطيبى طاغية عل وجهها خلاتتي نثيق فها بلا منفكر
ليلى. : اجي ابنتي جلسي. خدايا
انا :( مشيت نجلس حداها مشفت لا هكا ولا هكا )
ليلى : صافي من ليوم هاذي بنتي مبقاش ديالكم
صفية : خوديها من ليوم مبقاتش بنتنا و لات بنتكم
انا : ( اياه اماما بغا غير تفكي مني مصدقت )
عادل : بنتي نوسبماء عرفت علاش جينا اليوم
انا :( حادرة راسي. مقدرتش نهزو )
عادل : را جينا بغناك لولدي ناصر هزي عينك شوفيه وقولي واش موافقة ومتخافيش مغاديش نبزوو عليك
انا :( هزيت راسي بشوية بشوية حتا تقابلت معاه وكنشوف في هاذ شهدية لقدامي راجل طول فعرض لحيتو مقادة ملامحو رجوليين تشوف في بقسوة ومخرج عينيه في وانا مخرجا عيني فيه وكنتسائل زعما يكون هذا هو الزوج لل مستحيييل
ليلى : بنتتي اش قلت را جنا نخطبوك لولدي وواش مو افقة
انا :( كنشوف فيه بغير. تصديق وقلبي تحول من قلب حزين الى قلب سعيد ملقيت والو وخدرت راسي بزز خرجت واحد جوج كلمات )
انا : ( بكل خحل ) لبغتو
ليلى :( طلقات واحد تزغريتة فاعلة تاركة الكل تبارك وانا حادرة راسي من لحشمة حتا نطق )
ناصر : مبروك علنا اوا دبا ندوو فلمعقول
حسن : مرحبا اولدي تفضل
ناصر : اوا اعمي كيف كتشوف انا لخمد لله ميسور لحال مخاصني خير عندي دار ولخير. موجود مبغتش لعرس يتعطل مرتي بغتها تكون فدارها فاقرب فرصة
ليلى : لاواه اولدي لعرس خاصو لوقت بزاف
صفية : ماشي مشكل اش غادي نوجدو كاع تقدرو. فظرف شهر يكون كلشي كامل
خديحة : بصح شهرين كاع يكون كلشي موجود
نلصر : مزيان الاوطيل مضربو حسابو بغيت كلشي يكون فلمستوى
انا :حسن كون هاني مضرب حسبة علا شحال عندنا من بنت واحدة اكيد عرسها ماشي عرس عادي
خديجة : انشاء الله دبا نحطو لعشا باش يكون عيش وملح خلاوها لمصريبن
انا :(،كنشوف في ناصر بنص عبن وهو تدوي مع بابا وماما شحال عندي زهر ناري ويسيقو لخبار. مريم وهدى يموتو بسم ههعع و اخيرا غادي ندي راجل مكمول طول ووسامة ورحولة اححح اقلبي كنحس براسي غادي نسخف

بعد مدازات امسية ز وينة غادر ات عائلة عريس بعد. مضيفناهم احسن ضيافة
مشيت لبيتي حيدت علي داكشي لي لابسا وتكيت فوق سريري وانا كنفرنس
اخخخ شحال تحمق ممصدقاش انا نولي مر اة داك الراجل وفعلا راجل بحال ديال لقصص واو واخيرا نوسيماء غادي تفكي من عائلتك وهاذ لهم وتفرحي بحال لبنات
غمضت عيني اول مرة نغمضهم واول مرة نعس مبتسمة. واول مرة نبغي نتحدا نفسي ونقول وداعا يا عادة دبا جا راجل لي غادي يطفيني ونبرعو ونعيشو فالرمانسية هههع ولحلوة لحلال
اصبحنا واصبح الملك لله فقت الصباح عل صوت ماما كتفيقني حليت عيني بتثاقل
صفية : نوضي را عندنا شلا امور. غادي تجي خالتك تمشي تشري خاتم لخطوبة حيث راجلك مسافر
انا :(يلا فايقة مزال معقلي ناض غير كنشوف شفتيها كتحر ك معر فتش اش كتقول )
صفيى : شوفي اختاري شي حاجة غزالة وغالية عندك تمشي لجالوق فهمتي
انا : بلاتي ندوش بعدا ونفطر باش نفيق ونفهمك را مفهمت والو
صفية : اففف عل بنت يلا طلقنا انا نوجد للفطور
بالذمة هاذي ام هاذي خلتها مشات و دخلت ندوش وانا كنغني كملت شوسرت شعري ولبست تجين وقميجة طويلة ودرت كحل لعبني وخرجت لقتها موجدة لفطور
انا :( بلا مندوي معاها جلست نفطر ونخشي لكن هاذ لمرة كل قكعة كنحس بمداقها )
صفية : غدا تجي خالتك باش تمشو تشر و خاتم مرياج بغتك تعزلي خاتم غالي سمعت
انا : خاتم خاتم و انا تعجبني لبيض
صفية : والله يامك متشرري دهب لبيض تنزرق لحمك سمعت
شوية صونا تلفون كانت مدام ليلى وحنا نهبطو عندها لقناها فواحد لوطو ومعاها واحد لبنت قدي تقريبا
سلمنا علهم ور كبنا لور
صفيى : بنتك هاذي تبارك الله
ليلى : اه را تقريبا فسن نوسيماء سمتها وصال
وصال : متشرفين متشرفا بيك امراة خويا ههه
نوسيماء : هههه متمبرنيش قولي لي اختي
وصال : صافي حسن والله
شوية وصلنا واحد قبسارية ديال دهب باش نشري خاتم كل محل كندخلو نبقشش عل داك شي لبغيت ملقتش الصراحة بغيت خاتم بسيط ماشي مهم يكون غالي ولل رخيص مهم نكون مقتنعة. بيه وخا ماما كتحلف علي بعينها رغم دالك مبقتش كنتسوق كلامها ولا تدخل من ودن وتخرج من ودن
وبعد مدة ديال البحث ةاخيرا طحت عل خاتمي
وقعات عيني عليه وقعت فغرامه ههع شفتو عيني ولاو تبريو
انا : ارا نشوف هذا
الصائغ  :( مدو. لي ) الا بغتي غلظ منو را كاين
انا :( كنقيسو فايدي جا معايا تقولو دار عل قبلي )
وصال كيف جا
وصال : زوين والله دوقك بحالي
مريم : اه زوين راقي عجبني تشوفي واحد اخور
انا : لا هذا عجبني
خدبتو وخا ماما باينة مرضياش ههعع من بعد مشنا نتغداو فواحد ريسطو وودعناهم بعد مخديت رقم وصال ولفيس ديالها

عند ناصر لمعارفين والو عليه غير انو شخص غني مصارع قوي وسيم انيق ملامحو باردة اقرب الى. القسوة
جالس فلبير و. ديالو خدام عل شي اوراق كيف ديما لخدمة عندو هي لخدمة مفهاش اللعب
حتا دخل عندو كزنوفا منير صديق طفولتو واخوه وكاتم اسرارو
منير: سي عريس صفا مصدقتيش مشتي تخطب ومدتنيش
ناصر : هههع انت مسالي عندك معجبات والسهرات
منير. : نفضا ليك اوا كيف دازات لخطوبة
ناصر : مزيان من هنا شهر ونص لعر س وجد راسك
منير : ممصدقش ان ناصر صافي غادي تزوج بعد هاذ لمدة كاملة ومريا البنت لعشقاتك تقدر تخليها بهاذ سهولة وتزوج بنت صغيرة مفهمتش والله
ناصر : (،ناض من بيرو ديالو تقابل مع النافدة وداير فجيبو وصمت لبرهة )
دبا انت صاحبي ياك واش كتظن اني ةضحكت عل مريا
مراد: اكيد لا ولكن هي كتبغيك
ناصر : مراد انت طيب ومكتفهمش سم لعيالات هي عمر ها بغاتني بغات لفلوس ولجاه لهي ولغيرها عمرها قالت لا ديما ارا ارا وطبعا كتعطني وكتبرعني شتي كون عرفتها كتبغني لنفسي عمرني نتخلا علها ولكن دموعها اصاحبي دموع تماسيح
مر اد : ميمكنش ولبنت صغيرة اش غادي دير معاها
نلصر :( تبسم ) هاذيك مرتي حلالي بغتها مغمضة معارفا والو تكبر عل ادي مقدرتش نزعم عل اي بنت مكتعرفش نختار لاسف فما كنختار شي بنت كتكون طماعة لكن هاذي متاكد ماشي بحالهم وخا غادي لقا صعوبة معاها لكن نصبر
مراد : اه اذن مقتنع بها كيف دايرة وكيف غادي دير مع مريا غادي تبقا معاها
نلصر : تال عرس تشوفها عقوبة ليك
تال تما ويحن الله اوا شتك هاذ ايام هامل خدمتك غير كتدور. من بنت لبنت مالك واش شي بنت متلفاك
منير :( توثر ) لا غير تبان ليك يلا نمشي عندي عملية
ناصر : نتلاقاو بليل
جلس فوق كرسيه ودار رجل عل رجل وخدا تلفون وخدم النمرة
ناصر : الو نوسيماء صافا
نوسيماء: اه وانت
ناصر : الحمد لله قولي لي خاصك شحاجة
نوسبماء: لا الحمد لله خالتي ممخلياني محتاجة والو
نلصر : اوكي الا خاصك شحاجة قولها لي والا بغتي تمشي شي بلاصة علمني وخا
نوسيماء:(وبفرحة غادي تخرج من وجهها )
اه وخا
قطع معاها وجلس يفكر فنوسبماء الطفلة الصغير ة ماشي ساهل عليه يتز وج ببنت صغيرة لكن بغا بنت بلا تجارب بنت تكبر فحمايتو وحضنو بنت ياتمنها عل دارو ويخلف ولاد صالحين
مبغاش بنت مدوزة وعاوع مبغاش بنت ميكونش تايق فيها يغبر علها لقاها فمدغشقر بغا بنت اذا غاب عنه حفظته بغا فتاة صالحة ماشي بائعة هوى تسلمو جسدها من اجل بضعة جنيهات

هذا هو ناصر وتفكيرو للبحالو بحال اغلب الشباب الشرقيين معر فناش واش هما ملا مين و لا لبنات
حقيفة مرة واش كتسلمي راسك لصاحبك باش يخرجك ويكسيك ويعطيك لفلوس وحتا من اجل الحب اش غادي توقعي منو واش غادي شوف فيك عل اساس ا نت بنت صالحة للىزواج عل العكس غادي شوفك عل انك بنت هوى لا غير .

منير يامنير شكون هو منير
منير طبيب ناجح عمرو 38عام مطلق بسبب عدم التوافق الفكري ماشي الاحتماعي من زوجتو السابقة نرمين من وسط مرموق لكن تافهة فكريا لا يهمها سوى لبس والازياء وموضة والسهرات وزووجها وطاعتو اخر. همها.
من بعد هاذ المشاكل وهاذ خلافات مقدرش منير يكمل معاها خصوصا انهم مجابوش طفل فكان قرا الطلاق صائب ليعيش كل طرف بحرية بعيد عن الاخر
منير سمي بدجوان الفتيات او كزنوفا بسبب كاريزما لكتخلي لبنات بتبعوه بحال دبان
هو وسيم انيق كوميدي عزيز عليه الضحك والنشاط لكن قلبو ربي لعالم بيه
خر ج من عند صديقو هو طالع ليه دم ماشي من ناصر من نفسو. لان ناصر. حس بيه رغم انو تحاول متبينش تحاول يعيش كالحيوان ويلبي غرائز ظنا منو انو يقدر يطفي نار عشقو
ساق بسرعة سيارتو حتا وصل لمنزل حبيبتو .
اه كم هو غريب امرك ايها الحب دائما تتركنا نعشق ماليس لنا
وقف مقابل مع وصال الحب المحرم الحب المستحيل فرق السن الكبير غادي. حمقو مشاعرو طغات عليه حساتو بعجزو وانو فقد السيطرة عل قلبو من فتاة صغيرة خلاتو يعشقها هاذ لعشق كلو من غير متبادلو ولا هو تتسنا منها تبادلو مشاعرو مبغاش يخسرها ولا يخسر صديق راضي بعدابو عزائو يشوفها فرحانة مرتاحة نظرة منها كتطفي نارو. لو لعات منذ سنوات
نعم سنوات هو تشوف فيها كتكبر وحبها تكبر فقلبو وهو مضطر يكتم هاته لمشاعر
مقابل معاها تشوف فيها كفاش كتضحك وكفاش كتحرك مكرهش يمشي عندها يخطفها تكون ليه وعمر شحد ميحلم بنظرة منها سواه لكن الواقع مار احيانا
طول الشوفة فيها وانطلق بسيارتو الى المجهول
وصال : نوسيماء اصخبتي طلقنا يدينا السائق لواحد محل تباع تكاشط صداع والله
انا : نمشو بوخدنا
وصال : مالهم غادي خطفونا ههع تحر كي
ركبو لبنات فلوطو داهم السائق واحد لمحل تبيع تكاشط عصريين
دخلو عندو. هما حالين فامهم فجمالية تكاشط
وصال : هاذشي زين شوفي ديك لبيضا ناري واعرا اختي انا : ( درت شفت فها حمقاتتي عل شكل قفطان بيض فيع عقيدات غير من لفوق ومطروز بوريدات بلخضر ومجموع بمضمة رقيقى ولتحت جا بحال غوب حطيت عيني عليه بغيت ناكلو )
وصال : قيسيه تانا نشوف لي شخاجة
انا : اه وخا ( عطاه ليه بائع دخلت قيستو اما وصال تاهي طاحت عل واخد قفطان فلحمر مطر وز. بصفر ومعاه مضمة صفر اء هزاتو ودخلات قيساتو

نعطو نبدة عل و صال نوصفوها
هي وصال 17عام خدات هاذ عام بكالوريا بامتباز ودفعات كلية الطب لحلمها تكون طبيبة
شكلها ز وينة عاطيا عين كتبان كبر من سنها خصوصا فهاذ لعطلة دارات لحناك وبداو معالمها انثوية يبانو
خرجو بجوجات فدقة واحدة وتشوفو فبعضياتهم باعجاب
وصال : ناري جيتي تتيزة اصحبتي يشوفك ناصر يحوال
نوسيماء: كون شتي انت وتاك لخمر جتي كتحمقي
وصال : هههه صافي ناخدوهم
نوسيماء: اه عجبوني صافيت غير نزعمو
حيدنا تكاشط وتحاسبنا مع لبائع وخرجنا
انا : اوا فين نمشو
وصال : لصالون ازوينة نتقادو. مبقا والو لعرس خاصني نكون محط انظار لجمبع
انا : مممم هي كاين شحد عاجبك
وصال :( توثرات )،لا شكون انا مزال صغير ة وبريئة جدا
انا : ههههه نيت بغيت نصبغ شعري كر هت هاذ لون
وصال : بالعكس جا معاك الا صبغتيه مغاديش يعجبك ثقي بي
انا : تايقا فيك
دخلنا للصالون لقنا واخد لولد تما شكلو تضحك باينا عليه نثوة شافنا بقا يفرنس تقولو زايد فعرس
الولد : اهلا بحلوات اش حب لخاطر
وصال : وائل نقدم ليك مراة خويا نوسيماء نوسيماء،نقدم ليك وائل احسن مصفف شعر فالمغرب وائل : اهلين بيكم تفضلو اش حب لخاطر صباغة مكياج تقطيعة شعر
وصال : انا غير. تصفيف و نوسيماء،بغيت وجهها يبري وشعرها يبري
وائل : كوني هانية اجي معايا امدام
انا :( تبعتو حتا وصلنا واحد لغرفة فها واحد لمر اة تكون فاربعنات)
وائل : مدام شاهيناز بغتك تهتمي لي ببشرة هاذ لكليانة
شاهناز : ( هزات راسها وشافت في )
اوكي اجي معايا امدموزيل
تبعتها وجلست فواحد لكرسي عالي دارا لي مخدة ورا ظهري
شاهناز : مكديري لوحهك والو مالو ناشف
انا : مكندير ليه والو معرفتش مالو هكا
شاهناز : يمكن درت ليه شي بو درا ولا بوماذا موفقاتكش جاولي ديري اقنعة طبيعية را مزيانة
انا : اوكي ( دارت لي شي حاجة حيدات لي زغب لفي وجهي ودارات لي شي اقنعة معرفتش ديالاش وغسلات لي وجهي بشي مادة .
كملات طليت عل وجهي لقتو تشعل شكرتها ومشبت عند وصال للبنت كتصفف لها الشعر
اما انا فداك ولد تتسناني باش يقاد لي شعري
جلست فكرسي وخليتو يدير شغلو كيف بغا
بدا خدمتو بابتسامة وبدا يصفف لي شعري بكل حب وجدية .

كنحس براسي كاي انثى عادية من حقها تفرح تغوت تنقز بلا قيود تمنعني ولا تحد من حريتي
كنحس براسي انسانة عادية ماشي ناقصة. ولا في شي عاهة اليوم غادي ناخد حريتي وغادي نخر ج من لحبس لعايشة فيه واخيرا من بعد هاذ السنوات كاملة لعشت فيها فلحزن ولغم القدر عطاني هدية ورجع ل لفرحة والطمانينة الى قلبي
وهاانذا فرحانة غادي نطير من الفرحة خصوصا فهذا اليوم لي ماشي يوم عادي يوم غادي كو ن متورخ في سجل ذكرياتي ..
اليوم عرسي انا نوسيماء فتاة دو 17ربيعا غادي نتزوج برجل ليس ككل الرجال رجل عشقتو من النظرة الاولا وكيف لا اعشقه وانا شفت فيه كلشي الرجولة والاناقة والغنى فيه كاع لمواصفات لتبغها اي امراة سواء،ناضجة او لا
وكاي عروس مغربية لابد من ان تمر. بطقوس تقليدية قبل العرس
اولها الحمام المغربي
ياسادة. حيث تيجو اقارب العرو سة وصديقاتها وتمشو معاها للحمام وتدخلو بالزغاريت وصلى عل نبي ومنساوش طبعا لحناء للرمز الاصالة والمغربية ديالينا
دخلو لبنات بالغناء الشعبي
داها داها والله مخلاها ولعروسة وسطهم وردة متفتحة زادهها لخجل جمال عل جمال
جلسات عروستنا ومعاها لبنات عل الضحك والنشاط وهما تدهنو لحمهم بالماسكات والحناء والورد والمو اد الطبيعية .
كملات عر وستنا ولات كتشعل . اوا جا دور الصالون المغربي لغادي لعب دور فتزيبن عروستنا
دخلات نوسيماء ووصال وبنات خال نوسيماء وبنات عم وصال للصالون وبهحة العيد باينة عل محياهم
استقبلاتهم الكوافورة
بالتهليلات والتبريكات
ودات العر وسة. تقاد ليها مكياجها ومشطة لغادي دير فالعرس وبما ان الشعر هو تاج المراة وسر جمالها واكثر مايجدب الرجل لهذا. فنوسيماء اخدت موعد سايقا مع لكوافورة التي لها در اية كبير بالعناية بالشعر و تلوينه من غير ان يتقصف او يجف كانت هاذ كوافورة كاابلسم المنعش الذي اعطا لبشعر بريقه وار جع له حيويته اما بالنسبة للحلاوة فقد اخدت موعد مسبقا يسبق العرس بيومين دارات حلاوة للحمها كامل وبالاخص المناطق الحساسة لعللها العمدة ودار ات وشم صغير فتوتو ديالها هذا كان سر بينها وبين كوافورة طبعا .وبما ان امها ماشي معاها فخاصها دير لبغات بلا متفكر فالعواقب

جلسااتها لكوافورة فكرسي وبدات تخدم علها باش طلعها حورية ولان هاذ كوافورة خبيرة فالشعر ولا مكياج وحتا البشرة فصمعتها دايرة صيت تجو عندها غيى. الاغنياء ووشويشاهير
صففات ليها شعر ها الاسود الامع الاقرب الى الازرق ودارت ليها تسريحة جانبية منسدلة عل كتفها والشعر خلاتو مفروق مع ترك خصلات متدلية من الجوانب ووضع تاج في راسها تسمى هذه التسر يحة بالتاج الملفت الذي يزين الشعر مما يمنح العر وسة اطلالة ملكية
بعد مكملات تصفيف الشعر دازات للمكياج لخاصو يكون صارخ خاص وجهها يبان ومع ان وجهها ضعيف وكتبان صغيرة فوجهها فكان لابد للكوافور ة من لخدمة
اول شيء. لحجبان لهما العنصر. الاساسي لتلعب دور في ابراز جمال الانثى.
فقدات ليها حجبانها دارتهم غلاظ وزادت صبغاتهم ليهم باش يبانو منظر ثم دارات ليها كريم الاساس المناسب لبشرتها ودارتو اغمق بدرجة واحدة من لون بشرتها باش يخفي ليها لعيوب والبقع واحدة من لون بشرتك كي يخفي العيوب والبقع، قم من استخدمت البودرة الجافة لتثبيت كريم الأساس،
ثم جاء دور. لعيون لهي ملكة الجمال عند المر اة
دارات ليها كحل فر نسي لجبد.ليها عوبناتها الصغار وعطا لعيونها واحد سر واحد لجمال خاص
من يعد دار ت ليها خط سميك اعلى. لعين الى اسفلها مع ظلال خاصة بلعيون فتحات ليها وجهها الاسمر. وختمات جلسة لمكياج بعكر غوز.
وبهذه لجلسة تحولات عروستنا من مراهقة الى امراة راشدة فلمكياج كبرها قليلا وعطا و احد سر علها فدائما لبنت لمكتديرش مكياج بزاف كتطلع فيوم عرسها عل عكس لبنت لي د.يما ككتماكي
اما وصال فدارات مشطئة خفيفة مع شعرها قصير رطب وكحل ودارات مكياج خفيف ركزات غير عل عينها صغورين وتاها لمكياج كملو مكياجهم جا سائق يديهم باش يبدلو. و يستعدو للعرس
طلعات لعروسة و لبنات دايرين بها فرحانين يزغرتو ويغنو حتا وصلو للفيلا طلعو يجرو باش يستعدو
نوسيماء لبسات تكشيطة فصفر. ولبيج لقفطان فلبيج و تكشبطة. فصفر مذهبة ومشبكة مع عقادي كبار ومضمة. فلبيج افازي بينات لطاي ديالها
اما وصال فلبسات قفطان فلبيض افاز ي مطروز بروردات مع مضمةورقيقة
تقادو. لبنات ولاو. منتهى لجمال والاناقة ودخلو عليهم امهاتهم صفاء. وليلى
صفاء:( شافت بنتها نزلو دموعها بلا تفكير ام كتبقا ام ...)
بنتي اهئ اهئ
ليللى: هههع مخاصكش تبكي فهاذ نهار هاذ نهار زوين غادي خسر. ليك لمكياج
صفية ؛ ههههع بنتي كبرات وغادي دخل حياة جديدة مغاديش تبقا درية صغيرة غادي دخل عل مسؤولية
انا :( حابسا لبكية بزز مكرهتش رجع لحباتي وخا فرحانة لكن احلامي وطموحي تخليت علهم )
ليلى : هههه دبا تكبر وناصر را بعقلو غادي خلي بالو منها متخافيش علها بنتك هي بنتنا يلا البنات نمشو مبقا والو ويجي عريس ومعاه لعدور وخديجة غادي تجيب نكافة معاها
وصال : وخا حنا غادي وصلنا شيفور. نتلاقاو تما
صفية : وخا ياالله اليلى تابعانا شلا حوايج خاصنا نكونو حنا لو لين نستقبلو الناس
ليلى : اه عندك الحق نسنا راسنا

بعد بر هة وصلوو لبنات للحفلة غير وصلو جات صفية تجري دات بنتها لبيت لغادي تكتب فيه لعقد
وصلات لقات عريس و صل جالس جنب لعدول وسيم جداب وخا تعابير وجهو لقاسية ....ونظراتو ر جولية. ....لحية. خفيفة مقادة .....واحد تخنزيرة تخنزر كتفرض عليك تخافي من بلا مينطق ......واقفا مقابلا معاه و كنشوف وسامتو لطاغية عل وجهو بشكل عفو ي ...لابس كوستيم راقي بين عضلاتو و عاطاه واحد الرونق خاص

كنشوف فيه وانا كنتمعن فدو ك لعضلات لبارزين ولا ديك لوسامة لكتخليك كتحسي بالغرور انك تزوجتي باغنى رجل واوسم رحل عل الاطلاق
بقيت سرحانة فيه تنغزاتني ماما نمشي حدا راجلي حدرت راسي و مشيت جلست حداه وبداو. لمراسيم ديال زواج تم
لعدول خدا الاورا ق وبطاقة لهوية ليلا خرجات لي وبدا يسول واش حنا موافقين هل عندك شك اكيد موافقة.
غير سولني جاوبت اه بالزربة تقولو لعريس غادي هرب خلا لحضور يتبسم عل برائتي اما ناصر فكان ثابث مرزن جاوب بكل نضج عل غيري انا لمندفعة
سننا لعقد ووليت زوجة ناصر فالاوراق وفالسجلات المدنية يلا بغبت ندوي مع راجلي وهي تجي محطمة الاو قات السعيدة من غيرها امي جات داتني عند.نكافة استعدادا للعرس
تبعتها وانا مفقوصة منها
وصلت واحد لقاعة لقيت واحد السيدة لونها احمر غليظة كتسنا في وكتشوف في باستغراب
صفية : يلا السعدية. وجدي لبنت ومتنسايش تزغريت كنموت عل ز غاريتك
السعدية( وا حد الضحكة تخلع )،كو ني هانبة
اجي ابنتي خاصني نقادا ك را رقيقة باش تكشيطة. يلا تجيك
انا :( مفاهمة والو مشيت عندها حيدت تكشيطتي عطاتني واحد شور ط منفوخ لبسو و احد دي باردور. بسوتيمات غلاظ لبستهم ولبست تكشيطة. حمرا فوقهم ديال موبرا مخيطة بالصفر ولفوق ديالها مشبك مع معظمة غليظة فصفر زير ات لي لمضمة حتا جا لقفطان هو هذاك و معا لباس داخلي لي لبست بان لي صدري و مؤخرتي وبنت انثى بمعنى لكلمة بففف كم ابغض النحافة
كملات لي خرجاتني مع جوج نكافتت معاها تزغروو حتا صمكوني
خرجت تحت انظار الحضور لكل كفاش تشوف في
بين لفر حان ولغيران ولحاسد

خر جت عندهم وقلبي تزدح بالفرحة وكنتمشا بشوية من كثرة الضغط لي علي ومن علو لحذاء لي لابسا و نظرات الاهل زادات من توثري خصوصا نكافة لكتزغرت. وتصفق ودوك لمجنونات لمعاها غادي صطوني كل ساعة يقولو ضحكي ابتسمي سيري بشوية شوفي فلمعازيم وابتسمي ابتسامة كبيرة. بقاو يعطوني الاوامر حتا وصلت عند مولاي السلطان لمفرشخ في العرش ديالو قولو سلطان زمانو ونظراتو مركزة معايا وطالق ابتسامة دوب ثلج بزز مخرجها تقولو غادي تهين رجولتو
داوني نكافات نجلس كملكة الى جوار سلطاني
غير جلست حسيت براحة كبيرة مكرهتش نحيذ لحذاء بففف
اما هو فمر كز فلعرس خصوصا مني جاو عبيدات الرما غير شافوهم ناضو لبنات ورجال ولعيالات يشطح بلا وعي انه لهوايش اما انا فمقابلا سلطاني مكرهتش نوض نرقص معاه تحت انضار لجميع
شي مقابل شي سبحان الله اما وصال فمقابلة منير لي جا فابهى حلة لابس كوستيم كلاص شعرو مرجعو لور ولحيتو مقادها مزيان وصابغها شوية بلكري بسبب الشيب لناض فيها
واوقف مع مر يا لعينها عل نوسيماء وكتموت بلغير ة
كفاش هاذ برهوشة خطفات ليها جبيبها ناصر وجالس معاها فلكوشة ومبتسم كتحس بدمها تغلي مكرهتش دير فضيحة لكن هي لغادي تخسر
اما مراد فمرة. مرة تخطف نظرة. فوصال بلا متحس وهي كذالك كتشو ف فيه من لتحت لتحت ههه الحب
جا موعد للعر وسة تبدل مشات تلبس اللباس التقليدي ثم اللبسة بيضاء وتقطيع كيك
مريا : دبا قولي هاذي حسن مني علاش فضلها علي لا زين لا فصالة برهوشة صافي
مراد.: اوا راك عارفا غادي جي واحد نهار وغادي تزوج سبري تزوجتي تنتي. وتهناي من هاذ لمر ض
مريا : مستحيل نفكر فغيرو ولل يكون لغيري هانت غادي تشوف الا مرجع لي ههه
مراد: مديري تتصرف تندمي عليه ضحكي لل يقولو حسدات لبنت ويبداو يشكو
مريا :( والضحكة المصطنعة)...هانا بففف نمشي نبارك لخالتي ووصال خلاتو ووقفات عل وصال وامها
مريا : خالتي مبروك عليكم عقوبة لوصال
وصال :( بخجل ) انشاء الله
ليلى : انت لولا ابنتي بغنا نفرحو بيك
مريا :( فنفسها علاش لا مع ناصر وخا نكو ن زوجة ثانية .....)
لبسات نوسيماء جميع لاباسي التقليدية ها الشلحة هالامازيغية هالشمالية هالصحراوية باختصار. درت عل جميع مناطق المغرب بردت غدايدي لبنت كتزوج مرة واحدة فالعمى ...ناصر تقهر بنكافة طلعات ليه الدم كثر منوعدي كل ساعة تقول لينا نديرو شي بوز
وجا موعد لبسة الاخيرة لي هي لبسة لبيضة لي درتها افازي عريانة من الصدر قليلا
ناصر لبس لبسة رجولية ج تهبل بكل متحمله من معنى الصراحة هو زوين علي بزاف فلا وجه للمقارنة بيني وبينه ......قطعنا الحلوة تحت انظار. لبنات لغادي ياكلوني ...شوية كتبان لي بنت فاو اخر عشرينات شهبة عينها زوينين طايتها غزالة لابسا قفكان حمر فيه فتحا ت من لحوانب تال ركبة شعرها مخلياه مطلوق قر بات منا وهي كتبتسم

مريا : (،باست. ناصر فخدو. وخلاتتي كنشوف من وقاحتها )
مبروك اناصر فرحت ليك مبروك امدام فر حت ليك تنتي
انا :(،بضحكة بار دة ) شكر ا
جا وقت لوداع رغم قسوتها معايا وجفاء مشاعرها الا اني مقدراش عل فراقها غير جات تبارك لي وتوصي ناصر علي اجهشت فالبكاء
صفاء: صافي ابنتي غادي تبكني تانا معاك غادي نجي نشو فك بزاف
انا ( وعيني مدمعا) بصح
حسن : بصح ابنتي ناصر تهلا فيها اولدي رها امانة عندك .
ناصر ؛ كون هاني اعمي بنتك في والصون
لبطلة ديالنا ودعات اهلها امها وباها بالبكاء الحار
كانت فعلا لحظة مؤثرة
اتحهات مع ناصر نحو اوطيل

شدينا الطريق وناصر هو لسايق وانا كنحس بغمامة عل قلبي وحزن طاغي عل رو حي
والاحاسيس تجمعو علي بين ياس و حزن وخوف تجمعو علي وفاضو. دموعي حتا تجلخت وليت لوحة فنية مضحكة شافني ناصر بطرف لعين شداتو الضحكة مد لي كننكس
انا :( شفت فيه باستغراب هو يمد لي لمراية نشوف وجهي غير خديت لمرايا وانا نتصدم )
محسيت براسي تا داتني عيني حتا حسيت بناصر تفيقني حليت عيني بتثاقل كنشوف ناصر تشوف في بدون تعابير وتدوي بعينيه زعما وصلنا
مشا يجيب شوانط اما انا فهبطت من لو طو وتقابلت مع لوطيل لضخم شافونا شي خدم جاو خداو. من عند نلصر لكسوة تبعهم داخل اوطيل اما انا حيدت حداء ديالي وهزيت غوب وتميت تابعاه ولكسوة كببرة علي معرفتش شكون لي لابس اخور ههع حتا وصلنا داخل اوطيل
مشا ناصر يخلص وانا بقيت مراقباه و كنحس اني فعلا وليت امر اة مبقتش بنت مراهقة حتا احاسيس تغيرو بزاف عل لي قبل بقيت شاردة وكنحس بالبرودة طالعا معايا وانا كنفكر اني غادي نسلمو. راسي و انا ليوم نفدي فيه لقديم وجديد
دخلنا للغرفة تبعونا لخدم بشوانط ماشي شقة هاذي بل قو لو شقة كبيرة منظمة بزاف فيها باينة مديورة خصيصا للعرسان فبها سرير كبير مقابلا معاه بلازما كبيرة وفجنبو صالو ن اورووبي عصري وبالكو كبير فيه فطويات صغار وطابلة صغيرة الا بغا لواحد يشرب شاي ولا يقرا شي جريد.ة والمنظر تطل عل واحد جردة كبيرة منظر يشرح النفس
ناصر دخل لاح فيستا ديالو. و دخل يدوش اما انا فبقيت مرفوعة معر فش اش ندير نبدل دبا ولا تيخرج هو ولا اش ندير
عقلي تدي ويجيب
نوسيماء. متوثريش هو راجلك وحلالك تبار ك الله راك مثقفة وعارفة امر اة كفاش تخلي راجلها يموت علها تسنا يه يخر ج ودخلي دوشي ودهني لخمك وخرجي عندو
شوية وانا جالسا عل نار متكية فوق السرير. حتا سمعت لباب تحل وشوية خرج ناصر لابس غير سروال سيرفيط ولفوقاني عر يان هاز معاه فوطة تتشف شعرو
شاف في وقال
ناصر : غادي تبقاي بكسوتك مغاديش تدةشي
انا :( منشوف فداك العضلات حتا فيقني بسؤالو تضت بحال مستوهة معارفا اش لبس .
حليت شانطا من كثرة توثر. والاعصاب كنحس بايدي كترعد ابوحدها هز يت اول شوميز حطات ادي عليه هزيتو ودخلت ندوش
حليت لماء وتخشيت فلبانيو. كنتبر د بالما لبارد عسا نطفا ونبرد شوية من كثر ة التوثر.
بقيت شحال وانا فلبانيو استحليت الماء لبارد حتا ارتاحيت شوية ونضت جهزت راسي غسلت بكاع باندوش لتما تولات في ريحة زوينة. ودهنت لحمي بواحد مرطب ديال فر يز تخلي لحمك رطب و جبدت داك.شوميز كحل معاه سترينغ ديالو عريان من صدر وقصير
تقابلات مع لمرايا عجبني راسي وخا نحيفة شوية طلقت الشعر ولحت خوف ورايا باش هاذ ليلة دوز هي هاذيك..

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.