خرحات بطلتنا قدامهم لكن لسوء لحظ كان النعاس غلبهم او ربي عماهم عليها .....حلات لباب وخرجات وعينها مفكصين فبلاصة واحدة مكتشوف لا يمين لل يسار فكرة واحدة لعندها هي تخرج من هاذ لفيلا وتختار طريقها لتولامها
كتمشا في الشوارع بحال لمجنونة عقلها فحالة ركود جوج كلمات تدورو فبالها
انا عاهرة مبغاني حد .....انا موسخة.....كلشي خلاني .....كتبكي بحرقة وكتمشا
حافيانة مشعكة ..... وجهها فيها قماشي صغار من اثار الضرب عل وجهها
غدا فالشارع شعرها تتطاير فالهواء ورجليها ولاو حالتهم حالة من خشونة الارض لغدا عليها ومن الاحجار لتجرحو ليها رجيلاتها الصغار
هاذشي كلو مهمهاش كثر مهمها راسها وكرامتها لتهانت تحت مسميات الحب والعشق
سرحانة كتفكر في راجلها والعذاب لدوزو عليها وبعد هاذ الممارسات النفسية كاملة علها مبردش قلبو علها زاد قسا قلبو علها وطعنها فانوثثها ومصداقيتها كامراة
شكون هاذي لي تصبر عل خيانة راجلها لي وهي كتشوف بعينها انو عايش الحب والسعادة مع امراة اخر ى. لا هي قادرا تمنعو ولا ترحعو لحضنها
غدا فهاذ ليل المظلم مخليا حياتها ور اها.... ماضيها...... مراهقتها .... والديها ..... كلشي خلاتو لتهمها هو تنتقم من ناصر ....عائلاتها.....نفسها..... مهم بغا تنتقم ونسات انها كتنتقم غير من نفسها خرحات للشارع بلاصة الافاعي و الد ئاب
آه يانوسيماء مزال صغيرة ومزال عقلك مشرب عقلو مزال موصلت لمرحلة النضوج الفكري الكامل
مزال معارفا والو عل العهر الحقيقي والدياب الحقيقيين وعصابات الدعارة مزال معرفت شنو هو الحرام ديال بصح مز ال غشيمة
كتشوف بدقة الشوارع الخالية من البشر. ..... حركة السير الشبه منعدمة ....
الهدوء يعم المكان..... فقط هي كتمشا فهاذ الشوارع الكبيرة
فجاة دو ن سابق انذار خرجو فيها شي ثعالب سكرانين .....شافتهم عاد رجعات شوية لوعيها ولخوف تملكها شوية وبدات تبعد علهم وهو تضحكو بصوت عالي صوت مبحوح من اثر الشرب
رجال : اخخخ واخيرا لقنا وجبة اجي عندنا ازين ونبرعوك
انا :( بخوف) عفاكم بعدو مني
رحال : هههع وانت شوف عاهرة مسخة اجي ونخلصك والله
راحل لي معاه : اش نخلصوها هاذي مولفة زنلقي نعطوها غير كاس واحد وتزهى معانا
( بداو يضحكو بصوت عالي
(،وتمو غادين ليها وهما تتعوجو فالطريق مرة يمشو يمين مر ة يسار مقادين يوقفو تا عل رجليهم من اثر الكحول تقربو ليها وتشوفو فيها بشهوة. وهي خايفة بزاف غير بغاو. ينقضو علها دفعاتهم بحهد وطلقاتها بواحد الجرية
دفعتهم وضربتها بجرية وانا مايتة بالخلعة خصوصا مني كنتفكر شكلهم لتخلع ولا ريحة الشراب لخانزة لكتنبعث من افواههم ولا نظراتهم المخيفة غير بعدت عليهم
وقفت وانا كنهج وكنشو ف ور ايا واش تابعني شي حد
تملقيت حد عاد ارتاحيت
وكملت مسير يتي وانا.خايفة ليخرج لي كلاب اخرين بقيت كنتمشا ببطئ و كنتخبا مرة مرة تكنحس بان الطريق امنة عاد نكمل مسيرتي
دزت من حدا واحد لبار لقيت الدنيا نايضة تما اصوات لموسيقى والنغمات العاهرة ...والراقصات المميلات ...تقدمت نحو لمكان ورجل كتقدم ورجل كتوخر .....كنحاول نتقدم كان شيء يشدني ويمنعني من الاقتراب دقات قلبي كتسارع كنتسائل ترى فين غدا؟؟؟ وعلاش خر جت هنا اصلا ؟؟؟؟ واش هاذي هي الطريق الملائمة لي .... معرفتش انا حايرة بزاف لكن خاصني نتقدم من هاذ العافية حسن من لعافية لعايشة فيها ......بعدت شوية
ورجعات بي ذاكرتي شي ساعات قبل .....تفكرت مريا وناصر ....نزلو لي شي دموع حرقوني فقلبي وعيني مسحتهم وكملت طريقي المجهول .....مبقات تحاجة تستاهل نرجع عل قبلها ... كملت طر يقي.... تبانت لي واحد الجردة قلت نرتاح فيها شوية وفعلا مشيت جلست فيها وانا فقرارة نفسي قررت نخلي كلشي ورايا صافي مبقتش قادرة عل العذاب ونكون ديما انا هي لمظلومة ....هاذ لمرة مغاديش نعطوهم فر صة يلعبو بمشاعري
بقيت نفكر. اي طريق نتبع واش رحع بحالي ورحع لذل ناصر وضعف قلبي ولا نتبع طريق لعهر ونعيش كيف بغيت بلاوهم ولا نكد ولا تانيب الضمير ...
معرفتش شحال بقيت حايرة. ..... حتا وقفات علي مر اة كبيرة شوية لابسا فستان طويل معري من الصدر ودايرا عليه شال شعرها مقطعاه كوب كاغصون ....هازا صاك فاديها وقفات علي وهي مبتسمة وانا نبادلها نفس ابتسامتها
المراة : سلام ممكن نجلس معاك
انا : وي
المراة : انا نادية كنت دايزة وانت تباني لي جالسة بوحدك استغربت كفاش مخايفاش ودنيا خايبا واي لحظة يقدر يجي ليك شي كلب
انا: معندي تحل لما زنقة ولا دار
المرا ة ؛علاش ابنتي واش معندك عائلة
انا : لا عندي ولكن .....
المراة : عاودلي متعرفي نقدر نساعدك ولا نتصلو بيهم
انا :( كنت محتاجة لنعاود ليه وعاودت ليها من الالف الى ياء وهي بقات تشوف في ومركزة معايا تكملت .
المراة : صعيبة ابنتي حرام عليهم ودبا اش غادي ديري مع راجلك
انا : والوو غادي طلقني اصلا مستحيل نرجع ليه ولا نرجع لدارنا لقتتي كنفكر اشمن طريق نتبع اهئ اهئ
المراة : صافي ابنتي قطعت قلبي يالله معايا للدار
انا :( بخوف )،لا الله يكثر خيرك بلا منثقل عليك غادي نبات هنا تيصبح لحال .
نزلات من السيارة انا تبعتها ووقفت قدام موبل كنشوف عدد الطبقات لبانت لي كثيرة نوعا ما بخلاف الازقة الهاي
بعد مركنات سيارتها فو احد لقنت انضمات لي
نادية: يلا تفضلي معايا بلا متخلعي ابنتي
انا : ( بادلتها الابتسامة وطلعنا فالمصعد نيشان الى الشقة الخامسة عاد وقق)
اتجهنا نحو شقتها حلات لباب وحنا ندخلو
شقة صغيرة ماشي كبيرة يعني قد غرفة نومي ...الاثاث ماشي عصري ....الصالون صغير فيه طلاماط عادييين او اقل من لعاديين ... ...غرفة نوم قولو فيه جوج غرف نوم محهزة مزيان والاضاءة فيها حمراء ومزينة بالورود .....استغربت من. جوج غرف لكن وانا مالي
اما مطبخ صغير شوية بلا شرفة ولا نوافذ
الشقة كاملة مفهاش شرفة مجرد نوافد صغيرة ..
نادية ..: اهلين بنتي مرخبا بيك عندي نور تي
انا : شكرا محنتك غذا نشوف فين نمشي
نادية : لا اعتبري دار دارك خودي لبيت لبغتي ارتاحي فيه وصباح يحلو كلام
انا : شكرا
( اتحهت لواحد لغرفة اتحهت للسرير ديركت حطيت راسي عل مخدة وعيني كتشوف فالسقف وغمضت واستسلمت للنو م بلا تفكير في غدا ولا بعدو
فقت عل صوت قهقهات نسائية جريئة.
حليت عيني بهلع ونضت من سريري وانا كنتبع مصدر هاته الاصوات .....بقيت غدا حتا وصلت المصدر ان الصالون حيث تجلس ثلاث نساء مختلفات بين السمراء و البيضاء والشقراء
لابسين لباس فاضح عبارة عن شو ميزات قصيرة ومخدمين الموسيقا وترقصو بمياعة وانا كنشوف فيهم مستغربة من هاذ لحو لاول مرة نشوفو ....وهما مردينش لي بال كاني حشرة هههع حتا وقفات علبهم مدام نادية
نادية :( مشات وقفات موسيقى )لبنات نقدم ليكم نووسيماء ضيفتنا
لبنات:( هزو عينهم في وتطلعو في باحتقار ) مممم هاذي هي الحديدة
نادية : حفل خطو بة وبغتكم تكونو جاهزات وغادي كونو ناس هاي وراكم عارفين ناس ديالنا تبغو السلعة تكون جديدة
نسرين : كوني هانية اعتبري ليلة تدوز من داكشي يلل البنات تفطرو
( مشيت معاهم لمطبخ لصغير لفيه طابلة صغورة جلسنا تما. وخطات نادية لفطور لعبارة عن اتاي وخبز وبيض وكلشير وزبدة وجلسنا نفطرو من بعد ناضو لبنات جهز و. لوازم لحمام وخر جت معاهم واحد حمام قريب من الدار تحمحمت معاهم ودهنت تانا لحمي بداكشي لي تدهنو بيه وخرجنا ... مشنا لواحد صالون مقابل مع لحمام غمزو لبنت بعينهم طالعاتني لفوق حيدات لي زغب من جسدي كامل بليزر توليت كنشعل عاد نزلت لقتهم هما صيبو شعرهم وجلسو تتسناو في تصففات لي شعري وقدات لي خجباني وخرجنا في اتحاه الشقة
دخلنا كل واحدة طاحت فصداري من كثرة عيا .....بقنا شوية عاد ناضت واحدة من. لبنات جهزات اتاي وجبتو حطاتو وجلسو لبنات تدوو كلام مفهكتوش وشعلو كاسيط وجلسو يرقصو عليه
غير سمعت كلامهم بقيت غدا بالوراء و دايرة ادي عل فمي ليسمعو انيني وبكائي
هاذو لتتسمو بلا شرف عاهرات ديال بصح
كفاش تقت فيها فلحظة ضعف وهي ستغلات هاذ النقطة ....اش طرا فبني الانسان تتحول الى هذا الجشع ....وهاته الانانية. ..
بقيت راجعا بلور مصدومة بقيت غدا غدا حتا وصلت للصالو ن وبالضبط وقفت حتا واحد لفاز تطيحتو عاد وعيت حليت لباب ونزلت كنجري.... بغيت نهبط لكن يقدرو يلحقو علي بسهولة ....احسن حال هو طلعت فالمصعد لي لقت واحد الراجل دغيا نزل منو من حسن حظي ...
نادية ولبنات غير سمعو لحس خر جو يتجارو. مشاو لبتها ملقاوهاش
نادية : هبطو جيبوها لي مترجعوش بلا بها بنت حرام بغات ديرها بي والله لكانت ليها
هبططططططططوووو جيبوها
لبنات هبطو يتجارو تابعنها
هي غير وقف المصعد خرجات تجري وتهرب من هاذ النحس لتابعها وهاذ الظلام لبغا يخليها اسيرة ليه مدى الحياة
دخلات وسط الشانطي وطنوبيلات تجرو بلا عقل وهي كتجري معاهم و هربانة من لبنات لملحقنها وعيونهم فهم شر ...بسيف هي ورقة رابحة بالنسية ليهم كتسوا ملايين ....وغادي تباع بمليارات
كتجري وكتشوف دوك لفعات لملاحقنها .....مبقا تهمها لا حياة ....لا موت ....كاع لتهمها انها تبعد من داك لعالم .....تمشي بعيد.....بغات لخلاص .....ديالها .....بغات ترتاح من شر البشر ....ووانانيتو
دعات الله فرسرها ينجها من هاذ لورطة لورطات راسها فيها ......دعاتو يبعدها من هاذ الكلاب الضالة لملحقنها ورافضين الاستسلام ....
دارات لقاتهم ووراها وهي لقدام وبيناتهم مسافة كبيرة زادت فسرعتها حتا خرحات من تلك الضوضاء
ضعت كثر ماانا ضايعة وهاذ لمرة كثر ...كنحس براسي كنجري من ورا سراب تضيعني....معرفتش اشمن طريق نسلك .....محتاجة لايد تتمد لي وانا فوسط هاذ العتمة ....
عيت من هاذشي كلشي بغيت انرتاح ونهتنا ....بغيت نلقا سعادتي بغيت نتخطا هاذ،لعذاب كامل
بقيت نجري ونبكي معارفاش اشمن طريق نسلك
واش الا رجعت لدارنا يقبلوني عندهم اكيد واش الا لل غادي قولي لي الغلط مني
واش الا تهنيت من هاذ نفس يقدر ربي يقبلني و يغفر لي كاع دنوبي معرفتش ....اشمن طريق نسلك .
تبانو لي جوج طرق اي واحد نسلك واحد فيه خلاصي واحد فيه موتي
بقيت نجري بلا عقل حتا لمحتو ....اه لمحتو .....لمحت النور لغادي نور حياتي ....لمحت خلاصي
بقيت نقرب بشوية لداك الضوء بخطى خائفة .....ولهفة واشتياق
قربت منو. ووقفت كنشوف فيه مقدرتش ندخل ليه ...مقدرتش كنحس براسي منقياش ....ر بي غاضب علي .....ربي غاضب غلي
كنمس الجامع بايدي و كنبكي بمرارة
ربي هانا جيت عندك بعد ما كاع لبيبان تسدو فوجهي اهئ اهئ
عفاك اربي غفر لي وتوب علي وشوف من حالي متغضبش علي متحملنيش ما لا طاقة لا .....ربي را اخترت قربك واخترت وصالك ......بعدت عليك واخترت طريق الشيطان ...لكن دبا بغيت نتوب عل اخطائي بغيت نرجع لصوابي ....
( شوية تحل لباب وخرج منو واحد النور كنحل عيني بصعوبة من شدة الاشعة ..كنحل عيني و نسدها عاد بانت لي واحد للمراة تكون كبيرة لابسا نقاب حلات باب الحامع وكتشوف في )
انا :( كنمسح دموعي وكنحاول نوض من الارض ونبعد من هنا ....يلا تمشيت شي خطوات بعاد. وهي تنطق
المراة : الله عمرو. مترفض توبة عبد من عباده ماشي حشومة ت وقفي امام جامع تشكي لخالقك ومتدخليش صلي ركتين طلبي الله وتشكي ليه
انا:( كنمسح دموعي بايدي ممصددقاش ان ربي يقدر يغفر لي ويقبلني عندو )
يصح ربي يقدر يسمخلي عل كاع دنوبي
المراة :( ابتسمات ) اه اكيد مرحبا. بيك في بيت الله دخلي توضاي بعدا وصلي
انا :( بلهفة محاوبتهاش دخلت دركت لمكان الوضوء، توضيت وخرجت
خرجت عند انتابهت لشعري عريان ولبسي ماشي واسع رغم ان لابسا غير بيحامة وخا ممعرياش
بقيت كندور عيني فجامع لكبير بزاف ونقي فيه زرابي كبار وخزانات مزينين بالقران الكريم وفي واحد الجهة معلقين جي جلابيب وشلات للصلاة .
فرحت بزاف لمتحرمتش من صللتي
مااكرمك يالله حتا المتبرجات متحرموش من عطفك ورحمتك رغم عصيانهم وعدم اتباعهم اوامرك الا انك مرحب بتوبتهم فاي وقت
لبست الجلابة ودرت زيف ونويت الصلاة وهاذ لمرة من قلبي الخالص ...
بديت نصلي معرفتش اش طرا لي واحد احساس فشكل اول مر ة نحسو .....حسيت بالطمانينة والسكينة.... دموعي انهمرو لي بغزارة
كملت صلاتي وهزيت ادي للسما كندعي وكنبكي بالم كندعي الله يسمح بي ويوقف معايا ويثبني عل ديني ويغلبني عل نفسي وعل شيطاني
بكيت بحالا عمرني بكيت لكن هاذ لمرة غير ....هاذ لمرة بكيت و من وراها ارتحيت شوية ارتحيت نفسيا مبقيتش خايرة دايخا ...كنحس اني لقيت ملاذي وخلاصي ...لقيت سكينتي
سبحان الله حنا اغبياء النور تكون حدانا و كندورو فحلقة مبهمة
مسحت دمو عي بغيت نوض وهي تجي تلك لمراة جلسات حدايا وتربعات
المراة : شوية دبا ارتاحيتي
انا : الحمد لله الله يجازيك بخير درتي في هاذ الخير
المراة : انا مدرت والو هذا مكان لجميع انا اسمي عائشة مكلفة بتنظيم المسجد يلا نظفت لمكان. وجيت بغيت نخرج وسمعت انينك لكن مبغتش نحل حتا تسالي
انا :( تنهدت ) اه كنت موضرا بزاف معرفتش اشمن طريق نسلك لكن دبا لقيت سلاكي ولقيت حبيبي عمرني ظنيت اني نقدر نرتاخ ونشوف الدنيا بهاذ التفائل و متاكدة ان لي خالق حامني وانا دوري خاصني نطيعو
عائشة : مزيان ابنتي الله يثبتك عل ديننا
انا : امين
عائشى : هاذ لمكان مخصص لجميع عباد الله وانت مرحبا بيك فاي وقت خصوصا من ورا لعصر اخوات تعطو دروس والل بغتي تعلمي. تجودي
انا :(بفرحة ) شكرا نجي اكيد نخليك
عائشة : تسناي نمشي معاك دنيا خايبا هنا ورا لعشا
انا : اه بصح
خرجت معاها وبقيت نشوف فيها ومرة فالشارع
حيث فعلا مبقتش عاقلة عل الفيلا ديال وصال تلفت و نسيت اني خرجت بلا منقول ليهم والو كون خالتي قالبا الدنيا عليهم
اتا : عندك شي تلفون سمحلي غادي نعدبك
عائشة : عادي ابنتي هاكي اتصلي بوالدك وطمننهم عليك
انا :شكرا
خديت من عندها التلفون اتصلات بوصال باش تجي ديني للفيلا
واخيرا وصلت لفيلا لمكان لخديت فيه اكبر. صدمة فحياتي ولمكان لغادي نبدا فيه حياة جديدة
هزيت راسي فالسما لكبيرة الصافية وتبسمت بشكل ارادي و دعيت الله يعاوني ويوقف معايا لاني حاليا معندي غيرو
دخلت لداخل لفيلا وانا في شوية لخلعة وخايفة من تصرف خالتي معايا
غير دخلت بانت لي خالتي واقفا فالباب مربعا ادها ومخنزرة وماما حالسا فالصالون وعينها غادي خرج منهم شر ار عرفت لقضية اسوء مما ظننت
ليلة ولا فالاحلام عشت مغامرات وتعتقت ورجعت نوسيماء جديدة ..... غادي نرحع اقوى من اول منبقاش نخلي مشاكل وازمات تغلب علي ....من اليوم غادي تولد انثى قوية وهذا وعد مني ...وانت يناصر وياموني لكلبة غادي دفعو الثمن غالي وعد مني
فقت الصباح عل اذان صلاة الفجر. اول مر ة مند اتيت الى هذا الكوكب نوض نصلي الفجر رغم محاولات عديدة من نفسي الٱمرة بالسوء بان ارجع واغض فنوم عميق ...استعدت بالله من الشيطان الرجيم
هزيت المصحف بقيت نقرا ايات من الذكر الحكيم تصبح الحال .... عاد نضت نبقشش فحوايجي نقلب فالشلات بان لي واحد الشال جبدتو
وتقابلت مع لمرايا نحاول نتعلم الشدات
جربت واحد الشدة عجباتتي لكن نفسي الامرة بالسوء كتهاجمني بشراسة
شوفي كيف خيابيتي اشبغتي شي زيف ...شوفي مرية كيف دايرة ....واش ناصر غادي تخليه يبغك هكا ....لا اكيد ....حيديه وتزوقي مع راسك وخرجي وعيشي
( بقيت نشوف فراسي فالمراة شحال عاد استعدت بالله من الشيطان الرجيم
جمعت شالي تنبغي نمشي شي قنت
لبست بيجامة بيتية وهبطت لكوزينة لقيت المراة سمتها ميلودة هي المسؤولة عن الطبخ
انا : السلام عفاك ديري بي واحد كاس قهوة
ميلودة : وخا امدام
انا :( ضحكت فنفسي اصغر مدام مدات لي كاس لقهوة وجلست نفطر بهدوء حتا وقفات علي صكعة الايام )
وصال : صباح نور اش مفيقك
انا : لفياق بكري بالذهب مشري
وصال: ههههه ميلودة واحد كاس ليمون عفاك
انا : بغتي تركزي بديتي لقرايا
وصال: اه متفكرنيش شوفي كنبان زوينة ياك
انا :( كنشوف فيها من نيتي....) اه بزاف مالك مكتشوفيش راسك فلمرايا
وصال : كنشوف ولكن كنبان برهوشة ياك يخخخ
انا : اتيلي انت مالك
وصال : بففق منير
انا : مالو قاليك شخاحة
وصال : ولا غادي حي لافاك يعطنا شي دروس مرة مرة يخخخ واش عندي شي امل زعما يبغني ويتقبلني وحتا لتقبلني خويا محال يقبل
انا : هههه اوا اتبقاي تندبي حظك ديري شي محاولة
وصال : لا منقدرش غير توقف علي كنولي نعرك ونشف غير سكتي نخليك هانا غدا نجي نعاود ليك
انا : وخا الله عوين
وصال تمات خارجا تصطحات مع امها باستها وخرجات تجري خلاتنا كنضحكو عليها
ليلى: صباح لخير
انا : صباح لخير خالتي
ليلى: صفا بعدا مبغتش ندوي معاك لبارح تتولي شوية
انا : ( تخلعت من هدر اتها يكما ولدها قالها شخاجة)
نعام اخالتي
ليلى: تصرف لدرت غلط منبغيكش تخرجي بلا متاخدي اذن انت خرجت وخلتنا مخلوعين. عليك ومعرفناك فين زدتي وتلفونك خلتيه تصوري كون كان ناصر كون وحلتي فمشكلة كبيرة معاه
انا :( كلامها عل صح) سمحلي غير كنت معصبة مكنعرفش اش ندير
ليلى: را عرفت تكشي علاش دوزتها ليك مرة اخرى غادي ناخد تصرف اخور
انا : وخا خالتي منبقاش نعاود
ليلى : او كي اوا مالك ولدي معاك شنو سبب لخلاك تنهاري متقوليش لي ساعة لله لانا الحالة لكنت فيها ماشي عادية
انا :( معرفت منقول ليها ) مكنعرفش نتعامل معاه
ليلى: وهذا سبب هههع عرفتك مغاديش تعاودي ومبغتيش تفتحي لي قلبك متعرفي نقدر نساعدك
انا : خالتي بغيت نطلق
ليلى:( حلات فمها ولسانها وعينها من اثر الصدمة) اويلي عمرك منطقت لعيب ونطقت هاذ كلمة لكبيرة اي مشكل عندو حل
انا : اهئ اهئ لا ولدك معندو حل تكرهني وتبغي واخدة اخرى
ناصر ؛ ( معتدل فجلستو لابس طقم رجولي انيق مع حداء لامع حاط رجل عل رجل وهاز سيكارو فادي تشوف فالموظفين بكل غضب .بعد العمل لكلفهم بيه وفشلو انهم يكملوه فالوقت وهو اعدى حاجة عندو هو مخالفة اوامرو
بطل قصتنا. ناصر الملقب بالشخص لمترحمش البارد عاطفيا ..... معندوش مشاعر ولا احاسيس ....خياتو هي المصارعة والخدمة في شركة باه ..... خدم بليل ونهار حتا دار شركات صغرى فشي دول اورروبية تابعة لشركة باه باش اسمهم يتعرف حتا فالسوق الاوروبي
خلا مشاكل وراه وخلا مرتو ثائرة وجا لبلاد المهجر من جاه تلفون من شريكو باش يجي يوقف عل الشركة حيث مايكال عندو خدمة فباريس
مكان عليه غير يجي ويجيب معاه مريا غير سمعاتو غادي غيب بزاف بقات تبكي وتنوح علي باش يديها معاه حيث مسكينة غادي توضر الا خلاها بوحدها هههه
ناصر :؛امتا مايكال غادي رحع
مريا : يمكن شهر جاي
ناصر : مزيان باش نديرو افتتاح عما قريب كنظن كلشي جاهز خاص غير نديرو الاشهار. للشركة فالصحافة وحتا فالانترنيت باش الزبناء يتوافدو علينا
رشيد : موسيو ناصر انا غادي نتكلف ونقلب عل الوجه الاعلاني لغادي نديروه في اشهارنا
مريا : فكرة شنو باليكم نكون انا الوجه الاعلامي
رشيد : ولكن امريا حنا بغنا وجه يكون صغير شوية
مريا :( تقارصات وبقات تعوج فمها )
ناصر : اوكي ارشيد تكلف باش نكملو شغلنا نرجعو
رشيد : كون هاني اموسيو
سمحولي كنعتذر خرج وتبعوه الموظفين وخلا ناصر جالسةمع مريا لكتاكل فظفارها
مريا شتي اناصر اش تقول خاصك ترفدو كفاش يتجرا ويقول لي حنا بغنا بنت صغيرة شتي حشيان لهدرة
ناصر:( مطلع حاجب وتخنزر فيها ) قال ليك بغنا واحدة صغيرة ماشي انت شرفت مريا ممكن تخليني نخدم عفاك
مر يا : ناصر مالك واش انا مثقلة عليك مني جنا وانت معصب حتا نعاس كتنعس معايا بزز اش كاين
نلصر : مريا خليني بوحدي عفاك من بعد وندوو
مريا :(بغضب )،وخا اناصر هانا،مشيت
(خرجات وردخات لباب )
دازات اشهر علي تبدلو شلا امور بديت دراسة انطلاقا من منازلهم يعني نحضر غير فالامتحانات فقط خالتي وقفات معايا وشجعاتني كنت محتاجة غير شوية تشجيع ولقتو فخالتي وخا مرة مرة كنعصبها وكدور في هههه وحتا نفسيتي استقرات شوية ....رحعت احسن من دي قبل.. علاقتي بعائلتي شوية تحسنات وخا لقسوة لقساو علي الا انهم تظلو واالدي لي لرباوني ....وخا باقي واحد لحاجز بيني وبين ماما لكن ملومهاش يمكن خوفها علي كثر من لقياس تحول الى ضغط كبير ظنات ان زواح يحميني من مجتمعي لكن زواج دمرني كثر ماانا مدمرة
✍✍✍✍✍
التوبة ومادراكم مالتوبة هاذ الكلمة الجميلة كتنطقها كتحسي براحة لل مثيل لها لكن واش التوبة بسهولة كتوصلي ليها بلا متعادي توقعي فالمعصيى من جديد ؟؟؟؟
واش التوبة تقدر تعطيك داك السلام الداخلي بمحرد تنوي توبي ؟؟؟واش بهاذ السهولة ترجعي انسانة تائبة بلا عداب ولا حزن
اكيد لا والف لا طريق التوبة طريق طويل عامر اشواك وعامر. جهاد........
اتذكر لما كنت اعيش فمعصيتي المجموع فيها تبرجي تدخيني ....كدبي عل اهلي....لبس العري ....عادتي اللعينة كنت كنتمنا نتوب وكنت كنحاول مئة مرة نتوب الى الله ونترك هاذ الحياة المظلمة لكن كنت كنفشل بسهولة ونفسي كتغلب علي وكنرضي شيطاني ونطيح فلمعصية ....معصية وراء معصية القلب تتقفل من كثرة الدنوب وانعدام التوبة واللاستغفار و تولي القلب قاصح بزاف .....وانا فهاذ لعذاب ظنيت ان الجحيم هو جحيم انك تستسلمي لشيطانك وتطيحي فالمعصية ...كنت مخطئة بزاف و تصورت الجحيم هو شو ية ندم على جوج دميعات لكن مني وقعت فالعداب الاكبر. و الجحيم الاصغر عررفت ماهو الجحيم الحقيقي و. جحيم جهنم
يما ليالي فقت مخلوعة مني كنتفكر دنوبي ونبكي عل ضياعي ونخاف نرجع للمعصية من جديد كنوض نبكي و نستغفر الله الاف مرات باش يعاو ني ويثبني.........
يما ليالي كنتعدب وكنتصارع مع نفسي الشريرة وشيطاني تعلنو علي الحرب الشرشة وانا ضعيفة لا املك سوى ايماني وصلاتي وقراني ......
كنبكي بغزارة و بالم مبغتش نرجع للدنب مرة اخرى مبغتش نعصا الله ويغضب علي
كنحس ان النار شاعلة في ودقات قلبي كتصارع كاني اواجه جميع قوى. الشر. كاني فحرب مع الشيطان لي تستخدم جميع طاقتو باش يرجعني للمعصية
وكل مالمساوس كتزداد وانا كنحاول نجاهد اه نجاهد وكاين اصعب من الجهاد الاكبر
فالجهاد أربع مراتِب : جهاد النفس ، وجهاد الشياطين ، وجهاد الكفار ، وجهاد المنافقين .
الاحساس صعيب كانك جالسا عل الشوك كنضغط عل نفسي و نحارب شيطاني ونربي نفسي و نوض نتوضا نصلي وندعي الله ونبكي ونطلبو يغلبني عل اعدائي ونستغفر ونستغفر. عاد نرتاح و الجخبم يتحول الى. جنة فقلبي
شوية كنشوفو خالتي هابطا كتجري وكتدير خطوات كتضحك بحال ديال دراري الصغار والفرحة غادي طير من عينها دازت من حدانا ومشات تجري بقينا نضحكو عليها
بقنا متبعنها حتا وقفات فلباب لفيلا وحنا مستغربين
حتا تشو كت والجرح رجع من جديد.يدق بابي
جاء معذبي .... بنفس الوسامة ونفس القسوة ونفس تخنزيرة معنق مو وتضخك معاها وهي مبغاش طلقو
لكن رراجلي ماشي بوحدو معاه عشيقتو داخلا من وراه اش هاذ لوقاحة شفت تعيت عمرني شفت نساء تذلو راسهم لهاذ الدرجة يفضلو يعيشو فالحرام ويتخباو فيه
بقيت نخنزر فيها لكن رجعت ضحكت مني شفت وصال ناضت تجري مني شافت حبيب القلب منير
فرق السن كبير وخا الحب متامنش بالمسافة ولا سن ولل تقاليد لكن هل العائلة والتقاليد غادي يتقبلو هاذ الحب الطاهر. ولا غادي نبدوه ويقتلو احاسيس هاذ البنت الصغيرة !!!
وصال مشات تجري وقلبها تدق والتوثر باين عليها
حتا وقفات عليهم و ضربتها لخوها بتعنيقة حنينة
وصال : حبيب ديالي توحشتك جبتي لي شي كادو
ناصر :( تجر. ختو حناكها )،وانا نساك اكيد
مراد : ( غادي ياكلها )ممممم وصال لاباس
وصال:(،بخجل) لاباس وانت
مريا : حسن منك اوا خلونا نسلمو عل مدام
ليلى : اه تفضلو هههعع
دخلات مريا وهي كتقلب عل غر يمتها بعينها تشافتها جالسة فوق واحد طابلة ودايرة رجل عل رجل و كتشوف فيهم بنصف عين
لابسا صرفيط فلكري تشورط وسروالها ولايحا تجاكيطا فوقهم باش تستر لخير لخارج ......شعرها طويل دايراه عل شكل ظفيرة طويلة ولايحاه قدامها وكتضحك ضحكات باردات حتا بانو الحنيكات لعكاوها واحد لجمال طبيعي
انا :( كنشوف فيهم وكنضحك و انا محاملاهمش خصوصا هاذ لفعة )
جحيم التوبة الجزء الرابع
محتوى القصة
التنقل بين الأجزاء